تحميل رواية «تحت جناح الظالم» PDF

مهما كانت علاقتك بشخص ما جيّدة و قوية ، مهما تشاركتم الأسرار ، و التفاصيل التي لا يعرفها عنكم أحد ، مهما تشاركتم من ضحك ، و بكاء ، ووعود ، لا تُعطي لنفسك مكانة أكبر من المنطق.. المنطق الذي يثبت دوماً أن العلاقة الكبيرة قد تهدمها كلمة واحدة فقط.....

***********************************

كاعده ع الكرسي ونور دتمكيجني  وجان ينفتح الباب وونصدم بأسماء

دخلت للصالون وني لو تذبحوني قطرة دم متلگون بيا

اسماء: هلاو هاي شدتسووون !!

ام دره : هلا عيني اني گلت لنور تمكيج مرام داشوفها تعرف تمكيج واعتمد عليها لو لا

نور: ي والله خاله گالتلي مكيجيلها

اسماء : لا العفو ام دره بس هاي ممقبوله منج اني بناتي ماقبلللهن يمكجن شلون تطلبين منهن يتمكيجن ولو الصوج صوجهن هنه مكيفات ع الوضع

ام دره: العفو انتي منو حضرتج حتى تعلميني بشغلي وتكوليلي هذا مقبول وهذا ممقبول

وانتي اذا حريصه عليهن شكو تخليهن يشتغلن كعديهن بصفج بالبيت

اسماء : اني قابل مطلعتهن بطر غير من العازه 

واني الله شاهد هذني البنات امانه بركبتي ابوهن يلعب لعب لو عرف يتمكيجن بالشغل

ام دره : اكلج عيني شو يتمكيجن بالشغل

داكلج اني طلب من البنيه داشوف اكدر اعتمد عليها  واخليها تمكيج وتلزم عرايس

اني لو ما البنات حبابات ماخليهن ساعه عندي اني عندي صالون جبير واله زباينه وبناتج ولا صغرا بيهن بس لا حفافه لا ترتيب منو يقبل يشغلهن وهاا من دا احجي ما انتقدهن لا دا انتقدكم انتو اهلهم  يعني بشرفج بنيه عمرها راح يصير ١٩ سنه وشواربهه اثخن من شوارب الشرطي ؟؟ ولتكوليلي شرف ترى هذا مو شرف واكو فرق بين الشرف والنظافه

شنو ذاك اليوم وحده متسوه فلسين اجتي تنتقد نور تكوللهه اووع ايدج تخزي كلها شعر لعبتي نفسي  اني من يمي خجلت متفكرين بهاي البنيه شيصير بيها من تشوف هلگد تنمر!!

الستر والشرف حلو بس الاستشراف مو حلو

نهدت بيها ذيج الهده خلتهه تخرس واخر شي كالتلهه

ام دره: اني هذا العندي اريد اشوف شغل نور تمكيج لمرام تسوي شعرها

اذا عندج اعتراض هسه انطيهن حسابهن واخذيهن وياج

اسماء: لاعيوني مو هيج السالفه بس ابوهن شويه محافظ وميقبل على هيج تصرفات وهنه مثل بناتج واكيد انتي هم حريصه عليهن

ام دره: فدوا شو من اجيتي لهسه ابوهن وابوهن

ابوهن شمدري نور دتمكيج لمرام داخل الصالون وداريد اشوف شغلهه

داده كولي اني ماقبل وكتلج اني شغلي يطلب مرات اسوي تيست ع العاملات اذا ميعجبكم براحتكم

اسماء : لا هذا هو بس مرام مسحي الحمره زين ولتخلين اثر للكحل من ترجعين حتى ابوج لينتبه

هزيت راسي واحجي بگلبي

هوا ابويه اصلا ميدري بينه يمته نرجع  شو مطفي وطابگ على صفحه مو نوب ينتبه ع اثر كحل

طلعت اسماء واني ونور نطگ سن بسن من الخوف

ام دره: شبيجن ميتات خووف خوش غسله غسلتهه

نور : يوم متعرفين هاي هسه من نرجع للبيت تزفنه ونوب انتي منا رزلتيهه راح طلع حركتهه بينه

ام دره : خلتولي انتن هم لتسكتن اذا حجت كوللهه نبطل ونكعد

نور : لا يوم اخاف تبطلنه ونگابلهه ونگعد وني معولت خلصت من شكولهه

ام دره : باع هاي الفطيره لج ماما هيج نماذج ماره عليه هوايه  المثل هاي تعبد الفلس عباده  لو تعرف تخليجن تجدن بالشارع هم متكعدجن بالبيت  شافت بيجن سلعه رابحه هم كراب بالبيت وهم خلصانه منجن وهم تشتغلن وتنطنهه فلوس

نور : والله مادري شكولج الله ليستر منها

حتى ثولتني كمت ماعرف امكيج

ام دره : الله لاينطيها شوف وجهجن نخطف لونه  كومي ماما مرام غسلي

كمت غسلت وكملت يومي بس خايفات وقلقانات حيل لان ندري مراح تعديهه وتمررها مرور الكرام واكيد راح تزيد فلفل وبهارات وتكول لابويه وتدفعه

رجعنه والطريق كوله نطگ سن بسن

نور: اخخخ يا هذا الطريق  شكد راح نبقى نمشي بي وشنو الي راح يشهد عليه من دموع ومشاكل

نمشي خطوه ونرجع ١٠ خطوات من الخوف

هسه الي يقرا يكول تبالغن بس قسمآ بألله جانت مسويه بينه خوفه يعني تخيلو هاي القراصه الجبيره ممنوع نلبسهه صبغ اضافر ممنوع نصبغ  اظافرنه ممنوع نطولهه تنظيف جسمنه من الشعر متقبل نضفه وجنه ننضف المكانات الحساسه بالبوگه وبلا علمهه ومره سوت تفتيش مفاجئ نزعنه ملابسنه اخاف ضامات تلفونات او فلوس وعرفت ننضف جسمنه وسوتنه بنات ليل ومو شريفات وحارت شحجت

وصلنه للبيت واول مدخلنه سلمنه محد رد

ابويه صاحنه

حارث: تعالن تعالن قبل لتبدلن

رحنه...........

—نعم بابا

حارث : شمسويات اليوم احجن ماريد اسمع من غيرجن

نور : حجيت بقلبي عساس مسامع من غيرنه

— ممسوين شي شنسوين قابل

حارث : اليوم من امجن اجتي غفله للشغل مالتجن مو لاكيتجن متمكيجات

اني ونور وحده صفنت بوجه الخ ع السالفه شلون فارتهه ومحورتهه

نور: لا ماكو هيج حجي كل مافي الموضوع ام الصالون طلبت مني امكيج مرام حتى تشوف شغلي  وباجي اجتي فجأه وشافتني مكعدتها ودامكيجلها هاي كل السالفه بعد وين مكيجات

نداريت لاسماء

— مو باجي هيج الحجي لو شنو

اسماء : هاي اجيت غفل وشفتج دتمكيجين لاختج يجوز لو اجي مره ثانيه الگاج مطلعتهه متواعده

حارث: اسألجن سوال وجاوبن

الك..ـه منين تنعرف ؟؟

مرام: كل هاي الفتره ساكته ومحجيت شي لان بطبعي ماعرف ادافع عن نفسي  بس كولش قهرني من شبهنه ب الگ..ـه  هوا لو صدوگ حريص ميخلينه نشتغل من الصبح لليل

هوا لو حريص يگعدنه بصفه شنو بنات حديثات يطلعن يشتغلن 

فحجيه ابد مجان من باب الحرص

جاوبته

— الگ…ـه تنعرف من رجعتهه بتالي الليل  من طلعتهه من الصبح لليل مو الي تخلي مكياج بصالون نسائي وبطلب من ام المال تسميها گ…ـه

بعدني مكملت اخر كلمه ومحسيت اله جابني براشدي فرني فر

حارث : ادبسززززززز طايحة الحظ فوك غلطج انووب تجاوبين

وتعايريني لان تشتغلين جبت عمري اصرف عليجن هسه من ردتجن تعينني كمتي تعايرين مستهتره

كمت ابجي ونهاريت كولش وهاي اول مره ارادد ابويه

مرام: يمتى صارف علينه ويمتى اصلا عرفناك احنه امي الي جانت تصرف علينه  وبعدين اني مدا اعاير بس انتو متناقضين يعني لو من باب الحرص جان كعدتنه بالبيت وانت تحير بعيشتنه بس هاي مال مكياج سوالف نسوان

اني حجيت هيج وهوا نهد بيه

حارث: دايحه ساقطه بت الكلب نوب تعلميني شلون اربيجن

بيومها شبعني  كتل بس مبجيت لان ضربني بكد ما بجيت على عدم ثقته بينه

وشلون صدك مرته وحتى مفكر يسمع من عدنه

بجيت بجي يمكن بوفاة امي مباجيه هلگد

بيومها صدوگ دعيت وتحسبت عليهم هوا واسماء ونمت والشهگه بصدري

صدوگ من يومها كرهت ابويه وحقدت عليه

كمت للغرفه وحدي

وفكرت

اني المن دا اشتغل وافيدهم  واصلا راتبي بسد اسماء كوله ممنوع اخذ منه ربع دينار وهيا اصلا متنطينه ليش داتعب نفسي

واصلا مبقى شهر او اقل ع المدارس

اله ابطل واحرگ قلبها وخلي خباثتهه تفيدهه

افكر بيني وبين نفسي

الى ان توصلت لقناعه انو خلاص ابطل واكعد كبالهم احسن مما افيدهم لان ميغزر بيهم شي

كمت للاستقبال وجان حارث واسماء ويقين ( بت اسماء ) كاعدين

مرام: اني بعد ماداوم  اكعد واسكت لا شغل ولا غيره

حارث : ادفنج هنا واللله طاااايحة الحظ عبااالج تلزميني من ايدي التوجعني والله ادوس على راسج بالقندره كلللبه

مرام : من شفته هيج اعصاب گمت ارعش من الخوف  استجمعت كل قواي وچفصت ( اي جفصت اني بطبعي هوااايه اجفص واشبك لحيه بلحيه ومن اعصب ماعرف اسولف واكوم اخبص بالحجي)

اني اصلا راح ابطل لان راح تبدي المدارس واحنه اتفاقنه جان بس بالعطله اشتغل

حارث : تاااكلين خرااا تحلمين تداومين مدرسه 

اخاف عبالج شفتي نفسج ترى بزودي وصلتي

مرام: لا مو بدود احد فد يوم لزمتلي كتاب جبتلي ملزمه اني بتعبي وصلت وهسه راح ابطل من الشغل لان راح تبدي المدارس وانتو اصلا متثقون بيا شكو دا اشتغل اكابلكم و اكعد احسن

شو هذا سمعني هيج حجيت وصار مثل الاسد الهايج اجه عليه وضربني ضرب عبالك ديتصارع ويا رجال  اخر شي لوا ايدي حيل ورا ضهري لحد مطگت فرفحت روحي

اصيح عوووفني راااح امووت  ولجججحح يمةةةةة لحگيلي  يوووووم ياربي موووووتني وخلصنيييي من هذا العذاااب شسوووينه واخذتتتت امنه اعيط بلا وعي لان صدوك حسيت روحي راح اموت دفرني برجله و عافني وگام وايدي ماكدر احركهه احس عبالگ مگطوعه نور تسحل بيه سحل بس تريد تگومني ماكدر صدوك بيومها نتهيت

ضرب واهانه وحرمان وحقد وغل  مشايفه هيج اب 

سحلتني سحل هيا ولمى للغرفه  تفتش براسي وچان تعيط

نور : يمةةةةة صخااام صخمني عززززا ولججج راسج كلةة دم لججججج مرام منو صخم وجهج وكلج احجي وياهم يا الله شسووووي هسه  لجججج جاوبيني اكو شي يوجعج لجججج احجحجججي

مرام: من كد ماتعبت من الوجع مال ايدي مابيه حيل حتى احرك لساني واصلا حتى محسيت بالضربه الي براسي  بس دموعي تجري واحس النفس يخنگني شعور الوجع الي بأيدي والي بروحي نجمعن سواا اذني حيلل

خواتي يلطمن ويصيحن فوگ راسي  وميعرفن شيسوون  كل ضنهن دا تطلع روحي

واسماء مكلفت نفسهه واجتي تشوف اذا بيا شي بو لا وابويه العار كذلك

تعبت تعبت تعبت كوولش غمضت عيني بعد محسيت بشي

ضوه قووووي يعمي العين مداشوف شي  اني وين

من بعيددد شفت ماما

اركض وما اكدر اوصللهه لوحتلي بأيدهه وني كمت ابجي اريد اروح وياهه بس عافتني وراحت 

ماعرف شكد وقت مر بس فزيت من وجع ايدي نايمه ونور نايمه يم راسي ولمى يمنه

ابجي بسكوت حتى ليگعدن على صوتي...........

گعدتني نور الصبح تقريبا ب١٠ تبجي

نور: ميمي كعدي

مرام : هااا نور

نور: اني راح اروح للشغل ذوله الچلاب ميقبلون يودوج للمستشفى وميقبلولي اغيب واوديح  بيج حيل تكومين ويايه بحجة رايحين للشغل ومناك اوديج

مرام: نور عوفيني وروحي بلكي اموت والحگ امي روحي لشغلج معليج

نور : لجج ابووووس ايدج كوومي لتشلعبن قلبي حبابه

مرام : روحي لشغلج وكولي لام دره اني بطلت ماداوم بعد لو مو يضربني لو يكتلني خلااص

نور: راح اروح لان مضل وكت  ديري بالج على نفسج ولتحجين ويا اي احد حتى السحليه اذا اجتي حجت وياج سوي روحج نايمه ترى تبوك منج حجي وتكوله لابويه  اي شي تحتاجي طلبي من لمى

مرام: اهز براسي حتى مابيه حيل اجاوب

بس كتلهه جيبيلي حبوب مسكن ومنوم لان دا اتأذه

جابتلي حبوب وراحت..................

مرام: كاعده وحدي من راحت اختي نور واني صافنه ب الخلاء وشريط حياتي مر من كدام عيني شيصير لو بابا حبنه شيصير لو مااتزوج شيصير لو ماما ما ماتت من وره سحوره اسماء اني سامعه الاب خيمه ع اهله بس ماسامعه ذله يذل بناته احنه مرام ونور ولمى كل وحده الها قصه تهز العرش الله يشهد الله مرت بمصايب بس الله يعلم بيهه شنو احجي شنو اوصف ماكو شي يوصف حجم الكوارث ابي مرينه بيهه من وره حارث ومرته يعني اقل شي اجي حشت براس ابويه علينه وكلتله بناتك هيج سون وخلته يضربني وين اكو اب يكول لبناته كح..  وين ياناس هذا اب لا والله مو اب هذا شيطان بهيئه بشر الاب نعمه بس هذا لا نقمه كله بكفه والي سوو بيه اني بكفه ثانيه تماما زين اريد اعرف جواب هذا ليش احنى شنو سوينالهم عمود يسون بينه كل هذا اني منستاهل كل هذا الضلم فوك كل هذا سوت سحر لاختي وهججتها بليله ضلمه ليش يعني جنت صافنه جان تجي نوؤ تلهث جانت تركض جان تكول

نور: وج مرام الحكي بابا............................................

***********************************

‏ما يناسب غيرك ليس بالضرورة أنه يناسبك، فلا تاخذ نصائح غيرك مقياساً مطلقاً لما يصلح لك، استفد من نصائح غيرك مستعملاً عقلك، مقدراً لوضعك، مستبصراً بظروفك، عارفاً لقدراتك، فلديك بصمة خاصة بك لا يملكها أحد، ولا يفهمها أحد سواك، فأنت الأدرى بحالك..............

**********************************

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!...............

**********************************

حبايب گلبي فدوه ليش ماكو تفاعل تره حرامات ماكو تفاعل والروايه كلش تستاهل ليش تفاعلكم ضعيف يعني احنه نتعب وانسوي البارت وماكو اي تفاعل واني ممقصره وياكم الله يشهد حبايبي فدوه اريد تفاعل وتعليق حلو مثلكم ويارب يعجبكم....

وتستمر القصه ادناه............................

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!

***********************************

ولج مرام الحگي

والله طلعت حوبتج

بابا مسوي حادث والسياره صايره قوطيه

هسه اسماء جانت تحجي ويا

وهوا متخبل يكلهه هاي مرام ضلت تدعي عليه

مرام: ويطبهم طوب  مدعيت بي حسبت وسلمتهم بيد الله

هوا انقهر ع السياره لان ندعمت

منقهر عليه البارحه من ردت اموت بأيده

بعد وبعد وكون حربتي متتعداهم لا هو ولا مرته الحيه......

