رواية تل الذهب الفصل الثالث وأربعون 43 - بقلم Raghad Almoualy

تل الذهب
رغد الموالي....

ـــــــــــــــــــــــــــــــــــــــــــــــــــــــــــــــ
- متعبة من الطريق الطويل، من فصول الحزن المتعاقبة عليّ، من الأحلام، ومن الوعود والسنين التي اقطعها ولا أصل فيها لوجهة آمنة.
ـــــــــــــــــــــــــــــــــــــــــــــــــــــــــــــــ
سديم....

ادم... اشتاقيتلج..

سديم... تذكرت خياناته نفرته بسرعه
وابتعدت عنه

نترت وحجيت

ابتعد عني ولاتقترب منيييي..

انجن جنونه لما هيج سويت
تكلم بتفاجأ

هاي وياي هيج تسوين

.... لاتقترب
ولاتكذب عليه

.... سديم ويااااي

سديم... لانك واحد خاين

ادم.. هز براسه بمعنى اي وكال والله لااشوفج الخيانات على اصولها بسيطه سديم

فات للغرفه وسد الباب بقوه

تندمت على ردة فعلي بس مليت من علاقاته مدااتحمل

رجعت لغرفتي بقيت كاعده وهو ولا طلع

مر يومين لايكلمني ولااكلمه
كل واحد اكله وحد نومته وحد

جنت كاعده بالصاله اتفرج على التلفزيون ندكت الباب

ليل وادم ماطلع بيومها جو مفيم وامطار متفرقه

تفاجأت منو اجانه

كمت ورحت فتحتها للباب

باوعت بنيه لابسه عباءه خليجي وحجاب

كالت.. هو انتي مرت ادم

سديم... منو انتي

... اني حنين اجيت على ادم
ادم موجود

سديم.. وشتردين منه

... هو كلي اجي للبيت

سديم... نار واشتعلت بيه عفتها ورحت جوه كعدت ادم جان نايم

ادم

ادم

... ها شكو

سديم.. بنيه بره تريدك شعندك وياها

ادم... هاااا ههههه كليلها خل تجي
ول اكلج اني طالع عليها

كام غسل وجهه وخله الخاولي على كتفه ينشف بي وطلع عليها وطلعت وراه

ادم... هلو حنين فوتي ليش واكفه البيت بيتج

حنين... هم كلت لازم تعرفها لمرتك عليه

ادم... سديم اقدملج حنين خطيبتي

سديم... شنووووووو

خطيبتك؟!

ادم... اي خطيبتي عندج اعتراض

سديم... لعد اني شنو هنا

ادم... ام لفتره مؤقته للي بطنج

وعافني واخذها جوه للغرفه شويه وطلع اجه لعندي

لكاني الم بملابسي

عتني من ايدي

سمعي اذا رجلج طلعت بره البيت اكسرها افتهمتي شنو اكسرها محد يرحمج مني

لا كل يوم مسويتلنه طلابه

سديم... اني الي دااسوي طلابه انت متخاف ربك
جايبلي وحده بيتي وعلى فراشنه الي جنه نام عليه ادم

ادم... كلتيها بلسانج الي جنه...
افتهمتي يعني هسه احنه حبر على ورق ومالج كل حق عليه لان كل حقوقج داتجي لعندج واني ماقصرت وياج بشي

شوفي عنادج وخشمج اليابس وين وصلنه

سديم... وانت الي تعاند انت الي مغرور وشايف روحك وعندك الزنا اسهل من شربة كلاص المي

ادم... تره الي جوه خطيبتي وعاقد عليها سيد
ومو اني الي ازني حضرتج جايه تحجين
اعقد عليها شرعا بمهر ياخانوم

مو جايه وتعلميني الصح من الغلط انتي

وهاي حنين الي شفتيها هاي الي راح تكون زوجتي رسمي حالها من حالج
والي راح تربي للطفل الي راح يجي

سديم... متجيبها للبيت طول مااني هنا متجيبها لحد ماننفصل

ادم... والله عاد اني حر بكيفي
خليتج على راحتج شون متحبين رحتي بيت خالج
وهم بيتهم زلم ثنين وكلت لا خليها ترتاح دام وجودها وياي زاعجها
محافضتي على الامانه بعد خلص تعداني العيب

