رواية تل الذهب الفصل الرابع وأربعون 44 - بقلم Raghad Almoualy

تل الذهب
ـــــــــــــــــــــــــــــــــــــــــــــــــــــــــــــــ
‏"أنا شخص قد تعثّر واستقام، انحنى واعتدل، انهار واستقوى، ثم صار يعرف حدوده مع الحياة والناس،
متى يُواجه، ومتى ينسحب، ومتى لا يلتفت أبداً".

- مايكل كورليوني ।📓
ـــــــــــــــــــــــــــــــــــــــــــــــــــــــــــــــ

سديم....

بقيت افكر شلون شحسوي دااكرهه بسبب خياناته ومو كادره حتى اغير من اطباعه

بقيت هواي بالغرفه مددت وحسيت برفه صغيره بطني تلمستها برقه وابتسمت ماعرف ليش يميل قلبي وياها احس برحله الصغيره الرقيقه بطني

حسيت بي فتح الباب

جان فاتح قميصه للنص
اول ماشفته درت وجهي عنه اشمأزيت

اجه وكف يمي

... ليش درتي وجهج شنو شفتي

... شرايد

... باوعيلي

... واذا مباوعت

... بطلي عناد

... من تبطل انت سوالفك التعبانه

... ارجع اعيد حتى تفتهمين مرتي جانت وحالها حالج بس الفرق انتي بيتي وهي بالسر

... والله
ومقتنع
هاي منو يحللكم هالامور
بنيه باكر تتزوجها بالسر اهلها ميدرون

... منفصله هاي

... هه لايكين ماشاء الله

... باوعيلي

... ادم اطلع من الغرفه رووووووح

... اجيت اكلج انو هي قررت وافقت تربي للطفل

فزيت من مكاني... شنووو تربي كل عقلك لا والله
شووووف طفلي ماانطي وحتى الك ماانطي واني حعرف شنو اتصرف

ادم.... شتتصرفين يعني شتسوين

سديم... الحضانه الي وحتى لو تطلق اني اعرف شلون اكسب الحضانه الي خياناتك هاي اكبر سبب يخلي الحضانه الي وعندي شهود على خياناتك

ادم... اتبسم بحقاره
عود اذا طلكتج
يله باي

وطلع...

