تحميل رواية «ذنبي لاني انثي» PDF

ه Remo hosny

الراجل:مراتك رافعة عليك قضية خلع

حسام بصدمة:اييه

الراجل :لو سمحت يا استاذ امضي عشان ورايا شغل كتير

حسام مضى بصدمة والراجل مشي وحسام

قفل الباب بصدمة وهو تايه

حسام بغضب :نووووووووور انتي يا زفتة

طلعت نور بكل برود لأول مرة ومتخفش منه:عايز ايه

حسام بيطلع الورق :ايه ده

نوى مكنتش فاهمة ايه ده لان مكنتش تعرف ان الموضوع هيتم بسرعه اوي كدة

بصتله نور باستغراب وقالت:مش فاهمة ايه ده

حسام :والله هتعملي نفسك مش عارفة

نور :معرفش انت بتتكلم على ايه

حسام:حاضر لو مش عارفة اعرفك

ده ورق لقضية خلع يا هانم بقى انتي يا بنت الكل-ب عايزة تخلعيني عمليتها امتى دي وازاي اصلا

نور كانت في قمة صدمتها من الفرحة مكنتش متوقعة ان القضية هتترفع بالسرعة دي

نور فاقت وقالت:ليه كنت فاكر ان الحال ده هيدنه مستمر ولا ايه لا فوق كدة يا بابا ده احنا لسة في الاول والله لخد حق كل ضربة على جسمي وكل ضربة قلم ادتهالي على وشي وكل دمعة انا نزلتها وحق البيبي اللي نزل بسبب ضربك لية والله لخليك تقول حقي برقبتي يا حسام

حسام لسة لسة جاي يضربها بالقلم

نور بقوة:اوعا اوعا تفكر تعملها لاني مش هسكت اللي فات حاجة وعمري ماهنسى ابدا واللي جاي حاجة تانية

وسابته ودخلت اوضتها وهي في قمة سعادتها

حسام قعد على الكرسي وكان مصدوم وبيقول في نفسه:هي وصلت للدرجادي انها ترفع عليا قضية خلع وبعدين قال بتفكير:لا دي اكيد مش لوحدها واستحالة تعمل كدة من نفسها انا لازم اعرف مين بيساعدها وقام نزل عند الحرباية سوري قصدي الافعى يييه سوري معلش قصدي مامته😂😂

عند محمد بعد ما أنهى المكالمة قام لبس وهو بيلبس هند شافته

هند :في ايه حصل ايه

محمد:زين ..زين هرب من المصحة وهو بيهرب عمل حادثة

هند:يا مصيبتي ابني ماله يا محمد

محمد:بطلي زن يا ولية واسكتي ما انا رايح اشوف اهو

هند استنى هاجي معاك

محمد:اخلصي يلا

وهند راحت لبست ونزلت معاه وراحو المصحة

ووصلوا وقالوا وراحو عند أوضة العمليات اللي اتنقل فيها زين ودنهم واقفين عقبال ما الدكتور طلع

محمد:خير يا دكتور طمني

هند:ابني بخير صح يا دكتور

الدكتور نزل راسه باسف

الدكتور :البقاء لله ابنكوا مات مستحملش الحادثة وكمان عشان جسمه كان فيه نسبة مخد-رات كتير وكان بياخد أدوية بس للاسف مستحملش ربنا يصبركوا يارب

هند كانت بتعيط وتصوت على ابنها

ومحمد دخل الاوضة اللي فيها زين ولقى غطى على وشه شاله واتصدم:........

😘🥰

ه Remo hosny

البارت ١٢

لاني انثى

البت دي ازاي تعمل كدة

اردفت بهذه الجملة والدة حسام

حسام :مش عارف يا ماما دي نادر اما كانت بتخرج من البيت وأما بتخرج بتروح السوق وكمل بصدمة:معقول كانت بتتضحك عليا

الام:اسمع يا ابني البت دي انت لازم تعرف مين اللي بيساعدها وخلاها تعمل كدة عشان نعرف نتصرف

حسام:حاضر يا امي وسابها ونزل وهو بيفكر هيعمل ايه عشان يعرف مين اللي وراها

عند نور بعد ما دخلت اوضتها حطت ايدها على وشها من الفرحة وكانت بتتضحك وتعيط في نفس الوقت

وقالت:معقول يارب العذاب قرب يخلص وعقول هترحم من اللي انا فيه ده وقامت توضت وصلت ودنتها تدعي وتشكر في ربنا

وبعد اما صلت قامت اتصلت بسيلا وردت

نور:الو ازيك يا سيلا

سيلا:الحمد لله يا حبيبتي انتي عاملة ايه

نور:بخير يا حبيبتي

سيلا:الورق وصل؟

نور:ايوة انا متصلة عشان كدة كنت عايزة اشكرك انتي واستاذ عمرو بجد انا مكنتش متخيلة انه بالسرعة دي

سيلا:مفيش شكر ما بينا وعمرو سرع في الموضوع عشان ينقذك وتخلصي من اللي انتي فيه

المهم جوزك عمل ايه

حكتلها نور على كل حاجه

سيلا:ايوة كدة برافو عليكي خليكي قوية كدة ومتضعفيش واوعي تسمحيله يضربك تاني

نور بابتسامه:حاضر انتي اجمل اخت بجد

سيلا:حبيبتي ربنا يخليكي ليا

وبيقفلوا مع بعض

عند محمد في المستشفى دخل الاوضة اللي زين فيها وكان فيه غطا عليه شاله واتصدم اما لقى جسم ابنه كله دم وتحت عينه سواد ووشه بتخرشم وقع على الأرض وهو مش مستوعب شكله ولا انه مات ودنه يعيط ويقول:سامحني يا ابني انا اللي قصرت معاك ودلعتك زيادة عن اللزوم كما فاكر اما اسيبك تعمل اللي عايزه هتتطلع راجل مكنتش اعرف انه هيحصل كدة قوم وانا والله هخلي بالي منك ومش هقصر معاك تاني ودنه يقول كدة ويعيط ويشد فيه ويهزه عشان يقوم

ولكن لا حياة لمن تنادي

وبرة الاوضة هند قاعدة عمالة تعيط مش مصدقة وقامت دخلن عنده وانا شافت منظره عيطت اكتر قامت وقالت لمحمد:كل دع بسببك منك لله يا اخي انت اللي دلعته ووصلته لكدة

طبعا محمد مش بيرد لانها معاها حق وبيمر اليوم ويروحوا البيت عشان يدفنوا تاني يوم واول ما بيخشوا هند بتمسك فون البيت وترن على نور

نور :عاملة ايه يا ماما

الام ببكاء :مش كويسة خالص

نور بخوف:في ايه يا ماما ايه اللي حصل

الام :اخوكي مات

نور:.. ....

