#ذنب طاهر الفصل التاسع والعشرون 29 - بقلم سمو العراق

#ذنب طاهر...بقلمي«سموو العراق»😚

روحي في ضريح العشق حمامة تكسّر جناحها
تطوف .. تهيم .. تتصادم بصمت القـبور
أجهل همس أنينها أَ تبكي .. تنشج .. أم تغني
نشيد عشقٍ مسموم .. قتل بي وبكِ عمر الزهور ..
لأني أحبكِ طاردت أشباحاً .. تَبعْتُ سَراباً
ركضتُ لشوقِ عينيكِ .. جادِلاً أضلاعي...

شافته راح للحمام كامت من مكانها وهي تبجي لبست ثوبها الممزق ولبست فوكاه قميصه لبست شالها وطلعت برة المشتمل وهي تنتحب وتشهق من البكاء اغتصاب محرم بالنسبه الها ماتعرف الحقيقه وهذا الائلمها اكثر من اهانته الها كعدت علئ الزرع وحطت راسها بين ركبها وبكت بالم مقتول

دخلت ام مراد وشافتها انصدمت من شكلها كعدت مقابيلها وهي حست بيها رفعت وجهه الها وقابلتها عيونها المقهورة ام مراد انقهرت عليها حييل

ام مراد بحنيه....ورود شبيج منوو سوة بيج هيج ؟؟

ورود بشهقه...هووو اهئ

ام مراد بااستغراب...منووو هووو؟:

ورود سكتت وهي تتنحب وام مراد راحت للمشتمل شافته طلع من الحمام وهو لابس بنطرون اسود وفانيلا الكيمونه والمنشفه علئ راسه

ام مراد بغضب....انت شبيك ليش هيج ويه البنيه؟؟

جلال بااستغراب...يااا بنيه؟؟

ام مراد...مسكينتك ام مصطفئ حالتها حاله روح شوف شحالها حرام عليك ليش تضربها وتحرمها من ابنها والله حرام حررام خطيه تبعد راضع من مرضوع

جلال طلع بسرعه وهو يحط المنشفه علئ كتفه شافها تمشي بدون شعور ناويه تطلع خارج البيت ركض عليها وهو يحضنها من خصرها ويثبتها صرخت وهي تبعده عنها زعلانه وتضرب بي سحبتها ام مراد منه من شافت انهيارها

ام مراد حضنتها بحنيه وهي تمسح علئ ضهرها...ورود حبيبتي اهدي لاتخافين اني يمج

ورود ببكاء وهي متمسكه باام مراد...خلي يروح خلي يعوفني مااريده مااحبه ذلن...مكملت كلمتها تجرحها اكثر ماتجرحه

سحبها من ام مراد وزرعها بحضنها وهي رافضته همس الها بهدوء....لا مو مثل مامفكرة انتي زوجتي حلالي الصار مو حرام الصار حلال اني زوجج حبيبج ممطلكج انتي علئ ذمتي انتي ام مصطفئ والله بس اهي كلشي راح اسوي الخاطرج مصطفئ يرجع الحضنج

هدئت من ثورتها وهي ترمش بعيونها الدامعه...يعني ممطلكني حلالي ليش ماطمني ليش ؟؟ ليش نكرني وكال طليقتي ليش؟ ليش بعد مصطفئ عني كل. هذا حتئ يرضي عبير ومااطالب ا بابني...اخذ مصطفئ مني حتئ يرضي غيري

دفعته وهي تبجي كلامه مغير من روحها الملجومه شئ راحت الغرفتها تمشي بخطوات تعبانه ومقهورة اما هو تنهد عليها ولا عرف شنوو يسوي

ام مراد بحيرة...شبيها؟؟

جلال بتنهيده وقهر...ضلمتها جانت تريدني اجبرها بس كسرتها

ترك ام مراد وراح عندها شافها نايمه علئ جنبها اليسار ودموعها علئ وجهها الصغير تنهد كعد عندها مسح علئ،شعرها وهي لمت نفسها خايفه منه حاول يسحب قميصه منها وهي صرخت مرعووبه منه ومن تجربتها القاسيه وياه ولمت القميص علئ جسمها تنهد بحزن وعرف ماعنده ثقه بي باسها براسها وطلع خلاها تبكي وتندب حضها وهي بعازة امها...

راح الغرفه مراد وسباه وشمر كل اغراضه من عطور
وفرج شعر وشاف صورته شمرها علئ الارض وطلع قميص مراد ولبسه وطلع حس مراد سبب بنهيارة ودماره لورود طلع وهو ينزل الدرج درجتين درجتين قرر يجيب مصطفئ بلكي يفرحها ويغير مزاجها...

