#ذنب طاهر الفصل السادس والعشرون 26 - بقلم سمو العراق

#ذنب طاهر...بقلمي«سمو العراق»😚

البارت...23..

يا سيدي كل ما أردته هو الحنان
أردت بيتا يأويني و سقفا يحميني من ظلم الايام
أردت أطفالا صغار ينشرون البهجة و الفرح في كل مكان
أردت رجلا تمنحني أحضانه قوة أحارب بها صعاب الزمان
أريد السعادة و الهناء أريد الفرح و ليس الشقاء
أريد عشقا و حبا واضحان , كشمس ساطعة قي كبد السماء
و بخلت علي و لم تعطني سوى الام و القهر و الظلم

يأتي الزمان و يدور لأصبح جميلة من الجميلات
و عندما عدت انت اصبحت كالطفل يريد لعبته الجميلة ,تلك التي رماها يوما لتعيش في وطن التعساء

شالت مصطفئ وهي تبوس بي وفرحانه بوجوده راحت للمطبخ جابت بطل مي وبطل عصير وكلاص حطتهم بصينيه وشالتهم بيده واليد الثانيه شايله صوفي حطتهن امام ام مراد وهي خجلانه ومستحيه منها وكعدت تبوس بمصطفئ وملتهيه بي

ام مراد بتنهيده...ورورد اني بصراحه مااعرف شكولج بس اني شفتج انتي وجلال وماادري انتي ام مصطفئ لذالك جانت نضرتي الج مختلفه...

ورود ببتسامه وخجل...لا عادي خاله من حقج تفكرين غير تفكير بس مجان بنيتي هيج يصير واتزوج بهذي الطريقه بس هي قسمه وصارت وصار مصطفئ

ام مراد...الله يلم شملكم عن قريب هو جلال كال بس ارتب اموري اعلن الزواج...

ورود بكلبها شيعلن وهو مطلكني ..نزلت عيونها وهي تبوس ادين مصطفئ....الله كريم الله يلم الشمل

ام مراد وقفت...يالله اني اترخص اخذي راحتج وتصبحون علئ خيير انتي وصوفي...

ابتسمت وهي تبوس مصطفئ بحنيه...تسلمين خاله وانتي من اهل الخيير...

طلعت ام مراد وهي طلعت وراها قفلت الباب ورجعت الغرفتها شايله مصطفئ فرحاانه حطته علئ السرير وهي تضحك وتبوس بي وهو يباوع عليها ويضحك وهي تدغدغه وتبوسه وضلت طول ليل كاعده تباوعله....

طلعت تليفونها وهي تاخذ صور سيلفي ويه مصطفئ وموبايلها اعلن عن وصول رساله فتحتها وشافت وجه الغثيث...

شافت صورته لابس قاط رصاصي وهو ضخم وسمين واكرع واكف عند بوابه «مول بيروت ستي سنتر»..ولابس نضارة شمسيه ومكتف اديه...

كاتب..«مشتاكه الشفايف بوسه احباب مثل كطرة مطر وتبوس وردة...شلونج حوبي»

حست دخان يطلع من عيونها من العصبيه وتمنت تفلش الموبايل رسلتله رساله وكتبت...

«كبر حتئ كبر ياعديم الاحساس ياثور يا متستحي انت دوشك مال رزايل ماعندك احساس انوب دازلي صورته جنه الخماهو كبير الكهنه ولابس مناظر ولي جماعتك انقرضوا...»

مسحت الرسائله وانطته تأمين وحذفت رقمه وائمنته من الشركه وقررت تغير خطها لان بصراحه مقرف
قررت تحاجي جلال علئ الرقم وهاي الخلقه...
************************************

دخلوا للبيت وهي زعلانه ومتضايقه منه عافته وطلعت للصاله وهو مااهتم اصلا عافها براحتها اتصل موبايلها بسرعه فتحت خط...

