تحميل رواية «تحت جناح الظالم» PDF

المشهد الاول:

في الوقت الحاضر

كاعده على جربايتي وساده باب غرفتي  فتحت القاصه وطشرت الفلوس گبالي وكعدت احسب بيهن احسب احسب لحد محسبتهن كولهن ميكفن اخذ سياره يرادلي تقريبا بعد ٦ ملاايين يلا اخذ السياره العاجبتني

صفنت على منظر الفلوس والغرفه مالتي باوعت ع المرايه الي كبال الجربايه كمت وكفت وصفنت على روحي

ذهبي اللي لابسته جنت احلم بي

غرفتي موبايلي احدث موديل والفلوس مطشره كبالي منضرهن ذكرني بحياتي قبل

ااااه الدنيا شلون تدور وشلون تفتر بينا

قبل كم سنه اني بحسرة هاي العيشه

چان الربع حسره عليه  هسه داجمع حتى اشتري سياره  صفنت على وجهي

هذا الوجه الي شبع ضيم ورافقني بمسيرة حياتي  عاش ويايه فقري وتعبي وقلة حيلتي

رافقني بفرحتي وشهد على حزني

يي هاي ملامحي نفسها الي جنت ماشوف غير الحزن بيها..........

المشهد الثاني:

فلاش باك::

ومره  ورا مطلكت جبروني اشتغل

جنت بالدوام ( داومت بمهرجان **** )

خابرتني وني بالشغل ترعد عليه عياط وصياح يابه شكو

تعالي اخذي بتج بعد منتحملها

كتلها ابطل واكعد كلتلي لا متبطلين شوفيلها روضه حضانه احنه منتحمل مسوليتج ومسوليتها

والدوام بالمهرجان جان ممنوع الاجازه بي

رجعت للبيت وحايره ببتي وين اوديها واذا حضانه لازم ادفع مقدم وني ماعندي خابرت المدير توسلت بي حتى اكدر اجيبها ويايه 

قبل المدير وتعاطف ويايه

واخذتهه ثاني يوم كعدتهه من الصبح وبارده والمهرجان بنص البحيره ثلللج  ونوب مطرت وهيا شبعت بجي ماتت من البرد ونعست وماكو مكان انومها اخذتها بالحمام نومتها يم الفراشه مال حمامات  بجيت بجي عليها.......

المشهد الثالث:

ومره جنت طالبة رابع اعدادي ملابس مال مدرسه طبعا كل ٤ سنوات نشتري

فجانت الدنيا بااارده ثلج وني ماعندي قمصله ولابسه حذاء اختي الجبيره شكبره عليه ولابسه بس قميص واتختل بين البنات حتى ادفي نفسي شافتني المدرسه ودزت عليه كالت ليش ملابسه قمصله كتلهه احتر من البسهه حست بيا اجذب عليها طلعت ٢٥ الف من جنطتها ونطتنياها بيومها بجيت بجي صدوك حسيت بالذل وحسيت الناس شلون تستعطفنه من بعد مجنه مدللات واحسن وارقى لبس نلبس.............

꧂꧂꧂꧂꧂꧂꧂꧂꧂꧂꧂

حبايب گلبي شلونكم شخباركم مشاهد مستقبليه من الروايه الجديده طبعا اسفه ع الانقطاع بس والله العظيم عندي امتحانات ولسه ممخلصه ع العموم الروايه حلوه وحقيقيه والبطله متابعه القصه طبعا وصارت بأحد محافظات العراق ولا تستغربون من احداث القصه صار هذا العالم يخوف ف اتوقعو كلشي يصير اتمنى الكم قراءه ممتعه........

الكاتبه: زهراء

"واصل السعي يا صديقي، مجهودك لن يذهب سدى، جاهد وحاول واسعى لهدفك في الحياة بكل جديَّة، حتى لو كانت خطواتك بطيئة وصعبة، ولا تبالي للنتيجة، أنت مسؤول فقط عن السعي ليس النتيجة، فالنتيجة اختصّ بها رب الخير، رب الخير الذي لا يأتي إلا بالخير، وطالما أنك تسعى وتحاول الوصول؛ ستصِل وسيكرمك الله ويفتح لك كل الطُرق، حتى تلك التي لم تتوقعها يومًا." !

꧁꧁꧁꧁꧁꧁꧂꧂꧂꧂꧂

سنة ٢٠٢١

اسمي مرام عمري 28 سنه من بغداد

مواصافاتي كأي مواصفات بنت عاديه

بشرتي حنطيه قصيرة القامه عيوني سود ومسحوبات ( اكثر شي يجذب بوجهي)

فلاش باك٢٠٠٦/١٢/١٢

عائلتنه متكونه من ام واب و٣ بنات اني و٢ اخواتي

وحده اكبر مني ب٣ سنوات ووحده اصغر مني ب ٣ سنوات

ماما مدرسه بأحد مداارسنه العراقيه وبابا شغله كاسب

ماما من النوع الي كولش تهتم بالترتيب والاناقه والاتيكيت بحيث الناس جانت تحسدنه عليها ومن نطلع كوله بنات المدرسه الترتيب والاناقه محد يلحگنه بيها

من صغرنه علمتنه على النظام والترتيب والاناقه

رغم صغر عمرنه بس دائما جانت تحجيلنه قصص تعلمنه بيها عن الامانه وعن الصدق والكذب وعن الحلال والحرام بحيث بذاك الوقت عقلنه جان سابق عمرنه

حياتنه جانت كولش بسيطه ومرتاحين بيها

رغم والدي مجان على راسنه نادرا ما نشوفه لان دائما بم زوجته الاولى

بابا مزوج قبل ماما وحده ومخلف منها 1 ولد   ولان جانت زوجته الاولى أكبر منه  والتهت بأطفالها هملت نفسها فبابا تعرف على ماما لان شافها كولش حلوا ومرتبه  وصارت بيناتهم علاقة حب وتزوجها  بس بعد الزواج رجع لزوجته الاولى وبقى على راس هذولاك اطفاله وبالاعياد والمناسبات يجينه

فماما جانت النه ام واب طفولتنه ابد ماتذكر بيها بابا

بيوم1/1/2006

متعلمين بكل راس سنه نحتفل

بهذا اليوم بالذات ماما كعدت من النوم الصبح مرعوبه جان بوقتها بابا بايت عدنه

كالتله تحلمت حلم موزين

رجال لابس ابيض كلي لتحتفلين السنه

ابويه من سمع ضل يضحك عليها ( بابا من طائفه سنيه) يكوللها خرافات

ماما جانت كولش خايفه لان بيوم راس السنه جان احد ايام محرم  فكولش خافت.... طبعا اختي الكبيره

عيد ميلاد اختي نور ويا راس السنه يعني جنه نحتفل بي ويا راس السنه

فبأخر عيد ميلاد الي احتفلنه بي ومن بعده ماما تمرضت  ماما جابتلها هديه گلاده ذهب حرفهه

بابا بقى معاند كللها كولها خرافات وماعرف ايش المهم راح جاب كيكه وسوالف الاحتفال واحتفلنه بس ماما جانت كولش خايفه كملنه الاحتفال وصارت ساعه ١٢ ودخلنه سنه جديده والكل فرحان

بس محد يعرف هاي السنه سنة شؤؤم جانت علينه اتعس سنه مرت علينه مراح انساها عمري كوله........

******************

تاريخ:١٢/١/٢٠٠٦

ماما نتكست حالتها كولش اجتي من الدوام مريضه كولش وتتقيئ وفد مره منتهيه

ركضنه خابرنه على ابويه كناله ماما كولش مريضه وحالتها حاله حتى ماكدر تمشي تمشي شويه وتوكع

عاد اجه العصر اخذهه للدكتور طلع عدها تسمم بالمعده لان جان عدها سفره هيه وصديقاتها المدرسات بره المدرسه وماكله  من برا وصاير عدهه تسمم شدلها مغذي وخلالها ابره بالمغذي  ورجعت بس ماما مطابت وزادت حالتها

يعني الي يشوفها ميكول تسمم شكلها يخووف صار رغم ماما كولش حلوا

نايمين بالليل واسمع ماما تهمس باسم اختي الجبيره

تريدها تكعد تتكئ عليها حتى توديها للحمام ني فزيت لان نومي كولش خفيف ( طبعا جانت جامعتنه بغرفتها كولنه نايمات يمها )  فكمت كتلها ها ماما

كالت بس اروح للحمام خلت ايدها على جتفي وكامت مشيتها وديتها للحمام ووكفتلها باب الحمام

شويه وجان اسمع صوتها تتقيئ فزيت فتحت الباب وشفت منضر يكرم الله عمري مراح انساا

تقيأت گطن اخضرر ويا دود

اني تخبلت وهيا مستمره تتقيئ ( تذكرت مره رحته لشيخ ماما وخالتي وني خالتي جانت فاتحه محل جديد وراحت تسويله مال شغل ف الشيخ باوع بوجه ماما كلهه مسويلج عمل قوي  ماما متأمن كامت تضحك كالله اسمج واسم امج نطته اسمها واسم امها جاب طاسة مي وخله فوكاها علگ وسجينه رفع العلگ جان يوگع بقجه صغيره من العلك بالطاسه فتحهه ورقه بيها عضمايه مال ميت وشعر وتراب ومرسوم بالورقه جربايه من جهه اليمنه مرسوم ولد ومن الجهه اليسره ولد ومرسوم سرنجه وسماعه مال اذن والله العضيم ابد ما انسه هل شي حتى كاللهه مسويلج عمل  على صحتج بس ماما كامت تضحك مصدگت)

المهم عيطت اريد اختي الجبيره تكعد كعدت واحنه وحده تباوع بوجه الخ منعرف شنسوي غسلنالهه وكالت لبسو جفوف وخلو هذا الگطن يماعون وخلو على صفحه سوينه الي كالت عليه ورجعناهه بفراشه.......

꧁꧁꧁꧁꧁꧁꧁꧂꧂꧂꧂

ماما حالتها كامت تنتكس اكثر وعلاج البيت كام ميجيب نتيجه نقلوها للمستشفى 

بهل اثناء لاحضو بجسم ماما كامت تطلع تقرحات تنفتح وتذب جراحه جان ابويه يعالجهه بالبيت  حتى اتذكر جان من يعالجهه تخلي الخاولي بحلكهه وتعيط بكل حسهه ومن يخلص ابويه تخرب  ومره كالو لابويه جيب حب دبچ من العطار ولينو وخلو ع التقرحات تروح

جاب بابا تقريبا كيلو وكال منو عده قابليه تعلجه

طبعا ني جنت اتمنى اساعدهه باي شي فكتله اني خليته بحلكي الله ليضوگج طعمه مررررررر حنضل ويلعب النفس بس جنت اعلجه بفرح لان كل ضني هذا رح يعالج امي

من شافهه الدكتور كال تحتاج عمليه للتقرحات

فسوولها العمليه بمستشفى **** الاهلي اني كل ضني ماما بعد العمليه راح تصحى وترجع مثل قبل واحسن وترجع حياتنه طبيعيه بس صار العكس تماما صارت حالتها تسوء اكثر ف اكثر التقرحات كامت اتزيد بجسمها بشكل ملحوظ ومبالغ بي.......

بهاي الفتره احنه رحنه لبيت خالتي وجنه كل اسبوع نجي نزور ماما بالمستشفى

بتاريخ٢٠٠٦/٤/٣١ رحنه نزور ماما بالمستشفى

بس جانت كولش تعبانه وطلبت من اختي الجبيره تبقى يمها  كالتلهه ابقي يمي اليوم

اختي بعقل طفولي كلتلهه ماعدكم تلفزيون بالغرفه وني متابعه مسلسل اسمر كلتلهه ملازم لتبقين اني نطيت من يمي كتلهه اني ابقى يمج

كالت لا روحي ضليت الح لحد ما عاط بيا بابا ورجعت ويا بيت خالتي للبيت.............

ماما على مااعتقد من رادت اختي الكبيره تبقى يمها لان حست بنفسها تريد تترك العالم رادت تبقى يمها علمود تعودعها لان عرفت بنفسها مراح شوفنه بعد ف اختى كانت صغيره حيل وماتفتهم ولو يرجع بيه الوقت ارجع وابقى يمها واشبع من ريحتها ياناس مكان الام مايتعوض شفنه ضلم اني واخواتي محد يعلم بي بس رب العالمين عانينه معانات اتكولون جذب وين اكو هيج شي لا والله العظيم اني مرام عانيت معاناه من زوجه اب قاسيه لابعد ماتتخيلون العقل والمنطق بس اني اريد اعرف باجر من راح تموت شلون راح يتفننون بعذابها لان بجت بنات يتيمات اشتغلت ب السحر هتكت عرض سوت ابشع من ماسوو الاقوام السابقه اني المهضومه الي نكسرت واني بطفولتي كلشي شفت وفاه امي ضرب شغل طلعنه نشتغل ب الشوارع تحرمنه من الاكل ملابس مانشرتي اله ب السنه حسنه...((موقف))

فلاش باك.......

مرام: قبل من بدايه زواجها من بابا هيه جانت اكو قوانين ونظام ب البيت انو....

علمتنه على نضام تجيبلنه جبن مثلثات ابو ٥٠٠ تنطينه كل وحده قطعتين وتبقى قطعتين تنطيهن لبزونتها فمره اختي الجبيره جوعانه اكلت حصة البزونه وهيا عرفت لزمي اختي وكتليها ملختها تملخ.....

عوده الى الحاضر....

كتلت اختي الكبيره لان شنو اكلت الجبن مال البزونه مالتها جنزتها هذا سبب علمود تنكتل وتنهضم طفله صغيره ليش حاقده علينه احنه شنو سوينالها علمود هلكد تكرهنه ليش صارت هيه والوكت صارو علينه ليش مااحتوتنه هواي شفت ناس بس مثل هاي الشيطانه ابد لا شفت ولا راح اشوف...

المهم بعد مارجعنه من المستشفى لبيت خالتي انكسر خاطري ردت اني ابقى يم ماما بس ماقبل بابا ضل المهم وره ما ماما كالت الاختي تبقى يمها ومابقت ماما دخخلت بغيبوبه اسبوع وراهه صار عدها كانسرت ب الدم وتوفت ب تاريخ    ١/٣/٢٠٠٦بس للقدر رأي ثاني مجنه نعرف اكو گلوب حاقده علينه ناس شايله مخافه الله من كلوبهم ناس عمت عيوهم الجشع والطمع والحقد والكراهيه حتما اجه على بالي اسميها حفيده الشيطان من كد ماحاقده....

مر اسبوع  وصلنه الخبر مثل الصاعقده نزلت على روسنه هوه وفاه امي انصدمت صدمه حياتي اني صغار بس كلش متعلقين بماما وخاصه اختي الصغيره لمى جانت حيل متعلقه بأمي بحيث اذا رجعت من الدوام ومالكت ماما تحظن دشداشتها وحتى من تدخل للحمام تاخذها وياهه فهيه اكثر وحده من عدنه انكسرت بوفاه امي طبعا كملو اجراءات الدفن ع حسب الاصول.......

