رواية طيحة عكال الفصل السابع 7 - بقلم لحن الهدوء

احسبت ان انساك كنت روحي والان اتنفس هواك ارأك وارى كل شي بك ومعك فانت الحياة.
حياتي التي ما اردت ان تكون فانت جلعتني احبها جعلت من المستحيل ممكن جعلتني لا اقدر على فراقك أهنت عليك ......منى الطيف

كل يوم يمر ورعد يخليني احس روحي ملكه هو خلاني احب الكعده عدهم الى درجه حتى اهلي لو رحنه زرنه البصره ما يفاركني ويضل وياي يومين ونرجع اما ثاني يوم العرس الي نسيت اذكره.. كملنه بسرعه وطلع وثاني يوم الصبح اجوا اهله كلهم حتى اخوانه باركوا الي واهلي كالوا باجر راجعين اجوا العصر وراحوا وره ساعه تقربيآ ما طولوا اما نور بت عمي كالت ما راح افاركج بعد صرتي يمي ضليت اسوالف وياها راحوا وضجت بس رعد كأن درسني بهاي الفتره القليله كل شوي لو مسولف نكته لو حاجي شي يخليني اضحك حاول يخفف عني بكل شي كانوا غير شي عمو الي ذهب كلامه تحسه شيخ الشيوخ عمتي الي الوقار والعفه وحجيها الذهب بس لو ما الحجي مال غيرة النسوان ما اتوقع تتغير ابد ..حياتي ماشيه عادي مر شهر على زواجي واهلي عزمونه عدهم ورحنه حتى عمي وعمتي ويانه بيومها ابوي من وصلنه ذبح ذبيحه واختي ومرت عمي وامي طبخن كان استقبال اهلي النه احلى استقبال وعمي راد يردها لابوي عزم ابوي كله انته والعايله تجون النه السبوع الجاي وما اقبل ترفض
والله خويه دايمه بس والله السبوع الجاي عدي شغل
ابو امير شغل ما شغل انه عزمت بعد وانته تكول تم واذا رفضت احلف عليك بيتك ما ادشه

.. تم ولا يهمك اجي انشالله
امير الي كان كل شوي يجي يمي ويسأل شلونهم وياج وشلونه بعده يحس بلذنب اما امي الي تصلي كل شوي كل ما اسولف موقف او مقلب من رعد خلصت العزيمه وابوي جلب نبات بعد يوم ضلينه يوم ويوم ثاني العصر طلعنه ... وصلنه للعماره وبيومها اجوا ناس الهم ولد عمامهم عمتي كالت كومي سوي الجاي هم عدهم ديون جبير بره بس لان اهلهم دخلوا بلدوانيه مال البيت

....................................................
رفل
جنت احجي انه ونور عن صدفه العرس كاعدين بغرفتها وسولفت الها عن الطيحه ضلت لازكه اله تحجين
... شحجي

... عليج الله خايب ولج شحلاه هيج واطيح ويجي واحد يكومني

... يااا صخام ولج شنوو كومني هو عثرت كال الله كومني شنوو ... عوجت حلكها بحركه وهيه تسوي تهي بهي خاب شنو يعني اصلآ هنا عدنه عيبه هاي تدرين شنو بنيه تطيح ويجي واحد يكلها كومي

... ترى كتلج كال الله ما كال كومي
... اي مثل الشي ما كلت شي غلط نفس الطاس ونفس الجدر

الف الحمدلله والشكر صوجي هو انه
هسه ما كلتي شنو بس كال الله

مو صالي ساعه احجي اكلج طحت وكال الله.. اثناء ما كلت هيج سمعت صوت يم الباب رفعت راسي
دخل احمد بركان صاير شبي هذا يمه بس لا سمع شي افكار يمكن ما لحكت افكر او احجي صاح
نووورر بره انكلعي
هاا امشي جرتني عود عباله يريد يضل بحدده
خليها وطلعي لا ادفنج هنا
اي باوعت عليه ورجعت باوعت اله وهيه تتعثر بمشيتها ما تعرف شصاير بس حست سمعنه ..من نظرتها وكأن تكلي مو كتلج هنا عدنه عيبه هاي

