#ذنب طاهر الفصل السابع وثلاثون 37 - بقلم سمو العراق

#ذنب طاهر...بقلمي..«سموو العراق»😚

البارت..32...

وعدتك بانني لن اؤذيك مادامت بصدري انفاسي
سأعيد اليك ماسلب قديما بيد من كانو لك الاهل
سأعيد بسمة ايامك واحقق لك احلاما كنت تظنينها سرابا
انتظرتك سنين ياوجعا بقلبي يتجدد
الشوق اليك يقتلني ويحيني ويقتلني لكني لن ارضى ان تكون
حبيبتي بالحب مهانة اريدك ياورود ايامي
كما احلم دوما ملاكي الذي حبس انفاسي
اريد ان اسكننك بصدري وابدل قلبي بحنيني
واحرسك بضلوع صدري واحس ان هذا لن يكفي
لمنية الروح ومعشوقة قلبي منذ عصور ابدية
اخاف عليك من نفسي يانفسي والروح سوية
اتمنى ان اعطيك انفاسي وسنين حياتي لاراك
سعيدة مرتاحة هانئة البال والروح
اريد واريد واريد ولكني اكتفي بنظرة عينيك

ركب سيارته وهو خايف عليها وساق المستشفئ مدينه الطب مسافه الطريق ووصل شاف سيارة عسكريه واقفه وسيارة الاسعاف بصفها عرف ورود بيها شئ انقهر بقووة مرته مريضه وهو لاهي عنها
نزل ملهووف عليها دخل للمر واتصل بااحد الشرطه وخبرة بوجودها بغرفه رقم..... بالطوارئ

شاف ثنين شرطه واكفين بالباب سلم عليهم وانطاهم الهويه العسكريه وادخلووا لكه ام علاء كاعده عندها اول مشافته كامت سلمت عليه وطمنته عنها

شافها نايمه ببرائه وخصلات شعرها متمرده علئ حجابها وطالعه ووجهه اصفر شااحب وشفايفها متقرحه حئ باانقباض بقلبه علئ شكلها وحالتها كعد عندها لزم ايدها المشكل بيها المغذي والكانوله باس اصابع اديها..وام علاء انسحبت بهدوء...

بلع ريقه بتوتر وهو يحرك ايده علئ خدها ويحاول يصحيها...ورود حبيبي ورود

فتحت عيونها بتعب ونصدمت من شافته فزت ملهووفه وهي تتنحب وتحضنه وناسيه المغذي...جلال ماادري شنوو صار يمكن الطفل مات
انت وينك ليش متجي ليش ومتسأل ليش؟؟

جلال بحب وهو يمسح دموعها....حبيبتي شلون مااسئل عليج انتي متعرفين اني اجاي احاول اثبت برائتج وعينت محامي بس ماعندي ادله كافيه واني هاي الايام مشغول بيج مو بغيرج لا تتوقعين مستهان بيج..انتي ام مصطفئ ولا ارتاحيت لحظه وانتي بسجن....

ورود بخوف وبكاء...جلال عفيه نقلوني بسجن بسايد الثاني ورعب والله رعب وحده من السجينات مسيطرة علئ السايد كووله تخووف جلحه وضخمه وحتئ تضرب السجينات ولا تحترم

جلال بغضب...سوتلج شئ ضربت حتئ اذا مئذيتج اجرم بيها..هي سبب دخولج للمستشفئ

ورود بسرعه...لا لا جلال مو هي بس اني من الخوف والقهر ضليت انزف...صدوك جلال شصار علئ الطفل اني فقدته؟؟

جلال بحب...لا حبيبتي مافقدتي ام علاء طمنتني وهسه هم اروح اسئل الدكتورة

ورود بحنين...جلال مصطفئ اريده اريد شوفه حبيبي مصطفئ صارلي هواي مشايفته..جيبه جلال اريد اشووفه ارريده جيبه...

مسك وجهه الصغير بين اديه وهو يمسح دموعها.. حبيبتي ياعمري هسه اجيبه هسه اخابر مراد يجيبه

خابر علئ مراد ومراد لبئ الطلب...

جلال...هسه راح مراد يجيبه..