نصبو الفاتحه لحد ثلاث ايام متتاليه....

الى ان انصدمت من سمعت الخبر...............................

꧁꧂꧂꧂꧂꧂꧂꧂꧂꧂꧂

أنت من تحدد قيمة نفسك فلا تصغر من شأنك حين ترى فخامة الاخرين فلو كانت القيمة تقاس بالأوزان لكانت الصخور أغلى من الألماس💜👌

꧁꧁꧁꧁꧁꧁꧂꧂꧂꧂꧂

إياكِ عزيزتي أن تسمحي للحياة بالمرور فوق روحكِ الطيبة هكذا بسهولة، كوني مُستعطية عليها وعلى كل يوم خائن استباح دمعك و استفز الألم في صدركِ، كلنا جئنا لهذه الحياة لنحارب لأجل ما نريده، لا تخسري المعركة فتجدين نفسك مُثيرة للشفقة بعد أعوام فإن كل خيباتك هذة التي تبدو لك نهاية الحياة ما هي إلا وقت سيمر كأنه لم يكن و كل انتصاراتك التي تبدو مُستحيلة ستلمسينها واقع بمرور الوقت أنتِ فقط كوني أنتِ وكوني قوية و سعيدة لأجلكِ قبل أي شيء أخر 🦋..........

اتمنى لكم قراءه ممتعه

إياكِ عزيزتي أن تسمحي للحياة بالمرور فوق روحكِ الطيبة هكذا بسهولة، كوني مُستعطية عليها وعلى كل يوم خائن استباح دمعك و استفز الألم في صدركِ، كلنا جئنا لهذه الحياة لنحارب لأجل ما نريده،

꧁꧁꧁꧁꧁꧁꧁꧂꧂꧂꧂

فلاش باك.....

مرام:

طبعا بعد مارجعنه ماما دخلت بغيبويه وصار بيها كانسرت ماطولت اسبوع واتوفت💔......

جنه اني وخواتي بيت خالتي طبعا رحنه لبيت جدو

ابو ماما طبعا جدو شيخ عشيره كلش معروف هوه شيخ عشيره البو****الدرا*****هاي العشيره كلش معروفه وتاريخها عريق وجدو عادل بين الناس يعني ماما بنت شيوخ...

تمام اجه خالو اخذنه احنه وخالتي جانت كاعده ب السياره بنت خالي هاله شفتها لابسه اسود كتلها

مرام: هاله ليش لابسه اسود؟

هاله: هيج عاجبني...

مرام: عفتها وصلنه لبيت جدو اتلكتنه خالتي جان تكول....

خالتي: ولج يمه راحت امكم راحت الغاليه ولج مروه المن عفتي، بناتج المن ولج مرام امج ماتت ماتت💔

ماتتخيلون شنو الي صار بيه انجنيت يعني شنو مثلا ماما ماكو بعد زين ليش عافتنه والله والله بعد مانزعلها بس خل تجي والله زين خلي نسمع كلامها وبعد مانخبث عليها المهم ترجع ماما وره شويه اجوي كالولنا تعالو ودعو امكم طلعنه واني كل بالي عبالي اجتي ماما جان عقلنه طفولي جنه صغار طلعنه وجان انصدم جان تابوت يعني هذا التابوت بي ماما ركضت بسرعه حضنتها حيل حيل واحجي وابجي من كل كلبي والله العظيم الله لا يعيشكم شعور فقدان الام ماكو اي كلام يوصف شعوري لو ماما جانت موجوده جان ماتبهذلنه وره ماراحت طبعا استمرت ايام الفاتحه بديوان جدو.......

طبعا وره ما فتره صبو الاكل واخذتنه مرت خالو فوك جان اكول...

مرام: شنو معقوله ماما بعد ماكو لعد بعد منو يمشطلنه ومنو يغيرلنه ملابسنه 🥺🥺

سمعتنه مرت خالي جان حظنتنه وكامت تبجي جان تحجي اختي الكبيره......

نور: لا تبجين اكيد ماما راح تبقى ويانه ماراح تعوفنه هسه شوفين......

مرام: بعدها كعدنه ببيت جدو

طبعا خلال ايام الفاتحه ولا مره شفنه ابويه....

من الدفنه وطلع للانبار لبيت اهله....

احنه بقينه لحد السابع ببيت جدو

من بعد السابع بقينه متنقلات من بيت خالتي لبيت عمتي لبيت جدي لبيت خوالي يوميه ببيت.....

ومره رحنه لبيت عمتي الي هيا ام اياد....

بقينه يمهم شهر

جانو ولدها اطفال

واياد جان عنده دفتر مال مذكرات

كتبتله ذكرى الى اخي العزيز اياد 😂😂

وحجي وهوايه.....

الكاتبه: طبعا اياد اله دور ب القصه.... نكمل....

خلال شهر ورا وفاة ماما

مشفنه ابويه ابد

رجعنه ببيت جدو ابو ماما ومن عرف ابويه مسأل علينه ولا جابلنه مصرف تخبل خابره لعب بي طوبه....

كله شنو شامر بناتك ومتعرف عنهن شي

ع الاقل اسال عليهن شوفهن شمحتاجات

هوا خاف من جدو واجه وره كم يوم يعني قبل الاربعين جابلنه مصرف واخذنه بيت عمتي الجبيره بقينه يمههه للاربعين مال ماما....

بليلة  الاربعين كلنه تجمعنه ببيت جدو خالاتي وبنات خالتي وخوالي وعماتي هم اجوي حتى نطلع كولنه للنجف

الفجر كعدنه حضرنه نفسنه وحضرنه الاكل وتوجهنه للنجف

رحنه وني قلبي مليان خوف واشتياق

شعور حلو ومو حلو

حلو انو راح اشوف قبر امي واحجي وياهه وتسمعني(حسب حجيهم)

وموحلو انو اني رايحه لقبر  يعني مو بشر رايحه لطابوگ تحته امي

رايحه لانسانه اعز من روحي صارت بخبر كان

وصلنه النجف وهاي اول مره بحياتي اروحلها

اني جنت بوقتها صف رابع ابتدائي بس كولش قريه يالقرائه( يعني اعرف اقره قران وارتل بحس طفولي)

اخذت القران ونزلت من الكوستر

نزلت ورايه بيبي وخالاتي وكلهن التمن ع القبر

كعدت مقابل القبر مالتهه وطلعت سورة الواقعه وكعدت اقراهه( جانت كلش تحب هاي السوره وبالاخص بصوت احمد العجمي ) فأني متعلمه ارتل واجود بصوت احمد العجمي يعني نفس النغمه

كعدت اقره يمهه قران كملت سورة الواقعه ودموعي عشره عشره اقره وابجي  لحد ما طبكت الفران ونمت ع القبر ابجي ماعرف شريد

ابجي مو لان ضايعه بدونها لا لان ضيعت الدنيا من ماتت

شنو ذنبنه بقينه مشردات كل يومين والثالث ببيت وننظرد ونروح لبيت ثاني وعلى هل رنه

ماعدنه ام تلمنه ولاعدنه اب الحنين علينه

ابويه من الوفاة طفر لاهله وعافنه ولا عرف شصار عنه

هسه تكولون ليش راح لاهله مو لزوجته لاولى

لان زوجته الاولى بالفتره الي بقه بيها ابويه يم ماما بالمستشفى رفعت عليه قضية خلع وخلعته توسل بيها علمود يرجعهه ونبقى يمهه بس مقبلت جانت كارهتنه على كره امنه.......

بجينه ولطمنه وقرينه قران ساعه نعاتب وساعه نصفنن وساعه نبجي لحد مستنفذنه كل قوانه وطاقتنه ورجعنه

رجعتنه صارت ويا الغروب....

بنص الطريق وخالتي الي دفنت ماما كامت تعيييط بكل حسههه

لااا لتدفنوني ويا مروه طلعوووني لتنزلوني تعيط تخبلت خبال وخبلتنه وياهه....

خوالي يردون يلزموهه ميكدرون وتعيط وتصيح وين ماخذيني  رجعوني...

لحد ما اخر شي اغمه عليهه دارو عليهه مي رادو يكعدوهه كولش فقدت ضلت تهذري ونامت

كالو ودوهه مستشفى اخاف صار عدهه سكر

طلعنه كلنه للمستشفى نزل خالي الجبير وياهه وزوجهه ذبيناهم وتوجهنه للبيت....

نص الطريق وجان يخابرونه كالو ضاربتهه جلطه والسكر والضغط معلگات وهيا منا مريضه بيها ربوحالتهه حاله....

ناس تدعيلهه وناس مقهوره عليهه

المهم وصلنه لبيت جدو

كلهم تطشرو عماتي رجعن ابويه هم رجع وخالاتي كل وحده لبيتهه  بس احنه وبين خوالي بقينه.....

هااا طبعا بالاربعين شفنه على قبر ماما فراشه ضلت تفتر على قبرهه  ووكفت على راس لمى ابد معافتهه كلهه كالت هاي روحهه يم بناتهه ضاله.....

بقينه بيت جدو بس حسينه نفسنه صرنه ثقال

اكو اشياء كامت تصير مشايفيهه قبل

يعني الثلاجه كامت تنقفل اذا لمى طلعت بالحديقه يعيطون بيها

احس انو تعبو منه وجانو ذيج الفتره يستخطونه وخلااص بعد ميتحملون....

جدو جان هوا وبيبي الوحيدين طايرين بينه

بس المشكله همه كبار والبيت بي خوالي  ونسوانهم....

جدو حس بينه ممرتاحين

خابر على ابويه وكله شنو تالي وضع البنات

ابويه : والله يا حجي اني دا ادور على مره حتى المهن خما يبقن من بيت البيت وني اصلا راح استقر الانبار بس تحملوهن بين ما ارتب وضعي حتى اجي اخذهن هنا

جدو: بويه اني مو ممتحملهن بس البنيات حالتهن حاله لا ام لا اب يحتاجن شي يردن شي يستحن يحجن وماكدر ادزهن ببيت خالاتهن لان ازواجهم نحسين وهم صعبه بزرتنه عد النسيب  وني رجال جبير والبيت بي هوايه جهال واخاف عليهن ليسمعن حجايه تغثهن لينطگن واني مو يمهن

ابويه : لا حجي هيه هم مترهم يضلن هنا  ان شاء الله هل اسبوع احلهه

الحجي: خير ان شاء الله 

ونهى الاتصال وراح......

طبعا من سمعنه راح نعيش ب الانبار

لان مرت عمي فد انسانه الله لايراويهه لا لعدو ولا لحبيب

انسانه قبيحه متسلطه متحب بس نفسهه وجهالهه تجرح بالكلام ميهمه ترزل وتضرب بلا سبب  تعاير وتهين وتستصغر الي اقل منهه يعني لا تطاق الى درجه........

اني ونور اختي تخبلنه نتوسل بجدو حتى يخابر ابويه ويكله لتجي وبقيهن يمي.....

بس ماكو فايده

جان كلامنه كلام اطفال ومحد يسمعه ويصدكه....

اجه ابويه نهاية الاسبوع ولمينه ملابسنه وسلمنه على بيبي وجدو وخوالي وشبعنه بجي وصعدنه بالسياره وتوجهنه لمحافضه ثانيه

رحنه لبيت منعرف شنو المضموم النه

منعرف شلون راح يتعاملون ويانه 

كل وحده منه صافنه بجهه وتفكر شنو راح يصير بعد

من بعد طريق طويل وصلنه وشفنه شارعهم الي يقبض القلب من شدة حقد اهله

وصلنه وبدينه ثاني رحلة عذاب بحياتنه

وصلنه ومنعرف شمضموم النه ..............

وصلنه  ودنزل بغراضنه واجه اتصال لبابا

من جدو

فتح خط

ابويه: هلا حجي شلونك

الحجي :…….

ابويه : شلووووون صدوووگ تحجي.....................

القفله لوز حبايب اريد تفاعل وان وان شاء الله التقي بيكم ب البارت القادم اتمنى لكم قراءه ممتعه......

خاف تكولون الروايه خياليه لا حقيقه وهذا قبر والده مرام رجاء فضلا وليس امرا اترحمولها واقرولها سوره الفاتحه مسبوقه ب الصلاه ع محمد وآل محمد 🌺............

طبعا بطلتنه الحلوه مالكيت الها شبيهه غير اسراء الاصيل كلش تشبها...

وتشبه هاي البنيه نسخه ثانيه منها الله يشهد بس الفرق انو مرام عدها غمازه بحنجها.....

اتفاعلو اذا شفت اكو تفاعل انزل بأسرع وقت تصبحون على خير......

توجد مرحلة هادئة في حياتك، لا يستطيع أحد فيها معرفة الذي يجول في خاطرك، لا تطلب لا تنوي فعل شيء ولا تُلمّح لشيء، الأعزاء فقط يلمحون تعبك، يُضيئون العتمة الواضحة، يُدارون خاطرك، يُهربون الضحكة في أيامك، يسعون لتلميع ما بهت في ناظرك، ولا أجد عزاء حقيقي أكثر من هذه المحبة .

