رواية طيحة عكال الفصل السادس 6 - بقلم لحن الهدوء

رعد....انتي ما تعرفين تحجين بس ايي

هاا

شنو هاا شمالج خاب احجي شي كولي بس هاا وايي يالله يالله ثيمالاه

نور ...هذا شماله

والله ما ادري

..عووع شبي حتى ما يعرف يحجي يصيح عليج هذا خطيب ضيجه خلك

كنت ساكته بس مقهورة من صياحه هو ما صيح صيح وانما كان كلامه بي نوع من الحده والجديه ما كأن يحجي وي خطيبته وانما يحجي وي شخص يكره هذا الي حسيته من كلامه

.................................
رعد
كنت احجي بيني وبين نفسي
هاا وللك رعد طحت هاي ليش هيج بس صوتها مجرد سمعته ذبت لو اشوفها شلون كان صوتها الي مثل نغمه جميله بلرغم جنت جاد واحجي وياها من وره خشمي بس احس راضي بيها يالله عمي رضيت زوجني وينك حجي لا لا شنو رضيت رعيد اكعد راحه مساعه متعارك وي ابوك وما اريدها وما اريدها وتالي بنص الليل تكله زوجني خل اتصل بيها مره ثانيه اشوفها شنو تحجي

..........  .........
زينب

بت عمي خبصتني خبص وتحجي عليه وتغلط ملل صار صحت بيها كافي ولج اريد انخمد

ما تنخمدين ياهوو كاظج

انتي والكرررر ما يخلص
هاااج سكتنه حجت وحطت ايدها على حلكها

ضحكت عليها فرشت فراشي وفرشت الها يمي ونمنه  وهيه تكررر فوك راسي وهيج سوي ولا تنطي وجه هذا مبين ما يستاهل

زينب ..اكلج شنو رائيج تسوين هيج وي امير وما تنطينه وجه

خاب والله انتي مو مال احترام مال نعل صوجي صالي ساعه انصح وتالي اتقابل بهيج

ردت احجي بس دك الموبايل
الوو
رعد..هاا هاي شنو حاطه موبايل اهلج يمج 

ايي ..غمزت الي بمعنى احجي وانتي ضايجه منه درت وجهي عنها وكملت وياه
اي جان يمي ما رحت وديته لامي

ليش جنتي تانين منو يدك عليج

هاااا حجيت بارتباك واضح من صوتي

شنو هاا شبيج اكلج جنتي متانيه منو واله كلتي هسه يتصل بيه

ايي صح  حجيت بمستحى وضوجه بنفس الوقت

حبيت
كال هاي الكلمه وسكت شوي وانسد الموبايل
درت ولج ولج كعدي

هاا يمه شبيج
وسما وغما ولج كالت حبيت وسكت وسد الموبايل

ياا كلج احبج مو كتلج يحبج
لا مال الثول مال الثول اكلج كااال حبيت مو احبج وبعدين تعاي مو صالج ساعه احجي عليه ولا تنطينه وجه ويولي

اي صح بس شكله يحبج وبعدين يعني حبيت مثل احبج

اهووو. خل اسكت عنج احسن

لا عليج الله كملي

شكمل

كملي

هو هيج كال وسكت هنوب سده

هااا يالله بيها الخير خل انام واباجر نحجي

امداج صوجي هو انه.... ضحكت عليها اباوع على النقال وابتسم كال حبيت شنو حبني بهلسرعه معقوله

.................................
رعد
كنت احجي وناسي نفسي وياها ردت اكول حبيتج بس ما كدرت اكمل سديت النقال شبيه شنو  صار الي اصحى رعد شبيك كمت تريد بس تسمع صوتها
ما اكدر انام ولا اكدر بعد اتصل هسه شتكول كنت اريد بس اشبع من صوتها معقوله قبل جم يوم ردت انهي كلشي ....
......................
رفل
اتصل احمد  كنت ماخذه موقف منه بس ما ينطيني كلبي اعوفه بدون ما ارد عليه
الوو
هلا شلونج
هلوو بيك
هاي شبيج شمالج كووننن تاخذيني اخذ بلسلام
ياسر
وجعه احمد  حظري روحج وره اختج كلش خاطب انه
مو تكولين هسه خل اكمل ومدري شنهوو
ما اكدر احمد  دراستي

