#ذنب طاهر الفصل الخامس وثلاثون 35 - بقلم سمو العراق

#ذنب طاهر...بقلمي...«سمو العراق»

البارت...31...

اميرة بين النساء انت لا اسيرة
تركت لك الفصل والخطاب في الاختيار
بين مماتي وعشقي
نعم هذا هو الاختيار
بيدي سأمحو مر الذكريات الاليمة
وستكون لنا بدلا منها الحب والغرام
تقولين هجرتك وتركت الجموع من سمعتك تغترف
بالله عليك لاتظلميني بظنك ياحنيني
تركتك لاكون انا المذنب والجاني لاأنت
تركتك لانني رجل يهوى من النساء طفلة
تركتك خوفا عليك من طوفان غرامي وعشقي
بالله عليك قولي كيف كنت ستقبلين جنون رغباتي
ان لمستك بغواية او لثمت منك الشفتين بحرارة
قولي لي كيف اذا ثارت نبضات قلبي وهيامي
ابعد هذا انا مذنب؟
بحمايتي انت وتحت عيني طوال تلك السنين
لاتظني اني كنت عنك بعيد
أترين بقيودي لك داميات
اذن انت تريدين الفرار
فانا بالذي افعله محق
نعم انا مستبد بحبك وعشقي
لم يسلب منك الاختيار ياحياتي
فاختيارك كان منذ الولادة
انا قدرك انا قيدك انا آسرك
دعينا نهادن و نأخذ استراحة محارب

ركب سيارته وساق بسرعه جنونيه السجن سايد فور
دخل للسجن بعد ماانطه بطاقه طلب يشوفها وجابوه

الضابط الشؤؤن الثاني...اصبر هي هسه دخلت للسجن متكدر تشوفها

جلال بعصبيه...منوو اشتكئ عليها وليش مااخذتوني وياها ليييش؟؟

الضابط...اجه ابلاغ عليها وانت ليش ناخذك هي الغلطانه وضللت بالعداله وضحكت عليك

اجه يعترف بكل شئ بس تراجع اذا دخل وياه السجن راح يخسر القضيه وماكوو واحد يساعدها قرر يضل مثل مصار الابلاغ لحد ما يثبت برائتها... زين اريد اشوفها؟؟

الضابط...اوك هسه اخليهم يجيبوها

ضل كاعد منتضرها وهو يغلي من الداخل فكر منوو ممكن يشتكي عليها؟؟ معقووله احد من عائلتي؟ او يمكن تكون عبير؟ بس عبير مطالعه مااعتقد حتئ متعرف وين المركز..منوو القدم البلاغ منوو؟؟ والله ماارحمه والله؟؟

دخلت عليه وهو حس بدون ميرفع راسه بسبب شهكاته وبكائها كام الها ملهووف وشافها تبجي وكلبشات بااديها تقرب منها بلهفه وحضنها بحنان

ورود ببكاء وهي حاطه اديها المحبوسات علئ صدرة وهي تبجي بعدها عن صدرة ومسح دموعها حضن وجهها بحنان....حبيبتي لا تبجين اني وياج لا تخافين

سحبها كعدها علئ الكرسي وكعد مقابيلها لزم اديها بحنيه وراح للضابط اخذ منه مفتاح الكلبشات وفتح اديها...باس اديها بحب وحط ايدها علئ خده

ورود بخوف وبكا،...جلال عفيه طلعني بسرعه طلعني المكان قذر ويخوووف وكلهن يخووفن حاطيني ويه المجرمات والله من الخوف حسيت اسقطت الطفل...

حضن اديها بااديها وبهمس....اششش لا تخافين والله اطلعج منا لو يضل يوم بعمري بس انتي قوي نفسج لا تصيرين ضعيفه لا تضلين بس تبجين ام دميعه شوكت تصيرين قووويه

ورود بخووف وهبطه....جلال عفيه لا تخليهم يعدموني الله عليك والله خطيه مصطفئ يتيتم ساعدني وحتئ الطفل الجديد هم خطيه يموت بطني من يعدموني....