꧁꧁꧁꧁꧁꧁꧁꧂꧂꧂꧂

الاب : لاااااا صدوووك تحجي

الى رحمة الله  والله قهرتني حجي الله يرحمها لاا شلون لعد ييي يي طبعا لا ماكو تعب ان شاء الله  ادلل

نهى الاتصال ويا جدو

حجينه وياا

نور: شكوو بابا شبي جدوو خما بيها شي بيبي

الاب: خالتجن ثريا توفت وجدجن كال جيب البنات للفاتحه وبعد الفاتحه اخذهن

كلنه نصدمنه وكمنه نبجي

هااي احن خاله عدنه

باتت ويا ماما بالمستشفى ومن توفت ماما بقينه فتره يمهه دائما تسأل على وضعنه

ليييش ربييي ليش كل انسان نحبه ونتعلق بي تاخذه وتحرمنه منه

فتنه لبيت عمي واحنخ نبجي والدنيا طالعه من عينه سلمنه على بيت عمي

عمي ومرت عمي وولد عمي وبناته بس وجوهم ثكيله

عاد سال عمي

جابر: هااا شكو تتباجن

الاب: خابرو علينه خالتهن هسه ماتت

جابر: بضحك اخاف اشتاقت لاختهه

الاب : لازم هسه اخذهن للفاتحه جدهن خابر

جابر: وشكو هنه رايحات امهن وماتت وماكو صلة وصل بعد وجدهن خابرك متعاجز منهن وكلك تعال اخذهن اكعد واسكت وين ماخذهن

الاب: والله اني تعبان ومتعاجز اوديهن راح اكله تعبانات ميكدرن يجن من تخلص الفاتحه اجيبهن

احنه مكدرنه نحجي لان الكل كاعد

وهاي جانت اول جذبه يخترعها ابويه ويطلعنه بوجه الگباحه ويبعدنه بيها عن بيت جدو

ضلينه كاعدات بالمطبخ يمهم

سوالفهم تافهه ومدري شلونهه

عاد مرت عمي حجت

سلمى: عيني عرايس كومن شيلن جنطجن خما يضلن هنا يلا حبيبات كومن ودنهه بالغرفه الصغيره

طبعا فشلتنه كدام الكل

متكول عيب هستوهن اجني ويستحن وميصير افشلهن كدام الكل

كمنه اني وخواتي وحده وره اللخ شلنه الجنط وفوتناهن جوا اجتي هيا ورانه ددلينه ع المكان 

سلمى: عيني هنا خلن جنطجن

شوفن انتن راح تبقن هنا فتره لبين ما ابوجن يرتب وضعه 

يعني هذا حاله حال بيتجن  تنظفن ويا البنات وماريد هوسه ووصخ كل وحده الصبح من تكعد تلم فراشهه وتعدل مكانهه واني راح اقسم الشغل عليجن ويا البنات 

لمى صغيره عليهه تذب الزبل وتنظف الطرمه وانتن ويا البنات تساعدنهن بتنظيف البيت

لتتحسسن وتضوجن ترى حالجن حال بناتي من دا احجي وياهه

محجينه شي بس نأشر براسنه

عافتنه وطلعت

نور: مرام شلون راح نعيش هنا شوفي وجهه شلون مخنزر من تحجي ونوب من هسه تقسم الشغلل واحنه مصارلنه ساعه من اجينه هاي اذا نضل يمهه شهر احتمال تطلعنه عماله

مرام: نور والله مشتاقه لامي ع الاقل جنه ببيت جدو بيبي تحبنه هيه وجدو

هنا محد يحبنه حتى بابا ميحبنه اريد ارجع لبيت جدو

نور: وين ترجعين كل عقلج يخلوج اصلا بعد تحلمين تشوفيهم لو ترحيلهم  لان بابا ميحبهم ونوب صرنه بعيدين بغير محافظه فأنسي نروح..........

كعدنه بالغرفه نسفط بملابسنه ووحده تباوع بوجه الخ

ساعه نيجي على خاله وساعه نبجي على ماما وساعه نبجي لان مشتاقين لحياتنه القديمه وساعه نتذكر مواقفنه ويا بنات خالتنه ونضحك

صارت ساعه ب ١ صاحو علينه ديصبون الغدا

كمنه طلعنه وحده وره الخ عبالك بالجيش نخاف نخطأ بمشيتنه ونتفشل لو نترزل من مرت عمي مسويه بينه خوفه

طبعا ماكو جاهل يحبهه وجهه مخنزر ٢٤ ساعه وبس تعيط

رحنه كعدنه يم بابا

جان تصيح عليه وعلى لمى

سلمى: تعالن اخذن السفره فرشنهه

رحنه اني ولمى اخذنه السفره وفرشناهه

وكمنه ننقل بالاكل

طبعا نور عنوديه وشخصيتهه قويه ( متعلمه على دلال بشكل يعني جانت الحجايه الي تحجيها بحياة ماما لازم تتنفذ فممتعلمه على اوامر متعلمه هيا تأمر وهل شي راح يتعبهه ببيت عمي)

بقينه ننقل  الاكل  اني لمى

عاد سالتنه مرت عمي

سلمى: لعد نور وين ليش متجي تنقل الاكل

مرام : كاعده يم بابا هسه اصيحهه

رحت صحتهه

تعالي شيلي الاكل ويانه باجي تكول

نور: روحي كوليلهه تعبانه من الطريق ومتكدر تمشي

مرام : باجي تكول تعبانه من الطريق من تصير زينه تجي

سلمى :عاطت من المطبخ 

نوووور نووووووور  تعالي شيلي المرگ اختج متكدر

مرام : لاعمه اكدر انطيتي اشيله

سلمى : لاا حار لينطش عليج

اجتي نور بهل اثناء تعرج كلتلهه ها باجي

سلمى : تعالي اخذي المرك خطيه خواتج متشوفيهن بس هنه ديشيلن تعاللي ساعديهن حجتهه بخزره

نور: ي باجي بس رجلي دتوجعني

اجتي تقربت منها دتاخذ الماعوج وچان تگرصهه حيل من ايدهه

سلمى: لتتعايرين ترى ماحب العيارات حجتهه بحس ناصي

نور اخذت الماعون بس ضاااجت كلش

نور : اخذت الماعون منهه بس كلش نقهرت من گرصتني

بس عيييب افوتهه الهه اني اعلمهه

ضلت تنقل بالاكل كله

كومت كل مواعين المركه يمهه وكعدت

التمو ع الاكل كلهم ونور حاشكه روحهه بصف المرگ

كعدت مرت عمي وشافت السفره مخربطه مو مرتب الاكل بيها

سلمى : نور ناوشيني المرگ داوزعهن ع السفره ليش خالتهن بمكان واحد

نور : جنت منتضره تطلب مني هل طلب حتى اخذ حقي مال گرصه

ناوشتهه كاسة المرگ بعدهه مماخذتهه وجان اديرهه على ايدها احترگت بيهاا

سلمى: لججج وثوول شبيج غير تنضرين اخذهه لون تعوفيها وتخليها تنكب عليه تحجي وروحهه مفرفحه

جابر : يلا يلا مصار شي

كومي غسلي

كامت وروحهه مفرفحه وتدردم

نور تاكد بكل هدوء ولا چن صاير شي بس احس بعيونهه نضرة الانتصار.............

طبعا مرجعت مرت عمي ع الاكل

بقينه ناكل لحد مكملنه وكمنه نشيل بالسفره

بنات عمي نسخه مصغره من امهن مينبلعننن

عافن السفره وراحن يتبسبسن بالمطبخ

اني ولمى وعمر ابن عمي بقينه ننقل بالسفره

ونور ك العاده اكلت وغسلت وضلت تلعب بموبايلهه ولا اجتي ولا تقربت

نور بهذا الوقت جان عمرهه(١٣)سنه

وماما حييل مدللتها يعني جان عمرها صغير وعدها موبايل حديث بذاك الوقت اسمه نستله

بس مجان عدهه رقم احد بس رقم بابا وماما  وبس

المهم كملنه الاكل وواكفه بصف بنات عمي

مرام: لقاء تحتاجين شي اسوي

لقاء بت عمي الجبيره عمرهه بذاك الوكت٢٠ سنه

وعدهه اخت اصغر منها اسمهه هناء عمرهه١٨ سنه

لقاء: طلعي الستكاين من الكاونتر وخليهن بالصينيه بين ميصير الجاي

رحت سويت الي كالت عليه

بس اني ما اندل غراضهم فطلعت الي صار كدامي

هيه شافتهن محجت

اجتي خلت شكر وصبت الجاي واخذت الصينيه

اني بقيت بالمطبخ بصف هناء هيه تغسل المواعين واني انشف بيهن وارجعهن بمكانهن

داشتغل وياها

وجان اسمع مرت عمي عاطت

سلمى : هااي منو مطلع ذني الستكاين

لقاء : مرام طلعتهن

سلمى : شيليهن شيليهن هنه ذني استكاين نصب بيهن جاي

اني اصلا خالتهن لعمال المعمل من يجون يشتغلون اصبلهم بيهن مشافت شكلهن شكد مخربط

اجتي عليه بيدهه الصينيه

سلمى : هذا  الترتيب الي  تعلمتنه جانت امج تكوم وتكعد تحجي بي بناتي مرتبات وبناتي معدلات!! متشوفين ماعون الجاي لون والاستكان لون!! اني شلون راح اتحمل

والله شكلجن بنات حارث راح تموتني

اني من النوع هادئه ومسالمه شكد حجت ولا جاوبت ولا رديت بس الدمعه غرغرت بعيوني

جابت الاستكاين وفرغتهن وطلعت استكاين جدد وصبت جاي من جديد

واجتي عليه

سلمى: مرة الخ تعلمي الترتيب هذني الاستكاين الي نشرب بيهن  مو مطلعتلي تك وتك شحالهن

ني بس هزيت راسي

كملنه تنظيف رحت بالغرفه يم البنات لمى نايمه وخاله دشداشة ماما يمهه حاضنتهه ونايمه

نور مشغله التلفزيون ومتمدده بالگاع

اني اجيت مددت بلا ما احجي  شافتني نور سألتني

نور: شبيها تجوعر الهايشه

مرام : ع الاستكاين مال جاي  ما اندلهن ومن طلعتهن لقاء جانت واكفه بس مكالتلي مو ذني سكتت وامهه اجتي تحجي عليه وفلشلتني حجيتهه وبجيت

اجتي نور يمي

نور : وتبجين من ورا هاي الهايشه

وابوج شبي معرف يحجي ولو هوه جاب عمره ساكت

اني اخذلج حقج واذا مفشلتهه ما اتسمى نور

حضنتني ونمت

ما ادري شكد نمت كعدت دنيا غروب حييل شكد نايمه

نور نايمه ولمى كاعده تلعب باللعابه مالتها.........

يعني شكد شايفه ناس تكره وتحقد بس مثلهم ابد مشايفه عود اقاربي وهيج يتعاملون ويانه الي يكولك كاتلين ابوهم زين عمامي ونسوانهم يكرهونه بابا ليش مايطيقنه مو ماخذ ماما ع حب ليش ماعنده حنيه علينه راح يتزوج يدور راحته اني اعرف الاب يصير سند البنته وهاا طبعا ماما كاتبه ب الوصيه انو يخلينه نكمل دراسنه زين اذا هوه ب فاتحتها ماحظر وعود يحبها شنو من حب هذا الي يخلي الواحد تزةج ومرته ماصايرلها سنه من متوفيه اقسم بالله انو هذا مايتسمى ابد......

إحنا محتاجين في حياتنا " طرف مضمون "

سواء كان : صديق ، حبيب ، قريب ، المهم الأيام ما تغيره ، شخص يكون فاهم دوره في العلاقة وعارف واجباته ومكتفي بحقوقه ،.............

اهواي انظلمنه وعانينه وانكتلنه وجعنه انام بدون عشى لو نتغده ماانتعشه نتريك مانتغده زين اريد اسأل هل السؤال احنه شنو ذنبنه ليش انظلمنه بين اوغاد بشريه وحوش ماعدهم للرحمه اي صله زين احنى من صلبهم من عدهم ليش الغريب يحن علينه والي من دمك ولحمك ينكرك ابد مشايفه بحياتي هيج ناس ولا راح اشوف ويجوز اكو اتعس من حالتي.........

احنه مالنه سند كل وحده من خواتي سند للثانيه اني بطلتني من المدرسه وخلتني اني ونور اختي نشتغل وانلم الها فلوس، اله ان اجه هذا اليوم................

꧁꧁꧁꧁꧁꧁꧂꧂꧂꧂꧂

- توجد مرحلة هادئة في حياتك، لا يستطيع أحد فيها معرفة الذي يجول في خاطرك، لا تطلب لا تنوي فعل شيء ولا تُلمّح لشيء، الأعزاء فقط يلمحون تعبك، يُضيئون العتمة الواضحة، يُدارون خاطرك، يُهربون الضحكة في أيامك، يسعون لتلميع ما بهت في ناظرك، ولا أجد عزاء حقيقي أكثر من هذه المحبة ...................

توجد مرحلة هادئة في حياتك، لا يستطيع أحد فيها معرفة الذي يجول في خاطرك، لا تطلب لا تنوي فعل شيء ولا تُلمّح لشيء، الأعزاء فقط يلمحون تعبك، يُضيئون العتمة الواضحة، يُدارون خاطرك، يُهربون الضحكة في أيامك، يسعون لتلميع ما بهت في ناظرك، ولا أجد عزاء حقيقي أكثر من هذه المحبة .

***********************************

كعدت دنيا غروب

نور نايمه ولمى دتلعب باللعابه مالتها

كمت رحت للحمام وبطلعتي سمعت ابويه يحجي ويا عمي ومرته

حارث: والله اني اكيف اني هم رجال واحتاج مره خما اضل هيج

سلمى : والله حارث انت حالك حال اخويه والبنات الله شاهد مثل بناتي وهم اخاف عليهن من مرت الاب ذني يتامى واختي تحب الاطفال وهم تكسب بيهن اجر وهم مو غريبه

جابر : ي صحيح حارث واذا تزوجتها انطيك الشقه اليم المعمل واكعد بيها حتى شغلك يبقى هنا

حارث : يصير خير

سلمى انتي هم حاجيها واقنعيها والي بي خير الله يقدمه

سلمى : ادلل ابو حيدوري

كاعده بباب الغرفه وداسمعهم يردون يزوجون ابويه وامي مصارلها شهرين من ماتت

معقوله بهل سرعه نساها ويريد يتزوج

زين احنه باجي سلمى محامليها شلون اختهه!!

فتت للغرفه كعدت نور

مرام: نور اكعدي دا سولفلج شسمهت نووور دكعدي تنبل متشبعين نوم

نور بتثاقل: هاااا ولج خليني نايمه شترديين

مرام: كومي سمعت يردون يزوجون اخت باجي سلمى لبابا

كمزت نور

نور: شنوو شنوووو منو كلج

مرام: اني سمعتهم ديقنعون بي وبابا قابل  يكول علمود البنات

نور: يي مو هوا بكيفه يقبل غير اكلب الدنيا اذا تزوجهه اخابر جدو واخلي يجي ياخذنه يمه وخلي ابوج يتزوج التعجبه

مرام : ☹️☹️☹️

رتبنه الغرفه وكمنه طلعنه يمهم بالمطبخ

يسولفون بأمور منفهمهه

بس ابويه ابد ما احسه حنين علينه

يعني مأجه سأل وحده بينه محتاجه شي عندج مصرف ضايجه جوعانه نعسانه ابددد ابدد ولا سألنه

كملو العشى وتعشو وغسلو المواعين بس هل مره باجي هادئه رغم متحجي ويا نور بس هادئه

طلعو بابا وعمي بالليل

بقينه بس احنه

صاحت علينه باجي

سلمى: نور مرام تعالن

رحنه كعدنه يمها

سلمى : شوفن ماما امجن ماتت وانتن تعرفن ابوجن رجال يحتاج مره تداري تكمل احتياجاته انتن بنات تحتاجن الي يخدمجن الي يساعدجن

نترت نور : لا منحتاج احد كلشي نعرف نسوي

سلمى: نور لتنترين لا الخمج على حلگج اسمعن عدل

اني اتحملجن يوم يومين اسبوع شهر ماكدر اتحمل اكثر اني هم عندي جهال وبيت يعني مو بطرك روحي  واول تالي ابوجن يريد يزوج  واحسن ميجيبلجن وحده من الشارع تبهذل احوالجن يريد يخطب اختي ندى 

احنه سكتنه منعرف شنحجي

سلمى : نور انتي اكبر وحده بيهن وتفتهمين

اول تالي ابوج يتزوج واني علمودجن ماريد تتبهذلن وعمج راح ينطيكم الشقه الفوك المعمل تكعدون بيها وابوج يضل شغله هنا

باجر راح تجي ندى

لسان طويل ومرادد ماريد

نور : ان شاء الله عفتها وكمت

ادردم بيني وبين نفسي

اني اعلمك يا حارث

احنه سلمى مطايقيهه مو نوب اختتها والله لاكلب الدنيا

مشى اليوم طبيعي  اجه بابا بس مكدرت نور تحجي ويا لان كلهم موجودين..........

