#ذنب طاهر الفصل الثامن وثلاثون 38 - بقلم سمو العراق

#ذنب طاهر...بقلمي..«سمو العراق»😘

البارت...33

المساء بااجمل المقال
بااجمل مايقال ويقال
دامت ودمتم
براحه تغمر محياكم
انتم من سكنتم
بروعه الاطلاله
بروعه الحضور
وروعه القلم تزداد بمروركم
بروعه القلم امسيكم
بدعوه تطيب لها الروح
عين الرحمن ترعاكم

مساء الانوار احبتي قراءة ممتعه....

طلع للمركز وهو جاي يقدم الدليل الصالح ورود اول شئ،راح يروح للمركز.....اتصل بوائل رجع...

جلال بلهفه....وائل انت متأكد من الخبر؟؟

وائل بحزن...لاسف اي..

جلال بفررحه...الله يبشرك بالخييير

وائل بعصبيه وحزن...ترئ الموضوع حزين شنوو الله يبشرك بالخييير.؟؟

جلال بفشله...رغم كووولشي هذا دليل براءه ورود واني هذا اليهمني مااكدر اخلي ورود بسجن اكثر من هيييج خطيه تكسر الخاطر وهي حامل

وائل بقهر....اووووف اني راح اجي للعراق تدري دفعت 15 مليون حتئ كدرت ارجع لان طالب لجوء اله تمر سنين طوويله يالله اكدر ارجع بس الخاطر ورود لو اخسر فلوسي كلها اجي واشوفها

جلال بحنيه....اختك تستاهل تعال وفرحها وحسسها انت سند الها وقويها حتئ تحس الها سند وتتغلب علئ خوفها وضعفها

وائل بحزن....اكيييد ورود قليل امثاله فقييرة الئ درجه بريئه ومسالمه من هي طفله دير بالك عليه

جلال بحب...اكيييد هي زوجتي وام اطفالي متوصي حررريص..

نزل من السيارة امام المركز وخابر المحامي واجه قدم الدليل للمحامي....وبعدها تفاجئ من ابلاغ بحقه

الشرطي...عليك دعوة القاء القبض::

جلال بصدمه....شنووو منوو بلغ؟؟

الشرطي...بلاغ مقدم من عبير سمير زوجتك

جلال بصدمه...لا ياحقيرة..بتهمه شنوو؟؟

الشرطي ...بتهمه مسانده الارهاب...

ترك الشرطي وتوجه الضابط الشؤؤن دخل سلم عليها وتأكد من بلاغ ضل يشرح للضابط علئ عبير ومن اعتقال اخوها هي هيج سوت وليش،مااجه البلاغ من البدايه واعتقلوا ويه ورود؟؟

الضابط الشؤؤن...راح افرج عنك ومااعتقلك بكفاله حتئ ناخذ شهاده ورود ونكمل الادله واذا طلع انت متهم بقضيه ورود للاسف راح نعتقلك...راح اتكفلك واطلعك...

جلال بشكر...شكرا ماقصرت ماانسئ هذا الموقف الله يكثر من امثالك

الضابط...تدلل ابو مصطفئ

طلع من المركز وشاف عبير واكفه وهي كاشخه اخر موديل وضاربه الميك آب اخر موديل

عبير بخبث....هسه اشوفك مذلول بعيني ومعفن بسجن...

جلال مسح وجه وهو يضحك...بصراحه ضحكتيني واني مالي خلك لج عبير والله لو اني،بنذالتج جان خليتج عفنتي بسجن بتهمه تضليل العداله بس اني مو مثلج متهون عليه العشرة روحي الله ويااج

عبير بصدمه....يعني شنوو ماعتقلوك؟؟

جلال بجمود...يخسئ الي يعتقلني بعده ماولدته امه روحي منا بعد مااريد اشوفج

عبير بقهر....كله من ورة هاي الكلبه غيرتك عليه..

جلال ببرود...ماكوو بس كلبه وحده بحياتي وطلكتها وخلصت منها

مشت بقهر وهي تطك بكعبها العالي وتفر بجنطتها باوع عليها بقرف وراح علئ سجن الرجال

دخل بكل هيبته للسجن وأول مشافه رائد كام مرعووب

هجم عليه وهو يلزمه من ياخه قميصه...ياثور ياانذل يالكلب تنشر صورة زوجتي يااحقير والله اليوم مااخلي بيك شئ سالم

رائد بخبث....اوووف تجنن

هجم عليه وصاارت بوكسات ودفرات والشرطه لزموهم فرغووهم

رائد بخبث وهو يمسح الدم من انفه..ترة ممتندم نشرتها وبصراحه جابت لايكات ومشاهدات هواي