شنو ما تكدرين تكدرين خووش اريد من الله ترفضين وشوفي شسوي يالله الله وياج

سده الموبايل وخلاني بحيره يارب شسويله والله احتاريت وياه ما يتفاهم

بس رغم كلشي احبه واموت عليه مجرد سمعت صوته نسيت كلشي احس روحي معلكه بي
شكد اشوف شباب بلكليه محد مله عيني غيره ساعات احس روحي مو متوالمين انه وياه وساعات اكول لا يحبني وهذا اهم شي..

هلفتره هواي ابتعدت عنه وعن دراستي بسبب اختي الي شلعت كلبي من اشوف هيج لقب انطلق عليها فصليه بلرغم عيالها كلش زينين وناس اجوا وحددوا عرس بمهر زين اشتروا ملابس وانطوها فلوس وحددوا غايب وحاظر بس مو بيدي ما احبهم احسها انظلمت والسبب امير الي اباوع عليه وكأن يقره عيوني من اشوفه بدي اكله انته السبب بس الكتاب واضح من عنوانه ...بأن انته وراه الشي الي صار ولوو ابوي ما خلاها اله وكل كلمه والثانيه وكله لو ما انته بس يفك حلكه ويحجي عليهم ...

................................................
زينب
مر ١٥ يوم وصار العرس قبلها بيوم الحنه امي سوت وعزمت الكل بعد الاتصال مال رعد ما اتصل ابدد كل يوم اريد اتصل .. واتراجع خاف يحجي عليه خاف عنده شي خاف مشغول وكضيت ها الايام  على هاي الحاله
بيوم العرس لبست بدله وكملت احتفلنه هنا كالوا يجي يكصون صور ويرحون ياخذوني وياهم امي وبت عمي واختي ويانه

بس كصينه صور بدلت وطلعنه طول الطريق ساكتين الي كاعد يمي هو وامي يمي اختي ورجلها وعمي وعائله كلمن سيارته وابوي صعد وياهم هو ورفل اما امير رفض يصعد ويروح ما قبل امي لحت عليه انته تضل وحدك ومنو يعتني بيك ماقبل واصر يبقى ...

وصلنه كبل لبيت عمي ارتاحينه الطريق جان متعب كلش بحيث راسي صار طبله

ثاني يوم العرس الي هنا جان غير شكل بدله وام الصالون اجت للبيت هنا سوت الي مكياج جان نوعآ ما حلوو اعتبره بذاك الوقت طلعت حلوة وكلها تكول حلوة تخبل

ما احتاجيت صور لان ماخذين بلبصرة بس عمي اصر ناخذ وهو نزل ويانه ونزل عمتي الي اول مره اشوفها واباوع الها لان من اجت للبصره استحي ارفع
راسي
رعد..هاي شبيج بهمس
كان يحجي رفعت عيني عليه وانه اباوع برجفه كنت ارجف احس نفسي بردانه كلش
برد
وين البرد معوده متنه حر
بس بردانه
امي جاي تباوع علينه ....
امه جانت كاعده كبالنه بلاستديو وتباوع علينه وتبتسم شوي وصاح على عمي من اجه ذب الاكليل على جتفي غطاني وخلاني الزمه بثنين اديه محد وياي بس امي تالي طبت وكصوا ٣ صور جماعيه وطلعنه

كان عرس فخم بكل ما للكلمه من معنى كل ما اذكره اتحسر اتحسر على كل شي اتحسر على وضعي على اهلي
......  ....................................
رفل
خلص عرس اختي وره يومين رجعنه للبيت كان عرس حلوو حيل بيوم العرس ركبنه من بيت عمي رحنه وياهم اكو واحد كان صاعد بلكوستر مال النسوان اني لابسه كاب فوك البدله مالتي وكنت امشي ورافعه البدله حتى لا اطيح لان حيل طويله