اجتي ثاني يوم ندى بس شكلهه فقيره مو مثل باجي

هادئه كولش

كعدت يمنه سألتنه على اعمارنه وبيا صف ومن هل اسأله

وعده اليوم عادي

بس الي عرفنا انو هيا رافضه بابا لان يشرب واصلا بعد وفاة زوجهه ممفكره تتزوج

ارتاحينه من هاي الناحيه نوعا ما

بس بقينه ببيت عمي الي ابددد مرتاحينه بي

بيت جدو وخالاتي وخوالي ولا واحد سأل علينه وكل منگول لبابا يكول محد خابر

ومن نكوله نريد نخابر نسال عليهم يغلس

بقينه مايقارب ال٣ اشهر ببيت عمي

وهوايه مواقف موحلوا صارت

من جهه باجي سلمى شاده ويانه وبالاخص ويا نور

ومن جهه نور متكعد راحه يوميه مسويه مشكله وياهم وتخبث عليهم

مره من المرات جانت باجي والبنات طالعات للسوگ من رجعن وفتحنه الباب الهن جان وياهم ولد شايللهم الغراض ولقاء ضلت بالباب تسولف وتضحك وياا

ليش ما اجه عمي ولزمي يا نور وكوليله  ولزم لقاء كطعها تكطع من الكتل  ومن عرفت باجي نور الي كايله لعمي تخبلت منهه

وكامت تتهمهه انو تبوك بملابس بناتهه سألو نور ونور نكرت هيج شي كالت اصلا ملابسهن جبيره عليه شسوي بيهن

بس لقاء وهناء كالو شلناهه خلتهن بالجنط

كومو فتشو الجنط وصدوك تطلع ملابسهن بالجنطه مال نور

نور تخبلت وتحلف بكل امام هيه مماخذتهن ولا خالتهن بجنطتهه بس محد صدك وكلهه ضلت ترزل بيها وابويه رزلهه كدام الكل مسح بيها الكاع

نور شبعت بجي بيومهه واول مره اشوفهه ضعيفه ومكسوره

بالفعل احنه وره وفاة ماما انكسرنه وهوايه نهانينه من القريب قبل الغريب

وموقف ثاني

نور متعلمه ببيتنه تطلع وتروح للاسواق وتشتري

بس بيت عمي عدهم عيب بنيه تطلع

فمره نور الظهر اخذت فلوس من العدهه وكالت لباجي راح اروح اشتري

باجي مقبلت كالتلهه ممنوع تطلعين

نور اخذت الفلوس وطلعت ولا سمعت

من رجعت جانت باجي واكفتلهه بباب المطبخ وبيدهه الجفجير اول مفاتت ضربتهه بي وضلت تضرب بيها

نور عصبيه وبحياتهه محد ماد ايده عليهه  تخبلت من باجي ضربتهه

فقدت كامت تعيط عليهه

انتتتتي منووو وتضربينييي مو من حقج تمدين ايدج عليه بيج خير روحي ضربي بناتج وربيهن احسن من ما كاضياتهه يحجن ويا الزلم

هيا سمعت هيج وهدت على نور ملختهه تملخ نريد نفك نور من ايدهه منكدر

اخر شي جابت جنطنه كلهن وشمرتهن بالطرمه وكالت لحضه هنا متبقن هسه تخابرن ابوجن يجي ياخذجن اني مفاتحه بيتي ملجأ وجان تسد باب المطبخ

بقينه اني ولمى ونور بالطرمه ظهر والدنيا حاره ولا اكل يمنه ولا مي

شبعنه بجي وهيا ولا رف قلبهه علينه

خابرت نور على ابويه

كلتله تعال هسه باجي طردتنه واحنه بالطرمه

اجه ووجهه ميگصه السيف

دك الباب فتحتله الباب

وهيه تبجي ودموعهه على خدهه

وتقبلهه ابو حيدر يناتك يتجاسرن عليه ومن هل حجي ابويه مصدك عبالك جان متحلفلنه لزمنه كبالهه وضربنه وهاي اول ابويه يمد ايده علينه........

وصلنه لبغداد ورحنه لبيتنه

اول مدخلنه اله يقبض الرووح

وهاي اول مره ندخل للبيت وماما مابي

طلعنه منه وجانت ماما مريضه وجان بأعتقادنه راح تطيب ونرجع سوه

البيت اظلم وتراب ويخنك مابي كل روح 

اول مدخلنه  فوت الجنط مالتنه بابا وعافنه وطلع هذا الحجي ساعه ب ٥ العصر يعني قريب الغروب

بيقينه اني ونور ولمى رجعنه ملابسنه بمكانهن وكعدنه ميتات جوع وحده تباوع بوجه الخ

الثلاجه فاارغه كولشي مابيهه

راحت نور اشترتلنه حلويات واجتي

كعدنه ناكل

كملنه

وكامت نور فتحت كنتورها وطلعت دفتر المذكرات وكعدت تقره بالمذكرات الي كاتبتها ماما الهه

….. الى ابنتي ونور عيني نور الغاليه

اتمنى لكِ الموفقيه والنجاح الدائم في حياتكِ العلميه والعمليه

واتمنى ان اراكِ بأحسن المراتب

كاعده تقره وتبجي واحنه نبجي وياهه

كامت طلعت اكسسواراتهه والهدايا الي جايبتهن ماما الهه

غراضهه كولهن موجودات اله الگلاده الذهب ماكوو

نور تخبلت كلبت الكنتور كلاب تدور ع الگلاده ماكو شبعت بجي تريد تعرف الكلاده وين راحت

كولش تحبهه لان هاي اخر ذكرى من ماما الله يرحمهه...........

حتى مفكر يفتهم من عدنه اكتفه بحجيها وضربنه  ورزلنه كال يله امشن ولن دا اخذجن انعل ابوجن لابو ساعة السوده

لملمنه غراضنه الباقيه وطلعنه متوجهين لبغداد

الطريق كله نبجي ومهضومات لان ابويه ضربنه بلا سبب ولا حاول يفتهم منه شي

طول الطريق وجهه مخنزر وبس يدخن......

مرام: احنه بابا ابد ماشفنه حنيه من عنده لان احنه اساس منعرف السبب ف مره جنه كاعدين جان يسألني

بابا: مرام شنو تتوقعين امج اجيب ولد..

مرام: اي بابا يصير عندك ولد وتحبه اكثر من عدنه

وصدك صار عنده ولد ويفضلهم علينه ابد ماشفنه من حنانه كان كل وقته يسأل عليهم وهاملنه ليش يهملنه مو من دمه ولحمه احنه اني مااعتب ع الغريب ولا ع اهله اعتب عليه هوه لان يتسمى ابويه الزود بس مثل ما يكولون الله يمهل ولايهمل ان شاء الله........

وطبعا قصه هاي الكلاده الها قصه وحدها وان شاء الله تعرفوها ب البارتات الجايه ان شاء الله ♥

********************************

توجد مرحلة هادئة في حياتك، لا يستطيع أحد فيها معرفة الذي يجول في خاطرك، لا تطلب لا تنوي فعل شيء ولا تُلمّح لشيء، الأعزاء فقط يلمحون تعبك، يُضيئون العتمة الواضحة، يُدارون خاطرك، يُهربون الضحكة في أيامك، يسعون لتلميع ما بهت في ناظرك، ولا أجد عزاء حقيقي أكثر من هذه المحبة ............

شبيه اياد زوج مرام

مرام

اتمنى لكم قراءه ممتعه....

لا تنسون تفاعل ولايك حلو مثلكم☺️☺️........

مهما كانت علاقتك بشخص ما جيّدة و قوية ، مهما تشاركتم الأسرار ، و التفاصيل التي لا يعرفها عنكم أحد ، مهما تشاركتم من ضحك ، و بكاء ، ووعود ، لا تُعطي لنفسك مكانة أكبر من المنطق.. المنطق الذي يثبت دوماً أن العلاقة الكبيرة قد تهدمها كلمة واحدة فقط......

**********************************

اجه بابا دنيا ليل وضعه مخربط شكله شارب

راحت نور سألته

نور: بابا گلادتي الذهب ماكو الي جابتهه ماما ماكو

حارث: شنووووو انتي شتحجيين وين خالتهه

نور: بالكنتور ويا غراضي 😭😭

حارث : دماغسززز اكو وحده تخلي كلاده ذهب بكنتور واحنه طالعين عايفين البيت صارلنه كومه ليش هيج مو حريصه على غراضج طايحة الحظ

نور : شمدريني غير ويا غراضي منو يفتح كنتوري اصلاا

حارث : لج بابا غبيه انتي غير عايفين البيت وطالعين شلون عايفتهه وطالعه

ضل يرزل بيها ويحجي عليهه ونور بس تبجي متعرف شسووي محروگ قلبها ع الكلاده لان من ماما

راح بابا جابلنه عشى وبانزين حتى يشغل المولده

تعشينه وشغل المولده نضفنه الي نكدر عليه

لان البيت تراب ومينحمل

كملنه نور سبحت لمى وسبحت وفتت سبحت وراهن فرشنه بغرفة ماما ونمنه

بابا نايم ع الجربايه ونور بالگاع ولمى بصفهه واني بصف الحايط وجان تفوت ماما بالغرفه شغلت الضوه

كمزت من شفتهه

مرام: مامااااا هاااي انتي ليش عفتينه مامااا

الام: اششششش اسكتي ليگعدن اخواتج

اجتي كعدت بصف بابا ع الجربايه ضلت تلعب بشعره  وبشواربه عافته نزلت على نور باستهه من گصتهه وحضنت لمى وضلت تشمشم بيها

مرام: ماما احنه اشتاقينالج ليش عفتينه

ماما باجي سلمى وبابا ضربونه ويردون بابا يتزوج

الام : اششش ماما نصي صوتج اني معايفتكم هاي اني يمكم باستني بخدي وكامت طلعت من الغرفه

طلعت وراها تتمشه بالبيت لحد ما وصلت للغرفه الصغيره فتحت باب البلكونه بعد مشفتهه رحت اركض وراها اريد الزمهه ماكو

فزيت من النوم مخنوكه وفحطانه عبالك جنت اركض بالحقيقه كعدت ابجي بلا حسس شكد اشتاقيتلهه  اباوع على غرفتهه ملابسهه عطورها جربايتها مكينة الخياطه كلهن على حطتهن كمت على كيف كعدت ع الجربايه بالمكان الگعدت  بي اباوع بابا نايم وغاط بنومه ضليت مركزه على نفسه يتنفس لو لا صارت بيه خوفه  كمت على اخواتي اباوع عليهن نايمات

اني ليش كاعده ليش ما انام

ليش من ماتت ماما لهسه ما ارتاحيت بنومتي ليش تجيني كوابيس تحرمني النوم

كمت اشرب مي واخذتلي  صفنه ع الثلاجه (( حسبي الله ونعم الوكيل لاحوله ولا قوة الا بالله)) عباره ماما كاتبتهه بخط ايدهه ع الباب مال ثلاجه  جانت دائما تكول من تختنگون رددو هاي العباره الله يفتحهه بوجهكم كمت اردد بيها ودموعي تجري

طبعا اني كوولش عاطفيه وحنينه بشكل

ماما الله يرحمهه جانت تصيحلي الحنينه

تكول انتي احن وحده بخواتج

فأكثر وحده تاثرت بوفاة امي ولحد هاي اللحضه ولهذا عمري اكعد ساعات ابجي عليها وهووايه اذكرها ولحد هسه مكدرت اتعدى وفاتهه واحسبه شي عادي

اني من النوع دمعتي بصعوبه تنزل والي يشوفني يحسدني على قوتي بس مجرد مينذكر اسم امي اضعف وابجي  لهذا عمري من اروح لقبرهه املخ روحي عبالك البارحه ميته اگلب المقبره گلاب

شربت مي ورجعت لفراشي احاول انام

ثاني يوم الصبح بابا كعدنه جابلنه ريوك وسوينه جاي وكعدنه نتريك

حارث : اليوم صديقي يجي يمي العصر نور اخذي اخواتج وروحي لهذا المنتزه الي بصفنه

نور: صار

صار العصر بابا نطانه مصروف وكال روحي ويمتى ميعجبكم رجعو حتلو بالليل

فرحنه ورحنه على جيرانه حتى بناتهه يروحن ويانه وبالفعل اجني ويانه

رحنه اشترينه وتمشينه للمنتزه

نور نبهه وذكيه

نور: مرام !! شعجب بابا دزنه للمنتزه وكال يمتى ميعجبكم تعالو وقبل جان اذا نتاخر شويه يضل يحجي علينه

مرام: شمدريني هسه تعالي خل نلعب

نور: لزمي لمى وروحي لعبي وياهه اني هسه اجي

نور : اني مو غبيه وذكيه بشكل ومدرستي ثانويه يعني عايشه ويا الاكبر مني من سمعت حجي ابويه حسيت اكو شي ابد مطمنت

عفت البنات بالمنتزه ورحت وكفت قريب ع الفرع مالتنه اريد اشوف ابويه وين راح يروح  انتضرت انتضرت ماكو شي مليت كلت خل اروح العب احسن

لعبنه وتونسنه اجه ابن جيرانه اخذ اخواته لان الدنيا بدت تضلم

نور كالت كافي خل نرجع محد بقه بالمنتزه رجعنه نمشي وچان نشووف ابويه و………

جان نشوف ابويه ويا عمتي الجبيره ومره هاي المره نعرفهه مو راحه ابدد صديقة عمتي بس مره اجتي ببيتنه وماما ضاجت وكالت لعمه بعد ماريدهه تفوت بيتي

واتذكر بيومها ماما وبابا تعاركو بسببهه

زين هاي شجابهه بيتنه

زين صديق ابويه مو بالبيت شلون عمه وهاي المره بالبيت ضلينه دايخات نور گلمت تطلع دخان من العصبيه بس مفتهمنه شكوو

رحنه للبيت جان فارغ وبابا ديسبح

نور فاتت تفتش بالبيت مثل المخبله ماعرف شتريد

طلع بابا المنشفه على جسمه حجه

حارث: هااا شبعتن لعب

نور : بابا عمه دلال وصديقتهه شيسون هناا

حارث : هااا شنو دلال  هااا ايي اجتي دتشوفجن اذا محتاجات شي وكتلهه ديلعبن بالمنتزه كعدت شويه وراحت

نور : وصديقتهه اسماء شعدهه جايه ماما تكرهه ومتحبهه ومتقبل تفوت بيتهه شعدهه طبت ببيتنه

حاررث: ايبي اجتي وياهه خطارر قابل اطردهه لتضلين تنعثلين يلااا كومي سوي زقنبوت احسن من هذا الحجي ومعليجن بالي يطب ويطلع اني موجود واعرف منو مسموحله يطب ومنو ممسموحله لتخلني اسبچن واسب امجن

راحت نور للمطبخ متعرف شسوي بس تبجي

طلعت طماطه كلتهه  وراحت جابت صمون وببسي وكعدنه ناكل صحنه على ابويه مقبل ياكل عافنه وطلع

احنه هم اكلنه وفرشنه اسنانه ونمنه..........