جلال بغضب صااح علئ الشرطي....حمييييد

حميد...نعم سيدي

جلال بعصبيه...اريد صوووته يوصل السجن النساء

حميد بطاعه...تأمر سيدي

جروا رائد مثل الثور وجلال طلع خارج المركز وهو يسمع صراخه وتوسلاته..لكن هو راد يبسطونه حتئ بعد ميلعب بشرف اي وحده وتصير اله عبرة

اتلقئ اتصال من ابوو عبير

جلال...الوو نعم تفضل؟؟

ابو عبير بتوسل...جلال طلع رائد من السجن احنه عائله معروفه بنفوذها مااريد التجار يعرفون رائد بسجن وتخرب تجارتنه....

جلال ببرود....خلي يتأدب خلي يصير رجال شويه اخلي يحس برجولته يعني ينشر صورة زوجتي واسكت والله اكوون كلب ابن كلب اذا سكتت..

ابو عبير برجاء...غلط ومنك السماح والمسامح كريم واني اضمنه اذا لعب بذيله اني اخلي يعفن بسجن عمي جلال احنه اهل خلينه نفترك بستر...

جلال بجمود...اول جيبوا أعمامكم واعتذروا مني وثاني شئ اريد فصل رد اعتبار الزوجتي 20 مليون ولوو هاي مو قيمتها وصورتها لو ينطوني العراق كله بماله وحاله ماانطي اضفر من اضافر ورود بس كتلك رد اعتبار وحتئ يصير عبرة لمن يعتبر....واي صورة تنشر الورود هو المسؤؤل..

ابو عبير...احنه حاضرين بالتآمر عليه وشوكت متريد نجي ومن ايدك هاي الايدك هاي...

جلال...اوك احدد الكم موعد

قفل الخط وهو يتنهد...هذا الفصل هو رصيد بالبنك الورود اخاف كلشي يصير عليه الحياه مو امان لازم يكون الها رصيد حتئ تكدر تسند حالها وهذا حقها...

************************************

عند ديانا جانت لابسه تراك رصاصي والبدي مالته قصيير حييل ولابسه حجاب التوربان وشعرها طالع من جووه ومن كدام ميشته ثلجي وحاطه مكياج فااتح ولابسه الشبشب واجانن كاعدات عندها ام كرمش وام مؤمل....

ام كرمش برجاء...عفيه ديانا مكيجيني اريد ابو كرمش يتخبل عليه...

ديانا ببتسامه....اي يدلووو بيت كورمش

راحت جابت المكياج وحطته كدامه وهي تريد تخليها....

ام كرمش ...ديانا شنوو التخلينه علمينه هذا شنوو

ديانا.. حاشرحلج المكياج وبعدين اخلي اووك

ام كرمش...اي خيه اوكي..

ديانا بثقه...اول شئ اخلي مرطب..وبعدين اخلي برايمر..وبعدها اخليلج فاونديشون..وبعدها اخلي كوونسيلر..وادمجه بالبيوتي بلندر وبعدها اثبته بالوس باوودور ...هذا بس الأساس

ام كرمش تحجي ويه ام مؤمل...يبووو واني مكيفه مشتريه باودر ابو التاج ب3 الالف وكسرته بشبوشه شوفي الفلك بس الاساس عشرين نوع احسن من خبطه البناء..خلينه نشوف تاليها..اي خيه كملي

ديانا...بعدين ابدي بالعيون احط كونسيلر واثبته باودور واحط الشادوو واحط اضاءة فوك العين اخط الحاجب بتاتوو ومسكارا ايفر بيوتي سموكي وجل لاينر واخوط العين بكحوول ابيض واحدد الاطراف بشادوو بني ومورد هاي لايتر واحط حمرة وخلص انتهينه...

ام كرمش...لا خيه شكرا هسه اني امكيج جايبه كوومه مكياج وكله الاصلي حتئ كمت اوزع بي

ام مؤمل همست الها...انهجم بيت الجذب هو ابو التاج ومكسر وسفنجه مال دوشك ابو كرمش..

ام كرمش بضحكه...هههه ولج اسكتي خليني افيك بس هي تفيك علينه لوس وباودر بيوتي وجوارني ومدري شتحجي

ام مؤمل...ههههه اي والله

ام كرمش ومومل كامن جاي يرحن...يالله عيني دنوو احنه نازلين ومشكوورة علئ الضيافه...

ديانا بحب..ولوو ادلوو اكوفوا دا اريد انزل وياكم

ام مؤمل...خايبه شووفي الفلك تريد تنزل هيج ولج حاجيها لا تفضحنه...

