#ذنب طاهر الفصل التاسع وثلاثون 39 - بقلم سمو العراق

#ذنب طاهر...بقلمي«سمو العراق»

البارت الاخير....

أحببتك منذ ان رأيتك
منذ أن التقت عيناي بعينك
منذ ان سمعت صوت دقات قلبي في وجودك
أحببتك بسبب تلك الرعشه التي تصيبني عندما اكون بقربك
أحببتك و انا اعلم ان قلبك محصن ضد الحب
و مغلق بالاف الاقفل و الترانيم
أحبتك و انا اعلم جيدا بأنني من ساتعذب بهذا الحب وحدي
أحببتك ليس بيدي
انما حبك في قلبي اخترقني
بأمر من الحب

جلال دخل للغرفه شافها كاعده وهي تسولف ويه اخوها وتبتسم جانت لابسه صايه سوده وشال وردي وبطنها سابقتها واخوها كاعد مقابيلها وهو شايل مصطفئ ويلعب بي

كعد بمكان الضابط وصاروا مقابيله...

جلال بهدوء...ورود هاي الايام تصعدين للمحكمه اريدج قوويه لازم تقوين نفسج وتحجين شنوو عندج مفهووم لا تكضيها بس بجي

ورود بخووف...جلال والله نفسيتي تعبانه يعني منا السجن منا الحمل والولاده خايفه منها اخاف اولد وأموت ومية فكرة تجي براسي

وائل بحنان...ورود شيلي الافكار السلبيه من دماغج فكري بالاشياء الايجابيه فكري شلون راح تطلعين وتربين ابنج وتجيبين الطفل الثاني وترجعين الزوجج شيلي الافكار السوداويه اوك حبيبتي؟؟

ورود بتنهيده...ان شاء اللة بس انتوا ادعولي.

مصطفئ يتحرك بحضن خاله مزعووج ويريد يكووم من مكاانه ويروح الابوو شالته ورود وهو تضحك واخذته الابوو حطته مقابيله علئ المكتب ووكفت بصفه..

جلال مسك ادين مصطفئ وهو يبوسهن ورود وكافه بصفه تضحك

مصطفئ يضرب بالمكتب..با به به

ورود باانزعاج وهي تحجي ويه مصطفئ...هي شنو بس دكول بابا كوول ماما

جلال بحب...تغارين

ورود بضحكه...اي اغار وليدي هذا فديته بكري كوله رجووله وشجاعه يالله صووفي هواي مدحتك كول ماما يالله كوول ماما لا اسحب كلامي

وائل...ولك كوول ماما راح تخبلنه امك

جلال بحب..يالله صووفي كوول ماما يالله ماما لاتنجلط امك

مصطفئ بتقطعات..امه ممه ممه

ورود بفرحه شالته وهي تضمه الصدرها...فدتك امك ياروحها وكلبها يممه حياتي حبيبي احلئ كلمه سمعتها بحياتي يمه يافرحتي لو يكولون افراج ماافرح هل شكل

وائل بحزن...الله يخلي الج ويفرحج بطفلج الثاني والله ممصدوك انتي ورود الفاهيه مزوجه وحامل
وعندج طفل

ورود بلوم وهي تبتسم...اسكت وائل خزيتنه هسه شيكول عليه ابو مصطفئ جنت فاهيه ههههه

جلال ببتسامه وهو يعزز ثقتها بنفسها...لا ورود مو فاهيه ورود قويه وسبعه وحبابه

ورود بسخريه...اي وحتئ عندي عضلات💪 هههههه

جلال ابتسم علئ خبالها....مو مال واحد يمدحج

وائل...ههههههه

اجه الشرطي ونهئ الزيارة وهي كل عاده ضلت تبجي مافرحت بشوفتهم...اخذوا ورجعوها للسجن وهمه راحوا صعدوا للسيارة...

جلال...اني باجر اروح للمختار مالكم واجيب الاثبات وازيدك علم ترئ مختاركم ثبت التهمه عليها..

