#ذنب طاهر الفصل الخامس 5 - بقلم سمو العراق

#ذنب طاهر....البارت السادس...
بقلم«سمو العراق»

نــظــــــراتـــك تـؤرقــــــــني
أنــفاســـــــــــك تـحرقـــــني
لــــــــمساتــــــــك تثيرنــــي
هـــــمساتـــــــــــــك تقتـلني وقــــبلاتــــــــــــــــــك تميتني....💔

تقرب منها وهو يحاول يقبلها ودك الفون مالته اما هي من دك الفون حست على نفسها دفعته وماهتز ضلت مستقرة بمكانها وهو يخابر...

جلال...الووو..شنووو؟؟ ديانا وكعت؟؟شلوون ؟؟لك غبي شلون تخليها تروح الوحدها؟؟وهسه شلونها؟؟ بااي مستشفئ انتم؟؟.....يالله جايكم مسافه الطريق واني يمكم....قفل الخط بسرعه وكام منها اما هي ضلت مصدومه من مخابرته...

ورود بتفكي...منوو هاي ديانا ؟؟ليكون زوجته؟؟ اي يمكن زوجته؟؟ههه انوب اسمها ديانا ...وشبي كتل روحه عليها...مبينه من اسمها حلوة...وشعليه بيهم حلوة مو حلوة نارهم تأكل حطبهم

جلال وهو ياخذ مفاتيح السيارة/..يالله اني رايح بس خلي اتصل علئ ام علاء تجي يمج احتمال ماارجع

ورود بهدوء/...اي

اتصل اتصل بس مكان اكوو رد/..لك هاي وين راحت افف انتي تخافين تضلين الوحدج؟؟

ورود بخووف/...اي اخاف

ابتسم عليها وهو يشوفها كاعده علئ السرير مثل الطفله بشعرها المفتوح وبشرتها الصافيه وثوبها القصير اتقرب منها وهو يحتضن وجها بكفوفه اما هي ابتعدت خايفه رفع وجهها وهي يقبلها بشفايفها بهدووء....

ابتعد عنها بعد مادفعته/...يالله كوومي اقفلي الباب وراي وأي واحد يدوك الباب لا تفتحي مفهووم حتئ لو ام علاء..

ورود بخجل وتوتر/...اي مفهووم

طلع وهي تباوع الرجولته الطاغيه ومعرفت سبب مخابرته بس الفهمته ديانا «خطيه دائما محط الشكوك نسوان جلال😂مكروده» يعني هيج يحب مرته وراح ملهوف عليها الله يسعدهم اني شعليه باجر انطي الطفل واروح ولا تبقئ،الئ ذكرئ وياه ويتهنون بحياتهم...لكن بعد تفكير انصدمت...لا هذا مو عدل يعيش وياها مرتاحين وابني بنصهم واني مكسورة ومهشمه لا ياربي رحمتك....

رجعت قفلت الباب 3مرات وحاولت تنام لكن افكارها مراودتها وخوفها زايد عن حده تبجي وهي نايمه تبجي وهي كاعده تبجي منذ ان تم اعتقالها...
************************************
وصل للمستشفئ ملهووف شافهم كلهم واكفين بباب الغرفه المتواجده بيها ديانا...امه وعبير ومراد وام مراد وتفاجئ بوجود شاب عرفه اول مشافه حسين الشرطي اليشتغل وياهم بس استغرب وجوده بالمستشفئ.....

جلال بلهفه/...خير شصاير؟؟

مراد/...مااعرف بس الاخ هنا دايس علئ نفنوف ديانا وكعت من الدرج الكهربائي ومكسرة تكسر

جلال دار بنظرة علئ حسين وسلم عليه وحسين كذالك والكل تفاجئ من سلامهم معنئ هذا همه يعرفون بعض....

جلال بمزح وهو يرفع اصبعه بتهديد/...اذا يصير علئ بنت اخووويه شئ متلوم اله نفسك...

حسين ببتسامه هادئه/...سيدي افصلكم وشتردون اني حاظر وبخدمتكم

جلال ببتسامه/...شعندك بالمول يابه انت رجل أمن مو مال موول...

حسين/...هههه والله جنت دا اخذ هديه الصديقي متزوج ومااعرف شلون دست علئ طرف فستانها ووكعت والله واني اعتذر وبخدمتكم شنو التئمرون عليه...

