رواية تصفيه حساب -- لمريم السعدي الفصل السابع 7 - بقلم مريم السعدي

مرت الايام وبديت احبه بس لا هو المعترف ولا اني جنت من اوصل للمحل مالته يوكف مرتبك يتهزم من عيوني افوت اشتري يحاول ميباوعني واني اضوج بس احب اشوف الارتباك بعينه
حسين/ مااعرف شيصير بيه من اشوفها اتخربط احوالي ويبين عليه كمت اخاف لننفضح وها رحيق متفوتها فايته راسن تلكفني احاول ماباوع بعينها مر سبوعين واحنا كليوم نتحاجه ربع ساعه ومن تخلص الربع ساعه تدكلي طابع حجينا جان تحشيش بس تضحك على اقل شي اصنف بيه واموت بضحكتها شكد جنت حشاش كمت احشش اكثر واضحك الهوا ايام حسيت بيها ملكت كل الدنيا بكلبي وبروحي مفكرت بباجر ابد مرت الايام ومر شهر كمت مادير بال لحجي حسن واحسن روحي اكثر واحد مرتاح بحياتي شيحجي حسن اضحك بوجهه واعوفه احس نفسي كامل وياها بوجودها بحياتي
ملك- حسين صار اقرب شخص الي واحلى شي بحياتي من احاجي ب2لل2وربع واحلى شي من يبقى يتوسل بعد خمس دقايق يضل يسولف ويصنف فدوه لكلبه احس روحي كلشي ماريد بعد من هالدنيا بس حبه رحيق معرفت بينا ولا خليتها تحس ابد بس من تحجي بي اضل مخليه ايدي جوه خدي صافنه عليها ---- الو
هلو ملاكي
هلو حسين شونك
الحمد لله مشتاقين يابه
ههه تسلم
اي وين ماوين
موجوده دراسه وشغل
ممم الله يسهلج
شكرا اي تسوكت
اي طوني هديه هههه ساعه نسائيه ضميتها الج
لابربك عود ليش ينطوك
لج بابا مو اشتري باكيتات جبي ينطوني وياها هديه ضميتها الج شوكت عيد ميلادج
حيل بعد 3شخور
اي هي هاي مالتج مال عيد ميلادج هههه
خوش هديه انت شوكت عيد ميلادك
اني بعد 12يوم
صدك
والله شكو عمي
لا هيج تعجبت
لا عادي تره اني جاي للدنيا صار هواي
ههههه
فدوه لضحكتج
سكتت صافنه عليه
شو سكتنا
شحجي
اي شي غني
هههه مااعرف
زين سمعي هاي الاغنيه مال هاني شاكر اسمها هو انتي لسه بتسالي
ماحب مصري
خرب مو صوجج انتي مال ساجده عبيد وشيل ايدك
هههههه اموت عليها
هو منو ميموت عليها لخاطر الله ---- جان حجينا سخيف وعلى الرغم منهالشي مااستغنى يوم واحد عنها يوميه لازم احاجيها مرت 3شهور وقوت علاقتنا وكدام الناس من اروح لمحله زاد كام ابد ميباوع عليه وكلش رسمي حتى ميضحك لحد مافد يوم -------
الو
هلو حسين
شونج ملاكي
الحمد لله اليوم مراح اكدر احاجيك
لا ليش
مو عدنا خطار بيت عمي
ممم عدهم ولد
اي
كبار يعني
اي بالكليات
من كالت بالكليات مااعرف شصار بيها اغار عليها واحس بنقص سكتت -- ديري بالج على روحج حجابج
اي دايره بالي واني ماالبس حجاب منهم كرايبي
وشنو يعني واذا مو كرايب متلبسين حجاب يعني
لا
ليش هذا منو كللج هيج
ماادري كلهم هيج
شعليه كلهم حراميه كلهم قتله تصيرين مثلهم
ليش دتصيح عليه حسين شبيك
مبيه شي بس لبسي حجاب
ماالبس
مو كيفج حرام عليج
اي حرام عليه
شنو عاجبج واحد منهم
شنو هالحجي حسين شبيك
تنهدت روحي ملك الله وياج
باي
سديته وغديت نار حلو والله كمت اغار عليها بيومها بعد مرجعت خابرتها وجان ثاني يوم عطله
ملك- مدري شبي كلب عليه وكام يصيح اول تالي يل بسالفه علاقتنا متعدت الصداقه وصارنا اكثر من 3شهور شبي انكلب طنطل عليه بعد مخابرني اكيد زعل واني هم منزلت راس وخابرته والله اني مغلطانه هو كام يشمر بالحجي باجر عطله ثاني يوم هم متصل ب2ولا اني اتصلت لليل متحملت دكيتله
حسين- جنت بالحمام بليل دااغسل دك التلفون طلعت شفتها هي معجبني ارد ضجت منها حيل وصجت من نفسي لان حبيتها حسيت روحي تورطت مو مال حب واني حافي عفتها ورجعت كملت حمام وطلعت نمت والصبح الفجريه كعدت نضفت المحل كالعاده بس روحي ملبوجه ومفرفح كلبي شجابني شورطني ساعه السوده الحاجيتها بيها تريكت بهدوء ضل حسن يشمر اني فاصل فيشه اخر شي فتت للمحل اشتاقيتلها يامحمد شون ابطل بعدوماخابرها الضاهر تعلقت بيها داابيع بعدوء وارتب الغراض واطلع الكارتونات الفارغه رفعت راسي شفتها فاتت للفرع عبرت الشارع توها نصيت ورجعت فتت للمحل
ملك- من طبيت للمحل مو مثل كل مره كلبي حيوكف هم مشتاقتله وهم زعلان --- السلام عليكم
