رواية #تراتيل القدر بقلم همس ليل | كاملة
قيّم الرواية:
لا توجد تقييمات بعد
من أحداث الرواية
همس ليل البارت الاول وكفت كدام المراية واني اباوع مامصدكة راح اداوم ...رغم من الليل حددت شلبس ...مع ذلك اربع مرات غيرت ملابسي _يلا يمعودة فضيها صوت اخوي محمد يصيح علي _خلصت نازلة صبر شبيك نزلت ركض على الدرج هاي طبيعتي ومثل كل مرة اجى صوت نبع الحنان يجلجل _شوكت تبطلين هالركضة الا تنكسر رجلج لو يدج يلا _مقبولة منج نبع الحنان تقربت بست الحجي من راسه _يسعد صباحك حبيبي _صباح العافية بنيتي..يابة لازم تكعدين من وكت منا وهيج حتى تلحكين _هية تنبل مال نوم شيكعدها ...والله مستخطي ابو الخط مديت لساني اعيب له...هذا جان اخوي محمد الي اكبر من ٨ سنوات _عوفها من الصبح بديتوا المداهرة مالتكم ماتعبون... _فديت نبع الحنان....بستها اتشوفين شديسوي بية _بابا تعاي تريكي محمد يوصلج بطريقه _اني شعلي بلشت رحمة الله _اختك بابا والوكت هسة مو زين مو مال خط وكفت ورة الحجي ولعبت حواجبي لمحمد بالعناد كعدت بمكاني المعتاد واباوع لعائلتي ربي يحفظهم جانوا...