جلال /..لا ان شاء اللة مصار شئ بس مرة ثانيه انتبه ولك بس لا تطلع انت دافعها..ههههه

مراد/...ههههه لا والله مجان قصدي..

ابتسم اله وبعدها الدكتور طلب يدخلون عندها وكلهم دخلوا بس حسين ضل خارج الغرفه وهو حاب يتطمن عليها وعلئ صحتها الآن هو السبب بسقوطها من اعلئ الدرج....

كانت تبجي بووجع اول مدخلوا عليها شافوا حالتها يرثئ اليها راسها ملفوف بشاش ابيض وملطخ بالدم ورجلها مجبرة واديها كذالك وخدوش متفرقه باانحاء وجهها هيئتها متدل علئ ديانا الجميله.من شافتهم ضلت تبجي اكثر واكثر حظنتها امها وضلت تهدي بيها وكذالك بيبيتها ومرت عمهاا بعدين ابتسمت العمها وهي تبجي حظنها بحنان وهو يبوس راسها،ويهديها.....

جلال /...الحمدالله علئ سلامتج عموو شلونج هسه؟

ديانا ببكاء وجنه طفله/..اهئ اهئ شلوني مكسرة تكسر مبيه عظم سالم...

جلال /...حبيبتي هسه يضربوج ابرة مهدئه وتصيرين زينه...

مراد بضحكه/...ههههههه اني ضربتها عييين

جلال بلوم/...الله لا يوفقك عينك حااارة

ديانا/...لا عمووو مو عينه حارة بس هذا الغبي الداس عليه ووكعني هو السبب

مراد/...يالله ولا يهمج راح ناخذة فصليه الج وانتي عاد شوفينه مهاراتج اريدج تذلينه بوكس علئ راشدي علئ عظه منا لمن تحسين شفيتي غليلج بي هههههاي

ديانا بدون نفس/...عابت.

جلال بحب/..هههههه يعمري هذا حسين شرطي عندي وهو خلوق ومؤدب مو من ذول اليتعمدون وميدري بيج اعذريه..

ديانا بقلبها...هههه مؤدب اصلا حقير شلون استهزء بيه وبلبسي والله مال واحد يعاقبه علئ فعلته بس لا متقصد يااذيني وداس علئ نفنوفي بس لا ما اتوقع هو جان جايب جنطتي بس والله غثني بكلامه.

بعدها كتبولها خروج وطلعت من المستشفى وحسين تطمن عليها وراح اما جلال وصلها البيتهم وبيبيتها باتت يمهم وبعدها راح هو وعبير للبيت.....

دخلوا للبيت وصعدوا الغرفتهم.....

عبير بتساؤل/...حبيبي مو كولت عندك انذار اليوم اشوو رجعت؟؟

جلال/...اي جاي التحق وخابرني مراد لذالك رجعت مااكدر اروح بدون مااتطمن علئ بنت اخوويه

عبير لفت اديها على رقبته وبرومانسيه/...يعني لو كنت اني الواكعا من الدرج همات تجي ملهوف عليه

جلال بنفس رومانسيتها/...اكييييد يكلبي

باسته بدلع/...عبالي بس ديانا

تنفس بغضب وهو يكتم عصبيته ابعد اديها عنه /..كم مرة نبهتج لا تقارنين نفسج بديانا ليش تخليني اضوج منج ديانا بنت اخويه واني مربيها ليش تكرهيني بيج

عبير/..ّلا والله مو قصدي بس هيج احب لهفه عيونك عليه

حط اصبعه علئ راسها وهو يضربها ضربات خفيفه/..عبير عقلج خلي براسج ولا تخلين الغيرة تحركج ترة هذا مرض مو زينيه فاهمه

حظنته من خصره النحيل وهي تهرب من عصبيته وتفكيرها/...حبيبي والله اسفه مو قصدي سامحني..

تنهد وهو حاضنها/...لو مااحبج جان عاقبتج لان كلامج محد يقبل بي بس اتمنئ هاي اخر مرة لان والله دا تضوجيني بتصرفاتج..