وائل...لا اله الا الله هو المختار خبرني بااعدام ابويه بعد ماسقطت كتيبه داعشيه واسم ابويه مسجل بسجلاتهم معدوووم..بس المختار كان كله ضنه ابويه منضم للتنظيم

جلال بهدوء..انا لله وانا اليه راجعون هذا دليل قووي يثبت برائه ورود ولازم اروح اجيب السجل..

وائل ...لا اني اروح اجيبه اريد ازور منطقتي وازور امي وبيته..بس اريد ترسل ويايه دوريه حتئ نجيب السجل...

جلال بااسف...الك التريده من باجر ارسل وياك دوريه وتجيبون السجل لازم يتسلم للدوله هذا السجل يعفئ عن هوايه ابرياء..

وائل...الله كريم ما اعرف شلون اخبر ورود بوفاه ابويه هي متعلقه بي حيييل وهو يحبها ومدللها

جلال بجموود...الله كريم الموت حق وهذا يومه الله يرحمه ويصبركم...

وائل...مااريد ينذكر الاثبات كدام ورود بالمحكمه لان اريدها تفرح ماتنهار...

جلال...راح اكلهم يغلون الفقرة كدامها ونخلص باقي الاجراءات....

وائل...ان شاء اللة تنصفها...

جلال بتنهيده....ان شاء اللة

************************************
عند عبير كاعده بقهر بعد مااجوا اهلها من لبنان

ام عبير بصدمه...معقوووله كوول هذا يطلع من جلال؟؟

عبير بقهر...اي لعد شعبالج اتزوج اله وحده زعطوطه فرت عقله فر ميشوف غيرها وطلقني الخاطورها

ام عبير...لا تضوجين تروح قوندرة تجي الاجدد منها بس هسه اتصول باام جلال وارزولها علئ فعله ابنها

ام عبير...لا ويريد فصل يالله يطلع رائد

اتصلت علئ ام جلال وجاوبتها ام جلال

ام جلال...هلاووو ام رائد؟؟شلونكم

ام عبير بعصبيه...شلووونه مو بخييير ابنج لعب بينه لعب رائد بسجن وعبير مطلقه..هاي وصيتي الج وحمايتج العبير ترضيها البنتج ترضيها

ام جلال بفشله....والله اني تعرف عبير مافديوم ضوجتها وقللت من قيمتها حتئ لو غلطانه بس جلال انقهر لان نشروا صورة مرته الصغيرة وشتكوا عليها

ام عبير...اي وحده ارهابيه ومجرمه واصلا رائد وعبير سوو عمل خيري وانساني من بلغوا عنها ونشروا صورها ولا تردين تلفين المجرمه ببيتج

ام جلال بقهر...لا ورود بريئه واصلا هي طفله وينها وين الاجرام وراح تطلع من السجن وهي ام احفادي مااسمحلج تحجين عنها...

ام عبير بحقد...اوك محنحجي علئ كنتج الارهابيه بس خلي جلال يطلك عبير بالمحكمه ولا تنسين عبير مهرها 50 مليون يدفعهن كاااش مفهووم؟؟لا اجرجره بالمحاكم

ام جلال بقهر....استغفر الله...قفل الخط..

دخل جلال وشاف وجه امه ميتفسر...

انطها مصطفئ وباس ايدها....شبيها ام جلال مغثوثه؟؟

ام جلال وهي تبوس مصطفئ وبتنهيده.... ام عبير خابرتني وسوت فلك ودكول خلي يطلك ويدفع المهر 50مليون..لا انجرجه بالمحاكم

جلال ببتسامه جانبيه...اوك ادفع مهرها بس خلي يفصلوني وزيدت الفصل هم 50 مليون وادفعه مهر اخته لان مالهم مال حرام ومااريد عائلتي تاكل حرام

ام جلال...جلال هسه تسوي النه مصيبه..

جلال بقهر...اكثر من هل مصايب..

ترك امه وصعد الغرفته سبح وبدل ونام وهو يفكر بمشاكله وشلون يحلهم اتصل باابو رائد وخبرة بقراره الجديد وابو رائد تخبل لكن جلال طلب الفصل خمسين مليون مقابل طلعة رائد من السجن وابو رائد متثل للامر الواقع....