عبير بملل...هااا رائد شكوو::؟؟

رائد بعصبيه...لج هاي تتعيقل متتحاجه شايفه روحها بس تغلط عليه واني خليتها براسي

عبير بعصبيه...وشسويلك انت متعرف تتصرف هددها بصورتها وفكني منها ومنك اني طالعه روحي وانت بطران...

رائد بااستغراب...منووو مطلع روحج ليكون جلال والله اودي ورة الشمس

عبير بتنهيده...قهرني حيييل وكوله من ورة هاي الكاتل روحك عليها اخذها وفكني منها...

رائد...شنوو ليكون حاط عينه عليها والله اشرب من دمه كافي ماانطاني ديانا ماله شغل بورود

عبير ...هو شعلي بيها بس هي قهرتني ساعه جلال عنده سارقتها وهو جلال يكول مو مالتي ويدافع الها واني اعروفها اشترينها سوة من مول النخيل

رائد...عوفينه من الساعه راح ارسل الها صورتها واخليها تكبل وياي غصب عنها

عبير...سوي التسوي بس روح لا يلزمني جلال..

طلع جلال للصاله وبعدها نزل جوة وهي تبعته بنظراته مقهوورة حييل شمرت الموبايل باانزعاج وراحت طلعت ثوب نوم احمر وهي ناويه تدوخه

كعد علئ الكرسي بالحديقه وضل يدخن وهو ينظر الاجواء حديقتهم العامرة بالورود وجمالها الرائع طلع فونه واتصل بورود....ورة ثواني اجاه صوته العسل علئ قلبه....

ورود بنعومه...الوووو

جلال ببتسامه...الوو هلاوو عسوله شلونج؟؟

ورود بقهر...مو زينه ومقهورة كوولش😧

جلال بااستغراب...ليش شكوو ام مراد حاجتج شئ

ورود..لا مو ام مراد بس هذا واحد مثل الثور كول شويه وراسلي رساله وراسل صورته اريد اغير رقمي

جلال بغضب...منوو هذا ياكلب رسليلي رقمه بسرعه وصورته واطلعه من جوة الكااع وانعل والدي والديه

ورود بخوف من عصبيه جلال...هااا والله مسحت الرقم وصورة وائمنت الرقم بعد متصل لو يموت

جلال...منوو كلج امسحي الرقم وصورة ضيعتي حقج ياغبيه شلون تمسحيهن جاي انطتيهن الي وطيحت حضه وحظ الخلفوة..

ورود بخوف...جلال لاتعيط عليه اني شعرفني نسيت لاتكرهني بيك وتضل تغلط عليه حرام عليك خوفتني حتئ هيج بعد كولشي مااحجي الك...

مسح وجه بتوتر وغير الموضوع....ورود انتي اخوج باي ولايه باامريكا ساكن...؟؟

ورود ببكاء...ليش تريد تسفرني ؟؟الله عليك لاتسفرني والله رجعتها الساعه

جلال بضحكه..ههههه لج شبيج شنو اسفرج وشنو ساعه لا اريد اتواصل ويه اخوج اعرف ابوج وين لازم نعرف ابوج وين لان هو مفتاح النجاة الج احتمال يكدر يساعدنه وتثبت برائتج...

ورود...هااا ساكن بولايه...فلوريدا-تالا هالسي بالولايات الامريكيه المتحده...

جلال...هااا اوك ماعندج رقمه حسابه علئ الفيس اي شئ متعرفين عنه شئ؟؟صورته اي شئ يخصه..

ورود...لا والله كولش مااعرف بس اسم حسابه بالفيس اسمه وائل العراقي بالانكلش وجاي ابحث عليه ميطلع عندي...

جلال بتنهيده...الله كريم اروح للمطار واستفسر عنه

ورود...شكرا جلال..

جلال...ههههههههههه علئ شنو ترة ممسوي شئ لحد الان بس راح احاول اخلي الضباط يبحثون بسجلات التنضيم الارهابي وان شاء اللة نتوصل للحقيقه..