عبير برضا/...اوك والله مستحيل اعيدها حبيبي بعدها سحبته للسرير وهو حضنها بحب وحنان متناسي تماما وجود انثئ،اخرئ،بحياته....
************************************
كم انا وحيدة في هذا العالم الواسع...
حيث لايسمع لي صوت ولا كلام...
اشتاق لنفسي وادللها...
مثل الوردة في صحراء...
لايوجد امل ان تعيش ولكنها تحدت الصعاب..
هل تلك نهايتها؟! هل تذبل هذه الوردة؟؟ ....... كعدت الصبح مستوحشه البيت حست نفسها مرميه بدهاليز مضلمه ممنوعه من الفرحه والامل ام علاء مموجوده وحتئ هو مموجود خابرته ديانا وراح بدون ميهتم الها ويهتم الخوفها تنهدت ومسحت دموعها بهدوء سمعت دك علئ الباب راحت شافته من العين السحريه جانت ام علاء فتحت الباب الها مع ان حذرها...سلمت عليها وبوستها...

ام علاء/...مبروك ياعروس وين الضابط نايم.

كعدت علئ القنفه بزعل وكتفت اديها ونزلت خصل شعرها الناعمه علئ وجهها/...ياعروس يابطيخ العريس مرته مدري شبيها وراح وعافني نايمه الوحدي ترئ جاي احجي مو حبا بي لا..بس لان اني اخاف انام الوحدي اصلا يولي واصلا مااحبه واصلا اني ردته يرووح بس ليش هيج يسوي جان خابرج اجيتي نمتي،يمي...

ورود/...اذا اغار ما اغار عليه بس مقهورة لان محد مهتم الي يالله عادي لايهتم

ضحكت عليها ام علاء وبعدين هي كامت حظرت الريوك وتريكن سووة وضلن يسولفن وام علاء تسولف الها عن جلال وشخصيته بالجيش...حست نفسها ارتاحت شويه بعدها نعست...

ورود بخجل/...خاله اعذريني اني نعست والله البارحه منمت زين وبس ابجي وخايفه...

ام علاء /...روحي حبيبتي اني حضل كاعده هنا

راحت للغرفه سبحت ورشت عطر لبست نفنوف قصير ابيض ونشفت شعرها بالشسوار تثاوبت بهدوء وراحت نامت علئ السرير كتبت بااصبعها امي ورجعت مسحته بخووف خايفه من امها تدري بزواجها وتصرفها من كيفها مسحت دموعها بخووف من امها واهلها وزواجها المفاجئ بس هو وعدها يوكف وياها وتتمنئ ميغدرها كدام اهلها ويشرح وضعها.....نامت بعد تفكير طوووويل موجوعه حد النخاع..... اما هو اجه وره ساعه شاف ام علاء كاعده سلم عليها وسألها عن ورود كلتله هي نايمه وسولفتله عن سوالفها اليوم وشلون زعلانه من ديانا ابتسم عليها وعلئ ديانا المحسودة من نسوانه..دخل للغرفه شافها نايمه مثل الملائكه بالابيض تقرب منها وهو يرفع الجرجف عن خصرها حط ايده علئ خصرها وهو يقبلها ماصحت من نومتها رفع شعرها وضل يقبلها بحب ويتمتع برقبتها البيضه الطويله وبشرتها الصافيه مثل الاطفال....ابتعد عنها بعد ماحس علئ نفسه ميريد يستغل فقدانها ويخليها تنام نومه مريحه.....راح شغل الحاسبه وكعد يشتغل عليها وهو قيد اسماء وسجلات جديده....
************************************

عند ديانا...جانت ممتده علئ القنفه وصديقاتها يمها يسولفن ويضحكن وهي تضحك...

الاولئ/...اول مرة صار جنتل مان وبعدين صار هتلر..

الثانيه/...هههههه اي والله اول مرة نقذها وبعدين شمرها من الدرج...

ديانا باانزعاج/...انجبوا انجبوا هو اصلا من البدايه هتلر وستين هتلر مشفتو كلامه ويايه ومعاجبه لبسي مو علئ اساس هو البسه حلووو

الاولئ/...بس لا تحمين من شفتي فتحتي حلكج عرضين ومن الثول شمرتي روحج من الدرج هههه

الثانيه/...ههههههه اي والله صدوووك داخت دنوو

ديانا بعصبيه/...انجبوووا عابتلكم علئ شنوو اصلا محلووو

الثانيه/..اي محلووو هههههه بس شمرتي روحج من الدرج من كثر مدختي.

