تحميل رواية تربيه واصلاح بقلم منار مجدي pdf

ريم بصدمه:عارف انى بنت ازاى يعنى

سيف:زى ما بقولك كده هو مش صافى ناحيتك 

ريم:لا انت اكيد بتهزر ده فهد صاحبنا

سيف:عشان هو صاحبى بحذرك منه ابعدى عنه مفهوم

ريم:ابعد عنه ،انت فاكر أنه سهل افهم اننا شله صحاب

سيف بضيق:عارف عارف كل ده بس حاولى ماشى حاولى تبعدى عنه هياخدك منى انا عارف اى حاجه تخصنى بيبقا عايزها انا عارفه عارف كل تصرفاته

ريم مسكت ايديه:أهدى ماشى محدش هياخدنى منك 

سيف حضنها بتملك:اوعدينى متسبنيش مهما حصل

ريم:اممم اقدر اوعدك أنى مش هتجوز غيرك ايه رأيك في الوعد ده

سيف ضحك وهو حاضنها:ده احسن وعد سمعته في حياتي

ريم ضحكت:اى خدمه دلوقتى بقا كفايه ونروح نكمل دراسه وله انت ايه رأيك

سيف:خلينا شويه بس

ريم زقيته براحه:يالا بقا مش عايزه اتعاقب انا

سيف ضحك:طيب يالا

خرجو ودخلو الفصل

عمر:ها عملتو ايه

سيف:الفار خرج خلاص

يوسف:بالسرعه ديه

ريم:سيف طلع متمكن 

سيف ضحك

يوسف:بتضحك على ايه

ريم :معرفش انا كان قصدى متمكن من الفار 

سيف:بس كان احلى فار شوفته فى حياتى

يوسف:ايه حلو ده ، ده فار 

عمر ضحك:الظاهر وقع في حب الفار

سيف بص لريم:حب من اول خناقه

ريم ابتسمت وافتكرت اول مره قابلته اول يوم ليها فى المدرسه اول حد قابلته فى المدرسه كان هو

يوسف:لا حالته بقيت صعبه لازم تكشف انا بقولك اهو

فهد كان بيبص لسيف وريم بضيق وبعدين بص قدامه لما دخل الاستاذ

بعد اليوم الدراسى

عمر:عندى مذاكره قد كده

ريم:هتذاكر انهارده

عمر:ايوه لازم اخلص اول بأول الترم التانى دائما بيخلص بسرعه هذاكر اول بأول

ريم:خلاص هغير واجيلك نذاكر سوا

عمر:تمام

يوسف:اوف انتو بقيتو مملين جدا سيف تتفرج معايا على فيلم انهارده

سيف:لا انا هذاكر مع عمر ورامى

يوسف:اوف مفيش غيره فهد ،صحيح هو فين فهد

فهد خرج من الفصل:انا هنا عايز ايه

يوسف:نسهر سوا نتفرج على فيلم رعب

فهد:تمام طبعا تعالو اوضتى هجهز فيلم حلو

عمر:يوسف بس الى هيتفرج 

ريم:ايوه احنا هنذاكر

فهد:ايه الملل ده احنا اول يوف فى الترم أنهارده

سيف:خلاص قررنا انتو اتفرجو واحنا هنذاكر

مسك سيف ايد ريم:يالا احنا عشان نغير

عمر:اه روحو وانا هجهز المذاكره

مشيو كلهم

فى اوضه ريم

ريم:سيف هو فهد ممكن يقول لحد انى بنت

سيف:لو كان عايز يقول كان قال من بدرى

ريم:ليه مقالش طيب

سيف:اعتقد أنه بيحبك

ريم بصدمه:ايه

سيف ضحك:ريم انتى البنت الوحيده في المدرسه طبيعى يحبك وكمان دائما معاه 

ريم:يعنى انت حبتنى عشان انا البنت الوحيده في المدرسه وعشان دائما قدامك

سيف:لا طبعا انا حبيتك عشان انتى ريم

ريم:لو كنت رنا مكنتش حبيتنى

سيف بإستغراب:مين رنا اصلا

ريم:ده معناه انك عايز تعرف بنت تانيه 

سيف:ريم انتى فى ايه فى دماغك

ريم بصيت ليه بجمود ودخلت الحمام:وله حاجه

سيف مسك أيديها:بكلمك

ريم: سيب ايدى.

سيف رفع حاجبه:لا مش هسيبك

ريم جت تشد ايديها مسكها سيف اجمد وشدها عليه

خبطت ريم فيه

ريم بضيق:سيبنى بقا يا سيف

سيف:قوليلى مالك الاول

ريم:اوعى يا خا''ين

سيف: خونت"ك امتى انا 

ريم:بقا مش عارف يا بتاع رنا

سيف:رنا مين يا بنتى انتى هتجننينى

ريم بدموع: سيبنى بقا

حضنها سيف جامد: مستحيل اسيبك

ريم: ورنا

سيف: والله ما اعرف بنت غيرك

ريم:لو عرفت هتبطل تحبينى

سيف وهو بيحضنها اجمد:محدش يقدر ياخدنى منك انتى بس ثقى فيا وثقى فى نفسك 

ريم بكسوف:طيب خلاص صدقتك سيبنى بقا

سيف:تؤتؤ مش هيحصل

ريم:رأيك كده

سيف:كده ونص

ريم:طيب تمام

سيف بعد عنها وهو بيطنطت ومسك رجله بعد ما ريم داست عليها جامد 

سيف بوجع:ليه الحركات ديه

ريم:طول مانت بتعمل الحركات ديه هعمل كده واكتر وانت عارف انى مجنونه 

سيف:انا مش عارف انا متأكد انك مجنونه

ريم: نينينينى

بعد فتره كبيره كانو خارجين من اوضه عمر 

ريم:تعبت جامد انهارده كل ده اخدناه فى أول يوم بس

سيف:ده احنا لسه بنقول بسم الله

ريم:لا الغو رحلتى الترم ده فرهدت خلاص

سيف ضحك:امشى قدامى امشى

ريم راحت الاوضه وراحت على السرير عدل

ريم:يا عضمك إلى اتكسر يا قرمط وله يوم من ايامك يا بابا يا حبيبى ده انا كنت هانم وله مذاكره وله نيله يوم ما بقول انى اتمرمطت كنت بروق الشقه واعمل اكل لكن هنا يالهوى على إلى بيحصلى تدريب وله عذاب قريش والدراسه نفخ نفخ نفخ وصحيان بدرى ده حتى الاكل مبقتش عارفه اكل 

سيف:خلاص بقا بكره ناخد الاجازه

ريم:وارجع مدرستى وارجع بنت تانى والتصرف براحتى ومش مضطره اغير صوتى وارجع اطول شعرى تانى وناويه اعمل قصه انت ايه رأيك

سيف سرح:هترجعى مدرستك ؟

ريم:مالك انت كويس

سيف:هتمشى 

ريم:هرجع لحياتى

سيف:طب وانا

ريم:مالك 

سيف:هتنسينى

ريم:قصدك هستناك

سيف:تستنينى؟ لأمتى 

ريم:لو اضطريت استناك عمرى كله هعمله 

سيف:انا مش بهزر

ريم:وله انا بهزر

سيف بص ليها وهو على السرير فوق:هتستنينى بجد

ريم:ايوه

سيف:عارفه انى هاخد وقت كبير

ريم:عارفه لسه هنتخرج من الثانوى وده مش بعيد ده السنه الجايه وبعدين الجامعه

سيف:كل ده هبقا بعيد عنك

ريم:ده كويس عشان اوحشك

سيف:ليه حاسس انك لما هتصدقى تسبينى 

ريم:مش لما هصدق بس لسه ترم بحاله وبعدين الاتفاق لو مجبتش وله ملحق لو جبت هفضل فى المدرسه هنا

سيف:حلو يبقا تشيلى ماده

ريم:لا مش هعمل كده انت نسيت بابا بابا مستنينى هو كمان هو قاعد لوحده دلوقتى بياكل ويشرب وينام ويتعب وهو لوحده بابا ملوش غيرى انا بعمل الى اقدر عليه عشانه 

سيف:طب وانا مش هتعمل عشانى برضو

ريم:قولتلك هستناك وده وعد

سيف:وانا اوعدك هحاول أنجز بأسرع وقت واجيلك على طول

ريم ابتسمت:واثقه انك جاى

سيف:على الله بس متعرفنيش هنفخك

ريم:ليه ناوى تعمل عمليه تجميل تغير شكلك

سيف:اغير شكلى ليه انا كده قمر اوى وله انتى رأيك ايه

ريم:رأى انك نرجسى اوى 

سيف: والله ده هو انا

ريم:امم يالا ننام هصحى بدرى للتدريب

عدى الترم هواء انهارده اول يوم امتحانات

سيف مضايق

ريم مسكت ايديه:بطل تضايق ماشى

سيف:كلها كام يوم وتمشى 

ريم:مش مهم المهم هو أن ريم لسيف وسيف لريم توعدنى بكده

سيف:اوعدك

الباب خبط

ريم:اكيد ده عمر

عمر:يالا يا جماعه الامتحان 

ريم:يالا 

يوسف:جماعه حاسس انى هشيل

عمر:قولنا ذاكر يا يوسف

ريم:قال ملل ملل لسه بدرى

يوسف:هتحفل عليا انت وهو بقا وله ايه

سيف: متقلقش يا يوسف هيعدى زى الى قبله

فهد:اهلا يا شباب

الكل: اهلا

عمر ويوسف وريم وسيف مبقوش زى الاول مع فهد لانه اتغير بقا لازم لما يتجمعو يتخانق مع حد فيهم

الكوتش:وقفين كده ليه انتو الخمسه

سيف:عادى

فرج:عادى؟يالا يا خويا منك ليه كل واحد على لجنته وانت يا رامى اجهز للتدريب بعد الامتحان عشان المسابقه بعد الامتحانات

ريم:تمام يا كوتش

مشيو فعلا كل واحد على لجنته

وبعد الامتحان والتدريب بتاع ريم غيرت وجهزت وكان عمر ويوسف بره مع سيف

يوسف:عارف يا رامى انت ريحتك مش زى ريحه الولاد 

عمر:مش كده ريحته كريز

ريم:اول مره اعرف انى مصاحب كلبين جيرمن

يوسف:وله هنزعلك

ريم:وله تعرف

عمر:رامى انت هتخلص المسابقه وتمشى من المدرسه كلها صح

ريم:ده لو مشيلتش مواد لو شيلت هشرف السنه الجايه معاكو هنا

عمر:عارف انها دعوه مش لذيذه بس اتمنى انك تشيل عشان تفضل معانا

ريم:لا ونعمه الصحاب بجد

سيف ضحك

ريم:اضحك انت ما الكلام جاى على هواك

سيف قعد:قولتلك ماده هتشيلها مش هتأثر

يوسف:اه هنمتحن سوا فى سمر كورس ونبدأ تالته سوا

ريم:اسكت والنبى يا يوسف اسكت 

عمر:رامى ابوه وحشه

ريم:جدا يا عمر بجد وحشنى جدا 

سيف:أن شاء الله ربنا يوفقنا

الباب خبط

يوسف بضيق:اوف اكيد فهد

ريم:خلاص يا يوسف ده صاحبنا مهما كان

يوسف:بقا خنيقه

سيف نفخ بضيق وراح فتح

فهد:بتذاكرو من غيرى

ريم:لسه مبدأناش

فهد:كنتو بتعملو ايه كل ده

يوسف:بندردش عادى 

عمر:يالا 

بدأو يذاكرو

فهد:ايه الغباء ده يا عمر فى حد يفهم حد كده المفروض تبسطها

عمر:المفروض تركز معايا بس انت مش مركز معايا خالص

سيف كان بيحل مع ريم رياضه وفهد مركز معاهم

فهد بزعيق:قصدك انى مش بركز يا دود الكتب

ريم بصيت ليه:فى ايه

عمر:مش فاهم ماله ده

فهد قام بغضب وزق عمر وخبط ضهره جامد على الحيطه

الكل قام بخضه

ريم جريت ومسكت ايد فهد:ابعد ابعد عنه يا فهد بقولك

فهد:هعلمه الادب

ريم بزعيق:اتعلمه انت الاول ،سيبه بقولك

فهد بص لريم بتحدى:ومين هيمنعنى انتى

ريم بصيت ليه بجمود:نزله حالا واطلع بره

فهد سابه:ليه عشان بقول الحقيقه

يوسف:انت قصدك ايه يا فهد

سيف:الظاهر أن فهد عقله ضرب

فهد لسه هيلف لسيف

ريم وقفت قصاده:قولتلك اطلع بره مسمعتش

فهد:مش هخرج غير لما اقول للكل على حقيقتك إلى انتى مخبياها على الكل وخاتمه الختم على قفانا كلنا

عمر:كفايه ألغاز وقول تقصد ايه

فهد:انتو الاتنين اغبيه الهانم كانت بتلعب بينا كلنا

سيف:فهد اسكت خالص

يوسف:لا سيبه يكمل

ريم:لا وليه يكمل انا اقولكم 

سيف مسك أيديها:شششش خالص

ريم: لا هقول انا مش خايفه من واحد فيهم اصلا

عمر :خايفه؟ يعنى صح

ريم بصيت ليه:عمر انا اسفه انا كنت هقولك بس انا كنت خايفه لو حد عرف فى المدرسه المدرسه هتتخرب 

عمر :انا مش عارف اصدقك ،انتى كدابه

عمر خرج من الأوضه

ريم بصيت ليوسف

ريم:يوسف انا

يوسف:مفيش داعى ،انا كنت حاسس من البدايه.

سابهم وخرج

سيف بزعيق لفهد:مبسوط دلوقتى

فهد:لا لسه مخلصتش

ريم بصوت عالى:اخرج دلوقتى برررررره

الفصل الثاني عشر 

فهد:لا مش هطلع أنا معملش كل ده وقولت لشويه الاغبيه دول عشان امشى اسمعى انتى بتاعتى فاهمه

ريم ضربته بالقلم على وشه:ده اجابه كفايه دلوقتى اطلع بره

فهد:ماشى بس مش هبعد كتير وهوصلك مهما كان وهتبقى ليا بمزاجك غصب عنك وده وعد منى 

خرج فهد

ريم قعدت على السرير ومسكت راسها بإيديها

سيف: متقلقيش يوسف وعمر مش هيقولو لحد

ريم:مش قلقانه انا عارفاهم كويس دول اخواتى قبل ما يبقو صحابى يا سيف

سيف حط ايديه على كتفها:طيب متزعليش 

ريم:ليه مشيو مش المفروض يحطولى عذر ايه فرق بنت من ولد ليه عشان بنت منبقاش صحاب 

سيف:هيرجعو صدقينى انا إلى شايل همه فهد 

ريم:تفتكر ناوى على حاجه

سيف:ناوى على حاجات

ريم:كده كده هخلص الامتحانات واول ما النتيجه تطلع هشيل ورقى وله من شاف وله من درى وان شاء الله مفيش حاجه تحصل للمدرسه

سيف:انتى قلقانه على المدرسه انا قلقان عليكى فهد مش هيسيبك حتى لو هتسيبى المدرسه ديه هيروح وراكى أو احتمال يراقبك ويطاردك انت متعرفهوش

ريم:سيف متقلقش عليا انا اعرف أوقفه عند حده

سيف اخد نفسه:يالا ننام بكره عندنا امتحان

ريم :ماشى

نامو وتانى يوم

ريم صحيت وبصيت فى الساعه :سيف اصحى

قام سيف وريم دخلت الحمام

وخرجت وبعدين قعدت وبصيت للساعه

سيف خرج وبص عليها وبعدين للساعه واتنهد 

ريم قامت بسرعه:عمر هيخبط دلوقتى

سيف:ريم عمر مش هيجى

الباب خبط

جريت ريم فتحت

عمر:عارف انك بنت وعارف اننا مش هنعرف نرجع زى الاول بس انا اعتبرتك اخويا هاخد وقت عقبال ما اعتبرك اختى

ريم حضنته جامد:كنت خايفه منفضلش صحاب

عمر بدموع:بس انتى وعدتينى هنفضل صحاب لأخر العمر مش كده

ريم هزيت راسها:طبعا لأخر العمر هنفضل صحاب

سيف شد ريم:مش كفايه كده بقا

ريم ضحكت

عمر مسح دمعه نزلت منه:الظاهر أن فى حد بيغير

ريم:يوووه ده خنقنى غيره غيره غيره

عمر:راجعتى كويس

ريم:اه بس يا عمر عايزك تعتبرنى رامى لحد ما نخلص امتحانات

سيف:اه يستحسن عقبال ما نشوف فهد ناوى على ايه

ريم:عمر فين يوسف

عمر كشر:يوسف زعلان 

ريم:اه طيب

يوسف:طيب يعنى مش هتيجى تصالحينى 

ريم ضحكت:كنت عارفه انك مستخبيه هنا

يوسف:معرفتش ازعل منك مهما كان احنا كنا صحاب واكتر من اخوات وعمرنا ما زعلنا من بعض اكتر من ساعتين