************************************
ديانا اجت خطار الاهلها جانت لابسه تنورة سووده وقميص جوزي وشال كريمي وحذاء كريمه جابها حسين وراح.....

ام مراد بقهر...لج نسيتينا شفتي حسين بعد ولا ذكرتينه واني امج المدللتج واحبج ولا حتئ تجينه

مراد...اي من لكه احبابه نسئ اصحابه.

ديانا...ههههه لا ونبي منسيتكم بس صدوك مشغوله تعرفون عيال واني اتعب عليه مواعين الريوك بس الحمدلله عائله طيبه وحبابين وكولشي يهون لعيون حسووني...

ام مراد...اي كولي حسوني نساج امج..واخوج

ديانا بهيام...اووف ماما حسين مو بس نساني امي نساني حليب امي شكد احبه لا ويونس يموت ضحك ويحبني ومدللني ويغار عليه بعد شنو اريد اكثر من هيج؟؟

ام مراد...الله يسعدكم يااارب..

ديانا بخجل...تسلمين ماما مراد ممكن تكوم شويه عندي موضوع ويه ماما

مراد ببتسامه...اوك تدللون ....قام مراد وديانا ابتسمت بخجل....

ديانا....ماما اني فاتتني الد.... وصايرة عندي حاله كوولش احب اتنفس عطر حسين الزم قميصه وتنفسه وعبالك خبله وهماتين اشتهئ اكلات غريبه واشتم روائح مال اكول اعتقد حامل..

ام مراد بفرحه...ولج حامل وتتنسين علئ زوجج

ديانا وقفت بفرحه...صدووك ماما الله عليج خلي نروح نحلل..اخذتها ام مراد وراحت حللت الها تحليل دم ورة نص ساعه طلعت ديانا حامل بالاشهر الاولئ
شبكت امها وضلت تبجي من الفرحه وامها تبجي واتصلت بحسين تبشرة....

ديانا بفرحه كبيرة...حسووني حسووني ابشرك بشارة كووولش حلوووة

حسين بخبال....شكووو امج تزوجت؟؟

ديانا بقهر...شووف حضي لا متزوجت بس اني حااامل باابنك وياستري يطلع مخبل..

حسين بفرحه عاااارمه.....شنووو حااااامل يعني راح اصير بابا كلووووووش...شوفي ديانا مشي بعد ماتمشين كووله بعربانه مال مقعدين احطج ودرج متصعديه انزلج بسله الملابس وشله واير كرمش واخوته ابتعدي عنهم ذووله زين اذا خلوو عايش ساعتين لاتجيج رفسه منهم وكلوووووش «يهلهل»

ديانا بضحكه...هاااي شنوو كوولش حلوو دا تهلهل حتئ احسن من ام كوورمش..

حسين...هو اخذت دروس خصوصيه عند ام كرمش

ديانا....هههههههه فديتك

ضلت تسولف وياه وتضحك وهم فرحانين بحمل دنوو ويخططون شنوو يسوون الخاطر الطفل وحمايته من اولاد عمته الكرمشيين...
************************************
ورود صعدت محكمه...جلسات وجراءات ومحامين وشرطه وجيش ورهبه كووولش كبيرة قدموا جميع الاثباتات والادله والمحامي شرح قضيتها للقاضي وكل شويه يستدعونها بعدها راعوا تعبها لان حامل ورة كم يووم صعدوها محكمه للنطق بالحكم الكل جان مترقب وكلها حضرت للمحكمه ودعولها الله يفرج عنها....

دخلت وهي لابسه نفنوف طوويل ازرق وبي ورود حمرة وجاكيت طووويل ازرق وشال بيجي وهي ترجف ولازمه بطنها من الخووف وتبكي دخلوها داخل سجن المحكمه وهي تبجي وتباوع الاخوها وجلال وتتنفس بضييف ولازمه بطنها حست راح يغمئ عليها وتقلصات قويه اسفل بطنها...