ه Remo hosny

ام نور :اخوكي مات

نور بصدمة :اييه انتي بتقولي ايه يا ماما

الام ببكاء:والله مات يا بنتي زي ما بقولك

نور:طب ازاي يا ماما وحصل امتى

الام:لسة انا ابوكي راجعين من المستشفى لان اخوكي كان في مصحة هناك بيتعالج

نور بصدمة :مصحة كمان انتي بتقولي ايه يا ماما اهدي كدة وفهميني في ايه

الام:يا بنتي اخوكي كان بيتعاطي مخد-رات من فترة واحنا مكناش نعرف واتمسك في شقة وكان معاه بنت وكان بيشرب خ*مر كمان وخدوه القسم والتقرير الطبي قال لانه لازم يتحول لمصحة عشان يتعالج وهو مكنش راضي وجم خدوه بالغصب وودوه وكان بيحاول يهرب انهاردة وهو بيهرب عربية خبطته ومات

نور مش مستوعب من كتر الصدمات اللي نزلت عليها وسمعتها هي اه تعرف ان اخوها وحش وكان بيمشي مع بنات بس مش يوصل للدرجادي وقفلت مع مامته ومكنتش عارفة تحس بايه في الوقت ده تزعل على اخوها اللي كانت بتحبه اكتر من نفسها ولا تفرح عشان ربنا اخدلها حقها من اخوها واللي كان بيعمله فيها وضربه ليها وكلامه وقامت لبست ونزلت وقابلت حسام على السلم

حسام:الهانم راحة فين من غير ما تقولي

نور:بص مش وقتك خالص اخويا مات ولازم اروح

حسام بصدمة:زين اخوكي

نور سابته ونزلت بسرعه

وهو فاق نزل وراح وراها ونور وصلت البيت عند مامتها ودخلت حضنتها وقالت:اهدي يا ماما متعمليش في نفس كدة ده قدره وعقاب ربنا ليه وعشان يفوق ناس كدة قالت الجملة دي بجراءة وهي بتبص لابوها اللي قاعد قدامها

نور قامت وقدمت منه وقالت:شوفت شوفت اخرة تربيتك ودلعك ليه شوفت اخر قولتك انه الراجل شوفت اخرة انك كنت بتخليه يهين فيا ويضرب وانت ساكت شوفت اخرة اما كنت برد عليه ويضربني واجي اقولك تقولي مش انتي اللي رديتي تستاهلي وآخرة السهر بليل ويرجع متأخر وأما كنت بنصحه يزعق ويضربني واجي اقولك تقولي سيبيه براحته ماهو راجل وانا عشان كرة روحت البيت اللي قدامنا ادتني ضرب محدش يستحمله في حياته هي دي آخرة تربيتك يا يا بابا قالتها نور بسخرية

وطبعا حسام قاعد ساكت خالص وهند بتبكي واليوم ده نور باتت مع امها وحسام روح وتاني يوم زين ادفن وصلوا عليه ورجعوا البيت وعملوا عزا وأم نور منهارة فعلا ونور كانت متماسكة لان على قد الحب اللي ادتهولوا على قد اما كرهها فبه من عمايله

وعدا ٣ إيام العزا ونور دايما بتروح لمامتها وبتروح ومش بتتكلم مع باباها وأما تروح حسام بيتخانق معاها على خروجها وخلاص وبيعدي اليوم وفي يوم نور كانت قاعدة فونها رن وكانت سيلا

نور:ازيك يا سيلا

سيلا :الحمد لله

نور:دايما يا حبيبتي

سيلا:خدي عمرو عايز يكلمك

نور :ماشي

عمرو:مدام نور......

نور بفرحة :بجد

طبعا كان في شخص بيراقب نور وعايز يعرف هي بتكلم مين

يا ترى عمرو قال ايه

مين بيراقب نور

زين مات وخد جزاته يا ترى محمد عقابه ايه

ه Remo hosny

عمرو:مدام نور معاد الجلسة بكرة ان شاءالله

نور بفرحة :بجد

عمرو بابتسامة:ايوة ان شاء الله

نور:شكرا لحضرتك يا استاذ عمرو مش عارفة من غيرك انت وسيلا كنت هعمل ايه والله

عمرو:متقوليش كدة يا مدام نور ده واجبي

معاكي سيلا

سيلا:ايوة يا نور مبروك يا عم

نور:الله يبارك فيكي بس انا لسة خايفة اوي يا سيلا

سيلا:متخافيش ان شاء الله كل حاجه كويسة وانا وعمرو في ضهرك وأهم حاجة متخليش جوزك يمد ايده عليكي ومتخافيش منه ابدا سامعاني

نور :حاضر

سيلا:اجهزي لبكرة وان شاء الله كل حاجه هتمشي تمام سلام سا قلبي

نور:سلام يا حبيبتي

وقفلت نور مع سيلا وهي في قمة انبساطها

بس كان في حد بيراقبها طبعا احنا عارفينه وهو حسام

(اصل هي قاعدة في شقتها يبقى مين اللي معاها عارفة انكوا اذكية وتقولوا حسام 😂😂😂)

طبعا حسام مكانش سامع اللي سيلا وعمرو قالوه بس كان بيسمع اللي نور بتقوله وبيحاول يفهم وعرف ان سيلا وعمرو هم اللي وراها وربط الكلام ببعض وفهم

حسام:والله لوريكي يا بنت الكل*ب بترفعي عليا قضية انا هعرفك

وجت في باله فكرة خبيثة جدا ونزل تحت وقال لأمه على المكالمة وقالها على فكرته واعجبت بيها

