رواية طيحة عكال الفصل الثاني عشر 12 - بقلم لحن الهدوء

يوم عن يوم حقارته تزيد وياي بالاخص بيوم العرس اليوم الي لحد الان محفور بذاكرتي محفور بعقلي بكلشي بيه
وصلنه واختي صعدت الجنطه الي فوك بلفندق كالت يالله اروح انه كعدت توصي شوي بيه وراحت

ضليت كاعده هو من دخلنه جان لازم ايدي ويمشيني وي اختي ومن وصلنه تركها وكعد على الكرسي المهم من طلعت اختي

ضليت اباوع على منظر التلفزيون كبالي
بداخلي احجي شبي هذا حتى ما كام واجه

انتظرت شوي لمحته كام شنو ما صلين
هاا
شبيج شنهي هاا كومي نزعي وروحي توضي وخل نصلي
كمت رحت للحمام سبحت لان مكياج وتسريحه تعذبت عذاب دموعي وي الماي ممزوجات شبي
مسحت المكياج كله واجيت توضيت لكيته بيده ملابسه دخل سبح شوي وطلع طلع مصلى صلى وراه انه خلص يالله كومي راح يجيبون العشه ما جنت اعرف هو خلص لان سجدت سجده شكر لربي وادعي يهدي عليه ما ادري شبي تغير هيج وانكلب بعد ما كان يتغنى بيه هسه صاير عده وجودي عادي.

كمت طبكت المصلاه ورجعته لمكانه
اجيت يم الجربايه جان كاعد عليها
باوعت عليه وكأن مشمئز مني وتلعب روحه
جابوا العشه فتح الباب اخذه وتشكر منهم ورجع خلاه بلكاع صاح يالله كومي ما تاكلين بنتر كالها
نزلت يمه بلكوه اخلي لكمه بحلكي بلرغم على لكمه الريوك انه ما ماكله شي بطني تمغصني من الجوع

رغم هيج ما اكلت باوعت عليه طير نص الاكل حمد الله وكام كمت اريد اغسل
لميت الاكل ذبيت بلزبل
اجيت اكعد كال
شنهو  تضلين هيج
هاا
روحي لبسي الي شي شيات

ضحكت ما رد الضحكه جان مبوز ما ادري شبي
لبست الروب وكعدت جرني يمه بلا مو مبولاه بشي بلا احاسيس ومشاعر كان مجرد من كلشي اخذني عصيت شوي دفعته بس دفعته سطرني راجدي خله اذني تنشك بكل قوته  ضليت صافنه عليه ولازمه خدي ليش هيج سويت
ايي قندره لا ترفسين جنج حمار يزاكط
ما حجيت شي بعد لازمه خدي كمل وكام بدون ما ابدله بشي بس ضل الراجدي ياكل بروحي اخذ الوصله لفها وضمها
يالله هيه كومي شمتانيه
كمت للحمام شكو بجي بجيته اذاني حيل ومنا دموعي ما تفك واباوع على المرايه الراجدي طبعه اصابعيه مسويه اثر احمر ومبين هاي شلون باجر اروي وجهي بس لا تزورك عسه ايدك بلشلل

طلعت من الحمام لكيته متاني يريد يسبح سبح ورجع نام بدون كلمه لا مني ولامنه خصم الكلام بعد هاي الليله صار عقدتي هو وهو هم عقدته انه اذا اجتمعنه بمكان لازم يسوي عركه ووياي

رجعنه الصبح الهلاهل كبت وعمي ذبح ووزع على الجيراين  طبيت للغرفه وكارها دخولي الها
ما اريد ادخل ولا اريد اشوف شي بدي ارجع وي امي   امي الي من اجيت بوستني وكالت اضل يومين اختج زنوبه مو زين عليها خاف تنجبس يومين هنوب اروح

