تحميل رواية «تهزمني السمراء وانا نّد الفرسان» PDF

«البارت الثاني والاربعين»

.

.

في بيت ثنيان

دلال اللي كانت تحاول قدر المستطاع تدخل شوق بالجو رغم انطواء شوق والترف اللي كانت متجنبه ام ثنيان بشكل نهائي دخل ثنيان وهو ينزل البنات

ولف لدلال بهمس: دلال حاولي تقنعين امي تخف على الترف

دلال: وش اسوي يا ثنيان تعرف امي انت

ثنيان: المشكله عجزت افهمها عجزت

دلال : اصبر فتره وبتهداء وترضى

ثنيان اللي يشوف الترف تسولف مع البنات : والله مدري ليش امي ماحبتها للحين

دلال ابتسمت: مب كل القلوب قلبك ولا كل العيون عيونك

ثنيان ابتسم وهو ينادي : الترف

لفت الترف: سم

ثنيان: عطيني قهوه لا هنتي

الترف : ابشر

ام ثنيان حزتها كان ودها تكفخهم الاثنين

دلال: ابوي راح

ثنيان: اييه بيروح يتقهوى عند جارنا تعبان

ام ثنيان: قومي يا دلال بنمشي

ثنيان: جالسين يمه

ام ثنيان بغضب: اجلس بلحالك

طلعت واخذت دلال وشوق ولف ثنيان بضيق وهو ياخذ القهوه من الترف اللي جلست

ثنيان: هاه نوف وصلك المهر

نوف: وصصل ياخالي

ثنيان: الله يوفقك وانتي رهام قضيتي من اشغالك

رهام: يعني نركض فيها

ثنيان: الله يعين بيت ابوي اللي بيفضى

الترف : الله يعينا احنا بعد بنطفش

مشاعل: اي والله تعودنا نتجمع

رهام: ما بنروح اخر الدنيا بنجي ونتجمع

ثنيان وهو مبتسم : والله مدري بتجين ولا نصير نعطي عشان نشوفك عشرين الف

انقلب وجهه رهام احمر وانحرجت وضحك ثنيان ولف لترف : بكره اجهزي بنطلع بدري مع عجاج واحتمال يملك

الترف : قول والله

ثنيان: واللله

منيره: ليه وش فيه عجاج

ثنيان: ابد بيتزوج

الكل فرح لعجاج لكن محد قدر يفرح بصوت عالي خوفاً من ثنيان اللي حس بسكوتهم

رهام : يلا بنلحق على امي قبل تعصب

ثنيان: اجلسي بدري

رهام: لا احسن نروح حتى مشاعل ترتاح

منيره: يلا يا عيال نوم وراكم دوامات

محمد: يمه بنجلس مع الصغار

عمر: ايه تكفين ما لعبنا معهم

ثنيان: تعالوا معكم 10 دقايق وبعدها نوم

اخذ ثنيان البنات وهو جالس بالنص والتوأم قباله وعمر ومحمد جالسين جنبه والترف ومنيره على يمينه كان ثنيان فرحان بالبنات تقريبا نفس فرحة محمد وعمر

................••............

من بكره في قرية الترف تحديدا في بيت نوره

كانت الترف عندهم وهم يسمعون الرجال اللي كانوا يطلبون نوره من عمها

ابو الترف : وانت تدري يا مسفر ان نوره مثل بنتي وما اعطيها الا واحد كفو ويعلم الله ان عجاج كفو

مسفر : اكيد يا ابو الترف اكيد دام انك تشهد له اجل عطيناه والمعطي الله

ابتسم ثنيان لعجاج وعجاج ابتسم بفرحه مكسوره ان ابوه رافض يجي

قال مسفر: بس انت ابوك عايش

عجاج بضيق: ايه عايش بس مريض شوي

ابو الترف : واذا ماعندك مانع يملك اليوم

مسفر : ابد ما عندنا مانع لكن خلنا نشوف البنت وامها

ركضوا نوره وسلوى والترف وام نوره وجلسوا ودخل مسفر ينادي ام نوره ونوره اللي بغوا يترددون بس وافقوا

ضحكت الترف بفرح: الله يا زين عرستس سهالات يا نوره

ضحكت نوره بتوتر : والله خايفه

ام نوره : الله يكتب لتس الخير يا بنتي

دخلت ام عايض وهي تنادي: يا ام نوره

ام نوره راحت لها وكان هذا المتوقع ان الخبر ينتشر ان عجاج خطب نوره وبيملك عليها

.................••............

في المجلس

عند عجاج اللي ما صدق يوقع وتوقع البنت ويملكون وينتهون وقف وهم يسلم عليهم بفرح

وثنيان اللي يحس بالفخر انه مزوجهم

عجاج بهمس لثنيان : مايمديني اشوفها

ثنيان: جرب تقول عشان تموت قدام عرسك

عجاج: ما يمزحون والله

صالح : مبروك يا عجاج

عجاج: يبارك فيك وعقبالك

ضحك ثنيان: يا ويلك لو تسمعك سلوى

صالح: انا خارج المسؤوليه من الحين

عجاج : بما انهم خارشين صاالح وخارشين ثنيان اجل الله ينصرني

صالح: يعني تقدر تقول فيه خرشه شوي شوي لكن حنا الخوال نقدر على بعض الضايع ثنيان

ضحك ثنيان: انا والله مستسلم لكم

طلعوا متجهين لبيت ابو الترف بعد ما تغدوا عند اهل نوره وعجاج اللي توه يحس ان قلبه ارتبط بشي ما يقدر يخليه وراه كان شعور انه يفكر بأحد يبسطه رغم انه مايعرف عن نوره الا ضربة الصحن

اما عند البنات اللي كانوا في قمة فرحتهم ووقفت الترف لما قال صالح: يالترف ثنيان بيمشي يلا

طلعت الترف تركض لثنيان: تكفى ثنيان اصبر

ثنيان: وش فيتس وش اصبر له ملكنا وخلصنا وش نبي

الترف : ياخي الحين اهم فقره بيجون الحريم يباركون لنوره وامها

ثنيان: يباركون لنوره وامها انتي وش عليتس

الترف: تكفى يا ثنيان بتجي دويده وام شوشه وبتجي نوير وبتجي عبسه كلهم بيجون تكفى مابي افوت اللحظه

ثنيان ضحك : يابنتي انتي مالتس صاحب كلهم كارهتهم وكارهينتس وبعدين من عبسه جديده علي !؟

الترف: كذا الحياه شسوي وعبسه اعلمك سالفتها بعدين بس تكفى طلبتك

ثنيان ابتسم : ابك انتي تطلبين وتبشرين

الترف ضحكت وهي تدق كتفه: والله لو مافيه احد لا اخمك

ثنيان سحبها للبيت بسرعه وهو مبتسم: هذا حنا ماعندنا احد

ضاعت علوم الترف وارتبكت لكن اخيرا تشجعت وهي تحضن ثنيان بفرح وتركته وركضت لبيت نوره بخجل

كان هذا الحضن احسن مكافاه لثنيان اللي طلع هو مبتسم جلس جنب صالح

صالح: وين ما بتروح

ثنيان: بتتظر شوي

عجاج: اجل انا بروح انا وعيد

ثنيان ابتسم بهمس : ايه اركض وراك عرس

عجاج: ما كأنه بدري بعد اسبوعين

ثنيان: بعد زواج محمد بيوم بس

عجاج: واضح اني بنكرف

ثنيان وقف وهو يبعد بعجاج : قول تم

عجاج: وش عليه !

ثنيان: قول تم

عجاج: تم

ثنيان: شقتك هديه عرسك مني وطلاق ما تحلف

عجاج: ثنياااان

ثنيان: حلفت يا عجاج ياخي خلني اسوي شي انا صديقك الوحيد لا تصير نفسيه واوعدك بينا

عجاج : الله يهديك

ثنيان ابتسم : لو تبي عيوني يا عجه والله ما تغلى عليك

عجاج اللي مايحب العاطفه كثير ضحك بفرح: مابي عيونك تذبحني عليها الترف

ضحك ثنيان وهو يودعه راح عجاج ورجع ثنيان لصالح اللي ابتسم : من متى تعرف عجاج

ثنيان: اوووه سنين يعني قول من المتوسط 17 سنه تقريبا

صالح: حلو انك تحصل صديق معك بالخير والشر

ثنيان: هذا عجاج والله ، انت لك صديق مثله؟!

صالح: كنت اتمنى بس مع الاسف

ثنيان: انا متاكد ان اللي يعرفك يا صالح لازم يكون لك صاحب وافي

صالح ضحك: هذا انت تقوله لكن الناس تختلف

ثنيان: ليش تقول كذا !؟

صالح : واجد اللي يغدرون يا ثنيان

سكت ثنيان اللي حس ان صالح مكسور من ذا الموضوع ولهذا السبب كان ثنيان حريص انه يكون له صاحب واحد بس يسوى روحه ................••............

في بيت نوره

عند الترف وسلوى اللي كانو ينتظرون لحظه تاريخيه بالنسبه لهم واخيرا شرفوا الاعداء الموقرين جوا نوير وشلتها وهم مب جايين يباركون جاييين يدقون بالكلام

سلوى اللي اول ماشافتهم قربت وهي تقول بصوت عالي : بسم لله عليتس يا نواره الله يوفقتس وبيعد عنتس عين العانس والحسود

الترف : ايه اقري عليها الشياطين دخلت

ام نوره: سلوى الترف خلاص

نوير: والله ماندري وين الشياطين ، لكن شاطره والله عرفتي تلفين عقل الشايب وجيتي اخذتي نوروه معتس

نوره: اقول ابلعي لسانتس وضفي وجهتس كل ذي غيره يا نوير الدعله

سلوى : اتركيها يا حبيبتي خليها تخثردز من يلومها العنوسه قاتله

الترف : عاد موتس وحياتس تلقين مثل الشايب

سوير : ايييه الله ينصره ذا الشايب ولا وش لاقي بتس اكيد انتس ساحرته

ضحكت الترف ضحكه استفزازيه : ايه ساحرته لكن السحر الحلال اشكالتس انتي وهي مايعرفونه حدتس مع تيوس ابوتس

نوير: تروفوه احترمي نفستس لا ارنتس هنا

نوره: ترنين من يا الدعله اقول انقلعي من ذا البيت

ام نوره: بس انتي وياها ويلا كل وحده بيتها يلا

طلعوا نوير ودويده وعبسه وشلتهم وطلعت الترف وسلوى متجهين لبيتهم كان ثنيان وصالح جالسين بس فجاءه وقف ثنيان وركض طبعا ثنيان اللي سحب الترف وسلوى وراه وشهقت عبسه لما ضربت العصاء اللي معها بكتف ثنيان اللي كان المفروض تكون الضربه بكتف الترف

عبسه اللي كانت ناويه تكفخ الترف هي ودويده ومن سوء الحظ طلع بوجههم ثنيان اللي غمض لما حس بالضربه وفز صالح على صراخ الترف اللي مسكت ثنيان وهي تسب

وثنيان وخرها وهو مايبي احد يشوف انه تألم: اددخلي انتي وهي جوا

صالح : ثنيان ثنيان وش صار

الترف : ملعونه الصير عبسوووه

صالح: عبسووه وش تسوي هنا وشوله تطقه

سلوى: كانت تبي الترف بس طاحت بثنيان

صالح: هاذي مب في المدينه وش جابهاا

الترف: جايين لخالهم تخلخلت عظامها

صالح: ثنيان فيك شي

ثنيان: لا مافيني شي يلا امشي

الترف: وين امشي والله للعن خيرها

ثنيان بغضب وألم: اممممشي احسن لتس

صالح: امشي يلا

سلوى: روحي ماعليتس برويها شغلها

صالح: اقول اجلسي انتي بعد في بطنتس ولد

سلوى سكتت بغضب وثنيان اللي مشى والترف وراه اللي كانت حاقده على عبسوه (عبسه هاذي تكون مرزوقه فرع ديره الترف قششرا قشرررا ما احد يسلم منها وطبعا هي الترف وسلوى ونوره اعداء وهي طبعا من شلة نوير عاداوتها مع الترف اسطوريه لازم يصير مكافخ بينهم وطبعا عبسه ما يهمها احد ولا تفكر في احد مسترجله بالعربي وطبعا محد صدق انها ذلفت للمدينه لكن كان تسجيل رجوعها القوي انها ضربت ثنيان بدال الترف )

ركبوا كانت فعلا العصا قويه على ثنيان اللي احتدت ملامح الغضب وكان يحاول يرفع يده ويسوق بس وقف هو يحرك يده لكن لف لما فتحت الترف الباب ونزلت شافها طايره لوحده ومعاها حجره اخذتها من الارض وكفختها على الراس وهي تقول : مب انتي يا عبسوه اللي بتمدين يدتس جعلها الكسر

طبعا كانت النتيجه فقشه براس عبسه اللي ارتفع صوتها تصارخ بكل قوتها لكن طبيعي ان محد عطاها وجهه لان الكل متفقين ان عبسه دايما غلطانه

ثنيان اللي عصب زياده وهو يشوف الترف راجعه تحرك متجاهل الم كتفه وهو يهاوش : خييير ان شاءالله معاد تشوفين ان وراك رجال تمشين تكفخين وعلى كيفك انا ما قلت امشي وانت ساكته

الترف بنفس الصراخ: لا والله تبيني اسكت لها والله ما اسكت وكل الدنيا تدري ان عبسوه غلطانه

ثنيان: اقول اص .. هذا اللي بتجلسين عشانه مشاكل وقلة حيا خير ان شاء الله عايشين بمافيا وعند يهود

الترف لفت بضيق وثنيان اللي مستمر معصب ويصارخ وندم انه خلى الترف تجلس وهو على باله مكاجرة حريم مايدري ان الوضع جدي

................••............

في بيت ثنيان

عند مشاعل اللي كانت تداري بناتها ومنيره معاها رفعت راسها بهدوء : منيره مب زعلانه مني صح

منيره: ازعل ليش!!

مشاعل: عشان ما سميت بأسمك

منيره: لا يا مشاعل لا تقولين كذا لا زعلانه والله لا يجيب الزعل وبعدين مايفرق على الترف ولاعلي كلنا واحد

مشاعل ابتسمت: ايه هاذي منيره اللي اعرفها

ضحكت منيره بضيق: صح اني تغيرت شوي وغيرني الشيطان لكن الحمدلله افتكيت منه

مشاعل : صح الحمدلله لكن كلنا ندري ومتفقين ان الترف غيرت ثنيان للاحسن وهذا اكبر فضيله سوتها وغير كذا مافي يدينا نتحكم بقلب ثنيان دامه ما يقصر معنا

منيره: اي والله صدقتي يا مشاعل

سكتهم الدخول القوي للترف وثنيان اللي ما زال معصب والترف اللي ترد : خلاص ياخي ماصارت سالفه بعدين انت تدري ان هالمشاكل تافهه

ثنيان : لا والله تافهه انتي مهبوله !في عقلتس شي ؟؟ لو ماتت لو صار لها شي

الترف : ان شاء الله تموت ويبرد قلبي

ثنيان: اييييه ان شاءالله عشان بيديني هاذي اوديتس لساحة القصاص

منيره : لا اله الا الله وش فيكم

الترف : عصبيه على غير سنع وهو يدري السالفه تافهه

ثنيان: على غير سنع !!؟ انتي بتذبحيني كم مره علمتس عن هالعناد كم مره اقول اذا قلت كلمه ما تعدينها ولاتطيعين

تقدمت الترف وهي تحط يدها على كتفه اللي انضرب فيها وتتحسسه وهي للحين تعاند : انا قلت لك دام ما احد غلط علي مانييب قايله شي وبعدين اترك ذا كله وشوف كتفك

ثنيان اللي كان نزل شوي لها عشان تطول كتفه وتشوف وضعه لايكون مفكوك او مكسور او فيه شي ولللحين يهاوش : الحين صار كتفي يهم كله من سببتس

منيره ومشاعل مستغربين مايدرون وش يصنفون اللي قدامهم هوشه ولا اهتمام ولا خوف على بعض

لما شافت منيره ان مافيه مجال مع عنادهم ابتسمت وجلست جنب مشاعل للي كانت تضحك هي بعد

الترف: مافيها شي كتفك ؟ ليه تعورك

ثنيان: كل شي يعورني منتس

سكتت الترف وهي تناظره بغضب وطلعت ولحقها وهو للحين مصر يعرف سالفة ذي عبسووه

دخل: تعالي هنا وش سالفه ذا الجنيه

قربت الترف وهي تساعده ينزل ثوبه ونزلت فنيلته وهي تشوف كتفه مورهم جابت الثلج ورجعت وهي تقول بنفس نبرة العناد والغضب : ابد سلقة ماتستحي على وجهها مأذيه الكل لا صغير ولا كبير ودايماً هوايشها مع الناس ومن ضمن اعداءها انا وعشان كذا كانت بتضربني وجت في كتفك

ثنيان: حسبي لله بس انا مدري وش خليتوا لرجال

الترف وهي تكمد بقوه: ماني بحاجه رجال انا اخذ حقي

ثنيان لف عليها: والله

الترف بعناد: ايه ليه عندك مانع

ثنيان اللي ماكان يدري وش يسوي بها لو واحد غيرها والله ليكفخه من اول لحظه انه ماسمع كلامه وهاذي فوق غلطها تراد وتعاند مسك يدها وهو يبعد الثلج منها ابتسم : عجيب لو امسكتس الحين واكفختس وش بتسوين

الترف وهي تناظره بنفس الابتسامه : تقدر تجرب

ضحك ثنيان وهو يقربها بخقة الدنيا على هالشخصيه المتمرده القويه وكأنها تتحداه يحبها اكثر كان المفروض ثنيان يجرب انه يكفخها ويشوف ردة فعلها بس بالحقيقه انقلب التكفيخ لثورة حب عظيمه كلهم خسرانين فيها عنادهم اللي اختلط بحب عظيم تتبادله قلوبهم ماكان لثنيان قوه على الترف ابد كانت قوته بحبه اللي يطغى على كل شي وياخذهم من الدنيا عشان يكونون مع بعض وبس .... ...🌚 .

.................••............

في ديرة الترف

نتيجه هذا التصادم القوي كان صالح بطبيعة الحال يستجوب سلوى اللي لفت بضيق: ياخي خلاص مشكله وانتهت وانت تعرف ذا الجنيه

صالح: عشاني اعرفها اقولتس وخري عنها يا سلوى يا سلوى افهميني انتي في بطنتس طفل وش بتقولين له بكره بتقولين والله كنت اكفخ انا وعمتك حريم الحاره

سلوى: ايه عشان يعرف ان امه كفو

صالح : ماااش ما ينفع فيتس انتي وهي الا التكفيخ بس من الحين اقولتس ان سويتي شي بدون علمي وان صار بولدي شي يا سلوى مانيب محللتس

سلوى لفت تناظره بأستغراب وش ذا اللهجه الغريبه ! لكن هالوضع الجديد عن صالح طلع من قلة حيلته عجز يضبطها هي والترف مافيه اي حل الا انه يخوفها واذا خافت سلوى بتخاف الترف معها ويهجدون

سلوى: ليش تقول كذا وش صاير

صالح: ما صاير شي بس انتي المسؤوله اذا صار

راح وتركها وفعلا نجحت خطته وجلست سلوى بتردد وخوف .................••............

وفي لمحة البصر مرت اسبوعين وكانت طول هالاسبوعيين والكل مشغول الكل بدون استثناء

نبتدي من بيت ابو ثنيان اللي كانوا العرايس فيه نوف ورهام وهم يعايشون افضل الايام وبفرح وطبعاً دلال اللي كانت معهم وشايله همهم ومن جهه ثانيه شايله هم شوق اللي قررت انها تستغل الفلوس اللي حصلت عليها وتسوي لها مشروع تشغل نفسها فييه طبعا بعد موافقة وتدقيق ثنيان اللي صار مسؤول بشكل رسمي وجدي عن شوق

اما ام ثنيان اللي رغم كل الضغوط و الاانشغالات ما زالت مستقعده لترف وثنيان

اما ثريا مالها اي اثر في زواج محمد الا انها مجرد اخت بس

لكن فجر اللي بقدر استطاعتها كانت تساعد الكل

و امل ما كانت لها حيله مع سيف الا انها تطيعه فرصه عشانها وعشان ولدها وخصوصا ان سيف صاير عدواني معاها

ومن بيت ابو ثنيان للبيت ابو محمد للي على كثر ماكان محمد مضغوط ومشغول ما تخلى عن ابوه كان كل فتره يرجع يشوف ويطمن عليه

ومن بيت محمد لبيت ثنيان اللي كان متقسم منيره اللي كانت منشغله كلياً بزواج محمد ماهي ابد مع العالم حتى حمود الصغير كان من ضمن مسؤوليات الترف

اما الترف كانت ما بين مشاعل والعيال والبيت وثنيان ومن بعدهم فرحتها بنوره

اما مشاعل اللي بالقوه كانت بتحضر زواج رهام وهي مكروووفه من التوأم

لكن ثنيان اللي كان يكرف كرف عالمي ما بين دوام ومساعده عجاج ومحمد ومنصور وطبعا عناد الترف

ومن ذا البيت لبييت نوره اللي كانت هي وسلوى مشغوليييين يرتبون لزواجها رغم اتعاب سلوى الا انها معاها وطبعا الترف اللي تمر وا بين فتره وثانيه

................••............

يوم زواج محمد ورهام اليوم منتظر للكل

عند رهام اللي كانت متجهه للصالون عشان تجهز وطبعا معاها الكل

نواف اللي كان على قد ما هو فرحان رايح جاي فيهم ومسوي زحمه بالشارع ويدق بوري وازعاج وغير اغانيه اللي تبلغ الكل ان في ذا السياره عروس ................••............

في بيت ثنيان

ثنيان اللي كان يفطر وهو واقف

ام مشاعل: ثنيان يا ولدي اجلس مب زين تاكل واقف

ثنيان: معليش يا عمه مستعجل ومابي اطلع جوعان

الترف اللي جات من المطبخ وهي معاها بلاستيكات حاطها فيها فطور لثنيان : وانت واقف مابتستفيد شي خذ هذا افطر فيه وانت رايح

مشاعل: ايه احسن

ثنيان: اي والله احسن

محمد : يبه بنروح معك

ثنيان: وين اخذكم يا ابوي انا رايح لشغل شوي ارجع لكم

لف على مشاعل والترف : خلوكم جاهزين بدري

مشاعل: الحين بيجون الصالون ونخلص

ثنيان زين

طلع ثنيان متجهه لمحمد ويساعده

................••............

في بيت ابو محمد

عند محمد اللي بعد ما اعطى ابوه الادويه هو ومنيره طلعت لصالون مع ثريا وفجر ومحمد طلع للعيال اللي برا وكلهم ينتظرونه

ثنيان : هاااه مستعد العريس

نواف : اشوف دقيقه ايه ايه مستعد

عجاج : وجهه اصفر ، انت هيييه بنزوجك ما بنوديك حرب اضبط نفسك

سيف : محمد عمي وش بتسوي فيه

محمد : ايه يا سيف هاذي مهمتك ابيك تاخذ ابوي عند عمي لين ننتهي

سيف : زين اجل

دخل سيف ومحمد وهم ياخذون ابو محمد عند ابو ثنيان والعيال اللي بعدها انطلقوا يشيكون على اخر امور العريس

.................••............

المغرب في بيت ثنيان

رجع ثنيان بعد ماحلق وترتب دخل وهو يشوف ام مشاعل اللي جاهزه وجالسه والبنات معاها ابتسم وهو يبوس راسها: تعبناك والله يا عمه

ام مشاعل: مافيه تعب يا ولدي

عمر اللي جاء : يبه خلصت انا

محمد: وانا بعد

ثنيان : اجل خلوكم هنا لا تروحون لمكان بنمشي الحين

طلع ثنيان وهو ينادي : مشاعل مشاعل وينك

مشاعل : هنا

دخل ثنيان وابتسم على مشاعل الكاشخه : الله الله

مشاعل ابتسمت : كيف شكلي

ثنيان : عال العال الله لا يضرك

مشاعل : اجل خلني انزل لامي تعبوها البنات

ثنيان: الترف وينها

مشاعل: توها قضت وراحت تلبس

ثنيان: يلا اجهزوا على ما اناديها

طلع ثنيان لغرفه الترف فتح الباب ودخل وهو يسكره: الترف وينتس الناس كلهم قضوا الا انتي

الترف اللي طلعت بعد ما لبست وهو تبخر نفسها : خلاص قضيت

ثنيان اللي لبس ثوبه ولف وشماغه باقي بيده لكن طاح منه لما انبهر وطارت عيونه وهو يناظر الترف اللي كانت تثبت مقوله ‏"خلقَ الجمالُ على الجميلةِ أسمرا" و نُقطة

الترف ابتسمت: ثنيان وش فيك اكلمك

ثنيان اللي ما سمع من كلامها شي وتنحنح وهو ينزل لاشماغه و ياخذه حطه على كتفه ببتسامه : وش قلتي !

الترف : اقول انتظر لين تتبخر

ثنيان اخذ نفس وهو يقول بنفسه( يا ويلك يا ثنيان ويلاه ) تقدم : ما ودك تاخذين رايي في شكلتس

الترف اللي كانت اول مره تتصلح بذا الطريقه دايماً كانت بسيطه لكن هالمره ما كانت مثل كل مره

ضحكت الترف : هذا همك ، ابشر وش رايك فيني

ثنيان ضحك :وش ذا الغرور اللي يخليتس ما تسأليني الا لين اقول

الترف : مب غرور بس انا ما تعودت اسأل احد اخلص وامشي

ثنيان: بس ماعاد انتي بلحالتس

الترف ضحكت : زين بكره بجهز خطوه بخطوه قدام عيونك وش تبي بعد

ثنيان : آآآخ يا قلبي بس آخ يلا يلا بنطلع

الترف : اصبر ما خلصنا

ثنيان جلس : وش باقي بعد ، الله يستر على الناس اللي بتروحين لهم كذا بس

الترف : اتركني انا الحين بننشغل فيك

قربت وهي تسحب شماغه من كتفه وهي تلبسه اخذت العقال و توزنه عليه وجابت المبخر وهي تبخره وثنيان في قمة استسلامه الا كان منسحر انتهت لما حطت له العطر ووقف ثنيان يبوس راسها

دخل عمر : يبه يلا بنروح

ثنيان ابتعد بسرعه وهو ياخذ بشته : يلا انزل بأجيك

اخذت الترف عبايتها ولبست :ثنيان

لف ثنيان اللي كان يشتت نظره عنها بس رجعه صوتها : لبيه

الترف : بطلبك

ثنيان عرف نيتها : ابشري يالترف ابشري

الترف : لا ثاني بعد

ثنيان: وشو

الترف : انت الحين وافقت اني اروح الديره لكن انت تعال بعد

ثنيان ابتسم : ودي بس مضطر اني اجلس مع عجاج

الترف : اجلس انت وياه وفلوها بس ارجع ونام عندنا

ثنيان : اصلا كأني بغير رايي

الترف: لييه !

ثنيان : شوي اقولتس يلا تاخرنا

نزلوا وهم يطلعون للقاعه

................••............

في الصالون

وعند رهام اللي كانت تناظر شكلها برضى وماهي مصدقه ان خلاص اليييوم بتجتمع مع محمد

دخلت نوف وهي تصفر: يا شيخه يا عذابه محمد

رهام ابتسمت: كيف شكلي

نوف : تشلعين القلب

امل دخلت: ماشاء الله تبارك الله عليك

فجر : انا اتوقع ان خالي بيسحب علينا كلنا

منيره : حتى انه سحب من الحين ادق عليه ما يرد

ضحكت نوف وهي تسحب جوال رهام : دقي من هنا يمكن يرد

رهام: نوووف

اخذت نوف الجوال ودقت ولا مرت ثانيه الا رد محمد : هلا الله

منيره:هلابك

محمد: منيره

منيره: محمد

محمد:ليه داقه من هنا !؟

منيره : عشان ترد

محمد: والله ما انتبهت

منيره راحت وهي تقوله وش اللي تبيه

.................••............

في قاعة الرجال

عند العيال اللي كانوا يستقبلون وكلهم كاشخين

عجاج جاء لثنيان: وصلوا

ثنيان : دخلهم دخلهم وقلطهم وقهوهم ننتظر تخلص صلاة العشاء

نواف جاء : عجاج الله على جوك

عجاج ضحك: ما كان ودي اخاطر وانا بالقوه عدلت العلاقه مع ابوك بس ثنيان اصر

نواف : لا ما عليك احسن

ثنيان: يلا يلا المعرس وصل

دخل محمد والكل بأستقباله بالعود والقهوه والكل يسلم عليه بعد تعب وقف محمد جنب ثنيان : ما بغينا نخلص السلام تعبت من كثر ما حبيت

ثنيان بهمس وهو مبتسم : درب عمرك على الحب وراك شغل

محمد ضحك: والله انك قذر

عجاج : لاااا اصبر ما شفت شي لي الجنه انا

محمد : هههههههههههههه ما علينا جبت الفرقه

عجاج: حتى انهم وصلوا

محمد: بنفلها اليييوم

نواف : ابك ايه تكفون

ودخلوا بحالة استقبال ضيوف لما وصل الدور لفرقه السامري اللي بطبيعة الحال لهم حضور قوي

اتجه ثنيان ببتسامه لابوه وهو يطلبه يرقص معهم وطاعه ابوه ودخل معهم بالسامري

نواف : الله يا يبه اثاريك مب هيين

محمد ضحك: مخبي ذا الرقص علينا

ثنيان: اجل ما الومي اطلع احب الرقص

عجاج : كسسسسسر علييييكم

ابو ثنيان فعلا غطى عليهم والكل دخل معه جوا والكل مستانس .................••............

وطبعا في قسم الحريم الكل وصلوا وكلهم مع منيره

وطبعا كل الانظار على الترف لكن ما اهتمت وهي مكتسحه الاجواء

وطبعا الجو يكمل بالرقص اللي يحبه قلبهم وبنفس الموال ونعيد ونكرر

جملة البدايه ( كل ال محمد خياله ) وناهيتكم عن هجوم (😂الخيول الجامحه )

استمر العرس على هالرتم العالي ما بين سامري الرجال وطق الحريييم .................••............

اخر فقره بالعرس كانت الزفه دخل ابو ثنيان وثنيان وسيف ونواف ومحمد

محمد اللي ماشاف رهام ابد ودخل القاعه بزفه له ما بين خواته ثريا ومنيره

ومن الاطلاله تقدموا ابو ثنيان وعياله يسلمون على رهام بحب لكن المؤثر دموع ابو ثنيان الي عمره ما يتخيل بيته بدون رهام

ثنيان تقدم وهو يبعد ابوه وهو فيه غصه بعد تقدم وهو يحتضن رهام اللي بكت هي بعد بالقووه سكتوها ونزلوا على الزفه ومحمد بإنتظارهم

كان قلب محمد يدق وكأن زفة رهام تدق على قلبه كان مب قادر يناظر اي شي غيرها

نزلت رهام متوسطه ابوها واخوانها وتقدم ابو ثنيان وهو يحط يدها بيد محمد اللي باس راسه وقال: محمد ما يحتاج اوصيك

محمد : والله انها بعيوني

رجعوا للكوشه ورهام اللي دموعها اربع اربع همس محمد : تكفين لا تبكين يا رهام كل شي الا دموعك

انقطعت دموع رهام بإرتباك وجات ام ثنيان اللي تقدمت تسلم عليها

كان ثنيان بعيونه يدور على الترف اللي كانت واضحه ابتسم على صوت المطربه اللي بدت تغني لهم وبدت فقرة اهل العروس االلي كانوا يرقصون مع رهام ومن سوء الحظ ان كان الجو هنا بعد سامري اللي كان المفروض من ثنيان الضابط يكون عاقل بس ما تماسك هو ونواف ونزلوا رقص وسيف اللي ناقدهم بقوه

الترف اللي كانت متحمسه وهي تصفق كان فعلا يعجبها رقص ثنيان

ابو ثنيان نزل مع نواف لرقص وثنيان اللي كان يرقص مع امه عطى ثنيان نواف ومحمد وسيف ظهره وهو يرقص لمنيره ومشاعل والترف ودلال وكل اهله وطبعا تفاعلوا معاه

محمد اللي كان يحس باجواء الوناسه بس عقله وعيونه مع رهام

كان وده ثنيان يرقص مع الترف بس وجود العيال كان عائق وقرر يرقص مع الكل وهو مايبي منهم الا الترف مشاعل حاولت شوي تجامل بس ما قدرت وجلست من العمليه ومنيره راحت لمحمد

ونواف وسيف استحوا وطلعوا وابو ثنيان طلع لرجال

وهنا فضى الجو بما ان محمد مشغول مع منيره ومعطي جهة الحريم ظهره دخلت الترف مع ثنيان وسحبت نوف معاها لكن ما استمرت نوف اللي حست انها بينهم مالها داعي خصوصا كل الانظار على الترف اللي كانت ترقص بعبايتها وثنيان ببشته كان ثنيان مسيطر على نفسه لين دخلت معه وبعدها طاار معها وارتفع الصراخ بالقاعه والكل انشغل عن محمد بما فيهم منيره اللي لفت تناظر وشو ذا الصراخ ما كانت تشوف الا قفى ثنيان بس لكن عرفت ان الترف قدامه طالما انها ما تنشاف

في ذا اللحظه حس ثنيان ان الصوت ارتفع ومحمد انتبه قرب وهو يهمس لترف : خلاص هدي يا خاله تعبتيني

ضحكت الترف وهو تمسك ذراعه عشان تثبت وجلست ومد ثنيان لها المويه اللي معاه

ولف طاحت عينه على منيره وتقدم وهو يهمس لنوف : انقزي للمطربه خليها تغني شي يناسب منيره

ركضت نوف وشوي وبدت المطربه وتقدم ثنيان لمنيره اللي كانت فرحتها انه قومها قدام الكل كبيره

طبعا ما قصر ثنيان مع منيره وكان الجمهور عالي وبعدها استاذن ثنيان وطلع

.

.

انتهى البارت✨

«البارت الواحد والاربعين»

.

.

في بيت ابو ثنيان كالعاده كانوا مجتمعين فالصاله دخل ثنيان ببتسامه تشبهه الحياه توجهه هو يبوس راس ابوه ويده ومن بعده امه

ابو ثنيان: وينك اليوم غريبه ما مريت

ثنيان: والله يا ابوي وش اقولك اليوم مت وحيت مليون مره

ام ثنيان : بسم الله عليك وش فيك يمه

دلال: لا اله الا لله

ثنيان اللي اعتدل وهو يقولهم كل الموضوع

ابو ثنيان: يا ربي لك الحمدلله الحمدلله على سلامتها والله يطول بعمرها لعيالها

ثنيان: اللهم امين

ام ثنيان:حمدلله على سلامتها ومبروك يا يمه

ابتدوا كلهم يباركون لثنيان اللي شوي شوي ابتداء يطلع من جو الضيقه اللي خيم على صدره

ابو ثنيان: دام الافراح يا ربي لك الحمد مستمره اجل ترا نوف موافقه على منصور

ثنيان ابتسم : للله يكتب اللي فيه الخير

وقف ثنيان : اجل انا بروح ارتاح شوي بس وينها نوف

دلال: نايمه

ثنيان : زين

طلع ثنيان راجع لبيته وهو وده يروح لعجاج بس خلاص انهد حيله دخل البيت وهو يشوف منيره نايمه وعمر ومحمد معها طلع متجهه لغرفه الترف دخل شافها منسدحه توقعها نايمه ارتمى جنبها بهدوء وقبل ياخذ نفس احتبست انفاسه لما سمع شهقه سريعه وفز وهو يسحب اللحاف عن وجهه الترف اللي كانت في حاله انهيار جلس قدامها بصدمه : الترف وش فيك فيك شي ؟ احد فيه شي!

الترف :لا بس كذا خايفه يا ثنيان

ثنيان اللي تذكر سالفه امها بعد اللحاف عنها وهو يسحبها لحضنه : وش مضيقتس يا دمار ثنيان

الترف ماردت وهي ترجع تبكي لف ثنيان وهو يمسح دموعها : تبكين على امك !

الترف زاد بكاها وقال ثنيان بحيره: وش سبب وفاتها

الترف بعد بكى طويل ابتدت تحكي قصة امها لثنيان والقصه كانت تحكي ان ام الترف اللي ماتت وهي تولدها عانت طول فترة الحمل من اتعاب كثيييره تحملت كثير لكن ما كتب لها الله تعيش بعد الولاده ولا تربي بنتها ماتت وتركت الترف لابوها القاسي واخو صغير كبرت الترف على اطباع ابوها اللي علمها اياها من غضب وكيف ما تسكت لاحد كيف تاخذ حقها رغما على الكل وكيف ما تسكت على الذل وكيف تكون هي بلحالها القويه الشامخه وما تهتم لاي احد وكيف تكون غليظة قلب وطبعا كانت هاذي بعض اطباع الترف ولكن مانست مجهود صالح اللي كان كل همه يربي نفسه بعيد عن اطباع ابوه وكيف يربي الترف بنفس صفاته قدر لكن تغلب بعض الاطباع على الترف كل شي حكته الترف كل شي قالته معاناتهم من الحياه القديمه للفقر وللعنصريه كلها كانت موجعه بس تغفر لها البساطه والقلوب البيضاء الصافيه الكل كان يقول الترف مستفزه وعاصيه ومتمرده وما تحترم لكن محد من اللي قالوا هالحكي عاش اللي عاشته الترف

ماكان من ثنيان الا انه يشد بحضنه على الترف اللي ماكانت تدري كيف تحدد هوية ثنيان الجديده اللي من اسبوع متغير بدون يفهم عذر او يعرف سبب

ثنيان اللي قال : انا اسف يالترف ادري اني تسرعت وغلطت وادري زعلتك بدون ما افهم شي بس انا عندي عذر ماكان ودي اسمع ذا الحكي منك ماكان ودي انحط بصورة الذل وانا ادور رضاك وانتي ما تدرين عن هوا داري اذا رضيتي ضحكتي معي وفجاه تنقلبين علي وكأني اشد اعداءك ماكنت ابي اعيش هذا الشي من الانسانه اللي تعني لي كثير

الترف ما كانت تعرف كيف تواجهه كلامه هو صادق بس هو بعد نفس اطباعها

ثنيان اللي رجع يقول : مابي تردين ابد ابيك بس تفهميني الترف انا مابي امشي على عماي ارفضي سوي اللي تبين بس قولي لي مبرراتك مافيه شي اسمه مابي ولا مالي خلق انتي مجبوره تشرحين لي وانا مجبور افهمك مايصير كلنا نشد لازم نعدي الامور مره عشانك ومره عشاني

الترف : عشان اشرح لك لازم تسمعني مايصير تصارخ وتمشي

ثنيان: انا ما بصارخ وانتي لا تعاندين

الترف : متى تعاندت

ثنيان: لا تخيلني اعد عنادك

الترف : اختصار الكلام وشو

ثنيان اللي رجع ينسدح وهو للحين حاضن الترف :اختصاره نركد شوي لا تعبين قلبي ولا اتعب راسك

الترف : خلاص اجل اتفقنا

ثنيان اللي يحس انه الحين ارتاح مافيه شي يشغله هدت اعصابه وركدت غمض عيونه بعد تعب ودخل بنومه

.................••............

المغرب في حارة عجاج

وعند عجاج اللي كان مثل عادته يسولف مع عيال حارته لف لما قال سالم : اوووه اخيرا شفنا ثنيان وشرفنا

ثنيان ابتسم وهو يسلم عجاج : وينك مختفي اليوم

ثنيان ضحك: ابد صرت ابو توأم

عجاج قطب وبعدها ضحك : امااانه مبروك مبرووك

عيد: وش تبارك له فيه لايكون بيتزوج بعد

ثنيان : يالليل ذا الزواج تراكم اخر شي بتحوسوني انا زواجاتي

عيد: ماشاءالله الله لا يضرك بس مب واضح عليك

سالم: اخذ كل الحريم عنا ما خلى شي

ثنيان: سالم فكني شرك

عجاج: خلوكم من حريمه الرجال رزقه الله بتوأم

طبعا الخبر عند سالم ما ينتخبى كل الناس عرفوا من صوته واللي يبارك واللي مصدوم

ابو حمود : انت كل شوي بتصدمنا بشي يا ثنيان ماعرفنا انك متزوج الا قبل شهر وليتك وحده الا 4 وعيالك كبار بعد

ثنيان: لا اله الا الله اذكروا الله يا ناس

عجاج ضحك: تعال تعال

طلعوا وهم يمشون بالحاره عجاج: ايوه بنات ولا عيال

ثنيان: بنات

عجاج : ماشاء الله

ثنيان: بس والله يا مر علي يوم ما انحسد عليه .. وكمل لعجاج اللي طارت عيونه : يوووه يا ثنيان يوووه وش ذا لللي صار فيكم

ثنيان: شفت كيف قسم بالله اني شايل هم من ييوم ما حسيت انها تعبانه

عجاج: والله موضوعهم صعب وربي

ثنيان : هي كذا الدنيا ، خلك من بناتي واسمع الخبر الثاني

عجاج: دقيقه دقيقه دام اخبارك واجد بناخذ شاهي

اخذوا الشاهي وجلسوا

عجاج: غرد

ثنيان: منصور خطب نوف بنت اختي

عجاج : ماشاء الله عليكم وش عندكم شغالين زواجااات

ثنيان: تعال صدق نعيمه خلاص تزوجت

عجاج :ايه ايه اليوم اخذوهم وراحوا وراحوا معهم بعض اهل الحاره

ثنيان: وابوك وش سوا

عجاج: يدور وحده ثانيه يتزوجها هذا من غير الحقد اللي شايله علي

ثنيان: الله يعين المهم افتكت هالضعيفه

عجاج: متى بنروح نخطب

ثنيان: ان شاء الله بكره ولا بعده و بكلم الترف تكلم نوره

عجاج:زين

كانت سوالف هالمره هاااديه بعيده عن الشوشره

.................••............

في بيت منصور

منصور اللي وصله مكالمه من ثنيان يبلغه بالموافقه نزل منصور جواله بضيق وهو ما يدري كيف يتصرف حتى مب قادر يسأل عن اسم البنت ................••............

في بيت ابو ثنيان

نفس خوف منصور كان عند نوف اللي كانت جالسه مع رهام اللي كانت تكلم محمد ميلت نوف راسها بضيق وقامت وهي تضرب رهام بقهر خصوصا انها طول هالفتره عايشه جوها مع محمد كأن ما فيه على الارض الا هم

رهام بعدت الجوال: وش فييييك

نوف : فيني انك سامجه خلاص ياخي طفشت ترا 24 ساعه على الجوال خلو لكم شي تسولفونه بعد الزواج

محمد سمعها وابتسم : اقول توكلي بكره نشوفك

جمدت نوف وهي تضرب رهام اللي تضحك وطلعت راحت وهي تناظر غرفة شوق لفت: هاذي اخت بالاسم بس بروح لفجر احسن

نزلت وراحت وهي تدور على فجر خصوصاً ان ثريا ما عاد تسأل عن الداخل والطالع قبل تدخل سمعت سيف اللي كان يصارخ على امل وهو يحذرها تروح او تخلط بحريم ثنيان لفت بضييق وحزن على امل ورجعت

نواف : نوفوووه وش فيك رايحه جايه

نوف : طفشااانه ومحد فيه

نواف:والله حتى انا طفشان

نوف: وش نسوي

نواف : تدرين اللبسي وتعالي نتمشى شوي

نوف : اي والله بوقتها

نواف: نادي رهام

نوف: لا خلها تنثبر بس ذبحتني هي ومحمد

نواف : هههههههههههههههه يلا يومين وتختفين انتي بعد مع منصور

لفت نوف بتردد وهي تلبس وطلعت

................••............