اصعب شعور ممكن انو يحس بي الانسان هوا شعور الوحده

صعبه من تحس انت وحيد بين هذا العالم

وحيد بين عائلتك وحيد بمكان عملك

رغم الناس الي داير مدايرك بس انت وحدك تحس بالتعب وحدك تحس بالوجع وحدك تشيل مسؤؤليه  ماكو شخص يطبطب على كتفك ويكولك اني وياك

مرات كلمه تشيل منك تعب سنين

بس للاسف حتى هاي الكلمه احنه نحرمنه منها……

شربت الحبوب ونمت لان ماريد اطلع واشوف احد

كعدت ساعه ١٢ الظهر كولها نايمه  ولمى نايمه يم  اسماء علمود الجهال اذا يكعدون او يحتاجون شي

كمت  جوعانه اريد شي اكله بس الم بجسمي فضيع ولو هوا الضرب مال بارحه مفروض اتعوق نعمه دا امشي على رجلي

كمت ادور بالثلاجه طلعت مركه بالجدر وطلعت خبز وكعدت اكلهه وهيا بارده من كد الجوع اكلت وشربت مي ورجعت مددت بفراشي

صافنه ع السقف  ومقهوره على نفسي

شنو الي سويته وانضرب كل هل ضرب

بنيه حالي حال كل بنيه

اريد اكمل دراستي

اني مو مجبره بعيشتهم طفله شنو ١٥ سنه اشتغل واصرف على بيت

اني احب دراستي احب المدرسه ويني وين الشغل صافنه واخطط اذا جبروني ع الشغل شنو الي اسوي وارجع اكول لاا لاا مستحيل ميكدرون يجبروني قابل ياخذوني سحل للشغل

وبعدين اباوع على حالي شو اني بمجرد رفضت اشتغل شبعت ضرب اذا اكابلهم شيسوون بحالي

اووووف ربي ساعدني ماعندي غيرك انضر لحالي يارب كمت اردد (( ياسند من لا سند له)) لحد مغفيت  وفزيت على لمى تكعدني

لمى: ميمي ميمي اكعدي حبابه

مرام: شكو شتريدين

لمى : والله اني ماريد واتمنى اخليج نايمه ومرتاحه بس اسماء تكول خل تكعد تنظف

مرام: كل عقلهه تحجي هاي متشوف ايدي ماكدر احركهه  من وراهه البارحه ردت اموت  كوليلهه ايدهه متكدر تحركهه

لمى: هسه تضل تعيط

مرام: لو مو تعيط لو تجي تكص من لحمي هم ما اكوم شنو تايهه نست جدوو شنو والقران اذا ضلو هيج شادين ويايه  انهزم واروح لجدو اخلي يكلب الدنيا عليهم

راحت لمى وجان اسمع عياطهه

اسماء : شنو ست الحسن تريد خدم يخدموهه  شووو كوومي مرااااام وبطلي عياره  لتخليني من يجي اخلي يعلكج بالثرياا كووووومي

اني بطبعي هادئه ومينسمعلي حس والي يضربني راشدي اكله اخذ الثاني لا اعرف ادافع عن نفسي ولا اعرف اخذ حقي بس بعد ما ابويه ضربني هيج ومرف قلبه عليه ولا كلف روحه ووداني دكتور وشفت تعاملهم ويايه كرهتهم  وكمت اتجاسر بكلامي وياهم وماهتم شو بالحالتين اذا سكتت واذا جاوبت ما اخلص من ضربهم فكلت ع الاقل ابرد قلبي وارد وماضل ساكته  ومن هذاك عمري لهل يوم  من يتعاركون ويايه اوكف بوجهم وادافع عن نفسي وارادد صح ما اتجاوز بس ما اسكت وطبعا الفضل يعود لماما ( الله يرحمهه ) علمتنه منسكت عن الحق بس بنفس الوقت منتجاوز

رديت عليها

— مردت من احد يخدمني وماكدر اكوم اشتغل لان ايدي توجعني من ضربة رجلج البارحه

اسماء: ادبسزززززز شنو رجلج هذا ابوج يخلي النعال بحلگج تبوسين ايده وتكوليله رحم الله والديك

مرام: والله عاد من يصير اب حنين ويحن على بناته ويأدي رسالته وواجبه كأب ذيج الساعه ابوس رجله مو بس ايده

اجتي عليه تركض تريد تضربني

مرام: وتراب امي وروحهه الطاهره اذا مديتي ايدج عليهه انهزم  لبيت جدو واكوله كول سوالفكم والله وتدرين بجدو شيكدر يسووي وصلت حدهه كافييييي ارحموووني بشررر اني بشررر ياهو الي يجي ويدمغ على راسي انتي انتي عندج بنيه ذاك اليوم لمى ضربتهه على كيف وكلبتي الدنيا  زين من تضربون بينا متفكرون عدنه ام تحترك بقبرهه من بناتهه يتأذن

احجي وابجي فقدت 

اسماء : انعل ابوج لابو حتى جدج الي تهددينه بي ادبسزززز شو لسانج بي وميطول الظاهر شغل الصالون طلع عينج

مرام : رحم الله امج وابوج   ييي طلع عيني وفسدني وخرب اخلاقي  شكو مخليني اشتغل بي

جرت الكرسي بهدوء وكعدت كبالي وحجت

اسماء: شوفي مرام

عياطج وصياحج وتهديدج كوله ميخوف جلبي واذا تتحامين بجدج ذاك وينه اني اوديج الهم وروحي احجي الي يعجبج واجيب خواتج بنات امج وابوج واخليهن يشهدن ضدج ويجذبنج  وعود ابقي يمهم اسبوع شهر سنه يملون منج وانتي تعرفين هل شي

صيري حبابه وطاوعيني تربحين  تعاندين وصوتح يعلى وتهددين تخسرين

سالفة الشغل مال تعوفيهه مو من صالحج

تردين تعرفين ليش  اني اكلج

احاربج حرب نفسي وتعرفيني من اشد ويا وحده

اخليج حتى بنومج متتهنين اخليج تتمنين الموت ومتنولينه وهااا خاف عبالج تبطلين من الشغل اكو مدرسه لا حبابه تكعدين هنا تنظيف وخدمه  واخليج انتي تتوسلين بيا حتى تشتغلين

خليني هادئه وياج احسن متشوفين وجهي الثاني

مرام: صفنت بيني وبين نفسي حجيهه صحيح انسانه قادره شو هيه بحجايه فرت راس ابويه فرر واحنه ماعدنه سند لا اخ ولا كرايب براسهم حظ  والبارحه ردت اموت بأيده  وبيت جدو شكد يردون يتحملونه جدو رجال جبير باجر عكبه الله ياخذ امانته محد يتحملنه

جاوبتهه واني وابجي

—باجي والله ماريد شي بس اريد اكمل مدرسه حتلو اشتغل وادرس فدوا بداعت جهالج لتبطلوني

نزلت على ايدهه اريد ابوسهه بس فد استحقرت نفسي..............

سحبت ايدهه وحجت

اسماء: اذا ام دره تخليج تشتغلين وتداومين ماعندي مشكله

مرام : احجي بفرح والدموع تارسه عيني

رحم الله والديج كمت بستهه  واعتذرتلهه لان صوتي عله ووعدتها ارجع لشغلي ثاني يوم

ابجي وفرحانه ولا عبالك  حق من حقوقي  الدراسه وغصبا عنهم مفروض يخلوني اكمل

رغم الي صار بس فرحت انو اكو امل اكمل دراستي.........

اجتي نور وكتلهه بالي صار وايدتني ارجع للشغل وكالت اني احجيلج ويا ام دره حبابه ومراح تعارض

داومت ثاني يوم والي ايقنته انو دخول الحمام فعلا مو زي خروجه  وانو صح اني  اشتغلت بأرادتي بس مو بكيفي ابطل

حمدت رب العالمين على كولشي وكلت الي بي خير الله يقدمه الي

كملنه طريقنه ووصلنه للصالون وبدينه بالروتين  علما اجتي ام دره

سلمت عليه وتحمدتلي ع السلامه وكالعاده نور مسولفتلها على كولشي وضلت تنصح وتحجي وتشاقي وحاولت تطلعني من المود  ومن كتلهه انو اسماء كالت اكمل مدرسه بشرط اشتغل معترضت

ام دره :شوفي امي  اني ماعندي مشكله تداومين وتجيني ورا دوامج بس ماريد دراستج تاثر على شغلج وكذلك ماريد شغلج بأثر على دراستج

اريدج توافقين بين  الاثنين انتي مو اول وحده تدرس وتشتغل كافحي واتعبي حتى من تنجحين تحسين بتعبج ولتتاثرين بمرت ابوج خليها اخر همج شتحجي غلسي ولبسيها اهم شي عندج دراستج وشغلج والباقي كوله لغوه زايده بلا معنى

مرام: اني كولش اشكرج يوم دا اضغط عليج ودا احرجج هوايه

ام دره : لا حبيبتي انتن حالجن حال بناتي 

ويلا عوفي السوالف وروحي جيبيلنه ريوك وها هل مره على حسابج

مرام : صار يوم ادللي

رحت وكأن ماكو هم على قلبي حتى وجع ايدي نسيته  ام دره احس رب العالمين دزهه بلسم لجروحنه  وكلامهه كوله طاقه ايجابيه وحافز

بحيث تشجعت ادرس واشتغل حسيته تحدي واني احب التحديات وقررت ادرس واشتغل وما اقصر بالشغلتين  مشت الايام بهدوء

واتفقت ويا ام دره اجي من المدرسه گبل للشغل

بديت احضر للمدرسه واشتري وفرحانه

طبعا مرت ابويه ماسألني منيلج الفلوس مالهه دخل حتلو ابوگ ميهمهه اهم شي ما اطلب منها

اتذكر بس مره سألتني وكتلهه ام دره تشتريلي

اشتريت صدريه للمى وحرت شلون انطيها الهه

جبتهه للبيت

مرام: باجي باعي هاي الصدريه جابتهه اليه ام دره بس شكلهه گصيفه وكصيره عليه

اسماء : شو كومي لبسيهه

مرام: رحت لبستهه فوك الملابس حتى تبين كصيفه وبالفعل بينت صغيره عليه

اسماء: ضيكه مطلعه جسمج متلبسيها

مرام: ي صح ضيكه خل لمى تاخذهه

اسماء : لا عوفيها انطيها لبت علي(بت اخوها)

مرام : لا خطيه لمى ماعدهه واجتي من الله صغيره عليه خطيه

اسماء : كتلج لا  انتي ولمى اصلا تتلابسن ومادام صغيره عليج معناهه على لمى هم صغيره

نقهرت واحترگ قلبي يعني اني مشتريتهه لاختي تنطيها لبت اخوها ليش  متت قهر

لزمت لمى وكتلهه شتريتلج صدريه واخذتها اسماء

لمى من النوع وكحه ولسان  ومدري ليش اسماء دائما تسايرهه ومتأذيهه مثل متاذينه

فمن سمعت هيج كالت مالج دخل اني اعرف شلون اخذهه

وبالفعل اجتي ثاني يوم كالت هاي الصدريه اخذتهه وترفع بحواجبهه

مرام: لج عزااا شلون اخذتيها اخاف تشوفها عندج

لمى : حبيبتي هيا انطتنياها وهيا الممنونه

مرام: والله انتي ينخاف منج بس شلون اخذتيها

لمى: حرگتها من يم الجتف بالبخور وكتلها شو هاي الصدريه محروكه يمكن مستعمله من شافتهه كالت يوو عمه بعينهه تنطي صدريه ملبوسه واني عبالي جديده شو دروحي لبسيها

لمى: لا عيني اذا البسهه متشترولي جديده

اسماء: دشوفيها والله مديلهه يخبل روحي لبسيهه

لبستهه كالت تجنن عليج اخذيها

كتلهه لا محلوا  وضلت هيه تقنع بيا اخذهه

مرام : بس حرامات حركتي الصدريه

لمى: احركهه شويه واخذهه احسن مما ما اخذهه اصلا وحتى اذا تنطيهه فتتفشل لان محتركه  اصلا مخليت الحرك يبين

مرام: والله انتي داهيه بي يلا بالعافيه عليج

ومن يصير عندي اجيبلج قميص بلا متدري لان القمصان ميبينن باللبس

لمى : الله يرزقج يارب وهاي بوسه هم

مرام : بالعافيه دللي

مشت الايام طبيعي وبيوم من الايام چنه راجعين من الشغل ساعه 9 بالليل...

جنه كلش تعبانين وفوك كل هذا خاتون اسماء ماعاجبها العجب هواي حجي بداخلي هواي بس مرات الشخص يضل ساكت ويكبت بداخله مرت ابوي ماكدر انساها ولاانسى عمايلها هيه وابويه صرنه قريب البيت اني واختي نور واصلا الوقت متأخر ع بنات يرجعن هيج وقت للبيت محد يقبلها ع بناته هسه جيبلي عراقي شريف يقبل بنته تطلع من الصبح ماترجع لليل من زاخو للفاو احد يقبلها لا والله بس الي مو شريف وماعنده غيره على عرضه وبناته مايتسمى رجال لا والله حرام اصلا اشباه رجال هذوله المهم وصلنه للبيت جنه نتناقش اني ونور حجي عادي دخلنه للصاله وجان ننصدم بلي جان كاعد وجان اول مره اشوفه من وفاه ماما.....

مرام: هذا انت...................................................

**********************************

إياكِ عزيزتي أن تسمحي للحياة بالمرور فوق روحكِ الطيبة هكذا بسهولة، كوني مُستعطية عليها وعلى كل يوم خائن استباح دمعك و استفز الألم في صدركِ، كلنا جئنا لهذه الحياة لنحارب لأجل ما نريده، لا تخسري المعركة فتجدين نفسك مُثيرة للشفقة بعد أعوام فإن كل خيباتك هذة التي تبدو لك نهاية الحياة ما هي إلا وقت سيمر كأنه لم يكن و كل انتصاراتك التي تبدو مُستحيلة ستلمسينها واقع بمرور الوقت أنتِ فقط كوني أنتِ وكوني قوية و سعيدة لأجلكِ قبل أي شيء أخر 🦋.....

*********************************

حبايبي بنات التنزيل مضبوط بين يوم ويوم واني ممقصره وياكم الله وداحاول كد مااكدر اكتب اكثر بس القصه بيهه هواي احداث تبدي ب تسلسل بس الي دااشوفه ماكو اي تفاعل اذا ماكو تفاعل اني مضطره اوقف النشر.....

لايك وتعليق حلو مثلكم ♥♥♥

وتستمر القصه ادناه..........

إنك الشخص الوحيد الذي تأنس روحي معه يأتي و يزيل كل هذا الآسى بكلمة واحدة و أطمئن، إنك الشخص الوحيد الذي لم تقلل المسافة من محبتي له و رغبتي في البقاء معه بل أحبك كل لحظة كأنها المرة الأولى، أحبك جدا و لن يمحي هذا الحب أي شيء ❤"

***********************************

فتنه للاستقبال وجان نتفاجئ بوجود خالي

مرام : خالو محمد!!!!!

الخال: هلاا والله شلونجن شخبارجن

كام بوسنه وسلم علينه واحنه في حالة صدمه

شجابه علينه وهمه ناسينه من يوم الي طلعنه من بيتهم

نور : شلونك هالو شخبارك شذكرك بينه

الخال : والله يا خالي احنه مناسيكم

بس انتو الي متردونه

واني حالف ما اجي ولا اوصل بيتكم ولا الي دخل بيجن بس ابويه اخخخخ منه  كتل روحه كتل عليجن

حارث بأرتباك: ابو جاسم هسه مو وكت هل حجي اكعد اشرب جايك

نور: لحضه بابا خل افتهم

شنو الي سوينا الكم ومتردونه  احنه مو بنات اختكم ؟ امي جانت مقصره وياكم؟؟ شو تجيب وتحمل الكم ولجهالكم ولنسوانكم هاي هيج تردولهه الجميل ببناتهه؟؟ تجي ببيتنه وتكول ماريدهن شنو الي سوينا فهمني

الخال : احنه الي مردناكم ؟؟

شكم مره خابرنه على ابوجن بس نريده يجيبجن وانتن متقبلن ؟؟ لجن ماتت خالتجن بالجذب مرفعتن تلفون وسالتن على حالنه كلنه  اطفال وميفتهمن نخابر ونسال ونريد نحجي وياجن وانتن ترفضن مو انتن الي تكولن متبرين من خوالنه ومنريدهم !! ششفتن من عدنه

شو اجيتن من ماتت امجن بقيتن معززات مكرمات يمنه لا احد غثجن لا احد سمعجن حجايه ونسوانه قايمات بكل واجباتجن وابويه وامي يكومون ويكعددون بنات مروه ويا بنات مروه بس صدك لو كال المثل اليربي غير بزره يزرع بغير گاعه

وهسه ست نور طالعلهه لسان وتوكف وتكلي شذكركم

هوا يحجي واحنه مو مستوعبات الي دنسمعه وابويه وجهه كام يذب الوان

رغم عرفنه ابويه هوا الي منعنه من بست جدو وراد يكطع علاقتنه بيهم بس محجينه كدام خالو وكلنه ابويه

بقينه مثل بلاع الموس لا نكدر نحجي ونكول احنه مندري ولا نكدر نضل ساكتين ونشوف الحقد بعيون خالي وجيتة المجبور عليها

اكتفينه بالسكوت

نور : ءءء خالو كلت بو ما ابويه ما اجي

جدو بي شي ؟

الخال : جدج مريض وموات وصارله شهر يون عليجن اتصل بابوج ميجاوب وجدج اكل راسي اكل وهسه نقلنا مستشفى

واذا تتكرمن وتجن ويايه يشوفجن اكون ممنون

فقدنه نبجي على جدو لو على تصرف ابويه لو على دنيانه الي  يوميه تصدمنه بشي

نور : ايي اكيد نجي ولتفتت لابويه  موو بابا

حارث : اي بابا هذا جدكم ومن ريحة امكم  اخذي خواتج وروحو شوفو

بس لتبقون بالمستشفى لان امراض واخاف عليجن

اكثر شي اكرها بأبويه التمثيل هوا يمتى خايف علينه حتى هسه يخاف

سايرنا وكلناله ماشي

بدلت لمى واحنه بملابسنه مال شغل وطلعنه ويا خالو

صعدنه بالسياره وهوا

حجه

الخال: اني لتهيت بالسوالف نسيت اسألجن

ساعه ٩ بالليل وين جنتن

اني ونور وحده تباوع للخ ومنعرف شنحجي

اخاف نكول جنه بالشغل وابويه مجذب غير جذبه وتصيرلنه مشكله

حجت نور : مو شسمه  ءء مرام مو نجحت للرابع اعدادي؟ فدخلهه بابا معهد علمود تتقوه  وهسه كملت ورحت جبتهه