عليكم السلام رديت وداير وجهي ناطيها ضهري
اريد --- قاطعني
هاج هاي نستلتج وعصيرج
شكرا تنهدت اريده يباوعلي ماكو همست باسمه حسين
حسين- غمضت عيني جريت نفس التفتت عليها اباوع خاف احد يجي من البيت لو من الشارع باوعتلها ها ملك
- زعلان عليه دمعت عيني
- ردت اموت دمعت عينها هزيت راسي اي شويه اباوع بعينها رغم صغيره بس بيها براءه عمري مشفتها
- اااني بعد ماانزع الربطه من يجون ردت ابجي مااعرف شكول
- ابتسمت نصيت راسي ماشي تنهدت براحه ملك
- نعم
- حكيت ركبتي لزمت راسي مبتسم واباوع عليها شون بيج
- شكو بعد
- حتخبليني
- اي ليش شسويت
- رحيق- هلو ملك شوكت جيتي
- قبل شويه
- ليش مصحتلي حسون يله باي باوعتلهم مستغربه شنو سالفتهم ذوله نضرات واخويه رايح وهي هم--- ملك شبيج
ملك- مبيه شي
رحيق- لعد ليش طافيه من بيجي
ملك- لا هيج تنهدت شوكت ارجع واخابره مشتاقتله كوه خلص الدوام اجاني بابا للمدرسه هالمره ومكدرت اشوفه بالطلعه لل2الف ياالله يالله مشه الوكت
حسين- حضي المصخم اجه ابوها عليها واني نص ساعه واكف كدام المرايه حتى كريم اولاي المفتح خليت يله عالجايات لل1 ونص ركض طبيت وعزلت تغديت وفتت انتضر تدكلي ودك الفون - الوو
الو
هلو ملك
هلو حسين سكتت وهو هم سكت
حسين
ملك كلناها نفس الوكت
يله انتي احجي اول
لالا انت الرجال
اوك اني تنهدت كلش معجب بيج وناوي اخطبج اذا وافقتي هذا الردت اكوله واذا موافقتي هم عادي نبقى اصدقاء بس حتى اعرف حدودي
موافقه همست غمضت عيني اني احبك حسين
كلبي شنو ساح شنو ذاب رحت لغير عالم قفلت الباب وتمددت شنو كلتي
احبك
اااااه اني هم احبج بس مردت اورطج ردت اتاكد من مشاعرج
كل هاي ومحاس
حاس من كتلج سمعي مال هاني شاكر هو انت لسه بتسالي
سمعتها البارحه تخبل هاي الي
اي اني بعد مااكدر اضم مشاعر اليوم انتهيت من جيتي اريدج الي وماريد احد يباوعلج نص نضره
اني هم هيج
احبج ---- سكتنا وره شوي استانفت السكوت --- ملك اريد اتقدم بس الجوه ايدي 4صار سنتين اجمع ومن عرفتج لزمت ايدي اكثر جانت 2وصارت اربعه تقبلين بمثل حالتي
- اقبل بحصيره وياك المهم احبك
- صدك ملك اوف يابه اموت عليج مراح تعوفيني
- ابد
-خاف تضوجين لان ماعدي
- لا وعد انت عدي اغلى شي بكل حياتي
- لعد انطيج وعد ماراح اعوفج بيوم ولا اوكلج لكمه حرام
- واثقه من هالشي اني حسين انت مجان عدك سوابق
- انت اول حب تنهدت خايف من باجر تعوفيني
- ماعوفك لحد ماموت
- بعد احجي كولي هيج اريد ارتاح
- حبيبي والله ماعوفك
- ولج شنو حبيبج اويلي يمه كلبي -_ بقينا نحجي بيومها للصبح مراحت للدوام ولا اني الفتحت وب11 طلعت من الغرفه مااتذكر شي غير كلمه حبيبي وامولها عيديها بعد مدااصدك وحده بجمالها ورقتها حبتني اني صرت حبيب وحده كضينا الليل كله حبيات واخر شي قبل لننهي المكالمه تجرات ابوسها وكتلها راح ابقى احبج وسديته خجلت من السويته كلش بس متحملت طلعت ب11 من الغرفه لامي عدل ---- يوم اذا اريد انزوج تمشيلي على بنيه
- يمه يوم عيد منيه سعيده الحظ-
- ملك صديقه رحيق بس ماعديغير4
- ومن كلك راح اخذ منك فلوس اني مخليتلك الك ولاخوك مال زواجكم ذهب وغرفه نوم فلوس تكفيكم
- منيلج
- ورث ابويه
- ها ليش بعدهن منكتلت
- لا بمه وين اكتلهم
- ارتاحيت وانصب مي بارد على كلبي بستها من راسها يمه الله ينطيج العافيه ريحتيني شوكت ترحيلهم
- اليوم اذا ردت اشوف شيطلبون ميطلبون يجوز ميقبلون
- خوش روحي الله وياج وين الله وتصير من قسمتي
- علجبتك يمه
- يمه حموت عليها
- يمه فديت اليعشك واخيرا فرحتوني ذاك الينتضر حبيبته تاخذ الدكتوراه خبلني انت احسن منه هم اريد اشوف جهالكم اني

انشاء الله يمه اروح افتح وانتي العصر روحيلهم فتحت واحس كلبي طاير اغني واسولف والجهال طيتهم بلاش والفقير نطيته صدقه لو يدزوني للموصل احررها نضفت الشارع كله مو بس رصيفنا وياهو اللي يشوفني يدعيلي واني لضحكححك مكيف واتخيل هنا يصير عرسي واجيبها واجي والمزايق