تحميل رواية «تقليدي بألف عشق» PDF

#تقليدي_بالف_عشق

#الكاتبة_اطياف_ابراهيم

لتنسون التصويت حبايبي النجمه النهايه الشاشه اضغطو عليها⭐♥️

سيرين... مااداوم ولله مااداوم لو تذبحوني مارررررريد تهسترت وكمت اصيح مثل المخبله جان يجيني راشدي بنص وجهي احس خدي كام يوش من القوه...

سمير.. انتي شبيج تخبلتي هذا مستقبلج المن مضيعته

سيرين.. المدرسه المشؤمه هي ضيعت مني اعز اثنين بحياتي الله يخليك لتعارضني ولله مصره ع قراري

دار بينه نقاش وادخلو ماجد وياسمين وحت اثير كلهم يحاولون يقنعوني ناس اعصاب وناس، بتوسل وهدوء واني ع كلمه وحده مااغيرها

بقو شهر كامل يضغطون عليه سمير زعل مني وقاطعني بس بقيت ع قراري

استمرت الملحه والاعصاب من الكل وجوابي واحد

سمير كال عوفوها تترك هالسنه وراها تتحسن نفسيتها وترجع غصب عنها

داومو اثير ومهدي وبيان وولد اخواني كلهم

اللاحظته الكل مشت حياته حت اخوتي الصغار مخلو وفاه ابونه وأمنه عثره بطريقهم كان الحزن مأثر عليهم عاطفيا فقط بس مماثر عليهم عمليا

حياتي بالبيت مجرد ملل وتنظيف وصلاه وقران ومشاكل مروه مستمره كل كم يوم بسبب ماجد بالسنه حسنه يحن عليه اما سمير فدوه لكلبه اخو خيته وعباس وفرات احسهم ابويه وامي كلهم حنيه

قائد اصلا بالشهر مرة نحجي ويا بساع ويسده لان مخبوص بدراسته

وزعل من قراري وكام يصيح عليه ويغلط بس من هدأ فهمته موقفي ومقتنع بكلامي كال هذا هذيان وغباء وماله دخل مو كدامج اني اصعب منج بقاطات وبالغربه ودااكافح لخاطر مستقبلي

جنت اطبب منا واطلع منا كأنو عقلي قفل وحجر ع موضوع كارهه المدرسه لان ماتو بيها اهلي المكان الشفت بي دم امي وابويه وادين امي ماكو

كلش تعقدت اكثر وحده بعائلتي اني

طول هالفتره علاقتي كلش مقربه بياسمين وكلش طيبه علاقتنه

خلص السنه واجت العطله وحياتنه اشبهه بالدفتر كله نفس اللون مجرد نفتح صفحه ونطويها ونبلش بثانيه نفس الاحداث نفس الاماكن

بعدها صارت دوره السنه ومرت سنه ع غياب الاحباب عن عيني تجدد حزني بالزايد سوينه ثواب ووزعنا ع جيران وسوينه عزيمه ع كرايب واجوي من كل فج عميق وراها ثاني يوم اتوجهنه للنجف والتقيت بيهم بقبورهم

جو هدوء ومجرد صوت الهواء واشعه الشمس وتراب يفرق بيني وبين احبابي... كعدت ابجي واحجيلهم اشتياقي والحياة بعدهم مؤذيه ومبيها طعم راحه وفرحه كامل... استمر حديثي ويا كل قبر بيهم بحدود الساعه ترست قبورهم مي ورد وشغلنه بخور ونثرنه ورد ع قبورهم قرينه قران... احس روحي احتاجهم اريد بحياتي عافوني وبعدني بحاجتهم وراها توجهنه للامام علي ع وبحضرته دوم احس همومي تتناثر من جتفي ويقل حمل الحزن عليه راحه نفسيه واني بجوار الامام وقرب شباكه واشم عطر الحضره المميز مموجود بكل مكان بس داخل الحضره وراها كملنه زياره ودخلنه مطعم وكالمجاعه والمفجوعين كلنه من شده العطش والجوع وراها توجهنه لبغداد ورجعت حياتنه كما هي............

بدت السنه الثانيه بس هلمرة مو بس حجي جانت وجوه اخوتي كلهم متفسر بخير

اصرو وكالو لو تداومين لو هسه تاكلين كتل كل حياتج مماكلته

خفت منهم ومن تهديداتهم

اضطريت ارجع اداوم

بس اللاحظته انو مروه ابد ابد مفرحت بالخبر لان اخواني كالو حت شغل البيت ينشال منج حت اشوف شنو عذرج اذا اجيتي راسبه بدرس لان خلو كل الاحتمالات ببالهم وفكرو ارسب نفسي حت اكعد بالبيت.... بلشت احضر ملابسي نفس صدريتي اني ضعيفه اصلا وهي ع جسمي مرتبه ومقسمه جنت البس كله بينسل وبيها تعاليك المهم مروه حاربتني بيومها واني زهكانه وتختلق المشاكل وتفوت تتافاف وتحجي... اني من غير شي بازعه روحي المهم حضرتهم ومخنوكه شلون حداوم انجبرت ع شي بس شسوي حكم القوي عليه

الليلكله منمته توتر مال اول يوم دوام وشلون اروح باجر وبنات جدد ومو مثل وجبتي اصغر مني بسنه بطني تخبط واتلوه واغمض عيني بس احسها مصحصه متريد تنام بقيت اهذري واحجي مدري ليا ساعه يلا غفيت حسيت سمعت صوت اذان واذني ثكلت وراها محسيت بشي لحد مكعدت ع صوت المنبه وكانو بسمار يرن براسي جنت باوج نومتي واثكلها لو يكلولي راح يوكع البيت فوك راسج هم

مااكوم واظل شابكه المخده

لحد ممفزني قطرات مي ثلج ع وجهي

عطتتتت شكووو يا غبي هذااااا

لكيتها ياسمين بوجهي وهستوها كاعده من النوم وتضحك مثل السفيهين واني من النعاس اشوف الواحد بعشره وهي كفشتها مال ابو لهب اخترعت من منظرها اكثر من المي البارد

سيرين.. اشتعلو ياسه

ياسمين.. ههههه احلا منبه مو.. دتتزوجي وجويسم يكعدج ع منبه رومانسي تصحصحين عشره ع عشره

سيرين.. عوع شيسوي قابل من صبح... وبعدين شنو تردين تخلصين مني نذله بعدني كل عمري يصير ١٧ بعد شهر

ياسمين.. ولج يحضنج وع بوسات منه تكعدين شفايتلج مصبحه بوجهي جني سعلوه هههه

سيرين.. صدك شبيج اليوم مكفشه

ياسمين.. كومي لدوامج وبعدين احجيلج السالفه الورا هالكفشه

سيرين.. كملت كلامها وغمزتلي ومنا مكفشه جنها مخبله ضحكت ورحت للمطبخ دالبس بوتيني

لكيتها كاعد تتريك ع سريع سوتلي لفه جبن اكلتها وشربت كم كمع جاي من كوبها

دااعدل بشالي ع جامه المغسله الخارجيه اجتي ياسمين فتحت جنطتي باوعت خلتلي ٥ الاف كالت حبي شوكت متخلص كوليلي انطيج مصرف

سمير تكفل بكل مصرفج

بستها وحضنتها وطلعت بس روحي مقبوضه هم زين الاعدايه بصف مدرستي القديمه مو نفس مدرستي

تصير بصفها بس كدامها يعني امر من مدرستي القديمه اول

فتت من مدرستي كبل صار كدام عيوني بالكاع الدم والصياح الصار بذيج السنه تكرر كدام عيني ودم يطلع بكل مكان حت بالحايط اشوفه ينزل ويسيح بالكاع اعيوني غوشت بطني كامت تكلب انوبه كمت ابجي وواكفه بمكاني فات من يمي ولد شاب مدرستهم كدام مدرستنه عبور الشارع عباله عندي شي او ابنيه مو زينه

غمزلي و ذب ورقه بجيب الجنطه المفتوحه مال مطاره المي

اني بيا حال وحركه هذا خوفتني والحراس مال مدرسه انتبهو وظل يخزرون بيه بطني خبطت عقلي مشتت ويا منظر الدم وهذا سوه هيج والحراس بجهه

حسيت نفسي كمت اهوع جان استفرغ كل الاكلته بالكاع وكمت ابجي بحركه وراها رجعت للبيت وامشي سريع والطلاب كلهم دخلو لمدارسهم والشارع فرغ بس اهل المحلات والمكاتب والسيارات تتخاطف اغاني ع يصوفرون واني ابجي وامشي وخايفه مااحس اله انجرت ايدي من ورا وانعتت حيل

اثير.. ساقطه امشينه للبيت اني اعلمج ويامن جنتي واكفه من اول يوم والمن بلشارع مو بمدرستج

سيرين.. اباوع عليه سان سنونه ويحجي باعصاب وصوت ناصي حت ميلفت نضر

اني هنا اعلنت استسلامي لمصيبه جبيره وابجي واكوله ولله معليه ولله مااعرفه

وصلنه للبيت دفعني لجوا وسد الباب

وراها هجم عليه كسرني تكسر وجان يلزم جنطتي، فتشها لكه الورقه

جان يعيط... ييي وكاتبلج فارس كلبج

يا كلبه اتريدين تنزلين راسنه بين العالم يا مامتربايه خزيتينه

انتي وصدريتج المتمصرنه

هجم عليه شبعني كتل نزلت ركض ياسمين ومروه ويفكون بيه مني ماكو لحد مكتفه بالضرب ويصيح مشفى غليلي منها

وتبطل وماكو دوام اكسر رجلها ولله غلط وفشر وراها تفل عليه وطلع

هنا هو عاد السنه ف لذلك بعده بالمدرسه وشافني اكيد

كعدت ياسمين بمستوايه وتهدئ بيه جان اسمع صوتهاالمتشمت والمتشفي

مروه.. عفيه كح... من اول يوم لكتلها كو... وتريد تكسر عين اخوتها من هاي ماخذتلها جربايه نفرين مفلفله ع زواج

سيرين.. اباوع ومصدومه من كميه الحقد عند البشر التفكر بس بمصالحها وتتهم وتحقد ع ناس بمجرد انو تضاربت مصالحهم

من هاليوم عرفت اني لاحول ولا قوه وعندي هواي اعداء بحياتي وشلون حتمشي حياتي ماادري

...... يتبع

فدوه الكلبكم لاتنسون التصويت... وتعليقاتكم الحلوه تفرحني من كلبي ♥️♥️♥️

#تقليدي_بالف_عشق

#الكاتبة_اطياف_ابراهيم

#البارت_١٢

...................................

مروه.. عفيه كح... من اول يوم لكتلها كو... وتريد تكسر عين اخوتها من هاي ماخذتلها جربايه نفرين مفلفله ع زواج

سيرين.. اباوع ومصدومه من كميه الحقد عند البشر التفكر بس بمصالحها وتتهم وتحقد ع ناس بمجرد انو تضاربت مصالحهم

من هاليوم عرفت اني لاحول ولا قوه وعندي هواي اعداء بحياتي وشلون حتمشي حياتي ماادري

رجعو اخواني من الدوام وكدر اثير ايلوف السالفه عليهم مرحمو بحالي الكل ضربني واذاني

الا عباس اجه متاخر وكال الهم كل ابنيه تتعرض للتحرش واكيد ماعدها علاقه بي لو عقولكم حجرت يعني هو ذب رقمه هاي معناها اول مره يشوفها وانت الصايرلي رجال ع مره يا اثير بيك خير كسر اضلوعه واملص راسه لهل كو.. اللي تحرش باختك

جاوبه اثير انو خاف ننفضح بلزايد عفته بس ضامها اله

بعدالكلام والهوسه

ناس تصيح بطلوها وناس تصيح ترجع بس تسجل بخط

اخر شي وصلو لقرار انو اسجل بخط واروح وارجع محد يلمحني

جنت مجرد كاعده بنصهم مثل العبدة ويقررون عني وشيكولون ارضه واهز راسي بالقبول

هذا هو حكم القوي ومااكدر عليهم شما يكون هم اقوه مني عدد وجسد

عدت السالفه

رجعت اداوم اول ايام استصعبتها من كل النواحي

عقدتي من الحادث الى بنات اصغر مني ومااعرفهم جريتها ١٠ ايام بجي ومناحه ومقهوره حت صديقاتي البصفي ابتعدو عني وهذوله الويايه احس مبينه سنه كانو عشر سنين كمت بالفرصه اروح بنهايه المدرسه يم الحايط جانت كاع تراب واكو مثل الصبات المتكسره اكعد هناك واطلع لفتي جنت اسوي بيتيه وبينتجان وزلاطه ومرات كباب عروك مرات جبن اكلها ويا عصير وراها ابقى اشخبط بالكاع بعوده اكتب اشياء وارسم مر شهر بعد ماامتحنه والبنات شافو دراجاتي كلها ميات وتسعينات كلهم صارو يتقربون عليه ويحاولون يسالفون ويايه

جنت اتجاوب وياهم بس مو بميانه هذا طبعي مااحب اجامل ولا احب الزك باحد عندي شخصيه قويه بداخلي رغم كلشي رغم جنت محتاجه صديقات بس متلوكت ولا سويت شي ابد

مرات يلتمن يردن اشوحلهن وفعلا اقبل واشرح

بس جانو اكو ثنين بنات صديقات مقربات الكل يعرفهم بالقاعه شاطرات وميصادقن احد ابد شتيفين نفسهم اسماءهن

