رواية تصفيه حساب -- لمريم السعدي الفصل الثامن 8 - بقلم مريم السعدي

اللعصر راحت امي وطلبتها وكالو انطونا مهله نفكر ونرد جواب
ملك- من دز امه ممصدكه صدك سواها اسمع صديقاتي يكولون انشلع كلبنه يله دز امه بس هو حبيبي يختلف بابا تردد يكول ماعده الولد اسمعه يحاجي امي ماما كلتله خوش ولد عده اخلاق وحالتهم ميسوره وعده محل خاص بي وعدهم بيت ملك وبتك موافقه عليه سالتها صاحني بابا ضليت منصيه رغم ميانتنه البيناتنا سالني عنه وكتله خوش ولد ولا فد يوم باوعلي بنضره موزينه لو ذب حجايه موحلوه ابد واخته دائما تحمد بي ابويه ضل يسال عليه سبوع واني وحسين ايدنا على كلبنا خاف مينطي وميوافق اخوتي وافقو من سالو شباب المنطقه حمدو بيه حتى جكاير ميشرب بقه بابا وره يومين رد خبر للعالم موافقين
حسين- من خابر ابوها على تلفوني كمت اخربط اخر شي سويت روحي مدااسمع سديته حضي المصخم  وطرت على امي --- لج يووووووم يوووم
ام حسن- ها ولك شبيك
حسن- هذا شبي هذا شبيك لك انت متكبر متعقل
حسين- يمه ابوها خابر وكال موافقين شوكت ميعجبكم جيب عمامك وتعال يمه حموت اخ كلبي لج يوم صدك
رحيق- كذب راح تجي يمنا ملك اللله حيصير عدي اخت
حسين- انجبي انتي ماطلع من الغرفه فد سنه يله تشوفيها
حسن- احد يفهمني شكو هاي شبيج يوم منا العالم شنو هالهلاهل
ام حسن- يمه اخوك مشيناله على صديقه رحيق ووافقو خابر عمومتك خل نروح نتقدم
حسن- واني شنو محد كلي اشو وانت ياخبله تقبل بيك وشون يصير تتزوج قبلي
حسين- خويه روح تزوج تحد لازمك والخبله اللي راح تقبل بيه ملك وهي هم ملك رحتلها فدوه
حسن -باوعتله عالخير عليك الله يتممها بخير
حسين- باوعتله مستغرب الله يباوك بيك هويه نفرح بيك انشاء الله
الله كريم
هولنا جبير بصف المطبخ بالزاويه بوفيه ام الزاويه والقنفات مرتبه بالطول فد شي بسيط ونفس الوكت راقي مرتب كمت اكمز عليها مثل الخبل وامي تضحك وتهلهل ورحيق تغني جبناها وجت ويانا واني طاير حسن يباوعلي معاجبه فر بايده وفات لغرفته نطلع من الهول حولي مرتب بي نص تخم وشبابيك تطك عالمنور وره البيت بالحولي اكو 3غرف امي وحسن وغرفتي اليم الدرج وفوك هم غرفتين غرفه رحيق ومخزن للفرش الغراض الزايده الزوالي غرفنا مربعه مرتبه بس تبجيلها على صبغ مطبخنا مرتب كاونتر حديد سواه العام الفات حسن وثلاجه وغساله اوتوماتك وطرمه تكفي سياره وحديقه نص محللي وتص الصاني بيها اشجار نارنج 4 وحده بصف اللخ وياس من الصفحه الثانيه وبيها باب عالمحل مالتي هاي بيتنا كمت اتحيلها ويايه بكل ركن رحنا اخذنا العشيره وطبينا بساطهم وطلبناها وصارت العلاهل اول مره بحياتي مااحس بيه نقص كامل حسيت روحي طلعنا منهم رحنا اني وامي للاسكان اخذنا غرفه تركيه حجزناها صارت 3 وكالت الذهب اخذه ب3 اني طاير بغير عالم رجعت للبيت كشطت غرفتي منصدك صارت عدي قوه رهيبه احاجيها بالسماعات واصبغ واغني وصدى الغرفه وهي تضحك حبيبتي الله لا يحرمني منج  كملت الصبغ وبدلت الشباك المكسور الله وكيلكم كل يوم بزونه شكل نايمه يمي سويته وشديت كهربائيات وعدلت الغرفه طلعت القلاقيل الزايده  ر بشده جبننا  الغرفه ونصبناها صدك امي ماخليني انام بيها على ابو شنو ميصير عريس ينام وحده كمت انام بالهول واكضيها سوالف وي حبيبي للفجر دراستها تراجعت للاسف قلصت وكت مكالماتي حتى تقره  وفعلا كامت تقره اكثر نجحت من الصالث هي ورحيق الحمد لله عقدنا سيد وسوينا مهر جنت طاير مسايعتني الدنيا همستها باذني احبك وانت احلى شي بحياتي وماعوفك للموت جانت امل جديد وحياه ثانيه فتحتلي باب الجنه حسيت نفسي ذو قيمه --
الو عمري جاي عليج عزلت
لا حبيبي بابا اجه استحي
يابه مرتي شون لحد هسه ايدجً ملازمها ملك تره هواي صبرت عليج
اي حسين ماريد بابا ياخذ بخاطره منك اريده دومك جبير بنضره
ماشي شوكت اجي لعد
العصر
اوك ام ري لحبيبي وكلي لحبيبي احبج ملاك اوف الله اريد احضننننج
عزه لتصيح انت وين
بغرفتج بمملكتج اللي بعد فتره تنوريها
احبك حسين شوكت اجي يمك
مراح يجي يوم وتعوفيني
ابد
اخاف اقصر بشي وياج
اصبر مدام تحبني اصبر
والله اموت عليج
مصدكتك حبيبي وعد مراح اعوفك لتخاف
تنهدت مراح اخاف وانتي كل اماني وراحتي بدنيتي احس اخذت الاريده متهالدنيه اذا متت لحد يكول ششاف من حياته خطيه بعده صغير انت شوفتيني الدنيا كلها بحبج وحنانج
عفيه لتكول هيج وجعت كلبي
ماكو حبيبي اسم الله على كلبج لعد هاي النساتل والجبايه منو حياكلها
هههه ضمليتها للعصر
ماشي حبيبي
نطلع
وين نروح
ماادري ضايجه
ها مو صفنت بروحي مجززززر فد نوب العب بالفلوس الضامهن لا حرامات والعرس شون بقيت صافن امها تريد بالقاعه العرس ودااجمع على هالاساس سكتت
ها وين نروح العصر
وين تردين اوديج
ماادري وين يرحون المخطوبين
تنهدت كيفج حبيبتي
مممم نروح للمطعم وراها للسينما حباب
تدللي همست طلعت 150من الفلوس وبدلت وطلعت رحتلها اخذتها ورحنا لسكوزي وكعدنا سينما وراها عجبتها كلبيه اشتريتها من المول من رجعه ماكو بجيبي غير خرده وخمسه وعشرين خرب عمي شون حتكضى البنيه مرايده غير حقها خطوبه عاديه