#ذنب طاهر الفصل السابع 7 - بقلم سمو العراق

#ذنب طاهر....بقلم«سمو العراق»

أي طعم للحياة بلا أمي؟ أين حرارة اليد التي كانت تدفع عني برد الهم، وتنفض غبار النكد؟ أين الوجه الذي كنت أقرأ فيه تاريخي وأيام عمري؟

ماتت من جنتي تحت قدميها، ومن إذا ضاقت بي الدنيا أرتميت بين يديها.

سكت الصوت الذي كان يترنم بالدعوات، ارتحلت الرحمة والعطف ودفء الهمسات.

توقف القلب الذي لا يعرف الا الحب والعفو والتسامح دون حساب أو انتقام.

جلال وهو يحاول يهديها/...امج ماتت قبل شهر من يوم تم بيه اعتقالج....

ورود باوعت بعيونه مصدومه/..يعني كل هاي الفترة
امي ميته واني نايمه بالعسل...؟؟؟ ليش مكتلي امج ماتت لييييش؟؟ حرام عليك حتئ ماحزنت عليها ثوبي ملون ومعرسه؟:الله لايوفقني الله لا يسامحني ااااه يمممه كرهت روحي والله ارررريد امممممي

حضنها بجمود وهمس الها/...اااااش اهدي الله يرحمها ويسكنها الجنه هذا يومها

بعدت عنه وهي تنتحب وتشهق بالبكاء تنفسها ضااق/.. رجعني الاهلي رجعني...اريد اخوويه مااكدر اضل هنا حاسه بالذنب حاسه خدعت روحي وخدعت الكل اني مذنبه....

جلال/..ذنبج طاهر ياورود لا تسوين هيج حرام عليج

زحفت على الارض وصرت مقابيله مسكت ايده وباستها ببكاء بتوسل /...جلال الله عليك طلكني وسفرني الاخويييه والله تعبانه مااتحمل اضل هنا

مسح دموعها وعطف عليها حظن وجهها الصغير بين كفوفه/... هذا هوو راح اطلكج واسفرج.

شمرت نفسها بحظنه بألم مقتول وهي تشهق من خبر موت امها المفجع/..شكرا

ضل يمسح على شعرها وضهرها وهو ناوي يسفرها الاخوها حس هذي اللعبه مالها داعي وورود متشتته بتفكيرها ووجودها بالعراق خطر عليها وعليه هي مطلوبه ومتهمه والحد الان مثبته التهمه ولايكدر يساعدها لان هي مو بالسجن هااااااربه...
************************************
ام حسين /...مو بنيه فد وحده مستهترة ولا تستحي
شلون تحجي وتتماوع بحجيها وتتنغوص

حسين بجمود/..خاف لان مريضه؟؟

ام حسين/...لا هي مبينه مستهترة كفشتها صابغتها صفرة ولابسه ثوب مشلتح رجليها كلها طالعه انوب بيض ونص ردن اديها طالعه وشكلها يخزي عبالك لابسه ثووب مال نوم انوب السانها اعوذ بالله من السانها...

حسين وهو سرحان ويه امه التوصف/... شبي السانها شنوو شحاجيه...؟؟

الام/..يااا السانها زفر تتنغوص عليه ...وهي تقلد صوت ديانا...باااجي ابنج ميستحي شمرني من فوك الدرج شنوو اني لو ميته ربحي باابنج

حسين/..هههههههاي والله ضابطه الدور يمه..

ام حسين/...تولي شلون بنيه وكحه وعرمه ولا احترمتني واني اتوسل بيه ويمه ويمه ومايدري بيج وهي ولا كأنما شايله خشمها وتتعيقل....

كام حسين من مكانه ودخل الغرفته اتذكر ديانا ولبسها بالموول وغرورها وكبريائها وطول لسانها والادهئ من كل هذا جمالها انثئ،بمعنئ الكلمه كوولشي بيها يدل علئ انوثتها الطاغيه وغرورها هو لمحليها...لكن حسين قرر يكسر هل غرور طلع رقمها بعد ماحجزه من جانت بالمستشفئ وعلمته شلون يفتح الرمز ويخابر اهلها من خابر اهلها رجع ضاف رقمه واتصل من موبايلها وحجز الرقم وبعدها مسح المكالمات...ابتسم بخبث ورسل الها رساله علئ الفايبر جانت حاطه صورة ايدها خلفيه ولازمه وردة بحديقتهم....

مضمون الرساله...«جكمه وسبيتي الناس جاا شنهي قصتج...خلف الله علئ المكياج عدل جهرتج»...

