#ذنب طاهر الفصل الثلاثون 30 - بقلم سمو العراق

#ذنب طاهر...بقلمي..«سمو العراق»😚

البارت..27...

عن اي مولد و حياة تتحدث
و هم بخيالك رسمت و سرحت
بعملك اعلنت قرب النهاية
عن الحياة زهدت و ابتعدت
بانتظار الحكم لينفذه الجلاد
روحي عني قد تخلت
قلبي عن نبضه قد توقف
جسدي أصبح لحماً و دم
من الحياة قد تجرد
بين النيران رميتني
و في الظلام تركتني
اين أنت ايه الموت الجميل
خذني لعالماً ليس للأحياء فيه من منفذ

مراد عند الدكتور...دكتور ورود احمد طلعوا تحاليلها

الدكتور وهو يجمع بالتحاليل ونسخهن بالحاسبه...اي طلعوا هسه اشرح حالتها

مراد كعد علئ الكرسي....اي دكتور ان شاء اللة ماكوو شئ::؟؟

الدكتور...بصراحه عندها انيميا حاااده وعندها ضعف عام وهذا الشئ طبعا يأثر على الجنين...

مراد بصدمه وهو يكووم من كرسيه....ياجنين؟؟

الدكتور...ورود احمد جنينها...هي حامل هذا الضهر بتحليل الدم...

مراد بعصبيه...شنووو حامل دكتور؟؟لايمكن تكون حامل شلون حامل وهي ممتزوجه::؟؟

الدكتور بتوتر...مااعرف بس هذا تحليلها واني ممسوي،تحاليل الغيرها هي اول وحده وهذا تحليلها

مراد بنهيار...لا مستحيل ورود الطاهره البريئه تطلع زانيه مستحيل يمكن يكون تعرضت لاغتصاب لان حالتها مو طبيعيه

الدكتور...هذا تحليلها اني متأكد

مراد حط اديه علئ المكتب...اريد اجهض الطفل...

مراد بقهر وعصبيه....سويلها اجهاض

الدكتور بغضب...مستحيل اسوي ميجوز

مراد ضرب الطاوله بعصبيه...تجهض الطفل وغصبا عنك....

الدكتور بعصبيه...لا تصيح حرام عليك البنيه صغيرة عمرها 19 واحتمال اذا جهضت الطفل تفقد امومتها للابد وبعدين هاي مسؤؤليه عبالك لعبه هذي روح

مراد بعصبيه...متسوي العمليه راحت عليك بصراحه جنت راح اغركك بالفلوس وعادي الف واحد غيرك يسويها واصلا هو طفل حرام ملازم يعيش

الدكتور...هذي روح لك بابا روح حرام قتلها حتئ وان كان حرام من حقه يعيش ويكبر

مراد بلعانه....اذا مجهضت الطفل راح تموت امه لان تعرف مجتمعنه لازم نتخلص من الطفل حتئ تعيش امه...وشكد تطلب اني حاظر

الدكتور....تعال للعياده مالتي العصر واني اجهضه بس الموضوع يكون سري والعمليه تكلف مليون ونص

مراد ببتسامه...الك التريده وان شاء اللة تحدد الي وقت واجيك واجيبها وياي اذا جبت واحد وياي كلهم عمليه الزائده الدوديه...

الدكتور...اوك راجعني خلال هاي الايام واني اجهضه والله يعوضكم خير....

تنهد مراد بحزن وبكلبه....ورود... ورود؟؟ التستحي من خيالها هيج تسوي والله مااصدوك معقووله؟؟ اله تعرضت للاغتصاب ومتحجي لازم اجهظ الطفل لازم ملازم يعيش نطفه حرام ورود حامل بطفل حتئ جسمها صغير مو مال حمل ورود هي طفله شلون حامل بطفل...اااااااه صدوك اليوم انكسر ضهري...

عند ورود سمعت كلامه وهي ترجف.....

ورود بصدمه وبكاء حطت ايدها تلقائيا علئ بطنها...معقوووله حااامل مستحيل ليش حااامل اني مصطفئ كاسر ضهري انوب يجي طفل ثاني يكسر ضهري بزايد لاااا ومراد يريد يجهضه الله لايوفقك شسوالك حتئ تموته وين اروح وين انطي وجهي،يارب لا تسد بابك بوجهي دخيلك يارب

مشت بثقل وهي تمسك بطنها وصلت الام مراد وهي ترجف ورجليها تضرب ببعض من هول الموقف

ام مراد كامت لزمتها وكعدتها وهي ترجف..شبيج حبيبتي،شنوو اليوجعج؟؟

ورود تمسكت باام مراد...خلي نطلع منا اني مابيه شئ بس شويه مستبرده اطلعينه...

