تحميل رواية تربيه واصلاح بقلم منار مجدي pdf

الفصل الاول 

ريم:الو يا حور

حور:مال صوتك يا بت

ريم:سيبك من صوتى انا دلوقتي فى الحمام مستخبيه من دراكولا إلى بره ده

حور:عملتى ايه تانى يخربيتك

ريم:شيلت مادتين ،المهم دلوقتى اول ما تقابلى احمد قوليليه ريم بتحبك اوى

حور:احمد مين يا ريم انتى اخر مره قابلتى واد كنتى بتوديه الحميات بعد ما خرشمتى وشه

ريم:مش موضوعنا دورى على اى حد اسمه احمد وقوليله كده 

حور:يا عينى عليك ياعم جمال

ريم:بقولك انا إلى مستخبيه

حور:ما هو من مصايبك حرام عليكى هتموتى الراجل ناقص عمر

ريم:انتى حور ملاك الرحمه انتى ؟ ده انتى بيست تفاح صحيح

حور:ياختى اتوكسى

ريم:يااااختاااااى الباب هيتكسر بصى يا بيست التفاح رغم أن كنز الميردنا احسن واجدع منك بس تعرفى انى بحبك ولما اموت افتكرينى

حور:لا متقلقيش انا واثقه انك هتجيلى فى الكوابيس انا خايفه على عم جمال اكتر منك اصلا.

ريم:اقفلى يا بت اقفلى ،بيست تفاح بصحيح

جمال:هتطلعى بأدبك وله اكسر الباب ده فوق راسك

ريم:امانه عليك يا جمال لتدينى الامان

جمال:امان !ده انا إلى محتاج الامان ،اخرجى يا بت من عندك والنعمه هكسر الباب فوق راسك ،شيلت مادتين!مادتين يا جبروتك مصعبش عليكى فلوسى إلى رايحه كلها على دروسك ،ورايحه فين يا ريم 

ريم بضحك:رايحه الدروس

جمال:جايه منين يا ريم

ريم:راجعه من الدروس

جمال:اهو وله الدروس نفعت وله ريم نفعت 

ريم:براحه يا جمال اعصابك يا عمنا كده غلط على صحتك

جمال:انتى خليتى فيا اعصاب ده انتى هتجيبى أجلى ،اخرجى يابت من عندك اخلصى

ريم:ادينى الامان الاول ،اه أمن تطمن

جمال:اخرجى يابت متغظنيش اخلصى

ريم: يعنى اعمل ايه يعنى يبقا انت والامتحانات عليا كنت عارف ان الامتحانات كانت صعبه،وبعدين هى أول مره يعنى مانا كل سنه بشيل ماده

جمال:مش مادتين 

ريم:مانا بطور من نفسى ،الله انا بحب التجديد ،عشان تعرف بس انك دقه قديمه يا جمال

جمال:برضو بتقولى جمال ،اخرجى يا بت 

ريم:امانه عليك يابو ريم لتهدى اعضائك انا فيا الى مكفينى

جمال:وهو ايه إلى فيكى ،ايه إلى فيكى ياختى ده انتى كل يوم تجيلى بمصيبه ،ده الواد كوته كل يوم يجيلى ويقولى عم جمال عم جمال ألحق ريم فتحت دماغ واحد ألحق ريم كسرت عربيه واحد ألحق ريم حدفت المدرس بالطوب ،ما طبيعى تسقطى مانتى مش بتفضى تذاكرى من مصايبك

ريم:شوفت ورغم انشغالى الشديد نجحت فى ست مواد بحالهم.

جمال:على الحركروك ناجحه فيهم يا دوبك يا بنتى انا مش هعيشلك على طول ،هتعملى ايه بعدى.

خرجت ريم من الحمام:وبعدين بقا فى السيره إلى تسد النفس ديه ربنا يديك طوله العمر

جمال مسكها من قفاها:اخيرا خرجتى

ريم:بتغفلنى يا جمال ،على فكره مش رجوله تضحك على بنات الناس بالاسلوب ده

جمال:ده انا هفرتك بنات الناس دلوقتى ساقطه فى مادتين يا موكوسه

ريم:ماده ونص لو سمحت الكمبيوتر ماده مش اساسيه عندنا

جمال:فى طفله محترمه تسقط فى الكمبيوتر يا موكوسه

ريم:مانت مكنتش بحضر دروس بقا والصراحة كنت بزوغ من الحصص فى المدرسه عشان ماده مش مهمه يعنى

جمال:اديكى سقطتى يا موكوسه طيب ده الكمبيوتر بالنسبه للانجليزى.

ريم:وه انت عايزنى اخون لغتى الام لغه بلدى إلى عيشت واتربيت فيها ١٥ سنه بحالهم

جمال:اه يا قلبى إلى واجعنى 

ريم:متعملش فى نفسك كده يابوى ياجمر ،اقولك على حاجه انا مش نافعه فى تعليم ماتجوزنى الواد كوته الفتان ده

جمال:اتوكسى هو هيرضا بيكى

ريم:هو يطول اصلا

جمال:يابنتى الواد لو شافك ماشيه فى شارع بيمشى الناحيه التانيه

ريم:واد قلبه اسود اوى يا جمال والله مكنش مره فتحت دماغه يعنى بدل ما يقولى فدايا

جمال:يا مفتريه انتى عارفه انتى طالما مش نافع معاكى الادب انا هدخلك مدرسه داخليه عسكريه عشان تتربى وتقولى حقى برقبتى 

ريم:اهون عليك يا جمال

جمال:اه تهونى وبطلى تقوليلى يا جمال بتعصبينى بزياده 

سابها ومشى

ريم:اكيد بيهزر ،بيهزر مش كده؟بيهزر بيهزر

عند جمال بيتكلم فى التليفون:اهلا اهلا باللواء جلال

جلال:اهلا بالناس الى مش بتسأل عامل ايه يا جمال وازى البت ريم اخر مره شوفتها كانت تلت سنين

جمال:والله يا جلال مغلبانى كل يوم تجيلى بمصيبه وآخره المتمه شالت مادتين 

جلال:تجيلك بمصيبه ازاى ؟بتمشى مع ولاد يعنى

جمال:ياخويا ياريت والله ،اى حاجه تثبت أنها بنت، ده الولاد إلى بشنبات لما بيلقوها فى الشارع بيهربو ،اه والله بيهربو احسن يتخرشمو

جلال بضحك:شكل شخصيتها قويه

جمال:عشان كده كلمتك عايزك تتدخلها المدرسه عندك .

جلال:بس ديه مدرسه داخليه للبنين

جمال:اعمل اى حاجه بقا مش انت صاحب المدرسه تتصرف مش صاحبى انت وله ايه

جلال:طيب طيب هتصرف واكلمك

قفل جمال مع جلال

جمال:أما وريتك يا ريم ،مش انتى مسترجله اشربى بقا،اما نشوف هتصمدى قد ايه هناك .

الفصل الثاني 

ريم:تفتكرى بيتكلم جد

حور:اعتقد أنه مش بيهزر

ريم:بت يا حور انا عمرى ما شوفت مدرسه داخليه للبنات ابدا هى عامله ازاى

حور:هو قالك عسكريه مش كده اعتقد هتبقا زى الجيش

ريم:لا فهمت كده جدا مش عارفه من غيرك كنت عملت ايه 

حور:اى خدمه

ريم:حور متعصبنيش عليكى يابنتى انتى ح'وله انا معرفش الجيش ده بيعملو فيه ايه اصلا

حور:بجد

ريم:تخيلى اصلى مكنتش ولد قبل كده 

حور:ااااه معلش سورى الجيش ده حاجه عسكريه كده ولبس موحد مق'رف وبوط طويل جملى م'قرف برضو وريحه قر'ف والواد حمزه اخويا كان بيقول أنهم بيكلو عك فى عك امم وايه كمان ايه كمان اه وبيصحو خمسه الفجر يعملو تمرينات ويجرو تحت المطره فى الفجر و

ريم بمقاطعه:ايه ده كله حمزه قالك كل ده

حور:لا طبعا ده تخيلى

ريم:غورى يابت انتى من هنا غورى

حور:ياختى انا غلطانلك 

ريم:متغلطيش تانى بقا كمان اظن بابا مش هيعمل كده انتى عارفه هو مش هيعرف يقعد من غيرى ثانيه واحده 

حور:ياختى ده لما هيصدق

ريم:متعرفهوش انتى ده جمال ده بي'موت فى دباديبى.

حور:صدقينى لما هيصدق

ريم:امشى يا حور من هنا انتى ايه جابك اصلا

حور:ياختى انا غلطانه ،لحظه انتى إلى عندى 

ريم:تصدقى صح أنا ايه جابنى

حور:انا عارفه

ريم:حساكى معترضه

حور:هو انا اقدر يا كبير

ريم:ايوه بحسب

حور:اللهم لا اعتراض يا رب بس ليه

ريم:بتقولى حاجه يا حور

حور:بشكر ربنا على صحبتى القمر

ريم:اى خدمه عدى الجمايل

فى البيت

ريم:جمال انا جعانه

جمال:بت انتى انا مش طايقك

ريم:ام'وت من الجوع يعنى يا جمال يرضيك

جمال:روحى سخنيلك اى حاجه من التلاجه أجرى وابعدى عن وشى

ريم:وانت مش هتاكل

جمال:مش عايز اط'فح

ريم:خلاص مش واكله وقلبى غ'ضبان عليك يا جمال

جمال بص ليها بضيق

ريم لبطنها:معلش يا بطنى بقا هننام من غير اكل عشان جمال مش عايز ي'طفح

جمال مسكها من قفاها:بت انتى مين حدفك عليا

ريم:بقا مش عارف يا جمال يا ش'قى 

جمال ضحك:انتى طالعه كده لمين امك كانت هاديه ورقيقه

ريم:نحن نختلف عن الاخرون يا عنيا

جمال ضحك:تعالى لما نط'فح

ريم بفرحه:يالا نطف'ح

بعد شويه وقت

ريم:كل يا جمال واتغذى كويس بقالك فتره مش عاجبنى أكلتك خالص 

جمال:انتى كنتى فين وانا بربيكى

ريم:فى أجازه

جمال وهو بيستعد عشان يض'ربها على قفاها:اجازه قولتيلى

فجأة تليفونه رن

ريم:لقد نصرنا الله

جمال:فلتى ،ألو يا جلال

ريم:تؤتؤ يا جمال مش نافع تليفون على مائده الطعام ،ده ايه التسيب ده

جمال:يابت انكتمى

ريم:خلاص يا باشا انا غلطانه بنفكوكو

جمال:بس ايه انا قايم احسن ، ايوه يا جلال

جلال بضحك:ديه ريم

جمال:اه يا سيدى قولى عملت ايه

جلال:ابعتها بكره بس لازم

ريم بمقاطعة:يا جمال الاكل هيخلص وانا مش ضامنه نفسى بقا

جلال بضحك:طيب يا جمال هبعتلك إلى المفروض تعمله فى رساله مش قادر الصراحه على الضحك ده سلام

جمال:ده كده ولسه مشوفتهاش اومال بقا لو شوفتها

جلال:هنفخ'ها متقلقش عليا ده انا اللواء جلال برضو

جمال:بس هى بنتى برضو يا جلال

جلال:متخافش عليها مش انت واثق فيا

جمال:لو مش واثق مكنتش كلمتك

جلال :طيب اسيبك بقا مع ريم اشبع منها عشان هاخدها منك

جمال:بس خلى بالك البضاعه المباعه لا ترد ولا تستبدل

جلال:لما نشوف مين إلى هيجى يقولى رجعلى بنتى

جمال:مش هيحصل الكلام ده

جلال:هنشوف 

ريم:الله جرا ايه يا جمال التأخير ده كله 

جلال:سلام يا جمال

جمال:سلام

ريم:بتكلم مين كل ده متقوليش هتجيبلى مرات اب قريب

جمال:اخرسى يا مقص"وفه الرقبه

ريم:انا بقولك عشان هتشيل ذنبها لما ام'وتها

جمال:اه منك يا تع'بانى

ريم:ربنا يخلينى ليك وافضل اتع'بك دايما

جمال:يالا نكمل اكل

ريم :يالا

تانى يوم

جمال: اصحى بقا 

ريم:يوووه بقا سيبنى انام شويه

جمال:يالا يا بت هنتأخر على المعاد اخلصى

ريم:معاد ايه ،نهارك ابيض يا جمال ،ناوى تتجوز عليا والعيال إلى بينا كل ده مش همك

جمال:جواز ايه قومى بقا انا كبرت على الكلام ده

ريم:مين ده إلى كبر اقسم بالله لو مكنتش ابويا كنت طاردتك لحد ما تتجوزنى

جمال بضحك:قومى يا بت قومى

ريم:قولى هنروح فين الاول 

جمال:مشوار هيعجبك

ريم:هنتفسح هااااى

قامت جرى من على السرير تلبس

جمال:هتوحشينى يا مقص'وفه الرقبه

فى العربيه

جمال:مش عايزك تكسفينى قدام صاحبى يا ريم وبلاش جمال ده 

ريم:طيب طيب هقولك يا بابا هشرفك يا جمال متقلقش

جمال:ربنا يستر

وصلو مكان فاضى

ريم:ايه الحته المق'طوعه ديه يا جمال

جمال:ده ضهر المدرسه بتاعت عمك جلال صاحبى

ريم:ااااه 

جلال خرج بكل هيبه:اهلا اهلا بجمال باشا

جمال:اهلا يا جلال عامل ايه

جلال: الحمدلله هى ديه بقا ريم

ريم:اه ا

جمال:ريم

ريم:ايه

جلال:لا احنا قاعدين شويه مع بعض الاحسن ناخد على بعض مش كده يا ريم

ريم:انا بقول كده برضو

جلال:انا اللواء جلال صاحب ابوكى من زمان

ريم:تشرفنا

جلال:اتفضلو معايا عشان افهمها شويه حاجات

ريم بصوت واطى:جمال ايه شويه حاجات ديه هو انا جايه عشان يفهمني انا مالى هو صاحبك انت

جمال:اسكتى وانتى تفهمى

دخلو مع جلال مكتبه

جلال:اهلا بيكى يا ريم فى مدرستى الداخليه للبنين

ريم:اهلا 

جلال:هتنورينا هنا لحد ما تصرفاتك تتحسن

ريم:منوره بصحابها,لحظه لحظه مين إلى هينور المدرسه هنا؟

جلال:انتى

ريم:بابا ايه الهزار ده ديه مدرسه بنين بعدين اللمبه قصرت فى ايه لازم انا إلى انورها يعنى

جلال:عارف انها مدرسه بنين وانتى هتبقى واحد منهم

ريم:نعم!

جلال حط قدامها باروكه:خدى ديه هتلبسيه وبكده هتبقى واحد من البنين

ريم:نعم نعم يا عنيا

جمال بصوت عالى:رررريم

ريم:انت خليت فيها ريم يعنى ايه يعنى البس البتاعه ديه وابقا ولد 

جمال:هو كده لحد ما تتأدبى

ريم:قولى انك بتهزر صح

جمال:لا مش بهزر يا ريم انا تع'بت منك بقا ده الحل الوحيد

ريم:بتبعتنى مدرسه داخليه عشان تعبت منى؟!

جمال:ايوه

ريم:وسط ولاد ابقا انا البنت الوحيده وسط الولاد دول كلهم مش خايف عليا(بقلمى منار مجدى)

جمال بص لجلال:لا مش خايف

ريم:تمام ومستنى ايه يالا امشى

جمال:ريم

ريم:نعم فى حاجه تانيه

جلال:جمال جبت الهدوم إلى قولتلك عليها

جمال:ايوه الشنطه بره

جلال:طيب هبعت حد ياخدها

ريم اخدت الباروكه :فين الحمام لو سمحت

جلال:هناك 

ريم دخلت الحمام من غير ما تبص لجمال

جمال:جلال رأيك ذوتها

جلال:لا انت كده ماشى صح لازم تعرف انها لما تغلط لازم تتعاقب 

جمال:طيب انا كده هشوفها امتى

جلال:فى الاجازه الكبيره بقا

جمال: واجازه الترم

جلال:ديه بتبقا عباره عن رحله تخييم للطلاب 

جمال:يعنى كده مش هشوفها غير اخر السنه ديه

جلال:ايوه ومتقلقش هحافظ عليها واسلمهالك وهى كويسه جدا كمان

جمال:يارب بس يا جلال يارب تتعدل ،مفيش اب بيتمنى يشوف بنته وحشه أو حتى يسمع عنها انها متشرده ومش لاقيه حد يلمها أو حتى أنها كده عشان مش عندها ام تعلمها الصح 

جلال:انا عارف كل ده يا صاحبى متقلقش هعتبرها بنتى زيها زى سيف ابنى 

جمال:نعم

جلال:هعتبرها بنتى يعنى 

جمال:وعاملها بحنيه ومتقسيش عليها يا جلال بنتى يتيمه الام 

جلال:اهو قلبك الرقيق ده هو إلى بوظها خلاص بقا قوى قلبك كده اومال

فى الحمام 

ريم بتظبط الباروكه ودموعها نازله

ريم:بعيط؟ بعيط ليه ؟ مفيش سبب عادى يعنى هو عايز مصلحتى حتى لو كانت انى ابعد عنه أو حتى اكل من غيره واعيش من غيره اه زعلانه منه عشان عمل كده بس انا السبب لو كنت بنت كويسه مش تصرفاتى كلها زى الولاد مكنش عمل كده هو برضو عمل إلى عليه حاول معايا كتير انى اتغلط وانا إلى مكنتش بتعلم بس اعمل ايه طول عمرى وانا عايزه ابقا زيه راجل ملوى هدومه مش محتاج حد فى حياته بس مكنتش فاكره أنه مش محتاجنى انا كمان يظهر انى لازم ابقى لوحدى واتعلم ازاى ابقى كويسه واعرف الصح واعمله مش اعرفه واطنشه كفايه دلع بقا يمكن لو اثبتله انى بقيت احسن يرجع ياخدنى انا عارفه جمال مش هيعرف يقعد من غيرى انا عارفاه.