سديم... دقيقه وحده مااضل وياك

ادم... عتني اكثر ولزم ايدي بقوه لدرجة حسيت حتنكطع

سمعييييييي
اكسرها كسر والله ومايصير خير سديم مرت خالج مريضه واظن صحتها تهمج

... كمت ابجي متحملت
باوعلي لثواني وخر ايده عني

جر نفس ورد باوعلي
همس

ليش تبجين

سديم... طلكني ابوس ايدك طلكني وارحمني مدااتحمل

ادم... يعني حابتني مثلا ومتتحملين
سديم اني الي مااسوه شي عندج
اني حسيت بروحي عبث واجيت فرضت نفسي بحياتج

اضطريتي تقبلين بيه علمود فلوس خالتج
اما اني

اما اني مالي كل مكانه عندج

مالي اي تقدير

لازوجج ولاابو ابنج

ودموعج هاي لان نمست كرامتج مو لان اجت من تاخذني منج

اني افهم بالبنات واعرف الي مثلج شلون تفكر
لاتتصورين اني حجر وبلا احساس

اني بشر وعندي مشاعر واحتاج من الي اشارك مشاعري واحساسي وياه بصدق

تزوجتج على امل انه تعرفيني وتحبيني
صحيح اني كثيره علاقاتي بالنساء بس لو انتي متغيره اني اتغير
طبيعي اتغير

لان راح احبج حتغير
راح اشوفج تسعديني ويايه عقل وقلب حكون وياج هيج هم

سديم الحياة التقليديه عوفيها اترجاج اني مااحبها

انتي مره كامله ماشاء الله من كلشي ليش ختى انجذب لغيرج

مرات مو كلشي جمال الاحساس ياسديم
الاحساس والاحتواء اهم من هاي

الاحتواء والحب والحنان يحتاجه الرجل
اي نعم وان كنت رجل
بس اي شخص بداخله طفل صغير
يحتاج لحب بصدق

اني مجنت حابب اكلج ولااعاتبج

لان حتى لو حبيتي تغيرين بعد هذا كلامي
حيصير بارد وماله معنى سديم

الافعال الي تجي بعد العتب بارده وممله ماتنراد

الي شفتيها هسه مو احلى منج

بس عرفت شلون تكسبني لدرجة دخلتها لبيتي

سديم... سكتت ولاجاوبته بشي

وهو طلع وقفل الباب عليه مال الغرفه

راح يمها واني بقيت الوب نار وتاكل بيه مداتحمل حتخبل

طلعت تليفوني وخابرت على سميره

... ادم شلون ويا

سميره... ياااا شمسوي طلابه نوب هذا

سديم.. جايبلي وحده نوب للبيت وهو وياها هسه بالغرفه

سميره.. شنوووووو عزه العزاك ادم

سديم... اني تاليتي حخلي على روحي بانزين واحركها واخلص

سميره... وعلى شنو والله ولااهتمله الي ميهتم بيه وبمشاعري مااهتم بي
ولج هو من يشوفج هيج يزيد

سديم... مو بكيفي سميره مااكدر

سميره... اعذرج حبيبتي والله حقج بس شسويله
هي كلها فتره وتتطلكون عوفي

سكتت

سميره... اني اعرف صعبه بس سديم قرار انتو اتخذتو بعد هاهيه انتي وادم حاسمين امركم

بصراحه انتي قراراتج غلط وتصرفاتج بعد اكثر

شلون

... اكو وحده توافق تتطلك وتنطي ابنها
يعني انتي من وافقتي على هيج قرار برأيج ادم شحتكون ردة فعله

من يشوفج رافضته الى هذا الحد هااااا

ابنج ضناج هذا شلون تفكرين تتخلين عنه بهل السهوله

سديم الرجال لما يشوف المره مرايدته لهدرجه حتصعب عليه نفسه وحيكوم يحرك بدمها بهيج امور رد اعتبار لنفسه لااكثر

سديم... من وره علاقاته

سميره... اعرف بس جان مفروض تصبرين شويه.
العوائل مجان صارت لو مانتحمل ونصبر

انتي تعرفين ادم كلش زين مفروض لما ترتبطين بي انتي مخليه خطه شلون تكسبي وتخلي يصير مثل ماانتي تردين

لتحسسيني تزوجتي تقليدي ايام قبل اول مره تشوفي بيوم زواجج

سكتت وهي كالت اني حروح اجوني زبائن....

