رواية طيحة عكال الفصل الاول 1 - بقلم لحن الهدوء

القصه الي يسأل عنها مو هسه والي روتها الي بنيه قريبه جدآ على صاحبه القصه  جنت احب اسمع قصص الناس اذا وحده تجي يم امي وتسولف عن جنتها او هيج شي كبل ليكول مصلح اجتماعي اكبالها واكعد فاكه حلكي احب انطي وجهة نظري واشارك الناس بحياتهم رغم جنت زغيرة فجانوا يصيحوني ام لسان ضنآ منهم عود بس لسان بس جنت اصدم المقابيل بحيث صح زغيره بس وجهة دائمآ ينعجبون بيها الاغلب طبعآ هسه ما اريد اطول عليكم ..... ماصدكت لمن جنت رايحه  وي امي وسمعت القصه جنه عدنه طلعه للمحكمه صادفت فتاة كعدت يمي وامي وامها منتظرين بلسره كعدت تحجي عن بت اقاربهم  وشلون صار وياها هيج اول شي ما صدكت بعدين سألت اخوي الجبير وكال اي صح اكوو هيج شي اترك القصه لكم لكي تستمتعوا بيها قصه حقيقيه لا تخلو من الخيال  .... بقلمي منى الطيف

خايب ارعيد شنو هسه نضل واكفين هنا نمشي شبيك صافن
ارعيد هووو وياك

.. كافي خبصتني خبص شنو جلبت دخيل محمد روح اريد اكعد هلصوب

.. انه اخوووك ليش بالله  ما عجبتك المشيه وياي

... اهوو احميد رحمه لنبيك وخر عني كافي دخيل الله كافي كل واحد ماخذ  صفحه من جهه انته وابوي واخوي اللزكه الي حسره عليه اطلع اله كلي وينن ليكول بومه

... هههه هاي كوون هلساع اروح يمه وافتن عليك واكله اخووك هيج يكول بالله اشوفه شنوو يكول

... رحمه لربك تسوي فضل علاوه والله هيج واخلص معود مليت هيج يجي خالي ياسر وارجع وياه لبغداد لو اطفر للبصره طكت روحي

.. هاي شبيك هيج ما هامك عشرتنه ولا جن تربيت ويانه وعشت صوبنه

... يا صوب يا عيشه ولك انته شايف بغداد ترد روحي من اروح هناك

... هو مو صووجك صوج انه المطي الكاعد يمك هاي انته عود شيخ عبن مو صوجك صوج صويحبك الكاعد يسمع لغوتك خايب شني انته
راح وهو يهز بيده
.. يمكن عرفتوا نبذه عني احب كاعي وما احب العيشه هنا ابوي شيخ وانه ابن شيخ عائلتي متكونه من اربع اخوان وانه الخامس ابوي الي فوك راسي ليش ما تجي للمضيف
وامي الي تكلي اذا ضجت روح لخوالك رحت لخوالي اربع وعشرين ضليت بدي ما اترك هواهم خوالي متوزعين بصره وبغداد بس عمامي كلهم جدي لمهم صوب واحد

انه انولدت وربيت بلعماره بس من رحت لخالي بغداد عجبتني اكثر وتمنيت لو ابقى بس حشه وابوي موجود
ضل كل يوم وداك على خالي دزه وخالي يكلي واغلس الى فد يوم اتصل ويصيح وخالي جاب حاط الموبايل بذاني وانه نايم ما اسمع غير ولك رعيد الك منا للعصر ان ما اجيت اجيك وعلي اطر ظهرك نصين

سمعت صوته طفرت هاا يابه لا جاي جاي ايي ان شالله لا تعصب اي والله يالله ماشي ثيماله وسديته 

خالي صدك جذب غير تواعيني كبل جبت وحطيت  على ذاني حتى عبالي حلم

.. ولك ابوك ما انطاني درب تحجي صدك عمي عباله انه ما اخليك تروح

... يالله مصار شي بدلت وكلمت اخذت غراضي والله كبل للعماره اول طبتي للبستان واشوفه الجبل ابو عقيل جبل كلها تهابه حتى انه كلاوجي العمارة امي تسميني ما فاك منه اجه هو واخوي بسيارته صوبي وانه امشي على كيف

  .. وصلوا يمي .. هاا ولك شرفت
.. هلا بويه
.. هلا شرفت والله توه نورت العماره خايب صدك ما تسحتي انته مغيم هناك مو عيب عليك هاد ديرتك ورايح تسخت

تدنيت يمه اخذت ايده وبسته بويه مو تسخت بس والله الواحد تطك روحه احس روحي محبوس اربع وعشرين ساعه بلكاع هم اريد اغير شوي

... خزرني اخوي. ابوي شرار تطاير من عيونه احس مو ابوي احس بركان صار كل ما اجي  اصلح شي يرجع ينكسر مو مشكلتي يكولون عني ما اعرف احجس لان ما مكابل شيوخ ولا كاعد ديوان بس والله مو مشكلتي هيج انه طبيعي احس مرتاح وشبيه ما اعرف احجي هذا احمد وعقيل كل كلمه والثانيه انته ما تعرف تحجي والله يالله كال ابوي بعد ما احس طرار نار وشرار