خرجت ريم بعد ما مسحت دموعها

جمال عرف انها كانت بتعيط:ريم

ريم بصت لجلال:فين الاوضه إلى هعيش فيها

جلال:امشى شمال واسالى عن اوضه ٦٥ 

ريم:تمام

خرجت ريم

جمال:كانت بتعيط يا جلال ريم عمرها ما عيطت انا كسرتها

جلال:بس بقا يا جمال بطل اوفر هى هتبقا كويسه يالا انت كمان مش عندك شغل فى القسم

جمال:اه للأسف خلى بالك منها يا جلال بنتى امانه فى رقبتك

جلال: متقلقش فى عنيا

عند ريم :فين الاوضه المنيله ديه كمان

خبطت فى حد

سيف بصوت عالى:مش تخلى بالك يا زفت انت

ريم خشنت صوتها:انت إلى مش بتبص قدامك يا زميلى وبراحه على نفسك شويه 

سيف:مين انت يالا

ريم:ميخصكش يا صاحبى ماشى والاحسن تبعدى عنى طول مانا فى المخروبه ديه ده لو م عايزنى اكسرها فوق دماغك سامع

سيف:انت مش عارف انا مين وممكن اعمل فيك ايه ياض انت

ريم بعصبية:تكونش رئيس اتحاد الأمم المتحده

سيف:ايه

ريم:بقولك ايه انا مش فى مود تكسر دماغك انا تعبانه فين ام الاوضه المنخوسه ديه كمان

سيف:تعبانه!

ريم بسرعه:مين إلى تعبانه الجو اه انا عارف المدارس ديه تلاقى كل واحد ماسك تليفونه وبيكلم البت بتاعته

سيف:اسكت بقا انت إلى قولت تعبانه

ريم:لا ده العيب على سمعك يا صاحبى انا بقول انا تعبان ومش فايقلك الصراحه بنى ادم براس بخاخه

سابته ومشيت

سيف:مجنون ده وله ايه انا هشوف بابا واشوف ايه حكايته ده فى مكتب جلال قبل ما يمشى جمال

سيف:بابا طلبتنى

جلال:اهو ده ابنى سيف يا جمال وهو هياخد باله من ريم عشان متتكشفش

سيف:اهلا يا عمى بابا قالى عن ريم متقلقش عليها 

جمال:مش قلقان يابنى غير عليكو والله

سيف:ايه

جلال:سامع حد بيتكلم كده 

جمال ضحك:خلاص بس لو البت حصلها حاجه هقفلك المدرسه

جلال:خلاص بقا ياعم قرفتنا انت وبنتك

جمال:اعيش واقرفك عادى يعنى صاحب ببلاش وله ايه

سيف ضحك:بابا ارجع الأوضه دلوقتى

جلال:اه يا سيف هتلاقيها فى الاوضه دلوقتى ومنها وصلت

فجأة سمعو صوت تكسير

جمال:ديه اكيد ريم

جلال:جمال انت لازم تمشى دلوقتى

جمال:طيب بس طمنى ماشى

جلال:اكيد

جرى جلال وسيف يشوفو فى ايه

كان واقف ولد وماسك كتبه ولابس نضاره قرأه كبيره وواقف بيبص لريم بصدمه إلى ماسكه واد تانى نازله فيه ضرب

جلال شدها بعيد عن الواد

سيف:يوسف فى ايه

يوسف:انا مش عارف مين ده اصلا معملتلوش حاجه

ريم:يالا يا كداب هتتشوى فى نار جهنم 

يوسف:واد انت انا ساكت احتراما للمدرسه

ريم:قال يعنى انت كنت تقدر تعمل معايا حاجه

جلال:باااااس ايه حصل

يوسف:انا كنت واقف وبهزر مع عمر شويه وفجأة ده أتدخل وفضل يضربنى

ريم:محصلش الاخ ده كان ماسك عمر بيبستفه وبيهدده أنه لو معملتش الواجب بتاع الرياضه هيعمل معاه الصح

جلال:عمر الكلام ده صح

عمر بص ليوسف إلى برقله وخاف:لا يا حضره اللواء زميلنا الجديد اختلط عليه الأمر بس احنا كنا بنهزر

ريم:واد انت بياع وانا غلطان انى كنت بدافع عنك انت تستاهل 

جلال:بس بقا اعتذر حالا من يوسف والا تستعد للعقاب

ريم:مش هعتذر من حد انا مش غلطان

جلال:تمام عقابك بعد نص الليل فى الحوش تجرى فيه خمسين دوره ولو معملتهاش هتتحبس فى الانفرادى اسبوع

الفصل الثالث 

جلال:مفهووووووم

ريم:مفهوم

سابها جلال ومشى

ريم بصت لعمر بعصبيه وجت تمشى

عمر:انا اسف بس

ريم:مش عايزه اسمع عذرك لانه هيبقا عذر ضعيف زيك

عمر:اسمعى انا عايز اتخرج من هنا على خير مش بحب المشاكل

ريم:عشان كده سايبه يستغلك انت عبيط ياض انت هو كمان هيتخرج على قفاك المنور ده

عمر: اعمل ايه يعنى ده لو عملت معاه مشكله احتمال اتطرد من هنا ده صاحب سيف 

ريم:مين سيف يعنى العمده بتاع المدرسه ما هو حته عيل زينا لا راح وله جيه

عمر:لا انت جديد مش عارف سيف ده ابن صاحب المدرسه هنا واول ما هيتخرج هو إلى هيمسك المدرسه ديه كلها

ريم:يمسك نفسه بس بعدين بقولك ايه انا محتاج اريح قبل العقاب إلى بسببك

عمر:انا مدين ليك بخدمه قولى ازاى اساعدك

ريم:اسمع يا اسمك ايه صحيح

عمر:انا عمر 

ريم:اسمع يا عمر مش معنى أنى دافعت عنك انك تردهالى انا دافعت عنك عشان انا مش بحب اشوف الظلم لكن انت مش مضطر تردلى اى حاجه.

عمر:طيب براحتك

ريم:رايح فين

عمر:مش انت مش محتاج خدمه

ريم:لا انا بتكلم عمتا بس انا محتاج مساعده دلوقتى

عمر:اهو بدأنا عايز واجب ماده ايه رياضه كيميا وله فيزيا

ريم:ايه ده يابنى واجبات ايه انا مش بتاع الكلام ده انا عايز اعرف فين الاوضه٦٥ 

عمر:اوضه سيف بس ليه

ريم:اوضتى 

عمر:اتشاهد بقا

ريم:ليه يعنى 

عمر:عشان يوسف وسيف مش هيرحموك

ريم:قولتلك على نفسهم مش عليا اخلص قولى فين الأوضه واتكل بقا انا تعبان

عمر:هى الاوضه إلى هناك ديه

ريم:تمام شكرا يا صاحبى

عمر:صاحبك!

ريم:اه صاحبى مش عايز

عمر:لا خالص بس اول مره حد يبقا عايز يبقا صاحبى ومش عايز منى اى حاجه لا وبيدافع عنى كمان.

ريم ضحكت:ايه يابنى كل ده انت من المستضعفين فعلا مش بتهزر

عمر ضحك:ثوانى انت اسمك ايه

ريم:ريم..احم احم رامى اسمى رامى

عمر:للحظه سمعت ريم يمكن انا مش سمعت كويس

ريم:ريم ايه يابنى انت واقع على ودانك وله ايه

عمر ضحك

ريم:سلام

دخلت ريم الاوضه:واخيرا لما نشوف مين سيف ده كمان المدرسه هنا محتاجه اصلاح وانا هصلحها 

سيف:ليه عامل اصلاح حضرتك وبعدين انت بتعمل ايه هنا مش خايف على عمرك

ريم:انت! ايه جابك اوضتى

سيف:انت فوق ديه اوضتى انا سيف ابن اللواء جلال صاحب المدرسه ديه كلها

ريم:ايوه يعنى المفروض اعمل ايه اضربلك تحيه سلام ابعد ياض من وشى

شافت شنطه عرفت انها ليها اخدتها ودخلت الحمام

سيف ابتسم بخبث:شكلى هتسلى جامد السنه دى

ريم فى الحمام

ريم:الباروكه ديه بتهرشنى اوى ،بقيت اجدع ولد فيكى يا حاره ، اعتقد كده انى جيت غلطه كان المفروض ابقا ولد يالا مش مشكله بنت حلوه برضو اخد دش بقا واغير هدومى وانام كام ساعه وبعدين استعد للعقاب ،عقاب وفى اول يوم مدرسه والله استاهل إلى جمال عمله فيا ،وحشتنى يا جمال المكان هنا وحش عشان انت مش فيه.

اخدت ريم دش وعدلت الباروكه وثبتتها كويس ولبست بنطلون چينز ازرق وعليه تشيرت تركواز اوفر سيز واصل لركبتها وكمه طويل بس هى رفعته شويه 

ريم:يالا استعنا على الشقا بالله

خرجت ريم

سيف وهو بيبصلها من فوق وتحت:اسمك ايه بقا 

ريم:وانت مالك 

سيف:يخربيت برودك ياخى مش لازم تقولى انا هعرفه لوحدى 

ريم:اوعى الواد إلى مقطع السمكه وديلها ورينى شطارتك بقا

سيف:انت بتعمل ايه

ريم:هنخمد عايز ايه انت

سيف:انا بنام تحت انت هتنام فوق

ريم:لا هنام تحت وشغل الحضانه ده كبرنا عليه

سيف:براحتك انا حذرتك

ريم:انسان مستفز

نامت ريم واستغطت كويس

الساعه عشره قامت ريم

ريم وهى بتدعك عينيها:انا فين

سيف على المكتب:ايه فقدت الذاكره

ريم:ياريت بجد انت بتعمل ايه لا متقولش بتذاكر 

سيف:اه بذاكر ايه الغريب يعنى

ريم ضحكت بسخرية:المفروض اصدق صح بس للاسف مش قادر اصدقك

سيف:انت عبيط ياض انت

ريم:الاحسن تحترم نفسك ده لو مش عايزنى ابعتر بكرامتك الارض

سابته ومشيت

خرجت من الاوضه

كان عمر خارج من المكتبه:اهلا رامى

ريم:اهلا عمر بتعمل ايه هنا

عمر:كنت برجع كتب للمكتبه وانت

ريم:انا الصراحه جعان ايه بيتاكل فى المدرسه النحس ديه

عمر :تعال معايا

ريم:فين

عمر:اوضتى

ريم:ليه

عمر:انت كنت نايم وفوت معاد العشاء انا شيلت ليك اكل

ريم:ايه الكرم ده كله

عمر:مش صاحبى ده واجبى

ريم:لا جدع فين بقا الاكل عشان مش أكلك انت شخصيا دلوقتى

عمر ضحك:تعال

دخلت مع عمر الاوضه ومحاسن الصدف أن الأوضه ليوسف كمان

يوسف:ايه جاب ده هنا

ريم:عمر سامع صوت هوهوه

عمر:لا مفيش كلاب هنا فى المدرسه

ريم:انت طيب اوى يا عمر 

عمر ضحك:وانت غريب اوى

يوسف:مردتش يا عمر بيعمل ايه ده هنا

عمر:جاى معايا 

يوسف:شكل العقاب الاول مش مأثر عايز عقاب تانى

ريم:لو كل واحد فى البلد ديه خلاه فى حاله بجد البلد ديه هتبقا احسن بلد فى الدنيا

يوسف:واد انت لسه متعرفنيش

ريم:مش عايز اعرفك اصلا

عمر:شباب اهدو

سيف:يوسف انت مش قولت هنلعب سوا جيم

ريم:روح ألعب بعيد يا شاطر

سيف: ده بيعمل ايه هنا ده

ريم:هو انتو مش وراكو شغلانه غيرى

عمر:شباب رامى جيه معايا بس عشان ياخد العشا بتاعه 

سيف بابتسامه سخريه:اسمك رامى

ريم:والله أسمى ميخصكش فى حاجه يا ريت تاخد صاحبك وتطرقنا بقا عشان الواحد يطفح بنفس

يوسف:ما تطفح هو احنا قاعدين فوق راسك

عمر:رامى خلاص انت ياعم جاى تاكل مش تتخانق

بصيت ريم للساعه:عندك حق عدى ساعه بحالها بسببهم 

عمر:انا اسف تانى يا رامى العقاب ده بسببى

ريم:يابنى عقاب ايه ديه رياضه بس بقا بلاش عبط وفين الاكل ه'موت من الجوع

عمر ضحك وادالها الاكل

أما يوسف وسيف خرجوا

فى طريقهم

جلال:اقف انت وهو عندكم 

سيف:بابا

جلال:ورايا انتو الاتنين

فى المكتب

جلال:ايه إلى حصل مع الطالب الجديد

يوسف:قصدك رامى يا فندم حضرتك كنت واقف

جلال:لا مكنتش موجود وقبل ما تخترع اى كذبه أحب اعرفك انى عرفت الحقيقه كلها الاحسن تقول 

سيف:بابا انا معرفش اى حاجه من إلى حصل انا كنت هنا

جلال:بس عايز يوسف يقول الحقيقه دلوقتى وقدامك

يوسف بص فى الارض

جلال:يبقا كلام الطالب الجديد صح تمام تعتذر منه بكره فى التدريب وسط زمايلكم كلهم اتفضل يالا من هنا

يوسف:حاضر يا فندم عن أذنك

جلال:استنى يا سيف

مشى يوسف

سيف:ايوه يا بابا

جلال:هى ديه الطريقه إلى تحافظ بيها على الامانه ،انت عارف ابوها قلقان عليها قد ايه كنت فاكر أن انت إلى هتبقا فى ضهرها مش عمر ،عمر إلى جيه وقالى وكمان كنت متوقع انك انت إلى تيجى وتقولى مش تدافع عن صاحبك وفى الغلط.

