#ذنب طاهر الفصل الثامن 8 - بقلم سمو العراق

#ذنب طاهر...بقلم«سمو العراق»😘

البارت...التاسع......

ما هو الذنب الذي اقترفته؟ هل ذنبِي أنني أبقيتكم في الذاكِره ؟

لمـاذا يحدُثُ لِي كُل هذا؟

لقد فارقْ النـوم عيـنآي

نعم!فارق النـوم عينـآي ،

فأنأ لـم أعُد استطِيع النـوم منّذ عِـدة أيام منذ ذَلكْ اليـوم الذي ودعْتُكُم فيـه ،أي ذنبٍ آقتـرفتُهُ حتـى تُعاقبنـي الأيَام بهَـذِه العـاقِبه ،لـم أفعل شيءً سـوى أننى أبقيتُكُم في الذَاكِره، لـن تفهَمواْ مـاأشعـر بِه ولـن تفهَموا حتـى تجربوا شُعُور الغربـه.

وكعت علئ ركبها وهي مصدومه وتشهق من البكاء/..لا مستحيييل يعني راح اعيش بغربه يعني مراح اسافر الاخويه اني حامل باابنه يعني هذا الطفل حبل يلتف علئ رقبتي ويربطني باابوو لاااا هو وعدني،يسفرني ...ام علاء شسوي؟؟ كوولي

ام علاء كومتها كعدتها علئ القنفه ومسحت دموعها/..اهدي اهدي لازم تكولين الابوو هو يتمنئ هذا الطفل ويريده كوليله بلكي يتبدل حالج لغير حال

ورود ببكاء/...لا ام علاء مو كته يصير عندي طفل شلون لازم جلال ميعرف بس يعرف ميسفرني واني اريد اخويه مااريد اضل اهنا وجودي مثل عدمه شفتي هو يحب زوجته وبس تخابرة يركض الها خليني اخذ الطفل واطلع...

ام علاء/..ّولج ميصير غير اذا عرف خافيه الطفل عنه ومسافرة يحرك الامه حرك

ورود برجاء/...هو مراح يعرف ام علاء لا دكليله اسكتي وسدي الموضوع وهو اصلا محد راح يعرف بس اني وياج وانتي مراااح تحجين مووو؟؟؟

ام علاء سكتت...

ورود لخوف من سكوت ام علاء وببكاء حاد لزمت ادين ام وتوسلت بيها/...ام علاء الله عليج لا تحجين الله يخليج ابوووس ايدج لاتحجين ام علاء الله يوفقج والله مااكدر اضل هناا اذا عرف ميسفرني ام علاء اني مو كده اني ضعيفه الله يوفقج

ام علاء مسحت دموعها وبتنهيده/...مراح اكوله بس انتي اهدئي لا يصيرلج شئ والطفل يمووت

حطت ايدها بعفويه علئ بطنها/..لا ان شاء اللة ميصير بي شئ. هناك حربي احسن تربيه واخويه يدلله دلال...واني راح اضل مسؤله بس بتربيته ولا اعوفه الوحده...

ام علاء بتنهيده/...الله كريم

كامت من مكانها وابتسمت بحزن وهي تلمس بطنها دخلت الغرفتها ونامت علئ السرير وهي تتأمل تعيش ويه طفلها بالخارج من بين تفكيرها وتاملاتها خطر علئ بالها اخوها..هل يرضئ بطفلها وشلون اذا عرف بزواجها اي ذنب اقترفته بحقهم

تنهدت وهي تمسح دموعها حاجت جنينها بحنيه/...انت مو ابن حرام انت حلال انت حبيبي بس شلون افهم اخويه اني ازوجت جلال...مراح اكوله بسر راح اكوله امي هي زوجتني حتئ ميضربني ويحجي عليه صح اني خطئت .اذنبت من زوجت بدون علمهم بس والله ذنبي طاهر ومجبورة اااوف ياارب قنع اخويه ولا تخلي يتعصب عليه والله مضلومه والله بس كون يقتنع ومايزعل مني...

ضل تفكر وتفكر وترسم احلامها المكسورة وهي متوجهه الامريكا هي وطفلها....
************************************
كان هسه راجع من الدوام وتوجه البيته الثاني شاف امه كاعده هي ومرته ياكل فواكه...