شافت مراد اجه من بعيد حست باانقباض بقلبها ورجليها رجفن وماتن وكعت وام مراد لزمتها من خصرها وثبتتها

ام مراد لزمتها...هااا مراد شنوو كال الدكتور؟؟

مراد عاقد حواجبه وعيونه علئ ورود الي مرفعت نضرها ابد....كال تحتاج عمليه عندها التهاب بالزائده ولازم بااقرب وقت نسوي الها عمليه واني حددت موعد..ويه الدكتور وان شاء اللة هذي الايام

ورود بخووف لزمت ام مراد وام مراد حاولت تهديها وكلتلها العمليه بسيطه لاتخاف

طلعوا من العمليه وشافت عيون مراد الغاضبه وخزراته الها صعدت ورة بسيارة وهي تحس بالموت اكيد حجئ بشرفها وماسلمت منه منو سمح اله يدخل بحياتها ويسقط جنينها لزمت بطنها وكأنها تحمي منه ومن غيرة شافت نضراته المستفزة ودارت وجهها مضايقه ولا رجعت باوعت عليه...

************************************
حسين جان نايم علئ السرير وهو نازع القميص ولاف ايده بباندج والجرح ملفوف بشاش وملفوفه ايده علئ،صدرة ..وكاعد يخابر بديانا....

ديانا...حوبي كووولشي خلصت مبقه شئ بس أجر بدلات واحجز صالون وقاعا..

حسين...ديانا مااريد العرس بالقاعه!!

ديانا بتفهم...اعروف حوبي بس هذي القاعا حجزها عموو جلال الي هديه عورسي يعني حسوي الحنه بالقاعا والعرس انت بكيفك...

حسين بتفهم....هاااا اوك واني عورسي «يقلدها» وين اسووي 😂

ديانا بعصبيه...هي شنوو حسين غير هو عورسنه

حسين...هااا حبي نسيت..

ديانا بزعل...والله ذكرتني بواحد بس جان يقلد علئ كلامي وشكلي وربي خلصني منه

حسين كتم ضحكته...منووو يا مستهتر؟:

ديانا...اتوركه بعد راح بس بصراحه مستفز ويضحك بنفس الوقت....

حسين بضحكه...اخر رساله شنوو رسلها؟؟

ديانا وهي تطلع الرسائل وتحجي بالهتفون اسمع حسوني اسمع شيكول عليه...هم جكمه وتفيكين والكفشه مترة وجهج بطل مكصوص ياربي عثرة

حسين يعرفها رسالته.....هههههههاي خرب يووومه ميستحي هذا قليل ذوووق

ديانا...اي ونبي قليل ذووق

حسين بضحكه وبراءه...هو وجه بطل مكصوص

بعدها سمع كرمش يصيح...نعالات ابيع نعالات ابيع

حسين سد الموبايل وقفله طلع يركض فضحه كرمش شافه حاط صندوك اسود فارغ واير طويل ويجر بيهم مكعد بي جكجك وبشبوشه ومؤمل ويصيح نعالات للبيع...

حسين بعصبيه....هيييي هاي شنووو شتسوي انت

كرمش...هااا حالي داعد نلعب

حسين بااستهزاء...وشتلعب بلا زحمه..

كرمش يتفلسف....هاا اءء هتا اني حثين وبتبوته تينا وتت ابن تيانا ومؤمل هم ابن تيانا

حسين...هااا يعني انت اني وبشبوشه ديانا وجكجك ابني ومؤمل هم ابني...

كرمش...اي عفيه طح

حسين عض شفته...ويعني ديانا وجهالي نعالات واني ابيع بيهم

كرمش بثقه...اي حالي بس انت مو وياهم..

حسين بغضب...لا هم عوزها اكعد وياهم وبعدين انتم ليش ماتروحون البيتكم امكم مو راحت روحوا

كرمش...اي حالي هي دالت روحوا البيت ددكم واحنه ادينه هي امي ططتنه ابوي يدلها وديهم هنات حتئ ناتل تباب واحنه عدونه بيتنتان عبالهم ما اتلي

الترجمه😂«اي خالي هي كالت روحوا البيت جدكم واحنه اجينه وهي امي طردتنه ابوي يكلها ويهم هناك حتئ ناكل كباب واحنه غدونه بيتنجان عبالهم ماادري..»