خابرتني تبارك وتبجي
سديم ... شبيج تبارك شصاير

تبارك... سديم امي
اميييييييييييي

سديم... شبيها خالتي

تبارك.... امي ماااااااتتتتتتت

سديم... احس الدنيا تهدمت فوك راسي لطمت على وجهي وصرخت خااااااااله

اجه ادم ها شبيج

مذعوره واصرخ... خاله وديني على خالتيييييي

ادم... شبيها شكو

سديم.. خالتي
خالتي مااااتت وكعدت بالكاع ابجي مدااكدر اتحمل اوكف

صرت اضرب على وجهي وابجي واصرخ
ادم يسكتني

سكتي

على كيفج سديم اهدأي

واني اصرخ
خااااااااله

ادم... سديم اهدأي على كيفج
انهاريت وبس ابجي احس خلص خسرت كلشي
وضعت بعد مالي احد

باوعت لاادم وحجيت وابجي

مالي احد بعد ادم
خسرتهم كلهم

كلهم راحوووو مابقالي احدددد

راحت

رااااااحتتتتت

امي

امي الي ماخلفتني

خاله خلووووووود ليش عفتيني خاااااااله

ادم... لتبجين عمري انتي اني يمج

سديم... وديني
خليني اشوفها

اريد بس اشوف

طلعت منها مقهوره اخر مره

كالتلي ارجعي لبيتج توقعتها ضاجت منيييي

ااااخ گلبي

مصار كم يوم من عفتج

لو باقيه هالكم يوم يمج

باوعت وصرخت بوجها
انت لساتك يمييييي

امشييييي ودينيييييييي

فز بسرعه وراح لغرفته حتى يغير لبسه وكمت لبست وطلعت بسرعه

وبس ابجي احس گلبي حيطك

طريق كله بالسياره ابجي

ادم... سديم اذا تبقين هيج تشوفيها وترجعين لايصير بيج شي حرام بطنج طفل

سديم... رديت بنتره واني ابجي... ماعليييييك
تعرف الحرام انت جاي تعلمني بيييي

اني اكرهك

وراح ابقه اكرهك

باوعلي بضوجه وسكت ماحجه شي وصلني لبيت خالي ونزلت اركض وهو وراي

ادم... ولج على كيفج

مارديت عليه فتت جوه لكيت تبارك تلطم ويمها خالاتها ونسوان خوالي يمها يبجوون

اجيت عليها

وين خالتي

وينهااااااا
صرت الطم واضرب على وجهي ناس صارت تلزم بيه

على كيفج انتي حامل ىايصير شي ببيج

واني ماارد عليهم اصرخ وابجي

اخذوها لخالتي ودفنوها وبليلتها ماننمت بس ابجي

جنت بالاستقبال مكوره روحي وابجي وحدي
ماشفت الا ادم اجه

كعد يمي وصار يحجي

كلنه على هذا الطريق
هي ارتاحت هسه بالفتره الاخيره تأذت
والموت جان عليها رحمه

سديم... خاف استثقلت نفسها بيت اختها
شافتنه تخلينه عنها ادم

خاف ماتت مقهوره

بنفسي اعرف شنو فكرت بينها وبين نفسها

عفتها اني وهي محتاجتني

وباوعتله ونترت
كله منك

انت اجيت تاخذني بالاخير عفتها

عفتهاااااااا

ولطمت على وجهي واصرخ

لزم ايدي حتى مااضرب وجهي
همسس

شششش على كيفج اهدأي
ضمني

واني ذبيت دموعي اكثر

صرت ابجي على صدره وهو يمسح على راسي

همس

نامي ارتاحي شويه

وخرت عنه ومددت
جان شعور الخوف متملكني ماعرف ليش خايفه
ومحتاجه للامان

حتى ادم رغم مقهوره منه بس ردت قربه لان خايفه محتاجه احد يحسسني بالامان

مدد يمي وضمني  وغفيت من تعب وقهر....

احيانا تمشي الامور ويانه مو مثل مانريد
مو بس الاقدار حتى الاشخاص مو مثل مانريدهم
ادم المفروض ابعده عني بس الحياة تقربه مني اكثر

كعدت لكيت روحي غافيه يمه

وهو نايم. ماكلت شي بوكتها يكفي احساس الامان الي حسيته

بقيت بعدها ثلاثة ايام خلصت الفاتحه

حسن ومحسن صارو يلومون بنفسهم ويعتبرون روحهم هم السبب بموتت خالتي

تبارك رجعت لبيت زوجها

حرت بين ابقه يمهم صعبه بقو شباب وحدهم بالبيت وشما اكون اني بنت عمتهم

ارجع وي ادم العيشه ويا صعبه

فكرت ارجع وي ادم منا لحد مااولد الطفل وبعدها ننفصل يكون حسن ومحسن متزوجين ساعتها وجودي عادي وياهم

رحت وي ادم وبقو حسن ومحسن بالبيت وحدهم

يومين مرت خابرت تبارك تبجي

تبارك... سديم

شكو

... محسن عايفه للبيت وطالع

... وين راح متدرين

... راح للنجف يشتغل ومنها يزور قبر امي كل يوم

... عوفي تبارك هذا مقهور وحاسس بتأنيب الضمير

مالمته بساعتها امه وهو معذور
جنت كل يوم ابجي على خالتي لبست السواد
وعيني مانشفتلها دمعه

اعتزل بغرفتي وابجي ادم مثكله من يمه لان احس هو السبب كمت اضوج منه

وهو ولابطل من سوالفه مرات اكون نايمه احس عليه بااوقات متأخره يكون راجع للبيت وشارب
عفته وانتظرت امشي ايام حتى اولد الطفل وكلشي ينتهي
مرتين تلاثه اجت حنين للبيت ويبقون بغرفتهم
ولااطلع ولااحجي اي شي

بس جان يزيدني قهر فوك قهري

احس تعبت وكبرت حتى على العتب والكلام واحس هالامور صارت متسوه مقارنة بلي دااعيشه

مرت الايام وبطني يوم عن يوم تكبر وتبين ادم جان بالنهار شخص وبالليل شخص ثاني

من شافني ماعاتبه ولااهتم زاد وصار مايكتفي بحنين بس ويجيبهن للبيت

جنت اعد الايام والليالي واحسبها لحضه لحضه حتى اولد وانفصل منه

التزمت بصلاتي وقراني لما اختنك وابجي اكعد اقره قران جامعتي تركتها مالي نفس ادرس بعد اريد استقر يله ارجع