ورود...شلونكم انتوا ديانا ام مراد امك شلونها؟:

جلال...الحمدلله كلنه زينين

ضلوا يسولفون وهو يطمنها وسولفلها علئ المحامي ويحاول يعيد شخصيتها ويقويها وهي علئ ادنئ كلمه تبجي وترجف متصير الها جارة

جلال بتساؤل...ورود انتي ليش هيج يعني شخصيتج حيييل ضعيفه واستيعابج قليل اكلج ثور دكليلي احلبه...هو الثور ينحلب..شنوو قصتج ليش هيج

ورود بتنهيده...جلال اني عشت بين امي وابوي حتئ اخوات ماعندي ولا احتك بصديقاتي امي ربتني علئ العيب والحرام والصح والغلط علمتني علئ الصلاه واني طفله ومن يجون كرايبنه دكول عيب تطلعين كمت حتئ مااعرف اسلم ولا اصلا اسلم علئ ولد عمي او خالي انكطعت عن الكل ودراستي جانت اهم شئ ومن جنت اطلع اله ويه امي حتئ للمدرسه بابا يوصلني مااذكر مرة رحت للمدرسه وحدي وهيج انبنت شخصيتي اخاف امشي الوحدي استحي اسلم احترم المقابيل حتئ اليسئ الي احترمه

جلال ببتسامه...فديت المحترمه نفسها تدرين اني احبج واحس بيج برائه اكثر من مصطفئ احبج لان وياج احس برجولتي مو عبالك زلمه ومصارعه وجريئه عبير حيييل جريئه حتئ هواي مواقف امل منها...اما انتي اشتاق الج وانتي بحضني

ورود ببتسامه...يووووه خجلتني

تقرب منها ويلمس شفتها بطرف اصبعه لصق شفايفه
علئ شفايفها...وندك الباب..

جلال بقهر...منوو هذا ياقليل ذووق هذا شنوو رئيج يحق اعدامه شنقا لو رميا بالرصاص...؟؟

ورود بضحكه...ههههههههههه بصراحه اثنينهن

جلال فتح الباب وطلع مراد اخذ منه مصطفئ وهو يبووسه ومراد دخل...

عدلت حجابها بخجل وغطت نفسه منه وهي عيونها علئ غلاها مصطفئ وكلبه طار عليه

مراد بهدوء... الحمدلله علئ السلامه ام مصطفئ ان شاء اللة مابيج غير العافيه...

ورود باارتباك وهي تعدل حجابها وتفتحه وتسده...الله يسلمك مراد الله يعافيك

جلال حط مصطفئ بحضنها وهي حضنته بحنان وهي تبوس وبيه وتضمه الصدرة وتقبل اديه الناعمه وتبوسه بشفايفه...

مراد انسحب بهدوء وجلال كعد عندها وهي تضحك ويه مصطفئ وهو يباوع عليهم بحسرة

مصطفئ بكلمات غير مفهوومه وهو يصفك بااديه...اب اببا بب بااه تت تاه

ورود بحب...فديت السان المحامي يخرط خرط بالحجي ......شيكوول؟؟

جلال بضحك..... هو نهار كووله يحجي يسطر سطر ذاك اليوم اريد انام وهوو ببه ما ببه كتله لك بابا شبيك ماكل باجه من صبح شوو زاد انووب

ورود...ههههههههههه فديته المزعج خلي يزعجكم تحملووا امه ماموجوده

جلال بحب...ان شاء اللة تطلع امه وتنورنه

مصطفئ سحب الكانوله من ايد ورود وكطعها صررخت بووجع وتناثر الدم...ااااه يممه متت جلال الابرة انكسرت

جلال بعصبيه...لك بابا شبيك تربيه عبير بعد مو خطيه ماما ليش هيج تسوي

اخذته منه بحنيه وهي تبوسه وهو يحط ايده علئ خدها ويلعب ويضربها....صاح علئ الدكتورة والدكتورة سحبت الابرة وداوتها وانطتها مثبتات للطفل وطلعت

ورود بحنان...خطيه طفل ميفهم..

جلال بحب...صاير خبل حيييل تربيه عبيرة نهار كوله حاطه السماعات بااذانه ومشغله اغاني وهو يستمع ذاك اليوم عاركتها وكسرت الموبايل كتله لا تخلي بااذانه....

ورود بقهر...تحط السماعات بااذانه غير يصير اطررش جلال انتبه عليها وخليها تهتم بي

جلال بهدوء..خلي تولي طلكتها

ورود بصدمه...شنووو ليش ليش طلكتها لان حطت السماعات بااذن مصطفئ بصراحه غلط مايستجوب

جلال بضحكه...ههههههههههه لا مو لان حطت السماعات باذن مصطفئ لان سوت الاكبر من هيج

ورود بتساؤل...شنوو سوت؟؟

جلال...خلي تولي المهم طلكتها وضليتي بس انتي روحي وحبي وكوول شئ

ورود...اذا السبب ميسوة حرام تطلكها..

جلال...اذا مسئلت شرف يسووة طلكتها لان لعبت بشرفي..