جلال باوع عليها وهو يطمنها ومقهوور عليها حيييل وعلئ بطنها المنفووخه عقد حواجبه بقهر وهو يسرح بملامحها الطفوليه والسواد المتهالك جوة عيونها وزايدها جمال وقسم بداخله هي مثل القمر وسواد المحيط بيها منطيها جاذبيه...

بعد عده مناوشات نطق بالحكم....

القاضي...حكمت المحكمه حضوريا علئ المتهمه ورود احمد ...بتبرئتها من جرائم الارهاب وعدم الانضمام لتنظيم الدوله....حكمت المكمه حضوريا علئ المتهمه ورود احمد...بالسجن لمدة ستت اشهر بتهمه الهروب من العدااله...

وكعت علئ الارض بصدمه ورعب من الست اشهر الي انفرضت عليها وهي تبجي وتصررخ ركض عليها جلال وهو يطلعها من السجن وحضنها بحنان..

همست ببكاء...ست اشهر جلال ست اشهر..

جلال بحب وهو يطمنها...لا تخافين باجر تطلعين

ورود برجفه وبكاء...لا جلال مااطلع يعني راح اجيب بسجن لا يااربي لاا حبيبي ياررب اوكف وياي

جلال بحب...ورود انتي صارلج سبع اشهر بسجن يعني قضيتي المده كامله بسجن وتطلعين بتمييز باجر تطلعين حضري نفسج

ورود بخووف...كوول والله

جلال وهو يبوس دموعها...والله...

القاضي بعد ماقدموا المده القضتها..حكم حكم جديد..

حكمت المحكمه حضوريا علئ المتهمه ورود احمد بالافراج عنها وانقضاء مده الحكم المعهوده وتميز المقضي سته اشهر...

ورود ببتسامه وفرحه وهي تحضن جلال وتصررخ وتبوسه واخوها حضنها ويبجي عليها وفرحان بفرحتها وهي من فرحتها باست ادين اخوها وهي تبجي....

**********************************
عند ديانا جانت نايمه بحضن حسين وهي فرحانه

ديانا...حبي شنوو نسمي البيبي؟؟

حسين...إذا ولد نسمي علي وندلعه علووش واذا بنيه نسميها خوله وندلعها خوخه..

ديانا...يعني اله تدلعوون؟؟

حسين...اي اله ندلع وهاي احلئ اسامي عندي حمدي ربج مادلعتهم كنوو ...وجنكومه..

ديانا...عزااا لا يمعود خلينه علئ خوخه احسن

حسين ...اي عووزا لعد شعبالج احنه معروفين بالدلع تعالي ادلعج...

حسين تقرب من ديانا وهو يبوسها بوسات هادئه وهي مستسلمه وعايشه الجوو باسته بخدها ورجعت قبلته بشفايفه وهو فرحان بيها...

وكبت العيطه والدك علئ الباب عبالك صارت ثورة..

كرمش وهو يدك بعصبيه....حااااالي حاااالي بادوو نعال تيانا

حسين بفزع...لا اله الا الله اليوم انعل والدي والديكم

طلع برة وديانا وياه شافهم واكفين جكجك وبشبوشه وكرمش يلهث من التعب...

حسين بعصبيه...منووو خمطه..

كرمش...تت تمرة علئ الديران..«جكجك شمرة علئ الجيران»

حسين بعصبيه...هسه تجيبونه لا والله اقيم الحرب العالميه الثالثه...

كرمش..حالي اني اديبه..«اجيبه»

نزل يركض دك الباب علئ الجيران وجابه واجه وام كرمش خمطته..

ام كرمش بمزح..انطيك الف وكله ماكوو

كرمش انطا اله واخذ الالف وصعد...حالي ماتوو

حسين ماعبرت عليه...انطيك الف وتجيبه

كرمش مد ايده...ديب«جيب»

انطاه حسين الف وصارن الفين راح خمط النعال من امه وانطاه الخاله حسين...

حسين بضحك...هههه ترئ اخواتي يحبن يشاقن مو قصدهن..