جان يشوفني لما اوكف اصلي او اقره قران يبقه يباوعلي

مر شهرين على وفاة خالتي والوضع كما هو ثكل حملي وحياتي صارت عاديه وروتينيه مابيها اي فرحه

ردت اعرف جنس الطفل بالسونار لكن ادم ماقبل وكال خلي شيجي هاهيه

بيوم دك الباب استغربت بالعاده يفتحها هو لكن هالمره دكها طلعت على الباب فتحتها

جان شارب ويا وحده اول ماباوعتلهم استحقرتهم بس سكتت وهي من شافتني
باوعتلي بنظره استحقار

ياااا ادم هاي زوجتك

رديت مباشرة.. لا اني مرت اخو

وهو باوعلها كللها مو كنالج ما متزوج شكد فضوليه

جان مخلي ايده عليها واخذها وفاتو للغرفه

من اباوعلها لابسه ملابس جدا ضيقه
ومسرحه شعرها ومرتبه هوايه وجسمها كلش مرتب عكس اني الي بهذله الحمل

كتمت قهرتي بداخلي ورحت لغرفتي نمت

حسيت عليه يتلمس بطني ويمي مدد

فتحت عيني بدون مااحسسه اني حسيت عليه

جان الطفل يتحرك بطني وهو يتلمس حركاته

يهمس على كيفه

يروح البابا... يعمري

شلونه شكلك او شكلج هسه

اكيد حلو او حلوه مثل امكم

راح تحبوني وعد هسه اصير اب زين

خليته يعيش شعور الاب للحضات وبعدها كام من يمي طلع

جنت اتابع محاضرات هواي للشيخ احمد الواىلي واتعلم من حكمه
احسه اب معلم الي

اب يعلمني على امور حلوه اني افتقدها

ويذكرنا بالصبر داىما....

زاد تقربي من الدين هواي صرت اصلي هواي واسبح اكثر واقره القران اكثر

يكولون سورة البقره زينه لو قرأت في البيت

صرت افتح التلفزيون الصبح على سورة البقره وره مايطلع ادم من الببت وافتح شبابيك البيت والابواب اخلي يدخل الهواء حتى لو شتاء وبارده بس اطلع الطاقه السلبيه والشياطين من البيت

غرفته رغم ماادخلها مرات والكه اثار يابو اثار لخياناته اكول ميخالف يجي يوم ويعقل

يجي يوم ويتندم ويحس بقيمتي حتى لو احنه منفصلين

صرت افتح شبابيك غرفته وره ماانضف البيت ابخره

وره مااخلص شغل اسبح واتعطر والبس ملابس حلوه وارتب نفسي واوكف على سجادتي اصلي وبعد كل صلاة اسبح تسبيح فاطمة الزهراء

واطلب من الله بحق الزهراء ان يساعدني....

صرت احس الله وياي بكل ثانيه وقريب مني
صرت ادعوه كل يوميه
وانشغلت بحياتي العائليه وعبادتي....

مريم.....

ضرغام... وليش شوفتيلهيا لمريم هسه وكتيلها عايش ومااجاج شنو غايتج ليش.....

سكتت لثواني

ونتر ابو غضب

احجيييييي

تكلمت بخوف...

لمى.. لان ابو غضب يحبها لمريم
وحتى شفتهم وهم طالعين من غرفة النوم

ضرغام باوعله لبو غضب
بغضب ورد باوعلي

مباشرة حجيت.... ضرغام ماكو شي صحيح من الكالته كذب

ولا سمعلي باوع لبو غضب

ابو غضب بقه ساكت ماحجه شي متعجب من كلامها

نتر... كملي

اي عاد اني من شفتهم سويه طلعته للفيديو وشوفته لمريم

ضرغام.. وانه ليش

لمى... لان هي تحبك ماتحب ابو غضب بس ماشته
وصار بينهم كلشي

وجان يحذرها لمريم متطلع وي احد

ويكللها حافظي على نفسج انه ارتب وضعي واخذج رادو ينهزمون لو ماينسجن

مريم... باوعتلها متعجبه مصدومه

لمى اني احجيلج انتي طلعتي هييييييج

نواياج هيييييج

لمى... لعد تاخذي مني لبو غضب على الجاهز
ليش مريم لييييييش مو تدرين بيه احبه

باوعت لضرغام.. مجان عندي غير الفيديو مالتك
ولما نسجن كلت حتشرد
وراح يرحون هي وابو غضب

