#ذنب طاهر الفصل السادس 6 - بقلم سمو العراق

#ذنب طاهر...بقلمي«سمو العراق»

البارت السابع......

صغيرتي حزينــة ..!!
دمــوعها .. أكوام من ثلج ..!!
وقلبـــها .. مدينة البيــاض ..!!

ليس للظلام ... ليل ..
سوى الإبحــار .. خلف الغيــوم ..
كان في جيبي .. سمـاء ..
وفي السمــاء .. ملايين الاحاسيس ..

صغيرتي حزينه... !! فقد فقدت والدتها ..

ارتبك من وصلت الرساله ضل يتأملها وهو متأكد اذا عرفت مضمون الرساله احتمال تنجلط اذكرها هواي تذكر امها حتئ بااخر ليله وياها ذكرتها وطالبه منه يشرح وضعها الامها تنهد بضيق وكام دخل للحمام سبح وبدل شسور شعره ورش عطر وهي لحد الان مصحت شافها تحرك روحها وتتمغط فركت عيونها بدلع رباني وطفولي وكعدت علئ السرير...كامت اخذت ملابس من الكنتور ومنشفه وفاتت من امامه اما هوو قطع طريقها.....

جلال ثبتها من اكتافها ونزل راسه المستواها/...انتي متعرفين دكولين صباح الخير؟؟

سكتت ماردت عليه....

جلال بااستهزاء/..يعني مجنتي تصبحين علئ اهلج ودكلليلهم صباح الخير..لو بس اني ناطيتني طاف

ورود بصدق/..لا والله مجنت اكولهم صباح الخير اكعد اروح اغسل وبعدين اروح اسوي ريوك ونتريك ومااكول صباح الخير...

جلال/...ليش مدكولين؟؟

ورود بخجل/..والله مااعرف بس يجوز استحي او انسئ اكوول....بس ياريت ارجع الهم والله يوميه اصبح عليهم وكلهم صباح الخير والنور والعسل وكولشي حلووو بهاي الدنيا....

مسح دمعتها ومعرفت ان هي تبجي اله بعد ما مسح دمعتها قبلها بخدها البارد برومانسيه وتركها محتار شلون يكولها امج ماتت من اول يوم اعتقلتي بي موضوع صعب والاصعب تعلقها باامها قرر يصبر كم يوم واذا فاتحته بالموضوع يكولها بالخبر الصادم بعدها بدل وطلع بدون مينتظرها تطلع من الحمام
************************************
كنت باارض الصاله نايمه علئ القنفه وهي تأن من الوجع الدا تحس بي اجت امها باستها وانطتها كبسول مسكن للألم شربتها وهي تبجي.....دخل مراد للبيت بعد مجان بالمعرض....

مراد/...مساؤؤ صبابا..

ام مراد/...لك مراد شوكت تصير جدي بكلامك شنوو صبايا ؟؟شنوو مساؤؤ.

مراد بمزح/....اذا اني جدج لعد ابويه شيصير منج؟؟ ههههاي.. وبعدين يوم اني مااحب الرسميات احب اكون علئ طبيعتي

ام مراد/...ههههههه متصير الك جارة شنوو انت مناوي تزوج راح تشيب؟؟

مراد/...والله اذا عندج عروس علئ مزاجي اني موافق بس كون حلوة ومو تكليلي اهم شئ الاخلاق وتطلع تشبه جبار ابو الكهوة هههههاي.

ديانا بوجع/...ماما عوفي هذا مو مال زواج.

مراد/...ممكن تسكتين انتي يالسيارة المسكربه ترة محد طلب رئيج...ترئ وكرم مني مستقبلج ببيتي

ديانا بعصبيه/...شنوو السيارة المسكربه ياحاتم الطائي؟؟؟ مستقبلني ببيته لك هذا بيت بابا ويالله روح الغرفتك الا انكلب عليك جون سينا.

مراد/..هههههه فديت امي واختي شلون دمهن عسل..صدوك عموو خابر دا يكول الولد الوكعتي بسببه راح يجي هو واهله يطمنون عليج.

ديانا بحده/...خابرة مااريهم يجوون يقتلون القتيل ويمشون بجنازته...

مراد بتفهم/...هو الولد ميدري بيج وبعدين هو طلع صاحب عموو بالعسكريه ومو زين جاي يتطمن عليج وجايب اهله

ديانا بعناد/...مااريدهم يجووون

مراد برجاء/..ديانا رحمه الربج لا تتعيقلين هسه درينه بيج حلوة بس مو هيج شايخه علئ العالم وبعدين والله والله لو اهتم بروحي بكدج جان صرت احلئ منج اذا انت جويل متلحكج مكياج وعدسات وشعر اصفر ورجيم ومكعده الامه وموكفتها كافي خلينه ساكتين....