ريم حركت ايديها على شعره:اكيد طبعا وهنفضل صحاب كده لأخر العمر 

يوسف: يمكن تتجوزى واحد فينا 

سيف:انسى

عمر ضحك:الظاهر أن سيف سابقنا

يوسف:ده ظلم اشمعنا سيف يعرف من بدرى

ريم:والله انا مكنتش هقول ليه اصلا بس اعمل ايه عمو جلال قاله

يوسف:ظالمه

ريم ضحكت:وانت مضايق ليه 

يوسف:لو كنت اعرف من بدرى يمكن كنتى حبتينى انا

ريم:وله يهمك يا واد يا يوسف عندى صحاب بنات حلوين

يوسف:اشطا هتظبطينى بقا

ريم:عيب عليك اخرج بس من هنا على خير

يوسف:أظن أن فهد مش ناوى على خير

سيف:خصوصا بعد القلم بتاع امبارح ريم ده قالك عينى عينك

ريم:انا مش خايفه منه

عمر:طيب يالا هنتأخر على الامتحان

بعد الامتحانات

الكوتش:جاهز يا بطل

ريم:تقصد مين بالبطل

الكوتش :فى غيرك

ريم:حد يقرصنى اكيد بحلم

الكوتش:عارف انى كنت قاسى شويتين معاك ومرمطتك بس ده كله عشان ترفع راسنا كلنا بكره المسابقه بعد المسابقه الكل هيمشى على بيته المدرسه كلها هتشجعك أنا هشجعك وكمان الاستاذ جمال 

ريم بدموع:بابا هيجى

الكوتش:ايوه هيجى هيشجعك وبعد المسابقه هتكسبى وتمشى

ريم:كوتش!!؟

الكوتش:فاكره انى غبي مش عارف إلى قدامى ده نوعه ايه

ريم:لا طبعا أنا إلى طلعت غبيه 

الكوتش:محدش يعرف غيرى متقلقيش 

ريم: شكرا على ثقتك يا كوتش وشكرا عشان اختارتنى انا للمسابقه

الكوتش: شكرا ليكى عشان وافقتى ،ارفعى راسنا كلنا

فى الاوضه

ريم دخلت الاوضه لقيت سيف قاعد وماسك ورقه

ريم:قاعد كده ليه؟ايه الورقه ديه

ريم بصيت لقيت مكتوب:(مبروك مقدما على المسابقه يا حرم فهد الحناوى)

ريم بضيق اخدتها وقطعتها مليون حته ورمتها فى الزباله

سيف:أهدى

ريم:انا هاديه مش شويه كلام يأثر فيا

سيف بص ليها بصدمه:بجد

ريم ابتسمت ابتسامه حلوه:اه طبعا ده شغل عيال 

سيف:ايه حاسس انك مضايقه

ريم:امم يمكن انا مضايقه بس مش من حاجات العيال ديه

سيف:اومال من ايه

ريم:عشان هبعد عن حبيبى

سيف:قولتلك شيلى ماده مرضتيش

ريم:تعرف انك حبيب نص كم اه والله زى ما بقولك 

سيف ضحك:اممم طيب ريم هينفع احم احضنك من غير ما تضربينى

ريم:لا طبعا لما نتجوز

سيف:بس لسه سنين يا مفتريه

ريم:ولو برضو لما نتجوز 

سابته ودخلت الحمام

تانى يوم

فى الملعب كان متجمع طلاب من جميع المدراس العسكريه المجاوره

ريم بصيت حواليها كانو العدائين بيجهزو وبيعملو تمارين تحميه

الكوتش:متوتر؟

ريم:جدا كمان انا مدربتش الصبح

الكوتش:انت مش محتاج خلاص اتدربت وعملت إلى عليك عايزك بس تبذل كل جهدك وهتكسب طول مانت بتحاول هتكسب دلوقتى فى حد وصل هروحله وانت اجهز

عمر ويوسف وسيف راحو ليها

سيف:خلى بالك ماشى انت الاسرع

عمر:قول أيه الكرسى وانا هدعيلك تكسب

يوسف:انت اكيد هتكسب انا واثق من كده دول كلهم فافى اصلا انت الاسرع

ريم: شكرا

سيف:بص مين هناك

شاور على المدرجات

ريم بصيت لقيت جمال شاورت بإيديها

سيف:ركز ماشى

يوسف:ارفع راسنا يا بطل

عمر:احنا لازم نمشى الكوتش محذرنا ابذل جهدك انت قدها

ريم اتنهدت بعد ما مشيو سيف شاور لها تبص فى ايديها 

فتحت ايديها بإستغراب محستش بيه وهو بيحط السلسله ديه فى ايديها (كان سلسله عباره عن كلمه (بحبك)) ريم مسكتها وحضنتهاووهى بتبصله ولبست السلسله ودخلتها جوا التشيرت

المسابقه بدأت وريم عملت مجهودها وكسبت فعلا وكانت مبسوطه اوى اول ما وصلت خط النهايه قابلها سيف فى وشها حضنته جامد ويوسف وعمر حضنوه كمان وهما بيدوخو سوا

ريم:كساااااابت كسبت يا سيف

سيف:كنت متأكد

ريم :خلاص سيبونى بابا جاى

بعدو الشباب عنها

ريم جريت على جمال

ريم:كسبت يا بابا

جمال حط أيده على خدها:كنت متأكد انك هتكسبى 

ريم:اكيد هو فى زي رامى

جمال:ريم احسن منه ستين مره جاهزه نروح البيت

ريم هزيت راسها واتنهدت وبصيت ليهم

عمر بدموع:هبقا ازورك

يوسف:وانا كمان

ريم بصيت لسيف 

سيف كان مبتسم وبس

نادو على اسم رامى جمال عشان يستلم الميداليه الذهبيه

الكوتش فرج هو إلى لبسهالها:مبروك عليكى

ريم:كله بفضلك انت

جلال قدم ليها كأس كبير من الدهب

ريم قدمته لفرج:الكأس ده الكوتش إلى يستحقه هو إلى تعب معايا ودربنى وسهر معايا بجد لولاه مكنتش بقيت فى السرعه ديه ده ثمار تعبك يا كوتش

فرج ابتسم ليها:مدرستنا هتخسر طالب محصلش ومش هيحصل زيه تانى

ريم ابتسمت وافتكرت كل ذكرياتها مع الكل خناقها وعقابها وضحكها وهزارها ما صحابها فى الحوش وفى الكافتيريا والاوض حتى الفصل عاشت احسن واجمل سنه فى حياتها فى نفس المدرسه إلى عاشت فيها حاجات كتير حلوه ووحشه إلى علمتها كل حاجه لقيت فيها حب حياتها لقيت الشخص إلى شايفه أنه مناسب ليها لقيت فى نفس المدرسه اخوات مش صحاب لا اخوات عرفت يعنى ايه يبقا عندك اخ جدع فى ضهرك مهما حصل ميزعلش منك المدرسه ديه علمتها كل حاجه.

ريم:المدرسه ديه كانت بالنسبالى تربيه واصلاح وانا فخوره انى قدرت ادرس فيها ولو سنه واحده مبسوطه انى عرفت كل الناس إلى فيها كلهم شخصيات محترمه وجدعه الكل هنا يتحب المدرسه كانت عباره عن عيله ليا .

فى الطريق

جمال:الباروكه ديه شبه شعرك خالص 

ريم:ده شعرى يا بابا

جمال بصدمه:قصيتى شعرك

ريم:اه

جمال:بس انتى بتحبيه

ريم:بس مش اهم عندى من ان المدرسه تتقفل

جمال:انا اسف عشان عملت كده 

ريم:لا يا بابا متعتذرش انا عايزه اشكرك عشان عملت كده لو مكنتش عملت كده عمرى ما كنت اتعلمت وكبرت وعقلت

جمال ابتسم بحنان:بس الشعر القصير لايق عليكى برضو 

ريم:انا حلوه فى كل حاجه

جمال:مش هتتغيرى ابدا يا نرجسيه.

ريم ضحكت

جمال:طبعا صحابك هما إلى زودولك النرجسيه اسمهم ايه صح

ريم:يوسف وعمر وسيف

جمال:اه سيف ابن جلال صح

ريم احمرت وهزيت راسها وبصيت للشباك

جمال:نامى انتى صاحيه من بدرى

ريم ضحكت:متعوده كمان مش متعوده انام دلوقتى

جمال:احكيلى يومك كان بيبقا عامل ازاى

ريم:الاول كنت بصحى الساعه خمسه

جمال:المغرب هى المدرسه مسائى

ريم:انت حنين اوى خمسه الفجر يا حبيبى 

جمال:خمسه الفجر تعملوا ايه

ريم:نتدرب وبعدين نفطر ونبدأ يومنا الدراسى وبعدين نتجمع فى اوضه نذاكر وبعدين ننام وهكذا لحد الترم الثاني كان مرمطه كنت بصحى الساعه تلاته الفجر اتدرب لحد سته وبعدين ابدا اليوم الدراسى ولما يخلص يادوبك اخد دش وارجع اتدرب والساعه سته المغرب اخلص ارجع اذاكر وبعدين انام وهكذا لحد انهارده

جمال بصدمه:كنتى بتقدرى على كل ده

ريم :اه سيف كان بيشجعنى دائما هو وعمر ويوسف وساعات كانو بيصحو الساعه تلاته معايا ويجرو معايا (ضحكت) بس طبعا كان نفسهم بيتقطع عشان انا اسرع واحده فى المدرسه.

جمال:الظاهر انك انبستطى 

ريم:جدا جدا واتعلمت حاجات كتير اوى

جمال:كويس عارفه مين اكل دماغى طول السنه 

ريم ضحكت:حور طبعا

جمال:هو فى غيرها حور وحمزه 

ريم:وحشتنى اوى بنت اللذينه

وصلو الشارع بتاعهم

ركن جمال العربيه ونزل

ريم كانت ماشيه هاديه جمبه كان جمال بيبص ليها بإستغراب

كوته:معاك ضيوف يا جمال باشا وله ايه

ريم ضحكت:والله يا كوته ليك واحشه

كوته:يخربيت عقلك يا ريم اتغيرتى اوى

كان ماشى واحد بيتكلم فى التليفون خبط فى ريم:لامؤخذه يا صاحبى

ريم:وله يهمك يا زميلى

كوته وجمال بقو يبصلها بإستغراب

ريم:مالكم ؟,بابا تعبانه عايزه اكل وانام

جمال:تعالى

كوته:ايه حصل فى الدنيا بقا ديه ريم ديه سابت الواد يمشى كده عادى من غير ما تكسر تليفونه ودماغه لا حول ولا قوه الا بالله البت بقيت رقيقه مكنش يومك يا ريم 

جمال:يالا يا ريم الاكل جهز

ريم خرجت من اوضتها:ايوه يا بابا اساعدك فى حاجه

جمال ابتسم:لا يا حبيبتى خلصت يالا اقعدى عشان تاكلى

قعدت ريم ولسه هتاكل الباب خبط

جمال:انا هفتح

ريم:لا خليك انت يا بابا انا هفتح

راحت ريم تفتح

حور:ايه يا عم جمال كل ده واقفه على الباب ايه ده مين حضرتك

ريم:بقا مش عارفه مين حضرتى يا مهزقه يالى مشمحترمه

حور بابتسامه عريضه:ريم يخربيت عقلك

ريم:وحشتينى يا جزمه

جمال:يالا يا ريم الاكل هيبرد

ريم:تعالى كلى معايا

حور:ياربى نسيت اهم حاجه

ريم بصيت ليه:نسيتى ايه

حور نطيت عليها وحضنتها:نسيت احضنك وحشتينى جدا جدا خالص مالص

جمال:يالا يا بنات الاكل

ريم:يالا ياختى يالا ناكل

بعد الاكل تليفون ريم رن

ريم:الو مين معايا

سيف:وحشتينى

ريم ابتسمت واخدت التليفون ودخلت الأوضه:وانت كمان عامل ايه

سيف بتنهيده:كويس 

ريم:مش حساك كويس

سيف:انا كويس بس انتى وحشتينى

ريم:وانت كمان متخيل انا حاسه انى مستغربه البيت عشان انت مش معايا مش عارفه هنام ازاى اصلا متعوده بنام واحنا بنتخانق

سيف ضحك: احلى نومه بتبقا بعد كل خناقه

ريم:عشان انت بتصالحنى قبل ما بنام

سيف:بكون تعبت وزهقت انى اوصلك وجهه نظري

ريم ضحكت :من غير اعتراض لو سمحت

حور دخلت:بتكلمى مين هنا كده عمو جمال برضو بيقول البت ديه متغيره

ريم:انا مقفلتش الخط

سيف بضحك :طيب خلاص روحى انتى وهكلمك بليل

ريم:تمام هستناك

سيف:وعد مش هتأخر ..ريم

ريم قبل ما تقفل:ايوه

سيف: بحبك

ريم ابتسمت وسيف قفل

ريم بصيت للتليفون بابتسامه هيمانه

حور:يا سيدى على الورع بتكلمى مين يا موك'وسه

ريم:تعالى هحكيلك اصل انتى فاتك كتير

فضلو يتكلمو كتير لحد ما حور عرفت كل حاجه

حور:يا بنت المحظوظه يا ريم البوبى ورينى السلسله 

ريم طلعت السلسله كانت لابساها بس مخبياها جوه هدومها

ريم:اهى

حور: طب انا بقا هحب امتى عايزاكى تظبطينى

ريم بضحك:الواد يوسف هيليق عليكى اوى

حور:بس انا عجبنى عمار

ريم:عمار مين يا موكو'سه اسمه عمر

حور: ياستى مش هتفرق كله مشتق من عمرى

ريم:يوسف يوسف يعنى مفيش كلام

جمال :حور حمزه بره

ريم:بجد بقالى كتير مشوفتوش 

خرجت ريم وحور

حور:معلش معلش الوقت سرقنى

ريم:كويس انك جيت يا حمزه بقالى كتير مش شوفتك عامل ايه

حمزه:كويس الحمدلله

ريم:يا رب دايما سلملى على طنط وعمو بقا

حمزه ابتسم بإستغراب:يوصل أن شاء الله

جمال حط أيده على كتفها 

ريم ابتسمت

عدى شهر على ابطالنا ريم بتكلم عمر وسيف ويوسف فيديو جماعى كل يوم وبتتكلم مع سيف بس طول الليل بس بيجبلها رسائل من فهد وهى مش بترد وبتطنشها ومقالتش لحد عليها.

جمال:ريم النتيجه بتاعتك طلعت

ريم بصيت لملامح ابوها كانت ملامح مصدومه ومش مبشره

ريم:متقوليش انى شيلت حاجه

جمال:نجحتى بتقدير جيد جدا

ريم:اوف يا بابا وقعت قلبى حرام عليك

جمال حضنها:مبروك يا حبيبتى 

ريم:الله يبارك فيك يا بابا يا غالى 

جمال:اطلبى واتمنى وانا انفذ

ريم ضحكت:اخر مره سمعتها سنه خمسه ابتدائى قبل ما ماما تتوفى

جمال بابتسامه حنونه:سنه خامسه كانت اخر سنه تنجحى فيها صافى بعد كده خبتى وبقيتى تجيبى ملاحق

ريم ابتسمت:بعد كده كنت اتيتمت 

جمال ابتسامته اختفت

ريم بصيت ليه بابتسامه وعينيها مدمعه:بابا ايه رأيك نروح المقابر ندعى للماما ونوزع قرص رحمه ونور 

جمال:إلى اميرتى تؤمر بيه

بعد فتره

ريم نزلت عشان تجيب القرص

جمال:الغلط كان عندى من البدايه يا جلال كنت فاكر انها مش هتحتاج حد غيرى طلع كل إلى كانت ريم فيه بسببى ريم بس كانت محتاجه ام تفهمها ازاى تتصرف ام تعرفها تصرفات البنات انا كنت متوقع منها ايه ده لما كانت تحب تتفسح يا جلال كنت باخدها معايا القسم كانت بتشوف المجرمين وهما بيتضربو عشان كده كانت بتجيب حقها بدرعها كان لازم افهم يا جلال انها محتاجه ام وانى مش هعرف اكون ام مكان امها مهما عملت الغلطه كانت غلطتى وانا بغبائى عقبتها عقاب وح'ش اوى البت اتغيرت ١٨٠ درجه يا جلال بقيت هاديه حتى فى الشارع بقو يسألونى هى ريم كويسه 

جلال:والله يا جمال مش عارف اقولك ايه انت ايه مشكلتك دلوقتى كان مشكلتك انها مش بتذاكر وكل يوم تيجى بمصيبه و دائما تضرب الناس وتتخانق معاهم دلوقتى ريم الحمدلله بقيت احسن عرفت انها تقدر تشغل دماغها وعرفت ازاى تستخدم قوتها فى إلى ينفعها مش يضرها مش فاهم دلوقتى انت ايه مشكلتك

جمال:مش هتفهمنى يا جلال ريم مكنتش كده انا حاسس انها خس'رت روحها انت مبقتش عارف بنتى يا جلال

جلال:طيب هتعمل ايه دلوقتي

جمال:مش عارف انا مش عارف

ريم طلعت:انا جبت يا بابا القرص جهزت وله لسه هنروح لماما؟.