هي جانت متلهج غير بيك وتبجي عليك ابو غضب خلاها تميل اله
ولما بدت تميل لبو غضب شوفتها الفيديو وكتلها امشي ننهزم

ضرغام ـ يعني مشيتها بهذا الدرب انتي سببو
جنتي رايده تتخلصين منهاااااا

لمى... لان اخذت حبيبي

ضرغام ابو غضب يحب مريم

باوع لبو غضب نتر

صحيح هالحجييييي

ابو غضب... تكذب هاي وحده كذابه

انه وياها مابينه شي

لمى... بعيني شفتك انت وياها طالعين من الغرفه ووضع مريم غيييررر
وكالتلها للبيكه

ضرغام يكذبون عليك لاتصدك

ابو غضب... كذب تكذب

لمى... تصدكني لو تصدكهم ضرغام

باوع لمى ورد باوع لبو غضب وباوعلي مدايعرف بيمن يصدك رجعت سألته لمى

تصدكني لو تصدكهم

ضرغام... تلاثتكم مدااصدك بيكم

لمى... متصدك مووو انطيني الموبايل

ضرغام... شعندج بي

لمى... انطيني الموبايل

نطاه الها وطلعت فيديو ونطته الموبايل للضرغام

شوف بعينك وثنينهم طالعين من الغرفه وشوفه شلون يتلمس بخدها ويضحكون شوف بعينك اذا اني اكذب

باوع الضرغام للفيديو وباوع لبو غضب

وتقدم عليه بسرعه وضربه بوكس صاح

لككككك كلللللللللللب
تكذب علياااااااا

تكذذذذذب

طلعت انتتتت

اننننت السبببب

وصار يضرب بي وابو غضب يحاول يوقفه ويكله

... ضرغام معليك بالفيديو

مو مثل ماانت مفتهم

وضرغام تخبل ميسمعه بس يضربه
اخر شي رده ابو غضب للضربه وصارو واحد يضرب الثاني

بقيت واكفه مااعرف شسوي

اخر شي وخر عنه ابو غضب وابتعد كله

والي شافته عينك كذببببب وان ماردت تسمع وتصدك الي احجي بقت بكيفك بعد

ضرغام... وانت من اليوم لاصاحبي ولااعرفك
ورد باوعلي

وانتي... من اليوم انتهيتي بالنسبه الي ورقه واحتركت ومو ضرغام الي تلعبه مره ضاهر انه انخدعت بيج وصدكت بيج وعذرتج لما صوبتيني
بس الضاهر جانت الحقيقه وانه ماجنت مصدك

مريم... اختنكت معرفت حتى شنو احجي بقت الدمعه بعيني

طلع تليفونه وخابر...

ابو غضب يرجع للتوقيف وسده

ابو غضب بقه منصدم يباوعله وهو نطانه ظهره صار يباوع للشباك وتكلم

ترجع انت للتوقيف وان مارجعت تنلزم سجين هارب وساعتها خلص روحك
تاخذ صاحبتك الي عليها قضايا دعاره وتطلع ولاتراويلي وجهك بعد

وانتي مريم حدج وياي اليوم اوديج لهلج
ولتخافين من سجن انه ماجبت اسمج ولا بلغت عنج
ولا راح تتبهذلين بالمحاكم والسجون يعني تطمني

مو حبا بيج

بس خاطر العشره والزاد والملح الي بينه

ابو غضب ولمى طلعو وبقيت واكفه مدااعرف شنو اسوي احس تقيدت ونربط لساني

باوعلي بعتب نظرته ذبحتني واني الجنت مذبوحه منه ولما عرفت حقيقة الفيديو تندمت على كلشي ومالي عين حتى اعتذر

تمشى كال امشي اوصلج لهلج
روحي طلعيلج شي تسترين بي نفسج ولبسي حجاب حتى لو انتي متريدين تلبسي ذبي بعدها اني مااجبرج على شي انتي متريدي
حترحين لهلج وراها انتي حره
تنزعي ماتنزعي بكيفج

واخذي بدلة الركص مالتج وياج خاف تحتاجيها

انه طالع

دايفتح باب الصاله حتى يطلع همست ضرغام

باوع للمكان الواكفه قريب منه من دون مايلفت راسه بس عينه باوعت من دون مايتكلم..