وره يومين راحت لزنوبه للعصر يالله اجت ابوي بيت اختي رايح واجه عليها منا اخذوا غراضهم راحوا لبيت اختي ومناك يطلعون  احمد ما يحجي وياي بس بوكت حاجته اجي البي رغبته وبس بدون ما انطي شي شكد حاول وياي بس الراجدي ما انساه

باوع عليه اكثر من مره يكلي شبيج على الاقل احجي كلمه من ارفض انسطر ويرجع يذكرني بلخطوبه مالتي شنو شافج ضحكتي وياه لبسج الحلقه موو

جنت اسكت وهو ينجن بلزايد من هذة السكوت يتخبل ويكلي تتقصدين هيج تسوين حتى تعصبني  ويرجع يكفخ بكلشي انكفخ مر شهر واجت زنوبه
ورجلها ما طولوا شوي وراحوا خطيه متغيره هواي حيل ضعفانه

....... ....... ..   .   ...

زينب
تعبت هواي ايام كضيتها بس ابجي
خطيه امي من العرس وره يومين واجت وابوي وياها اختي هم اجت هيه وجهالها
سألتها على رفل ما حظرت العرس فد مقهورة
كالت هسه حيري بروحج اختج زينه الحمدلله تسلم عليج انتي كولي الي شلون هيج

والله يمه بسرعه بسرعه ما حسيت على روحي اله والطفل نازل
وانزف على ما وصلت كالوا ولاده عندج
يالله ما مقسوم بعد شسوين يا يمه ميخالف الله يعوض
اختي ضحكت يالله لا تضوجين بعدج زغيره وتلحيكن على هوسه الجهال ودختهم
امي ردت عليها عمي خلي يجون هسه همه على اساس انتم ما شلعتوا كلبي بس شوفتكم ترد روحي

بستها يمه بعد كلبي
ولج هاي شنو صايره ملاكه
اختي كلت الها ايي غير تزوجت الرجال يعلم المملاكه  هااا مو صح

ههههه لا مو هيج بس غير امي
اي ولج ضحكي معوده الدنيا ما تسوه ولج يروح منج بذام الله ما قاسمه يروح عاد يروح هو وبطنج وما شايفته ولا يكبر وتشوفينه ويحله بعينج ويروح

صفنت على كلام اختي سكتت امي تسولف وياي عن عرس رفل وشنو سووه وعمي ذبح وعزم
كالت عزم عمج ورجلج
اي ادري راحوا وعمي يكلي اهل اصول عمامج عدهم نفس طيبه

ايي والله لو تشوفين ما اخيرهم على عيالج بيوم اجت من الفندق عمج ذبح ووزع للناس حتى ما دخل شي للبيت منها

والله ضجت جي ما اجيت

ما صار بعد امج وهيه عاذرتج وتدري  عدي الج اسبوعين شوفين نفسج تصيرين زينه وروحي الها

اهلي رادوا يرحون عمي حلف يمين ما يطلعون لحد ما يتغدون تغدوا والعصر راحوا
رعد بعد وفاة الطفل ضل يلوم بروحه انه السبب وانه جاا طكيتج والله ما هنتي عليه
هسه هلروح تضل وراي ليما اموت
لا تحجي هيج اسم عليك ترى ما مقسوم النه بعدنه الله يعوضنه بغيره
لااا تدرين هسه اكولن باجر عكبه بيش اوجه رب العالمين لوو سألني الطفل ليش حرمتني الحياة شكله

مو انته السبب رعد ترى لان ظهري ما اتحمل
يااا ظهرج لو ما طاكج جا ما صار الي صار

جان دائمآ يلوم بروحه وما ينطي فكه تغير بعد موت الطفل ١٨٠ درجه ساعات اكول يجوز الله موته حتى يتغير رعد هلتغير يعني الله سبحانه يمكن اله بيها حكمه حتى رعد هيج يصير

كلها شافت تغير برعد وشلون ضل يعاملني رحت لرفل تباركت الها ورجعت ما طولنه حسيت من عيونها وكأن اختي ما مرتاحه