جلال ضرب جبينه بقهر...لا اله الا الله لج وين اكوو حامل يعدموها؟؟

ورود بفهاوة...يعني اذا حامل ميعدموني ؟؟

جلال بتنهيده...لا ميعدموج لا تخافين متوصل للاعدام قابل انتي شمسويه همه اربعه ارهاب معادميهم يعدموج انتي

ورود بخوف وبكاء...الحمدلله همزين طلعت حامل حتئ ما يعدموني والله كوولشي ممسويه والله ممسويه شئ

جلال حضنها بحنان وكومها...لا تخافين وديري بالج علئ نفسج اني هسه اوصي عليج الضباط والمنتسبات وام علاء اخليها تجيج لا تخافين

اجه الضابط...خلص الزيارة

جلال باوعله بقهر...انتظر لحظه..ممكن

الضابط سد الباب وطلع....

تقرب منها باسها بشفايفها وهي تبجي ابتعد عنها مسح دموعها بحنان...راح اعين الج محامي شاطر وان شاء اللة خير...

ورود تمست بااديه...لا تتاخر عليه ياابو مصطفئ مضل عندي صبر وخوفي زايد عن حده اخاف وحده منهن تخنكني وتموتني او ترفسني وتموت الطفل

جلال ببتسامه...شنوو مصارعات ولوو هنه يخوفن بس ابتعدي عنهن ولا تحجين وياهن اوك

ورود ببكاء...اوك مراح اتقرب منهن

رجع باسها بشفايفها وضمها الصدرة وهو ينعش روحه الهيمانه بيها مسح علئ ضهرها ودقت المنتسبه الباب واخذتها منه جانت نظراتها حزينه اله وهي تتمناه ميروح وهو حالته اصعب اتمنئ يضل بسجن ويضل عندها ويطيب جروحها لكن غير مسموح بهذا الامر.....
************************************
مراد اجه البيت جده دخل شافهم كاعدين والكزاز متناثر علئ الارض ومصطفئ بحضن بيبيته

مراد بااستغراب...شكوو شصاير معقووله عمي كتل ورود وكسر البيت لان همه الاثنين ماكوو

عبير لوت حلكه وبكلبها ياريت والله...لا مرت عمك المصوون طلعت ارهابيه وهسه بالسجن

مراد بصدمه....هاااااا انتي شدا دكولين صحيح انتن ضراير وهي احلئ منج بس متوصل تشمرينها بسجن

عبير بقهر...شنووو احلئ مني هذي المجرمه احلئ مني الزفته التبن صدووك ما عدكم ذوق لا انت ولا عمك..

مراد صار هيج:😒

دخل جلال وهو مزعووج ومتضااايق

ام جلال بالهفه وهي شايله صووفي...هاا جلال بشر شنووو صار؟؟

جلال اخذ منها مصطفئ وباسه...بعدها من باجر ادور محامي شاطر

مراد بتساؤل...شكوو شصاير؟؟

جلال بهدوء...ماكووو شئ

مراد بقهر...عموو صدووك ورود بالسجن؟؟

جلال بعصبيه...يعني واذا بالسجن شنو شصار يومين وتطلع ورجاءا مااريد اي شخص يعرف خلي يفوت عرس ديانا سلامات ومااريده يخرب

تركهم وراح وهو ياخذ مصطفئ دخل للاستقبال وسد الباب لحكه مراد فتح الباب وكعد مقابيله

مااهتم المراد كعد يدخن ومصطفئ بحضنه وهو يتحرك ويحاول يسحب الجكارة لزمه جلال وبعصبيه....لك بابا شبيك تكلي شبيك اكعد

مصطفئ عقد حواجبه وبرطم شفايفه دليل علئ بكائه جلال انقهر عليه ضحك بقهر وباسه بشفايفه..حبيبي ياعمري مو عليك علئ مراد هو مراد وكح...