وديان و سجى

كامو يجون عليه يطلبون اطلع وياهم بالفرصه كمت اطلع بس شنو اتصرف بحريتي اخذ اكلي الجايبته ويايه واشتري عصير واكل مخجلت لان هم بس همه وبس ميتحاجن بالعكس بقست مثل مااني وبالفرصه الثاني جنت اشتري حلويات بس اضمهن البيان لان اكون شبعانه من اللفه

هم شافوني هيج بس مكالو شي كامو يجيبون هم مثلي لفات وياكلون

تقربنا اكثر وصرنا كلش وحده روحها بالثانيه

الكل جان يتمنى يحجي ويانه لان شاطرات وحلوات

خلصت السنه ونوعا ما رجعت احب الدراسه لان تطلعني من خنكه البيت من مروه من اثير من ماجد التغيير عليه

سعادتي وراحتي الوحيده اخواني بيان ومهدي لحس جهالي مو اخواني

وسمير وياسمين وجهالهم وطبعا ابن ماجد مؤمل كذلك هم الاستمد منهم الراحه من اشوفهم بالبيت

مروه حاربتني محاربه مصايره لان شغل الاماعين تحول عليها بعد مجان عليه

جانت اكثر الاوقات تشحن ماجد عليه وللاسف لو شتكوله مروه يصدكها ع عمى

خلصت العطله وهسه اني اليوم واكفه كدام المرايه احظر روحي دااطلع للخط

صف خامس علمي بس المفروض اني هسه سادس

وصلي الخط صعدت مشه بينه لنص الطريق وعطلت سيارته نزل يصلح بيها صول ربع ساعه البنات كالن عمو ترا المدرسه هياتها ورح يدك الجرس والمديره تطردنه

نزلو البنات بس اني متت خوف

صح اثير هسة بدا يداوم كليه بس خايفه

ومهدي هسه اعداديه صار رابع

شلون بيه رغم ادري مهدي يخاف عليهم منهم وميجفصها ابد بس خايفه ليعترض طريقي واحد تافه مثل العام

كاعد امشي وحدي جنت لابسه صدريه شويه ميني  وضيقه ويا جسمي وشال اسود وصدريه كابوي اسود

داامشي ومرتبكه جانت جنطتي شبه فارغه مبيها كتب لان اول يوم دوام بس دفاتر والهوه يصفك بصدريتي وتلطش، ع جسمي شسوي يربي

هاي حظي بكل اول يوم تطلعلي مصيبه

بعدين ارجع اكول اشش اشش ماافاول ع نفسي

الطريق حسيته شطوله مدري لان اني لابسه ضيق امشي ببطء

جان تطبك عليه سياره وصوت رجولي كلش خشن وعصبي هم

يعني السوك شكبره ميبعولج اله ربع متره

سيرين.. باوعت هذا منو اليحاسبني.. حسيت اعرفه بس ناسيته كتلك.. اكولك انت منوالتحاسبني شنواخويه وماادري

لا اخوج ولا هم يحزنون اني سعيد جاركم.. بس كليلي شكلتي الروحج من لبستيها وهي هيج َ

سيرين.. بداخلي يعني اتخبل من واحد يتدخل يكفي عليه اثير ملعب نفسي بس ع الاقل ممحاسبني ع لبسي

كتله.. شوف انته روح بطريقك ومره ثانيه من تعترض بطريقي اخواني الطلعوني براضتهم اخليهم يكسرون راسك فهمت لو لا

كلت هيج والله حت معرفت شرد عليه كلت هسه يكسر راسي اليه ولله

بس شكد استفزني اوووي من دم ثكيل ومينطاق

عده هاليوم ع خير ثاني من دااصعد بالخط لكيته واكف بالباب بس عيونه شرار ماادري ليش تنكط نار وغضب مني عوذه شبي هذا

خلصت الشهر يوميه مصبحه بوجه العابس

مليت منه اتنرفزت  من وجوده خبلني بعدين استسلمت لوجوده وكمت حت ماابوع عليه بس احس يباوع عليه بغضب وحقد ليش ماادري

بس اني ابد منزعت صدريتي برغم عندي وحده اشويه اطول واعرض بس سويتها بالعناد

بعد الشهر اسبوع هو ماكو

اني ممهتمتله من اشوفه اضوج بس صار فضول بداخلي هذا وين راح ماادري

جان يوم خميس رجعت متكسره من التعب كومه شرح جان عدنه ورجعت بوجهي للنوم نمت نومه عميقه

من الثنتين لحد الثمانيه بالليل فزيت ع صوت ياسمين تكعدني

كومي ولج كووومي اجوج خطابه.... يتبع

تصوووووووويت قبل كولشي♥️

سيرين.. من الثنتين لحد الثمانيه بالليل فزيت ع صوت ياسمين تكعدني

كومي ولج كووومي اجوج خطابه....

بله وخري مني مالي خلك شقاج ابد

ياسمين.. يمعوده الناس صار ساعه مصلوبين واني اكولهم دتقره ميدرون بي تمبل

سيرين.. يااا صدك تحجين.. كمت افرك بعيني واتثاوب

ياسمين.. يابه شو تعاااي.. جريتها بوجهي للحمام غسلت وجههه وفرشت اسنانها هي ورحنه للغرفه هي شعرها مي نازل سرح فتحته وخلت بس كحله واحمر خدود فاتح وحمره بشرتها حنطيه وعيونها ويا لكحل صارن صفر ويلمعن

جبتلها من عندي فستان طويل مخصر ع جسم لونه اسود وردن تول شفاف طلعت لعابه وشعرها شطوله

رشت عطر وحضرتلها لصينيه ودخلتها

سيرين.. جنا بسنه ٢٠١٣ يعني نوعا ما الزواج هيج بهف شكل ماكو مثل هسه زواج عن حب وكذا

اني جنت حالي من حال اي بنيه من يتقدملي احد اتقبل الامر واشوف الولد شنو دارس واخلاقه وكذلك شخصيته وشكل يعني لازم من كل النواحي

فتت للاستقبال

طبعا جانو اخواني والولد الجايلي كاعدين بالحديقه

جنت متوتره لكيت مريه جبيره بالعمر ممحجبه شعرها اصفر وقصير ومسويه كذلتها جانبيه ومرفوعه وبنات ٢ شابات شعرهم اسود بس نفس العمر والشكل يطلعون بعمري مبينين تؤام ووحده تجي بعمر فرات لابسه شال بس ذابته وطالعه كذلتها بس متشبهم اكيد جنتهم الجبيره مبين بس لكيت مروه كاعده يمها ويسولفن ويضحكن عبالك وحده تعرف اللخ

سلمت ع الكل الامايه مغروره كلش البنات حبابات بس الوياهم االي يمكن جنتهم تحاول تجذب نظر وتحاول تسوي نفس الامايه بتصرفاتها محبيتها شكلها ماعدها شخصيه ومتباوع عليه عود هي فد شي

الامايه بدت تحجي

ام وسن.. حبيبتي اني ايسموني ام وسن.. بنتي وسن الجبيره متزوجه وطالعه ويا رجلها للخارج وابني عبدالله وهاي زوجته نيران اشرت ع الابنيه البصف مررة

وابني رامي الرايديج اله

وهذني بناتي التؤم ضحى و رشا

طبعا الفضل يعود لنيران الدلتني عليج صدك من كالت اموره وحلوه وفعلا طلعتي احلى من الوصف

هي تصير بنت خالتها لجنتكم مروه ومروه الكالتلها عليج

اني ابني مخلص ثالث متوسط وترك الدراسه كال عليمن اتعب نفسي بعد سبع سنين وماكو تعيين مدام احنه تجار وخير من الله افتح مشروع خاص بيه وهو حاليا يدير كوفي بالكرادة و وراده خير من الله

يعني ولله تعيشين ويانه ملكه معززه مكرمه

واحنه من نوع منتدخل بجناينه يطبن ويطلع ويسافرن وبراحتهن بس رجلهن يتحكم بيهن

حبيبتي اني ابني عمره ٢٠ يعني شاب وانتي هم حلوه تحبين تكعدون سوه تتشاوفون

سيرين.. ولله ماادري بس بكيف اخواني جان تضحك مروه

مروه.. يمه حبيبتي سوسه شكلها موافقه وبساع

سيرين.. كلش فشلت منها جان تخزرها ام وسن وياسمين هم

بعدها كالت ياسمين خل اشوف الولد ونكولكم

ورا شويه دخلت وكالت الولد يكولون من حقهم واحد يتعرف ع ثاني هذا زواج ومصير ف وافقو بس كالو تتحجب اول

طلعت من الاستقبال واحس جسمي واديه صايرات مي وارجف متوتره

ولج ياسمين شنو حكعد ويا ولله استحي مااعرف عمري وحياتي مكاعده ويا شاب ابد شلون يربي

ياسمين.. عادي حبيبتي لتخافين تعالي لبسي جبتي وهاج هذا الشال انتي لتخجلين وساليه واستفسري شوفي شخصيته خاف يطلع بس بوخه ناقشي بقرارته بحياته اليوميه شنو يسوي شنو يحب شنو يكره

سيرين.. باع هاي دطيري هو اسمه مااساله لان عرفته ولله حرف ماانطق

ياسمين... مو تندمين بعدين بله طلع فاهي بله طلع عصبي بله طلع شاخط ولج بس اني شاكه بي فاهي من اسمه خرب رامي وين عايشين بمصر هههه

هو رامي عياش مصري لو لبناني

سيرين.. اكلج العالم راح تولي لبيتها وانتي حايره برامي عياش شنو تردين تخطبي

باعي يحتاجي مكياج

ياسمين.. اممم بس حواجبج نازلات ع عينج انظفهن بساع

سيرين.. لا لا اتااااخر ولي

ياسمين.. انجبي هي دقيقتين بالملقط

سيرين.. تخبلتي رسمي امشينه مشينه وصلنه للباب جان تطفه الكهرباء

ياسمين.. لج هاي فرصه بس انضفهن من جوه هن كم شعرايه ع لايت مال موبايل

سيرين.. وفعلا سوتهن وكملت والكهرباء ماكو طلع امسوي استراحه نص ساعه رجعت جددت حمرتي والكحله اباوع باللايت ع وجهي طلعت غير

حواجبي كومه غيرت بوجهي عيوني حسيتهم كبرو بالزايد

شويه واجتي الوطنيه يعني لو ع استراحه بعد ١٠ دقايق يلا تجي

فتت للاستقبال لكيت اوجوه الكل سايحه من الحر بس اني مجدده ههههه

فاتو النسوان بالصاله والولد طلعو بالحديقه وفات ولد شاب

سلم

رديت عليه جان كلش طويل بحيث سمير اقصر منه وسمير طوله ١٨٠ يمكن هذا تيل

جسمه رشيق بس مو معضل.. شعره اسود عادي رافعه جان لابس تيشيرت اسود وبنطرون ثلجي

رامي.. اسمج شيرين

سيرين.. لا سيرين بالسين.. بكلبي ضجت يبو شكله اثول

رامي.. شلونج

سيرين.. بخير

رامي.. انتي بيا صف هسه

سيرين.. بالخامس بس المفروض بالسادس لان.. جان يدك موبايله اشرلي بعيونه مثل الغمض وفتح بمعنى لحظه ارد... سكتت هو جاوب

يي.. يي.. لا ممطول شوي وجايكم.. يي كوله يعمرلي عسل

سيرين.. بكلبي اكول يا منيه هايه عسل انوبه كدامي كبر اذا ماارفضه زين هالبنيه شنو يعمرها ولله ماادري

كلت اكوله بس بعدين كلت عيب ارفضه من الاخير

رامي.. سيرين سيرين

سيرين.. ها نعم

رامي.. وين صفنتي.. صارلي ساعه من كملت

سيرين.. ها لا ماكو شي

رامي.. احجيلي شنو سبب تركج لسنه

سيرين.. بسبب وفاة ابويه وامي

رامي.. اها الله يرحمهم.. بس عيني بله زحمه عليج ممكن تصيحلي الوالدة تاخرت ع شغله مهمه

سيرين.. بكلبي يي متاخر ع عسل ولله يا الله.. يي تمام حروح اكولهم

طلعت بلغتهم وراحو بعدها اجتي ياسمين لج احجيلي بالحرف الواحد شصار بينكم

سيرين.. لج هذا واحد حقير استحقرني وكدامي يكل لواحد ع صديقته واسمها عسل فوكاها

ياسمين.. يمه عزا شكد ميستحي.. ولج كلبي لاب من عرفتهم من جهه مروه المسمومه شحجه ع هايه عسل

سيرين.. يكوله يعمرلي عسل يجوز هذا غزل جديد ومندري تدرين بيهم كلهم هالفتره يقلدون التركي ويتلوكون مثلهم.. احجي احجي واباوع ع ياسمين غاصه من الضحك اول مكملت كتلها وجعه شبيج جان تجيني غمه بنص كصتي

ياسمين.. تبقين مطيه يااختي لو شلون

سيرين.. شنو اليضحك وتغمين وتغلطين ولي مو صوجج ولله

ياسمين.. مو اكولها مطيه متقتنع... بابه يعمرله نركيله يخلي بيها معسل بنكهه العسل امداني

لا دبرتبها وي عيال ومرة حمة ماده بوزها متر امر من مروه وبت خالتها نفس الخرا

سيرين.. عزاااا ولج طلعت نركيله لج همزين مفشلت نفسي وحجيت ويا جان خست بمكاني وصرتله مضحكه

ياسمين.. اكولج شكله شفتي زين

سيرين.. يعني هو طويل وشعره حلو كثيف ملامحه منتبهت بس اكيد حلو مشفتي اخواته حلوات وملامحهن نازكه كلش

ياسمين.. وانتي شنو رائيج بي موافقه يعني

سيرين.. ماادري نص ونص اريد اكمل دراستي وهو ممكمل واني اكول خاف مو مثقف لان تارك محتارة

بعد ايام اخواني سالو عنهم كالو يعني ناس عاديين لا ملتزمين زايد ولا منفكين كلش

معدهم مشاكل ويا الناس اخواني اقتنعو كلهم باستثناء سمير كال مدارس شلون نضمن مستقبله شغلهم حتلو تجار مثابت مثل الحكومي

المهم اخواني اقتنعو بس بقه رائيي

كلتلهم بس انطوني وقت افكر

بعد ٥ ايام قررت... يتبع

لا تنسون التصويت 💕💕💕💕

طبعا الاصوات حت لل٥٠٠ موصلت ف راح حق الثلاث بارتات 😢

اشوف تفاعلكم واكافئكم عليه ببارت مفاجئ😍

احبكم واحب تعليقاتكم

#تقليدي_بالف_عشق

#الكاتبة_اطياف_ابراهيم

#البارت_١٣

.....................