ديانا بصدمه/...خررب يومك اني هيج جايبه روحي بالميك آب؟؟ شوف مرادوة الحلوة حلوة لو تكعد بسته الصبح ومدام الصبابه عدله شتلبخ عليها تطلع حلوة مو مثل بعض الناس يحطن مكياج ويزدادن بشاعه...

مراد بسخريه/...علئ كيفج يااانجلينا جوولي.

ضلوا يداهرون ويتناكرون لحد ماامهم عاطت بيهم ومراد صعد الغرفته وديانا حطت السماعه وضلت تسمع اغاني ورايحه بغير عالم.....
************************************
كانت تخابر باامها عائلتها كولها مستقرة بالبنان هي الوحيده العايشه بالعراق اصرت علئ جلال يستقرون هناك لكن هو رفض عائلته وعائله اخوو كلهم بالعراق وميكدر يعوفهم من شافت ائيست من جلال استسلمت للامر الواقع واستقرت وياه بالعراق.....

الام/...هلاوو عبورة شلوونج حبيبتي؟؟
عبير بحب/..هلاووو ماما انتي شلونج والنبي مشتاقتلج؟؟
الام/..وين مشتاقتلي من اخذتي جلال بعد مسالتي علينه وهمزين ماعندج اطفال جان كوولش حذفتينه من القائمه...
عبير ضاجت بس تداركت الموقف/..هههههه لا شلون احذفكم انتوا بالكلب والله

الام/...هههههه حبيبتي شلونه جلال ام جميل شلونها بيت ام مراد شلونهم؟؟؟

عبير/...والله الحمدلله بخير بس جلال خطيه عنده انذار وهو شغله صعب والمناطق هناك تخوف وخايفه عليه.. وخطيه ديانا وكعت بالمول من الدرج وهسه تعبانه وباجي زينه واني ابوس ايدج هههههه

ام عبير/...ههههههههههه ان شاء اللة دوم زينين

ضلن يسولفن ويضحكن وسالت عن ابوها واخواتها واخوانها وطمنتهم علئ حالها ووووو.....
************************************
طلعت من الحمام بدلت لبست نفنوف ماروني ضيق حييل وشسورت شعرها ولفته بسرعه باوعت علئ وجهها بخجل من حالها ومنه طلعت بالصاله شافته ماكوو اتنفست براحه بعدها اندك الباب كامت فتحته بسرعه دخلت ام علاء سلمت عليها....

ام علاء وهي تكعد/...هااا بشري شلونكم البارحه؟؟

ورود حمرت خدودها من سؤالها بكلبها يبوو والله عيب بعدها كملت/...اي الحمدلله زينين بس والله خايفه اهلي ميرضون ...بجت من رفض اهلها وكملت...امي اذا تدري بيه تخبزني خبز شلون ورطه ؟ مكدرت ارفض.

ام علاء/..من ترجعين الاهلج كوليلهم انجبرت ومحد جان مساندني غيرة وراح يتفهمون.

ورود باسئ/...الله كريم هسه هو راح المرته ديانا مدري شبيها واكعه مدري شنوو مبين يحبها لو ميحبها مسوة المستحيل الخاطرها...

ام علاء بنص عين/...تحبينه؟؟

ورود بسرعه/...لا مااحبه ولا هوو يحبني صحيح يتحرش بيه بس هذا كوله ارضاء الغرورة واني مستحيل احبه الان زواجنه مجرد صفقه..

ام علاء/..ولج شبيج خلي يحبج وعيشي بخير ولج ذوله زناكيل من عصا موسئ خلي يحبج ويعلن زواجكم وارتاحي شبيج غبيه

ورود/..والله كلبه مو ملكي ملك غيري واني مااحب اصير متطفله واخذ املاك غيري

ام علاء بقهر/..امدااااااج

ورود بزعل/...اي والله امداني

ام علاء/..تردين اجيبلج ملابس حاجات من السوك ثوابه مال نووم روابه بكيفج شتردين اجيبلج

ورود/...لا عليمن شسوي بملابس النوم انام بثوبي

ام علاء/...امداااااج🙌

ورود بدهشه/...يااا ام علاء شبيج اليوم بس تغمين بيه ترة والله اكول الزوجي الضابط عليج اخلي يسجنج هههههه«كالتها بااستهزاء»...