قالت:هو ده ابني اللي اعرفه تعجبني وانت بتفكر

حسام:ابن مين يعني ما انا تربيتك يا ماما

وانتهى الحوار بينهم على تنفيذ خطة حسام

في منزل الشرقاوي كان محمد قاعد بيفتكر زين وزعلان جدا وكان دموعه بتنزل وهند كانت حالتها أسوأ منه

وفجأة ومحمد قاعد افتكر كلام نور معاه من آخر مرة وبدا يفكر ويراجع نفسه بس في نفس الوقت بيكابر عشان مش تتطلع صح

(روح يا شيخ منك لله)

عند حسام كان لسة قاعد مع مامته وقاطعهم رنة فونه

المتصل :استاذ حسام معايا

حسام:ايوة اتفضل مين معايا

المتصل :ببلغ حضرتك في بكرة جلسة لازم تحضرها عشان قضية الخلع اللي المدام رفعتها عليك

حسام ابتسم بشر:وقال تمام شكرا

المتصل:عفوا

حسام بخبث :وماله لازم نحضر الجلسة ونقوم بالواجب

وبيطلع لنور:انتي يا هانم في بكرة جلسة عشان القضية اللي حضرتك رفعاها

نور ببرود:ما انا عارفه

حسام :اعقلي يا بنت الناس ومتخربيش على نفسك

نور:انا عايزة اخربها على نفسي حد اشتكالك

وكملت بسخرية:على اساس انها مش خربانة من دلوقتي

حسام:انا حذرتك وانتي مسمعتيش الكلام استحملي اللي هيحصل

نور حست ببعض الخوف بس مش بينتله وبصتله باستفزاز ودخلت الاوضة تحت نظراته الغاضبة

تاني يوم نور بتقوم تلبس وحسام كذلك وطل واحد بيطلع من أوضة

حسام:شايفك فرحانة اوي

نور باستفزاز:فوق ماتتصور مش هخلص منك اكيد لازم اكون فرحانة

بصلها حسام بغضب ونزل وهي خدت نفسها ونزلت وراه وكانت امه راحة معاهم وأما شفتها ابتسمت بمكر ومشيوا وراحوا المحكمة وصلت هناك ولقت عمرو وسيلا موجودين وسيلا اول ما شفتها جريت حضنتها وقالت :متقلقيش كل حاجه هتكون تمام

نور ابتسمت وبصت لعمرو وهو ردهلها بنظرات كأنه بيقولها :اطمني

ودخل القاضي وبدأت الجلسة طبعا القاضي بيسأل الاول عن السبب وعمرو بيقوم يديله تقرير الضرب المبرح بس الاول

القاضي :ايه تعليقك يا استاذ حسام

حسام بمسكنة :حصل يا حضرة القاضي وكانت في لحظة غضب

بصتله نور بصدمة من تغيره المفاجيء وهو كمل وانا عايز اصالحها وشاريها ونفسي تديني فرصة حتى بعد اللي عملته

هنا بصتله ونور باستغراب وقال القاضي :عملت ايه

حسام:*******

الكلام نزل على نور وسيلا وعمرو زي الصاعقة وخاصة نور اللي اتصدمت من حقارته معقول وصلت للدرجادي اما حسام ابتسم هو وأمه بخبث شديد

(يخربيتك يا حسام هببت ايه تاني منك لله يا جدع )

نور بصراخ :محصلش والله

ه Remo hosny

حسام بمسكنة:بينها وبين المحامي ده علاقة يعني ز*ن**ا لو حضرتك مكاني يا حضرة القاضي هتعمل ايه، وفي الاخر راحة ترفع عليا قضية خلع بعد ماض*ربتها وأعتقد ده حقي،(كسر حقك يا بعيد انت خليت فيها حق😒😒)

ده كله وكان بيشاور على عمرو ونور اللي كانوا في قمة صدمتهم

نور بصراخ:والله ما حصل

القاضي بيخبط:هدوووء

وبيكمل لنور :الكلام ده حصل يا بنتي

نور ببكاء :والله ماحصل

حسام بكذب :وبالنسبة للمكالمات اللي كانت بنكوا في الدرا انتي بتكدبي ليه يا حبيبتي؛ تعالي نلم الموضوع، ونرجع بيتنا نعيش في سلام زي ما كنا عايشين ،قال الجملة الأخيرة دي وهو بيبصلها بتوعد وخبث في نفس الوقت

القاضي:الكلام ده صح؟

نور :صح يا حضرة القاضي اكيد كنت بكلم استاذ عمرو بس في خصوص القضية ،وبس

عمرو:فعلا يا حضرة القاضي مدام نور انسانة محترمة، ومفيش بيني وبينها الا كلام في خصوص القضية وبس، وبالنسبة لانها بتكلمني في ده طبيعي حتى مش كنا بنتكلم على طول وكان دايما اكتر الأوقات بيكون التواصل مع سيلا اختي

القاضي بص لسيلا :ايه رايك في الكلام ده

سيلا:فعلا زي ما نور وعمرو قاله ،وكنا دايما بنتواصل من على موبايل البيت بتاعها

حسام:دول كدابين يا حضرة الضابط مش تصدقهم

الام:ابني بيقول الحقيقة ايه اللي هيخلي راجل يقول كدة على مراته؛ الا لو في حاجة فعلا بقى اكيد هي كانت على علاق*ة بيه ،

(ده اذا كان راج*ل يا حجة)

حسام لسة هيتكلم قاطعه القاضي وقال:عندك دليل

وده اللي حسام مكنش عامل حسابه فيه واتوتر بس قال:هو مش كفاية اني سمعت

القاضي:لازم يكون فيه دليل قوي لو عندك قول ، معندكش كدة انا مش مسموحلي اتهمها اتهام خطير زي ده.

بص حسام لنور بغضب عشان خطته فشلت وأمه بصتله ولوت بوزها كأنها بتقوله يا خيبة .

وبيقوم عمرو ويقول:يا حضرة القاضي دلوقتي حضرتك معاك تقرير الطبي للض**رب المبر*ح وقام عمرو مطلع كمان تقرير وبياكد ان نور كانت حامل وسقطت بسبب ض*رب حسام ليها والدكتورة اما كشفت على مدام نور لقت فعلا آ**ثار ض*رب على جسمها .