جمال:اه هنروح اسبقينى انتى وأجهزى يا حبيبتى

ريم:حاضر

جلال:هكلمك بعدين يا جمال طيب

جمال:طيب سلام

عند جلال نادى سيف

سيف:ايوه يا بابا

جلال:انت بتكلم ريم مش كده

سيف:ايوه

جلال:هى كويسه؟

سيف:اه اخر مره مكلمها كانت كويسه ليه فى حاجه

جلال:مش عارف جمال ماله بيقول انها خس'رت روحها ومبقتش زى الاول انا مش فاهم حاجه 

سيف:مش ريم دخلت المدرسه عندنا اصلا عشان تتغير

جلال:تتغير مش تتبدل انت فاهم ريم مبقتش ريم

سيف:اومال بقيت مين

جلال:انا بتكلم معاك ليه اصلا انت مش هتفهم عشان لسه صغير لما هتكبر هتفهم

سيف قلق على ريم اتصل عليها

ريم:ايوه انا مش لسه قافله معاك بليل لحقت اوحشك

سيف ضحك:انتى بتوحشينى كل دقيقه اصلا

ريم ضحكت:اضحك عليا وكل بعقلى حلاوه 

سيف:طيب خلاص قوليلى ايه اخبارك انتى كويسه

ريم:انا تمام عرفت انى نجحت

سيف:اه عرفت ألف مبروك كمان لمعلوماتك انا إلى قولت لعمو جمال

ريم:ااااه يا لئ'يم

سيف:لازم تبقا علاقتنا حلوه عشان لما اتقدملك ميرفضنيش

ريم:اه تفكير فى المستقبل عجبنى

سيف:متأكده انك كويسه

ريم:اه حقيقى كويسه بس مش عارفه ألبس ايه 

سيف:ليه رايحه فين

ريم:المقابر لماما 

سيف:اه الله يرحمها طيب لما ترجعى طمنينى عليكى

ريم:اوكى

جمال:يالا يا ريم

سيف:طيب هقفل انا عشان تلحقى تجهزى سلام

ريم:باى

بعد فتره

خرجو ريم وجمال من المقابر ووزعو الرحمه والنور سوا 

كانت ريم بتودى اخر كيس رحمه ونور شافت ست كبيره خارجه من مقابر وبتعيط وكان فى عربيه جايه بسرعه جريت بسرعه وشديتها من ايديها جامد

ريم:انتى كويسه

كريمه:م م مرڤت

ريم ابتسمت:ده اسم ماما انت عارفه ماما؟

جمال:ريم ايه حصل،،...كريمه!!!!

كريمه بصدمه:جمال!!!!!

ريم:انتو تعرفو بعض 

كريمه ابتسمت وهى بتحط ايديها على شعر ريم:انتى بنت مرفت وجمال

ريم ابتسمت وهزيت راسها

فجأة سمعت صوت كلنا عارفينه ده صوت عمر

عمر:ماما !!!!

ريم ابتسمت جامد بفرحه:عمر!!!

عمر:رييم ،وحشتينى

ريم:وانت اكتر يا صاحبى

جمال:انتو تعرفو بعض ،اه لحظه لحظه افتكرت انت كنت معاها فى المدرسه

ريم:وهو إلى كان بيذاكر معايا برضو ونجحت بفضله

عمر:لا انتى نجحتى عشان انتى شاطره.

ريم ضحكت:ديه مامتك بقا ،عمر حكالى كتير عنك رجعتى امتى من السفر

كريمه وهى بتبص لجمال:رجعت انهارده

جمال وريم:حمدالله على سلامتك

كريمه:الله يسلمكم

عمر:ثوانى يا ماما هوقف تاكس

كريمه هزيت راسها وبصيت لريم

ريم ابتسمت

كريمه:ممكن احضنك

ريم استغربت طلبها

كريمه حضنتها جامد وعيطت

ريم دموعها نزلت غصب عنها وطبطبت على كريمه:أهدى ارجوكى

كريمه بعياط:وحشتنى اوى 

جمال:كانت بتحبك 

كريمه:وانا كنت بحبها برضو

جمال ابتسم:عارف يا كريمه

عمر :ماما وقفت التاكسي،انتى بتعيطى وانتى كمان يا ريم مش معقول كده يا ماما عدى سنين خلاص ادعيلهم

ريم:مين

عمر:بابا وصاحبتها

ريم:قصدك ماما

كريمه هزيت راسها ومشيت

ريم بصيت ليهم وهما ماشين ودموعها نزلت

جمال حضنها:مالك بس

ريم:مش عارفه يا بابا لما حضنتنى حسيت ،حسيت ماما إلى بتحضنى ،هى وحشتنى اوى

جمال طبطب على شعرها:عارف يا حبيبتى عارف يالا نروح

مشيو هما كمان البيت

ريم دخلت اوضتها كان زعلانه جدا لدرجه نسيت تكلم سيف

سيف رن عليها بما لقاها اتأخرت

رديت ريم بصوت معيط: ألو

سيف بخضه:مالك

ريم بدموع:مش حاجه مهمه بس ماما وحشتنى

سيف بزعل:متزعليش يا روحى ادعيلها

ريم عيطت:بدعيلها ربنا يرحمها والله

سيف:طيب متعيطتيش ممكن

ريم بشحتفه:مش عارفه ،سيف هكلمك بعدين ممكن

قفلت مستنتش رد 

جمال دخل عليها على صوت عياطها وفضل يطبطب عليها

تانى يوم

جمال فى التليفون:مش صعبه يا جلال روح افتح ملف عمر وشوف عنوان عمه ده وقوله ليا

جلال:افهم بقا ممنوع اطلع معلومات شخصيه

جمال:جلال انت صاحب المدرسه عادى تخ'لف القوانين ابعت بقا 

جلال:مش فاهم هتعمل ايه يعنى مش ديه إلى طلبت منك زمان تتجوز صاحبتها

جمال:كانت بتحبنى يا جلال هى بس كانت بتحب صاحبتها اكتر

جلال:طيب ده غباء منها ضيعت حياتك وحياتها هى كمان

جمال:بس فى فرصه تانيه يا جلال فى فرصه ربنا هو إلى رتبلها 

جلال:انت قصدك انك هتتجوزها

جمال:ايوه دلوقتى انا ارمل وهى كمان ارمله بنتى محتاجه ام وابنها محتاج اب يبقا ليه لا

جلال:تصدق فعلا كمان ريم وعمر كانو مندمجين سوا خالص فى المدرسه بصراحه الاربعه كنت تحسهم اخوات سيف وعمر ويوسف ورامى (ضحك)قصدى ريم

جمال:يعنى هتدينى العنوان

جلال تتنهد:هديك العنوان وامرى لله

ريم:بابا احنا رايحين فين

جمال:احم ريم رأيك يعنى ايه فى الجواز

ريم: والله الجواز ده شئ جميل جدا بس لو الطرفين بيحبو بعض لو صالونات يبقا قلته احسن

جمال:امم طيب ايه رأيك اتجوز مامت عمر 

ريم ابتسمت بمكر:كنت عارفه أن الحوار فيه أن احكيلى الحكايه من طقطق لسلام عليكم

جمال ضحك:يا لمضه يا صغيره مفيش حوار اصلا الحكايه أن انا وامك وكريمه كنا صحاب مش هضحك عليكى انتى كبرتى انا كنت بحب كريمه وكنا متفقين اول ما نتخرج نتجوز بس كريمه قبل التخرج تصرفاتها اتغيرت معايا سألتها عن السبب قالتلى اننا مننفعش لبعض

ريم بسرعه:بس كنت بتحبها

جمال:ده إلى قولته وهى قالت انى لو بحبها بجد اتجوز مرفت صاحبتها

ريم:بس ده طلب ظالم

جمال:كنت عارف انها بتحبنى مش هتستحمل انى اقرب من مرفت وهتمنعنى فخطبت مرفت على أمل تعرف غلطها بس كريمه كملت فى الغلط واتخطبت هى كمان حد تانى ساعتها قلبت معايا بعند وكملت انا كمان جوازى من مرفت ومن ساعتها معرفتش حاجه عن كريمه غير امبارح.

ريم:اكيد ماما كانت عارفه السبب إلى خلى طنط كريمه تعمل كده

جمال:الحقيقه يا ريم مامتك قبل ما تتوفى اعترفتلى انها ضغطت جامد على كريمه عشان تسيبنى واعتذرت ليا كتير وانا سامحتها يا بنتى

ريم:صحيح زى ما بيقولو ومن الحب ما قت'ل ,قولى دلوقتى رايحين فين

جمال:بيت عم عمر، حاسس ان ربنا وقعها فى طريقى تانى كفرصه تانيه

ريم مسكت ايد باباها:عايزاك تعرف انى معاك فى اى قرار لو هتبقا مبسوط كده هبقا مبسوطه عشانك كمان عارف انا اتمنيت كتير يكون عندى اخ زى عمر واهو ربنا استجاب وهيبقا اخويا فعلا

جمال ابتسم:كنت عارف انك هتوافقى

ريم:طيب يالا متحمسه قربنا وله ايه

جمال: قربنا

بعد شويه وقت كانو قاعدين كلهم

عم عمر ومراته وكريمه وعمر وجمال وريم

عمر لما لاقهم ساكتين:ريم انتى جيتى عشان تشوفينى

ريم:لا جيت اخدك ،ما تقول حاجه يا بابا ساكت ليه

كريمه:خليك ساكت يا جمال احنا كبرنا خلاص يا جمال

جمال:بس

كريمه:مفيش بس فرصتنا ضاعت خلاص مبقاش ينفع نصلح غلطه عملناها زمان

جمال بيأس:يالا يا ريم نمشى

ريم وقفت بأعتراض: نمشى ده ايه مش ماشيه انا من هنا غير لما عمر يجى معايا

عمر:ريم انتى عبيطه اجى معاكى فين وماما هسيبها؟.

ريم راحت لعم عمر:بقول يا استاذ احنا جايين البيت من بابه عشان نطلب ايد بنتكم كريمه لابننا جمال

وقف عم عمر بصدمه ومراته بصيت لكريمه بصدمه

جمال مسك ريم بعصبية وزعيق قدامهم كلهم:اسكتى خالص سامعه

ريم هزيت راسها بحاضر ودموعها مغرقه وشها

جمال شدها للعربيه وراح عشان يركب لقاها واقفه مش بتتحرك

جمال:اركبى يالا

ريم بدموع جريت بعيد عنه:لا

ريم عشان سريعه جدا جمال مقدرش يلحقها فضل يدور عليها طول النهار ملقهاش 

المغرب 

جمال بتعب: هتكونى روحتى فين بس يا ريم يا بنتى يمكن عمر يعرف

راح وخبط على الباب وعمر فتح

عمر بإستغراب:عمو جمال

جمال:ريم جت هنا يابنى؟

عمر:لا مش هى مشيت معاك الصبح

جمال:لا جريت منى ومش لاقيها من الصبح

كريمه: فى ايه يا عمر،،جمال!!!

عمر:عمو جمال مش لاقى ريم من الصبح

كريمه: هتكون راحت فين يعنى روح يا عمر بسرعه شوفها فين

عمر: طيب حاضر

عم عمر:اتفضل يا جمال باشا اتفضل

عمر نزل الشارع فضل يدور ملقاش ليها اثر كان راجع من طريق تانى سمع صوت شهقات عند سور العماره من ورا راح لقاها ريم قاعده والكلب بتاع البواب قاعد جمبها

عمر بصدمه: ريم

ريم مسحت دموعها:انت ايه جابك امشى من هنا مش عايزاك تشوفنى كده

عمر:خلاص شوفتك 

ريم بعصبية:امشى يا عمر

عمر راح قعد جمبها:لا مش همشى انتى قاعده هنا ليه

ريم: بحاول اشوف الواقع وارضا بحياتى

عمر:مالها حياتك

ريم:انا عيشت من غير ام يا عمر

عمر:عادى عشت من غير اب وفل اهو

ريم:عشان انت ولد انا بنت يا عمر لما ماما ماتت مكنتش بعرف اسرح شعرى وكانو بيتريقو عليا فى المدرسه كنت بضربهم عشان اسكتهم لحد ما بقو يخافو منى مكنش عندى صحاب لحد ما قبلت حور كانو بيتريقو عليها برضو عشان شخصيتها ضعيفه دافعت عنها وبقينا صحاب معنديش صحاب غيرها كنت فاكره أنى مش مختلفه عن بقيت البنات بس لما دخلت المدرسه عرفت ليه كانو بيخافو منى عشان انا كانت تصرفاتى زى الرجاله زى بابا باخد حقى بدراعى كنت بروح مع بابا القسم فى الاجازه كنت بحب اوى اروح هناك كنت بشوفه بيضرب المجرمين وكنت بعمل زيه كل الى بيغلط معايا بضربه لحد فتره قصيره عرفت أن البنات مش بتعمل كده لما حد بيغلط بيشتكوهم عرفت انا ليه مختلفه بقيت بحاول ابقا طبيعيه زى اى بنت بس انا حاسه انى ضايعه لما بابا قالى أنه عايز يتجوز مامتك انا فرحت اوى لانى حسيت حضنها زى حضن ماما حسيت انها ممكن تساعدني ابقا طبيعيه وانت هتبقا جمبى عارف طول الوقت اتمنيت تبقا اخويا حقيقى وتفضل معايا على طول

عمر:هفضل معاكى على طول حتى لو مش اخوات

كريمه:عمر

وقف عمر وريم بصدمه لما شافو جمال وكريمه وعم عمر

ريم لقيت باباها بيدمع جريت عليه ومسحت دموعها:بابا انا اسفه ماشى متزعلش انا كويسه انا على طول كويسه انا عندى انت ماشى خلاص انا اسفه

جمال دموعه نزلت واخدها فى حضنه:بس بقا يا ريم بس بقا انا إلى اسف يا حبيبتى 

ريم حضنته جامد:يالا نروح يا بابا

كريمه كانت بتبصلهم بدموع وهما ماشين

عمر:ماما ليه مش عايزه

كريمه:اسكت يا عمر 

عم عمر:ليه يسكت يا كريمه ليه يسكت انتى عمرك ما حبيتى اخويا وانا عارف ده طلبتى منه تستقرو بعيد عن مصر عشان متشوفيش جمال وتضعفى انتى مروجعتيش من يوم جوازكم مصر غير لما عرفتى بالصدفه أن صاحبتك ماتت برضو

كريمه:عشان صاحبتى كانت بتحب حبيبى مكنتش قادره اشوفهم سوا كنت بموت كان لازم امشى

عم عمر:انتى إلى استغنيتى عنه زمان

كريمه:مكنش بإيدى

عم عمر:ده إلى بيحصل لما تستغنى عن نصيبك لحد تانى جمال من الاول ليكى ولحد دلوقتي بس الفرق أن دلوقتى مش جمال بس الى عايزك لا وبنته محتاجاكى زى ابنك إلى محتاج اب زى جمال .

كريمه بصيت لعمر

عمر كان ساكت 

عند ريم

ريم:بابا الله يخليك بلاش تعيط انا بنت غبيه انا قولت اى كلام صدقنى انا اسفه اتصرفت بأنانيه مفكرتش غير فى نفسى عشان خاطرى اتكلم زعقلى انا غلطانه 

جمال:لا مش غلطانه انا إلى غلطان انا إلى كنت فاكر انك مش هتحتاجى حد غيرى ومراعتش انك بنت محتاجه اهتمام اكتر من الولاد مقدرتش افرق انى بربى بنت مش ولد انا إلى كنت السبب 

ريم مسكت ايديه:انا مش محتاجه حد غيرك يا بابا انا اسفه 

جمال:بطلى كدب بقا

ريم:بابا انا كبرت صدقنى وعرفت الفرق انا رجعت 

جمال:لا يا ريم انتى بتتصنعى ديه مش انتى ريم انتى كنتى لمضه قويه ميتخافش عليكى بس دلوقتى انتى بقيتى ضايعه مش عارفه تعملى ايه وتتصرفى ازاى وامتى

ريم:هتعلم عادى النت مخلاش حاجه

جمال:لا يا ريم انتى محتاجه دكتور نفسى وكله بسببى

ريم سكتت بصدمه وتفكير 

فى البيت

تليفون ريم مكنش مبطل رن من الصبح وهى كانت ناسياه فى البيت

ريم ردت بضياع:الو

سيف بغضب:فينك من الصبح قلقت عليكى مش بتردى ليه

ريم:نسيت تليفونى فى البيت

سيف:وانتى كنتى فين من الصبح لحد دلوقتي

ريم:كنت كنت.