حبايبي قبل كلشي تصويت لتنسو❤️❤️❤️

سيرين.. بعد ٥ ايام قررت

جانو اخواني كاعدين ديتغدون كلهم ملتمين صادف يوم خميس كنا بنص شهر ١٢ شتة امتحانته دتبدي حت وراها نعطل مال نص السنة

جانو ياكلون سمج وتمن احمر مااحب السمج ف بس اكل طرشي وتمن بقو يسألوني ع دراستي والامتحانات يعني همه هم يريدون جواب مني بس احسهم مثلي مستحين يفتحون الموضوع

بقيت اسولف وياهم عادي كملو وكمنه احنه نشيل بالاماعين وكالعاده الست مروة متحرك روحها لزمت ماعون بي شويه تمن وخلت عليه الباقي من السمجه وصاحت تعالي امولي اوكلك مااكلت شي وهو يكولها كااحب السمج واكلت تمن هذاك ماعوني خلصته خزرته كعد يمها مستسلم ومقهور كامت توكل بي علمود متكوم ويانه للمطبخ

فرات هزت ايدها وياسمين كوه لازمه اعصابها ومتغرد عليها

واحنه دنشيل عباس كلي

عباس.. بويه جيبلي ماعون الدبس وراشي من ايدج الحلوه وتعاي كعدي يمي

سيرين.. حاضر حبيبي

رحت جبته خليته كدامه وربع كرصه خبز داكوم جان يكلي كعدي وين عدي حجي وياج حبيبه

كتله.. مو دااغسل اماعين ويا البنات

عباس.. خلهن هن ينظفن هن كومه.. ابقي هنا موضوعي مهم

سيرين.. اوك دااسمعك

عباس.. هجم بيتجن اوك لو تطبن للكليه شسون بس تتموعن هههههه

سيرين.. ههههه لا ولله بس متعود الساني

عباس.. شوفي حبيبتي اني سالتلج ع ولد وطالع خوش ولد ماعده عيبه ويا الناس.. بس مرات الانسان مامعيوب ويا بشر بس معيوب ويا روحه.. مثل يطلع سكير لو ميصلي لو بخيل لو ماعده كلمه لو مرعبل.. بس هذني منكدر نحكم عليهن اله نجربه

حبيبتي انتي فكرتي زين.. اذا موافقه نخلي فتره الخطوبه اختبار الكم تتعرفون عله بعضكم تشوفين عيوبه شنو وحسناته وياج شنو اذا زيناته سبق اغلاطه كملي ويا وانتي التحاولين ويا وتعلمي الرجال شكد ما هو حوك ويصول  ويجول مرجعه للمرة وللمرة التكدر تحتوي رجلها يصيرلها خادم بس لان تحترمه ولان حاولت ويا وخلته يترك عيوبه

انتي شرايج بي

سيرين.. ولله يااخويه اني فكرت وفكرت وارجع لنقطه مهمه دراسته.. اخاف مااضمن مستقبلي ويا وبعد شغله اكثر الشباب التترك دراستها تصير مو واعيه وترافق ناس نوعا ما متخلفين.. ماعدهم طموح و لا يسعون لشي بي خبر اقوه شي بحياتهم طلعة لمقهى.. يلعبون دومنه يشربون نركيله.. الانسان اذا يبقى متحور ع هالامور حيتاخر ع ناس كلها الدنيا حاليا في تطور مستمر الياخذ اعداديه يركض للكليه وابو البكالوريوس لو يدور تعيين لو دراسات عليا وهو حاليا خريج متوسطه هذه العيب الوحيد البي.. وخايفه يحرمني من الكليه لان هو مدارس

عباس.. ولله حقج وكلامج عين العقل.. وافهم من كلامج انتي موافقه بس عدج شرط هو تكملين... وبالنسبه لدراسته انتي حاولي تقنعي يرجع يقدم فتره الخطوبه الج مفتوحه حاولي بيها تكسبي وبالاسلوب خلي يرد لدراسته مخسرانه شي.. والما رضى هم مخسرانه لان حالتهم قويه وشغله زين... واهم شي موافق ع شرطج لان ماانطيج اذا ما قبلو ع شرطج

سيرين.. فدوه لعمرك اخويه ربي ميحرمني منك سندي ولله

سمير.. ولج زمو واني شنو.. بس مو صوجج صوج النساتل والموطات المتغزر اترسهن بعد ملح بعيني

سيرين.. رحت يمه حضنته وبسته من راسه شعندي غيرك ولله كلكم اخوتي سندي وحمايتي بالدنيا

باوعت لكيت ماجد يباوعلي بحنيه ويبتسم ماادري ليش وبعيونه قهر معقوله افتقدني لان راح انخطب واتزوج

مهدي كاعد هو وبيان ع صفحه ياكلون جباسة واثير ولا ويانه بموبايله

رحت كمت منهم فتت للمطبخ لكيت فرات وياسمين منظفات المطبخ وغاسلات الكاع زالغاته زلغ هو تحول ع مروه لان عندي مدرسة بس مروه مو كلش تهتم بنظافته وبوكت اللمه متغسل اماعين ع ابو هواي واماعينكم انتو نظفوهن دائما تسوي هيج بكل قباحه

كلت لياسمين اريد موبايلج

اخذته و دكيت ع قائد

جاوبني بس شكله جان نايم

سيرين.. شبيك صوتك مينسمع تجر الكلمه كوه

قائد.. امنين طلعتي هي حيوانه هستوني غفيت صارلي ١٨ ساعه منايم صرت مطي اله اذانين

سيرين.. يا شنو هالهلوسه مو طبعك هذا شبيك تعبان مسخن وتهذي

قائد.. انجبي خل ارجع انام باي

سيرين.. حتخطب ولك متباركلي

قائد.. شنووووو... هاي من شوكت

سيرين.. ااخ اذني اشبيك يمعود المن تصيح قبل شويه جنت نايم

قائد.. انجبي لج.. اني شنو اخر من يعلم.. ولج محاسبيلي حساب شكد ناقصين انتو.. منو هذا ومنين وشعده شهادة وين يستغل

سيرين.. عززا ولك جنك ست امل ست بل ست اسئلة بمساله وحده

قائد.. شلون تريدني اشعل امل واشعل الجابوهه نطقي لج

سيرين.. شبيك يمعود لتصبح دشاقه اكولك هسه شبيك بس تصيح خاف شميت عدنه ريحه السمج وهل ضجت

قائد... خرررررا عليج اااااحجي

سيرين.. عزااا هههههههه ولله اتشاقى اعصابك... وبقيت احجيله كل التفاصيل

قائد.. وشلون رضيتي وهو ممتعلم وشهاده متوسطه كل عقلج... شبيهم اخوانج متبرين منج لو مستثكلين لكمتج يلغمه وراضيه

سيرين.. لا لا مو هيج اصلا تركو القرار اليه ولله وهذا قراري.

. وها نسيت أكولك اني كلت بالخطوبه اقنعه يرجع للدراسه

قائد.. شوفي اني ابد ممقتنع بهل قسمه هذا بزر دلال وفلوس تردي يرجع للمدرسه والجد والتعب مستحيل هذا ذابله ٣ عمال بكهوته ويجيله الصافي ع جاهز

وعمره صغير بينكم بس سنتين ونص.. هذا عقله  مو ناضج وواعي كفايه... وبعد القرار قرارج ومن هسه اكلج الف مبروك يا حيوانه وولي خل انام ولو طيرتيها من عيني... باي

سيرين..هههههه دير بالك على نفسك حبيبي... بيباي

اجتني وراها مروه يي ولله ويلوكلج تتشرطين ع تجار بت نجاوي

سيرين.. هي كالت هيج ع امي لو اني تخبلت والبنات عاطن بيها بس متحملت شنو هالصلافه وعدم الاحترام هجمت عليها عتيت شعرها وهي اشتغلت عياط الحكوووووني ماجد الحكلي وتكرص بخاصرتي، ثرمت خصري ثرم ايدها مسمومه بس مهتميت البنات يفكوني واني هايجه عليها كطعتها تكطع مااحس اله اندفعت قوي وانركعت بالكاونتر

ماجد.. حيووووووانه شجاج متحترمين بشر

سيرين.. تتجاوز ع امي وتكول نجاوي بمسخره وامي شهيده يم ربها ولله ميصير هيج ولله

مروة.. جذابه ولله وشافت نفسها حتخطب ابن تاجر وبقت تتجاوز ومدت ايدها عليه واني حت مسويت شي

سيرين.. ولله هي جذابه

ماجد.. انجبي كافي.. بكد القوندراااا وفارتنه فررر اشفتي نفسج ولج.. ترا اكسر راسج وحت العالم اكلهم ماعدنه مره واخليج هنا اربيج من جديد

فرات.. اعصابك خويه بس الحق ثنينهم غلطو مروه تجاوزت وسيرين ضربتها لتذب الملامه ع اختك بس مرتك هي عالت وبدت

ماجد.. خوو تموتن ع سوالف نسوان الحمى مال خباثه وحقارة صايرات كلجن حكم حزب ع مرتي خوش ولله

سيرين.. كمت ابجي انهظمت حيل من تفرقته ومن كلامهم محسسيني الخطوبه منيه عليه وكأنو اني ميحقلي انخطب والخطوبه طلعت عيني واني ولله حت الخطوبه مو كلش هامتني والولد مااعرفه بس لان قسمه زينه واقفت... عفتهم دااروح لغرفتي جان افوت من يم ماجد كفخني وكلي كافي تأدبي وثلت حدها.. اني هنا صدك انفجرت ورحت ركضت لغرفتي ابجي واشهك واحجي ليش عفتوني مدللتكم انذلت ليش رحتو وخليتوني وحيدة  احجي واناشغ فاتت عليه بيان

بيان.. كافي حبيبتي ليش هالبجي ولله مااتحمل اشوف دموعج

سيرين..  مدشوفين التفرقه مدشوفين الظلم الدنعيشه

بيان.. بس ماجد واثير ماذيج لتحكمين ع الكل البقيه كلها تحبج ومحسستج بنقص واني يمج

سيرين.. باوعتلها كبرانه صايرة صف ثالث متوسط وصايرة تحجي مثل الكبار ابتسمت وحضنتها كتلها هو المفروض اني الاكون يمج واهتم بيج مو انتي

بيان.. ماكو فرق حبيبتي.. بعدين لازم هالايام متبجين عيونج تصغر ووراج مناسبة لازم تهتمين بوجهج

سيرين.. ولج صايرة تدورين اهتمام لعد والحلويات اهم اهتماماتج

بيان.. امشي لج مدشوفين نازله ست كيلوات لان كاطعه العشا صار شهر طاح حظي ولو بالنهار ازاغل جباسه وسوالف بس العشه اثر ههههههه والمشي فوك السطح جني طنطل يحوص وحده

سيرين.. صدك محلوه بالزايد حبيبتي.

