رواية تصفيه حساب -- لمريم السعدي الفصل الثاني 2 - بقلم مريم السعدي

فاتو من يمي وراحو لدوامهم جنت واكف وره الجام خانه ضليت ابيع اجه رجال يمي واشتره طبقه بيض ومن طلع بالباب وكعت الطبقه ومبقت ولا بيضه كمت اضحك اريد اسكت مااكدر كوه سديت حلكي اندار عليه ---- عمي احسن ماتضحك تعال عينني
- لا عمي العفو ههه كوه كتمت الضحكه خرب بالحظ رجعت طلعت الصوتدر وكعدت اغسل بالعملاق الريحه تلعب النفس الرجال فر بايده وراح مشه خطوتين التفت عليه -- حسون بويه هاي بشاره خير يكولك من يتكسر البيج ينوخذ الشر كله
- الله يسمع منك عمي راح واني خربان ضحك دروح روح هسه الحجيه تستلمك اكس مربع اخ يابه يارب ضحكه خير --ابو علاوي الله يساعدك
-- هلاووو عزو شونك
معتز- سلام اني صديق حسين وابن عمه بيتنا بصف بيتهم وحيد امي وابويه ومدرس بالمدرسه مال ولد
----
هلو اكولك عدك كرت تره جزرت
اي عدي اسيا مو
اي اسبا ابو 10
طكو والله كله ابو العشره
هههه شكد غثيث هاك خلي ايباااااه هاي امك مسوي دولمه مو
اي تعال تغده يمنا اليوم
اي حباب لح عليه بعد تدري استحي
تعال يمعود بلكن حسين يلتهي بيك ويعوفني
ههههه هذا بعده والله بطران
مو بله
يله ياب جاييكم عود دكولي من تردون تتغدون
صار تدلل راح لبيتهم خرب هسه امي تاكلني تخليني بمكان ضلوع الدولمه استوي على نار هاديه هسه شحجاني بس والله عيب هو هم الولد عجبته الريحه ---
عمو طيني جلافه
ها ولك ازرك شتسوي بالجلافه تجلف بيها وجهك تره مامنك جاره هذا لونك
مثل لونك
هلو ولك شبي لوني اخبل
لعد ليش تقلد على خلقه الله
والله بصراحه خجلتني مديت ايدي تصافحت ويا اسف
مسامحك
عفيه دهاك هاي علج يكولك يخلي الواحد ابيض
اهووو
عهههههههه---
يمه عدك دجاج
خاله لعد عليمن مفتحين وعلى باب الله طبعا عدي
اريد امريكي
ليش خاله عمنه اشكر ماابيع امريكي امي مترضى تكول حرام
ها دنطيني شعدك
حسنات سيئات وكفيل
طيني حسنات كيلو-- هاي مركبين دولمه
استغفر الله اليوم حنتسمم همست -- لا خاله هاي بيت الجيران --- يمه حسوني
ها يمه
دزلي بطل لب رمان دااخلي للدولمه ---- باوعتني المره نضره كلها حقد مدري عالدوامه المسويتها الوالده مدري عالكذبه --- ها ااخاله طلعت هاي امي مسويه عبالي الجيران
---
دجيب جيب حسباله حكوله انطيني
ها خاله بعد ربع
هاك الله ليعوزني
اني شعليه هي سعرها هيج استغفر الله ربي واتوب اليه
السلام-
عليكم-
عدك كريم اولاي
ها
كريم اولاي مفتح بشره
المن هاذ
لامك
احترم روحك دبسس
لتسال لعد
امشي اطلع بره خرب غيرتك عزه بعينها لامي شون يمشي ويفر ارقى بنيه بيج يابغداد متفر مثله كريم اولاي باوعت على جهرتي بالمرايه والله رايدلي كريم اولاي هههه صارت ب12 اخذت تكسي ورحت تسوكت رجعت وره نص ساعه اتسوك من الجمله القريبه علينا خليت الغراض بالمحل رتبتهن وعزلت وفتت ارتاح فد ساعه طبق رحوقه بس تقشب عالمدرسات --
رحيق- ماما هاي المعنسه شدت كورها ويايه من العام جلبتلي غسلي وجهج وغسلي وجهج يمعوده ممخليه شي
حسين- دغسلي شخسرانه هي ملثكه
رحيق- ولك نضيف بس هي من الدوده حتى ملاك بگت عينها
حسين- ليش عكدت حاجبي
رحيق- تكولها مكحله
حسين- هي عيونها جنها زرف جفجير وين شافت الكحل بيخا جنت متمدد وضارب عكس واقشب
ام حسن- وانت وين شفتها
- اليوم فاتت هي وبتج رحيق تعاي فركيلي رجلي تكطعت من الوكفه اليوم
رحيق- اي بس تنطيني نستله
- يابه ميخالف اعزل وفوتي للمحل شتردين اخذي محد مطلعني خساره غيرج آاااخ يابه
حسن- السلام عليكم
حسين_عليكم السلام كعدت عدل اشيل هم من يفوت
حسن- ها تعبان حقك عمي حقك يوم مركبه دولمه
-- اي يوم هسه حصب
اي والله جعت ها ابو علاوي شكو ماكو
ماكو شي الحمد لله
يوم اليوم طلعت توزيع الاراضي حصلتلي كاع بالصابيات 200متر
ياالله عالخيرً
حسن- بالعافيه خويه
حسين- مشكور يوم الالك ولو منين تطلعلك من هالمحل ههه
حسن- يوم شيليلي اريد انام ارتاح
حسين- ها لازم زعلت حضرت جنابك
رحيق-همست باذن ماما --- تره حسن هواي زودها وي حسين كلسا ذابله سم لو اني منه اضربه
ام حسين- هسه احاجي
حسن- فتت نمت تعبت من لغوته اهج واعوفهم احسنلي