مريم... ضرغام ا ا ا ا ا ا ني

اني ماجنت ادري الفيديو قديم

صدكني

مارد ولاباوعلي كمل مشيته وطلع بره
تحضرت وسويت مثل ماكل واجيت وراه طلعت وكف يقفل الباب الخارجي للصاله واني وراه مباشرة تكلمت

واني حتى ماطلعت وي احد والي كالته لمى كذب

ضرغ. قاطعني...

ضرغام.. ممكن تسكتين

مريم... سكتت والحسره تملى قلبي حتى مافرحت من كلي اوديج لهلج لان جنت مقهوره من الي صار

صعد بسيارته وصعدت يمه

وطلعنه حتى يوديني لهلي

جنت طول طريق احجي واريد ابين اله كل الي شافه وسمعه غلط بس مجان يردلي حتى نتر بيه

كال سكتييييييي

سكتت والدمعه بعيني متحملت بجيت

ممتعوده هيج يعاملني مو هذا ضرغام

جان يسوق السياره بسرعه فائقه

رن تليفونه وجاوب جان مبين الصوت وهو دايخابر
صوت مره

... حبيبي ابو علي شوكت تجي

... رد بهدوء.. مااكدر هسه اجي تغدو بالعافيه

... ضرغام والله اشتاقيت نكعد سويه ونتغده من جيت لليوم لو تعشيت مره ويانه لو لا

ضرغام... عندي شغل.... امي شلونها اخذت العلاج

... اي وكالت كليله لضرغام يجي يتغده هاهيتها يمي وسمعتك

ضرغام... هله يوم

تغدي بالعافيه مااكدر اجي

شغل طالع

باجر بلكت اكدر

ماشي ياحبيبي وضوه عيوني

وسده للخط

طول الطريق ماحجه ويايه ولا حتى باوعلي

فتنه لمنطقه وصرنه نفوت من فرع لفرع واخير شي توقفنا عند بيت

همس بدون مايباوع
نزلي

نزلت

مشيت اباوع المكان احسه مو غريب بس مدااتذكر منه شي

جانو جهال يلعبون بالمنطقه والناس رايحه جايه

دك الباب مرتين تلاثه طلع رجال

... تفضل

ضرغام ... ام حسن موجوده

... والله بيت ابو حسن شالو منا

ضرغام... متعرف بيهم وين شالو

... لا والله ماادري

ضرغام... تمام تسلم

تخوصر وكف متحير باوع للمنطقه ورد باوع للجيران
راح دك الباب على احد الجيران

... بيت ابو حسن وين شالو

... منعرف والله ام محمود تدري وهي هسه بالعمره

... مشكور ازعجناك

توجه للسياره وهمس بنتره بدون ميباوعلي كال
صعدي

صعدت ويا

همست... وين حنروح

... اهلج شايلين من المنطقه نشوف بيتهم الجديد وين وعود اوديج

مريم.. وهسه وين حتاخذني

ضرغام... سكت لثواني وبعدها تكلم

حتبقين يمي بالبيت يم اهلي منا لحد مااشوف اهلج وين شالو

.. ومرتك

... خطار يمي شعليج بمرتي ليش خصيتيها بالذكر

... لا يعني اقصد مراح تسألك هاي منو

... فاقده للذاكره متيهه ومتعرفين اهلج وين وجبتح يمنه

هزيت براسي بمعنى اي

حرك سيارته وساقها خابر على زوجته

... هلو نور... انه جاي للبيت محتاجين شي اجيبو وياي

... ماشي

وسده للخط طول الطريق اريد بس يباوعلي ميباوعلي

صرت اكلمه

ضرغام باوعلي

ضرغام احجي وياك اني

اني احبك ضرغام ولساتني احبك

ومانسيتك لحضه

حتى من كتلك طلعت وي احد كذب جنت اكذب مباشرة وگفها للسياره حتى اني تفززت وباوعلي بغضب عيونه تجدح نار