ورود ببتسامه...وهم شكرا

جلال...مااريد شكرا اريد بوسه وهسه اذا دكليلي تعال نام يمنه اجي طاير مشتاق الاحضانج حبي

قفلت الخط خجلانه من كلامه وهو ضحك عليها وضل كاعد يتأمل النجوم شوكت يجي اليوم اليعلن زواجه بي ويخلص من كل مشاكله...تنهد ودخل جوة
************************************
عند حسين كعد الصبح الساعه بتسعه سبح وكاعد يتريك ضحك رسل رساله لدنوو

ﺗﻌﺎﻝ ﺍﺳﻤﻊ ﻧﺒﺾ ﻛﻠﺒﻲ ﻣﺪﻩ ﻳﺪﻭﻙ
ﺍﺻﻴﺢ ﺍﻟﻮﻳﻞ ﻳﺎﺭﺑﻲ ﻣﺪﻩ ﻳﺪﻭﻙ
ﺟﻬﺎﺯﻱ ﺁﻱ ﻓﻮﻥ ﺧﺒﻠﻨﻲ ﻣﺪﻩ ﻳﺪﻭﻙ
ﻋوﺰﻩ ﺍﻟﻌﺰﺍﻧﻲ ﺃﻭﻭﻑ ﺷﺴﻮﻩ ﺑﻴﻪ🌚

صباح الخير حبي😘

ضلت شويه ورسلتله...«صباحوو ياحلوو كوولش واو المسج عنجد من سمعته كلبي مده يدوك حبي اني حاليا بالجامعه دا اريد اسوي برائه ذمه تعال اوخذني حنتظرك اوك؟؟»..

حسين...«تدللين مسافه الطريق واني يمج واسم الله علئ كلبج 💏 ياروحي»

ام حسين...هاي النواصه تحجي وياك؟؟

حسين...اي يمه النواصه ههههه بس يمه خوش نواصه تنوص تنوص صايرة تاخذ الحجي

ام حسين...والله يا هل نواصه راح تلعب بعقلك وتخبلك علينه..

حسين...لويش ام حوسين«يقلدها» تحجين علئ نواصتي بعده ممنوصه يمج..

ام حسين...ههههه لا ولك حسين مو هيج...باجي حوسين قليل ادب كوسرني تكوسر هههه

كام وهو ميت ضحك باس امه براسها...فديتج ام حسين جايبه الدور صح

راح لغرفته بدل لبس بنطرون بهاري وتشريت اسود ضيق نص كم ومشط شعرة ورش عطر ولبس ساعته وهو يشوف وجه بالمرايه ويحرك بشعرة ومشط لحيته....

حسين بثقه...اووف حسوني شنو هلجمال عليمن طالع لا امك حلوة ولا ابوك انت عليمن طالع معقوله امك متنسيه بيك عسل..ههههه رب الثقه طالع علئ امي فديتها تجونن «يقلدها» فديتها ام حسوني

سمع صوت صرخه قويه من جوة نزل يركض وهو مصدوم شاف اخته تلطم وتصرخ...

حسين بصدمه...شكوو شكوو؟؟

ام كرمش وهي تلطم...يبوو حسين اندهرت اليوم ابو كرمش يطلكني يمه اليوم يموتني

حسين بعصبيه...اي شكوو غير تحجي؟؟

ام كرمش بعدها تبجي...كرمش ماخذ بشبوشه وجكجك يشترون وعايفها هناك وجاي وادور عليها وماكووو

حسين عقد حواجبه..ثول حتئ ثول عبالي ابو كرمش مات هي بتج منو يخطفها والله جهالج لو انطي فوكاهم مليون محد يخطفهم من وكاحتهم

اخته...ولك حسين اني بيا حال والله اليوم كرمش وجكجك اكطعهم تكطع اليوم مدري وين ودو بشبوشه

حسين ...ادري جهال لو حديقه الحيوانات دسمي،اسم بي خير ولك وانت كرمش وين وديت اختك...؟؟

كرمش محروك كلبه...حالي حتولي ادلها حل نشتري موطه تليد تبس..حليتها هنات وديت..الترجمه😂«خالي خلي تولي اكلها خلي نشتري موطه تريد جبس خليتها هناك واجيت»

حسين...نعله علئ والديك امشي ولك

اخذ كرمش وصعدوا بالسيارة يدورون وام كرمش كل شويه تتصل وديانا تتصل خبلنه قفل الموبايل عليهم شافها كاعده يم ابو السيطرة وتاكل جبس وعصير وشايله علاكه حتئ عطر بيها...