اني دائما جنت اشوف ماما اضوج من هاي المره لان حاستها تريد خراب بيتها واحنه ماشاء الله شون يحبونه وخاصه هيه مرت عمي هاي ماحبت ماما ابد وهيه الي زوجت بابا ادري بس اني ماافهم بهيج شي يعني مجنخ نعرف هاي العكربه راح صير مرت بابا وتعيشنه بجحيم خرابه بيوت وهيه للحقد والكراهيه عنوان واما الاب ماشفت مثله بحياتي الي يكول لبناته هنه صغلر ارجعن ب الوقت  الي يعجبجن ماعنده حس ب المسأوليه ابد ولا حريص علينه خلانه يم مره ماتعرف اي انسانيه ولا ذره رحمه بكلبها اتجاه ايتام اني مااكول غير بس حسبي الله ونعم الوكيل على كل ظالم ضلمنه ب الدنيه واريد الله ياخذ حق هاي اليتيمات من الدنيه قبل الاخره احنه ندري رب العالمين يكول ب كتابه الكريم((فُأمًآ آلَيَتٌيَمً فُلَآ تٌقُهّر)) بس همه ما طبقو كلام الله لا سوو عكسه سوو كلشي حرام سوو كلشي عكس الي كاله رب العالمين سحر وسوت حرام وسوت زنى وزنت قتل وقتلت انتو ك بشر هيج واحد يتسمى بشر لا حرام يتسمى بشر حيوان هواي عليه وهتكت عرض فككت عائله بكبرها زين بس ردت اسألها ليششش....

وللعلم هيه من حياة امي جانت راسمه ع بابا وزوجتني واني بعمر صغير حتى لاختي وبابا سوت سحر واختي شرت من وراهه ابد ماشفنه رتحه من دخلت حياتنه لحد هاي الساعه الي تاخذ واحد ب السحوره مالها وتقتل بشر ب السحر........

زين ليش ماما مااخذ حقها من الي قتلها ماما ما ماتت بهذا المرض ماما ماتت بسحر هاي الجلبه اي مااخذو حقها وماتت شابه بعمر الورد صغيره والله ماما صغيره ع الموت ما شافت شي من حياتها كل عمرها

٣٣سنه العالم ليوين وصلت ب التطور واحنى بعدنه ب سوالف السحر وفلانه وعلتانه  وحايرين ب اسوالف القتل وانهب والتهجير

طبعا بعد ماشفنه هلي المره دخلت لبيتنه اتفاجئنه ثاني يوم ب الخبر الي نزل مثل الصاعقه على روسنه......................................

**********************************

مهما كانت علاقتك بشخص ما جيّدة و قوية ، مهما تشاركتم الأسرار ، و التفاصيل التي لا يعرفها عنكم أحد ، مهما تشاركتم من ضحك ، و بكاء ، ووعود ، لا تُعطي لنفسك مكانة أكبر من المنطق.. المنطق الذي يثبت دوماً أن العلاقة الكبيرة قد تهدمها كلمة واحدة فقط

*********************************

‏ما يناسب غيرك ليس بالضرورة أنه يناسبك، فلا تاخذ نصائح غيرك مقياساً مطلقاً لما يصلح لك، استفد من نصائح غيرك مستعملاً عقلك، مقدراً لوضعك، مستبصراً بظروفك، عارفاً لقدراتك، فلديك بصمة خاصة بك لا يملكها أحد، ولا يفهمها أحد سواك، فأنت الأدرى بحالك.

***********************************

عمي مدللين بعد شنو تردون يوميه بارت حبايب كلبي تستاهلون اريد تفاعل ولايك حلو مثلكم

اتمنى لكم قراءة ممتعه........   

إنك الشخص الوحيد الذي تأنس روحي معه يأتي و يزيل كل هذا الآسى بكلمة واحدة و أطمئن، إنك الشخص الوحيد الذي لم تقلل المسافة من محبتي له و رغبتي في البقاء معه بل أحبك كل لحظة كأنها المرة الأولى، أحبك جدا و لن يمحي هذا الحب أي شيء ❤"

*********************************

اجه ثاني يوم ابويه يريد ياخذنه لبيت عمتي الجبيره

حارث : نور مرام لمى تحضرو دنروح لبيت عمتكم دلال

بدلنه وتحضرنه واخذنه ابويه لبيت عمه دلال

طبعا عمه عدهه بنيه من عمرنه اسمهه نهى

وصلنه لبيت عمه جانت عمه موجوده واسماء ونهى سلمنه وگعدنه

بقى بابا شويه يمنه وگال راح اروح بشغله وارجع  جلبت ويا اسماء

اسماء: عيوني ابو حيدوري تكدر توصلني بطريقك

حارث : اي ادللي تعالي

اخذها وصعد بالسياره وراحوا

احنه ضلينه فاتحين حلگنه

بقينه يم عمه

ضلت تسالنه عن وضعنه ومن هل اسأله

كالت انو ابوكم يريد يزوج اسماء

نور فتحت عينها على وسعهن

نور: عمه ملكيتوله غير اسماء يتزوجهه

دلال: وشبيها اسماء حلوا وشابه وابوج هاويها بعد شنو الي يمنع يتزوجون

نور: ماما جانت متحبهه تتذكرين كم مشكله صارت بسببهه

دلال : عمه امج وماتت والوضع اختلف هسه ابوج ارمل ومطلگ وعنده ٣ بنات منو تقبل بي مو زين اسماء قبلت بي !!

ضلينه صافنات منعرف شنحجي اذا هوا اصلا ماخذ قراره بعد حجينه لا يقدم ولا يأخر

كمنه نلعب ويا نهى بس نور نتيهت على رگبة نهى ونصدمممتتت

نور: شفنت برگبة نهى بت عمتي گلادتي الي ضايعه تخببلللت

— نهى منيلج هاي الگلاده  هاي گلادتي وضايعه

نهى: شنو مالتج ماما اشترتهه اليه

نور : رحت اركض على عمتي ودمعتي بعيني

— عمه هاي الكلاده الي برگبة نهى مالتي ضايعه وسألت نهى تكول ماما جابتهه اليه

واني گلادتي اعرفهه والله

دلال : والله يا عمه مادري شكلج صدمتيني

هاي الكلاده قبل شهرين جابهه حارث كال بيعيها اليه واني كتله  اخذهه لنهى مادام حرفهه ونطيته فلوسهه

نور: منقهرت لان بايعهه ولا انقهرت لان غيري لابسهه وهيه مال ماما الله يرحمهه واخر هديه الهه   بس الي قهرني ضل يرزل بيه من كتله ضاعت والي قهرني اكثر محترگ قلبه عليه من شاف دموعي تنزل عليهه 

بديت اكتشف ابويه بديت اعرف ماكو احد حنين علينه غير امي

كتلهه تمام عمه بالعافيه عليج

عفتهه وكعدت ع الدرج ابجي

يعني حتى ذكرى من امي مبقه

زين شلون يمد ايده على شي مو اله

ماما جانت تكول الي يمد ايده على شي مو اله يعتبر سارق يعني الله يحاسبه

معقوله ابويه سارق؟!!

كمت اتصفن  صفنه تجيبني وصفنه توديني هاي ماما صارلهه ٣ اشهر من ماتت وحار شسوه

شلون بينه لو تزوج اسماء !!

اجه ابويه بالليل وكعدنه وجانت عمتي كاعده

وفتح موضوع اسماء ويانه

حارث: شوفن بابا اني رجال احتاج مره تخدمني تكمل احتياجاتي  انتن صغار تحتاجن ام على راسجن باجر عكبه تخلص العطله وتجي مدارس تحتاجن وحده تقوم بواجباتجن  ودتشوفن شلون متبهذل بيجن  من بيت لبيت

واني قررت اتزوج اسماء

مره زينه وحبابه والاهم من هذا تحبجن

حتى تلمجن ببيت واحد ومتبقن من بيت لبيت

هوا يحجي ويجاوب روحه واصلا ماخذ قراره يعني حجينه مراح يأثر عليه

سكتنه محجينه شي  ونور اصلا حسيتهه مهضومه من سالفة الگلاده فأصلا لا اعترضت ولا فتحت موضوع  اكتفت بالسكوت

بقينه ايام ببيت عمتي واسماء ضلت تتردد عليها ويوميه جايه  من ابويه موجود تكعد امى بحضنهه وتمشطلهه وتلعب وياهه  ومن ابويه ماكو اصلا ولا تتقرب النه

بتاريخ ٧/٩ بنفس السنه الي توفت بيها ماما يعني بعد 5 اشهر ضبط من وفاة ماما

جان زواج ابويه من اسماء

هوا لابس قاط ومزين وصابغ شعره وفرحان عبالك اول عرس اله

وهيا بدله ومكياج وهم عبالك اول عرس

الهه

توسلت بينه عمه حتى نروح بالزفه بس ولا وحده بينه قبلت تروح

عمتي اخذت بتهه وراحت للزفه

بقينه بس اني والبنات بالبيت

ساعه نبجي لان كدر ينسى ماما وساعه نبجي لان فكر بمصلحته وراحته وساعه نور تتذكر الكلاده الي نياگت منها وطلع حاميهه حراميهه

ليله سوده جانت ومتنسي

اجتي عمه وبتهه بالليل

زافيهم لبيتنه وهنا شبعنه قهر اكثر

يعني هم اخذت ابويه وهم اخذت مكان امي بالبيت ونوب تتزوج بجرباية ماما ومكانهه؟!!

سكتنه وما باليد حيله

نور طلبت من عمه تخابر عاى جدو

كالت نبقى يمه فتره لحد ما العريس يحن علينه

بس عمه كالتلهه ماعندي رقمهم اخابر ابوج واخذ رقمه من ابوج واخليج تخابري

عدى على زواج ابويه تقريبا ١٠ ايام 

بعد اليوم العاشر عمه جانت عازمه ابويه ومرته ع الغده  فأجوي

منضرهم مدري نضحك عليه مدري ننقهر على امي الي راحت تركض للموت

اجه هوا ودشداشته عبالك مطبگ عليها كاشي معرفت تلزمهه وتكويهه اله وهيا بالفستان الابيض عبالك عمرهه٢٠ سنه ولاطخه الحمره الحمره وتتمعلج ضليت مركزه بمعانيهه موحلوه

والله مو لان مرت ابويه بس شكلهه حشى خلقك الله تخززي خشمهه كوولش جبير وطويل ووجهه هم طويل وسنونهه متراكبه شجاا ابويه وقبل بيها رغم هوا حلوو

نور شافتهه وهيا منا حاقده عليهم راحت دتسلم عليهم سلمت على اسماء ورجعت دتسلم على ابويه كالت لاسماء

نور: بلا زحمه ممكن خشمج داريد افوت

اسماء ضلت صافنه بوجهه وهاي جانت اول عداوه تنولد بين اسماء ونور 

طبعا ابويه بهذاك الوقت عمره ٥٠ سنه وهيا عمره ٣٥ سنه....................

كملو الغدا واكلو وصبو جاي وفقرة جاي وجذب وكل واحد يحجي ببطولاته ايام زمان وكلهه تجذب ناس ترفع وناس تكبس  كملو

بابا كال يله حضرن ملابسجن دتجن ويانه

كمنه حضرنه ملابسنه وبدلنه سلمنه على عمه وطلعنه

الطريق كله هدووء محد حجه وصلنه للبيت  فتحنه الباب ودخلنه

واول مدخلنه اسماء نزعت الحجاب بالطرمه وكالت

اسماء: يمةة واحد ميرتاح اله ببيته

نور تمشي وتدردم

— شو صدگت روحهه بيتهه هيا مصارلهه كم يوم شبسرعه صار بيتهه

كبل فاتت للغرفه  وفات وراها ابويه 

نور تهز بأيدهه معاجبهه الوضع

راحت بدلت ولفت راسهه ونامت

لمى طشرت ملاعيبهه بالغرفه وكعدت تلعب

اني جانت ماما الله يرحمها معلمتني حياكه بس بعدني مبتدئه يعني ماعرف اسوي اشياء بس اعرف احوك قطع فجنت من اضوج او ماعندي شي اخذ الكرات  مال صوف والسناره والتهي بالحياكه

فشفت روحي ضايجه طلعت الكرات والسناره وفتحت باب البلكونه وكعدت احوك

مرت فتره طويله واني كاعده مندمجه بالحياكه لحد ما ضلمت الدنيا كفتهن من ايدي وكمت كعدت نور

مرام: نونه نوور كافي اكعدي والله ضجت نووور دكعدي كافي نوم

نور : شتردين مني خليني نايمه

مرام : والله جعت ومليت انتي نايمه وبابا وباجي نايمين ولمى دتلعب بملاعيبهه وني باقيه وحدي من الضوجه جعت ☹️

نور: لعد ابوج شكو تزوج ست الحسن مو علمود تخدمنه ؟!

شو من اجتي لهسه بالغرفه متكوم تسوي اكل لو تنتضرنه  احنه نسوي

مرام: عوفي ملازم ماريد

نور: شو دوخري الفاهيه متريد

ابوج كال تزوجت حتى تخدمكم  يعني مو حتى تكضيهه نايمه واحنه نخدمهه

— كمت من فراشي طلعت من الغرفه توجهت لغرفتهم ودكيت لباب

— باجي باجي

اسماء : طلعت منزعجه وووجهه ميگصه السيف

— ها نور شبيج تصيحين فززتينه

نور:  باجي متنه جوع نريد عشى

اسماء: ي چان كمتي سويتي الج ولخواتج مادامج جوعانه

نور: ماعرف

اسماء: لعد شلون جنتو بالبيت ابوج يكول تسويلهن

نور: باجي بابا كال راح اتزوج حتى تجي وحده تقضي احتياجاتكم  هوا اني لو اعرف اسوي اكل جان مخليت بابا يتزوج 

اسماء: وشنو جايبني للخدمه مثلا!!

