#ذنب طاهر الفصل الرابع وثلاثون 34 - بقلم سمو العراق

#ذنب طاهر...بقلمي..«سمو العراق»😚

البارت30....

تراودني ذكرياتي معك و حديثنا و الوعود
رغم علمي ويقيني إنك هذه المره لن تعود
هنا كان لقاءنا و فراقنا بين الورود
هذا مكاننا و ذاك طريقنا و هنا ميثاق العهود
هنا مهدنا وهنا مراسم تشيع عشقنا المشهود
ذكريات مهما تناسيناها لا تمحي ابدا عبر العقود
لم يبقي بيننا بصيص امل و دربنا مسدود
دقت الساعه يا سندريلا و اتي الرحيل الموعود
فلن اترك لك تلك المره حذائي المفقود
فلا اترك لك سوي باقه ورد و عود
و ستختفي آثاري و معالمي عن الوجود
ما كان هذا بيدي لكن نفذ في قلبك لحبي الوقود

♥♥♥وورد...

دخلت الغرفتها طلعت فستان نيلي طوويل وبالوسط مثل المشبك ذهبي وبدون اكمام سبحت بسرعه وحطت مكياج خفيف واصلا هي متعرف تخلي مكياج حطت حمرة ورديه وكحل وشويه باودر ومورد لبست الفستان وشسورت شعرها بسرعه ولبست حذائها ورجعت بدلت المصطفئ لبست صايتها ولبست حجابها ونزلت شايله مصطفئ

جان كاعد علئ القنفه يسولف ويه امه وهي نزلت سلمت عليهم وام جلال اخذت مصطفئ منها وهي كعدت بصف جلال كرصها من خصرها وهي ضربته باايده وهي تبتسم

نزلت عبير من الدرج ورود فتحت حلكها من جمالها جانت لابسه فستان احمر من فوك تور ابيض ومن جوة احمر مزموم علئ خصرها واردافها وحاطه مكيااج ثقيل واضح وصابغه شعرها ثلجي ومسويته بروم ومن الامام بف ولابسه حذاء بيضه كعب عالي وجنطه بيضه وجانت عبالك عرووس ولازمه بيدها بليرة بيضه خفيفه ردان وبيها كاب

طلع جلال وامه وهي شايله مصطفئ وعبير صافنه علئ عبير وهي تلبس بالبليرة وترتب شعرها...

ورود باانبهار...طالعه كووولش حلوة..

عبير بغرور...ادري مو بحاجه شهادتج....

خلت وطلعت ورود مصدومه من كلامها وبكلبها... ثول عاد كوولي شكرا انتي الاحلئ جامليني.

طلعت شافته هو بالصدر وامه بصفه شايله مصطفئ وعبير كعدت ورة وهي كعدت ورة وياه

ام جلال...ورود اخذي مصطفئ ضوجني يحوس

ورود ببتسامه...اي تعالي حبيبي

اخذته منها حطته بحضنها وهو يحرك بااديه ويريد يفلت منها صار عمره7 اشهر وصاير وكح ويدردم

ورود بحنان...شبيك ماما اثبت ليش وكح

مصطفئ ضربها بيده حيل.. با به تت هاا «مدري شنو يحجي😂»

جلال بضحكه...شيحجي مصطفئ بيك

ورود بضحكه...والله ماادري يحجي كردي مدري اجنبي شوو مافتهمت اللغه مالته بس اني اخاف غلط عليه؟؟ هههههه

جلال بمزح...هههههه شحده غير مارايد رووحه

عبير بقهر...جلال دنووو دا تريد اروح وياها اسفط ملابسها لان دكول انتي مرتبه ارووح لو لا

جلال بهدوء...روحي بس منو ياخذكم؟؟

عبير بدلع....بكيفك انت او مراد؟؟

جلال...لا خلي مراد بصراحه اني اليوم تعبان واريد بس ارجع

عبير بزعل...اوك

وصلوا البيت ام مراد ونزلوا من السيارة دخلوا جوة لكوو محد موجود بس ام مراد وديانا بعدها بصالون وبعدها تروح للقاعه

كام واشر عليها وهي راحت اله وكفت عنده بالمطبخ طلب منها تفتح صايتها وهي فتحتها وهو يتأمل جسمها الرشيق حط ايده علئ خصره وهو يقربها عليه...