ورود بحب...الله يقسلها قسمه زينه وتخليك بس الي

جلال بضحكه....هههههه هو بس ألج

ضلت تسولف وياه وتضحك وتلعب بمصطفئ وبعدها نهوا الزيارة

جلال باسها بشفايفها وطمنها وطلع....وكل ما يطلع منها هو وابنه تشبع بجي عليهم وتتمنئ تروح وياهم

************************************

عند عبير كسرت الغرفه تكسر..وتغلط وتسب وام جلال تفاجئت منها وين عبير الدلوعه شوو انكلبت
جون سينا

عبير بصراخ...بنت الكلب الساقطه هي تنطي صورها هي نشرتها اي شنو دخلني اليوم انعل والدي والديها المجرمه خريجه السجون ام الشوارع جلال يطلكني الخاطرها والله اله اعين محامي يشنقها هلزفته

ام جلال بااستغراب...علئ كيفج يرجعج هو قابل طلكج بالثلاثه هسه بس يهدئ يرجعج علئ ذمته

عبير اخذت الموبايل واتصلت برائد...رائد تعال جلال طلكني من ورة هاي الادب سووز تعال بسرعه انت وين بسرعه تعال

رائد بقهر...اني بااربيل هسه اجي انعل والدي الديهم الحقراء الكلاب يطلكج الخاطر خريجه السجون ام الشوارع بيه خير مازوجت بسر الدايحه هسه اجي احرك سلفه سلفاهم...

عبير...اي تعال اقتلهم اثنينهم وريحني اني عبير يتزوج عليه ويطلكني شنوو راح قيمتي وبرستيجي كدام صديقاتي...

رائد بعصبيه...جاي اله ابلغ عليه وخلي يعفن بالسجن

عبير بعصبيه....تعال بسرعه راح اروح الخالتي...

لمت ملابسها واخذت ذهبها وفلوسها وطلعت من بيت ام جلال ركبت تكسي وراحت الخالتها....
*******************•****************
عند حسين جان نايم علئ السرير وديانا نايمه بصفه لابسه برموده حرس وطني وتشيرت خاكي وفاتحه شعرها وحاطه ايدها علئ بطن حسين وهو حاضنها
وكرمش كاعد بالارض يلعب بمكياج ديانا...

حسين بلوم...شلون اني بكرمش مخلفه وناسيه يعني اريد يوم اجي اذا ماالكاه خاتل بالغرفه يلعب...

ديانا بضحكه...هههههه حياتي خطيه خلي يلعب عادي ولوو هو وكح بس ميخالف..

ندك الباب وكام كرمش فتح الباب وكف علئ الطرف وساد الباب مطلع بس راسه....نعم تردون؟؟

بشبوشه وجكجك...نليد ندحل ويات

كرمش يسايرهم...تنوو؟: بابا لوحوا منا لا اتلكم

بشبوشه راح تبجي...انت ليس سلب؟؟

كرمش بثقه...اني سلب اني سلب تردون ؟؟

ديانا بتساؤل...حسووني همه شدا يحجون شنوو سلب..

حسين...بشبوشه دكل الكرمش انت ليش جلب وكرمش يكلها هو اني جلب شتردون...

كامت ديانا وباست كرمش ودخلتهم كلهم كعدوا علئ السرير...

حسين بقهر...لا اله الا الله كملت السبحه جانت عايزة التمت...

ديانا ضلت تضحك وياهم وتبوس بيهم وتشاقه وياهم وحسين بودها يخنكها ويخنكهم

كرمش ...اني من اتبر اتزوز حاله تيانا

ديانا...شدا دكوول..؟؟

جكجك برفض...لا امي اءء تبل دول فدر من حطبها حالي حثين طدوا برشاشه اده يموت هته بت تتدودها تموت..

ديانا بضحكه .هي تصبغ بااضافر بشبوشه...انتوا شدا دكولون؟؟

حسين تدارك الموقف بسرعه وبكلبه عووزا بعينج ام كوورمش طلعت ديانا فكوور يقلدها..همزين مافتهمت دنوو جان رحنه بيها..

