رواية طيحة عكال الفصل الثاني 2 - بقلم لحن الهدوء

شيخ ابو عقيل
..
جنت امشي بلسوك توني واصل البصرة عدنه طلابه وده عليه رفيج دربي شيخ حسن كال انته التحلها اريدك يمي باجر بلبصرة اجيت على وجهي بسرعه اول ما طبيت للسوك وياي عقيل ابني جنت وي عقيل كال بويه بس امر على صاحبي هنا بلسوك وتعالي نطلع لبيت الشيخ حسن هناك واشوف ثنين يتعاركون اجيت انه وابني عقيل نفك بيهم
......
امير
جنت كاعد بلمحل عندي محل على كد الحال ابيع بي مواد انشائيه بنص السوك اجرته من ولد هو جان مفتح بي كصاب بس شالوة لغير منطقه واجره وانه من زغري احب الانشائيات فتحت وخير من الله لان مكان بعيد اهل الانشائيه ماكو بنص السوك محلات وسوك شعبي بي مخضر ومسواك وانه الوحيد هنا

كامل ...دوب دوبه انه حاط كوره وكوري ليكول كاتل ابوه بس الي عرفته من الوولد جان حاط عينه على المحل وخذيته منه من اجرته هو عده بسطيه بمحل بس شوي بدحيسه ما تبين بيوم توني مفتح يا صباح يا رزاق اصبحنه واصبح المللك لله ما اسمع اله يضحك وي علي ابو اللفات هذا شنو يكله
.. ولك عليوي اشو وجهك اليوم مدخن

.. اي مو طالع عليك شبي مدخن قابل انته احسن مني

.. روح غسل وجهك زمال اكلك ما ادري ليش اكره جيت النسوان للمحلات
ضليت اسمع واغلس صار بينهم حجي وكلام اسمعه يكله اكلك هذا جهاد الكصاب اله ينطي المحل لناس وصخه عود صاير ابو العريف مفتح انشائيه بسوك مال مخضر
بسطيته تصير بظهر المحل اسمعه شنو يحجي وعلي يصير مقابل الجهة الثانيه يعني حايط المحل مالي يصير كباله فاسمع حجيهم كله

رد عليه علي معود لسانك لا يسمعك
.. اي ويسمع شنوو يخوفنه قابل نخاف منه بدفره اطيره ابو الكلك

اريد اوصل اله تمنيت اطلع اله من الحايط واوصل اله ما كدرت بعد كفيت روحي كافي درت اله اول ما كلت ولك انه ابو الوصخ كضيته وبلركبه مال رجلي دنكت راسه وركعته
لزمته اريد ابرد ناري ماكو ما تبرد الي قهرني اكثر عليوي اذا اكضه كون ازوعه العافيه

كضاني عود يفك بينه لازمني من اديه وجتف اديه ليوره وبحجه يفك وهو يكول هدي امير كول يالله ما احس على نفسي ذاك دفرني بطني ورجع عليه هنوب صارت عركتي وي عليوي
رفسته بكوعي واخذ دك ما اكله بشر ورجعت على الزمال هو يضرب وانه ازيد
..الي يتدخل خاف من شافني لزمت عليوي ونهيته خافوا وصحت الي يتدنه ينكتل لحد يفك

ما احس اله وراي رجال جبير بلعمر وياه واحد يحاولون يفكون بينه

............................
زينب كعدت زي بنت عمي هيه تسولف وانه اضحك على كلامها نسميها المايعه ما جنها ولدتها بلعمارة حتى امها تحجي تكلها نسوان العمارة حارات بحجيهن اله هاي من تحجي ليكول كاسيت عاطل
ردت عليها امي
.. يا خيه شبلاج عليه خطيه يعني اله تحجي مثلج يالله ترتاحين
رديت على امي .. اي ماما هاي انتي اربع وعشرين ساعه تحجين عليه البارده
ما جنت اضن جفصه لسان راح تنوخذ عليه ..
امي خزرتني وضحكت سوتها شقه
ما نحس اله الباب تفلش علينه
.. ركضت امي واحنه وراها ابن عمي يصيح وي ابوي عمي وين
امي .. خير شصاير يمه كول