في بيت ثنيان

الترف اللي كانت تسولف هي ومنيره

منيره: والله ما عمري خفت على احد قد ما خفت على مشاعل

الترف : والله بنتصدق عنها وربي طلعت من الموت

دخل ثنيان بذا الاثناء وهو معاه بعض الاغراض نزلها وجلس ووقفت الترف وهي تاخذ الاغراض جوا

منيره قربت : ثنيان وش فيه وجهكك للحين تعبان

ثنيان اللي انسدح وهو يحط راسه على حضن منيره: صداع بيفجر راسي

اعتدلت منيره وهي تسوي لراسه مساج وهي مبتسمه انها هالايام جالسه تشوف ثنيان القديم اللي راجع حتى بحنيته عليهم

الترف جات : ثنيان بكره بنروح معك لمشاعل عشان نتطمن عليها

ثنيان: زين اجهزوا من بدري وعمر ومحمد لايداومون

منيره: ايه ازعجونا من اليوم بالقوه ناموا ودهم يشوفون البنت

ثنيان: اتصلتوا على مشاعل

منيره: اتصلت بس قالت امها ما صحت

الترف جلست قبال ثنيان : وش رايك بكره نذبح ذبيحه منها صدقه ومنها شكر لله

ثنيان : خلوها لين تطلع مشاعل

كانت جلستهم الثلاثيه هاديه خصوصا انها خاليه تماما من مشاعر الغيره المستفزه سواء من الترف اللي فهمت وانتهت انها مهما غارت هي فالنهايه النقطه الحساسه بقلب ثنيان وعرفت ان منيره النقطه الاساسيه اللي تعني لثنيان كثير والكل فهم هالموضوع واتفقوا عليه لكن اليوم اكتشفوا كلهم ان مشاعل مهما كانت هاديه ومالها صوت ان مشاعل هي نقطه الثبات لثنيان واللي خوفه من فقدها زعزعه بكل قوه

الكل كانوا ساكتين بس الكل كان تفكيره مع مشاعل

وقف ثنيان بعد ما غلبه التعب : يلا انا بنام

طلعوا كلهم ينامون وثنيان اللي كان عند الترف جلس بعد مابدل : الترف تعالي بكلمك

قربت الترف وجلست وقال ثنيان: مره تكلمنا بموضوع نوره وعجاج وقلتي انك متكفله برأي نوره صح

الترف : ايه ليه!

ثنيان: انا كلمت عجاج ووافق وطبعا يبي يحدد وقت عشان نروح نخطب له لكن انا ابيك تاخذين راي نوره وتعرفين وضعها

ضحكت الترف بصدمه: لا تقول يعني الموضوع جدي مب مزح

ثنيان : وين مزح من البدايه وانا جدي اصلا احسهم هالاثنين لايقين على بعض

الترف: يعني ما اعرف عجاج بس اتوقع بيتماشى مع نوره

ثنيان: كلميها وشوفيها

الترف : بكره بتداوم

ثنيان: ايه

الترف : خلاص انا معك واكلمها واشوف

ثنيان: زين

................••............

ومن بكره بدري في المستشفى في غرفة مشاعل

اللي توها تصحى وتوها امها تحكي لها وش صار انفتح الباب وركض عمر وهو يحضنها حضنته مشاعل اللي كاانت تبكي وهي تفكر كيف بيكون لو ماتت وتركت عيالها

دخلت منيره وهي تسلم على مشاعل بحراره ومن بعدها الترف اللي حضنت مشاعل بخفه وهي تتحمدلها بالسلامه ومحمد وبقى ثنيان اللي كان واقف يناظر مشاعل ببتسامه ابتعدوا عنها وهي اللي تناظره بنفس النظره والابتسامه تقدم ثنيان وهو ينزل يسلم عليها بفرحه وحراره جلس بجنبها وهو يقول : حمدلله على السلامه خطاك الشر يا مشاعل خوفتينا عليك

مشاعل : الله يسلمك عدت على خير الحمدلله

ام مشاعل: تنذكر ما تنعاد ان شاء الله

الكل : ان شاءالله

مشاعل: ثنيان شفت البنات

ثنيان: اييه شفتهم

عمر: تكفى يبه بنشوفهم

ام مشاعل: الحين تجيبهم النيرس

دخلت النيرس بالبنات ووقفوا الكل يناظرونهم بحماس وتقدم ثنيان وهو ياخذ وحده واعطاها مشاعل ووحده كانت بيده وهو يوريها لعمر ومحمد

مشاعل اللي تناظرهم بفرح

وقالت ام مشاعل :وش بتسميهم

ثنيان: تسمهيم مشاعل

مشاعل: لا تكفى خلاص انا سويت لللي علي انت سمهم

ثنيان وهو يناظرهم ماكان بينهم اختلاف ابد وهو يأشر على اللي بحضن مشاعل : هاذي بسميها حياة ، تستاهل هالأسم بما ان هالمره عرفنا وش تعني الحياة

ام مشاعل: اي والله ، حمدلله اللي رجعت لنا مشاعل

مشاعل: اجل انا بسمي اللي معك

ثنيان: تم لو بتسمينا مرزوقه

ضحكت مشاعل: صراحه انا بسميها كذا مب تقليل في شأن احد بس الترف ما قصرت معي طول ما انا حامل كانت شايلتني وماقصرت معي ووعدت نفسي اذا قمت بالسلامه اسميها الترف ولا تهون منيره

ضحكت منيره بحب : لا وين اصلا حتى لو بتسمين برفض اسمي قديم والترف حلو

الترف ضحكت باحراج: والله ماله داعي يا مشاعل ما اهتميت فيتس عشان تسمين على اسمي

مشاعل: يا زينه اسمتس ويا زينتس

ثنيان ضحك وهو جايز له الاسم : ايييه خليتس كذا على ذا الكلام يليق بتس وبعدين حلو الاسم

ام مشاعل: والله يالترف ما قصرتي الله يسعدك ومنيره بعد

الترف: افا عليتس يا خاله مشاعل اختي

لفت تناظر البنت اللي مع ثنيان بحب : كيف بنعرفها الحين

ثنيان ببتسامه: ما يحتاج دام صار اسمها الترف بتعرف هي بنفسها مايحتاج نعرفها

منيره اخذت حياة من مشاعل وهم يحاولون يطلعون فرق بينهم وضحكت الترف : لقيته ابد هالخال اللي بوجهه سميتي هو الفرق

ثنيان ضحك: اجل زين سميناها الترف هذا عرق الخال فيها من الحين

مشاعل: ان شاء الله تصير مثلك يا الترف

ثنيان اللي كان مستانس على الاسم وصاحبه الاسم كانت حياة هاديه وهي في حضنه لكن الترف كانت لها مكانه غير شوي

الترف : كيف نعرف من يناديني ومن يناديها

مشاعل: هااذي المشكله

منيره: والله كفايه علينا معاناه اسم محمد

ثنيان : ابد بسيطه الترفي للترف الصغيره والترف لاساس

مشاعل: ايه كذا ينفع

عمر : يا بابا الحين نغلط زي حمود

محمد : انا اسمي حمود وخالي اسمه محمد وجدي اسمه الجد محمد بسيطه لكن بنقول عمه الترف ونقول الترفي الصغيره

دخلت النيرس وهي تعلن نهايه الزياره

وابتدوا يطلعون كلهم وتقدم ثنيان لمشاعل : مشاعل يا حبيبي انتبهي لنفسك ارتاحي وراك ايام بتتعبين فيها معهم واذا بغيتي شي فوراً اتصلي بي

مشاعل: ابشر من عيوني

طلع ثنيان ببتسامه وركب وهو يسمع تناقشهم وهواشهم على البنات الغريب ان ثنيان كان ساكت ومبتسم رغم الازعاج

مدت منيره يدها له: ثنيان فيك شي

ثنيان: لا ولا شي

ثنيان كان يحس انه كان بعيد عن اهله وعن كل شي كانوا دايماً ساكتين معاه ومحد يتكلم ولا احد يبرر ولا احد يفكر يقول شي عنده كان دايم يعم الهدوء في حياته لكن الحين عرف قيمتهم وكأنه صحى من غيبوبته ورجع يسولف معهم ويرد عليهم ويردون عليه رغم استغراب عياله بداية الامر الا انه صار ممتع بالاخير بعد ما وصلوا البيت نزل ثنيان ولبس لبسه العسكري وطلع للترف اللي تنتظر بالسياره

تحركوا والترف تناظره ولفت عليه وهي تدق كتفه

ولف ثنيان: وش فيك

الترف :لا تقول ولا شي لان واضح عليك يعني من البدايه اعترف

ثنيان ابتسم : ابد تحت تأثير صدمات امس

الترف رجعت لورا : يعني معك حق تنصدم بس عاد حاول انك تمر من الموضوع ترا يا شينك وانت هادي ومكشر

ثنيان ابتسم وهو يتكي ويناظرها : وكيف اصير يا زيني

الترف : خلك تضحك ولك صوت مب كذا جامد والله بتصير يا زينك

ثنيان: ما خليتي لأحد زين يالسمراء

ضحكت الترف : احيان اشك انك فيك عرق اسمر منا وفينا

ثنيان: لو بيدي والله لصير منكم قلباً وقالباً

كانت الترف تسحب ثنيان من ضيقته شوي شوي لين طلع تماما من هالقناع السيء بالنسبه لترف

نزلت الترف بعد ماودعت ثنيان اللي طلع متجهه لودامه ودخلت الترف بيت ابوها وهي تنادي : سلووى

طلعت سلوى ونوره : الترف!

الترف : الحمدلله اني حصلتكم مع بعض

قربت تسلم عليهم وجلست

سلوى: غريبه وش عندتس جايه اليوم

الترف : ابد عندي بشاااااير

نوره : وش عندتس

الترف : اول شي مشاعل جابت توأم بنات ووحده منهم سموها بأسمي

سلوى: اخخخس يالترف هذا وهم مايحبونتس مره مسمين عليتس

الترف ضحكت: مشاعل يا زينها هي اللي سمتها وطبعا ثنيان ما عارض

نوره: ايه يا حبيبتي القلب وما يهوى

الترف : خليتس من قلبي واسمعي قلبتس

نوره: وش السالفه!؟

الترف : كلمني ثنيان يقول ان عجاج وده يخطب نوره بس اول يبون يعرفون رايتس مبدئياً هل انتي موافقه

نوره: هااااااه

سلوى: هااه

الترف : هوا انتي وياها وش فيكم

سلوى: عجاج من كيفه جاء يخطب كذا من كيفه

الترف : يعني واضح انه كان وده واول ماقاله ثنيان قال تم

نوره: وش دخل ثنيان !؟ ترفوه لا يكون رايحه تقولين له يزوجني .

الترف: خييير وش انا ذا المره ، اكيد لا بس كنا نسولف و... كملت

سلوى: يمه منتس يالترف تخوفييين

نوره: من قالتس اني ابي اتزوج عجاج ذا

الترف : اقول يالخبله وش فيتس انتي وش فيه عجاج والله رجال كفو وازيدتس من الشعر بيت ثنيان على كبره ما ياخذ شوره الا منه واتركي ذا كله يكفي انه يحق الحق حتى على حساب نفسه

سلوى: بعدين بيني وبينتس يا نوروه عجاج ولا سلنتح القبيله ، فيه فرق

نوره: والله ما تخليني امي وانا ما اخليها

الترف: من قالتس خلي امتس ولا تخليتس ، ترا عجاج رغم ان ابوه عله ماخلاه بالعكس كل صبح يروح وهو يدري بجوابه بس لانه يعرف وش هي قيمة الوالدين

نوره: لا لا والله بيجلس يذكرني بسالفة الصحن

سلوى: يا بنت الحلال هاذي بسيطه عااادي هذا شي روتيني هذا انا ما بقى مكان براسيي ما فقشني صالح فيه وانا بعد ماقصرت فيه راح وجهه كله تفقيش وعايشين بالعكس ذكريات حلوه

الترف: الله ابو ذكرياتس السامجه يا اختي

نوره: اتركوا سالفه الصحن لو يدري انا الجنيه وش بيسوي

انفجروا سلوى والترف يضحكون عليها

الترف: لا معليتس مايدري اصلا حتى ثنيان للحين مقتنع انهم شافوا جنيه

نوره: لا مدري مستحيل اتزوجه

الترف : شوفي عاد بفقع وجهتس وش فيتس يا بنت هذا نصيب من الله احمدي ربتس

نوره: قصدتس تخطيطتس انتي ورجلتس

الترف : عاد هذا جزانا بنجمع راسين بالحلال

سلوى: شكلها هوايه عندكم مدري من بتزوجون بعد

ضحكت الترف : مدري للحين ما قررنا

نوره كانت بحيره كبيره صح انها ما توقعت عجاج بس كان داخل مخها نوعاً ما

وطبعا الترف وسلوى اللي ما يقصرون ابد في الاقناع ................••............

في القسم

ثنيان اللي كان جالس بمكتبه وهو يرتب الاوراق المهمه دق الباب وكان منصور: سلام

ثنيان وقف وهويسلم عليه : حي الله منصور

منصور: لله يسلمك ، كيفك واخبارك

ثنيان: حمدلله انت كيفك

منصور: كويس

ثنيان:امرني وش ذا الزياره المفاجاءه

منصور: صراحه يا ثنيان جيتك بكلمك بموضوع الخطبه بما انك خال البنت

ثنيان: امرني

منصور: امي الله يخليها لي طالبه مني اعرس بأسرع وقت وهي انتظرت كثير وصراحه عجزت اردها اكثر ودي انك تشوفون وضعكم وتقررون وتاخذ رائي البنت

ثنيان : ابد اللي تبيه يا منصور وان شاء الله نوف ما عندها مانع المهم يكون بعد شهر عشان تستعد

منصور اللي جمد وهو يركز بالاسم ( نوف) :زين اجل على راحتك انت حدد ونتفق

ثنيان: الله يكتب اللي فيه الخير

طلع منصور وهو مسرع وصل مكتبه وهو يفتش قضية ثنيان ومن حسن حظه ان الاسم كان شوق وابتسم وجلس لفرح: حمدلله يا ربي مب ذا القشرا

................••............

عند ثنيان اللي رجع ياخذ الترف اللي طلعت من بيت ام نوره بعد ما بلغتهم واقنعتهم بالموضوع ركبت ببتسامه فرح ولف ثنيان : من مشيتك واضح انك تميتي مهمتك

الترف : صح عانيت بس تمت

ضحك ثنيان: فرحانه اكثر منهم

الترف : بتجي نوره عندي ان شاء الله

ثنيان: شكلنا بنتورط بنوره بعد

الترف : حرام عليك مسكينه

ثنيان: والله ما اضمن نفسي اذا جمعتكم ماتذبحوني انتي بلحالك ماتقصرين وبتجي معك وحده بتعزز لك

الترف : الله اللي يشوفك يقول بتزوجها انت نوره بييت وانا وبيت وبعدين ليه نذبحك وش تفكر تخبص

ثنيان ضحك وهو يسمع تهديداتها وتخطيطاتها وفعلا كانت فرحانه .................••............

عند عجاج اللي كان بدوامه

رفع راسه لما حس احد واقف فوق راسه شاف ثنيان اللي متكتف ببتسامه: ولله ماعرفتك وانت مجتهد وشاد حيلك

عجاج ابتسم: هلا هلا بالضابط والله كل واحد يشد حيله على حسب جوه

ثنيان: اجل شد حيلك واطلب شاهي فيه لك اخبار

عجاج ابتسم : انا اجيب الشاهي ما يحتاج اطلبه كم ثنيان عندي

ثنيان: ياااا هالرضا يا رب

رجع عجاج ببتسامه وهو ينزل الشاهي : غرد

ثنيان: ابد تو جينا من حمولتك بالمستقبل ان شاء الله وطبعا مبدئياً تمام لكن بيفكرون كم يوم كذا

عجاج: فيها تفكير

ثنيان: خييير حسستني انك امير ولا ملك مايبي لك تفكير ، حبيبي من واقع خبرتي احب اقولك بتنتظر اسبوع يمكن يوافقون ويمكن يقضبونك الباب

عجاج : اجل اسمع يا امير الخبره ان قضبوني الباب بتوطى في بطنك

ثنيان: خير ان شاء الله

عجاج: ياخي خل عنك حركات الحريم وقول بالضبط وش صار

ثنيان: والله تقول الترف انهم بيفكرون واذا قرروا نروح نخطب رسمي

عجاج:ماشاء الله عليهم

ثنيان:اركد اركد

عجاج: خلصت !

ثنيان: ايه

عجاج: اجل قم اقضب الباب وضف وجهك

ثنيان: افا هذا جزاي

عجاج: والله يا اخوك ودي اني اعطيك جزاك بس اطلع بالمعروف

ثنيان: هين يا عجه اوريك

طلع ثنيان وهو يضحك اما عجاج جلس وهو وده يوافقون بسرعه وينتهي من ذا التوتر

................••............

في بيت ابو ثنيان

كان سيف ونواف وابو ثنيان وام ثنيان ودلال جالسين يتقهوون ودخل ثنيان : سلام عليكم

الكل : عليكم السلام

جلس ثنيان بعد ما سلم على ابوه وهو يبوس وائل اللي جنب سيف

نواف: ثنيان كيف التوأم

ثنيان: يسلمون عليك

ابو ثنيان : سميتهم

ثنيان: ايه

ام ثنيان : وش سميتهم !

ثنيان : وحده حياة ووحده الترف

ام ثنيان: خييير سميتها الترف من زين الاسم انت ما تستحي على وجهك اعنبوك ساحرتك سويده حتى الاسم مسمي عليها منيره ماسميت عليها يا قليل المروه

ابو ثنيان: بس يا مره وش صار لك تصيحين ! بنته وكيف يسميها ولا يجلس

ثنيان: يمه الله يهديك وش تقولين تعوذي من ابليس وبعدين مب انا اللي سميت سمتها امها واذا يعني سميتها الترف تستاهل اني اسمي عليها خافي الله في نفسك يمه

دلال: يمه يا حبيبتي اللي تقولينه ما يصير

ام ثنيان وقفت بغضب : اقول وخروا عني وخلك كذا يا ثنيان خلك كذا بنشوف بكره وش بتسوي بك بعد

صد ثنيان بضيق وهو يشوفها طالعه

ابو ثنيان: ماعليك وانا ابوك سم اللي تبي تسميه والترف تستاهل

ثنيان: الله يعين اللله يعين

سيف ببتسامه: واضح ان طريقك صعب واختيارك محدد

ثنيان: سيف خلك بنفسك ساكت لك حشمة ابوي

سيف : وش بتسوي !؟

صد ثنيان وهو يكلم دلال : دلال الله يعافيك نادي لي نوف

دلال : طيب

................••............

فالمجلس

كانت نوف جايه وهي متوتره من ثنيان دخلت وهي تشوفه جالس لحاله

نوف : سم يا خالي

ثنيان: تعالي اجلسي

قربت نوف بتوتر وجلست ومد ثنيان يده وهو يحطها على كتفها بحنيه: نوف كلمتك امك عن منصور وانتي وافقتي لكن قبل تعطين رايك الاخير حبيت اقولك ان منصور رجال كويس ولو كنت اشك واحد بالميه انه سيء ما رضيت فيه مابي اعيد كلام كثير وصلته امك لك لكن ابيك تثقين اني وراك ومعك مهما صار واي شي يزعجك اتصلي فيني وابشري

نوف اللي حست بغصه: ادري يا خالي ما تقصر

ثنيان : الله يتمم لك ويوفقك بس اليوم جاء منصور وطلب انه يحدد الزواج بفتره قريبه متى تبينه انتي

نوف : لللي تبيه انت

ثنيان: نوف مب انا اللي بتزوج ! انا مايفرق معي ولا ادري كم تحتاجين من الوقت لكن قولي لي شهر يكفي

نوف سكتت شوي وبعدها قالت : ايه

ثنيان: اجل تم

وقفت نوف بسرعه وراحت وهي ماهي مستوعبه انها خلاص بتتزوج

طلع ثنيان وهو يبلغ دلال وانسحب متجهه لبيته

.................••............

هاليومين مرت سريعه وثنيان اللي طلب من مشاعل وامها يجون فترة النفاسه في بيت ثنيان وجات مشاعل وامتلى البيت بالصوت والناس

نزل ثنيان الصبح وهو يشوف منيره والترف اللي منقسمين الترف مسؤوله عن مشاعل ومنيره لها العيال

ثنيان: مناير فيه احد عند مشاعل

منيره: لا بس امها

ثنيان : طيب الله يسعدك ضبطي لي قهوه تنعش

منيره: ابشر

اتجهه ثنيان للغرفة مشاعل وفزت ام مشاعل واسرع ثنيان: حلفت ما تقومين انسدحي وارتاحي انا مثل ولدك

الترف : الله يهديتس يا خاله مافيه شي تستحين منه وانتي تعبتي

مشاعل: ارتاحي يمه

ثنيان جلس وهو يناظر البنات بحب وكان فعلا اسم الترف اخذ نصيبه من الصغيره وكانت حركيه ولها صوت عكس حياة الهاديه

دق الباب ودخلت دلال ونوف ورهام وام ثنيان اللي صدت اول ما شافت ثنيان للي وقف بضيق

الكل كان يسلم ويرحب بمشاعل وثنيان والترف واقفين بهدوء

تقدمت الترف بتسلم على ام ثنيان وناظرتها بغضب وهي تبعدها

سحب ثنيان الترف بهدوء وهو يهمس لها: خليها يالترف امي ذا الايام ضغطها مرتفع

سكتت الترف وهي تصب القهوه وطبعا رفضت ام ثنيان انها تاخذها منها او تاخذ البنت اللي على اسمها

جات منيره تسلم عليهم وجلست

حمود اللي جاء يركض: يبه خالي محمد بالمجلس ومعاه ماجد ونواف وجدي

ثنيان : زين ، الترف صلحي القهوه

راحت الترف للمطبخ ولحقها ثنيان : الترف

الترف : سم

ثنيان: اسمعيني حاولي تتجنبين امي شوي يعني خليها ايام لين اكلمها

الترف بضيق: زين

ثنيان ابتسم وهو يناظر وجهها : ولا تزعلين

الترف : لا وش ازعل عليه عادي

ثنيان: يلا اجل خلصي القهوه

طلع ثنيان يستقبلهم ويسلم عليهم

نواف: ثنيان بالله جبهم

ابو ثنيان: شوف لي طريق بسلم على مشاعل

ثنيان : ابشر

دخل هو وابوه اللي يسلم على مشاعل وثنيان اخذ البنات وهو ياخذهم للعيال

ماجد اخذ وحده ومحمد وحده

نواف : خييير ترا بنات اخوي خلوني اخذ وحده طيب

ماجد: تراك اذيتنا بأخوك بنات اختي بعد

نواف: محمد هات اللي معك لو سمحت

محمد : تعرف تضف وجهك

دخل عجاج: سلاااام

وقفوا كلهم يسلمون عليه واخذ نواف حياة من ماجد

عجاج: يوووه يا زين البنات

عطاه محمد اللي معاه وعجاج اللي استانس عليهم

محمد : ثنيان اي وحده حياه ىاي وحده الترف

ثنيان: حزروا ماجد لاتقول شي

نواف : ياخي وش بها ذي اللي معي نايمه واللي مع عجاج صاحيه وتحرك مابيها غش

عجاج رفسه: خييير على كيفك هو

ثنيان: اااه فكونا من الرفس

محمد : اتوقع اللي مع عجاج حياة واللي مع نواف الترف

ثنيان: وانت يا نواف

نواف : نفسه لان اللي مع عجاج حيه واللي معي متبلده

ثنيان ضربه:وجع قول ماشاء الله

نواف : ماشاء الله

عجاج: اجل شوف انا عندي توقع ان اللي معي هي سميتنا

ماجد: شلون يعني سميتكم !

ثنيان ضحك : يقول عن الترف انها بنتهم وعشان كذا صارت البنت سميتهم

محمد : يالليل عجاج ولقى سالفة

نواف: طيب اخلص علينا بنبدل

عجاج: والله ماتاخذها يا قليل الحيا

عمر اللي كان جالس وهو يبوس البنات ومحمد يلعب معاهم

ثنيان: اللي مع عجاج سميتهم واللي مع نواف حياة

نواف : خير ياخي وش ذا هاذي ماعندها مواصفات حياة ابد

ثنيان اخذها منه : اقول قم اذلف قم

جلس ثنيان وبحضنه حياة وهو يبوس يدها

عجاج: والله البزارين يشوقون الواحد يتزوج

ضحك ثنيان: هانت هانت

جاء ابو ثنيان وسكتوا وطبعا ابتدت فقرة الجد مع احفاده وماجد اللي استاذن بياخذ امه للبيت الليله ترتاح ويرجعون بكره

ثنيان لف لعجاج ببتسامه : بكره بنروح جهز نفسك

عجاج : زين اجل انا وانت

ثنيان: جب معك عيد

عجاج: متاكد بيعطونا وحنا بس ثلاثه

ثنيان: لا بناخذ معنا عمي ابو الترف

عجاج: يلا اجل

طلع عجاج ولف محمد ببتسامه لنواف : نوافوه ولد عمي الحبيب

نواف :لو تموت ما ناديتها

محمد : ياخي وش فيك بسلم عليها وبطلع

نواف : لا تسلم ولا هم يحزنون انا اوصل سلامك

محمد بضحك: طيب بعطيك 500

نواف: لا

محمد: 1000

نواف: كم تزيد

محمد: لعيون رهام2000

نواف : يلا اجل جبها

عطاه محمد وقف نواف بضحك وهم يطلعون برا دق نواف على رهام يناديها تجي للحوش

نواف : خمس دقايق بس

محمد: طيب بس هاه لايجي عمي وثنيان انحرج منهم

نواف : تسرق انت تراها زوجتك

محمد :ادري

راح نواف اول ما جت رهام مبتسمه: محمد

محمد : يا قلب محمد

رهام ابتسمت: مب نواف مناديني ماتوقعتك هنا

محمد : ايه نواف ناداك ب 2000 ريال

ضحككت رهام: ضريبه الحب

محمد : يا بنت الحلال مستعد ادفع عشرين الف بس اشوفك

تنحنح ثنيان وراه: اييييه يالمراهقه المتاخره ، لكن اصبر 15 يوم وبتعرس وتفتك من 2000 ومن 20000

رهام اللي انحرجت خصوصاً ثنيان سمع كلامه ودخلت بأحراج

وضحك محمد : الله يتمم

ثنيان : ممنوع لقاء الاحبه في بيتي الا بضرايب

محمد: يوووه يا عيال العم النصابين بروح لابوي ابرك

ضحك ثنيان وهو معاه بناته ودخل ومحمد اللي راح للبيت فرحان بشوفة رهام كإنه يشوفها اول مره

.

.

انتهى البارت✨

«البارت الاربعين »

.

.

في بيت ثنيان

الترف اللي كانت تكلم سلوى

الترف شهقت وهي تنزل الشاهي : اخيييرا ما بغى يوافق ذا الثور

سلوى: قولي بنفتك منه خليه يتزوج ويفكنا اصلا عطيني الرقم ارسله لهم بسرعه

الترف : اصبري معرفه باخذه من ثنيان اذا صحى

سلوى: ليه رجلتس ما وراه دوام نايم

الترف : مدري والله نايم عند منيره فا مدري اذا عنده او لا

سلوى: اسمعي بروح اصلح قهوه لابوتس اذا اخذتي الرقم ارسليه لي

الترف: سلوى

سلوى: هاه

الترف : ادري ان ابوي عصبي عليتس وادري ما تقدرين تحملين بس امسحيها في وجههي وتجاهلي عشان صالح

ابتسمت سلوى بحب: حبيبتي يا الترف ما عليتس مهما كان في حسبة ابوي

الترف : الله يسعدتس

سكرت الترف اللي ضايقه من موضوع ابوها وشافت مشاعل نازله ببتسامه : صباح الخير يالترف وش ذت النشاط

الترف : نشاطي فل الحمدلله

مشاعل: متى ياربي اولد واالله والله انظف البيت شهر

عمر : متى ياماما بيجوون اخواني

مشاعل: قريب يا ماما

محمد: ان شاء الله امي بعد تجيب لي اخوان

ختم محمد كلمته على نزول ثنيان ومنيره

لفت منيره بضيق تناظر ثنيان الللي شد على كتفها وتقدم لمحمد وهو يجلس بينه وبين عمر : اول شي اخوان عمر اخوانك يا محمد مافيه هذا ولد امك او ولد مشاعل وبعدين امك هي ام عمر ومشاعل امك والاطفال اللي بيجون اخوانكم كلكم ماله داعي ذا الكلام صح

محمد : صح

عمر : صح حتى عيال الترف اخواني

الكل لف على الترف اللي جمدت يدها على السفره

مشاعل ناظرت الترف بإستفهام يعني ( حامل )

هزت راسها الترف بنفي ورعب

ثنيان تنحنح وهو ياخذ كوب الشاهي : كلكم اخوان لا اسمع التفرقه مره ثانيه

نزلت منيره بهدوء وجلست وجلست الترف اللي حست ان فعلا جسمها تكهرب كانت ناسيه ذا النقطه وتذكرتها وكأنها مضروبه على راسها

كان السكوت سيد الموقف وقف ثنيان وهو يعدل حزامه : مشاعل بتروحين عند اهلك !

مشاعل: لا هالايام انا بخير

ثنيان: زين اجل

الترف وقفت : ثنيان بكلمك

تقدم ثنيان ولحقته الترف ووقف على باب الحوش الترف كانت جدا مرتبكه وخايفه حتى كلامها ضيعته

ثنيان: فيك شي!؟

الترف : ابي رقم اهل نعيمه يبونه اهل عايض

ثنيان: زين برسلك رساله

الترف : طيب

ثنيان ببتسامه: تعالي تعالي ، وش فيك انخبصتي ولا كلام عمر جد!

الترف برعب ولا شعوريا صرخت: لاااا الله لا يقوله

اتسعت عيون ثنيان بحده: خير وش اللي الله لا يقوله

الترف اللي حست بخنقه: ولا شي

سحبها ثنيان قبل تمشي : وش ذا النبره يالترف

الترف : ولا شي

ثنيان : لا يكون ماتبين تحملين يا هانم ؟!

الترف لا شعورياً: ايه مابي

ثنيان : نعععم

حزتها ثنيان كان وده يكفخها كف بس قطع عليه اتصال ابوه يقوله يجي : بنتفاهم بس ارجع

تركته الترف بضيق وطلعت لغرفتها على طول والكل مستغرب اما الترف اللي ماكانت تبي ابد الحمل بأي شكل من الاشكال

................••............

في بيت ابو ثنيان

عند نوف اللي كانت تحضر مع امها الفطور وهي مستغربه وضع نواف اللي جالس قبالهم مبتسم خبطته بالمنديل : نوافوه وش بلاك تناظر

نواف : مبسوط بتحسديني

دلال: وش سر ذا الانبساط دايم تقوم بشياطينك

نواف: لا الحين مسبوط لان واحد من الشياطين بيودع

نوف: بسم لله الرحمن الرحيم يمه احب اقولك اخوانك يفجعون

دلال: هههههههههههههههه قديمه

نواف ابتسم لما سمع صوت ثنيان وطلع وهو معاه الفطور وجلس وهو يوزعه

ابو ثنيان: علامك انت ما تصبح بخير دايم وعصب

ثنيان: يا يبه الله يرضى عليك وش سويت انا حتى مايمديني اتكلم

ابو ثنيان: ما يحتاج تكلم شوف عيونك تقدح شرار

ثنيان : مافيني شي عشاني توني صاحي

نواف : طيب قرب افطر

ثنيان: مابيه بالعافيه

ابو ثنيان: احسن

ثنيان ناظره بهدوء ولف وجلسوا يفطرون وطبعا بحضور سيف

ابو ثنيان: ناديتك عشان تفتح مع دلال وبنتها الموضوع وتعلمهم

ثنيان: بس

ابو ثنيان: ايه ولا تحسف انك جاي

ثنيان: يبه تكفى لا تزيد الطين بله خلاص بقوم اكلمهم بس انت ارتاح

وقف ثنيان ودخل جوا وشاف الكل جالسين يفطرون بإستثناء زوجات سيف وفجر

ام ثنيان: تعال يمه افطر

ثنيان: فطرت يمه بالعافيه

لف على دلال : كيف بنتك

دلال ناظرته بضيق: بخييير

ثنيان: وشوله ما تفطر هنا

دلال : ماتبيه

ثنيان بعد ما خلصوا الفطورقال: دلال نوف تعالوا

استغربوا وجلسوا ثنيان : اسمعيني يا دلال تعرفين ان بناتك كبروا وصاروا عرايس

دلال لفت تناظره بخوف وقال ثنيان: واحد من اصحابي جاء امس وطلب يد نوف على سنه الله ورسوله

الكل ناظره بما فيهم نوف وباستغراب

دلال : من اصحابك!

ثنيان: يعني زميل مهنه لكن طبعا اصغر مني ب سنتين

دلال : ثنيان كبيير على نوف

ثنيان: دلال فكري بعقلك شوي انا ما اغصبها على شي بس الرجال عاقل ورزين ووظيفته محترمه ورجال شهم ماهي مشكله اذا اكبر منها ب 10 سنوات وغير هذا شاري بنتك واموره كلها تمام واخلاق وكل شي كامل والكامل وجهه الله

ام ثنيان: حشى انهبلت الرجال كبير على البنت

ثنيان : يمه مافيه شي اسمه كبير الناس كلها تتزوج بفارق عمر وهذا هي الترف اصغر مني مافيها اي شي عادي

ام ثنيان: وتقارن نوف بسويده

ثنيان انفجر : يمممه الله يرحم اهلك خلااص خلاص فكيني من ذا الاسطوانه اللي تكررينها واللي يشوفك يقول اني خرجت من المله طال الزمن ولا قصر الترف زوجتي مثلها مثل البقيه ولا يفرق معي عرق او لون اعتقيني الله يخليك لا تزيدين الضغط ترا اللي فيني مكفيني

الكل سكت ولف ثنيان بغضب : وانتي يانوف الموضوع عندك فكري واستخيري وردي لي خبر

طلع وتركهم وهو متنزفز من كل شي

.................••............

الكل كان متكهرب ماعدا محمد ورهام اللي كانوا عايشين بحب دخلت نوف رهام اللي فزت وهي تناظرها : وش فيك

نوف : اتركي الجوال واسمعيني

رهام نزلت الجوال وهي تقفل المحادثه: وش فيك

نوف : جاء واحد يخطبني

رهام : امااانه مبروك

نوف : ترا بعطيك كف يصحيك من غيبوبتك

رهام: ليه

نوف بدت تحكي لها الموضوع ورهام مستغربه

نوف : وش اسوي

رهام: استخيري يانوف

نوف : اخاف يكون كبير اخاف يكون عصبي مثل خالي وهو ضابط بعد

رهام: نوف حبيبي انتي تشوفين ثنيان كيف يتغير مع الترف عشانها تعرف له انتي بيدك تقدرين تغيرينه على كيفك وبعدين ثنيان مستحيل يعطيك واحد مايستاهل وانتي تشوفين على كثر ما سوت فيه شوق مجرد انا انضربت ركض لها وجاب لها اموال الدنيا تعويض فا حطي ببالك انه مستحيل يعطيك اي احد وكل اللي عليك تستخيرين بس

نوف : امي وجدتي رافضين يقولون كبير

رهام: خليك من الكل واستخييري انتي وكلامك مع ثنيان مب مع اي احد

نوف : والله خايفه

رهام حضنتها: لا تخافين ان شاء الله ربي يكتب الخيره

................••............

في بيت سيف

عند امل اللي كانت تشوف ثريا المنعزله لوحدها بغرفتها كانت ماهي مصدقه كلام سيف عنها كيف وهي بالواقع

لفت لما نادتها فجر : امل تروحين معي عند البنات

امل: لا روحي انتي

فجر: طيب

كانت امل في فتره تأمل بفجر وثريا وفجعه من سيف اللي كان يسب حياته كأنه عايش بجحيم وهي فعلا ماكانت تدري كيف كان عايش سيف مع ثريا بجحيم ................••............

في بيت ثنيان

عند الترف اللي اول ما وصلها الرقم دقت على سلوى وهي تعطيها لكن في اخر الامر نهارت: سلوى

سلوى: بسم لله عليتس يالترف وش فيتس تصيحين

الترف : سلوى كيف تعرفين اذا انتي حامل او لا

سلوى: لييييه انتي حااامل

الترف : لاااا الله لا يقول بس اسألتس

سلوى: لا تقولين كذا يالترف حرام

الترف :سلوى فكيني من النصايح ، خلاص مابي اعرف ولا شي

سلوى: طيب طيب بعلمتس وانتي شوفي اذا مرت عليتس ولا لا

الترف بخوف : قولي

ابتدت سلوى تشرح لها وزفرت الترف برضا:حمدلله يعني ماني حامل

سلوى: اصلا غريبه للحين ماحملتي

الترف: سلوى لا ترفعين ضغطي وتوكلي

سكرت الترف وهي تحاول انها تتناسى وترجع تنزل مع مشاعل ومنيره اللي تتوقع انهم صدقوا موضوع عمر

................••............

عند عجاج

اللي بعد ما طلع من دوامه اتصل على ثنيان اللي رد : هلا عجاج

عجاج : تجيني ولا اجيك

ثنيان: ما يفرق

عجاج : اجل بنلتقي بالنص

ثنيان: عند مقهى ابو هيثم

عجاج: انتظر

طلع ثنيان بعد ماخلص شغله وراح لعجاج دخل وهو يشوف جالس تقدم وجلس جنبه: خير يا خال وش بك ضايق

عجاج:قررت اتزوج

ثنيان ابتسم :اخيييرا استوعبت

عجاج: وبتزوج نوره

ثنيان ضحك: ليه اجل كنت صامل على مرزوقه

عجاج لف : تصدق انا ليه ما تزوج مرزوقه وتذبحني وافتك من ذا الحياه

ثنيان ضحك وهو يدفه بمزح: لا تموت الحين اصبر شوي مشاكلي واجد

عجاج: انا بموت من مشاكلك ذي

ثنيان: ما عليك بس قولي صامل ولا !

عجاج: بيني وبينك خلاص طفشت من وجهه عيد

ضحك ثنيان: يا حسافه انه مدخلك بيته

عجاج ابتسم : يا زينه والله مايقصر بس قصدي خلاص بتزوج طفشت حتى من هوايش ابوي خصوصا رافض يخطب لي

ثنيان: اجل نروح نخطبها لك حنا والا ما احنا بأهلك

عجاج: ما تقصرون والله

ثنيان ابتسم بفرح: الله يا عجاج يعني خلاص زواج زواج

عجاج: ان شاءالله

ثنيان: اجل ابشرك ان عايض وافق يتزوج نعيمه وبيجون يخطبون

عجاج: في ذمتك

ثنيان: توها تقولي الترف اليوم

عجاج: يلا زين

ثنيان كان وده يقول لعجاج مشكلته بس وش يقول قرر انه يدمح غضبه لين يشوف كيف بيتصرف مع الترف

................••............

في بيت ثنيان

جهزت منيره الغداء وطلعت وهي تنادي الكل والكل نزل الا الترف اللي رفضت وهي ماتبي تنزل ولا تقابل ثنيان

مشاعل: وينها الترف

منيره: تقول ماتبي

مشاعل: وش فيها

منيره: مدري

دخل ثنيان وهو بعيونه يدور على الترف وماشافها جلس ياكل بهدوء حتى بدون ما يسأل وينها

عمر: يبه انادي الترف

ثنيان: ناديتوها قبل

منيره: تقول ماتبي

ثنيان: خلاص اجل خلها

سكتوا كلهم وكملوا اكلهم وثنيان اللي عجز يكمل اكثر ووقف ووهو يغسل وطلع مسرع لها

منيره: الله يستر وش فيه معصب

مشاعل : الله يفكنا من المشاكل وربي معاد لي حيل

منيره:لا ويين ان شاء الله بسيطه

................••............

في غرفة الترف

دخل ثنيان بقوه وهو يناظرها بغضب : وش عندك ما نزلتي تاكلين

الترف : مابي

ثنيان: خير ان شاءالله وش ذا اللهجه الجديده

الترف : مافيه شي بس ما ابي

ثنيان قفل الباب بغضب : انا سكت لك الظاهر لين تماديتي وماعاد تشوفين احد قداامك

الترف : وش فيك تصارخ مب غصب اكل

ثنيان: بستييين طقاق اكلتي ولا ما اكلتي ابي افهم الحين ابي تبرير على كلامك الصبح الحييين خلصي علي

الترف توترت: اي كلام

ثنيان: لا تستعبطين احسن لك وش سالفه الحمل هاه وش عندك ما تبين تحملين

الترف اللي كانت تحاول تهدا وكانت بتتكلم بس ضايقه يعني عجزت تنطق بس فجاءه انفجر ثنيان عليها: عطيناك وجهه شوي حبيناك ورزيناك وكبر راسك سكت مره ومرتين على الخبال وشكل صار الموضوع ادمان لا تفكرين اني بركض وراك واترجاك يا استاذه وحطي في بالك اللي ما يبيني انا ما ابيه حتى لو يسوى عيوني فاهمه

دفها عن طريقه وطلع وهو فعلا متضايق من موضوعها مرررره

ما كان من الترف الا انها تغمض بقهر صدت وهي تمسح دموعها بعنف

عند منيره ومشاعل اللي كانوا يراقبون غضب ثنيان اللي ابدا هالمره ما مسهم لكن كل غضب ثنيان موجهه لترف وواضح بعد

..................••............

مر اسبوع

ثقيل على البعض والبعض منهم كان عليه خفيييييف مثل النسمه

بداية ثقله كانت على ثنيان اللي من اسبوع وهو اعصابه مشدوده ولا يكلم الترف والترف بعد ما تكلمه وقليل ما يتواجهون كان ثنيان عادي مع الكل لكن ضيقته واضحه

الترف اللي كان المفروض والمتوقع منها انها تقش قشها وتروح بيت ابوها لكن في الواقع كان فيه شي مخليها تجلس مب عشان ثنيان لا لكن تحس انها لازم تجلس وهي اللي كانت تتعمد ما تلتقي بثنيان ابد ابد

ومن الناس اللي كان ثثقيل عليهم نوف اللي كان عندها تردد وخوف من جهه منصور ولكن كان يغلب على قرارها ان ثنيان مستحيل يسمح تزوج واحد مب كفو

وطبعاً بالطرف المقابل كان منصور اللي كان يتمنى الرفض وهو خايف انها تكون شوق اللي باعت خالها ببساطه

ومن التايهين بها الاسبوع عايض ونعيمه اللي تمت خطوبتهم وكان عايض رافض هالزواج 90٪ بس هدت نيرانه بمجرد ما ألتقى بنعيمه وكأنها نزلت عليه السكينه وكان اليوم زواجهم

ومن ضمن التايهين عجاج اللي للحين ينتظر ثنيان يعطيه خبر ويروحون يطلبون نوره وهو مستغرب حالات ثنيان اللي مافهمها للحين لكن يدري ان السبب هو نفس السبب ( الترف )

ومن طرف مشاعل اللي كان همها تولد وترتاح وطبعا محيرها وضع ثنيان والترف

ومنيره اللي نقدر نقول الاجواء مناسبتها خصوصا ان ثنيان صار عندها شبهه يومي اصلا

وشوق اللي كانت تستجمع نفسها عشان تثبت نفسها من جديد

وطبعا امل اللي ضايعه مع سيف واهل سيف لكنن ضياعها يشبه ضياع فجر اللي ما تدري كيف بتواجهه هالحياه مع ابوها وامها واخو مجهول

لكن ... طرف السعيدين بهذا الاسبوع اكييييد ومن دون تردد رهام ومحمد في التوب كان فرحهم مشهود عليه من قبل الكل وطبعا في اتم استعدادهم للفرحه الكبيره

................••............