وصل يمي وهو عيونه تجدح احسهم بركان كل ما اتذكره شلون صار هيج اموت بدمي
هلاا هاي شنهي الي سمعته
شنو
تعرفين كلش زين شن سمعت تحجين لا افرك حلكج
ما اسمح الك .. وصل يمي لزم حلكي وعصره حيل وولج منو هاي الي تسمح عدالج اخوووج ااطلي لو ابوج حتى تحجين هيج خاب وعلي لو ما تعرض عيون عمي ادفنج هنا اييي يا ست رفل تطيحين ويكومنج
دفعت ايده وخرر ايدك اكلك محد دفع ولا هاي بس طحت الولد كال الله
ومنو هذا الي كال بالله رجع عليه دفعني
ما ادري والله ما ادري رأسآ حجيت وبجيت اول مره اضعف وابجي شكد حاول امير وياي بلمدرسه انقهر واصيح بس ما ابجي دائمآ كنت قويه احس روحي بس هسه صرت يمك بلا معنى هو يصيح بالله لا تسوين نفسج بريئه وشريفه براسي وانتي الزلم كاضه ايدج
احجي وابجي وصوتي بشهكه والعباس ابو فاضل بيمن تريد احلف ما كومني بس كال الله
ومنوووووو ولج احجي انربد الباب امه صاحت ولك احميد شبيك اطلع هاي ويامن تكرك
ماكو احد روحي يمه
لا بالله افتح الباب شسوي بغرفه اختك وينها المصكوعه هاي
هاا يمه هاي انه بلحمام
هاا عدالي بلغرفه ويصيح عليج جااا بت عمج وين.. من كالت انخمش كلبي كلت رحت بيها صاحت يمكن صعدت فوك كالت انظف وانزل
حزرني وهو يباوع بحقد وصل يمي وانه منزله عيوني همس باذني روحي واخذي وانسي انو بيوم من الايام حبيتج صرت اكرهج بكد حبي الج امشي ولا تراويني وجهج اذا وصلت لبيت عمي بيوم حتى جهرتج الزفره ما اريد اشوفها فهمتي
مسحت دموعي ابتسمت بسخريه رفعت راسي من اليوم انه شلتك من حياتي وحتى ما اعرف واحد اسمه ابن عم احمد خلي بالك جهرتي مو زفره انظف منك فهمت ردت اكله وما اسمح الك تغلط عليه لو تجيب سيرتي سبقني بسطره على وجهي خلني انعمي عيني ضلت تدمع حطيت ايدي على خدي
باوع هاي الايد الي لمستني راح اغسل وجهي بماي وزاهي صابون لان احس وجهي صار وصخ
جنت احجي وجسمي يرجف خوف وبنفس الوقت كا حبيت ابين نفسي ضعيفه كدامه حبيت ابين انو رفل قويه اذا حجيت كلمه تردك بالف مو ضعيفه حتى تغلط عليها وتسكت ومو ضعيفه حتى تتمادى وتسكت وره يومين رجعنه للبيت طول الوكت ابجي حتى امي انتبهت عليه احمد شلته من حياتي مسحت مسح بس منو يشيله من كلبي منو يكدر ينسي كلبي ويكله انساه خلص ما يريدك يارب ساعدني يارب بس حتى انساه يارب والله ما بيه حيل الوجع الليل ما انام بس اتذكر وانحب لو نمت احلم بي حتى ما فكر يعتذر لا يتصل على الاقل اتصل والله ابرر الك واكول اي صح انه غلطانه المفروض ما اطيح شكول على حظي الي ما وكعني هناك شكول على لساني شلون بي وخلاني احجي لنور كلشي كلها انتبهت عليه حتى زينب بيوم العزيمه تفتر وراي شبيج ليش حتى ما كعدتي يمنه على الاقل اكعدي يمنه سولفي احجي شي شبيج
ما بيه شي زينب روحي يم عيالج زوجج خاف يصح الج
بعدتها وافتمهت انو ما اريد احجي خليت البجي وسيله حتى الطلاب وياي صديقاتي كلها تكلي شبيج وجهج مكلوب ما كنت احجي شي بعد اسبوع من عزيمه عيال زينب عزمونه وابوي كل لامي نروح كلنه رفضت اروح واتحججت بلدراسه ما اريد اروح لان شي اكيد راح نمر على بيت عمي ابوي ما يفوت هيج زيارة راح ياخذنه ما اريد اشوفه ولا اريد التقي بي ....
..........................................
زينب
بعد ما راحوا الناس الي اجوا النه طب رعد للغرفه جنت امشط رفعت عيني باوعت عليه هااا
تعاي عدي شغله يمج
رعد شنو صاير
هسه غير تدنه يمي
هاا اه اجيت
اكو ناس اجوا على اختج
شنو ياناس
شنو ياناس ناس منه وبينه
هسه غير افهم ياناس مين عرفوا اختي
شافوها بلخطبه
وياهو شافها
مره شافتها بعد اكو سؤال
لو عليك الله رعد منو شافتها
هسه شلج شغل ناس جايين عليها وبس سكتي
يعني والله راح تخبلني ناس جايين على اختي وتسكتني وبعدين منو كلك هيه تريد تزوج تريد تكمل دراستها .. جرني وهو يسكتني حظني اششش خاب ما تسكتين شكد تحجين تعاي ......مر يومين بيت عمي طلعوا للزيارة نسوان حمويني ٢ راحن لاهلن هنه عازلت بس يجن يساعدن بس عندي وياي وحده بلبيت هدوء نوعآ بس فاجئتني مرت حماي
الصبح اول ما كعدت كنت اريد اخابر اهلي على شغله رفل لان انشغلت بلبيت بس صاحت مرة حماي الاكبر من رعد اجيت اشوف شكوو جان تصبح بوجهي
ادري شنوو انه اخدم ليل ونهار وانتي نايمه للظاهري انه ما صرفلي هيج يجي عمي واخلي يتفاهم وياج ..