جانت كاعده لابسه برموده ستريج لونها زيتوني وتشيرت حرس وطني وبارمه شعرها وحاطه فيونكه علئ صفحه وحاطه مكياج خفيف وحاطه الصحن بحضنها مقطع بي تفاح وفراوله وتاكل.. وامه كذالك. سلم عليهن وهنه ردن السلام باس راس امه وقامت عبير حظنته بحب...

عبير/...هلاووو عمري مشتاقتلك...
جلال ببتسامه هادئه/...اني الاشوق شلونكم
عبير بمرح/...اني بخير وباجيتي تمام بس ناقصنه انت ...حطت ايدها علئ كتفه وهي تبوسه بخده..
نزل ايدها من كتفه وهمس الها بهدوء/...عبير مااحب هاي السوالف كدام امي...
باوعتله مصدومه عقدت حواجبها بعصبيه وبعدت ايده من ايدهاا...وصعدت الدرج مقهوورة من تصرفه

الام/...شكوو شصاير؟؟
جلال ببتسامه هادئه/..مصاير شئ
الام/..لعد شبيها عبير؟؟صعدت وجنها زعلانه؟
جلال بجمود/..ماكوو شئ هسه اروح اشوفها
الام/..اي جلال لا تزعلها عبير بنت اعز صديقاتي ومن تزوجتها امها وصتني بيها واني حمدتك الهم لذالك لاتفشلني كدامهم
جلال بعصبيه/...يوم شدا تحجين هو اني شمسويلها وبعدين هذا الشئ بيناتنه اني عمري مغثيتها بحجايه ولا ضوجتها وحتئ محسستها بيوم اني مقهور لان ماعندي اطفال واني اشوف الوراي والكدامي صاروا اباء سويت المستحيل لعيونها بس حتئ ارضيها ومااحسسها بنقص ....
ترك امه بدون متجاوبه وراح صعد الدرج شافها كاعده علئ السرير وهي زعلانه وكالبه وجهها ومكتفه اديها تركها وراح سبح طلع من الحمام وهو لابس بس البجامه بدون تشيرت والمنشفه ينشف بشعرة شافها نايمه علئ السرير وصافنه بولاء شئ تقرب منها وهو يحظنها من خصرها ورجعها الصدرة حركت روحها زعلانه منه..اما هو ماتركها باسها واعتذر منها

جلال بحب/...عبورة انتي ليش تزعلين بسرعه اني مقصدت اهينج بس بصراحه محلوة هيج حركات كدام امي اني احسها حركات بايخه...
دارت عليه ورفعت حاجبها بعصبيه/...حركات بايخه تحسب من اسوي هيج يعني اني بايخه تسلم جلال متقصر ....كامت منه لكن هو سحبها بقووة ونومها علئ السرير..قبلها بشفايفها بقووة وهي تدفع بي
عبير وهي تدفع بي/..عوفني دا اكولك عوفني مو اني بايخه عووفني

حضن وجهها بين اديه وقبلها مرة ثانيه/...انتي مو بايخه انتي حبيبتي..بس دا اكولج مااحب هيج يصير كدام امي وبعدين هي مرة كبيرة لازم نحترمها ونقدرها لازم يكون الها وقار بالبيت عدنه غرفه ونسوي بي النريده اني مو قصدي اجرحج او ابعدج عني بس اني اريد تكون النه خصوصيه كدام العالم ياعمري لا تزعلين مني اني احبج انتي كل حياتي،انتي اول حب بحياتي تركت الكل الخاطر عيونج معقوله اتقصد اهينج انتي هيج تشوفيني

لفت اديها علئ رقبته وهي تقبله بجرائه/...اني احبك مووت من اشوفك ادووخ اضل مدا اعروف اتصرف اشتاقلك واتلهف الك اعذرني حبيبي حبي عمييق الك احبببببك احبببببك وممستحيها من احد اريد الكل يعرف اني احبك ومجنونه بغرامك

ابتسم علئ كلامها وقبلها بشفايفها ورقبتها وفتح ازرار تشيرتها..ووووو......«طردوني وسدوا الباب😂»
"""""""""""""""""""""""""""""""""""""""""ج""
عند ديانا فتحت الجبس البيدها وضل الجبس البرجلها خابرت علئ صديقتها تشتغل بصالون واجت صعدت فوك وضلن يسولفن ويضحكن وديانا طلبت تغير لوكها وتسوي لوك جديد من بعد رساله حسين الزلزلت كيانها وزعلتها....