حارث : هااااا صاير خوارده حارث ويدخلجن معاهد وتدريس خصوصي شبي لعد جان بوكت مروه شايل ايده من كلشي  ولو هيا حضوض

ايي نور بيا صف هسه انتي

نور بغصه وكوه تحجي: اني بطلت خالو

الخال : ليش ولج امج جان املهه بيج

نور: مالي واهس بالمدرسه وبطلت

الخال: مالج واهس؟ لعد بشنو الج واهس اذا بالمدرسه مالج واهس؟

نور : خالو صارلي هوايه من بطلت مو اليوم والبارحه ونسدت سالفتهه

الخال: مادري اكو شي مدا ارتاحله

نور : احجي بقلبي

شي واحد ؟؟ اكو اشياااءات انتو متدرون بيها

شكد دورنه سند وشكد ردنه احد يوكف ويانه شخص واحد جان كافي انو يسندنه انو يطبطب علينه ويكول اني لسه وياكم بس ملكينه هل شخص

مشت بينا السياره قرابة النص ساعه

صف خالو السياره بگراج جبير

قرينه قطعه مكتوب عليها مستشفى ابن النفيس

نزلنه ومشينه فات خالو للمستشفى واحنه نمشي ورا

لحد موصل للغرفه الي بيها جدو

فتنه وشفنه جدو على سديه وداير مدايره خالاتي وخوالي

وبيبي كاعده يم رجله على كرسي

بس بيبي كبرانه ٢٠ سنه فوك عمرها  وخالاتي كبرانات

رحنه تقربنه نسلم خوالي الباقين دارو وجهم وطلعو حتى مسلمو علينه

رحنه سلمنه على بيبي اخذتنه بالاحضان تبوس وتشمشم بينا وتبجي

سلمنه على خالاتي شويه وجوهن اهون من خوالي

جدو جان نايم

تقربنه من عنده وبسنه راسه

ضلينه نحجي ويا وگان يسمعنه

نور: شلونك جدو حبيبي شبيك شمرضك

كوم شوفنه مو ردت تشوفنه احنه اجينه

نور تحجي وبيبي تبجي  بهل اثناء جدو نزلت دموع من عينه وهوا مغمض

نور : جدو اگعد احنه يمك منعوفك كوم حبيبي كوم شوفنه يلا مشتاقيلك

خالاتي كامن يبجن وبيبي تنعي وتبجي صدوك كولنه بجانه هذا الموقف

لمى واگفه على صفحه واني ونور يم  راس جدو......

جدو حالته متأزمه كولش وصحته تعبانه

من سألنه خالاتي شبي

كالو ضاربته جلطه قبل فتره وهسه هم ضاربته ثانيه وهوا منا عنده ضغط وسكر فرضعه كولش متأزم

بقينه كاعدين يمه قرابة الساعه

نور كاعده يم راسه ولازمه ايده

من بعد ساعه وعه واشر بأيده حتى نرفع جهاز التنفس من خشمه

رفعته نور وتقرينه عليه كلنه

الجد : ميلوو غاد خلو بس بنات مروه يمي

كولهم ابتعدو واحنه اقتربنه

— شلونك جدوو يلا شد حيلك وصير زين احنه محتاجيك

الجد: هاي ياهي هاي مروه شجابهه ( يقصد على نور لان تشبه ماما )

نور: لاجدو هاي اني نور

الجد : ولكم هاي مروه بشبابهه  وكام يبجي

نور : لتبجي جدوو ماما ماتت الله يرحمهه صارلهه سنين

الجد: ولكم لتكولولي سنين

جنهه البارحه تلعب كبالي بالحوش  ولكم مروه جبيرتي لهسه وجعهه برويحتي اخخخ يابويه رحتي قبل وكتج  ولج بويه تعالي لبنياتج محتاجاتج

كمنه نبجي ومنعرف شنحجي لحد ماهو حجه

الجد: شوفن بويه ادري مرت ابوجن موزينه وياجن وانه هل تشوفني صحتي متعيني اسوي شي لو بحيلي والله لجان لعبتهم ع الحبلين هم هيه وهم حويرث الدثو ابو النسوان

العقارات الجن بي حصه بويه حصه امچن موجوده وانه خليتهه امانه برگبت خوالجن يبقون همه الوصيين على حصتجن لحد متتزوجن وكل وحده تاخذ حصتهه لان اعرف لو انطيتهه الجن الحيه وابوجن ياخذهه ونتن ماتحصلن شي وانه حصة بنتي مارضى مره غريبه تاخذهه هذا حقجن ولون اعرف هسه ماتكدرن تتصرفن بشي هل وصيت ليما تتزوجن تاخذنهن وبويه حاللني وواهبني  انه قصرت وياجن اخر فتره بس والله ثم والله صحتي متعيني واكثر من مره اتصلت على ابوجن ومايرضى احجي وياجن

نور : لا جدو حشاك من التقصير

انت هم الله يساعدك بيت بمسووليتك وولد وبنات واحفاد شتريد تصير واحنه الحمدلله هل تشوفنه عايشين والحمدلله

الجد : بويه نور انتي الجبيره عينج على خياتج ترى ابيج دثوو انتي خلي بالج منهن ذني امانة امج حافظي عليهن حتى ترتاح بگبرهه بويه

نور: بلا متوصيني جدو بناتي ذني وببطن عيني خالتهن

الجد : ولا تگطعن ببيبيتجن عبنهه تحبجن وتنوح عليجن هاي هم امانه يمج نور بويه

نور: احجي وابجي وكأنه يودعنه

حبيبي ببطن عيني بس لتحجي هيج ان شاء الله انت تكوم على حيلك وتلمنه كولنه يمك

الجد : لابويه مامنهه كومه  هذا اسعد يحومي عليه كولسع اشوفنه بزاويه بالغرفه وامج هم شفتهه اضنهم يردون ياخذوني وياهم

( اسعد خالي مستشهد بحرب ايران شاب عمره٢٦ سنه هستوه صار ضابط ومات)

كمنه نبجي من حجه هيج فقدنه

خالاتي وبيبي وعلى صوت بجيته فاتو خوالي يركضون عبالهم بي شي جدو

شبعنه بجي نسيته نفسنه لل٢ بالليل يمه بقينه

عاد نام وبيبي كالت روحو يمه تتبهذلون هنا

طلعنه بالسياره خالي وصلنه للبيت

نزلنه وفتحنه الباب  وفتنه البيت هدووء

رحنه كل وحده لفراشهه وحاولنه ننام بس هيهات النوم مزار عينه كولسع نتذكر شغله لجدو ونبجي عليهه نتذكر شلون جان يلعبنه من جنه نروح يمهم

تطفى الكهرباء وبأيده يسويلنه اشكال ينعكس ضلهه ع الحايط واحنه نفرح

لو جان ياخذنه لابو غزوان ابو اسواق يمهم يلمنه كولنه احنه وبنات خالتي وولد خالي ونروح يكول اخذو الي تردو واحنه نسوي هجوم ع المحل ونطلع وهوا يقشمر علينه يكول من تمشون ورايه يجيكم الطنطل واحنه من الخوف نركض كدامه

ومره وكعت وكمت ابجي وكلهم راحو بس جدو بقى يمي ديكومني واني اكله حباب شيلني ماكدر امشي واخاف يجي الطنطل وهوا يضحك عليه

لو جان ميقبل احد يفوت غرفته من الجناين وحتى بيبي ميخليهه تفوت واحنه من نروح كلنه يجمعنه ويشغل الصوبه علاء الدين ويكعد يسولفلنه قصة ابو طبر لو علي بابا

مواقف بسيطه بس شبعنه بجي عليهه

للفجر يلا جبرنه روحنه ع النوم لان ورانه دوام

نمنه كم ساعه وكعدنه نظفنه البيت وبدلنه وطلعنه للشغل

مقل روتين اليومي بدينه بالشغل لل٣ الظهر  اسماء دكت على ام دره

( لان بوقتهه جانت متقبل نشيل تلفونات)

اجتي ام دره مخطوف لونهه  ومرتبكه

ام دره: نونه حبيبتي اني ومرام اخذو تكسي منا وروحو للبيت مرت ابوكم خابرت كالت ابوهم متخربط

اني ونور وحده ضلت صافنه بوجه اللخ ابونه متخربط شنو واحنه شنريد نسويله

راحت من بالنه سالفة جدي

نور: يوم صاير غير شي احجي اذا صاير

ام دره : دروحن يا امي مضل وكت توصلن وتفتهمن واخذن اجازه هاي ال ٣ ايام

رحنه بالطريق وجان نور تفطن

نور: عزا العززاني كون بس لا جدو صاير عليه شي

مرام : لا اسم  الله لتكولين هيج البارحه جنه يمه

نور : الثووله شنو البارحه جنتي يمه يعني شنو شديتيله رصيد حتى ليموت شوو دمشي كدامي مالي خلك غبائج............

مشينه بأستعجال لحد موصلنه البيت

دخلنه متفاجئات

ها باجي شبي ابويه

اسماء: ابووج؟ ياستار شبي ؟

نور : مو انتي خابرتي ام دره كلتيلها ابوهن متخربط خل يجن ؟

اسماء بقلة انسانيه: لا اني كتلهه جدجن مات وخالجن جاي بالطريق عليجن حتى ترحن للفاتحه مجبت طاري ابوجن

هيه كالت هيج واحنه فتحنه حلگنه على وسعه والدموع تنزل

— صدوووك تحجييين صدوووك جدو مااات وانتي تحجيها ببرود اعصاب

اسما: ديلا عيني مو ابن ال٢٠ سنه ميت وبعدين شتردن مثلا اشگ زيجي حتى ترضن مات الله ويا شسويله عرف ولف

موتنه روحنه بالبجي اني ونور  بس لمى جانت بارده صح تبجي بس مو بحركه

انتضرنه يجي خالي حتى يودينه

كمنه بدلنه ولبسنه اسود وكعدنه ننتضر

اسماء تفتر علينه

المن رايحات هوا جدجن ومات والشغل شلون وراح يكطعون من راتبجن  ومن هل حجي

احنه مابينه حيل ومالنه خلكهه

اجه خالو اخذنه بس لمى مقبلت تجي

اني ونور رحنه للفاتحه  وهاي ثاني عزيز نودعه ويروح من عدنه

ثاني سند النه يروح 

كل وحده صافنه بجهه والدنيا طالعه من عينهه

حجه خالو

الخال: لعد ذيج الصغيره وينها ليش مجتي

نور: بقت يم الجهال محد بقى يمهم

الخال: امممم مغزره بيجن مرت ابوجن ولا عبالك ماخذه مكان امجن من طاح حظجن

سكتنه  لحد موصلنه

اول مدخلنه العياط والصياح يجيب التايه  وخالاتي متخبلات خبال وبيبي سوده عليه تعبانه كوولش منتهيه

فتنه جوا نبجي ونلطم وكأن فاتحة ماما نعادت

بيبي تلطم وتنعى ومكعدتنه يمهه

ياعزيزاات جدهن وياحبيبات جدهن وتنعي وتبجي واحنه نيجي وياها........................

***********************************

إياكِ عزيزتي أن تسمحي للحياة بالمرور فوق روحكِ الطيبة هكذا بسهولة، كوني مُستعطية عليها وعلى كل يوم خائن استباح دمعك و استفز الألم في صدركِ، كلنا جئنا لهذه الحياة لنحارب لأجل ما نريده، لا تخسري المعركة فتجدين نفسك مُثيرة للشفقة بعد أعوام فإن كل خيباتك هذة التي تبدو لك نهاية الحياة ما هي إلا وقت سيمر كأنه لم يكن و كل انتصاراتك التي تبدو مُستحيلة ستلمسينها واقع بمرور الوقت أنتِ فقط كوني أنتِ وكوني قوية و سعيدة لأجلكِ قبل أي شيء أخر 🦋......

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!

***********************************

كملت الفاتحه وجانت من الفواتح الضخمه ببغداد لان جدو الله يرحمه جان شيخ عشيره هوايه عراضات اجتي بفاتحته وشيوخ عشاير جبيره نزعت عگلهه على تابوت جدو  وكل الي يعرف جدو حزن على وفاته لان جان انسان طيب وحقاني ويخاف الله بالناس

هوايه اجوي ناس منعرفهم بالفاتحه ومن يسولفن يكولون المرحوم جان متكفلنه هاي الي زوجهه شهيد وعدهه ايتام وهاي الي عدهه مريض  كولهه حزنت عليه

طبعا ابويه بالفاتحه مأجه ولا وصل وتحجج بمرته مريضه  وهمه هم اصلا مهتموله

بس الي لاحظته خوالي كارهينه على كره ابويه

كملت الفاتحه وبيبي سوده عليه صحتهه بالنازل ومبطلت من البجي والنوح على جدو

نور طلبت من خالي محمد يرجعنه للبيت

وهوا مرفض اخذنه ورجعنه ورجعنه لحياتنه الطبيعيه

بين الشغل والبيت ومشاكل اسماء الي متخلص

باقي على دوام مدرستي 3 ايام

فرحانه ومنصدكه راح ترجع المدرسه ولو متخوفه لان شغل وبيت ومنا دراسه بس دائما چان كلام ام دره يشجعني ويكون الي حافز

بيوم رجعنه للبيت بنص الشارع وشفنه ذخان يطلع من بيتنه

اني ونور تخبلنه  وطگيناهه بركضه  لحد موصلنه  فتحنه باب الطرمه وفتنه

ونشوف صخام البين خاله طشت وبنصه اوراق مدري شنو وديحتركن ولازمه بيدهه بطل ترش على الطشت وتزيد النار

نور بخوف: هااي شدتسوووين والله نشف دمنه عبالنه البيت احترك

اسماء: واحد اول ميفوت يسلم

نور: باجي شسلم تعالي لزمي قلبي راح يوكف من الخوف شنو هذا

اسماء : صور قديمه تارسه الكومدي ترس  لزمتهن وحرگتهن شصخم بالسكراب بييتي

نور: صور قديمه وبالكومدي؟؟

باجي بس صور ماما الله يرحمهه بالكومدي وكولهن ملمومات بجنطه ياهوسه بعد

اسماء: اي صور امج مال عرسهه وصور كوومه شصخمن بيهن

نور: منوووو سمحلج تحركيهن كل عقلللللج انتي  صورر امي بيش مأثرات عليج  ليش حرگتيهن  لييييش

اسماء : وسممم نصي حسج امج وامج ثابرتني صور امج ممحجبه شلون تتشرفين بهيج ام

نور: لااااااا لهنااا وحدج اياااج تجيبين طاري امي على لسانج امي ممحجبه بس اشرف من الشرف لاظلمت ولا اذت شخص بحياتهه

اسماء: دكافي كافي فوتي جوه سوي عشى

نور: اسويي سم ان شاء الله حسبي الله ونعم الوكيل

مره ميته تغارين منهه وتحركين صورهه ليش

اسماء: عشتو عليش اغار منهه احسن مني واغار منهه

نور: اي احسن منج انسانه مثقفه  ودارسه وواصله وحلوه  وتعبانه على روحهه

بس والله انتي مريضه الي يغار من ميت هذا مو صاحي هذا مريض

تحجي ومفرقحه وتبجي وتشهك  واسماء ترد عليهه بكل برود

اسماء : نور تفوتين جوا لا ادير هذا النفط عليج واحركج فوك صور امج

فاتت نور وفتت وراهه وتتحسب وتدعي على اسماء وابويه ومفرفحه روحهه  تنتضر ابويه يجي حتى يخلي حد لهل مهزله

نور: يا اسماء اذا مندمتج ما اتسمى نور وتراب امي الي ماعندي اعز منه اله اخليج مثل المخبله بالشوارع

مرام: هسه هيه صور بيش مأثره عليهه

الله لاينطيج يا اسماء كون يحرك قلبج بعزيز قلبج.......

اجه ابويه وشكله شارب

ونور قلبهه محترك لزمته وگلتله

نور: بابا شنو معناهه باجي تحرك صور ماما ؟؟ ومن اسألهه تكول امجن ممحجبه شلون تتشرفن بيها

تحجي وتبجي

حارث: حرگت الصور ؟؟

اسمااااااء اسماااااء شو تعاللي

اسماء: ها عيني شبيك تعيط

من شافت نور واكفه بصفه حجت

— ها الظاهر بناتك حاشات براسك

حارث: طايحة الحظ شنو اني عربانه ويحشن براااسي ليش حاااركه صور امهن

اسماء: حارث شبيك واذا محرگتهن ليش تكبر الموضوع

حارث: مو سالتيني وكتلججج لتحركيهننم ولتشككيهن باجر عكبه بناتهه يكبرن يردن صور امهن ليش تتصرفين بكيفجج

استغربنه من تصرف ابويه اول مره يردهه ويرزلهه كدامنه

اسماء سوتلهه زعله وفاتت للغرفه وسدت الباب

ورجع ابويه علينه يرزلنه ليش تكبرن السالفه ومن هل حجي.........

الله اليستر من زعلتها هاي اكيد وراهه شي جبير احنه كمنه نخاف منها انخاف كلشي اسوي بينه واحنه بنات اصغار وحتلو كلنه لبابا اكيد راح يجذبنه ويصدكها لان تكدر تخترع جذبه من عدها واحنه الي نوكع بيهه  وهيه اصلا زين من عدها خلتنه نشتغل اني من اتذكر ذيج الايام واحنه

نتحسر ع الربع شكد انقهر.....