سيف:بابا انت فاهم غلط انا بجد مكنتش اعرف حاجه

جلال:تمام يا سيف والاحسن ليك انك تحسن علاقتك معاها عشان تفضل تحت نظرنا ونعرف نخلى بالنا منها مفهوم

سيف:مفهوم

جلال:اتفضل على اوضتك

خرج سيف

جلال:البنت ديه فيها جدعنه الدنيا بس حظها هو إلى دايما مش واقف معاها

عند ريم

ريم:هنا بقا الحوش

عمر بزعل:اه

ريم:ممكن افهم انت مضايق ليه دلوقتى انا إلى بتعاقب مش انت 

عمر:بتتعاقب بسببى انا هفضل هنا معاك لحد ما تخلص

ريم:هتجرى معايا

عمر:الحقيقه لا بس لو عايز انا ممكن أجرى ،مش مهم ممكن ادهن فولترين بعد ما نخلص

ريم ضحكت:لا ياعم اقعد انت عشان الفولترين يقضينى

عمر ضحك

ريم:يالا استعنا على الشقا بالله عايزك تعدلى وتشجعنى

عمر:اكيد طبعا

جلال:مش محتاج تشجعه عمر على اوضتك يالا مش عايز تأخير عن التدريب الصبح

عمر:بس

جلال:رامى هيجى وراك برضو 

عمر:بجد طيب لو كده يبقا تصبح على خير

مشى عمر

جلال:عجبنى اسم رامى

ريم:رامى على وزن ريم

جلال ضحك:اه فعلا طيب يالا على اوضتك

ريم:والعقاب

جلال:عمر قالى الحقيقه

ريم:يحيا العدل

جلال:بس خلى بالك يا ريم لو الموضوع اتكرر هتتعاقبى انتى وهو معاكى ايه رأيك

ريم:هحاول ابعد عن المشاكل

جلال:ياريت رغم انى اشك فى انك تقدرى تعملى كده

ريم:سمعتى سبقانى اعمل ايه

جلال:اخبارك ايه مع سيف

ريم:هو ده ابنك

جلال:اه

ريم:أبرد وأتنح وأرخم حد عرفته فى حياتى كلها

جلال:وايه كمان

ريم:بس جدع ،جدع جدع متزعلش 

جلال ضحك:هتتعبينى يا ريم

ريم:اه هيحصل فعلا بس عايزاك تعرف أنه مش بيبقا قصدى عارف لو منك ارجعنى لأبويا

جلال:افتكرتك زعلانه منه

ريم:اكيد زعلانه بس ده برضو ابويا وانا مش عندى اعز واغلى منه انا بس خايفه عليه اكل او لا شرب أو لا كويس وله تعبان خايفه عليه يمكن عشان اول مره انام بعيد عنه 

جلال:هتتعودى

ريم:هو انا هطول؟

جلال:كله فى ايديكى لو اتخرجتى السنه دى من غير مشاكل ومن غير ملاحق وتصرفاتك بقيت احسن ،مين عارف مش يمكن اقدر اقنعه يرجعك مدرستك

ريم:بجد، اوعدك هعمل إلى هقدر عليه،جمال وحشنى اوى

سابته ومشيت وهى متحمسه عشان تبتدى السنه ديه جد

جلال فى التليفون:سمعت بودانك

جمال:بنتى وحشتنى اوى يا جلال انا هاجى أخدها بكره

جلال:وبعدين معاك يا جمال ما أهى قدامك كويسه واتعرفت على ناس حتى من قبل ما تبدأ لازم تقوى قلبك شويه عشان نقدر نكمل إلى بدأناه

الفصل الرابع 

فى الاوضه

سيف:اسمع انا بجد مكنتش اعرف الى يوسف عمله

ريم:انت سخن وله ايه

سيف:لا انا كويس ليه بتسأل

ريم:اصل مش معقوله لسه بفتح الباب الاقى كل الكلام الغريب ده ومنك انت 

سيف:ليه مالى انا مش ملاحظ انك ظالمنى من اول ما جيت هنا وانا مكلمتكش اصلا

ريم:ياعم انا مش مستلطفك انت مش نازلى من زور اصلا

سيف:ليه يعنى كل ده هو انت معاك طار معايا

ريم:اهو هو كده بقا

سيف:رامى انا شايف اننا نبقا أصحاب احسن اصل يعنى مش هنفضل طول السنه كده واحنا عايشين مع بعض فى اوضه واحده

ريم:اه تصدق عندك حق

سيف:شوفت

ريم:بكره هطلب من اللواء يغيرى اوضتى ممكن أبدل انا وصاحبك يبقا صاحبك معاك وانا مع عمر

سيف:انت شايف أن ده لمصلحتك؟

ريم:تقصد ايه

سيف:براحتك تمام بس خليك فاكر أن انت إلى طلبت كده تمام

ريم:ناوى على ايه 

سيف:وله حاجه هنام عايز حاجه

ريم:نام فوق انا مكانى تحت

سيف:حقيقى مش فاهم ايه شغل الحضانه ده انا عايز انام

راح ونام تحت

ريم:انسان رخم

طلعت ريم فوق ونامت 

تانى يوم صحى سيف وحاسس بحاجه ماشيه على وشه 

فتح عينيه لقاه شعر ريم الطويل نازل عليه 

سيف:اوف ايه البتاع ده كمان ياربى هصحى كل يوم على القرف إلى ريحته حلوه ده لحظه ايه ده ريحه كرز بتغسل شعرها بشامبو ريحته كرز لايق عليه ريحه الكرز وهو اسود وناعم كده وطويل ازاى هى شبه الملايكه كده وهى نايمه ولما تصحى بتقلب دراكولا أما انتى بنت غريبه اوى يا ريم .

حس بيها هتصحى عمل نفسه نايم

قامت ريم وهى بتستوعب هى فين واخيرا لاحظت أن الباروكه وقعت قامت تجرى ونزلت وكانت داخله الحمام بس افتكرت انها نسيت الباروكه على السرير رجعت اخدتها ودخلت الحمام

قام سيف من النوم:لا وعايزه تروح فى اوضه عمر ،عمر مش هيستحملها زى، انا مفيش حد زى اصلا ،مفيش منى بجد

بعد فتره خرجت ريم لما جهزت

سيف:كل ده فى الحمام كده هتأخر بسببك على التدريب

ريم:تدريب ايه الساعه خمسه ونص بعد الفجر

سيف:اهلا بيك فى المدرسه العسكريه

سابها ودخل الحمام

ريم: نينينينينى

عمر خبط على الباب:رامى صحيت وله لسه يالا اصحى هنتأخر على التدريب الكوتش هينفخنا هيمرمط بكرامه إلى جابونى الأرض افتح يابنى

ريم فتحت: انا صاحى بس تدريب ايه إلى الساعه خمسه

عمر:التدريب الساعه سته والمفروض نبقا هناك قبلها عشان الكوتش ميضايقش

ريم:بس انا عايز أفطر الاول

عمر مسك أيديها وشدها:بس هنفطر بعدين تعال معايا يالا

وصلو الحوش 

ريم:وبعدين بقا انا عايز اكل بطنى بتصوصو انا متأكد انك سامع صوتها من عندك

عمر:الصراحه ايوه الظاهر انك مش بتستحمل الجوع

ريم:الجوع قاتل يا عمر

عمر: متقلقش هنا هتنسا تاكل اصلا عشان مش هيبقى فى وقت للاكل 

الكوتش فرج:صباح الخير 

الطلاب:صباح النور يا كوتش

فرج:ايه الصوت الواطى ده هو ده تدريب بنات وله ايه

الطلاب بصوت اعلى هز المدرسه:صباح النور يا كوتش

فرج:ايوه كده الظاهر فى عندنا وجه جديد عرف عن نفسك يابنى

ريم:الطالب رامى جمال يا كوتش

فرج:عجبنى قوه شخصيتك متقلقش هتنبسط معانا هنا يالا نبدأ

سيف:انا اسف اتأخرت

فرج بص فى الساعه:سته الا دقيقه بالظبط 

سيف ابتسم

فرج:بس انا وصلت الاول عارف ده معناه ايه

سيف اتنهد

فرج:لا مش ديه المعنويات المطلوبه يالا يا وحش خمس دورات حوالينا الملعب 

سيف بصوت عالى:حاضر يا كوتش

فرج:حضرلك الخير يارب ،انتو واقفين بتتفرجو على ايه يالا على التدريب

ريم كانت واقفه مش عارفه تعمل ايه فجاه لقيت الطلاب كلهم بيعملو ضغط

فرج بص ليها:مستنى عزومه يالا ابدأ مع زمايلك

ريم وطيت وبعد اول ضغط وقعت فى الارض

فرج: قوم ياض انت كده

ريم قامت

فرج:ايه ده فين عصبك

ريم:ايه

فرج مسك أيديها:ايه الايد ديه ضعيفه اوى

ريم شديت ايديها بزعيق:فى ايه حضرتك متمسكش ايدى كده

فرج بص برفع حاجب:ومامسكش ايديك ليه بقا أن شاء الله مين هيمنعنى

سيف بسرعه:انا خلصت يا كوتش

فرج:استنى انت وانت ادينى سبب دلوقتى ميخلينيش افرتك وشك

ريم:سبب بسيط احنا فى مدرسه وهنا بنتعلم مش بنضرب ونتهان وله انت مدخلتش مدرسه قبل كده ومتعرفش

فرج:اه فعلا فى مدرسه مفيش ضرب واهانه لكن اقدر اعاقبك انت محروم من اعمال السنه كامله وغير كده الساعه التدريب كل يوم هتفضل تجرى فى الحوش ده كله لحد ما زمايلك يخلصو تدريب اتفضل عقابك بيبدأ من دلوقتى (زعق) اتحرك

ريم بصوت واطى:كوتش ش'اذ 

راحت ريم وفضلت تجرى وتطلع غضبها من الكوتش وهى بتلف حوالين الحوش

كان فرج متابعها لاحظ انها سريعه 

فرج بتقييم:معندوش عصب بس سريع اممم بس محتاج يتأدب قبل ما يشارك فى المسابقه مفيش مانع نأدبه الاول

سيف:شايف صاحبك الاحسن تنصحه

عمر:ملحقتش احذره أن الكوتش عصبى 

يوسف بضحك:بس انت مشفتوش وقع ازاى بعد اول ضغط 

سيف:يوسف ده مش مضحك

يوسف:بس بقا كدب ده كان مسخره

عمر:معاه حق مش مضحك

بعد ساعه

كان ريم شايفه قدامها الكوتش بتتخيله بيجرى وهى بتجرى وراه وعايزه تفرتك هى وشه

عمر:رامى التدريب خلص خلاص

فاقت ريم وهى بتنهج 

عمر:انا مش فاهمك ليه اتكلمت بالاسلوب ده مع الكوتش

ريم:انت مشفتوش مسك ايدى ازاى ده كان ناقص يقل'عنى التشيرت يشوف العصب بتاعى

عمر ضحك:ده كده يبقا ش'اذ

ريم:انا شاكك فيه اصلا 

عمر بضحك جامد:أنت اهبل يابنى ده الكوتش هو مسئول على بناء العضلات فى جسمنا من ضمنهم العصب

ريم:يعنى عادى يمسك أيدينا بالطريقه ديه

عمر:اه عادى

ريم: ربنا يسامحك يا جمال بقا عاجبك إلى انا فيه ده

عمر:ايه ده مالك ومين جمال

ريم:ابويا 

عمر:بتقول لأبوك جمال كده

ريم:ايوه عادى

سيف:متعرفش أنه غلط وعيب

ريم:وانت مالك

سيف:انت حر بس انا واجبى انى اقول الصح والصح بيقول احترم ابوك تكسب الجنه

ريم: انا بحترم ابويا 

سيف:انك تقول اسمك ابوك بالطريقه المتخلفه ديه قدام اى حد فأنت كده مش بتثبت شئ غير انك مش متربى

ريم:تصدق ياض انك انت إلى عايز تتربى

سيف:انا متربى كويس مش انا إلى بقول لأبويا بأسمه انا بس بنصحك وبعرفك الصح ميصحش تقول كده لانه مش من سنك ومش بعد العمر ده كله فى الاخر يتقل منه بالطريقه ديه ربنا يكون فى عونه باباك

مشى وسابها وهى بتهرى وتنكت فى نفسها

عمر:احم رامى يالا نفطر

ريم:يالا

راحو الكافتيريا وفطرو وبعدين كل واحد رجع اوضته يجهز للدراسه

ريم:اسمع بقا مش معنى انى سكت انى هسمحلك تتكلم معايا بالطريقه ديه

سيف:طريقه ايه ؟

ريم:انت ياض انت جايب البرود ده كله منين

سيف:ميخصكش

ريم:اه قول انك محر'وق منى وعايز تن'تقم

سيف:انت فاكر انى انا فاضى اوى كده اسمع انا عندى هدف مش فاضى ليك وله لشغل العيال ده

ريم:إلى هو انا 

سيف:عن أذنك مش عايز اتأخر على الدرس مش عايز اتعاقب كفايه اتعاقبت الصبح بسببك

ريم:انت إلى اتأخرت 

سيف:وده بسبب مين ،بسببك انت، انا مش عارف انت بتكرهنى ليه أو انا عملتلك ايه مع انى بحاول اساعدك مش اكتر وافهمك الصح بس انا برضو مش فاضيلك انت انسان مؤذ'ى بتحب المشاك'ل لكن انا مش فاضى للم'شاكل الهبله ديه أنا عايز ارفع راس والدى لانه تعبت اوى عقبال ما ربانى وكبرنا لوحده ويستاهل انى اردله شويه من جمايله عليا.

ريم بعد ما كانت متعصبه هديت خالص:انت كمان يتيم الام

سيف:ايوه من زمان من اول ما اتولدت

ريم:حاسه بيك ،انت صح ،اتمنى ابقا زيك فى يوم من الايام وارفع راس جمال

سيف:تانى

ريم ضحكت:اسف بابا

سيف:كده احسن اقدر اقول كده بقينا صحاب

ريم:جدا كمان 

سيف ابتسم وسلم عليها:يبقا نبدا من الاول انا سيف وانت

ريم:وانا ري...رامى 

سيف ابتسم:كده هنتأخر يا رامى يالا

ريم:اوكى 

دخلت بسرعه الحمام عشان متتأخرش

سيف:الظاهر اننا شبه بعض 

بعد فتره

ريم:انا جاهزه

سيف ابتسم ومشى من غير ما يعلق

ريم لنفسها:هو انا قولت انا جاهزه وهو معلقش مش مهم لو علق هغلطه عادى وله كأن حاجه حصلت

عمر:رامى تعال اقعد جمبى

ريم بصيت لسيف وراحت جمب عمر

عمر:انا افتكرتك هتتأخر

ريم:كفايه عقاب بقا 

عمر ضحك:اه سورى

دخل استاذ سمير استاذ الفيزيا

سمير:صباح الخير 

الطلاب:صباح النور

سمير:عندنا طالب جديد أن شاء الله تكون عند حسن ظنى

ريم بصوت واطى:هى مش كانت العكس

عمر:ششش

سمير:لا المهم ظنى انا ظنك انت مش مهم 

ريم:هو انا اتقصف جبهتى دلوقتى

عمر:الظاهر كده

ريم:تمام هسكت عشان مش حمل عقاب تانى

بعد وقت

ريم لنفسها:ملل ملل ملل مدرس ممل ومدرسه ممله و حتى الولاد مملين لو البت حور معايا كان زمانا انبسطنا اوى

سمير: استاذ رامى. راااااامى

عمر:رامى فوق الاستاذ بينادى

ريم قامت وقفت بسرعه

سمير:قولى كنت بقول ايه دلوقتي

ريم:كنت بتقول رامى راااامى

سمير:لا يا راجل

ريم:اه والله مش كده يا شباب

الطلاب:فعلا 

ريم:اهو مقولتش حاجه انا

سمير:كنت بقول ايه قبل ما انادى عليك

ريم:كنت بتشرح الدرس اسئله غير منطقه بصراحه

سمير بغيظ:والدرس بيتكلم عن ايه

ريم:حضرتك بتشرح فيزياء انت نسيت وله ايه

الطلاب كلها ضحكو

سمير:مش عايز اسمع نفس ،عارف انى بشرح فيزيا انا عايزك تقول إلى شرحته انهارده إلى على البورد

ريم بتقرأ إلى كاتبه:ايه ايه خط حضرتك بصراحه محتاج شويه تعديل

سمير بزعيق: بس خلاص كفايه قله ادب بقا ادخل معمل الفيزيا وعايزك تكتب الدرس الاول فى كتاب الفيزياء بخط صغير لحد ما البورد تتملى مفهوم

ريم:بس بس

سمير:ل العقاب ده ل الطرد تحب ايه

ريم:حاضر

خرجت ريم وراحت المعمل وفضلت تكتب لحد ما ايديها ورمت

ريم:ايه ده بس يا ربى من ساعه ما دخلت المخروبه ديه وانا مش بيحصل حاجه غير انى بتعاقب .