— حارث !! حاارث!!! شو اكعد

حارث: هاا شكو شكوو

اسماء : بتك تكول سويلنه اكل لان ابويه جايبج خدامه النه

نور : عززززا اني مكلت هيج كلت لو اعرف اسوي اكل جان مخليت بابا يتزوج اني مكلت خدامه

حارث :: للللجججج ادبسزززز متستحين تتجاوزين ع الاكبر منج رعنننننه

نور : بابا والله مكلت هيج  احجي وابجي

اسماء : شنو قابل دا اجذب اني شو انتي ممربايه

نور:  بحس عالي ما اسمحلج تحجين على تربيتي امي ربتني احسن تربيه

بس حجيت هاي الحجايه ابويه فز ضربني راشدي فر وجهي فرر

حارث: ادبسزززز يعلى صوتج ع الاكبر منج واني واكف !!

نور : ما ابقى هنا دقيقه هسه تخابر على جدو يجي ياخذنه

هاي اول يوم وهيج غيرتك علينه 

رجع ضربهه ويغلط ويسب بيها

واسماء واكفه تتفرج وتضحك عبالك مسرحيه

واحنه نبجي لان ابويه من ماتت ماما لحد هسه يهين بينه ويضربنه ويرزلنه كدام الكل

نور فقدت ضلت تصيح  ياربي اخذني وخلصني  ماماا تعالي اخذيني يمج  تعبتتتت والله تعبت

اني ولمى وحده حاضنه الخ وتبجي مابيدنه شي

وهاي جانت اول خطوات الجحيم الي شفناهه من مرت ابويه ….....................

ابويه ضرب نور ورزلهه كدام مرته وهانهه وكعت يم رجله دفرهه حيل وگلهه

حارث: يلااا كومي سوي زقنبوت لخواتج وانعل والديج اذا صخرتي اسماء داريد اشوف منو الخدامه

نور: اقبح واحقر شعور ممكن ان يعيشه الانسان هوا شعور الاهانه

مسويت شي طلبت من مرت ابويه الي عساس جايبهه لخدمتنه انو تسويلنه اكل

وين الغلط الي بالموضوع

ليش هيج ضربني كدامهه ليش غلط عليه وسبني وقبل انهان كدام الكل

مو مفروض اني بنته الجبيره !! شلون يهيني كدام خواتي الصغار  شلون يقبل ع الاهانه لبته حتى لو جانت مرته شلون يغلط عليه ويضربني كدامهه !!

لججج ماما تعالي شوفي حال نور عينج تعالي شوفي حالي خلافج  شنو الاكل واشبع رزايل وضرب واهانه علموده!!

تعالي شوفي منو اخذت مكانج وگلبت ابويه علينه

لييييش ربييي ليييش اخذتها مو تدري ماعدنه غيرهه ليش موتتهه لو موتنه احنه تلاثتنه ولا ماخذهه هيا لان نعيش بذل خلافهه

تعالي يوم وشوفي بناتج المدللاات شلون شبعن اهانه  لججج يوم تعبنه

تحجي وتبجي وتسوي اكل

هيا غير الطماطه متعرف تسوي

كلت طماطه وخلتهه كدامنه اني ولمى وعافتنه وراحت للغرفه

طلع ابويه شافنه دناكل چان يصيح

حارث : نووووور نوووور تعالي

نور: نعم

كل ضنه انو يريد يراضيهه لان اذاهه بس نصدمنه بطلبه 😳................................

**********************************

إنك الشخص الوحيد الذي تأنس روحي معه يأتي و يزيل كل هذا الآسى بكلمة واحدة و أطمئن، إنك الشخص الوحيد الذي لم تقلل المسافة من محبتي له و رغبتي في البقاء معه بل أحبك كل لحظة كأنها المرة الأولى، أحبك جدا و لن يمحي هذا الحب أي شيء ❤"....

*********************************

قد تحمِل "مرحباً " كل الحُب في هذا العالم وقد تكون"أنا أُحبك" فارغة من كُل شَيء نحُن بحاجة دائماً لشُعور الأشخاص لا لكلامِهم! رُبّما لم تكُن مرحباً عاديّة  بَل مُرّ حُباً !............

********************************

وكولو مامدللتنه وين لاكين كاتبه بارتين بيوم يلا هذا البارت هديه مني الكم وطبعا هاي الايام ماراح انزل بارت لان البطله مالتنه عدهه ضروف فهاي تعويض للايام الجايه لايك وتعليق حلو مثلكم........

اتمنى لكم قراءه ممتعه❤💜

فضلاً وليس امرا اترحمولها واقرولها سوره الفاتحه على روح المرحومه ام مرام يدخلها الجنه بحق محمد وآل محمد 🌺......

هذا آني يبعد آني

يبعد الاجه و بعد الراح

شمعه بلاعرس معلوكه

ياذلة ضواهه اتنزفه وليمته

هذا انه يبعيد  اهناك

اشتل بالجرح طرواك

واهلال العمر

لاهل ولا شفته

ولملمت الدمع تيزاب بعيوني

ولك تيزاب وحبسته

سهر بردي وجحيل ازرك

يل خشبة الكلب لو طك

يالسحن الكحل بجفوفك اسحنته

اشعندك ياشمس ميته

جفنها الثلج والغيبة والسكتة

شعندك ياولك يا آخ يا هدمي

يدمي يفور ثلجتة

ذياب كزار.....

**********************************

حارث: نووور نووووور شوو تعالي

نور: نعم بابا

حارث: جيبي تلفونج  وتعالي

نور: اوكي بس ليش

حارث : جيبي وتعالي بلا لغوه

راحت نور جابت التلفون وخلته بأيده

نور: تفضل بابا

حارث: بعد ماكو تلفون  انتي بعدج صغيره شسووين بي واسماء تلفونهه عطلان راح اخلي يمهه

نور : شنوو صغيره ماما جابته اليه ليش تاخذه مني بس هذا بقالي ذكرى من ماما تحجي وتبجي

حارث: كلت تلفون ماكو بلا لغوه زاايده يلا ولي منا

نور: حراااام عليك هذا هم مثل الگلاده والله حراام لو امي عايشه متقبلك

حارث بعصبيه : انعل ابووووج لابووو حتى امج ادبسزززز ولي من وجهي لا ادفنج بمكانج  ولللللليييي

نصدمنه بأبويه يسب امي وهيا مصارلها 5 اشهر من ماتت وهوايه ديأذينه عبالك اعدائه احنه مو بناته  اذا هوا هيج ميحبنه ليش خلفنه؟!!

اخذ التلفون وفات يم مرته

نور اعتزلت بغرفتنه لا تاكل ولا تكعد يمنه ولا تطلع اصلا

ابويه مفكر اصلا يراضيهه

اني ولمى باقياات تحت رحمه اسماء يمتى متسوي اكل ناكل  احنه بطبعنه متعلمات نكعد من الصبح هيا تكعد الضهر اني ولمى نبقى كاتلنه الجوع لحد متكعد

ومرات نجوع كولش وهيا نايمه نكوم للمطبخ نطلع بصل وطماطه ونرش عليهن ملح رسماگ ونخليهن بالصمون وناكلهن

بعد زواج ابويه من اسماء بشهر اكتشفت انو هيا  حامل

وهنا بده تمثيلهه كل متشوف ابويه تركض للمطبخ تسوي روحهه تنظف ويغمه عليها ويرجع ابويه على نور يشبعها رزايل

طبعا تنظيف البيت هيا مالهه دخل بي نور تنظف واحنه نساعدهه نمسح الاخشاب نغسل الحمامات بالاشياء الي نكدر عليهه

اما اسماء عليهه بس الطبخ ومن حبلت گضته كوله دليڤري  وحتى ملابسهه گمنه احنه نغسلهن

بدت سنه دراسيه جديده  وهل مره غير عن كل السنين

هل مره ماما ماكو

منو الي راح يقرينه؟! منو الي راح يخيطلنه ملابس مدرسه ؟  منو الي راح يمشط شعرنه الصبح ويكعدنه ع المدرسه ؟؟ منو الي يوصلنه للمدرسه ؟

هوايه اسأله واجوبتهه بمرور الايام راح نعرفهه

مرام : بابا الاحد اليجي راح تبدي المدارس

حارث: اي وشنو يعني داومن

مرام : لا بابا اقصد نريد ملابس وقرطاسيه

حارث : ملابسچن مال عام وينهن ؟

مرام : موجودات بس غير ملابس جديده تشتريلنه ؟

حارث: ومنين اجيبلجن متشوفن المره مريضه ويوميه دكتور داومن بملابس العام ومن يصير عندي اشتريلجن

مرام بقهر: زين وقرطاسيه ماعدنه شلون☹️

حارث : سهله اني من اطلع اجيبلجن

رحت لنور الي طالعه الدنيا من عيونها وكارهه شكو نفر بالبيت

مرام: نور بابا يكول ماعندي اشتريلجن ملابس داومن بملابس العام😞

نور: اي ماعنده يشتريلنه ملابس بس عنده يجيب اكل لست الحسن من المطاعم  وعنده ياخذهه ويفرفر بيها بالسواگه وعنده يوديهه للدكتور  شجاا شنو اول طفل شبي چنه مشايف اووع احسهم مراهقين وله هيه العجوز شبيهه منصدگه حامل

دنحجي وچان تچفت علينه اسمااء

اسماء: لججججج ادبسزززززز هاااي من العجوز المشايفه تجر بنور من شعرهه وتحجي وتعت بيها

نور: اااي وخررري مو عليج

اسماء : ادبسزززززز نوب تجذبين طايحة الحظ اله اصيح حارث واخلي يأدبج

مرام بتوسل: باجي عليج الله لتكولين لبابا والله بعد متعيدهه حبابه والله متدري الله يخليج والله يضربهه ويطلع دم منها والله وروح ماما بعد متحجي شي  احجي وابجي

اسماء : هل مره راح اعديها الج بمزاجي بس والله مرة الخ لو سمعتج اخلي يطلع روحج شمرتهه بالكاع وطلعت من الغرفه

حضنت نور وكعدت اهدي بيها بس جرحها اكبر من انو طفله تسكتها

نور محتاجه ام تحتويها تسألهه شبيج شنو الي محتاجته

نور بفترة مراهقه طبيعي تكون متمرده وعصبيه ومستبده برائيهه مفروض بمكان ما ابويه يعيط ويصيح ويضرب بيها مفروض يحتويها

بس ابويه سوه العكس

ضرب وهمل وهان  وحرم يعني مختصر مفيد معرف يربي

بدت المدارس وهل سنه اني ب الخامس ابتدائي ونور ثاني متوسط ولمى ثاني ابتدائي

اني ولمى نروح وحدنه للمدرسه  ونور تروح هيا وبت جيرانه لان نفس المدرسه

چنه كل سنه نداوم ماما الله يرحمهه تشتريلنه سيت مدرسي وتخيطلنه هيا سيتين يعني نداوم بملابس جديده واكثر من سيت من غير القراصات والشرايط مال مدرسه كولش تحب تعتني بأدق تفاصيلنه

كعدنه لصبح وحدنه اني ولمى ونور

وحده صافنه بوجه اللخ

العام هيج وكت فرحانات لان سنه جديده وصف جديد ملابس وقراصات جدد اشياء بسيطه جانت كفيله بأن تزرع فرحه على وجهنه

بس هاي السنه غيرر

كولشي يختلف

كعدنه وحدنه محد كعدنه! محد سوالنه ريوگ! ملابسنه معقجه محد كواهن النه ! شعرنه منو راح يمشطه ! زين منو راح يودينه للمدرسه ! ومن نجي وينطونه دروس منو راح يدرسنه !

كاعدات بلا واهس ولاجن سنه جديده وراح نداوم صف جديد 

نور سوتلنه حليب ولمت شعر لمى ستوتات بس عوجان ممرتبات  وبدلت كالت راح اتاخر انتي مشطي لروحج

ضليت صافنه اني ماعرف اضفر ولا اعرف ارتب شعري مجرد المه وحتى بدون ترتيب..........

كمت ابجي لان صدوك حسيت بقيمة امي  ابجي لان ممتعلمه اروح للمدرسه  مخربطه ودائما جنه اول يوم من نروح للمدرسه نستعرض  ونغور البنات نكلهم شوفو ماما شخيطت النه  وشجابتلنه

كمت لميت شعري شلون ماكان خليت الجنطه على ضهري واخذت ايد اختي ورحنه للمدرسه

بدت المدارس والروتين مال مدرسه

شغل البيت تركنا لان منكدر نشتغل وندرس او بمعنى اصح ماما مدللتنه جانت ومتخلينه نشتغل چنه مكتفين بالدراسه 

اسماء مصرفلهه هذا الحجي بدت تشحن ابويه علينه

اني حامل وماكدر وتاليتجن للرجال والمن الدراسه

تحجي هيج لان هيه متخلفه وابتدائيه ممكمله

ضلت تلح وتنگ بسالفة الدراسه لحد ما فد يوم ابويه صدمنه بقرار وهنا تأكدنه انو حارث زوجته لو تگله اكتل بناتك وبيع اعضائهن يسويهه  وهوا الممنون

بيوم من الايام رجعنه من المدرسه  وجان ابويه موجود يم اسماء جانت متخربطه

نور : ها بابا شبيها باجي

حارث : خابرتني متخربطه وضغطها صاعد وعفت شغلي واجيتها

نور: يوو خطيه

— شلون صرتي هسه باجي؟؟

اسماء : الحمدلله زينه

حارث: تعالي نور بابا اريدج بموضوع

نور: نعم بابا

حارث : بتي تعرفين اسماء حامل وهيه وحدهه بالبيت ومنا صحتهه تعبانه  واني على باب الله ماكدر اكابلهه واكعد

نور: والمطلوب مني شنو بابا؟

حارث : تتركين هاي السنه ومن تجيب سنة الخ ارجعي

نور: صفنت بوجهه والدمعه تجمدت بعيني  يعني ماما اخر وصيه الهه كالتله خلي البنات يكملن مدرستهن وهوا هسه يريد يبطلني علمود مرته؟

— بس بابا مبقى شي لنص السنه  حرامات تروح عليه السنه

حارث: بابا انتي جبيره وتفتهمين

البنيه تاليتهه لرجلهه لامدرسه تفيدهه ولا شهاده واني مدا اكلج تبطلين تركي وسنة الخ رجعي

نور: وافقت لان ادري هوا متخذ قراره وادري اذا راح اترك السنه ميرجعني سنة الخ  وافقت في سبيل اخواتي يكملن وافقت حتى اكمل شغل البيت وهنه يلتهن بدراستهن واسماء تفك منهن ياخه وبعد متنگ عليهن

بس كسر جبير بداخلي

جان حلمي اكمل دراسه واصير مدرسه مثل امي احنه من النوع شاطرات ومتفوقات مو كسلانات وكولش متعلقات بدراستنه