ام علاء/...ههههه عزا العزاج هم طلعتي مو هينه ولج اكووو وحده تنام بثوب البيت ويه زوجها...؟؟

ورود/...اي اني ههههه

ام علاء/...ههههه امدااااج

ورود/..اليوم شبعت غم هههههه

ضلت تضحك عليها ام علاء وبعدين كامن سوون عشاء سون بيتزا بما ان كل شئ متوفر بالثلاجه وستوت وتعشن بيها اما هوو راح البيته وكلهم طلبت اجازة من الانذار لان حسين جاي يجي هو واهله حتئ يطمنون علئ ديانا اخذ عبير المستغربه من هذا الانذار الغير مقبول وراح البيت اخووو
************************************
دخل للبيت الكبير وتفاجئ من جماله وروعته ومن المنطقه الراقيه الكاعدين بيها عبالك مو بالعراق هو من الطبقه المتوسطه ومو مثل طبقتهم ولام نفسه لان لام ديانا علئ لبسها وتبرجها اذا هي كاعده بهذا البيت وهاي المنطقه فااكيد يكون لبسها هيج بس حتئ لو هيج ميحق الها تتبرج الئ هذا الحد هي مسلمه والمسلم لازم يلتزم ....اجه سلم عليه واخذ الفاكه وشغلات بسيطه من ايده وهو يتشكر منه اما حسين حس بااحراج من الشئ الجايبه ذوله طلي ميقنعهم هيج جان تفكيرة اما همه عكس تفكيرة..

مراد بااحترام/...اتفضل اتفضل.

كعد علئ التخم الملكي وحرك ساعته بتوتر كان لابس بنطرون نيلي وبدي ابيض بارز عضلاته وجسمه الرياضي ...حسين بشكر/...تسلم ربي يحفظك.

ضل يسولف ويه مراد وارتاح اله والاسلوبه مراد اسلوبه كوولش راقي واليكعد وياه يتونس بعدها دخل جلال سلمووا عليه وكاموا اله

جلال وهو يكعد/...استرحوا استريحوا.

حسين بشكر/..تسلم

ضلوا يسولفون بمواضيع عاديه....وبعدها مراد سال حسين....وجلال

مراد بتساؤل/...شنوو شعوركم بالجيش من تقودون معارك والموت محاصركم ؟؟؟
حسين ضحك وجلال كذالك وبعدين....

جلال بتنهيده/...والله ياعموو الجيش تسوي زلم صح بنص المووت بس تقوئ شخصيتنه اكثر وتموت اكلوبنه ونصير زلم نتحمل المصاعب وتعلمنه الصبر وتعلمنه شلون نعتمد علئ نفسه..

مراد حس نفسه المقصود/..شنوو قصدك عموو؟:

جلال بضحكه/....ههههههاي والله ماقصدتك بس ليش تاخذ علئ نفسك ترة انت رجال من ضهر رجال صحيح انت سبورت وحريتك مطلقه بس هذا الشئ،ميعيبك...

مراد ببتسامه/...الحمدلله عبالي قصفتني 😂

حسين وجلال/..ههههههههههه

بعدها حسين تشجع وتكلم/...سيدي اني اعتذر علئ البدر مني بس بصراحه مكان قصدي ان شاء اللة اني بخدمتكم شنوو التامرون عليه اني حاظر.

جلال بهدوء/...معقوله هذا الحجي حسين انت اخوي وهي بنت اخويه واعرف ممتقصد ومايامر عليك ضالم احنه من نريد شئ،بس نريد سلامتك.

حسين ببتسامه/..شكرا سيدي

.....بجانب اخر...عند النساء.....

كانت ام حسين كاعده علئ التخم بالصاله وهي مبهورة من جمال البيت ونضافته واهله قارنت بيتها ببيت اهل ديانا شافت الفرق شااااسع وماكو مجال للمقارنه....باوعت بشكل ديانا رغم جروحها وشكلها المبهذل اله هي غايه بالجمال

ام حسين بحنيه/...خاله الحمدلله علئ سلامتج والله خطيه حسين ممتقصد يائذيج والله متخبل عليج

ديانا برفض/...لعد شبي هو ميشووف جان لازم ينتبه على طريقه مو هيج دعمني عبالك سيارة وخلاني تكسرت تكسر

ام حسين/...بس هو ياخاله ممتقصدج

ديانا بعدم قبول/... شنوو ممتقصد هذا مو حجي يعني لو ميته بيمن ربحي بممتقصد؟؟

ام حسين سكتت بس ضاجت منها ومن حدها بالكلام ولا حاجتها شنوو هل غرور والتكبر درينه بيج حلوة بس مو هيج ....عاطت بيها امها ورزلتها لان حجت ويه ام حسين وام حسين طلبت منها تتركها لان مقهورة وحجت هيج اما ديانا طلبت من عبير تصعدها فووك وراحت زعلانه....
************************************
بعد مرور عشره ايام....