جلال:وده ملفتش نظرك لحاجه

ريم:ازاى طبعا لفت نظرى المدرسه ديه محتاجه تعديل

جلال:المدرسه برضو

ريم: امال انامثلا

جلال: مثلا

الفصل الخامس 

جلال:ما علينا قولى يوسف اعتذر منك وله لسه

ريم:لا هيعتذر ليه انا إلى ضربته

جلال:عشان كنت هتتعاقب بسببه

ريم:مش عايزه يعتذر احنا متعادلين هو قال كلام اهبل وانا ضربته وحصل إلى حصل وانتهينا

جلال:يعنى سامحته

ريم:احنا زمايل مهما كان ووارد الخناق بينا

جلال:تمام كمل العقاب بتاعك

مشى جلال 

يوسف دخل :احم

ريم:اهلا جاى تشمت فيا

يوسف:الصراحه ايوه بس قبل ما اسمع إلى قولته للواء

ريم:انا مقولتش حاجه 

يوسف:انا اسف بس مش عشان اتريقت عشان ظنيت فيك انك شخص مش جدع ومش كويس

ريم:تمام مش محتاج تعتذر انا متعود الكل دائما بيفتكر انى كده مش عارف ليه بس دايما انا مكروه

يوسف:يمكن عشان شخصيتك قويه وبتحب السيطره

ريم:انا مش بحب اسيطر على حد

يوسف:واضح

ريم:حاسس انك بتاخدنى على قد عقلي

يوسف:الظاهر اننا ابتدينا نفهم بعض

ريم:لو سمحت بلاش تعطلنى ورايا بورد محتاج يتملى

عمر:انا جيت

ريم:ايه جابك

عمر:جاى اساعدك

ريم:ليه

عمر:الصديق وقت الضيق

يوسف:وانا كمان هقعد معاكو 

ريم:ايه ليه 

يوسف:الصديق وقت الضيق

ريم:تعرف كنت مسلى اكتر وانت بتكرهنى

بعد وقت طويل

يوسف:فاضل هنا حاجه صغيره

عمر:وهنا كمان

ريم:بس بقا كفايه ايدى وجعتنى

يوسف:بس بقا الدلع ده بتاع البنات بس مش احنا

ريم:يووووه

سيف:يوسف انت هنا وانا قلبت المدرسه كلها عليك

يوسف:ليه عايزنى فى ايه

سيف: انت ورامى مع بعض فى مكان واحد ومن غير خناق كمان لا حد يقرصنى

عمر: ما جمع الا لما وفق

يوسف ضحك:معاك حق

ريم:عمر اعتقد كده أن ايدى محتاجه تلجه بص لونها مزرق ازاى 

عمر مسك أيديها:تصدق لونها مزرق ،اممم ،مش عارف ممكن من القلم الازرق الفلومستر إلى كنت بتكتب بيه على البورد يا ذكى

ريم:تفتكر 

سيف:شايف انكم مندمجين سوا

يوسف:انا شايف اننا هنبقا شله حلوه اوى سوا انا وانت يا سيف ورامى وعمر

سيف:فهد لو عرف 

يوسف:هيفرح صدقنى هو كان عايز يبقا لينا شله كبيره

سيف:يمكن

يوسف:اوكى هنتجمع سوا انهارده عندكم فى الاوضه بما انها اكبر اوضه فى المدرسه

ريم:مأخدتش بالى نهائى بالموضوع ده

يوسف:اه اه هنصدقك 

سيف:طيب هنتجمع نعمل ايه

عمر بحماس:نذاكر

يوسف:بس بقا ملل

عمر:اكيد رامى معايا مش كده

ريم:والله كان على عينى يا عمر يا اخويا اقف معاك بس زى مانت شايف ايدى ورمت ومش قادر حتى اقرأ أسمى ،ايه فكرتك يا يوسف

يوسف:رامى دماغنا شبه بعض اكيد نتفرج على فيلم رعب

ريم:هو ده الكلام عايز مصاصين دماء لو سمحت

عمر:ايه رعب

سيف بص بإستهزاء لريم:معتقدش أن رامى هيتسحمل الرعب

ريم:متعرفنيش لسه

يوسف:يبقا اتفقنا اعتقد كان معايا سى دى لفيلم دراكولا

ريم:بحب الفيلم ده اوى

عمر:بكره الفيلم ده اوى

ريم:عمر مش عايزك تقلق انا معاك 

عمر:مش قلقان خالص وله خايف حتى

ريم ضحكت:واضح

بعد العصر الطلاب كلهم راحوا يتغدو وبعدين كل واحد راح اوضته عشان يغير ناس بتذاكر وناس بتجهز عشان تتسلى 

يوسف:راحت فين السى دى 

عمر:ايه ضاعت

يوسف:انا متاكد انى حطيتها هنا اهى واخيرا لقيتها يالا بينا جاهز

عمر عدل نضرته:اوكى جاهز

يوسف:يالا بينا

عند ريم

ريم فى الحمام :يا ترى انت كويس يا جمال وحشتنى اوى تانى قولتلك يا جمال لا مش عايزه اقولك كده تانى من دلوقتى انت بابا وبس مفيش قله ادب عايزه ارفع راسك واخليك فخور بيا مش بالبلطجه لا باخلاقى وشطارتى بابا انت احسن اب فى الدنيا ديه كلها وأنا بحبك ياه كان نفسى ابقى معاك دلوقتى واقولك انى بحبك بس معلش انا برضو هنا بتعلم ازاى ابقا احسن ووعد يا بابا هتعلم ابقا احسن بنت ليك

سيف بيخبط:ايه هتنام جوا

ريم:خارج

عدلت ريم الباروكه وخرجت

ريم:خلصت فى ايه

سيف:عايزك تفضل جمبى ومتبعدش وحاول متخليش حد يقرب منك او يلمسك وله حتى ايديك مفهوم

ريم:ليه عندى مرض معدى وخايف وله ايه

سيف:بطل استهزاء بكلامى عشان فى الاخر انا إلى بطلع صح

ريم:حد قالك قبل كده انك شخصيه نرجسيه

سيف:اه كتير عادى يعنى

ريم:شخص مستفز

يوسف:احنا جينا

ريم:اخيرا اتأخرتو كده ليه وفين عمر 

يوسف:اهو ورايا

ريم:مالك

عمر: ابدا مليش

ريم:اممم طيب يا يوسف شغل السى دى بقا

يوسف:على طول سيف فين الجهاز 

سيف:تعال اوريك

ريم:قولى مالك

عمر:الصراحه الصراحه انا مرعوب مش بحب الافلام الرعب اصلا

ريم:طيب خلاص مش انت بتثق فيا

عمر:اه

ريم:طيب خليك واثق انى طول مانا جمبك مش هخلى اى حاجه تقربلك ماشى 

عمر:بجد

ريم:اومال ده انا احميك بدمى ياض اجمد كده

عمر:انت جدع اوى

ريم:خلاص بقا خليك قاعد جمبى ومتخافش عشان الاتنين دول لما بيصدقو يلاقو حاجه يتريقو عليها

عمر:عندك حق

سيف:هتفضلو واقفين كده كتير

ريم:مستنين السى دى يشتغل

يوسف:اهو اهو اشتغل نطفى النور بقا

قعدو كلهم وسيف قفل النور

قعد جمب ريم بس ريم مركزه مع عمر وماسكه ايديه

سيف مكنش مركز فى الفيلم قد ما ركز مع ريم وهى بتطمن عمر 

سيف لنفسه:اشمعنا عمر يعنى ليه مش انا إلى تمسك ايديه كده وتطمنه عارف انى مش محتاج حد يطمنى بس انا كان نفسى ابقا مكانه تبقا خايفه عليا زيه كده وتدافع عنى هو انا ليه فارق معايا الموضوع جامد كده .

عمر اتنفض مسكت ريم ايديه اجمد:كل حاجه كويسه

عمر فضل يحرك رأسه وهو خايف

ريم فضلت تتطمنه كل شويه وسيف كان مضايق جدا

يوسف:واخيرا خلص انا هموت وانام الحقيقه عمر ايه اخباره اوبا

ريم كان مبتسمه وبتلعب فى شعر عمر وهو حاطط رأسه على رجلها ونايم وهى بتلعب فى شعره

يوسف:ده نام

سيف:شايف 

يوسف:لا ومبتسم وماسك ايد رامى زى والدته

سيف:صحيه طيب

ريم:خلاص سيبه يا يوسف روح انت اوضتك

سيف:ممنوع ينام تلاته فى الاوضه هينام فين اصلا هما سريرين

ريم:عادى مش اول مره اتعاقب يعنى 

يوسف:محدش يعرف اصلا محدش هيقول بكره لما عمر يصحى يجى الاوضه ويجهز وكأن شئ لم يكن

ريم ابتسمت ليوسف:بدأت تعجبنى

يوسف:اى خدمه

سيف بقا مضايق ازاى كده اشمعنا هو إلى مش بتطيقه حتى يوسف اتغيرت معاه 

ريم حاولت تقوم عمر ويوسف ساعدها ونيمه على السرير إلى تحت

يوسف:طيب تصبحو على خير اشوفكم بكره الصبح 

ريم:أن شاء الله.

مشى يوسف وسيف طلع السرير إلى فوق بضيق

ريم فضلت تبص لعمر وتقول لنفسها:طول عمرى نفسى فى اخ زيك يا عمر بجد اول ما شوفتك وانا حسيتك اخويا الصغير انهارده انا حسيتك ابنى وانت نايم على رجلى مش قادره اوصف شعورى بس حاسه بمسئوليه وانك محتاجنى زى بابا كده متقلقش هفضل اخلى بالى منك طول مانا فى المدرسه ديه

كان سيف بيبص بضيق ليها وهى بتبص لعمر إلى نايم

ريم اتنهدت بابتسامه وجابت كورسين حطيتهم قصاد بعض وجابت مخده وبطنيه ونامت

تانى يوم الساعه خمسه

سيف صحى اول واحد وقام لقا ريم شعرها خارج من الباروكه حرك رأسه بيأس منها حس بعمر بيصحا مسك الباطنيه وغطا وشها

عمر:صباح الخير ايه ده لحظه انا فين

سيف:صباح النور

عمر:متقوليش انى نمت هنا

سيف:حصل

عمر:ليه محدش صحانى 

سيف:رامى مرضاش 

عمر ابتسم:بس بس كده هيتعاقب

سيف:محدش هيعرف محدش هيتعاقب

عمر:بجد

سيف:اه بس لو مش مشيت دلوقتى هنتأخر على التدريب وهنتقفش

عمر:اه عندك حق طيب همشى بس هصحى رامى الاول

سيف:لا امشى انت انا هصحيه

عمر:تمام ماشى.

خرج عمر

سيف بص لريم وشال الغطا من على وشها ببطئ وابتسم

سيف:ايه القمر ده بس قمر زيك ميلقش غير عليا انا شكلى كده واخيرا وقعت ولأول مره فى الحب مش عارف حبيتك على ايه بس حبيتك يا جميله .

قرب عشان يشم ريحه شعرها إلى بيحبه

صحيت ريم واتحركت: اممم ايه ده انت قريب كده ليه

سيف ابتسم:كنت بصحيك

ريم:كده بتصحينى بتوشوش فى دوانى

سيف: تصدق انا غلطان كنت اسيبك 

ريم:نينينينى فين عمر صح

سيف:راح يلبس عشان يلحق التدريب

ريم:ماشى

قامت ودخلت الحمام

سيف حط أيده على شعره من ورا:وبعدين 

بعد فتره فى الحوش

عمر: شكرا يا رامى حقيقى بقالى كتير منمتش كده

يوسف بضحك:انت نمت زى الطفل فى حضن مامته

عمر:عارف انك هتضحك عليا بس فعلا انا منمتش كده من ساعه ما دخلت المدرسه ديه مكنتش بنام كده غير مع ماما بس

ريم لعبت فى شعره :اى خدمه

عمر بضيق:بوظت شعرى ألعب فى شعرك دلوقتى

ريم وسيف بصوت عالى :لاا

عمر ويوسف بصدمه:ايه يا شباب مالكم

الكوتش فرج:صباح الخير

الطلاب بصوت عالى: صباح النور

الكوتش فرج:الظاهر المدرسه بقيت تجيب طلاب اغبيه مش بيفهمو كلامى من اول مره انا قولت كل يوم 

ريم بيأس مشيت وراحت تجرى وباقى الطلاب بدأو تدريب

وبعد ساعه كانو بيفطرو

عمر:اشرب مايه يا رامى انا لاحظت انك مش بتشرب مايه كتير

ريم:ماشى ماشى كل بقا

سيف :هو مش صغير يا عمر سيبه براحته

عمر:ولو برضو واجب عليا انصحه 

ريم:اجدع صاحب

يوسف:ايه ده واحنا ايه

ريم:جدعين برضو بس عمر الاجدع 

يوسف:ماشى ماشى

سيف:صحيح كلمت فهد انهارده وقال هيوصل بكره المدرسه

يوسف:اكيد هضايق لما يعرف أن رامى أخد مكانه

ريم:مكان مين

يوسف:عشان فهد كان مع سيف فى الاوضه قبل ما تيجى

عمر:احنا ممكن نطلب تبديل الاوض ونقدم طلب ابقا انا ورامى فى اوضه سوا ويرجع فهد مع سيف

يوسف:ايه ده وانا اروح فين

ريم:تعال اقعد على راسى يا يوسف ،وانت يا عمر أهدى احنا مش اطفال عادى يعنى ده هى نومه والسلامه مش حاجه مهمه يعنى

سيف:اول مره رامى يبقا عنده حق ،اكبرو بقا شويه

عمر زعل وكل بهدوء

ريم:عمر انت كويس

عمر:لا عادى مش اول مره

ريم مسكت أيده:استنى عندك فى ايه انا بكلمك على فكره

عمر:مفيش يا رامى عادى متعود

ريم:متعود على ايه انا مش فاهم

عمر:متعود انى لما احب حد واتعلق بيه مش بيكمل معايا 

ريم:انت قصدك ايه

عمر:وله حاجه يا رامى صدقنى انا مش زعلان منك حتى لو انت مش بتعتبرنى اعز صحابك هتفضل كده بالنسبالى

ريم بنفاذ صبر ضربته بوكس:انت غبى يابنى انت متخيل انى هتخلى عنك عشان بقا عندى صحاب تانين

عمر:اومال لو كان عندك عصب كنت عملت فى وشى ايه يخربيتك

ريم:عمر فوق 

عمر:مانا فايق

ريم:شكل اول بوكس مجبش نتيجه

عمر:يوووه انا إلى رفضت نبدل الاوض

ريم:عشان الموضوع مش مهم يعنى ليه مهم عندك كده

عمر:عشان انا عايز انام كل يوم زى ما نمت امبارح 

ريم:انت عبيط

عمر:عارف طلب غريب بس بجد انا وحشنى الاحساس ده من ساعه ما ماما جابتنى البلد ديه وانا منمتش كده عارف بقالى قد ايه بقالى تلت سنين بعيد عنها حتى فى الاجازه بقضيها فى بيت عمى عشان انا اصلا عايش فى تركيا.

ريم ابتسمت ببلاهه:احلف كده انك من تركيا

عمر:اه والله مالك انبسطت كده ليه

ريم:لا احنا نبدل الاوض بقا

سيف بسرعه لانه سمع كل حاجه لانه مشى وراهم لما عمر مشى وراحت ريم وراه:مفيش تبديل هيحصل

ريم:الله وانت مالك يا غتت انت

سيف:عشان فى قوانين وعمر عارفها كويس

ريم:واد يا عمر اوعدك هبذل جهدى نبقا سوا فى الأوضه

عمر ابتسم:بجد

ريم:مش من تركيا يبقا لازم اجوزك قصدى اونسك

عمر:لا لا جوزنى احسن عندك عروسه حلوه

ريم:يووووه عندى طلبك يا واد بس نتخرج بس 

الفصل السادس

سيف:بابا لازم تتصرف

جلال:فى ايه وداخل من غير ما تخبط كمان

سيف:انا اسف بس صدقنى الموضوع مستعجل

جلال:فى ايه ما تنطق

سيف:ريم

جلال بسرعه وخوف:مالها حصلها حاجه حد عملها حاجه

سيف:هى ديه حد يقدر يعملها حاجه

جلال:ما تخلص ياض انت وتقول فى ايه

سيف:عايزه تبدل الاوض وتبقا مع عمر بدالى

جلال:وايه المشكله طالما هى مرتاحه اكتر كده خلاص

سيف:لا طبعا يا بابا

جلال:ليه أن شاء الله

سيف:عشان عشان ريم البروكه بتاعتها بتفك وهى نايمه دائما

جلال:اه صح ازاى نسيت خلاص متقلقش روح انت

خرج سيف واتنهد وقرر يخلى ريم تحبه لدرجه متبقاش عايزه تسيبه وياخد مكان عمر ده إلى بقا مصدر إزعاج كبير ليه

فى حصه الفيزيا

عمر بصوت واطى:رامى ركز

ريم:اقسم بالله بحاول مش عارف ليه حاسس وكأنه بيحكى حدوته قبل النوم

عمر:معلش ركز احسن ما تملى بورد تانى

ريم:هحاول هحاول

بعد الحصه

ريم:عدت على خير الحمدلله

يوسف:هو سيف محضرش ليه

عمر:غريبه اول مره سيف يفوت حصه

يوسف:عشان كده مستغرب

سيف جيه من ورا ريم وحط ايديه على كتفها

ريم بصيت ليه بإستغراب:مالك !!!

سيف:ايه فى حاجه، هنروح الكافيتريا نتغدا

عمر:احم سيف احنا لسه حالا من ساعه كنا بنفطر

ريم بعدت عن سيف وهى بتبصله بضيق ومسكت ايد عمر

ريم:عمر تعال معايا عايز اسألك على حاجه

سيف:تسأله على ايه ما تسألنا احنا يمكن نعرف

يوسف:اه يا رامى احنا دلوقتي بقينا صحاب كلنا مينفعش نخبى حاجه عن بعض

ريم:ما هو مش حاجه مهمه يعنى ده حاجه فى الفيزيا

يوسف:ياااه ايه الملل ده

ريم:لازم ابدأ اذاكر كويس هتساعدنى صح يا عمر

عمر:اخيرا حد هيذاكر

ريم:عد الجمايل يا عم

سيف:خلاص نذاكر كلنا سوا ونشجع بعض

ريم:هتذاكرو؟

يوسف:هنذاكر؟

سيف:هنذاكر

يوسف:يبقا هنذاكر

عمر:هنتسلى اوى

ريم:ماشى بس مش عايزه اى حد يعطلنى انا لازم انجح السنه دى من غير وله ملحق بجد لازم

عمر:اكيد سيبلى نفسك بس وانا هظبطك

ريم:عمر انت اجدع واحد عرفته

عمر ضحك:طيب يالا فى حصه كيميا

بعد اليوم الدراسى فى الكافتيريا بيتغدو

عمر:تحبو نذاكر فى المكتبه

يوسف:لا خليها فى اوضتنا

سيف:اه احسن

ريم:لا تعالو الأوضه عندنا احسن وأوسع هناخد راحتنا اكتر

سيف:خلينا المره ديه فى الأوضه عند عمر عشان لو احتاج كتاب أو نسى حاجه ميرجعش الاوضه ونضيع وقت

(طبعا كلنا عارفين ليه سيف مش عايز يذاكرو فى اوضتهم عشان متهتمش بعمر تانى أما سيف ده غيور بشكل)

ريم:تصدق بدأت احترمك

سيف:نعم!