بقيت كاعده بغرفتي متحيره مابين اكسبه نفسي مدااتقبله بسبب خياناته

اتركه ابني حتربي هاي النماذج

زين شلووون......

ـــــــــــــــــــــــــــــــــــــــــــــــــــــــــــــــ
مريم....

جنت اركص وياهم واضحك وناسيه الدنيا

التفتت مااشوفه الا هو واكف بوجهي

يباوعلي بغضب

زادت ضحكتي اكثر وكلت لمى

شوفي هذا هم يشبهه

لمى جانت مصدومه وتباوعله وابو غضب وراه

مااشوف الا ضربني بكف وكعني بالكاع.....

لزمت خدي باوعتله هو
حتى ماكدرت الفظ اسمه

اجتي الحمايه مال النادي يوخرو وتعارك وياهم هو وابو غضب صارت عركه وناس ضربت ناس

مااشوف الا سحبني من ايدي وطلع

صعدني بالسياره وصعد هوووو

ماتكلم كلشي اي شي ماحجه

ساكت

اني عيوني تطفي صارت مره استوعب مره لا

مره احسه حلم مره احسه حقيقه

شفته طلع جهازه وخابر

... مفتاح بيتك وين

ماشي

وسده

جان يسوق بسرعه فائقه لدرجة حسيت حتنكلب بينه السياره

وصلنه للبيت نزل واجه من جهة المكان الي كاعده بي فتح باب السياره ونزلني

جرني من ايدي بقوه وفتح الباب الخارجي وفتنه
جانت بالطرمه اكو مرجوحه واكو جزامه
فتح الجزامه وطلع منها مفتاح وفتح الباب

ودخلنه

صيح بصوت

وصايرتلييييي راقصصصصصه

تركصيييييييين

... اني ساكته بس اباوع

... شبيج جاوبينييييي

سكرانه مو

وصيح
سكرانه مرــــــــــــــيم

جرني من ايدي بقوه للحمام خلاني جوه الدوش وفتح المي جان بارد ثلج وهو الجو بارد

فزيت وردت اوخر عن المي

نتر ابقي

بقيت جوه الدوش حدما صحصحت زين

كمت ارجف من البرد

طلعني من الحمام جاب منشفه شمرها عليه بغضب كال تنشفيييييي

نشفت شعري بس ملابسي مبلله

جان بركان من غضب
لدرجه صدره يعله وينصه وي كل شهيق وزفير

من شفته تألمت ورجعتلي كل هذيج جروحي

كمت وكفت رغم مامبلله ملابسي وشعري ينكط مي وحتى البرد ماحسيت بي من كثر مامحروك دمي

ليش جيت

ضرغام... باوعلي بغضب
وتكلم بحديه

والج عين تحجييين

وتوكفين بوجهيييي مريييييييم

لج لو ميت ولاشايف هالشوفه هاااااااي

مريم... وعلساس اهمك

اهمك انيييييييي

عفتني

عفتني هاي الفتره كلها هسه جاي تحاسبنيييي

ضرغام... يياوعلي ويباوع لبسي ويرد يباوع للسكف يفرك بوجهه من الغضب واني صرت احجي

... ليش تعلقني بيك وتعوفني

ليش تقترب مني لهل الدرجه وترووووووح

ليش

هااااا

ليش ماكتلي متزووووج

وعندك اولاد منها وتحبها ومدللها

ليش

جاي تحاسبني هسه

ضرغام... طلعتي وي احد

مريم... هذا الهامك
اييييييييي طلعتتتتتتت
وشربت وركصت وكلشي سويت

مااشوفه الا ضربني بكف جرني من صدر الفستان

تكلم... بحديه بهمس
فوك الي سويتي كلت هسه ارجع الكاها محافضه على شرفها ونفسها بس طلعتي اوصخ مما جنت اتوقع