طلع من الحمام بعد ماسبح لبس بطرونه وشسور شعرة بالشسوار ولبس ساعته لبس الفانيلا الكيمونه وطلب منها تجيب قميصه الاوفايت جابته ونطته اله انتبهت علئ الوشم البيده...
ورود بتساؤل/..هذا وشم لو تاتوو؟؟
جلال بضحكه/..وشنوو الفرق نفس الشئ اذا كان وشم او تاتوو..
ورود بتساول/...يوجع من سويته
جلال بضحكه/..ههههه اي يوجع ..وبهيام وهو ينزل خشمه الخشمها....بس عجبني وسويته بس وجعني

ورود ابتعدت عنه/...حل تستاهل منو كل سوي.
لزمها من زندها بعصبيه وهو يشوف خوفها منه/..ولج لسانج طولان لا عبالج اتساهلت وياج ترئ،والله متلومين اله نفسج...
ورود حاولت تمتص غضبه/.. لا شبيك اشاقه وياك بس صدوك ديانا شعجب مصار عدها اطفال
جلال بااستغراب/..يا ديانا
ورود/..زوجتك
مسح علئ وجه بتوتر/...استغفر الله انتن شبيجن انتي وعبير

ورود بشهكه وهي تحط ايدها علئ صدرهاا/..عزااا العزاني متزوج 3 يبووو ولا وحده حامل...بااستهزاء سيدي خاف منك السبب ميصير هيج ولا وحده حبلت....

لزمها بعصبيه من ايدها ونزل وجه بوجهها/.. ولج شبيج ثوله ديانا بنت اخوي وعبير مرتي

ورود بخوف/...يااا والله عيب العفو العفوا ولا مجنت اعرف اني اسفه...

ابتسم عليها.وعلئ،قصر قامتها وخوفها منه قبلها بشفايفها وقطع بقيه كلامها ضلت ترمش وحطت اديه علئ صدرة وتحاول تبعده عنها اما هوو لزمها من خصرها وكمل بوسته...تركها بعد ماحس،بيها اختنكت..ونقطع تنفسها...

بعد ماضلت خجلانه من العده دقائق شافته جاي يطلع ركضت وراها ولزمت ايده بسرعه أستغرب منها اول مرة تتقرب منه باارادتها...ضل ينظر بوجهها العده ثواني

ورود برجاء/...عفيه جلال معرفت شئ عن امي الله يخليك جاوبني كول مااسئلك متجاوب صاير شئ

سكت مجاوبها ضلت تتوسل بي وزاد خوفها سكوته ميدل على الخير باست ايده وتوسلت بيه توسل ومنعته من الخروج ضلت تنتحب وتشهق وهي تريد تعرف شنوو الصار....

ضل ينظر الوجهه الحزين والمهظوم وهو يشوف تنفسها يضيق عنها ودموعها غركت وجهها مسح دموعها بااصبعه وحضنها وهمس الها/..ماتتت

فتحت عيونها بصدمه...نزل عليها الخبر مثل الصاعقه الزلزال الانهيااااار صرررررخت بصوووت عالي ودفعته بقووووة...

ورود وهي تصررخ وترجف/...لاااااا لاااا امي لا يمممه ليش كله من وراك انت السبب يمكن كولتها ازوجتها بالسر ونجلطت وماتت يمممه ويييينج لااا والله والله مجبورة لا تكرهيني سامحيني يوووم اااااه اررريد امي جيبلي اميييي لااااااا ملخت شعرها وكطعته تكطع وكعت علئ ركبها وهي تصررخ ومنهااا ....اما هوو انصدم من حالتها حظنها وهي دفعته....من وراك ليش دكوله هيج مو كتلك فهمه بهدووء ماتت امي بسببي اني عاااار عاااار عليها اني ماتت مقهورة مني

نهايه البارت.....يتبع....

وقفه...اعتذر عن التاخير لكن النت زفت حشاكم...

وعندي طلب حبيباتي ياريت اتابعون هذي الكاتبه قصتها اسمها صدفه بعدين اجيب اسمها راح من عندي😂