ريم:متركزش ،خلاص هنرجع اوضتنا نغير وناخد دش ونفوق ونتجمع عندكم تمام

يوسف:انا هجيب فشار من الكافتيريا

عمر:يوسف احنا هنذاكر ها هنذاكر

ريم:عنده حق هات بقا مع الفشار شيبسى عشان مش بحب الفشار اوى وهاتلنا اكياس كابتشينو او قهوه عشان التركيز

عمر حط أيده على رأسه:شكلكم هتتعبونى

ريم:الصديق وقت الضيق وله ايه يا يوسف

يوسف:اه فعلا

عمر:وقت الضيق لسه مجاش يبقا مفيش صديق

ريم:نهون عليك يا عمورى

عمر:ينهار على العيون البريئه عارف يا رامى ساعات بشك انك ولد فعلا ديه برأه بنات بس لا تصرفاتك كلها بتأكد انك ولد

ريم ابتسمت بتوتر

سيف بص ليها بغضب وقال فى نفسه:البت ديه غبيه اوى هتضيع نفسها .

يوسف:ايه يا عمر الهزار المرعب ده متخيل بنت فى مدرسه بنين المدرسه ديه كلها ممكن تتقفل

عمر :اكيد وهيظهر فى قناه الاخبار خبر عاجل تواجد فتاه فى مدرسه عسكريه داخليه للبنين ده يالهوى على الفضيحه

ريم بغضب:بس بقا

يوسف:مالك يا رامى احنا كنا بنهزر

ريم بصوت عالى:ده مش هزار ولو هزاركم كده فهو هزار رخم وبارد عشان انا مش بنت .

قامت وسابتهم

عمر:شكلنا زودناها

سيف بنظرات لوم:فعلا زودتوها

مشى وراها

يوسف:وبعدين بقا

عمر:لازم نعتذر منه

يوسف:ده لو جيه اساسا

عمر:أن شاء الله هيجى يالا بينا عشان نجهز الاوضه لما يجيو

يوسف:متأكد هيجو

عمر:أن شاء الله يالا

عند ريم دخلت الاوضه وعلى الحمام عدل من غير ما تركز بالى قاعد على المكتب بتاعها

ريم فى الحمام قفلت الباب بعصبية وقلعت البروكه ورمتها فى الارض بعصبية :كنت عارفه ايه إلى عملته ده يا بابا ايه إلى عملته لو غلطت كعادتى هبوظ الدنيا لعمو جلال انا غبيه باين اوى كده انى بنت (بصيت فى مرايه الحمام لشعرها ومسكت المقص إلى فى الحمام وقصت شعرها وخلته قصير نفس طول الباروكه )اهو كده مفيش اى غلط هيحصل لازم اركز اكتر ناس كتير ممكن حياتها تدمر بسببى لازم اعدى السنه دى من غير ما حد يكتشفنى ايه تانى مختلف مفيش كده كله تمام (بصيت لشعرها إلى فى ايديها ودمعت)هتطول تانى عادى مش مشكله المهم عمو جلال والمدرسه إلى استقبلتنى مش مهم شعرى خالص(مسحت دموعها وغسلت وشها ولمت شعرها فى كيس وحطيته فى جيبها وخرجت)

ريم بصدمه:انت مين ايه دخلك هنا

فهد:انا إلى مين انت إلى مين بتعمل ايه فى اوضتى

ريم مسكت رأسها بيأس :حقيقى مش فايق لأى حوار

فهد مسكها من لياقتها:انت ياض انت اتكلم معايا باحترام

ريم برقت بصدمه وخوف لأول مره عشان فهد كان أكبر حجما منها ضعفين ملامحه حاده ومرعبه عيون سود ورموش كثيفه وأنف حاد وشعر اسود حالك كان عباره عن قمر 🌚امم باين انى بكراش وله أبين اكتر

فهد بصوت عالى وهو بيهزها من لياقتها:سامع ياض انت

ريم بصوت عالى وعصبيه ودموعها بتهدد تنزل:انت نزلنى حالا انت فاكر نفسك مين

فهد:واد انت محتاج تتربى

رفع فهد ايديه وله هيديلها بوكس مسكه سيف وبعده عنها

سيف بصوت عالى:انت اتجننت يا فهد انت عارف العنف ممنوع.

فهد:مش شايف أسلوبه المستفز

سيف:اى يكن ممنوع العنف

فهد:تمام مش هاجى جنبه بس يخرج من اوضتى

سيف:مش هيخرج

فهد:يعنى ايه بقا

سيف:عشان ده طالب جديد وأبوه صاحب بابا وبابا موصى يقعد هنا معايا انا اسف يا فهد بجد انت عارف انى برتاح معاك انت يا صاحبى

فهد :خلاص انا هروح اشوف فين اوضتى الجديده

فهد مسك شنطته وجيه يخرج

ريم:غوريلا

فهد وقف عند الباب:يستحسن تتلاشانى عشان انت جديد هنا متخلنيش امشيك من المدرسه ديه من غير كرامه

ريم بصيت ليه بغضب وعصبيه

فهد سابها وخرج

ريم:كنت نقصك انت كمان

سيف:انت كويس

ريم:انا تمام اجهز عشان هنروح لعمر

سيف:لسه عايز تروح

ريم:اه لازم انجح لازم

سيف:انا ممكن اذاكر معاك لوحدنا

ريم:لا هنذاكر كلنا انا هسبقك

سيف بعصبية:غبيه

لف وشه ودخل الحمام لقا المقص وفى خصلات شعر فى الارض مسكهم

سيف:المجنونه ديه عملت ايه لو قصت شعرها مش هسامحها

خرج وراح وراها

عند يوسف وعمر

يوسف:عمر مظنش هيجو

عمر:لا هيجو

عمر لنفسه:اول صديق ليا ضايقته جامد وخسرته هو انا ليه اى حد بحس أنه قريب منى ببعده بغبائى وتصرفاتى إلى ملهاش معنى انا ضايقت رامى اعز صديق عندى اتمنى بجد يجى

خبط الباب

عمر جرى فتح الباب

ريم وهو حاطه ايديها فى جيوبها:اتأخرت؟

عمر حضنها جامد

ريم بصدمه احمرت:عمر مالك

سيف بصوت عالى:فى ايه

عمر بعد وعيونه بتدمع:مبسوط انك جيت ومزعلتش منى

ريم ابتسمت :اسمع انت اعز صحابى مش هزار بايخ يخسرنا بعض عادى ترخم عليا ارخم عليك وخليك فاكر الوعد ده عمر انا وانت وعد هنفضل صحاب لأخر العمر

عمر حضنها تانى: شكرا

سيف زقه بعيد عنها:يالا نذاكر ونبطل نضيع وقت

يوسف:مكنتش اعرف انك حساس اوى كده يا عمر

عمر:انت متعرفنيش يا يوسف

ريم:صح أنا بس الى اعرفه هنا مفيش منى بجد ربنا يحمينى للشعب

عمر ضحك ويوسف كمان

سيف كان متعصب اوى

عمر:طيب يا جماعه تحبو نبدأ نذاكر ايه

الباب خبط

يوسف فتح وقال بصوت عالى:اهلا بفهد الرجال

فهد:اهلا يا تافه

عمر رجع لورا بخوف

ريم بصيت ليه:انت كويس

عمر هز رأسه شمال ولمين بمعنى لا

فهد بص لعمر:اهلا بدود الكتب

ريم:انت ملكش دعوه بيه احسنلك

فهد:انت تانى لا انت إلى جبته لنفسك

جيه يقرب عندها وقف قدامها عمر

فهد بص ليه برفع حاجب:شجاعه مفاجأة صراحه

يوسف:فى ايه يا فهد انت هتبدأ السنه بخناق بعدين مش انت كنت عاوز شله صحاب

ريم:اكيد انا مش هبقا صاحبه

فهد:لا حوش انا إلى هموت وابقا صاحبك فوق ياض انت

ريم:انا فايق الدور والباقى الى مش شايف قدامه

فهد بعصبيه:زودتها

ريم زقت عمر ووقفت قصاده:انا مش خايف منك والى عندك اعمله ورينى اخرك

عمر مسك كتف ريم:رامى أهدى

فهد ابتسم:شكلى هتسلى جامد السنه دى

سيف مسكه:فهد لو سمحت

فهد بضيق:سيف لو سمحت متتدخلش

لف لريم ولسه هيرفع أيديه يديها بوكس اتفاديته ريم وضربته بوكس فى بطنه رجع لورا

فهد بصدمه:رده فعل سريعه !عجبتنى

ريم ابتسمت بتكبر

فهد رجع عشان يضربها لفت ريم وضربته فى ضهره

فهد وقف وبقا بيضحك:حقيقى شبه فهد الشيتا سريع

لف يبصلها

ريم رفعت ايديها عشان تضربه

فهد بسرعه:انا استسلمت خلاص

ريم وقفت وبصيت ليه من فوق لتحت بتقييم ووقفت عدل

فهد:تمام اثبتلى انك مش ضعيف ومن النهارده هسميك الشيتا

ريم:وانت تسمينى ليه أن شاء الله ،انا عندى اسم ،واسمى رامى

فهد:تمام يا رامى الشيتا وانا فهد

ريم:ميهمنيش انت مين

فهد حد ايديه على كتفها وضغط جامد وجعها بس هى حاولت مش يبان عليها:لازم يهمك عشان هنكون صحاب.

ريم زقت ايديه بغيظ ومسكت ايد عمر:يالا نذاكر

عمر خبط على دماغه:نسيت

يوسف:مش عايز اذاكر فهد هنا خلى النهارده نقضيه كده ونتعرف على بعض

عمر بص ليه بيأس وكان متوقع ريم توافق بس

ريم:انا مش عايز اتعرف ومش عايز اتصاحب ومش عايز حاجه انا عايز اذاكر وانجح وبس عمر هنذاكر وله لا

عمر:اه هنذاكر

يوسف:رامى انت ليه كده

ريم:اهو انا كده انا مطلبتش نبقا أصحاب اساسا انت طلبت وانا من حقى اختار صحابى وانا مختارتكوش انا اختارت عمر وبس انتو مش شبهى

سيف ضحك بسخرية

ريم بصيت ليه بغيظ

سيف:اسف بس انت مضايق عشان احنا التلاته شبهك عندك يوسف شخصيه مرحه بتحب الضحك والهزار والفرفشه ده انت برضو عندك فهد شخصيه قويه مش بيحب حد يتحكم فى تصرفاته دائما ايديها سابقه لسانه وعصبى جدا وده انت برضو وعندك انا وانت عارف تصرفاتى احنا الاتنين بنحب نفسنا وبنقدرها الحقيقه انك مش متقبل نفسك مش احنا

ريم بصيت ليهم

يوسف بضيق:خلاص يا سيف مش مهم خلاص مش هنقف عليه يعنى احنا مش محتاجين نبقا صحابه محدش بيجبر حد يبقا صاحبه يالا بينا يا سيف يالا يا فهد

فهد بص لريم من فوق وتحت :يا خساره ليك خسرت صحاب جدعه

خرجو التلاته وسابوها مع عمر

عمر:ينفع أتدخل

ريم عيطت

عمر مسك كتفها:أهدى كل حاجه هتبقا تماما عارف انك اتوترت وخوفت ردود فعلك كانت بس عشان انت حسيت بخطر

ريم مسحت دموعها:لا سيف صح انا مش قادر اتقبل شخصيتهم إلى شبه شخصيتى عشان انا عايز اتغير للاحسن مش اتحول للاسوء يا عمر انا عايز ابقى كويس لو نجحت السنه دى من غير مشاكل ومن غير ملاحق وتصرفاتى اتعدلت وبقيت شخص كويس  مش بتاع مشاكل بابا هيرجعنى انا مش عايز ابقى هنا لوحدى عايز ارجع تانى بيتى

عمر:تمام هساعدك تمام ده وعد منى انا هساعدك تبقا احسن بس ده مش معناه انك تبقا معقد كده ومتسمحش لحد يقرب منك يوسف بجد انا حسيته اتغير للاحسن لما بدأنا نبقا صحاب ده كان متحمس اوى تعرف أنه عايز يبقا زيك عايز يبقا زيك يحمى الضعاف إلى زى ويبقا شخص كويس كلهم من جواهم عايزين يبقو كويسين زى مانت عايز بالظبط يبقا ليه مش تساعدهم وتقبل صداقتهم مين عارف مش يمكن تصلحو تصرفات بعض وفيها ايه لما يبقا عندنا صحاب جدعين واقفين جمبنا وقت الشده

ريم:لسه عايز تبقا صاحبهم رغم الى يوسف كان بيعمله فيك

عمر:مكنش بيعمل حاجه هو بس كان فاكر أنه كده بيبقا احسن

ريم:يبقا احسن بأنه يهددك

عمر:انت مش فاهم الاول يوسف طلب أفهمه بس للاسف معرفتش أفهمه انا إلى كنت بستسهل وبقوله خلاص انا هحله ليك  لحد ما اتعود انى احل الواجب ليه من غير حتى ما يتعب نفسه فأنا إلى كنت السبب من البدايه كمان انت لما ضربته هو ندم ومطلبهاش تانى ولما بقينا صحاب هو اعتذر منى على تصرفاته

ريم:يظهر انى غلطت جامد

عمر:متأخدش بالك شويه غلطات مش غريبه عليك يعنى

ريم ضحكت ومسحت دموعها وقامت:طيب بما أن الوقت قد فات وشكلها مفيهاش مذاكره يبقا نروح نصالحهم

عمر:قصدك تصالحهم انا معملتش حاجه

ريم:عمر ،الصديق وقت الضيق ياجدع

عمر:وله اعرفك

ريم:خلاص هروح لوحدى

عمر:لا هروح معاك بس مش هعتذر انا

عند سيف

يوسف بزعل:كنت فاكر أننا هنكون صحاب

سيف ابتسم:ماحنا صحاب فعلا

يوسف:انت اتخبطت على دماغك وله ايه ما انتهى كل حاجه هناك

فهد ضحك:العكس يا تافه صداقتنا هتبدأ

يوسف بإستغراب:إلى هو ازاى يعنى

الباب خبط

سيف:زى كده

فتح سيف الباب

ريم:احم

سيف سابها ودخل

عمر زقها عشان تتكلم

ريم مش متعوده تعتذر من حد

ريم:انا انا مكنتش اقصد إلى قولته انا بس اتوترت

سيف:مش محتاج تبرر

يوسف بتسرع:واحنا كمان مش محتاجين نبقا صحابك

ريم:بس

يوسف:انا همشى تصبحو على خير

ريم دموعها نزلت

يوسف وقف بصدمه:رامى انت بتعيط

ريم بانهيار:عشان انا عايزكم صحابى انا بس خوفت منه هو السبب قوى جدا وحسسنى انى ضعيف بالنسبالكم وهجيب لنفسى مشاكل وانا مش محتاج مشاكل كفايه المشاكل إلى بتحصلى انا كنت مبسوط اننا صحاب انا عايز نبقا صحاب انا بس بس.

عمر حط أيده على كتفه

ريم بصوت واطى:انا اسف

يوسف حضنها بحركه سريعه

ريم اتصدمت والدموع اتجمدت فى عينيها

يوسف ابتسم:كنت عارف انك عايز نبقا صحاب زى مانا عايز

فهد شد يوسف :اجمد ياض منك ليه

ريم بصيت بعيد عن فهد

فهد بندم:انا كمان اسف

سيف ويوسف فتحو بقهم

فهد:مكنش لازم اعمل معاك كده انا إلى غلطت

ريم بصيت ليه وابتسمت:مش مهم خلاص إلى حصل حصل

سيف بص ليها هى وفهد الظاهر انهم بيبص فى عيون بعض

سيف لنفسه:انا عارف البنات بتحب الحركه ديه اوى واحتمال تقع فى حبه لا مش هسمح بكده

وقف فى النص بينهم:طيب خلاص اتصالحنا الساعه بقيت تسعه يالا كله على اوضته عشان نصحى للتدريب بدرى

ريم:تصبحو على خير

الشباب كلهم:وانت من أهله

مشيو الشباب

ريم دخلت الحمام وغسلت وشها واخدت دش وخرجت كان سيف نام على السرير إلى تحت نفخت بيأس من تصرفاته وطلعت نامت فوق

سيف فتح عينيه وابتسم وهو بيحط ايديه تحت رأسه وبيقول جواه:يظهر انك حساسه مش زى مانتى بتظهرى

الساعه تلاته الفجر صحيت ريم بوجع جامد فى بطنها قامت ودخلت الحمام وخرجت بعد ربع ساعه اخدت حاجه من مكتبها ورجعت الحمام تانى

صحى سيف على صوت الدرج بتاع المكتب وبص ليها بإستغراب

خرجت ريم بتعب وهى حاطه ايديها على بطنها

سيف:صاحى بدرى ليه

ريم:تعبان شويه بس

سيف:تعبان مالك انادى للدكتور من العياده

ريم بسرعه:لا لا مفيش داعى انا اخدت مسكن ومتعود على الوجع ده متقلقش انا هبقا كويس

سيف:متأكد

ريم:ايوه ايوه متأكد

سيف قام ودخل الحمام يستعد عشان لو نام مش هيقدر يقوم للتدريب فقرر يجهز بدرى وخرج لقا ريم بتتلوى على السرير بألم

سيف:انت كويس

ريم ابتسمت بوجع واضح:انا تمام

سيف لنفسه:يا ترى مالها ديه ومش عايزه تروح للدكتور معقول ينهار نسيت انها بنت اكيد حصلت .