لابسه هذا لبس وتتمايلين كدام الزلم

وصرخ.. ولج مريم تتمايلييييييييين

روحي غيري لفستانج لااشكه والله اشكه

مريم.... عوفنيييييي

مالك علاقه بيه بعد

خللللص عوفني

متزوج وتحبها وعندك اطفال زين واني
ليش تكذب عليه ليييييييييش

ضرغام... وانه أملتج بشي

كتلج لاتقتربين مني

كتلج لاتتعلقين بيه روحي ابتعدي

مريم.... صرخت بس حبيتك

اااااااااانييييييي حبيتــــــــــــــــــك

مكدرت امنع نفسي
ليش

ليش من شفتني بديت اتعود عليك ماكتلي مريم متزوج وعندي جهال ليييييييش

ضرغام... انه بمهمه جنت ي تفاصيل تخصني ممنوع احجيها ممنوووووووووع

مريم.... وكلبي
هااااااااا

وانييييييييي

شلون

بس كلي شلوووون

داموووووووت

هسه اجيت ليش اجيت هااااااا

علمود تنتقم مني

لان قتلتك

مو بوعيي من قتلتك

شربوني حبوب ماادري

.... وانه مسامحج عليها والله

سامحتج عليها من اول مارفعتي السلاح بوجهي

بس اشوفج هالشوفه هااااااااي

اشوفججحج هييييييج

لج ليييييش

مريم... لانك لما رجعت
رجعت لبيتك ولااهلك

وماسألت عني

ولادورت ولافكرت بيه

ضرغام... ومن كالج هالحجي هو انتي تعرفين شوكت رجعت

مريم... ادري بكلشي لاتكذببببب

لاتكذب

شفتك

بهاي عيوني شفتتتتتتتتتتك

مهمتك خلصت بعد يامريم ياحب

كملت مهمتك وطلعت بيها انت البطل الشجاع

وكدرت تقبض على عصابه بكبرها

بالداخليه هسه اسمك شنو ياسيادة النقيييييب

حتى ماكتلي شغلك شنو

جنت عايشه بكذبه

عيشتني بكذب

دكلي وي الحوت وانت نقيبببب

ليش

هاااا

حروح ابيعك اغدر بيك مثل الي غدر بيك

حكللهم ضرغام نقيب
هاااا

اني احبك شلون أئذيك

لك حتى بعد ماعرفت حقيقتك مااذيتك

مارحت لمرتك او اذيت احد من اولادك اذيت روحي

رووووحي

تعرف شنو روحي

تعرف ليش اذيتها

لانك عايش بيها

لان كلي انت مو اني

قبر وهمي وفاتحه وعزه وهمي

اي كذب عيشتني بي ضرررغااااام

اي كذب

عشت بتأنيب ضمير يذبح

اون من وجع روحي

وافز بالليل مرعوبه افتر ادور عليك مثل الي فاقده عقلها واصيح هنا وهناك وحلكاه

بكل زاويه وبكل مكان يتراوالي طيفك

لو غلطت صورتك بعيني بغضب تحذرني

لو فرحت اشوفك مبتسم

صرت اشرب ختى انسى

حتى انساك

انساااااااك ومانسيتك نسيت روحي
ودفنتها بالحياة بسببك انت

بس كلي شلون

نطاك گلبك شلون

عايش وعايفني كل هالمده هاي

مافكرت وين رحت

مو تدري بيه ماعندي غيرك

والله صرت كل اهلي انت

ليش

اني بديت اتغير علمودك

صرت اتمنى اعرف اتحجب زين واعرف اصلي واعرف اصير مثل البنات الي اشوفهم جنت
لما جنت اكدي بالتقاطع

جنت ازاغل واروح اوكف باب المدرسه اشوف البنات يدرسون اسمع صوتهم وهم يقرون درس بي قران
ويتعلمون جنت اتمنه مثلهم

وتمنيت هيج اصير لان شفتك تحب هيج اكون

شفتك مو مثلهم تختلف عنهم

اول مره احد يخاف عليه

اول مره احد يحبني

اول مره احد يكون حنين ويايه

اني كل هالامور ماعشتها
ماشفتها ضرغام

ماشفتها

محد علمني هذا صح وهذاك غلط

بنتي لبسي طويل

بنتي تحجبي

مريم لا تنطين نفسج

مريم لاتسوين هالغلط

هذا عيب وهذاك حرام محد علمني

ماشفت شي حلو

بس شفتك انت

شفت دنيا بحالها بيك

كل احلامي وكل اهلي وكلشي انت

فجأه اعرف انت متزوج

وزوجتك بأحضانك وعايش وياها وعندك منها اولاد

تعتقد هالشي سهل بالنسبه الي

هين عليه

وتريدني مااشرب ومااغلط واروح نوادي

طول مااتكلم وهو يصغي لكلامي مستمع لكن لما ذكرت النادي اغتاظ وفرك وجهه بعصبيه صار يلوب يروح ويجي يمي واني احجي