ابتسم وهو يتخيل رده فعلها اذا عرفت هو المرسل ويستهزء بيهاا....حسين بخبث...انتظري يا ديانا اذا مااكسر خشمج اليابس هذا وغرورج مااكون حسين..
"""""""""""""""""""""""""""""""""""""""""
كانت جالسه على القنفه وهي لامه رجليها الصدرها وبعدها تشهق من البكاء اما هوو تركها علئ راحتها تفرغ البداخلها وتطلع كتم العبرة داخل صدرها بعدها تقرب منها حظنها بااديه وضاعت بحظنه

جلال باسها برأسها/..البقيه بحياتج ياورود هذا يومها وماكوو اعتراض على امر رب العالمين

تمسكت بقميصه وهي تشهق/..حلفت تسفرني انت حلفت الله عليك سفرني اريد اخويه يواسيني علئ امي احس بحزنه عليها اريد انصب مئتم اني واخويه

جلال/..الله كريم بس اصبري الي كم يوم ارتب اموري وإن شاء اللة خير

هزت راسها بأي ورجعت تبجي اما هوو تنهد...بعدها اتصل موبايله...شاف الخط المتصل كانت عبير.... رفع خط وابتعد عنها وامرها ماتطلع صوت لا تسمعها عبير وهي لبت إمرة...

جلال بهدوء/...الووو هلاوو حبيبتي..
عبير بحب/...هلاووو حبيبي شلونك؟؟ شوكت تجي؟
جلال ببتسامه/..الحمدلله زين...ان شآء آلله اليوم اجي
عبير ببتسامه كبيرة/...حيااااتووو عندي الك خبر يجنن يجنن
جلال بااستغراب/...ههههههههههه شنو شوقتيني؟؟
عبير ببتسامه/...لا تجي واكولك بس لا تتأخر
جلال /...اوك ان شاء اللة شويه واجي
عبير /...اوك يالله باي
جلال/..يالله باااي حبي...

قفل الخط وشافها واكفه تنتظرة استغرب تصرفها

ورود بنحيب/...ليش قفلت الخط جنت دا اريد احجي وياها

جلال بصدمه/...شتحجين وياها ديري بالج تسولج نفسج وتتصلين بيها عبير خط احمر مفهووم

ورود بقهر/..ياا عبير اني اقصد علئ ام علاء.

جلال ابتسم زين ام علاء اكولها حبي ؟؟/...تردين تخابرين ام علاء؟؟

ورود ببكاء/...اي

جلال/...اوك...اتصل باام علاء وانتظرها بعدين انطاء الورود اخذته منه بااصابع ترجف...

ورود ببكاء ورجفه بعدها ام علاء هسه كلتلها الوو وورود انتحبت وشكت الام علاء/...ام علاء امي ماتت ماتت صارلها اكثر من شهر واني ماادري ضاله اضحك واسولف وتزوجت وعايشه حياتي وامي جوة التراب ولا حزنت عليها ارررريد امي اريييييدها...

ام علاء بااسئ/...الله يرحمها حبيبتي هم السابقون ونحن الاحقون..انا لله وانا اليه راجعون اصبري حبيبتي اصبري الصبر مفتاح الفرج...

ورود/..مااكدر اصبر علئ امي فدوة ام علاء بس اريد تشتريلي ملابس،سود لان هذن كوولهن ملونات واني لازم احزن علئ امي

ام علاء بحزن/...حبيبتي مو مهم الاسود هو الحزن بالكلب وبعدين ميصلح عليج انتي بعدج عروس

ورود بشهقات متتاليه/...ام علاء يا عروس يابطيخ اني حاسه خاينه امي ومااريد اخونها اكثر واني ملابسه عليها اسوود اني كلبي صار اسود صار رماد

ام علاء/..اوك حبيبتي اجيبلج هسه امر للسوك واجيبلج واجي اليوم ابات يمج اوك؟؟

ورود برجاء/...اي ام علاء الله عليج تعالي مااريد اضل الوحدي مقهورة مقهووووورة

ام علاء/...اي حبيبتي ساعه واني يمج

انطت الموبايل لجلال وهي تجر روحها جر وتشهق وتبجي مثل الطفل دخلت للغرفه وهو ينظر الها بشفقه سدت الباب ودخلت بنوبه بكاء حااده وهو يسمع بكائها....تنهد عليها وخابر ام علاء....

جلال بتنهيده/...ام علاء شتريد ورود جيبيلها مفهووم واني انطيج فلوس اوك

ام علاء/...سيدي خليني،بس هي المرة ادفع فلوسها انت كل مرة اجيبلها ملابس،وانت تدفعهن

جلال/...ام علاء ورود ملك يميني ومحد يجبلها غيري هي مسؤؤله مني فااني الاجيب الها ومااحب احد اجيبلها غيري ويالله راح انتظرج تجين حتئ اروح البيتي الاهل محتاجيني....