سيف:تحب اجيبلك حاجه دافيه من الكافتيريا يانسون مثلا او جنزبيل أو حتى قرفه

ريم بسرعه:حلوه القرفه بحبها ممكن تجيبلى واحد وتستأذن ليا بأجازه من المدير

سيف ابتسم انها بتعتمد عليه ده معناه أنهم صحاب فعلا

سيف:اكيد طبعا مش هتأخر عليك

خرج سيف

ريم اتنهدت بوجع:اهو ده اسوء حاجه فى حقيقه انى بنت

بعد فتره

ريم كانت بتدور فى الدرج بتاعها على مسكن تانى عشان مش قادره

سيف دخل وشافها:بتدور على ايه

ريم:مسكن

سيف :لا مينفعش انت خلاص اخدت المسكن الكتير غلط اتفضل اشرب القرفه ديه سخنه وهتتحسن أن شاء الله

ريم أعصابها كانت سايبه من الوجع ومش قادره جت تمسك الكوبايا كانت هتتدلق عليها بس مسكها سيف كويس

سيف:اقعد انا هساعدك

ريم بوجع رهيب:لا انا كويس

سيف:يالا بقا بلاش عند

قرب الكوبايا لبقها شربها براحه

ريم بصيت ليه فى عيونه

سيف بالصدفه بص ليها لقاها بتبصله

ركزوا الاتنين فى عيون بعض ونسيو العالم حواليهم

بعد خمس دقائق

كان سيف واقف زى ما هو وحاطط الكوبايا فاضيه على بق ريم وحتى ريم مش مركزه غير فى عيون سيف لحد ما الاتنين فاقو على خبط على الباب

عمر ويوسف:يالا هنتأخر اخلصو

سيف بعد الكوبايا وهو بيضحك بإحراج

ريم:يظهر اننا سرحنا شويه

سيف:اه فعلا

ريم بصيت فى الساعه:يستحسن تمشى دلوقتى عشان متتأخرش على التدريب

سيف:اه فعلا عندك حق طيب انا اخدتلك اجازه تلت ايام تمام وبلغت بابا وهو هيتصرف مع المدير تمام لو احتاجت اى حاجه ممكن ترن على تليفونى

ريم:ماشى

سيف فتح الباب

يوسف وعمر:فين رامى لسه مجهزش

سيف:رامى تعبان مش هيجى

يوسف وعمر زقوه ودخلو بقلق

عمر:رامى انت كويس اجيبلك الدكتور

ريم:متقلقوش انا هبقا كويس يالا انتو روحو للتدريب

يوسف:متأكد انك كويس وشك اصفر

عمر:اكيد من قله الاكل وقت الفطار انا هجيبلك الفطار هنا

ريم ابتسمت لعمر: شكرا

سيف بغيره:يالا بقا الكوتش هيذنبنا

خرجو التلاته

انا ريم فراحت على السرير واتغطيت كويس ونامت وهى كمشانه على نفسها

فى التدريب

الكوتش فرج:فين رامى

عمر: واخد اجازه

الكوتش فرج:ليه أن شاء الله ماكان زى القرد امبارح

سيف:تعب الفجر

الكوتش فرج:اه تعب فين الكشف الطبى بتاعه عايز التقرير

سيف:مع بابا

الكوتش فرج بجدية:ليه تقريره مع باباك

سيف اتنهد بضيق من الأسئلة الكتير:عشان رامى يبقا ابن صاحب بابا

الكوتش فرج:اه طيب يالا ابدأو الضغط

بعد التدريب

فهد:هو رامى تعبان  بجد

سيف:ايوه

فهد:هو عمر راح فين

يوسف:قال هيودى الفطار لرامى

سيف لنفسه:ممكن تكون رجعت نامت طيب وبعدين البروكه بتتخلع لما بتنام لو عمر عرف انها بنت مش هيحصل كويس

قام سيف بسرعه وجرى

يوسف:ماله ده

فهد ابتسم:سيبك افطر انت بس

عند عمر كان على باب الأوضه بيخبط

سيف:عمر ! اكيد رامى نام من التعب هات انا هدخله الاكل واسيبه نايم يصحى براحته

عمر:طيب خد.

سيف اخد الصنيه ودخله فعلا وبص عليها لقاها نايمه ابتسم وخرج

عمر:نايم؟

سيف:اه مش قولتلك يالا بقا احنا عشان صوتنا ميزعجهوش

بعد اليوم الدراسى

يوسف:سيف انا جبت الغدا لرامى

فهد:تعالو نروحله نطمن عليه

سيف بسرعه: دلوقتى ؟

فهد:اكيد لا هنغير ونيجى نطمن عليه

يوسف:خد بقا صنيه الاكل

عمر:طيب يالا بسرعه نغير

مشيو وجرى سيف لأوضته يطمن عليها لقاها لسه نايمه

سيف:طب اعمل ايه دلوقتى هى لسه نايمه وهما هيجو فى أى لحظه ولو شافوها وهى نايمه زى الملايكه كده اكيد هيعرفو انها بنت اعمل ايه دلوقتى لازم اصحيها عارف انها تعبانه بس برضو لازم تصحى على الاقل تاكل وتقعد معهم شويه وتمشيهم وتنام تانى .

قرب سيف ليها وحط ايديه على كتفها يهزها:رامى رامى

ريم:بابا سيبنى شويه الله يخليك سيبنى شويه صغنونين

سيف ابتسم بسخرية:صغنونين! قوم يا رامى اخلص

ريم صحيت بضيق :انت مين

سيف:انا سيف انت فقدت الذاكره قوم اخلص ،كل ده نوم فوت الفطار والغدا

ريم اخدت الصنيه منه:هات انا جعانه اوى

سيف ابتسم وهى فضلت تاكل بسرعه لحد ما مسحت الاطباق بمعنى اصح

ريم:لسه جعان انت جايب الاكل لبنت اختك ايه الكميات ديه مش عارف انى تعبان محتاج اتغذى فى هناك صنيه اكل ليا برضو صح؟

سيف:اه

ريم:كويس اوى هاتها كده

سيف اخدها واداها ليها فضلت تاكل ريم لحد ما نسفت الاكل كله

سيف:شبعت

ريم: الحمدلله

الباب خبط

سيف بص للباب ورجع بص ليها لقا شعرها مظبوط وهى تمام راح يفتح

عمر زقه ودخل بسرعه:ها طمنى بقيت احسن

ريم بضحك:متقلقش يا عمر انا تمام والله

عمر:انت خضتنى ياعم

فهد:ألف سلامه عليك

ريم:الله يسلمك

فهد قعد جمبها: انا اتأكدت انى شخصيه مرعبه

ريم ضحكت:بجد ازاى بقا

فهد:زميلى فى الاوضه كان خايف منى لدرجه انه بيترعش كل لما يشوفنى

ريم:ايه يا جدع ده عفريت يا ربى ،اكيد عملتله حاجه ترعبه

فهد:والله ما جيت جمبه, فى الحقيقه انا اتكلمت معاه.

الفصل الثامن 

ريم:اتكلمت معاه! ما طبيعى يابنى يخاف انت كلامك اصلا يخوف اكتر منك

فهد:انتو إلى أوفر محدش بيفهمنى

ريم:هحاول افهمك

فهد ابتسم وبص ليها

يوسف:طيب يا عمر هات اتنين ليمون هنا لرامى وفهد

عمر ضحك

سيف بضيق:رامى حاسس انك احسن وله اجيبلك من عند الدكتور مسكن تانى

يوسف: مسكن!ليه هو مكشفش، المسكن مش هينفع لازم علاج عشان يخف

عمر:ايوه يوسف عنده حق

ريم:لا يا جماعه انا كويسه الحمدلله

عمر ويوسف بإستغراب: كويسه!

ريم:مين قال كويسه انا قولت كويس

فهد بتأكيد:فعلا قال كويس

سيف:ايوه

ريم:هنرجع تانى الهزار البايخ 

عمر :لا لا لا على ايه خلينا حلوين احسن

بليل

كانت ريم بتذاكر على مكتبها

وسيف واقف بيشرب شاى وبيبصلها

ريم:اوف بكره الرياضه

سيف ضحك:وهو فى ماده بتحبها

ريم:اه بحب الرسم

سيف:بس ده مش موجود فى مدرستنا من اساسه

ريم:وده إلى نقطنى

سيف ضحك وجاب كرسى وقعد جمبه:طيب قولى ايه إلى مش فاهمه 

ريم:هتعرف ؟

سيف:اه مادتى المفضله هى الرياضه

ريم ابتسمت:طيب اشرحلى المسئله ديه

سيف:ديه ديه سهله اوى

ريم:هنبدأ تريقه هروح لعمر هو يفهمنى 

سيف ضحك:هتلاقيه نايم اصلا

ريم:خلاص بكره

سيف:خلاص خلاص عشان انت صعبت عليا هشرحلك بطريقه سهله وبسيطه

ريم:يا ريت 

بعد شويه وقت

ريم:اه فهمت طلعت سهله اوى

سيف:شوفت ازاى سهله

ريم:اه شكرا بجد عارف طريقه شرحك احسن من المدرس إلى عندنا شخصيا انت لازم لما تكبر تبقا مدرس رياضه

سيف:أن شاء الله 

ريم:امم طيب يالا روح نام انت بقا عشان التدريب الصبح

سيف:عندك حق ذاكر بقا انت كويس ماشى

سابها سيف وراح ينام وقف قدام السرير وبص ليها

ريم ابتسمت

سيف طلع نام على السرير إلى فوق

ريم ضحكت وقالت لنفسها:مجنون 

الصبح

ريم:سيف اصحى الساعه خمسه اخلص

سيف:اممم سبينى بقا ده انتى رخمه

ريم:هى مين ديه اه واد يا بتاع البنات انت قوم يا موكو،س قوم

سيف :امشى بقا من هنا يالا مش بتعملى حاجه غير بتزعجينى

ريم:بزعجك طيب 

راحت جابت كوبايا مايه ورشتها عليه

قام سيف مفزوع:ايه ده

ريم:متلومنيش حاولت اصحيك بأدب واحترام بس انت فى واحده واخده عقلك قال ايه مش بتعملى حاجه غير بتزعجينى قولى بقا هى مين ها ها قول قول

سيف بتوتر:ايه مفيش الكلام ده

نزل وكان داخل الحمام

ريم:هتخبى عليا ده انا رامى البيست فرند

سيف بص ليها من فوق لتحت

ريم:طيب طيب صحاب عادين بس يالا بقا قولى مين 

سيف:وله حد

ريم:لا ده فى حد وشكل حد جامد اوى لدرجه بتحلم بيها هى إلى تصحيك

سيف ابتسم وسابها ودخل الحمام

ريم بفضول وضيق طفولى:اه يالا بقا 

سيف من الحمام:انسى

ريم:احسن مش عايز اعرف قال يعنى هموت واعرف اصلا تلاقيها من وحى خيالك مين البنت المجنونه إلى تبصلك اصلا عيل تن،ح

سيف خرج وهو لافف فوطه حوالين وسطه بس:اممم بنت مجنونه فعلا.

ريم اتكسفت وبصيت بعيد

سيف ضحك واخد هدوم عشان نسى ياخد ورجع دخل الحمام

بعد شويه خبط الباب

ريم فتحت

عمر حرك ايديه على شعرها:صباح الخير عامل ايه انهارده

ريم بضيق:عمرررر بوظت شعرى

فهد جايه وحرك ايديه على شعرها برضو:حاسس بإيه انهارده يا تعبان

ريم:انتو مستقصدنى يا جدعان

يوسف:راامى صباح الخير

لسه هيحط أيديه

ريم بتحذير:لو عملتها هخرشم وشك 

يوسف:يا الله ده مرعب اكتر من فهد

فهد:متنساش أنه فهد الشيتا

ريم: أسمى راااامى مش شيتا انا

سيف:خلاص يا جماعه يالا على التدريب وله ناوين نتذنب انهارده

ريم:سيف معاه حق يالا كلكم من غير مطرود

عمر:طيب طيب رامى هتيجى تفطر معانا فى الكافتيريا انهارده

ريم:اه أن شاء الله حاسس نفسى احسن هفطر معاكو وأقطع الاجازه من بكره

عمر:هيكون احسن الترم بيجرى محتاجين نركز كويس

ريم:عندك حق 

عدى الايام والشهور وخلصوا امتحانات الميد ترم

ريم:انا حاسس انى هشيل مواد كتير اوى

يوسف:يهودى بيتكلم أو مره اشوف يهودى بيتكلم

سيف بضحك:بس يا يوسف 

ريم:عمر انا خايف اول مره اكون خايف كده

عمر: متقلقش انا كنت براجع معاك الامتحان كله هيبقا تمام

ريم:مانا إلى مخوفنى اننا كنا بتراجع وكان بيبقا نص الامتحان غلط.

عمر:بس مش كله

ريم:يعنى هسقط طيب وله ايه 

فهد:بس بقا صداع انا متحمس اوى للتخييم السنه دى لدرجه جهزت شنطه التخييم بتاعتى من امبارح

يوسف:اه وانا كمان 

ريم:مكنتش فاضى كنت بذاكر

يوسف:رامى انت بقيت ممل اوى بجد بقيت زى عمر

عمر:الله طب وانا مالى 

سيف:انا جهزت شنطتى الصبح

ريم:خلاص يا جماعه هجهز شنطتى دلوقتى

سيف:هساعدك عشان كلها كام ساعه والاتوبيس يتحرك

ريم: ماشى

فى الاوضه

ريم:حاسس انى ناسى حاجه اه عرفت ناسى ايه

سيف بإستفهام:ايه

ريم: اممم معجون الاسنان روح معلش هاته من الحمام عقبال ما اجيب كذا حاجه من هنا

سيف فهم أنها بتحاول تمشيه سمع الكلام وراح الحمام وهو خارج لقاها بتحط حاجات بنات فى الشنطه ضحك 

سيف:جبتلك معجون الاسنان

ريم اخدته: شكرا كده الشنطه تمام 

سيف:باقى انت تجهز

ريم:اه لحظه وجاى

سيف:اه اه طبعا عارف اللحظه بتاعتك بس أنجز بسرعه شويه 

ريم:بقولك لحظه

سيف:ايوه مانت اللحظه بتاعتك بتاخد بتاع ساعتين

ريم:انت اوفر ده هى ساعه يتيمه

سيف:ايوه بتعمل ايه يعنى فى الساعه ده انت لو بتصنع الشامبو جوه كنت خرجت قبل كده

ريم:نينينيى مش ذنبى انك معفن ومش بتاخد شاور عدل

سابته ودخلت

سيف:ياربى انا ايه مصبرنى على البت ديه اقتلها واخلص طيب مش عارف بحب فيها ايه كتها القرف فى حلاوتها إلى تجزع النفس وله حنانها الملزق إلى بحبه لما بيبقا معايا انا لكن حد تانى بتبقا ملزقه ياربى اعمل ايه جننتنى.

بعد ساعتين

ريم:يالا يا سيف اتأخرنا

سيف خرج:انا لسه داخل من خمس دقايق بالظبط

ريم:انت إلى اخرتنا اصلا 

سيف:والله مكملتش خمس دقايق جوه لكن انت ساعه ونص كامله جوه لدرجه شكيت انك فطست

ريم:بعد الشر أن شاء الله عدوينى

سيف:ماشى ماشى يالا عشان اتأخرنا

ريم:تفتكر الكوتش هيعمل معانا ايه هيعاقبنا ازاى

سيف:معتقدش هيعاقبنا قبل ما نوصل المخيم

ريم:اسكت انت متعرفهوش ده مش بعيد يجرينا ورا الاتوبيس وهو ماشى ونوصل المخيم جرى

سيف:طيب متبالغش

ريم:يابنى انا متعود على عقابه انت متعرفش

سيف:انت غبى عارف كده صح

ريم:وانت محتاج بوكس عارف كده

سيف:ششش غبى الكوتش مش بيعاقبك الكوتش بيدريك لمسابقه العدو اخر السنه 

ريم:مسابقه !مسابقه ايه؟

سيف:انت مش ملاحظ انك بقيت سريع جدا ومش بتتعب من الجرى زى الاول وجسمك وحركتك بقيت اخف من الاول 

ريم:اه فعلا ملاحظ بس ده من العقاب 

سيف:مش بقولك غبى

ريم:طيب من غير شتيمه عشان مخرشمش وشك الحلو ده

سيف:طيب هقولك بس واحنا فى طريقنا

ريم: تعال

خرجو

سيف:بص يا سيدى فى مسابقه بتتعمل بعد امتحانات الفاينل للمدارس العسكريه كلها بس طبعا احنا كل سنه بنخسر لان مفيش حد فينا سريع كفايه عشان يتحدى المدارس التانيه لكن دلوقتي بقا معانا واحد وهو انت والكوتش لاحظ سرعتك من اول يوم ليك وكان بيقنعك انك بتتعاقب فى حين هو بيدربك لأكبر مسابقه عدو فى مصر.