... والركص والشرب ولبسج

يعني الي شافتو عيني كذب همممم

انتي وحده كذابه

ومتلونه والف وجه الج

لاتحجين بعد لاتسمعيني صوتج مااريد اسمعو

سكتي

سكتييييييي وضرب على الستيرن مال السياره

وفتح الباب  ونزل من السياره واتكأ بظهره على السياره ولزم راسه

صار يروح ويجي من يم السياره اخر شي ضربها بقبضة ايده طلع حركته بره ورد صعد

نتر

لاتحجين شي لاتذكريني كل شويه

لاتحركينييييييي

سكتي

اوديج لهلج وخلقتج مااشوفها بعد انتهيتي عندي
مالج مكانه عندي بعد ماتسوين شي

بجيت وغطيت ايدي بوجهي
وصرت الوم بروحي اني شسويييييييت

ساقها لسيارته ورحنه لبيته
وكفها امام البيت قبل لاانزل كال

... تتصرفين طبيعي اي شي بينه ماكو افتهمتي
عندي مره جوه وتحبني ومامستعد اكسر خاطرها وقلبها واجرح مشاعرها لو بنظره عابره

لاتندكين بيها وسوالف بنات الملاهي تضميها ومتبينين شي حركاتج وتصرفاتج تغيريها
مو تثيرين غيرتها وتسوين مشاكل مريم تره متخلصين مني اندمج والله بكد حركة گلبي الي حاركتني بيها اندمج

هزيت براسي بمعنى اي ومختنكه كوه مسيطره على دمعتي مو ضرغام هذا
ضرغام ميعاملني هيج

نزل هو ونزلت اني هم

من باوعت لبيته عالي ويجنن  وجبير فتح الباب ودخلت

  تلكتنه زوجته عرفتها من ملكاها وسؤالها وابتسامته هو بوجهها

... هلو حبيبي الله يساعدك

ضرغام... هلو نور

نور... بااستغراب
هاي منو

ضرغام... هاي بنيه سوت حادث وفاقده الذاكره مضيعه اهلها وحتبقه  يمنه لحد مانشوف اهلها وين
اسمها مريم

نور... اتبسمت كالت... هلو مريم هلو حبيبتي تفضلي

فتت وياها
جانت حلوه ومرتبه بلبسها ومكياجها وشعرها
فعلا حسيتها تليق بالضرغام

اني شيجيبني عليها

فتت جوه وهو راح على امه جانت كاعده بالهول حضنها وقبل ايديها وكعد يمها

نور كالت.... عمه يمنه ضيفه اليوم

... منو

نور ... خطيه هاي وحده متعرف اهلها وين فاقده الذاكره وجابها ضرغام يمنه بالبيت

ام ضرغام... عفيه وليدي... الله يقدرك على فعل الخير

نور... والله ضرغام گلبه طيب ماكو منه بالدنيا

باوعلها وتبسم ورد باوعلي ودنك ماحجه شي

نور... اروح اني احضر الغداء

كالت الحجيه تفضلي كعدي وهمست لضرغام شسمها وليدي

همس... مريم

وكالت كعدي مريم يمه خاف بعدج واكفه

... كعدت ومدنكه مستحيه واحس لساني نبلع شويه وطلعو اطفاله

باسو ابوهم

بابااااااا

وهو فتحلهم حضنه وقبلهم واشتغلت شكاويهم واحد يشكي على الثاني بس هو ماسمع لولده وهم يشكون بيناتهم لكن اول مااجت بنته فتحلها ذراعه ثنينها وحضنها قوي

... هله بحبيبة گلب أبوها خو ماضوجوج اخوتج احجيلي

تكلم ابنه... سال ساعه احتي انت متدي بال بس لهاي الحكيلا

الترجمه...
( صار ساعه احجي انت متدير بال بس لهذه الحقيره)

ضرغام.... مو انتو اخ منكم تبجولياها وتضوجوها احجيلي باباتي منو ضوجج

هي متعرف تحجي زين اشرت على ابنه الوسط الي جان يتكلم

باوعله كله... حسين ولك شمسويلها

حسين.. بابا مسويت شي هاي كدابه

ضرغام.. ديربالك تزعلي زهرتي اموتك

قبلها وخلاها بحضنه وهي احسها مثل الي شاخت على اخوتها لما اجه ضرغام

كعدت بحضنه وصارت اي شي بيد خوتها تريده واذا ماينطوها تدير وجه ضرغام عليه وتأشر وهو ياخذه غصبا ماعليهم