القاضي بص لحسام االي مش عارف ينطق بكلمة

القاضي حكم بطلاق نور وفعلا حسام طلق نور وعمرو عملها محضر بعدم تعرض حسام ليها

وبعد ما الجلسة خلصت نور بصت لحسام بانتصار هي وعمرو وسيلا زي مايكون عايزين يقولوا:شوفت

حسام:متفتكريش كدة انك انتصرتي

نور :بجد والله

عمرو:للاسف احب اقول لحضرتك احنا عملنا محضر عدم تعر**ض يعني مينفعش حضرتك تتعرضلها خالص

سيلا:سبحان الله ربنا مش بيسيب حق حد

بصلهم حسام بغيظ وقال في سره:مش هسيبك يانور اقسم بالله لوريكي

مفاقش غير على صوت امه اللي قالت وهي بتبص لنور:امشي يا ابني متزعلش الحمد لله انك طلقت مقص*وفة الرقبة دي وانا هجوزك ست ستها ومشي هو وأمه

ومتبقاش غير نور وسيلا وعمرو

نور:استاذ عمرو شكرا لحضرتك على كل حاجه مش مصدقة بجد اني خلصت من الحق**ير ده

عمرو:انا معملتش حاجة يا مدام نور ربنا مش بيسيب حق حد ابدا وانتي استحملتي وربنا اخد حقك في الاخر

سيلا:عمرو معاه حق

نور هتعملي ايه دلوقتي وتروحي فين

نور:معرفش بجد انا مليش حد ولو روحت لبابا اكيد مش هيدخلني

سيلا:ايه رايك تعيشي معانا

نور:شكرا يا سيلا بس مش هينفع خالص انا لسة مطلق..ة ومش ناقصة كلام عليا انا هتصرف وربنا هيسهلها

عمرو بتفكير :ايه رايك********

ه Remo hosny

عمرو بتفكير :انا لية شقة كنت شاريها عشان اما اتجوز وانتي تقعدي مع سيلا

نور برفض :لا يا استاذ عمرو مش هينفع انا مش جاية ابوظ نظام حياتك انت وسيلا

سيلا:يا بنتي مين قالك كدة بس بالعكس انتي هتفرحيني اوي

نور :لا يا سيلا معلش اعذريني مش هينفع

سيلا:طب هتعملي ايه

نور:ان شاء الله في حل

عمرو:طيب ممكن اجر ليكي شقة صغيرة تعيشي فيها وهي قريبة من هنا ومش عايز رفض لان مفيش طريقة غير دي

نور بتفكير:تمام متشكرة جدا

عمرو بابتسامة:مفيش حاجة

سيلا بحماس :وانا هاجي معاكي وهساعدك

نور بفرح:ماشي

وبيروح عمرو يتصرف في موضوع الشقة دي ونور وسيلا بيروحوا بيت سيلا عقبال ما عمرو يحل الموضوع واول ما يوصلوا

نور بتقول:اخيرا اتحررت

سيلا:الحمد لله خلصنا من الحق*ير ده

نور:بس برده لسة قلبي مقبوض

سيلا:يا بنتي بطلي تشاؤم هيعمل ايه يعني وكمان ميقدرش عشان عاملين محضر تعرض

نور بارتياح :ماشي

سيلا:ناوية تعملي ايه

نور بحماس:عايزة اتعلم بصراحه

سيلا بفرحة:ايوة وانا هكون معاكي وهساعدك

نور بتحضنها :مش عارفة من غيرك كنت هعمل ايه

سيلا بمزاح:ايه يا اسطا عيب عليكي اخنا اخوات

وبيقاطعهم دخول عمرو

عمرو :السلام عليكم

سيلا ونور:وعليكم السلام

عمرو:يا مدام نور انا حليت موضوع الشقه بس هتتسلم انهاردة بليل انتي تقعدي مع سيلا وبليل نروح نستلمها

نور:شكرا ليك يا استاذ عمرو

عمرو :مفيش شكر ده واجبي يا مدام

سيلا بدلع لعمرو:عمورتي

عمرو:سيلا خوشي في الموضوع على طول بدون مقدمات

سيلا:حبيبي اللي فاهماني وقربت جمب ودانه:انا جعااااااانة

عمرو:ايه في ايه منك للله يا شيخة

نور ميتة على نفسها من الضحك

عمرو بضحك:حاضر يا اختي هقوم اعمل

نور :هو انت اللي بتعمل الاكل

سيلا:عمرة عليه شوية اكل إنما ايه

نور:انتي مش بتعملي

سيلا :انا بعد الشر انا اقعد مكرمة والاكل ييجي لحد عندي يا ماما

يدوب خلصت الكلام لقت كف على قفاها

سيلا :ليه كدة يا اسطا ده انا ختك برده يا زميلي

عمرو :اسطا وزميلي ده انتي اعداداتك بايظة خالص تستاهلي والله لو عايزة واحد كمان عادي

نور بتتفرج عليهم بضحك وفجأة اتغيرت ملامح وشها وقالت في نفسها (ياريت كنت انا وزين كدة )سيلا لحظة هي وعمرو وفهموا

سيلا عشان تفرفش الجو:بت يا نور سايباه كدة يضربني مش تقوليلي

نور بابتسامه:معلش

عمرو:ايه رايكوا نعمل احنا التلاتة

سيلا ونور:ماشي

ودخلوا عم التلاتة المطبخ وطبخوا في جو مليء بالضحك والهزار

وطبعا عمرو كان بعيد عن نور وبيتجنبها وهي كمان وكل واحد ملتزم حدوده وسيلا طبعا معاهم

وخلصوا الاكل ورصوه وكلوا

وجه وقت انهم يروحوا يستلموا الشقة وراحوا هم التلاتة وعمرو استلم الشقة واده لنور المفتاح

عمرو وسيلا:مبروك الشقة

نور:كله بسبب حضرتك يا استاذ عمرو

عمرو :انا معملتش حاجة

نور:بعد اذنك يا استاذ عمرو انا بكرة ان شاءالله هدور على شغل وانا عايزة اتعلم كمان وهسدد لحضرتك ايجار الشقة ولو سمحت مترفضش

عمرو:موافق بس انا االي هتكفل بتعليمك وبكرة ان شاء الله هشتري الكتب اللي هتحتاجيها وسيلا طبعا معاكي