***********************************

عند ديانا ....حسين جان ساند ضهرة علئ،السرير وديانه توكل بي شوربه خلصت الشوربه وكلته كيك وعصير

حطت بحلكه قطعه الكيك وعضها عاطت اووي رجعت حطت القطعه بحلكه وهم عضه...اووي شبيك دا تعض بيه؟؟

حسين ببراءة...اني شوكت معاضوج«يقلدها» تتوهمين...

ديانا رفعت حاجبها وتنهد بعدها ابتسمت وهي تكرص خدوده....لك حسووني خوفتني عليك

كرمش كاعد يمهم وبعصبيه...هي تنيه تلعتي حدوده.« ترجموا»

ديانا بضحكه...انت شعليك لويش دا تدخل؟؟

كرمش...تني هوو حالي😡

حسين بقهر كاطع رزقهم...ياخالك لك تبريت منك ومن امك رووح اطلع نريد انام

كرمش بعدم رضا...وين اتوو واحد ينام التبح

حسين ...اطلع احنه نريد انام

كرمش وهو يهز براسه....اتري اتري بت اطلع تبوتها متل امي تلي اتلع وبوت بابا

ديانا.....ههههههههههه

حسين...اطلع انعل ابوك لابو الخلفك

نزل كرمش متعصب وركع الباب بقووة وطلع...

ديانا بدلع...حسوني لويش طلعته هسه يزعل

حسين بضحكه...ومنو يهتم الزعله هسه يرضئ الوحده ولج تقربي احترك كرمش بنار ونفط

تقربت منه وهي تبوسه بشفايفها وهو دايخ وياها ويتمنئ،يكمل بوسته ومحد يقطعها عليه وحلف اذا قطعها الدكتور عليه اله يرجع للجبه ويستشهد...

طلع كرمش شاف امه وبيبيته واقارب حسين كاعدين بالحديقه التابعه للمستشفئ

ام حسين...هااا بيبي اجيت؟؟

كرمش زعلان...اي ططوني «طردوني»

ام كرمش بهيام....يمه شلون حلوة من تبجي خطيبه حسين تنوص تنوص وكله اهئ اهئ عود اني ام مؤمل نعوطر بحلكنه تعوطر كله عااااااا عااااا هههههه

ام حسين ببتسامه...جااا غير مثقفه مثلجن وحدجن فتحت حلكها تعوطر بي جنها نعجه ماكلين حشيشها

ام كرمش راح اتعلم منها يمه...اهئ اهئ حوسوني حوبيبي احبك هههههه

كرمش...هههههه تبهين تنوو ههههه

ام كرمش...اي ولك جاي اتعلم منها..

************************************

جلال دخل للبيت لكه عبير حاطه الهتفون ومصطفئ،يبجي وهي متسمعه دخل سمع صوته يبجي عاط بيها بعصبيه....

جلال بعصبيه....هيييي انتي متشوفين مصطفئ يبجي..؟؟

عبير بااستغراب...شكوو شبيك حبيبي؟؟

جلال بعصبيه...حقج وين انتي فاضيه حاطه الهتفون بااذانج وتاركه مصطفئ،يبجي

عبير بتفاجئ..دا يبجي ونبي مسمعته..

جلال بغضب...وين تسمعينه وانتي دايخه بالموبايل

راح المصطفئ وشاله باسه برقبتها ولفه بالملحف وهو سكت ضل يلعب بي وفتح باب الغرفه وطلع..

عبير...وين دا تريد تاخذه

جلال بعصبيه...مالج شغل

نزل وتركها طلع من البيت وحط مصطفئ،بالسيارة ورجع الكرسي للوراء اتخذ وضعيه النوم وتنهد جايبه ياخذه الامه اليتيمه ساق بسرعه تارك وراه عبير تتذمر ومقهووورة حييييل

عبير بقهر...شبي هذا الكلب واذا جان يبجي والله مسمعته انوب وين اخذه اوووف صدوك الطفل مسؤوليه...راحت للسرير حطت الهتفون وهي تسمع اغنيه اجنبيه. وين يروح هسه يرجعه...