.. عمه علي متعارك بلسوك .. امي ضلت تدك وتلطم ابني كتلوه هنوب رجعت على ابن عمي انته مو. رحت وياه ليش وشصار وهذاك انخبص كلها من طلعنه رحت لبيت خالي ما وصلت وياه للسوك
رجعت لكيت السوك خبصه صاير عود ردت امر اله

هنوب طلعت العركه وياه .. وهسه هو وينه اجووا الشرطه خذوهم
.. يمه ابني راح ابني عمي انخبص وكلساعه مخابر واحد يجي وابوي رايح كبل للمركز هو وابن عمي ابن عمي لحكهم وره شوي رجع بس واصل ابوي مرجعه امي سألته كلها ماكو شي بس عمي كلي روح بحدهن نسوان

.. شنووو اكيد شغله. جبيره وضامين عليه ولك عمه فدوه اروح الك كلي شبي ابني

.. عمه ما بي شي والله بس عمي كلي روح للبيت نسوان ضالت بحدهن واجيت
بس احنه ضلينه ما مطمنين كل شوي واحد مخابر عليه صافنين احنه وهو يكلهم يعني حظنه اله وي شيخ عشيرة ال....... تورطنه هذول ما يتفاهمون عمي وهسه

امي تروح يمه ورجعت تدك صاحت تعزينه وتصخمنه شنو
.. هااا عمه سمعتك تكلهم وي عشيره ابني متعارك وي واحد مسربت مووو يمه راح ابني
... عمه والله مو هيج اصلآ الولد تنازل وامير هم تنازل وطلعوا
.. جاا شنهي كول
... امير متعارك وي واحد وجاي شيخ يفك بيهم ودافعه

............................
امير
هذا يطك وارد الطكه اضعاف اله محمل عليه صالي هواي ما احس اله واحد رجال جبير اجه كض ايدي وياه واحد لزم كامل
وخرته مني وهجمت على كامل ورجعت عليه جنت موجر منه دفعني. الولد الي كضه واجه الرجال الجبير وكفني مره ثانيه

امير... خاب دووخر .. جنت حيل معصب ما احس بالي اسوي ولا اعرف شجاي اسوي دفعته بكلمه خاب دووخر انته طاح الرجال على الكاع وما احس اله ابنه تولاني وهجم عليه ابوه كضه كله عوفه نكت الجفيه والعكال ماله من الكاع وحطهن فوك راسه وابنه يريد يفترسني ما حسيت اله ابن عمي يمي والشرطه فوكنه كتله روح للبيت وبلغ اهلي

..............................................
زينب طلعت امير واجوا للبيت انه واختي وبت عمي بس نرجف بعد ما سمعنه كلام ابن عمي هنا الي صار امير يصيح وشنو عكاله يبه انته من واعي
على جاي يصير

... ولك زمال اشو انته ما تسحتي هنا ولك بوجودي تصيح واعي اي قندره (حشه القارئ)

ولك تصيح بوجودي اي واعي مو مثل خبالك اكوو واحد يسوي سوايتك ولك شيخ تدفعه اله مكانته والناس تهابه

... اي واذا الناس تهابه احنه هم لازم نخاف لو شنوو والله. ما ناخذ عطوه لو اعرف شيصير

سمعنه صوت عمي حجه وصوته حيل عالي كانوا يحالون يهدون امير ما جنه نعرف شنوو المشكله بس صياح لان ولد من جماعه امير دخلوا للدوانيه وما فهمنه على شنو العركه الي صارت اذا الولد تنازل شنو شيخ ما ندري

طلعوا الجماعه وامي طبت عليهم دخلنه وراها
... هااا ولك يمه ويامن مصخم يا شيخ متعارك وياه اذا همه كالووا ولد من السوك

... يمه رحمه لربج يا شيخ خل اكوم احسن

... هااا ولك ويامن مصخم احجي ويامن متعارك
امير طلع وامي تصيح كلها ساكته ابوي حجه
.. مو ويه شيخ متعارك وي ولد بس الي حاول يصير طباب خير شيخ وابنج دفعه ومطيح عكاله