مراد صار هيج😧...شنوو مراد حايط نصيص حتئ،ذبيتها براسي تريد تسكت ابنك الدلوع

جلال ضحك بحزن...هههه اريده يسكت والله من قهري صاير اعصاب حتئ مصطفئ ممتحمله كسر خاطري من دمعت عيونه ذكرني بورود

مراد بتنهيده...شبيها ورود شنوو قضيتها يمكن اكدر اساعدكم واني اعرف محاميين شطار تعرف اصدقائي كوولهم محاميين ويكدرون يساعدوك

جلال بتنهيده....اووووف ورود متهمه بالارهاب هاي قضيتها بس هي بريئه مالها ذنب كل ذنوبها طاهرة

مراد بهدوء...الله يفك اسرها ويرجعها الابنها... وبغصه والزوجها..عموو انت شلون تعرفت عليها؟؟

جلال ببتسامه وهو يعيد الموقف...اعتقلت ويه الارهابيات لكن هي الوحيده البيها برائه وطفوله وطهارة من شفته رجف كلبي عليها بس تجاهلتها بعدها ماكدرت اله اساعدها ساعدتها وتزوجتها وصار مصطفئ وهي حامل حاليا ومااعرف شسوي محتار

مراد بقهر من عمه...الله كريم الله يفرج عنها بصراحه متستاهل كوولش فقيرة...تحبها عموو؟:

جلال بثقه...ماكووو مصطفئ هي اغلئ من مصطفئ والله مااعرف شلون انام ليل ورود حالتها حاله حاس مثل الدفن مرته ورجع تاركها الوحدها بحياه برزخيه...الله يطول بعمرها وترجع البيتها مقهور عليها حييل متعرف تتصرف بس تبجي ضعيفه حييل وتخاف من خيالها

انقهر علئ عمه حيييل وانقهر عليها اكثر حب يسحب نفسه بهدوء ويتركه لعمه هو اوله بيها منه وبعدين هي ام اطفاله ..كمل بتنهيده...الله يجمعكم وان بخدمتك عموو شنوو التريده اني حاضر..

جلال بجمود...تسلم مراد متقصر حاول تشوفلي محامي شاطر ومااريد اي شخص يعرف بالموضوع لان خطيه ديانا خلي تفرح بعرسها

مراد...اوك مراح يوصل خبر ويالله مع السلامه اني حروح البيتنه اني...

جلال...الله وياك..

راح مراد وجلال حط مصطفئ علئ صدرة وتمدد علئ القنفه مصطفى نام بهدوء لكن جلال ماغفت عينه وهو محتار شلون يطلع ورود من هذا المئزق..

************************************اليوم الجمعه....عرس دنوو وحسين...

اجت ديانا من الصالون كانت لابسه بدله بدون اكمام ولا خيط فقط مزمومه علئ الصدر ومن جوة منفوشه ستن ومن ورة طوويله حيييل ملكيه ومسويه تسريحه من الامام بف وبعدها كوله مرفوعه وتاح مرصع بالالماس وعقد وتراجي ومهتمه باادق التفاصيل....

اجت الخطار التمت ببيت ام مراد صديقات ديانا وخالاته واقاربها وبيبيتها وهم منتظرين الزفه

عبير جانت لابسه بنطرون ابيض وجاكيت احمر وجواها بدي اسوود وحذاء حمرة وحاطه دبل ميك أب ولابسه شال اسود لافته بااهمال وطالعه حلووة

ديانا بتساؤل...بيبي اشوو ورود ماكوو؟؟

ام جلال بلكنه...اي جلال مقبل تجي

ديانا...اهااا بس ليش البارحه جانت موجوده هسه حخابرة يجيبها خطيه ليش بس عبير حرام يفرق بينهن وبعدين انقهرت عليها من ماما حجتلي قوصتها

ام جلال بتنهيده...لا عوفيها هي هم متريد تجي احتمال ياخذها للدكتور علئ مود طفلها نازل

ديانا...اهااا بس حبيت تجي ويانه وتفرح

ام جلال بقهر وبكلبها..وين تجي المسكينه نايمه بطامورة ضلمه الله يفك اسرها وترجع الابنها

اجت الزفه ودخل حسين لابس قاط زيتوني وقميص ابيض وطالع كوولش حلوو دخل هو واهله وكعد يم ديانا...همس بااذانها وهي ابتسمت..«مدري شكلها😂»

بعدها اجه عمها رجال كبير وطلع ديانا وحسين ركبوا بالسيارة وانطلقت الزفه والهلاهل وولد عم حسين جايبين ديجي ومشغلينه بالسيارة البي كم الكشف ويركصون وحاركين الجوو حرك..