سيلا بتاييد :اكيد طبعا

نور :تمام

وبتودعهم وبيمشوا وهي بتدخل الشقة على الرغم انها وحيدة بس حست ان الحياة بدات تتضحكلها وقامت اتوضت وصلت ركعتين شكر لله ونامت واول مرة نور تنام مرتاحة

عند حسام قاعد هو مامته

الام :انا مش مصدقة انها كسبت وقدرت عليك

حسام:انا نفسي مش مصدق ان دي نور وقدرت تعمل كل ده

الام:بس مش هتسكت لازم نعملها حاجه

حسام :اكيد هفكر واقولك

الام:تمام

في منزل الشرقاوي

محمد قاعد بيشرب شاي وبيفكر في كلام نور

محمد لهند :هي نور مش بتكلمك

هند بصدمة:وانت بتسأل عليها ليه

محمد :في ايه يا ست انتي مجرد سؤال خلاص مش عايز اعرف وبيسيبها ويمشي

هند كانت قاعدة مستغربة لانه اول مرة يسأل على بنته

في الصباح

عمرو وسيلا فطروا ونزلوا يشتروا الكتب البي نور هتحتاجها عشان يديهالها

وفعلا اشتروها وراحوا عند نور

وقعدوا معاها شوية وعمرو سابهم وراح الشغل وهو نازل من عندها كان لوحده

في الوقت ده كان حد بيصوره

الشخص بشر :حلو اوي اللعبة هتحلو اكتر

ه Remo hosny

عمرو كان نازل رايح شغله بس كان فيه حد مراقبه ويصوره وكلنا عارفين مين الشخص ده وهو حسام وبعد اما خدله صورة واتنين

حسام:جميل اوي شكل اللعبة هتحلو جدا انا هعرفك ازاي يا نور تجرجريني وراكي في المحاكم كويس وخد بعضه ومشي

عند نور وسيلا كانوا قاعدين وسيلا بتساعد نور انها تقرأ الحروف وتكتب طبعا الموضوع كان صعب اوي على نور لانها مش متعلمة بس كانت سيلا بتحاول معاها مرة واتنين وتلاتة

سيلا:كفاية عليكي كدة انهاردة يا نور انت تعبتي اوي وخاصة في الكتابة

نور :اه كفاية بجد مش قادرة وهموت واكل

واكملت بحزن:اه لو بابا كام خلاني اتعلم مكنتش هبقى كدة ابدا

سيلا عشان تفك الجو:جرا ايه يا نور ناوية تقلبيها نكد ولا ايه قومي يا بت يلا عشان نشوف هناكل ايه

نور :يلا عشان هموت واكل بجد

وفعلا قاموا راحوا المطبخ وكلوا ونور كانت بتاكل بشهية مفتوحة ولا كأنها مكلتش بقالها سنين

نور بشبع :الحمد لله بطني انتفخت من كتر الاكل مش قادرة اتحرك

سيلا بهزار:نور بقولك ايه

نور باهتمام :قولي

سيلا:ايه رايك تيجي تاكليني بالمرة بصراحه بدات اخاف منك

نور حدفتها بالكوباية اللي كانت قدامها

نور:انت بتعدي عليا يا بت

سيلا بضحك:انا يا بنتي

نور :امال انا يا اختي يلا نقوم نشوف حاجة حلوة ناكلها

برقت سيلا وقالت:هو انتي لسة فيكي حيل تاكلي

نور:عارفة يا سيلا لو مقومتيش تجيبي حاجه حلوة أكلها دلوقتي هقوم اكلمك فعلا نور قالت كدة وهي بتبرق لسيلا بطريقة مرعبة عشان تخوفها

سيلا :وعلى ايه يا اختي انا مالي وطلعت تجري تشوف اي حاجه تحلية في التلاجة

عند عمرو خلص شغل وجه تحت البيت بس قال مش يطلع احسن

ورن على سيلا عشان تنزل ورن عليها وردت

عمرو:الو

سيلا:ايوا يا حبيبي

انت جيت

عمرو:اه يا حبيبتي يلا انزلي

سيلا:حاضر ماشي

سيلا اتاخرت عقبال ما ظبطت نفسها وعمرو استناها تحت وكان واقف تحت بيتكلم مع شوية رجالة من اهل الحي بعد ما اتعرف عليهم

وأما شاف سيلا نازلة استاذن منهم وراح لها

عمرو:اتاخرتي كدة ليه

سيلا:معلش يا حبيبي عقبال ما ظبطت نفسي

عمرو :تمام

عملتي ايه

سيلا:الحمد لله من ساعت ما انت مشيت وقعدنا انا ونور وساعدتها انها تقرأ الحروف وتتعلم الكتابة بس الموضوع يعيني كان صعب عليها اوي وكانت زعلانة خالص بس انا كنت بفرفش الجو يعني

عمرو :طبيعي يكون صعب في الاول ان شاء الله تتعود بعد كدة اسمعيني كويس يا سيلا مدام نور تعبت اوي في حياتها وملهاش حد فلازم نقف جمبها وخاصة انتي

سيلا:طبعا يا عمرو من غير ما تقول

وروحوا البيت وكل واحد راح على اوضته ونام

عند في منزل حسام

الام:هتعمل ايه يا حسام مع نور

حسام بشر:من ناحية هعمل فا انا هعمل كتير اوي

الام:ايوة برده يعني هتعمل ايه

حسام :**********

الام:ده انت دماغك سم

حسام:مش جيبه من فراغ يعني

الام:صح يا واد ما انت ابن امك

حسام:هطلع انام بقى عشان انفذ بكرة

الام:ماشي يا ابني

وطلع خد شاور وغير ونام

عند نور ظبطت الشقة عندها مكان ما كانت قاعدة هي وسيلا

وخدت شاور ونامت من كتر تعب وارهاق اليون

صباح يوم جديد صحية نور وقامت اتوضت وصلت يس سمعت صوت عالي اوي في الشارع طلعت تشوف في ايه

انصدمت اما لقت حسام واتصدمت اكتر من اللي كان بيقولوا

حسام:**********

البارت ١٨

لاني انثى #

كان حسام مجمع اهل المنطقة كلها وبيقول:

اسمعي يا حارة ينفع ان ست محترمة لسة مطلقة مكملتش يومين على بعض واجرت شقة وبتستقبل فيها رجالة

بدات الناس تتكلم وتتهامس وطبعا كان ردهم انه مينفعش

ردت واحدة قالت:مين قليلة الربا**ية اللي تتجرأ وتعمل كدة

حسام بمكر؛مراتي اوبس قصدي اللي كانت مراتي يعني طليقتي الست البي خلتني أطلقها عشان تعيش وتعمل اللي هي عايزاه

ده كله ونور مصدومة

حسام طله فونه ووراهم الصور وبدا الصوت يعلى وفي البي كان بيشتم عليها

نور جريت اتصلت على سيلا وردت

سيلا:ايوة يا نور

نور:سيلا الحقيني

سيلا بخضة:في ايه يا بنتي حصلك حاجه

نور ببكاء :حسام هنا وعمال يقول عليا كلام لأهل الحارة عشان يفضحني

سيلا:اهدي هجيب عمرو وهاجي

نور:بسرعه والنبي يا سيلا

وقفلت معاها

وقامت سيلا تصحي عمرو وحكتله على كل حاجه وقاموا لبسوا بسرعه ونزلوا

نور كانت في الشقه هتموت من الرعب وقاعدة مستنية سيلا وعمرو لانهم مصدر امان ليها

ووصلت سيلا وعمرو سيلا نزلت الاول من العربية وطلعت جري عند نور بعديها نزل عمرو

حسام:اهو اشهدي يا حارة هو ده عشيق الهانم مراتي اللي لسة حتة شهور عدتها مخلصتش

عمرو بغضب:انت بتقول ايه يا جدع انت

ما تسيبها في حالها بقى

رد احد الجيران:انت ازاي تقول كدة عن استاذ عمرو ده راجل محترم اكيد انت غلطان

رد راجل تاني:ايوة طبعا غلطان استاذ عمرو استحالة يعمل كدة

اللي بيتكلموا دول من الرجالة اللي عمرو اتعرف عليهم

رد راجل تاني:استاذ عمرو شخصية محترمة وهو بيساعد الناس

نظر له حسام بغيظ عشان خطته فشلت

عمرو :مش انت كنت جاي تفضح مدام نور استحمل بقى قان اداله بوكس

وعلا صوته وقال:اسمعوا يا اهل الحارة شايفين الراجل ده وشايفين المدام اللي واقفة دي (كان قصده على نور اللي واقفة مع سيلا بتعيط في البلكونة )

كمل:الراجل ده من ساعت متجوزها وهو بيض *ربها وبي*هنها ويذ*لها وكل حاجه بيخليها تعملها غ*صب وعلى اتفه الأسباب كان بيض*ربها جامد حتى حملت غص*ب عنها وفي الاول كان بيعاملها حلو وبعد اما عرف نوع البيبي وطلع بنت بقى يض *ربها اكتر وخلاها تسق*ط وأما طلبت منه الط*لاق ضرب*ها تاني وبعدين رفعت قضية خ*لع وانا اللي كنت متكفل بيها واختي كانت صاحبة المدام وكانت بتساعدها وبعد اما اثبتنا التقرير اللي بيدل ان في آثار ضر*ب القاضي حكم بالطلا*ق وعملتلها محضر عدم تعرض منه

وهو دلوقتي جاي وعايز يعملها فضي*حة ينتقم منها

راجل:ايه الحق*ارة دي

ست:انت ازاي اصلا تمد ايدك عليها

راجل :اللي يمد ايده على حرمة ميبقاش راجل

عمرو اداله علقة تمام وقال:لو قربت منها تاني هبلغ عنك ده اخر انذار ليكي واكمل بصوت عال:فهمت

حسام بخوف :ايوة فهمت فهمت

وده كله ونور منهارة في حضن سيلا بس كانت فرحانة ان عمرو جاب حقها وأهل الحارة اعتذروا من كلامهم عليها

دخلت نور وسيلا الشقة

سيلا:اهدي يا نور خلاص الموضوع خلص مش هيقرب منك تاني

نور كانت بتبكي بحزن على نفسها

قاطعهم خبط الباب وكان عمرو

عمرو:السلام عليكم

سيلا:ردت وعليكم السلام

نور من كتر العياط مردتش

عمرو:اهدي يا مدام نور حقك رجع وهو مش هيعمل حاجة تاني متخافيش واحنا معاكي

نور هديت نوعا ما:شكرا ليك يا استاذ عمرو انا مهما شكرتك استحالة اوفيك حقك

عمرو:قولتلك قبل كدة يا مدام نور مفيش شكر اما معملتش حاجه ده واجبي

سيلا:كفاية نكد بقى ويلا عشان نذاكر شوية وهعملك تشيز كيك وهعمل حسابك يا عمرو

عمرو :يبقى هنبات في المستشفى

نور ضحكت

عمرو :هسيبكوا بقى عشان الشغل ومتقلقيش يا مدام نور

هزت نور راسها وعمرو مشي

وقعدت تذاكر وسيلا بتساعدها

قاطعهم تليفون البيت

بتقوم نور ترد

نور :الو

الشخص:*****

نور بفرحة :***

ه Remo hosny

نور بفرحة:ماما

هند:ازيك يا نور عاملة ايه با حبيبتي

نور:الحمد لله كويسه انتي عامله ايه وحشتيني جدا والله

هند:انتي اكتر يا قلب امك

كانت هند بتتكلم بصوت واطي عشان محمد مش يسمعها

نور استغربت وقالت

نور:ماما انتي موطية صوتك كدة ليه

هند:عشان ابوكي ميسمعنيش

نور بحزن وسخرية:هو كمام منعك انك تكلميني حتى في الفون

هند:سامحيني يا بنتي انا السبب في كل ده من الاول انا معرفتش احميكي وسبته يهينك ويقسى عليكي سامحيني عشان خاطري يا بنتي