بيان.. امشي انسوي ماسك تعلمته باليوتيوب مال ياسمين

سيرين.. مالي خلك ولله

بيان.. امداج دتضوجيها هايه البومه وكومي اعتني بنفسج وقهريها.. هي مروة سوت هيج لان رادتج تكتئبين ومتسوين شي واطلعين محلوه

سيرين.. يلا عناد بمروة بس من هسه مو تلعبين بوجهي ورايه امتحان

بيان.. امشي وخليها عليه... رحنه للمطبخ طلعت بيضه عزلت لصفار ع جهه وواخذت البياض بس خفقته ويا عسل وليمون وحليب صار ثخين كتلها اول شي لازم تغسلين وجهج غسلته بصابونه بعدها جبت شكر وليمون وعسل وقشرت وجهها حيل ربع ساعه بحركه دائريه وحبيبات الشكر لان خشنه قشرت كل الجلد الميت.. وراها غسلته ونشفته بكلينس وانوبه بديت اخلي طبقه من ماسك البيض وانوبه كلينسه وانوبه ماسك وانوبه كلينسه الى ان سويته طبقات بقت نص ساعه وراها غسلته وبمكعبه ثلج مسحت وجهها اجت ع مرايه شافت وجهها

سيرين... شهكتتتت واَوووو ولج صايرة تبدعين شنو هاللمعه الصارت بوجهي عزززا مو اني وجهي صار مال اطفال وانوبه خدردي صارن حمر ولج صدمتيني بقدراتح عبالي اختصاص حلويات وبس طلعتي خبيرة بشره ولله هههههههه

بيان.. هذا التقشر يوورد الخدود لان شال الجلد الميت هي كالت هيج بالفديو ههههههه

دخلو فرات وياسمين

ياسمين.. ها ولجن ثنائي العجب شكاعد تتملعبن ومتصيحلنه

فرات.. وجهج صاير يلمع سيرين شنو هذني الكاسات شسويتن غبر تصيحلنه

بيان.. الوحده بعشره اشتغلها

ياسمين.. متكعد راحه جويل دنجبي وسويلنه

بيان.. سويتلهم وع واهس سويت الوجهي وخلصنه باكيت الكلينس... طبت مروة واشوف عيونها تريد تنط من الفضول وبس تباوع علينه واحنه مندمجين ونضحك ووحده تجر بكلينسه الثانيه من وجهها عافتنه وركعت باب المطبخ وصعدت... شكتلج سيرين مو كتلج استفزتج حت تنقهرين وتهملين روحج وهسه انتي تحديتيها وقهرتيها

سيرين.. يمه حبيبتي اختي صايرة تحوك مؤمرات

فرات.. فدوه الله يديمجن حبيباتي

ياسمين.. ولله بدعتي بيان عجبتيني

سيرين.. للمغرب ملينه دزينه مهدي جابلنه نساتل وسوينه حليب حار وكعدنه ناكل بالمطبخ

جان يصيحني عباس

عباس... حبيبتي حجيت ويا العالم ووافقو ع شرطج كالو مستقبلها وهي حره تكمل تبطل.. مبينين خوش ناس شرايه مصدكو كلنالهم موافقين كالو الخميس اليجي نجيب سيد ونعقد القران

سيرين.. هو كال هيج لو احس بطني انخبطت.. خوف تملكني وتوتر مااعرف شسوي احس بشي بداخلي متخوف بس ماادري ليش يمكن لان صارت صدك... كتله عباس بس اريد منك شغله الخطوبه تكولهم بدون اغاني وهوسه واريدها سكته علمود ابويه وامي واني مااحب هالهوسه فدوة كولهم

باس راسي وكلي فدوه لخيتي العاقله يجرالج

بعد محجه وياهم ووافقو

اجتي امه خلت بيدي ٥٠٠ كالت هاي فستانج والصالون

والكيك والاكل علينه لتسوون شي

اخواني مرضو بسالفه الكيك والاكل منهم رفضو ومحجو اهل رامي

بدت التجهيزات وسمير اخذ اجازه يوم الاربعاء والخميس وراح بدل البردات والفرشات وجاب كوشات للكعده للاستقبال والبنات اشتغلن حمله تنظيف ومخبوصات وفرات هم بقت يمنه لان اول وحده تنخطب بالبيت الكل انخبص الاربعاء البنات كعدو سوولي شيره لجسمي بس مااحجيع الالم انصلخ جلدي من الوجع وكلما ابجي بيان تزق بحلكي جبس لو كيك لليل رحنه للصالون حفتلي ام الصالون وسوتلي حواجبي كملت باوعت لوجهي وانصدمت... يتبع

اكمل الباقي بالليل اذا لحكت

شكرا لكلامك الجميل ولله بسبب كلامكم كتبت اليوم رغم تعبي

احبكم

ميحتاج اوصي بعد تصويت وتاكات ❤️❤️❤️❤️

#تقليدي_بالف_عشق

#الكاتبة_اطياف_ابراهيم

#البارت_١٤

بارررررررت طويل لعيونكم

لتنسون التصويت هلله هلله ترا هم دااتعب وياكم😊...............

اذا حبك نهر اتمنى أغرك بيه ..والغركان نعرف يدخل الجنه

واذا لاسامح الله قسمتك بالنار .. وحك ضلع الزجية النارك اطبنه

ياشمعة خواطر تشع تالي الليل .. تتهامس همس بسكوت شفتـنه

انه ابيوم شفتك ما حسبت حساب .. الكلب محبوب رادك هذه كل ظنه

عيونك والنواظر صفنن اعله الباب ..واحنه ابلا وعي من نحب تعرفنه

العشك هوه اللفانه ودكدك البيبان .. مانعرف نحب بس لا تواخذنه

محتار وحياتك بيش اوصفك بيش .. يا يوسف زمانك ذيب ما كلنه

كبل يوسف ابحسنه ندري كص أجفوف .. بس حسنك مصيبه وكلنه ذابحنه

سيرين.. باوعت بالمرايه وانصدمت

باتره حواجبي مسويتهم شيطاني جان هسه طاش وخفيفات وشكلي عبالك هذني البنات المو راحه

حواجبي من نوع ثخان ومرفوعات وشمرتهم حلوه كتلها شنو هايه شمسويه بوجهي

ام الصالون.. حبيبي موديل طلعتي لعابه

سيرين.. وين اللعابه بالموضوع طالعه شريرة.. انداريت ع فرات بنضره خوف وقلق شسوي لحكيلي واذا اداوم المديرة مو بس ترزلني تفصلني

فرات.. لتخافين حبيبي تخليلهم قلم حاجب وتمشي الامور

سيرين.. شتمشي فرات وين اكو بالمدرسه اخط تاتو غير يلعبن طوبه.. شسوي يربي كمت ابجي شكلي خرب كلشي اعوج بهل الخطوبه لو اني فكر لو هالولد فكرني اوووف

ام الصالون.. دكافي لخاطر ربج كلبتيها مناحه اول وحده تحف بالمدرسه بعدين انتي حتنخطبين فد مرة. سويهم تاتو جلسه وحده ويصيرن مثل مال تركيات

فرات.. صدك حياتي شكلتي.. هم ترجع ع نفس الرسمه مال حواجبج القديمه وشي ارقى

سيرين.. خاف عيب بعدني صغيرة

ام الصالون.. ههو ي عيارة النسوان

فرات.. هههههه حبيبتي سويلها بس بربج بدعيانريد اتشوفينه مهارتج واقوه ماعدج اعتمادنه عليج.. ع كولتج سويها تركيه وشكد تامرين حاضرين بس ها كون حلو

ام الصالون.. يي بعيني لاسويلها تاتو اخلي المديرة تسالها وين مسويته حت تسوي مثله

سيرين.. بلشت اول شي سوت بقلم حاجب رسمه ع حاجبي وسالتني هالشكل اقتنعت بيها كامت تشتغل وجهاز التاتو ويا كل دكه ع حاجبي ياذيني جنت خايفه وام الصالون ولا يمها شعرها احمر كاريه ولابسه برموده جينز وياها كيمونه ورديه بابيض ودبل مكياج وتطك بعلجها واني مسموطه من الوجع

كملت بعد ساعتين كالت شوفي هسه اذا معجبج مستعده اشيله واسوي غيره... باوعت ع روحي عزه مو اني انداريت لفرات جان طابه بالموبايل تراسل كتلها فوفو باوعت شهكه وصلت ع محمد شكلي تغيير جذريا رسمه حواجبي كلش حلوه وتقوسها شويه عبالك هلال ع حاد ومرفوع من الاخير حسيت عيني كبررررت ورموشي برزت بالزايد

كتلها ولله بدعتي بالتاتو

ام الصالون.. ترا حت الشيطاني حلوه وموديله بس انتي محبيتي

سيرين.. باجر يمج اجي مكياجي وتسريحتي بس مثل التاتو اريد الجمال

ام الصالون.. اطلعج باربي تعالي وبعيني اداريج لان حبيتج فطيره هههههههه

سيرين.. ههههههه.. شكد تامرين

ام الصالون.. الحفافه هديه اعتبروها بس تاتو ٢٠٠ وباجر اشتغلج ب ١٥٠

سيرين.. تسلمين ع هديه بس صراحه فاجئتيني هواي بالتااتو ولتنسين باجر اني يمج يعني صرت معميلتج كل مناسبة اذا صارت يمج اسوي.. سوي ١٥٠ وباجر مكياجي وتسريحتي هم ١٥٠ بالعدله ولله بعد ورايه فستان

ام الصالون.. هاهيه مثل متحبين تدلل عروستنه

سيرين.. سلمتها فلوس التاتو تشكرتها وطلعت من دااطلع كالت اسبوعين ورجعيلي جلسه ثانيه للتاتو تثبيت

لكينه سمير دينتظرنه

بوجهنه توجهنه لشارع فلسطين ع محلات البدلات

طبينه اول محل شفت البدلات البيض حسيت خنكتني العبرة وتمنيت بهل لحظه امي تكون ويايه وتختارلي بدلتي وتشارك فرحتي محسيت غير ع دموعي نزلت ع خدي فرات لزمت ايدي بله متحجي شي شكلها عرفت سبب بكائي

فرات... يله الحلوه خل تختار فستان جوعتينه من العصر لهسه ع ركضه وحده

سيرين.. ههههه ولله اسفه حبي تحملوني ماعندي غيركم

فرات.. طبعا اتحملج اختي الصغيرة وتددلل

سيرين.. فرحت بكلامها لزمت ايدها وبقينه نفتر بالمحل معجبنه شي اكثر شي البدلات البيض حلوه بس الالوان قليله جنت رايده لون نيلي مو شعشاع بعدني لهسه البس اسود ف ردت لون مقارب للاسود وملكيت غير افكر بهل لون

طلعنه رحنه لمحل ثاني نفس الحاله بس واحد حبيته واقتنعت بي بس جان لون بصلي محبيت اللون بس فصاله نزاكه كلش

طلعنه من المحل

سمير.. خرب يومج يلنسوان ولا يعجبجن العجب عمي اني قاط عرسي من اول محل اول قاط دشنته بالتبديل رهملي اخذته

سيرين.. بعدها فتنه ثالث محل بس مااحجي الكل بي حلو المحل ع بدلات ع الناس اللي بالمحل كلهم كيوت هههه.. لكيت فستان لونه بيجي يجنن مفصل ع جسم وللركبه بف فصال السمكه واني طويله و رشيقه شغله ذهبي والردن والصدر تول وبي تول بالخصر من الجوانب وبي كرستال ناعم ينطي ع ذهبي كلش حلو وفخم

رحت لغرفه التبديل لبسته وفرات فتحتلي شعري نزل ع طول ظهري يوصل للركبه كبل صلت ع نبي

فاتت البنيه االلي بالمحل شافتني جان

تكول ما شالله احله عروسه اشوفها والقالب غالب ابتسمت ودنكت

فرات صورتني كالت ياسمين تاكل راسنه متتحمل لباجر

وهم مخبوصين سالت البنيه اذا مثله ع نيلي ثنينهم كالو لا لا هذا احله ولله كعد ع جسمج

ام المحل كالت هو اكو منه نيلي بس صراحه هذا ويا بشرتج كلش لايك وربي

سيرين.. بس اني مااريد الوان فاتحه النيلي اقرب شي للاسود بعد داخلي كله حزين ع ابويه وامي مصارلهم سنه ونص من استشهدو

ام المحل.. اووه اسفه حياتي.. بس صراحه هذا حلو عليج حنطيج النيلي بس خلي ابالج هذا هديه الج لان حلو عليج وانتي هسه وضعج ع اهلج ممخليج تلبسي بس يجي يوم وتلبسي هذا هديه

فرات.. حبيبتي شكرا ع هديه بس منكدر نقبلها هذا محلكم ورزقكم ولازم تستفادون مو تخسرون نقدر محبتج بس منكدر نخسرج

سيرين.. يي ولله مااريد اخسرج وشكرا لمحبتج بس هذا غالي ومااكدر اقبل

ام المحل.. شوفي حبيبتي لو تحجين الباجر مااسمع متدرين فرحه اليتيم يم الله شكبرها.. ادري عدج ناس هواي داير مدايرج بس ميوصلون للاب والام واتمنى اكون بحياتج دعم وذكرى حلوه حت تنحسبلي كدام ربي

سيرين.. ولله خجلتيني وربي يرزقج اضعافه هو يجنن فعلا وحلبسه اكيد بيوم مهم لان احلا هديه بحياتي ومراح البسه اله الشي مهم.. ربي يسعدج ع كد طيبه قلبج.. بوستها وتحاسبه ع فستان النيلي طلع ب ٢٠٠ ابد معاملنه كبل انطينه واني فلوسي بس ٥٠٠ لذلك عوزت ٥٠ دفعتهم فرات وكالت هاي هديه عباس الج

كلش فرحت رغم فراغ ابويه وامي معبي مكان جبير بكلبي بس الناس الطيبه ويايه تترس هالمكان حنيه وحب احس بالامان واحس اكو اليحميني ويسندني والدنيا بعدها بخير

.....