ريم:أما الكوتش ده طلع مش سهل بطريقه 

يوسف:بتتكلمو عن ايه

عمر:واتأخرتو كده ليه

فهد:وايه الشنط ديه كلها 

سيف:متبصليش ديه شنط رامى

ريم:ايه دول هما تلت شنط يعنى مش حوار

يوسف:ايه ناوى تهاجر ومترجعش معانا وتستقر فى المخيم

فهد بضحك:يبقا طرزان المخيم

عمر ضحك:طبيعى تتأخر بالشنط ديه كلها

ريم:جيبت الأساسيات بس حقيقى

فهد:ليه جايب للمدرسه كلها

سيف:خلاص يا جماعه خلاص

فهد:طيب طيب خلاص

عمر:صحيح الكوتش سأل عليك يا رامى وعايزك

ريم:مقالش ليه

يوسف:غالبا هتتعاقب عشان التأخير

ريم مسكت ايد سيف:يبقا سيف معايا عشان أتأخر معايا

سيف شد ايديه:ما بسببك برضو

ريم:تصدق ياض انت صاحب مش جدع

سيف:اسف يا رامى بس انا مش لاقى صحتى الصبح امتحان وبليل عقاب

الكوتش فرج:رااامى انا مش طلبتك مجتش ليه لحد دلوقتي

ريم:لسه واصل

الكوتش فرج بص لساعته:اتأخرت اوى واخرتنا كلنا بسببك

ريم:انا وسيف

الكوتش:فعلا انت وسيف بس انت بس الى هتتعاقب

ريم:بس ده ظلم يا كوتش

الكوتش:انا راجل مش حقانى وظ،الم ومف،ترى عندك اعتراض

ريم:لا يا كوتش انت براحتك

الكوتش:هو براحتى فعلا اعمل حسابك عقابك هيطول انهارده بس بعد ما نوصل المخيم الكل هيرتاح الا انت مفهوم

ريم:ربنا على المفترى

الكوتش:بتقول حاجه

ريم:بقول حاضر يا كوتش من عنيا الاتنين

الكوتش ابتسم وسابهم ومشى

ريم:هيحصل ايه لو ق،تلت الراجل ده

عمر:هتدخل احداث

يوسف:ومش بعيد تاخد اع،دام

عمر:نهايه مأساويه

ريم:هحاول أتمالك اعصابى

فهد :طيب يالا بينا على الاتوبيس

سيف:يالا الحمدلله مش هتعاقب انا مبسوط جدا يا جدعان

ريم:انت شم،تان فيا يا سيف

سيف: رامى عيب متقولش كده احنا اهل

الفصل التاسع 

الكوتش فرج:اهلا بيكم فى المخيم العسكرى يا ابطال 

ريم بصدمه:صحراء

يوسف:ايه كنت متوقع فندق خمس نجوم

ريم:على الأقل غابه محترمه 

عمر:شكلك نسيت احنا مدرسه عسكريه يعنى فى مقام عساكر والعساكر مكانهم الصحرا

ريم:يا صغير على المرمطه يا رامى

الكوتش:راااامى

ريم:والنعمه لأغير أسمى ،نعم يا كوتش

الكوتش :شايف الشمس ديه

ريم:إلى بتشوينا ديه؟

الكوتش:ايوه هى

ريم :لا خالص مش شايفها

الكوتش:هتستعبط ،عايزك تروحلها جرى وترجع تانى

ريم:إلى هو ازاى معلش الف الكوكب يعنى وله ايه

الكوتش: ميخصنيش ابدأ يالا

جلال:معلش يا كوتش عايز حضرتك ثوانى

ريم:الكوتش ده جاى يخلص القديم والجديد يكونش ده ذنب الواد كوته إلى كنت بلففه الشارع جرى 

فهد:مين كوته

ريم:ده واد جارنا فى الشارع 

عمر:صعبان عليا

ريم:المفروض انا إلى اصعب عليك ده كوته ده اكبر فتان بيحب يبقا المحقق كونان ويمشى ورايا ويعرف المصايب إلى بعملها ويروح يقول لبابا عليها عشان كده كنت بربيه

فهد ضحك:احسن يستاهل

يوسف:يا عينى يا بنى 

عمر:قولى يا رامى هتعمل ايه 

سيف بضحك:هيروح للشمس

ريم:بقولك شمتان فيا ومش مصدق

سيف:اسف بس بجد إلى بيحصلك ده يضحك اى حد

الكوتش فرج:رامى

ريم:هروح للشمس حالا يا كوتش

الكوتش:لا اللواء جلال كلمنى هتساعدنا الاول فى نصب الخيم ونتغدا وبعدين نبدأ تدريب قصدى العقاب

ريم ابتسمت:تمام يا كوتش

فهد:يبقا لازم تاكل كويس

سيف:العكس لو تقل فى الاكل احتمال معدته تقلب بسبب الجرى

عمر:ايوه سيف عنده حق لازم تاكل حاجه خفيفه

ريم:ده انا خسيت النص يا جدعان 

فهد:فعلا جسمك ضعيف اوى

يوسف: متقلقش كلها نص سنه كمان وناخد الاجازه وترجع تتغذى من غير اى عقاب

ريم ابتسمت وافتكرت باباها وحور 

عمر:وحشك

ريم: فعلا

عمر:انا كمان ماما وحشتنى

يوسف:عمر انت ورامى اتفقنا مفيش اسرار اتكلمو بصوت عالى

ريم:مفيش حاجه مهمه يالا نجهز الخيم

فى وقت الغدا

ريم لسه بتاكل

الكوتش فرج:كفايه اكل كده قوم معايا

ريم:بس انا جعان

الكوتش:بقول كفايه اكل

ريم:جعان الله يكسبك يا كوتش سيبنى اكل 

الكوتش ابتسم:طيب كل دول بس وانجز

ريم:حاضر حاضر

بعد الاكل

ريم واقفه وماسكه بطنها 

ريم:انا برضو مكنش المفروض اتقل فى الاكل

الكوتش فرج:يالا ابدأ عايزك تلف حوالين الخيم ديه كلها يالا وقت بدأ

ريم جريت كام خطوه ووقفت وهى ماسكه بطنها

فرج:وقفت ليه كمل

ريم:الجرى فى الصحرا صعب كمان بطنى وجعتنى

فرج:عشان كده قولت بلاش نتقل فى الاكل دلوقتى تتصرف عايزك تلف حوالين الخيم ديه كلها في أربع دقايق

ريم :طيب كام دوره

فرج:والله انت إلى هتحدد هتفضل تلف دورات لحد الدوره إلى هتكون فى اربع دقايق هتكون الاخيره

ريم:يعنى لو لفيت اول دوره فى اربع دقايق هتكون الاخيره

فرج:بالظبط 

ريم اتشجعت شويه:تمام

وقفت وجريت فى مكانها شويه وبعدين جربت بأقصى سرعته عندها 

اول دوره

فرج:ست دقايق لفه كمان

تانى دوره

فرج:سبع دقائق انت بتخيب وله ايه لفه كمان

تالت دوره

فرج:خمس دقايق احسن يالا لفه كمان

رابع دوره

فرج:اربع دقايق وعشرين ثانيه لفه كمان

خامس دوره

فرج:خمس دقايق تانى يالا حاول اكتر لفه كمان

سادس دوره

فرج ابتسم لريم بفخر:تلت دقايق ونص

ريم:يعنى ايه هكمل عقاب وله ارجع انام

فرج:روح نام

جريت ريم بسرعه قبل ما يغير رأيه

فى الخيمه

فهد:جيت بسرعه يعنى

ريم:انتو بتعملو ايه

سيف:العدد بيبقا كبير فى المخيم عشان كده بتعمل خيم كبيره وكل خيمه بيقعد فيها خمس طلاب

عمر:يبقا انا وانت ويوسف وسيف وفهد كمان

ريم:المخيم ده هيبقا خرااااب

 تانى يوم الساعه خمسه

الكوتش فرج:يالا يا شويه كسلانين قومو 

ريم فتحت عينيها بالعافيه:الساعه كام

الكوتش فرج:الساعه تلاته

ريم قامت بصدمه: العصر

الكوتش فرج:لا الفجر 

سيف:وهنقوم الفجر نعمل ايه

الكوتش فرج:عشان تشجعو مش انتو صحاب رامى

ريم:طب انا دلوقتي عملت ايه يستحق العقاب انا كنت نايم زى اى كائن حى بيعيش ويتعايش متقولو حاجه يا جدعان

الكوتش فرج:وله كلمه قدامى يالا وانتو كمان 

يوسف:منك لله يا رامى

عمر:مالنا احنا نصحى الساعه تلاته

فهد:يالا رياضه برضو

سيف منطقش

الكوتش فرج:رامى عايز اكلمك 

ريم راحت معاه 

فرج:مبروك هتشارك فى مسابقه بعد شهرين 

ريم:بس انا مقدمتش فى اى مسابقات

فرج:انا قدمتلك هتشارك بأسم المدرسه

ريم:بس انا مش عايز

فرج:ليه أن شاء الله البيه مش عايز

ريم:مش لاقى صحتى وبعدين هستفاد ايه اصلا قولى كده

فرج:هتستفاد فخر هترفع راسنا كلنا المدرسه اللواء جلال وصحابك وكمان هترفع راس والدك الكل هيعرف إلى هيفوز فى مسابقه العدو رامى جمال ايه مش عايز ترفع اسم والدك

ريم:هيبقا حاجه كويسه يعنى

فرج:اه طبعا بس طبعا ده لو فوزت

ريم:ولو خسرت

فرج:وله اى حاجه هتفضل زى مانت كده

ريم:اممم يعنى مش هخسر حاجه طيب ايه المانع 

فرج:تمام أمضى الورق ده دلوقتي

ريم بعد ما مضيت:ورق ايه ده

فرج:ده تعهد منك انك تسمع كلامى كله بالحرف الواحد فى اى حاجه تخص التدريب وده يعنى انى اقدر وفى اى وقت اصحيك واخليك تدرب وانت مش من حقك انك تعترض ومش هتاكل الاكل العادى زى باقى زمايلك لا انت هتاكل الاكل إلى انا هحدده ليك وبس مفهوم كل ده طبعا ولو فكرت تخالف البنود بتاعت العقد اول حاجه هتطرد من المدرسه تانى حاجه هتدخل احداث لمده تلت شهور كده بس انت طبعا مش هتحتاج كل ده لانك هتسمع الكلام 

سابه ومشى

ريم:الكوتش ده ناوى على موتى حقيقى

سيف:كان فى ايه ومضيت ايه

ريم:تعهد

سيف:غبى بتمضى وخلاص انت عارف التعهد ده ايه بنوده وايه شروطه

ريم:بس بقا يا سيف سيبنى بالى فيا انا إلى فيا مكفينى

سيف:احسن تستاهل عشان تانى مره متمضيش اى حاجه كده

ريم:ما خلاص يا سيف انت متخصص فى انك تحط على الجرح ملح يعنى وله ايه

يوسف:كده الجرح يلتهب ويعمل صديد ،فى ايه؟

ريم:ناقصك انت كمان

فهد:متقولو فى ايه

سيف:قول فى ايه ،قولهم

عمر:مالك يا رامى فى حاجه

ريم:لا وله اى حاجه بس مضيت تعهد للكوتش 

عمر :اه يا عبيط

سيف:مقولتش حاجه انا

فهد:خلاص متقلقش يا رامى الكوتش مش هيأذيك هو بس عايز يضمن انك هتفوز فى المسابقه هو عايز بس مصلحتك وانت كل إلى عليك تثق فيه مش اكتر وتسمع كلامه

ريم:تمام أن شاء الله

عمر: كلنا فى ضهرك يا صاحبى متقلقش

ريم ابتسمت ليه: شكرا يا صاحبى

سيف بغيره:على فكره قال كلنا في ضهرك مش هو بس

ريم:عارف انا مش اطرش

الكوتش فرج:يالا يا رامى تبدأ

ريم:تبدأ ايه

الكوتش فرج:تدريب يالا كلكم معاه اجرو وانتو واقفين

ريم : كلنا!

الكوتش فرج:ايوه الصحاب مش ببلاش يالا اخلصو

فعلا بدأو

ريم بقيت تبصلهم وهما تعبانين وبيجرو وكل لما حد يبصلها يبتسم ويكمل 

ريم لنفسها:هو ده معنى الصحاب الحقيقين مش كده يا بابا طول عمرك تقولى مش اى حد تقابليه يا ريم تقولى عليه صديقك الصحاب حاجه والمعارف حاجه تانيه كنت بتقولى الصحاب دول بيبقو اخواتك بس من دم تانى وانا لما جيت المدرسه ديه عرفت حاجتين يعنى ايه صحاب ويعنى ايه اخوات انا عمر ما كان عندى اخوات طول عمرى البنت الوحيده إلى فى البيت بس لما جيت هنا مبقتش احس انى وحيده بقيت اعتمد عليهم كلهم وده لانى اعتبرتهم كلهم اخواتى وهفصل احمد ربنا على نعمه الاخوات والصحاب إلى انعم عليا بيهم فى المدرسه ديه.

عدى الوقت والاجازه خلصت وكانو راجعين فى الاتوبيس

فهد:ديه مكنتش اجازه لا ده كان عذاب

يوسف:اكتر حد اتعذب فى الاجازه ديه هو رامى

عمر:يا عينى مبقاش عارف ياكل حتى نقص نص وزنه

سيف:خلاص يا جماعه بطلو احباط انا شايف أن رامى اتقدم كتير بقا سريع جدا وجسمه صحى جدا ومتأمل أنه يفوز بجائزه افضل واسرع عداء فى البلد

ريم كانت قاعده جنب الكوتش 

الكوتش:عارف انى ضغط عليك جامد الاجازه ديه بس عايزك تعرف انى اعتبرتك زى ابنى وانى مش بكرهك العكس تماما انا بس عايز اشوفك احسن واحد وترفع راسنا كلنا وتخلى مدرستك فخوره بيك زى ما انت فخور بيك الحقيقه انك حتى لو مكسبتش المسابقه ديه أنا هفضل فخور بيك لانك عملت كل إلى تقدر عليه.

ريم بابتسامه:هفضل اعمل الى اقدر عليه وأن شاء الله هكسب واكون عند حسن ظنك يا كوتش

الكوتش ابتسم:عارف ده طبعا 

فى المدرسه

عمر:هيوحشنى بجد نتلم كلنا وننام فى اوضه واحده

يوسف:انا بقا هيةخسنى نصحى الفجر نتدرب مع رامى الحمدلله على نعمه الاوضه بتاعتى 

عمر ضحك:عندك حق فى ديه 

يوسف:يالا يا بنى على الاوضه

عمر:يالا تصبحو على خير يا جماعه

ريم:وانتو من أهله

فهد:انا بقا مش فارق معايا تدريب وبجد هيوحسنى ننام سوا كلنا في خيمه واحده 

سيف بص ليه بغيظ وضيق

ريم ملاحظه ان الاتنين بقو متغيرين

فهد بص لسيف بإستهزاء وبعدين بص لريم:تصبح على خير يا رامى اشوفك بكره

ريم:وانت من أهله يا فهد

مشى فهد

سيف مسك أيديها:يالا ندخل اوضتنا.

دخلو الاوضه

ريم:هو فى ايه ايه الحكايه بينك انت وفهد متغيرين سوا

سيف:مفيش حاجه متشغلش بالك انت عايز بس اعرفك أن الترم التانى دائما بيبقا قصير محتاج تركز فى دروسك وتذاكر اول بأول عشان تعرف تنجح 

ريم:تفتكر هعرف

سيف:تعرف ايه

ريم:انجح فى دراستى وكمان اكسب المسابقه 

سيف:اكيد هتقدرى 

ريم:هتقدرى!؟

سيف:قصدى تقدر

ريم:سيف ديه مش اول مره تكلمنى بصفه المؤنث انت عارف حاجه صح 

سيف:هعرف ايه يعنى انا هاخد دش

سابها ودخل الحمام

ريم:متأكده انك تعرف حاجه

خرجت ريم وراحت لمكتب جلال

جلال:اهلا ريم حمدالله على السلامه

ريم:الله يسلمك هو انا ينفع أكلم بابا

جلال:اه ينفع اتفضل كلمه من التليفون الارضى إلى عندك على المكتب ده

ريم مسكت التليفون بسرعه وضغطت شويه ارقام وبعد كام رنه

جمال:ايوه مين معايا

ريم بدموع:بابا.