بس شنسوي حكم القوي ع الضعيف

واحنه مابيدنه شي مجبرات مو مخيرات

وچان نور تترك دراستها ……

بعد ما نور تركت دراستهه حسيتهه كبرت وصارت هيه مسؤله عنه

تهتم بأكلنه بلبسنه بدراستنه متخلينه نسوي شي بالبيت

حسيت صدوك رب العالمين عوضنه بيها

رغم صغيره هيه على هيج مسؤؤليه ومحتاجه من يعتني بيها بس جانت تحاول تسد مكان ماما

انقهر عليهه من اشوف صديقاتهه يداومن وهيه مگضيتهه تنظيف  وطبخ بالبيت

طبعا حياتنه مخلت ابدا من مشاكل اسماء ولا خلت من اهانة ابويه النه

خلال هل فتره كولهه محد وصل من خوالي ولا جدو ولا اي احد واكثر من مره نگول لبابا ودينه وميقبل ومن نكوله نخابر عليهم يتحجج انو ماعنده رصيد او غير حجج احنه هم تعودنه على حياتنه الجديده والقوانين الي خلتهه اسماء

جانت متقبل ناكل غير الوجبات الـ٣

اللحم تجيبه وتطبخه وياكلو هيا وابويه واحنه حتى ريحته منشتمهه

احنه بنات خير وعيونه مليانه ممتعودين على هيج قوانين

الشامبو والمكيف ينضمن بالكنتور  ممنوع نسبح بيهن واذا نريد نسبح لازم تخليلنه بأستكان ونسبح وهاي كل من نسبح ناخذ استكان ونروح الهه

الزاهي مال مواعين والتايت كذلك مضمومات وكله درب الاستكان

سبح ممنوع نسبح يوميه كل خميس وثنين بس والي تسبح غير هاي اليومين هاي الي الله كاتبه عليها

جانت تجيب النه الصبح جبن مثلثات ابو ٨ قطع  تشمر علينه كل وحده قطعتين وتبقى ثنين تنطيهن للبزونه

مره من المرات نور مشبعت فأكلت القطع الباقيه مال بزونه

اسماء وعرفت نور ماكله غير حصتهه

لعبت بحالهه لعب ضرب واهانه بحيث حسيت نور خجلت من عدنه

طيحت حضهه ولعبت بيها لعب لان ماكله غير حصتهه

متفكر بنيه تتعب وتحتاج طاقه والاكل الي دتنطي النه مديكفينه وتساوينه ويا الحيوان كل هذا وابويه ميدخل بينه يشوفنه ننضرب وننهان ونجوع وهوا يكتفي بالسكوت

جان ينطينه كل وحده مصرف ربع دينار

جنت اجمع مصرفي مال اسبوع او اكثر واشتري لنور من الحانوت صور او دفتر مذكرات اشوفهه تفرح بيهن واني اكيف من يعجبنهه

مره من المرات گلت  لمرت ابويه

مرام : باجي حذائي نگطع وماعندي حذاء اداوم بي واحذية لمى صغار عليه

اسماء: باعي ابوج ماعنده فلوس واذا بقيتي بلا حذاء مراح تكدرين تداومين  وترسبين فشنو رآيج ابيع تراجيج واجيبلج حذاء؟

بوقتهه جنت طفله وماعرف انو تراجي ذهب وغاليه ومو مال ابيعهه علمود حذاء  شفت انو الحذاء استفاد منه اكثر

مرام: يي باجي عادي بس يكفن تجيبيلي حذاء؟

اسماء : يي يكفن

لمى : لعد اني هم اريد حذاء

اسماء: يلا لعد حتى انتي هم ابيع تراجيج واجيبلج حذاء

لمى : اي اي واريده وردي وبي اضويه

اسماء: ميخالف

اخذت تراجينه ثنينهن وباعتهن وجابتلنه زوجين احذيه واحد الي واحد للمى  وهاي چانت اول قطه نتعرضلهه 😂😂 من كبرنه يلا افتهمنه احنه نقطينه صدوگ لو كالو شر البلية ما يضحك 😂...............

الى ان اجى اليوم الي كولنه انصدمنه منه ومن طلب مرت بابا كالت.........................

***********************************

باجر تعيش السنين الما عشتهم

‏و الفرح ، يترس زواياك الحزينة

و ينملي بيتك اغاني

‏تكبر انتَ و تصغر بروحك حسرتك.......

***********************************

ههلا بل جان مرسوم علئ

بخيالي!

هلا بل يمشي ويضل

علئ بالي!

انه لو عندي غالي

بجيتك انساه!

واجت انت ماعندي بوكت ماعندي غالي.......

*********************************

اسفه على التاخير حبايبي بس والله البنيه جان عدها ضرف وان شاء الله يرجع التزيل نفسه واريد تفاعل لان مداا شوف اكو تفاعل لايك وتعليق حلو مثلكم😘😘💜.........

توجد مرحلة هادئة في حياتك، لا يستطيع أحد فيها معرفة الذي يجول في خاطرك، لا تطلب لا تنوي فعل شيء ولا تُلمّح لشيء، الأعزاء فقط يلمحون تعبك، يُضيئون العتمة الواضحة، يُدارون خاطرك، يُهربون الضحكة في أيامك، يسعون لتلميع ما بهت في ناظرك، ولا أجد عزاء حقيقي أكثر من هذه المحبة .

**********************************..

دائما اكو نعم بحياتنه احنه ممنتبهيلها

ومنحس بيها غير من نفقدهه

مرات نحجي حجي جبير واحنه منعرف معنا

اكثرنه مرات يعترض على عطايا رب العالمين

الله ليش مينطيني هيج شغله

الله ليش خلقني ضعيفه او ليش خلقني سمينه ليش خشمي جبير ليش عيوني صغار ليش مخلقنه اغنياء ليش وليش وهاي الليش الي متخلص

بس ابد منذكر نعم رب العالمين

يجوز رب العالمين مخلقنه اغنياء بس نطانه الصحه الي تسوى ابو الفلوس

او يجوز منطانه شي احنه نريده بس انطانه الاحسن منه والي بي خير النه

دائما چنه صغار نسأل ليش رب العالمين اخذ امنه ونطانه اب مو حنين

والي چان يصبرنه من يگولون انو المؤمن مبتلى

ودائما نسمع انو " لايكلف الله نفسآ الا وسعها"

يعني لو ميعرف بينا رب العالمين احنه گد هل اختبار مچان خلانه بي

مرت 5 سنوات على وفاة امي

5 سنوات عشناها بضيمها وقهرها ومشاكلهه وبكل تفاصيلهه عدت هاي الـ5 سنوات

نور صار عمرها 18 سنه

بشرتهه سمره وعيونها كبار صاحبة رموش كثيفه شفايفهه مليانه شعرهه اسود وسرح قصيره وناعمه

طبعا نور اكثر وحده تشبه ماما

كبرت وبدو الخطابه يجوها

بس اكيد مرت ابويه متقبل تزوجهه لان شايلتلها البيت كوله ومن غير جهالهه الي واكعين براس نور

طبعا اسماء صار عدهه ولد وبعدهه حبلت وخلفت بنيه وهذوله صارو من مسؤؤلية نور

اسماء چانت رأسا ترفض الي يتقدمون لنور بدون مترجعلها وتاخذ رأيها

بهذاك الوقت عمري جان 15 سنه

جنت طالبة ثالث متوسط

جنت متفوقه بدراستي وطبعا من غير مدرسين خصوصي ومن غير ملازم

اقره ع الكتاب وعلى شرح المدرسه

شااطره كولش وملمه بدراستي وحريصه عليها

اما لمى چانت سادس ابتدائي

لمى جانت وكحه وملسونه الي يكوللها كلمه ترده بعشره عكسي اني جنت فقيره وهادئه واقوى طموحي ادرس واطلع الاولى

ابد ممريت بفترة مراهقه مثل باقي البنات

لا حبيت ولادخلت بعلاقات ولا سويت سوالف كبار من حفافه ومكياج وهل سوالف

كولش جنت هادئه بفترة مراهقتي وجان همي دراستي

- رمضان وصايمه ومبقى ساعه ع الاذان

التوتر يقرى 1000 رغم ادري بنفسي ناجحه بس اخاف درجاتي مو عاليه

اروح منا واجي منا ومنتضره النتيجه

اسماء تخابر على جيرانه وتردله الرقم الامتحاني حتى ينطيها النتيجه وني الي يكولي هلاو ابجي

اسماء: اهاا اوكي شكرا عيني تعبتك ونهت الاتصال

مرام: من شفت هيج حجيهه بهت لوني مبقى قطرة دم بيا

- ها باجي بشرري

اسماء : شبشر طالعه ب 2

مرام : لااااااا عفيييه والله مجاوبه والقران مجاوووبه احجي وابجي ومنا صايمه حسيت روحي راح يغمه عليه

دائما جانت اسماء تكولي انتي متفلحين بدراسه وثوله ومن هل حجي

حتى جانت تتعمد متجيبلي ملازم كل ضنهه ارسب وتتشمت بيا وتگعدني من المدرسه

بس اني جانت روحي بالدراسه يعني اصلا الملزمه متزيد على مستوايه شي

احجي وابجي فرفحت روحي يعني لو كافر هم جان نقهر هلى حالي

اسماء: على كيفج ناجحه ترى

اني كلتلي هيج كمت اكمز بكل حيلي ممصدكه فرحااانه فرحاانه اكمز بفرح

بس صدوك بيومها كسرت فرحتي من كالتلي

اسماء: ديلا عيني مين نجحتي من الكليه هوا ثالث متوسط

مرام : باجي حتلو ناجحه من الاول ابتدائي هم جان شفتيني هيج فرحانه ثمرة تعبي هاي اجتي ايام ما انام واكعد للصبح اقره وتشوفيني لا ملازم ولا مدرسين خصوصي شلون متريديني افرح

لمى ونور فرحانات على فرحتي

فرحانه كملت متوسطه وراح ابدي مرحله جديده راح اصير اعداديه شعور حلو من تتعب على نفسك وتجني ثمرة هذا التعب

بالذات اني جنت احسه شي مختلف احس نجاحي بتعبي وبدون مساعدة احد...........

اسماء بهاي الفتره عرضت على نور انو تشتغل عامله بصالون

نور من ضوجتهه وحبستهه باللبيت وافقت

جان اكو صالون قريب على بيتنه محتاجين عامله فراحت نور واتفقت ويا ام الصالون وبدت تشتغل

عدى على شغل نور شهر

وام الصالون كولش حبت نور امينه وشاطره وملتزمه بوقتها گلتلهه ماعندج اخت مثلج تشتغل ويانه ؟!

نور كلتلهه اختي بس صغيره عمرها ١٥ سنه وهيه طالبه بس اذا تقبلين بس بالعطله تشتغل عادي اكول لاهلي واكوللهه واردلج خبر

كالتلهه ماكو مشكله

نور من اجتي من الشغل كالت لاسماء واكيد اسماء تكيف بمكان الراتب راح يصيرن 2 وخلصانه من اكلنه وشربنه

نور رادتني اطلع اشوف ناس احصل كم فلس لان اهلي مجانو ينطونه مصرف ولا جانو يوفرولنه احتياجاتنه

هيه من رادتني اشتغل لمصلحتي بس محسبت حساب للمسمومه الي موجوده بالبيت ولا اجه على بالهه رح تسوي بيه الي سوته

فمن اجتي كلتلي اني مقبلت

نور: لج ميمي تحصلين فلوس وتشترين الي يعجبج والله احسن من كعدتج بالبيت

مرام : لاا نور استحي والله شلون احجي ويا ناس ما اعرفهه لاا لاا استحي وبعدين الراتب مو دتاخذه باجي يافلوس بعد الي احصلهه

نور: لج لا مو الزباين ينطون بخاشيش غير الراتب اني انطيها الراتب بس اخذ البخاشيش

وبعدين والله تتعلمين تحجين وياهم وتلقائيا يروح الخجل

مرام : لا نور استحي والله

نور: جربي اذا معجبج الوضع اني اخليها تبطلج

لج مطيه فكري جمعيلج كم فلس حتى من تجي المدارس تشترين ملابس وتشترين الي يعجبج ومن غير هذا تتعلمين مصلحه بيدج والاهم من هذا كله تخلصين من خلقة السحليه الي مكابلتهه ٢٤ ساعه

ولج اني لو بيدي اخلي ام الصالون تلاثتنه تشتغلنه واخلصجن من خلقتهه بس لمى بعدهه صغيره ميمي هاي فرصه لتفوتيهه وكتلج اذا مقتنعتي اني اخليهه تبطلج هااا شكلتي

مرام: فكرت بيني وبين نفسي شفتها خوش فرصه

هم منهه اتلهى بالعطله واتعلم صنعه والم فلوس وهم اخلص من السحليه الي مكابلتهه ٢٤ ساعه وبس تتعارك ويايه

واذا مرتاحيت للشغل ابطل

- هذا هو بس نور مو تعوفيني هناك وحدي الله علي

نور: لا ولج ماعوفج وهسه تشوفين الشغل شكد ونسه هناك

ثاني يوم الصبح مبدله وواكفه انتضر نور

القلق والخوف والخجل مينوصف عندي

اني من النوع انعزاليه وقليلة الكلام وما اتأقلم بسرعه شايله هم شلون راح اواجه ناس ماعرفهم واحجي وياهم

واني اذا يجون گرايبنه اختل بالغرفه واسوي روحي نايمه حتى ما اطلع اسلم

وارجع اصبر بنفسي واكول لا هاي فرصه حتى اكدر اجمع فلوس للسنه الجديده لان سنة الخ اعداديه ولازم ملابس جديده

من بين هذا التفكير صاحت عليه نور

نور: يمعوده بالج وين مو دا احجي وياج اذا تضلين هيج ثوله ترى بنفس اليوم تبطلج

مرام: لاا لاا ما ضل

شردتي

نور: يلا امشي تبسمرتي دنروح راح نتاخر...........

هاي المره ابد مجنت ارتاحلها وخاصه من تجي تتلوك لماما قبل ابد مجنت اهضمها حتى ماما ابد مجانت تحبها وتنصحنه انو نبتعد عنها لحد مايوم تفاجئنه مسزيه لبابا هل شي

دخل بابا للبيت وكال...

بابا.....................................................

*********************************

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!...

**********************************

شلونك يبعد المو الي

يالتعبتني انته وهلي

لابيك كطرة مـِْن الهلا

ولا ملكة غيرك بي دوة

چا ابدلك اني مــِْن الصبح

لْـۆ ينلزم بيدي الهوة🤷‍♀️ 💨............

**********************************

حبايب گلبي الغالين مساكم الله ب الخير يكلبي النشر راح يصير بين يوم ويوم لان البنيه متلحك تكتبلي البارت ف ان شاء الله راح يكون موعد التنزيل مضبوط....