في فجر اول يوم بالاسبووع في بيت ثنيان

اللي فتح عيونه من النوم على صوت صراخ مشاعل مختلط بصوت الترف اللي كانت جالسه جنبه وهي تهزه : ألحق مشاعل يا ثنيان

فز ثنيان وهو ما لحق حتى يفتح عيونه زين ركض وهو يشوف مشاعل تبكي وصراخها معبي المكان ومنيره جنبها وهي تسمي عليها ركض ثنيان وهو ياخذ عبايتها لبسوها العبايه وشالهاا ثنيان وركض هو ومنيره والترف اللي ركضت وهي تهدي عمر ومحمد اللي انفجعوا من اللي صار

كان الوضع عند مشاعل جدا سيء كانت فعلا تشوف الموت بعيونها صراخها كان يوجع ثنيان اللي يحاول انه يسوي شي بس ما في يده شي ومنيره بعد اللي على قد ماحاولت مالها الا الدعاء

وصل ثنيان للمستشفى ونزل يركض وهو يناديهم نزلو مشاعل يركضون فيها لطوارئ لكن استوقف ثنيان مشاعل اللي مسكت ذراعه وهي تبكي : ثنيان وداعتك عيالي ياثنيان اوصيك بهم خيير تكفى حطهم بعيونك يا ثنيان

كان ثنيان بيرد بس ضغطت مشاعل بكل قوتها على يده وهي تصرخ بكل صوتها وصرخت بعدها الممرضه اللي اعلنت عن حالة نزيف توجب مشاعل دخول العمليييات فووورا

ثنيان اللي من بعد ما تحرك سرير مشاعل من قدامه مااتت كل اطرافه وغيم السواد على عيونه درات بها الدنيا لما حس انها النهايه كان هذا خوفه وهذا اللي يصير منيره اللي سمعت كل شي وجلست على الكرسي وهي تبكي وتدعي

................••............

اما في طرف الترف اللي كانت تبكي وهي تدعي لها بكل قلبها ان ربي يكون مع مشاعل ويخليها لعيالها يخليها لعين ترجيها

.................••............

في بيت ابو ثنيان

عند نووف اللي وقفت بعد ما صلت استخارتها وهي في قناعه تامه برايها طلعت متجهه لصاله اللي كان فيها امها وجدتها وجدها وهم اللي من عادتهم يصحون الفجريه

نوف : سلام

الكل: وعليكم السلامم

ابو ثنيان: وش مصحيك غريبه

نوف بتردد وهي تشد على كفوفها: بقولكم موضوع

دلال نزلت الدله من يدها: وش فيك فيك شي

ابو ثنيان: قولي يا بنتي

نوف : اذا انتم موافقين على زواجي انا بعد موافقه

ابو ثنيان ابتسم وتهلل وجهه : ماشاء الله الله يوفق ويكتب لك الخير

دلال: نوف حبيبتي فكرتي زييين

نوف : ايه

ام ثنيان: بس الرجال اكبر منك

نوف :ما يهم العمر مادام خالي يشوفه مناسب لي

ابو ثنيان: اجل اذا جاء ثنيان ببلغه والله يوفقك يارب

وقت نوف وهي في قمة خجلها وطلعت لغرفتها ركض

دلال : يبه متاكدين منه !؟

ابو ثنيان: تعرفين منصور الرجال اللي ساعد ثنيان ورجال كفو ما خلاه وانا اشوف انه يناسب نوف

دلال : اجل الله يكتب اللي فيه الخير

................••............

عند سلوى وصالح اللي صحت من الفجريه كالعاده وهي تبدا بأشغالها رغم تعبها الا تبي الفكه من لسان ابو الترف فتحت الشباك وابتسمت وهي تشوف اهل عايض قايمين ويرتبون للعرس والناس قايمين معاهم لفت وهي تصلح الفطور على اصوات الشباب برا ينادون ويركبون العقود وجاء صالح اللي كان معهم : صباح الفل لحبيبة قلبي

ابتسمت سلوى: يا صباح الحياه بشوفة وجهك اللي يشرح الصدر

ضحك صالح : الله الله روقان اليوم

سلوى: حمدلله

صالح: طيب اسمعي جهز الفطور

سلوى: جالسه اصلحه

صالح وهو يناظر : طيب بنتقسم قسمين انا اسوي نص وانتي نص عشان نلحق وماتتعبين تعرفين ان الفطور برا اليوم

سلوى : عشان كذا صحيت من بدري ، وانت لا تعب نفسك اجلس

صالح وهو يقسم الاغراض بينهم: لا لا ، يلا ابدي وانا بغسل واجي

راح صالح يغسل وابتسمت سلوى وهي تراقب بطنها كان صالح قد مايقدر ما يتعبها قد ما يقدر يحاول يختصر اشغالها بعيييد عن ابوه وشوشرته ماكان يبي لها الا الراحه بس غصب عليه

رجع صالح وهو يبتدي معها وكان اغلب الفطور يسويه صالح ................••............

في المستشفى

عند ثنيان اللي يحس رجوله تصلبت مب قادر يمشي ولا يجلس ولا يتحرك واقف بالانتظار وهو يسمع تمتمت منيره ودعاها الحار لمشاعل اللي مازال صوتها وتوصيتها ترن في اذن ثنيان مب قادر يستوعب انه ممكن يجي يوم مافيه مشاعل صعب صعب كثييير على ثنيان وحتتى لو مايكن لها حب عظيم بس يحبها يحبها كا ام لعمر كا صديقه جيده له حتى لو ما فضفض كثير يحبها كزوجه يحبها كإنسانه قضت معاه 10 سنين ماهي بسيطه ابدا بعد ساعاات طويله ومتعبه

رفع راسه لما جات الدكتوره وهي تناظرهم بهدوء

ثنيان عجز حتى يسألها

منيره: دكتوره مشاعل كيفها ولدت ولا باقي

الدكتوره نزلت راسها بضيق : ولدت جابت توأم بنات

استهل وجه منيره بفرح : طيب هي بخير

الدكتوره : لكن لام ماقدرت تحمل ومشاعل تطلبكم الحل

كان ثنيان طول الوقت واقف لكن هالمره جلس، بس ابد ما هي جلسه إراديه طاح وهو يسمع صوت منيره اللي صرخت وهي تقول : لاااااا تكفين لاااا يا دكتوره لا

انفتح بقلب ثنيان فراغ موجع جرح عظيم وهو يرتسم قباله عمر ومن بعد عمر التوأم يا ليته كان يدري بيصير لها شي والله ما يخليها تحمل

راحت الدكتوره تاركه وراها منيره اللي ماهي قادره تستوعب الموضوع ركضت لثنيان الجامد وهي تهزه : ثنييان قوم شوف شوف اذا صدق ولا يكذبون يمكن غلط يا ثنيان قوم يا ثنيان

ثنيان اللي كان كأنه في غيبوبه حتى عيونه عجز يحركها عن الباب استوعب نفسه لما صرخت منيره عليه وهي تبكي وتطلبه يقوم

وقف وهو يحس ان اطرافه ثقيله طلعت النيرس وثنيان ينادي لكن صوته مايطلع

واختفى صوته تماماً لما شافهم يطلعون التؤام وراحوا من قدامه ما قدر حتى يقول وقفوهم بيشوفهم

طلعت النيرس وهي تعطي ثنيان يوقع على اوراق جلس ثنيان وهويوقع كإنه يوقع على عذاب عمره

ساعات ساعات مرت مليانه بدموع منيره انهيار ثنيان بالقوه تماسك وهو يشوف رقم ام مشاعل الي تتصل ماعرف كيف يكلمها كيف يقول وكيف بيستوعب انه يقوول اخذ نفسس وهو يرد بصوت يحاول يتماسك وكان يحاول يبلغها بالخبر بشويش لكن مهما كان وقع الخبر كان كارثي غمض اول ما انتشر صوت بكاها بالسماعه وقفل وهو يتصل بأخو مشاعل وبلغه عشان يروح لامه

ماهي الا شويات وصلوا اهل مشاعل دخل ماجد اخو مشاعل وهو يناظر اوراق مشاعل بضيق وحزن يططغي على دموعه لكن طاح الملف وهو يدقق بالاسم : لااااا لااااا هاذي مب مشاعل لااا

رمى الملف من يده وركض: ثنيييان ثنيييان

ثنيان اللي كان ساند ام مشاعل اللي كانت تبكي وثنيان اللي عجز حتى انه يبكي او تنزل دموعه من الصدمه فز على صوت ماجد : اللي يصرخ: اللي ماتت مب مشاعل مب اختي مب اختي

ركض ثنيان معه وهو يناظر بالملف وركضوا لاول نيرس شافوها

ماجد : لو سمحتي لو سمحتي في مريضه مشاعل محمد فيصل ال .. دخلت ولاده حامل بتؤام وش وضعها

النيرس : ااااهاااا انتم اهل مشاعل محمد فيصل وينكم من زمان نعلن عنكم

ثنيان: وش فيها مشاعل

النيرس : اليوم كان فيه بنتين اسمهم مشاعل وكلهم حوامل بتؤام لكن فيه مشاعل محمد فيصل وفيه مشاعل محمد سعيد لكن مع الاسف مشاعل محمد سعيد توفت

ثنيان : نسألك عن مشاعل محمد فيصل وش وضعها

النيرس : مشاعل كان عندها نزيف حاد بسم حمدلله وقف وهي الحين بخير

ركض ماجد بفرح يبشر امه اما ثنيان اللي مابكى من خبر الوفاه قد ما بكى من فرحته بحياتها دخل مع النيرس للغرفه وهو يشوف مشاعل توها تصحى من البنج ركض وهو يحتضنها بفرح ناااسي عمليتها وناسي انه ممكن يوجعها

سحبته النيرس وهي تحذره انه ممكن يضر مشاعل اللي كانت تنام وتصحى ماهي حاسه واتفتح الباب وكانت ام مشاعل ومنيره اما ثنيان اللي طلع وهو يمسح دموعه

................••............

في بيت ثنيان

الترف اللي كانت عند مشاعل لما جات لها الولاده كانت بعيونها تشوف كيف تصارخ كانت مشاعل توصي على عيالها عشان كذا ما اتصلت فيهم ولا تبي تعرف اي شي كانت خايفه ان بيوصل خبر يهد حيلها

................••............

في المستشىفى

عند مشاعل اللي ما صحت للحين ولا هي معاهم كانت عمليتها جدا جدا صعبه نجت منها بأعجوبه كانت امها ومنيره عندها وبعدها طلبوا المستشفى بس مرافق واحد واكيد امها بتكون هي المرافق طلعت منيره وهي تدور على ثنيان ما حصلته رفعت جوالها تتصل فيه

وعند ثنيان اللي بعد ما تأكد ان مشاعل بخييير طلع ابتعد عن المكان وهو فيه صيحه بصدره كاتمته انهااااااار حرفيا طلع اللي بقلبه كله من خبر وفاتها المزيف الى خبر انها بخييير رفع راسه على صوت جواله ورد وهو يتنحنح يوخر صوته الباكي : هلا منيره

منيره: ثنيان تعال طلعونا يقولون بس امها تجلس

ثنيان :طيب

دخل ثنيان وهو متلثم بشماغه لان وجهه رايح فيها كانت منيره مستبعده تماما ان ثنيان يبكي لذلك توقعته متلثم مصدوم او بإعتبار ان ثنيان مايحب المستشفيات توجهوا للحضانه وطلبت منيره تشوف التؤام والحقيقي بكل اللي صار ان التؤام بنات

منيره اللي كانت فرحانه فيهم وهي تناظرهم وتناظر كيف احجامهم وعرفت فعلا ان مشاعل نجت من ولادتهم بدعوة والدين

لفت لثنيان: شووف كيف اشكالهم ياثنيان

ثنيان اللي كان يناظرهم بهدة حيل معاد له حيل حتى انه يفرح بهم اشكالهم كانت حلوه كانت تجذب ثنيان من بين المعمعه انه ينزل وهو يبوسهم ويشم ريحتهم الحلوه هنا استوعب انه فعلا صار عنده بنات الحين صار يقدر يفرح فيهم مدتهم له النيرس وهو معاه وحده ومنيره معاها وحده ماكان من ثنيان الا انه يحمد ربه اللي خلا لهم امهم

طلعواا بعد ما تأكدوا ان مشاعل بخيير وصحتها مستقره بعد ما استوعبوا انهم مروا بأبشع الكوابيس اللي توجع القلب وتهده دخلوا البيت وهم يشوفون الترف وعمر ومحمد جالسين بالحوش فز عمر وهو يركض لثنيان: يبه وينها امي وينها

منيره ركضت وهي تاخذه جوا: يا حبيبي امك بخير وبالمستشفى بعد ماجابت خواتك حلوين وصغار

محمد: بس يمه عمتي مشاعل كانت تبكي مررره

منيره: ما عليه يمه عشان النونو كانت تبكي

منيره كانت تحاول انها تبعد العيال عن منظر ثنيان ودخلتهم فيهم وهي تقنعهم اما الترف اللي ماصدقت اي شي وركضت وهي تلحق ثنيان اللي دخل بالمجلس مسكت ذراعه: ثنيان حلفتك بالله تقول وش فيها مشاعل

ثنيان كان صاد وهو يتنحنح : سمعتي منيره وش قالت بخير الحمدلله وجابت توأم بنات

الترف كان ودها تصدق بس لا صوت ثنيان ولا ملامحه ولا حتى الشماغ اللي متلثم فيه يقول كذا مدت يدها وهي تسحب شماغه عن وجهه

وهنا كانت الصدمه كان وجهه ثنيان بلون الدم احمر عيونه حايره بدموعها كان وجهه حزين حزيين

لا شعوريا جلست الترف ويديها على ركب ثنيان اللي كان جالس بهدة حيل بكت وهي تقول : مشاعل صار لها شي صح !! ماتت فيها شي !

ثنيان اللي كان تكرار هالكلام عليه يزيد الطين بله ارتفعت تنهيده ومن بعدها اختلطت بصوت باكي وهو يشد على يد الترف اللي اختلط صوتها وصوته ببكى كان موقف صعب طال الموضوع ببكى وسحبت الترف يدها وهي تبكي : عشان كذا مابي احمل مابي اموت مابي اترك عيالي واموت مثل امي ومشاعل مابي

كانت الترف منهاره وهي تكرر ان امها ماتت وهي تولدها رفع راسه ثنيان وهو منصدم من اللي سمعه كان بيقولها ان مشاعل ما ماتت مشاعل حيه بس صدمته بمخاوفها الترف ألجمته

اعتدل هو يمسكها من كتفها كان يبي يهديها نادها اكثر من مره وصرخ : مشاعل ما ماتت يالترف مشاعل عااايشه ما ماتت

ابتدى بكى الترف يخف وينتهي تدريجياً وهي تراقب ثنيان بفجعه : ما ما ماتت!؟

ثنيان اللي كان محاوط كتف الترف اللي كانت ترجف من بكاها وهو يقولها وش صار

بعدت الترف ووقفت وهي ماهي مستوعبه كانت فتره تحمد ربي وفتره تبكي اخيرا قدر ثنيان يتجاوز الصدمه ووقف وهو يتقدم لها احتضنها وهو مايدري كيف بيرد على مخاوفها كيف انه ظلمها وزعلها لسبب تافهه الترف بصوت مبحوح من البكى: خفت خفت يوم كانت توصيني خفت يصير لها شي

ثنيان وهو يشد عليها :بسم لله عليك الحمدلله الموضوع انتهى حمدلله ان ربي ما عيشنا هالكابوس حمدلله

الترف بعد فتره استوعبت ان فيه اطفال ورفعت راسها: شفت بناتها

ثنيان : شفتهم بس ما شفتهم زين كنت خايف وضايق عجزت حتى افرح

ابتسمت الترف من بين دموعها بفرح : حمدلله مرت بسلاامه ومبروك لك بناتك

ابتسم ثنيان وهو توه يحس ان الموضوع فرحه : الله يبارك فيك وفي بناتي اللي من اول يوم نشفوا دمي

سمعوا صوت منيره وابتعدوا عن بعض وهم كل واحد وجهه رايح فيها لف ثنيان وجهه بشماغه وهو يمسح دموعه منيره دخلت: ثنيان عمي اتصل يقول يبيك

ثنيان : زين شوي وبروح له وانتي منيره تكفين انتبهي لعمر خاف كثير

منيره: كلنا خفنا بس الحمدلله

الترف وهي تمسح دموعها: اجل انتم ارتاحوا انا بجهز شي تاكلونه

جلست منيره بعد ما نادت محمد وعمر اللي كانوا فرحانين وكل واحد يقول بيسمي وحده وكان ثنيان يبتسم لهم شوي وياخذه باله لسالفة ام الترف وقف وهو يتجهه للحمام وقف وهو يغسل وجهه ويحاول يخفف ملامح البكى طلع يمشي شوي برا لما اعتدل وجهه ودخل وهو يجلس معهم كان فرحان ان مواري الحزن تحولت لفرح

.

.

انتهى البارت✨

«البارت التاسع والثلاثين»

.

.

في بيت ثنيان تحديداً بغرفة الترف

الترف اللي غمضت بخوف بعد حضن ثنيان

وقال ثنيان : الترف صار لازم نتكلم

الترف : نتكلم في وش

ثنيان جلس : لا تحسبين اني ماني حاس بالتوتر اللي بينك وبين منيره لكن اللي بقوله شي واحد يالترف ينتهي الخلاف بأسرع ما يمكن انا ابي بيت هادي مافيه حقد ولا فيه مشاكل صبري له حدود كل وحده منكم اكيد سوت اللي بقلبها على الثانيه سوا بعلمي او بدون لكن هي كلمه ورد غطاها يا ينتهي هالخلاف وترجعون زي قبل يا كل وحده في بيت اهلها

الترف ناظرته بصدمه: اللي تبيه يا ثنيان

ثنيان : جوابك يالترف

الترف : جوابي طويل يا ثنيان انا جيتك هنا كارهه الزواج وكارهه كل شي لكن رغم هذا ما غلطت على احد ما غلط علي اح صافيت منيره وحبيتها ويعلم الله اني احبها بعد لكن انا ماني مسؤوله عن قلوب الناس اللي تغير ! لكن لكم مني حق الطيب والعشره ولكن اذا صار غير هذا لا تطلب مني اصافي احد يأذيني

ثنيان : انا ما جيت انبش الماضي انا جيت ارتب اللي جاي ابي نكمل من دون مشاكل

الترف : زين لك مني وعد ما اغلط على احد ما ضرني

ثنيان هز راسه برضا وانسدح اما الترف اللي سكرت الانوار وجلست بهدوء وهي ما تدري وش في قلب ثنيان لكن وعدها وعد وبوعدها ريحة ثنيان اللي ماكان يبي الا هالوعد ولانه يثق بالترف اللي ماهي زوجه كثر ماهي توأم لروحه

.................••............

منيرره كانت منهاره جدا لكن ماعاد همها الا تحصل العدل بحياتها او تنتهي هالحياه

كانت تجهز لملكة محمد وهي تدعي الله يسخر لها الخير ................••............

ومن بكره في بيت ابو ثنيان

الكل كان مستنفر ويشتغل ويجهز ورهام اللي كانت تستعد بفرحه

ونوف اللي طلعت مسرعه لرهام: رهام امي تقول وين الكااسات تبع الضيوف

رهام: في المطبخ الصغير

نزلت نوف وشوق تراقب حماسهم بضيق وقهر رجعت وهي تبكي قهر

ام ثنيان كانت رايحه جايه بعكازه وهي تشرف على الاوضاع

ودلال اللي تتناسى وضع شوق وتحاول تلتهي

اما نواف ونوف اللي كانوا قاهرين دلال اكثر شي وهم كل شي يخربونه ويطقطقون عليه

................••............

اما في بيت ابو محمد

محمد اللي كان هو منيره من بدري طالعين يجهزون الشبكه والورد والاشياء

كانت منيره تراقب فرحة محمد وهي تدعي ان رهام ما تكسر فرحته وانها تعيش معه بالسعاده اللي يستحقونها

................••............

اما في بيت ثنيان

ثنيان اللي صحى وهو يتوقع انه يحصل ردة فعل عنيفه من الترف بس كان الموضوع عكسي تماما كانت الترف مليانه حيويه وهي تبخر ملابس ثنيان وعمر

عمر: بابا بنروح نجيب امي

ثنيان: ايه اللبس

الترف : ثنيان وش بتجيب لرهام هديه

ثنيان: مدري بنمر ونشوف انتي بعد اجهزي مافيه غيرك ينزل معي ويختارها .

الترف : طيب

جهزوا كلهم وطلعوا وثنيان والترف اللي بعد ما اختاروا هديتهم لها طلع جواله وهو يتصل على مشاعل ويستشيرها بالهديه وواقفت وبعدها اتصل على منيره وهو يسألها نفس السؤال والكل اتفقوا على نفس الهديه

وصلوا بيت مشاعل ونزلت الترف وهي تساعد مشاعل اللي كانت احسن من قبل

وركبوا الترف : مشاعل كيفتس الحين

مشاعل: لا احسن الحمدلله من قبل

ثنيان: ان شاءالله ايام وبتقومين بالسلامه

مشاعل: ان شاء الله

كانت مشاعل ملاحظه ان فيه مسافه بين ثنيان والترف وفيه تحفظ مب مثل قبل

وصلو البيت والترف اللي كانت شايله البيت كله ومريحه مشاعل وتستشير مشاعل بكل شي

وثنيان اللي ماهو مرتاح انه صاد شوي عن الترف بس مجبور انه يوقف اندافعه لها شوي

ثنيان: انا بروح بيت ابوي

الترف : خل جوالك قريب عشان اذا انتهى الغدا اتصل بك

ثنيان: طيب

طلع ثنيان ولفت مشاعل بهدوء: الترف صاير شي!

الترف: لا ليش!

مشاعل: مدري احس فيه توتر

الترف : لا عادي ، المهم قولي لي اخبارتس كلها

................••............

في بيت ابو ثنيان

ثنيان دخل وهو يشوف الكل مستعد ونواف اللي من بدري مشغل السماعه ويستهبل على ابوه هو نوف وفجر اللي كانت هاديه ومبتسمه

نوف وقفت اول مادخل ثنيان وابتسم ثنيان : كملوا كملوا

ضحك ابو ثنيان: لا خلهم يعقلون شوي ازعجوني من الصبح

ثنيان: خلهم ينبسطون

لف ثنيان وهو يشوف وائل مع فجر وقرب وهو يسلم عليه هو وعمر وجلسوا

ابو ثنيان: علامك كأنك ضايق

ثنيان: ابد صداع

ابو ثنيان : خذلك قهوه

ثنيان : زين

قطع عليهم اتصال منصور ووقف ثنيان وهو يرد : هلا منصور

منصور: كيفك واخبارك

ثنيان: حمدلله بخير انت كيفك

منصور: حمدلله كيف امورك مع المطلوب

ثنيان: مثلك عارف ما بيدينا شي اذا طلع

منصور: الله بينصرنا ان شاء الله

ثنيان: امرني

منصور: موجود في بيتكم

ثنيان: والله انا في بيت ابوي امر

منصور: بمركم شوي اذا ماعندكم مانع

ثنيان: حياك الله يا منصور بس عسى خير

منصور: خير خير

ثنيان : حياك الله

منصور: يلا ربع ساعه وانا عندك

سكر وثنيان مستغرب اتصال منصور لف وهو يقول: نوف فجر نظفوا المكان بسرعه بيجينا رجال

نوف : مين ياخالي بدري ماجاء المغرب

ثنيان: بنقدم لك برنت المره الجايه من يجي ومن مايجي

نوف ضحكت: امزح معك وش فيك مشتط

ثنيان: فجر زهبي قهوه

راحت فجر ونوف ونواف يرتبون

ابو ثنيان: وش صار

ثنيان وهو في حضنه وائل : منصور يققول بيمرنا

ابو ثنيان: اي والله يا حليله منصور بس عسى خير

ثنيان: ان شاء الله خير

بعد ربع ساعه كان منصور واخوانه متواجدين

ودخلوا والكل مستغرب وبعد الرسميات

عبدالعزيز اخو منصور: والله يا عم إحنا جايين ان شاءالله في امر خير ويشرفنا نطلب منكم تزوجون منصور ومنصور طالب نسبكم ومصر ما يتزوج الا من عندكم

الكل بدون استثناء سكتوا وهم يناظرون بإستغراب

منصور: ادري انكم مستغربين خصوصا اني ما طلبت احد معين لكن انا يشرفني اتزوج من عندكم وثنيان اخوي وحبيبي وودي يصير لي نسيب

ابو ثنيان : والله يا منصور طلبك شوي جاء لنا غريب

منصور: المفروض اني اكلم ثنيان من قبل بس هذا اللي صار

ثنيان اللي نسى كل شي وخاف ان ابوه يعطيه شوق وقال : انت مافي بالك احد يعني

منصور: يشرفني نسبكم وانتم ادرى

ثنيان : معليش بس يبه ابيك شوي

طلعوا وقال ابو ثنيان: هذا وش بلاه جاي يخطب ومايدري من يخطب

ثنيان: هو شاري نسبنا ماهمه البنت لكن يبه انا اقول نزوجه نوف

ابو ثنيان: انهبلت نوف صغيره عليه

ثنيان: اصلا فجر سيف بيرفض مافيه الا نوف

ابو ثنيان: وشوق وين

ثنيان: لا يبه شوق ما تصلح لمنصور

ابو ثنيان: يا ثنيان

ثنيان: انا مستعد اكفل منصور ونوف انت تعرفها طيبه وتستاهل كل خير

ابو ثنيان: بدون ما ناخذ رايها

ثنيان: لا يبه اكيد بناخذ رايها بس وش بنقول لرجال

ابو ثنيان: انا اول مره يمر علي ذا الموضوع

ثنيان ضحك: وش نسوي يبه بعد الرجال كفو

دخلوا وضحك ابو ثنيان: والله يا منصور حيرتنا في امرك ولكن إحنا ما عندنا الا بنت بنتي عمرها 18

منصور: اجل اعتبرني طلبتها منك واخذوا راحتكم

ثنيان ونواف كانوا مصدومين من طريقة الخطبه بس فالحقيقه منصور اللي كان يبي يتزوج اخت ثنيان ( رهام ) لان ثنيان قد قال ان عنده اخت ماتزوجت بس لما وصل عرف انها اليوم ملكتها وتفشل وقرر يخطب اي وحده بما انه يبي يتزوج مايبي شخص معين

عبد العزيز اللي يرقع : انا ادري خطبتنا غريبه عليكم لكن احنا ندور النسب الطيب وبنتكم اكيد انها طيبه مثل اهلها وهذا والله سلم ( عادات وتقاليد )عندنا

اما منصور اللي تورط وهو يتذكر سالفة بنت اخت ثنيان اللي سجنته وانهبل وتوقع انه خطبها هي وانخطف لونه وانحرج : اجل احنا نستاذن

طلعوا بعد ماسلموا وعبد العزيز زعلان: ياخي فشلتنا جينا كأنا مهبل

منصور: وش دراني أنا بس يلا ان شاءالله ان بنت اختهم مثل اختهم

منصور كان مختبص وعبد للعزيز متفشل

................••............

في مجلس ابو ثنيان

نواف: وش بلاه ذا يخطب كذا على الهامش

ثنيان: مدري لكن تسمع اخوه يقول عاداتهم وتقاليدهم انهم يطلبون الرجال يزوجهم هو بنفسه

ابو ثنيان: غريبه اول مره تمر علي

ثنيان: بس والله منصور رجال ونوف تستاهل

نواف : اصلا هذا اذا وافقت نوف اكيد بترفض

ثنيان: بنشوف بنشوف ننتهي من رهام الحين ونشوف بكره

دخل سيف: وش بتشوفون

ابو ثنيان: ابد رجال يخطب نوف

سيف: نووف ليه وشوق وين !

ابو ثنيان: هذا اللي صار

سيف بعد سكوت قال: رحت لبندر بخير ويسلم عليكم

ابو ثنيان: زين الحمدلله

ثنيان: الحمدلله

نواف : انا بروح اشوف امي وش تبي

ثنيان: نواف خلك على الصامت لين بكره

نواف : ابشر

وقف ثنيان وهو ينادي عمر وطلع وهو يتصل بمنيره

منيره ردت بنفس الهدوء : هلا

ثنيان: سلام ، قضيتي من محمد

منيره:ايه

ثنيان: اذا ما يحتاجك محمد اجهزي بمرك ونرجع للبيت

منيره ابتسمت بفرح وهي توقعته يطلقها بس هانت : ابشر

طلع ثنيان متجهه لبيت عمه ووقف وهو يسلم على محمد اللي كان يساعد ابوه ويلبسه

ثنيان: محمد متى جاي

محمد : المغرب اتفقت مع عمي

ثنيان: الله يتمم لكم يارب

محمد : امين

ثنيان ابتسم: اجل بناخذ منيرتنا تراك مصختها طول الايام عندك

محمد : خلاص ماعاد نحتاج منيرتك

ضحك ثنيان: خير ان شاء الله يلا يا مناير حمود يلا

تقدم ثنيان وهو ياخذ اغراض منيره ويوديها لسياره وركبوا ومنيره تشوف ثنيان جدا لطيف معها ابتسمت وهي تقول ( لو دريت انفجرت من زمان )

اما ثنيان اللي كان حاس بالذنب وهو يحاول يرتب اموره من جديد

بعد شوي قال : منيره راجعين للبيت لكن هناك الترف وهناك مشاعل لكن اللي ابيه منك ترجعين منيره العاقله الواعيه من جديد الترف مارح تقرب منك ولا تقربين منها كل شي بيكون بالعدل وعلى اكمل وجهه لكن مابي مشاكل وانتي تعرفين اني ما احب المشاكل كل وحده في نفسها وينتهي الموضوع

منيره : ابشر

سكت ثنيان وهو وده انهم فعلا يبطلون مشاكل

................••............

في بيت ثنيان

عند الترف كانت مرتاحه جدا وهي تسولف مع مشاعل كانت تشوف تعب مشاعل وهنا عرفت ان ثنيان معه حق يخاف عليها كان بطنها يفجع يفجع

كانت هي ومشاعل جالسين ودخلوا ثنيان ومنيره

وقربت منيره تسلم على مشاعل بحراره وبهدوء على الترف

ثنيان: يلا وين غداكم

الترف: يلا الحين انزله

وقفت منيره وهي تاخذ اغراضها الكل كان فاهم الوضع االا مشاعل اللي تحس فيه شي بس ما تدري وشو كان وثنيان مختصر السوالف على عمر ومحمد بس

بعد الغداء طلع ثنيان ينام اما مشاعل اللي كانت ترتاح

ومنيره والترف دخلوا مع بعض للمطبخ ينظفون

تركت الترف اللي بيدها وتوجهت لمنيره وهي ودها توقف هالمهزله : منيييره

..................••............

في ديرة الترف

عند نوره اللي راحت لسلوى وهي زهقانه مره دخلت وهي تنادي: سلوى وينتس سلوووى

سلوى: هنا يا بنت علامتس

دخلت نوره: شعندتس جالسه هنا

سلوى بغضب : واللي يعرف هالعم يعرف يجلس مثل الناس

نوره: وش فيتس

سلوى: ابد فجاءه قرر انه يجيب خيشة عدس ويخليني انقيها

نوره: علامه يسوي كذا ذا الشايب

سلوى: عشان يقهرني

نوره: وصالح وينه

سلوى: وش يسوي صالح ابوه

نوره: ياويلي كنت احس الترف تبالغ بالخوف منه بس شكله مب هين

سلوى: تكفين نوره ساعديني ظهري انكسر وهو مايخاف الله وانا ساكته عشان صالح مابي اضيقه

نوره: حسبي لله بس ، خلصتي نصها

سلوى: لاا اخذ صالح ثلاث ارباعها يقول بيروح ينقيها ويجيبها

نوره: الله يساعدكم بس

دق الباب وقامت نوره: هلا والله ام عايض

ام عايض : كيفتس يا نوره

نوره : بخير يا خاله اقلطي

ام عايض دخلت وسلمت على سلوى وجلست وبعد سوالف عاديه قالت: اقول يا بنات انا ابي رقم اهل البنت اللي تقولها الترف اخيرا عايض وافق

سلوى نست التعب : بالله الله يوفقه الحين اتصل في الترف ترسله

نوره: يعني خلاص بيتزوج عايض

ام عايض: ايه ان شاء الله ، انتم خذوه وارسلوه لي انا بروح

نوره: ابشري اجيبه لتس ياخاله

طلعت ولفت نوره بضحك: اخيييييراً بنفتك

سلوى ضحكت: ايه الحمدلله

................••............

في بيت ثنيان

منيره لفت وهي تناظر الترف

الترف : اجلسي بحكي معتس

منيره: قولي

الترف : شوفي يا منيره كلنا غلطنا كلنا ضغطنا على بعض انتي غلطتي وانا رديت الغلط بغلط وانا ادري اني غلطانه لكن كل اللي ابيه انك تسامحيني واسامحك ونرجع مثل قبل ماتسوى علينا هالمشاكل احنا مب كذا احنا ارقى من كذا

منيره كانت متوقعه ان الترف بتغلط لذلك متجهزه بس انصدمت من كلام الترف وعجزت ترد شافت الترف فعلا جديه وسكتت وهي تدري انها فعلا على غلط وهالمشاكل ما جابت الا وجع الراس ابتسمت : صدقتي يالترف فعلا ما تسوى والله يسامح الجميع واعذريني يا اختي الشيطان شاطر

ضحكت الترف وهي تحضنها : الحين بنطرد الشيطان ونلعن خير

ضحكت منيره وهي تبادلها الحضن ورجعوا لشغلهم وهم متحمسين ويسولفون مع بعض وبعدها طلعوا يجهزون مع بعض واخذت الترف اغراضها وراحت تجهز مع منيره

اما ثنيان اللي كان نايم مع مشاعل صحى على منبه صلاة العصر ومشاعل اللي تناديه طللع بعد ما لبس وراح صلى ورجع لكن تصلب ولف اول ما وصله صوت الضحك تحرك وهو يطل ووقف يده على مسكة باب منيره وهو يناظرهم بصدمه كلهم كانوا يجهزون بعض

لف عليه وثنيان طايره عيونه ماتوقعهم يرجعون بذا السرعه كانوا يناظرونه ويدرون انه مستغرب

منيره: ثنيان تبي شي

ثنيان : ا ابي قهوه

الترف : منيره زهبتها تحت

منيره: اسبقنا بنلحقك الحين

مشاعل جات من وراه وهي تناظر باستغراب : كملوا وانا بقهويه

الترف : لا حلفت عليتس ما تعبين نفستس كلنا بننزل نتقهوى

ثنيان بدون ما ينطق من صدمته اخذ مشاعل ونزل هو وياها على الصامت ونزلوا منيره والترف وهم يتقهوون ويضحكون ثنيان مصدوم

وبعدها افترقوا يجهزون وثنيان جالس بمحله ماهو مصدق طلع لما دق عليه عجاج وقاله انه عند الباب

عجاج اللي كان ينتظر عند الباب : وينك انت مختفي

ثنيان: انا ذا الايام بيصكني وحده من الثنتين يا سكر يا ضغط ! وذا تعديتها اكيد جلطه

عجاج: لييييه !

ثنيان: ياخي محد ذابحني الا حريمي

عجاج: حمدلله ياربي اني انعم بالصحه والراحه

ثنيان ضحك: تعال انت صدق لك عندي موضوع

عجاج: هات

ثنيان : وش رايك تزوج

عجاج: لا والله وزواجي جلس على كتفك وش تبي انت

ثنيان: طعني عندي لك عروس يا زينها

عجاج: مابيها

ثنيان : اسمع طيب

عجاج: من

ثنيان: نوره صديقه الترف

عجاج : خييير

ثنيان: قصر صوتك

عجاج: خبل انت خبل معصي ووالله

ثنيان: لييه وش فيها

عجاج: تبيها تذبحني

ثنيان: عجاج ترا مب عذر هي كانت خايفه وش دراها وبعدين خلاص راح عمرك لازم تزوج

عجاج: اتزوج مرزوقه ولا تزوجها

ثنيان: متاكد

عجاج: نص ونص

ثنيان ضحك: اسمعني ياخي والله انها محترمه اترك عنك الهبال بس صدقني بتحصل البنت اللي تناسبك خصوصا انها ماهي نفسيه وانت تقول بلسانك اذا تزوجت تبي وحده فله هذا هي

عجاج: وين عرفتها انت عشان تقول فله

ثنيان: ياكثر ما تسولف الترف عنها

عجاج: يا رجال وخر

ثنيان: عجاج انت تدري كيف الترف وانت بنفسك تدري ان نوره كويسه بس خبيله وبعدين فكر انت حتى مايمديك تحتج وتقول بيرفضوني من ربعكم وغير كذا انت تدري كيف اخلاق ديره الترف

عجاج: بس اتزوج من عندهم لا

ثنيان:فكر فكر مب شينه

سكت عجاج وثنيان اللي كمل يقنعه وهو متاكد ان نوره تناسب عجاج ................••...........

. بعد اذان المغرب ابتداء الكل يجتمعون في بيت ابو ثنيان وينتظرون محمد والشيخ يجون

دخلوا زوجات ثنيان والترف اللي سانده مشاعل واول مادخلوا المجلس جمدوا كلهم الثلاث

منيره بهمس: وش جابها ذيي

مشاعل: حسبي لله عليها ما افتكينا منها ذي

الترف بنفس الهمس : ابشركم انها متواجده لها فتره وانا اعيش عذاب نفسي منها

مشاعل: لا تقولين ثنيان يدري بها

منيره: مادام هاذي ضحكة خالتي اكيد انه يدري

كل هالحكي كان يدور بينهم وهم كلهم يناظرون ماجده اللي بنص المجلس

جات نوف وهمست بضحك : مقدره خوفكم بس وضعكم يفشل وانتم تناظرونها

ضحكت مشاعل: اي والله

دخلوا كلهم وهم يسلمون عليها لكن فزت منيره وهي تسمع صوت ثنيان

مشاعل: منيره اركضي لا يدخل

الترف: اصلا لا يدري انها هنا ترا يا بنات له مده وهو يسأل عنها

منيره: والله مالي خلقها ابد

الترف : اسمعوني بس روحوا له اشغلوه وانتي يا مشاعل روحي تشكوي عنده وانا بألهيها ذا الخبله لا تقول بسلم عليه

مشاعل: وعيالها بيشوفهم

الترف: خلوهم علي روحوا بس

طلعت مشاعل ومنيره لثنيان وهم يسولفون معاه ويشغلونه والترف اللي كانت جالسه لعيال ماجده مايطلعون

ثنيان اللي حس بشوشره فالجو ولف ببتسامه: خير وش فيكم كلكم جايين

منيره: لا ابد انت وش تبي هنا

ثنيان: انتظر القهوه

منيره:انت !! تاخذ القهوه

ثنيان: ايه ليه ما اخذها

منيره: لا بالعاده ترسل نواف او محمد

ثنيان: مشغولين جيت اخذها انا

مشاعل بهمس: ماشاء الله فجاءه حب الشغل

الترف اللي ملت وهي ترجع العيال طلعت وهي متوجهه لثنيان: ثنيان وش تسوي بقسم الحريم

ثنيان: خير ان شاء الله لا يكون بتطردوني من هنا بعد

الترف: محشوم لكن فيه حريم بياخذون راحتهم وانت جالس

ثنيان: بيت ابوي تراه

الترف : ادري بس يعني روح للمطبخ او انتظر برا

ثنيان: ليه من فيه غريب

منيره: امل امل زوجة سيف

نوف جت: هاذي القهوه وصلت

ثنيان: هاتي هاتي طلعت روحي من ذا القهوه

الترف : اذا بغيت شي ارسل عمر ولا محمد احسن

مشاعل: ايه

ثنيان قبل يطلع شاف بنت ماجده وابتسم بهمس : ايييه كذا الموضوع اوريكم

طبعا ثنيان طول الوقت وهو رايح جاي والكل مستغرب ان ثنيان يشتغل وبالحقيقه ثنيان مبسوط بغيرة زوجااته وبشكل خاص الترف

اخر دخول له بالدفتر وطلع رهام يعطيها الدفتر ببتسامه وهو يناظرها بحب عمره ما تخيل ان بيجي اليوم اللي تزوج فيه رهام

انتشر التصفيق بعد ما وقعت رهام وتقدم ثنيان وهو يحضنها ويبارك لها

منيره بهمس: الترف طلعي ثنيان ترا كلنا هنا مافيه الا خالتي وهالسحليه تحت

الترف : يلا يلا

تقدمت الترف لثنيان وهي تمشي معه لف ثنيان ببتسامه: اخيرا جيتي !

الترف : كيف يعني

ثنيان: كان المفروض اني اول واحد يشوف ذا الكشخه لكن صرت الاخير

الترف ابتسمت : الكشخه المهمه الحين هي كشخه رهام والباقي بلا

ثنيان : والله لكل انسان أولوياته مثلاً انا يهمني اشوفك اول شخص

الترف : مب على اساس تعدل اشوف فيه انحياز

ثنيان: اوك اعدل بكل شي وباللي اقدر عليه لكن قلبي ما اتوقع اني اقدر اعدل فيه مب في يدي

الترف لفت ببتسامه : عشان ما اصعب الوضع اتوقع انك تأخرت على الناس

ثنيان ابتسم وطلع دخل وهو يشوف الكل يبارك لمحمد تقدم وهو يسلم عليه ويبارك له

وبعد شوي دخل محمد لرهام ومعاه نواف وسيف

وابو ثنيان اما ثنيان جلس عند الرجال بما انه سلم عليها .................••............

في الصاله

عند رهام اللي كانت في قمة ارتباكها كانت تنتظر محمد سمعت صوت خطواته اللي تشبهه دقات قلبه وقلبها شدت على مسكتها بفرح لما حست بيده على كتفها وهو يتقدم ويبوس راسها

اما محمد اللي كان يفتقد شعور الفرح كان على قد ماهو شامخ وواقف بثبات على ما قد داخله كله يرتجف مثل الريشه غمض عيونه اول ما انتشر عطرها بصدره ماكان وده يبتعد لكن تذكر ان عمه موجود وقف جنبها وهو يحاول يضبط نظراته وانفاسه المتسارعه

تقدمت فجر وثريا وام ثنيان ومنيره يسلمون عليه ومن بعدها ابتداء يلبسها الشبكه وهو يدعي ان محد يحس برجفته

وبعد صراع مشاعر حلوه دخلوا المجلس وتسكر الباب وعم الهدوء المنعزل عن الناس ومحمد اللي حس انه جمد ورهام نفس الشعور لف بعد هدوء طويل وهو على كثر ما رتب كلام ضاع منه ناظرها بحب وهو خلاص يحس طاح من عمره عمر كان وده يحضنها بس ماقدر كان وده يتكلم بس عجز ضاع وقت محمد اللي من فرحته وده يحنطها قدامه دخل نواف : يلا يا ابو الشباب خلص وقتك

محمد : بدري

نواف : اقول يلا بس قبل استعدي ثنيان يطلعك بإذنك

ثنيان طل: حتى اني وصلت

محمد ندم انه ماقدر يتكلم وقام بهدوء وطلع ورهام اللي كانت فعلا تتمناه يسكت مايقول شي لان رسالته امس كفت ووفت

واللي كان مريح محمد انه بيرجع يقولها كل شي بقلبه من الحين براحه

.................••............