بس اعرفها لرفل تموت روحها وما تحجي الي بكلبها ابد كتومه بشكل

وصلنه للبيت استلمتني مرت حماي اكلج كملي حمس بللحم هسه اجي جان العشه عليها هيه تسوي انه عليه غسل اماعين والبيت كله وهيه عليها طبخ والعجن والخبز بس هذا الي تسوي اماعين الغده والعشه والريوك حتى اماعين رجلها انه اغسلهن لان عليه تعوفهن وتدخل
حمست اللحم جانت تريد تسوي حميسه اشو شويه واجت اكلج رعد ما جان هيج
شنو ما جان هيج
يعني الله يعلم ما فهمت قصدها شنو تلمح سكتت شنت حرب عليه
بلكلام بلشغل تريد تخبر تعاي كضي وياي بلرغم جانت تسوي بحدها بس هسه كل شوي وصاحت الي حتى لو عندي شغله اعوفها واروح الها اكول مساعده لله ما اشكي ولا احجي بتها تبجي وهيه تشتغل اروح اسكت بيها واشيلها

دائمآ كانت تطك بسامير اسوي نفسي ما اعرف تقصد منو بس ادري الكلام عليه
اعرف بروحي شنوو للذالك ما اهتم لكلامها
كأن كلامها كأن تكول مرات
نسوان يعدلن الزلم بلسحوره هنيال بختهن هيج على حلوكهن يكولن اكعد يكعدون كوم يكومون اشو انه خظي مغسول غسل شماله حظي جانت من تحجي شعليه شنو تكول تكرك بحدها وتسكت شعليها بيها هسه قابل صدك مسويه سحورة واهتم ..

جانت تغار من كلشي شنوو تشوفه يجبيب اسمعها تصيح وتتقصد من انزل جوه تحجي هنيال بختهن
يطبون ويطلعون ينكلون

بلرغم رجلها ما مقصر واربع وعشرين ساعه ينكل

بس عينها ضيجه كلش وتريد بس تلكه حجه تعارك ما انطيتها مجال رعد جان دائمآ يكلي شنو تحجي غلسي

وصل  برعد يكلي امشي اطلعج شوي على الشط جنه نروح انه وياه نكعد لو نروح بلكاع رغم ما عدهم واحد يطلع مرته بس هو كان حاس بلذنب اتجاهي يطلعني ويمشي وياي يوديني لسوك اشتري شنو تريدين ولمن اجي يطبني من الهول يكول خاف لمطبخ وتشوفج وتكعد تحجي ما جنت اوصل اله بس كم مره سمعها وكال شبيها منو دايس على ذيلها كتله هيه يوميه هيج شعلينه بيها

ما ردت يوم يوصل نفس بيوم وصلت لرجلها وصارت عركه وكدام عمي اذا يوميه تصير همه عمي يمل شكلك هاي انتن تسون مشاكل فخليت موقف السكوت حتى ما تصير مشكله لمن اجينه من السوك وصعدنه كبل شافتنه هيه مدري سمعت طلت من المطبخ
هااا الله يساعدك رعد
ويساعدج ام علي
هاي شنو وين جنتو
كلها رعد ليش
مو  عمي سأل عليك وكتله طلعوا
هاا خوش هسه اروح صعدت وراه صاحت شنو جنتي بلسوك
ايي بالله شنو اشتريتي
رعد كلي تعاي زينب امشي فرجيني تعبان كلش .
صاحت وشدعوه شنو تخاف نحسدك
ام علي لزمي روحج شعليج بينه
مو عيب عليك تصيح عليه
هو منو مصيح علييج انتي تردين حجه لو شنوو زينب تعاي
صعدت وعفتها
وره شوي البيت انخبص بلصياح هاي شنوو شصاير نزل وانه وراه

يتبع
تحياتي منى الطيف لا تنسون التصويت والتاكات هاي لعيونكم احتمال يخلص النت الاشتراك عدنه فكلت اكتب واانشر الكم احسن ما تنتظرون