حسين بعصبيه...انعل ابوك ياابو حتئ الخلفك امك تاكل كباب واحنه دايخين انوب يبيع نعالات عاد بيع طماطه....

كرمش جراهم وهو يصيح...قماقه قماقه قماقه ابيع

حسين راح يلطم...لا اله الا الله نزوجهن لا مرتاحين نخليهن عوانس لا مرتاحين وين نوديهن لك كرمش كافي...

خله ورجع يخابر بديانا واخوانه مطلعين عمال يبنون مشتمل لحسين وهو كاعد وساكت لان جرحه بعده مطاب...
************************************
كان متمدد علئ السرير وهو يلعب بالحاسبه دخل علئ،حساب وائل العراقي المقيم باامريكا ورسل اله مسج من البارحه وانتظر يرد عليه....رجع دخل علئ حسابه شافه راسل مسج كاتب..

«نعم اهلا وسهلا...اي اني اخوو ورود احمد ونفس المحافضه الذكرتها ونفس العنوان النطيته الي»

جلال بلهفه...همزين فتحت اريد احجي وياك.

وائل بااستغراب...تفضل::

جلال بهدوء...ورود تعرضت للاعتقال واني،ساعدته هي حاليا عندي لكن مجاي اعرف الحقيقه ومااعرف شلون افتح القضيه اخاف يحسون ويرجعون يعتقلوها ياريت لو تجي تفتح قضيتها او مناك تفتح القضيه...

وائل،بصدمه كبيرة...انت شدا تحجي معقووله شنوو معتقله؟؟شنو ذنبها؟؟ واهلي وين عنها

جلال بجمود...مااريد اقهرك بس بصراحه والدتك انطتك عمرها والدك مختفي ورود عندي

وائل بصدمه...امي ماتت...لاااا انت ناصب عليه شلون هيج يصير بعائلتي واني مااعرف...

جلال...هذا الي،صار الله يرحم والدتك...

ضل انتظر يرد مارد اكيد فجعه الخبر وادمه قلبه خاصه والدته كام من مكانه راح المصطفئ،شاله باسها بشفايفه وعيونه شكد بي شبه من ورود يحبها حد النخاع لكن قربها صعب صعب حيييل

سمع موبايله رن وكانت ام مراد فتح خط...الووو هلاوو ام مراد

ام مراد بهدوء...هلاوو ابو مصطفئ شلونك ؟؟

جلال...الحمدلله زين انتو شلونكم؟؟

ام مراد...الحمدلله بخير بس ورود مريضه طلعت عندها التهاب بالزائده ودا يريد مراد يسويلها عمليه

جلال بخووف...شنوو مريضه ليش محد خبرني وبعدين شنو مراد صاير خير بكيفه يسويلها عمليه

ام مراد...خطيه يعطف عليها اذا تريد تعال محد موجود وجيب صوفي مشتاقيله..

جلال بقهر...هسه جاي مسافه الطريق..

قفل الخط وصاح علئ عبير تبدل الصوفي وهي اجت...

عبير...وين تريد تاخذه؟؟

جلال بجمود...ام مراد مشتاقتله تريد تشوفه راح اخذه الها واطلع مناك عندي شغله

عبير...اوك حوبي بس خلي ام مراد تدير بالها لا تسورقه المهجرة

جلال بعصبيه...شنوو هذا الحجي شنوو واذا مهجرة وشنوو تسرقه متستحين هي البنيه خلي تحمي طفل وبعدين خليها تاخذ طفل وتحمي انتي عقلج وين..

عبير بعصبيه...علئ كيفك عيني مندري مزاجك برتقالي اسفين سبينه العنب الاحمر ولويش هيج كاتل روحك عليه...

جلال غمض عيونه بعصبيه....عبير وخري مني روحي واصله لخشمي اوخري مني مجاي اتحمل

اخذ مصطفئ،بدون ماتبدل اله ونزل

عبير بزعل...مرض حتئ مرض هسه كون هذاك الغبي يخلصني منها مااعروف حاسه جلال يميل الها كون يزوجها رائد ويفكني منها الغبيه المهجرة...