ام كرمش برفض...اني شعليه خييه خلي رجلها يحتار بيها حوسوني علئ كوولتها

نزلن سووة وهي جان لبسها فاضح نوعا مااا

همه كلهم جانوا كاعدين وصاير هجوم وكلها تسولف ناس تجر طوول وناس تجر عررض والجهال تصاارخ
وكرمش راكب بالحجله مالت ابن خاله كووة مدخل روحه وبشبوشه تدفع بيه وكابه الامه

ديانا باانبهار..هلاوووو

عم الهدووء عده ثوواني وهمه متفاجئين من شكلها ولبسها وكلها فاتحه حلكها...استغربت منهم

ام حسين ندست حسين...ولك الحك للنواصه فضحتنه شلابسه

حسين كام بسرعه وهو يديرها ويحط اديه علئ اكتافها ويمشي بيها

ديانا برفض...شبيك حسين دا اريد اكعووود..

حسين يقلدها...لج شتكوعدين غير كلبي ضل يحوكني من لبسج...

ديانا بااستنكار...وين اكووو كلب يحووك؟؟

حسين بثقه...اني كلبي مو بس يحووكني حتئ انعووج الصمام ضل يشتغل بالمكلوبي وعاوج روحه عووج...

صعدووا فووك وكفوا بالطارمه...

ديانا...لويش مدا تقبل اكعوود وياهم؟:

حسين...ولج ديانا البسي شئ مستور راح تخبليني

ديانا...يعني ممستوور؟؟

حسين بسخريه....لا مستووور ولج شمستور بارز مفاتنج كلهن انوووب شلووون جسم يجلط

ديانا لفت اديها علئ رقبته وهي تبتسم....كوووله الك

تقرب منها وهو يغمض عيونه وهي مغمضه

كرمش بفزع وهو يصفك بااديه...تتطيتكم تتوون هاا دولوا دولوا لا ادل الامي...«كضيتكم شسوون كولوا لا اكل الامي....

فزواا مرعوبين منه...

حسين بقهر... خرررب يووومك كرمش امشي ولي يكل الامه هووو هي امك مسربته

كرمش بوعيد...اودف اودف اله ادلهم عليتم...«اوكف اله اكلهم عليكم...»

حسين ركض شاله وهو يبوسه لان ركبته صارت بيد كرمش...لا كرمووشي البطل معقووله تفضح خالك واني احبك مراح تحجي موو

كرمش...اني مراح احتي لان احب حاله تيانا مااحبت

حسين صار هيج...😒

ديانا بمرح...اوووي فديت اليحبني

راحت جابت بليرة طوويله ومستورة لبستها فووك التراك ولفت حجابها ونزلت وياهم وهمه ياكلوون وطبعا هي كوولشي محصلت ولا اكلت هي تأكل لكمه وام كرمش تلف عشر لكم...حقيقه😂
************************************
جانت كاعده بالسجن والحزن طااغي علئ ملامحها بطنها كبرت حييل وتخاف تطوول المده وتولد بسجن بلعت ريقها بخووف

اتمنت تطلع من السجن وتعيش بكنف زوجها وابنها حالتها صعبه بسجن تذكرت موقف ويه جلال...

جان الدنيا صبح طلعت من الحمام وهي لافه المنشفه علئ جسمها نشفت شعرها شافها هوو ودخل للحمام سبح وطلع رجع حضنها من خصرها من ورة وهو يقبل خدها بحب....صبااح الورد

ورود ببتسامه...صبااح النور

اخذت ملابسها ودخلت للحمام لبست ثووب طوويل فانيلا ماروني مخصر ومن ناحيه الصدر بيه ازرار

كعدت تنشف بشعرها بالشسوار كعد هو يلبس،بقميصه يريد يروح للدوام جذبه شكلها

تقرب منها وشالها بين اديه نزلها علئ القنفه وهو يبوس بيها وهي خجلانه وتبادله بخجل فتح ازرار ثوبها وهو يقبل رقبتها وبان صدرها...

كعد مصطفئ يبجي...ورود بعدت جلال عنها وحاولت تكووم المصطفئ لكن جلال منعها تكووم

ورود برجاء...جلال عفيه مصطفئ يبجي خليني اروح

جلال وهو يبوس بيها ونزل ثوبها من كتفها...عووفي هسه يسكت

ورود عقدت حواجبها...خطيه والله كلبي عليه خاف جوعان..؟؟

جلال باسها بشفايفها...ولج اني الجوعان وميت جوع هماتين سكت شووفي

ابتسمت وهي تلف اديه علئ رقبته وندك الباب...