ام علاء/..تمام سيدي ساعه واكون يمكم.....
***********************************
كانت نايمه علئ السرير وهي مصبوبه ايدها ورجلها وراسها ملفوف متضايقه من نفسها حيييل صار الها عشر ايام مسابحه بسبب الجبس«مو عبالكم جبس الينوكل😂 لا تبع المستشفيات😢»

ديانا/...اوووف ربي اني دنووو المثل ريحه الفراوله هيج دا يصير بيه اوووي احس روحي معفنه كووله من ورة هذا الغبي كسرني تكسير ...الله مشتهيه بطل شامبوو وصابون بعطر الورد وبانيوو متروس مي دافي واكعود ..«لحد دكول انعوج حلكي😂 هي هيج لهجتها»...واضل ساعتين منا لما احس ارتاحيت احس جسمي يحوكني اوووف .....سمعت اجته رساله رفعتها بيدها الثانيه السليمه..وانصدمت صدمه عمرها....قرت الرساله وبحروف مصدومه..

ديانا بااستغراب/...جكمه؟؟ وسبيتي... الناس ؟؟ جاا شنهي قصتج....يوووه هاي شنووو خلي اكمل ...خلف الله علئ المكياج عدل جهرتج😱😱

ديانا بعصبيه /...ياكلب هذا الراسلها ياقليل،ذووق صدوك ميستحي...اخااف مرادوو بس مرات مسيفه رقمه....قرت الاسم المسجل بي اسم الفايبر جان مكتوب«كلي رجوله طاغيه»

ديانا كتبت/...يا عديم الرجوله انت منيلك رجووله انت كووولك حقارة طاغيه ياطاغي احلئ منك ومن عشرة من امثالك انت منووو؟؟:

ديانا بعصبيه وقهر وغيض...منو هذا ؟؟ منوو؟؟ يمكن وحده من صديقاتي ناصبه عليه اي لا ممعقوله هذا ولد بس محاط صورته اي مبين اجكم الهذا السبب مدايخلي صورته عااابت شكد حقير كوله رجوله طاغيه ...كولك خباثه طاغيه ياحشرة...اووف...
************************************
دخل للبيت شاف امه كاعده علئ،القنفه هي وجارتهم سلم عليها وصعد فووك شافها واكفه علئ المرايه لابسه بنطرون اسوود وسترة وردي فااااتح لنص الفخذ مكركشه شويه من الاطراف ومزمومه من الخصر ولابسه حذاء وردي فااتح نازكه وبسيطه وشويه عاليه وشال اوفايت ومكياج وردي فاتح وطالعه تجنن....حضنها من خصرها ورجع ضهرها علئ صدره باسها بخدها وهي ابتسمت عليه رجعت حضنته وباسته....

عبير ببتسامه/...اليوم عازمتك بالمطعم لا دكول تعبان ومااكدر والله ازعل...

جلال بحب/...واني اكدر علئ زعلج ياروحي

عبير ببتسامه وغرور/...لا طبعا ماتكدر

جلال بحب/..هههه دقائق اسبح وابدل واجيج

عبير ببتسامه ودلع/...اوك

سبح علئ السريع ولبس بنطرون اوفايت وسترة نيليه وجوها بدي ابيض وشسور شعرة ورش عطر ولبس ساعته تحت انظارها المبتسمه من جماله وحاسده نفسها عليه تحبه وتحبه بجنون لزمت ايده بحب وهو ابتسم الها قبلها قبله عميقه وهادئه وابتعد عنها لزم ايدها وطلعوا من الغرفه ونزلوا من الدرج راحوا استئذنوا من ام جميل وطلبوا تروح وياهم لكن هي،رفضت ورادتهم ياخذون راحتهم. ركب بسيارة هوو شغل السيارة وهي كاعده بالصدر وماكلته بنظراتها...وبعدهاا.

عبير/...جلال خليني اني اسووق....

جلال وهو يشغل السيارة/...ههههههه لا اخاف تسويلنه حااادث ونروح بيها...

عبير بدلع وهي مسويه روحها زعلانه/...ليش ونبي جنت اسوق بالبنان وسياقتي تجنن حتئ دائما اوصل بابا للمكان الي يريده..وحتئ ماما اخذها للمول بسيارة وسالهم...