وقعت ريم وأغمى عليها

سيف بصوت عالى:ريم رررريم

دخل جمال الاوضه بعد ما سمعت صوت حاجه بتتهبد على الأرض لقا ريم واقعه فى الارض جرى عليها وشالها وهو بينادى بقلق

جمال:ريم ريم فوقى ايه حصلك يا بنتى 

شالها وجرى على العربيه

كوته:لا أله الا الله مالها ريم يا حج جمال

جمال: ملهاش

حطها فى العربيه وانطلق على اقرب مستشفى

عند سيف دخل المكتب بتاع باباه من غير ما يخبط

جلال بخضه:وبعدين معاك يا سيف بالعاده الجديده ديه

سيف:اتصل على عمو جمال يا بابا

جلال:ليه فى ايه

سيف:مش عارف كنت بكلم ريم عادى فجأة سمعت صوت اتهبد على الأرض وبعدين صوت عم جمال بيقول فوقى 

جلال اتصل بسرعه

رد جمال: ألحقنى يا جلال ريم بتضيع منى

جلال:أهدى انت فين دلوقتي

جمال:رايح المستشفى****

جلال:طيب طيب أهدى انا جايلك مسافه السكه بس

قفل جلال

سيف:هاجى معاك

جلال:طيب طيب بسرعه

فى المستشفى

الدكتور:اطمنو هى بس اتعرضت لضغط نفسى شديد شويه وهتفوق حمدالله على السلامه

جمال: الحمدلله

جلال:جمال ايه حصل

جمال حكى كل حاجه لجلال

سيف فهم كل حاجه واتصل على عمر وقاله

دخلو عندها كانت لسه مفقتش

جمال حط أيده على شعرها القصير ودمع

جلال:تعال معايا يا جمال مينفعش تصحى وتشوفك كده لازم تبقا اقوى من كده

خرجو وفضل سيف جمبها

سيف مسك أيديها

ريم بدأت تفوق وبصيت حواليها لقيت سيف

ريم بتعب:ده انت بجد وله انا بحلم كالعاده

سيف ابتسم:لا انا ،بس مبسوط انك بتحلمى بيا

ريم بضحك:بصبر نفسى ،هو انا فين

سيف بابتسامه:فى المستشفى بس متقلقيش انتى تمام خلاص

ريم:طبعا عشان شوفتك

سيف:اكيد طبعا هو انا اى حد

ريم ضحكت: نرجسى اوى عمرك ما هتتغير

عمر دخل بسرعه:ريم انتى كويسه

ريم:انا تمام انت جيت لوحدك الوقت اتأخر

عمر:لا عمى وماما بره مع عم جمال وعم جلال بيتكلمو الظاهر كده هنبقا اخوات ونعيش سوا يا ريمو

ريم:بقولك ايه متدنيش امل كاذب عشان بصدق وبتعب فى الاخر وانا لازم ابقا قويه عشان بابا

سيف:هتعيشو سوا!!!! عمر اياك

عمر:يابنى انت احول بقولك اخوات اخواااات

سيف:ولو برضو لو قربت ليها مش هيحصل طيب

ريم بضحك:اوعى الحمش

سيف:بطلى ضحك متعصبنيش عليكى 

دخلو كلهم 

جمال:فوقتى

ريم: متقلقش عليا بنتك راجل جامد

سيف:اه طبعا طبعا اومال

ريم بضحك:سيبك منه دماغه لاسعه

سيف:شايف يا عمى بنتك

جمال بضحك:ريم تعمل إلى هى عايزاه

ريم طلعتله لسانها: وجرب نار الغيره

الكل ضحك

جلال:عندى ليكى خبر حلو يا ريم عمر هيعيش معاكى

ريم بضحك وفرحه:قديمه عمر قالى

عمر ضحك:هنبقا اخوات

ريم:انا متحمسه اوى

عدى ست سنين حياه الكل اتغيرت والأطفال كبرو ومبقوش اطفال ريم راحت لدكتور نفسى وكانت كريمه بتساعدها فى العلاج وعمر كمان بقا اشجع واحسن وفعلا الاتنين كانو محتاجين بعض وشرف طفل صغنون اسمه عمار وهو ده بقا إلى دخل عمر الجيش وده عنده اربع سنين اما سيف وريم بعدو عن بعض وده كان اختيار ريم فى حاجه حصلت خلتها تعمل كده وسيف بعد عنها وفضل مضايق منها وقالها بكره تندمى وترجعيلى وساعتها انا إلى هرفض ومن محاسن الصدف يوسف طلع مع ريم فى نفس الجامعه دخلو هندسه مع بعض وحاليا خاطب حور وفرحهم قريب .

ريم:والنعمه يا عمار لأربيك

عمار :نينينينى

ريم:شايفه يا ماما عمار بيقولى نينينينينى

عمر :مش ده كلامك اشربى بقا علمتى الواد الفساد

ريم:وله انت انا ساكتالك من الصبح تعلالى بقا كده

جمال:بس يا ريم عيب اخوكى الولد عيب

ريم:بس يا بابا

كريمه:بس يا جمال هو إلى ضايقها يستاهل

ريم: حبيبتي حبيبتى خدى بوسه هوا

عمر:دائما واقفه معاها يا ماما

جمال حط أيده على كتفه: متقلقش يا عمر ابوك فى ضهرك

عند جلال

جلال:سيف مش عايز خناق وتوافق وانت ساكت

سيف:هشوف مؤاهلاتها الاول تنفع وله لا فى الشركه بتاعتى

جلال:سيف متخليش كبريائك هو إلى ممشيك

سيف:ماشى ماشى عايز حاجه انا تأخرت عن أذنك

نسيت اقول سيف بقا صاحب شركه كبيره للمقاولات والمبانى +أنه بقا بيهتم بالمدرسه 

عند حور

حور:عايز ايه يعنى

يوسف:عايز اتجوز يا حور حرام عليكى محنطانى جمبك

حور:خليها السنه الجايه احسن

يوسف:اقسم بالله يا حور لو موافقتيش لأسيبك وأشوف حد تانى اتجوزه 

حور:انت هتسبنى يا يوسف انت مبقتش تحبنى خلاص

يوسف:يادى النيله عليا يا بنتى مش كل لما اقولك نتجوز تأجيليها

حور:الله يعنى اسيب التعليم يعنى ألغى كيانى وكريرى عشان يعجبك

يوسف:ماشى سيبتك وخلصتى واتخرجتى بقالك سنه عايزه ايه تانى

حور:يوسف قول الحقيقه انت شايفلك شوفه تانيه وعايز تفلسع بالطريقه مش كده.

يوسف: يادى النيله السودا

حمزه:حذرتك وانت مسمعتش كلامى قولتلك مجنونه مصدقتش اشرب بقا

حور:انت اخويا وله اخوه

حمزه:انا مع الحق

يوسف:اسمعى الكلام بقا يا بنت الحلال

حور: خد يا يوسف دبلتك اهى وحل عنى

يوسف:يادى الشغلانه الزرقا انت عارف يا حمزه ديه المره الكام إلى تدينى الدبله فيها

حمزه:بطلت اعد يا جيمى

يوسف: المره ١٧ ال١٧ يا حمزه متخيل

حمزه:قلبى معاك يا يوسف يا اخويا

يوسف:انا ماشى ياعم كده كتير اوى

حمزه:اه طبعا طبعا متقطعش الجوابات

عند ريم

ريم قاعده بتأكل 

عمر:نفسى مره تبطلى اكل

ريم:الله يا عمر عايز ايه سيبنى اتغذى

كريمه:سيبها يا واد تاكل كلى يا حبيبتى 

جمال:اه سيبها قبل مقابله الشغل

ريم:أنهى مقابله شغل

جمال:كلمت عمك جلال قال فى شركه سيف محتاج مهندسين وانا قولتله عليكى

عمر:ألبس

ريم لبست فى وشه رغيف العيش:ليه يا بابا كده

جمال:ايه إلى عملتيه فى اخوكى ده

ريم:مش مهم دلوقتى عمر انا قولتلك عايزه شغل؟ لا صح

جمال:والله انتى متعبتيش كل ده عشان تقعدى فى البيت 

كريمه:معاه حق يا ريم لازم تخرجى وتشتغلى وتحققى ذاتك

ريم:ذاتى! ده انا هتهان اسكتى انتى مش عارفه حاجه

حور:سامو عليكم

عمر:اهلا بالدوشه

حور:بتاكلو من غيرى

ريم:مفيش طفح ليكى تعالى ورايا

دخلت الاوضه وقفلت الباب

كريمه:حور انتو مخبين حاجه عنى

حور:ها لا طبعا تلاقى يوسف قالها انى رميت الدبله فى وشه

كريمه:تانى يا حور 

عمر:يارب يطفش يارب 🤲

حور:عشان تخطبنى انت صح للدرجه دى بتحبنى

عمر:يا ستى لا يا ستى بعيد الشر عنى

ريم بتنادى:حوووووور

حور اتنفضت:جايه جايه

دخلت حور وقفلت الباب

ريم:بابا لقا شغل ليا

حور:وملقاش ليا العبد لله دايخ والله ما لاقى

ريم:يا غبيه افهمى انا كنت بتلكك بالشغل

حور:اه قصدك على فهد 

ريم:ايوه نسيتى 

حور:لسه بيبعتلك رسائل تهديد 

ريم:هو مكنش بطل اصلا يا حور والموضوع اتطور معاه لدرجه بقا بيبعتلى رسايل حب انتى متخيله وانا اصلا بيبقا هاين عليا احرق التليفون بالى فيه

حور:انتى هتقوليلى ده انتى كل شهر بتليفون شكل

ريم:اتنيل اعمل ايه دلوقتى لو عرف هيستغل الوضع ويجى لبابا

حور:وماله يجى ويترفض

ريم ضربتها بالمخده فى وشها:عشان يقتلنا كلنا افهمى بقا ده مجنون انا لما طنشته نسيتى عمل ايه دبر حادثه لبابا لولا ستر ربنا كنت خسرته

حور:كان يوم صعب جدا فاكره طبعا

ريم:لا والمصيبه الكبيره الشغل مع سيف

حور بصدمه:سيف!!!

ريم طلعت السلسله إلى ادهالها من ست سنين كانت لسه لابساها لحد دلوقتي وبصيت ليها بابتسامه مكسوره:ايوه سيف

حور حطيت إيديها على كتفها:معلش 

تليفون ريم رن

دخلت السلسله تانى مكانها قريبه من قلبها وراحت تشوف تليفونها

حور:مين ييتصل

ريم:ده يوسف

حور:يوسف طيب استأذن انا بقا

ريم مسكتها من قفاها وردت:ايوه يا يوسف اخبارك ايه

يوسف:انا تعبت بقا يا ريم بقا

ريم:مالك يابنى 

يوسف:صاحبتك جننتنى مش عايزه تتجوز

ريم:انت عارف انها خايفه 

يوسف:تمام انا قولت هقنعها براحه لكنها وكالعاده

ريم :رمت دبلتها فى وشك مش كده

يوسف:ايوه

ريم بقيت تهز حور من قفاها وهى بتزعق للاتنين:انتو الاتنين عايزين تجننو إلى خلفونى ديه المره الكام إلى ترمى دبلتها فى وشك ها العشرين

ريم ويوسف بسرعه:لا ال١٧

ريم بغيظ اكتر:لا فرقت فرقت جدا

يوسف:انا بس متصل عشان تعرفيها انى بكره هتجوز ست ستها ومش هرجعلها تانى

ريم:ما تتجوز ياخويا ست ستها وتريحنا وتريح ستها إلى ماتت وشبعت موت فى قبرها

حور:ست ستى هيلاقى فين ست ستى وله يعرف يلاقى ظفرى تانى الخ'اين الغ'شاش

ريم:بقولكم ايه انتو الاتنين اولعو فى بعض محدش فيكو يكلمنى تانى

قفلت السكه فى وش يوسف وطردت حور بره الاوضه وقفلت على نفسها 

بليل

عمر خبط ودخل:عامله ايه دلوقتى

ريم:انا كويسه يا عمر مفيش حاجه

عمر:عليا انا ،ماشى يا ستى جاهزه للشغل بكره

ريم:اعتقد ايوه ،هربت كتير ده وقت المواجهه

عمر:هروح معاكى بكره وهبقا فى ضهرك زى ما اتعودنا

ريم ابتسمت بحب ليه:انت احسن اخ فى الدنيا

عمر:وانتى احسن اخت ،متنسيش احنا بنكمل بعض تقدرى فى اى وقت تحكيلى اى حاجه مضايقاكى

ريم:اكيد طبعا

فى الصبح

سيف بيبص على الساعه مستنيها توصل باسرع وقت

وصلت ريم تحت

عمر:ها جاهزه

ريم:انا دائما جاهزه يابنى عيب عليك

عمر:لا واضح فعلا

ريم اخدت نفس ونزلت من العربيه

ريم:المقابله هعملها مع عمو جلال مش كده

عمر:لا سيف

ريم:الله يطمنك

عمر:يالا 

طلع عمر وريم طلعت وراه

عمر للسكرتيره:عرفى استاذ سيف أن ريم وعمر بره

السكرتيره بصيت لريم من فوق لتحت وبعدين قالت:تمام استريحو

ريم بصيت لنفسها:مالها الوليه ديه بتبصلى كده ليه فى حاجه غلط فى شكلى

عمر ضحك:لا دى نظرات البنات لبعض لما بيشوفو بنت احلى منهم

ريم ضحكت وضربته على كتفه:بس بقا هتروح نار جهنم من كدبك ده

سيف من حماسه خرج بنفسه اول ما سمع انها بره وشاف هزارهم حس بغيره عاميه

سيف:احم اوعو اكون قاطعت عليكم الجو

ريم بلعت ريقها بشويه توتر

عمر:جو ايه بس ده مجرد هزار ،انت عامل ايه

سيف ابتسم:أو ما عرفت انك بره اتحمست وخرجت بنفسى أرحب بيك

عمر:امم بيا بس تمام تمام هتفضل واقفين

سيف لنفسه:يخربيتها مش عارف ابطل ابص ليها وكمان بتحمر هى عايزه تجننى صح اتغيرت وبقيت حاجه تانيه خالص ياربى هستحمل ازاى بعدها وهى قدامى كده طول النهار يارب الصبر.

بعد فتره

سيف:جاهزه يا ريم

بس ريم مكنتش مركزه غير فى ملامحه إلى اتغيرت بقيت حاده أكثر رجوله ورزانه ودقنه زودته حلاوه فوق حلاوته والبدله الرسميه إلى بقيت جزء من شخصيته 

ريم لنفسها:كنت فاكره أن البنات هما الى بيحلو بالانفصال يخربيتك ايه الحلاوه ديه هعمل ايه دلوقتي والله انا تكه وهقوله بحبه ومش هيهمنى حاجه لا لا ريم ركزى فهد مش هيسبكو فى حالكم لا انتى وله عيلتك وله حتى سيف 

سيف بصوت عالى:رييييم انتى معايا

ريم فاقت وردت بسرعه:معاك معاك

سيف:كنتى معايا دلوقتى لا

ريم بصيت ليه:ها

سيف:قصدى يعنى سرحتى فجأة انتى كويسه

ريم:اه الاحسن نبدأ المقابله

سيف:لا مقابله ايه على الشغل على طول جولين هتعرفك كل حاجه

جولين دخلت:طلبتنى يا سيف باشا

سيف:ورى الاستاذه ريم مكتبها وعرفيها اماكن المواقع إلى هتنزل فيها.

جولين:تمام يا فندم اتفضلى معايا

ريم قامت وحركت شعرها الطويل ومشيت

سيف فضل يبص عليها لحد ما مشيت واتنهد

عمر:احلوت مش كده

سيف:عمر ينفع تقفل الموضوع قولى عامل ايه ويوسف محدش فيكم بيسأل 

عمر:مشاغل يابنى عارف أنا مشغول في العياده ولما بفضى ريم مش بتسبنى فى حالى وله هى وله عمار ولازم اخرجهم ممنوع امسك تليفونى فى اجازتى أما بقا عندك يوسف فكفايه حور عليه بتوريه النجوم فى عز الضهر

بليل

ريم بتعب:اه يا ركبى يانى ياما

سيف:عايزه توصيله

ريم بإحراج:بلاش احسن انا هكلم عمر 

سيف وقف ومسك تليفونه ورن على عمر

سيف:الو يا عمر عندك مشكله اوصل انا ريم للبيت تمام لا مش هنتأخر مسافه السكه طيب سلام

سيف:عمر قال مفيش مشكله ،نتحرك بقا

ريم بصيت حواليها بتوتر خايفه يكون فهد بيراقبها كالعاده بس زى العاده برضو مش شافته خالص اتنهدت 

ريم بيأس:يالا كده كده خربانه

ركبوا العربيه وانطلقو والاتنين ساكتين لحد ما قرر سيف يقطع الصمت

سيف:انتى كويسه؟

ريم:اه تمام الحمدلله

سكتو تانى المره دى ريم اتكلمت

ريم:انت كويس؟

سيف:انا على طول كويس 

ريم ضحكت:عمرك ما هتتغير هتفضل طول عمرك نرجسى

سيف:على الأقل حد فينا متغيرش

ريم سكتت وبصيت للشباك

سيف:ريم عارفه انا مش مضايق اننا سيبنا بعض انا بس مضايق انى مش عارف السبب.

ريم:انا اسفه

سيف:لا سورى مش هنرجع

ريم بصيت ليه:انا مش بعتذر عشان نرجع يا سيف انا بعتذر عشان مقولتش السبب انا عايزاك تعرف أن انت مغلطتش معايا وله غلطه وان انا كان كل كلامى ليك حقيقى بس مكنش هينفع نكمل فأنا اسفه انى حسستك انك غلطت أو كنت انت السبب.