تعليق ولايك حلو مثلكم

احبكم.. 😘💜.......

هنالك فئة من الناس ستكذبك جداً، ستلومك على معرفتك بنفسك، على حفظك لمواعيد هروبك عندما تحزن وعندما تنام

ستلومك إن عرفت التعامل جيداً مع مزاجيتك وحالاتك، على صدق حدسك وعلى طريقة نظرتك وإحساسك بالأمور

على محبة الآخرين لك وصدق الأصدقاء في كسبك لكون قلبك قطعة من الجنة كما يصفون

على أحلامك وتطلعاتك الدافئة للحياة، على بساطتك وعلى جنونك، وعلى أدق التفاصيل الصغيرة التي تساهم في سعادتك

هنالك فئة من الناس ستلومك جداً وتحقد عليك وتكذبك فقط لكونك أنت بحقيقتك!

هي ستبقى تحملك عبئاً وثقلاً على قلبها بينما أنت ستعتبرها درساً في حياتك كي تحبّ نفسك أكثر ! ♥️

***********************************

لو جبت ورقه بيضه وخليت عليها بالحبر نقطه سوده وتجي تراويها للناس اول متسألهم شنو تشوفون راح يكولولك نقطه سوده افعالك الزينه وقلبك الطيب يتمثل بهاي الورقه البيضه اما مساوئك او اخطائك هيا نقطة الحبر السوده

حياتنه اشبه بهاي الورقه

رغم طيب قلبك وافعالك الزينه واسلوبك الحلو وتعاملك الراقي بس الناس مراح تركز غير على اخطائك ( الي هيه النقطه السوده الصغيره) راح يعوفون كل الورقه البيضه وينتبهون ع النقطه السوده

دائما مفروض نكون حذرين بكل تصرفاتنه كدام الناس

لان اقل خطأ محسوب علينه ….

توجهنه للصالون اني ونور يبعد كيلو متر او اكثر عن بيتنه 

نور: ميمي نروح مشي حتى شويه نغير جو  والكروه نضمهه حتى اذا يعجبنه شي نشتري !

مرام: يي عادي اصلا اني احب امشي

نور: تدرين ميمي مرات اتخيل ماما عايشه وجانت مسافره تتعالج واتخيلهه تجي للبيت وتشوف اسماء وتشوفنه وتاخذنه  يمهه

اتخيل لو هسه موجوده جان هسه اني دا اتحضر للجامعه ودا اشتري ملابس ووووو هوايه تخيلات

جان هسه اني بمكان مدا اروح للشغل جان كعدت ماما من الصبح وافرفر بيها بالسوگ علمود تجيبلي الي يعجبني

اوووووف ياا امي اووووف تعالي شوفي حال بناتج هسه

مرام: حسبي الله ونعم الوكيل كله من ورا اسماء ضلت تنگ ع المدرسه وخلت بابا يكعدج  وهسه شاده ويايه

نور: لا حبيبتي مادامج شاطره ممسموح لاحد يبطلج جنت صغيره وماعرف ادافع عن نفسي وبطلوني بس هسه الي يفكر يبطلجن اكلب الدنيا عليه

شيردون شو دا اشتغل بالبيت وداشتغل بالشارع ودا انطيهم الراتب وجهالهه كبرتهم الهه شتريد منجن وتبطلجن

مرام: الله يهديهه علينه ان شاء الله

نور: ميمي اي شي تسمعي بالشغل وتشوفي لتحجي كدامهه خليج خرسه وطرشه شتسألج جاوبيهه بأختصار ولتحجيلهه تفاصيل يومنه نضحك نتشاقى نحصل بخاشيش ننام كولشي لتحجين وهسه تشوفين ام دره ( ام الصالون)شلون حبابه

مرام: اوكي

وصلنه للصالون وفتحت الصالون نور

طلعت الصونده وغسلت الباب واني وياهه اساعدهه

فاتت جوا نضفت المحل مسحته ورتبت الكراسي ورجعت ادوات الحلاقه بمكانهه واني وياهه وياهه

نور: نزعي الحجاب المن لابسته ماكو احد

مرام: لا عادي مرتاحه بي

نور: نزعي مطيه اليوم طويل خما تضلين متقيده بي وبعدين ترى صالون نسائي ميفوتون ولد

فتت بالاوفيس نزعت الحجاب ورفعت شعري بقينه لل١١ تقريبا فاتت مره سمينه بيضه وجهه يخبل

ام دره: صباح الخير

نور : صباح الخير يوم

ام دره: هاي الحلوه مرام؟

نور: ي هاي اختي مرام الي كتلج عليها

مرام : مرحبا خاله

ام دره : مراحب امي شلونج

مرام: احجي ومدنگه راسي عبالك واكفه كبال المدرسه

— الحمدلله خاله

ام دره: لج نور هاي مبينه فقيره  شلون راح تتعامل ويا النسوان  وهنه وحدتهن لسانهه رشاشه

نور: تتعلم يوم اني من اجيت هم مثلهه

ام دره: يي كون تطلع مثلج سباعيه وشاطره وتلگف بسرعه

نور: والله يا امي مو لان اختي وامدحلج بيها بس ميمي شاطره وذكيه وتلگف بسرعه وهسه الايام تثبتلج

ام دره : ان شاء الله

— ممتريكين مو ؟ ولو قابل السحليه تكعد تسويلجن اكل ؟

نور :والله يا يوم اني ما اشتهي اكل بالبيت اصلا وفد فرحانه بالشغل حتى اخلص وما اگابلهم

مرام : رغم مرت ابويه مو زينه وابويه مو زين بس ابد ما اكول كدام احد لان ماحب نضرة الشفقه  بعيون الناس وما احب احد ينقهر علينه  فكوولش ضجت من عرفت نور كولشي حاجيه لام دره............

ام دره: دگومي اخذي مرام وروحي جيبو ريوگ حتى تندل الاسواق من ندزهه

نور: يله ميمي كومي لبسي حجابج

كمت لبست الحجاب وطلعنه للاسواق

مرام: نور ليش حاجيه للمره على حياتنه وعيشتنه ليش تخلين الناس تشفق علينه

نور: وكل ضنج الناس متعرف حتلو منحجي ترى مبينين اصلا اول مأجتي اسماء للصالون وعرفت على نفسهه من طلعت راسا كالتلي ام دره كالتلي ابد مرتاحيتلهه مبينه شريره

وتشوفني اجي ماعندي فلوس لو الف بجزداني لو ماكو وتشوفني كولشي ما اشتري  من سالتني كتلهه حتى هيه كالت ازيد راتبج ولتكولين لاهلج خلي مصرف الج

وحتى حنينه عليه تخليني انام وتجيبلي ريوك وغده وحتى العشى اتعشى يلا ارجع للبيت كولش حنينه متقبل اصيحلهه خاله تكول كوليلي يوم اني مثل امج وهسه راح تعاشريهه وتعرفيهه

بس ميمي ابد لتكولين كدام اسماء اصيحلهه يوم ولتكولين تجيبلنه اكل ولتحجين كوولشي

مرام : ميخالف

وصلنه للاسواق وجبنه ريوك ورجعنه

شغلت نور الغلايه وخلت بيها مي وحضرت الكلاصات وخلت بيهن ضروف الجاي وحضرت الاجبان  وكعدنه ناكل

اني بطبعي فاااهيه بالاكل ونوب استحي

حجت ام دره:

ماما لتستحين اكلي ماكو احد غريب هاي اختج واني مثل امج لتتحسسين وماريد هذا المستحه لان راح يجون نسوان والمره تحب وحده تجاملهه تحجي وياهه متحب الهادئه  صح راح تستصعبين الموضوع بالبدايه بس راح تتعلمين

يا امي هاي الشغله بيها مصلحه يعني شكد مراح تعبين نفسج وتشتغلين راح تتعلمين الصنعه وتستفادين منها يجوز باجر عكبه الله وفقج وتفتحين صالون وحدج

مشاكلج الي بالبيت ومعاملة مرت ابوج الج وهوسة البيت عوفيهه بالبيت وتعالي

هم منهه تغيرين جو هنا وهم تتعلميلج شغله وهم تجمعيلج جم فلس من احجي وياج لتتحسسين مني بس من دا احجي لمصلحتج حتى تعرفين شلون تتعاملين بشغلج

واني ونور وياج راح نعلمج شويه شويه

مرام: ماشي خاله

ام دره: ماحب خاله ولا احب عمه صيحيلي يوم مثل نور انتو مثل بناتي امي

مرام: استصعبت اكول الها يوم او اي مسمى من مسميات الام احسها ثكيله بلساني ممتعوده اكولها لغير امي  بس حرجتني  بطلبهه وخلتني اناديهه بهل اسم

— تمام يوم

ام دره : تمام حبيبتي هسه روحي خل نور تعلمج على تنظيف الادوات

لان انتي مبدئيا راح يكون شغلج تنظيف الصالون او ندزج اذا حتاجينه شي

— انتي تعرفين تسوين شيره؟

مرام: استحيت من سألتني

— يي اعرف

ام دره : خووش حتى من يجن نسوان يردن يسون شيره اخليج انتي تسويلهن حتى تستفادين وهااا لتستحين اذا نطنج اكراميه مو ترجعيهه هذا حق تعبج اخذيهه وكوليلها مشكوره

مرام: تمام

كولش استفاديت من نصايحهه وكولش حبيتها رغم هاي اول مره اشوفها بس احس كلامهه بلسم وروحهه مرحه ومن غير منظرها الي احسه مريح للعين  مرات نشوف ناس منعرفهم بس مجرد النظر الهم نحسهم مريحين للنظر وام دره من هذوله الناس

بدو الزباين يجون واكو بيهم الي يعرف نور ويكعدن چرخ سوالف شكد يحبن يسولفن  ونور اشوفها منطلقه وياهن وتسولف وتضحك

نور هم مجانت ضابطه الشغله بس تعرف حفافه شسوار تصبغ تسوي تسريح للشعر تسرح الشعر بالكاويه تراقب لون الشعر تسوي بدي كير ومني كير

بس الاشياء الاساسيه ام دره تسويهه العرايس المكياج الصيغ التخصيل  كولهن هيا تسويهن

اني جنت اوكف جوا ايد نور وام دره ودي هذا جيبي ذاك لمي الشعر رجعي الكتلوك وهيج اشياء..........

خلص اليوم بس تعب وكفه هوايه واكو نسوان يجيبن جهالهن وياهن واضل اركض ورا الجهال هذا وكع الجبس وذاك طش العصير وني اركض وراهم  ومن غير كولسع دازيني للاسواق

من دنطلع صاحت علينه ام دره

ام دره: مرومه ماما شلون تردين راتبج يوميه لو اسبوعيه

مرام: ضليت صافنه ماعرف كتلهه بكيف نور  ضحكت عليه ولتفتت لنور

نور: لا يوم خليها اسبوعيه مثلي احسن

ام دره : خوش شالت ٣٠٠٠ وخلتهن بيدي كالت هاي الج من غير الراتب

مروه: استحيت اخذهن

— لا يوم شكرا ماريد

ام دره: هااا شكلنه مو كلنه من احد ينطيج اكراميه لترجعيهه

مرام: اخذتهن وتشكرت منه

انطت لنور ٥٠٠٠ وسألتهه اذا دتجمع لو لا

نور: لا يوم دا ضم

ام دره : عفيه ماما يلا توكلو وراكم طريق

طلعت والابتسامه شااگه حلگي اول مره اجرب اشتغل واخذ اجور شغلي

رغم جانن قليلاات بس ممصدگه ذني ثمرة تعبي

نور: ميمي لتكولين للسحليه شي وذني الفلوس ضميهن واني هم دا اجمع

مرام: اريد اشتري حلويات لـ لمى

نور: اوكي تعالي نشتريلها وللجهال ونكوللهه  زبونه نستهن  واخذناهن

مرام: ماشي

اشترينه للجهال ولمى ورحنه للبيت

من نطيتهم الحلويات وفرحو حسيت روحي مسويه فد انجاز  شعور كولش حلو

سألتني اسماء ع الشغل وكتلهه تعب بس محجيت تفاصيل مثل موصتني نور

استمريت بالشغل بالصالون والحمدلله بديت اتعلم وام دره فرحانه بيه وكولش حبابه ومتقصر عليه وتنطيني فوگ حقي من غير الي احصله من الزباين  اشتري الاكل الي يعجبني والحلويات الي بنفسي وماخلي شي بنفسي بس كله داخل الشغل

مرتاحه الحمدلله وهم خلصانه من السحليه 

طبعا اني ونور ابد منمكيج ولا نحف بحيث ياهو الي تجي للصالون تستغرب احنه نشتغل بصالون ومنخلس مكياج ولا نحف

فمره گاعدين الظهر ماعدنه زباين

ام دره: بله مرام كومي كعدي ع الكرسي خل نور تمكيجج داريد اشوف اكدر اعتمد عليهه بالمكياج؟

مرام: يوم اخاف لان ميقبلون اهلي اخلي مكياج

ام دره: دگومي هنا تمكيجج وغسلي شو حتى ماكو احد شو گومي

مرام: ترددت بس استحيت من طلبت مني اني من النوع كوولش جبانه  ومرت ابويه مسويه بيه خوفه بحيث شغله تكول ممنوعه لو يگصون ركبتي ماسويهه  بس استحيت من ام دره  ونجبرت گمت

كاعده ع الكرسي ونور دتمكيجني وچان ينفتح باب الصالون وننصدم بـ……

***********************************

ﺗﻌﻠّﻢ ﻛﻴﻒ ﺗﺘﺠﺎﻫﻞ ﻛُﻞ ﺷﻲﺀ ,ﻭﻛﻴﻒَ ﺗَﻘِﻒُ ﻭﺣﻴﺪﺍً ﺩﻭﻥ ُمساﻋﺪﺓ ﺃﺣﺪ  ﺗﻌّﻠﻢ ﺍﻻّ ﺗﻌﻴﺶَ ﻋﻠﻰ ﺍﻷﻧﺘﻈﺎﺭ ﻭﻻ ﺗﻜُﻦ ﻫﺎﻣِﺸﺎً ﺑِﺤﻴﺎﺓِ ﺃﺣﺪ ، ﺗَﺠﺎﻫَﻞ ﻣَﺸﺎﻋﺮﻙ ﻛَﺜﻴﺮﺍً ﻭﺍﺳﺘﻮﻋﺐ ﺍﻥ ﻻ ﺃﺣَﺪ ﻳَﺪﻭﻡ ﻷﺣَﺪ.......

**********************************

شلونك يبعد المو الي

يالتعبتني انته وهلي

لابيك كطرة مـِْن الهلا

ولا ملكة غيرك بي دوة

چا ابدلك اني مــِْن الصبح

لْـۆ ينلزم بيدي الهوة🤷‍♀️ 💨.......