#ذنب طاهر الفصل السابع والعشرون 27 - بقلم سمو العراق

#ذنب طاهر...بقلمي..«سموو العراق»😚

البارت..24...

حنون عظم وصفك الهوى المجروح
كروح تنسل من جسد ينوح
من صمت العشق كان الصراخ
أه ...... تقتل داخلنا الأمل
أه ...... تجلب لنا اليأس
صرت أسأل من أنت؟.
أمعلمى أم معلمتك
تركت بابك المفتوح
ليصرخ صمت مكانك
أرحل... لاأريدك

رمشت بعيونها مصدوومه....اءءء شنوو::؟؟

مراد ببتسامه...اعروف خجلتج بس بصراحه حبيت افاتحج بالموضوع قبل لا افاتح اهلي...

عضت شفتها مقهورة...مراد انتظر لازم نحجي؟؟

مراد بااستغراب...نحجي اي شنو نحجي ؟؟

ورود بلعت ريقها بغصه...مراد اني مخطوبه الابن عمي...

مراد بصدمه...شنوو::؟؟ اشوو مكالت ام علاء ولا حتئ ديانا من سئلتها..

ورود بخووف...مراد ابن عمي ناهي عليه واني ملكه
وحتئ قارين فاتحتنه...

مراد بتنهيده...انتي قابله بي لو مجبورة؟؟

ورود بهدوء...لا ممجبورة اني قابله ومنتظرته يعلن هذا الشئ...

مراد بزعل...الله يوفقكم بس بصراحه لو يحبج ماتركج هنا الوحدج وانتي بنيه جان صار محرم الج

ورود بعبرة...احتمال ضروفه تحكمه الله كريم الله يجمعنه...

مراد...ورود فكري بموضوعي يمكن ابن عمج بعد ميرجع او ميعرف مكانج فكري ورود ولا ترفضين..

ورود بنفي...بس...

حط ايده امام وجهه ومنعها من الكلام ...فكري ورود لاتنطين جواب واكدر احاجي ابن عمج وتكونين من نصيبي .....سكتت مجاوبت...اما هوو تركها وراح

ورود بقهر ركضت للمشتمل...عزا بعينج ورود عزة العزاني مصيبه مصيبه شلون اخذ ابن حماي الله لايوفقك جلال شلون مصيبه لا ومصر علئ الزواج

اخذت الموبايل واتصلت بجلال مارد عليها...لك وينك تعال شوف المصيبه ياابو مصطفئ ابن اخوك حاط عينه علئ طليقتك لازم اطلع منا لازم اي بس،يجي اكوله بحجي مراد وخلي يطلعنه منا مااريد يطمع بيه اكثر اووف يامصطفئ يايمه شصار باامك....
************************************
مراد صعد الغرفته وهو مضايق ومقهور سدت الطريق بوجه هي ناهي عليها ابن عمها وين كاعدين راح زمن النهوة من حقها تختار شريك حياتها من حقها تختار الشخص التعيش وياه ومو من حق ابن عمها يربطها بي وهو ميعرف بااي مكان....

مسح وجه بعصبيه...لازم ياورود اخلصج من قيود ابن عمج متلكين مثلي واحد يحبج ويدللج ويعوضج عن جور الايام ....تذكر موقف وياها..

جان بالحمام البرة التابع بالغرف مسبح بغرفته المي مكطوع ولذالك سبح بالحمام الفوك التابع للغرف طلع من الحمام وهو لاف المنشفه علئ خصرة والمنشفه الثانيه ينشف بيها شعرة وصل مقابيل غرفه ديانا وهنه فتحن الباب صار وجهه بوجه صرخت خجلانه وهي تحظن ديانا...

ورود بحظن ديانا وديانا تضحك...ههههه شبيج مو جني هذا مراد طالع من الحمام

ورود ابتعدت عنها وهي تعدل بحجابه وعيونها بالارض ...العفوو اني لازم اروح

ديانا...اوك نروح اني ويااج

نزلت ورود وديانا وياها..ومراد يضحك علئ خجلها يحب الخجوله والتستحي ورود مواصفات فتاة احلامه لكن شائت الاقدار ان تكون ملك عمه...
************************************
حسين جان كاعد بعد ماراحن اخواته ويحس بهدوء مو طبيعي وراحه نفسيه وجسديه...