نور :يا امي انتي ملكيش ذنب غي حاجه وانا اصلا مش زعلانة منك

هند :ماشي يا بنتي ربنا يريح قلبك

محمد:انتي يا ولية

هند :نور هقفل معاكي يا حبيبتي ابوكي صحي

نور :ماشي يا امي مع السلامة

هند :سلام يا بنتي

عند محمد

محمد:كنتي بتعملي ايه

هند :مش بعمل حاجه

محمد:امال مش بتردي ليه

هند بتوتر:مسمعتش

محمد :ماشي اعملي كوباية شاي

هند :حاضر

عند حسام كان قاعد حاطط كيس تلج على وشه وقاعد قدام امه

الام:يا بختك الأسود يا ابني

حسام:خلاص يا امي بقى هدنك تندبي كتير

الام بغضب :خلاص ايه منها لله السنيورة كله بسببها

حسام:خلاص يا امي انا طلقتها وكل واحد يروح لحاله

الام:عين العقل يا ابني وانا هجوزك الاحلى منها كمان

حسام:ماشي

هطلع اناك بقى انا

الام:ماشي ابني

صباح يوم جديد عند نور

نور بتصحى على صوت خبط الباب لبست حجابها وفتحت وعلى وشها آثار النوم

نور بنعسان:مين

سيلا:انا يا اختي بتفتحي وانتي نايمة

نور بنوم :خوشي

ودخلوا وقلعت الطرحة ونامت على الكنبة

سيلا:فوقي كدة وراكي مذاكرة كتيرة

نور:حاضر والله خمسة بس

سيلا:يلة قومي غسلي وشك وصلي وانا هحضر فطر عشان نأكل

نور :ماشي

بتقوم تغسل وشها وتتوضى وتصلي وتفطر هي وسيلا

ويبداوا مذاكرة والوقت خدهم ومحسوش غير على رنة فون سيلا من عمرو ردت سيلا

:ايوة يا عمرو

عمرو:ايه يا حبيبتي انا تحت انزلي يلا

سيلا:حاضر نازلة اهو

نور :يا خبر احنا محسناش بالوقت خالص

سيلا:فعلا الوقت خدنا بس المهم اننا قطعنا شوط كبير اوي في المذاكرة

نور بتاييد:اه فعلا الحمد لله

سيلا:همشي انا بقى

مور:ماشي يا قلبي مع السلامة

وبتنزل سيلا لعمرو وبياخدها يركبوا العربية ويمشوا وكل واحد يدخل اوضته وينام

ودنهم على الحال ده سيلا بتروح لنور عشان تساعدها وعمرو ييجي ياخدها بليل ويروحوا

بعد مرور خمس سنين

كل واحد من ابطال الرواية حصل تغيير في حياته

حسام اتجوز واحدة اسمها ميرنا كانت جارتهم واتقدملها بس دي كانت غير نور خالص مكنتش بتكستله ابدا وكان دايما عملها حساب واستحالة يتمادى عليها او يضر*بها وكانت امه ساعات بتحرضه عليها بس كانت بتوقفه عند حده

من الاخر حسام اتجوز واحدة خلته خاتم في صباعها وبيسمع كلامها وحملت منه وطلبت منه انه يكتب الشقة باسمها تحت اعتراض امه بس في الاخر ميرنا مشت كلامها وكان دايما بيعملها اللي هي عايزاه لانها دايما كانت بتهدده انها ممكن تطرده من شقتها

وده كان عقاب حسام فعلا يستاهل اللي زيه عايز واحدة تربيه

مامت حسام بقى كانت بتحاول تعمل اللي كانت بتعمله مع نور مع ميرنا بس ميرنا مكنتش بتسمحلها ابدا وفي يوم مامته مرضت وجاتلها أزمة اتصابت بالشلل وبقت بتتحرك على الكرسي مش بتقدر تمشي

نروح بقى لنور اللي اجتهدت وعافرت عشان توصل للي هي عايزاه نور في الخمس سنين بقى ذاكرت واتعلمت وعمرو كان متكفل بتعلمها ودخلت كلية الحقوق اللي كانت بتحلم بيها واتخرجت وفتحت مكتب محاماة ليها وكونت مالها بنفسها وصممت انها ترد لعمرو كل فلوسه وفعلا ردتهاله تحت اعتراضه واشترت الشقة اللي كانت قاعدة فيها ايجار واشترت عربية على قدها واشترت فون خاص بيها

من الاخر نور ربنا وفقها وقدرت انها تبني نفسها وتحقق اللي كانت بتحلم بيه ده كله بمساعدة عمرو وسيلا وحققت شهرة جامدة اوي في مجالها وبقت اكبر محامية

اما عمرو بقى بدا يحس بانجذاب لنور بس مكنش بيبين لان مينفعش لان هو وسيلا مصدر امان وثقة ليها وكانوا سندها مكنش ينفع يكسر ثقتها فيه واخد عهد على نفسه انه يكلم سيلا في الموضوع ويفاتحها فيه عشان تكلمها ووعد نفسه لو وفقت يعوضها عن كل حاجه

سيلا بقى اتخرجت وبقت اكبر دكتورة أطفال وكانت محبوبة جدا بين الناس وبتعامل الأطفال بحنية اوي

اما بقى محمد ابو نور كان قاعد الندم هيموته وبيتمنى ان نور تسامحه وكان قاعد بيفتكر اليوم اللي فوقه وعرف قيمة بنته فيه

فلاش بااااااك

محمد :انتي يا ولية اعمليلي شاي

هند:حاضر

راحت المطبخ عشان تعمل شاي وهو كان حاسس بصداع ودوخه وأما هند جبتله الشاي لسة هيتكلم محسش بنفسه ووقع على الأرض مغمى عليه

هند برقت وقالت:محمد محمد قوم يا راجل مالك ومكنش قدامها غير نور اللي كانت في الشغل رنت عليها وأما شافت الاسم ابتسمت وردت

نور:عاملة ايه ياقلبي

هند ببكاء:الحقيني يا بنتي ابوكي اغمى عليه ومش عارفة ماله

نور بخضة من حالة مامتها:حاضر اهدي وانا هتصرف

وقامت خرجت من المكتب وركبت العربية واتجهت لبيت ابوها وهي في الطريق اتصلت على الاسعاف وادتهم العنوان وهي وصلت الاول لقت ابوها مغمى عليه وهند جمبه بتبكي اتجهت لمامتها عشان تهديها وبعديها الاسعاف وصلت وطلعوا خدوه واتجهوا للمستشفى وهي اخدت مامتها معاها في عربيتها وراحو المستشفى وسالوا وعرفوا الاوضة اللي هو فيها ودنهم واقفين مستنين الدكتور وفي الوقت ده سيلا رنت ونور ردت