... انت فد واحد ناقص يا سرسري ما عرفت اربي روح ول يالله فارج لا بارك الله فيك ولا بشوفتك

.. ردت اعتذر منه اشوو زاد الطين بله وضل يحجي حجي طالع نازل شلون حيه ودرج هيج وهذا عقيل بدل ما يهدي يكله عوفه زعطوط
زعططك البين شنو كدامك احجي وي نفسي والله عمري ٢٠ سنه الوحيد بيهم كسرت قائمه وطلعت كبل كل ما يفتحون سيرة زواج اطفر رعيد اصير غيوم ملتبده محد يدري بيه يا صفحه خاتل ابوي احسه تاركني مو لله لان سالفه الزواج ماكو. بيها شقه وي ابوي

  .. من يريد يزوج واحد يزوجه غصب عنه وغصب على الاكل تمشي كلمته خواتي كلهن متزوجات بس مرتحات واخواني ايضآ اني الزغير بينهم امي ما تقبل واحد منهم يمسني بحجايه واذا كلش كلش ضوجوني بطلباتهم كبل لامي ...

.............
في بيت اخر...
الساعه عشره كعدت شنو هاي حيل هسه امي تجي وانزف زفه معدله خل اكوم كمت الم الفراش رحت لغرفه امير امير يا امير
بلبدايه خل اعرفكم عن امير وبعدين راح تعرفوني امير طبعه مبهذل مو شكل لا غراض واشياء ويهتم بس مظهره الخارجي ولبسه واناقته وغرفته اربع وعشرين ساعه مبهذله وحسره عليه الراحه من وراها يعني اشتهي شي مره ادخل لغرفته والكها مثل ما خليته بليل او مثل العصر لان كل وكت يدخل يطشر يزعبل ويروح ويصيح عليه تعاي نظفي الغرفه روحي عدلي اكوي اووف شوكت يزوج وارتاح ....
نظفت الغرفه والبيت وعدلته على ما اجت امي بس اجت وبدت القوانه هاا بعدج البارده توج تشفطين اووو امده حظي انطاني هيج بنيه بارده ولج بسرعه بسرعه صيري هبة ريح هاج عزلي المسواك يالله اباوع عليها واضحك وامي تصير نار بلزايد تتخبل لو تشوفني ابتسم
وكلمه هبة ريح عود نادره ما تطيح من لسانها امي اصلها عماره وابوي اصله هم مناك حب امي وخذاها غصب عن اهلها جابها واجه بيها لهنا بس بقى يحن لمنطقته ويسولف بيها شكد يحجي بناسها وطيبتهم كل ما حجه شي وتذكر احسه تدمع عيونه ويسكت

... امير مربي عله لابوي اختي الجبيره طالبه امي ما قبلت تكمل بس هيه اصرت تكمل واامير شكد نشب وياها بقت معانده وسوت اضراب عن الاكل. طاحت مريضه وابوي قنع يالله تكمل اله تلبس عبايه وكملت اما انه فما الي اي واهس بلدارسه بطلت لان ما احب المدرسه وما احس فد شي بيها مجرد اروح واجي وجبت السنين دفرات وبلكوه سادس ابتدائي وصلت طلعت بطلعان الروح يالله عندي بعد وحده نسيت احجي عنها اختي الجبيره خذاها ابن عمي بلعماره ذيج حلوة  عيونها حلوات وابن عمي لو راد يتغزل يعوف طركاعه الله كلها ويجلب بعيونها هههه

...
....... ........   
رعد
اجيت امشي للبيت بيتنه كلش جبير يتوسط البساتين مال ابووي حيل عدنه حلال وكيعان واراضي ملك بكل مكان بغداد بصره بكل مكان ابوي عنده اقارب يشتري كاع او بيت ويخلي باسمه عدنه خيرر من الله الف الحمد لله والشكر الفضل لرب العالمين ولابوي واخوي ما انكر هلشي طبعآ ابوي من سالفه بيت خالي من اجيت منهم وما يحجي وياي جيف كتله ما اقبل اضل محبوس بلكاع وكل كلمه والثانيه اذا كعدنه على الاكل يبزني بيها واحسه غاصدني بيها اذا راد يحجي يكول ..