حسين بسرعه نزلهم من السرير وطردهم...يالله برة برة شنوو شعندي مدينه الالعاب الزوراء وكلها وملتمه عندي...طردهم ورجع لديانا

حسين فتح الكنتور وبعصبيه طلع ثوب نوم قصير...هااج البسي مو بس ملتهيه بكرمش لا والله اشرد وماتلكيني بعد

ضحكت عليه باسته وراحت لبسته وسرحت شعرها

اجت لابسه ثوب نوم قصير احمر ومن ورة مقفل وقصير حسين لمس خصرها بحنان وهو يقربها منه...فديت الفراوله لج ديانا احبج يابعد خالي اليوم انعل كرمش ياابو الخلفه علئ هل خلقه اذووب امووع انجلط شنوو ابدع بخلقه اشوو اني حتمال من طلكت بيه امي جانت طافيه الكهرباء اشوو املح هسه استوعبت النستله ام الحليب وام الككو هاي اني وانتي ياحليب اني ككو مصفئ

لفت اديها علئ رقبته وهي تضحك وتقبل شفايفه وهو دااخ شالها بين اديه وهي ناعمه ونومها علئ السرير باسها برقبتها ونزل فستانها وهو يحرك ايده علئ خصرها الناعم وهي لازمته بحب وتبادله بعمق وناسيه نفسها وحسين مخله مكان بوجه ماباسها حتئ عيونها وهو يتقرب اكثر واكثر....

فتح ازرار قميصها وداخ وياه لووول مشفر...😂

************************************
اما عند جلال كان نايم بغرفه ورود بعد ماقفل غرفه عبير الصايرة دمار شاااامل راح علئ كنتورها وهو يطلع فستانها حط الفستان علئ وجهه وهو يشتم عطرها باس فستانها وهو ينعش روحه الهايمه بيها

اتذكر موقف وياها....

ورود جابت مصطفئ وحطته علئ جلال وهو نايم مصطفئ ضل يضرب بجلال ويحط حلكه علئ خده ويعضه انزعج منه وفتحت عيونه شافها تضحك بقوة علئ مصطفئ...

جلال باانزعاج...شتسوين انتي وابنج؟:

ورود بضحكه وهي تدفع مصطفئ عليه...نريد نزعجك صارلك هواي نايم

من شافته كام الها عافت مصطفئ وشردت ضحك عليها خاله بسريرة وتقرب منها اجت تطلع لكن هو قفل الباب وهو يبتسم عليها

جلال رفع حاجب...يعني بس انتي تزعجينه احنه ميصير نزعجج؟:

ورود بضحكه وارتباك...لا ميصير

جلال تقرب منها وهو يبوسها بعنف وحنيه «مينجمعن بس مرات تنجمع»

شالها بحب وهو يبوس بيها وهي خجلانه دكت عبير الباب وهي فرحت اما هوو حط ايده علئ حلكها

جلال...اششش خلي تقتنع احنه بسابع نوومه اسكتي يكلبي خلي تروح نريد نتونس

باوعتله ببراءه وهزت راسها بطفووله وجلال تخبل عليها وهمس اله...اكلج؟:

صحئ من ذاكرته علئ صوت رساله رنت فتحها وابتسم تلقائيا احلئ رساله وصلته بحياته...

بس لازم ياخذ حق ورود من عيون رائد الكلب ويخاف علئ صورها يحورهن وهنه عنده عرف هو بااربيل واجه البغداد وراحتله عبير اتصلت بسرعه علئ صديقه بالمركز وقدم بلاغ سريع والقاء القبض علئ رائد......

***********************************
رائد بقهر....هيج مشوه وجهج بضرب الكلب

عبير بقهر...اي الخاطر ست الحسن والدلال

رائد...اوك اله اترس الفيس صورها وخلي تفيده المفضووحه

عبير بحقد....بودي اقتلها والله لو الزمها..

ماحسووا غير بااقتحام مفاجئ ومحاصرة بيتهم وهم يخبرون رائد بالقاء القبض عليه بقضيه شرف...

اخذوا وهم يسحلون بيه مثل الثور...سواه رجلج الكلب شوفي عبير ترحين للمركز تقدمين شكوئ ضده بمساعده الارهاب بسرعه...

عبير...عزاا بعينك جلال سويتها الخاطر الكلبه الله لا يوفقك ويوفقها

راحت حطت مكياج بسرعه وبدلت واخذت جنطتها اخذت تكسي ودخلت للمركز وهي تقدم بلاغ علئ ضابط الشرطه جلال بتهمه التهريب ومسانده الارهاب....

نهايه البارت....يتبع..

هلاوو حبيباتي...طبعا قبل شويه نشرت بارت هو مو بارت هو جزء ونشر بالغلط جاي اسوي تعديل والنقاط الثلاثه بصف النشر وصار نشر...وكلها تصيح هذا البارت صغيرون...طبعا هو مو صغيرون هو جنين 😂 لان جزء من البارت..

شوفوا شلون النشر قريب علئ نقاط استعاده التعديلات ومحبيت احذف البارت لان دائما تصير واحذفه وطبعا كوولش انقهرت بصراحه واني اعتوذر😂