**********************************

هذا آني يبعد آني

يبعد الاجه و بعد الراح

شمعه بلاعرس معلوكه

ياذلة ضواهه اتنزفه وليمته

هذا انه يبعيد  اهناك

اشتل بالجرح طرواك

واهلال العمر

لاهل ولا شفته

ولملمت الدمع تيزاب بعيوني

ولك تيزاب وحبسته

سهر بردي وجحيل ازرك

يل خشبة الكلب لو طك

يالسحن الكحل بجفوفك اسحنته

اشعندك ياشمس ميته

جفنها الثلج والغيبة والسكتة

شعندك ياولك يا آخ يا هدمي

يدمي يفور ثلجتة

ذياب كزار......

***********************************

طبعا اني كلش اسفه على التاخير بس والله العظيم البنيه ماعدها وقت تنطيني الاحداث واني حالي من حالكم مااعرفها ف اعذروني ع التأخير مره ثانيه

يعني الاحداث كلها حقيقيه بس ماكو قصه حقيقيه مابيها خيال ف اعذروني خاف قصرت وياكم..

- كلمة الأعتذار لن تمحيَ دموعي التي هدرت أيّاما و لياليِ وأشهرًا و ما قاسيته من عناءٍ، لو حدّثتك عمّا أحدثتهُ كلماتك من جروح لن تلتئم، لقد استغرقة خيبةَ أملي و إنكسار خاطريِ وددتُ لو لم يكن صحيحًا.. لو كانَ مجرد غيابٍ كـ العادة، لو كان كابوسًا، لو كان كذبة! لَـ كم تمنيتُ أن ما ما للغدِ وجود! و لكنّ للأسفِ فقد حان الوقت، الإنتصارَ لـ كبريائي الضائع، لأجِل روحي التي أخرستها و لكن هيهات إنها الخيبات التي لاتنصفها الكلمات .

************************************

من بعد هل موقف اسماء شدت ويا نور شده مو طبيعيه كامت تحاربهه بكولشي

بالاكل باللبس يوميه تخابر ام دره وتتعارك ويا نور ومنا بدت الحرب بين نور واسماء

بدت المدارس  وجنت كولش خايفه لان هل سنه غير عن كل السنوات

هل مره المسؤليه اكبر

بس جنت دائما اشجع نفسي بنفسي

- اني گدها

- اني شاطره

- هذا اختبار من رب العالمين اليه ولوما رب العالمين يشوفني كد هل مسؤؤليه ميخليني بيها "لايكلف الله نفسآ الا وسعها"

جنت اداوم الصبح بالمدرسه  وارجع من المدرسه گبل للصالون نور جانت تجيبلي وياها ملابس فأبدل واسبح وابدي بشغلي

ووقت فراغي جنت اكعد اقره بس جنت استحي اقره گدام ام دره فمرات تنام الظهر او تطلع وماكو زباين اكعد اقره

ارجع للبيت  اكمل تنظيفي ارتب جدولي واطلعلي ملابس والف راسي وانام وهيج جان جدولي

جان حلم عمري اصير بايلوجيه كولش احب هل اختصاص ( تشريح علم الاحياء تحليلات)

بالبدايه جنت مسيطره ع الوضع لان دروس قليله اكملهه بالصالون بس بمرور الايام واجهت صعوبه فضيعه

جنت اقره بالصالون واشتغل وارجع للبيت اشتغل واكعد اقره لل٢ او ٣ انام ٣ ساعات واكعد اقره وابدل واطلع للمدرسه جنت انتهي من التعب

جان عندي يوم الخميس عيدد ارجع انام ودوامنه بالصالون يوم الجمعه ب٢ الظهر فبس بهذا اليوم جنت اشبع نوم وارتاح  رغم اسماء مچانت تعفيني عن شغل الببت وجانت تحاول تضغط عليه حتى ابطل من المدرسه شنو غايتهه ماعرف رغم اني دا اشتغل وابدد ما اشكي يمها من تعب او ضغط حتى لتكولي بطلي.............

دائما جنت اجمع فلوس بس ما اكدر اتصرف بيها

لا اكدر اشتري ملابس ولت اكدر اشتري الشي الي اريده

فأنجبر اداوم بالملابس الي عندي رغم احذيتي تعبانه ومو جديده والملابس بس سيت واحد اشتريت جديد الباقي قديم

يعني الي يشوف منضره يبين عليه فقيرة الحال

بيوم من الايام بشهر الواحد جانت الدنيا باااارده ثلج والصبح ضباب ومطر

طلعت بالبلكونه دااشوف الجو

بارد يگص گص  حرت اني ماعندي ملابس شتائيه مال مدرسه ولا عندي قمصله حايره شلون اروح

لبست القميص والصدريه ولبست جوا القميص بلوز بس الدنيا ثللج ولبست حذاء نور من جانت بالمتوسطه وطلعت

اطرافي جمدتت من البرد نوب اروح مشي للمدرسه والشوارع طيان ومطر وحالتي حاله

وصلت للمدرسه اتختل بين البنات من البرد

شافتني مدرسه كالت صعدي جنطتج وتعاليلي

كل ضني علمود دفتر  الغياب او شي يخص الصف لان جنت المراقبه مال صف

وديت الجنطه ورجعتلها

مرام: نعم ست

المدرسه : ماما ليش ملابسه قمصله والجو بارد ؟؟

مرام: حرجتني بسؤالهه وحرت شجاوبهه ونوب كاعدات مدرسات بالغرفه والغرفه هدوء وينسكع صوتهه فكولهن انتبهن 

اني بساعتهه لو ذابحيني ميلگون بيه قطرت دم ع الموقف الي تخليت بي

—ءء شسمه مو ست  مو احتر

اتلعثم وماعرف شحجي رغم البرد بس ني حسيت روحي سخنت

المدرسه: تحترين بهل برد؟؟

مرام: لاا ست بس اني عندي حساسيه واختنگ من البسهه

حست بيه دا اكذب وحرجتني اكثر

المدرسه: ماما لتستحين اذا ماعندج احجي الفقر مو عيب

هيا حجت هيج ودموعي جرن احجي بقلبي يافقر الي تحجي عليه واحنه حالنه زين

— ست مو هيج والله اريد بس ابررللهه بس ماعرف شحجي ماكدر انطي بأهلي ولا اريد تعطف عليه وتستخطيني

داحجي وجان تفتح جنطتهه وتطلع ٢٥ الف من الجنطه وتخليهه بيدي

المدرسه: هاج هاي ماما اشتري قمصله واني مثل امج

كمت ابجي

مرام: ست اني ممحتاجه والله بسس بسس ماكدر اخذ هاي الفلوس.....

حزن بنفسي واحد يستخطيني وينطيني صدقه واني ممحتاجتهه بس اني وضعي اصعب من الفقير والمحتاج

يجوز الفقير عنده ضروفه  وهيا الماده الي مانعته يشتري او يدفي نفسه بهل برد

بس اني لا اني الي محتاجته اهم من الفلوس................

نطتني الفلوس وطلعت من الغرفه اخذتهن لان حرجتني والمدرسات كولهن ضلن يباوعن فأني ردت بس انهزم ماريد ابقى اكثر لان الموقف اذاني كولش

صعدت لصفي وكعت ابجي ع الموقف الطايح حظه الي تخليت بي بسبب اهلي

اجوي البنات يردون يعرفون شبيا وليش ابجي

كتلهم شفت درجتي مال فيزيا وموزينه

ابدد مجنت اتعمق بعلاقاتي بالمدرسه علاقتي سطحيه بحيث محد يعرف شي عن حياتي غامضه بشكل

من بعد هل موقف رجعت دزت عليه نفس المدرسه

وگالت اكو فلوس نجمعهه احنه المدرسات وننطيهه للطلاب المتعففين فخلي امج تجي باجر حتى نسلمهه المبلغ

جاوبتهه: ست اني والدتي متوفيه ووالدي هم متوفي واحنه كاعدين يم بيت عمي

( تمنيت لو ابويه صدوك ميت ع الاقل تحل علينه الصدقه ) فمنهه وكمت ياهو الي يسألني اكوله والدي والدتي متوفين وبالفعل احنه ابونه مات ويا امنه والي موجود بالبيت نحسه رجل مرت ابونه لان ماكو اب هيج مهمل ومو حنين على بناته

وحتى من كذبت هل كذبه مطمنه مراح تنكشف يوم لان من ماتت ماما لهل لحضه محد اجه علينه للمدرسه وتفقدنه وشاف وضعنه الدراسي شلونه

المدرسه : لااااااا صدوك تحجين ؟؟

اسفه ماما موقصدي اجرحج  واني اكول مرام متفوقه وشاطره وماكو اهل بتهم هيج متفوقه وميجون يسألون عليهه بالمدرسه

متدري هيا اهلي محاربيني ع الدراسه

نطتني الفلوس ورفضت اخذهن وكلتلهه عدنه راتب اهلي عايشين بي ومكتفين وممحتاجين وهيا هم مرادت تحرجني ستأذنت وراحت

رجعت للصالون واني كمية فرح بداخلي مو طبيعيه

سولفت لنور ولام دره ع الي صار وكتلهم انو كذبت ع المدرسه وكتلهه ابويه ميت

ام دره: ييييي زين ماسويتي هسه هوا شمسويلج ع الاقل خلي بعداد الموتى احسن..........

نور جان الهه فضل كولش جبير عليه

جانت من ام رده متجي متخليني اسوي شي تكلي فوتي بالاوفيس اقري واني اكمل الزباين  وجانت بالبيت هوايه تشيل هليه من شغل البيت ودائما تشجعني اقري وادرسي وكسري خشم ابوج ومرته  وني جنت انصت لكلامهه واحاول انفذه

استلمت النتائج مال فصل الاول والحمدلله ناجحه وبتفوق جان معدلي بوقتهه٨٣ رغم قليل واقل من السنه الي قبلهه بس جنت مقتنعه بي لان اولا الرابع علمي صعب كوولش وثانيا بدون مدرسين وثالثا والاهم جانت ضروفي صعبه رغم هذا وجبت معدل زين الحمدلله

رجعت للبيت بيومهه فرحانه بنتيجتي

اجيت راويتهه لابويه محجه شي ولا حسسني بالانجاز الي مسويته مجرد كال مبروك وبس اما اسماء

اسماء: خل اشوف نهاية هل مدرسه شنو شراح تصيرين دكتوره ؟؟

مرام بفهاوه : اللله يي والله باجي بلكي اصير دكتوره كلش احب المجالات الطبيه

اسماء: لا هاهيه ماعترف بالتدريس بالعراق اذا مرام صارت دكتوره

مرام: باجي والله اني ذكيه بس مدري ليش انتي ممقتنعه بيه

اسماء: دمشي ولي الذكيه انتي المكناسه متعرفين تلزميهه

حاولت تقهرني بس ولا اهتميت

دائما تكولي الفاهيه صح اني بطيئه بشغلي ومن انظف بس نظيفه ومن اشتغل من كل قلبي وادقق بشغلي  هيا ميعجبهه لان اتأخر............

بيوم من الايام جان بارده ومطر والشوارع غرگانه فطفت الكهرباء مال محل ومنا اصلا زباين ماكو فأم دره كالت خل نعزل المن مفتحين

عزلنه ورجعنه للبيت  بس البيت هدووء

يوميه نرجع الهوسه مال جهال واصله لراس الشارع استغربنه

احنه بابنه الخارجي بي سيم يعني نفتحه من برا

فتنه البيت هدوء ماكو احد غرفتنه فارغه المطبخ الصاله الاستقبال كولهه فارغه

سمعنه صوت من غرفة ابويه واسماء مال رجال غريب

نصدمنه اني ونور وضلينه متبسمرات بالباب لحد منفتح الباب وتخبلنه من الي شفنااا….......

طلع رجال ضخم اصلع من الغرفه وبظهره اسماء لابسه ثوب قصير اسود وشعرها مفتوح ومكوش

شافونه وضلوو يباوعون علينه واحنه نباوع بوجوهم اسماء صار وجهه اصفر والرجال استغرب من وجودنه ستأذن منها ولف وجهه بالغتره وطلع

اسماء: نور مرام لتفتهمني غلط

نور: البيت فارغ وانتي ورجال غريب بالغرفه وبهذا لبسجججج الخززززززي وتكوووولين لتفتهمووني غللط

شووفي انيي ما احاسبج ولا الي اي شغله بيج ذنبج على جنبج بس لمى ساعه وحده بعد متبقى يمجججج

اختتيييي حديثه وبنيه شلوووون تفوتين واحد للبيتتتتت هاي تالي عمرنه بيتنه يصير مگ…ه ؟؟؟؟ مخفتي على سمعتتتتنه مخفتي على سمعة جهااالج ؟؟ موگف بعينجججج حاررث؟؟ رجال الشيب تاااارس شعرررره  مانقهرتي عليه تخوووني وبفراااشه ؟؟؟؟ تخوني وهوا مثل الجلللب يطلع من الصببببح لليل حتى يجيب الراااتب ويخلييي بيدج ؟؟؟

اريد افتهممممم بشنو مقصررين ويااااااااج وهيج تسوووين

بشنوووو قصرنه شوو نقصر على روحنه في سبيل نرضيييج  حسبي الله ونعم الوكيل بيججج حسبي الله ونعم الوكيل

واني اله هذا الدثوو الي خالج تخوطين بشواربه وهوا مكيفففف خل يجي ويشووف هاي الي خالهه بيتهه وسواهه ام فلااان وفضلهه علينه شلوون تخونه

اسماء: نور ابوووس ايدج اسكتيي  الله يخلييج  لجج مادري نثولت ابوووس ايدج سكتي تعالي فوتي بالغرفه واني افهمج كلشيي وكافي عياط

تحجي وتبجي وتتوسل بنور

فاتت وياهه نور  وني ضليت افر براسي

هاي شلون تصادق وهيا على ذمت رجال  شلون الهه نفس برجالين زين احنه اخذتنه السوالف ومسألناها على لمى والجهال  ذوله وينهم ؟؟ بس لاسوتلهم شي

مرام: باجي ..باجي ممكن ادخل؟؟

اسماء :تعالي

مرام: باجي الجهال ولمى وينهم شو ماكو

ندارتلي نور : ييي صدكك الجهال وين همه ولمى ؟؟

اسماء : بالمنتزه عجبهم يرحون واخذتهم لمى

نور: طلعي مرام وسدي الباب

ني هم طلعت  وسديت الباب  وطلعت نفسي من السالفه

اني من النوع انعزاليه ولو تنگلب الدنيا مالي دخل مدام الموضوع ميخصني ما ادوخ روحي بي

كعدت اغسل بملابسي مال مدرسه كملتهن وكعدت اقره كل هذا الوقت ونور واسماء بالغرفه

رتبت جدولي وبقالي كم ماده ادرسهه بس تعبت كولش غفيت مادري شكد وفزيت على صوت الجهال ولمى

لمى: مرام هاي انتي هناا؟؟ شجااابج ؟؟  مو بعد وكت

مرام: طفت الكهرباء بالصالون وعزلنه ورجعنه

لمى جان بعيونهه خووف من شافتني بس ني من شدة غبائي مفتهمت ليش خايفه ولا حتى سألتهه

اجتي نور من المطبخ

هااا ست الحسن شرفتي؟؟

وين جنتي بالله ؟؟ غيرج وحده تكعد تدرس طايحة الحظ مو عايفه  دراستج وتفرفرين بالشوارع

لمى :هييي وانتي شعليج ماما تقبل وكتلهه يله طلعت انتي شكو تتحكمين بيا

نور منا محترگ قلبهه من الموقف وشايطه ومنا لمى استفزتهه ونوب تصيح لاسماء ماما  جرتهه من شعرهه وضربتهه راشدي

نور: ادبسززززززز طايحة الحظ صوتج من يعلى اشربچ تيزااب والله سوالف بنات الشوارع مو يمي وسالفه ماما تدري وماما تقبل متاكل عندي اني دا اطلعععع من الصبح لليل واجي مكسوور ضهري واكعد انظف واسوي عشى كل هذا في سبيل متركن دراستجن وانتي حضرة جنابج تفترين بالشوارع؟؟؟...........

توضيح مهم من البطله بخصوص الاحداث:

طبعا اكو بنات راح يستغربون ويسألون ليش ما اشتري ملابس واروح بيها للمدرسه

ماكدر اشتري لان جنت اطلع من البيت واسماء بيها طبع نگس تفتش بكناتيرنه وبغراضنه وياويلهه الي عدهه شي وهيا متدري بي راسا تاخذه

والي يسأل ليش كلت على ابويه ميت

لان جنت صدووك اتمنى يمووت لان كول الي صار بينه بسببه اذا على اسماء فهي اذا كامت او كعدت تبقى مرت اب بس اويلي عليه هوا اب واحنه بناته من دمه ولحمه شلون يتعامل ويانه هيج

ابويه جان يشتغل بمكان ماكدر اذكره بس راتبه جان ٢٠ ورقه بالشهر وبيتنه ملك وعنده سياره يعني لامحتاج لشغلنه ولا مفروض يخلينه محتاجات

دائما جنت ادعي ربي انو يمووت حتى نتحرر من الي احنه بي

هاي الاحداث ب ٢٠١٣

لمى من بعد مشتغلنه كوولش اتقربت من اسماء وصارن صديقات حتى كمنه نخاف نحجي شي كدامهه لتنقله الهه

وهذا التقرب مجان من فراغ جانت ورا بلاوي ومصايب وطراگيع هم بس اكتشفناهه فايت وكت

نور حاليا عمرهه٣٠ سنه  ولمى اذا عايشه فعمرهه٢٥ سنه...............