سيف:انتى عارفه أن كلامك ده كله انا مش مستفاد منه حاجه انا بس عايز سبب ما مش معقول سيبتينى من غير سبب

ريم:لا بسبب يا سيف وسبب قوى جدا كمان بس مش هينفع أقوله ليك 

سيف:تمام يا ريم تمام

ريم دمعت وبصيت بعيد وايديها اتحطيت على السلسله المستخبيه فى هدومها

سيف لاحظ السلسله من فوق بس مشافش هى بتاعته وله لا

سيف لنفسه:السلسله دى ،....يا ترى هى نفسها وله حاجه تانيه 

سيف:معادك بكره الساعه تسعه

ريم:تمام عن أذنك ومتشكره على التوصيله

خرجت ريم من العربيه وطلعت البيت

عمر: حمدالله على السلامه ها ايه الاخبار

ريم:اخبار ايه

عمر:اتكلمت انتى وسيف حليتو المشكله إلى لحد دلوقتي مقولتليش عليها

ريم:مفيش مشكله يا عمر انا بس شفت اننا مش مناسبين لكن مفيش مشكله 

سابته ودخلت اوضتها

لسه بتقلع الكوتش تليفونها أدى اشعار برساله

(ايه انبسطتى بالتوصيله اوى هتنبسطى اكتر لو كنت أنا إلى وصلتك على فكره بس مش مشكله انا مسامحك الوقت كان متأخر ومفيش تاكسى يالا مش مشكله المسامح كريم اه صحيح اعملى حسابك تصحى بدرى بكره عشان تقابلى عريسك إلى هو انا طبعا حبيبك فهد)

ريم بعصبية مسكت التليفون وحدفته فى الحيطه اتكسر مليون حته 

ريم مسكت المخده وكتمت صوتها فيها وصوتت وطلعت غضبها كله وبعدين طلعت وشها من المخده وعيطت حياتها بتضيع وهى مش عارفه تتصرف ازاي متقدرش تعمل حاجه عيلتها كلها فى خطر نامت من العياط والتعب

تانى يوم جهزت ريم

ريم وهى بتاخد ساندوتش من على السفره:صباح الخير كلكم

عمار:اقعدى كلى كويس كده غلط

ريم:شوف اللمض الصغير طلعله لسان ازاى

عمار:عندى لسان احسن منك😝

ريم: نينينينينى 😝

عمر:خلاص بقا بطلى شغل عيال ودخلى لسانك قولنا ايه يا عمار إلى بيخرج لسانه يبقا ايه

ريم:ايه 

عمار:عطشان؟

ريم:ليه كلب

عمر ضحك:بنت حلال الكلب العطشان بس الى بيطلع لسانه مش البنى أدمين

ريم:حاسه كده أن الواد ده بيغلط فيا

عمر:يا ستى لا يا ستي استغفر الله العظيم يا رب

ريم:تدرى ايش ابغى اعطيك بوكس هالحين لكن مش هينفع تدرى ليش لانى مستعجله وينهار ابيض اتأخرت

جريت ريم وباست كريمه وجمال ونزلت اخدت تاكس وراحت الشركه على مكتبها على طول

فى نص اليوم

ريم:جولين متعرفيش سيف عايزنى فى ايه

جولين:مستر سيف مقاليش اى حاجه

ريم:طيب متعصب منى طيب فى حاجه حصلت عشان استعد بس

جولين نفخت بضيق ورديت بعصبيه وصوت عالى نسبيا:الله قولتك معرفش انتى فهمك بطئ كده ليه

ريم:خلاص خلاص ياستى يخربيت إلى يزعلك

جولين بعصبيه:اتفضلى

دخلت ريم وجولين قفلت الباب بعد ما دخلت ريم على طول

ريم :استنى متقف...

سيف:تعالى يا ريم متخافيش مش هاكلك يعنى

ريم:انا مش خايفه منك اصلا

سيف ضحك وقام وقرب ليها:اصلا

ريم بإستغراب:اه ومالك كده بتقرب ليه

سيف وهو بيقرب:مالى مانا كويس اهو

ريم وهى بترجع لورا:اه باين انك كويس بس بتقرب ليه برضو

خبطت ريم فى الحيطه وسيف حط أيده سندها جنب راسها وقرب وشه ليها:مش عاجبك وله ايه

ريم:لو سمحت يا سيف احفظ حدودك كويس متخلنيش ازعلك

سيف ضحك جامد:لا زعلينى يا مخربشه ورينى هتعرف تزعلينى ازاى كده

سيف كان بيقرب وشه ليها وهى كل شويه بتفقد السيطره على نفسها بتحاول تستجمع قوتها بس بتضعف معاه

ريم بصوت مهزوز:ابعد يا سيف لو سمحت

سيف بص على شفا'يفها:تؤ 

ريم بدموع:عشان خاطرى

سيف بص فى عينيها وبعد عنها :للدرجه دى مبقتيش تحبينى يا ريم مبقتيش مستحمله قربى منك انا عملتلك ايه عشان تكرهينى كده

ريم ابتسمت وسط دموعها:يا ريت يا ريت عرفت اكرهك 

سيف:يعنى انتى لسه بتحبينى

ريم:ده مش بإيدى ،مش ذنبى قلبى اختارك وحبك 

سيف:وانتى محبتنيش مع قلبك

ريم:حبيتك ومحبتش قدك وله هحب فى يوم حد زى ما حبيتك انت يا سيف

سيف:ليه بعدتى

ريم:عشان مينفعش نكمل

سيف بعصبيه مسك تحفه ازاز ورماها فى الحيطه اتكسرت:ليه مينفعش ليه ،بتقررى لوحدك مننفعش ليه، انا كنت طرف معاكى من حقى اقول رأى لو مش عايز الانفصال يبقا مفيش انفصال ،لكن انتى مهمكيش حد غير نفسك، انتى طلعتى انانيه اوى

ريم مسحت دموعها:خلصت ممكن امشى بقا

سيف:انا طلبتك عشان تشوفى العرض بتاع المشروع 

ريم:تمام ،والاحسن يا سيف ننسى ايام زمان عشان ديه ايام راحت وانتهت خلاص ومش هترجع عشان كده خلينا صحاب احسن

سيف:للأسف يا ريم انا مش عارف نبقا صحاب اصلا

ريم:خلاص مش مهم خلينا موظفه ومديرها احسن تمام

سيف:تمام يا ريم تمام

تليفون ريم رن

ريم رديت وهى بتشوف العرض على اللاب توب

ريم:ايوه يا عمر 

عمر:فينك

ريم:فى الشغل يا عمر هكون فين

عمر:طيب قولى لسيف وتعالى بسرعه

ريم:ليه فى ايه

عمر:فهد هنا وجاى يطلب ايديك وبابا قالى اكلمك تيجى

ريم بعصبية:انت اتجننت يا عمر مش هاجى انا عندى شغل

عمر:بقولك بيطلب ايديك

ريم:قوله معنديش اخوات للجواز مشيه يا عمر الله يخليك

عمر:بابا مش عايز يدخلنى القاعده يا ريم اتصرفى وتعالى أو هنتنفخ وانتى عارفه بابا اخر مره اتفقنا ضده بيتنا احنا الاتنين فى الحبس 

ريم:اتصرف يا عمر انت مش اخويا

عمر:ما حاولت اتنيلت حاولت 

ريم:خلاص يا عمر خلاص جايه وانا هعرفه مين ريم جمال 

قفلت ريم التليفون بعصبية وكملت العرض

سيف:مين جاى يتجوزك وانتى مش عايزه

ريم بصيت ليه:ها حد مش مهم على العموم العرض كويس جدا وان شاء الله هبدأ فى المشروع ده بس بكره حاليا انا مضطره استأذن واروح 

سيف:اه طبعا عشان العريس الغفله مش كده

ريم:ممكن تبطل الأسلوب ده معايا

سيف:اسلوب ايه،تمام اوى يا ريم تقدرى تتفضلى بس الاول عايزك تربطى الكوتش بتاعك عشان متتكعبليش

ريم وطيت تربط الكوتش والسلسله خرجت بس مش باينه لسيف

قامت ريم وشكرت سيف إلى اتصدم اول ما شاف السلسله

سيف لنفسه:لسه لابساها على طول يبقا لسه بتحبنى طيب ليه ليه يا ريم عملتى كده ليه

عند ريم في مكتبها بتلم حاجتها تليفونها أدى اشعار

(مستنياكى يا عروسه متتأخريش عليا مش ضامن نفسى اعمل ايه بالمناسبه اخوكى القطقوط الصغير ده لطيف اوى بس شكله مش مستلطفنى وشكلى هتسلى معاه عقبال ما تيجى يا حبيبتى متتأخريش بقا متخليش حبيبك فهد يستنى كتير باى يا قطتى)

ريم بعصبية رمت التليفون فى الحيطه:اخويا الصغير يا حيواااااان يا حيوان انا هوريك

اخدت الشنطه ومشيت ووصلت البيت فى وقت قياسي

عمر:فينك كل ده وفين تليفونك قلقت متقوليش انك كسرتيه

ريم:عمر مش وقته فين عمار

عمر:قاعد جوه مع فهد ،استنى الاول قوليلى انتى بتحبى فهد من أمته ده بيقول لبابا انك بتحبو بعض من زمان ومتفقين على الجواز من بدرى وكنتو مستنين تجهزو

ريم:هو قال كده!!

عمر:اه ،هو فى ايه يا ريم فهمينى

ريم:مش دلوقتي يا عمر فين عمار

عمر:كان بيلعب مع فهد جوه

ريم:وانت ازاى تسيبهم لوحدهم كده

سابته ودخلت وشالت عمار إلى كان قاعد على رجل فهد وبيلعب معاه

فهد:اهلا ريم وحشتينى

ريم:انت ايه جابك 

فهد:طيب تسمحوا يا جماعه تسيبونا شويه لوحدنا

جمال:تعال يا عمر يا بنى معايا

عمر اخد عمار من ريم وخرجو

فهد:دى طريقه برضو تقابلى بيها جوزك 

ريم:جوزى!أنت اهبل يا فهد 

فهد ضحك:عارف لسه شويه بس متحمس انتى ليه مش متحمسه مش عايزه نتجوز

ريم:لا مش عايزه 

فهد:لازم تعوزى ده لو عايزه إلى بتحبيهم يفضلو

ريم بمقاطعة:عايشين!؟

فهد:بالظبط بدأتى تفهمينى

ريم قعدت :المشكله انى فاهماك يا فهد 

فهد:وبرضو مش بتحبينى

ريم:انت عايز ايه منى قولتلك انا مقدرش احبك لان قلبى خلاص اختار واختار من زمان والحب الحقيقى مش بيجى غير مره واحده فى العمر يا فهد بعدها مش بنعرف نحب تانى جايز ممكن نتعايش مع الظروف إلى بنقع فيها لكن مش بنحب مرتين ابدا ولو حبينا مرتين يبقا حبنا الاول عمره ما كان حب حقيقى وانا يا فهد عمرى ما حبيتك وله هحبك فى المستقبل ده لازم تفهمه كويس

فهد:خلاص مش مشكله تحبينى المهم عندى نتجوز 

ريم:عايز نتجوز ليه واحده مش بتحبك ليه عايز تدمرنى وتدمر نفسك كمان

فهد: افهمى مستحيل اسيبك لسيف فاهمه

ريم:ماشى وانا وعدتك مش هتجوزه 

فهد:ده كله تمام وليه منتجوزش الاول قولتى لما تخلصى تعليم وبعدين لما تستقرى وتلاقى شغل ودلوقتي الوقت المناسب هنتجوز يا ريم لأما انتى عارفه انا خلقى ضيق وممكن اعمل ايه مستنى ردك بكره مع والدك بالموافقه طبعا غير كده عايزك تودعى عيلتك واحد واحد سلام يا قطتى المخربشه.

مشى فهد

جمال:فهد مشى ها رأيك ايه

ريم بصيت ليه وهى مش عارفه تعمل ايه

جمال بص ليها:بلاش يا ريم انا مش مرتاحله 

عمر:استنى يا بابا نشوف رأى ريم ايه يمكن عايزاه

ريم:بابا انا موافقه

حور:يعنى ايه وافقتى ،انتى مجنونه يا ريم

ريم:مقدميش حل تانى يا حور

حور:قدامك تقولى لعمو جمال وعمر الحقيقه هما هيساعدكى يا ريم 

ريم:سيبيها على ربنا يا حور انا خلاص قررت مش هفكر كتير خلاص زى ما بيقولو زمان نصيبك هيصيبك 

حور:طب وسيف يا ريم

ريم حطيت إيديها على السلسله إلى جمب قلبها:هيفضل طول حياتى معايا فى قلبى لان قلبى محبش غيره 

حور دمعت وحضنت ريم

تانى يوم فى المكتب بتاعها بتجهز عشان تنزل الموقع

سيف ملاحظ ملامح وشها الزعلان واليائس

راحت ريم الموقع وسيف راح وراها

اول ما ريم وصلت لقيت فهد واقف بعيد ومبتسم ليها وهى لابس نضاره الشمس بتاعته 

فهد:قطتى اخبارك ايه 

ريم بنرفزه:انا مش زفت قطتك وجاى ليه مكان شغلى

فهد:لا لا عايزك تتعودى كلها شهر ونبقا فى بيت واحد

ريم بصدمه:ايه

فهد:شوفتى خلتينى نسيت اقولك انى اتكلمت مع عمى واتفقنا بكره الخطوبه والفرح وكتب الكتاب الشهر الجاى ايه رأيك فى المفاجأة ديه بقا

ريم:مفاجأه! طيب يا فهد جيت ليه 

سيف من وراها:فهد مشوفتكش من ايام المدرسه عامل ايه

فهد حط أيده على كتف ريم وريم مش طايقه نفسها :كويس الحمدلله انت عامل ايه يا صاحبى 

سيف بغيره وعينيه على أيديه إلى على كتف ريم:كويس

فهد:كده مش تباركلنا

سيف:مبروك على ايه ،هتعملو مشروع سوا وله ايه

فهد ضحك:هو مشروع فعلا مش كده يا قطتى 

ريم نفخت بضيق

سيف:طيب مشروع ايه قولى لو حلو اشارك معاكو

فهد ضحك جامد:سامعه بيقول ايه عايز يشارك

ريم:فهد مش شايفه حاجه تضحك

فهد:ازاى ده انا مش قادر ابطل ضحك

سيف:طيب ضحكنى معاك

ريم:مش مهم يا سيف هو انت نزلت الموقع ليه اصلا

سيف:لا مهم متدخليش ،قولى يا فهد ايه المشروع وايه المضحك

فهد:مشروع جواز، جوازى انا وريم

سيف بص بصدمه لريم:جوازكم

ريم بصيت فى الارض

سيف ابتسم بكسره:كان لازم اعرف من الاول أن مش كل الوعود بيتوفى بيها.

ريم دموعها نزلت وسابتهم ومشيت

فهد ابتسم :قولتلك متتحدنيش لانى انا إلى هكسب فى النهايه جالك كلامى كسبت وانت خسرت ولسه هتشوف النتيجه الحقيقيه بعد شهر قولتلك من ست سنين ريم هتبقا ليا

سيف سابه ومشى

فى مكتب سيف فضل يكسر فى كل حاجه تيجى قدامه 

سيف قعد فى الارض وهو مش فاهم حاجه

عند ريم كانت بتشتغل وهى دموعها نازله لدرجه الكل افتكر انها تعبانه وحاولو يريحوها على قد ما يقدرو

بعد ما خلصت فى الموقع طلعت المكتب بتاعها

السكرتيره:استاذ سيف طالب حضرتك

ريم:تمام 

اخدت ريم حاجتها وراحت مكتب سيف

سيف:اهلا اهلا بعروستنا

ريم:سيف لو سمحت مدخلش حياتنا الشخصيه بالعملية

سيف:طيب انتى دلوقتى وقتك فى الشركه خلص صح يومك خلص فاحنا دلوقتى صحاب مش مدير ومهندسه شغاله معاه

ريم:الخلاصه يا سيف لو سمحت عايز ايه

سيف:تؤتؤ مكنتش فاكر انك هتعاملى صديقك القديم كده

ريم اتنهدت بتعب:سيف لو سمحت انا تعبانه قول طلبتنى ليه

سيف:فاكراه بيحبك هه يكون فى علمك بس هو هيتجوزك عشان يكسبنى وبس عايزك عشان انتى كنتى بتاعتى

ريم:مكنتش بتاعتك يا سيف انا انسانه انت مكنتش ملكنى

سيف:عشان كنت بحبك ده إلى اقصده وقولتلك فهد متعود ياخد اى حاجه تخصنى

ريم:كنت!!!؟

سيف:اه طبعا انتى فاكره هفضل احبك بعد ما سبتينى ومن غير سبب يذكر

ريم:طيب تمام انت خلصت

سيف:معندكيش مشكله أنه هيتجوزك بس عشان يرضى غروره ويكسبنى وبس

ريم:خلصت يا سيف

سيف:انتى مش بتحبيه!