في قسم الرجال

عند ثنيان ومحمد ونواف اللي طلعوا هم وعجاج بعد الملكه

محمد : وين بتودوني

ثنيان: عازمينك عزيمه غير شكل

عجاج: اعتبرها اغلى هديه بتمر عليك

نواف : كأني حسيت بها

عجاج: عازمينك على سامري

محمد : مب من جدكم

ثنيان لف : شوف حبيبي محمد ترا اذا عزمناك على شي ثاني اعرف انك ماتسوى شي عندنا لكن طالما عزمناك على سامري اجل اعرف انك بالقلب

عجاج: وانا اشهد

نواف : هذا نظامهم ترا

محمد : يلا بما اني مستانس معكم اجل

فعلا كان هذا وضع ثنيان وعجاج اللي اذا كانوا بقمة الفرح راحوا لسامري واذا كانو بقمة الزعل بعد اتجهوا لسامري حب غريب بس يعتبرونه الرقم الاول المتحكم بروقانهم

تماماً يشبهه مكانة القهوه الساخنه في قلوب الناس الكلاسيكيه ................••............

في قسم البنات

اللي بعد ما طلع محمد هجموا على رهام وشغلوا سمعاتهم وبدوا بالردح والفله في بداية الامر كانت الترف خجلانه لكن بعد فتره دخلت هي ونوف الجو مع بعض وبدعووا حرفياً

رغم وجود ام ثنيان الا انهم فصلووا

كانت الترف ترقص مع نوف وتقلب على منيره اللي ضايعه برقصهم ومن بعدها دلال ومشاعل وامل وبعدها على فجر ولكن وقفت وهي تشوف ماجده اللي جالسه بوضع عادي كأنه بيت اهلها الترف اللي كانت ترقص ورايحه جايه وهو ودها تخنق ماجده

.................••............

عند العيال اللي كان السامري عندهم قايم والكل يرقص بحمااس بعد ما وقفت الاغنيه تقدم ثنيان وهو يطلب من للي يغني

ورجع وهو يمسك ذراع محمد من يمين وعجاج من يسار وجلسوا ( رقصه لسامري )

عجاج :وش قلت انت !

ثنيان اللي غنى معهم :اهديت لك يازينِ قلبي هديه .. وش عاد تهدين

يازين لامريتِ سلم عليه .. ياكامل الزين

لو بصبعك يازينِ رد التحيه .. ياداعج العين

ثنيان كان داخل مع الوضع جو ومحمد جات له السطور على ما يبي وعجاج اللي من غير شي هواوي ونواف هو الوحيد اللي عايش على انه ينبسطط ويسولف ويضحك بس

................••............

انتهى الليل اللي كان كله فرح ورقص ووناسه الكل طلع اللي بقلبه والكل استانس

بما فيهم رهام اللي كانت تنقي الاغاني نقوه وهي في نفسها تهديها لمحمد

اما محمد اللي للحين مب مصدق وللحين يعيد اللحظات في باله حتى لو اللحظات كانت صامته

................••............

في بيت ثنيان

ثنيان اللي دخل بيته بعد ما انتهى الليل وشاف المكاان كله هدوء وطلع وهو للحين فيه طاقة الرقص والغنى كان متجهه لغرفة منيره كبداية جدول وهو يردد الابيات ويتهزع ( يرقص بشويش )عليها وهو متوقع ان الكل نايم

الترف ومشاعل كانوا سهرانين عادي بما ان الوضع انتهى وهم مب تعبانين وجالسين يحللون السهره

كانت غرفة الترف مفتوحه ولفوا وهم يناظرون ثنيان اللي باقي في اندماجه

ضحكت الترف وهي تاخذ علبه المنديل ووقفت وهي تكمل معه وتغني بضحك ولف ثنيان بفشله : انتم صاحين؟؟

مشاعل : اييه صاحين ومروقين وواضح بعد انك مروق

ثنيان ابتسم وهو يجلس جنبها: حمدلله ووالله يديمها اجل وينها منيره

مشاعل: مسكينه منيره تعبت وراحت تنام

ثنيان: والعيال

مشاعل: بعد ناموا

ثنيان: وانتي كيفك عسى ما تعبتي

مشاعل: لا الحمدلله مرت على خير ، دامك جيت اجل بروح انام

ثنيان : عوافي

طلعت مشاعل واالترف اللي ما صدقت انها توقف رقص وهيضها ثنيان كانت مكمله وهي تغني تقدمت وهي تمسك ذراع ثنيان اللي دخل معها بالجو وهي تدق على علبة المناديل وتغني

رمح الهواى قاعده عسكريه .. بين الحجاجين

فيها صواريخٍ وبها مدفعيه .. لك مستعدين

رميتني بالفردِ والبندقيه .. يوم انت ترمين

وكمل ثنيان وهو مروق على الاخير كان هالجو يعجبه دايما ويحب يغني ويحب يرقص واخيرا حصل احد على جوه وكمل يغني معها

هذي طعونك بينات وخفيه .. يوم انت ترمين

سلمت روحي رافعٍ لك يديه .. حسب القوانين

والترف اللي كانت تضحك مره ومره ترقص

واتفقوا على اخر بيتين وبصوت واحد

امين رب البيت يسخرك ليه .. ايضا قل امين

ونعيش انا وياكِ عيشه هنيه .. رغم الحسودين

ارتمى ثنيان على الكرسي وهو يضحك : بسجل هاليوم في قائمة اسعد ايام حياتي

الترف : الله يبرد قلب رهام ومحمد وسعوا صدورنا

ثنيان كان يناظر الترف بكل ود وانتماء وقف : دامتس استانستي نامي وعيني من الله خير وانا بروح انام بعد تعبت خلاص

الترف : اي والله حقها نومها بعد الردح

ثنيان دفها بمزح وهو مايبي يناظرها ويضعف لها طلع متجهه لغرفة منيره اللي كانت مسكينه من التعب في سابع نومه بدل ورمى نفسه بتعب وهو يحس شعوره من الفرح للحين يرقص

................••............

في بيت ابو محمد

محمد اللي ما صدق وصل البيت وتطمن ان ابوه بخييير واموره تمام انسدح جنبه وهو يسحب جواله فتحه وهو يطير لرقم رهام اتصل وهو ينتظر اللحظه اللي بيسمع فيها صوتها

ردت رهام بصوت خجلان: الو

محمد : اخييرا يا هال الو

كانت رهام ساكته ومحمد اللي ما صدق انه يسمع الصوت الا انفجرت كل مشاعره : اوك اول شي مبروك علينا

رهام : يبارك فيك

محمد : ما بغينا يا ربي اللهم لك الحمد قد ما كنت منتظر ذا اللحظه ، والله اني اول مره في حياتي استعد بالكلام ولكن انساه في ثواني

رهام اللي كانت ودها تقول ( وانا اول مره في حياتي تمر علي سطرين من الكلام ودي ان الدنيا توقف عليه )

كان محمد مسترسل يشرح اوضاعه ورهام يهمها حتى الفاصله بحياة محمد وطووا ليلهم على هذا النظام

................••............

من بكره الصباح

عند عجاج اللي كان يتقلب وهو يقلب موضوع الزواج براسه وقف وهو يشوف عيد نايم لبس وطلع وهو يسلم على اهل الحاره راح لبيتهم وهو يشوف ابوه اللي جالس قدام الباب كان بيتقدم وقال ابوه: انقلع من قدامي لا اشوفك

عجاج: يا يبه مايصير كذا والله انا مالي دخل بزواجك

ابو عجاج : اوريك اوررريك كيف تخرب اوريك

عجاج: يا يبه انا لللي في وضع انك تزوجني مب انت

ابو عجاج : تخسي ازوجك تخسي اجلس خس مثل الكلب

عجاج: اجل اعرف اني بتزوج يايبه

ابو عجاج ضحك باستهزاء: اييه ايه بتزوج من وين ي حظي بتجلس تشحذ

عجاج بقهر: بشحذ لكن اشحذ الواحد الاحد

تركه وراح وهو مقهور من ابوه اللي ماعنده اي مسؤوليه اصلا مايبيه خلقه طلع متجهه لدوامه وهو مقرر انه خلاص يخطب

.

.

انتهى البارت💓

« البارت الثامن والثلاثون»

.

.

مر الليل وثنيان يساوم سامي اللي كان اخذ فلوسه منه اشبه للموت ونهايةً رضا وابتسم ثنيان اللي رفع راسه على اذان الفجر طلع وهو يتوضى وصف مع افراد الشرطه وهو يصلي معهم وكان يدعي الله انه ما يكون ظلم سامي لان بالمقابل شوق ما خسرت شي بسيط

ثنيان اللي كان دمه محترق على شوق وعلى اللي صار فيها وهو ناسي حرقة السجن اللي للحين ثنيان تحت تأثيره ومانساه

................••............

الساعه 8 بعد ما وقع سامي على التنازل التام بنص املاكه لشوق اخذ ثنيان الورقه وهو يطلق سراح سامي بعد تهديد جبري وانه يذلف من الرياض بكبرها

طلع سامي اللي كان يدري انه ما يقدر يجازف بنفسه وينسجن ويدري زين ان زياد غلطان فقرر انه ينسحب افضل ويبتعد عن كل شي ويروح يدور زياد ................••............

في بيت ابو ثنيان

الكل جالس يفطر ولف ابو ثنيان:نواف ليه اهل ثنيان هنا !

نواف : والله مدري يبه امس رهام تقول ان ثنيان سهران عند اصحابه

ابو ثنيان:لا اكيد فيه شي

ثنيان دخل بتعب : سلام عليكم

ابو ثنيان: عليكم السلام

ثنيان: كيفك يبه

ابو ثنيان : بخيير انت وش فيك

ثنيان: ولا شي

نواف : ابوي مستغرب ان اهلك نايمين عندنا وانت مب فيه صاير شي

.ثنيان كان يناظرهم بهدوء : يعني فيه مشكله بسيطه

ابو ثنيان: كنت حاس وش فيه

سيف دخل : سلام

الكل رد السلام بسرعه ولفوا لثنيان اللي قال: امس اتصلت شوق بأمها اخر الليل وكانت منهاره وطبعا رحنا لها وكانت في حاله يرثى لها

نواف : لييييه وش فيها !

ثنيان: سامي استغل فرصه بعدنا عنها وصار يعذبها

سيف : شلون يعذبها

ثنيان: شلون يعذبها يعني معيشها مع الخدم تصحى بضرب وتنام بضرب حالتها حاله حتى الللي فالحروب مب مثلها

ابو ثنيان: وبأي حق ان شاءالله يمد يده عليها

ثنيان: بحق انه يربيها

نواف وقف بغضب : يخسي يمد يده عليها

ثنيان: اجلس يا نواف الموضوع انحل

ابو ثنيان: وشلون انحل

ثنيان اللي ابتدا يألف قصه على سامي وانه تنازل عن نصف املاكه

سيف : برافو عليك يا ثنيان تعرف تقلب الامور اذا صار الموضوع يفيدك

ثنيان لف له بهدوء: وش اقصد يا سيف

سيف : ولا شي خذ راحتك

ثنيان: راحتي موجوده بس لا تاخذها انت

ابو ثنيان: وش ذا الحكي انت وياه

ثنيان : عالعموم شوق هنا كل اللي بيصير إنا بننسى اللي فات ونكمل حياتنا زي الناس واتوقع انها اخذت درسها

ابو ثنيان: وتنسى ثلاث شهور

ثنيان: حتى اني نسيتها يبه

وقف ثنيان وهو متجهه لقسم الحريم دخل لما تأكد مافيه احد وهو يسلم على راس امه اللي متضايقه من وجود الترف اللي وقفت لما شافت ثنيان

ثنيان: اجهزي بكلم دلال وارجع

طلعت الترف تجمع اغراضها وثنيان اللي اتجهه لغرفة دلال وهو يدق الباب وفتحت دلال: ثنيان

دخل ثنيان وبيده الورقه رماها على شوق اللي كانت متكتفه ببكي : خذي ، اشبعي فيها

دلال :وش ذا يا ثنيان

ثنيان: ابد الفلوس اللي كانت تهم الاستاذه شوق

دلال: من قالك نبي فلوس يا ثنيان

ثنيان بصراخ: وش تبون يا دلال زياد طار واختفى لو نحفر عنه شبر شبر ما بنحصله وسامي جحد كل شي وانهاه ولكن هاذي نص املاكه شفت انها ممكن تعوض بنتك شوي خصوصا انها تهمها الماده والفلوس

شوق ببكي : والله مابي شي يا خالي ابي تاخذ حققي بس

ثنيان: هذا حقك

شوق بكت وهي تدري ان مستحيل يحصلون زياد ولكن ماكانت مهتمه كثير بالفلوس

وهي تسمع بكى امها ، ثنيان: لا تبكين يا دلال لا تبكين هذا غلطها وبتحمله هي بلحالها

طلع ثنيان وهو مقهور عليها بس كان يبيها تاخذ درس وتتعلم ان الفلوس ماهي كل شي ما تغني عن اشياء كثير

شاف الترف واقف واتجهه لها : يلا

نزلوا وطلع ثنيان بعد ما حذر امه ورهام والكل

.................••............

في بيت ابو محمد

عند منيره اللي ما كانت تدري عن شي وهي ما تشوف الا اجتهاد محمد في بيته وفرحته لفت وهي تساعد ابوها فالاكل وعقلها تماما عند ثنيان اللي للحين ما مر ولا فكر يتصل عليها

................••............

في بيت ثنيان

الترف اللي كانت تدري ان حالات شوق مع ثنيان تسبب له ضغط نفسي كانت واقفه وهي تشيل ملابس ثنيان اللي راميها شافته وهو جالس على الابتوب وهو يكلم وكان ثنيان يحاول يحصل زياد بأي طريقه

ماحاولت الترف تسأله ابد وتركته يفكر وياخذ راحته

لفت لما سمعته يقول : جهزي قهوه سريع بيجي رجال

الترف : طيب

نزل ثنيان وهو يتسقبل عجاج : وش فيك خبصتني

ثنيان: ولا شي ضايق وقلت اناديك وندردش

عجاج: ندردش حبيبي هالكلمه كنا نقولها ايام الثانويه عشان نصرف العيال اذا عندك مشكله ودامك قلتها اجل وش السالفه

ثنيان : يوووه يا عجاج يووه

عجاج : قول

ثنيان: ابد عم شوق هالكلب معذبها

ثنيان ابد ما قال لعجاج موضوع شوق قاله الامور سطحيه جدا

عجاج: تستاهل هذا عمها اللي شادده الظهر فيهه

ثنيان : صار اللي صار

عجاج : بس قاهرتني خييير

ثنيان: الله يصلحها لأمها انا ما بيدي شي

عجاج: طيب دامها انتهت انت ليه متضايق

ثنيان: بنت اختي يا عجاج

عجاج سكت شوي :اجل وين عيالك

ثنيان: اي الله يا عيالي لي يومين ما شفتهم اشتقت لهم والله

عجاج : وش بلاها حياتك انت صايره اكشن

ثنيان: غصب علي

قام ثنيان وهو ياخذ القهوه وجلس هو وعجاج يسولفون ويحاول ثنيان يهدي ويعدي الوضع اللي مثقل على صدره كان يحاول ثنيان انه يفهم ان هالشي خلاص صار ما يقدر ثنيان يصلحه مهما صار

................••............

مر اليوم

وثنيان طول الوقت مع عجاج لما قدر يعدل مزاجه وراح عجاج ودخل ثنيان معاه الاغراض وهو ينزلها بالمطبخ

الترف : راح عجاج كنت حاسبه حسابه للعشاء

ثنيان : لا راح

جلس ثنيان على الطاوله وهو يروح ويجي مع الافكار

الترف نزلت العشاء : ثنيان يلا

ناظر ثنيان بهدوء وقبل يرفض مسكته الترف: خلفت ما ترفض افا يا ثنيان من اليوم تعبانه فالاخير ترفض والله تاكل

ثنيان : يالترف مالي نفس

الترف : افا والله مالي خاطر

ثنيان: لا والله الا لك الخاطر كله

الترف : اجل سم بالله

قرب ثنيان وهو ياكل اما الترف اللي بدت من جديد وهي تحاول انها تسولف بكل شي عشان ينشغل ثنيان معها ويسولف وياكل وقدرت

بعد العشاء كان ثنيان جالس على الطاوله وقدامه كوب شاهي والترف اللي تغسل

ثنيان اللي من دون سابق انذار قال : يا الترفي

لفت الترف مستغربه لكنت الاسم وطريقته وحتى صوت ثنيان فيه : سم

ثنيان : وش رايتس تغنين لنا

الترف سكرت المويه وهي تناظره بأستغراب : بسم لله وش فيك تكلم كذا فجعتني

ثنيان ضحك : ابد ابي اسمعتس تغنين

الترف : وين يا رجال من زين صوتي

ثنيان وقف وهو ياخذ كوب الشاهي له ولها وعطاها وهو يحط ذراعه على كتفها ومشى وهو يقفل كل اضاءة البيت وطلع للحوش وهو يجلس على الدرج والترف جنبه وكان فيه اضاءه خفيفه من الشارع والبيوت من برا والباقي ظلام لف وهو يبتسم: من قالتس صوتس مب زين

الترف؛ انا اعرف

ثنيان: اجل اسمحي لي اقولتس انتي خبله

الترف: الله اصلا متى سمعت صوتي عشان تحكم

ثنيان : تتوقعين يعني اني ساكت عن الانوار اللي تتشغل على راسي وانا نايم والشمس والازعاج عشان ايش كله عشان صوتتس اذا غنيتي

الترف ضحكت : الله اثاريك تجسس يا حضرة الضابط

ثنيان: ما يعد تجسس اصحى على اخر شطر

الترف: اغني بشرط انك تغني معي

ثنيان: انتي ابدي وانا اكمل

الترف: وش تبي طيب

ثنيان : تعرفين يا غايبه!!

الترف ضحكت : ومن ما يعرف الغايبه

ثنيان: اجل غنيها واعتبريها لك

الترف اللي انحاست مشاعرها وبالقوه استجمعت صوتها وهي تغني : يا غاايبه الا عن الخافق سلااام

ردي علي يا همسة العاشق سلااام

ردي وخذي مني ليالي في العمر

أقطف لك النجمة وأذوب لك قمر

وألبسك ثوب النسيم وأعطر أيامك زهر

واختلط صوتها بصوت ثنيان لما غنى معها

وأقول أحبك ... أنا أحبك .. وأفرش لك الدنيا حرير

ماهو على الغالي كثير

ضحكت الترف بخجل وكانت ابتسامتها تشلع قلب ثنيان حرفيا وسكتت وهي تقول : والله كثير مقدر اكمل

ابتسم ثنيان بضحك : اجل تعالي بوريك شي

قامت معاه ودخل للمخزن وهو يفتح صندوق ويطلع منه شي ملفوف استغربت الترف وابتسمت لما كشف عنه وكان عود

طلع ثنيان وهو يجلس : اجلسي اجل وانا بكمل تطلبين شي

جلست الترف جنبه ببتسامه : ابد اللي تبي تسمعه وانا اسمعه

وثنيان اللي نسى عمره وابتسم وهو يبدا :

أجاذبك الهوى واطــرب وأغني وأبادلك الغرام بكــــــــل فنّي

وأشاهد صنعة الله فـــي جمالك وحكمه الذي فيـــــك امتحنّي

وطوى ليله ثنيان وهو يغني والترف معاه وهو كأنه فاقد الذاكره كأنه ما يعرف الا الترف والباقي سدى

اما الترف اللي اول مره تحس انهم قراب من بعض لدرجة انها تشوف نفسها فيه

................••............

ومن بكره في بيت ابو ثنيان

شوق اللي كانت رافضه تنزل فزت لما دخل ابو ثنيان : شوق

شوق : نعم

ابو ثنيان : ليه ما تنزلين تفطرين

شوق : مالي نفس

ابو ثنيان : يابنتي اللي راح راح واللي صار صار قومي غسلي وجهك وتعوذي من ابليس وتعالي افطري وتوبي لله قبل تخافين وتستحين من الناس

دلال: يلا يمه قومي

شوق بكت: جدي سامحني

ابو ثنيان: الله يسامح الجميع يلا قومي

قامت شوق ونزلت وهي تشوف الكل ينتظرها بالصاله وكان زعل ام ثنيان منها واضح

جلست وهي متردده وطبعا نواف ورهام ونوف ابتدوا يتصرفون ان الوضع طبيعي ويضحكون ويتهاوشون وهم يبون يحسسون شوق ان ماصار شي رغم انهم زعلانين منها بس عشان تهديد ثنيان ووضعها

................••............

في بيت ابو محمد

محمد اللي من يوم صحى وهو مقرر يملك اليوم ويكون زواجه قريب

لبس وطلع : منيره تبين شي

منيره :سلامتك وين رايح

محمد : بروح عمي بكلمه نقرب الزواج

منيره: ليه مستعجل

محمد : معاد لي حيل اصبر خلاص صبرت سنين

منيره: اجل خذ محمد معاك لابوه يسلم عليه

محمد: غريبه ثنيان ما مر

منيره: مدري يمكن مداوم شي

محمد : يلا اجل حمووود يلا

طلع محمد اما منيره اللي قفلت جوالها بغضب وهي زعلانه من ثنيان اللي مهملهم

................••............

في بيت ثنيان

اللي صحى وهو حلمان بمشاعل حلم يفجع فز وهو يسحب الجوال وبسرعه اتصل فيها وجاه صوت مشاعل :هلا ثنيان

ثنيان: صباح الخير

مشاعل: صباحك نور

ثنيان: كيفك اليوم كويسه

مشاعل: يعني الحمدلله

ثنيان: ليه يوجعك شي

مشاعل: تعب الحمل بس

ثنيان اللي ابتدا يخاف عليها: طيب وش رايك اجيبك فالبيت عندي عشان اتطمن

مشاعل: لا يا ثنيان بجلس عند امي

ثنيان اللي يحس انه مب متطمن : طيب خلاص انا شوي وبجي لك

مشاعل: طيب

سكر ثنيان وهو يرمي الجوال قام وغسل ونزل بتعب وشاف الترف اللي مجهزه الفطور : صبحه الله بالخير ضابطنا ومطربنا

ابتسم ثنيان : صباحك نور يالترفه

جلس على الارض وهو متعود ان الترف ما تاكل الا بالارض

كانت الترف تلاحظ ضيقه وللحين ماتدري وش سالفة شوق فا توقعت منه انه ضايق عشانها

ثنيان بعد سكوت: ليش ما تسألين شفيني رغم انك تشوفيني

الترف : مابي اضايقك طالما انك ما قلت معناته ماتبي احد يدري وانت ادرى

ثنيان: بس انتي مب اي احد

الترف : لا تحسب اني ما يوجعني قلبي على اني اشوفك ضايق لكن انا فعلا ما احب انبش ضيق احد ذا بتقولي تعرف اني بسمعك من كل قلبي

ثنيان ابتسم : انتي بذات سأليني ونبشيني واعرفي كل شي فيني

الترف قربت بعباطه: اجل علمني وش فيك

ثنيان تنهد : من جهه شوق ومن جهه مشاعل

الترف : وش فيها مشاعل

ثنيان : مدري ليه احس ماني متطمن مدري ليه احس خايف عليها

الترف : عشانها حامل بتؤام وحملها صعب تحس انك خايف لكن هي بخير ان شاء الله وتعبها طبيعي

ثنيان : ودي تجي هنا واشوفها تحت نظري ما تروح

الترف : عند امها احسن وانت كل يوم روح لها

ثنيان: قولك !

الترف : خذ مني القول

ثنيان: اجل توكلنا على الله

الترف : شوق !

ثنيان اخذ نفس وهو يقولها كل شي رغم انه اخفى عن الكل وكانت شهقة الترف بصدمه طلعت وكأنها طلعت من صدر ثنيان

ثنيان :مدري وش اسوي فيها

الترف وهي ماسكه راسها وبعد شوي قالت : والله مدري وش اقول بس اتوقع اللي سويته يكفي ويكفي انك تخبي هالسر

ثنيان : والله مدري وش اسوي والله

الترف : يكفي اللي سويته والباقي الوقت بيحله

ثنيان كان بيرد بس سكته الباب وقف وهو يفتحه شاف محمد وابتسم وهو يسلم على ولده بحراره وعلى محمد

محمد : خير يا ابن العم مختفي وش فيك

ثنيان: والله كان عندنا مشاكل بالدوام وغير ام عمر تعبانه

محمد : يلا اجل الله يعينك وانا انتظرك عند عمي ضروري

ثنيان: يلا ببدل وألحقك

دخل ثنيان وهو يسولف محمد وقال محمد: يبه ليش ماتجينا في بيت جدي ولا انت ماعاد تبي امي

ثنيان لف بسرعه: وش ذا الحكي من معلمك ذا الحكي

محمد : محد بس انت قبل خليتنا في بيت جدي وكنت ما تبي امي

ثنيان: محمد اسمعني زين لو اسمع ذا الحكي ما يصير لك طيب كلام الكبار مالك داعي فيه وبعدين امك هناك عشان جدك

محمد : اسف يبه

ثنيان: خلك جاهز بنروح لعمر بعد شوي

محمد : طيب

جات الترف وهي تسلم على محمد بحب وتسولف معه ونزل ثنيان بعد ما بدل : محمد بتروح معي ولا تجلس لين امرك

محمد : بروح معك

الترف: رايح لمشاعل

ثنيان: اول لابوي وبعدين لمشاعل

الترف : زين بس ترا بنادي البنات

ثنيان: يلا

................••............

في بيت ابو الترف

عند رهام اللي كانت جالسه هي ونوف يرتبون المجلس الخارجي ويسولفون ونواف جالس على جواله وهو يرد عليهم وقطع الكلام دخول محمد : سلاااام عليكم

نوف اللي كانت تمسح ورا الباب جمدت اما رهام اللي كانت طالعه على الطاوله تمسح المكيف شهقت ولفت بصدمه وفز نواف : محمد

محمد اللي ما ركز على نواف وهو يشوف رهام اللي جلست قبل تطيح وهي تغطي وجهها بالمنشفه رجع لورا وهو يبتسم : اسف ما توقعت فيه احد

نواف : عطنا طريق يا ابن العم

لف محمد وطلعوا نوف ورهام يركضون ونوف اللي ميته ضحك: وش ذا الشوفه شافك وانتي متعلقه الله يستر لا يكنسل

ضحكت رهام وهط تقول بنفسها( اووه الشوفات كثير بس هاذي علنيه ) .

محمد : معليش يانواف ما دريت

نواف : معذور يا ابن الحلال حصل خير

محمد : وينه عمي

نواف : الحين اناديه

راح نواف وهو يهاوش نوف : ما قلت قفلي الباب انا

نوف: وش دراني انه بيدرعم بعدين ماشاف الا خطيبته

نواف: طسي بس رهاموه نادي ابوي

رهام: طيب

................••............

في بيت ابو ثنيان

ثنيان دخل وهو معاه محمد وجاء سيف وهو معاه وائل ناظره ثنيان بهدوء ورد السلام ودخل ودخلوا كلهم وجلسوا ينتظرون ابو ثنيان اللي دخل : حي لله محمد

وقف محمد يسلم عليه وومحمد الصغير اللي كان يلعب مع وائل وثنيان مركز على نظرات سيف له

محمد : انا يا عمي جيت ودي اكلمك إن يكون الزواج قريب لان مثلك عارف وضعي

ابو ثنيان: متى تبيه يامحمد

محمد: شهر يكون كافي

ثنيان: ايه شهر كويس

محمد : انا جيت اليوم بعطيك المهر وبكره نملك والزواج بعد شهر

ابوثنيان:تم اجل

محمد ابتسم: تمت افراحك يا عمي

ابتسم ثنيان: الله يتمم لك ياحمود

محمد: امين

سيف: مب كأنه بدري مره

ثنيان: لا مناسب

ابو ثنيان: لا اشوفه مناسب

محمد : عندك اعتراض ياسيف عاد انت ادرى كيف تترتب الامور

سيف ناظره بطرف عين: منك نتعلم

ابو ثنيان هز راسه بضيق: وكيفه ابوك يا محمد

محمد : حمدلله احسن

ثنيان وقف : اجل انا استاذن

طلع هو ومحمد متجهين لبيت مشاعل

................••............

عند رهام

اللي كاانت تكلم الترف وقالتهم يجون حتى شوق وامل راحت وهي تقول لدلال

دلال: لا شوق تعبانه

رهام: بس خليها تجي تغير جو

دلال: لا روحوا انتم

رهام: بكيفك يلا يا نوف نروح لامل ونقول لها

نوف : يلا

راحوا وهم يدقون على امل اللي ردت: هلا يا رهام

رهام: اهلين اسمعي الترف تنادينا للقهوه بتروحين معنا

امل : بقول لسيف

رهام: يلا ننتظرك

جاء نواف : رهاموه يلا يلا ابوي يبيك

رهام: وش فيك بعد ياخي انت دايم تفجعني

نواف : هالمره بنسفرك تسفير خارجي

ضحكت نوف : اما لا تقول بتزوج والله يشكر محمد اللي صامل بعد المنظر للي شافه

ضحك نواف : له الجنه

رهام ارتبكت وطنشتهم وراحت لابوها اللي قال لها موعد الزواج والملكه واعطاها المهر

طلعت رهام بصدمه وفرحه وهي تناظر المبلغ خلاص صار الجد بكره بتتملك

نوف: يلا بنتأخر على الترف

رهام: اي بنت وش ترفه اقولك ملكتي بكره لازم اقل شي يكون عندي فستان جديد

ضحكت نوف وهي تشوفها مختبصه : تعالي بنقول لامي

ركضوا وهم يقولون لام ثنيان ودلال وقالت ام ثنيان : دلال يا بنتي روحي معها لسوق شوي

دلال : طيب يمه

اعطت رهام امها المهر وهي قلبها يدق بفرح

نوف : يلا دام السوق شوي بنروح لترف الحين

رهام: يلا

امل اتصلت فيهم وقالت ان سيف رفض

رهام: ياخي سيف مستفز

نوف : يا بنت الحلال خليه يولي يلا تأخرنا

................••............

في بيت اهل مشاعل

وصل ثنيان ودخل وهو يسلم على عمر رفع راسه لها وهو يسلم عليها : هاه كيفك

مشاعل: مثل ما انت شايف

ثنيان: افكر لو انك تروحين للمستشفى عشان نتطمن

مشاعل : لا كذا احسن المستشفى يمرضوني اكثر

ثنيان : والله ودي لو تروحين معي

مشاعل : انت شايف وضعي احتاج امي

ثنيان : طيب محتاجين شي تبون شي

مشاعل: ابد سلامتك بس خذ عمر معك احسه طفش

ثنيان : ابشري

كان ثنيان ياخذ ويعطي مع مشاعل ويسولف معها وهو يحس انه اشتاق لها فعلا وخايف عليها اخذ عمر ومحمد وطلعوا

......••............

في بيت ثنيان

ررجع ثنيان للبيت بعد ما تمشى هو وعياله وانبسطوا دخل قابل نوف ورهام طالعين

ثنيان: وين

نوف : خلاص بنروح بيتنا

ثنيان: بدري

نوف ببتسامه: ماعاد بدري عند رهام

ضحك ثنيان: اجل ما نعطلك يا عروسه

ابتسمت رهام وراحوا ودخل ثنيان والعيال وركضت الترف وهي تسلم على عمر

ورفعت راسها: كيف مشاعل

ثنيان:ان شاء الله بخير

عمر: بنطلع نلعب يا بلاستيشن يبه

ثنيان: يلا شوي وانزلوا للغداء

طلعوا وجلس ثنيان وهو يكلم عجاج وابتسمت الترف بعد ما انتهى ولف عليها: وش فيك تضحكين

الترف : ابد احب كلام الاصحاب تذكرني بسلوى ونوره

ابتسم ثنيان: حلوين الاصحاب

الترف بكيد: تصدق اني ادعي ان نوره تزوج وتجي معنا فالمدينه قريب مني

ثنيان: ليه

الترف:زهقت وانا لحالي ابيها معي يا زينها نوره

ثنيان: نوره بتتزوج بس لا تضمنين تجي هنا

الترف : ما ادري من ذا اللي بيتزوجها ويجيبها هنا

ضحكت وهي تلمح : ليت الايام مثل الاحلام كنا دايم ندعي نتزوج اخوان ولا اصدقاء عشان نكون مع بعض سلوى تزوجت اخوي وباقي نوره

ثنيان ابتسم : نزوجها نواف

ضحكت الترف برعب : وين نواف عشان امك تكمل عليك

ثنيان ابتسم :الا تعالي على طاري الزواجات انا فكرت في شي

الترف: وشو

ثنيان: كلمت ابو عايض عن نعيمه وقلت لهم ان فيه ناس كويسه لو يتزوجها عايض ويستر عليها

ابتسمت الترف بصدمه: وش صار لك صاير خطاب ،وبعدين وش معنى عايض

ثنيان ارتبك : لا مب يعني عايض بس قابلني بعد السالفه وقلت يمكن ربي يكتب نصيب

الترف ( الله لو تدري اني مخططه قبلك بس زين جت منك ): والله مدري

ثنيان سكت وهو مايبيها تفهم انه كارهه عايض عشانها وبيفتك منه بعد سكوت قال لما لمعت في راسه فكره: اقول دامتس تقولين اصحاب وما اصحاب وش رايتس نزوج عجاج نوره

الترف اللي لفت وهي ودها تقوم تهز ( اخيييراً فهمت ) : وين ما اتوقع عجاج يوافق

ثنيان اعتدل لما جازت له الفكره: ماعليتس من عجاج قولي لي نوره بتوافق

الترف ( يا ربي رباه ماني مصدقه ): نوره مقدور عليها اقنعها انا

ضحك ثنيان : اجل ازهليهم اعتبريهم تزوجوا وانتهوا

الترف: واثق مره

ثنيان اللي تذكر سالفة الصحن وانفجر يضحك : اتوقع فيه تجاذب بعد تكفيخ الصحون

الترف ناظرته بصدمه وضحكت :لا تقول انك تدري

ثنيان : اكيد بدري

انفجرت الترف تضحك : هاذي ناويه تهبل الرجال اجل بطلنا خلاص

ثنيان ضحك وهو يرجع شعرها لورا : لا يا حبيبي محد يودينا في ستين داهيه الا الهبال

الترف ابتسمت وهي تناظره وطالت النظرات بينهم ونزلوا العيال وقامت الترف تنزل الغدا وهي تحس في صدرها شعور غريب فجاءه حست بالانانيه بحب ثنيان خلاص فعلا صارت ماتبي احد يشاركها ثنيان مره

اما ثنيان اللي اول ماشاف محمد تذكر منيره اللي له وقت مايدري بها طلع وهو يسحب جواله اتصل مره ومرتين الجوال مغلق استغرب منيره عمرها ما اغلقت جوالها رجع وهو يقول :حمود جوال امك خربان

محمد: لا

ثنيان: اجل ليش مغلق

محمد : يمكن ما شحنته وهي عند جدي

ثنيان: زين

ارسل لها ( سلام مناير اول ماتفتحين جوالك اتصلي بي )

جلس وهو يشوف الترف جايه رغم انه فاقد منيره الا انه فعلا مايدري وش يصير له اذا شاف الترف ينسى نفسه

..................••............

في بيت ابو محمد

عند منيره اللي كانت تراعي ابوها وهي في نفسها ضيق ملت من ثنيان ومن طردها وراه خلاص فتحت جوالها وشافت رسالته طنشت وهي ترجع تقفل الجوال

وثنيان اللي كان يراقب الرساله وشافها انها فتحتها ورجع اتصل بس مغلق نزل لقمته وهو مستغرب ورجع يتصل ويتصل بس ما ترد

الترف : فيك شي

ثنيان: لا ، محمد خلصت يلا اوصلك

محمد : طيب

الترف: خله يتغدى وش فيك

ثنيان: ببدل وارجع تغد

طلع ثنيان وهو مايدري وش بلاها بدل بسرعه ونزل اخذ محمد وطلع لبيت عمه

................••............

في بيت سيف

عند امل اللي كانت جالسه مع فجر والوضع رسمي بينهم دخل سيف وهو يرد السلام وطلع لغرفته وطللعت امل وراه

امل : سيف ليش رفضت اني اروح لزوجة ثنيان

سيف : انا ما جبتك هنا تكونين علاقات مع زوجات ثنيان الشي الوحيد اللي مطلوب منك تكسبين امي وابوي وتحفظين بيتك يا امل لا تخربين الحياه سامعتني

امل : شي جديد انك صاير تصارخ علي

سيف : امل اليوم مالي خلق ابد توكلي على الله

طلعت امل وهي ما حدها على سيف الا الحياه الضيقه .

.................••............

في بيت ابو محمد

ثنيان اللي وصل ونزل وهو يدق الباب فتحت منيره وهي بارده : هلا تفضل

ثنيان دخل : كيفك

منيره:حمدلله

ثنيان: عمي وينه

منيره:داخل

ثنيان تقدم ودخل وهو يسلم عليه ولما شافه مايدري عن الدنيا تراجع وقف وطلع لمنيره اللي كانت تزهب القهوه بالمطبخ : منيره ليش جوالك مغلق

منيره : مالي خلقه

ثنيان: مالك خلقه شلون ذي !؟

منيره: يعني مابي افتحه مابي ادور عليه مابيه بكبره بأختصار

ثنيان: شفتي رسالتي ومارديتي ورجعتي تغلقين الجوال

منيره: ماني فاضيه

ثنيان: منيره اكلمك عدل تكلمي زي الناس

منيره : شلون تبيني اكلمك يا ثنيان هاااه قولي كيف ، شايف كيف الطريقه تقهر شايف كيف التطنيش يعصب

ثنيان : وش تخربطين انتي تكلمي زين بدون ألغاز

منيره : مافيه ألغاز ابد انت مطنش انا ماني مجبوره اركض وراك انت ما تهتم انا مستحيل اهتم مب لاني مابي لا لاني عذبت نفسي كثييير تعبت وانا اطرد وراك ياثنيان عطيتك الحق لين صرت ما تشوفني يا ثنيان عساك مرتاح الحين عسى فضى لك المكان وارتحت

ثنيان : اضبطي كلامك يا منيره وهالتفاهه قفلي عليها وتكلمي عدل

منيره : اوه صح نسيت ان الكلام عن الترف يصير تافهه اذا ما عجبك

ثنيان اشتدت ملامحه بغضب : قلت لك مليووون مره يا منيره عدلي كلامك احسن لك واشرحي مشكلتك بالضبط

منيره : لا بشرح ولا بتعب مخي هي كلمتين ورد غاطها يا أنك يا ثنيان تضبط وضعك وتعرف الحق زين يا اني في بيت ابوي وانت الله يهنيك

والله معاد لي حيل بعد اتحمل اكثر

ثنيان اللي حس ان جسمه برد من الصدمه وهو يناظرها بصدمه : خير يا منيره خير لكن قبل اي قرار اشرحي كل الموضوع اللي انتي متضايقه منه

منيره : ثنيان مب لذا الدرجه صرت اعمى ترا حتى محمد صار ينتبه ويسأل طول يومك مع الترف تفكيرك مع الترف رايح جاي عشان الترف ولا تضحك الا لترف ولا تسولف الا مع الترف حياتك كلها صارت وراك والترف قدامك انا ما احكم قلبك لا لكن خاف الله ياثنيان ما يسوى عليك يا ثنيان

اخذ ثنيان نفس ولف وهو يمسح وجهه : ان كان فيه سبب يا منيره هو انتي انتي اللي بديتي تقارنين وانتي اللي بديتي تفرقين وتسوين مشاكل وتبعدين المسافات تزوجت بعدك لكن لانك كنتي عاقله وكنتي تدرين انتي مين وانتيي وش مكانك ماتغيرت عليك ولا تغيرت مكانتك انتي اللي هزيتي كل شي يا منيره

منيره هنا نهارت وبكت : ايييه صح هذاك اوووول يوم كان ثنيان زوجي اللي اعرفه وولد عمي اللي يقدرني يوم يناظر نظرات متساويه للكل يوم ماكانت عيونه تطير بوحده وينسى البقيه انا خلاص تعبت منك يا ثنيان تعبت

تعبت منك يا ثنيان تعبت ان كنت باقي ساكته ساكته عشان محمد ياثنيان

ثنيان اللي انوجع قلبه على دموع منيره وقرب وهو يحتضنها : انا اسف يامنيره ما توقعت الامور وصلت لهالصعوبه انا اسف اذا اوجعت قلبك لكن انتي ما قصرتي فيني بعد والغلط ماهو غلطي ولا غلطك لكن اوعدك اريحك واريح نفسي

ابتعد ثنيان بعد ماباس جبين منيره وطلع وهو يحس انه في دوامة عصصصف قاتل

................••............

اما رهام ونوف ودلال اللي كانوا يتمشون بالاسواق ويقضون ورهام من فرحتها تحس انها بتطير جلست لما تعبت ونبهها رساله بجوالها كان المكتوب فيها زاد رهام فرحها لدرجة ان قلبها وجعها ( حبيبة أيامي وشهوري وسنيني حبيبة أحلامي والليل الطويل حبيبة الصبر والأمل حبيبة الحب الطاهر رهام اخيرا بينجمع اسمي واسمك اخيرا بينقسم كل شي بينا واخيرا بتصيرين شريكة حياتي في الواقع مثل ما كنتي بأحلامي ابعتبر هاليوم عيد وابيك معي تعيدين ابي هاليوم مثلل الفجر اللي يمحي عتم الليالي ما تخيلين قد ايش قلبي من فرح يدق ما تخيلين قد ايش دعيت ربي وقد ايش شكرته حبيت اكتب لك هالسطور اللي ماقدر صدري يتنظر بها لين بكره ابي اوصلك الفرح اللي ينعش قلبي ابيك معك تفرحين .. محمد )

رهام الحين بالضبط حست بالفرح وحست صدق وش تعني دموع الفرح وقفت وهي تكمل لكن بدافع لقاء محمد بكره ................••............

عند ثنيان اللي طلع هو حتى مايبي يروح لعجاج جلس بعيد بعيد عن كل شي بعيد عن اي تأثير لازم يقرر ولازم يستوعب ولازم يفهم وش يبي

الساعات مرت ومرت ومرت وثنيان للحين بحرب مع نفسه ومع قلبه ومع ضميره ومع عقله وبين اختيارات بين الترف ومنيره

اخذ نفس لما دقت الساعه بيده على 12 وقف وهو يركب سيارته ومتجهه للبيت وهو في راسه قرار واحد وقرار نهائي مايقبل التعديل

................••............