طلعنه لكينه سمير مخلي راسه ع ستيرن وشكله نايم

فتحنه بوب السياره وهو اخترع عباله حرامي ظلينه نضحك عليه

فتحلنه السياره وحرك شاف مطعم كال البيت اكيد مصموطين من الجوع

واني انسلك جدي السابع من ورا تاخيرجن راح اكل بشر من الجوع

نزل للمطعم طول بل ثلث ساعه

طلع من المطعم محمل كومه علاليك

فتح الباب وخله الجياسه ع كشن الريحه ظلت تكفخ بخشومنه احس جسمي تكهرررب من الجوع

كتله ولك سمير شجايب من مصايب ريحه الاكل تشل

سمير.. اكلات ايطاليه وفرنسيه هههههههه

سيرين.. اهووو غير يستجن

سمير.. ووجع جبت كنتاكي عائلي وبيتزات وصاج

سيرين.. يعني نقطيت خويه

سمير.. خلص راتبي تكلي انقطيت هههههههه ولج الحساب ٦٥ هاي لخاطرج عود كبرت وصارت عروسه الجنت ابدلله الحفاظات هههههههه

سيرين.. سميررررررر ولله ازعل ترا وماتعشه

سمير.. اذا نتتعشين ابقي زعلانه حصتج اليه هههه

سيرين.. مو اني عوبه وافوتها هههههه

بعدها وصلنه للبيت لكينه ياسمين صايره قراقوز من الجهال ومكفشه وشاده ربطه ومسرفنه دشداشتها

سمير.. يا ستار يا ربي حبيبتي تحولت غجريه شو من مشرشبه تشرشب

ياسمين.. ولك ٣ بندولات وهالحواوين ميكعدون تكول طوله مال حصن بس يركضون سباق الماراثون عدهم

سمير.. يمه حبيبه كلبي جبتلها كنتاكي وبيتزا وصاج تعدللها المزاج

عباس.. خاب شو انته تتغزل وتتمشعر براسنه اخذها وولي للغرفه غازله مو كدام الزعاطيط...

سمير.. هسه غير مرتي لو تغار هاي فرات وغازلها احد يكلك لا

عباس... هههههه جهالنه كبرو عيب بعد.. شجايب وياك ترا متنه جوع ومرتك تعبت بالتنظيف حلفتها متسوي عشه

سمير.. خير من الله بس كول بسم الله

سيرين.. دزينه مهدي جابلنه ببسي وكعدنه لمه كلنه حت مروه وماجد هم ع الرغم مروه كلشي مسووت بالتنظيف بس وكت الاكل اول الناس هي

اكلنه كلنه جنه بحاله هجوم هذا ع بيتزا والثاني يسوي لفه كنتاكي والثالث ع صاج صدك تونسنه وشبعنه.. كملنه كلتلهم نختم عشانه بقراءه الفاتحه ع ابونه وامنه وفعلا صار ثواب الهم وقرينه الفاتحه وراها شربنه جاي

اماعين مجانت اكو بس كلاصات ببسي وجاي خضتهن بيان

وراها سولفنه شويه وياسمين متعجبه بحواجبي وبفساتيني اما مروه مكتفيه بالنظرات المعاجبهه لعجب وياسمين حاصت اله تعزل من راتبهم اليجي وتسوي تاتو

وراها كلها تطشرت بالغرف ساعه ١٠ والكل بده يروح لغرفته يرتاحون اني وبيان ومهدي رحنه الغرفتنه اللي هي مال بابا وماما الله يرحمهم

شويه سولفو وراها راح مهدي ينام وبيان هم تعبانه نامت

الكل نام اله اني مديجيني نوم

استرجع احداث اليوم كلها... مرة ابتسم ع ناس الحلوه بحياتي مرة تنزل دمعه ع ابويه وامي... وصلت لمرحله الخطوبه وكبرت وهم ماكو يمي باجر امي مراح تكون قريبه عليه من اعقد مراح تطمني وتامني مراح تحضني وتباركلي اول الناس مراح تشوف الفرحه اللي بعيوني

باجر راح افرح بس تبقه فرحتي ناقصهه امي ناقصها ابويه فخري كدام العالم

ماجاني نوم احس خايفه اريد احد يأمني متوتره من باجر شراح اطلع شلون شكلي وشلون وشلون الف حيره ببالي

طولت بالسهر اجاني ارق مو طبيعي

بعدها محسيت بروحي شلون نمت

... حسيت ع ايد تندهني من النوم واني متكاسله اريد انام بعد اكثر مااريد

فرات.. حبيبتي هم يالله تتريكين وبوجهج للصالون خاف العالم يجون من وكت

سيرين.. ميجون عوفيني انام فدوه

فرات.. لتعبيني حبيبتي لازم ب ١١ ونص يمها وهسه بل ١٠ من ال٩ اكعد بيج وماكو

سيرين.. عزاا ساعه بل١٠ يبوووو... يلله شكد اكرهها احد ياخذ نومتي شوكت تخلص الخطوبه وارجع انام

فرات.. تخلص ونامي وزوج اليكعدج بس كومي محضرتلج صينيه ريوك ع ميز بالمطبخ

سيرين.. رحت للحمام سبحت ولبست برنصي ولفيت الخاولي رحت كعدت ع ميز اكلت نص لفه جبن وكلاص جاي وراها رحت فرجت اسناني وبدلت لبست جبه سوده وشال اسود والفستان النيلي ضميته بعلاكه خليت بجنطتي ركسونا وشيشه ريحه وعلج

رحنه لام الصالون مشت السياره قليل ووصلنا كلش قريبه

ام الصالون... شلون بيج اسود باسود شعدج ولج فاتحه

سيرين.. فدوه استعجليلي وطلعيني حلوه ومن هسسسسه مكيااااج نااااعم ونازكه وتسريحه مفتوحه اريد يبين طول شعري

اول شي بدت تسشور بشعري وراها كوته بالكاويه

بعدها بدت تمكييج بيه ساعه كامله تجيب وتخلي كلت هاهيه سوتني خارطه الوطن العربي

كالت كمل رفعت راسي وانصدمت بالرقي والجمال

جان شدو جوزي وبيجي وقريب العين لامع

خدودي شي بسيط مورد

وشفايفي لون الحمره بصلي الوان نيود

لبست الفستان وبدتت تسويلي تسريحتي

برمت اطراف شعري ومن فوك الكذله برمتها من الاطراف وخلتها صفح وسوت بف عالي بشعري ومن الجوانب مال بف برمتين محاوطاته وليوره ملزومات ببروش شعر

خلتلي ع بف بروش نازك كلش

اباوع ع نفسي انصدمت بروحي وهن بس يتغزلن بيه استحيت كلش

بهل لحظه حيل تمنيت ماما تشوفني بهل طلعه وبهل يوم بس راحت والله ينتقم من الفرقنه يا ارهابي

رجعنه للبيت ساعه ب٢

شافتني ياسمين استقبلتني بالهلاهل والجكليت والصلاوات

وشنو هالجمال وشطالعه

مروه هم سلمت عليه وكالت كلش حلوه معرفناج

كعدت بالهول

الولد جاييبن للكعدة قطع كيك وببسي

والبنات طابخات دجاج وتمن لكرايبنه عزمنه عمامي وخوالي واجوي وصارت خبصه رحت بغرفتي وحدي البنات جابولي اكل كتلهم مااريد.. وراها خليت عطر واخذت علج

البره خبصه

لشويه وصاحوني اجوي هنا متت من الخوف لبست كعب عندي ٥ سم لونه بيجي

ودخلت للصاله كعدت ع الكرويته فاتو اهل رامي امه وخواته وجنتهم واكو نسوان وبنات هوايه معرفتهم

طبن سلمن وكعدو الرياجيل اتفقو ع مهر وعباس كلي حطلب منهم ١٠ ب ٢٠ قبلها وكتله التشوفه انت

وراها صاحو خل البنيه تتحجب حيطب الشيخ

رحت لغرفه امي وابويه شكد فرحت حسيت بالامان وحسيتهم ويايه كعدت ع كرسي ورامي بصفي اجتي ياسمين خلت باديه صم شكر وصم تمن كالت هذا للمحبه والرزق

لزمتهم باديه والشيخ بده يحجي اني كمت احس بدوخه قويه اجتني كمت مااركز والشيخ يحجي فصحى وسريع كمت ماافتهم عليه.. وراها كلي كولي نعم انت وكيلي.... يتبع

#تقليدي_بالف_عشق

#مفاجئ

#الكاتبة_اطياف_ابراهيم

#تقليدي_بالف_عشق

#الكاتبة_اطياف_ابراهيم

..................

رامي يكول لسيرين

اشهدُ انكِ وطنٌ تحدى في ملامحه خيال الانس و الجانِ

جميلٌ يحتوي نهراً و غاباتٍ و بستان ِ

غنيٌ ارضهُ دُراً و ياقوتاً و مرجانِ

ملاذٌ امنٌ وطني و من مهدي الى كفني تغنت فيه الحاني

و فعلاً انتِ تأريخي و عاصمتي و عنواني

احبيني بلا عقدٍ و زيديني و يـ امرأة قصيداتٌ لكِ قد كُتبت انا لست قباني

فكل الشعرِ اذ يُكتب بأفكاري و ووجداني

ايا دفئاً الوذُ بهِ اذا ما البرد اذاني

مدري منين جاي اشتاك مدري منين اريد ابدي

اضيعج و التفت والكاج ورده و وجهج يندي

احب حروفج التنشاف من كد الترافه البيج لون سوالفج وردي

لتخافين و اني وياج بيه تحامي مثل الكاع من تتحامه بالجندي

اليكِ انتمي طوعاً اجوبُ العشق منتشياً فأنتِ تاج تيجاني

ايا وجها فُتنتُ بهِ و قطعاَ سوفَ اكتبه على اوراق ديواني

فما عشتُ الهوى كذِباً و لكن ارسمُ الدنيا بفرشاتي و الواني

و اجيج منين ما تردين اصير بليلتج كمره

و اذا حبيتي عش عصفور اصير لخاطرج شجره

انتِ اول همس ينشاف من كد الحنين البيج تحجيلي سوالف ماي مثل سوالف المطره

دعيني ارتشف شيئا , من الماء

عسى ان ينتشل قلبي , من الماء

سؤالٌ دار في ذهني ,

من الما كدر ينساني لحظه و ينطي بيه

سيرين.. الشيخ كلي كولي نعم انت وكيلي

اني هنا احس لساني ربط اريد افتح حلكي ماكو مديطلع صوت

عاد السؤال

كوه طلعت مني... نعم.. نعم ااا انت وكيلي

رامي لبكها بسرعه

وراها طلعنه بدت الهلاهل والجكليت تكول قصف مداهمه تفشخت والهوسات كعدنه ع كوشه ورامي كعد يمي خجلانه منه وجسمي مدلع كلشي

رامي.. الف مبروك النه

سيرين.. الله يبارك بيك.. جان لابس ستره سوده وقميص اسود وبنطرون جينز وفاتحه دكم القميص

طبعا جان حيل ابيض عكسي اني حنطيه بس ملامحه مرتبه حواجب ثخان وعيونه مو كلش كبار وسط وخشم مرتب وابتسامته جانت حلوه

اجتي فرات قطعت الكيكه وكالت يلا كل واحد يوكل الثاني

اول شي هو وكلني واني مدنكه ومستحيه واحسه اكلني بنضراته متت خجل وبعديت اني وكلته وشربنا عصير والكل يصور بينه جان وحده تكوله يلا بوسها هاي فرصتك

وهو يجاوبها.. ليش قابل بس هالمرة فرصة حقي بعد صارت الي شوكت ميعجبني.. تقرب باسني من كصتي وهن يضحكن ويعيطن

اني صرت طماطه

وراها همس باذني شهل جمال متوقعت الله ينطيني هلكد ترا مااتحمل هسه اخذج من اهلج لغرفتي

اني مدنكه وبس مااعرف شرد

جان اكوله شكرا

وهو خرب ضحك عليه كلي فديت البريئ انا

وراها بيان وياسمين بدو يوزعون الكيك والببسي

هسه يلا انتبهت ع لبسهم

بيان لابسه فستان اسود بف وقصير وهي بيضه ثلج طالعه تجنن وامكيجه

اما ياسمين فجانت لابسه قفطان مغربي لون ماروني مستور وفرات لابسه بشت رصاصي وجواها قميص وبنطرون

ومروة جانت لابسه تنوره بينسل قصيره وبدي مدلع ربع ردن

اكلو الكيك واخذو صور ويانه من ديطلعون لزم ايدي وطلع من جيبه موبايل نفس مال سمير ايفون فور جان بوقتها من الموبايلات الراقية

وويا الايفون خمسه وعشرينات صفطه معرفت شكد

سيرين.. رامي شنو هذوله مااحتاج ولله

رامي.. هذا مصرفج للدوام وهذا موبايلج اول ماادكلج تردين لتتاخرين.. حافظ رقمي بي سميته حبيبي وغمزلي

سيرين.. ابتسمت وكتله تسلم

رامي.. مداعي تشكريني هذا واجبي

سيرين.. وراها طلعو جنت فرحانه حيل ونوعا ما بديت انعجب ب رامي بس بعد مااعرف شضاملي الزمن ويا رامي وشراح يصير ماادري

خالاتي وعماتي باركولي وسلمو وطلعو هم وبناتهم

بده البيت يفرغ.. وياسمين وفرات وبيان ابد مكعدو لحظة ويا ويا بحيث رغم الهوسه والناس الهوايه البيت هو هو يلمع لمع وماكو كشايه وصخ طبعا مروه بس تلزملها حاجه تودي قوطيه وماعون وراها تغط متبين من يومها متكلف نفسها بشغله

فرغ البيت من الناس بقينه بس احنه كعدن ياخذلي صور بموبايلي وشويه علمتني عليه ياسمين يختلف عن الكلكسيات جنت اخذ موبايلها لياسمين كلكسي

اخذلي بل ١٠٠ صوره وكل الحركات سويناها

شويه ودك الموبايل بيد بيان

بيان.. يمه الحبيب دكككك هاج حبي هااااج

سيرين.. انجبي هههه وجيبي.. اخذت ورحت ركض. صعدت فوك للسطح اتوتر من الكل واستحي احجي كدامهم