جلال بضحكه/..ههههههاي هاي بالبنان واني مو يمج يعني من اني اجي اني اتصدر السياقه يكلبي

رفعت حاجبها مقابله علئ كلامه تكتف ودارت وجهها زعلانه اما هوو ابتسم وهو يلف علئ الشارع ويسرع بالسياقه بعدها سحب ايدها وهو يبوسها بحنان ابتسمت عليه وتمنت تبوسه بالشارع لكن هو ميرضئ بهيج شئ واكيد يزعل.. وصلوا الشارع الربيعي،ودخلوا الارقئ مطعم هناك جابولهم المنيوو طلبوا اكل وشويه ووصل الاكل ضلوا ياكلون ويضحكون ويسولفوون من بين سوالفه اتذكر ورود ونحيبها تنهد بضيق وعبير انتبهت عليه..

عبير ببتسامه/..عندي الك خبر يجنن

جلال /..شنووو؟؟؟

عبير بفرحه/...رمووش اختك حامل خابرتها وكالت مااعز الطفل عليكم اول مااجيبه انطي الكم حتئ ماارضعه حتئ مااحن اله يجي جلال المحافظتنه وياخذه ...هاااا حبيبي شنوو كولت؟؟؟

اتلاشت الابتسامه عن شفايفه ومسح وجه بتوتر/..الله كريم ان شاء اللة خير

هي اختفت ابتسامتها وسألته بتوتر/...جلال شبيك صاير شئ؟؟؟

جلال ببتسامه متوترة/...لا بالعكس كوولش فرحان

سكتت...اما هو..انقطع عنده الامل كان يريد ولد من صلبه وساوم ورود وقرر ياخذ من اخته وهو بالاصل ابنه لكن تجري الرياح بما لا تشتهي السفن هو وعد عبير ياخذ طفل من اخته...ولازم يوفي بوعده ووعد ورود يسفرها قبل لا تحمل منه وأيضا لازم يوفي بوعده سحب نفس عمميق وزفرة دليل علئ زعله من الموضووع من حقه يصير اب لكن حب عبير الكبير ونهيارها من ان تشوف وحده غيرها بحظن جلال يمكن تجننها استسلم للامر الواقع وقرر ياخذ ابن اخته يربي ويسفر ورود قبل لا يلقون القبض عليها...
************************************
بعد مرور اسبووع....

كانت نايمه بتعب علئ القنفه وحاسه بكابه كبييرة فسرته سبب وفاه امها وصداع قوووي روحها طافرة منها تحس الجوو حااار وجسمها كابه بي حرار رغم بروده الجوو عدهم شافت ام علاء اجت جايبه عصير برتقال وكعدته وسندتها علئ القنفه....

ام علاء بحنيه/...كوومي اشربي سويتلج عصير برتقال لان انتي تحبينه سويته الج..

ورود اخذت منها الكلاص بروح تعبانه جان مبين علئ ملامحها التعب هالات قويه جوة عيونها وعبالك مصابه بمرض السرطان وجهه اصفر وشعرها منكووش وثوبها اسود وعريض عليها وشكلها مبهذل حطت الكلاص قريب من شفايفها وهي روحها تقرفت/...ّايييييع ريحته مو طيبه معفنه وحتئ طعمه يلعب النفس....انطته الام علاء وحطت ايدها علئ شفايفها وركضت للحمام وتقيئت اصلا هيي مماكله شئ فقط كوب حليب شربته الصبح وتقيئته.

ام علاء بخوف/..ولج ورود انتي حامل؟؟:

ورود بخووف ورهبه/...لااا ام علاء مو حامل

ضلت ام علاء تسأل ورود وهي تجاوب ومن كل سؤال تشوف خووف ورود واحراجها وخجلها... قررت ام علاء تنزل للصيدليه لجوة الشقه وتجيب الها تحليل حمل نزلت بسرعه جوة وضلت ورود تفتر بالشقه وترجف وتفرك بااديها بتوتر بعد عده دقايق شافت ام علاء دخلت ركضت عليها بخوف واخذت التحليل وعلمتها ام علاء شلون تستخدمه دخلت للحمام وسوته جابته بروح خايفه مجروحه مقهورة ومنتظرة....شافته ام علاء وباوعتلها بحزن ابتسمت بااسئ علئ حال ورورد.

ورود بخوف وشفايفها ترجف واديها ترجف/.. هااا ام علاء بشري؟؟؟

ام علاء بحزن/...خطين.... ورود انتي حامل

عقدت حواجبها وحست انظربت سجين بقلبها الصغير وكعن دموعها دون ان تلامس خدودها الشاحبه وكعت علئ ركبها وهي تنتحب وتبكي...

نهايه البارت.....يتبع...بقلم الكاتبه«سمو العراق»😘