صديقتها وهي تمسك اطراف شعر ديانا/...دنوو حبي شنوو رئيج اسويلج لوك جديد اقص شعرج كصه الفراوله واصبغه ازرك واطرافه ثلجي من فوك حيصير كثيف ومن جوة خفيف...هااا شنو كولتي؟؟

حركت شعرها بعبث/...اوك اني يعجبني شغولج يجنن بس اريدج تحفين حواجبي وتسويهن جناح الطير ومااريد بي كسرة اريده عدل اوكي

صديقتها/..اوك...اخذت موبايلها واتصلت علئ العامله التشتغل عندها وطلبت منها تجيب الها الكاب وعصارات بالون الازرق والثلجي وبلسم وشسوار وادوات الحفافه...وصدوك نص ساعه ووصلن الادوات ...كعدت صديقتها تكص بشعرها وبطريقه احترافيه وخبطت العصارات وصبغت شعرها وبعدها بدت تحف بيها ويسولفن ويضحكن وضل ساعد وغسلته رجعت صبغت الاطراف ثلجي ولفته بسليفون وانتظرته نص ساعه وغسلته بعدها شسورته ووكفت ديانا امام المرايه....

ديانا باانبهار ودهشة/....الله رووووعه شنو هاي يجنن عنجد انتي مبدعه الازك برز بياض بشرتي امووواح حبي شوكرا انتي ذووق...

صديقتها ببتسامه/...يسلمووو حبي

بعدها ضلن يسولفن وديانا سولفت الها علئ الرقم الاجاها وعن كلامه المستفز وحقارته وصديقتها طمنتها هي وحده غيرانه وهيج تسوي بعدين ديانا انطت فلوس الصديقتها مالت الصبغ والحفافه وهي مقبلت تاخذ بعدين اخذتها مجبورة من ديانا وتفاجئت بكميه الفلوس المنطتها اله ديانا. سلمت عليها وراحت.....
************************************
جانت واكفه بالمطبخ وهي ترجف اجت عندها ام علاء وطلبت منها تجي للصاله جلال يريدها هي رفضت الخروج لكن ام علاء اصرت علئ خروجها والضابط يريد يشوفها....ورود رفضت تروح

ام علاء بقله صبر/...ولج روحي الها لا يجي هنا
ورود بسرعه/..كليله نايمه
ام علاء/...وج كتله تغسل مواعين بالمطبخ
ورود بصدمه/...عزااا ام علاء متعرفين تضمين سالفه
ام علاء/...ولج امشي خبلتيني
بعدت ثوبها عن بطنها/...ام علاء بس لا بارز بطني
ام علاء/...ههههههه والله ضحكتيني هو بعده نطفه وين اكوو طفل بعده نطفه ميبين طفلج..
ورود وهي تلف نفسها /..يعني ممبين؟:
ام علاء/...ولج ممبين بس امشي

راحت وهي اقدامها تضرب ببعض من الخوف والربكه والتوتر دكت الباب وامرها تدخل دخلت سلمت عليه وكعدت...ضل منزل راسه الثواني وهي مترقبته وخايفه يغير رئيه وميسفرها

ورود بلكنه/...اءءءء جلال حتسفرني موو؟؟
جلال بهدوء وهو يدخن/...اي حسفرج بس باقي اتفق ويه الشخص اليسفرج تهريب وهمات اتفق ويه اخوج حتئ استقبله انتي متعرفين رقمه لذالك حروح للمطار واتحرة عنه لان لازم يستقبلج حتئ متضيعين هناك...
ورود باسئ/..شكرا..
جلال بتنهيده/..جنت اتمنئ يصير عندي طفل واملي جان بيج كبير بس تجري الرياح بما لا تشتهي السفن والله مقاسم الله يوفقج ياورود صح هو شهر قضيته وياج بس راح اتذكرج ماانساج
صووت بداخلها صررخ وجانت راح تعترف بحلمها لكن قررت السكووت وتنهدت/...ان شاء اللة الله يقسملك الاحسن واني همات راح اذكرك الان انت اول ذكرئ بحياتي