************************************راح لبيت ام مراد استقبلته ام مراد وبعدها سولفتله حالتها وهي محتاجه عمليه وهو عاف ام مراد كبل دخل عليها شافها نايمه علئ القنفه وشعرها واكع علئ الأرض بااهمال حط مصطفئ علئ الارض وتقرب منها رفع شعرها من الارض وجمعه علئ جهه ثانيه قبلها برقبتها وهي فزت مرعووبه

ورود بخووف...عوفني عوفني لا تتقرب مني

حضنها بحنان...لا تخافين اني،يمج مراح اتركج شبيج شنوو اليوجعج صح عندج الزائده ببطنج وتردين عمليه...

ورود بنهيار وهي تبجي....لا مابيه شي ماااابيه شئ بس عوفوني اني مااريد اسوي عمليه هو جذاب مابيه شئ...

جلال حضن وجهه بكفوفه وهي تبجي قبلها بشفايفها....ادري حبيبتي ياروحي مابيج شئ اخذج الاحسن طبيب وهو يشخص حالتج اذا محتاجه عمليه او لا يالله لا تبجين هذا مصطفئ اجاج

باوعت المصطفئ،بحزن ومدت ايده اله جابه الها جلال وحطاه بحضنها حضنته بحنان وهي تبجي ناجته بصمت ولا سمعه جلال....حبيبي صووفي ياكلبي راح يجيك اخ يسندك ويوكف بصفك بس اشوف عمرة قصير هل طفل محد يريده مراد يريد يجهضه وابوك مكتفي بيك ولا يريدني ويريده عله علئ كلبه بس مراد يسويلي العمليه امووت اموت اني واخووك ادعيلي،يمه دعيلي....

جلال حضنها ووحضن مصطفئ وهو يقبل،شعرها ويبوس اذانها ويهمس الها بهدوء... لا تخافين اني يمج جبت مصطفئ حتئ تشوفي

شاف عدم استجابتها اله وعدم رضاه بقربه رفع وجهه وقبلها بعمق بشفايفها وتركها ويه ابنها تشكيله من جور لياليها وخوفها من المستقبل...

كعد بالحديقه هو وام مراد يسولفون...

ام مراد....اعلن زواجك خطيه البنيه متبهذله...

جلال بجمود وتنهيده....راسلت اخوها وبس يرجع يفتح القضيه ونخلي الها محامي وبلكي تفرج عليها وبعدين اعلن زواجي منها اصلا اني اريدها بقربي...

شافوا مراد اجه جلال تنهد وهو عاقد حواجبه

مراد...السلام عليكم..

جلال بجمود...وعليكم السلام..

كعد يمهم وهو يسولف طلعت ورود من المشتمل لابسه ثووب نيلي وشال بيجي وبي ورد نيلي،وشايله مصطفى رادت ترجع لكن ام مراد صاحته وخلتها تكمل طريقها...وكفت قريب عليهم وهي شايله مصطفئ

مراد بهدوء وخزرات...شلونج ورود؟؟

جلال رفع عينه عليه وبده يضربه راشدي..

ورود بخوف...الحمدلله زينه بخير

مراد بهدوء...باجر الدكتور حدد عمليتج..

جلال ضرب الطاوله بعصبيه وكلها كمزت ومصطفئ،بجه...انت بااي حق تتدخل

مراد بغضب...بنت جيرانه وحاب اساعدها انت شدخلك...

ورود بعبرة...بس اني مااريد اسوي العمليه..

مراد بعصبيه...تسويها وغصبا عليج والله بطيب بالغصب تسويها

كام اله جلال بعصبيه وهو يضربه بالحايط...انت شنووو ياحشرة وتتدخل بيها..؟؟

مراد بااستفزاز...وانت شعليك ليكون عندكم علاقه غير شرعيه واني ماادري..

جلال بعصبيه حااااده ضربه راشدي باقوئ ماعنده ضيع معاني وجه..

ام مراد بخوف...عزا عزا العزاني لك مراد كافي صخام بوجهي...

مراد مسح وجه بقهر وبوعيد...يالله يصير خير..تركهم وراح...

ورود انطت مصطفئ الام مراد وركضت للمشتمل وضلت تبجي...عزااا لازم اشرد منا لازم اروح المحافضتي واخليهم يحاجون اخوي يرجع يحميني ويحمي اطفالي منهم لازم اروح لازم من باجر اني،رايحه اخووي هو يرجع حقي ويسندي...

نهايه البارت ....يتبع....

هلاوو ياحلوات...نص من المتابعين يتنغوصون 😂 ونص يرتلون😂 اثبتي نفسج من يا لهجه انتي الكرمشيه...لو بيت دنوو😂