سنين احنه نفلح وي ابهاتنا ولا يوم طلعنه عن شورهم لو لاسنه واحد بيهم هسه يجيني واحد بكد زري ويكلي ما اضل محبوس اخواني كلها تباوع عليه المشكله لا اكدر اكووم ولا اكدر اضل كاعد اضل اباوع لحد ما امي تلطف الجوو بكلمتها الي ترد روحي لو حجت
... ياا حجي شبلاك على كيفك وي روحك بس كلي ياهو غاثك واطيح الك حظه

دار عليه الاسد احسه عيون الي يكول مو عيون هنه حلك وحدهن يردن يفترسن اويلي
ابووي.. محد يغثني غصدج ياهو غاثني ماكو احد خزرني ونصه على صحنه

.. عقيل بصفحه يوزع خزرات واحمد بده يطك رفسات ما ادري شبيهم وياي واذا ابوي فد يوم اتخربط تتوجه الانظار كبل عليه ادري قابل السلطان الاول  ههههه

.............................
زينب
كاعدين على العشه ابوي كال اليوم ناس طلبوا زينب مني وانه كلت الهم جم يوم ونرد الخبر

جاوبت امي بس مو بعدهي زغيره خل على الاقل تقبط ١٥
.. يامره شنو زغيره ما زغيره انتي مو خذيتج وعمرج ١٤ شنو المره ما عليها بلعمر المره تشب بسرعه وشنو الزغير بيها

.. امير باوع عليه وكال يابه خل ننطي رفل  وبعدين ننطي زينب مو هيه الاكبر
رفل خزرته ونصت ضايجه اما انه فا ما الي اي دور جنت مثل الضايعه اباوع شنو يقررون وهنوب ينطون الرأي الخاص بيه
ابوي كله .. هسه مو وكتها همه حجوا بزينب ما كالوا على رفل
رفل.. يابه انه ما اريد اتزوج اريد اكمل دراسه

امير.. اكلي تبن زين مخليج هسه وصابر عليج غصب عنج تزوجين بس يجي الج نصيب وهاي سالفه اكمل وما تزوج شيليها من بالج

رفل.. اي ما اتزوج وما اشيل الدراسه من بالي
امير ذب الاكل من ايده وراد يكوم عليها يضربها بس ابوي صاح بيهم وكعده
وضل يسب بامير ورجع على رفل٠ ... ساكت عليج مو لان ما اريد تزوجين ولا لان اريدج تكملين بس هسه ما اجه نصيبج بس يجي توكلي بالله ما عندي خرابيط هنا وخاف عبالج تطلعين حجه وتطيحين مثل كل مره هسه لا بويه غير الي اكوله يصير هسه خل امشي زينب وافضه الج

.. كام ابوي من العشه للغرفته وامي ما كدرت تفك حلكها وي امير بس كام وضل يسب برفل وبينه باوعت على امي من كام استلمت رفا ورفل ما قصرت

... انتم شنو من اهل تخافين منه ترجعين عليه مو كلتي علا حايط نصيص الكم انتي وابنج

.. ولج هاي من يمتى كبرتي وصرتي تحجين هيج

.. اي كبرت وتعلمت كافي رحموني لخاطر ربكم يعني واصل خيري انه ليش تحرموني من دراستي ليش ما اريد منكم اي شي اريد بس اكمل عوفوني ليش ناشبين وياي

.. المره مهما درست وتعبت اول وتالي راجعه لبيت رجلج

... اي هاي خل ادرس واحصل شهادة والله كريم عود هسه اريد اكمل ما اريد لا زواج ولا خرابيط

كامت  وامي تندب بحظها وتحجي عليها طول مهما كاعدين   ساكته ما حجيت شي امي صفيت وياها وحيده على العشه صاحت بيه كومي عجبتج الكعده هنا كومي شيلي الاكل وغسلي الاماعين ما وراكم بس الاذيه

ههه ليكول انه مرض بس هاي الكادرين عليه زينب زينب مشيت اخذت الاماعين واغسل بيهن اتخيل روحي بلبدله والعرس والزفه مالتي شلون تصير شلون شكله العريس نسيت ياربي يطلع حلوو اي كون حلوو يارب هيج اتخيل شكله يشبه الممثلين كان بوكتها مسلسل نور ومهند طش بوكتها طشه مو طبيعيه اول بدايته وهيج اتخيله يشبه مهند عاااا غير اموت لو صدك يصير هههه لا تاخذون بكلامي جنت طفله مو واعيه للدنيا ... عود صدك هيج راح اتزوج
بيت عمي الي بلعمارة صدفه ثاني يوم اجوا عدنه والبيت صار خبصه روح وجيب وحط ولازم اكل احسن اكل بعد طلبات الوالد طلع امير وي ابن عمي للسوك عده محل بلسوك مال مواد انشائيه ومعروف حيل هناك وازيد كعداته لو كعد ويانه يحجي بلسوك وصحبانه بحيث يخليك تتشوق تطلع وياه ههه لو انه ولد اخخ بس
..............................
رعد ابوي اليوم شد العزم للبصرة وين على الله للبصره ليش طلابه يا طلابة الما تخلص راح واخذت الراحه شوي تنفست اطلع وي جماعتي
ما اعرف اللي راح يصير راح يكلب موازين حياتي شنو الي ضامه الي ربي ما ادري .... بقلمي منى الطيف لا تنسوون التصويت حبايب فديت 😘