جلال بحب...لج يمعوده اقري سورة الفلق لا تجيج عين او قناص طاير

ورود بضحكه...علئ كيفك مو هلكد حلوة عبير طالعه تجنن حتئ معرفتها والله

جلال بعدم رضا...ثول هسه شجاب عبير بنص

ورود بضحكه....ههههههههههه ماادري

جلال ابتسم عليها جمع شعرها للجه الثانيه وقبلها برقبتها قبله قاااسيه

ورود حطت ايده علئ رقبتها...اي شبييك؟؟

جلال ببتسامه...حتئ يعرفون انتي متزوجه ياروحي

ورود بخبال بضحكه...ههههه لا تخاف اشيل مصطفئ واحط ايدي علئ ضهرها وامشي مثل البطه وهمه راح يعرفون مزوجه ومخلفه وحاامل

جلال...اهااا تمام والله خوش تفكرين

لزمت ازرار قميصه وهي تلعب بيهم وبهدووء.. تحبني؟؟؟

جلال بمراوغه...انتي شتحسين؟؟

ورود وهي متباوع بوجه...والله مااعرف بس احسك تحبني...

جلال وهو يحضنها...تؤ تؤ تؤ احساسج غلط اني مو احبج اني امووت انتحر انجلط اني مجنون بحبج

ركضت عليه وهي تحضنه وتبوسه...لاول مرة يا جلال اريد اكلك اني احبك احبك ياابو مصطفئ من اول يوم التقينا وانت شاغل تفكيري

جلال حضنها بحنان...ههههههههههه فداج الشاغل تفكيرج يموت عليج ياام مصطفئ

ورود بضحكه...خلي اروح لا تجينه عبير وتتخبل

جلال بعصبيه...لا تخافين منها مالج شغل بيها انتي زوجتي مثل ماهي زوجتي اوك حبي لا تخافين

ورود بكذب...لا مااخاف بس ميخالف خلي نبتعد عن المشاكل ونعيش مرتاحين اني جاي احاول اكسبها

جلال بحب...لا تحاولين عبير متنكسب..

ورود...ههههه نحاول جلال مشتهيه خيار وحط عليه ليمون وملح واكل

جلال عقد حواجبه...تموتين علئ الحموضه يمعوده لا تموتين شوكت مااجيج تاكلين ليمون وملح

ورود ....امممممم طيييب

جلال بحب...ارجعي من الحنه واكلي للصبح

ورود رفعت اصبعها بتهديد...اليوم تنام يمنه اني صوفي مفهوووم؟:

جلال بمرح...اكيد يمكم لان البارحه عند عبير

ورود...اوك حتئ احظر خيار وملح وليمون ولبن

جلال...ولج شنوو مزة..

ورود بمرح...ههههههههههه اي مزة هذا النونو الجديد احتمال يطلع منحرف..علئ ابو

جلال بضحكه...ههههه لج اني مو منحرف بس من اشوفج انحرف تلقائيا..

ورود..ههههه روح لحد يجي..

باسها بخدها وتركها وراح وهي رجعت عند ام جلال شافتهم كاعدين شالت مصطفئ وباسته وبعدها طلعن راحن للقاعه اخذهن مراد جانت نضرات مراد هادئه وبارده الورود بعد هي زوجه عمه ماله حق بيها لكن غصه تتداخل بقلبه لان عدهم طفل وهي حامل وهو حباها وطلعت مو اله شالها من باله وهو حالف ميفكر بيها نزلن بالقرب من قاعه مسايه زيونه وطلعن من السيارة وراحن للقاعه....

************************************
عند حسين....
لبس قميص ماروني وبنطرون اسود وحذاء سوده ويلك اسود فوك القميص ومسوي تسريحه عند الحلاق رش عطر وحط علج بحلكه ويعلج«ليش،يعلجون😂»

نزل من الدرج وهنه عبالك مدري منو شافن اجن يركضن ويهوسن ويركصن ويهلهل ويبوسن بي

ام حسين...حسوني التين ومحلي البساتين حسوني التين ...

ام كرمش تباوع علئ امها وتركص وتصفك... ابنج متخير نواصه...ابنج متخير نواصه كللللوش

حسين...يالله امشن اتاخرنه هسه يطردونه اهل القاعه...

كلها ركضت لبست عبايها وشالن الجهال ونص بيدهن ونص علئ جتافهن وراحن للسيارات...

حسين...هيي هييي وين ماخذكم للروضه ماخذين الجهال كلها

ام كرمش...شنيه دخلي الجهال تروح هي مرة بالعمر ولا تخاف النواصه متخرب الخطبه بعد تورطت

كرمش لابس قاط ...اي حالي نليد ناتل تيت

حسين بقهر...تموتون علئ الكيك ما ميتين عليه

ام كرمش بااستعجال ....يالله يالله اصعدوا اصعدوا اتاخرنه...