في بيت ثنيان

الترف اللي من بعد ما طلع ثنيان وهي شايله هم وهي حاسه ان اليوم مابيكون مثل بكره طلعت بعد ماغطت عمر وهي مستغربه ثنيان ماله حس اخذت جوالها بتتصل بس وقفها دخوله نزلت مسرعه : ثنيان وينك من اليوم اقلقتني وجوالك مسكر

ثنيان : مافيني شي بس خليني لحالي

الترف: طيب بس قولي عمك فيه شي

ثنيان : لا

الترف : مشاعل؟!

ثنيان : لا

الترف : زين اجل

راحت الترف والثنيان اللي جلس بالحوش شوي وبعدها طلع مر على عمر ومن بعدها توجهه لغرفة الترف دخل وهو يشوفها صاحيه كان في عيونها قلق اقوى من قلق ثنيان اللي قرب وهو ساكت وهي ساكته سحبها وهو يحضنها حضن يشبه الحضن الاخير .

.

.

انتهى البارت✨ اتمنى التفاعل

«البارت السابع والثلاثين»

.

.

في بيت ابو محمد

عند محمد اللي من بعد ماعطوه الموافقه وهو محتار ومختبص في اي غرفه بيكون ومتى بيتزوج ومتى بيملك واذا البيت بيعجب رهام او يغيره وقف وهو يناظر بغرفتين جنب بعض ولف على منيره: اقول منيره وش رايك افتح هالغرفه على ذا الغرفه وتصير كبيره يعني ما تضايق فيها رهام

ابتسمت منيره: محمد اركد لا تطير وبعدين رهام انا متاكده ما يهمها كبر الغرف قد مايهمها كبر قلبك صدقني اعرفها انا قلبها ابيض واللي بتعطيه اياها تعتبره جنه

محمد ابتسم : اي والله انها كذا اي والله بس ودي اني أعطيها كل شي قبل تطلبه

منيره: البيت بيتك سو اللي تبي فيه بس تاكد ان رهام بسيطه وماتهمها المظاهر

محمد اللي للان ابتسامته ثابته على وجهه من الصباح وهو وده لو يقدر يفرش الدنيا لها ورد

................••............

في بيت سامي

عند شوق اللي كانت تستعد لزواجها اللي يكون بكره ابتسمت وهي تناظر فستانها اللي نفس ماكان في احلامها والدنيا حولها كلها الاغراض اللي تبيها بس كانت معبيه حياتها بالسوق والاغراض والتمشيات وناسيه امها واختها لفت اول ما سمعت باب الجناح انفتح ابتسمت اول ماشافتت زياد داخل وهو مبتسم

زياد : اوووه الحلوه هنا ! وش تسوي !

شوق بدلع : انا مكاني الليله هنا انت اللي وش جابك

زياد: جيت اتطمن على زوجتي

شوق اللي كانت تحب محمد بس تحب الفلوس اكثر ونست محمد بلحظات اول ماشافتت فلوس زياد : ابد مشتاقه لك وتنتظر الوقت اللي يجمعها فيك

زياد قرب وهو يبوس يدها : تاكدي ان شوقك ما يضاهي شوقي

كانت شوق مبسوطه وهي تحسب تودد زياد حب وكان زياد قريب منها بشكل مقرف لكنها ما كانت تعارض

زياد بهمس : دام زواجنا بكره خلينا نسهر الليله مع بعض

شوق : مايصير وبعدين عمي لو شافنا بيعصب

زياد : وش يدري عمك نايم ولا هو داري والبيت مافيه الا انا وانتي وبعدين وش يفرق بكره بتصيرين زوجتي رسمي

شوق : زياد بعد

زياد : كذا احسن

ابتعدت شوق بسرعه لما حسته ابتداء يبالغ وقبل تطلع قفل زياد باب الجناح وهم يضحك ضحكه خبيثه : ليش الخوف يا بنت عمي اعرفك قويه يا شوق

شوق : افتح الباب يا زياد

زياد : تعالي بكلمك

شوق عرفت نيته وراحت بعيد : والله لصارخ ونادي عمي افتح الباب

زياد ضحك : ناديه احسن يشوف بعيونه بنت اخوه وش ممكن تسوي

شوق اللي كانت بقمة خوفها وركضت وهذ تدق الباب وتصرخ ولكن ما فاد لان زياد عرف كيف يستدرجها حرفياً ويبعد الكل عنه والكارثه انها كانت جريئه معاه طول الفتره وكأنها تدعيه لنفسها وكانت المصيبه اللي حلت بشوق وماحسبت حسابها نهايه سيئه لشوق وتشهد عليها صرخاتها اللي كانت في معركه مع زياد اللي اخذ كل اللي يبي ورمى شوق وطلع وهو ياخذ تذكرته وشنطته بعد ماترك لابوه رساله يحتويها ( لا توقع اني بسكت وبرضا اني اتزوج بنت اخوك هال*** سايرتكم فتره وبعد ما اخذت نصيبي من الورث انتهى كل شي واتمنى تعيش مع بنت اخوك في امان هذا اذا ما قلبت عليك )

كان كل هم زياد الورث اللي بقى له من جده وكان لزياد نصيب كبير فيه بتوصيه من جده واخذ من ابوه تنازلات عشان يرضى يتزوج شوق وبعد ما انتهى واخذ كل شي طار ونسى كل شي بما فيهم شوق اللي دمرها .................••............

في ديرة الترف

عند صالح اللي للان يراضي في سلوى اللي للحين مقهوره منه دخل بعد ما اخذ القهوه من عند ابوه : المزيونه وش تسوي

سلوى: وخر عن المزيونه ال XxxL عشان ماتذبحك

ابتسم صالح: والله اني نيتي حسنه بس مدري كيف اوصلها انا اقصد اني اشوفتس تضايقين من ملابس اللي صغرت عليك واللي صرتي ما تحبينها قصدي تاخذين شي ترتاحين فيه

سلوى: انا ما يذبحني الا نيتك يا صالح بيجي يوم وتذبحني وتقول نيتي حسنه

صالح: عاد انتي لا تكبرين الموضوع بسيط ترا

سلوى صدت وهي تضحك : وش اقولك بالله عليك

صالح اللي ابتسم وهو يهمس : قولي لي احبك

سلوى بضحك: ابك والله اني احبك

صالح : ابك انا من يولمني في حبتس

ابو الترف من الحوش : يا صاالح فراشي ويينه

صالح ابتسم بتسليك : ابوي يلومني وولله

سلوى: روح روح حط فراشه عشان مايذبحنا

صالح راح وهو ياخذ فراشه وفرشه وهو مبتسم ابو الترف : وتعود تدخل وتخليني وراك اعنبوك انت رجال ولا وش 24 ساعه ناقع عند مرتك اللي يشوفك يقول رخمه

صالح:توني قمت من عندك يبه وديت الصحون وجيت ما ابطيت

ابو الترف: اييه هذا اللي ينقص تشيل الصحون وش رايك تغسل عنها

صالح صد بضيق وهو يسكر الانوار وياخذ ثوب ابوه طبعا سلوى سمعت هالكلام اللي صار روتين يومي يسمعونه بس مب مشكله المهم ان صالح رغم دفاشته الا ان مافيه اطيب من قلبه .

................••............

وطبعا عند ثنيان وعجاج وعيد اللي كانوا في اجمل وامتع اوقات حياتهم بالنسبه لهم قرب عجاج من ثنيان : وش بلاك يالحبيب معاد الرقص على حله

ثنيان بضحك : انا اسج مع الاغنيه

عجاج ضحك : على قلبي اللي يسجون لكن اضبط عمرك ترا عيد ما بدا للحين

ثنيان اللي كان مجرد ما يسمع الاغنيه اللي رقص عليها هو والترف ينسى الدنيا ضحك : يا ويل حال ثنيان منكم يالخوال

انتهت الاغنيه وجلسوا بتعبت وهم يضحكون ويسلمون على اللي ما سلمو عليه وجاء حمدان لعيد وهو يقوله يبدا يغني ويروقون بعد السامري

عيد بصوت عالي : وحدوا الصوت يا شباب وغنواا

الكل صفق وابتدا عيد يدق العود وارتفع صوته وصوت الكل معه : انا وخلي كل دارٍ وطناا

والكل بدون استثناء كان يغني مع عيد كبير وصغير والكل مبسوطين وخواطرهم وسيعه لين انتهت ليلة ثنيان معهم وهو مايبيها تنتهي ابتسم وهو يودعهم

حمدان: بدري يا ثنيان

ثنيان: الليل سرا وبكره دوام

حمدان: يا رجال واصل

ثنيان: دوامي ما ينفع معاه مواصله

عيد : اجل ودعتك الله يا مداوم وناوي الدوام

انتشر الضحك وعيد يلحنها ويغني والكلك يغني معه وثنيان اللي ضحك وهو يودعهم ويسمع غناهم له ركب سيارته وهو دايما وابدا مايطلع من عندهم الا بكامل روقانه

................••............

في بيت ابو ثنيان

عند الترف اللي ماكانت تبي ترجع للبيت وخصوصا ثنيان مب فيه ولا احد بالبيت كانت عند نوف ورهام وهم يتناقشون بموضوع ماجده اللي عجزت الترف تسكره

نوف دخلت وهي معاها كيس حب دوار الشمس ونزلته بضيق

الترف : نوف علامتس

نوف : مدري امي هناك ضايقه تقول تحس ان شوق فيها شي

رهام: يا بنت الحلال مافيها الا الجن الازرق مايجيها شي ذي

نوف : يعني هي ماهمتني كثير بس امي حرام

الترف : يا اختي ما عليتس هم الامهات كذا يتوهمون

رهام : خلينا منها وقولي يالترف عطينا وش مغامراتس الجديده

الترف : يا بنت الحلال ماعندي الا الفلس انتم سىولفوا لي عنكم ترا معرف عنكم كثير

نوف : ايه ايه بالله رهام سولفي لنا عن ايام حارتكم القديمه وسوالف خالي ثنيان مع بنات الحاره

الترف : نوف بتوطى في بطنتس

ضحكت نوف : والله امزح

رهام : امحق سوالف ثنيان نفسيه من زمان كان 24 ساعه فالحاره اللي جنبنا مع الخوال يموت عليهم دايماً وابوي وامي يكفخونه ولا يفهم

الترف بضيق : ليه يكفخونه مب اوادم

رهام تورطت : لا مب ذا القصد بس انتي ماتعرفين جيرانا اللي قبل كانوا مشكلجيين يعني ما تصورين كيف وابوي كان خايف على ثنيان اللي دايم معهم وخصوصا بعد ما تهاوشوا معه وطعنوه ومن بعدها ابوي وامي اخذوا موقف

ويوم تعرف على عجاج بغوا ينهبلووون لكن ثنيان طنش والحين مثل ما انتي شايفه ناقع ثنيان في حارتهم 24 ساعه كلن يعرفه كبير وصغير اصلا حتى جماعتنا ما يعرفونه كثرهم

نوف : والله بيني وبينكم انا مع خالي ناس يوسعون الصدر والله

الترف : افا عليتس نعجبتس

قطع عليهم اتصال ثنيان بالترف وردت : هلا

ثنيان: وينتس مب فالبيت

الترف : توقع اني انحشت

ثنيان : وين بتروحين يعني مالتس الا قلبي

حمر وجهه الترف وابتسمت : عند رهام

ثنيان: يلا انزلي وراي دوام

الترف : يعني بتنام !

ثنيان: وش رايتس انام ولا اجلس

الترف : لا اقصد يعني انت وراك دوام وتبي تنام وانا بجلس طفشانه

ثنيان : نامي انتي بعد وش يسهرتس

الترف : بسولف مع البنات تونا جلسنا زين

ثنيان: ومع مين بترجعين للبيت ولا تبيني انام لحالي بعد

الترف : لا تعال نام هنا انت بعد

رهام بهمس : قولي له يجي ينام بغرفته ترا محد يجيها

الترف : ايه تعال لغرفتك

ثنيان : لا لا مالي خلق تعوذي من ابليس وانزلي

الترف : طيب تعال عند بيت اهلك وتعال جوا حوشكم يخوف

ثنيان : يلا

رهام: لا تقولين بتروحين

الترف : انتي بتنامين

رهام: لا ماعندي شي انام عشانه

الترف : نوف عندتس دوام

نوف : لا عندي اوف

الترف : يعني صاملين فالسهره

نوف : بقوه اصلا بنموت من الطفش

الترف : اجل فزي انتي وياها بنقنع ثنيان

رهام: لا والله استحي

نوف : حتى انا اخاف

الترف : افا يا رخمه انتي وياها

رهام : ياخي انتي تقدرين عليه

الترف : امشوا اوقفوا معي طيب

................••............

في الحوش

عند ثنيان اللي كان واقف ينتظر واول ماشافهم نازلين الثلاثه سكر اذانيه : بدون اي عذر وكلمه البيت ينتظر يلا

الترف : يا رجال ادحر الشيطان وتراه بيت ابوك

ثنيان: من قال اني جاحد بيت ابوي بس مابي انام هنا

الترف : عشان رهام ونوف تكفى

ثنيان: يروحون معنا

نوف : لا امي تعبانه

ثنيان لف : ليه وش فيها

نوف : مريضه شوي عشان كذا خل الترف تجلس معنا

ثنيان سكت بهدوء : يلا يلا اطلعوا بنجيكم

رهام ونوف طلعوا ولف ثنيان على الترف: وش فيها دلال

الترف : مريضه

ثنيان: وش مرضها يعني

الترف : صداع اتوقع

ثنيان: نواف فيه

الترف : لايقولون رايح مع اصحابه

ثنيان : حطي ببالك يا استاذه بتجين معي غرفتي لين انام

الترف : ثنيان انت بزر ! ياخي ترا ماباقي على الفجر الا ساعتين تقلب شوي وبتنام ماله داعي اجي

ثنيان: والله تبين والا البيت

الترف : وش رايك تجلس عندنا وتسولف معنا لين تنام

ثنيان : لا ويين اصلا محد بيتكلم بيسكتون

الترف : ليه يسكتون

ثنيان: لاني فيه

الترف : يا رجال تعال بس والله محد يسكت

ثنيان ماكان بيجلس مع البنات لانه يدري انهم بيصيرون رسميات ويستحون ومحد بيسولف لانه بعمره ما سولف معهم الا مره بس وكانت كلها رسميه ومايبي يضيع وقتهم

اخذته الترف ودخل ثنيان الحمام وطارت الترف للبنات: اسمعوني زين يا ويل وحده تستحي ولا تسكت بيجلس ثنيان معنا لين يجيه النوم

رهام: يوه كيف نسولف

الترف : سولفي تراه اخوتس

نوف : ايه بس مقدر احسه ينقد

الترف ضحكت: ثنيان ينقد لا والله بالعكس انتم سولفوا لا تسكتون وهو بيسولف بعد او يمكن ينام مايدري عنكم

نوف: شعنده دايم يروح ينام ولا ينتظر احد

الترف : اصلا من بعد السجن معاد ينام لحاله اصلا ونوره كملت الباقي

رهام: نوره

ضحكت الترف : بعدين اعلمكم

دخل ثنيان وجلس واضح عليه النوم وانسدح عند الترف والترف اللي كانت مستلمه الجو سوالف وطبعا تجرأت رهام ونوف وابتدوا يسولفون واستانس ثنيان انهم سولفوا وانه اخيرا قدر يكسر الحاجز سولف معهم شوي بس دخل بعدها في نومه عميقه تحت ذهول رهام ونوف

الترف : اصحيه يروح لغرفته ولا ينام هنا عادي

رهام : لا لا خليه ينام وحنا بنطلع لغرفة نوف

نوف : ايه ايه

طلعوا والترف تحكي لهم سالفة نوره وماتوا ضحك عليها

................••...............

في بيت سامي

شوق اللي بعد حالة انهيار فضيعه كانت مثل الضربه على راس شوق اللي لملمت نفسها وهي تبكي ومنهاره نزلت وهي تدور على عمها لللي ماكان له وجود طاحت بين الخدم وهي تبكي والكل يناظرها وكان ابشع منظر ممكن ينشاف ركضت وهي تاخذ الجوال دقت على عمها اللي ما يرد ابد حاولت تستنجد بس ماعندها احد ينجدها

اخر حلولها كان اتصالها بأمها دقت وهي ترجف وهي في وضع يرثى له ................••............

في بيت ابو ثنيان

عند دلال اللي كانت جالسه وهي على نار تحس ان فيه شي فزت اول ما اتصل الجوال ردت بخوف : شوق

شوق صرخت: يمممممه ألحقيني يممه

فزت دلال وهي ترجف : شوق شوق يمه وش فيك وينك شوق

شوق ببكي متقطع ومنهار: في بيت عمي يمه ألحقيني يمممه

ركضت دلال وهي تاخذ عبايتها بخوف لما تسكر الجوال وطاحت شوق مغمى عليها

ركضت وهي تدور صوت البنات دخلت غرفه نوف وهي تبكي : رهام نوف

فزوا كلهم بخوف : دلال وش فيك

نوف : يمه وش فيك

دلال : نواف وينه نواف وينه

رهام: مع اصاحبه

نوف: يمممه وش فيك يمه

الترف : دلال بسم لله عليتس

دلال : وين ثنيان يالترف

الترف : نايم بغرفة رهام

ركضت دلال وهي من خوفها ما تشوف الطريق فتحت الباب وهي تبكي ركضت لثنيان اللي كان بعز نومه وهي تبكي : ثنيان

فز ثنيان يناظرها برعب : دلال وش فيك

دلال طاحت عند رجول ثنيان بخوف : تكفى ودني لشوق يا ثنيان تكفى

ثنيان : دلال وش تبين بشوق بذا الحزه وش فيك

دلال وهي ترفع جوالها برجفه: بنتي بتموت يا ثنيان تكفى يا اخوي بتموت شوق

ثنيان ججلس وهو يرفعها : دلال فهميني زين وش السالفه

دلال شرحت له وهي تشهق من البكي ونزل ثنيان وركض وهو معاه دلال ولف لرهام: ابوي وامي لا يدرون بشي

تذكر انه ما اخذ اغراضه ورجع وقابلته الترف وهي تعطيه اغراضه ومسكت ذراعه: ثنيان سم بالله انت صحيت مفجوع

ثنيان حرفيا اللي كان تايه ما يدري كيف يتصرف او وش يسوي نزل وهو يسمي ويحاول يستوعب لان كل خليه في جسمه ترجف وهو مايدري وش هي المصيبه اللي صارت بشوق ولا وش الجديد عن شوق

طار لبيت سامي وهو يطوف اي اشاره تقابله وصل بوقت وصول سامي اللي جاء : خير وش تسوي هنا

دفه ثنيان وهو يمشي ورا دلال اللي كانت تبكي ودخلت وهي تنادي : شووووق شوووق وينك يا شوق

لفت وهي تشوف الخدم متجمعين عليها وهي طايحه مغطاه بلحاف خفيف صرخت وهي تركض وترفعها بس الصدمه كانت اثار الضرب عليها ركض ثنيان وهو يسحبها من يد دلال رفعها على ركبته وهو يناديها ويصحيها سحب المويه وهو يرشها فيها وسامي واقف بصدمه وجمود من المنظر

شهقت شوق وهي تكح وتبكي ثنيان : شوووق شووق ناظريني تسمعيني شوق

شوق راحت لامها بخوف وهي تحضنها وتبكي وهي خايفه من ثنيان اكثر من اي شي

دلال: دلال يمه حبيبتي قولي لي من سوا فيك كذا قولي يمه لا تخافين

ثنيان: شوووق تكلمي

سامي : شوق وش صار

شوق وهي تشد على امها ببكي : يمه زياد زز ي اد ضيعني يمه

انهارت تبكي لكن شعور دلال اللي حست ان كل الدنيا دارت فيها كان صعب وثنيان الي كان مستند على ركبته لكن مالت يده ومال جسمه ويمسك بالطاوله من هول الكلام اللي ينقال وهو مايدري كيف يفهم هالجمله

اما سامي للي اتسعت عيونه بصدمه وقال: زيااد مستحيل وش سوى زياد

ثنيان هالمره سحب شوق وهو يصرخ: وش سوىىىىى فيك ذا الكلب انطقي

شوق اللي كانت خايفه وترجف وتبكي وثنيان يصرخ وقالت بصوت مليان بكي : اعتداء علي

دفها ثنيان بكل قوته على دلال وفز وهو يشد سامي بثوبه :هاااذي سواتك في امانتك يا ابن الكلب هاذي تربيتك يا واطي

سامي وهو يصرخ: اقووول وخر بي اكيد فيه شي غلط اكيد زياد مايسوي كذا من فراغ اكيييد انها قالت له شي .

ثنيان ماكان ينتظر فرصه وانقض عليه وهو يضربه صرخت دلال : ثنيان ألحق شوق

ثنيان رماه ورجع لشوق وهو يحاول يرجعها لوعيها واتسعت عيون سامي لما شاف رساله زياد وسكت وهو يمسح وجهه اما ثنيان اخذ شوق ودلال وطار على اقرب مستشفى

................••............

في بيت ابو ثنيان

عند الترف ورهام ونوف اللي كانو جالسين بالحوش بتوتر وينتظرون دخل نواف : رهام وش عندكم هنا

رهام: نشم هواء

نواف اللي شك او ماشاف الترف : اكيد

رهام: اي ما عليك

نواف: ثنيان وينه اجل

رهام: سهران مع اصحابه

نوف كانت منهاره وعلى الصامت والترف ساكته ورهام هي اللي ترد دخل نواف طلع نواف متجهه لغرفته وهو مب كثير مطمن

................••............

في المستشفى

دلال وثنيان اللي سلموا شوق لطوارئ وبعد شوي توجهت الدكتوره لثنيان بغضب : مين ولي امر هالبنت

ثنيان : عمها وليها ولكن عمها مو موجود انا خالها

دلال: انا امها

الدكتوره: تفضلي معنا رح تشرحين لنا كل الموضوع وقصة البنت

ثنيان: معليش قبل تتفضل معك نبي نعرف وش اللي صاير فيها بالضبط

الدكتوره: مو معقوله انكم للحين ما ادركتوا اللي صاير فالبنت

ثنيان اللي كان يحس ان عرق من عروقه بينفجر : ممكن تشرحين يا دكتوره

الدكتوره: اشرح ولكن قبل استدعي الشرطه

ثنيان انهبل وهو يطلع هويته: الشرطه معك هنا تكلمي بالرضا يا دكتوره

الدكتوره وهي تناظر ثنيان بقلق :البنت تعرضت لهجوم عنيف من ضرب واعتداء وفي هذا الوضع لازم نبلغ الشرطه

ثنيان غمض وقهر الدنيا في صدره : تمام الشرطه صار عندها خبر ينتهي دورك هنا يا دكتوره يكفي انك تشوفين حالة شوق وهل هي بخير او لا

الدكتوره: شلون يعني مافيه تحقيق

ثنيان: لو سمحتي خليك بشغلك ينفتح تحقيق ما ينفتح هذا شي خارج عملك ألتفتي لشغلك ولا تحاولين تدخلين عشان ما ينتهي عملك تفضلي

الدكتوره اللي كانت مصدومه ان في مثل هالوضع ماينفتح تحقيق لكن فضلت انها تكسب عملها وكيف الناس ماتدري وش ورا هالبنت

اما دلال لللي مسكت ذراع ثنيان بصدمه : وش تقول انت ؟ لا يكون مانك مشتكي على زياد الزفت

ثنيان لف وهو ياخذها لغرفه شوق اللي كانت نايمه : شوفي يا دلال مرت علي اعداد ما تتخيلينها من ذا الحالات ومن ذا القضايا تدرين وش تنتهي به اولاً لا تحطين في بالك ان زياد بيجي يبكي ويصيح ويقول ان هو الغلطان ابد بيقول ان بنتك هي السبب وثاني شي لا تنسين انهم كانوا في خلوه وهو مابينهم اي ورقه او اي رابط زواج اسم انها خطبه وغير كذا شوق في جناحه !! يعني هي اللي جات له ما راح لها وفي ذا الحاله تتعاقب ششوق اكثر من زياد وغير ان سمعتها بتدمر لو طلعت من قسم لقسم لطب شرعي لمحكمه ويمكن جلد ويمكن سجن

ولا تفكرين سامي يبيع ولده عشان شوق بيوقف مع ولده ويرمي كل شي على شوق اول النكران قاله قبل شوي قال زياد مايسوي شي من فراغ

لازم تستوعبين انك ما تاخذين حق بنتك كذا ! ابد

دلال انهارت : بتخليه يروح كذا يدمر بنتي ويروح

ثنيان : ما بيروح ولا بخليه هو وابوه يروحون ابد لكن لازم نسكت الحين ويندفن ذا الموضوع بينا حتى ابوي مايدري ولا نوف ولا اي احد واتركيني اتصرف سامعتني

دلال بشهقات بكى: سامعه

ثنيان: فهمي شوق ذا الكلام وعقليها ترا انتهى طريق الدلع وعنادها

راح ثنيان وهو يدق على منصور اللي رد: حي الله ثنيان

ثنيان: الله يسلمك يامنصور كيفك

منصور: حمدلله انت كيفك

ثنيان: بخير يا منصور بس ابي فزعتك

منصور: ابشر امر وش تبي

ثنيان: في واحد اسمه زياد سامي ال .. ابيك تطلعه لي من تحت الارض

منصور: ابشر بس خير صاير شي

ثنيان: لا بس اللي لازم تفهمه انه مطلوب امني لكن اترك الوضع سري

منصور: لا اله الا الله زين اجل

ثنيان سكر وهو يتمنى بس يطيح زياد في يده بعد ما تطمن على شوق وشاف انها بخير لكن تاخذ شوية مهدات ومغذيات طلع وهو متجهه لبيت سامي دخل وهو يدور سامي شافه جالس بالصاله وفز : وش تبي هنا

ثنيان: اطلع بروحك يا كلب

شده ثنيان بكل قوته : وين ولدك الكلب انطق

سامي : مدري

ثنيان: اقولك تكلم

سامي : مدددري سافر مدري وين راح

ثنيان: ويييييين سافر

سامي : مدددري

طاح فيه ثنيان ضرب : انطق احسن لك

سامي : مدري ارسل لي رساله واختفى

سحب ثنيان جواله وهو يقرا رساله زياد وهوا مات من قهره رفع جواله وهو يدق على القسم وطلب دوريه تجي وماهي الا ربع ساعه وكانوا عنده

ثنيان: خذوه وحطوه بسجن انفرادي لا يدخل له اي مخلوق ولا يدخل له اي شي لين اجي سامعين

الشرطي : ابشر

اخذوا سامي وثنيان اللي دق على منصور يعمم في كل المطارات ان زياد ما يطلع ويمنع من السفر

ورجع للمستشفى وهو ياخذ شوق ودلال

وكانت شوق في حالة صمت وبكى لف ثنيان وهو يصرخ بوجهها : بسسسس اقطعي صووتك الحين تبكين هاااه الحيييين هذا اللي بعتي اهلك وامك عشانه هذا لكن اسمعيني زين تسكرين فمك ولا تنطقين بحرف واحد كل االموضوع الزفت سامي يضربك وبس وان طلع حرف واحد ذبحتك سامعه

شوق : طيب

ثنيان كان مقهوور من شوق كان وده يمسكها ويكفخها ويكفخها لين يطلع قهر السنين فيها ولكن دلال لاويه ذراعه مخليته ما يقدر يتصرف معها اي تصرف وكان ثنيان حريص على سمعة شوق وحريص ان اسمها ما يدخل بمثل هالمواضيع وهو متاكد مثل اسمه لو فتح تحقيق وحقق ان شوق هي السبب وصل البيت وهو يحذرهم للمره الاخيره ونزلوا واول مافتحوا الباب ركضوا لهم البنات وهمس ثنيان بغضب: كل وحده تنقلع لغرفتها احسن لها

نوف : خالي شفيها شوق

ثنيان:مافيها شي يلا كل وحده على غرفتها

ولف لترف: وانتي على غرفتي

الكل سكت من عصبية ثنيان وطلعت دلال وشوق لغرفة دلال والبقيه افترقوا مايدرون وش السالفه

................••............

في القسم

عند منصور اللي دخل له الشرطي وهو يعطيه معلومات عن زياد تنهد بضيق وهو يرفع الجوال ويدق على ثنيان رد ثنيان بسرعه: بشر يا منصور

منصور: ماهي بشاره يا ثنيان

ثنيان: وش صار

منصور: زياد طلع من السعوديه من زمان

ثنيان: وين راح

منصور: لروسيا

ثنيان: نععععم

منصور: وتدري انه اذا طلع معاد نقدر نجيبه

ثنيان: شلون يطلع يا منصور وشلون

منصور: طلع واتوقع انه مابيجلس بعد بروسيا يمكن يكون بدول اخرى

ثنيان صرخ بقهر وهو يضرب الجوال بالطبلون غمض بقوه وهو يسب ورجع للقسم وهو ناوي على سامي خلاص

................••............

في بيت ابو ثنيان

عند نوف اللي طلعت وهي متجهه لرهام اللي كانت بعد طالعه والترف طلعت

رهام : بنات وش صاير يا بنات انا خايفه

الترف : ثنيان عصبيته تخوف

نوف : اخاف عمي مسوي لشوق شي

رهام: شي مثل وش

نوف : يمكن ضربها او شي امي مقفله الغرفه عليهم

الترف : الله يستر يا رب

رهام: تعالوا بندق الباب

الترف: انا بجلس هنا روحوا انتم

راحوا نوف ورهام يدقون الباب وفتحت دلال وهي تمسح دموعها: وش فيكم

نوف: يمه شفيها شوق وش صاير

دلال بضيق: ولا شي بس عمك هاللي ما يخاف الله معذبها

نوف شهقت: شلون يمه عمي يحب شوق

دلال بغضب: الله لا يحب الله ينتقم منه يارب

رهام: دلال هدي طيب وش فيها شوق بالضبط

دلال: مافيها شي بس مفجوعه خايفه ونايمه

نوف : يمه معذبها مره

دلال هزت راسها ببكي ودخلت نوف اول ماشافت شوق بكت و طلعت ورهام اللي خافت ما تدري وش تسوي وطلعت لغرفتها اما دلاال اللي بعد ماهدت شوق فرشت سجادتها وهي تدعي من كل قلبها على زياد وسامي ................••............

اما ثنيان اللي دخل القسم

وهو ينزل لسجن بغضب دخل وهو يقول للحرس : الكل يطلع وقفلوا باب السجن الرئيسي

طلعوا ودخل ثنيان وهو يخنق سامي : اسمعني زين كلمه وما راح اكررها الحين تكتب لي كل املاكك خارج السعوديه وينها فيه وين مواقعها

سامي : ماعندي اي املاك الا بدبي

ثنيان :انا ماني غبي عندك تكلم

سامي :والله ماعندي والله

ثنيان: ولدك وش عنده

سامي : ماعنده شي اصلا توني كتبت له حقه

ثنيان كان يحاول يطلع بمعلومه بس مع الاسف انفلت وهو يضرب سامي بكل قوته وطلع وهو متوجهه لمكتبه حط راسه على الطاوله وهو يحاول يستوعب يبي يفكر وش يسوي كيف ياخذ حق شوق

طلع وهو يتجهه لسامي : وين أحصل ولدك

سامي : مدري عنه مدري

ثنيان : انت اللي بتجيبه يا سامي انت

سامي : ومن وين اجيبه اقولك ذلف برا السعوديه

ثنيان اللي كان يحاول لين اكتشف ان عذاب سامي انه عطى فلوس لزياد ابتسم ثنيان وهو يقول : وش رايك يا سامي لو ارميك بتهمه تروحك قصاص وارتاح منك ومن ولدك مره وحده

سامي : وش له ذا الكلام ياثنيان

ثنيان : بسيطه جدا بسيطه الجرايم عندنا مجهوله على قفى من يشيل وحده في ظهرك وينتهي امرك

سامي : ثنيان وش تقول انت ! كيف ترضى الظلم

ثنيان وهو يضربه: الله صار هذا ظلم يا سامي وشوق اللي صار لها مب ظلم

سامي : وش بتسوي يا ثنيان وش تبي

ثنيان: معك مهلة ساعه تفكر فيها يا أنك تكتب نص املاكك لشوق او اختر تهمه على كيفك تبي قتل ! تبي ترويج تبي تهريب تعاون ضد الدوله اللي تبيه وانا برجع

سامي انجلط وقف وهو يصارخ ويسب وثنيان طلع

وهو يحس انه بيبرد قلبه شوي في سامي ولكن مستمر يدور على زياد

.

.

انتهى البارت✨ اتمنى التفاعل

«البارت السادس والثلاثين »

.

.

في بيت نوره

نورره اللي كانت تعيش بحاله كئيبه من معنااتها امس ما قدرت تنام من الفشله ووقفت وهي تنزل فطور امها بضيق ( يا ربي عسى بس محد درا بي والله لصير فضيحه على كل لسان ،واصير نوره مروعه الرجال) ................••............

في بيت ابو الترف

عند سلوى اللي بعد ما جهزت الفطور شافت الترف داخله وتضحك

سلوى: حي الله وش عندتس يالمجرمه من صبح الله رايحه جايه

الترف : ابد كنت اختبر مدى صلابة رجلي

سلوى: يا بنت الحلال الرجال من امس ما جلس به صلابة شاف نجوم الليل بعز القايله ممنكم حرام خلاص اعتقوه

الترف : ماعلينا المهم خلينا نفطر بسرعه ونطلع نشوف نوره ونروح نشقر على دويده ونوير من زمان ما غثيت احد

سلوى: تصدقين والله كم لي يوم ضايقه ودي اتهاوش

الترف : اجل يلا افطري

................••............

في بيت اهل مشاعل

مشاعل اللي كانت جالسه وتراقب بطنها بضيق كان ثقيل ومتعبها لدرجة نومتها وقومتها بالقوه لفت اول ماسمعت صوت جوالها ردت لما شافته رقم ثنيان : الو

ثنيان: ياهلا وغلا حي الله مشاعل

مشاعل: يا هلابك

ثنيان: كيفك اليوم ان شاءالله بخير

مشاعل: الحمدلله لكن احس اني مدري ليه بولد بدري

ثنيان: لا قولي خير ان شاء الله ما يصير شي وانتي بس عشانك ثقيله تقولين كذا

مشاعل: مدري يا ثنيان بس من جد احس خلاص بطني بيطيح

ثنيان اللي توتر : لا لا ما عليك لا تخافين انتي وانا بجي اوديك المستشفى ونشوف وضعك

مشاعل: ايه تكفى احس اني تعبانه شوي

ثنيان: توك دخلتي الثامن صح

مشاعل: ايه

ثنيان: لا بسيطه انتي لا تخافين وتخوفيني عليك

مشاعل: طيب

مشاعل كانت فلا خايفه وثنيان توتر من خوفها

................••............

في بيت نوره

طلعت بتروح لترف وسلوى وجاوا الترف وسلوى

الترف : هاااااه كيف جنيتنا

نوره: الترف فكيني منتس ترا ما نمت امس وانا اهوجس

سلوى: عزالله يا نوره ماسويتي خير صالح جاني عيونه حمرا ماناام الا ساعتين

نوره: وش اسوي انا بعد انفجعت

الترف : اقول تعالوا تعالوا نمشي من عند بسطة ام دويده من زمان عنها

نوره : اقول لا تهاوشين وثنيان فيه تفضحينا

سلوى: ابشرتس انه ماعاد يستغرب الفضايح

الترف وقفت وهي تناظر دويده وامها : اقوول ماعندتس بخور

ام دويده : لا ما عندي بخور مانبيع على اشكالتس

الترف ضحكت : ما ابيه لي ابيه صدقه فيكم المكان محد يقربه اللهم يا كافي

سلوى: ليتس علمتيني يالترف بفزع واجيب ننقذ اهل القريه شوي

دويده : وانتن من يفزع لناس منكم يا شياطين الارض

نوره: والله شياطين نركد اللي في راسهم فكه

ادويده : اقول انتي ترا ذبحتينا باللي تسحبينه وراتس كل يومين جايه وجايبته معتس ترا سوق الحمير مب هنا

الترف عرفت انها تقصد ثنيان واخذت كيس الحنا اللي قدامها وهي تخبطه على راس دويده : هاذي لتس عشان تميزين من الحمير وتشوفين اسيادتس

دويده وامها وقفوا وهم ناوين الهوشه بس تدخلوا الحريم فكوهم ومشت الترف وهي تضحك

سلوى: ليتني فقعت انا بعد كيس على راسها

نوره وهي تناظر بصالح اللي جاي بخطوات سريعه: صالح جاي بيفقع وجهتس الحين

سلوى: يوووه وش فيه ، شكله شافنا

صالح جاء : انتم وين ساعه ادور عليكم

الترف : ليه وش تبي

صالح: امشي رجلتس يبيتس بتروحون بيتكم

الترف : ليه ، كنا بنروح بعد الغداء

صالح : يقولون عنده احد من اهله تعبان

الترف تذكرت مشاعل وركضت للبيت ولف صالح على سلوى: وانتي وراتس تمشين وانتي حامل

سلوى: وش اسوي مليت ابي اتنفس

صالح : كان قلتي لي نروح بالسياره

نوره اللي كانت حاسه لو تكلمت بيكشفها صالح وجلست ساكته ولف عليها :نوره علامتس هاجده

نوره:مصدعه

صالح : اجل دام الترف بتروح وش رايكم تجهزون وبنرووح لسوق شوي

سلوى: اي والله

نوره:يلا بقول لامي

راحت نوره وسلوى وصالح كملوا طريقهم وصالح يعلمها باللي سوته الترف في ثنيان

................••............

في بيت ابو ثنيان

ابو ثنيان اللي كان يتصل بثنيان ولا فيه رد نزل جواله : نواف اليوم ماكلمت ثنيان

نواف : لا ماكلمته

سيف : وينه هو ؟!من امس مب فيه

نواف : اكيد عند ابو الترف امس عندهم عشا

سيف: شكلهم ساحرين عقله الترف واهلها

ابو ثنيان: روح يا نواف شوف اذا هو في بيته

نواف : طيب

سيف كان جالس هو وولده عند ابوه ويلعبونه ورجع نواف : يبه محد يفتح

ابو ثنيان:ناد لي دلال تتصل في حريمه

دلال جات : يبه توني مكلمه منيره تقول مشاعل عند اهلها وهي عند عمي تعبان وثنيان والترف راحوا لعشاء ابو الترف

ابو ثنيان: اجل خلونا بنروح لابو محمد

نواف : يلا

سيف : اسبقوني بلحقكم انا وثريا

ابو ثنيان هز راسه وطلع وسيف اللي قال لفجر تنادي امها ويجون وركبوا وثريا صامته وكان سيف مناسبه الوضع

................••............

عند ثنيان

اللي كان ينتظر الترف بالسياره جات له الترف مسرعه وركبت : ثنيان وش صاير

ثنيان: انتي وين اختفيتي

الترف :رحت لنوره

ثنيان اللي كان متوتر ومعصب : الله يا سلام وما عندك رجال تقولين له بروح ولا انتي شروك بيدك وتمشين للي تبين

الترف ناظرته بهدوء وقالت : والله انا مارحت اسوي غلط وانت كنت تفطر شسوي يعني

ثنيان بغضب: اقصري صوتك بس وتنعاد ذا الحركه وشوفي وش بيصير

الترف اللي هنا حقدت عليه (خير وش يبي يصارخ ، لكن اوريك )تكتفت ولفت وهي ودها تكفخه كف

تحرك ثنيان اللي من كثر ماكان خايف على مشاعل ومتوتر ماكان يبي يسمع اي شي ولا اي كلمه ولا اي حركه مدت الترف يدها وهي تشغل المسجل لكن سحب ثنيان يدها ودفها بغضب وهو يسكر المسجل : لا تقلقيني وانثبري في مكانك بهدوء

الترف هنا اتسعت عيونها بغضب وهي تضرب المسجل : من زينه مسجلك مابي اسمع منه شي خلاص

ثنيان: انا وش اقوووول اقول اص اص ماتفهمين

الترف : خير وش فيك تصارخ وش مسويه لك انا ذبحت لك احد

ثنيان احتدت نظرته: اذا ماتبين اذبحك اسكتي

الترف لفت وهي تتأفف وثنيان رجع لطريقه وهو كل ماله يزيد عصبيه وتوتر وطبعا هالترف اللي تعاااانده عناد الدنيا لين وصلوا بيت مشاعل ونزل ثنيان وترك الترف

دق الباب وفتحت ام مشاعل : هلا ثنيان

ثنيان: عمه مشاعل وش فيها

ام مشاعل: والله من صحت وهي تعبانه وتبكي وكنا بناخذها للمستشفى وقالت انك بتجي

ثنيان:زين خذي لي طريق

دخل ثنيان بعد شوي وهو يركض يسرع بخطواته لغرفة مشاعل اللي كانت تبكي وقفها يساعدها وهو اول ماشاف ملامحها وقف قلبه

مشاعل: ألحقني يا ثنيان بموت ألم يقطعني

ثنيان : بسم لله علييك بسيطه يا مشاعل اذكري الله انتي اذكري الله

ركبوا السياره ومعاهم ام مشاعل والترف اللي مصدومه من بكى مشاعل وصراخها واستنجادها في ثنيان اللي كانت ملامحه لوحدها رعب رعب ................••............

في بيت ابو محمد

محمد اللي دق عليه نواف وقال انهم جايين وكان مستعد بكل فرح متوقع الرد ومتوقع جيت رهام لكن خابت ثاني امنيه.وهو يشوف ابو ثنيان ونواف نازلين وبعدهم سيف وفجر وثريا تقدم لعمه وهو يبوس راسه ويسلم على الباقين

ابو ثنيان اللي اول ماشاف ابو محمد وشافه تعبان حيل ضاق وجلس وهو يسلم عليه ويناديه بس مايسمعه رفع راسه وهو يقول :وشلونه ابوك اليوم يا محمد

محمد : الحمدلله اليوم تحسن اكثر من امس بكثير

نواف : وش قال الدكتور

محمد : ابد سكر ضغط وامراض الكبر

ابو ثنيان: الله يختم له بالعمل الصالح

الكل كانوا ساكتين ومحمد ثنيان يصب القهوه

محمد : سيف زرت بندر

سيف : لا الزيارره الجمعه

محمد : زين اذا زرته قلي اروح معك

ابوثنيان: كلنا بنروح

سيف : زين

ابو ثنيان : وعاد على الطاري يا محمد بقولك بأذن الله زوجتك رهام ومبروك مقدما

ومحمد اللي كان بياخذ الفنجان من محمد وقبل ياخذه سمع الكلمه وسحب يده وطاح الفنجان عليه وفز بفرحه ما اهتم للقهوه : صدق يا عم

ابو ثنيان: بسم للله عليك لا تحترق اي ان شاء الله وشوف اوضاعك وتعال ملك

محمد اللي ياما تمنى يسمع هالكلمه واخيررا كانوا العيال يباركون له وهو يرد وفيه رجفه فرح

.................••...........

. اما عند منيرره

اللي كانت جالسه مع ثريا وهي تحاول تشكي لها

منيره: ثريا ساعديني وش اسوي بذا الكلبه اللي اخذت ثنيان وصارت تلعب به

ثريا : منيره انا ماعاد لي شغل بأحد كل همي ولدي يرجع لي والناس بكيفهم ونصيحه اتركي كل شي وانتبهي لولدك

منيره اللي كانت تناظرها بضيق وهي ودها لو تساعدها مع انها تدري ان كلام ثريا صحيح

................••............