ديانا...ههههه خلي تاخذه عادي

حسين دخلها ودخل النعال وهو يبووس شفايفها رقبتها وعيش وياها بغير عاالم

طبعا ديانا بيه طبيعه من حسين موجود ماكوو اصحئ منها ومن يلتحق تتخربط وشيكلولها مغذي وصارل الها فترة علئ هل حطه يهبط الضغط من يروح حسين😂 ومن يجي يصعد يعرف نفسه مصعد ضغطها....

************************************

بعد ماطلعت من السجن جانت كوولش فرحانه نزلت من فووك بعد ماخلت مصطفئ نايم هو وجلال جانت لابسه ثوب مال خوامل اصفر وكلوشه وشعرها رافعته ليفوك وبعض الخصل العنيده نازله شافت ام جلال كاعده ابتسمت وكعدت عندها ضلن يسولفن وخبرتها بطلاق عبير ودفع المهر 50 مليون هو فصل رائد وضلن يسولفن بعدها ام جلال حجت باسئ

ام جلال...الله يرحم ابوج هو سبب برائتج خطيه عادميه اعدام وهذا الضهر بسجل..

قامت مفزووعه من الخبر...شنووو ابووي عدموا لااا جذب لااا ابوووي مامات لاااااا موو هيج حرام عليكم لااااا باباااااا

ام جلال بخووف...علئ كيفج انتي متدرين ابوج استشهد؟؟؟

ورود ببكاء وصراخ....باااابا بااابا اريد ابوووي

نزل جلال يركض وهو يسمع صراخها من شافته وكعت علئ الارض وهي تنزف تخبل عليها شالها وركب بالسيارة وخابر علئ ام علاء وامه ضلت عند مصطفئ وصلوا للمستشفئ وهي تبكي وتصرخ دخلوها لغرفه العمليات وجيبوها واخوها اجه تبرعوا الها بدم وحتئ مراد تبرع....

طلعت الدكتورة وهي شايله طفل صغير واحمر وسلمته الابوو...مبروك جابت ولد بس بسابع لازم نخلي بالخدج..

اخذه منها باسه واذن بااذانه وهو فرحان بجيه ابنه الثاني وروحه هايمه عند طفلته ورود طمنته الدكتورة عليها واخذت الطفل للخدج سماها احمد علئ اسم ابوها وهذا طلبها تسمي احمد...

دخل عندها هو وام علاء واجت وامه وام مراد واخوها ومراد كلهم دخلوا طبعا جابت بمستشفئ خاص وغرفه خاصه تقرب منها وهي تان من الوجع باسها بجبينها وهي تبجي وتهمس بااسم باابوها واخوها باسها بااديها وبجئ عليها..

همس جلال بااذانها...حبيبتي اني ابوج واخوج وحبيبج والي ترديه قوي نفسج الخاطر اطفالج يالله اجي احمد ومصطفى منتظرين احبج يروحي

همست بضعف...لا تعوفني

ابتسم وهمس الها...شلون اعووف روحي واني حبيتج من اول لحضه...

************************************بعد مرور شهرين كانت كاعده ترضع بااحمد وهي تبتسم علئ ملامحه..شافته دخل باسها بشفايفها وكعد يمها

جلال...نام؟؟

ورود...اي نام اليوم كوولش انقهرت عليهم

جلال بتساؤل...ليش؟؟

ورود...مصطفئ حييل يغار من احمد ويضوج من اشيله اليوم خليته كاعد يمه ولكيته مسوي خدوده حمر من الراشديات وعاضه وحمودي بس يبجي شسوي

جلال بضحكه...اي يغار لان تهتمين بااحمد انطي المصطفئ فلوس نستله وكليله من حمودي حمودي يحبك حتئ بعد ميغار منه ويضربه وقربيهم من بعض

ورود...اي حكوله هذا دادا يحبك وهو ينطيك نستله وهيج شئ

جلال ...دعوفينه منهم اني الصرت غار منهم والله صارلي شكد محروم ولا تحسين بيه..وقررت اذبهم بدار الايتام وخلص منهم

ورود...ههههههههههه حتئ اشمرك وراهم بدار العجزة يالشويب

اخذ احمد منها وهو يضحك حطاها بسريرة ورجع عليها وهمس الها....شوفي الشويب راح يخليج تحبلين بثالث..