قبل لا افتح الخط بقيت اتدرب انعم صوتي ع الرغم صوتي ناعم ووين مااحجي يكولون هذا طفل يحجي واضوج من هالحاله ف اريد صوتي يطلع مثل البنات الكبار علما ادب ووحدي اكو الو والوووو جان ينقطع الاتصال يبوو شكد عيب.. وراها رجع اتصل كلت خل اتكبر شويه يدك هوايه بعدين افتحه هسه شيكول عليه مشايفه

فتحت الاتصال

سيرين.. الووو

رامي.. يا هله بريم الفلا وين صرتي

سيرين.. ماادري جنت داابدل ملابسي منتبهت

رامي.. اروح فدوه لليبدل.. لو يمي اني ابدلج ولله

سيرين.. رامي تلاحظ كلامك مخجل واني استحي من هيج كلام رجاءا

رامي.. ع كيفج حبيبتي ترا مرتي ومن حقي اتغزل

سيرين.. بس مو لهل درجه

رامي. . ماشي بعد اشد الساني بقفيص خاف تفلت كلمه منا منا.. المهم احجيلي حياتي عنج هواياتج دراستج اكلاتج المفضله الوانج اريد اعرف كلشي عنج

سيرين.. اني حياتي عادي بين الدراسه والبيت واقرب اشخاص اليه بيان ومهدي وقائد وياسمين وفرات.. وسمير وعباس معزتهم جبيره بكلبي.. بس ماجد واثير مشاحنات بينه بس يبقون اخوتي ودم واحد وكلب واحد كلنه

اني هوايتي احب اكمل دراسه واصير دكتوره لو صيدلانيه.. واحب اسافر حيل

اكلاتي المفضله.. خبز من ايد امي الله يرحمها عمري مضكت اطيب منه بس راح بعد.. واموت ع دولمه

لون المفضل قبل الزيتوني بس هسه صار الاسود

يي هايه اني وانت احجيلي عنك

نفس اسئلتك

رامي.. حلوو والله يرحملج الوالده.. اني مثل متدرين مبطل عندي كوفي مشغل بي عمال بس اني اشرف عليهم احب الطلعات ومااحب احد يتحكم بيه لو يفرض كلمه لو يكلي لتروح لفلان مكان اكثر شي ينرفزني ويعصبني... الواني المفضل الاسود والابيض.. احب السمج اكثر شي

سيرين.. ها حلو عرفت تحب الاسود مرتين لبسته

رامي.. فدوه للتنتبهلي

سيرين.. بعدها بقينه نسولف وهو شبعني غزل ورومانسيه وكلساع احبج وبكلبي اكول شبساع لحك يحبني.. بس اني ابد مكتله لا حبيبي ولا احبك ةنت اخجل وبنفس الوقت اذا احجيها متطلع من كلبي وممجبوره اجامل واجذب عليه

جرتنه السوالف لليل ب ٨ ظلمت الدنيا سدينه الاتصال ونزلت

رحت نزعت الفستان وتوجهت للحمام اريد اسبح جسمي احس من المكياج والبودرات توصخ

سبحت وطلعت شو هاي مروه تخزر بيه وتافاف

عفتها ورحت للغرفه مشطت

وراها طلعت توضيت دااصلي

جان يدفر الباب ماجد بعصبيه.. يتبع

استاهل تصويت لو لا🤔🤔🤔🤔

#تقليدي_بالف_عشق

#الكاتبة_اطياف_ابراهيم

#احداث

حدث ١....

فتت لبيتهم سلمو كلهم.. وراها شويه اجاها اتصال وطلعو كلهم وبقوني وحدي

___________________

حدث ٢....

طفى موبايلي لان كسره بعد مااجاني بالليل ومنظره يخوف ويرعد ويصيح

___________________

حدث ٣.....

طلعت اركض من البيت وخايفه ومنطقتهم بعيدة عن منطقتنه ومااندل وبجنطنتي بس ٣ الاف مصرف مال مدرسه وحلقتي الذهب كمت ابجي ومااندل شي وخايفه من اخواني لان اعترضو روحتي

_____________________

حدث ٤....

هاي شعدج هنا وحدج براس الشارع تمشين

امشي ارجعج للبيت ولتعاندين مثل سالفة الصدريه الضيقه

______________________

انتظروووووني الحلقة الجاية دمااااار شامل احداث كثيره وامووووور مشوقه

لتنسون تصويت ❤️❤️❤️❤️

#تقليدي_بالف_عشق

#الكاتبة_اطياف_ابراهيم

باررت جدااااااا طووووووووويييل لعيونكم

..............

يقال ان '' في العجلة الندامة''

................

سيرين.. توضيت ومااحس اله الباب اندفر ودخل ماجد بعصبيه

جرني من شعري حيل لج حقيره شعدج فوك السطح بهذا فستانج مال كح.. مصلخه محسبتي حسابه هاا لو طلعت عينج من اول يوم لازمتلي ايفون وتتخابرين باعي قسما عظما لو مو مخطوبه الموبايل ب ١٢ بالليل ينجر

عدج مدرسه وانعل ابو خطيبج تكليله انام وخلص

سيرين.. عوووف شعررري اخخخ.. بعدين شمله اذا سالني خابرني بالليل

ماجد.. لج شو متستحين شنو يخابرج بالليل متستحين تحجيها كدامي

سيرين.. مجاوبته شي جان مخنزر ويريد يشرب من دمي جان يضربني راشدي وراح .. حسيته مو راشدي حسيته طلقه فاتت بكلبي.. هايه مباركته اليه بيوم عقد قراني.. كلش انهظمت رحت للجربايه ابجي

جان يدزلي مسج رامي

...

حبيبتي شنو ماعدكم نت فعلي ونزلي برامج خو نبقه ع رصيد

...

سيرين.. جاوبته.. لا عدنه بس اصلي واكمل واخلي باسوورد

...

رامي.. فدوه لليصلي

سيرين.. مجاوبته رحت لبست الازار وترجهت للقبله صليت حسيت بنفسي ارتاحيت شويه

رحت لياسمين كنكتلي ولكيت فرات رايحه لبيتها والست مروه بغرفتها

كنكتلي ولكيتها دتسويلنه عشه وحدها انقهرت عليها

فعلت فايبر ودزيته ورحت دااساعد ياسمين

كملنه العشه ونزلت ست مروه ع جاهز تاكل وبس تتمضحك ماادري شنو اليضحك ووجها مغاسلته لهسه من مكياج الحفله صدك انقرت منها كعدت تاكل وتضحك وتباوع عليه بتشفي ماادري هلحقد ليش الاعرفه عد الناس الجنه تصير هي تخاف من عيالها شو عدنه بالعكس

بس بعد حظوظ متسلطه وتاكل منا ع جاهز وشغلها وصخ اذا اشتغلت

كملنه رحت سويت جاي ست مروه نظفت الاماعين بس عكس ما جانت تاكل وجهها انكلب

وبس تدردم هن كباب عروك وبتيتات وزلاطه مهجومه الدنيا شصار

ولو تصيح ع ابنها.. مؤمل اني الك امشي وخر من وجهي وبس عياط

... اخذت صينه الجاي ورحنه دنشرب جاي تذكرت كيكتي مماكله منها كلت اكص شويه ويا الجاي شتهيتها

طبيت للمطبخ لكيت مروه كاصه ٣ قطع بس هبر ماخذات نص الكيكه ومخليتهن بماعون

شافتني توترت

.. كالت هاي لماجد ومومل اشتهو وظلت تضحك وانتي اليوم شلون طالعه حلوه وشحجيتو انتي ورامي

.. كلش اتنرفزت من نفاقها ومن كرامتها الزفت

اجيت اخذت قطعه اليه وباقي الكيكه قطعته لسمير وياسمين وجهالهم وبيان و مهدي

بس صارن صغار كلش لان الست اخذتها نصها رحت وديتهم كلت احس متظل لهاي العينها فارغه

علما شربنه الجاي وكملنه الساعه صارت بل ١٠ ونص محاسه ع الوقت

طلعنه بالحديقه اني وياسمين وكعدنه نسولف واحجيلها ع مكالمتنه وتعلمني هيج احجي وتنصح بيه موبايلي مو بيدي جان

جرتنه السوالف وعبرت ال١٢ هي كالت خل اروح انام عظامي كامت تون من التعب والبرد

فتنه جان الكه موبايلي بيد مروه اول مشافتني فزت وذبته ع كاونتر

اجيت دااخده جان تجره بقوه

مروه.. ءء. اااا مم مماجد راده جيبي صارت ب ١٢

اخذته وركضت فوك

سيرين.. صافنه وكلبي نار شراح يخلصها وياهم ماادري يعني انخطبت انوب يزيد الظيم عليه

ياسمين غمتها وكلتلها اذا مااخلي سمير يعرف يتثرف وياكم

.... رحت للغرفه ماله احس من صار عندي موبايل كمت احوص عليه متشوقه الزمه افتح يوتيوب افعل برامج كلشي بنفسي ومتهنيت ردت ابجي بس بعدين كلت عيب ع موبايل شيكولون اذا شافوني مشايفه موبايل بقيت مخنوكه شيخلص الليل ويرجع موبايلي

اجتي بيان دتقره واجباتها طبعا اني من اسبوع تسخيت فول بسبب الخطوبه رحت لجنطتي طلعت الجدول دااشوف شعندي واجبات باوعت لكيت عندي امتحان انكليزي شهري عزا كمزت كمزه يربي شلون وبس باجر عندي.. كلت اعوف كل اليوميات واقره بس الامتحان.. طلعت الكتاب اول صفحتين عيوني كامت تغوش من النعاس كلت خل اروح ع جربايه واتغطه واقره رحت تلفلفت صافنه بالكتاب َممستوعبه شي

محسيت غير الصبح.. نمت ومقريت شي باوعت ساعه بل ١١ سبت الولد بالدوام وبس اني والبنات والجهال

كمت رحت ادور بالبيت بلكت ذابه بمكان موبايلي

دورت بكل مكان ماكو

كلت اصعد اخذه من مروه قريب الدرج سمعتها تخابر وتضحك وتكول لج طيرتهن كلهن... انوب سكتت.. بعدين حجت لا لتخافين اطلع منها مثل الشعره من العجين.. دكبت الباب اختفه صوتها

بقيت ادك ادك ماكو

يمكن سوت نفسها نايمه خباثه

اني كمت ادك اقوه حيل

طلعت وتسوي نفسها تتثاوب شبيج من الصبح يا ستار كعدتينه

اريد موبايلي

مروه.. هو ماجد كلج اخذي

سيرين.. دفعتها وطبيت للغرفه.. ومن دااطلع كتلها اكلج كافي حشريه لخاطر ربكم شهل خلك العدكم ماادري شنو ماجد يتحكم بموبايلي كلي بس بالليل شنو بنهار هم لو هاي حقارتج تتمنين مالزم موبايلي

اخذت وطلعت

هي كالت كبر اي ولله كح.. وشافت موبايل شتسوي غير تهلهل علينه

عفتها ونزلت.. موبايلي مبي رمز لسه ممسويه ملحكت اسوي فتحته

لكيت كومه رسائل ومكالمات وموبايلي صاير صامت

فتحتهن

هلا حبيبي زين فعلتي فايبر

بعدها اتصال

بعدها وينج حبي

وراها بساعتين ٧ اتصالات

ومسجات بس وينج وغير تكليلي قبل لا تنامين

عباله نايمه ميدري انسحب موبايلي مني

خابرت وكبل رفضت استحيت مكالمه

دزيتله صباح الخير

جاوب صباح النور بالمختفيه وينج لهسه

كتله نمت ومحسيت بروحي

كمنه نحجي كلي دزيلي صورج مال حفله دست ع معرض الصور اللي بالفايبر ادخل ملكيت اي صوره تفاجئت كلت يجوز ميطلعن منا بس اني اعرفله منا يطلعن من ادز لقائد صور الاكل لو صورنه

طلعت من البرنامج

وفتت ع استديو وانصدمت كلشي ماكو ولا صوره

ادور اريد ماكو

رحت للمحذوف موخرا هم ماكو محذوفات مال واحد متقصد حت امااكد حت من المحذوف موخرا معقوله ماجد سواها وشنو مصلحته

ضليت ابجي جنت طالعه حلوه واول صوره حت متهنيت بيهن وشفتهن سديته وكمت ابجي حيل ليش يربي خليتني مكفخه للرايح والجاي ليش اخذت ابويه وامي لو هم هنا جان محد كدر يحقر ويايه

عفت رامي مجاوبته انقهرت كلش حت الخطوبه كرهتها خاف جانت حياتي عاديه هسه من اول يوم انخطبت اجاني الهم

رحت طلعت كتاب الانكليزي اصفن ع اول ورقه ماكو ماافهم اكلب بيهن كلشي ماكو بالي مو وياهن

كلت خل اروح اتريك بلكت اصحه شويه رحت خليت القوري ع نار

ورجعت اراسل رامي

لكيته كومه داز ومطنكر اخر شي داز تره انتي مرتي من حقي اشوف صورج

دزيتله معصب يربي شلون هسه

مبي مجال قافل واخاف اكوله ماكو ممصوره اطلع جذابه

كلت خل احجيله شخسرانه بلكت تروح عصبيته فهمته ع موضوع سحبت التلفون ولان مبي رمز ومختفيات الصور احد ماسحهن

كتله هيج هدأ وراها كلي احتاج احجي وياج بالليل هذا مو وضع فهمي اخوج لو اجيكم اني للبيت اتفاهم ويا شنو شلاكيني مثلا كواد.. لو ساقط ولازمج تحجين ويا

اني خست بمكاني شو هذا يفشر وبسهوله عنده كتله احاجيهم والله كريم

وطلبت ميدخل ولا يحجي لان ادري ماجد يجوز يدبحني اذا صارت صدك

..........