***********************************

أعرف أنني تغيرت أصبحت أكثر هدوء من ذي قبل، أتجنب المناقشات و كلمات اللوم و العتاب، أشعر بالملل من المحادثات الطويلة، لا أطيق التحدث في الهاتف، لا أعبر عما أشعر به لأي شخص مهما كنت غاضب و حزين و محطم، أصبحت أكثر عقلانية، أفكر كثيرًا قبل إتخاذ قرار واحد، أنا الذي كنت الأكثر براءة و عفوية، تحولت.

***********************************

طبعا ما راح تبدي المأساه الحقيقيه للبنات الثلاثه مأساه مرت الاب والسحر والشعوذه مالتها وحتى زنى زنت وانتو قيسو..........

اتمنى لكم قراءه ممتعه...........

وتستمر القصه ادناه...

وحيدةٌ في دنياها، لا أحد يراها ولا أحد يكترث لها

وحيدةٌ في عالمها، غارقةٌ في أفكارها تراقبُ الجميع بصمتٍ خانق كفراغٍ لا فائدة منه ولا ضرر، مَنسيّةٌ لا تخطرُ على بالِ أحد، والجميعُ في ذاكرتها.

وحيدةٌ في هذا الكون الشّاسع ..

************************************

من خلال دفاع لمى على اسماء واسلوبهه الطايح حظه ويانه

عرفنه انو لمى بدت تضيع وگامت تطبع بأطباع اسماء

كل ضني اني ونور بعد الموقف الي صار انو اسماء راح تكوم تخاف من عدنه ومتأذينه

بس للاسف خاب ضننه والي گام يصير اهون من الي صار كوله

نور مت سألتهه اسماء شحجت وياج  مقبلت تحجي كالت باجر بالصالون نسولف

رحت ثاني يوم للمدرسه ونور راحت للشغل ومن بعد الدوام رجعت للصالون  وجنت متوقعه انو نور مسولفه لام دره لان كولشي تحجيلها

بس تفاجئت  بنور محاجيه شي ومن ردت احجي خزرتني ني هم سكتت 

لحد العصر طلعت ام دره  وبقينه بس اني ونور بالصالون 

مردت افتح الموضوع وقنعت نفسي انو الموضوع ميخصني

اني من النوع ابد مو فضوليه

بس نور حجت

نور: تدرين ميمي شكد خايفه على لمى من اسماء هاي طفله وتتقشمر  ونوب لسانهه طولان وترادد

مرام: لمى سباعيه وتاخذ حقهه من حلگ السبع خافي على نفسج لتخافين عليهه تعرف شلون تعيش وياهه

نور: والله اني طايحة حظ من خاله عقلي بعقل زعطوطه وكاعده اتناقش وياهه

لججج بابا لمى لسان صح بس طايشه واسماء مسيطره عليهه فتحي عقلج مرام مناقصني غبائج

البارحه تحجي ويايه كتلهه زين مخفتي لمى تجيب الجهال وترجع للبيت تكلييييي لمى تدررري لججج يعني لمى تعرف بگ…ة اسماء  زين والمقابل شنو ؟؟ شلون قشمرتتت لمى ؟؟ شنو الي سمحتلهه بي وامنتهه على هيج سرررر المعنى يعني گ…تهن سوااا لججج شلون احافظ على لمى لج هاي امانة امي  ابوج العاار الدثوو بكلشي ميدري ومطفي

مرام: ولو سؤالي فضولي بي اسماء شكالتلج البارحه

نور: تردين تعرفين شكالت ؟ اني اكلج

حبيبتي هذا الي شفنا البارحه جان عدهه علاقه بي بعد طلاكهه من زوجهه الاول وحسب كلامهه جانت تحبه ويحبهه وابوهه مقبل يزوجه الهه  وتزوجته متعه يعني عقد لسان وعساس من عرف بيها متزوجه متخبل ويريد يجي يهد على ابوج فهيه كالته تعال خل نتفاهم

وعلى اساس بس متفاهمين بس اكص ايددي اذا مماخذ المقسوم

اني من سمعت حجيهاا لعبت نفسي منها

واصلا سكتت لان على كولتهه تكول لتفكرين تهدديني بأبوج لان تدرين كولش زين افر عقله واجذبج واسويلي عركه واكله بناتك يتهمني بشرفي واله اسويهه عشاير وتدرين ابوج شكد يخاف وراح يرجع ينكلب عليجن

مرام من صفت لحجيهه صح  هاي متخاف من عدنه بكل سهوله تدوس راسنه بقندرتهه العتيگه  ومتهتم

اني اصلا من حجت كتلهه مالي دخل حتى تبريللي اني اختي مابقيهه يمج تجي ويايه للصالون تكلي ذيج اختج مالازمتهه اذا قبلت تجي اخذيهه

ومن شفت لمى هيج تدافعلهه غسلت ايدي منها هاي عقلهه مغسول

والحل شلون  لاني منچبه وكاعده بالبيت وساكته واكدر الزمهه ولا اكدر اجيبهن ويايه  ومستوهاا النوب بالمدرسه ديتراجع  فهميني شلوون

صافنه على كلام نور هاي يمتى كبرت وكامت هيج تفكر كلامهه كوله صحيح  اكو اشياء اني مماخذه بالي منهه  هسه نور وعتني عليهه

اختي لمى دتضيع  واسماء اخلاقهه سزز يعني مو مال لمى تبقى يمهه..............

عدت السنه الدراسيه والحمدلله اني نجحت ورحت للخامس ومعدلي لا بأس بي بس لمى سقطت جانت صف اول متوسط طالعه ب ٥ دروس بيومها نور دگت ولطمت وملخت روحها  تكولها المن داشتغل وكاسره ظهري بس لمى جانت كوولش بارده واصلا ممهتمه لدراستهه

الي اثر على دراسة لمى شغلتين

الاولى اهمال اهلي للدراسه وعدم تشجيعهم واذا ترسب او متقرى ميهتمون 

والشغله الثانيه راح تنصدمون منها

بيوم من الايام جانت عطله مال نهاية الاسبوع

وجنت اداوم بس بالصالون 

فبيومها جان سني يأذيني كولش بحيث كمت ابجي من الوجع

ام دره كالتلي ارجعي للبيت

جانت ساعه ٣ الظهر

طبعا خلال فترة شغلي صرت شويه جريئه اروح للبيت وحدي وارجع وحدي ماخاف

اتعامل ويا الزباين ما استحي

اجامل واضحك واجتماعيه وياهم

الشغل ضبطته ١٠٠/١٠٠

بحيث ام دره كامت تعتمد علينه عرايس نور تستلمهن

شسوار مكياج حفافه غيرها كوله اني

وني ضابطه المكياج احسن من نور مكياجي مال وحده جبيره مو وحده عمرهه١٧ سنه  وهل شي ساعدني بشغلي وبتطوره بعدين تعرفون شلون

رجعت للبيت

فتت البيت هدوء

فتت للغرف

الجهال بالبلكونه

واسماء طلعت من المطبخ

اسماء: هاا شو من وكت

مرام: باجي سني موتني من الوجع راسي رح يطگ حتى شغل مداعرف اشتغل  خطيه ام دره كالت روحي للبيت

اسماء : ها خووش

مرام : لمى وين

اسماء : هسه تجي  عافتني وراحت

اني هم مهتميت  بدلت وحاولت انام بس الوجع مديخليني

ضليت مثل السمجه المتزوهره الوجع ماكلني اكل

كل هل فتره ني بالغرفه مطلعت واسماء عبالهه نايمه

ويييين يله اجتي لمى تقريبا ساعه ٦ العصر

الغرفه مال اسماء بصف غرفتنه بينه وبينهه بس الحايط

لمى سمعتهه تسولف :

لججج ماما شنوو من فلووس عدهم كووومه كووومه وابنهم يطب يطلع ينطيني ١٠

اسماء : ولج هاي فلوسهم كلهه مال حرام حتلو تبوگيهه مو حرام

لمى : لااا فدوا وعليمن ابوك شو ابوهم ينطيني والولد ينطوني وبتهم اذا اطب اسبح وياهه تنطيني

دهااج هااج اليوم ٦٠ الف بلكي يكومون ينطوني اكثر

اسماء: بس انتي على كلبي  عفيه اذا ضلو ينطوج اشتريلج تلفون لمس بعناد خواتج

اسمع واحس اني بكابوس

ياناس ذوله الي ينطون للمى هلكد فلوس ٦٠ الف بيوم واحد واني اشتغل اسبوع كامل ومن الصبح لليل يله احصل ال ١٠٠ الف

زين ليش ولد ذوله الناس ينطونه

وشنو تطب تسبح ويا بتهم ؟؟ دختتت فوك الدوخه الي اني دايختهه وراسي احسه راح ينفجر  كمت ابجي من الوجع ونوب هاي منا شغلت فكرري

وينج نور تعالي سمعي

نور اذا اكلهه ساعه او اقل تجيبلي تقرير كامل.........

ضليت الوب بمكاني

كمت ارگع راسي بالحايط من شدة الوجع الي مينحمل

كمت طلعت من الغرفه

مرام: باجي فدوا اريد حبوب مسكن سني مدا يسكن وجعه  راح اموت

نطتني حبوب شربتهن ورحت مددت افكر بحجي لمى

اذا اروح واحجي وياهه هسه واواجهه راح تخترعلي كذبه ومراح تحجي الحقيقه  وهاي طبيعه لمى عدهه استعداد تحلف ١٠٠ امام كذب اذا شغله متريد تحجيهه

زين اروح اكول لباجي سمعت كولشي راح تجذبني وتكلي متوهمه واذا اكول لابويه هذا مطفي اصلا احتمال يگلبنه عليه

ماكو غير اكول لنور  ونفكر بفد حل

غفيت شويه

وحسيت على نور دا تفتح الضوه تريد تبدل

نور: ها ميمي شلون صرتي

مرام: نفس الشي بس هسه باجي نطتني حبوب شويه سكن الوجع

خما صارت حركه ورايه

نور : لازباين قليلين 

بس اجتي صديقتج ايڤا سأبت عليج ومن لگتج ماكو طلعت

كتلهه شتحتاجين اني بمكانهه كالت لا من تجي مرام

مرام : هاا خوش

اكلج نور دتشوفين مستوى لمى شكد ديتراجع بالدراسه ؟؟

تدرين ذاك اليوم ست سلمى دزت عليه

تكولي اختج مستواهه زففت ابد مو مثلج وتمشي ويا بنات مو راحه

كالت لان احبج دا انصحج انتي خوش بنيه حرامات اختج هيج

لج ضعت بهدومي من الفشله

شتتوقعين شنو سبب تراجعهه بالدراسه

نور: اهلي ميشجعوهه ولمى طايشه عبالهه بعدهه طفله تكمز منا ومنا يا اسواق يامنتزه ومنا اهلي ميشجعون وهيا اصلا خربان واهسهه متحب الاتزام لهل سبب دتشوفيهه متحب المدرسه واني لو كاعده والله اني اقريهه  بس تشوفين شغل بيت وشغل  شارع ونتي هم مدرسه وشغل بيت وشغل شارع ومن غير هذا مشاكل اسماء  يعني مابيدنه شي

مرام: سمعت شغله بينها وبين اسماء باجر اسولفهه الج وع الاكثر هيه الي مأثره على مستواهه الدراسي

نور : خووش.............

الصبح  بدلت وشلت جنطتي على ظهري وطلعت للمدرسه

ونور طلعت للشغل

كملت دوامي ورحت  للصالون سبحت وبدلت وكعدت

جان يوم احد حركه قليه تصير وزبائن ماكو بالصالون

ام دره الاحد والاثنين والثلاثاء متجي بالنهار  لان  ماكو حركه تجي العصر بس

كعدت امشط شعري

مرام: نور اكو اشياء دتصير بالبيت ورانه واحنه كولشي مندري

نور : اكثر من الي صار شيصير بعد

مرام : تدرين سمعن لمى واسماء……وسولفتلهه بالتفصيل

نور تخبلت كامت تدك على راسهه

نور: لججج شنو الولد دد يطبون ويطلعون ينطوهه وشنو ابوهم ينطيهه لججج مرام صدك تحجييين متأكده هيج سمعتي

ولجججح طيااان وجه هذاااا وشنو تطب تسبح ويا بتهم

ولجج بس لا… يبوووووو عززززاا العزاااني كوون

الله لايوفقج اسماء

ربييييي شمسوين جوا ايدك وموتت امنه  لو موتنه تلاثتنه ومبقيهه عايشه

مرام: مفتهمت على شنو نور كامت تعيط

السالفه متستاهل

بس الي كتشفته فهمي جان على گدي ومجنت اعرف نور شنو الي مخوفهه

مرام: هاي شبيج هسه انتي تخبلتي لان تطب تسبح ويا بتهم ع الاقل هاي بنيه مينخاف منهه بس اويلي ع الولد

نور: باعي لجججج واصله لهامتي ترااا اذا متگومين من وجهي انوم الشسوار براسج وافتح راسج

كوووووووومي وليي جواا فوتي اقررري

ربي ليش  وحده مطفيه ومطي مدد براسهه والثانيه راضعه ويا ابليس

ني خفت من نور خليت وفتت جوا

مشطت شعري وظفرته وطلعت كتبي دا اقرى

اني شعليه مادام الشغله متخصني شكو ادوخ نفسي

شويه وفاتت نور وحجت

نور: اكلج مرام زين من رحتي ورا شكد يلا اجتي لمى

مرام : ورا هواايه تقريبا ب٦ هيج شي

نور: لجججج اخخخخخ اخخخخخ بس اريد افتهم هذا الگ..د ابوج يمتى يحس على نفسه مادري

باعي عندي خطه

باجر الصبح ما اجي للمحل اكول لام دره اودي مرام تسوي سنهه

وراح ابقى قريبه ع البيت اشوف لمى وين تطلع وين تروح اراقبهه واشوف

لان مال اواجهه وتحجي هاي سالفه تعبانه

مرام بفهاوه : بس اني عندي مدرسه باجر 

نور: شوف الغبيه يربييي

لج بابا ادري عدج مدرسه قابل ام دره رح تسال عليج بالمدرسه مداومه لو غابيه

واذا رجعت قبل الحله مالتج امر عليج اطلعج ونرجع سوا للصالون

واذا كالت اكلهه داومت ورحت اخذتلهه اجازه من المدرسه وبقت بملابسهه

مرام : خوش...

ثاني يوم اني رحت للمدرسه ونور  مداومت وبقت بالبيت لحد ساعه ١٢

كعدت اسماء

اسماء: ها نور شو ممداومه

نور: المفاتيح يم ام دره وكالت ابو الكهربائيات كرايبهم راح يجي يسوي الاناره مال صالون فكالت لتجين لل ١ هيج شي

اسماء : هااا خوش

نور: تعمدت ابقى بالبيت اريد اشوف لمى ليش ممداومه لان دائما من اكولهه ليش ممداومه تخترع كذبه مريضه وماكدر ارفع راسي من المخده وراح اموت  تعمدت ابقى واشوف ردة فعلهه من تشوفني موجوده شتريد تطلع عذر هل مره

ومادام هيه ممداومه اذا ١٠٠٪؜ راح تطلع وله چان مغابت

اسماء: لمى روحي جيبيلنه ريوك

نور: وليش لمى ممداومه حالهه حال اختهه!!

اسماء : تكول ماعدنه دروس اكعد اقره بالبيت احسن

نور : شنو ماعدهه دروس مو هاي مرام دتداوم وينطوهم دروس وبعدين  يايوم لمى غلطانه ولازمه كتااب يايووم

اسماء: عوفيهه معليج بيها  

نور: يي هوا هذا الي احصله منكم اشتغل واكرب وجدي جدي اشوفه محد يكلي معليج بمسؤؤلية البيت بس من افتح حلكي ويا لمى تكليلي معليج بيها

نطيني فلوس خل اروح اجيبلكم ريوك ( ردت اشوف ردة فعلهه)

اسماء : لاا للا لمى تعرف شجيب

سكتت كمت بدلت وكتلهه اني راح اروح هم يالله ورايه طريق

بدلت وطلعت

وكفت بالركن مال شارعنه بحيث اسيطر ع الفرع كوله الي يطب ويطلع اشوفه وهم محد يكدر يشوفني

ضليت منتضره شويه وطلعت لمى ووياهه يقين مشيت وراهه بس مسافه  مو قليله بيناتنه  شفتهه فاتت للاسواق اشترت بيض ومدري شنو وطلعت

نطت العلاكه ليقين وطلعت كبل

نتضرت يقين تفوت للبيت حتى امشي ورا لمى

فاتت للبيت وني طگيتهه بركضه

اريد الحك على لمى

خايفه ومتوتره وكومه افكار سووده براسي

اركض ودنيا ظهر ولا بشر بالشارع

خلصت شارعنه بنهايته شارعين واحد يمنه واحد يسره ضليت واكفه بالنص مثل المخبله  لمى فص ملح وذاب

كمت ابجي  وادعي دخيلك ياربي وين ممكن تروح ووين الكاهه هسه ياالاهي ساعدني ماعندي غيرك حرت وين اروح وعليك يا الله اخذت الفرع الي ع اليسره لان طويل كلش ومتفرع لاكثر من فرع ذاك عدل ومابي لوفات  مشيت بيي مثل المخبله امشي سرييع وحاره ووحالتي حاله

وجان اشوف بيت فخم كوولش بابه مفتوحه احنه رغم صارلنه سنين بهاي المنطقه بس ابد منختلط

بس الي اعرفه اصحاب هذا البيت ناس استغفر الله

يسموهم بيت كرومه ( بأسم امهم من گد ما مسيطره )

ولدهم يشتغلون بالملاهي وبناتهم استغفر الله وضعهم مو راحه 

همه متمكنيين كوولش وحالتهم طاااگه

فتت من يم الباب وعبالك واحد گلي باوعي رفعت راسي وچااان اشوف لمى

فتحتتت عيني على وسعهه من المنظر الي شفته……....................................