ام حسين...هااا ولك حسين البارحه رحت للنواصه

حسين...اي يمه رحت وضلت تنوص وص وص وص ولج يمه احبها حليوة ومايعه وتنوص اكو احلئ من هيج..؟؟

ام حسين...جااا انه هم جنت مثل النواصه حلوة وناعمه ونوص وابوك يموت عليه ما جنت اكول غوري جنت اكول قوري بس بعد راحت الثقافه

حسين ناصب عليها...لا يمه ماجنتيي دكولين جااا جنتي دكولين لوعد ههههههههههه

ام حسين بنص عين...تضحك عليه ياابو نواصه
دروح خلي دوهنك نواصتك ام كوسورتني ...ضربته علئ كتفه بقوووة

حسين بعصبيه مصطنعه وهو يمسح كتفه...اووي ام حسوني هاي شنوو كوسورتيني«يقلدها»

ام حسين...ههههههه دكوم كوم مو تريد تسبح

كام وهو يضحك دخل للحمام سبح بسرعه ولف المنشفه علئ خصرة وكوة مثبتها...اهوو هاي شلون ورطه لازم الف علئ خصري تجه يالله تثبت..

خابرته ديانا. ابتسم عليها وفتح خط

وبهيام وحب...هلا بعد عمي هلا بعد خالي شلونج نواصتي؟:

ديانا...هلاوو حياتوو سوسو...

حسين بااستغراب باوع للموبايل سوسو شنوو ؟ معقوله مخابرة اسوو وغلطانه بالرقم...دنوو اني مو اسوو اني حسين

ديانا...اي اعروف حياتوو ،بس اني دا ادلعك سوسو

غمض عيونه وهو يبتسم...ولج ديانا حسستيني جاي تحاجين بزونه..

ديانا بمرح...اي هو انت بزونتي سوسو

حسين...ههههههههههه ولج يابزونه ولج اني عتوي مستوهتر..«يقلده»...دنطيني بوسه بعد خالج

ديانا....هههههه احلئ عوتوي امواااااح وهاي بوسه

حسين...خمطتها...اهووو والله ضجت😡😡

ديانا بخوف...لويش حياتووو؟؟

حسين...هاي المنشفه ضوجتني كل شويه واكعه مااعرف شلون تلبسن التنورة وماتوكع والله ولافها زين...

ديانا...ههههههه البس روب الحمام احسن من المنشفه

حسين...دنوو هم انتي توكع منشفتج..بويه كون توكع كدامي...

ديانا بخجل...اوي عابتلك قليل ادب اكولك حوبي شوكت تلتحوق::؟؟

حسين بتنهيده...اليوم باليل مو التحاق مووت هم تنقهرين اذا متت..؟

ديانا بااستغراب وخوف...انت شدا دكول خوفتني حسين عمرك طويل اني حبيتك لا تخوفني

حسين بضحكه....ههههههههههه اسف حبيبي بس حبيت اشوف معوزتي «يقلدها» عندج

ديانا بقهر...حسين حبيبي لا تحجي هيج دا دزعلني

حسين بحب...معاش الزوعلج هههههه

ديانا...دا تقلد عليه ادري بيك؟ هههه احوووبك يالله هذي ضريبه حبنا هههه

حسين...احوووبج بوووويه محيسن صار عندي اعوجاج بالفك السفلي ههههه

ديانا..ههههههههههه

ضلوا يسولفون ويضحكون وهو يصنف علئ حجيها وهي تزعل وتضحك وصورة اله ملابس نوم مشتريتهن جدد وهو داخ وقرب العرس😂😂

***********************************
عبير لبست ثووب نوم اسود تور خفيف وشسورت شعرها وحطت مكياج ثقيل وحمرة حمرة مائله للسواد والثوب كان قصير حييل بارز بياض بشرتها شافته كاعد يلعب بمصطفئ ومصطفئ،يضحك اله شاف اضافر مصطفئ مصبغه وضحك ماكوو غير ورود مصبغتهم احمر واضافرة ناعمه

جلال بكلبه...خرب يومج ورود شمسويه بالولد مخنثته همزين ماحاطتله حمرة وملبسته بدله هههه

تقربت منه باسته بكتفه وهو حس عليها ماانطاها اهميه وزعلان منها حيييل رجعت باسته حييل ودارت وجهه عليه سحبت مصطفئ منه وحطته بالكاروك ورجعت عليه تنهد بضيق رن موبايلها مااهتمت اله ورجع رن مرة ثانيه رفعته وانصدمت

رائد...رسلت الصورة الورود وكتبت الها رساله تهديد ان شاء اللة ترد......