راحوا للقاعه والجهال طالعه من السيارات ويركصون وديجي يشتغل ويهلهلن

وصلوا للقاعه مسافه الطريق دخلوا للقاعه بزعاطيطهم وضلوا يهوسون ويهلهلون بعدين ام الديجي صاحت بالسماعه وطلبت منهم يكعدون بااماكنهم

وكلمن كعد بمكانه بدت اجواء الحفله الصاخبه شغلت ام الديجي اغنيه...«علواه نرجع مثل ماكنه» وكام حسين ركص هو وديانا كانت لابسه فستان ذهبي طوويل وضيق ومن جوة عريض مثل السمكه ومسويه تسريحه كوولش حلوة ومكياج برونزي وبعدها شغلوا الهم اغنيه...« يابنت السلطان حني علئ الغلبان»ّ.وكامن اخوات حسين ذبن لحم بالركص

بعدها حسين لزم خصر دنوو وجابوو الكيكه اربع طوابق وسيف ولزموا اثنينهم وكصووا

كرمش...عاااا التيته اتبرهاا

وجكجك يبجي علئ السيف يريده وبشبوشه تريد كيكه تبجي وكالبين الامه

قطعوا الكيكه واكلوا بجطل واحد وتصفيق والهلاهل وبعدها بدلوا الحلقه من اليد اليمنئ لليسرئ عالنين عن زواجهم...

بعدها لبسها الذهب كلاده ومحبس وسوار وتراجي وام كرمش تركص...«مرتك صغيرونه يلوك الها الذهب»

ورود كانت واقفه وهي حاطه الشال علئ جسمها وشايله مصطفئ وهي تباوع عليهم ابتسمت وهي تحط نفسها مكانهم وجلال وياها باست مصطفئ بقووة وضمته الصدرها وهي تشكر ربها علئ نعمته

ديانا لازمه ايد حسين عبالك جاي ينهزم...حوبي الكعب كووولش عالي احس تكسروا رجليه

حسين...اي والله الكعب يئذي جان لبستي فلات وطلعتي سنفورة..وماتكوسروا رجليج«يقلدها»

ديانا بمرح...اي حسوني مكوتلي طالعه حلوة لا؟:

حسين تنهد وهو يباوع علئ المعازيم...اوووف غير تجوننين«يقلدها» اتمنئ هسه اصيح احزوم ناسوف واخليها كوله تشرد.واخذ راحتي ياراحتي

ديانا....هههههه والنبي احلئ فوكرة

حسين...اي حلوة بس ام كرمش لو مو احزام ناسف ماتشرد اختي واعروفها «يقلده»

ديانا....ههههههههههه يالله مضل شئ باجر اني عندك

حسين...هو راح اضل كاعد للصبح

بجانب ثاني من الحفل.....

كانت كاعده بكل جبروت وهي تتراسل ويه اخوها لان متسمع بالمخابرة بسبب الضجه

رائد...قدم بلاغ وفد ساعه ويكبسونها

عبير...اوك احنه ساعه ونرجع اول منوصل تعالو اوك حبيبي رئودي..

رائد...اوك ورة اسبوع انشر صورته

عبير...ههههههههههه دمرتها دمار

رائد بخبث...حتئ تعرف شلون تندك بااخت رائد

عبير..ونعم الاخ حبيبي

قفلت موبايلها وهي تباوع الورود والواقفه قريب من المسرح وشايله مصطفئ رغم بساطتها الا هي بيها جاذبيه مفرطه قامت عندها وحطت ايدها علئ كتفها دارت عليها ورود وتفاجئت منها..

عبير....انتي ليش تزوجتي جلال يعني ليش من دوون العالم كوولها اله جلال

ورود بهدوء...والله يا عبير ضروفي هي الي ربطتني بجلال مجان بنيتي اتزوجه لكن هي قسمه وصار زوجي واني مااحب اخرب بين زوجين بس هو طلبني للزواج واخذ مصطفئ مني وهسه رجعه

عبير بقهر...اكرة علئ قلبي شخص يشاركني بااملاكي لذالك اني ممتقبلتج ولا راح اتقبلج بحياتي حتئ لو يصيرون عندج عشر اطفال...

ورود بثقه...مو مهم تتقبليني بحياتج المهم ابو مصطفئ متقبلني بحياته وهذا اهم شئ..