حبيت علاقة ضرغام بنته بقيت اباوعلهم تونست على سوالف جهاله

شويه وجابت صينية الغده زوجته نور

فرشت السفره وصارت توزع الاطباق على السفره

التمو على السفره وهي كالت تفضلي مريم

مريم.. مو جوعانه شكرا

باوعلي كال

تعالي على واهس شويه ويانه

كعدت حاولت اكل بس مكدرت اكتفيت باكل قطع من الخبز الصغيره جنت مختنكه مدااكدر اكل ركله صغيره وابجي مدااتحمل

هو مركز وياي انتبه اني مدااكل بس ساكت
مابين كدامهم منتبه

اكلنه وكملنه صارت تلم بالسفره نور وتخلي بالصينيه

دااكوم وياها ماقبلت كالت اليوم ضيفتي ابد متكومين

استحيت منها هواي اخلاقها حلوه تخجل اي انسان
حسيت اني الشريره الي راح اخذ زوجها منها وابني سعادتي على تعاستها خجلت من نفسي هواي وكرهت روحي بلحضتها بس مدااكدر اتقبل هالشي كلما صارت عيني بعين الضرغام

جابت صينية الجاي نور واول ماصبت نطته لضرغام كوب الجاي ابتسمت وكالت
ضرغام يحب الجاي مهيل وهواي يحبه للجاي
نطت لام ضرغام وقدمتلي جاي

اخذته منها وصرت اشرب

تحاول تتكلم وتفتح موضوع بس اني احس بلعت لساني مدنكه وساكته

شويه وكام ضرغام كال حروح امدد ارتاح نور خلي الجهال وي امي ومريم خل تنام بغرفة الجهال

مريم... لا عادي واذا وياهم

تكلم من دون ميباوعلي جان ناطيني ظهره داايطلع من الهول

لا خليج وحدج ترتاحين نور لتنسين ابويه انتي

نور... تدلل حبيبي بعيوني

شفته راح لغرفته وهي اخذتني لغرفة . اولادهم

حلوه حيل جانت اول مره ادخل هيج غرفه وهيج ببت حلو ومرتب

نور... هاي هنا غرفتج وتنامين وترتاحين مراح اخليهم للجهال يفوتون ويزعجوج ارتاحي

مريم... زحمه عليكم احس ضايقتكم

نور... لا بالعكس كل الهلا....  يله اني حروح اشوف ضرغام خاف محتاج شي محتاجه شي انتي قبل مااروح

مريم..  لا اشكرج

طلعت وسدت الباب وراها
واني اتفجرت بالدموع غطيت وجهي بالفراش ابجي بحركة گلب احس بگلبي ينعصر يألمني
ومو من حقي هالشي ابدا

خطيه زوجته شذنبها هم بنيه حالها من حالي وتريد تعيش بضل رجل يحبها ويدللها اجي اني اخذه منها مستحيل

بس مدااكدر اتخطى هالشي ضرغام مدااكدر اتخطاه ولا من حقي الومه على شي بالنهايه هو مااأملني بي
وجان يحذرني بس اني الي رحت بمشاعري تجاهه

بجيت هواي وجنت اخلي ايدي على گلبي من كثر الالم ابجي اريده اني بس مو من حقي فكرة انه اني ويا بيت واحد وهو يم زوجته واني مجرد متطفل دخل لحياتهم صعبه تألم

فكرت بعقل لثواني وكلت ارجع لاأهلي وابدي من جديد واحاول اتخطاه لضرغام ولو ادري هالشي صعب بس اتخطاه احاول انساه عشت وراه 8 اشهر تقبلت فكرة هو مات حتقبل فكرة هو وي غيري

انساك ولو حتى گلبي مايريد هالشي بس انساك
لجل انسانه مثلي وياعالم الله شنو حياتها وضروفها انساك

انت هم بعد متريدني شتسوي بوحده مثلي من الاجرام للنوادي

............ إنني أتألم بحجم هذا الكون
..   ولا أحد في هذه الدنيا اعتقد بأنه يتألم مثلي
..... اتألم من فقدان اهل وروح وحبيب
..... اتألم غيرةً وشوقاً وحباً
....... أتألم كبريائاً..
........ أتألم أنا بحجم هذا  الكون
..... ولاااعتقد ان ألمي سينتهي........

كنت معكم انا رغد الموالي في امان الله ❤