ريم:عن أذنك

سيف قام بعصبية ومسك ايديها وزقها للحيطه بعصبية:انا مخلصتش كلامى

ريم بدموع:انت عايز منى ايه

سيف:عايز اعرف بتعملى كده ليه

ريم:انت فاكر أنه بمزاجى 

سيف:اومال بمزاج مين قوليلى ،احكيلى ،عايز اعرف سبب

ريم:مش لازم تعرف يا سيف،كده كده انت مبقتش تحبنى ملهوش لازمه تعرف حاجه تخصنى 

سيف بعصبية:طول عمرك هتفضلى غبيه 

ريم بدموع ونرفزه:انا غبيه!؟

سيف:اه غبيه

ريم:لا مش غبيه

سيف:غبيه

ريم:قولتلك لا

سيف مسح دموعها وابتسم:غبيه 

ريم زقته وخرجت من مكتبه من الشركه كلها

اول ما وصلت البيت

عمر:كل ده تأخير هنلحق نجيب فستان دلوقتى مش فهد قالك بكره الخطوبه هتعملى ايه دلوقتي

ريم:عمر انا تعبانه عايزه انام لو سمحت

عمر:والفستان هتحضرى خطوبتك بإيه

ريم:اى فستان قديم من عندى خلاص متشغلش بالك

عمر حضنها:مالك يا ريم

ريم حضنتها جامد وعيطت:انا خايفه يا عمر 

عمر ابتسم بحنان:يا حبيبتى مش عايزك تخافى طول ماحنا معاكى كلنا جمبك انا وبابا وماما وحتى عمار وبلاش ننسى حور ويوسف الكل معاكى وبيحبك مش عايزك تخافى ابدا طول ماحنا معاكى

ريم جواها:بس انا خايفه اصحى فى يوم ملقكوش معايا 

تانى يوم

حور:هتلبسى اسود

ريم:ده الى عندى أما وريته الويل مبقاش انا 

حور:طيب السلسله باينه يا ريم اقلعيها

ريم:مستحيل اقلعها ، حور انا مقلعتهاش من ست سنين حتى وانا بغسلها بغسلها وانا لابساها السلسله ديه بقيت جزء منى مستحيل اقلعها مهما كان.

حور:سيف اكيد هيحضر لو شافها

ريم:مش هتفرق معاه كتير ،مبقاش بيحبنى خلاص

حور:انتى غبيه؟

ريم بنرفزه:انتى كمان يا حور بتقولى عليا غبيه مش كفايه هو

حور:سيف برضو قالك يا غبيه 

ريم:اه

حور:والله عنده حق 

ريم:ليه بقا

حور:عشان بيحبك 

ريم:مش بيحبنى خلصت بقا يا حور

عمر:ريم يالا الضيوف مستنين بره

حور:احم عمر ممكن سؤال بسيط مجرد

عمر اتنهد:سبع البرمبه بره 

حور بابتسامه غبيه:مين؟

عمر:يوسف ياختى

حور باستعباط:مكنتش هسأل عنه على فكره احنا كل إلى بينا انتها خلاص

عمر:اه اه عارف طبعا

خرج وسابهم

حور:شايفه اخوكى

ريم:والله انا لا فايقالك وله فايقه لأخويا سيبونى فى حالى

خرجو والكل بيرقص 

يوسف:مكنتش اعرف ان ريم وفهد بيحبو بعض قبل كده انت كنت تعرف

عمر بشك:لا برضو

يوسف:مش اخوها ازاى متعرفش

حمزه:عادى انا كمان مكنتش اعرف ان اختى بتحبك 

يوسف:انت مختوم على قفاك لكن عمر ريم مش بتخبى عنه حاجه

عمر:ده إلى مجننى

حمزه:استنى انت يا عمر كده ,مين ده إلى مختوم على قفاه ده انت نهارك زى وشك

يوسف:حلو بجد.

حمزه:يخربيت ثقتك ياخى

يوسف:اوعى تقرب انا بحذرك انا معايا الحزام البنى فى الكاراتيه

حمزه:يا عم روح انا مش هكلمك عارف ليه عشان كفايه عليك إلى اختى عاملاه فيك يا مدهول

عمر:بس بقا اسكتوا ،انا حاسس ان ريم مش مبسوطه 

يوسف:اه فعلا ريم لما بتبقا مبسوطه بتولعها 

حمزه:ممكن عشان خطوبتها مكسوفه

عمر:اسكت يا حمزه خالص مش عايز اسمع صوتك 

حمزه:واد انت اتغيرت معايا

يوسف:لو ريم مش مبسوطه مع فهد وافقت ليه

عمر:اكيد الحكايه فيها أن وانا لازم اعرفها

يوسف:وهتعرفها ازاى

عمر:من تليفونها اكيد

يوسف:هتفتش فى تليفونها ،بس ازاى 

عمر بص لحمزه بابتسامه: اخت الواد ده هتساعدنا

حمزه:انا مليش دعوه منك ليها

يوسف:جبان

حمزه:جرب انت يا شجيع السيما

يوسف:وانا مالى باختك اصلا كل حاجه بينا انتهت

حمزه:بس بقا صدعنا من الكلمتين الحمضانين بتوعك دول

عمر:سيف وصل

يوسف:هو مش سيف كان بيحب ريم 

عمر:من ساعه ما ريم سابته وهو بقا غامض محدش عارف لسه بيحبها وله لا وله ايه السبب إلى خلاها تسيبه اصلا

يوسف:كل ديه ألغاز المفروض نحلها

حمزه:ما نروح نسألهم أحسن يا جدعان

عمر:هيقولو مفيش حاجه وعادى لازم نستكشف بنفسنا

يوسف:بس عارف حور دائما بتقول مفيش حاجه بتحصل لريم غير لو هى عرفت عشان كده انا بقول نرشيها باى حاجه هتقر على طول ممكن مثلا شيكولاته

عمر:انت اهبل يابنى لسه لحد دلوقتي متعرفش حور لو قالت اى حاجه تخص ريم لينا ريم تقتلها فيها حور لو حد سألها على اى حاجه تخص ريم هتقول انا مش مستغنيه عن عمرى 

حمزه:انا ملاحظ أن عمر عارفهم احسن مننا

عمر:انا بس فهمتهم انتو إلى اغبيه

يوسف:طيب تعالو نروح لسيف 

عند ريم

فهد:اسود!

ريم:فى مشكله

فهد:لا أنتى حلوه فى اى حاجه شوفتى الشبكه عجبتك

ريم:لا مشوفتهاش ومش عايزه اشوفها 

فهد:مش مهم كده كده هتشوفيها 

كريمه:يالا يا ولاد وقت الرقصه

ريم:ماما مش قادره 

فهد:لا ازاى لازم انهارده خطوبتنا قومى معايا

قامت ريم بزهق

فهد:افردى وشك عشان متعصبش وادمر إلى حواليا يا ريم وانت عارفه قصدى ايه

ريم ابتسمت غصب عنها

فهد ابتسم:ايوه كده

ريم حسيت بإشمئزاز لما حط أيده على وسطها وقربها ليه وبدأو يرقصون سلو

فهد:مش بزمتك تحسى انك طايره

ريم:طايره! انا قرفانه انا عايزه افهم ازاى تقبل انك تتجوز واحده مش بتحبك وله عمرها هتحبك

فهد:هتحبينى بعد الجواز مش مهم 

ريم:بقولك مستحيل احبك

فهد:مش مهم برضو هتبقى بتاعتى 

ريم زقته بضيق ورجعت مكانها

سيف عينيه منزلتش من على السلسله

عمر:لسه بتحبها؟

سيف:اهلا يا عمر

عمر: اهلا ،بقولك لسه بتحبها

سيف اتنهد:مش بإيدى

عمر:ليه سايبها

سيف:ده اختيارها مقدرش أجبرها

عمر:انت شايفها مبسوطه يعنى

سيف:انا مبقتش فاهمها

عمر:وله انا بس هدور على الحقيقه وهفهمها قريب اوى

سيف بص ليه بأهتمام:اى حاجه اقدر اساعدك بيها انا جاهز

عمر ابتسم:حقيقى مش فاهم ليه سيبتو بعض 

سيف:وله انا فاهم عشان كده عايز اعرف 

عمر:هنعرف.

عند ريم

عمار:ريمو عايز ارقص معاكى زى ما رقصتى مع عمو الأسد ده

فهد ضحك:فهد أسمى فهد

عمار:ميهمنيش اصلا انا مش بحبك

فهد:ليه بس

ريم:عملك حاجه يا عمار

عمار:اه قالى أنه هياخدك مننا ومش هيخلينى اشوفك تانى ويبعدك عننا كلنا وانك هتبقى بتاعته بس

ريم:متسمعش كلامه يا عمورى محدش يقدر ياخدنى منك انت حبيبى الصغنون مش كده

عمار:انا قولتله كده بس هو شكله اتحول بقا يخوفنى

ريم:متخافش طول مانا عايشه مش هخليه يقربلك 

فهد:بلاش توعديه وانتى مش هتقدرى تنفذى

ريم بصيت ليه:انا مش بوعد حد وعد غير لما بنفذه يا فهد

سيف:اه فعلا بتنفذه بس بالعكس 

ريم:سيف!

فهد:عنده حق

سيف:ايوه 

عمار:انت كداب ريم دائما بتوفى بوعودها

سيف:حقيقى؟بس ريم اختك برضو وعدتنى وعد من ست سنين انها مش هتتجوز غيرى وشوف دلوقتى بتتجوز غيرى.

عمار:ريمو هو بيقول صح

ريم غمضت عينيها ودموعها نزلت

عمار حط أيده على دموعها وحضنها وخبى وشها وزعق لسيف:ملكش دعوه بيها انت وحش زيه

ريم مسكت فى حضن عمار اكتر

عمر:فى ايه

عمار:ريم زعلانه بسببه(شاور على سيف)

عمر نزل عمار من على رجل ريم واخد ريم ومشيو

فى العربيه

عمار ورا:متزعليش يا ريمو بقا

ريم بدموع:مش زعلانه

عمر: مش ناويه تقوليلى الحقيقه

ريم:حقيقه ايه

عمر:ليه بتتجوزى فهد وانتى مش مبسوطه معاه

ريم بدموع:ده الصح

عمر بزعيق:مين إلى قرر أنه صح تتجوزى حد مش بتحبيه

ريم بدموع وانهيار:انا قررت انا

عمار بزعل:عمر متزعقش لريمو

عمر بزعيق:اسكت يا عمار ،وانتى تلغى الجوازه ديه

ريم:لا مش هلغيها

عمر:ريم هو مش عند وخلاص

ريم:عمر لو سمحت انا عارفه ايه الصح ليا فهد بيحبنى

عمر:وانتى؟

ريم:هحبه عادى

عمر:ماشى يا ريم ماشى

روحو البيت

عمار:هو ماما وبابا جايين امتى

عمر:ورانا بالعربيه يا عمار متخافش

ريم دخلت اوضتها ونامت

الفجر

دخل عمر يتسحب واخد تليفونها وخرج

عمر حاول يفتحه مره واتنين معرفش اتصل مكالمه جماعيه بينه هو ويوسف وحمزه وسيف

عمر:فى رمز مش عارف هو ايه

يوسف:جرب اسمها

عمر:جربت

حمزه:طيب تاريخ ميلادها

عمر:جربت برضو

سيف:اكتب ٢٥ /ه SR

عمر جربه وفتح

عمر بصدمه:فتح

سيف ابتسم :كنت عارف

يوسف:مش وقته يا عمر شوف المكالمات

عمر:مفيش حاجه كل حاجه طبيعيه

حمزه:حتى الواتساب والماسنجر والتويتر

عمر:ثوانى كده

ملقاش حاجه برضو

عمر:جماعه برضو مش لاقى حاجه.

سيف:طيب ادخل على الرسايل كده

عمر:مين لسه بيبعت رسايل

سيف:ياعم شوف هتخسر ايه

عمر :استنى فى رساله واحده بس من حد اسمه الملزق

يوسف بإستغراب:مين الملزق

حمزه:يكونش فهد

عمر:الرساله ده مبعوته بعد ما ريم نامت يعنى لسه مقرأتهاش

سيف:طيب مستنى عزومه أنجز اقرأها

عمر :طيب طيب مكتوب( الاحسن ليكى يا قطتى المخربشه تحسنى من اسلوبك معايا وتتقبلى الواقع عشان خلاص كلها شهر وتبقى ليا وانا إلى هكسب خلاص الاحسن تتعودى وتتأقلمى مش عايز اتهور وانتى عارفه لما بتهور بعمل ايه حبيبك فهد)

يوسف:لما بيتهور بيعمل ايه؟

عمر بعصبيه:ما زى زيك يا يوسف معرفش ريم شكلها بتمسح الرسايل بتاعته اول بأول

حمزه:طيب هنعمل ايه

يوسف:طيب ما تدخل الشات بتاعها هى وحور

عمر:مش موجود ريم ،شكلها مسحاه

سيف:أو خفياه

يوسف:وهو يعرف ازاى

سيف:ادخل يا عمر على جهات الاتصال عندها وهات اسمها واضغط على مراسله واتساب وشوف كده هتظهر المحادثه أو لا

عمر عمل كده

عمر:الشات فاضى

سيف:كده هى ماسحه الشات

يوسف:انا متأكد أن حور عارفه كل حاجه

حمزه:طيب والعمل

عمر:الحل عندك يا حمزه

حمزه:عايز ايه يعنى

عمر: تليفون حور.

سيف:مش هنلاقى حاجه اكيد ريم مش بتبعت لحور اى حاجه من ديه لما بتتفعل بتفضل المواجهه يعنى

عمر بمقاطعه:تكلمها وش وش

سيف:بالظبط

عمر:والعمل

سيف: الحل عند يوسف

يوسف:لا انا وحور خلاص يا جدعان

سيف:بس اسكت خلينا نعرف نفكر

عمر:عيد ميلاد عمار بعد كام يوم

سيف:حلو ده فرصتنا ناخد حور كده ونحاول نعرف منها اى حاجه

عمر:طيب طيب هكلمكم بعدين سلام

رجع عمر تليفون ريم مكانه

الصبح ريم شافت الرساله وكسرت التليفون كالعاده ولبست ونزلت

فى الشركه

ريم بتحاول تشغل وقتها كله فى الشغل ومتفكرش فى اى حاجه تانيه

سيف دخل مكتبها:صباح الخير

ريم اتنهدت:صباح النور

سيف:مبروك

ريم:فى حاجه يا سيف محتاجها منى

سيف:لا خالص بدردش بس شويه

ريم:انا مش فاضيه

السكرتيره دخلت:استاذه ريم الطرد ده ليكى

ريم فتحته لقيت تليفون وبيرن برقم متسجل حبيبك

ريم ردت بزهق:افندم

فهد:كفايه تكسير تليفونات بقا

ريم:كسرته عشان مش عايزه اشوف رسايل ملهاش لازمه من ناس مستفزه

فهد:خلاص كسرى براحتك وهجيبلك غيرهم وابعتلك عليهم نفس الرسايل

ريم:اوف سلام

قفلت ريم التليفون وبصيت لسيف

سيف:مين

ريم:ده فهد

سيف:جابلك تليفون جديد ليه

ريم:عشان تليفونى اتكسر فى حاجه تانيه

سيف:انتى اتعصبتى ليه انا بس بسأل

ريم:سيف عارف انا مش بحب اللف والدوران قول عايز ايه

سيف مسك أيديها:عايزك

ريم شديت ايديها:انت اتجننت

سيف:ريم انتى بتحبينى متكدبيش

ريم:ولو حتى مبقاش ينفع خلاص

سيف:ليه لا

ريم:اولا انت مش بتحبنى ثانيا سبب يخصنى انا وفى الاول والاخر يا سيف ده قرارى عن أذنك.

اخدت الخوذه الصفراء بتاعت المهندسين ومشيت للموقع

بعد يومين

عمر:عملت ايه

سيف:مانت عارف انها عنيده

عمر:مش عارف تكلمها كلمتين يا سيف

سيف بعصبية:بتهرب منى كل لما تشوفنى تمشى وتسيبنى

عمر:مش قدمنا غيرها

حور:عمر فين ريم

سيف:لسه فى الشركه

حور:عمار قالب الدنيا عليها

سيف بص فى الساعه:اهدو زمانها جايه

عمر:أهى وصلت

شافوها وهى داخله اوضتها

غيرت ريم ولبتس فستان احمر منقط اسود لتحت الركبه بحاجات بسيطه وعليه جاكت جينز وهيلز احمر وفردت شعرها الطويل الاسود لبعد ظهرها وحطيت مكياج خفيف وخرجت لعمار

ريم:انا جيت اهو جيت اهو

عمار:مش تكلمينى تانى

ريم:ليه بس يا عمورى عارف كان عندى شغل

عمار:مليش دعوه

سابها ومشى.

ريم جابت طبله وقعدت فى الارض:مليش بعدك بلاش بعدك يا هاجرنى وليه يا حبيبى تنسانى وليه بتظلمنى .

عمار بص ليها بصدمه رمت ريم الطبله وقامت وراحتله.

ريم:هو عشان انا حبيتك تجرح وتظلم فيا حرام عليك يخربيتك على انت عامله فيا.