جمال بسرعه:ريم عامله ايه عندك طمنينى انتى كويسه يا حبيبتى حد بيضايقك عندك 

ريم بدموع:اطمن اطمن انا بس كنت عايزه اقولك انى بتغير عشان ابقى احسن بنت ليك وهرفع راسك انا مشاركه فى مسابقه عدو وهكسب عشانك وهرفع راسك كمان اعتقد انى هنجح

جلال بابتسامه:نجحتى الترم الاول بتقدير جيد جدا

ريم:بجد 

جلال:ايوه وجمال عارف

ريم:بابا انا انا نجحت

جمال:عارف يا بنتى انا فخور بيكى جدا

ريم ابتسمت بدموع:وانا بحبك اوى يا بابا وبجد انت وحشتنى لازم اقفل دلوقتى يا بابا عن أذنك

جمال:ماشى يا بنتى خلى بالك من نفسك

ريم:وانت كمان خلى بالك من نفسك

قفلت ريم التليفون وبصيت لجلال

جلال:انا كمان فخور بيكى يا ريم

ريم ابتسمت:متشكره جدا يا حضره اللواء

جلال:قولى اخبارك ايه مع سيف ضايقك او اى حاجه

ريم:لا انا وسيف صحاب كمان

جلال: عارف طبعا

ريم:بس انا كنت عايزه اعرف هو سيف يعرف انى بنت

جلال:اه طبعا اومال بيساعدك ازاى انك متتكشفيش 

ريم بصيت ليه بصدمه

جلال:انتى مكنتيش تعرفى 

ريم ابتسمت:لا طبعا كنت عارفه عن أذنك

جلال:اتفضلى

رجعت ريم الأوضه

سيف اول ما فتحت الباب جرى عندها:كنت فين الوقت اتأخر ومقولتليش ليه انك خارج وروحت فين اصلا

ريم:ميخصكش.

جت تمشى مسك أيديها

سيف:مالك يا رامى

ريم شديت ايديها بعصبية: بطل كدب بقا انت عارف ومن اول يوم انى ريم انت شاطر اوى فى الكدب وكنت مبسوط جدا وانت بتاخدنى على قد عقلي مش كده 

سيف:انا عملت كده عشان احميكى 

ريم:وحميتنى برافو عليك عايزه اعرفك انك مش محتاج تعمل كده تانى وانا مش محتاجه منك انك تحمينى

سيف:انتى غبيه انا هفضل احميكى طول مانا عايش.

ريم:مش مضطر تمام انا مش محتاجاك

سيف:بس انا محتاجك انا محتاج احميكى محتاج اخليكى تحت عينى طول الوقت محتاج اطمن عليكى محتاجك

ريم:محتاجنى؟

سيف:كل ده مفهمتيش ،انا بحبك يا ريم

ريم وقفت بصدمه

سيف مسك وشها وقرب منها:بحبك واتمنى انك تكونى بتحبينى مش اخوكى ومش صاحبك لا تحبينى كحبيبك فاهمه.

ريم فضلت تبصله فى عينيه وهزيت راسها انها فاهمه.

سيف سابها وراح السرير إلى فوق بتاعه

دخلت ريم الحمام من غير اى كلمه

فى الحمام

ريم :بيحبنى!(ضحكت بكسوف) بيحبنى!!!!

كانت بتلبس وهى بتفكر وسرحانه وخرجت من الحمام وراحت نامت على السرير إلى تحت

سيف:احم انتى مردتيش.

ريم:على ايه؟

سيف تتنهد:بتحبينى زى ما بحبك وله لا

ريم ابتسمت واتكسفت وقالت لنفسها:هو ازاى بيقولها عادى كده الكلمه ديه صعبه اوى بس هو بيقولها بسهوله ازاى كده.

سيف بصلها:ريم

ريم بصيت ليه:ها

سيف ابتسم وسند رأسه:بتحبينى صح

ريم بصيت بعيد وهى بتبتسم

سيف:عارف انى هندم

ريم بصيت ليه بإستغراب:على ايه؟

سيف وقع نفسه جمبها على السرير:على ده

ريم بصدمه:فاكر نفسك بتعمل ايه

سيف:عايز اجابه دلوقتى

ريم:اطلع سريرك يا سيف احسنلك

سيف:ليه؟

ريم:عشان

سيف بيقرب منها وهى بتبعد لحد ما لزقت فى الحيطه

ريم:عشان عشان

سيف:قولى عشان ايه

ريم:عشان صعبه مش عارفه قولتها ازاى بسهوله كده بس هى صعبه بالنسبالى مش عارفه اقولها صدقنى

سيف:هقولك انا قولتها بسهوله عشان انا حسيتها اوى لدرجه مبقتش قادر اخبيها

ريم: طيب اطلع بقا مكانك فوق 

سيف اتنهد وطلع سريره فعلا.

ريم حطيت إيديها على قلبها

سيف: متقلقيش انا هفضل احميكى طول عمرى حتى لو وصلت انى احميكى من نفسى

ريم ابتسمت وسكتت

سيف:بس انا هفضل مستنى اسمعها منك وهعتبر أن سكوتك علامه رضا مش كده) بص ليها

ريم غمضت عيونها وهزيت راسها بأه وحضنت مخدتها جامد ونامت

سيف ابتسم:بتحبينى 

تانى يوم الفجر

الكوتش بيخبط على الباب بتاع الاوضه وله كأن فى حريقه فى المدرسه من الخضه وقع سيف غصب عنه على ريم

ريم فتحت عينيها بصدمه:بتعمل ايه عندك

سيف:انا اسف وقعت من الخضه

ريم بصيت للباب بتعب:يا ربى

سيف ضحك:ده الكوتش اكيد

ريم:مش محتاجه سؤال احم تقدر تبعد عنى

سيف:امم اقدر بس مش عايز

ريم احمرت وبصيت ليه بصدمه:ايه مش عايز ديه ابعد 

سيف:طيب اقنعينى أو اقولك اتحايلى عليا شويه

ريم:لو متحركتش هتصرف تصرف مش هيعجبك

سيف:يا ربى انتى بتخوفى اكتر من ابويا

بعد عنها سيف وقعد على السرير .

قامت ريم وكانت هتروح تفتح بس بصيت لسيف كان بيبص للساعه قربت وباسته من خده وراحت تفتح الباب

سيف ابتسم وحط ايديه على خده بتوهان

ريم فتحت الباب:ايوه يا كوتش

فرج:يالا اجهز بسرعه عشان التدريب

ريم:تمام يا كوتش

مشى فرج

ريم قفلت الباب

ريم بضحك لسيف:شكل الكوتش مش عارف ينام من حماسه للمسابقه

سيف كان بيبص ليها بتوهان

ريم:ماله ده ايه حصله، احم انت كويس

سيف قام ولسه هيروحلها

ريم:ينهار الكوتش لازم اجهز حالا

جريت للحمام

سيف لنفسه:أهدى يا سيف أهدى لازم تهدى لازم ،اعتبر انها رامى مش ريم احميها لازم تحميها حتى من نفسك 

ريم خرجت من الحمام وبصيت ليه وبعدين خرجت من الأوضه

سيف جهز هو كمان وخرج وراها

كانت ريم بتجرى فى الحوش

فرج:جاى بدرى اوى كده ليه يا سيف لسه الساعه اربعه

سيف:احم جيت اشجع رامى

فرج خبط على كتفه:ونعمه الصحاب

ريم كانت بتجرى وشافته واقف مع الكوتش ابتسمت وكملت تدريب

الساعه سته الطلاب كلهم اتجمعو فى الحوش وريم زى ما هى بتجرى لما بتتعب بتقف يادوبك تشرب مايه وتكمل 

فهد:فهد الشيتا بتاعنا بيبذل كل جهده

يوسف:فعلا انا واثق أن رامى هيفوز فى المسابقه

عمر:بس انا خايف عليه بقا جسمه ضعيف جدا ومش بياكل كويس

يوسف:يكسب بس وبعدين ياكل إلى هو عايزه

فهد:صحيح فين سيف

يوسف:فعلا فينه اتأخر على التدريب؟

عمر:لا سيف هناك مع رامى 

فهد بإستغراب:هو هناك من امتى

الكوتش:من الساعه اربعه سيف ونعمه الصديق فعلا

عمر ابتسم:صحى بدرى يشجع رامى

يوسف:والله ابن حلال ويستاهل

عمر ويوسف ضحكو

فى حين فهد بقا بيبص عليهم بغضب.

كانت ريم بتشرب وبتستريح

سيف:بقيتى احسن

ريم ابتسمت:اه انا تمام اممم اعتقد ده وقت التدريب الكل جهز

سيف:عارف بس

ريم:بس ايه

سيف:هجرى معاكى انهارده

ريم: ليه

سيف:عشان عايز ابقا معاكى كل الوقت

ريم:مانا معاك كل الوقت بس الفرق انا هجرى وانت هتعمل ضغط وتمرينات تانيه هناك 

سيف:هبقا بعيد عنك ساعتها

ريم ضحكت:سيف احنا فى نفس المدرسه 

سيف:ولو برضو هبقا بعيد بتاع خمسه متر عنك 

ريم:سيف روح التدريب يالا اصلا مش هتلحقنى انا سريعه.

سيف:فى ديه بقا عندك حق

ريم:طيب يالا روح الكوتش بينادى اصلا بص

سيف بص بقا الكوتش بيشاور ليه يجى

سيف بضيق اطفال:طيب طيب رايح بس هرجع تانى

ريم:وانا هستناك

سيف بص ليها:توعدينى

ريم:اوعدك

ابتسم سيف وراح يتدرب

وريم كملت جرى

بعد التدريب

كانو بيفطرو

ريم جت بطبق مفيهوش غير شويه خضار مسلوق

ريم قعدت بين عمر وسيف كالعاده وهى عامله وشها كده☹️

عمر بضحك:مال وشك يابنى.

ريم:سيبنى والنبى يا عمر

يوسف:يا عينى عليك يا بنى صحيح يا سيف انهارده الشيف عامل حتته بابا غنوج رهيب

سيف ضحك:بس يا يوسف

ريم:ليك يوم يا يوسف ليك يوم

فهد:تحب تاكل عادى متخافش محدش هيقول للمدرب

سيف:مش هينفع الكوتش حط ليه الاكل ده لسبب هو مش بيعذبه هو بيساعده

فهد:سيبك منه يا رامى عايز تاكل 

ريم:لا يا فهد سيف عنده حق انا هاكل فصوليا خضرا مسلوقه وبطاطس وخلاص 

عمر حط أيده على كتفها: متقلقش اول ما هتكسب هترجع تاكل براحتك انت خلاص قربت

ريم ابتسمت لعمر

سيف خبط فى ريم بعصبية

عمر شال ايديه:مالك يا سيف

ريم بصيت ليه بإستغراب

سيف بص ليها بضيق:مش عارف يمكن دوخت شويه

ريم:طيب تعال نروح للدكتور

سيف:لا خلاص انا كويس

يوسف:الموضوع كتر يا سيف محتاج تكشف بجد

فهد ابتسم بسخرية:لا يا يوسف مش محتاج عادى بتحصل كلو كلو

ريم بقيت تبص لسيف بإستغراب

يوسف:الله تسلم ايد الشيف

عمر ضحك:بس بقا يا يوسف

يوسف:ايه انا قولت حاجه لامؤخذه يا رامى بقا

ريم ضحكت:ليك يوم صدقنى

بعد الاكل كل واحد رجع اوضته يجهز للدراسه

ريم خرجت من الحمام وقفلت الباب ولسه بتتعدل زقها سيف بسرعه للباب

ريم بخضه:مالك !!!

سيف:إلى انتى عملتيه صح

ريم:عملت ايه

سيف:الاول كنت بسكت واقول لنفسى هتقولها ايه اصلا بغير عليك يا رامى لكن انتى عارفه انى عارف وعارفه انى بحبك وبرضو برضو بتضايقينى

ريم:عملت ايه انا

سيف:انتى بتسألى بجد ؟ مش عارفه عملتى ايه

ريم:لو عارفه هخبى عليك ليه

سيف:هقولك هقولك 

ريم:قول طيب مستنى ايه

سيف بعصبية خبط ايديه على الباب جمبها جامد

سيف:بطلى تخليهم يلمسوكى بطلى

ريم:محدش بيلمسنى انت عبيط

سيف:والله ولما كل شويه كل شويه عمر يحط ايديه على كتفك ويمسك ايديكى عادى عندك

ريم:سيف عمر اخويا 

سيف:لا مش اخوكى اسمك ريم جمال واسمه عمر السيد مش اخوكى 

ريم:لا اخويا زى يوسف وفهد 

سيف:وانا؟

ريم:لا انت حبيبى

ريم حطيت إيديها على بقها وقالت لنفسها:ايه إلى قولته ده

سيف ابتسم ابتسامه حلوه وبعد عنها:طيب هسامحك المره دى بس لو حد لمسك تانى ولو بالغلط هخرشم وشه

ريم شالت ايديها:ده كلامى انا يا قلود

سيف:كل حاجه بتاعتك هتبقا بتاعتى برضو بس لسه شويه

ريم: مش فاهمه حاجه

سيف:هتفهمى بعدين

الباب خبط

ريم ابتسمت:اكيد عمر جريت فتحت

عمر:يالا استاذ سمير هينفخنا

ريم:اه يالا

مشيو للصف

كان قاعد يوسف وفهد على مقعد واحد 

وسيف راح قعد مكانه وعمر كمان وبعدين الاتنين بصوت لريم عشان تقعد جمبهم

ريم بصيت لسيف وبعدين بصيت لعمر وابتسمت وكانت رايحه لعمر

كريم وده زميل فهد فى الاوضه:معلش يا رامى هقعد جمب عمر عشان عايزه يفهمنى حاجه

ريم:اه طبعا تمام 

راحت ريم قعدت جمب سيف وهى بتبص لعمر

سيف:ايه مش عايزه تقعدى جمبى

ريم:لا بس متعوده اقعد جمب عمر

سيف مسك أيديها:بس انا موجود برضو

ريم بصيت ليه بابتسامه

يوسف وفهد كانو قاعدين قدامهم

يوسف لف وشه:رامى وسيف جمب بعض لا حد يقرصنى

فهد:اوى اوى

يوسف بسرعه:لا لا بهزر ياخى ايه ده 

ريم بضحك:بيتلكك عشان يقرص اى حد

فهد:تعال اقرصك انت يا رامى

سيف مسك أيديها جامد

ريم بوجع بسيط بصيت لسيف وبعدين لفهد:لا ياعم اقرص نفسك انت انا مالى انا فيا الى مكفينى والله

حطيت إيديها التانيه على ايد سيف وطبطبت عليها

خفف سيف مسكته شويه

دخل استاذ سمير

سمير:صباح الخير

الكل :صباح النور

سمير:مفيش وقت لأى كلام ركزو معايا كويس عشان إلى هقوله مهم ويستحسن تكتبو ورايا

ريم بصوت واطى:سيف سيب ايدى

سيف:لا

ريم:سيف عايزه اكتب

سيف:اتصرفى

ريم:ازاى ؟اكتب بالشمال يعنى

سيف ساب ايديها ونفخ بضيق

ريم ضحكت ومسكت القلم وبدأت تكتب بصيت عليه لقيته بيكتب بس مكرمش وشه ضحكت ومديت ايديها الشمال ليه

سيف ابتسم ومسكها

ريم ضحكت وكملو كتابه

بعد الدرس

فهد وهو بيحط ايديه على كتفها:رامى 

ريم اتخضيت لانه جيه من ورا:انت مش هتبطل ابدا

فهد ضحك: ابدا

سيف مسك أيديها وشدها:رامى تعال بسرعه فى فار فى اوضتنا

شدها وجرى

عمر:فاااار ينهار ابيض

يوسف:اخر مره دخل اوضتنا فاكر يا عمر

عمر:وده يوم يتنسى نيمنا يومها فى الطرقه

عند سيف

دخلو الأوضه

ريم:ليه جبتنا المفروض نبلغ انا بخاف من الفيران مش هعرف انام والفار فى الاوضه انا

سيف:مفيش اى فيران فى الاوضه

ريم:اومال ليه

سيف بعصبية:عشان قولتك بطلى وانتى مش بتسمعى الكلام

ريم: ابطل ايه انت وقعت قلبى فى رجلى فى حد يهزر الهزار البايخ ده 

سيف:ريم انا مش بهزر فهد بالذات ممنوع يلمسك أو يحط ايديه على كتفك انا ممكن اسامحك على عمر لكن فهد يا ريم لا 

ريم:ليه يعنى ماله فهد 

سيف:فهد عارف انك بنت