حسين يحاجي كرمش بمزح...خالوو صح اختك غلطت ونهزمت وانت دمك حار ولازم تاخذ حيفك وادري شواربك اهتزت بس ميخالف لازم نفتهم بسبب هروبها لا تبدي بخطوة تندم عليها هدي نفسك وخلينه نفتهم..

كرمش...تدول حالي تلتي ماتهمت.«شدكول خالي كولشي مافتهمت»

حسين...خرب المدرسه النجحتك للثاني ابتدائي علئ هل لهجه انوب امه دكول طالع الاول علئ الصف

نزل حسين وبشبوشه هدت علئ كرمش وكتله وحسين فرغم وتشكر من الشرطي واخذهم وسلمهم كلهم رادت تكتلهم كتله جماعيه😂 بس حسين حلفها تعوفهم شاف الساعه ب12ونص اتصل بديانا ما ردت ورسلتله مسج كاتبه..«زعنانه😡»..

ضل يغلط علئ كرمش وراح ركب سيارته وراح لديانا...

**********************************
عند ورود اخذت مصطفئ وانطته الام مراد وضلت كاعده عندهم وام مراد فهمت ديانا ومراد ان هي متكدر لوحدها المصطفئ لهذا السبب اخذته ورود اجت ام مراد وانطتها الساعه...

ام مراد ببتسامه...هذي ساعة جلال هي ملكج اخذيه الج هو طلب انطيها الج..

ورود بحزن...لا خاله مااريده انتو اعتبرتوني سارقه واني هذا مو طبعي اني جبته انطيها الجلال بس من شفت اصرار عبير عليها

ام مراد....ههههههههههه تغارين؟؟

ورود بخجل..ههههه لا مو اغار بس مرات الانسان من يعاندج علئ شغله تحبيبن تتمسكين بيه

ام مراد بلعانه...لعد تمسكي بجلال هذا ابو ابنج

نزلت راسها خجلانه وهي تتذكر موقف وياه قبل ولاتحبل...

جان نايم علئ السرير وهي اجت كعدت يمه جان يلعب بالموبايل سحبته من ايده بسرعه وخلته علئ الكومدي...

جلال بتفاجئ ...ليش؟؟

ورود بملل...يعني ضايجه اريد اسولف...

جلال...ههههه سولفي اسمعج..

ورود....امممم ماعندي شئ احجي انت سولف

ضحك عليها وسحبها الصدرة حطت راسها علئ صدرة وهي خجلانه

ورود...جنت تحجي ويه عبير؟؟

جلال...ماادري يمكن ليش تغارين

ورود...اهووو علئ شنوو اغار اصلا هي جنها بكه بس تكرص بيك عبالك ماادري شنوو

جلال بحب...صيري بكه وكرصيني..

ورود...لا شكرا اني مؤدبه وبعدين مااعرف اكرص

سحبها وصارت جوة وهمس الها بصوت ناصي... عادي اعلمج تقرب منها وهو يدفن وجه برقبتها وهي مستسلمه وخايف منه باسه حييل بشفايفها وعيونها ونزل علئ رقبتها وهو يحرك ايده علئ خصرها وهي تستجاب وترجع تفلت منه...«وهل مرة ماطردوني اصلا اني طلعت😒»