سيلا:انتي فين يا بنتي

نور:في المستشفى

سيلا:ليه حصلك ايه

نور :انا كويسة متقلقيش

وحكت لها اللي حصل

سيلا :طيب انا جاية

نور :ملهوش لزوم

سيلا:لا انا جاية انتي في انهي مستشفى

نور:*****

سيلا:مسافة السكة وهكون عندك وقفلت معاها ورنت على عمرو وعرفته واتقابلوا وراحوا مع بعض

عند نور في المستشفى الدكتور طلع

هند:جوزي ماله يا دكتور

الدكتور:هو حاليا كويس بس للاسف هو عنده ورم في دماغه ولازم يبدا علاج

هند ببكاء:اييه

الدكتور:اسف بس لازم يتعالج في أسرع وقت

نور بهدوء :تمام يا دكتور اعمل اللازم

الدكتور :تمام عن اذنكوا ومشي

هند دخلت لمحمد وقعدت معاه وهو سأل مين اللي جابه وقالتله نور ونور دنتها واقفة وسيلا وعمرو وصلوا وعرفوا الاوضة وطلعولها

نور :والله تعبتوا نفسكوا

سيلا وعمرو:مفيش تعب ولا حاجه

سيلا:ماله عمو

قالتلهم نور

الاتنين:ربنا يشفيه

بيدخلوا الاوضة هم التلاتة عند محمد

عمرو:حمد على السلامة يا عمي

سيلا:حمد لله على السلامة يا عمو

ه Remo hosny

محمد:الله يسلمكوا يا ولاد

نور:حمد لله على السلامة

محمد :الله يسلمك يا بنتي

نظرت نور له بسخرية على كلمة بنتي عشان عمره ماقالها

نور :بعد اذنكوا انا همشي

محمد:سامحيني يا بنتي ارجوكي انا غلطت فيكي كتير سامحيني

نور بسخرية:اسامحك على ايه ولا ايه اسامحك على حرمانك ليا من طفولتي ولا اسامحك حرمانك ليا من تعليمي ولا من ضر*بك ليا انت وزين ولا من حبك لزين اكتر مني وتفضيلك ليه عليا ولا من جوازي بالغصب ولا يوم ما طليقي ض*ربني روحتلك وقولتلي ده جوزك يعمل اللي هو عايزه وكملت عليا انت وزين ولا من تشبيهك ليا دايما اني عار بالنسبالك قولي بقى اسامحك على انهي حاجه

فاكر اما كنت تقول عايز ابن عشان يشيل اسمي ويراعيني في عز مرضي ويوقف جمبي فاكر وقعدت تقولي انتي في الاخر راحو بيت جوزك وملكيش لازمة وفي الاخر ابنك كان بيزقك ويوقعك وكام بيشرب سجاير ومخدرات ويرجع في نصاص الليالي وأما كنت بنصحه تقولي يعمل اللي عايزه

شايف الاتنين دولي كانت بتشاور على عمرو وسيلا دول مصدر اماني في الدنيا وسندي ولقيت فيهم الحنية اللي ملقتهاش فيكوا

شاورت على عمرو شايف الاستاذ ده ده اللي انقذني من طليقي ومن ضرب*ه ليا وحشاني منه واجرلي شقة عشان اقعد فيها واتكفل بتعليمي

شاورت على سيلا شايف دي دي اعتبرتني اختها ووقفت جمبي دايما وهم السبب في اللي انا فيه دلوقتي

وجاي بعد ده كله تقولي سامحيني على العموم ربنا هو اللي بيسامح انا مقدرش اقولك اني سامحتك بس هحاول

بااااااك

محمد :يارب تسامحني والله ندمان بس تسامحني

وعدى اربع شهور وهو كان ماشي على العلاج وفي يوم هند راحت تصحيه بس مش رد وكان مات من مرضه وندمه وحسرته على اللي كان بيعمله في بنته وده كان عقاب ربنا ليه وهند بدات تصوت والجيران اتلمت واتصلت بنور وعرفت حزنت شوية عليه في النهاية ده ابوها وراحت لمامتها وواستها وسيلا كانت معاها وعمرو كان مشغول بمراسم الدفن والعزا

وبعد مرور سنة ونص

عمرة قال لسيلا انه عايز يتجوز نور وهي فرحت جدا بس كانوا خايفين ان نور ترفض بس سيلا قالتلها وفكرت ووافقت وعرفت مامتها اللي فرحت جدا وقراوا الفاتحة واتفقوا على كل حاجة وان الفرح مع كتب الكتاب بعد سبع شهور عشان يجهزوا نفسهم وكدة كدة هم عارفين بعض اتخطبوا وكانوا ملتزمين بضوابط الخطوبة وأما يخرجوا سيلا دايما معاهم وجهزوا يوم الفرح وأثناء كتب الكتاب كانت نور حزينة لان كان نفسها يكون ابوها وكيلها بس كان واحد من جيرانها راجل كبير كان بيعتبرها بنته وهي كانت شايفاه زي باباها وتم كتب الكتاب والفرح وبقوا زوج وزوجة

بعد سنتين

مامت نور ماتت بس كانت مطمنة عليها لأنها اتجوزت وبقت مع شريك حياتها وعوضها

نور وعمرو ربنا رزقهم بتوأم وسموهم حمزة الولد والبنت سموها نور من كتر حب عمرو لنور سمى بنتهم على اسمها وكمان عشان يفرحها ونور فرحت جدا واتاكدت فعلا انها اختارت صح

طبعا عمرو ممنعش نور من الشغل بالعكس كان بيشجعها وفخور بيها جدا

سيلا واخد زميلها اتقدملها وطلب ايدها من عمرو وخد رايها وهي وافقت واتجوزوا بعديها بسنة وخلفت بنت سمتها حور

فعلا عمرو مان العوض لنور بالرغم من اللي نور اتعرضتله بس مان عندها ثقة في ربنا وفي الاخر عوضها وكل واحد خد جزاته

فعلا ربنا مش بيسيب حد