ديانا بملل/...اهووو اسكتن...

ضلن يتنادسن ويضحكن وهي تباوع عليهن بطرف عينها ويحششن عليها بعدها طكتها بضحكه وضلت تضحك وياهن....بعدين انعاد عليها مشهد حسين ولهفته وخوفه عليها وهو شايلها وصديقاتها يحششن عليها ويتمنن هنه الشايلهن حسين...
************************************
افاقت من نومها شافته كاعد علئ القنفه وهو مركز بشغله لمت الغطاء علئ صدرها وهي تغطي نفسها انتبه عليه وضل ينظر الها بنظرات اعجاب.

جلال بااستهزاء/..صبحهم الله بالخير الملوك.

استغربته وعقدت حواجبها بعدت الغطاء عنها ومشت وهي متحذرة منه يلزمها ويجبرها علئ نفسه اما هو خلاها تكمل طريقها وهو يبتسم عليها ونظراته ملاحقتها...دخلت للحمام لتابع للغرفه غسلت وجهها وركزت بملامحها الاثيرة شافت كميه كبيرة من البقع علئ رقبتها وخدها انصدمت ولا عرفتها شنوو

ورود وهي تحرك اصبعها علئ البقع وبصدمه/..يممه شوف البك«البق» شمسوي بيه ماكلني اكل عابتله بس وين اكوو بك بالغرفه؟؟يمكن ذبان بس حتئ الذبان ميسوي هيج؟؟خاف حساسيه وتهيج جلدي قطعت تفكيرها وطلعت خارج الحمام شفته كاعد اول مشافها خله الحاسبه علئ القنفه وهي سرعت بمشيتها ناويه تطلع اعترض طريقها وحاوطت خصرها وبنرة ذوبت كل خليه بجسمهاا...

جلال وهو محاوطها ونزل خشمه لمستوئ خدها وبنرة رومانسيه/...وين رايحه؟؟

ورود برجفه وارتباك/..اي جاي انضف الشقه

شالها بين اديه وهمس الها/..عوفيها اليوم انتي اميرتي .....مددها بهدوء علئ السرير وهو يشوف خوفها ودموعها وبكاءها

جلال وهو يمسح دموعها/...لا تخافين اني زوجج وهذا حقي لازم اخذه اذا مو اليوم باجر...

ورود بنحيب/...والله امي متقبل ولا اهلي يقبلون شلون اتصرف من كيفي امي اذا درت بالسويته تكتلني وتزعل مني واني كوولشي ولا زعلها.

جلال ببتسامه علئ تفكيرها/..ّليش تزعل منج احنه ممسوين شئ غلط اني زوجج علئ،سنه الله ورسوله ولازم تفرح اني لمستج بالحلال احسن ما ميت كلب يلمسج بالحرام

ورود باامل مقتول/..يعني مراح تزعل؟؟

جلال ببتسامه/...لا متزعل.

ورود/..زين قبل كوولشي اريدك تعرف وين امي هسه ومن تعرفها تشرح الها اني ليش اتزوجتك

جلال بثقه/..اوك....سحب الفون وطلب تحري سريع عن امها وشوفها الرساله وهي تطمنت وستسلمت اله.

حضنها بحنان وهو يقبلها بهدووء ويلتمس خصرها ويقبل شفايفها بخبرة كبيرة وبدون ماهي تبادله ومصدومه من الجاي يصير........صارت زوجه فعليه اله وحظنها بحنان وهي تبجي وترجف وبعدها نامت تعبانه موجوعه مقهوورة.......

.....يوم جديد وصباااح جديد علئ ابطالنه......

كانت نايمه بحظنه مثل الطفله كعد قبلها وهو يتاملها حس بنفسه ضلمها واستغلها علئ حساب مصلحته لكن هوو وعدها وبعد متجيب اله الطفل يطلقها وتعيش حياتها تنهدت بضيق وجاي يكون رن الموبايل مالته دليل علئ وصول رساله فتح الرساله وانصدم ضل ينظر الها بشفقه وعطف وقسم بداخله اذا قرت مضمون الرساله يمكن تنجلط....

نهايه البارت.....يتبع ارائكم بالبارت احبتي😘😘