**********************************

"سِرْ لا تقفْ! فالدربُ لا يأتي إليكْ، والحلمُ لن يجريَ ليسقطَ في يديكْ... هي هكذا الأيامُ؛ سعيٌ دائمٌ، إن  تلتفتْ للخلفِ تخسرْ ما لديكْ." 🎋💜

***********************************

إنك الشخص الوحيد الذي تأنس روحي معه يأتي و يزيل كل هذا الآسى بكلمة واحدة و أطمئن، إنك الشخص الوحيد الذي لم تقلل المسافة من محبتي له و رغبتي في البقاء معه بل أحبك كل لحظة كأنها المرة الأولى، أحبك جدا و لن يمحي هذا الحب أي شيء ❤"..............

***********************************

"لا شيء يستمِر للأبد ، فكما تٌلاحظ ، حتى الأفكار والمشاعِر بداخِلك لا تبقى طويلاً . ولذلك يجب أن لا تُهدِر وقتك في البحث عنهُم وتذكرهم من جديد . تعوّد عندما يرحل وينتهي  أي شيء ، أن تكون هذه نهايته بالنسبة لك تماما .."

************************************

رفعه راسي وچان اشوف لمى بيدهه الماسحه ودتسوولف ويا ابنهم تخببلت خباال

بدون اي مقدمات عطت عليها بكل صوتي

نور: لممممممممممممممى

ندارو عليه ثنينهم الولد وهيا

من شافتني صار وجهه اصففر ليمونه ومتعرف شتحجي الولد حجه هاي منو

لمى تجاوبه بتردد ههاي ااختي ههسه بس اشوفهه لحضه اجتني تركض

لمى : نور كولشي افهمج بالبيت بس اسكتي ولتفضحيني الله يخليج

نور: ككككل عقلج اتحرك منا بلا ما افتهم انتي شسووووين هنااا؟؟؟

والقران يا لمى اذا محجيتي اخذج سحل للبيت وافين حضج وانعل ابوج يا ادبسزززززز  لججج كالتلي مرام وجذبتهه كلت متوصل بيها لهل درججه تجين ويايه هسه واريد افتهمم كولشي لا قسما عظما افوت هيه هنا وافضحج فضيحه والله

لمى: لحضه بس افوت اكوللهم واجي وياج انتضري

فاتت دقايق وطلعت

نور : يلا امشي بس خل نروح بجيب مرام من المدرسه ونكعد بفد مكان نحجي بس يا لمى اذا ضميتي عليه شي والله العظيم تنتهي بيناتنه

جنت هستوني دا اطلع من المدرسه لان خلص الدوام وشفت نور ولمى واكفات بالباب استغربت من وجود لمى

مرام: ها هلاو كلت مراح تجيني

نور: لا مو كتلج اجيج  وهل اجيتج اني ولمى

مرام: شعجب لمى جايه ويانه

صدوك لمى نطوني ورقه مال انذار لان غياباتج هوايه

نور: هيه ضلت بس تنفصل من المدرسه حتى تكمل السبحه

مشينه بس بغير طريق الصالون

مرام: نور وين رايحين مو منا الصالون

نور : اعرف

اريد اخذجن نگعد بفد مطعم

مرام: ليش شكوو شصاير

نور: اسكتي نوصل ونفتهم

مشينه لحد مدخلنه بمطعم بي حديقه كوولش جبيره وكوولش مرتب

وهاي اول مره بعد وفاة ماما نفوت ونگعد بمطعم

فتنه جوا وجان تصميم المطعم كوله جام يعني ماكو حايط والجام يطل ع الحديقه مال مطعم فد كعده كولش مرتبه  كعدنه على احد الطاولات وجان نور تمد ايدهه بصدرهه تطلع موبايل صغير لمس اسود اني ولمى تفاجئنه

اشرتلنه نسكت وخلت التلفون على اذنهه وحجت

نور: الوو  هلاو يوم شلونج

يي يي الحمدلله لا هاي وينهه كبالي حبيبي فد ساعه ونجي بس اخاف تخابرج اسماء كوليلهه موجودات وديشتغلن  حبيبي يي هذا هو ادللي 

ونهت الاتصال

اجه الگارسون : تفضلو آنسات شتطلبون؟

نور: مرام ولمى شتاكلون ؟

مرام: صاج دجاج وببسي

لمى: ماريد شي بس مي

نور: تشربين عصير برتقال؟

لمى : بكيفج

نور: ثنين عصير برتقال وصاج دجاج وقوطية ببسي بس استعجل بلا زحمه 

- صار انسه ١٠ دقايق وكولشي يكون جاهز

راح وحجت نور

نور: يي لمى سولفيلي ولتخافين شنو ذوله الناس ومن يمتى تروحين عدهم وشسووين احجيلي كولشي

لمى: نور اذا احجيلج تكولين لماما؟؟

نور : اكوللهه اذا ضليتي كدامي تصيحيلهه ماما

لمى: لعد رجعيني للبيت

نور: اكلي وحل وسولفي ولتنسين احنه خواتج واقرب الج من اسماء ولتتوقعين فد يوم نأذيج

لمى: ذوله الناس اني اشتغل عدهم منظفه

بعدهه ممكمله ونور گبت

نور: شنوووو شنوووو خداااامه ؟؟؟ لجحج انتي المدلله مال مروه لججج تشتغلين خدامه بالبيووت ؟؟ لجج مفروض تلزمين كتابج وتكعدين تقرررين شنووو تشتغلين خدامه لججج احنه محتاجين ؟؟؟

لمى : تخليني احجي لو اسكت ؟

نور: كملي يا بلوتي كملللي

لمى: نتي تكولين احنه ممحتاجين بس انتي ومرام تشتغلن اني هم مو احسن من حالجن هم اشتغل

لا عبالج اسماء زينه ويايه ع الخالي بلاش

اسماء متنطي شي بلاش وكلشي تنطي مقابله شي اكبر

يعني من تتعامل ويايه بأسلوب ومتأذيني مثل ممأذيتجن فهذا كله بي مقابل........

نور: وشنو هذا المقابل ؟؟

لمى: نور اذا احجي هذا الحجي وطلع منه حرف اروح بيها ومو بس اني احنه تلاثتنه واسماء قادره وكلشي تكدر تسووي

نور : كملي عاد مو غبيه حتى توصيني

لمى: اسماء تصادق ولد وتجيبهم للبيت واني لازم ادسترلهه  واخذ الجهال واطلع 

ومو بس هيج

اكو وحده تسوي سحوره وهيج سوالف

اسماء اشتغلت عدهه فتره علمود حبيبهه مدري شنو

والسحاره كالتلهه دزيلي صوره الج مصلخه وشعلي شمعه ولزميهه فوك راسج ودزيلي صوره

والعينتين ممقصره دازتلهه صوره ودازتلهه اسمهه واسم امهه

وموب راجعه كايلتلهه كتبي اسم حبيبج بس احرف متقطعه على خلفيتج وعلى ظهرج وهم صوريهن ودزيهن وهم اسماء مقصرت

دازتلهه كول الصور وهاي طلعت قفاصه

وضلت تهدد باسماء اذا متدزيلي ٥ ملااييين انشر صورج ع الفيس

واسماء متخبله وراحت اخذت فلوس بالفايز ودازتهن للمره ونوب رجعت طلبت منهه  مليونين وهم دزتلهه بس وراهه كسرت رقمهه ومن كلتلكم تدك عليه ارقام غريبه وبدلته هوا جذب من ورا هاي المره

وعبالج بطلت لاا

رايحه لاكيتلهه وحده ثانيه وكايلتلهه اشتغلج على ضمان واله تشوفين النتيجه يلا تدزيلي الفلوس ورادت تجرب شغلهه وخلتهه تشتغل لابويه 

كالتلهه اسوي الج طلي لو يشوف واحد فوگاج ميحجي

وبالفعل سوتلهه وها تشوفين ابوج شلون مسحول من ياخته

المهم اني مجبوره اساير حتى ارتاح ومتسويلي مشاكل واصلا شاكه مسويتلي وخالتني بير اسرارهه ماعرف

المهم حبيبهه قبل فتره گاللهه محتاج فلوس داريد ابدل سيارتي

الي جامعتهن من شغل بابا ومن شغلجن شالتهن ونطتهن اله ٥٠ ورقه ضبط

كاللهه دين وصارله ٨ اشهر لا رجعهن ولا شي واصلا علس اسماء كام ميجاوبهه وميحجي وياهه........

نور: سولفيلي ليش تشتغلين خدامه ؟؟ وشلون تقبليهه على نفسج تشتغلين بالبيوت لمى

لمى: كامت تحجي وتبجي

اايي ارضاهه على نفسي من تجيني الد…ه وفلوس حفاظات ماعنديي ارضاهه على نفسي

من اگصگص ملابسي واسويهن حفاظات ارضاهه على نفسي

من فلوس معطر مال جسم ماعندي ارضاهه على نفسي

من يخلص الشامبو واغسل شعري بالصابونه ارضاهه على نفسي من ملابسي تصغر عليه وفلوووس ماعندي اشترري ارضاهه عاى نفسي

من اشتهي نستله واريد اشتريهه وماعندي فلووس هم ارضاهه على نفسي

لتشوفين نفسج انتي وله مرام اشتغلتو وكدرتو تشترون احتياجاتكم عبالكم اني مثلكم

ولا عبالكم اسماء زينه ويايه وموفرتلي كولشي

تدرن كلش زين اسماء الفلللس ميطلع منها

اشتغل خدامه بالبيووت وانطيهه واسد حلگهه في سبيل اشتري الي اريده

انتن ميتصعباتهه اشتغل خداامه بس اني اشوفهه سهله تعرفن ليشش؟؟

لان عشت الاصعب منهه

تدرين شنو اجتي ايام اخذ  من الحبوب المانع مال اسماء حتى اگطع الد..ه لان كاعندي فلوس حفاظات

نوور ترى حالي ميفرق عن حالجن

بس الي يفرق اسلوب اسماء وكتلج لان كل سوالفهه كدام عيني تحاول تكسبني بأسلوبهه

ولو ادري ابوج العااار يسووي شي جان رحت وكتله بس طللي يجذبني ويصدگهه وني هم كلت خل استغلهه واشتغل ومنهه اطلع مصرفي...........

نور : وليييش متكوليلنه احنه نجيبلج كل نواقصج واحتياجاتج

لمى : والى متى ابقه اطلب منچن  واسماء وين تقبل انتن تجيبنلي

خليني اشتغل ومنها ما اشوف خلقتهه وهم مطلعه مصرفي

وهم خلصانه ماشوف گو..يدهه لان ادبسززيه وميستحون

خليني اشتغل وخلصانه

نور : كل عقلج اخليج تخدمين بالبيوت

تعالي ويانه للصالون هم تبقين كبال عيني وهم تكملين مدرستج وهم خلصانه من اسماء ومطلعه مصرفج

لمى : ههه والله ضحكتيني نور

لج بابا شبيج

كل عقلج اسماء تخليني اطلع من هذا البيت لجج انتن تدگن اسبوع كامل يله تحصلن ال١٠٠ الف

اني بيومين اطلع هاي الفلوس

اصلا هيا تريد اقنعجن تعوفن الصالون وتجن تشتغلن ويايه

نور اسماء مثل السرطان تضل تمص بدمنه وتاكل بينه لحد منموت

نور: لمى ولدهم مو زينين والله اخاف عليج وعلى سمعتج

لمى: لج بابا تدرين اسماء شتكلي؟؟

تكلي صادقي ولدهم حتى تقطين بيهم

تخيلي من هيج وحده شتترجين

ونتي لتخافين عليه اني اعرف شلون اتصرف

الي يجرع سم اسماء ويتعداا ميخاف من شويه حشرات

نور: زين شكد ينطوج ذوله الناس ؟

لمى: خير من الله مرات انطي لاسماء  ٥٠ مرات ٦٠ مرات ١٠٠

نور: عزااااااا  يوميه هلگد زين اذا تنطيهن كلهن لاسماء انتي شتحصلين ؟

لمى : سنت باي سنت

نور : يعني شنو ؟؟

لمى : مثل الي انطي لاسماء اخذه يعني اذا انطيهه ٥٠ اخذ ٥٠ اذا ١٠٠ اخذ ١٠٠ وهكذا   بس اكيد بلا متدري وهيا من اجيبلهه ٥٠ او ٦٠ تتخبل تبوسني من حلگي وتشيل ٥ او ١٠ وتنطيني حتى ما افكر ابطل عبالهه اني ميته ع ٥ مالتهه بس اخذهه حتى من اشتري شي متكلي منين

نور: لمى يعني حتلو ذوله الناس فلوسهم حرام هم ميبذروهه بهل شكل  وينطون ١٠٠ واكثر لمنظفه ببيتهم شنو المناسبه ينطوج وشلون تاخذيهن

لمى: هاي الشلون عوفيهه معليج بيها

وهسه يلا سولفتلج الي تردي خليني اروح لان تاخرت هووايه

نور: لموو حبيبتي ديري بالج على نفسج وحافظي عليها لان النفس امانة رب العالمين عدنه  وبكل خطوة تخطيهه تذكري ماما الله يرحمهه لتخلين روحهه متعذبه ريحيهه بقبرهه لاعبالج متشوفنه ترى تشوف وتسمع وتحس بينه ديري بالج على روحج يروح اختج

لمى : لتخافين عليه  وهذا الحجي انسنه وچني مشفتجن ولا حجيت وياجن وني هم راح انسى وانسه الموبايل الاسود

غمزتلهه وطلعت

اني كملت اكل  وصافنه على روحي  شكد غبيه وغشيمه اغبى وحده بخواتي نور فطنه وذكيه  ولمى من تحجي عبالك وحده عمرهه ٢٠ سنه بس اني ثوله حقهه اسماء من تكولي الغبيه

نور عاكسه ايدهه ع الميز وخاله راسهه بين ايديهه وصافنه بالفراغ الي گبالهه

مرام: نور .. نور يلا خلصت وراح تخلص الساعه

نور: هاا يي يي

صاحت ع الكابتن وطلبت الحساب دفعته وطلعنه

الطريق كوله نور ساكته

مرام : نور شبيج ساكته بشنو دتفكرين

مو ردتي تعرفين لمى وين تروح وهل عرفتي بعد شبيج

نور: مرام اكو شغلتين يدورن براسي ماكو خيار ثالث الهن  ولازززززم انفذ واحد منهن

مرام: وشنو هنه

نور : لو اكتل ابوج ومرته خلاص واخلص منهم ومن ضيمهم لو اخذجن وننهزم ونعيش وحدنه

ماكو غير حل

مرام: صراحه خفت من تفكير نور لان نور من تكول شي تنفذه ….................................................

***********************************

الاسماء الي ذكرتهن بالبارت السابق كولهن حقيقيات

بيت كرومه وصديقتي ايڤا

وكل الي كتبته هنا كووله صاير مال سحر وشعوذه كوله صحيح

ولمى جانت تسولفه النه...

************************************

لا تتخلى عن حلمك ، مهما بدى لك مستحيلاً ، فمن يسعى بصدق خلف هدفه متوكلاً على الله ، تسانده كل الظروف للوصول اليه ..!

بالي يمك اكثر من

امي عليه اني منتضرك قبلهم

ليش ما خلوني اشوفك

هسه حسيت بكراسي

المسرحيه ! شيبقه بيه ؟

والاغاني تنسمع عند

أصدقائي جنه نسمعهن سويه

شکد هضيمه من احب صوتك

وتضحك بي عليه شكد هضيمه..

************************************

مشهد في الوقت الحاضر

ماسه حركه كولش واخاف عليهه من الدرج واضل النهار كله اركض وراها

جنت دا اسبح وخليتها  بالمطبخ تاكل طلعت من الحمام ادور على ماس ماكو

مرام: مااسه … ميوووس؟؟ ماما وينج ايبادهه ع الميز مال طعام وهيا ماكو

اصيح ومتجاوب كلبي گام يوجعني

ادور بالاستقبال ماكو  بالمخزن ماكو بالحديقه والطرمه هم ماكو صعدت ركض ورجلي مبلله وچان ازلگ ع الدرج واوگع صار جسمي كوله على اصبعي الصغير مال رجلي

ردتهه حجه حتى ابجي  كوه كمت سحلت روحي سحل گمت اتكئ ع الحايط واصعد درجه درجه

صعدت وجان افوت للغرفه مال ولد واشوف كرار متغطي كل جسمه  ومرتفع من فتت وشغلت الضوه وجان يكشف روحه وينصدم بيا

وچان اشوف ماس جواا

تخبلت خبال جريتهه حيل ومن حرگة قلبي كتلتهه طلعت حرگتي بيها

هيا مالهه ذنب بس اي ام بمكاني يكون هذا رد فعلهه اخذتهه جوا وهيا تبجي تأذت من الضرب وهيا اصلا من فتت جان تبجي حضنتهه وكمت ابجي وياهه

ابجي على حالي الي مراضي ينصلح

ابجي على بتي الي ماعرف شلون احميهه

ابجي لان مابيدي حيله وماكدر احجي لاحد لان اذا كلت لامه راح تجذبني وتطلع ابنها نبي  وتشد ويايه واني ماعندي مكان يلفيني واذا ضليت ساكته اخاف الموقف ينعاد

حايره حاايره وماعرف شسوي

ساعه ادعي على ابويه الي معرف يحتويني اني وبتي ساعه ادعي على اياد العااار الي مفكر ببته ولا حسبلها حساب ساعه اندب حضي ساعه اعاتب رب العالمين ليش اخذ امي وخلاني

هيج …….