عبير مسحتها بسرعه وبكلبها...عزا بعينك رائد دا تورطني وياك

جلال بتساؤل...شكوو منو دا يراسلج؟؟

عبير...هي دنووو بس راحت

تقربت منه وهي تبوسه...جلالي حياتوو انت لسه زعلان مني؟؟

جلال بتنهيده...عبير انتي لازم تكونين اوعئ من هيج لا تزعططين روحج وتصيرين رعنه اني مااحب هيج وانتي تعرفيني شنوو تعاركين بنيه علمود ساعه بالله طلعت مو ساعتي ومااريدج تحاوبين وتبررين سدي الموضوع ومو زعلان منج...

باسته بشفايفه وحست مو مثل قبل لكن ضلت تغري بوساتها واحضانها واستجاب وياها وراحوا بغير عالم

************************************
كانت كاعده ترتب بملابسها وتفكر بكلام مراد انزعجت حيييل وتضايقت من اصرارة تتصل بجلال وميجاوب وام علاء مموجده وديانا ملتهيه بحسين ولا تقلد الاحد مكابله الموبايل وتخابر حسين

تذكرت موقف ويه جلال...

جلال بغضب...مراد خط احمر لا تحتكين بي مفهوم

ورود ماعجبها كلامه سكتت ودارت وجهه

جلال لف ايده بعصبيه وجراها بقوة اجت توكع... مو احجي وياج ليش متردين اني مااحب واحد يطنشني

ورود بعبرة وغضب...اااه كسرت ايدي لا ماسمعتك مراد خط احمر شسويلك انت ومراد وبعدين اني منو يجي كدامي ازوجه قابل اضل عليك..« تحرك كلبه»

حفر اصابعه بخصرها بقووووة حست سجاجين دخلت بخصرها لزمت ايده تخفف من قبضته وهي تبكي وتتالم....اااه بطني عووفني راح اموت

رجع لزمها من فكها بقسوة وهي تبجي وبتهديد...مراد خط احمر لاتتقربين منه

شافها تنظر اله ببراءة ودموعها تنزل بصمت وشفايفها ترجف ولونهن احمر قاني من ضغطه علئ حنكها اغرة شكلها قبلها بشفايفها قبله عنيفه قويه..

افاقت من ذاكرتها علئ صوت رنه الموبايل فتحت الرساله وانصدمت صدمه عمرها....

صورتها مرسوله من الثور الها مع مسج مقزز

كاتب...« اجمل طفله واجمل غرور صورة حبيبتي الحلوة ملكي يالله منتضرج باليل نتراسل باي حوبي»

ورود بخوف وبكاء...عزا عزا منوو منطي الهذا الثور صورتي عزاا العزاني يبووو انتهيت تدمرت منو راح يصدك اني ممطيه صورتي يارب ساعدني لا ينشر صورتي....خلي اخابر جلال يشوفلي حل ياربي اشكي اله من شنوو من مراد من هذا الثور

اخذت الموبايل واتصلت بجلال شويه وفتح خط

جلال...هااا عسوله شلونج متصله اليوم

ورود ببكاء...جلال تعال اريدك

جلال بخوف...ورود حبيبتي،شبيج اهدي فهميني،شصاير؟؟

ورود بخوف...لا تعال اخاف متتفهمني تعال انت وام مراد وخلي نطلع وافهمك الصار وساعدني

جلال بخوف....اوك مسافه الطريق واني يمج

ضلت منتظرته وهي تبجي وتنتحب صورته عند رجال غريب يمكن يغدرها وينشر صورتها

اما هوو طلع بسرعه وهو يدكم قميصه بالشارع ركب السيارة وساق بسرعه جنونيه مسافه الطريق ووصل للبيت ماحب يدخل للمشتمل خايف عليها وعلئ سمعتها دخل البيت ام مراد واستقبله مراد وام مراد سئل عن دنوو كلوله فوك تخابر بحسين....
************************************
كان الهمر تمشي بسرعه قصوئ كانوا الجنود كاعدين بسيارة الهمر واحد كاعد علئ الكرسي الموجوده بيه القناص...وحسين وكف وكفه ويخابر جان الدنيا ليل والجوو مضلم

حسين...ههههه البارحه راحت ام كرمش صدك ضحكتني فديتها ام كرمش تسوي جوو بالبيت

ديانا...ههههه لويش شنوو سووت؟؟

حسين...كضت جكجك وكرمش وبشبوشه سبحتهم ماطلع وجهم كضتهم وحطت لهم حمرة لخدودهم

ديانا...ههههه اويلي لووويش؟:

حسين...دكول حتئ ابو كرمش يكول من اخذتيهم البيت جدهم صاروا متفحيين وخدودهم حمر ومايدري ابو كرمش هي محمرتهم ههههه هسه اخابرة وافشل خطتها..