ام جلال...يالله جلال تاخرت علئ دوامك..

جلال بقهر...استغفر الله كوومي كليلها نايم هسه اكعده

كامت ورود وهي تبتسم علئ تذمره وانزعاجه فتحت الباب وهي متناسيه ازرار ثوبها مفتوحه وكاشفه عن صدرها....هااا عمه صباح الخير

ام جلال وهي تباوع علئ ثوبها...صباح النور وين جلال؟؟

ورود بتردد...هااا نايم هسه اكعده

ام جلال بنظرة مستفزة...وين نايم بالعسل؟؟

خلت وراحت ام جلال وهي استغربت من ردها بعدها باوعت علئ،ثوبها ولطمت خدها ودكمت ازرار ثوبها

ورود وهي تلطم...عزاا عزاا يبوو والله فشله

جلال بااستغراب...شكووو؟؟

ورود راح تبجي...امك شافت صدري واني جذبت كتلها نايم هسه تاخذ عليه نضرة مو زينه

جلال بضحكه....ههههه ماكله مركه ثول غير تسترين نفسج؟؟

ورود عقدت حواجبها..اندري نسيت...

فاقت علئ عركه داخل السجن الضخمه كتلت وحده ضربات داخل السجن اما هي ابتعدت تركض وهي مرعوووبه ولصقت بالحايط وتلزم بطنها تريد تحمي طفلها بكت برعب وخووف وهي تشووف الهوسه الصارت ضلت ترجف من الخووف وتمنت واحد يكلها جايج زياره....

فرغتهن المنتسبه بقوووة وهي تضرب بيهن

اجت منتسبه وصاحت علئ ورود اجت ورود بسرعه..

ورود بخوف وبراءه...هااا خاله

المنتسبه بعدم رضا...خاله شنوو هازة كاروكج كوولي مدام

ورود عقجت ملامحها وبكلبها...مدام اكبر من ام جلال

دخلت الغرفه الضابط وهي تمسح دموعها شافته واكف وهو شايل مصطفئ رجف كلبها عليهم دارت بعيونها على الغرفه وهي تشوووف اغلئ انسان علئ كلبها اخوها الغالي جاي الها

رجفن شفايفها ودموعها نزلت لا ارادي اما هوو باوع عليها اخته المسكينه الفقيرة مسجونه ومرميه بدهاليز مضلمه التعب والقهر مبين علئ وجهها الصغير وفووك كل هذا هي حامل....

ركضت عليه بخطوات تعبانه ومجروحه وهو هم ركض عليها حضنها بحنان وهو يبوسها ويبجي عليها وهي تبجي وتنتحب وتشكي اله...

ورود وهي حاضنته حييل وكانها تدخل بصدرة... وائل وائل حبيبي حسسني بوجودك محتاجه الط محتاجه واحد من ريحه اهلي وااائل امي ماتت ماتت ضليت وحدي طلعووني من السجن طلعووني راح امووت اخااف طلعوووني

مسح دموعها وهو يبوس عيونها الدامعه ويبكي البكائها...الله يرحمها الله يرحمها اكيد اطلعج ولا اسمح الاي شخص يذلج اني جبت دليل قووي يثبت برائتج وجلال راح يقدمه للمحكمه وان شاء اللة التمييز ينصفج...

ابتسم واخذت مصطفئ من جلال وهي تبوس بي وسلمت علئ جلال وهو سلم عليها....

ورود شالت مصطفئ وهي تأشر علئ وائل...صوفي حبيبي هذا خالووو وائل الامريكي

مصطفئ يجيت علئ وائل ويحجي مكطع...تتت اتتا

وائل وهو يبوسه...شيكوول؟؟

ورود بمرح...يكول اشوو خالوو مجلح مجنه امريكي هههه

وائل بلوم...هههه طيح الله حضج يالفاهيه

ضحكت وحضنته هي وابنها وهي تشم عطرة وتبجي وتبوسه بصدرة حضنها وهو مقهوور عليها حييل

وجلال تركها وطلع وهو مقهوور عليها بطنها كبرانه وخايف ما ينصفها التمييز تنهد ودعالها..

أخي مَهما شغلتنا الحَياة، أو مضَت الساعات والدقَائق والثواني بيننا، ستَبقى نَبض رُوحي أينَما كٌنت وأينَما حلَلت، ستبقى أنت ذاك المَلاك الذي يسحَر قَلبي بنبضِه.

#فدوه_رحتلكم❤️

نهايه البارت ....يتبع..باجر الاخير استعدوا..