.. اي وهسه طاح عكال الشيخ والعركه فضت

.. يا مره فضت فضت بس وي الشيخ ما فضت

.. ليش بالله ما فضت وياه يعني عكال وطاح شنو صار

العم ... اي وهيه هينا عبالج هاي عكال يعبتر اهانه للشيخ وعليها فصل

.. شنووو فصل فلوس انطوهم وخلي تفض اهم شي تخلص

صارت مناوشات بلحجي واحد يجر واحد يعر اخر شي ودوا طرف ثالث لبيت الشيخ كالوا الهم هسه عدنه طلابه خلي تفض ونفضه الكم رجعوا وكالوا الهم وابوي تخبل على اخوي ضل يصيح كله منك هذول عدهم طلايب شوف بعينك ....

ثاني يوم اجه رجال لابوي بهاي الفتره اختي ما دوامت بلمدرسه ضلت بلبيت الرجال كال الهم الشيخ يكول راجع للعماره تجون هناك تاخذون عطوه وابوي شاط منه

.. حجه وي عمي حتى يرحون وعشيرتنه كلها بلعماره عمي كله لا تخاف ما يصير شي هناك عمامنه وراحو

راحوا كلهم حتى اخوي خذوا وياهم وابوي اصر كلنه نروح وياهم رحنه وقفلنه باب البيت طلعنه للعماره

الطريق كله امي تبجي وتدعي من الله تفض السالفه

وصلنه لبيت عمي وابوي وده على عمامي وعشيرته هناك وكلها اجت لبيت عمي

وره يوم من وصلونه هنا راحوا ياخذون عطوه منهم

.................،
رعد
كنت نايم واسمع صوت ابوي ثاني يوم من الصبح هز البيت اه يمتى وصل يمتى اقل شي توقعت يضل ٣ ايام بلقليل هاي شنو مسرع رجع

كمت على حيلي لان صياح ابوي وصل سابع جار اشوف شصاير واخواني قبل لا اوصل للديوان كل واحد صوته شكل

اول ما دخلت كلها باوعت عليه وسكتوا ابوي كال حياك توك كعدت شوف الساع بيش

.. اسف يبه
ولابه تلب عظامك لا تكول يبه ولك انته لا تدري بسما من كاع شندوب اضل اعلم انه عبن ما ربينه ما صخمنه شوف تربيتك طلعت صفح

.. بويه شصاير هسه شغلطت هم غلطان

اي وكل الغلط فيك لا بارك الله بواحد مثلك

تمون بويه احمد تدخل وهده ابوي وهو يطلع حركته بيه على شنوو ما اعرف ردت اطلع من الديوان ابوي صاح وين مفارج تعال ولك تريد تشرد

كعدت مقابيل ابوي على الكعده صاح اخووي والله يبه ما نسكت ونرد حقك صاعين خاف عدالهم هينين احنه موش بلهون

.. ما اريد نتسرع خل يجون اهلهم ونشوف هسه

اجووا زلم على ابوي طلعت الدنيا مكلوبه كلها عباد الله بلباب ضليت صافن هسه اكلهم تفضلوا لو شنوو

صاح عمي محسن هاا ولك صيح ابوك شمالك صافن انصدمت حتى ما رديت السلام ههه

طلع ابوي اخذهم للمضيف هناك كبالنه يصير اخواني لحكوا لزمت عباس اخر واحد بيهم يريد يطلع كتله هااا شنو شصاير

ابووك دافعه واحد بلسوك ومطيح عكاله

..هاا وين هذا يا مخنث تجرأ على ابوي وشنو عقيل وين هنا صارت

لا بلبصره
خرب وهسه

منتظرين يجون جايين بلبصره وابوي ملتهي وي شيخ حسن ورجعهم

هااا طلعت للغرفه اركض بدلت ورحت للمضيف سلمت وكعدت يمهم
اريد اسمع شنو قرروا اني اعرف الي يطيح عكاله عليه فصل والفصل يا اما مره يا اما فلوس حسب الشيخ اذا راد يطيح المره ... ضليت استمع

........................