سابها عمار ومشى وريم مشيت وراه

ريم:وعشان خاطرى كلمنى وبلاش تغيب عنى ليه سايبنى فى نار وليه تبقا ديه نهايتى انك تغيب عنى مش ده يبقا حراااام.

عمار ضحك وريم زغزغته وبعدين مسكت ايديه وقعدو يرقصو.

ريم وهى بترقص مع عمار:مين عذبك وجرح قلبك بتخلصه فيا ده إلى عملته كتير فيا ارحم بقا شويه هو عشان مش قدك تجرح وتقسى عليا حبيبى يخربيت عقلك ما كفايه تقل عليا عشان خاطرى كلمنى وبلاش تغيب عنى ليه سايبنى فى نار وليه تبقا ديه نهايتى انك تغيب عنى مش ده يبقا حراااام.

عمار:خلاص سامحتك بس غنيلى اغنيه تانيه

ريم بضحك:بس كده، انا قولتهالك من اولها انا اى حاجه ليك هعملها ده انا مش هعيش غير ليك قبليك انا تهوت سنين.

فهد شد ايديها وكمل الاغنيه:حبك حبيبى ده جانى فى وقته قلبى الى كان جوايا سرقته يا حبيبى انا خليك بناديك وانا كلى حنين.

عمر شدها هو:على كده بقا ده انا عينى عليك على كده بقا ده انا دايب فيك.

ريم:كل منايا تبقا معايا واحلم واصحى واعيش حواليك

عمار شدها من عمر بغيره

ريم ضحكت وكملت:على كده بقا ده انا عينى عليك على كده بقا ده انا دايب فيك كل منايا تبقا معايا واحلم واصحى واعيش حواليك.

حور وهى بتشاركهم ةبتشد عمار من خده:انا قولتهالك من اولها انا اى حاجه ليك هعملها ده انا مش هعيش غير ليك قبليك انا تهوت سنين

لعبة وغنو وانبسطو

يوسف:ازيك

حور:كويسه وانت ازيك

يوسف:كويس

حور:تمام

يوسف وحور الاتنين مش عارفين يتكلمو

يوسف:احم حور انا

حور بمقاطعة:جبت دبلتى معاك

يوسف ابتسم:اه طبعا هى على طول معايا

حور:طيب مستنى ايه لبسهالى تانى بسرعه

يوسف لبسهالها:وحشتينى

حور:يا سلام ياخويا يا سلام لو كنت وحشتك كنت جيت تصالحنى مش تبعتلى انك هتشوف واحده غيرى

يوسف:مانا ملقتش

حور:نعم !

يوسف:قصدى مفيش غيرك دخل قلبى يا حياتى

حور:طيب ماشى خلاص سامحتك

سيف:حور مش كده

يوسف:اه يا سيف اعرفك حور خطيبتى

سيف:اتشرفنا

حور:ايه الجمر ده كله يخربيتك يا ريم ده حد تسيبه

سيف ضحك

حور:انا اتكلمت بصوت عالى

يوسف:جدا

حور :احم مين بينادى عمو جمال ينهار ابيض

جريت وسابتهم

سيف:لذيذه

يوسف بغيره:عشان عاكستك مش كده

سيف:ده بس يثبت أن زوقها حلو

يوسف:اخرس بقا متعصبنيش

عمر:انتى بتتخانقو فين حور

سيف:هربت من يوسف هناك

عمر:يوسف لازم تخرجها وتوديها المكان إلى اتفقنا عليه

يوسف:طيب طيب هحاول

فى نهايه الحفله

حور خرجت:اهو يا سيدى خرجنا عايز ايه

عمر:عايزين نعرف الحقيقه إلى ريم مخبياها علينا وانت عارفاها

حور بتوتر:بتبعنى يا يوسف ماشى انا هوريك

عمر:حور انجزى ريم مخبيه ايه عليا

حور:ريم مش مخبيه حاجه

عمر:هسهلهالك ريم هتتجوز فهد ليه يا حور

حور:انا معرفش حاجه

عمر:حور اخلصى

سيف:براحه يا عمر

حور:والله اول ما شوفتك قولت عليك شخص محترم

سيف:حور هتقولنا كل حاجه يا عمر بس انت اتكلم براحه معاها هى اكيد مش عايزه صاحبتها إلى اكتر من اختها حياتها تدمر

حور بصيت فى الارض:انا مش هقدر اقولك حاجه سامحونى

عمر:طيب يا حور قوليلى السبب

حور:صدقنى مش هقدر كل إلى اقدر اقوله أنه غصب عنها (بصيت لسيف) كل حاجه غصب عنها ،مين ريم

الكل بصو الناحيه التانيه وحور جريت

عمر : هربت

سيف:يا ترى بيهددها بإيه

بعد اسبوع

كانت ريم فى الموقع

جالها مكالمه من رقم غريب

ريم بزهق: ايوه مين معايا

المستشفى:مع حضرتك مستشفى****بنكلمك عشان نبغلك أن عيلتك عملت حادثه عربيه وحالتهم خطره لو سمحت تيجى

ريم بصدمه وقع من أيديها التليفون

سيف :انتى كويسه

ريم فاقت وقال بدموع وهى بتجرى:عيلتى عيلتى

جريت هى وسيف وراحو المستشفى

فهد وصل معاها:ريم ايه حصل جالى مكالمه أن عمى عمل حادثه وعمر ومرات عمى وعمار كمان هما كويسين

ريم فقدت أعصابها وراحت زقته جامد:بتسألنى انا كله بسببك انت إلى عملت كده صح كل حاجه طلبتها منى عملتها عايز ايه تانى عايز ايه تانى ليه ليه تعمل كده

فهد:انا معملتش حاجه صدقينى

ريم وهى بتزقه:لا انت كداب انت كداب عملت عملولك ايه اهلى انا عملتلك ايه ليه عايز تدمر حياتى كده قولتلى اسيب اكتر بنى ادم حبيته فى حياتى ومحبتش قده سيبته طلبت نتجوز وافقت مكملتش الاتفاق ليه اتفاقنا اسمع كلامك وانت تسيب أهلى فى حالهم ومتأذيهمش عملولك ايه عمار عمار لسه طفل حرام عليك حرام عليك

فهد:معملتش حاجه...

ريم فقدت وعيها وسيف شالها بسرعه

#

ريم فاقت وهى بتعيط

عمر بابتسامه وهو حاطط ايديه على شعرها: حمدالله على السلامه

ريم بدموع:عمر انت كويس،بابا وماما وعمار فين

عمر:ششش كلهم كويسين مفيش حاجه حصلت

ريم:بس بس اتصلوا

عمر:ديه كانت تمثيليه عشان اعرف الحقيقه وعرفتها

ريم ضربته برجلها:وديه حاجه تمثلها فكره مين ديه

حور:استر عليا سترك ربنا

يوسف:على أساس أنها غبيه ومعرفتش مانتى فضحتى نفسك بنفسك

ريم:ليه يا حور ليه

حور:قولتلك لازم يعرفو

ريم:بوظتى الموضوع اكتر يا حور 

عمر:العكس يا ريم هو ده الصح الحقيقه أنه كان بيضحك عليكى والى عمل الحادثه بتاعت بابا كان سواق تاكسي غلبان وبابا سامحه مش فهد زى ما فهمك فهد مش ق'تال ق'تله فهد بس بيحب يخوف الكل ديه عادته

سيف:زى برضو ما عادته ياخد الحاجات الى مش بتاعته

ريم:فهد فين دلوقتي يا عمر

عمر:فى القسم بابا حبسه بسبب التهديد بالق'تل والابتز'از

ريم :لا لا يا عمر فهد تعبان فهد مريض يا عمر لازم يخرج من السجن هو محتاج مص'حه نفسيه 

سيف: بطلى تدافعى عنه

ريم بعصبية:انت متدخلش ،عمر لو سمحت فهد محتاج دكتور نفسى زى مانا كنت محتاجه زمان هو هيتعالج زى ويبقا كويس لازم نقف جمبه فهد ملوش غيرنا يا عمر احنا صحابه سنده وعزوته 

عمر:بس يا ريم

ريم:الكل يستحق فرصه يا عمر انا اخدت فرصه واتغيرت ليه فهد لا متنساش أنه يتيم عاش مع عمه وانت عارف عمه كان بيعمل ايه فيه مكنتش بتشوف جسمه وهو معلم ألوان من الضرب مكنتش بتشوف وشه إلى فهد فيه ده حاله نفسيه مش اكتر لازم نساعده يتعالج

سيف:ريم

ريم:ايه

سيف:بطلى تدافعى عنه ده م'جرم

ريم بانفعال:لا مش مج'رم هو مريض مش بإيديه

عمر:تعال دلوقتى معايا يا سيف.

سيف:لا مش هتحرك من هنا غير لما تفهم

يوسف:طيب يا عمر انا رأي نسيب الأتنين يتكلمو سوا

سيف:مش محتاجين نتكلم انا كنت مستنى بس عشان اطمن مش اكتر مهما كان هى زى اختى

ريم بصدمه ودموع متجمدة فى عيونها:اختك!!

سيف:اه اختى ، عن أذنكم

مشى سيف

ريم حطيت ايديها على السلسله إلى على قلبها وغمضت عينيها بوجع ونزلت دموعها

عمر مسح دموعها:يالا يا جماعه خلوها ترتاح

ريم مسكت ايديه:عمر ارجوك

عمر اتنهد:هكلم بابا وهحاول اقنعه

ريم ابتسمت بوجع: شكرا

عمر طبطب على ايديها وخرجو كلهم معادا حور

حور:كنتى فاكره هيعمل ايه

ريم:كنت كنت فاكره أنه لما يعرف الحقيقه وأنه كان غصب عنى 

حور بمقاطعة:يجيلك ويقولك يالا يا ريم نرجع زى الاول واحسن

ريم:وليه لا

حور:خمس سنين خمس سنين سيبتيه من غير ما تقوليله سبب كنتى عارفه أنه بيحبك ومستحيل يتخلى عنك وانتى ببساطه اتخليتى عنه لا والى زاد وغطا انك اتخطبتى لفهد كمان عايزه ينسى كل ده

ريم بدموع:مكنش بإيدى مكنش بإيدى

حور:لو كنتى سمعتى كلامى وقولنا لعمر وعمو جمال من البدايه مكنش كل ده حصل قولتلك هما هيعرفو يتصرفو مينفعش تسكتى مينفعش ياريم بس ريم كالعاده عنيده مش بتسمع غير لنفسها عشان ريم دائما صح ريم مبتغلطش الكل محتاج ريم لكن ريم مش محتاجه حد مش كده وله ايه يا ريم

ريم عيطت:انا اسفه عشان مسمعتش كلامك انا اسفه لسيف على انى جرحته الج'رح الكبير ده بس لما جرحته انا جرحت نفسى معاه برضو انا كمان اتجرحت انا محبتش غيره وله هحب فى حياتى غيره وهفضل على وعدى انا مش هتجوز غيره لو مش هو يبقا وله حد.

حور حطيت إيديها على كتفها:هيتجوزك انا هدعمك لأخر العمر يا ريم متنسيش انا البيست بتاعتك

ريم ضحكت ضحكه صغيره:البيست! انتى لسه مهزقانى

حور:مش موضوعنا عادى اهزقك واديكى فوق دماغك كمان لكن لوحدنا قدام الناس ريم صاحبتى مبتغلطش وهاتك يا طبل

ريم ضحكت: شكرا يا حور عشان انتى دائما جمبى

حور:مش عايزاكى تيأسى سيف ده هخليه خاتم فى صباعك اعتمدى عليا

بعد شهرين

ريم:وبعدين يا حور انا اعتمدت عليكى وعملتى ايه روحتى جبتيله عروسه

حور:الله مش كنت بشوف هيوافق وله لا

ريم:واهو وافق وبيخطب انا نفسى دلوقتى اروح اجيبها من شعرها الاصفر إلى فرحانه بيه ده وهو بالبدله وشكله حلو ابن اللذينه اروح اق'طع هدومه طيب وله أعمل ايه

حور:نخلى عمر يوديكى مع فهد المصحه ايه رأيك

ريم:لا اخلى بابا يودينى الس'جن اخد اعدا'م بعد ما اقت'لك واشرب من دم'ك

حور:الله طب وانا مالي يا لمبى

ريم:مانتى إلى اتنيلتى جبتيها ليه قال ايه جيباك يا سيف عروسه إنما ايه بدر منور لا وجبتيها بدر منور فعلا مكدبتيش

حور:اومال عايزاه يقول عليا ايه

ريم بنرفزه:غورى من قدامى

حور:طيب طيب متزوقيش

عمار:ريمو عمر فين

ريم بصيت حواليها:معرفش عايزه ليه

عمار:عايز اروح انا اصلا مكنتش عايز اجى خطوبه عمو الرخم ريم:ليه

عمار:مش بحبه راجل رخم ومتكبر كل ما اشوفه تكونى انتى بتقوليله اسفه وهو يسيبك ويمشى راجل بارد عارفه احسن خطب البت الملزقه ديه شبه وحشه

ريم ضحكت وحضنت عمار:والله يابنى انت اكتر واحد بتفهم هنا عندى فكره

عمار:ايه هنمشى ونتفسح

ريم:مش هنمشى لا هنتسلى شويه 

عمار:هنعمل ايه

ريم:فى خطوبه هنعمل ايه هنولعها برقص

عمار:هنرقص ! بس الاغانى ممله

ريم:اممم تعال معايا 

روحو للدى چى

عمار:يا عمو غير الاغانى الممله ديه 

ريم:غير يا باشا الاغانى ديه هاتلنا حاجه تسلطن الجو عايزين نولعها

فجأة الاغانى الهاديه الاجنبيه إلى كانت شغاله اتبدلت لأغانى شعبى وراحت ريم وعمار على المسرح وولعوها بجد وبقيت الشباب انضموا ليهم

وبعد الخطوبه

فى العربيه

عمر:انتى كويسه

ريم بابتسامه مزيفه:اكيد طبعا كويسه 

عمر:عارفه اعتقد سامع صوت تكسير قلبك من عندى قوليلى متكتميش جواكى عمار نايم احكى براحتك

ريم بابتسامه مكسوره:اقول ايه احكى ايه يا عمر اقولك حب حياتى انهارده خطب بنت غيرى

عمر:حاسه بوجع

ريم:قلبى حاسه قلبى بيعيط وانا حتى مش عارفه اطبطب عليه

عمر:اكيد سيف حس زيك لما اتخطبتى لفهد برضو

ريم:يمكن 

عمر:مش عايزك تقلقى يا ريم مفيش حاجه بتحصل لينا غير لو ربنا شايف انها خير لينا كل إلى بيجيبه ربنا خير ثقى فى الله أنه عايز ليكى الاحسن

ريم:هو فى احسن من الى قلبى اختاره؟

عمر:اكيد فى الاحسن عارفه مين؟ إلى ربنا اختاره ليكى واسمه نصيبك ولازم ترضى بيه

ريم:ونعمه بالله

تانى يوم فى الشركه

ريم:انا جهزت المشروع

سيف:تمام ور...

قاطعهم دخول دانا خطيبه سيف

دانا راحت حضنته وباست خده:صباح الخير يا حبيبى اول ما صحيت اتمنيت اشوفك اول حد بسرعه لبست وجيت على طول بس للاسف شوفت ريم الاول مش انت

سيف بابتسامه:المهم شوفتينى

ريم:اجى وقت تانى عن أذنك

سيف:لا لا خليكى انتى زى اختى يعنى ورينى الورق

ريم اديته وهى بتبص لدانا إلى متشعلقه فى رقبه سيف ومقهوره

دانا بابتسامه:صحيح يا ريم سمعت إلى حصل ان خطيبك دخل المصحه زعلت جدا

ريم:متزعليش المفروض تفرحى هو هيتعالج ويبقا احسن

دانا:أن شاء الله يا حبيبتى ربنا يشفيه بسرعه عشان نسمع اخبار حلوه بقا

ريم:انا مش هتجوزه حتى لو اتعالج

دانا:ليه مش بتحبيه

سيف بص ليها مستنى اجابه

ريم ابتسمت وهى بتبص بدانا:لا مش بحبه 

دانا:اومال اتخطبتى ليه من البدايه

ريم :امم(بصيت لسيف)حضرتك خلصت الورق

سيف:اه اتفضلى

ريم اخدته :عن أذنكم

مشيت ريم وراحت الموقع على طول

حور حطيت أيديها على عيون ريم المدمعه وقالت وهى وراها:انا مين ،ايه ده ثوانى،دموووع

ريم عيطت وحضنت حور 

حور طبطبت عليها :بس قوليلى مالك بس حصل ايه

ريم:انا تعبانه اوى يا حور انا عايزه امشى من هنا عايزه امشى

حور:طيب طيب تعالى معايا

مشيت ريم مع حور

فى البيت

حور:بس فهمينى بتعملى ايه

ريم بتوتر:مش عارفه كل إلى عايزاه امشى من هنا

حور:هتروحى فين بس

ريم:معرفش انا معرفش 

كريمه دخلت:جبتلكو عصير يا بن...ريييم انتى بتعملى ايه

حور:الحقينا يا طنط

كريمه مسكت ايد ريم:بتلمى هدومك ليه يا ريم

ريم بعياط:عايزه امشى من هنا يا ماما مش عايزه افضل هنا مش عايزه 

كريمه:بس ليه كل ده ليه

ريم فضلت تعيط:مبقاش بيحبنى مبقاش كنت كنت فاكره أنه بيعمل كده عشان يردلى إلى عملته ،عارفه انى غلطت عارفه ده بس انا كنت بس خايفه، مش المفروض أنه يعذورنى ،قوليلى مش المفروض.