ورود بضحكه....لا لا والله ولدك طلعولي كرون من تعب

ضمها الصدرة وهو يبوس بيها وينزع قميصه وهي باسته بشفايفه وخده حرك ايده علئ خصرها وهو يقبل رقبتها بعنف ويتقررب اكثر واكثر وطفئ الضوة

وطبعا محد طردني بس صاروا ثنين ولد وتعبت منهم بس يبجوون😂كعدت العبهم

************************************اهم الاحداث............*

عبير...انخطبت الابن خالتها واحد فايخ مزوج ومطلك وعنده بنيه ولد وتحظر الزواجها ودائما تراسل جلال بس هو ناطيها طاف

مراد...لحد الان ممزوج وتعرف علئ بنيه بالجامعه هم حبابه لكن بعده يصارع بمشاعرة«عدكم مرة اله😂»

رائد ...طلع من السجن وكتب تعهد علئ نفسه ميضايق جلال واذا انشرت صورة ورود هو المسؤل ولحد الان متاب من سوالفه ابو طبع ميغير طبعه كل يوم بالبارات والخمر والعربده...

ديانا وحسين...حياتهم سعيده ووناسه ومنتظرين طفلهم بفارغ الصبر وطبعا ديانا تغيرت شويه من ناحيه البس لكن لحد الان حجيها نفس الشئ وحتئ علمت العائله...

************************************عيد ميلاد مصطفئ....

احتفلوا بعيد ميلاد مصطفئ بألعاب زيونه حضروا بس اقاربهم واخوو ورود وام جلال ومراد وام مراد وديانا وحسين وكرمش اجه وياهم

العاب زيونه نضموا الاحتفال واجه الميكي ماوس وهو شايل مصطفئ وجابوا الكيكه والعصاير والطكطاكات والشموع والاغنيه مشتعله ويركصون بمصطفئ ومراد شايل حمودي واخوا يضحك ويصفك ورود لازمه ايد جلال وهي فرحانه وهو فرحان اكثر منهم

ديانا وهي تصفك...هبي بيرث دي تو يو..مصطفئ

ضالوو يصفكوون ويحتفلون وياكلون كيك واخذوا صور وجلال باوع بعيون ورود وعيونه حجت كوولشي وهي عيونها فضحتها بحبه حضنها كدام الكل وهو يقربها منه ويشلون اطفالهم واخذوا صور

جلال..

حبيبتي باسمي وباسم قلبي..

سأعلن لك عن أطهر ذنوبي منذ أن التقينا..

ورود..

دع كلامك ينساب بين طيات حديثنا..

وافصح عن أطهر ذنوبك وربما ذنوبنا..

جلال..

حبيبتي ذنوبي كثيرة أفلا تعرفين ما هو أطهرها..

نظراتي خفقات قلبي ألا تدلك على اكتشافها..

ورود..

بلى فكل ما ينبع من حضنك هو طاهر..

لكنني وددت سماعها من ثغرك كلاما هو طائر..

جلال

أقول ماذا وماذا فلو سطرت السماء أوراقا والنجوم حروفا والبحار حبرا..

لن أوفى ولا تكفى لما في داخلي..

ورود.

إن كان هذا هو ذنبك منذ أن التقينا..

فليت كل ذنوبك تفضل لغاية مماتنا..

الئ هنا تنتهي قصتنا..«ذنب طاهر ما تحمل من معناه وافراح وحب ومئساه وجراحات وابتسامات ان شاء اللة حبيتوا القصه استودعكم الله الئ اللقاء»

بقلمي...سموو العراق..

https://www.youtube.com/watch?v=jx5a6maQlD8

هذي الاغنيه طلب من احد المتابعات واهداء الئ جميع المتابعين...😍😍😘😘 احبكم