عند المستشفى

ثنيان اللي نزل وهو يقول لترف : خليك بالسياره

ركض يجيب الكرسي وهو ينزل مشاعل عليه ودخلوا الطوارئ

واما الترف اللي ماقدرت ماتنزل ونزلت وراحت وراهم

ثنيان سلم مشاعل لدكتوربعد ما شرح لهم وضعها ولف وهو يقول : يارب سهلها يا ر.. انقطع كلامه وهو يشوف الترف واقفه مع ام مشاعل توجهه لها وهو يبعدها عن ام مشاعل: وش جابك انا ما اقول اجلسي بالسياره

الترف : ماقدرت اجلس وانا اشوف مشاعل تعبانه

ثنيان: وش بتسوين لها يعني

الترف : بدعي

ثنيان: مايجوز الدعاء بالسياره

الترف : لا

طنش ثنيان ولف وهو ينتظر مع ام مشاعل اللي قامت تقوله يعني كيف تعبانه وكيف انها من امس ثقيله وثنيان اللي ضاق زياده اما الترف اللي كانت تدعي ان ربي يسهل لمشاعل

كانوا ينتظرون وينتظرون والانتظار مستمر وطلعت الدكتوره : فين زوج مشاعل ال ..

ثنيان: انا كيف مشاعل

الدكتوره: بخير الحمدلله لكن تقلصات وارتفاع بالضغط لكن الحمدلله هي بخير

ثنيان: يعني مو ولاده

الدكتوره: لا لا بدري على الولاده تقدر تخرج بعد السيروم

ثنيان : الحمدلله

ام مشاعل : الحمدلله

راحوا لسرير مشاعل اللي كانت نايمه بتعب وصحت بجيتهم

ثنيان: مشاعل كيفك كيف تحسين الحين

مشاعل : حمدلله احسسن من قبل

ثنيان: لازم ما تخافين وتتوترين كذا يرتفع عندك الضغط وتتعبين كل شوي

مشاعل : مو بيدي

ام مشاعل: سمي بالله يا امي وان شاء الله بتكونين بخير

ثنيان: اذا تبين ارجعي للبيت معي

مشاعل: لا بكون عند امي

ثنيان: مو مشكله ارتاحي انتي

الترف قربت تسلم عليها: مشاعل ان شاءالله مالتس شر كيفتس

مشاعل ابتسمت: بخير يالترف انتي كيفك

الترف : حمدلله بس انتي لا تخوفينا عليتس

مشاعل ابتسمت: يعني من حظي انك تخافين علي

ابتسمت الترف : افا عليتس انتي في قلوبنا

ام مشاعل كانت تناظرها بهدوء وقالت مشاعل: يمه هاذي الترف

سلمت الترف عليها بود وجلست جنب ثنيان ومر الوقت وانتهى السيروم وطلعوا واخذوا مشاعل لبيت اهلها ودق جوال ثنيان

ثنيان: هلا يبه

ابو ثنيان: انت وينك غايب ادق ماترد وبيتك مافيه احد

ثنيان: والله يا ابوي نمت عند عمي ابو الترف والصبح مشاعل تعبت واخذتها للمستشفى لكنها الحين طيبه

ابوثنيان : سلامتها سلامتها وانت وينك الحين

ثنيان: راجع للبيت

ابو ثنيان: تعال لنا عند عمك ابو محمد تعبان

ثنيان: ابشر الحين اجي

سكر ثنيان ولف على الترف : بنروح لعمي

الترف : نزلني في البيت وروح عند عمك

ثنيان : ليش ماتجين معي

الترف: وين اروح ان شاء اللله ! عند ثريا ولا عند منيره اللي كل وحده منهم كارهتني نزلني فالبيت احسن

ثنيان شاف انه بيدخل في دوامه اختصر الموضوع ونزلها وراح هو لبيت عمه ................••............

في بيت ابو محمد

وصل ثنيان ووقفوا الكل يستقبلونه وابتسم ثنيان اول ماشاف سيف وهو يسلم عليه وراح لعمه وبعدها جلس

ابو ثنيان: كيف مشاعل

ثنيان: حمدلله بخييير

ثنيان: محمد كيفه عمي

محمد : حمدلله احسن

ابو ثنيان: دامك جيت اجل بعلمك خبر بيفرحك

ثنيان: الله يديم الافراح بشرني يا يبه

ابو ثنيان: ابشرك إنا عطينا محمد اختك رهام

ثنيان لف بصدمه وابتسم : تمزحون

سيف : لا والله صدق

ثنيان لف لمحمد : صادقين

محمد : ان كنت موافق صادقين

ثنيان ابتسم بتردد : بس رهام قلبها تعبان

ابو ثنيان: لا تخاف يقول الدكتور بعد اخر قسطره بأذن الله انها كل شي عندها بخير

ثنياان وقف بفرح وهو يضم محمد ويبارك له كان فعلا هالخبر مفرح بس تذكر عايض ( اييه نسيت اعطيهم العنوان )

كان محمد مبسوط وهو يسمع التبريكات وبعد ما تغدوا وقف ثنيان :محمد ناد لي منيره بالله

منيره جات وهي تشوف ثنيان واقف يناظر جواله وقالت: هلا

ثنيان : كيفك اليوم

منيره:حمدلله

ثنيان: بتباتين عند عمي او ترجعين معي

منيره :لا وضع ابوي انت شايفه يحتاج مراعاة

ثنيان: زين اجل خذي هذا مصروفكم واذا بغيتوا شي اتصلو بي

منيره: بترجع البيت لحالك

ثنيان: لا الترف فيه

منيره لفت بقهر : زين

طلع ثنيان حاس بصوتها المغبون بدونن مايدري عن المكالمه امس كان ودها منيره انها تروح وتجلس الى قلب الترف بس وضع ابوها مزري ................••............

في بيت ابو ثنيان

رهام اللي نزلت وهي تشوف نوف جالسه مع امل في الحوش الخلفي : سلااام

نوف : هلا وين رحتي انتي ولا انخطبتي واختفيتي

رهام: لا بس كنت اراجع حساباتي

امل: مبروك يا رهام

رهام : يبارك فيك ، ليش مب جالسين عند امي ودلال

نوف : اسكتي امي وامك مستنفرين بالبيت يقولون بتجي ماجده

رهام شهقت: اي والله والله ماشفت وش يسوون

نوف : والله مالي خلق ضيوف مره

رهام: عاد شنسوي

امل: من تكون ماجده

نوف : هذا الله يسلمك تكون بنت جيران جدتي ويحبونها كلهم

امل : اييه

................••............

في بيت ثنيان

الترف اللي بعد ما رتبت اغراضها راحت تسوي لها غدا وهي متوقعه ان ثنيان بيتغدا عند منيره اكيد جلست وهي تحط سفرتها وصدرها ضايق من الفراغ اللي بالبيت

لفت وهي تاخذ الجوال وتدق على رهام : الو رهامو كيفتس

رهام: هلا هلا باللي ماندري عنها ابد

الترف : والله توني جيت من الديره وسويت غدا والبيت فاضي حتى ثنيان مب فيه وش رايتس تجين انتي ونوف ونتغدا

رهام : تدرين والله حتى انا ما تغديت يلا بنجيك

الترف : انتظركم

قامت الترف وهي تزيد الاكل وفتحت لما سمعت الباب : تطيرون انتم

ضحكت رهام: جوعانه والله

سلموا عليها وجلسوا

نوف : ايييه عاد رهام من اليوم وهي تعيش الطيران

الترف: عساه خيير وش بتس تطيرين

نوف : بتودع بيت جدي قريب وتدخل القفص الذهبي

الترف : شلون يعني ؟ بتعرسين !

رهام ضحكت بخجل: ايه

نوف : طبعا اذا وافق خالي ثنيان

الترف : وثنيان ليه مايوافق،وبعدين من العريس

رهام: محمد ولد عمي ،وانا ما اشوف ثنيان بيرفض

نوف : حتى انا بس ماندري عن مزاجه

الترف: لا معليتس بس تعالي تغدي

جلسوا وهم يسولفون رهام: الترف اليوم تعالي بيجينا ضيوف

الترف : من بيجينا

رهام: بنت جيرانا زمان

الترف قبل ترد دخل ثنيان ينزل اغراضه :سلام

الكل رد وجلس ثنيان : رهاموو كيفك

رهام ببتسامه: حمدلله

ثنيان: ايووه وش ذا الاخبار الزينه اللي سمعناها

رهام :وش سمعت

ثنيان اللي كان شاق الابتسامه : اجل بتزوجين يا رهام

نزلت رهام راسها وهي خجلانه وثنيان اللي مبتسم : الله يوفقك يا رهام وان شاء الله زواج العمر

الكل : امين

نوف : خالي تعال تغدا

ثنيان اللي كان يناظر الترف اللي ماناظرته من يوم دخل ولا تكلمت : لا متغدي بالعافيه

الترف اللي كانت معصبه من صراخه عليها الصبح فما ردت عليه ابد

ثنيان : انا بطلع انام ساعه وصحيني

ماردت الترف وهي تقول : ايه يا نوف شخبار امتس من زمان عنها

نوف : حمدلله ماشي حالها

ثنيان اللي كان منتظر ان الترف ترد وقال لما ماردت : الترف امشي ابيك شوي

وقفت الترف وراحت وراه دخل ثنيان المطبخ وهي واقفه ومتكتفه

ثنيان: خير ان شاء الله اكلمك ماتردين ! وش فيه

الترف : يعني مافيه شي مهم اجل بروح

ثنيان رجعها : بنت اكلمك انا

الترف : الله واكبر مب تقول اسكتي هذاني ساكته انت اللي وش فيك

ثنيان: والله الحين استوعتبي تسكتين يوم صار وقتك تكلمين صرتي بتسكتين

الترف : لا ابشرك بسكت وبريحك خذ راحتك بس

طلعت وتركت ثنيان اللي توه يستوعب انه راح نص اليوم وهو يصارخ عليها طنش وطلع والترف اللي رجعت للبنات

................••............

في حارة عجاج

عجاج اللي كان نايم عند عيد وطول وقته وهو يحلم وكوابيس وحوسه سمع عيد يناديه وفز : وش فيك

عيد : بسم لله عليك بس قم تغداء

عجاج : يوووه والله ما نمت زين

عيد: هههههههههههههه اشوفك تتفزز واضح متروع من قلب

عجاج اللي للان مصدق: والله اني اول مره اشوف جني انهبلت

عيد: سم بالله وتعال تغداء

عجاج راح يغسل ورجع: والله حتى ابوي مدري به

عيد: ابد هذا هو قاعد عند البقاله ويهاوش الرايح والجاي وكل من يمت لابو نعيمه بصله

عجاج: عساه بس مايزعج الرجال

عيد: انا للحين مستغرب ان ابو نعيمه تراجع

عجاج : الله هداه

................••............

في السوق

عند سلوى ونوره وصالح اللي كانوا يتمشون بأسواقهم البسيطه

صالح وقف وهو يناظر جلابيه كانت كبيييره مره مره مره : اقول سلوى

سلوى ناظرته: هلا

صالح: شوفي ذي!

سلوى طالعتها : وش فيها

صالح : خذيها

سلوى شهقت : ليه

صالح: انتي حامل خذيها توسعين فيها

نوره سحبت الجلابيه اللي كانت xxxl وانفجرت تضحك : ليييه بتكفنها فيها

سلوى: وش شايفني يا صالح بقره لذا الدرجه انا سمنت .

صالح توهق : لااا يا بنت الحلال والله مافيه ازين منتس بس قصدي ان يعني ماتضايقين باللبس

سلوى بغضب : اتوسسسع هاه الله يوسع قبري بس الله يوسعه

صالح: وش بلاتس عصبتي ترا كله قطعه ان بغيتيها خذيها وانا اشوفها زينه

سلوى لفت بقهر: معاد ابي السوق طلعني

صالح: ليه تونا

نوره: انت خليت تونا انت دمرت كل التمشيه

صالح : يا بنت الحلال امزح

سلوى: والله معاد اجلس مانيب جالسه ودني للبيت

حاولوا فيها تجلس ورفضت سلوى ورجعوا وصالح متورط وش بيسوي فيها كيف بيرضيها

.................••............

المغرب

في بيت ثنيان

ثنيان اللي صحى على هدوء تام استغرب ان الترف ما سوت شي وازعجت توقعها نايمه بس الصدمه ان فيه نور خفيف في غرفة الملابس قام وراح فتح الباب وشاف الترف اللي لابسه وجاهزه : الترف

شهقت الترف برعب : بسم لله الرحمن الرحيم

ثنيان: وش تسوين ، وين بتروحين

الترف اللي كانت تقول كلمات مختصره مب مثل العاده تعطيه برنت كامل : لبيت اهلك عندهم ضيوف

ثنيان: وليه ما صحيتيني اصلا ليه ما قلتي لي

غمضت الترف ( بدينا بتدوير المشاكل ) : اول شي انا باقي مارحت! ثاني شي صحيتك وقلت بتنام زياده وخليتك

ثنيان اللي ماعجبته ردودها البارده: ما يحتاج تروحين هذاك جاهزه وخالصه

الترف مسكت راسها وبعدها لفت وهي تنزل اساورها واغراضها واخذت ملابسها العاديه : الحين ابدل واجلس فالبيت خلاص

ثنيان اللي انصدم ما توقعها اخذه كلامه جد ومسكها: خير وش تبدلين وتجلسين امزح معتس

الترف : لا معليك بنثبر واسكت هنا اهم شي لا اقلقك

ثنيان ابتسم وهو يشوفها فعلاً زعلانه: الحين وشوله زعلانه

الترف : ابد لا زعلانه ولا شي

ثنيان وهو ياخذ اساورها ويلبسها : والله ما توقعتك زعول

الترف سحبت يدها : لا والله اجل اتضحك وانت من صبح اللله وانت تصارخ ومعصب ! ومحد فالارض غيرك هذا وانا ماسويت شي ولا تدري خلني ساكته

ثنيان : افا والله زعلتي على كم كلمه قلتها وانا في وقت معصب ومتوتر وانتي تعاندين انا مازعلت على اللي سويتيه فيني الصبح

الترف : انا ما سويت شي انا مزحت معك ! وفيه فرق بين المزح والاهانه

ثنيان: لا لا عاد ما وصلنا للاهانه افا يالترف لهدرجه مرخصه قدرك عندي

الترف : هذا وانا لي قدر مسحت بي الارض

ثنيان : يلا خلينا نقول اني عصبت وغلطت وش يرضيتس

الترف لفت بضيق : ماله داعي

ثنيان : يا شينتس اذا زعلتي تراني ما اراضي الا للي غالي عندي

الترف ماردت وقرب ثنيان يحتضنها : اووه عاد خلاص يا بنت الحلال ادحري ابليس وانا اسف وحقتس علي وش تبين اكثر

الترف : مابي شي

ثنيان اللي يشوفها ماتناظره لفها يناظر عيونها : نقول طاح الحطب

الترف اللي كانت ماتبي تناظره بس ماعاد لها قوه : اخر مره تصارخ علي وانا مالي دخل

ثنيان: على خشمي

الترف ابتسمت: طاح الحطب

ثنيان ابتسم وهو يبوسها بخفه :ايه من بيجي عند اهلي

الترف : مدري يقولون بنت جيرانكم زمان

ثنيان: جيرانا !! يلا المهم خلصتي

الترف : شوي واخلص

ثنيان : يلا بلبس وبروح لامي بطريقي اوصلك

راح ثنيان يبدل وكملت الترف وهي مبتسمه

طلع ثنيان اللي كان يجهز على عادته وطبعا ابتسم لما شاف الترف واقفه جنبه وبيدها العود وتناظره بتمعن

اخذه ثنيان وهو يضحك : خير وش فيتس تناظريني

الترف : احاول أحصل سبب اللي يخليك تأكل نفسك

ثنيان ضحك: والله جاني اللي اشغلني عن نفسي

الترف ضحكت : ما اظن

ثنيان سحب العود وهو يبخرها معاه وفاحت ريحة عطر الترف لما قربت ابتسم ثنيان وهو يشمها : اووه اووه يا ذا العطر

الترف لفت:ليه مب زين

ثنيان: ما توقعت احب ريحة المسك والعود على حرمة ابد

الترف : حدد مدحه ولا سبه

ضحك ثنيان اللي احتضنها : اكيد مدحه

بعدت الترف ورجع ثنيان يقربها : انتظري ابيه عطررك يلزق فيني

الترف انحرجت وبعدت : تاخرنا اصلا

ضحك ثنيان وطلع وهو نسبياً مرتاح ان مافي البيت الا هو والترف بس

................••............

في بيت ابو ثنيان

كانوا الكل عند ماجده اللي كانوا كلهم يحبونهاا ومجتمعين عليها خصوصا ام ثنيان

دلال بهمس لرهام: بتجي الترف

رهام: ايه

دلال: ومنيره

رهام: منيره عند عمي

وقفت رهام ونوف اول ماسمعوا صوت ثنيان

رهام طلعت: لحظه لا تدخل

ثنيان : ما بدخل امي وينها بسلم عليها

رهام : اناديها الحين ، الترف تاخرتي

الترف : وش اسوي

لفت الترف تنزل عبايتها وترتب شكلها ولفت على ثنيان: كيف !

ثنيان:الاحسن ما تسأليني من غير شي قلبي يعورني

الترف: يا شينك ، صدق كيف ؟ بدخل لناس

ثنيان بضحكه: موتٍ حمر

ابتسمت الترف ولفت على على ام ثنيان اللي جات وهي مكشره في وجه الترف سلمت عليها وبعدت بسرعه

ثنيان : كيفك يمه

ام ثنيان: بخير وينك انت من يومين

ثنيان: انشغلت كيف رجولك كيف امورك طيبه

ام ثنيان: حمدلله اجلس اجلس تقهوى

ثنيان: اي والله وقتها

ام ثنيان وهي تخز الترف : اايه من بعد حريمك السنعات مدري وش حالك .

ابتسم ثنيان : بخير يالغاليه بس ابي اتقهوى واروح ، الا من ضيوفك يمه

ام ثنيان: ماجده تذكرها بنت ام سليمان

ثنيان : ايييييه ماجده ماشاء الله هي هنا

ام ثنيان: ايه بعد ما تطلقت من زوجها الثاني سكنت هنا قريب منا

ثنيان: تطلقت !

ام ثنيان : ايه الله يرزقها

ثنيان: اللهم امين

ام ثنيان: عاد بروح واخلي رهام تجيب قهوه

جات رهام ومعها قهوه ومعها عيال ماجده اللي سلموا على ثنيان

ثنيان: ماشاء الله عيال اي رجال ذولي

رهام: زوجها الاول ابو البنت والولد من الثاني

ثنيان: والحين تطلقت

رهام ضحكت: ايييه سبحان الله شوف كيف عيالها اصغر من عيالك .. وقبل تكمل تنحنح ثنيان وسكتت لما انتبهت

الترف اللي كانت تسلم وعيونها طايره بماجده اللي كانت تعذب القلب من جمالها

رجعت وهي تسمع كلام رهام حست فيه شي ونادتها: رهام عمتي تبييتس

رهام :طيب

راحت رهام ومسكتها الترف بالمطبخ : وش تقولين انتي

رهام: وش اقول

الترف: بغيتي تقولين شي وسكتس لثنيان

رهام تورطت : لا ولا شي

الترف: رهام تعرفيني مابي اكفخ

رهام ضحكت :والله سالفه قديمه

الترف : قوليها

رهام : يا بنت زمان امي كانت حالفه تزوج ثنيان ماجده وطبعا ابوي رفض وزوجه منيره وبعد منيره قالت امي بدال مشاعل ماجده بس انخطبت وثنيان تزوج وهي بعد فتره تطلقت وكذا يعني كانت امي تبيها لثنيان

شهقت الترف : وهي متطلقه الحين

رهام : ايه

الترف : ابك يا ويلي ويلاه اللي يطلق ذا المزيونه وش في عقله

رهام : والله مدري

الترف :اقول وخري خليني اروح اصرف ثنيان

طلعت وشافت بنت ماجده عند ثنيان وكانت البنت مزيونه بعد

الترف ضحكت: ماشاء الله جت البنت عندك شكلها تعرفك

ثنيان ابتسم: لا والله معرفها بس جت كذا شوفي يا زينها بسم لله عليها

الترف ( ياليل والله من يوم صار يمدح فالبنت وامه تبي ذا الماجده شكله ناوي نيه عاد الحين فيه خانه فاضيه يا راسي راساه ) : اقول انت ما تقول بتروح

ثنيان: ماتقهويت علامتس انتظري

دلال جت ببتسامه: ثنيان ماجده بتسلم عليك

اتسعت عيون الترف : تسلم وين

دلال : من ورا الباب عاد ثنيان كان صديق الطفوله

الترف لفت تناظر ثنيان وعيونها طايره ( بععد صديق الطفوله ،ابك والله لتطير به)

ثنيان وقف ومسكته الترف : وين

ثنيان: بوقف عشان اسلم

الترف : الله اللي يشوفك يقول مايطلع صوتك وانت جالس اصلا تدري انه حرام تكلم حرمه مب محرم لك

ثنيان: بسم لله يالترف ترا سلام من بعيد وخري

الترف : خلك جالس يارجال

ماجده: ثنيان كيفك

الترف بهمس : ثنيان حاف الله مالك ولد تناديك بأسمه

ثنيان ابتسم : حمدلله بخير انتي كيفك وكيف عيالك واخبارك

الترف بنفس الهمس : وش سلام الشياب ذا

ثنيان لف : سمعتك

الترف ابتسمت : يعني

ثنيان سكتها وهو يسمع ماجده: حمدلله على سلامتك يقولون متصاوب

ثنيان: عدت على خير والله يسلمك

الترف : وش دخلها تصاوبت ولا لا

ثنيان ضحك : وش بلاتس انتي

ماجده: اجل اخليك دمت سالم

ثنيان: الله يستر عليك

الترف وخرت وهي تقلدها : دمت سالم

ثنيان : خير وش محرق رزك انتي

الترف وهي ترجع شعرها ورا: وش يحرقه حمدلله

جات بنت ماجده وهي تسولف مع ثنيان

الترف قربت وهي تقول : حبيبتي امتس تناديتس روحي لها

البنتت: مانادتني

الترف : الا تناديتس روحي لها

رهام : وش فيك عليها خليها تسولف

الترف ( الله ياربي ليته ما طلق مي كان اضمن انه ما بيتزوج وينتس يا منيره وينتس يا مشاعل خليتوني في ذا الحرب )

ثنيان : رهام عطينا شاهي

الترف لفت:وش شاهيه مب تروح لعجاج

ثنيان انتبه لغيرتها واستخرى ببتسامه : لا والله شكلي كسلت

رهام جابت الشاهي وتكى ثنيان: ايه وماجده كم لها من يوم تطلقت

رهام : اووه لها سنه ، وعاد نقلت ذا الشهر هنا عندنا با اخر الحي

الترف ( ايييه كدينا خير ) بهمس: الله لا يحيها

تعدلت الترف : رهام روحي عندهم يمككن يحتاجونتس

رهام : ايه صادقه

الترف : وش رايك دامك بتقهوى نروح البيت احسن ولا نضايق الناس

ثنيان: لا مرتاح هنا وانتي بعد ما تقهويتي روحي روحي ما عليتس مني

الترف ( معععصي الله ما اخليك عشان تلعب على كيفك معصي ) : لا شدعوه بجلس معك

ثنيان اللي انبسط على الاخير ماهمته ماجده بس استانس على وضع الترف وهو يشوفها كل ما جوا العيال رجعتهم لامهم

الترف: ثنيان مارحت لمشاعل

ثنيان اللي تذكر: اووه كنت بروح لها

الترف : لييه مارحت حرام عليك تتركها لحالها وهي مريضه

ثنيان وقف وهو يبي يضحك عليها : اجل خليني بضبط شماغي على ذا المرايه

سحبته الترف: وش تضبط هنا مجلس الحريم تكشفهم

ثنيان بكذب: يووه عادي كانت بنت جيرانا وحافظها

الترف طارت عيونها وهي تخبطه:وش حافظها خير ان شاءالله

ثنيان انفجر يضحك: ياربي تكثر الحريم اللي اعرفهم عشان بس اشوفتس كذا

الترف : اقول توكل على الله

طلع ثنيان وهو مبسوط ورايق ويضحك والتوف دخلت وهي ودها تفجر ماجده ................••............

برا عند ثنيان

اللي قابل سيف وولده واخذه وهو يلعب معاه شوي وبعدها طلع لمشاعل ومن مشاعل لعجاج وصل الحاره ونزل وهو يسلم عليهم وناظر باستغراب في ابو عجاج اللي كان معصب وهو عند باب البقاله واول ماشافه قال : قطع الله ذا الوجه

عجاج نزل من الحوض وجاء يركض : ثنيان تعال تعال

ثنيان: وش فيه ابوك

عجاج : ابد من بعد ما تفركش الزواج وهو مستقعد للحاره كلها

ثنيان: ياساتر

عجاج : تعال بس خلنا ندور شي نسويه ضايقن صدري

ثنيان: انا انا عندي لك خطه رهيبه

عجاج: وشهي

ثنيان: تعرف عايض !

عجاج: وش به عايض ذا صار كابوس

ثنيان: انا اشهد انه كابوس بس بزوجه نعيمه

عجاج : هااااه

ثنيان: اللي سمعت

عجاج : يا رجال انت صرت خطابه كل شوي جايب واحد بتزوجه

ثنيان: لاا بس اشغلني وابيه يتزوج وافتك منه ومن جهه ثانيه نفك نعيمه من ابوك

عجاج : ماشاء لله وش رايك تزوجها انت بعد تكمل الهبه

ثنيان ضحك: لا يا رجال انا بلشان بعمري الحين مابي ازيد خلاص

عجاج : الله ينصرها الترف اللي وقفتك

عيد جاء وهو معاه عوده واغراضه : فاضين ولا

ثنيان: حي الله عيد كيفك بعد خرعة امس

عيد : ماشي حالي خلك مني اقرا على خويك ذا منخلع عقله

ثنيان:هههههههههههههههههههههههههههههههههههههههههههه هههههههههههه اييه عجاج مب غريبه عليه دايم عقله مخلوع

عجاج: على شحم وانت وين بتروح

عيد: معزوم على جلسه محترمه وففيه سامري بعد

عجاج : لا يكون عزيمةحمدان

عيد: اييه عليك نور

عجاج لف : ثنيان تراه يعزمك بعد

ثنيان: ولييه ما قلتي لي اكشخ

عيد :يا رجال ما يحتاج ماشاء الله عليك بس ألبس شماغك ويلا

عجاج : متى زواجه هو

عيد: بعد بكره

ابتدوا يجهزون وكل وقتهم ضحك وتخريب على بعض لما وصلو ونزلوا وهم يسلمون على حمدان

................••............

في بيت ابو ثنيان

الترف اللي كانت تراسل مشاعل وتتطمن عليها

ماجده : اقول الترف

رفعت راسها الترف تناظرها : هلا

ماجده : كم لكم متزوجين

الترف ناظرتها بإستغراب :6 شهور

ماجده : غريبه وما حملتي

الترف احتدت نظارتها لها واعتدلت : ما كتب ربي

ضحكت ماجده : يلا ان شاء الله نعيش ونشوف عيالك

الترف ( جعلتس ما تعيشين ان شاء الله ) : ان شاءلله

رهام بهمس: وش فيك عليها

الترف : ابد طال عمرتس انتظر بس امتس تزوجها ثنيان

ضحكت رهام : لا وييين ارتاحي بس مستحيل

الترف : والله ما يندرى عنكم

نوف بضحك وهي تحارش الترف : والله نظرا لحب جدتي لها توقعي 9٪ و10٪ من خالي ثنيان خصوصا انه عنده مجال

الترف : اقول ورا ما تشربين قهوتس بس

رهام : لا وازيدك من الشعر بيت بيتها قريب من بيتكم يعني قولي بينكم شارع بس

الترف : ماشاء الله صراحه مشكوره

ارتفع صوت ضحكهم عليها ولفت الترف وهي ماتبي تتصل بثنيان ويتذكر ويجي

.

.

انتهى البارت✨

«البارت الخامس والثلاثين »

.

.

في حاره عجاج

عجاج اللي رجع لبيت ابوه وهو ينتظر متى يوصله الخبر عشان يقلب الدنيا وكان ابوه طالع طلع وجلس على سيارته وجاء عيد : عجاج وينك

عجاج : وش فيك

عيد: اركض ابوك مسوي سالفه في اسفل الحاره عند بيت ابو نعيمه

فز عجاج وركض وهو يشوف ابوه يتهدد والناس ماسكينه

عجاج : يبه وش فيك يا يبه

ابو عجاج : انقلع انت الثاني

ابو نعيمه : اسمعني يا رجال معاد عندي بنت ازوجها لك وفلوسك رجعتها لك ويفتح الله

عجاج مسك راسه لما سمع تهديد ابوه وصراخه مسكه وهو يبعده لما دخله البيت : يا يبه وش ذا اللي تسويه انت رجال كبير حرام حرام اللي تسويه انت حرام

دفه وهو يقول : اقولك انقلع من بيتي انت كله من تحت راسك لكن انقلع انقلع

عجاج:يبه الله يهديك

ابو عجاج اللي صفق الباب في وجهه عجاج وهو يسب ويلعن

وطبعا ضاق عجاج وجلس وجاء عيد : تعوذ ابليس يا عجاج فتره وتعدي

عجاج : اي فتره مدري متى بارتاح انا

عيد : ان شاء الله بتنحل خله هو الحين معصب وبيهداء ويفهم

عجاج وقف ياخذ نفس وهو يمسح على وجهه : تخاويني

عيد: قدام بس وين

عجاج: بنروح لعشاء عند صالح

عيد : اجل قدام نوسع خاطرنا شوي

تحركوا بيمشون وجات مرزوقه : عجاج خييير وش فيه ابوك .

عجاج : اقول مرزوقه ترا ماني فاضي لك انتي بعد روحي لاهلك

مرزقه: تكلم من كذا يا عجه

عجاج اللي كان معصب : اقول طسي من هنا ازين لك والا والله والله لتروحين للمرايه ماتعرفين من انتي

راح وهو مب ناقصها اما عيد اللي كان ينتظر انفجار وهوشه بس مرزوقه راحت وعجاج راح وعيد يناظر بصدمه ولحق عجاج قبل تصير كارثه

................••............

في ديرة الترف

ثنيان والترف اللي وصلوا القريه وكان بوجههم عايض اللي عند باب اهل الترف كان فتره صمت

الترف ( ياااليل وش جابك انت )

ثنيان( ايييه وهذا بعد فيه لازم ندبرك يا ذا العايض )

الترف : يلا ننزل

ثنيان : يلا

نزلوا وتقدم ثنيان اللي غطاء على الترف بجسمه وهو يحاول انه يبعدها عن نظر عايض اللي صح ماكان يناظر بس مازال يحن لترف

ثنيان قرب يسلم عليه بشده وشوية حقد وعايض اللي مب بالع ثينان بس عاد يسلك

لف ثنيان على الترف وهو يإشر لها تدخل بس الترف استلعنت وهي تقول : هاه وش تقول

احتدت نظرة ثنيان :ادخلي

الترف بلعانه : عايض وشلون امك وابوك طيبين

عايض انلخم وهو يناظر ثنيان: بخير الحمدلله يسلمون عليتس

ثنيان اتجهه لترف بعصبيه وهو يهمس : ادخلي البيت احسن لك لا وربي تششوفين شي ما شفتيه

الترف ضحكت بخفه : خلنا نسلم على الربع مبطين عنهم

ثنيان : قولي كلمه ثانيه وشوفي كيف اعلمتس السلام

عايض اللي انسحب وضحكت الترف: بالله عيد كلامك بالسين حلوه عليك تونسني

ثنيان كان بيرد بس جاء صالح ومد يده وهو يقبصها بقهر وصرخت الترف بخفه وابتسم ثنيان وهو يسلم على صالح وابو الترف بحراره

اما الترف دخلت للبنات وهي تمسح على يدها : وجع يا ثنيان وجع

نوره ضحكت: الناس ترد السلام وانتي تهاوشين

قربت الترف تسلم عليهم : وش اسوي قهرني

سلوى وهي تنزل القهوه: وش مسويه فيه اكيد مسويه شي

الترف : قهرته بس

سلوى ضحكت : يا صبره عليتس يا صبره

الترف : اقول كيفتس وكيف ولد اخوي

سلوى : ما علينا نكرف في عشاء رجلتس عساه بس بالعافيه

الترف : اقول اجلسوا عندي لكم سوالف بالدرزن

نوره: حشى توتس رحتي امداتس تعبين سوالف

الترف : ايييه اجلسي بس

................••............

في مجلس ابو الترف

عند ثنيان اللي كان يفكر كيف يقش هالعايض من قدام وجهه ويشغله ابتسم وهو يشوف عايض اللي جلس قريب منه لف : اقول عايض انت للحين عزابي

عايض : ايه ليه

ثنيان: وراء ما تزوج يا اخوك انت ماشاء الله عليك كامل والكامل الله

عايض حزتها كان وده يكفخ ثنيان وناظره بهدوء وقال: يمكن انا مبسوط من وضعي

ثنيان : ان شاء الله انك مبسوط بس مثلك عارف الواحد وده يتزوج ويتسقر

ابو الترف : اي والله انك صادق يا ثنيان وترا العزوبيه الطويله مب زينه

ابو عايض : والله انه معيي مايبي من بنات الديره عجزت فيه

ثنيان ابتسم وزانت له السالفه ( ايييه عز الله ان طبك عندي ): افا والله بنات الحلال واجد

ابو عايض: اقوله مايطيع

ثنيان ابتسم: والله لو يبي عايض يبشر عندنا جار لنا في الحاره من قبيلتكم بس من فخذ ثاني رجال وعنده بنات والله انه طيب ومشهود لهم بالخير اذا وده عايض تخطبون له من عندهم

عايض لللي كان وده يهف ثنيان بصينية الفناجيل بس مسك نفسه وقال ابوه : اذا ثنيان شاهد لهم اكيد ان فيهم خير

ثنيان: الله يسلمك لكن اعرف الرجال ماشاء الله عليه واما الحريم الترف اعرف بهم مني

ابو عايض : ان شاء الله خير ان شاءالله

ثنيان كان كل همه يزوج عايض ماكان يدري ان الترف تخطط بنفس المووضوع من اول ماشافت عايض وهي تفكر تزوجه نعيمه

وراحت تنادي ام عايض وجلست جنبها وهي تقول: اقول يا خاله مازوجتوا عايض

ام عايض : لا والله ندور له بس معيي

سلوى جلست : اقول يا خاله والله يالترف عندها جيران ماشاء الله عليهم منا وفينا

الترف : اييه وصدقيني بيعجبونتس حتى بناتهم ماشاء الله عليهم صح انهم على قد حالهم بس البنات سنعات سنعات

نوره اللي تراقبهم وهي مصدومه كيف يلعبون براس ام عايض لعب وطلعت الحرمه وهي مقتنعه انها بتزوج عايض منهم

جلست الترف بوناسسه: اييه وعايض وافتكينا من همه

سلوى: واالله من زمان عن التخطيط والتدبير

ضحكت نوره: انا مصدومه كيف قلبتن راسها

الترف : يا بنت ابي افتك من همه كل ما تقابلنا معه طارت عيون ثنيان لو مافيه شي

نوره: ما الومه دامتس تقهرينه به يحق له

سلوى: يا صبره عليتس بس

الترف : الحين بتفرغ لمنيره ذا العوبا صادمتني يابنات صدمه عمري

سلوى: يا حسافه والله كانت حليله

نوره: عشانها سمعت لاختها هاللي ماتخاف الله

الترف :كنت والله اتحاشاها بس هي اللي حدتني

سلوى: اجل لا تسكتين وريها شغلها زين

وقفت نوره : يابنت الحلال ذبحنا الحر

فتحت الشباك لكن شهقت وهي تشوف عجاج وعيد نازلين وصالح يستقبلههم فزوا سلوى والترف معها : من

انفجرت سلوى تضحك: ايييه هذا ضحيتس جاء

الترف لفت : ضحيه وش ضحيته !؟

نوره: ماعليتس منها تخثردتز

الترف : لا والله انه صدق من يوم خفتي وش السالفه .

سلوى كانت بتتكلم وجات نوره بتطقها بس صرخت: هيييييه وخري عني انا حامل

نوره: الله ياخذتتس يا سلوى وياخذ اللي يعلمتس

جلست سلوى وهي تعلمها موقف نوره وعجاج وانفجرت الترف تضحك : اييييه صار عندنا موضوع تزويج جديد تدرين والله انه حليل ذا العجاج

نوره: وش دخلني فيه

الترف جلست : تعالي يا خبله هذا رزق من ربي ماتدرين يمكن يكون من نصيبتس

سلوى: اي والله

نوره: :يمممه لا لا فكوني منكم

الترف : الله يا نوره تزوجين وتجين عندي الللللللله

نوره: لاا يا بنت وش ذا الحتسي اعقلي

سلوى: والله صدق ما ينتفوت

نوره كانت تضحك بطقطقه وصدمه : خير وش ذا اقول وخروا بس

راحت نوره تصب الشاهي والترف تكت وهي تخطط فعليا على عجاج وابتسامتها شاقه وجهها

................••............

وعند منيره اللي اخذها محمد وراحوا للمستفى لابوها وكانت تراعيه لما طلع للبيت بس بالها مشغول

محمد جاء جلس : منيره عندي لك خبر بيونسك

منيره: وشو

محمد ببتسامه : ابشرك اخيرا خطبت رهام

وقفت منيره بفرحه : في ذمتتتك

محمد : والله

منيره: وش قال عمي

محمد : بيسأل رهام والدكتور ويرد

منيره جلست بضيق: اخاف يرفضون

محمد : لا ان شاءالله والله اذا رفضوا بموت

منيره: لا ماعليك ان شاءالله ربيي يكتبها من نصيبك

محمد بفرح: امين يا رب امين

كان فرح محمد ينطق من عيونه لكن بينها لمحات خوف وتردد

ومنيره اللي كانت تناظر وضعهم مع عيال عمهم هي تطرد ورا ثنيان ومحمد ورا رهام وثريا عند سيف لكن محد منهم راسي على بر

اخذت نفس وهي تفكر وينه ثنيان ووش يسوي رفعت جوالها وهي تتصل برقم ثنيان

................••............

في ديرة الترف

عند ثنيان اللي كانوا مندمجين بالسوالف والحكي والضحك طلع جواله واستغرب من رقم منيره ووقف وطلع برا شوي : هلا مناير

منيره:سللام كيفك

ثنيان: حمدلله انتي كيفك فيكم شي !

منيره: لا بس اشتقت لك قلت اشوف وش تسوي

ثنيان اللي استغرب وهو بطبيعة الحال منيره مب دايم تقول ذا الحكي ابتسم : الله وش ذا الشوق المفاجئ عسى خير

منيره: الله يسامحك دايما مشتاقين لك لكن ماتدري عن هوا دارنا

ثنيان قبل يرد ناداه صالح: ثنيان أقلط على عشاك يا رجال

ثنيان: ابشر ، شوي واتصل فيك انتبهي لنفسك

سكر ثنيان وهو يروح لصالح

اما منيره اللي سكرت بضيق وهي تلف على ابوها وتلحفه .................••............

في بيت ابو ثنيان

عند رهام اللي كانت جالسه بغرفتها بعد ما سملت على امل طلعت السلسال من درجها ولبسته وهي مبتسمه على كل لحظه مرت فيها طاري محمد كان الشي الوحيد اللي يفصلها عن محمد موافقه ثنيان وسيف ومن بعدها عقد القران

................••............

في ديرة الترف

عند الترف وسلوى ونوره اللي بعد ما انتهى العشاء كانوا متجمعين فالمطبخ وينظفون نوره وهي تمسح يدها : خلاص يا بنات انا بروح لامي لا تعصب

الترف: روحي بس فكري بالموضوع

نوره: يا شينتس اذا عرفتي شي

سلوى: تعالي بالله خذي ذا الاكل الزايد حطيه عند جهة الغنم

الترف وهي تضحك : انتبهي لا يطلع لتس عجاج

نوره وهي تاخذه بضحك: خيييير ماعاد الا هي احصله عند الغنم

ضحكوا وطلعت نوره وهي ماتدري هالصدف كيف تجمع

................••............

في جهة الرجال

ثنيان وعجاج اللي كانوا واقفين خلف البيت وهم يسولفون عن اليوم

عجاج وهو متكي بتعجب : صراحه استغربت من الترف ما توقعتها على هبالها تسوي كذا

ثنييان : يعني خلني اقولك اني انصدمت بعد

عجاج : كنت ألومك بس الحين ابد ما ألومك

ثنيان ضحك : والله لو اقولك يا عجاج اني اتمنى ان الترف كانت اول حريمي وكانت اول من عرفت ما تصدقني وما تزوجت بعدها ابد

عجاج كان منشد مع ثنيان لكن شد انتباهه احد يمشي وكأنه يكلم احد : والله بصدقك بس وش ذا

ثنيان لف : وش !

لف يناظرون وشافوه فجاءه جلس واختفى وطلع ورجعوا شوي لوراء : عجاج لايكون جني

عجاج : بسم لله الرحمن الرحيم والله مدري هذا جاي من جهة الغنم

ثنيان اتسعت عيونه وهو يشوف الظل على انوار خفيفه : عجاج هذا جاي لنا

عجاج دقق بالنظر : امش امش بسم لله بسم للله

اللي حاصل كاان ان نوره شايله قدر الاكل والشحم على راسها وطاحت وانحاست عبايتها وطرحتها وانكب الاكل عليها وكانت بتتوخره وطار شعرها هي كانت خايفه وتتلفت لكن شافت ظلال ورا البيت وانخرشت وركضت وطارت عبايتها وطرحتها وهي تحس احد يركض وراها ولفت وشافت الكلب وركضت وهي تصرخ صراخ رعب متجهه للبيت

اما عجاج وثنيان اللي شهقوا اول ماشافو الظل يركض لهم ويصارخ ومع اصوات كلاب

تمسكوا ببعض وصرخ عجاج: هججج ييا ثنيان هههج

ماكان ثنيان منتظر اشاره وانطلق وهو يسمي ويقرا وعجاج مثله ونوره تركض وراهم بصراخ والكلاب وراها

طبعا ثنيان وعجاج وصلوا لرجال وهي مازالت وراهم صالح فز هو وعيد وقبل يتكلمون كانت نوره تصرررخ وجايتهم وهي كلها رز وشحم ومرق طبعا صالح ما عرفها وصرخ هو بعد

وانفجعوا ورجعوا كلهم المجلس وصفققوا الباب في وجهها نوره كانت بيغمى عليها من اللي صار صفقت بالباب وطاحت والكلاب اختفت وفزت وهي تتذكر اشكال الشباب وهي تبكي وركضت لترف وسلوى وهي تتمنى ان محد عرفها

اما ثنيان وعيد وعجاج كانوا طايحين على بعض برعب وصالح واقف على الباب وقلبه يرقع

صالح : بسم لله الرحمن الرحيم وش ذا من وين جايين انتم وين كنتوا وش سويتوا

عجاج دف ثنيان وعيد عنه وهو يسمي : مدري الله ياخذكم انتم وديرتكم يممممه قلبي بموت بموت

عيد: وش صار

ثنيان: مدري كنا نمشي شوي ورا وفجاءه طلع ذا الظل وكان يمشي ويجلس ويختفي ويطلع وفجاءه صرخ وركض ورانا

صالح: بسم للله وش ذا

عيد: وش تسوون انتم هناك

عجاج : راسي بينفجر ياربي

صالح : اجلسوا اجلسوا قبل يجي ابوي وسموا بالله

ثنيان: ابوك وينه

صالح : راح يودي عشاء للامام مريض

ثنيان: ااااه ياربي قلبي وقف

صالح : لا اله الا الله خلني بجيب مويه

................••............