ديانا...ههههههههههه فديت ام كورمش افكارها تجنن

حسين...احبج دنووو😍

ديانا بحب...حسونتي اني احبك منا للقمر

حسين بضحكه...وان...اااااه

صديقه يصيح عليه وهو ميسمع بسبب الهتفون وعباله يضحكون عليه لان يخابر ...نزلوا روسهم مستعدين الأي هجوم ولزموا رشاشاتهم

صديقه بصياح...حسين حسين نزل راسك صار هجوم وقنص جرة من بنطرونه ووكع موبايل،حسين وهو ينزف دم وكع ببطن الحمر بحضن اصدقائه

ديانا من الموبايل ببكاء وصراخ....حسسسسسسين حسسسين رد عليه حسوووووني حبيبي رد عليه ضلت تصرخ وهي تسمع تهافت كلامهم وهم يحاولون يوقفون نزيف الدم ويصدون الهجوم الصار عليهم

***********************************

جلال...ام مراد خلي نطلع اني وياح وورود عدنه موضوع ومااعرف شبيها...؟؟

ام مراد...ان شاء اللة ثواني احضر نفسي وطلع اني وياها المول المنصور وانت تعال ورانه

جلال...اوك...

نزلت وهي تركض وتصرخ اتفاجئوا من صراخها الهز البيت وقفوا مفزوعين...

شمرت نفسها علئ عمها وهي تتوسله وتبوس ايده...عموو عموو حسين ماات حسين ضربووا عموو رووح جيبه اررريده حسووني اريده

انصدم منها وهو يلزم وجهها بكفوفه...اهدئ مابي شئ هسه اخابرة واطلع اسناد

ديانا بهستريا...ميرد عليه ميرد اني سمعته انضرب قناص انضرب ومرد عليه حسين قتلوا عمو فدوة اشتري اشتري حسين اريده عموو احبه احبه

عافها وطلع مسرع اجرة اتصال سريع بحسين لكن ماكوو رد اتصل بالكتيبه مالته ومحد رد حس باليئس تنهد وهو يجري اتصالات وطلب من داخليه اسناد التل اعفر...

اجت ورود تركض علئ بكاء ديانا شافت مراد حاضنها ويحاول يسكتها وام مراد تبكي لبكاء بنتها دخلت ورود وانصدمت...

ورود بصدمه...شكووو؟:

ركضت عليه ديانا وهي تبوس اديها وتتوسل بيها... ورود ادعي الحسين كون مابي،شئ ادعيله كون عايش انتي يتيمه فأما اليتيم فلا تقهر ادعيله ربج مايردج حسين حبيبي لا تروح مااريد اخسرك لو مصوب لو مكطومه ايدك رجلك اريدك احبببك احبه حسوني،ابو ضحكه الحلوة حبيبي لاتروح

حـبـيـبـي..

يـامـن سـكـنـت الـفـؤاد و وملئته فـرحـآ و سـرورآ بحبـك ،،
لاتـتـركـنـي وحـيـده و تـرحـل،، فـبـرحيـلك سـوف تـأخـذ قلبـي روحـي و إبتسـاماتـي مـعـك،،
فأبقـى معـي فأنـا لا أستطيـع الـعـيـش بـدونـك ،،

فـ أنـآ لآ أتـصـور حـيـآتـي بـدونـك بـدون طـلـتـك و حـضـورك ،،
أو يـمـر آلـيـوم دون لـقـآئـك
و رؤيـتـك ،، دون بـسـمـآتـك
و ضـحـكـآتـك آلـشـقـيـه ،،
دون هـمـسـآتـك آلـعـذبـه آلـنـآعـمـه آلـمـثـيـره ،،
او نـظـراتـك آلـمـعـبـره آلـحـآلـمـه ،،
و لـمـسـآتـك آلـرقـيـقـه آلـمـحـبـه ،،
وكـل شـي أحـبـه فـيـك و أعـشـقـه لـحـد آلـجـنـون ،،

نهايه البارت....يتبع...😢