زينب كل شوي واحد جاي لبيت عمي واحنه يا شاي يا ماي نودي الهم ركضه بركضه وابوي يدور يدور ويسب با امير لان حسب الي سمعه منهم هذا الشيخ عنده حلال وخير من الله يعني ما راح يقبل بفلوس

هنا امير كل شوي ونسمعه يصيح اي وشنو قابل كتله تعال ادخل هو جاي يفك محد كله يتدخل يتحمل الي يجراله

.. ولك انته مو بس دفعته وغلطت عليه رجال بكد ابوك

.. جنت عصبي وما جنت اميز الي كدامي محد كله يجي ويحط روحه بلوسطه

راحو الهم جماعه وخذوا عطوه منا للعصر يرحون الهم الولد الي راحوا نسمعهم وكفنه بلهول نتصنت وهمه بلحديقه انه ومرت عمي وامي واختي وبت عمي ههه

واكفين نسمع جان يكلهم الولد خويه رحنه الهم وموش بلهون همه ترى ناس عدهم خير من ربك خويه العكال مو هين ترى وحادين سنونهم عليكم ازيد شي ولدهم خصوصآ هذا الجبير ما يرضى حتى نحجي كل كلمه والثانيه ويكل لابوه بويه لا تعطهم حك خلي يولون

...................................

عمامي انتفضوا اخر شي عمي صاح بيهم كافي شوي ونروح ونفهم منا للعصر يالله كدرنه شوي نفك روح تعال صبي حطي غسلي متنه على ما كعدنه

ورفل كل شوي وحجت شي خلت امي تكمز هيه هاي الرادها امير يعني ورطنه وي شيخ وياريت شيخ زين

انتي سكتي ما ادري من تحجين انغث
اي كلامي يغث لان صح

تسكتين لو شلون

سكتت رفل بس احنه الدنيا ظلمه بعيونه امي تدعي وتبجي حست راح يصير شي وابوي ما قبل يرد على اتصالتها بلرغم شكد دكت بس ماكو منا ل٨ بليل اجوا

بس الوجوه ما تتفسر ازيد شي امير الي يكول والنبي لو ما انتم ما اعتذر لو اعرف شيصير وابوي وعمي يغطلون عليه ويهدوه

ابوي صاح على امي باجر احنه راجعين لليصره

هاا فضت انشالله
اي فضت فضت ماكو شي

اجيت بليل يم بت عمي اسمع اخوها يكلها لا ما فضت ولج شنو هلعقل وعمتي الي هيه مرت عمي تكله مو عمك وابوك كالوا فضت

يمه شنوو فضت طيحة عكال مو شويه هلنوب وي منو وي شيخ كالوا فصل والفصل يردوه مره من عدنه تروح لهناك

تخبلت شنو فصليه اعرف قصص هواي عن الفصليات امي تكول الي يكتلون الي يوقفون الدم ينطون فصليه هيج شي سامعه منها بس مو علمود عكال اصلآ شي تافه احسه مو مال مره شنو هاي دخلت عليهم للهول سكتوا حاولت اشارك بلحديث امتنع ابن عمي وكام يريد ينام بس وسن بت عمي حجت وكالت اثاري ما فاضه الشغله وعمي يكول فضت

شنو الي صاير غير نعرف
ليش ما يحجون تدرين لان رايدين من. عدنه مره ولازم ينطون فصليه الهم

والله راح اتخبل يعني علمود طاح عكال هيج يصير .......يتبع بقلم منى الطيف
الي ما يعرف العكال هو جزء من الزي العربي والعراقي في اغلب المحافظات الي تشتهر بلبس العربي التقليدي والعكال عبار عن قطعه من الصوف تلبس فوق الجفيه او الشماغ يشتهر في اكثر المحافظات الجنوبيه تحياتي منى الطيف

يا نار بردآ وسلامآ كوني على العراق هذا نور عيوني ربي لا تفجعني بشباب وطني الله يكون معاكم دعواتنا لكم يارب والله لما اشوف هلشباب الي جاي تروح اموت قهر بس ما بليد حيله غير انو ادعي الهم امنيتي انوا اكون وياهم والنبي بس بنت وهذا الشي ممنوع لان بحكم رجل يارب نكدر نسقط الفسادين ونغير نحو الافضل وما تروح دماء الابرياء عبث 😢