گاعده على سجادتي وادعي ودموعي عشره عشره

ربي ماعندي غيرك يساعدني ربي هاي بنتي واعز ما املك ماعندي غيرها الاهي احفظها الي  ادعي وابجي

وكولسع يجي ببالي المنظر شلون الكلب الناقص نايم فوگاهه وهيه تبجي طفله هلگدوتهه متفتهم شديصير بيها

كل ما اتذكر الموقف روحي تفرفح

الله لايوفقك اياد لا دنيا ولا اخره كوون تتبهذل مثل ما هيچ بهذلتني وبهذلت هاي الطفله

حسبي الله ونعم الوكيل بيك عسى متشوف الخلفه بحياتك حتى تحس بالنعمه الي رب العالمين نطاهه الك ونت دفرتهه

گاعده ع السجاده وصفنت ورجعت لذكرياتي …......

رجعنه اني ونور للصالون ونور اذا الحايط حجه وسولف نور متسولف

حقهه واي وحده غيرهه ينملي قلبهه حقد على اهلهه لان اهلنه مو خوش اهل

شنو بنيه مراهقه اطلعهه بالشارع واخليهه تشتغل بالبيوت

بس شنسوي لاهلي لاذمه ولاضمير

ردت احجي ويا نور بسالفه التلفون بس شفت مو وقتهه لان حيل جانت ضايجه ومحتقنه

حياتنه نفس الروتين ماكو شي جديد

اجتي امتحانات اخر السنه وخلصنه والحمدلله اني نجحت  ورحت للخامس بس لمى رسبت

وجان نظام اسماء وحارث اي وحده ترسب يبطلوهه

لمى مجانت مهتمه للدراسه كولش

اسماء فرحت من بطلت لمى  وبوقتهه صارت مشاكل ورادت اني هم تبطلني

بس مجان عدهه الحجه الكافيه الي تبطلني  بيها

شغل بيت وشغل برا البيت واشتغل

وشاطره ومتفوقه بدراستي يعني ماعدهم كل عذر

رغم هذا اني خايفه لان اسماء متحتاج اعذار حتى تبطلني يمتى ميگطع براسهه تبطلني

جنت ادعي الله يعميهه مني وتخليني اكمل مدرسه.........

حجيت ويا نور بخصوص الموبايل وحذرتهه

مرام: نور انتي مو صغيره واعلمج بس تصرفج غلط

وتدرين اسماء او ابويه اذا يعرفون شيسوون بيج نور احنه نتچفه شرهم گوه ليش تجيبين الحجي لروحج والله تعميين عليه اني هم بيعي وخليولي

نور: مالج شغله اني اعرف شدا اتصرف واذا ابقى على اسماء وحارث حتى الهوه يمنعوو علينه اني ممسويه شي غلط شنو عمري٢٠ سنه وتلقون ماكو بيدي تشوفين البنات الي يجنن اصغر مني وبيدهم تلفونات

مرام: الي عليه حذرتج ونتي بكيفج بعد

مشت الايام نفس الرواين ونفس الحياة ماكو شي جديد

بس الي اختلف اسماء اشترت موبايل لـ لمى ونزلتلهه الفيس والفايبر وجابتلهه سيم كارت

صراحه اني كولش ضجت شنو لمى اصغر مني بيدهه تلفون واني ماعندي

نور عدهه عادي لان اصلا عدها موبايل

من سألت اسماء ليش اشتريتيلهه تلفون واني اكبر منهه ماعندي

كالت هيه بطلت من المدرسه وتتلهه بي انتي عندج مدرسه من تبطلين عود اشتريلج

شكد حقيره وانانيه تساومني على مدرستي

حاولت ما اهتم

وكلت دراستي اهم شنو تلفون شنو برامج اني شهادتي تسوى الدنيا

اكو محل بصف الصالون مالتنه ديريدون يبيعوو

ام دره فكرت تاخذه وتكبر الصالون وتفتح كوزمتك

اني ونور ايدناهه بالفكره

وبالفعل اخذت المحل وفتحته ع الصالون صار جبيرر يجنن ولان اني واهسي بالمكياج خلتني اني مسؤله ع الكوزمتك وخلت اعلان انو محتاجه عامله بالمحل

كولش فرحتت لان كدرت تعتمد عليه وتخليني بمثل هيج مكان

اجتي بنيه عامله جديده اسمهه جمانه كولش حبابه وفقيره

صارت صديقتنه

اني من ماعندي شي بقسم الكوزمتك اروح للصالون

واذا يجون زبايني ميقبلون احد يشتغلهم اله اني وني افرح من احد يحب شغلي

طبعا زاد راتبي بس ام دره مقبلت نكول لاهلي كالت خلوو مصرف الجن

الحمدلله كام يصير عندي مصرف زين كمت اجمع وفكرت اشتري ذهب بلا ما اهلي يدرون

وبالفعل جمعت مره ٣٠٠ الف وام دره اخذتني وياهه للصايغ واشتريت محبس

ورجعت اجمع مره ثانيه

بيوم چنه راجعين من الشغل اني ونور

فتنه للبيت وجان نسمع صوت جهال ورجال

صوت غريب على مسامعنه

فتنه وجان نشوف حيدر!!!!!!!!

شجاابه شذكره بينه !!!

جاي وياا مرته وجهاله

شعور مختلط بين فرح وخجل

فدوا شكد كبران صاير يجنن

وجهاااله يربييي

فتنه سلمنه على مرته وجهاله اجيت دا اسلم عليه حضنته حيييل وكمت ابوس بي

رغم هوا گطع بينه ومسأل علينه بس احبه كوولش احبه

نور جان سلامهه عادي....................................

**********************************

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!....

***********************************

حبايبي اسفه ع البارت لان قصير بس تدرون البنيه مشغوله يوب تنطيني الاحدلث ان شاء الله الجاي احسن......

وتستمر القصه ادناه..................

وحيدةٌ في دنياها، لا أحد يراها ولا أحد يكترث لها

وحيدةٌ في عالمها، غارقةٌ في أفكارها تراقبُ الجميع بصمتٍ خانق كفراغٍ لا فائدة منه ولا ضرر، مَنسيّةٌ لا تخطرُ على بالِ أحد، والجميعُ في ذاكرتها.

وحيدةٌ في هذا الكون الشّاسع ....

************************************

مشهد بالوقت الحالي💫

متمدده ع الچربايه وماس نايمه بصفي

حاولت انام بس مدا يجيني نوم

صار عندي فضول ادخل على حساباته

زين اني ليش دا اراقبه

هوا مو انتهى كلشي ؟

مو مفروض انسى مثل منساني؟

ليش لهسه ادور على اخباره

اووووو هسه ديلا وذا مدخلت على حساباته

جان كاتب بالبروفايل

ضيعنا بـسـببهم نـاس تســواهــم ⚓️🖤.

هسه مغيرهه كاتب

اوجدتكِ ام وجدتيني ام ان الحب دائرة مهما ركضت مخالف المسار كنت القاكِ وبصفه خال حرفA

كمت اطحن بروحي ونزلن دموعي من قريت الي كاتبه

يي هوا بعده يحبهه

هاي شبيج مرام هاي حبه الاول ويحبهه قبل ليحبج ويعرفج

يي وهوا اصلا اخذج مجرد لاسق جروح

اخذج حتى ينسى بيج حبه الاول

احجي ويا نفسي

كمت ابجي بس ما ابجي عليه لاا

ابجي على ايامي وعمري الي راح وياا ابجي على بختي لي انكسر بسببه ابجي على وضعي الي وصلتله بسببه

بس اني مأذيته بشي ليش هوا اذاني

اخخخخخ ربييي مثل مزرعت حبه بقلبي شيله

صدوگ لو گالو الحب مرض بس ماعليه اجر وثواب

ياربي والله تعبت

هسه اني هم رعنه شكو ادور بحساباته

صافنه بالفراغ ودمعتي على خدي

ورجعت اتذكرر حياتي القديمه

فلااش باگ

حيدر اخويه الجبير من ابويه

كولش احبه  رغم هوا صارله 7 سنين گاطع بينه

اخر مره شفته جان ولد ممتزوج وهستوه متخرج من الكليه العسكريه

هسه متزوج وعنده ٢ اطفال ومترقي  رتبته

حيدر بهذاك الوقت جان عمره٢٧ سنه

حيدر مواصفات اسمر طويل وضخم يلعب حديد وكولش مهتم بجسمه

عيونه كبار كولش ونضرتهن حاده حواجبه ثخان ومعگودات و٢٤ ساعه رافع تك حاجب ( شكله عصبي) عنده رصعه بحنچه وحده بخده( طبعا الرصاعات مال حنج ومال خد متوارثيهه ولد وبنات كولنه عدنه والحواجب هم كولنه حواجبنه ثخان على بابا)  حيدر هوايه بي شبه من بابا بس الفرق بابا ابيض وحيدر اسمر على امه

وحيدر اضخم واطول من بابا بس باقي الشكل كله بابا

هاا والفرق حيدر رجال واخو خيته مو طلي لمريته( بالمستقبل تعرفون ليش)

بحياة ماما الله يرحمهه جنه على طول نروحلهم

رغم ماما وباجي ميتحاجن بس جانت تودينه توصلنه للباب وتروح

جانت دائما تحنن قلبنه عليه

هذا اخوجن .. هذا سندجن .. مالجن غيره اخ

ومن هل كلام الي صدوك زرع حبه بداخلنه

صافنه عليه ودمعتي نزلت

اخويه تزوج وصار اب واحنه موحاضرين

ابد مافد يوم اجيته على باله وتذكرنه واجه علينه؟؟

ابد مافد يوم افتقدنه ؟؟

نور كولش كارهه الوضع وكاعده مجامله

عكسي اني الي طايره طير بيهم..........

حيدر : ايي ميمي

وين وصلتي بالدراسه ؟

مرام : نجحت للخامس علمي

حيدر : عفيه ، عاد شاطره لو كسلانه

مرام: نص ونص

حيدر : شكد معدلج؟

مرام:٨٦

حيدر : اهاااا يعني شاطره ولج شلون تكولين نص ونص

مرام: يي 😅

حيدر : شتريدين تصيرين ، شنو ببالج؟

مرام: اني عاجبني بايلوجي اي شي يطلعلي راضيه

تشريح تحليل علم احياء تخدير  اي شي لان احب هل مجال

حيدر : شدي حيلج وصيري سباعيه وان شاء الله تطلعين معدل

مرام: ان شاء الله

كزكزت على بته الصغيره بس استحي اكول لامهه

رغم هيه بت اخويه بس مرته ماعرفهه

كامت تحوص بيد امهه

كمت كتلهه انطيني عنج تعبتج اني اسكتهه

اخذتهه من امهه وكمت العب بيهه عمرهه٨ اشهر او اقل ماعرف بس ناعمه تجنن وشعرهه سررح يطير بالهوا

مرام: فدواا عمااتو حبيبتي

شسمهه حيدر؟

حيدر: سيدرا

مرام : يمة فدوا شهل اسم تنگرط هيا واسمهه كمت العب بيهه والتهيت عنهم

حيدر يحجي ويا نور وساعه ويا بابا لمى كولسع تجي وتروح

شكلهه تشمشم اخبار حتى تنقل لاسماء

ملتهيه بسيدرا وجان يصيح عليه حيدر

حيدر: ميمي جاي بروح امج

مرام: صار

خليت سيدرا بيد نور ورحت للمطبخ

شو هاي كامت نطتهه لامهه وطلعت من الاستقبال

رحت للمطبخ داسوي جاي وجان يلحگني حيدر

حيدر: خررب ببليسه لابووج شكد يلح وني روحي فرفحت على جكاره اريده بس يكووم ماكوو چلب

طلع باكيته من جيبه سحب جكاره وورثها من الطباخ وخلاهه بحلگه

سحب اول نفس وحجه

حيدر : ي مرومه

شلونه وضعكم ويغمزلي

مرام: الحمدلله زين

حيدر : زين زين لو زوين

مرام: اني ضحكت

كتله عايشين وياهه وياهه

حيدر: ولا ارتاحيتلهه لمرت ابوج

شلونهه عاد وياجن

مرام: ضحكت تك خد وكتله اهم شي احنه زينين وياهه

حيدر : ادري بي ابوج رچيچ ومابي حظ

اله اكلج صدوك

مرام: كول

حيدر: صدوك ابوج مدخلجن معهد مال خياطه حتى تتعلمن ؟؟ شو ماصدك بي يدور مستقبلنه ويخاف علينه

اني ضحكت  من كل قلبي صدك

داضحك وكفخني على راسي

حيدر : غبيه فضحتينه

مرام: والله ضحكتني صدوك هوا ميدور بس مصلحته ومصلحة السعلوه ام فچيچ

اني حجيت هيج لو هوه غص من الضحك عيونه دمعت احمررر

كمت اضحك على ضحكه

مرام: كافي رح تفضحنم والله يجي يشعل جدي بگبره

حيدر : والله يامران جبت عمري ادعي الله يهدي ويصلح حاله بس شو كل ماجاله كل مايخرفز

مرام: الله يهدي  كافي تحجي طيرت صلاتي مال سبوع ليگدام

حيدر: مجاوبتي على سوالي صدك خالجن بمعهد ؟

مرام : تأفأفت وكلت اييي

شكله مصدك بس سكت

سألني على نور

حيدر: شبيها نور شو كالبه وجهه

مرام: مابيه شي بس تعبانه

استحيت شكله والله نور قبيحه وتفشل

صبيتله جاي اخذه ورجع كعد بالاستقبال

جان ابويه مموجود بس مرته وجهاله

شكد عيب خواتي ولا وحده عايفات المره وحدهه

حيدر تضايق حجه: ام كرار

هاي مرام اختي الوسطانيه هاي الحنينه اسميها

نادين: اهلا وسهلا حبيبتي تشرفت بيج

طبعا حيدر بس يحجي بيجن فلا توكعن من لسانه

مرام: الله يحفظه الج والنه

المره لسانهه حلو وكلامهه بلسم ومن غير هذا تجامل وتضحك

شكد عيب هسه شتكول من عايفيهه وحدهه شكد ماعدهم اصول.........

كعدو شويه وديطلعون رحت داصيح بابا

جان يصيح علين حيدر

حيدر: مراام تعالي قبل لتصيحي

رحتله

مرام: نعم حبيبي محتاج شي ؟

طلع من محفظته ٣ اوراق گال هاي الج ولخوانك

مرام: ماخذهن والله ممحتاجه وعندي كمت اكمز ( هذا طبعي من اتوتر اكوم اكمز بمكاني)

خزرني وخلاهني بيدي حيل

وكلي

حيدر : يحجي وصاك سنونه

اخذي الفلوس ووروحي صيحي ابوج ولتضلين تلغين

اخذتهن وبست راسه جرني باسني من خدي تشكرن منه ورحت ضميت الفلوس قبل لا اوصل

وصحت بابا والبنات حتى يسلمون عليه

نور سوت روحهه نايمه ومقبلت تطلع

( هذا طبعهه نور قبيحه وتفشل ومتعرف تجامل ابد)

طلعت لمى سلمت عليه وبابا هم سلم عليه نطه البابه ٥ اوراق وباسه من راسه ومن ايده وطلع

ورا مراح  فتت لنور............