عرضو عليه مبالغ في سبيل اطلع وياهم

ضرغام... وطلعتي

مريم... اي

طلعت

باوعلي لدقائق جان كدامه مقدمة طعام كرستال شالها وكسرها بالكاع طشرها صرخ روححييي من يميييييي

واني صرخت... رجعنيييي
ومن اليوم كلشي انتهى

حتى تعرف اني وانت عالمنا مو واحد

اني مثل مرتك الي صاينها بيتك ومخليلها حمايه بالباب

اني مو مثلها محد شايف خيالها

صرخ بيه عيونه صارت حمر كال

لاتخليني امد ايدي عليج فوووووتييي

فوتي جوه لااحركج

مريم... ماافوت ومالك حكم عليه انت
انت جانت الك مهمه وخلصتها وانتهى كلشي

شتريد مني جايبني لووووو تريدني

شكد تدفع

تره اني سعري غالي

كام وكف كبالي همس رغم مبين شكد اعصاب صاير

وشكد تردين

مريم... اختنكت حيل كوه سيطرت على دموعي
ضرغام.. نتر.. شكد تردين

مريم... وياك سعر غير
سعري قلب... مو فلوس

دين ولازم ترده

ضرغام... اتأخرتي حيل قيمتج عندي هسه فلوس وليله

مريم... جنت كوه كاتمه دمعتي احس سجين وغرزه بيه
باوعتله مدااصدك الي دااسمعه

ماريد فلوس

ضرغام.. وماعندي غير الفلوس

تلمس خصلات شعري همس

كم واحد لزم شعرج واشتمه

رد باوعلي وعيني بعينه

لو كان قريب منج اكثر

هنا متحملت بجيت ولما بجيت ابتسم

لانت كل ملامحه وي ابتسامته

همس... على فكره فستانج يخبل
يجذب اي نظر

باوعتله بحقد عيوني تجري دموع

مسحت دمعي ورحت كعدت على تخم كورت نفسي
وكعدت

راح هو فات للغرفه

شويه وطلع شايل بلوز وبنطرون نسائي كال لبسي

منيلك هاي

... مال مرت صديقي لبسي حتتمرضين

... كمت دااروح ابدل كال وين

... نترت... داابدل

بدلت واجيت كعدت جانت الملابس عريضه عليه نوعا ما بس مهم تدفيت

كعد هو على التخم ومدد رجله طلع جكاره وشعلها

يباوعلي ويجر بالنفس مال الجكاره

ميحجي شي

واني هم ساكته مجروحه منه حيل

خلص جكارته الاولى ورد شعل الثانيه وبس يباوعلي عينه ماوكعت مني

مريم... نترت بخنكه
حتبقه تباوعليييييي

نفخ دخان الجكاره فوك وباوعلي ماحجه

مريم... تذكرت باابو غضب ويا فزيت بحركه

ابو غضب

ابو غضب جان وياك

شلللوووون اجه وين لكيته

هو مو بالسج

وسكتت كعدت بالكاع الطم وابجي واضرب على وجهي واصرخ

يعني حتى هو كذب

يعني كلشي كذب

من شوكت وياك

من

من

من اجيتو... من طلع من السجن

لا

هو من الاول وي الحجي من خطفني

ضرغااااااام

فهمني

حتخبلللل

ابو غضب هو الخطفنييييييي شلون وياااااك

مجرم لو نقيب انت

انت منو

ابو غضب منو

اني منو

اجيت يمه واحاول اخلي يكوم ويردني ترجيته

ضرغام كلي

منوووو

شنو الموضوع

انت ويا تفقت وتخطفوني وتعيشوني يمهم يم الحجي وبعدين تسوي كل هذا

مووو

هااا

يعني

انت السبب بكلشي

انت سبب انخطف واعوف اهلي وخليتني بينهم

كتلي قبل راح يجي يوم تكرهيني

كتلي حبيت وحده واذيتها قتلت اهلها

معناها اني موووو

دموعي صارت تجررري

ابجبيييي بحركه

وهو مايرد يشرب بجكارته ويباوعلي

صرخت

احجيييييي

باوعلي من فوك لجوه جان يميل براسه وهو يباوعلي
احسه حتى مو وياي من دااحجي

لما كنت قريبه منه واصرخ وابجي واحجي وهو كاعد يشرب بجكارته