افاقت من ذاكرتها وهي تبتسم ترخصت من ام مراد وباست مصطفئ وطلعت
************************************
ديانا اجت من الجامعه وهي تتذمر دخلت للحمام سبحت ولبست ثوب فانيلا قصير ولونه وردي وبالوسط لولو كاتي اتصل بيه حسين مافتحت خط زعلانه شسورت شعرها ونشفته وحطت مرطب شفايف ومرطب الاديها بعدها اجت امها وخبرتها بوجود حسين بالاستقبال...نزلت ديانا مزعوجه دخلت ماسلمت وكعدت بعيده عن حسين

حسين...دن دن دنوو دنانه حبي قلبي

مغلسه زعلانه ومتحاجي...قام من مكانه وكف يمها دارت وجهها زعلانه وهي مكتفه اديها نزل جسمه وشالها من الكرسي وهي صرخت كعد وكعدها بحضنه وهي تدفع بي وتريد تكوم همس الها بحنيع وحب وخلاها كعدت راضيه...

ديانا...لويش دا ادوك عليك متفتح خط؟؟

حسين...غير ضاعت بشبوشه وجنت ادور عليها ولكيته واخوها اجه يذبحها لو ما الله ستر

ديانا دارت عليه...بشبوشه منوو ؟؟

حسين اخذ بوسه...اخت كرمش العلس جكليت حبوبتي اليابس،

ديانا...يا عيني ولكيتوها...

حسين..لكيناها الله لا يوفقهم هم اخروني عليج عساك يا كرمش بمرة عوجه تشلع كلبك وانتي يابشبوشه عساج برجل اعوج يشل حالج

ديانا... هههههه يالله عادي راحت الزعوله

حسين...تخسئ الزعوله تقرب منج مرة ثانيه ولج خلي نبلش بالشغول«يقلدها» لا يجي اخوج ويكطع رزقنه...

تقرب منها وهي يبوس بيه وهي مكيفه عليه ومبادلته وامها دكت الباب فزوا وحسين غمض عيونه بعصبيه...شلون بالله مناخذ راحتنه

اجت امها صاحتهم علئ الغده وحسين تغده عدهم وبعدها راح طلع للحديقه وديانا وصلته حضنها من خصرها وهو يباوع الملامحه باسها بخدها بحنيه

حسين...باجر التحق ديانا ديري بالج علئ نفسج ودعيلي ارجع بسلامه وحاولي تحذفين حرف الواو من كلامج لان عقدني ادري ذابه الجرش ويه حرف والواو لو اخوج بالرضاعه لو ابن عمج..

ديانا...ههههه حبيبي اكيد ادعيلك ماتعرف ياحسين شكد احبك واحب سوالفك وانت اكثر شخص ضحكني..

نزل كلاده جان لابسها عبارة عن سن ذئب والخيط مالته من الخيوط...لبسها بركبه ديانا وباسها ودعها وراح وهي لزمت اديه لتفت عليها قبلت ايده بحنيه وهو قبلها بشعرها....وراح دخلت جوة وهي تحس نفسها مشتاقه اله رجعت خابرته وضلت تضحك وتسولف وياه وهو يضحك وياه

************************************

طلعت وهي ترش بالحديقه وترش بالورود شافها مراد من الشباك جانت لابسه نفنوف طوويل ابيض وبي ورود سمائيه وشال سمائي واكفه ترش بالورود طلع من الباب واجه تقرب منها...

مراد ببتسامه...مساء الخير

ورود ببتسامه وخجل...هلاوو مساء النور مراد..

مراد...احم اممم

ورود ببتسامه هادئه...شنوو مراد عندك شئ ؟؟

مراد بلبكه...بصراحه ورود انتي حبابه وتنحبين ومؤدبه كول الصفات الحلوة بيج لذالك اني عندي موضوع وياااج..

ورود ببتسامه وخجل...شكرا من ذوقك..بس شنو الموضوع:؟

مراد بتنهيده...اني قررت اخطبج..

اختفت ابتسامتها تلقائيا وانصدمت...

صدمه صدمه صدمه...!!!

نهايه البارت....يتبع...😚

كونوا هنا كونوا بخير...اتمنئ لكم قراء ممتعه*

هاي تشبه منوو🤔🤔