وصلوا للبيت وحسين نزل ديانا بالكوة عصت بالسيارة بسبب كبر حجم بدلتها شالها من خصرها وطلعها..

ديانا بمياعه...اووي دا تاذيني ونبي وجعتني😧

حسين يقلدها...ونبي مو قوصدي

اجه ابو كرمش وكفهم بعتبه الباب وجاب الدجاجه وسجينه يريد يذبحها فداء الهم حطها كدام رجل ديانا وهي تمسكت بيد حسين بقوووة

ديانا بخووف...حسين حسين وخرها وخرها عفيه ونبي اخااف اخااف منها اوووع

حسين بمزح مصدوم...تخافين من الدوجاجه..والنبي محد يهلسها ويركبها غيرج عليه الطلاك

عاطت من ابو كرمش مسح دم السكين بحذائها البيضه وتمسكت بحسين وحسين وابو كرمش يضحكون وكرمش شال الدجاجه وهي ميته واخذها للمطبخ..«هاي الزلم الخشنه كرموشي»

ام حسين دايخه...جيبوو جدر نحط بي ام كرمش يبوو جيبوا جدر نحط بي الدجاجه

مرت ابنها جابت جدر...هاااج عمه هذا الجدر

شغلن الديجي وضلن يركصن مشغلات معزووفه ويركصن وديانا فاتحه حلكه مصدووومه منهن وكلهن عدهن كووومه جهال وحتئ جهالهم تركص

صبوا العشاء وكله هجمت تمن ولحم ولبن واكلن ويوكلن بجهال وديانا متقرفه

زفوا حسين ولزم ايد ديانا بحنيه وصعدوا الغرفتهم كان المشتمل صغير وبس مرتب وبنيان جديد وغرفه النووم حلوة نوعا ما

حسين لزم ديانا بحب باسها بجبينها وباسها بشفايفها وهي مبادلته بعدها ساعدها نزعت البدله وفتحت التسريحه ودخلت سبحت ولبست روب ابيض وفوكاه تور راح حسين توضئ،وفرشوا السجادات وهي توضت وصلوا

كامت نزعت عبايه الصلاه وحسين حضنها وهو يبوس رقبتها...مستعده يكلبي

ديانا بخجل...حسين خليها الباجر

حسين...لا يكلبي اليوم احسن وبعدين اني احبج واليوم ميفرق عن باجر شئ انتي خايفه؟؟

ديانا...شووويه..

شالها بين اديه وهو يقبلها بحنان وينزع روبها وتقرب الها بحنيه وحب ودلال وصارت زوجه فعليه الحسين حبيبها وعشيقها وكاسر غرورها......

************************************
بعد مرور ثلاث اشهر تقريبا.....
عند ورود كانت كاعده علئ السرير ذات النفر الواحد وهي ترجف خووف ورهبه ونهيار المكان وصخ ومتروس داعشيات من غير دول خااايفه حييل حاسه بغربه ووحده لزمت بطنها بعد ماحست بوجع عليه خمس اشهر بجت من الوجع وضلت تتلوي لكن محجت لاي شخص...جلال ميجيها مثل قبل وحاز بخاطرها ومصطفئ صار هواي مشايفته من انسجنت لحد الان جابه الها بس مرتين

تذكرت موقف وياه...

جانت نايمه ومصطفئ يلعب بصفها باسته بحنيه وهو يلعب اجه جلال دخل شاله شمرة لفوك وباسه وهو يضحك رجعه علئ السرير

شافها لابسه ثوب قصير احمر من الجوانب مفتوح وبارز بياض بشرتها نام بصفها وصعد علئ جسمها بااسهااا حيييل وهمس الها بنبرة هادئه رومانسيه...غلاي جووعان

كامت بسرعه وطلعت روب قديفه لبسته تفاجئ منها وبااستغراب...وين رايحه

ورود بحب...راح اصبلك غده مو جوعان

جلال ضحك عليها بقووة وشال مصطفئ نومه بسريرة وحضنها من خصرها...اي جوعان بس الاريد اكله اله طعم غيير

ورود بااستغراب...شنوو تقصد؟؟

جلال بحب ...هسه اعلمج

اول مشالها عرفت قصده ضربته علئ صدرة بخجل وهي تبتسم وهو ضحك عليها وتقرب منها وهو يرفع ثوبها نزلته ومخلته...