جنت صايره نار محروكه حرك صارت ب ١٢ كعدت ياسمين

تلكيتها حجيتلها كلشي

ياسمين شهكت وظلت تغلط وتسب وتعد

كتلها بعد مبيها مجال اليوم اطيح حظها اكيد هي الخلت ماجد يمسحهم

ياسمين.. انتي مطيه لج هو ماجد مماسحهن نسيتي البارحه بالليل من جفلت بمكانها وذبت الموبايل وراها رجعت اخذته وانهزمت

سيرين.. عزااا شلون مخطر ببالي لج هي حت الصبح سمعتها تحجي بسييييطه اني الها

ولج ياسمين كلبي جمررر شسوي ويا هالحية جنت مرتاحه منها منين طلعتلي.. اروح اهد عليها هالقزم المسمومه كليلي

ياسمين.. لا خليها هاي دواها عد سمير اليوم اخلي يوضع حد لكلشي

محجيت شي كلت خل اشوف شراح يطلع من مخطط ياسمين

رجع سمير الظهر بوجهه سبح ونام كعد العصر تغده

فتحت ياسمين ويا الموضوع

حجتله كلشي صار من البارحه لليوم

اول شي سواه اندار عليه خزرني خزره شالتني وركعتني كلت هاهيه جفصت بالسالفه رادت تكحلها عمتها

سمير.. انتي مطيه بابا شكو صاعده للسطح بطرك هالثوب المكشوف شافج واحد من الجوارين من المطيرجه مو نصير علج بحلك المنطقه

سيرين.. يي اني غلطت بس جنت كاعده ع دجه ولله محد شافني

سمير.. وتنتظرين احد يشوفج.. اني ويا ماجد من صار ضدج بس مو ويا من اخذ موبايلج

مو بكيفه ماله حق يتدخل هشكل واحنه نعرفج شنو قابل الموبايل باليل يفسد اخلاقج لو شنو هاي مردوده عليه

وسالفه صورج اليوم اسال ماجد اذا ماسحهن حت نفتهم ليش بويه اذا مو هو نحلف مرته واذا ماادبها هو اني اادبها لو مو مره احنه مو لعبه البيت كله بيد نسوان هاجماته ع روسنه بعركجن نرجع من الشغل تتلكنه اريد اوضع حد لهل الاستهتار

.......

سيرين.. عاد صدك نزل ماجد وفتحو المواضيع وماجد يصيح وسمير يحجي بثقه وتوصلو لحل يترك موبايلي ميسحبه

بس ساله ع صور ماجد كال وشنو ماعدي شغله ومشغله امسح بصورها لا اكيد مو اني

اباوع ع مروه وجهه اصففر وحلكه صار ابيض ويبس كالت خل اشوف وين صار مؤمل اعشي

سمير.. تعالي كعدي بويه عندي حجي وياج.. انتي ماسحه صور سيرين

مروه.. هههه يا شعدي امسحهن اصلا المبايل بي رمز

سيرين.. هي من كالت هيج جفصتها واكدت ع روحها.. صحت كتلها ولله مبي رمز

سمير.. باعي تقسمين هسه ع القران مماسحتهن

ماجد.. شبيك انت تخبلت شبيييييييك.. شنو تحلف بمرتي لخاطر هالزعطوطه

سمير.. كافي لتتدخل الموبايل بالوقت الصار بغرفتك طارن الصور.. وهالزعطوطه التستهين بيها اختك وباجر عكبه تتزوج وهسه مخطوبه ووضعها اتغيير هي ضيفه عدنه كم يوم ورايحه لرجلها هذه الذكرى التنطيها الها

مروه حالا تقسمين ع القران

سيرين.. اباوع لمروة كامت تبجي انقهرت عليها كلت هسة طز بالصور شصار بيها هي وماجد

سمير.. احلفي عاااااد

مروة.. مااحلف واني مسحتهم بالغلط

سمير.. وليش بالغلط شدخلج بموبايلها اخوها اخذه اوك انت شنو ولي امرها منو سمحلج تمسحين.. ماجد كاعد تشوف تتصرف وياها لو اني اعرف شلون اتصرف

ماجد.. لج مروه ليش مسحتيهن فهميني ليييش

مروه.. ماادري بالغلط

سيرين.. اللي بالغلط ع الاقل يبقن بالمحذوف موخرا مو حت مناك يروحن هم

ماجد.. كلبه صعدي فوك حسابج بالغرفه

صعد معصب واسمع صياحه وهيمان وبعد لتبقين لهل ساعه وحدج شويه ووصل رجال تسالمو وكلي يله عمو امشينه

صعدت ويا كتله وصلني لل....

مشه وجان مشغل ادعيه واني دموعي مبطلو شكول الاهلي طول الطريق ساعه

اكيد هسه صارت بل٩ وصلنه نزلني ع شارع العام خفت اوصل جوه ليشوفني واحد من الولد ويذبحوني

نزلت داامشي جان اشوف اثير من بعيد مشافني ركضت وختلت ورا شجره جان اسمع صوت من ورايه

سعيد.. هاي شعدج هنا وحدج براس الشارع تمشين

امشي ارجعج للبيت ولتعاندين مثل سالفة الصدريه الضيقه

سيرين.. كمزت من مكاني وصحت يمه لحكيني

كتله شمدريك بيه هنا شطلعك عليه

سعيد.. شفتج من نزلتي من التكسي شعدج هالوقت وحدج امشي اوديج

سيرين.. كمت ابجي

. سعيد.. شنو اليبجي هذاك اثير تمشي نطلع كبل عكس اتجاهه وندخل بالفروع لتعاندين

سيرين.. مجلن عندي غير هل حل مشيت ويا مدنكه وابجي محجه شي هو ابد وصلنه لفرعنه جان اشوف بالباب ماجد هنا زادت بجيتي وترجيته يوكف... يتبع

........

طبعا اكو بنيه معلقه طلبت انشر قبل ال٧ لان يخلص النت عدها جدا اسفه مكدرت البي طلبها لان جانو يمنه خطار وانخبصت

طبعا هذني ٣ بارتات وشويه يلا لخاطر تعبي لتنسون التصويت

احبكم كلكم نفر نفر

#تقليدي_بالف_عشق

#الكاتبة_اطياف_ابراهيم

#البارت_١٦

....................

لسان حال سيرين

ضاق الفضاء

اصبحت استجدي الهواء

لا ابتغي فقرا

ولا

احتاج عيش الاغنياء

لا شدني صيفا

ولا احببت شيىء في الشتاء

لا تحتويني غرفتي

لا انتمي

يا ربي ما هاذا العناء

ضليت حاير يابشر

ما اعرف الي يلوگلي

جابوا الحنضل والعسل

بيناتهن ما فرزنت

محتاج غيري يضوگلي

عفت الضحك لاهل الضحك

وعفت الفرح لاهل الفرح

واركض بروحي وماگلت

هذا الوكت شيعوفلي

اعمة وردت چف ينلزم

ماردت عين تشوفلي

واتسأل بلحظة عبث

راح ابقة خايف لشوكت

واحسب احساب الصدفة

باوعت بيدي وفكرت

خاف الاصابع يرتخن

ويطيحن من الرجفة

گولولي شيوگف

دمع عين المسافر

لو سمع والدتة بالمستشفى

هذا انا

احتاجُ نفياً من هنا

امضي غريباً عندما

ابصر زوايا بيتنا

ماكان حلمي ثروتاً

والعيش سناً طانعا

ماكان حلمي نزوتاً

والغوص في بحر المنى

بل كان حلمي عزتي

لكن رأسي انحنى

من شاف جنح الينكسر

مايلگة شغلة تعينه

ومن شاف طينة هالبشر

ماچنها نفس الطينة

من اچو گالولي انعمت

ماگالو ايزيد الوجع

من تنعمي السچينة

ومن چنت ساكت مو عجز

بالوجه ادري شكم وجه

وشگد حقد بالسكتة

واصطاد بالماء العكر

مشدودة عيني وبالمطر

الگة الندة الضيعته

بس ما استعجل بالحكم

مثل العنب يطلع عنب

بس من يطيح بوكته

الناس صاروا خنجراً

في كل بحثي لم اجد

واحد مصفي النية

ايقنت فعلا انهم سِموا اناساً

بينما ماعدهم انسانية

احتاج سارق محترف

يمي ويروح الاي طفل

ومنعندة ضحكة يبوگلي

جابوا الحنضل والعسل

بيناتهن مافرزنت

محتاچ غيري يضوگلي

سيرين.. كمت ابجي واتوسله يوكف مااريد ماجد يشوفني بهل حاله وحدي ويا ابن الجيران ورامي مو ويايه

سعيد.. ابسرعه التفتلي خل نطلع من الفرع

سيرين.. مشيت ويا رغم الفشله والخجل بس الغركان يجلب بكشايه... طلعني الفرع واكو حديقه جبير مال عالم كلي وجهج عليها راح اروح لاخوج اخذه احجي ويا وانتي شويه وفوتي للفرع شوفي الوضع راح احاول ابعده عن الباب

بقيت اني داانتظره بحدود لو ٥ لو ١٠ دقايق فتت للفرع كمت اتقرب شفتهم اثنينهم ماكو كمت اركض بالشارع بسرعتي وصلت لبيتنه فتت باب الشارعربي فتحه فتت للكراج واني رجعلي الامان الحمدلله رجعت لاماني شوداني ويا بشر حقير حت مفكر بيه راح سكر لخاطر حبيبته التاركته

فتت للمطبخ لكيت مروه وياسمين ديسون عشه شافتني ياسمين وصاحت

ياسمين.. يمه هلا بالصايعه وين جنتي هلكد طولتي

سيرين.. اني وجهي لونه مخطوف وارعش بس احاول اتماسك وابين القوه حت متحس مروه.. كلتلها رجعنه العصر بس شو عطلت سيارته ووكف يسوي بيها وازدحامات

جنت دااحجي ومن التوتر احرك باديه واحرك بالجنطه جان تفلت الجنطه وسحابتها ع نص مفتوحه من انطيت كروه لابو التكسي جان توكع الفلوس مروه بسع فزت وكالت

مروه.. ولج منيلج هالفلوس

سيرين.. رامي انطاني مصرفي

مروه.. وشصار مصرف كله حمر لو خوش مداريته اليوم وبحجه عطلت السياره هههههههه

سيرين.. تقدمت عليها ضربتها راشدي متستحين انتي شنو بنت ليل اني لو قليله شرف واونسه وينطيني فلوس.. جان تسحت ايدي من اطراف اصابعي اكول ياحلو وين حلقتج اكيد بغرفته ومن احجي اطلعني وكحه اوووف منك يلساني

ياسمين.. كافي لج مروه هواي انطيناج مجال وتماديتي

سيرين.. عفتهم دااروح اسبح بس كلت خاف مروه تطلعلي سالفه خرب حظي ببيتك وممرتاح.. داامشي وسمعت صوت ماجد يصيحني هنا اصطكيت جمدت مبقه بيه قطره دم

جاوبته بس هم احاول اظهر القوه وعدم الخوف

ماجد.. شعجب طولتي شنو وضعهم هناك

سيرين.. لا مو سيارته وكفت بنص الطريق علما سواها ورجعنه وازدحامات ومنطقتهم بعيده شو

ماجد.. يي صح هم بالرصافه واحنه كرخ تفرق

سيرين.. يي هواي مشت السيارة.. بداخلي حمدت ربي عديت السالفه

بس بقه لازم افسخ الخطوبه واتخلص منه بس شلون افاتح اهلي ماادري اوف معندي ام الاحجيلها

جان من اكثر ايامي مرعبه من انت انسان متعود ع بيتك بس واكو الاكبر منك يتحكمون بكل امورك وتتعرض لهيج موقف وحدك صعبه مريت بحاله خوف جسمي ظل يرجف نزعت ملابسي غسلت وجهي ورحت لغرفتي تلفلفت بالبطانيه خايفه وجسمي وحده يرجف

طبت ياسمين داتصيحني ع عشه شافتني هيج كنبصت كبالي وكعدت تصف اسئله هواي شكلها قلقه وابالها بدت تدور افكار

كتلها لتخافين مصار الابالج بس مصيبه جبيره واريد افسخ من رامي.. دكت ع صدرها وكالت ولج احجيلي نشفتي دمي خوفتيني

كتلها سالفه جبيره

كالت لعد كومي سايري واكلي حت متجذبين نضر

كتلها مو بنفسي لعبانه روحي اريد انام وارتاح

كالت حتلو جبري نفسج اليعيش ويا مروه لازم يتحايل لان ادمره

رحت ع العشا كعدت والكل كعدو يسلون مطر اسئلة نزل عليه مااعرف شرد بس كمت اجذب ماادري ليش سويت هيج بسبب الخوف اكيد

كملنه والكل طش بغرفته اخذتني ياسمين مخفر تحقيق وحجيتلها كل الصار كام تضرب ع وجهها من مذهوله من الموقف

ياسمين.. سوده عليه يروحي بقيتي بالشارع والجلب اعتده عليج ولج جان حجيتي لاخوانج هسه منو يصدكج بعد اوووف ي سيرين ورطتي روحج بالزايد