عند سلوى والترف

اللي كانوا ينظفون ويغنون ودخلت نوره وهي تبكي : بنات

صرخوا كلهم بفجعه وركضت وهي تسكتهم : اسكتوا مانيب ناقصه فضايح

سلوى: نوووره وش بلاتس كذا

الترف : يممه يا بنت وش ذا

نوره سمعت صوت صالح وركضت وهي تخبى ورا الدولاب : لا يدري اني هنا خلكم طبيعين

صالح : سلوى

سلوى لفت بفجعه: سم

صالح اللي كان وجهه مفجوع: عطيني مويه بسرعه

الترف : علامك وش فيه وجهك كذا

صالح : مابي شي عطيني مويه بس

عطوه مويه وراح اما نوره اللي كانت تبكي

سلوى طلعتها: علامتس اخلصي

نوره: دقيقه عطيني عبايه ولا شي ببدل

عطتها سلوى وغسلت نوره وبدلت وجلست وهي تبكي

الترف : نوره علامتس

نوره اللي قامت تشرح وهي تبكي وقالت : وركضت وراهم مدري من هم بس دخلوا عندكم وانا منفجعه منهم وهم انفجعوا مني والكلاب وراي وانا خفت بموت يا بنات

الترف وسلوى ماتوا ضحك عليها

الترف : عسى بس مب عجاج

سلوى: يا ويلي يا نوره روعتي المسلمين

نوره: وش اسوي مادريت انهم اوادم احسبهم جن

الترف : اشوف صالح مختبص

نوره: تكفون لا تعلمونه تكفون

الترف : لا معليتس قومي قومي خليني اوديتس بيتكم تنامين وترتاحين وجهتس اصفر

راحت الترف توديها وهي تضحك وسلوى تضحك

................••............

اما العيال اللي كانوا كلهم جالسين جنب بعض برعب

عجاج لف على عيد: يلا يلا بنروح

صالح : اجلسوا يا رجال ناموا هنا

عجاج : فالمشمش يا قلبي لو تموت ما نمت هنا

صالح : يا رجال تعوذ من ابليس

ثنيان: ياخي اجلسوا ليل وحوسه اجلسوا

عيد: لا لا بنمشي

طلعوا عيد وعجاج وراحوا وهم مشغلين القرآن من الخرشه

صالح وثنيان اللي كانوا كلهم يناظرون بعض

صالح : تجي معي بنشوف حوالين البيت اخاف شي ويدخل للحريم

ثنيان: ايه ايه

وقفوااوطلعوا وهم يمشون بحذر وكل واحد يراقب الثاني وقبل يدخلون شافوا احد جاي يمشي

ودقق ثنيان: الترف من وين جايه !

الترف وهي تشوف خرشتهم وتحاول تمسك نفسها: رحت اوصل نوره وجيت ليه فيكم شي

صالح : لا بس وش مطلعتس بذا الليل ادخلي يلا

دخل صالح وثنيان والترف باقي واقفين وثنيان يتلفت

الترف : وش فيكم وجيهكم ما تبشر

ثنيان ماكان يبي يخوفها: لا ولا شي بس لا عاد تطلعين بذا الليل كان قلتي لنا نجي معتس

الترف : لا عادي

ثنيان: ادخلي ادخلي

الترف ابتسمت بخفه وهي تمثل الفجعه : ثنيان تشوف هناك شي

لف ثنيان وهو مفتح عيونه برعب :وين

الترف : هناك

ثنيان اللي كان مايبي يشوف ويدقق كثير: لا لا مافيه شي بس ادخلي ادخلي

دخلوا والترف داخلياً ميته ضحك على ثنيان وصالح ورعبهم

دخلت لسلوى وهي تضحك: اقولتس شكل نوره اخذت عقولهم

سلوى: ليييه

الترف : لقيتهم برا يتلفتون اصلا يوم شافوني بغوا يموتون وثنيان قلت له شفت شي بغى يغمى عليه

سلوى:ههههههههههههههههههههههههههههههههههههههههههههه ههههههههههه والله انا انفجعت منها في عز النور كيف هم في ظلام وراها كلاب

الترف وهي تضحك : خليني بدور لهم عصفر اعطيهم قبل ينهبلون

سلوى : تعالي عجاج معهم

الترف: الظاهر طيرت عقل الرجال الخبله قبل يتزوجها

سلوى: تعالي تعالي بنفرش بالحوش ونتقهوى

ابو الترف اللي جاء : الترف الترف وين فراشي وفراش رجلتس

الترف : ابشر يبه الحين اجيبه

اخذت الترف فراش ابوها وطلعت وهي تشوف ثنيان وصالح جالسين وكل واحد بيده كاسة مويه

نزلت الترف الفراش وهي مبتسمه فرشته

ابو الترف : وين تبي فراشك يا ثنيان

الترف بلعانه : بحطه قريب الباب ثنيان ينخنق في نومه يبي هوا

ثنيان لف لها : لا لا خليني جنب عمي

الترف : ورا ما تنامون بالحوش براد وجو حلو

ابو الترف : اي والله تدرين حطيه حطيه فالحوش

الترف ابتسمت وثنيان وصالح اللي كانوا ودهم يكفخونها وفرشت وهي تحاول تقربهم من الباب

صالح : بجيب لك قميص ترتاح فيه يا ثنيان

ابو الترف دخل يبدل وثنيان اللي تقدم لترف : وشوله حاطتني عند الباب

الترف : عشان توسع

ثنيان اللي كان متاكد انها ماتدري بسالفه الخرعه والا كان اتهمها انها تلعب به : قربي فراشي هنا

الترف : وش فيك كأنك خايف

ثنيان: وش يخوفني بس مب زين النوم عند الباب

الترف : اييه صادق

جاء صالح يعطي ثنيان القميص ودخل يبدل والترف واقف قريب عطاها ثنيان ثوبه ولفت الترف وهي تضحك على قميص صالح اللي واصل لنص ساق ثنيان وضحك ثنيان

الترف: تبي شاهي يا حاج

ثنيان: اي والله وقته

الترف :اجل خلك هنا عشان ابوي ينام على طول ومابي نزعجه

صالح جاء وضحك : اووه اثرني قصير

ثنيان: مدري قصير ولا شمرت من الخرعه

صالح : ههههههههههههههههههههههههه واليوم بذات ابوي اصر على نوم الحوش الله يعينا بس

ثنيان: الله يستر

صالح : بتنام الحين

ثنيان: بتقهوى شاهي يمكن يخف الصداع

صالح: اجل انا والله ماشوف بموت من النوم

ثنيان : نوم العوافي

طلع صالح ينام وثنيان اللي وقف فالجهه الثانيه من الحوش وهو للحين في اثر الفجعه ويناظر يمين ويسار

عند الترف اللي لقت سلوى ميته تعب وبتنام اخذت الشاهي وراحت لثنيان

لف ثنيان بقوه لما حس بحركه: انتي

الترف : ثنيان وش بلاك تلفت وش شايف

ثنيان : لا مافيني شي

الترف مدت له الصينيه : امسك

اخذها ثنيان وفرشت الترف فرشه صغيره يجلسون عليها

وجلست وجلس ثنيان : اوووه وربي اني مصدع

الترف : ليه غريبه !

ثنيان : مدري

الترف : يمكن نوم انت صاحي من بدري

ثنيان: يمكن

سكتت الترف وثنيان اللي كان يمسج راسه بألم

الترف : انسدح شوي

ثنيان اللي انسدح على رجولها وهو مغمض قطع عليهم اتصال منيره اللي نساها مع الحوسه وكان الجوال صامت مدت الترف يدها بخفه وهي تعطيها مشغول

ثنيان: وينها سلوى !؟ هي هنا

الترف : ايه بس نايمه

ثنيان : شكلك انتي بعد تبين تنامين

الترف : لا عادي

الترف وهي تشوف صرار منيره على الاتصال وهي تسكر وتسكر في وجهها

واخر شي سحبت الجوال وفتحته وهي تقربه

الترف كملت جملتها وهي بس تبي تقهر منيره : اصلا انا احب السهر عاد كيف لو السهر في ليلة 15 والقمر كامل والوجه الحسن موجود

ثنيان اللي كان مغمض ويسمع بس فتح عيونه وهو يحس ان الصداع تبخر وابتسم : حددي من هو الوجهه الحسن انا ولا انتي

الترف اللي كان قلبها يدق ماهي متعوده كذا بس كله كيد في منيره ضحكت : اوووه محد ينافس وجودك

ثنيان ماصدق وهو يناظره ببتسامه : لا لا هذا الحكي لي راضيه علينا اليوم

الترف ( ياربي ساعدني والله اني بقره بس ماعليه ) : الله يسامحك دايم وانا راضيه بس انت ماتخلي لي مجال

ثنيان اللي بدال مايصدع راسه صدع قلبه وراسه مع بعض جلس وهو يناظرها وهي تضحك : هالحكي ماتعرفينه الا هنا

الترف : لا بس الواحد في ديرته ياخذ راحته

ثنيان : ليه من مضايق راحتك بالبيت

الترف ( اييييه عز الله جاني سبب وانا ماسعيت له ) : لااا بس يعني هنا اريح اصلا لو بيدي نعيش هنا

ثنيان تذكر ان منيره هالفتره تضغط على الترف تنحنح وهو يقول : اذا مزعجتك تصرفات منيره ذا الفتره فا لا تعطيها اهتمام تعرفين منيره ذا الايام عمي تعبان ويإثر على نفسيتها وانتي تدرين منيره طيبه وبنت حلال

الترف ابتسمت : ادري ولا بزعل منها بس يعني الواحد يتضايق شوي مهما كان ماودي ازعلك اول شوي ولا ودي ازعلها

ثنيان اللي ابتسم وهو يبوس كفها : لا لا ماعليك انا بكلم منيره وارتب الامور المهم لا تزعلين تراك طاقه للبيت كله

ضحكت الترف وثنيان اللي اوجعهه قلبه من ضحكتها : والله اذا جيتنا لهالديره بتخليك رايقه دوم وهالضحكه الحلوه موجوده كل يوم بنجي اجل

الترف اللي كانت تضحك بفرح وتضحك وهي متاكده ان منيره الحين مغمى عليها من القهر كانت بتقفل بس ماتدري كيف بتقفل وثنيان مقابلها مدت يدها وهي تسحب ثنيان بشويش : خلنا من الروقان وحاول تنام عيونك تعبت

ثنيان انسدح : والله اذذا بتجلسين كذا ما توقع اني بنام ابد

ابتسمت الترف وهي تسكر السماعه وقلبت الجوال وهي تحذف المكالمه وسكتت وهي تسمع ثنيان يسولف لما تعب ونام وصحته يروح لفراشه وراحت هي تنام

................••............

عند منيره

الللي كان النوم في هالليله عليها حرام وهي ترمي جوالها بغضب وقهر وبكي : اجل انا نفسيتي تعبانه يا ثنيان انا وانتي يالترف التبن طلعتي حيه لكن هين اوريك اورييييكم

محمد اللي صحى : يمه وشفيك

منيره بصراخ: مافيني شي نام انت

انسدح وهو مستغرب حالاات امه

................••............

في بيت سيف

عند فجر اللي كانت عند امها وقالت لها ان امل موجوده بس ثريا ماكان لها اي ردت فعل الا انها فتحت القران تقرا

طلعت فجر وهي مستغربه امها وهدوءها جاء سيف : فجر امك وش تسوي

فجر: تقرا قران

سيف : هي باقي على ذا الحال

فجر: ايه

سيف :زين اجل انتي نامي تاخر الوقت

فجر : طيب

اما سيف اللي دخل لغرفك امل اللي كانت نايمه هي بعد وهو مايدري كيف بيرتب اموره على بيتين

................••............

من بكره الصبح في الديره

عند ثنيان اللي كان نايم بكل تعب صحى لما حس احد يناديه بشويش شاف الترف جالسه جنب راسه : يلا صحصح طلع النور لين متى بتنام

رفع ثنيان راسه يناظر الجو وكان توووه الفجر ناظرها بتعب : وشوله مصحيتني الحين بدري

الترف : قم ناظر حولك فالديره هنا مافيه بدري ابوي قام من زمان وشوي بيجي وصالح بعد صحى قوم انت بعد لا تفوت عليك الجو مع هالصبح

ثنيان وهو يتمغط :عطيني مويه طيب

جابت الترف مويه وجلس ثنيان وهو يناظر كان فعلا جو يفتح النفس

الترف :جيعان مره ولا عادي تصبر

ثنيان : عادي ليه

الترف : عشان عندي شغله ابيك معي فيها وبعدين نرجع نفطر

ثنيان: وشو

الترف جابت ثوبه : اللبس بجمع فراشك واجي

لبس ثنيان ورجعت الترف وهي ولابسه طرحتها وغطاها : بنروح للحلال ابوي ( الغنم والتيوس والدواب بشكل عام ) كلفني بها اليوم وهو بيروح يخلص اشغاله

ثنيان : اما

الترف : لييه ماتعرف لها

ثنيان: والله اول مره اروح

ابتسمت الترف : اجل اليوم بنضحك عليك

ثنيان وهو باقي فيه نوم :امشي بس

طلعوا وثنيان مازال يتلفت والترف تسولف وقف ثنيان قريب الشبك وقالت الترف: ثنيان بالله افتحه لكن التيس هذا لا تفتح عنه

ثنيان: لييه

الترف : لانه جني بيلعن خيرنا لو طلع

ثنيان ابتسم وهو يسوي اللي قالته ووكان يراقب الترف شلون حريفه في ذا الشغله وعارفه شغلها وعادي

جات الترف وهي معاها عصا : خذ خلها معك

ثنيان: ليه

الترف وهي تأشر له على التيس اللي كان يضرب الشبك بغضب : هذا يمكن يكسر الشبك بأي لحظه لكن من الحين اقولك يا تضربه بالعصاء يا تهج وترقى على اطول شي تشوفه لانه اذا مسكك بيقطع بطنك وخصوصا انك غريب عليه

ثنيان: والله ماندري من وين نلقاها حتى تيوسكم مجانين

ضحكت الترف الللي كانت براسها خطه وراحت بخفه وفتحت الشبك وركضت وهي تركب فوق دبات المويه الكبيره وصرخت: ثنيااااان اركض

ثنيان اللي كان قاعد ومستأمن لها لف وهو يشوف التيس جاي له طاير

فز وهو يضربه بالعصاء لكن مانفع وشاف انه ما ينفع انه يهج مايدري ثنيان كيف واجهه هالتيس الهايج وفي ذا اللحظه جاء صالح وهو يفزع مع ثنيان على التيس وبالقوه رجعوه والترف تضحك : اوووه والله وقدرت عليه يا ثنيان

ثنيان اللي حرفيا انقطع نفسه من ذا الجني لف يناظرها بحقدولف لصالح: تحتاجون بنتكم في شي

ضحك صالح اللي عرف ان الترف ورا ذا الحركه : ابد لك اللحم ولنا العظم

رمى ثنيان العصاء وركض وصرخت الترف ونطت وهي تركض وصالح يركض وراها كانت تضحك بفجعه وثنيان وراها وصالح قدامها

فالنهايه مسكها ثنيان بطرف عبايتها وطاح وطاحت الترف مع طيحته ووقف بسرعه وهو يثبتها ربطها بعبايتها وهي تصارخ: افزع لاختك يا صاالح

صالح: لا والله عسى خليه يربيك

ثنيان اللي اخذها لين شبك التيس وهو مقرر يرميها عنده بس صالح يأشر بالخفا ( لا )

وجاء ابو الترف : صالح صالح علامكم

نزل ثنيان الترف بسرعه وهو يفكها وهي تضحك ووقفوا كلهم بهدوء: مافيها شي يبه خلصنا ونرجع البيت

ابو الترف : يلا ترا الفطور زهب

تقدموا له كلهم وهم يمشون ورا ابو الترف وثنيان يدف الترف على صالح وصالح يدفها عليها وهي تضرب فيهم على الصامت

.

.

انتهى ✨اتمنى التفاعل

«البارت الرابع والثلاثين»

.

.

في بيت سيف

سيف اللي كان جالس ويتابع مع امل بهدوء كانت امل كل ما فتحت موضوع اهله يعصب عشان كذا سكتت وهي منشغله ب ولدها

ماهي الا 10 دقايق واندق الباب لف سيف: طالبه شي!

امل: لا

وقف سيف وراح للباب فتح وشاف ثنيان اللي واقف وهو متكتف : ثنيان

ناظره ثنيان بضيق يملاء عيونه : ايه

سيف :ادخل

ثنيان: انت اطلع

سيف : خير !

ثنيان: اطلع معي بكلمك مابي شوشره وخنقه

طلع سيف وهو يسكر الباب نزلوا تحت وثنيان مازال ضايق

سيف : خير وش فيك

ثنيان : من متى رخصوا امي وابوي عندك !؟ من متى صرت تبيعهم عشان حرمه

سيف : انا ما بعت احد ابوي اللي طردني

ثنيان: لا تحجج بحجج تافهه كلنا ندري انهاا كذب طبيعي ابوي وامي مارح يقبلون زواج سري وفجاءه تدخل تقول عندكم حفيد وغصب بترضون فيه وغير انك تارك بنتك وزوجتك في اصعب اوقاتهم ومنحصر بهالشقه وهالزوجه اللي مدري من وين طلعتها

سيف: اذا بتتكلم كذا اختصر على نفسك وروح

ثنيان: سيف انا ماني جاي احاسبك ولا اقول ليه تزوجت وليه سويت من حقك تزوج وبراحتك بس ليتك اعلنت من البدايه وانهيت ازمه مالها اول من تالي كل اللي بقوله لك لا تبيع رضا امك وابوك مهما كان الوضع خذ زوجتك وولدك واطلع ورح لامي وابوي صح بيعصبون اول الامر لكن بيرضون فالنهايه انت بكرهم وانت ولدهم مستحيل يبعدونك

سيف سكت وهو يتردد وقال ثنيان: خذ راحتك وفكر اليوم بس صدقني حريم الدنيا ما تغنيك عن امك وابوك

انسحب ثنيان وركب سيارته ورجع متجهه للبيت اما سيف طلع وهو مختلط تفكيره ومشاعره

................••............

في بيت ثنيان

جات لهم رهام ونوف وكانوا جالسين ومبسوطين رغم ان الجلسه ما تخلى من حركات منيره ضد الترف اللي تستفز رغم ان الترف كانت على نيتها وطبيعتها

مشاعل: انا استاذن بروح انام بس بالله يالترف اذا جاء ثنيان قولي له بكره عندي موعد

الترف : من عيوني

منيره: انا اقول يامشاعل قولي له انتي واكدي عليه ثنيان هالايام ماينعرف له صاير ينسى كثير وعقله مب معه

مشاعل:لا ما عليه الترف احرص مني

الكل منتبه لكلام منيره لكن الترف اللي هالمره قهرتها منيره بزود تنحنحت وهي تعدل جلستها بقهر وفي نفسها ( هين يامنيره اوريتس كيف اخذ عقله زين شكلي سكت لتس بما فيه الكفايه)

رهام: اجل حنا بعد بنروح الوقت تاخر

الترف : اجلسوا بدري

نوف : لا والله بنروح حتى امي بتقلق

رهام : بكره تجينا

الترف : ما اتوقع بس ان شاء الله لي جيه

طلعوا رهام ونوف وجلسوا منيره والترف ووقفت الترف وهي تناظر الساعه ومنيره اخذت الاغراض للمطبخ وفي ذا اللحظات دخل ثنيان اللي جاء وهو مبتسم : اوووه شعندها السمراء بلحالهاا

الترف اللي كانت عارفه ان منيره موجوده ابتسمت وهي ترفع صوتها شوي : ابد تنتظرك

ثنيان رفع حواجبه بتعجب : اووه شصاير فالدنيا بالعاده انا انتظر

ضحكت الترف وهي تحط ذراعها على كتفه : قلنا نعفيك اليوم

ثنيان اللي كان مستغرب سكون البيت ولف : وين الناس

الترف : مشاعل طلعت تنام وتقولك بكره عندها موعد ومنيره مدري وينها

ثنيان تذكر سالفة منيره ومسك ذراع الترف بحنيه : ايه على طاري منيره ترا اليوم ماكانت تقصد تصارخ عليك

الترف ( والله تعذر يا ثنيان ولا ما تعذر حطيتها في راسي وبغسل شراعها لاني راعيت خاطرها كثير بس شكلها ما بتجيبها لبر ) : ايه ادري لا تخاف

ثنيان ابتسم : ايه كفو بس والله اني جوعان

الترف :افااا يخسى الجوع ابد اطلع بدل وانا بجيب العشاء واجي

ثنيان: نتعشى هنا

الترف وهي تطلعه الدرج وهي بتبعده عن منيره: لا فوق احسن نتعشى برواقه

ثنيان ابتسم بخبث : اوووه رواقه زين اجل تنفعني الرواقه والله

الترف تورطت بس عشان منيره ضحكت بخجل وهي تطلعه ورجعت للمطبخ تتمخطر ومثل ماتوقعت ان منيره تسمع عليهم دخلت الترف وهي تناظرها بطرف عين واخذت العشاء اللي مجهزته منيره وطارت عيون منيره: خييير وش تبين فيه

الترف : ما سمعتي ثنيان جوعان يبي شي يروق به

منيره: الترف لا تستفزيني وحطي الصينيه وقولي لثنيان ينزل تحت يتعشى

الترف :يووه يا منيره انتي الحكي معتس فاضي وانا ماني فاضيتن لتس وراي ثنيان ينتظرني

طلعت الترف ومنيره اللي كانت بتموت من القهر

................••............

ثنيان رغم انه مبسوط من الترف الا انه اتجهه لغرفه مشاعل دخل وهو يشوفها توها بنومتها ابتسم من عند الباب : صحيتك!؟

مشاعل: لا

تقدم ثنيان وهو يجلس قدامها حط يده على بطنها: متعبينك حيل

مشاعل : والله يا ثنيان متعبيني بس الله يعين

ثنيان : اكلتي!

مشاعل: ايه

ثنيان: تقول الترف عندك موعد

مشاعل: ايه مراجعه ضروريه بكره

ثنيان:يعني مايوجعك شي

مشاعل : الالام خفيفه

ثنيان وهو يلحفها: خلاص انتي نامي وارتاحي وبكره خير

مشاعل: ثنيان لو تسمح لي اروح عند امي ذا الفتره لان مابقى شي لثامن وبثقل زياده وودي اكون عند امي

ثنيان بعد سكوت وبعد ماشافها فعلا تعبانه : تمام روحي وانتبهي لنفسك

مشاعل : خلاص بكره بعد المراجعه

ثنيان: زين

طلع ثنيان وهو ضايق شوي يعني مايبي مشاعل بعد تروح بس عشانها راح لغرفة العيال وحصلهم نايمين وقفل الباب ولف وشاف الترف طالعه معاها الصينيه وتقدم وهو ياخذها منها ببتسامه : لا تعبين الرهايف (يقصد فيها يدينها الخفيفه الناعمه الرهيفه )

ابتسمت الترف : اووه ليتيني من زمان محصله احد يشيل عني

ثنيان: القلب مشكله

الترف اللي كانت تتمنى منيره تسمع ومن حظها ان منيره تسمع

دخلوا غرفتهم وجلس ثنيان وهو يتعشى مايدري بالبركان اللي اشتعل بقلب منيره اللي ماعاد تقدر تسيطر على غيرتها اللي تدفعها للجنون

طلعت منيره لغرفتها وهي تدور اخر الحلول اللي تبعد الترف من حياتها للابد وتتخلص

.................••............

في غرفة الترف

ثنيان اللي كان جالس وهو يسمع لسوالف الترف وعن مغامراتها رفع راسه وهو يقول : واذا جبت لتس مغامره جديده تسوينها

الترف شهقت : وشهي وش بنسوي

ثنيان: هي فزعه يعني

الترف : انت قول وانا بشوف

ثنيان وخر الطاوله وهو يتربع ويقرب : اسمعي يا طويلة العمر ابو عجاج بيتزوج بنت صغيره بالسن يعني بزر وهو شايب وندور حل نوخره عنها يعني معاد يتزوجها لكن بدون مايدري ان لعجاج يد فيه

الترف : وانا وش دخلني يعني اروح اطلق عليه

ثنيان: هييييه رجعنا للكلام اللي مدري شلون

الترف : امزح بس وش دخلني

ثينان: ستين الف مره اقول اسمعي اسمعي

الترف :سمعننا

ثنيان :اللي ابيه منك بكره الصباح بعد مانودي مشاعل للموعد امرك ونروح لبيت البنت اللي بيتزوجها ابو عجاج وابد ادخلي عندهم وخليك واثقه من كلامك ولا تخلين في قلبك شي ابيك تطلعين من عندهم مفركشه ام الزواج

الترف : اكفخهم يعني !؟

ثنيان: لااااااا وش تكفخين لو نبي احد يكفخ ارسلنا مرزوقه

الترف شهقت: من ذذذذي مرزوقه

ثنيان: بعدين اعلمك سالفتها

الترف: لااا والله امداك تزوج بعد مرزوقه توك طالع من السجن لعبنو حيك

ثنيان شدها بشعرها بخفه: وش اتزوج يا مهبوله ماتزوجت بس وحده نعرفها زمان فالحاره بعملك سالفتها بس مب الحين

الترف : والله ماني متطمنه بس يلا كمل

ثنيان : محد بيذبحني الا انتي ، المهم من النهايه فركشي الزواج خربي السمعه دوري له شي يخرب كل شي

الترف رجعت لورا وهي تخبط ركبة ثنيان بضحك وهي ناسيه نفسها: ايييه قولي اخربه مثل عرس دويده

ثنيان اتسعت عيونه : وشو مخربه عرس دويده

شهقت الترف لما حست بنفسها : لا من قال

ثنيان : انتي قلتي

الترف وقفت بفشله: لا وييين خلني بس انزل المواعين

ثنيان سحبها تجلس : والله ما تقومين الا لين تقولين لي السالفه

الترف : يا رجال مافيه سالفه خلك بس من خثاريزدي

ثنيان: اقول قولي

الترف اللي تورطت وهي تناظره : والله مافيه سالفه وخر عني

ثنيان سحبها وهن يثبتها: بتقولين ولا لا

الترف : مانيب قايله

ثنيان: والله لازعل والله

الترف ماكانت تبينه يزعل ويروح لمنيره دفته بشويش وهي تعتدل : وخر عشان اتكلم

ثنيان؛ قولي

الترف باحراج بدت تقوله سالفة سوير وثنيان عيونه طايره من الصدمه وانفجر ضحك: ابك انتي ما تخافين ربتس مب حرام عليتس اللي سويتيه قطعتي رزقها ونصيبها

الترف : والله محد قالها تجي تحرش لو هي جالسه وماسكه نصيبها محد جاها بس وش جابها احسن عشان تربى

ثنيان:هههههههههههههههههههههههههههههههههههههههههههه هههههههههههه وين بتروحين من حوبتها

الترف : لا تخاف ما تخلي حقها

ثنيان: لا يكون هاذيك الهوشه عشان كذا

الترف :ايه ايه

ثنيان: والله ينخاف منتس يالترف

الترف : اييه بس انتبه

ابتسم ثنيان بتعجب من هالبنت اللي عجز يلقى لها حل كل شي فيها بجذب بطريقه استثنائيه كل شي يخليه يستسلم لها : المهم ابيك تفكرشين سوي اللي تسوينه وتراني واثق فيك

الترف وهي تنفخ نفسها وتضخم صوتها: ماعليك ازهل يالشنب والله لربي ذا الشايب العايب

ثنيان ضحك : كفو كفو

الترف : الا تعال بكره بنروح لاهلي

ثنيان: ايه

الترف في نفسها( ايييه وبكره بيكون عند منيره لكن هين ) نطت الترف وهي ترمي طرحتها بحضن ثنيان: طلبتك

ثنيان ضحك : بسم لله فجعتيني

الترف : يا رجال طلبتك وقل تم

ثنيان : وشو اول

الترف : ابك قول تم

ثنيان ببتسامه : ابك والله انه مليون تم

الترف : نبي ننام بكره فالديره ونفلها ونستانس

ثنيان : وين يالترف بيتكم الحين فيه صالح واهله نحشرهم

الترف: ما عليك صالح ينام في بيت سلوى واحنا عند ابوي تكفى طلبتك

ثنيان نسى ان منيره ليلتها بكره ونسى وش هي منيره اصلا: تم يالترف تم

ابتسمت الترف بانتصار وهي ماكانت مدركه انها تملك تأثير قوي وكارثي على ثنيان كانت تتوقع انه وقت رضا ثنيان بس

اما ثنيان اللي كان مستعد لو تقوله نهجر الدنيا هجرها اخذ نفس وهو كأنه غريق توه يحصل طوق النجاة ايه توه يعرف الراحه ويعرف وش هو شعور انه يرجع للبيت مشتاق لاحد ولا قبل ما يفرق معاه رجع مارجع يدري ان الكل ينتظره والكل يبيه

.................••...........

. ومن بكره عند سيف

اللي صحى وهو مقتنع بكلام ثنيان بشكل رسمي اتجه لامل اللي مجهزه الفطور وجلس وهو يقول :اجهزي بنروح لاهلي

امل لفت باستغراب:ليش؟

سيف:كيف ليش بنروح وتسلمين على امي وابوي

امل: وش تغير !

سيف: انا تركتهم فتره يهدون بس بنرجع ونقنعهم

امل: زين الله يكتب اللي فيه الخير

................••............

في حارة عجاج

عند عجاج اللي كان ينتظر ثنيان يشرف كان جالس قبال باب بيتهم وهو يشوف ابوه اللي يسوي اصلاحات البيت وشاد حيله اخذ نفس بضيق وهو يدق على ثنيان

ثنيان اللي كان يلبس :هلا عجاج

عجاج : وينك تاخرت

ثنيان :عجاج الله يصلحك تونا 9 وبعدين بودي مشاعل لموعدها وبعدين بيت اهلها وبعدين اجيك

عجاج : يوووووه بتبطي

ثنيان : ساعه ساعه بالكثير

عجاج : اجل عجل

ثنيان : طيب

.................••............

في بيت ثنيان

سكر ثنيان وهو ياخذ اغراضه ويحطها بجيبه : الترف وينتس

الترف جت وهي لابسه عبايتها ومتغطيه مرره

ثنيان: وش فيتس

الترف : هذا تنكر عشان اللعب على كيفي مايعروفني

ثنيان: كفوو عليها اخت صالح

الترف : قلت لك نشميه

ثنيان: يلا يلا خذي المفتاح وانزلي لسياره وانا بساعد مشاعل

الترف وهي تدق تحيه وهي مره متخفيه بالعبايه : ابشر

ضحك ثنيان وهو يدق لها تحيه بعد وطلعت الترف وهي وتضحك وطلع ثنيان متجهه لغرفه مشاعل واخذها وهو يساعدها

ومنيره اللي ما طللعت من غرفتها امس ولا حتى نظفت المكان كان كل شي على حطت يدها امس تبي ثنيان يلاحظ بس ثنيان ما درا بها

................••...........

في ديرة الترف

وعند سلوى ونوره اللي من بدري يجهزون ويرتبون على اساس ان الترف وثنيان جايين

جاء ابو الترف وهو معصب: سلوى سلوى وين الصينيه حقت الذبيحه

سلوى: هذا هي يا عمي فالحوش

ابو الترف بغضب : وش موديها للحوش هاااه وش موديها عشان تمتلي تراب

سلوى: صالح قال حطوها

ابو الترف : والله ما اردى منتس الا هو

طلع ورمت سلوى المكنسه بقهر: ياربي رباااه هذا كيف متحملينه

نوره: وش بتس انتي اسكتي لايسمعتس صالح

سلوى: خليه يسمع فوق اني اعاني من وحمم وقرف ابوه بعد بيجي يغثني

نوره: تحمليه عشان صالح

سلوى : اوف اووف

سكتوا ودخلوا لما دخل صالح ينزل الاغراض هو وعايض ................••...........

في بيت ابو ثنيان.

ابو ثنيان اللي من الصباح اخذ نواف وراحوا لدكتور رهام واساألوه عن وضع رهام وقالهم الدكتور انها في وضع جييييد وتقدر تمارس حياتها بشكل طبيعي طلع ابو ثنيان وهو مبسوط ومنشرح صدره ولف له نواف : يبه ليش تسأل الدكتور وش صاير

ابو ثنيان: خير خير يا نواف

نواف: ليه احد خاطب رهام

ابو ثنيان :ايه محمد ولد عمك لكن بنتتظر ونشوف

نواف اللي ابتسم بفرح : بالله يبه والله يستاهل محمد

ابو ثنيان: اي والله

................••............

وعند ثنيان

اللي بعد ما اخذ مشاعل من موعدها وهو مبسوووط بشوفة السونار تبع التوأم ركب هو مشاعل والترف جالسه مع عمر

الترف : هاه كيف عيالتس

ضحكت مشاعل وهي تعطيها السونار : هذا هم يسلمون عليتس

ضحكت الترف وهي تناظرهم بتعجب وفرحه ونط عمر يناظر معها وهم يضحكون

ونزلوا لبيت اهل مشاعل وكمل ثنيان هو والترف وهم يرتبون وضعهم

ووصلو للحاره وكان عجاج بإنتظارهم ونزل ثنيان وهو يسلم عليه

عجاج: جاهزين

ثنيان: ازهل

عجاج : اجل شف هذاك الباب اللي لونه اخضر هو بابهم وخلها تسأل عن نعيمه

ثنيان : يلا

لف لترف وهو يفك الباب : شوفي هالباب الاخضر هو الهدف روحي واسألي عن نعيمه هي العروس ويا ليت تخربين بشكل جماعي

الترف : زين يلا بسم الله وولله واكبر

ثنيان: بتضحييين!؟

الترف : هاذي مهمه صعبه لازم نسمي عليها

ثنيان :اجل موفقه وحنا بندعي لك

الترف انطلقت وهي صامله وثنيان وعجاج اللي وقفوا ينتظرون

عجاج : تهقى تقدر

ثنيان :بعلمك سسالفه وتثق انها تقدر

ثنيان ابتداء يعلم عجاج سالفه سوير والترف اللي دقت الباب وفتحت لها عجوز :هلا

الترف :سلام عليكم هذا بيت نعيمه

العجوز:ايه من انتي

الترف: فاعلة خير بشوف نعيمه واذا انتي معها زين بعد

العجوز : ادخلي

دخلت الترف وجلست ورفعت راسها وهي تسمع صوت سلام هادي وناعم صُعقت لما شافت البنت اللي كانت صغيره ونحيفه وردت وهي مرعوبه

العجوز:هاذي نعيمه

الترف حست كل كلامها تبخر لكن تداركت نفسها وهي تقول :هلا ولله

جلسوا وهي تشوف البيت مليان حريم وبنات واطفال عرفت الترف سبب انهم يزوجون بنتهم لشايب اخذت نفس وهي تسمع العجوز تقول : تكلمي يا بنتي

الترف : انا سمعت ان نعيمه بتزوج

العجوز :ايه

الترف وهي تناظر البيت المتهالك : لكن ادري انها بتتزوج شايب

العجوز: ندور لبنتنا الستر

الترف بقهر: بس زواجها من شايب مافيه ستر انتم بتذبحونها

العجوز: ان كنتي بتقولين كلام فاضي وفري كلامك

الترف : ادري تزوجونها تهربون من الفقر بس ذا مب حل والرجال بتزوجونها اياه فقير وبخيل وشديد وبيذبحها ما اخذت شهر

العجوز: كلنا تزوجنا شياب محد مات

الترف : ارحمي بنتس شوفي كيف وضعها وحالها

نعيمه : مافيه حل

الترف وقفت بغضب : ابوكم وينه

العجوز : وش تبين فيه

الترف اللي لفت لنعيمه : وديني لابوتس

نعيمه اللي كانت متعلقه بالترف كأنها طوق نجاه واخذتها لغرفه صغيره فيها شايب كبير بس واضح قوي وهمست لترف : ابوي بيزوجني عشان مايقدر يصرف علي افزعي لي وانقذيني

قبل تدخل الترف رجعت وطلعت اتجهت لثنيان وعجاج وهي تناظرهم بضيق وتقدم ثنيان: وش صار

الترف : ثنيان معك فلوس

ثنيان: فلوس ؟؟ شتبين فيها

الترف : ابيها

ثنيان: كم تبين

الترف : اكبر مبلغ تقدر تعطيني اياه

ثنيان اللي حس انه لكلمتها وده يعطيها اللي وراه واللي قدامه كان فيه صرافه قريبه اخذها ثنيان وراحوا وسحب المبلغ اللي يقدر انه يعطيه حطه بظرف وعطاها وهو يقول : وش بتسوين وش اللي صار

الترف : بعلمك بس اصبر

رجعت الترف ورجع ثنيان لعجاج اللي مستغرب: وش فيه وش صار

ثنيان: مدري بس صوتها غريب اصبر بروح معها

عجاج وقف بخوف وشك ولحق ثنيان الترف وقفها : قولي وش صاير

الترف : اللي اقدر اقوله انه مزوج نعيمه بسبب الفقر ويمكن اذا عطيناهم فلوس يكنسلون الزواج

ثنيان كان متوقع السالفه همجيه شياب وعادات وتقاليد بس انصعق : هاه

الترف: ابوها جوا نقدر نكلمه

ثنيان: تعالي اجل

راحوا مع نعيمه وهم يدخلون معها عند ابوها اللي رفع راسه باتعجب : من انتم

ثنيان : فاعل خير

الشايب : وش عندك هنا

ثنيان : جيت ابي اقولك انك تمنع زواج بنتك من ذذا الشايب

الشايب : ومن انت عشان تمنع الزواج

ثنيان : انت ما تخاف الله تزوج بنتك شايب

الشايب صد بغضب : هذا مب شغلك ولا تبت في امور ماتدري عنها

ثنيان اللي جلس على ركبه ونص وهو يقول : اسمعني يا عم انا ادري انك مازوجت بنتك الا عاجز عن الصرف عليهم لكن خذ مني هالظرف وان شاء الله بيمنع حاجتك ويساعدك ويكفي هالمسكينه من هالزواج

الشايب لف يناظر الظرف : من انت وش تبي من ورا هالشي وشوله تبي تمنع الزواج

ثنيان: انا كل اللي ابيه انك ما تظلم بناتك وتزوجهم شياب حرام عليك انا جيتك وانا اعرف الرجال اللي بتزوجه بنتك فقير وبخيل وحالته حاله فوق هذا عصبي وتهجمي وانت رجال تخاف الله واذا صار لها شي بذمتك هذا حتى ولده ما يرحمه فما بالك ببنتك

الشايب اللي ماكان كثير مصر على الزواج كان زواج بالنسبه له تخفيف حمل وعنا رفع الظرف لوجهه ثنيان: ظرفك هذا كم بيدوم شهر شهرين ثلاث وبينتهي وبعدها وش اسوي انا

ثنيان : يحلها حلال واذا انتهى في رقبتي باقي امورك

الترف بهمس : تكفل فيهم يا ثنيان

ثنيان : وقلت لك في وجهي الباقي لين تزوجهم كلهم

الشايب سكت وهو يناظر الظرف وبعدها قال : الله يفرج همك مثل ما فرجت همي

ابتسم ثنيان والترف اللي كانت في حاله حزينه بس فرحت لنعيمه اللي اخيراً بتفتك من كابوس الزواج من شايب

طلعوا وقفتهم نعيمه اللي نادت الترف وهي تحضنها : مدري كيف اشكرك مدري كيف ربي ارسلك لي طوق نجاة يعلم الله اني كنت اموت ومحد يحس فيني بس الحمدلله ربي ارسل لي اياكم وعفيتوني من الموت البطي مهما اشكرك ما اوفيكم لكن بدعي لكم من كل قلبي ولا بنساكم

ابتسمت الترف ؛ الحمدلله ان ربي نجاك وان شاء الله ما سوينا الا كل خير

طلعوا وهم يحسون في صدورهم فرح مختلط بحزن تقدم ثنيان لعجاج

عجاج:وش صااار وش ذا الفلوس

ثنيان: بعدين احكي لك بس الموضوع انتهى والحين تاخرنا على صالح باخذ الترف وبروح وانتم ألحقونا .

عجاج : ما اظن بجي بس بحاول

ثنيان : خلاص انحل الموضوع اهداء

عجاج : زين

راح ثنيان لترف وركب السيياره وتحرك وهو يشوفها قمه بالهدوء مد يده وهو يشد على كتفها : وش فيك ضايقه مب حليتي الموضوع وش مزعلك

الترف اخذت نفس : يعني ما توقعت الموضوع صعب كذا

ثنيان : وش حصلتي جوا وش في قلبك!

الترف لفت وهي تحكي لثنيان الوضع الصعب اللي كانوا فيه وكيف كان وضعهم صعب جداً

ثنيان : والله ما توقعت ان هذا الوضع صح صعب لكن الله يقدرنا نكون عون

الترف : بس اخاف يرجع ويزوجهم

ثنيان: لا ان شاء الله

لاول مره يكون لترف صمت ضيق وكان صمتها شين ما تعود عليه ثنيان اللي صح كان ضايق بس مايبي الترف تضيق

وقف وهو يلف عليها: الترف خلاص عاد لا تخليني اندم اني دخلتك بذا الموضوع

الترف لفت : والله غصب علي

ثنيان : ما عليه لا تخافين ان شاء الله كل شي وله حل وانا بحاول قد ما اقدر ارتب الامور بس انتي خلاص فكيها عاد ما احبتس وانتي كذا

الترف ابتسمت : الله اجل لك اوقات تحب وتكره

ثنيان ابتسم : والله شوفي على حسب

الترف:يعني لازم نضحك 24 ساعه

ثنيان ضحك : اشوف انك تبين حبي

الترف : يا شينك اذا عرفت شي

ضحك ثنيان وهو يكمل طريقه ويحاول قدر ما يقدر يسلي الترف اللي ابتدت معاه وصاروا يسولفون كالعاده

................••............