شكوو شصاير مو قسمتي الشغل
ما صاير شي حبيبه ما صاير شي انتي نامي وانه احتار بجهالي وبلبيت يا شغل قسمته انتي عليج الخفايف هو كنس ومسح واماعين العشه

اي هو هذا الشغل الي كالت عليه عمتي
هي انتي خاف عدالج اخاف من احد لو اهتم الغصب عنج تشوفين شنو بيدي جهالي يبجون تساعديني مو تكضين الي وصوج بي وتشردين

سكتت عنها وهيه تولتني بلصريخ ما انطت فرصه احجي كلمه ترد بعشره وانتي وانتي محد جان بلبيت سمعت صوت هز البيت هز ولجن صوتجن
يمه صوت عمي هذا صار وجها ازرك مو احمر من سمعت الصوت وانه ازيد كضتني رجفه
هاي شنهي ولج خوله صوتج طالع بره البيت مالج رداد
عمي السموحه منك بس والله ما يصير هيج ..حجت وبجت سوت نفسها مسكينه
جنت بحاله صدمه اباوع عليها شنو هلجذب والحقاره توها تصيح وتغلط عليه وما تخاف وهسه من اجه عمي صارت مسكينه
بس شكله عمي ما تعبر عليه سوالف النسوان صاح بيها دموعج تلزميهن يجي خيالج وانه اعرفن شغلي وياه وانتي الثانيه ليش ما تكضبين وياه الشغل
عمي سويت شغلي العلي سويته والله لزمت البيت غسل ومسح من الصبح وركيت رعد وحتى اماعينه غسلتهن يالله صعدت
انتي دشي للغرفتج صاح على خوله صاح الي بويه تعاي عندي شغيله وياج
رحت وراه عمتي صارت بوجهي كاعده بلهول بوستها وتحمدت السلامه طلعني يا فشلة الفشله حتى ما كلت لعمي الحمدلله على السلامه زيارة مقبولة

..طبيت جان كاعد كعدت كدامه كال سدي. الباب وانه ابوج كمت ومية فكرة براسي يااا صخام شنوو راح يذبحني جنت امشي وارجف ما جن باب يمي ليكول طريق الرميله يا بويه
اجيت بمكاني بعد ما سديته
.. سمعيني بويه ما لحكت احجي شي ورحنه عبن عمتج مريضه
.. ادري عمو نسيت اكلك الحمدلله على السلامه زيارة مقبوله
.. تقبل الله منا ومنج بنيتي اهلج عكب جايين النه
بويه سوالف نسوان ما نسوان ما اريد تطلع خارج هلبيت انتي صرتي منا وبينا يبوج هاي شغل ماوشغل اريد تعاونين مرت اخيج هاي حسبة اختج

ردت احجي بس انخرست وهو لبق بلكلام خلاني بس اهز براسي واييي وايي حتى ما انطه مجال احجي بس كتله صار ورجع حجه على سالفه رفل على جايين خطابه لاختج واريد منج تجسين نبض هلج تشوفين اختج
واني بس اكله انشالله .. يالله بويه كومي خاف عندج شغل كلمي بويه ومثل ما كتلج
هو حجه هيج ورديت عمو والله جاي اشتغل وسويت شغلي وصعدت
ادري يبوج وادري غيره نسوان بس لا تخلين عليج حك عليج
صار عمو طلعت والدمعه بعيني الله لا ينطيج خوله على هاي السالفه
اليوم مالي خلك وبلكوه مر اجه الظهر رعد
صبيت اله اكل واجيت يمه ما اشتهي اكل
شنهي ليش ما تاكلين
ما اشتهي
والله ان ما اكلتي ما اكل
رعد والله دايخه وراسي
خلص والله ما انه حاجي شي بس اكلي
مديت ايدي واكلت جم لكمه وكمت خلص غسلت الاماعين الدوخه موتتني ولعبان نفس شوي وهديت ورجعت رحت للصيدله عدهم بلمطبخ حاطين بيها دوه اخذت دوه حبايه راس وصعدت هديت شوي
اهلي اجوا
يمه امي شكد مشتاقه الهم واله رفل شبيها متغيره حتى ما تحجي كلمه ابد كله ساكته
وشنو احجي وياها ايي واي حتى لو سؤال عادي ترد ب اي وتسكت
رفل عيونج صاير جواهن اسود
اي صح
شنو اي صح
اي هن لان تعبانه
عود صدك شبيج خاف لان دراسه
ياا دراسه معوده يا صخام
جاا شنو حسيت بيها ارتبكت وحاولت تلف الموضوع سكتت عنها ورحت يم امي لان رفل كعدت بغرفتي فوك استحت تنزل
نزلت يمهم امي منطلقه بلسوالف وي عمتي واخت عمتي جايه وهواي نسوان كرايبهم مرت عمه وبتها يمكم هم الي حجه عليهم رعد وعمي لحد الان
ما جبت سيرة عن خطابه جايين لرفل لا امي تدري ولا رفل
ضربت الموضوع سكته ادري برفض رفل مسبق لان تريد تكمل واعرف بدروبها وحبها لابن عمي