فجأه سحبني من ايدي وضمني

واني تخبلت

وخررررر ابتعد عني

شدد عليه بيده حتى مااوخر عنه

همس يم اذني

اشتاقيتلج مووووووووت انه

بجيت وزادت بجيتي بحركه احاول اضمه بس جنت مقهوره منه

وصار يحجي

طول ماانه بين الحياة والموت افكر بيج

لساني مالفظ غير اسمج

ولما كدرت اوكف على طولي اول ماكلت مريم

اروحلها

مريم وين

جانت روحي تلوب عليج اريد اعرف شسوو بيج

خفت لايأذوج مريم

خفت عليج هواي

جنت اشتم بعطره وابجي لما صار يتكلم بجملته الاخيره فزيت ودفعت روحي عنه ونترت واني ابجي

كذااااب

انت تكذب

... بهاي ماكذبت

.... تكذذذب انت تكذب مااصدكك

... وانه اذيتج كذبت جنت مجبووور

انه حتى على مرتي كذبت على امي كذبت

كذبت لما كتلهم نقل دوامي وانه يمكم

كذبت لما تسألني ليش متغير واكلها تعبان من ضغط الدوام

كذبت عليها لما كتلها احبج واني مخلي عيني بعينها

انه كذاب بس وياج لا

كذبت وي اهلي وي نفسي بس انتي لا

بشنو كذبت

وعدتج بشي

املتج بشي انه

مريم هو انه كلساع اعييييد

انه مووووو كتللللللج لاتقتربييييين

انه مو كتلج مريم لاتتتتعلقييييين بيه تتأذيييين

مريم... مجان المفروض تخليني طعم تتصيد بي
وتجي تكلي لاتتعلقيييين

ضرغام... انه تصيدتت

اااااااانه

اييييييي

تكلي اول ماوكفت على طولي فكرت بيج انت تكذذذب

اول ماوكفت على طولك رحت لبيتك لمرتك ولجهالك

... وين الغلط بالموضوع
لعد وين اروح

... رحت الهم تفقدتهم الهم مو انيييي
اخر اولوياتك انيييي

... لا مريم لاااا

مريم... بلييييي بعيوني شفتك لاتكذببب

ضرغام.. عقد حاجبه بااستغراب وين شفتيني

مريم... شفتك بعيني اني
طلعت من بيتك وابنك وياك وصعدت بالسياره وطلعتو وهالحجي قبل شهووور مو هسه

ضرغام... تكذبين مستحيل

مريم... لا اني مااكذب بعيوني شفتك

ضرغام... انه مااطلعت الا قبل اسبوع
مارجعت لااهلي وعرفو انه عايش الا قبل اسبوع

مريم... ضرغام لاتكذب بعيوني شفتك

ضرغام... وانه مااكذب

مريم... الفيديو عند لمى اريد اشوفك شلون ماتكذب

ضرغام... لمى يافيديو

مريم... لمى وديني على لمى

طلع تليفونه وخابر على ابو غضب وفتح سبيكر

.... ها انت وين

... انه رايح للبيت الي بالمزرعه

... اكو فيدبو عند لمى تجي وتجيبو الي دشوفو

... فيديو الك
يافيديو

.... اخذ منها الموبايل لاتكول مسحتو
وتعالي

... ماشي جايك

باوعت مستغربه وفاكه حلكي من الي داايصير
حتخبل

همست واني ارجف

شنو علاقتك بي

... رد بستنكار مصطنع
هو منو.

ابو غضب

... علساس متعرفين
صاحبي هذا

.. مو المفروض مكانه بالسجن

... شغلات مال كبار لتحطين روحج بيها بنيتي

... شنو مو ضوع ابو غضب فهمنيييي

... مريم روحي عني مووو وكتج اااابد

بقيت انك واصر حتى يحجي صار ميردلي اخر شي
طلع وكف بالباب الخارجي من ناحية الشارع ينتظر ابو غضب

اجيت وفتحت الباب

جان داايشعل جكاره خزرني

ونتر فوتي

فتت وبقيت انتظر يجي ابو غضب

الوب واروح. واجي صار الفجر وحتصبح الدنيا

جنت كاعده ماشفته الا واكف فوك راسي

كال...