بعد ما نزلنه هذا الشخص نفسه الي جان بلكوستر صار كبالي واني من الفشله لان ضليت وحدي ماكو بت عمي جانت كاعده وي امها واختي راحت وين ماكو احد ضليت ليكول وحده ضايعه وتدور بلوجوه ادور وحده اعرفها ماكو صوجي كعدت بلاخير امداني
...هاا خويه تعاي منا دخلي ليجوه
رفعت راسي عود امشي بثقه امداني وجان انجبح على وجهي بنص العتبه اويلي ردت اطم روحي صاح الله الله كومي يمه يا كاع انشكي وبلعيني ردت امي بذيج اللحظه ورأسآ انقلب الموقف بكاء وعويل ما ادري الدموع منين ضلت تجي اجه عليه رفعت راسي وانه ابجي واشوف واكف وراي كأن يغطي خاف احد يشوفني مسحت دموعي البره فارغ هيج عادتهم محد تطلع رغم هذا الباب الثاني وناصبين مثل الجادر منزليه من فوك وحاطين برده ورغم هيج ماكو ولا طير اشرد بروحي كمت اركض ليكول مو امشي عبالي الناس هسه الجوه كلها شافتني شلون طحت وهذا المطي واكف فوك راسي هسه المن اجيت لو بحدي اشرف لمحت بت عمي وسط الهوسه ورحت اركض يمها
رفل .. كنت احجي بحده وياهن .. شنو ليش عفتني بحدي
نور .. ما ادري والله عبالي نزلتي ما لحمتج وياهن ما شفتي شلون امي تجر بيه

... اسكتي غير ردت اموت وصار وياي ولج بطني انطركت احس تطبل هسه

.. شنو خير يا ستار

.. انسطرت بلعتبه مال الباب

.. يااا وكدام الناس

.. لا ياا ناس بس واحد جان وراي وشافني

.. الله ولج وشلون شافج هيج مكياج وطحتي كبالهم

.. وسم خاب سكتي شهرتيني

...يالله من نرجع اريد تفاصيل مفصله

سكتت بس شنو كلبي صار بي خوفه من الي صار ..
خلص العرس بخير وسلام بس انكتب الي عذاب ثاني ما ادري هيج راح يصير وياي ..

.......................................
زينب

بعد ما صعدوني للغرفه كعدت امي توصي بيه واختي ومرت عمي بوسوني بعد زفه رعد وكالوا من تخلصون نروح توسلت بامي تبات وياي بس ما قبلت كالت تعبانه اريد ارتاح ..

سمعت الهوسه والدبج مال الزفه وصلوا للغرفه بدفعه وسدوا الباب كان يضحك ويبتسم اجه يمي كال تبدلين حتى يصبون عشه هاي  الي كالهم وسكت بعد رحت ابدل ومستحيه طبيت للحمام مال الغرفه بدلت وكملت وطلعت امشي بخجل وخوف كلش كال تعاي يمي اجيت جان كاعد على الجربايه كعدت على طرف جرني يمه كال تشوفين نفسج جاهزة هسه

...هااا

.. ههههه خرب خاب والله سودنتيني بل هاا مالتج ما عندج غيرها

... شنو احجي

... لا تحجين شي امج واهلج شنو الي وصوج بي سوي
من كال هيج ردت اطم روحي شلون هيج يحجي
دنكت رفع راسي لا تستحين مني انتي صرتي مرتي بعد خوش ماكو مستحه وغمز بعينه عيوني لاول مره تشوف عيونه كأن شهل عبالك صفر كبار وحلك زغير وخشمه طويل حيل حلوو بلنسبه الي هو احلى مني بهواي حتى اهلي يكولون بلرغم انه طويله وعيوني كبار وخشمي مدهرب لايك على وجهي وحلكي زغير وجهي مدور بس هو احلى انه اشوف احلى فعلآ رجل بكل معنى الرجوله ..رعد صار الي عمري وحياتي رغم زواجنه كان مو مثل ما تمنيت صرت فصليه بس غير شكل جان زواج عاد مثل كل زواج جنت ماخذه فكره غلط عن الفصليه صح مو كلهن بس رعد صحح الفكره الغلط ......يتبع

بقلم منى الطيف