كريمه حضنتها للحظه افتكرت احساسها وهى شايفه جمال مع مرفت صاحبتها كان شعور وحش جدا مقدرتش تستحمله 

ريم:ماما ارجوكى ساعدينى عايزه امشى من هنا عشان خاطرى

كريمه:هتمشى يا ريم هتمشى

حور بصدمه:ايييه! يا طنط بقولك ألحقينى

كريمه:انا حاسه بيكى يا حبيبتى بس مش هتمشى دلوقتى بكره هكلم واحده صاحبتى فى لندن واقولها تستقبلك هناك ماشى استنى بس لبكره وانا هحجزلك تذكره بليل

حور بدموع:هتمشى وتسبينى يا ريم

ريم راحت بدموعها وحضنتها:هرجعلك تانى يا بيستى كمان كمان لازم احضر فرحك مين هيخرب الفرح غيرى

حور :متسبنيش طيب

ريم:هرجعلك اكيد

بعد فتره

كانو قاعدين على السفره

كريمه:احم جمال ريم عايزه تسافر وتغير جو

جمال:فعلا كلنا محتاجين نغير جو

عمر:اه ايه رأيكم نطلع كلنا شرم

عمار:هنروح البحر

كريمه:احم ريم هتروح لندن عند واحده صاحبتى

عمر :ليه ما نروح سوا شرم احسن

كريمه :عمر هى محتاجه وقت لوحدها 

جمال:لوحدها؟

الكل بص لريم ريم بصيت فى طبقها وهى بتحرك الاكل شمال ولمين بتوتر ومن غير ما تبصلهم

كريمه بتأكيد :اه لوحدها

بليل

كريمه دخلت اوضه ريم

ريم:ها قالك حاجه ؟انتى قولتيله ايه ؟طيب طيب هو بابا وافق ؟

كريمه:أهدى ماشى باباكى وافق خلاص وبكره هكلم صاحبتى

ريم حسيت بشويه راحه

بعدين مسكت تليفونها بالصدفه تشوف الساعه لقيت رساله من سيف

كريمه:مالك الساعه كام ؟وله مبلمه كده ليه؟

ريم :س س سيف بعت رساله

كريمه:طيب شوفيها

ريم فتحتها وابتسمت باستهزاء لما لقيته باعت

(سيف:مشيتى انهارده من غير ما تقولى مخصوم منك يومين)

كريمه:كاتب ايه ورينى(شافت)ده جبله ده وله ايه

ريم:خلاص يا ماما مش مهم

ريم بعتت (اسفه لحضرتك وحاجه كمان انا مستقيله كده كده مكناش كتبنا عقود وبالنسبه لليومين والقبض بتاع الشهر اصلا فأنا مش عايزاه متشكره جدا لحضرتك)

بعتتها ريم وحظرت رقمه خالص وبعدين رمت التليفون على السرير وقعدت بتعب وهى ماسكه راسها

كريمه حطيت أيديها على كتفها:ديه اول خطوه عشان تنسيه بكره تقابلى حد احسن منه وتتجوزيه وتجيبى عيال صغيرين وتنسى سيف ده على الاخر

ريم:مش هعرف يا ماما مش هعرف

كريمه:ازاى بتجوبى على حاجه محدش يعرفها ،ده نصيب يا ريمو وربنا هو إلى بيحدده .

ريم:ونعمه بالله 

كريمه:نامى دلوقتى اكيد تعبانه

ريم هزيت راسها.

تانى يوم

كريمه:ها أنا كلمت صاحبتى وهى رحبت جدا بالموضوع هى عايشه لوحدها مش متجوزه وله عندها عيال وكله هيبقا تمام هتونسو بعض قوليلى انتى خلصتى؟

ريم:اه كله تمام بس 

حطيت إيديها على السلسله:فى حاجه لازم اعملها هنا قبل ما امشى.

كريمه:طيب أن شاء الله تلحقى طيارتك الساعه ١١بليل

ريم:أن شاء الله

خرجت ريم لقيت عمر وعمار قاعدين قدام الكرتون ومش بيبصولها راحت قعدت جمب عمار 

قام عمار وراح قعد بعيد عنها

ريم:انت زعلان منى

عمر:متردش يا عمار احنا اكبر من كده

ريم:انت كمان يا عمر

عمر:لو سمحت يا حضرت متتكلميش معايا 

ريم:لو متكلمتش مع اخويا اتكلم مع مين

عمر مسك أيديها وبصيلها:خلاص خليكى معانا ريم مش هعرف اقعد فى البيت ده من غيرك

ريم بدموع:انا اسفه يا عمر بجد انا اسفه ده غصب عنى انا مش قادره افضل مش قادره

عمر حضنها:طيب طيب خلاص متعيطيش

ريم:مش زعلان منى صح

عمر طبطب على ضهرها:معرفش ازعل منك اصلا بس قوليلى انتى هتمشى عشانه مش كده بسببه

ريم:عشانى انا محتاجه ابعد وأصدق انى اقدر اكمل لوحدى يا عمر

عمار راح وحضن ريم وهو بيعيط:خلاص يا ريمو متعيطيش احنا بطلنا زعلانين منك خلاص بس خودينا معاكى

ريم ابتسمت وبعدت عن حضن عمر وحضنت عمار:مش هينفع يا عمورى عشان انت عندك حضانه صح عشان تبقا ولد شطور قد الدنيا وترفع راسنا ده انت اخر العنقود يا عمورى وبعدين عايزاك تقعد هنا تخلى بالك من عمر احسن يحب واحده كده وله كده ويطفش مننا ويسيبنا ويمشى

عمار:ايوه صح عندك حق انا مش بثق فى زوقه الواد ده زوقه وحش

ريم:ايوه صح عندك حق عشان كده لازم تفضل هنا مكانى

عمار: متقلقيش خالص انا هاخد بالى كويس

ريم حضنته جامد:انا واثقه فيك يا حبيبى

ريم قامت عشان تسلم على صحابها قبل ما تمشى اول مكان راحته ريم هى المص'حه إلى فيها فهد

فهد كان نايم على السرير وبيبص للسقف ووشه دبلان ومهموم

ريم دخلت بابتسامه:اهلا اهلا بفهد الرجال

فهد ابتسم وفرح اول ما شافها:فهد الشيتا انتى هنا بجد انتى سامحتينى بجد وله وله انا بحلم (مسك دماغه) اه دماغى

ريم بسرعه جريت ومسكت ايديه من على رأسه:لا انا موجوده وانا مزعلتش منك اصلا يا فهد عشان اسامحك

فهد:بس انا انا عملت حاجات كتير وحشه معاكى

ريم: انت كنت تعبان و عادى اومال فايده الصحاب ايه بقا

فهد ابتسم:الظاهر أن طلع عندى صاحب جدع وقوى وسند ليا بجد

ريم:كان عندك كتير بس انت مأخدتش بالك

فهد بص بعيد:الظاهر فى حاجات كتير غلطت فيها (رجع بص ليها تانى)بس مبسوط انى شوفتك ،بس شكلك متغير، انتى زعلانه ؟

ريم ابتسمت:لا مش زعلانه ،انا مبسوطه جدا جدا كمان متعرفش انت اصل انا هسافر لندن بقا وهشوفها واغير جو هناك.

فهد مسك أيديها:لندن ! لحظه !! انتى مكنتيش هتمشى وتسيبى اهلك وسيف غير لو....سيف السبب صح

ريم دارت دموعها بابتسامة:تؤتؤ محدش السبب انا لازم امشى انا بس جيت اشوفك قبل ما امشى واول ما هرجع هجيلك متقلقش أن شاء الله قريب سلام.

فهد بتأنيب ضمير:اكيد سيف ،وانا السبب انا السبب.

عند ريم كانت ماشيه فى الشارع تايهه

فجأة لقيت نفسها تحت بيت حور

ريم بصدمه:معقول جيت هنا مشى من المستشفى مش مهم المهم انى وصلت

طلعت و خبطت

حور اول ما شافتها حضنتها بفرحه:كنت عارفه هتغيرى رأيك ومش هتمشى 

ريم طبطبت على ضهرها:انا جيت عشان اودعك

حور بعدتها: تودعينى!! ريم انتى بجد هتمشى

ريم:بجد تعبانه يا حور ارجوكى ،انا كنت فاكره انك هتفهمينى

حور بدموع:انا فهماكى بس مش عايزاكى تمشى وتبعدى عنى عارفه بتصرف بانانيه بس يا ريم انا مليش غيرك

ريم حضنتها جامد:هكلمك كل يوم ومش هتحسى انى بعيد عنك ده وعد

حور:هعتبره وعد رجاله

ريم بضحك:وعد رجاله بجد

الباب خبط

ريم قعدت عن حور

حور:ده اكيد يوسف

ريم:يا ريت يبقا هو 

حور:طيارتك امتى

ريم: الساعه ١١ بليل

حور:اه طيب

يوسف :سماعليكو كلكم ايه ده ريم هنا

ريم :تعال يا آخره صبرى اسمعوا انتو الاتنين عايزاكم تخلو بالكم من بعض كمان ابقو عدو على عمر ونسوه متسبهوش لوحده وياريت نبطل شغل العيال وكل شويه نسيب بعض تمام واتجوزو بقا وخلصونا 

يوسف:لحظه بس ثوانى وخدانى على الحامى مين رايح فين

ريم ضحكت:ركز بقا انا همشى ومعنديش وقت لسه ورايا مشوار كمان

يوسف:لحظه بس فهمينى رايحه فين وليه اصلا وهتبييسنى لصحبتك كده تستفرد بيا

حور:بتقول حاجه يا حبيبى

يوسف:وله حاجه يا عمرى

ريم ضحكت:بص يا يوسف انا رايحه لندن انهارده بليل طيارتى بس جيت أودعكم

يوسف:طيب راجعه امتى بكره

ريم:لا طبعا هقعد فتره كويسه هناك 

يوسف:قد ايه يعنى اسبوع مثلا

ريم:احتمال اكتر من سنه 

يوسف بصدمه:سنه ليه كل ده بس 

ريم:محتاجه ابقا لوحدى شويه بس زى ما اتفقنا خلى بالكم من بعض

حور حضنتها جامد:هتوحشينى اوى

ريم بابتسامه:وانتى كمان يا فقر

يوسف حضنهم هما الاتنين هو كمان

حور برفع حاجب:بتظيط فى الظيته

يوسف:يا ستى اى حاجه انا سنجل بقالى كتير

حور:إلى هو ازاى

يوسف:يعنى مش متجوز يعنى افهمى بقا ده انتى جامو'سه ديه بقر'ه لافشكيرى بتفهم عنك

ريم ضربتهم براحه:بس بقا انتو الاتنين شغل توم جيرى ده اكبرو

مشيت ريم من عند حور وركبت تاكسى 

بعد فتره كانت فى الشركه اتنهدت وطلعت

عند سيف كان رايح جاى فى المكتب لحد ما خبطت جولين

جولين:استاذ سيف الانسه ريم بره

سيف بسرعه:ريم دخليها بسرعه

جولين بإستغراب:تمام

خرجت جولين ودخلت ريم

سيف:انتى 

ريم قاطعته وقربت منه وحطيت فى ايديه السلسله

سيف بص للسلسله بصدمه وبعدين بص لريم

ريم بابتسامه محرجه:اكيد نسيتها بس انا منسيتش اى حاجه(بصيت ليه) بس هنسى متقلقش عليا عيش حياتك دانا شخصيه حلوه اوى انا مبسوطه انك لقيت واحده زيها وأنها هتخليك مبسوط انا هبقا مبسوطه ليك انا بس جيت ارجعها عشان انا مستحقهاش دانا تستحقها اكتر منى انا اسفه عشان مكنتش افضل حد ليك اوعدك مش هتدخل فى حياتك تانى وشكرا على ذكرياتنا إلى هعيش بيها بقيت حياتى وان انا فى يوم من الايام كان عندى حبيب زيك شكرا.

لفت عشان تمشى سيف مسك أيديها

ريم بصيت لإيديه وبعدين ليه وابتسمت:سلام يا سيف سلام

زقيت أيديه ومشيت.

الساعه عشره ونص فى المطار

عمر:خلاص كده

ريم:حان الوقت

عمار حضنها:هتوحشينى يا ريمو متخافيش هخلى بالى من الكل

ريم:بطلى الصغنون 

بصيت ريم لجمال لقيته بيبص بعيد ومضايق

ريم راحت عنده ولفته:بابا

جمال:لازم تمشى يعنى ، خليكى جمبى يا بنتى عايزك جمبى فى اخر ايامى

ريم: بعيد الشر عنك يا حبيبى انا مقدرش اعيش فى دنيا انت مش فيها متقولش كده تانى

جمال حضنها 

ريم فضلت تعيط فى حضنه:مش هتأخر هرجع على طول

بعد فتره دخلت ريم تخلص الإجراءات عشان تركب الطياره

وعمر وعمار وجمال وكريمه خرجو

جمال:عمر استنونا هنا انت وعمار هنجيب العربيه من جوه وهنيجى نمشى على طول

عمر:تمام

مشى جمال وكريمه فى اللحظه ديه وصل سيف مع يوسف وحور

سيف شاف عمر جرى عليه:ريم فين

عمر:مشيت زمانها دلوقتى فى الطياره

يوسف:الطياره هتطلع الساعه ١١ لسه شويه وقت معانا

حور:ادخلها يا سيف الحقها

عمر مسكه:رايح فين؟خلاص يا سيف فات الاوان كمل جوازتك بعيد عن ريم بقا حرام عليك العذاب ده كله

سيف بعصبية:مكنش حرام عليها ليه دايما الغلط عندى انا ليه محستش بيا انا مش مهم دلوقتى انا لازم ألحقها

عمر مسكه بعصبية:وخطيبتك هتعمل ايه فيها لريم لهى

سيف زقه: مش متزفت خاطب كانت تمثيليه ابعد عنى بقا

سابه عمر وسيف دخل جرى بس الطياره كانت طلعت

سيف :هينفع الطياره ترجع ارجوك

المضيف:اسف يا فندم مش هينفع

سيف حس بحد بيخبط على كتفه

لف سيف لقا ريم بسرعه حضنها جامد

ريم بصدمه:سيف ،انت كويس؟ بتعمل ايه هنا؟

سيف:كنتى عايزه تسيبينى تانى يا ريم ؟كنت هعمل ايه من غيرك؟

ريم بابتسامه مكسوره:كنت هتتجوز وتجيب اطفال كتير زى ما كنت عايز وتعيش حياتك مبسوط ،احم ابعد عنى بقا عشان دانا عيب تشوفنا وتزعل .

سيف ضربها على رأسها من ورا:اخرسى بقا انا مش عايز اى حاجه من ديه من غيرك انا عايز اتجوزك انتى واجيب عيال كتير منك انتى مش حد غيرك وبالنسبه لدانا فهى بنت خالى وكنا بنعمل تمثيليه عشان تحسى بالى انا حسيت بيه .

ريم ضربته فى بطنه جامد :تمثيليه! انت مجنون ،انا لولا انى خوفت اسيب بابا وماما وعمار وعمر لوحدهم واسافر كان زمانى على الطياره وكل ده بسبب تمثيليه رديئه مقرفه مقززه وو زفت ونيله على دماغك

سيف:بس بقا بس صداع

حضنها تانى ريم فضلت تضربه على ضهره جامد لحد ما تعبت وحضنته هى كمان

يوسف:كده هى مش هتمشى مش كده

حور بدموع فرحه :باين لا

عمر:يا رب أنا ايه موقفنى جمبهم الاتنين دول

بعد خمس شهور

ريم:ايه القمر ده ايه البدله القمر ديه

سيف:طبعا عشان زوقك

ريم:يابنى انا زوقى طول عمره جامد كده

سيف:هى حلوه بس لونها يعنى

ريم:ايه ماله لونها ؟

سيف: ابيض!؟

ريم:وماله ليه يعنى العروسه بس الى تلبس ابيض والعريس لا

سيف:لا وجهه نظر تحترم

ريم:شوفت بقا

سيف:ده انتى هتتشلفطى انهارده

ريم:ليه هنتخانق مع مين

سيف:مع بعضينا فى بيتنا لوحدينا

ريم:فى بيتنا؟

سيف:اها

ريم:مع بعضينا؟

سيف:اها

ريم:و لوحدينا؟

سيف:اه انتى كويسه

ريم:سيف ألغى رحلتى فى الجواز ده فين دانا صحيح

سيف مسك أيديها وقامو من الكوشه:مفيش الكلام ده يالا نرقص سلو يالا

ريم بتوتر:الحقوووووونى

انتهت احداث الرواية نتمني أن تكون نالت اعجابكم وبانتظار آراءكم في التعليقات