صبينه الغده وكل شوي اصيح رفل ما قبلت تنزل امي كالت صالها جم يوم مريضه كلش حتى يومين ما راحت للكليه
تعجبت هاي رفل الي حتى لو مصخنه تكوم وتبين نفسها ما بيها شي في سبيل الدراسه شنو صاير

سكتت بعدين امي احجي وياها واشوف شبيها
عمتي كالت خطيه اذا مريضه سوي صينيه ودي الها
باوعت عليهن يبتسمن يمكن عبالهن. عدها عذر شرعي ..
سويت صينيه وصعدت الها
ما اشتهي المن جبتي
اكلي اكلي ما تشتهي ههيالله هاي شبيج سامعه شي
معوده ما تسكتين اصلآ كوه اجيت ما ردت اجي

هاي منو ولا عرفتج
حتى انه ما عرفتج صايره لسان وتردين وتحجين اشو كبل ما نسمع صوت الج وغمزت الي رعد موو

ههههه شتعرفين عني غير تغيرت جاا مو تزوجت
اصلآ حتى الحجي مالج صاير يختلف
عوفج مني والله عيب حتى ما نزلتي شيكولن علينه هسه .. والله ما ردت اجي
لو ضاله بيت عمي....
هم بيت عمج اجو ..
اي اجو قبل شوي
هاا منو ومنو
هيه بس مرت عمي وعمي طبوا محد وياهم واله قصدج غير واحد

شنو وثول شبيج
خل انزل وبعد شوي اجي
نزلت تغدينه وكلمنه نسوان حمويني وياي غسلنه اماعين كملنه شوي صبوا جاي مليت من سوالف النسوان كلهن كبار وشي كاعده وي شي ههه صعدت لرفل
شوي وصاحوا علينه كالوا خل تجي
هاي شنو منو يرديني
والله ما ادري طلبوج بلاسم كالوا تعالن يعني حتى انتي
انتي روحي ما اروح
يا ولج عيب هسه شيكولن شيحجون علينه
انتي سكتي ما لج شغل روحي ما انزل
نزلت جان كالت مرت عمهم وين اختج ليش ما اجت
كلت الها جاي تلف بلشال راح تنزل
طب رعد من باب المطبخ صاح عليه ابوج يريد يسلم عليج ما صار اله مجال طلعت وسلمت عل ابوي ورجعت
سحبت نفسي بهدوء ورجعت لرفل
نزلي ولج مرت عمهم تريدج كالت صيحي اختج
وشتريد
ما ادري والله كالت خلي هيه تنزل اريد اشوفها
اهوو بس لا تريد تخطب مبينه هاي
اي يمكن .. روحي ما انزل
امشي عيب .. بطلعان الروح والشافعات يالله نزلت وياي
ضلن يباوعن عليها ويصلن على محمد وهيه لزكت بامي. ومدنكه حتى ما رفعت راسها ........يتبع
...........................................
في البارتات القادمه
انسطرت ورجع عليه كومي من الله لا ينطيج كومي
كنت حتى دمعه تنزل مني هو يطك وانه اكوم بشموخ وتحدي واباوع عليه تعب دفرني بطني لف راسه ونام
..
عذروني على التأخير بس حيل مريضه والله شاهد ما جاي اكدر انزل ولا اكتب هسه اديه ترجف وجاي اكتب شنو بيه محد يعرف والله هاي ثالث مره عد الدكتور ولحد الان محد يكلي شبيج كلمن يكول شكل وعذرآ منكم عل الاطاله ارجوا تسامحوني خاف ما اكدر انزل من اشوف نفسي اصير زينه شوي ارجع اكتب ... منى الطيف