رواية تصفيه حساب -- لمريم السعدي الفصل الأول 1 - بقلم مريم السعدي

بارت1
كان ياما كان
الفقر مو عيب بس عيب اليمد ايده وهو يكدر يطلع اللكمه الفلوس انت تجيبها مو هي التجيبك والقناعه كنز لا يفنى احنا العراقيين مرت علينا ايام تشيب الكلب بكل بيت ونه وحسره اذا كان بالماضي واذا كان بالحاضر ونتامل اطفالنا يعيشون بمستقبل احسن من الدنعيشه ------
مريم السعدي
-- -----
حي البنوك --- فرع الضغط--- الساعه السابعه صباحا ---
اغاني فيروز ---تنعش الصبح بعد تلاوه القران شويه لربك وشوي لنفسك فتحت المحل يافتاح ياكريم يارزاق يارحيم فتحت الصونده ومديتها من بيت اهلي وكعدت ارش الشارع اليم المحل دنيا صبح الله على تراب بغداد من ينرش بمي دجله والريحه الطيبه رتبت المحل النواقص سجلتها الجو اليوم يخبل وطول عمري اتفائل بالصبح الله يكول بالقران والصبح اذا تنفس افيش ياريحتج ياولايتي ----
حسييين -- حسيين
نعم امي
جيب فد بيضاتين وتعال تريك وي حسن
جيت
صبحنا عالمغثه حينطيني كم كلمه بالوريد ويروح لدوامه
----
صبحكم الله بالخير اني حسين من اهالي البنوك خريج ثالث متوسط ومطلع من الحديقه مال اهلي محل على كدي عدي اخ اكبر مني خريج جامعه واستاذ هم خابصني كل يوم حبايه الصبح حبايه بليل لازم يغثني بيها ههه ويضل هذا الميكمل وهذا الميدرس يصير فاشل يابه اني فاشل انت ليش مقهور عاجبني وضعي مكدرت اكمل من كاعي مااحب الدراسه رغم نشاط البيه بس مااحبها عفتها من اخذت شهاده الثالث متوسط وفتحت هالمحل والدي متوفي عدي رحيق اختي اصغر مني صف ثالث متوسط وحسن اكبر مني وامي وبس بيتنا بسيط وخالتنا ابسط عمري 25سنه وهالمحل كل ملكيتي مصروف البيت متقاسمين بي اني وحسن وكذلك اسبوعيه امي ورحوقه اليوم اول يوم دوام رحيق حتروح للمدرسه صارت ثالث --- اي يوم جيت
صباح الخير ابو علي
هله حسون شونك ها رشيت الشارع
اي شوي تلطيف جو
ههه قنع روحك بذنه مالاتك
الحمد لله قانع يوم جاي رحمه للعباس حيغرد البلبل
تصنف موو طبعا الحجايه المتعجبك تفشخك
حسين سلام عليكم عليكم السلام
اني مرتاح هيج واني فاشل عاجبتني حالتي المهم واضيه امي عليه
ومن كال راضيه كلتها واني منصي واسي
يوم راضيه
اي يمه الله يخليكم شموع وعواميد ببيت ابوكم شون ماارضى عليكم كل يوم احمد الله واشكره على هالثنين العدي
يخليج الله النا يوم
رحيق- هلو
حسين- ها ولج حتداومين
رحيق- اي متشوقه مشتاقه لصديقاتي
حسين- تخبل عليج الهدوم بالعافيه
رحيق- شكرا حسوني نفرح بيوم عرسك
ام حسن- امممين
حسين- وهاي يا مخبله تقبل بي
حسن- يله الحمد لله طلعت من البيت من الباب الرابط بين المحل والبيت افتح الباب يصير ضهر الثلاجه بوجهي انحشك شوي بس ماالزم الثلاجه انتل لان وافوت للمحل شبعت مو من الريوم شبعت من الحلقوم الديذبه حسن افندي طلعت الكراتين الفارغه من المحل ورتبت المحل بيتنا ركن على شارع عام واني محلي اسواق افتحب7واعزل ب1بليل وعدي استراحه ساعتين الضهريه محد يطلع بيها بس البزون التمشي وتعرج وكفت بباب المحل اتفرج عالشارع اجه طفل بالمدرسه هدومه تخبل بعدها بتراب الشركه اول يوم مداوم بيها اشتره جبس ونستله وطفر يارزاق ياكريم
بقيت صافن عالشارع الطيور اللي بالسما السما صااااافيه تخبل بقيت صافن اسراب طيور مهاحره كلهن بيض احسها ارواح الناس البريئه الدتروح كل يوم الحمد لله ربي --- حسين حفوت اشتري
ولج مو طينج يوميتجً
اي اشتري منك مافيد الغريب
ههه انزول عليج رحيق من تمشين انتبهي على روحج تره كبرتي مو صغيره زين خليني بين عيونج
رحيق- اي والله محد يستاهل انضرله نضره وحده بالحرام
حسن- عفيه بالسبعه يله حتروحين
رحيق- لا هسه حتجي ملك عليه
- ملك منو بعد شو مااعرفها
- جديده شايلين بالجديد البارحه تعرفت عليها من دااستلم كتب وكلتلي حبابه انتضريني اروح واجي وياج هنا بيتهم بالفرع البصفنا
- ها زين هاي عدها اخوه
- والله ماادري
- ممم الله كريم اختي اخاف عليها كلش من الاسمعه شباب المنطقه كلها تجيني بليل وكلمن يحجي بصفحه عروض العالم صايره ونسه والله اليستر على عروضنا
اني عن نفسي مااحجي اخاف كلش اكول مثل مااحجي يحجون --- يله حسين باي
هلا و الله وياج -- باوعتها راحت على بنيه حليوه نازكه حيل جنها يابانيه عاي يا الله العيون صغار والوجه مدور وبيضه كللش وملامحها ناعمه ومرتب حجابها ومشيتها متبيها شي يخليني امنع رحيق منها عدي علم بكل صديقاتها التمشي وياهم ببالي الصاحب ساحب لذلك مركز على هالنقطه احاول اكون قريب من رحيق حتى متدوس بطريق غلط