جلال بحب...ليش؟؟

ورود بمرح وهي تحط ايدها علئ بطنها...تؤ تؤ تؤ النونو ميقبل

جلال رفع حاجبه...مو هو بكيف النونو يخسئ هو واخوو مصطفئ اذا منعوني منج يا حبي

دفن وجه برقبتها وهو يبوسها عضته بخده وهي تضحك عليه

جلال بلوم وهو يمسح خده...جنيتي علئ روحج ياام مصطفئ راح احركج بناري

ورود بضحكه...هههههه بس انت تعضني هذا ضلم

تقرب منها وهو يبوسها ويجردها من ملابسها وتيه وياها برومانسية وحبه الها...«طبعا محد طردني بس اني جنت العب بمصطفئ😂»

استفاقت من ذاكرتها مرعووبه حست مثل المي نزل عليها مع اوجاع تروح وتجي كامت للحمام تخبلت من الشافته دم ...دم تنزف وهي بشهر الخامس بجت من الخووف وراحت بسرعه وهي تترنح بمشيتها طلعت للمنتسبه وكلتلها علئ حالتها المنتسبه بسرعه خبرتهم واجت اسعاف واخذتها وهي ترجف وتبجي

ورود ببكاء والم...عفيه خابروا جلال خلي يجي اني راح امووت خلي يجيب مصطفئ اشووفه يمه ويينج اريييد امي اريد جلال تعالوا لا تخلوني الوحدي يمه

************************************
دخل للبيت مثل الاسد الهائج ركض بسرعه علئ غرفه عبير شافها كاعده تحط صبغ اضافر تقرب منها لزم الصبغ وشمرة علئ الارض بقووووة

عبير بتفاجئ...شبيك جلال؟؟

لزمها من شعرها بعصبيه وهو يفح من العصبيه ويزمجر بغضب....اخووج الكلب البارحه باليل نشر صورة ورود وسوالي تاك عليها

عبير وهي تحاول تخلص نفسها منه...لا مستحييل رائد ميسوي هيج اصلا هو بالبنان ومن وين اله صورة ورود؟؟

جلال عاط بوجهها بعصبيه...عبالج غبي عبالج اثول لج اخوج منطيها الواحد وناشرها رحت هكرت حسابه وسويت دعوة القاء القبض واعترف علئ اخووج وماكووو غيييرج منطيه الصورة

عبير بحلف وكذب...والله والله مناطيته اله مااعروف من وين جابها..

شمرها علئ السرير بقسوة وجاب القران حطه مقابيلها.....احلفي واقسمي مو انتي الانطيتي الصورة

عبير حطت ايدها علئ القران بخوف وبكاء وتوتر...اي اني نطيته الصورة قبل لا اعروف زوجتك

هجم عليها بقسوة وهو يشوة وجهها بالضرب وهي تصررخ....لج يا كلبه ياحقيرة هذا شررف هذا شررف تقبلين واحد يلعب بشرفج وينشر صورج تقبلين الله لا يوفقج الله لااااا يوفقج

اجت امها تركض وحاولت تخلصه منه بس ماكدر بسبب قوة جسمه بالزوور يالله خلصتها ركضت عبير وهي مرعووبه منه اول مرة هييج تشوفه وهو بعده يتهدد عليها...

عبير بقهر...اكرها اكرها ان شاء اللة تموت بنت الكلب ام الشوارع اخذتك مني كرهتك بيه والله وراها لحد الممات اله اكرها بنفسها

جلال بجمود....انتي طااالق

فتحت عيونها مصدوووومه منهارة وهي تتوعد والله والله اله اخليك تعفن بسجن ياكلب اله اخليك بالبلاغ واريد اعروف منوو يطلعك يا حمااار «بكلبها»

اتصال من سجن سايد فور فتح خط ملهووف....تعال المستشفئ مدينه الطب

نهايه البارت...يتبع...

اهلا غاليتي اشكركم السؤالكم عليه ماقصرتوا واعتذر عن التأخير صار عندي ضرف طارئ... واذا اكوو سحكات غلسوا😂😂