عبير بثقه...عااادي مده وينتهي هذا التقبل وترجعين المزبلتج الاجيتي منها

ورود بهدوء...اني عمري كله مكعدت بمزبله ومحترمه نفسي والحمدلله الله رزقني بزوجي واطفالي

عبير بحقد وعصبيه...تحبي؟؟

ورود ...طبعا احبه اذا مو الخاطرة الخاطر اطفاله ويكفي هو ابو مصطفئ الهذا الشئ اله معزة خاصه

عبير تركتها وهي تتحلطم ومقهورة منها تمنت هسه يعتقلوها ويخلصونها منها......

************************************

جان كاعد بالاستقبال وهو يلعب بالحاسبه اجته رساله من اخوو ورود...

وائل...مرحبا..

جلال...اهلا مرحبا

وائل ...شلونها ورود؟؟

جلال..الحمدلله بخيير

وائل...هي ليش كاعده عندك ترئ كعدتها غلط

جلال...لا مو غلط هي زوجتي وام ابني

وائل بصدمه...شنوو ورود تزوجت؟:وعدها طفل؟

جلال..اي زوجتي وعدنه طفل وحامل..

وائل...لا اله لا الله شلون صار هيج كل هذا صاير وياه ومحد يدري استغفر الله اريد احجي وياه اخاف ممرتاحه اني قدمت علئ سفر ورفضوا لان صار 9سنوات طالب لجوء

جلال...اوك بس تجي اخليها تحاجيك واجيتك للعراق كوولش مهمه

دخلن كوولهن وهو قفل الحاسبه قام واخذ منها مصطفئ ضل يبوس بيه ويلعبه وكعدوا كلهم سوة جانت عبير حييييل متوترة وخايفه عكس ورود جانت هادئه وتضحك علئ مصطفئ صاير وكح ويضرب وتضحك عليهم جلال يضرب مصطفئ علئ كيفك ومصطفئ يرجعها حييييييل

ماحسوا اله اقتحام مفاجئ علئ بيتهم وانقلب الئ قووة عسكريه انصدم منهم ورجف كلبه ورود ضلت ترجف

ضابط الشؤؤن بعصبيه...منووو ورود احمد منجن؟؟

ورود بخووف وغباء...اءءء اا اني

الضابط بامر...اعتقلوها..

تقربت منها القوات وجلال بعصبيه بعدهم عنها... عوفوها لحد يلمسها شنو بكيفكم تاخذوها

تمسكت بجلال وهي ترجف وتبجي بقوووة...لا عفيه جلال لاااا لاا تخليهم ياخذوني لا عفيه مااروح

الضابط بجبروت...عليها تهمه القاء القبض بتهمه الارهاب والهروب من العداله والتزوير

جلال بعصبيه وهو حاضنه...انت شدكول وينها وين الارهاب ورود بريئه ماعندها هيج شئ وبعدين اني ضابط...وهي زوجتي

الضابط..زوجتك ضللت بيك وكذبت عليك هي متهمه وهاربه من العداله واذا متسلمها ناخذها غصب..

جلال حضن وجه ورود...روحي ورود اني وياج مااخليج لا تخافين

اجت المنتسبه لزمتها من ايدها ورادت تاخذه.

ورود ......بس شويه راحت عن مصطفئ وشالته وحضنته حيييل وباسته وهي تبجي بصوت عالي ونفس مقطووع

ورود بعبره...يمممه مصطفئ ادعيلي الله يفك اسري وتضهر الحقيقه وارجعلك يمه حبيبي

رجعت الجلال وشافت عيونه بيهن الم وقهر عليه حضنته حيييل وهي تبجي وهو تمسك بيه بقووة..جلال لا تتركني الله عليك مالي غيرك بعد ربي حبيبي لا تعوفني والله اخاااف اخاااااف

سحبتها المنتسبه من حضنه وهي متمسكه بي بقوة وتبجي وتجر بيه لزم ايده لكن جرتها المنتسبه بقوة وسحبتها منه...

جلال لزم الضابط بعصبيه...شوووف مرتي حااامل اذا صاار الها شئ او الطفل صار اله شئ متلومون اله نفسكم والله ادمركم فااهم

الضابط...لا تخاف محيصير الها شئ

طلعوا وهو طلع وراهم شافها كاعده بالسيارة وهي تبجي وتصررخ بقووووة نقهر عليها حيييل ومشت السيارة

رجع للبيت وهو متوتر...وعبير ابتسمت بخبث وشالت مصطفئ وباسته بهدوء وهي تخفي ابتسامتها

شال التحفيه وضربها بالارض وتناثر الكزاز وشمر الحاسبه شال المفتاح وهو يرجف وتنفسه سريع اخذ مفتاح السيارة ومكدر اله يلحكها ويطمن عليها...

نهايه البارت....يتبع..

https://www.youtube.com/watch?v=OX4I4lC8KYk