سيرين.. مااعرف خفت من ردة فعلهم خاف يذبحوني لان رجعت وحدي بالليل

ياسمين.. ولج غير جان شرفج راح وانهزمتي من هالكلب.. مااعرف ولج كلبي يوجعني مااعرف شتصرف مااعرف

سيرين.. المصيبه خاف هو رامي يفضحني ويبرر نفسه شسوي خايفه

ياسمين.. ماادري نامي هسه والصباح رباح

سيرين.. رحت لغرفتي طلعت ثوب ماما اشم بي وابجي يوم تعالي شوفي بنتج يووم تنهزم بالشوارع وتخاف تحجي لاخوانها ليش رحتي وعفتيني... بقيت ابجي واشكي.. لزمتني رجفه قويه بجسمي واستبراد طلعت لحاف وخليته فوك البطانيه تلفلفت حيل ونمت

كعدت الصبح مااكدر اتحرك كل جسمي يون وعظامي ترعش وراسي صداع مو طبيعي.. اريد اكوم مااكدر كمت ابجي من الالم

سمعت صوت صياح عالي

ماجد.. وينها هالساقطه وينها كسرت عينه ولللللج اليوم ادفنج بيدي

سمير.. اوكف شجاك متكلي منو وازك ع هالمسكينه

ماجد.. ولك هالمسكينه التحجي عنها ضيعت شرفنه وداست بكرامتنه الكاع

سمير.. كااااافي ماااجد شهل خررررررريط شكاعد تحجي فهمني

ماجد.. هالقوندرا باقيه هي وهذا عديم الشرف وحدهم بالبيت لليل

سمير.. شكاعد تحجي منو كلك

ماجد.. مروة عرفت وخبرتني

سمير.. هم مروة ومنين جابت هالمعلومه

ماجد.. من بت خالتها نيران تصير جنة بيت رامي

سمير.. معقوله.. سيررررررين... سيرررررررين

سيرين.. اني اسمع حجيهم وابجي دموعي عشرة عشرة.. اريد اكوم مااكدر... جان يندفر الباب بقوه

سمير.. صحيح السمعته انو وحدكم بالبيت باقين لليل.. باعي ان جذبتي قسما بالله اروح بسلاحي ارمي لهل عديم الشرف

سيرين.. ابجي واحجي.. صح بس مو مثل مفاه..بعدني ممكمله الكلمه وانهدو عليه سمير وماجد بس تخيلو ثنين رياجيل ع مره شراح يبقه بيها الاول يضربني والثاني يكمل ورا وكعت جنازه بين اديهم وجسمي منحل لزمتني برده قويه ملابسي تشككو وخفيفات مال دشداشه مال نوم... محسيت غير كمت ادرر ع نفسي وابجي واصيح عليهم كاااافي عوفوني وخرو وخرو شافو الفراش تبلل سمير وخر ودفع ماجد وصاح ع ياسمين مردت

صاح اعلا شويه واجتي اديها كلها طحين اكيد جانت تخبز بالترك وصوت ميوصل هناك ومجانت تدري طبت وراها بيان ثنينهم ضلو يعيطون عليه

ويصيحون شسويتو بيها حرررام عليكم شسويتو الله لا ينطي اليوزكم بعافيته

زبخ بيهن سمير وكلها اخذيها للحمام غسليها

سندوني بيان وياسمين واني الموقف البيه الله ليشوفه لعدوي فشلانه ومستحيه وجسمي تبلل بادراري تمنيت الموت ولا انحط بهيج موقف

وصلت للحمام ودموعي موكفو وياسمين وبيان ويا بجيتي يبجون

فتحو الدوش عليه صكيت من البرد كمت ارجف هستوني داووخر من الدوش محسيت من الدنيا

فزيت لكيت نفسي بغرفتي والكل ملتم عليه واكو مضمد بمنطقتنه جان يم راسي بتفحص حرارتي وضغطي

كال مشكل عدها روماتيز من لفلاونزا القويه وفقدت الوعي بسبب انخفاض الضغط ودرجه الحراره

خل تاكل لحوم وتغذيه زينه لان وجهها اصفر شنو متنطوها اكل ضاله بس عظام فقر دم مبين بيها فتح عيني وكال ها اها شوف جفنها ابيض

بويه شوربات حارة حت تدفي جسمها ابد لتوصل للبروده وخل تقلل سبح لان تستبرد

سجلي ادويه فلاونزة ومقوي بي كل الفيتامينات كال هذا يطول عدها ٣ شهور العلبه يفيدها

طلع مني وجانو الكل ملتمين علية الولد طلعو ويا

اجتي بيان ركضت عليه وتبجي وخايفه

كتلها ليش هلكد خايفه يروحي

بيان.. حبيبتي راح يحرموني منج معرفتي شقررو الولد

سيرين.. اباوعلها تبجي بحركه وياسمين هم وتقربت ياسمين حضنتني وهم تبجيانصدمت منهم شنو شراح يصير خفت من تصرفهم ...... يتبع

شكرا ع تفاعلكم وتعليقاتكم الحلوه

احبكم جميعا ❤️

#تقليدي_بالف_عشق

#الكاتبة_اطياف_ابراهيم

..............

كالولي مريض وكلت شعلية

درت وجهي وحبست انفاسهه الرية

اكومن ردت من عدهم

وماشالني رجلية

احس بروحي كمت ارجف

دمع من كل مكان انزف

يربي شبية ما بية

اظن المرض منه انشال

واندار المرض بية

بچااااة

بچااااة اضحك

اضحك والفراك يكود بية

مدري ليا مذلة ويا اذية

حيلي وهيبتي ودمعات العيون

خلصن بس معزتك هية هية

سيرين.. بعد مشفت بجيهن خفت بالزايد شصار يربي شقررو اكيد حيذبحوني

اوووف شورطني بهل ورطه يربي شورطني بيك ي رامي منين اجيتني

سالت البنات شنو حيسوون

بيان.. حيبطلوج من المدرسة ويودوج ببيت عباس سمير قرر هالشي بسبب المشاكل الدتصير بينج وبين مروه وبعد اكو فد شي يريدون يسوولج فحص عد الدكتوره خاف رامي مسويلج شي حت يزوجوكم كبل واذا رفضو بيت رامي يسوها عشاير

سيرين.. شهكت شنو فحص شنو يبطلوني يمعودين اني طاهره وروح امي وابويه طاهره طاهرررره كمت اضرب ع راسي وابجي

حاولن يهدئني تعبت وسكتت بس شيسكت النار البكلبي من خيبه املي باخواني هيج ماعدهم ثقة بيه

مع الاسف اني تربيتهم هيج ميصدكون بيه ويصدكون تفكيرهم الوصخ بهل لحظه حسيت بالوحده وحسيت باليتم مرة ثانيه بعد اخواني وهيج ديذبوني بنص النار لعد الغريب شراح يسوي بيه

بقيت بمكاني وابجي فات اثير شاف وضعي ومزوركه غلط وهان وتفل بوجهي وطلع

شكد كرهت حياتي شكد كرهت اثير شكد كرهت رامي ومروه وكل شخص صاير سبب ب الآمي واوجاعي

ليش مكتوبلي الحزن من الصغر ليش يربي

تيتمت من الثنين

وانخذلت من اخواني وخطيبي السلمته كلبي

كمت ابجي ابجي واندب حظي والحياة الشوفتني بس مرارها... صح اعيش ايام حلوه بس اتواليها ايام صعبه ومرة... اجت ياسمين جابتلي اكل وكلتني غصب عني وكالت اني ممايده سمير واعرفج شنو بس بعد غيرة اخو حجيت ويا وسولفتله كل الصار الحجيتليا البارحه بس جان ميسمع مني راكب راسه واعصابه مدمرة ع كد محجو براسه اثير و ماجد تخبلو

سيرين.. زين وين عباس

ياسمين.. عباس من الفجر رايح للعمارة عده معامله شغل... مندري شوكت يرجع والولد مرادو يخابروه حت ميصير بي شي ورا طريق طويل

سيرين.. كمت اكل بس احس الاكل كوة. يفوت لبلعومي

كملت جان تجهزني ياسمين نروح للطبيبة واني بفراشي لبستني

كومتني مكدرت اكوم كمت ابجي من الوجع صاحت ع سمير وكلتله متكدر اجلوها بس تطيب

كلي اني اسندنج

شكد انهظمت منه متوقعت منه هالتصرف هذا اليحبني ويخاف عليه هيج يتصرف ويايه هيج يتهمني ابيع شرفي باوعت بعيونه ونزلو دموعي دنك راسه وتقرب يسندني

سندني بس مااكدر حت من يجروني كمت اعيط من الوجع وخرت ايده ووكعت بالكاع كتلهم يلا ذبحوني يلا

هيج متثقون بيه مع الاسف عليكم ولكم ولله شريفه ولله

هاي تاليتها انتو سندي وظهري هيج تكسروني وتشمتون بيه الكل ولله معندي شي ولله

ماجد.. اكلي خرا فوك شينج هنوبه صلفه انجبي يا قوندرا

سمير.. كافي صوتج مااريد امد ايدي عليج اكثر شوفي حالتج وبعدج وكحه كافي شتريدين تكسرين عينه بصريخج الصمي لا اجنزج... تطيبين ونروح للطبيبه مو اني هالكلب يلعب بشرفي

سيرين.. سكتت وطلعو كلهم من الغرفة وماجد قفل الباب علية عاملوني معامله المسجون بس كامو يوكلوني هوايه وجبر في سبيل اشرب العلاج واطيب واروح للفحص

جنت حاقده ع اخواني وبس ابجي ع ابويه وامي

ثاني يوم ياسمين فاتت بيدها الاكل فات وياها مهدي هو جان صف رابع علمي

ركض علية حضني

مهدي.. اني اعرفج انتي طاهره ومحد ماسج لتنقهرين حبيبتي.. ولتزعلين من اخوانج يجوز من خوفهم عليج ديسوون هيج

اني لو الي سلطه عليهم واتحكم ولا اخلي احد يوديج للطبيبه انتي الوحيدة الحسيت بالامان يمها بعد امي لتضوجين سيرين اني وياج صح مالي كلمه بينهم ويعتبروني جاهل بس ابقه وياج حتلو من اكبر اكدر اخذ حقجن.. وحت بعد مااتزوج هذا ماجد مرته حقدته ع اهله..

ياسمين.. ولك واني يا ملعون متغزر بيك طاوات الطماطه والبيتنجان بتالي الليل يا وجه الطاوه

مهدي.. لو اريد احجي عليج مجان طبيت وياج يا وجه الديج

سيرين.. جان يحجي مهدي واني ابجي الوحيد العرفني شنو رغم هو طويل وصف رابع اعدادي بس بعدني اشوفه هذاك الطفل الصغير احبه مثل ابني رغم فارق العمر قليل بينه شبكه حيل وكتله الله لا يحرمني منك

طلعو وبقيت اربع تيام محبوسه ع كد الحاجه بالحمام والاكل طبت وصارت حالتي افضل.... بنفسي تجهزت وبدلت وكلت راح اخش بعينهم بس انطيهم كلمه قبل لنروح اذا اطلع بعدني بنيه بعد مستحيل الساني يخاطب لسانهم واروح يم عباس ومااشوفهم للابد ولا احاجي احد منهم لا ماجد ولا سمير ولا اثير

دكيت الباب طلعتلي مروة بعد كل هالزوبعه السوتها

مروة.. هنا ولج كسرتي عين ٥ رياجيل شكلتي لربج

سيرين.. طلعت ومباوعت بوجهها

جانو كاعدين كلهم ديباوعون تلفزيون وياكلون حياتهم طبيعيه ولا كانو حابسين انسانه من المجرم او الحيوان بجرم ممسويته شافوني الكل انصدم

سيرين.. اني جاهزة يلا نروح للطبيبه بس ها عندي شرط اذا طلعت بعدني بنيه افصخ الخطوبه واترك هذا البيت واعيش يم عباس ولا انتو اخواني ولا اني اختكم

ماجد.. اكلي خرا شو تخطبين علينه يا فاشله هم الج عين ولله انجبي وسكتي

اثير.. شلون اخت عاد روحه بلا ردة كبر لهل خلوقات

سيرين.. صعدت بسيارة ماجد واجتي ياسمين ويايه

الولد بقو بالبيت.... مشت السياره مسافه بس اني كلبي بكل لحظه يدك الف دكه مااعرف شلون حتفحصني خايفه واني من الابرة اتوجع وابجي وكلمرة مااضربها

وصلنه لعيادة نسائيه

فتنه بس اني وياسمين سجلنه اسم كعدنه ننتطر سرانه اني اشم بريحه الديتول واني انرعب تصير خوفه ولويه ببطني مدري ليش

اجه يمنه ماجد كال صفيت السيارة بفرع

اباوع ع بنات اكو اليحجن ع حملهن بودهن يصير عدهن اطفال واكو حوامل فرحانات واكو مبين بيهن التعب واكو امهات جايات هن واطفالهن الكل شغلاته معروفه اله اني

شغله شرف... امر محرج ومينحجي بي

بعد وقت طويل وصل سرانه واني الخوف تملكني لزمت ياسمين حيل

دنفوت كلنه جان تكول السكرتيره لحظه من رخصتك اخويه ممسموح للرجال بالدخول

ماجد.. بس لازم

ياسمين.. قاطعته وشاورت السكرتيره كتلها فحص عذريه امر ضروري سمحيله

السكرتيره.. ااه العفو تفضل اخويه ان شالله خير

..... يتبع

هذا لعيونكم ياحلوين 😘لتنسوون التصويت