مرام: نور موعيب هل تصرف

عود هاي انتي الجبيره لا عتب ع الصغار

نور: لا مو عيب وكرميني بسكوتج

مرام : لاا عييب وما اسكت مهما كان الي بيناتنه يبقى اخونه الجبير

نور: لتخليني اعيط مالي خلك باجر نحجي

سكتت ومكدرت احجي شي ورحت نطيت للمى ال١٠٠$ وكتلها من حيدر ولتحجين كدلم اسماء اخذته وراحت

ثاني يوم داومنه بالطريق استلمت نور دگ رزايل

مرام: انتي الجبيره ومفروض تصيرين فطنه

لاخلين اسماء تتشمت بينه تكيف هيه ماعدنه احد حتى تستگوي اكثر

خل تعرف عدنه سند

نور: سند؟؟ هه والله ضحكتيني وهذا السند مالج وين جان كل هاي السنين

ماعرف يكول عندي خوات

ماكال ابويه عار وموحمل مسوليه اروح اشوف خواتي

ماكال عايشات ميتات ماكلات شاربات

اخييش هذا متكليلي رحمة لمحمد

هسه تأكدت انو ماما الله يرحمهه جانت فارضتنه عليه

لان لو صدك يحبنه جان سأل علينه

شو تزوج وكون عائله وعايش مرتاح

شذكره بينه هسه

مرام لتغلبج عاطفتج

هذا مو سند ولا اخ

الاخ الي يتوجع  كبل متكول اخته آآخ

مرينه بضروف بس الله يعلم بيها

وين جان عنه

هم اله سبب بالي صار

اله سبب بتبطيلتي من المدرسه

واله سبب بشغلنه اني وياج بالصالون واله سبب بضياع لمى وشغلهه بالبيوت

لو اسماء تعرف عدنه سند مجان سوت كل هذا بينه

بس تدري ماعدنه احد براسه حظ

ف الله يخليج اسكتي

مانكر كلامهه صحيح بس بنفس الوقت ماريد انطي بحيدر ولا اريد اسماء تستگوي اكثر

خل تعرف عدنه اخ يسال علينه واخ حوك مو اي اخ

مرام: صح كلامج بس نور احنه نريدلنه گشايه نتعلك بيها

بلكي الله هدا علينه وحن قلبه

نور احنه مالنه احد بهل دنيا ابوج هوا والماكو سوا واسماء كل ماجالهه تستچلب اكثر

خل ننطي فرصه والله احس رح يفيدنه بيوم من الايام

وهاج هاي الج دزهه ونطه اليه ولمى هم كل وحده ١٠٠$

نور؛ ماريدهه خليهه الج

مرام: بروح ماما اخذيهه

اعتبريهه عربون صلح

نور: مرام والله اني ماكرهه بس هوا موحنين علينه

مرام : شتفسرين جيته لبارحه لعد؟

نور: عادي مر يشوف ابو

مرام: متوهمه وغلطانه لان تدرين كلش زين مو صلح ويا ابوج

المهم هسه عوفينه من هاي السيره سديهه وخلي الله يهدي شنريد احنه بي نتي لتحجين عليه كدام اسماء

هاي حيه تروح تنقله الحجي حتى تخربه ويانه

دخلنه للصالون  وكمل يومنه عادي

من رجعنه استغربنه خالي محمد بالبيت

نور: ياستار شو يوميه واحد شنو تذكرونه هسه

مرام: خل نفوت ونفتهم

دخلنه وسلمنه

سلم علينه خالو بس هل مره غييير

يضحك ويتشاقى ويسولف

ورا شويه جابله بابا ورقه تشكر منه وطلع

نور: شنو راد خالو محمد ؟

حارث: شهادة الوفاة مال امج

نور: ليش شيسوي بيها

حارث : كال محتاجهه مسألته ليش

جان تفوت اسما الظاهر جانت تسمع

اسماء: كل عقلللك حارث تنطيي الشهادة مال وفاة ؟؟ هسه يسوولهم لعبه وياكلون ورث  البنات

اني ونور وحده صفنت بوجه الخ وكأن نكول تفكير اسماء صحيح لان همه اصلا خوالي ميطيقونه شنو اليوم خالو محمد جاي يضحك

لمى كمزت من يمها :

— شنو شنووو ياخذون ورثنه بأي حق والله اشك حلوكهم هيا شنو تايهه

هسه اخابرهم واخزيهم

حارث: لتخابرين كعدي وسكتي ماليه حيل مشاكل

اسماء غمزتلنه تلاثتنه واشرتلنه بمعنى تعالن ورايه

رحنه كولنه وراهه وحجت

اسماء : ماما انتن مو صغار وهذا حقجن من ورث امجن لازم تاخذنه ماله حق خالجن ياخذه

هذا كونن بي مستقبلجن انتن هم تعبتن

هيه تحجي وني ونور نعرف ددگ ناعم تريد تستفاد  سكتنه

بس لمى نفعلت وكالت

لمى: اله اخابرهم باجر اخزيهم اخليهم يجيبون الورث وهمه الممنونين خاف عبالهم طفله والله احركهم حرك

سكتنه واسماء حجت وكعدت تتامل بالورث

اسماء: اذا استلمتنه اشتريلجن بيت وافتحلجن صالون

واشتري سياره اخليهه بيد سايق ويجيبلنه منهه وارد

وكعدت تتحلم وتبني امال

ثاني يوم من الصبح بعدنه مطالعين للصالون

لمى لزمي مبايل اسماء وخابري على خالي محمد دگ دگ شويه يلا رفع الخط

فتحت سبيكر

لمى: الوو هلو خالو

محمد : هلاا لمى مو ؟

لمى: اي

اكلك خالو شسوي بشهادة الوفاة مال ماما ؟

محمد : ونتي شعليج

لمى: لاا شنو شعليه اني بتهه ترى مو غريبه

محمد : حتلو بتهه ميحقلج معليج بسوالف لكبار

لمى: عليه ونص

محمد: شكل حارث معرف يربيجن

لمى: لاا والله والله عاد احنه متربايان احسن تربيه وعدنه ورث يمكم اريد الورث مالتنه لا اسويهه محاكم

محمد : عدكم نعل يمي شو دولي

وجان يسده بوجهه..................

مرام: يوم مم الايام اجانه خالي محمد واكتشفنه حقائق ع خوالي تشيب الراس يعني جشع وطمع البشر وصلت لحد ابد مامتوقعينه هوه اذا انت الي من لحمك ودمك يطعن شلون راح تأمن ب الغريب

فسمعنه ب الصدفه كان يحجي ويه بابا من اجه للبيت كال..

خالو محمد: شوف حارث بعد ماتوفت ام نور رحنه للمحكمه وكلنه محامي ب القضيه وقدمنه شهاده الوفاه للمحكمه وكلنه انو اختنه متوفيه وماعنده لا زوج ولا اطفال...........

مرام: بعد الي سمعته انصدمت يعني هذوله عگارب مو اقارب الي ياخذون حق ايتام ياويلهم من عقاب الله شنو راح يسوي بيهم كلت لنور ورادت تهد على خالي كتلها عوفيهم خل نعرف بعد شنو مصخمين...

مرام: مرت الايام وبيوم جنت راجعنه من الشغل اني ونور طبينه بهدوء وانصدمنه بحجي مرت ابويه

اسماء: احنه لازم انسوي......................................................................

***********************************

حبايبي كلبي الي يسألون ع الشخصيات الجديده

محمد: خال مرام

حيدر: اخ مرام من ابوها يشتغل ضابط

ماس: بنت مرام وان شاء الله تتعرفون عليهم اكثر ب البارتات الجايه شبيه حيدر

حيدر كولش يشبه عمرو يوسف بهاي الصوره  بس حيدر اسمر وعيونه عسلي وحواجبه اثخن وعنده رصعه قويه بحنجه

والجسم والضخامه نفس الشي........

************************************

إنك الشخص الوحيد الذي تأنس روحي معه يأتي و يزيل كل هذا الآسى بكلمة واحدة و أطمئن، إنك الشخص الوحيد الذي لم تقلل المسافة من محبتي له و رغبتي في البقاء معه بل أحبك كل لحظة كأنها المرة الأولى، أحبك جدا و لن يمحي هذا الحب أي شيء ❤".....

**********************************"

لا أحب مُوَارَبَةِ الأبواب، لستُ من هواه البكاء علي الأطلال ولا تستهويني الفرص الثانية، الحياة قصيرة جِدًّا، لا داعِ لأن ألتفت ورائي.......

‏لا تعِشْ على مزاج أحدٍ، ولو كلَّفكَ الأمرُ أن تكون صديقاً لجدران غرفتك!

ولا تستمر في تقديم التنازلات ، لمن لا يفهم أنك تفعل هذا، لأنكَ تريدُ الاحتفاظ به!

لا تكُن عكازاً للئيم تعرفُ أنه متى استطاع أن يمشي دونكَ سيكسرك!

ولا تكن كتفاً لأناني تعرفُ أنه يضعُ نفسه دائماً أولاً!........

************************************

نور تگول

هَذولَ أحنة ..

إذا تِقرَة الصُحف ، تِلڪة الصَبر مَوضوع !

واليصبِر يَعوضنة عِلَّة ڪل مِحنة

يـ ڪِل شي أسمة الصَبر أحنة..

لمى تگول

لن تجد إنسان قوي دون ماضي مؤلم...لا أحد يصل لمرحلة العقلانيه دون أن يدمر شيء ما في داخله..!

مرام

ماذا يسمى هذا الشعور؟!

كما اعتدت سابقا كنت حين اشعر بضيق من الواقع اذهب الي عالمي العالم الثاني الذي اكون فيه في قمه السعادة وتبادل كل الاحاسيس كاني انقل روحي الى المكان المطلوب شيء اعتدت على فلعه ولكن.... منذ البارحه عاد الانفصام لي بدون اي حركه ارادية او ادراك بدأ يحدث وحده عندما كنت سابقا اذهب الى ذاك العالم واتحدث مع من يسعدني كان ذهابي هذه المرة غريب كان الانفصام في هذا اليوم غريب شعور مؤلم وعدم التركيز وتداخل الاحداث كلها تحدث بصورة سريعه لايمكن ان اسيطر عليها كما كنت اشعر ان اللذين كنت انفصم معهم لم يعودوا يزودوني بتلك الفرحه والسعادة كانهم تلاشوا؟ تلاشو في الاشيء؟ كل هذه الارتباكات حدثت عندما خسرت اخر ما امتكله؟!  بدا ذلك الشعور يتسلل الى داخلي اشعور بان هناك العديد من الاماكن الخالية في جسدي اشعر الهواء يصل الى منتصف العنق ويسارع في الخروج احس  ان هناك الكثير من الفراغات التي كانت مملوئة في العادة اشعر ان كل شيء مجبر على دخول الى جسدي وحين يلامس احشائي يسرع بالخروج حته اني لا احس به ليس الهواء فقط اشعر بان هناك الكثير من الاشياء التي تود الخروج كان احشائي تصرخ وتقول اخرجوني من هذا الجسد

اسماء:  حارث تردد حيدر عليك مو خالي

گلك ابويه كبر وراه بيت وسياره وني الولد الوحيد خل اطلع بكم فلس زينات

حارث البنات يمي مطمنه من ناحيتهن

بس لا سامح الله وعمرك طويل ان شاء الله اذا صار عليك شي

حيدر مراح يتنازل ولا راح يخلينه كاعدين بالبيت يجي ورا الفاتحه يريد يبيعه ويدور ورث

حارث: يدري كلش زين فلس مدافع بهذا البيت مروه الله يرحمهه من فلوسهه وسلفهه وذهبهه اشترت الگاع وبتنه

وني ساعدتهه يمكن بمليونين لو ٣ الباقي هيا كله

وسجلته بأسمي كالت حتى ماروح واجي للمحكمه انت كمله

اسماء البنات الهن حق بالبيت اكثر مني ومن اي احد شلون اسجل البيت بأسمج

هسه هم يكولن خو سجله بأسمنه لان هوا بفلوس امنه

اسماء: اجيت وياك

تسجله بأسم منو ؟؟ مرام ولمى ثنينهن قصّر

ونور بنيه باجر عگبه تتزوج بله رجلهه قره براسهه ؟ حارث فكر زين ودانش عقلك ولتضيعنه

حارث: شبيج اسماء كل عقلج حيدر ميت ع البيت والسياره

توى حيدر نقيب وراتبه ذاك الراتب ومن غير بيت امه بالسيديه ٤٠٠ متر محتاج بيتي

شو انتي مدري شلون تسولفين

اسماء: ضل صل عاند لحد متضيعنه بهذا عنادك

اني ونور كاعدين بالصاله نسمع احسن روحنه رح تطلع

يعني هوا احنه شعدنه غير هذا البيت طلعنه بي........

بعد كلام هوايه ومناقشات وملحة اسماء

تقشمر ابويه وراح سجل البيت والسياره بأسمها

وهاي جانت من اكبر الغلطات الي ارتكبهه الي رح تخلي يفتر بمكانه ميعرف شيسووي

زاد تردد حيدر علينه

مره هوا وابنه

مره وحده

عرف نشتغل بصالون وتعارك ويا ابويه حتى يبطلنه وطلع يتوعد ويهدد

يكله شنو بنات حديثات مشغلهن بصالون تجي بي الموشريفه والزايعتهه الگاع شلون تأمن على بنات حديثات بهيج مكان

وابويه مجذب عليه يكله صالون مال مرت صديقي وخوش بنيه بس اخويه ممقتنع بالعذر

عدت سنة ٢٠١٣ وسنه ٢٠١٤ 

بدون اي احداث جديده نفس الروتين

نجحت من الخامس للسادس وهنا فرحتي اضعاف لان حسيت رح اخلص ووصلت لنهاية المطاف بس الي صدمني قبل الدوام بأسبوع صار الي صار

مخبوصه والعطله كلهه مرتاحيت وكعدت اقره وكولش مشدده على نفسي لان بالرابع والخامس معدلاتي بال٨٠ يعني متأهلني ادخل اقسام طبيه

ردت اقره بالعطله حتى اكون مسيطره ع المواد وكمت اشتري ملازم واكعد اقره بالصالون ومن ارجع للبيت

بهاي الفتره كولش اسماء تغيرت ٣٦٠ درجه ويايه نحو الاسوء

كامت تتعارك ويايه على اقل شي تضربني تسبني تحاول تخليني ازل وياهه بس اني كلشش مسالمه فجنت اتجنبهه

هيا من تشوفني اسكت تتخبل بالزايد عليه

اجاريهه واسايرهه لان مو خلگ مشاكل

بس مجازت مني

قبل المدارس بأسبوع جنت راجعه من الصالون دا اقره

اسماء: مرررررررام مراااااام تعاالي شوو تعااالي

رحت اركض عبالي احد احترك صار شي

مرام: نعم باجي

اسماء: كوومي سوي سم ساعه ب ١١ يمتى نتعشى شنو من تجين تضلين لازمه كتبج هسه يمج مدرسه

لو من هسه رح تبدي رحمة الله على ابو سادس ولحد يحاجيني

مرام : باجي ترى العشى مو عليه يايوم اني مسويه عشى

ويعدين شغلي كله داكمله الصبح واطلع ومن دا ارجع دافرغ وقتي للدراسه

بمكان ما ارتاح دا اكعد اقره يعني ممأثره عليج

اسماء: شووفي لججج من اليوم العشى ومواعين العشى عليج

والطرمه والحديقه والبلكونه والاثاث وتنظيف الثلاجات عليج

مرام: باجي بس اني دا اتعب بالشغل واجي للبيت حتى ارتاح  والصبح اكمل شغلي يمتى الحگ اكمل كل هذا الشغل الصبح ؟

اسماء: لعد اذا تعبانه شلوون تكعدين تقررين ؟؟

مرام: باجي هذا مستقبلي ودافضله على راحتي شتقارني بتنظيف بيت

هذا الحجي ابويه الدثو گاعد ويلعب بالموبايل ولا حرك ساكن

اسماء: فلحي بتنظيف البيت مثل مفالحه بالدراسه

مرام: باجي دتضغطين عليه هوايه اني بشر هم اريد ارتاح خما كله شغل شغل بالبيت وشغل برا البيت حجيت وبجيت

بعدني ممكمله الحجايه وچان تكوم على حيلهه متوجهه لغرفتنه

اسماء: تردين ترتاحين مو؟

جان تلزم الكتب وتشگگهن كدام عيني

خلت روحي تفرفح

__ارتاحي حبيبتي بعد دراسه ماكو بحح  حتى لتكولين يضغطون عليه هاي خلصتج من هم المدرسه

مرام: بااجي لا حرام عللليج تعب ١١ سنه تضيعي والله حرام احجي وابجي وهيا مستمره تشگگ  احسهه دتگطع بقلبي مو بالكتب

يعني كل عقلهه شاده ويايه لان مجتهده وشاطره بدراستي

ابجي ابجي بهستريه اكثر شي احبه بحياتي الدراسه وهيا شدتسوي هسه ؟؟ دتشكك كتبي وملازمي الي مشتريتهن بتعبي

الي احرم نفسي من الجبس والنستله حتى اجمع واشتريهن حتى ما اطلب منهم شي

كمت املخ بروحي شعور لهل لحضه من اتذكره اشبع بجي وقهر لان صدوك موقف صعب عليه

كمت لابويه روحي مفرفحه ودموعي تارسه وجهي كلت راح ينقهر على حالي

مرام: بابا ابووس ايدك كوم لباجي شكككتتت كتبيي وملازمي بابا مبقالي بس هل سنه واخلص الله يخليك لتضيع تعبي

احجي وابجي ومنفعله وهوا عينه بالتلفون رفع راسه باوع عليه حجه كلمه وحده ودنگ راسه

حارث: طبج مرض حتى مترادديهه بعد ومن تكلج على شي تسوي وانتي ساكته

هوا حجه هيج لو شياطين الدنيا تجمعت براسي

اني المسالمه الهادئه الي مينسمعلي حس هيج افكر

بعدني بالصدمه وماعرف شلون هيج سويت

شلت التحفيات مال استقبال ورگعتهن بالگاع كلهن سويتها معركة احد لاخليت سندانه تعتب عليه لاخليت تحفيه واكسرهن واصيح

مراام: دتشوووفين ذني شلووووون تكسرررن هييييج كسررتينيييي

تشوووفين هااي حاجتجججججج شلون عزيزززززه شووفيه كبااال عيننج شلون تتكسسر خل يحتررك قلبججج مثل محركتييي كلبييييييي

الله ينتقمممممم منجج الله لاااا ينطيييج ان شاء الله تتلكيهه بعزيز قلبججججج

اعيط واصيح ونسيت نفسي لحد ما نهبدت بشي على راسي فقدني  حسيت حراره نزلت على رگبتي وعلى ظهري

بعدهه محسيت بشي....................................................

************************************

لا أحب مُوَارَبَةِ الأبواب، لستُ من هواه البكاء علي الأطلال ولا تستهويني الفرص الثانية، الحياة قصيرة جِدًّا، لا داعِ لأن ألتفت ورائي..........

حبايبي اني. ملتزمه وياكم ب التنزيل وابد ممقصره وياكم يعني انتو همات اعذروني تره اني حالي من حالكم مااعرف الاحداث واقره وياكم ف التنزيل نفسه يبقى بين يوم ويوم تحياتي الكم....

تستمر القصه ادناه.........