************************************

كامت للحمام سبحت وهي عيونها مورمه من البكاء لبست ثوب فانيلا ولفت شعرها بدون متمشط نامت علئ السرير وهي تبكي ام علاء باستها وماعرفت شنو بيها تركتها وطلعت

ضلت تبجي وتعض شفتها مقهورة سمعت صوت موبايلها يرن اتصال مافتحت خط اجتها رساله رفعتها شافت الثور الغثيث علئ كلبها كاتب.. افتحي خط احسن الج

شالت الموبايل بعصبيه وشمرته بقووووة علئ الحايط وتناثرت اجزاءة بقووة علئ الارض سمعت الباب انفتح غمضت عيونها وعرفته من ريحة عطرة التميزها من الف شخص وياما طبعت بملابسها تقرب منها وهي استدعت النوم حط مصطفئ بين اديها وشاف عدم اهتمامها اله

جلال بحب وهمس...ورود ام مصطفئ،ياغرامي هذا مصطفئ جبته الج مشتاقلج بس مو كثر شوق ابوو

ورود بكلبها....جذاب يامصطفئ لا حب امك ولا احترمها يكرهني ميحبني ميحترمني

تنهد من شاف عدم استجابتها باسها بخدها البارد وطلع خارج الغرفه تارك مصطفئ بحضنها حضنته وهي تدفن راسها بصدرة وتشكي اله من ضلم ابوو...يمه مصطفئ ابوك كسرني ولا جبرني يكرهني ميحبني كرهني بروحي يتمني كسرني قطع امومتي

ضلت حاضنته وهي تبجي وترجف وهو يبكي لبكائها وهي نقهرت عليه وعلئ بكائه باسته وهي،تهدي بيه...يمه صوفي اسكت مابيه شئ فديت روحك وعبرتك هههه شوف مابيه شئ...مسحت دموعها وهي تضحك وتبوس بمصطفئ...
***********************************
بعد مرور شهر .....تسريع بالاحداث...

ديانا...ماخلت مول ماراحت اله واشترت كوومه اغراض وشغلات ونيشان وملابس،داخليه وكثرت بملابس النوم الان حسين يحبهم وبعدها تعبت وضلت تجيها الملابس توصيل مجاي...

حسين....فرحااان وتعبان عمليته لحد الان توجعه لكن مطلع عمال وخلفه وجاي يبنون بالمشتمل مالته فوك عند اهله ويوميه يخابر ديانا ويضحك عليها...

مراد...دايخ علئ ورود لكن حالتها معاجبته ذبول ونهيار وضعف وتغير شكلها وصمت ورهبه وشرود كله عند ورود ومحتار ميعرف شنو بيها

عبير...ضاله تطلع وتدخل وشكوكها زايده بجلال وكعدت تراقبه تريد تعرف الحقيقه ومستغربه من لهفته علئ مصطفئ وحتئ صايرة تغار من صوفي

رائد ...مستقتل علئ ورود لكن هي كسرت الموبايل وتاركه الموبايل ومجاي يلتقي وسيله يتواصل بيه وياها ومحتار منها

جلال...تعبان نفسيا وجسديا ورود محيرته وذبولها طاغي وحوار تحت عيونها ودائما ممهتمه بنفسها من اعتدئ عليها لحد الان قدر يتواصل ويه اخوها واخوها قدم سفر طارئ البغداد ويريد يجي يشوفها
قرر يعلن زواجهم بس يرجع اخوها ويقدم اوراقها للمحكمه يريد اثبات برائه الها....

************************************
ورود كانت بالحديقه كاعده بشرود ودايخه ومنعسه حست راح تتقيئ ضلت تكح وهي تتقئ بالحديقه وتبكي اجت ام مراد تركض شافتها كومتها وغسلت وجهها...

ام مراد بخوف...شبيج ورود شنوو اليوجعج؟؟

ورود ببكاء...احس راسي راح ينفجر ولعبانه نفسي ومصخنه...

ام مراد كومتها دخلتها جوة ولبستها صايه...هسه اخلي مراد ياخذنه للمستشفئ احتمال عندج تيفو

صاحت علئ مراد واجه صعدت بالسيارة وعيون مراد مراقبتها وصلوا للمستشفى وسوو الها تحاليل عامه
ورة نص ساعه راح مراد يجيب التحاليل...

شافته اتاخر راحت وراه وصلت الغرفت الدكتور سمعته يكوله....شنووو لا مستحيل شنوو حامل هي ممزوجه؟

الدكتور ...هذا تحليلها حامل..

مراد بقهر وعصبيه....سويلها اجهاض

الدكتور بغضب...مستحيل اسوي ميجوز

مراد ضرب الطاوله بعصبيه...تجهض الطفل وغصبا عنك....

صدمه صدمه صدمه....

نهايه البارت يتبع....

هذا اعتبروا جلال الحكير..😂