في بيت ابو ثنيان

ابو ثنيان اللي بعد ما وصل البيت دخل وهو يقول : نواف ناد لي امك واختك

نواف دخل وهو يشوف ام ثنيان جالسه : يمه ابوي يبيك فالمجلس

ام ثنيان: وش يبي

نواف: بتعرفين روحي له

وقفت ام ثنيان وراحت ودخل نواف المطبخ :رهام ابوي يبيك فالمجلس

رهام نزلت اللي بيدها وراحت دخلت المجلس وشافت امها وابوها جالسين : سم يبه

ابو ثنيان: سكري الباب وتعالي

رهام حست بمغص وهي خايفه يكون فيه شي سكرته وجلست

ابو ثنيان: انا ناديتكم بقولكم ان الموضوع ان شاء الله خير

ام ثنيان: وش فيك يا ابو ثنيان قول

ابو ثنيان: امس محمد جاني وطلبني طلب عجزت ارده

رهام اللي حست بدقه في قلبها مب معقول ان محمد خطبها

ام ثنيان: وش فيه محمد !؟

ابو ثنيان: طلب مني رهام على سنة الله ورسوله وهي بنت عمه وشاريها ويبيها

ام ثنيان شهقت : والله

ابو ثنيان: اي والله

رهام اللي طول عمرها وهي تعرف جواب اي موضوع خطبه بالنسبه لها باأنه ( لا ) لانها ماتنفع لزواج بس هالمره كانت الفرحه غيرفرحة امها وابوها وفرحة ان محمد كان قد كلمته وانه يبيها وانه انتظرها ماقال مريضه وانسحب وقف ينتظر لين تشافت

ابو ثنيان: انا قلت قبل اكلم اخوانك باخذ رايك يا رهام وانتي تعرفين محمد وتعرفين حياته كامله وابيك تفكرين وتقررين وتاكدي ان محمد رجال وانه نعم الرجال بعد

وقفت رهام وطلعت بفرح وهي في كل خطوه من البيت تمشيها كان لمحمد موقف يثلج الصدر وقبل تدخل رجعت وهي ما تقدر تطول بالرد ووقفت عند ابوها وهي تقول : اذا انت واخواني موافقين انا موافقه ومحمد ولد عمي ومحد بيصوني كثره

ابو ثنيان وقف بفرح: الله يكتب اللي فيه الخير

طارت رهام لغرفتها وهي ودها تصرخ من الفرح

اما ابو ثنيان اللي كان في قمة فرحته بس تقلصت ملامح وجهه لما شاف سيف اللي دخل ومعاه طفل وحرمه

احتدت ملامحه ووقفت ام ثنيان : وش جابك انت

سيف : يبه يمه ضروري تسمعوني الزعل مايفيد

ابو ثنيان: بعد ايش يا سيف بعد ايش

سيف : يا يبه الشيطان شاطر لا تخليه يفرق بينا كفايه اهلي وعيالي متفرقين

ابو ثنيان : توك تذكر اهلك وعيالك

سيف : لا تزيد الطين بله يبه مب عشاني عشان هالطفل مب حرام يعيش بعيد عن اهله

ابو ثنيان سكت وام ثنيان قالت: لا والله المفروض تفكر قبل تزوج

ابو ثنيان: بس يا مره بس وانت قل اللي عندك

دخل سيف ودخلت امل اللي تقدمت بتسلم على ابو ثنيان اللي مد يده بكرهه وام ثنيان رفضت رجعت امل وجلست جنب سيف بضيق

جلسوا كلهم بضيق وقال سيف : يبه ادري اني غلطت من البدايه وادري المفروض اني اعلمكم ولكن ادري لو جيت وقلت لك بتزوج على ثريا بتسوي فيني مثل ماسويت في ثنيان هذا وثنيان على حق هذا ما يشفع لي بس كانت بعد فيه قصة بندر وثنيان والزحمه اللي تصير سكت لكن الحين ماعاد لسكوت داعي انا جيت بطلب رضاك وسماحك وابيك تسامحني

ابو ثنيان: وفجر وثريا يهمك انهم يسامحونك

سيف اخذ نفس : يبه ثريا ما سويت اي شي يأذيها وانت تدري باللي بيني وبين ثريا موضوعنا منتهي من زمان لكن فجر تبشر باللي يرضيها

ابو ثنيان سكت وطال سكوته وام ثنيان اللي غاضبه وقف سيف وهو يبوس راسه ويده رفع راسه ابو ثنيان بضيق : شوف يا سيف ان كنت بسامحك بسامحك عشان فجر هالمسكينه اللي ماتدري وين تودي نفسها وعشان ذا الطفل اللي مايدري كيف حياته

سيف ابتسم وهو يحضن ابوه وقامت امل تسلم عليه

ابو ثنيان: اتركني مع

سيف : امل

ابو ثنيان: اتركني مع امل بلحالنا

راح سيف لامه وهو يساعدها ويراضيها رغم زعلها وطلع هو وياها

وامل اللي كانت ماسكه وائل وجالسه بخوف

ابو ثنيان : مابي اظلمك يا امل لكن وش حدك على زواج السر

امل بهدوء : انا خطبني سيف وانا بس انا وابوي بالبيت وابوي كبير وكنت محتاجه رجال يسندي وطلب سيف من ابوي ان الزواج يكون عائلي ومحد يدري به من اهله وطبعا ابوي وافق لكن لفتره عشان وضع سيف وبعد فتره مات ابوي وانشغل سيف وطالت المده

ابو ثنيان: يعني سيف اجبرك على سرية الزواج

امل : ما اجبرني ظروفه اجبرته

ابو ثنيان سكت وبعدها قال بحده : انتي مالك ذنب لكن بحذرك وكوني فطينه انتي بتدخلين هالبيت ادخلي وانتي تعرفين انه لو سويتي شي او شي يسيء لعايلة سيف سواء بنته او زوجته او اي احد اعرفي اني لك ند واذا كنتي انسانه محترمه وان شاء الله انك محترمه اعرفي اني لك سند

ابتسمت امل : ان شاء الله ما اخيب ظنك وانا مايهمني الا ولدي وزوجي ومالي بالمشاكل

ابو ثنيان: ان شاءالله انك مثل ما قلتي

امل ابتسمت ووقف ابو ثنيان وهو ياخذ منها وائل وهو يسلم عليها ورجعه وطلع وهو يقول : سيف خصص لزوجتك جناح في بيتك

سيف : ابشر

دلال كانت جالسه ووقفت تسلم بضيق ورجعت تجلس ونوف سلمت بهدوء وهي مالها نفس ابد تدخل بعد في شوشره

.

.

انتهى البارت✨

«البارت الثالث والثلاثين»

.

.

عند ثنيان

اللي بعد ما تغدوا ورجع كل واحد لبيته حزتها حرفياً كان ثنيان مشتاق لبيته طلع من بيت ابوه وكالعاده الكل معاه تقدمت منيره وهي تمشي على يمين ثنيان اما ثنيان اللي كان يحاول يتاخر عشان تلحق الترف على خطوته ومشاعل اللي كانت تمشي بهدوء وهي تحس انها ثقيله اما الترف اللي كانت تمشي وهي تناظر خاتمها اللي متعلق بطرحتها وهي تسحبها وتسحبها لف ثنيان وهو يشوفها تمشي وتوقف ومنزله راسها

رجع وهو ينزل راسه يطالعها :وش تسوين انتي !

الترف وهي تعطيه الشنطه : امسك دقيقه

اخذها ثنيان وهو يشوفها تسحب الطرحه بكل قوتها عشان تطلع وانقطعت ابتسم ثنيان لما رفعت راسها الترف بطفش : وجع الله يهد حيلها هدت حيلي

ثنيان : وشوله قطعتيها طيب

الترف : ماتشوف كيف متعلقه فيها كأني عنز

ضحك ثنيان وهو يعطيها شنطتها: يلا امشي

تقدمت الترف وهي تمشي والكل يمشي من وراها وطبعا ما يخلى المشي من مجاكر الترف لعمر ومحمد وثنيان

دخلوا البيت والترف اللي اول ما دخلت ضاقت لما تذكرت ان مي تجهز لثنيان فوق ( على حسب ظنها )

ثنيان وقف وهو يتمغط :الله يا فيني تعب ونوم الدنيا

منيره: يلا الحمدلله على سلامتك والحين اجهز لك البانيو ترتاح وتنام

ثنيان : اي والله وقته

الترف اللي كانت متكتفه وهي مازالت ببرقعها وهمست بحلطمه:لا باقي ما شفت وقت مي ولا يطير ذا التعب حسبي للله يا ذا السحليه اعنبوها يا قوة حظها

ثنيان لف : تقولين شي

الترف : سلامتك

ثنيان: مشاعل تقدرين تطلعين فوق

مشاعل : والله مره تعب بجلس تحت فتره

ثنيان: تهون ان شاء الله ، الا صدق وين كنت اخر مره

منيره اللي جات معاها كوب مويه وهي تعطيه :عند مشاعل

ثنيان ابتسم لما صادفت الفرصه انه عند الترف وقبل يتكلم قال عمر: يبه اذا نمت وارتحت شوي بنطلع للحديقه معك

ثنيان: طيب انتم بعد نامو

منيره اللي تضايقت ان ثنيان بينام عند الترف انعفس وجهها وهي تاخذ محمد وعمر بضيق ( الله يا ذا الحظ للي على الترف يغيب 3 شهور ويطلع عندها وهو جاته من الله ) : انا بروح انوم العيال اجل

مشاعل : انا بارتاح شوي

الترف اللي ضاقت وهي تمسك مشاعل بغضب من احتمال ان ثنيان عند مي : عطيني يدتس يا مشاعل اساعدتس

مشاعل : حبيبتي يالترف لا تعبين نفسك اطلعي انتي انا الغرفه قريبه

راحت مشاعل والترف واقفه وتقدم ثنيان وهو يسحب البرقع من عليها :حلو بس وجهتس احلى

الترف سحبته منه بقهر : خل الحلو اللي ينتظرك

ثنيان قطب ببتسامه :مين ينتظرني !؟

الترف بعدته وهي عافسه وجهها وطلعت الدرج : هالسحليه لللي منقطعه عن الدنيا تجهز لا تخليها تتنظر

طلعت وثنيان يراقب ببتسامه وتعجب : من ذا السحليه اللي تجهز!

ضحك لما تذكر ان هذا اسم مي واتسعت ابتسامته اكثر لما ايقن ان الترف غيرانه ركض بسرعه وطلع قبل تدخل غرفتها وقال: اي والله صدقتي حرام من زمان تجهز

اتجه لغرفة مي والترف تناظره بحقد ابتسم ودخل وهو بس يبي يستفزها

سكر باب الغرفه بدون ما يخليها تشوف اي شي اما الترف اللي كانت تحاول تشوف اي شي بس ماش رمت البرقع بقهر وهي تجلس وتكتفت : والله ما اوصخ منها الا هو طار طار لها ما انتظر وانتي اجلسي يالخبله انقهري من صبح الله وانتي تمعطين في ذا الشوشه وتزينين وتتكشخين وانسحب عليتس احسسسن تستاهلين والا اللي مثلتس مايجي الا بعد طلعة الروح لكن هين اوريكم

ثنيان اللي كان يحاول يسمع وش تتحلطم بس ابد ماقدر لف وهو يضحك وناظر الغرفه بهدوء وسحب روب الاستحمام حقه ودخل يتروش عشان يصحصح ويمخمخ على استفزازاها طلع واتجهه للباب وفتحه بسرعه

الترف اللي بعد ماشافته طول انسدحت على الكنبه وهي تتحلطم لاحد الان كانت ميقنه انه مستحيل يطلع رفعت راسها وهي تناظره واتسعت عيونها وهي تشوفه واقف بالروب وشهقت: مسرع

ثنيان اللي كان واقف ببتسامه فوق راسها : وشو !؟

الترف تلخبطت ووقفت وهي تجمع اغراضها :ولا شي

ثنيان: وش عندتس تراقبين

الترف لفت وهي تخصر:وشو وشو وشو وش اراقب ومن اراقب يابعد تسبدي

ثنيان: مدري عنتس

الترف اللي عصبت : اقول اعقل بس وش دخلني فيكم رحت لها ولا ماراحت لها طولت ولا ما طولت مالي دخل انقعوا عند بعض بموت يعني ولا هاميني

ثنيان اللي انفجر يضحك : لا والله واضح انتس مب مهتمه

الترف : طبعا

الترف اللي كانت تخزه وهو واقف بالروب ولفت لغرفتها ودخلت وسكرت الباب رمت الاغراض وهي تتربع على السرير : الله ياخذتس يالترف تستاهلين منسدحه عند الباب لين طلع وغسل شراعتس

................••............

منيره اللي تنوم العيال

وطلعت وهي تشوف ثنيان واقف وهو متروش ناظرته وهي اول مره تشوف ثنيان طالع برا الغرفه بذا المنظر : ثنيان وش فيك كذا

ثنيان اعتدل : ولا شي ابي مويه بس

منيره: ليه ماقلت لترف تجيب مويه

ثنيان : شربت خلاص

رجع ثنيان لغرفة الترف ومنيره تناظر بصدمه ( باقي ماشفتي شي يامنيره )

دخلت غرفتها وهي تصفق الباب بقهر

وثنيان اللي دخل الغرفه ولفت الترف : عسى خير وش عندك

ثنيان وهو حاط يده ورا ظهره : والله قالت لي مي روح خذ لفه وتعال عندها مفاجاءه وجيت اشوف وش عندتس

الترف وقفت فوق السريروهي تناظره بحده: لا والله ضاقت الارض عليك ما تاخذ لفه الا عندي مب كفايه اللي فيني

ثنيان قرب وهو يسحبها من فوق ونزلها تحت : اول شي لا تكلمين فوق تكلمي تحت وثاني شي وش اللي فيتس وثالث شي الارض ارضي والمكان مكاني

الترف وخرته وهي ترجع توقف فوق السرير ؛ اول شي اتكلم وين ما ابي ثاني شي مب شغلك باللي فيني وثالث شي الارض هاذي ارضي والمكان مكاني انا وبعدين انت وش شايفن نفسك عليه هاه

ثنيان : اذا ما جلستي انتي وذا الهياط علمتك كيف تجلسين وبعدين وش محرق رزك انتي بيتي وحريمي

الترف : من زين سالفتك تماري بها

ثنيان: اقول انتي معتس الحكي فاضي وانا وراي شغل

الترف نطت من فوق السرير قبل يطلع وهي توقف على الباب : وش شغلك

ثنيان: وش دخلتس

الترف ناظرته بحقد ( والله ما تروح لها الليله اجل خذ لفه هاه ) ضحكت وهي تخبط كتفه: اي والله وش دخلني اقول تعال تعال بعلمك بسالفه يا زينها زيناه

ثنيان ابتسم وهو يوخرها: بعدين السالفه

الترف باستعجال : لا والله علي بالطلاق لتسمعها

طارت عيون ثنيان وهو يناظرها واتسعت عيون الترف فشله وضحكت: يووه ياخي والله مادريت المهم بتسمعها يا رجال

ثنيان :ماعندتس سالفه انا ادري

الترف: ياخي انت ماسمعت عشان تقول ماعندي سالفه

ثنيان جلس : هاه وشو

الترف اللي تورطت وهي تدور سالفه وجلست بضحكه متورطه وهي تمسح على شعرها: ا ا ايييه ابوي اشترى غنم جديده

ثنيان ناظرها بهدوء وببتسامه والترف تناظره بفشله وابتدت بسرعه تلفق سالفه عن الغنم والسالفه حرفياً تفشل وهي تحاول ترقعها وثنيان يناظرهم بنفس الوضع وكان داخلياً ميت ضحك على تخبطها

ابتسم وهو يتعدل بجلسته : انا اقول اروح احسن

الترف ( وش تسوين يالترف فشلتي عمرتس عشان مايروح خليه يذلف ): الله يستر عليك

ثنيان وقف : مسافر انا

الترف بحلطمه وقهر: والله مايندرى تدخل عندها ولا تطلع

ثنيان اللي انفجر يضحك: وش ذا الغيره ! يالسمراء !

الترف ناظرته بحقد : وش غيرته يا حبيبي لا غيره ولا شي تبي تروح روح

ضحك ثنيان وطلع ووقف عند الباب وفي هاللحظه طلعت منيره معاها اغراض وناظرته بصدمه للمره الثانيه وابتسم ثنيان بفشله من شكله

منيره: فيك شي!

ثنيان:لاااا اشم هوا

ناظرته منيره باستغراب : تبي شي

ثنيان : ا ا ايه ابي شاهي اخضر

منيره: وش تبي فيه

ثنيان: مثقل شوي بالاكل

منيره: ابشر

دخل ثنيان وطلعت الترف اول ماسمعت صوت غرفة منيره وهي تشهق ( حسبي الله عليه ذا ما يوفر يدخل عند وحده ويطلع من عند الثانيه ؟) .

دخلت وهي تسكر الباب وانسدحت وهي تطل من تحت الباب وشافت منيره راجعه ومعاها كوب

دخلت وهي تشوف ثنيان جالس اخذ الكوب وشربه بسرعه ووقف : يلا

منيره: اذا تعبان اسوي لك مساج

ثنيان: لا لا انتي ارتاحي

طلع واتجه لغرفة الترف مسرع وفتح الباب وصفق جبين الترف اللي صاحت ولف ثنيان يناظرها بصدمه: وش جابك هناا انتي

الترف بفشله: اكنس

ثنيان ناظرها بصدمه: انهبلتي انتي

الترف اللي ماكانت تدري وش ترقع ابتسمت لما طرت لها فكره ووقفت وهي ماسكها راسها وقالت وهي تمثل الالم : ااااه يا راسي بينفجر معاد اشوف

ثنيان اللي انصدم : ليييه

الترف : مدري مدري

كان ثنيان بيصدق لو ماشافها تناظر بطرف عين وابتسم وهو يرفع يدها:لا بسيطه مافيها شي نامي وتخف وانا بروح

سحبت الترف يدها بقوه وصدمه: وين تروح راسي بينفجر

ثنيان اللي ضحك وهو يمسح وجهه : وين بتوصلين يالترف

الترف ناظرته بصدمه: وين وين اوصل

ثنيان اللي قرب وهو يبوس مكان الضربه الوهميه بضحك: يا مسلمه قولي تغارين وارتاحي

الترف : حمدلله والشكر انت من وين تجيب ذا الخاثريدز

ثنيان : خلاص خلاص انا اخثردز بس تعالي انسدحي قبل ينفجر راستس

الترف اللي جمدت بخقه وهي تنسدح وثنيان اللي انسدح جنبها وهو يمسح بيده على مكان الضربه

الترف اللي كانت قريبه منه الا لازقه فيه وهي مبتسمه ما كان ودها تقول شي ويروح لمي

وثنيان اللي كان ماوده يتحرك وتبعد عنه واكتشف ان الترف من غيرتها تسوي اللي ما يتسوى كان مستانس على غيرتها بس كان يبي يشوف كيف ردة فعلها لو عرفت انه طلق وغير هذا مايبي يقول يخاف تسحب عليه

كان فترة صمت عرف فيها ثنيان ان الترف صارت نقطة ضعفه بشكل ما تخيله ابد

لف وهو يبي يتاكد للمره الاخيره هل الموضوع غيره ولا مجرد كيد في مي وكرهه لها

تحرك بيوقف وناظرت الترف له بحده: وين بتروح

ثنيان : بروح

الترف هنا زهقت وملت وهي تبيه يجلس وهو يتنحش لفت بضيق وقهر وصدت وهي تتلحف: تبي تروح روح الله يستر عليك

ثنيان : تبيني اروح وين !

الترف لنفس الضيق : اللي تبي تروح له روح له

ثنيان : والله لو هي علي بروح ..

الترف اللي ضاقت وجلست وهي تقاطعه : ياخي خلاص ريح نفسك وروح ماله داعي تجلس

ثنيان اللي سحب المخده وهي يخبطه على راسها :اللي مثلك يكسب زوجه وانتي ترسليني

الترف بحقد : عجزت فيك (وانقهرت لانها قالتها )

ضحك ثنيان وهو يجلس : تدرين وش اللي يخرب عليك لسانك لو بس تسمعين كان حنا بخير

الترف ميلت فمها بملل: بتروح ولا مابتروح

ثنيان: بروح بس بروح لك

الترف اللي عجزت تحدد نوع كلمته وش :كيف يعني

ثنيان اللي احتضنها: يعني اسكتي واحضنيني

الترف جمدت ببتسامه وبعد فتره ابتعد ثنيان : اول شي بعدين اسمعي وثم تكلمي

الترف: طيب

ثنيان : وثاني شي من بعد اليوم سحليه مافيه سحليه

الترف اللي بطبيعة الحال ما توقعت انه طلقها: شوف مابي نتهاوش عشانها وانت توك طالع من السجن بس مستحيل اناديها الا السحليه لا تحاول مره وهي ماتطيقني وانا ما دانيها

ثنيان نزل راسه بضحك : يا بنت الناس اسمعي اسمعي انا بموت وانا اقول اسمعي

الترف : طيب بسمع

ثنيان اللي اصلا كان جالس قبالها مباشره وسحب يده وهو يسمح عليها بهدوء وابتسامه ويراقب ملامحها : مي طلقتها من اول ما انسجنت

الترف اللي كانت تناظره وتناظره واتسعت عيونها بضحك ونطت وهي تقول : حلفتك بالله

ثنيان: والله

ضحكت الترف بفرح لكن خافت ان ثنيان يزعل لفت : دقيقه بروح وارجع

ركضت وهي تدخل غرفة الملابس سكرتها وهي تضحك وبفرح وترقص وبعد ما استانست وطلعت ورجعت وهي تحاول ماتبين فرحتها

ثنيان كان عارف وضعها وفرحتها وهو يعني بعد يقدر يقول فضى له الجو

جات الترف وجلست وثنيان يناظرها وحاولت تتماسك بس ضحكت اول ما ضحك ثنيان

ثنيان: يعني لك حق تفرحين

الترف : والله فكه ارتحنا اخيرا

ثنيان: راحت خلاص بخيرها وشرها

الترف اللي كانت ماهي منتبهه انه من اليوم يطقطق عليها رفعت راسها بسرعه وهي اللي كانت تضحك وراسها من قوة الضحك نزلته على ركبة ثنيان ووقفت وهي تقول : دامك مطلقها من اليوم وينك

ثنيان: اوووه جينا للحامي

الترف : وش تسوي هناك طيب

ثنيان ببتسامه: اطقطق عليتس

الترف ناظرتها بضيق وعيونها شبه مسكره وقالت بقهر : حسبي لله عليك ومن اليوم ما بقى بلاطه ما انسدحت عليها مابقى دعوة مادعيتها ولا بقى كذبه ما كذبتها ولا بقى باب الا وايقت معه وفالاخير كذا

ثنيان انفجر يضحك: وترا كل ذا مكشوفه فيه

الترف سحبت المويه وهي ترش جزء منها عليها بحقد وضحك ثنيان:والله مب شغلي انا اللي كنت معك وانتي فصلتي ودخلتيها براسي

ضحكت الترف بفشله: وراك ما قلتي لي عشان ما اتفشل

ضحك ثنيان: كتت معجب بغنم ابوك الوهميه

الترف لللي كانت تضحك بفشله وثنيان اللي كان من بين ضحكاته يراقبها يراقب الجمال الفريد اللي كان يحس انه يحتاج يشوفه اللي فقده من 3 شهور

حرفياً كان مب قادر حتى يرمش لاول مره يحس انه عنده الحريه في كل شي لاول مره يكون صريح حتى في نظرته لاول مره يفصح عن مشاعره رغم انه كان صاحب لسان معسول الا ان عنده تردد كبير في انه يقول مشاعره لاي وحده من زوجاته

كان راسه مايل وابتسامه عريضه عيونه اللي تفصل نظراته الهيمانه رمشته كانت الترف تضحك من شكلها هي تكذب وتخرف وثنيان كاشف ما كانت منتبهه زيين هي وش مسويه في ثنيان

اللي قال بكل صراحه : يا كثر ما اشتقت لتس يالترف يا كثر ما اشتقت لضحكتس

الترف اللي انقطع ضحكها تدريجياً وهي تناظره بإحراج وصدمه

ثنيان اللي كان حرفياً مستسلم لمشاعره: يا ليتني لقيتس بطريقي اول وحده

الترف عجزت حتى ترد او انها تناظره نزلت راسها لما داهمتها حراره فضيعه ملت جوها وتوترتها نزل راسه ثنيان بميلان ويناظرها : والله اني ما حبيت احد كثر حبي لك يالترف عز الله اللي استحليتي قلبي وحبي وكل شي

كان مثل هالاعتراف من واحد مثل ثنيان ثقيل على الترف وعجزت تصدقه الا لما احتضنها وهو يقول بصوت يهز القلب : والله اني احبك يالترف

هنا الترف اللي كانت تحلف ان لو مدري مين يقولها ذا الحكي ما يهزها ولا تهتم بس كلام ثنيان ما هزها بس الا اسرها وانجرفت معاه بحبه وهي لو يقول ثنيان ابي عيونك عطته حزتها ... 🌚

.................••............

في بيت سامي

وعند شوق اللي كانت تعيش بفرح خلال 3 شهور وهي كل شي تطلبه يحضر وكل شي تبيه يصير وزياد يلبي وحاضر وتم

وقفت وهي تناظر غرفتها ببتسامه وهي تشوف انها بدت تجهز لزواجها متجاهله امها واهلها وكل من له صله في خوالها

ابتسمت لما سمعت صوت اتصال زياد وردت بلهفه : هلا حبيبي

زياد اللي كان متناغم معها في انعطافات حبهم اللي تقليدي ولاهو حريص جدا على انه يحبها لكن المهم انه يتزوج

................••............

في بيت ابو محمد

محمد اللي من بعد ما طلع من بيت عمه وابوه اللي انتكست حالته كان جالس معاه في غرفه من غرف المستشفى بضيق وهو يناظر ابوه بخنقه

رفع جوالها وهو وده لو فيه شي يربطه برهام ويحاكيها ويحكي لها همه بس تنهد وهو يقول : هانت يا رهام هانت

وقف لما شاف الممرضه اللي قالت له يطلع لانهم بياخذونه لاشعه ما اشعه وقالوا له بيطولون وطلع وهو هالمره ناوي يحسم الموضوع دخل بيت عمه وهو ينادي ودخل المجلس لما سمع صوت عمه ينادي

ابو ثنيان: خير يا محمد وش فيك رحت ورجعت

محمد : والله يا عمي العلم سلامتك لكن النفس طلبت تكمل نص دينها

ابو ثنيان ابتسم بفرح: الله يبشرك بالخير ما بغيت

محمد ابتسم: والله يا عمي انا منحرج منك لكن وضعي واضح لك وانت اخبر

ابو ثنيان: ازين ما قلت ايه تزوج له حرمه تساعدك على الدنيا وتساعدها

محمد اللي كان متخوف انهم يرفضون وقال ابو ثنيان: ابد قولي بس من تبي وابشر بعزك

محمد : والله يا عمي اللي ابيها مب بعيد قريبه وهي ادرى بوضعي ولا بحصل احسن منها

ابو ثنيان: من ذي ؟!

محمد اللي كان يراقب الساعه وقال بجمله وحده وتوتر ملحوظ : انا يا عمي ابي بنتك رهام زوجه

ابو ثنيان اللي تفاجئ وهو يناظر محمد : بس يامحمد انت تدري بوضع رهام

محمد : انا ادري يا عمي وانا وصلني انها بعد اخر مراجعه لها انها ما عاد عندها اي مشكله

ابو ثنيان: هو هذا الوضع لكن ماندري بالوضع النهائي

محمد : انت هذ راحتك ياعمي واسأل الدكتور وشوف وضعك وان شاء الله خير

ابو ثنيان: الله يكتب اللي فيه الخير

محمد : امين وانا بطلع مابي اتأخر على ابوي

طلع محمد وهو يعرف دقه قلبه الخايفه زيييييين يعرف كيف شعور الخوف والتوتر من انه يخسر رهام بعد تردد سنين وقف وهو يستند على سيارته بخنقه ( يا رب لا تخيب لي صبر )

.................••............

في ديرة الترف

عند صالح اللي كان جالس هو وسلوى بالحوش وقهوتهم قدامهم ويضحكون ويسولفون دخلت نوره وهي معاها صينيه: سلام

الكل : عليكم السلام

نوره: كيفكم

سلوى: حمدلله انتي كيفتس وينتس غاطه من امس

نوره: ابد

صالح : وش ذا اللي بيدتس

نوره حطت الصينيه وجلست : ابشركم اني بعد معاناة تعلمت اسوي مطازيز والله ياهي تشكي بالله ذوقوها

سلوى شهقت : لا والله تبين تذبحينا من عمرتس ما تسوين المطازيز الا تسوين فيه كارثه مابي والله

نوره: اقول على شحم من زينها مطازيزتس

صالح: لحظه لحظه انا بذوق وبشوف

اخذ صالح الصينيه وهو متردد بس مايبي يكسر بخاطرها بعد ماذاقه ناظرها بهدوء: متى سويتيه

نوره: توني

صالح: والله تسلم يدينتس رهيب

سلوى : اذوق ولا خطر علي

صالح: انصحتس

قربت سلوى وصالح ياكلون بعد ما خلصوا قال صالح: اجل يا نوره بكره تعالي من بدري وصلحيها هنا وترا بكره عشاء ثنيان رتبوا اموركم واعرفوا وضعكم

نوره وسلوى: ابد ابشر

صالح طلع ولفت نوره: وينها الترف ما ترد

سلوى: مب فاضيتن لتس مشغوله من ثنيان

نوره: ياخي والله اني اعيش لحظات طفش فضيعه

سلوى:والله ليتس تزوجين بعد

نوره: من اتزوج يا حظي

سلوى: وش دراني

نوره: اجل اكلي وانتي ساكته

سلوى: هههههههههههه تزوجي عايض

نوره: اقول اص اص الله يديم النعمه

ضحكت سلوى وهي مكمله تطقطق على نوره

................••............

في بيت ابو ثنيان

رهام ونوف اللي كانوا جالسين بغرفة رهام

نوف اللي كانت جالسه بهدوء الدنيا وهي من بعد سالفة شوق صايره قليله كلام

رهام : اقول نوف ما تلاحظين ان ثنيان ساحب على الدنيا كلها ورايح مع الترف احسه مو مهتم لشي ثاني ابد

نوف : والله انا منحرجه من خالي مادققت فيه كثير

رهام : وشوله تنحرجين يا بنت الناس ماله داعي هذا فعل شوق وانتي ما سويتي شي

نوف : بس مهما كان اصلا حتى خالي معاد بيثق فيني

رهام: يا بنت وش ذا الحكي لايسمعك ثنيان اصلا هو يعتبرك شي ثاني ماله داعي تحسسينه انه مممكن يشك فيك

نوف: ما ادري

رهام: لا يا حبيبتي ادري انتي نوف هي الزفت شوق ما تستاهل اي شي نسويه عشانها عيشي جوك وانسيها وبعدين شوي بنروح نغير جو مع امك عند الترف

نوف : لا لا اكيد الكل مايبينا عشان شوق

رهام: نوووف لا اسمعك تقولين ذا الكلام انتم مالكم ذنب

سكتت نوف اللي مالها خلق انها تقابل احد كثير

.................••............

العشاء في بيت ثنيان

ثنيان اللي صحى على صوت حركة رفع راسه وهو يشوف الانوار كلها مفتوحه والشبابيك وشنط الترف بالارض وهي ترتب الاغراض وتغني

ابتسم وهو يتكي : يعني لو صحيت مره بس وشفت الوضع هادي بشك ان فيك شي كم مره اقول مابي نور ومابي ازعاج وتعاندين هاه

الترف اللي من بعد كلامه معها وهي صايره تخجل انها تعانده بس قالت وهي تأشر على الوقت : شوف الساعه كم الناس صلت العصر والمغرب والعشاء وانا اسحب فيك ولا دريت عني حشى وش ذا النوم ليته ابوي يشوفك والله ليتوطى في بطنك

ثنيان ارتمى ببتسامه : والله يدري والا مايدري الذنب الاول والاخير عليه

الترف : وشو وشو وش دخله هو اللي قالك تنام

ثنيان وقف وهو يتجهه لحمام : قول ما قال لكن جاب له موتٍ حمر

صغرت الترف عيونها وهي تعطيه نظرة الحقد الخجول : اقول روح صل وخاف ربك وعيالك من اليوم ينتظروك

دخل ثنيان وهو يحس ان صدره مليان فرح اما الترف اللي كانت تحس ان قلبها يتسع بشعور غريب عليها

................••............

عند منيره اللي كانت مع مشاعل المنسدحه بهدوء لفت منيره وهي تتأفف

مشاعل: وش فيك

منيره: يا اختي ثنيان ما صحى من النوم للحين ولا صلى

مشاعل: لا ما اتوقع اتوقع يصلي وينام

منيره بهمس : هذاك اول

مشاعل: وشو

منيره: : لا ولا شي

نزلت الترف وهي معاها ملابس دخلت غرفة الغسيل ونزلتها ورجعت جلست : مشاعل كيفتس الحين .

ورجعت جلست : مشاعل كيفتس الحين

مشاعل : حمدلله انتي وين غاطه

الترف :جلست ارتب اغراضي

منيره: ثنيان وينه طول النومه ولا صلى ولا قام

الترف ناظرت بمنيره وفي نفسها ( والله اني احبتس ولا ابي استلعن لكن ما تفهمين يا منيره ) : لااا صلى بس تاخر بالنومه والحين ينزل

منيره صدت وهي كارهه وابتسمت الترف اول ما سمعت صوت ثنيان اللي نزل وهو يكح

منيره فزت بخوف وهي تركض له : ثنيان فيك شي ليش تكح اجيب لك دواء

ثنيان : منيره بسم الله وش فيك عادي اكح وبعدين مافيه شي بسيطه

منيره: ليش تكح طيب ؟!صدرك اكيد تعبان

ثنيان: لا بس تروشت ونمت في المكيف

الترف لفت ببضحكه: لا ما عليك ذيب مايجيك شي تعال تقهوى بس

ابتسم ثنيان وراح وهو يجلس جنب مشاعل : هاه كيفك الحين

مشاعل: لا ما عليك بخير

منيره اللي كانت للحين بمكانها وهي تناظر الترف اللي تصب القهوه : سم

ثنيان اخذها : سم لله عدوتس

منيره بصوت شوي منفعل : ثنيان محمد وعمر من ساعه ينتظروك تصحى عشان توديهم الحديقه

كلهم ناظروها وقال ثنيان: بنتقهوى يا منيره بنتقهوى

عمر اللي جاء من فوق وهو يقول : محمد اركض ابوي صحى

نزل محمد وراه وهم يركضون لثنيان اللي نزل قهوته ووقفت الترف بمزح وهي تمنعهم يوصلون لثنيان وثنيان وراها

عمر: وخري يالترف

محمد : بتوخرين ولا ندفك

الترف : ماتقدرون

ركضوا عليها وهي تحاول تدفهم بشويش ومزح وضحك وهم يضحكون معها حتى ثنيان ومشاعل كانوا يضحكون لكن قالت منيره بغضب : بسسسس خلاص اتركي العيال وش فيك كأنك بزر معهم خليهم يشوفون ابوهم من 3 شهور ماشافوه

الكل لف على صوت منيره الضايق والغاضب بما فيهم ثنيان اللي احتدت ملامحه : خيير يا منيره وش بك تصارخين

منيره بنفس الانفعال : ولا شي

تركت الترف العيال اللي وقفوا وقال ثنيان بغضب : روحوا اجهزوا

راحوا عمر ومحمد ولف ثنيان على منيره بحده: ألحقيني برا

طلع بعد ما اخذ اغراضه وطلعت منيره بغضب وهي ساكته

لف ثنيان : انتي وش بلاك وش صاير بعقلك ما تشوفين انهم يلعبون ويمزحون وشوله ذا الصراخ والعصبيه هاااه وشوله

منيره : العيال طفشانين اصلا وهم من اليوم ينتظروون

ثنيان : منييييره والله لو اشوف هالتصرفات صدقيني يا منيره مايصير خيير اول مره وعديتها لكن ماعدت على خير وثاني مره بمشيها والثالثه ثابته يا منيره سكتت وهي معصبه وجوا عمر ومحمد وطلع ثنيان وهو يحاول يهدا .................••............

في حاوة عجاج

عند عجاج اللي كان جالس وهو يفكر بالكارثه اللي حلت عليييه رفع جواله بسرعه اول ماشاف ثنيان يتصل ضحك بفرح ان ثنيان طلع ورد بترحيب : ياااا حي ذا صوت جعله ما ينقطع

ثنيان : يا جعلني فداك يا عجاج وييينك مالك حس ولا جيت ولا سلمت

عجاج : والله قلت بيجلس مع اهله ومع الترف

ثنيان ابتسم : اجل اسمع خمس دقايق وبكون فالحديقه اللي قريبه من بيتكم خلك هناك

عجاج : اطلع للحاره

ثنيان: معي العيال

عجاج : يلا يلا

نزل عجاج مستعجل ناسي همه بوجود ثنيان وثنيان اللي اسرع للحديقه ناسي تصرف منيره بوجود عجاج

جلس عجاج على وحده من المراجيح وهو ينتظر ونزل ثنيان وهو يدخل عمر ومحمد وضحك وهو متجهه لعجاج وحضنه

عجاج وهو يضغطه : الناس تنسجن وتنحف وانت تربي شحوم

ضحك ثنيان: مب مني والله من واحد كأنه جحدر ( شخصيه في مسلسل ) يهرب لي الاكل

ضحك عجاج وبعد وهو يسلم على العيال وجلسوا ثنيان : ايييه واخبارك

عجاج : اخباري كارثيه

ثنيان: خير ان شاء لله

عجاج : ابوووي جاه بلاك

ثنيان سكتت بعدم فهم : هاه !؟

عجاج : ابوي يبي يتزوج

انفجر ثنيان يضحك: امااااا عاااد

عجاج: ضحكت من غير سنون وش يضحك

ثنيان :ههههههههههههههههههههههههههههههههههههههههههههههههه ههههههه ابوك الشايب بيتزوج

عجاج: لااا خل هذا ما يضحك اللي يضحك واللي يجلط بيتزوج بزر عمرها 20

ثنيان اتسعت عيونه وهو يضحك وعجاج يضحك بضيق : شفت يوم يقولون شر البليه ما يضحك هذا هو

ثنيان: وش جاه وش 20 وهو عمره 50 فرق 30 سنه يارجل

عجاج: هذا بدال ما يزوجني يتزوج هو

ثنيان: وش طرا عليه 20 سنه عزوبي الحين تذكر يتزوج

عجاج : تكفى اسكت بموت لي يومين وانا مدري وش اسوي اتركه بيتزوج يتزوج بس حرام بزر بزر

ثنيان: خرب عليه وتزوجها انت

عجاج هبده : انت خلاص صار كل شي في حياتك زواج اقولك المسأله خطيره

ثنيان ضحك: وش بتسوي طيب

عجاج : انا اسألك

ثنيان: تعرف الناس انت

عجاج: ايييه

ثنيان : خلاص روح وخرب الدنيا

عجاج : انت خبل والله ليذبحني

سكت ثنيان شوي ولف ببتسامه: هالناس كيف اطباعهم

عجاج: كيف يعني

ثنيان: متشددين متدينين والا الموضوع سهالات

عجاج : لا ناس شديدين ومتدينين وما يعرفون المزح

ثنيان : بس مالك الا هي

عجاج : وش

ثنيان : اسمع مالك الا ترسل احد يفركش الدنيا

عجاج: لا يا شيخ ابوي ذا

ثنيان: بس انت ادرى با ابوك ما عنده يا يمه خشيني بتروح المسكينه فيها

عجاج: بس ابوي عاد

ثنيان: خلاص خلك ساكت لين يدخلها البيت بكره والمسكينه تروح فيها عاد ابوك الله بس يعين

عجاج : والله صح اقشر بس اذاا خربنا هنا بكره بيتزوج ثانيه

ثنيان: لا عني معاد يعيدها ابوك عنده كبرياء

عجاج : وش نسوي ومن نرسل وش نقوله واذا ابوي عرفه ولعن خيره

ثنيان: بنرسل حرمه مب لازم رجال

عجاج : من نرسل ! مرزوقه

ثنيان: ابك لا هاذي بتذبح ابوك

عجاج: صادق

ثنيان: اقولك مالنا الا الترف تلعن ابو خيرهم تحوس مخهم حوس

عجاج : وش تلعن ياخي مانبيها تلعن

ثنيان: خلاص خلاص عندي ازهل بيشوتون ابوك شوت

عجاج ضربه: خييير ابوي ترا

ثنيان: اقصد يرفضون

عجاج : واذا فضحتنا ذا الخبله

ثنيان ضربه: زوجتي ترا

عجاج : يوووه المهم اذا فضحتنا

ثنيان: لا ما عليك وهي سمراء بعد بيصدوقنها والترف تغسل المخ ماعليك

عجاج: واضح انها تغسل المخ اشوفك مخبط

ضحك ثنيان: يا ويل قلبي بس

عجاج : طيب متى نبي بسرعه

ثنيان: متى!

عجاج: بكره

ثنيان: تم بكره بنجي وانت تدلنا

عجاج : يا ويلك تعيي يا ثنيان !

ثنيان : لا لا ، بس بنجي بدري لان بكره عشاء عند صالح وعازمك لازم تجي

عجاج : المهم تنحل ذا الكارثه وبعدين نشوف

ثنيان: بسيطه ما عليك

عجاج : قم قم بنروح نتقهوى

ثنيان : والعيال

عجاج : جبهم ياخي

ثنيان: بينشب لي ابو حمود

عجاج : يا رجال خله ينشب ماعليك

ثنيان: لا انتظر بتصل في نواف يجي ياخذهم

عجاج: نواف اخوك ترا مب سواق كل شي يوديه ويجيبه

ثنيان: وخر بس ماعنده شي

عجاج :اسمعني بندر وش صار عليه

ثنيان: والله امس سألت عنه وقالوا عادي ينفذ عقوباته وهادي

عجاج : اتوقع انه راكد

ثنيان: الله يهديه بس ، صح ياخي سيف مختفي حتى اتصل به مدري وينه

كلم ثنيان نواف وهو يقوله يجي

عجاج: مب تقول متزوج خلاص عند زوجته

ثنيان: وش ذا الزوجه اللي مختفيه ومخفيته

عجاج : حبيبي واضح عرق فيكم تخقون بسرعه وتروحون وطي

ثنيان: لا تبيني اتوطى في بطنك انت

عجاج ضحك وهو يقول : شرف نواف اللي ادعي له من كل قلبي ان ربي ينجيه من عايلة المزواجيه

نواف : سلام

عجاج وقف يسلم عليه وبعدها وقف يقرا عليه

ضحك نواف : وش فيك

عجاج : اسمعني وانا اخوك تحصن وكثر الدعاء ترا الموضوع يعدي صدقني

نواف: وش فيكم وش يعدي

ثنيان :ههههههههههههههههههههههههههههههههههههههههههههههههه ههههههه

عجاج : لا تصير مزواج مثل اخوانك انتبه

نواف ابتسم ابتسامه ضايقه: لا وين شكلهم بيسببون لي عقده من الزواج

ثنيان دقق بملامحه: وش فيك ليه ضقت

نواف : لا بس وين العيال

وقف ثنيان: اقول قل وش فيك

نواف بعد تردد : ياخي مافيه شي مشكله بسيطه

ثنيان : سييف فيه شي !! مختفي من مده وش صاير حتى بالزيارات مايجي نووواف تكلم

عجاج : ثنيان وش فيك انتظر

نواف جلس وهو يقول لثنيان السالفه وانهم ما لحقوا يقولون له من السالفه اللي صارت وانسجن

ثنيان: كيف تسكتون عن ذا الشي كيييف كيف

نواف : هذا الوضع وش نقول

ثنيان: خذ العيال خذهم

عجاج :وين بتروح

ثنيان: بروح لذا الللي ما يستحي اخر العمر يبيع امي وابوي عشان مره هذا اخرتها وتارك اهله وبنته اللي في حاجته وماشي

نواف : ثنيان فكنا من المشاكلً

ثنيان: اقول خذ العيال وتوكل

طلع ثنيان ونواف اللي توتر

عجاج : ما عليك ما بيسوي شي بيكلمه ويجي خذ العيال انت

نواف : يلا يا محمد عمر يلاا

اخذهم نواف وطلع وثنيان اللي راح لسيف

.

.

انتهى البارت💘