... متنامين لو تعودتي على السهر

.... معليك بيه انت

جر نفس بالجكاره وراح وكف بالباب

انتبهت عليه ماعنده لحيه مو مثل مجان بتل الذهب
بس شارب وحلاقته تختلف مخفف شعره حيل بس الفوك شويه كثيف الشعر
هيئته هيئة الضباط حرفيا

نفس حلاقتهم وهم هيج يربون شارب
وماعدهم لحيه...
صار عندي فضول اشوفه بدلته العسكريه....

شويه واجه ابو غضب سمعت صوته وهو يتسالم وي الضرغام وفات

وكفت على حيلي بودي اقتله

ابو غضب... هااا خيرج ست مريم

مريم... من شوكت تدري بي عايش
انت ويا

ليش كذبت

جنت اتعذب كبالك وانت مو هامكككك

تودينييييي على قبر وتكلي هنا ضرغام مدفووون

ليش تكذببببب للللليييييشششششش

ابو غضب.. والله سيدي لو تشوفها شلون لطمت عليك يبوووو انه جيت ابجي

ابتسم ضرغام وتكلم وجانت عينه على موبايل
هههه اي عود مقهوره

تفرج للفيديو وضحك بصوت عالي

تكلم بااستهزاء

هو هذا الفيديو

نترت ايييييي

ضرغام... باوع لمى وسألها منين جبتي الفيديو

لمى... ه ه هذا دزاه واحد الي

ضرغام... الفيديو قديم هذا
وباوعلي
من جنت متصوب ست مريم مداتشوفين ايدي المضمده

كمت وكفت ورحت للجهاز بسرعه اباوع جانت ايده فعلا مضمده

باوعتله بتفاجىء وهو رفع تك حاجب بمعنى شفتييييي

باوع لمى وسالها...

منو نطاج هذا الفيديو

سكتت وماحجت شي

صرخ بيها ابو غضب احجييييي

بلعت ريكها وتكلمت جانت خايفه من ضرغام حيل
.

سيدي هو
ا
يعني

مداعرف شلون احجي

نتر بيها ابو غضب.... احجيييي

لمى... انت لمن تصوبت ورحت لبيتكم هذا الي وياك اكو واحد اسمه عماد هو الي بلغ عنك انت نقيب
وهو الي صور هذا الفيديو ودزاه للحجي وتعرف عليه هم وماشيته فتره وشفت الفيديو عنده واخذته منه

ضرغام... بس هذا الفيديو

لمى... لا وصورك هم جابهن ثنين

ابو غضب... يعنييي انتيييي الي عرفتي الحجي على عماد

لمى... اني ماادري ابو غضب اني مادري يعرفه لضرغام
ضرغام خابره كدامي وسمعت صوت ضرغام وكتله هذا ضرغام

كلي هذا وياي يشتغل

كتله هذا وي عصابة الحجي شجابه وياك

حتى كتله يجوز شبه بالصوت والاسم مو نفسه ضرغام طلع صورته وكلي هذا

كتله اييي وتخبلت من شفتك بالعسكري ضرغام اني ماادري

هو اني جنت حاجيتله عن الحجي وشلون نشتغل فتعرف عليه مادري حيبيعك وحيصير هيج

ابو غضب.... ياحقيره انتي الي بعتي للضرغام والله اليوم لااطلع بروحج

ضرغام... استوقفه وكال
ابوووو غضضب خليها تحجي اي كملي

وراها تعرف على الحجي وحجاله كلشي مو

لمى.. اي هو الي سرب هذا الفيديو والصور واني اخذته منه للفيديو وخليته بجهازي هاي المده كلها

ضرغام... الفيديو قديم والدليل ايدي متصوبه وهياتها باينه بالفيديو
سؤالي... ليش شوفتيلهيا لمريم هسه وكتيلها عايش ومااجاج شنو غايتج ليش.....

احذر من اقرب الناس اليك
فالحقد حينما يستحوذ على القلوب
يعميها السواد
تعميها الغيره والحسد.....

كنت معكم انا رغد الموالي في امان الله ♥