ابتسم عليها وكام ضل يتاملها وهي منزله راسها خايفه ومرتبكه منه رفع وجه الخجول الوجه ضل يتأمل ملامحها الجبارة ومامنع نفسها من تقبيل شفايفها.. تركها وطلع وهي تلمس شفايفها بخوف وتبكي.....
***********************************
من لا يقدرني .. يحيرني ..
فحقه مني التجاهل ..
فأنا بالمثل أعامل ..
قد أكون قاسية ..
لا أرحم .. لا أجامل ..
أنا لست دمية جميلة خرساء ..
و لا إمرأة سخية بلهاء ..
ألم أقل لك إنني لست كباقي النساء ؟

الساعه السابعه صباحا نزلت من الدرج وهي تمشي علئ عكازتها وامها ساعدتها تنزل جانت لابسه بنطرون كابووي ممزق من عند الركبه وتشيرت ابيض مرسوم بالوسط فراشه بالون الازرق وفوكاه بليرة بدون اكمام زرقه وشعرها ازرق وحذاء فلات بيضه وجنطه بيضه وامها شايله كلبس الملازم مالتها نزلت بالكووة وبتعب وهي تتذمر وتسب،بحسين شافها مراد وانصدم

مراد بصدمه/ّ..هاي شنووو ولج شمسويه بروحج مصدوم صدمه حياتي صابغه شعرج ازرك لا ممعقوله انتي اكولج خاف نايمه وجنتي تكتبين والحبر دمر شعرج اعترفي...بس بصراحه واااو

ديانا بدون نفس/...اسكوت محد طلب رئيك ويالله بااايووو رايحه عندي محاظرة...

طلعت من البيت ومشت مسافه مو طويله وهي تستند علئ عكازتها وشكلها فتنه اما هوو لف سيارته وشخط منها بسرعه كبيرة بدون متشووف ملامحه وكع الكلبس من ايده وبقهر وعصبيه...

ديانا بقهر...مرض اي والله شنوو هاي العالم فوك مااني مكسرة اجه يكسرني ياربي شبيه يوميه حادث ماكووو غير مراد حاسدني وحاسد جمالي اووف

حست الدخان يطلع من انفها واذانها وعيونها هذا المرسل لو يوكع بيدها يمكن تنهي حياته رسلتله رساله وكتبت..«ياقليل ذووق محد طلب رئيك فااهم وبعدين الازق يجنن عليه ونبي لو نصبغ شعرك ازرق تطلع الجني الازك اوووف وهمات يحجي فصحا الهمجي...»...ضلت تاكل بروحها ومقهورة من المرسل زعزع ثقتها بنفسها حست راح تبجي لكن قوت نفسها وقررت تأمن الرقم ومتنطي اي اهتمام...رجعت كتبتله راح ائمن رقمك واريد اشوف شلون حتتصل جاوبها بثقه...عادي ائمني اتصل من غير رقم😂 وجننها بزايد...
************************************
بعد مرور يومين....

كانت نايمه علئ السرير وهي تفكر بروحتها الاخوها ومستقبلها ومستقبل طفلها بالخارج خافت لا يموت الطفل اثناء السفر لكن بعدت الفكرة من بالها واكدت النفسها الرايده ربها يصير ضلت تتامل بحياتها حست بالباب انفتح جان كل ضنها ام علاء حست الشخص تمدد يمها استغربت ام علاء متسوي هيج واصلا شعدها جايتها حست بالمسه ايده القاسيه علئ بطنها وخصرها وهو يقربها اله...فزت مرعوبه وكعدت وهي تعدل ملابسها وتسحب حجابها رادت تلبسه لكن هو كان اسرع منها وسحبه منها رجع حضنها وهو يقبلها
حطت اديها علئ صدرة وهي تحاول تفلت من تقبيله

ورود بنحيب/..انت مو كلت حتسفرني ليش هيج تسوي؟؟
جلال سحبها وهمس باذنها/..شلون اسفرج وانتي حامل؟:
ورود حطت ايدها علئ شفايفها بصدمه وخووف/..عرف لا ياخاينه ياام علاء...

نهايه البارت...يتبع...

بقلم الكاتبه«سموو العراق»😘😘