رواية طيحة عكال الفصل الثالث عشر 13 - بقلم لحن الهدوء

طيحه عكال
منى الطيف
........................
رفل
مر شهر على زواجي طول هذا الشهر عشت وياه عذاب بعذاب يعني عروس وعرس طيحان حظ
يا ريت ما متزوجه
حتى الموبايل اخذه مني وكلي ماكو بعد خلي اربيج من جده وجديد
شنو اريد النقال انطيني
واذا ما انطيتج شنهي  شسوين
ااااحمد  ..صحت عليه بنتر
لا تخليني افرك حلكج احترمي شنهو انتي وتصيحين عليه
كام لزمني وكطعني بمجرد انو كتله بنتر احمد كرهي زاد اضعاف ضليت اكره اكثر واكثر والعن الساعه السوده الي تزوجته بيها يوميه ادعي على روحي ربي اخذني والله تعبت شهر بحاله كرهت روحي وشي اسمه احمد

عمي الي حاير بيه خطيه كومي منا كعدي منا الشي الوحيد الي بي خير سواه الي احمد ما يضربني ولا يهين  كدام اهله دائمآ كان يسوي نفسه ملاك كدام امه وابوه يعرف عمي ما يقبل على الغلط
جيهان كانت تعرف بلي يصير لان غرفتها بصف غرفتي فتعرف شنو لان صوته دائمآ طالع غرفتنه مو جبيره كلش غرفه عمي وره غرفه جيهان مسوين ٣ غرف وفوك غرفتين  على اساس النه بس هو ما قبل كال بعد وكت ما اعزل هسه عود من يصير عدنه  جهال ذيج السااعه نصعد ما عدنه شي الي فتح موضوع السطح عمي
كله اصعد فوك بعد بس انقل الغرفه ما وافق ورفض
حتى عمي كله مو اله تعزل المهم بس تنقل الغراض حتى تفرغ هاي الغرفه خاف يجي خطار ما وافق واصر انو نضل المهم ...

كعدت الصبح ما جان طالع للشغل بيت عمي عدهم محلات ٤ مأجرينها و٢ عمي واحمد كاعدين بيها فلوس الايجار وفلوسهم نعمه عايشين بخير حتى عمي اكثر من مره شفت اوراق يضم يم عمتي بعدين عرفت انو هو مسوي حساب بلبنك

كعدت جان احمد ما طالع للشغل ما اعرف شبي وليش ما طالع
صباح الخير
سكت ما رد عليه
احمد شنو ليش ما طالع دار وجه وكرفس روحه
مالج شغل امشي ولي شعليج بيه
كان صوته بي تعب مبين مريض
مو كتلج كومي انكلعي شنهي انتي ماتسمعين لو متشمته بيه جيف مريض  روحي خلي يكصونج كص ام الكليات

سكتت شوي ما تحملت
عيب عليك هيج تحجي بت عمك عرضك انه وبعدين ليش اتشمت اكو واحد يشمت بلمرض

اول الشمات انتي عبن تكرهيني احسج احقر من الحقاره ومو انتي التعلميني للعيب من غيره

عفته وكمت سكتت مالي خلك مشاكله من الصبح
ردت افتح باب الغرفه واطلع كال سوي شوربه عدي صخونه وراسي يوجعني

ما حجيت طلعت وسويت اله شوربه دخلت بعد ما تريكت بلمطبخ وكملت خليت الشوربه بعد ما استوت  اله وجبتها

كعد خليت الصينيه بلكاع دنكت احطها
بدلي ملابسج ما تشوفين خلكينج لازكه على جسمج
كنت لابسه دشداشه لون اصفر بس فاتح حيل حلوه اشتريتها جاهزة
مابيها شي حلوة وحتى مو ضكيه

ترى كلت بدلي مو هلخلكين بسرعه

استغفر الله واتوب اليه
دعي بعد دعي هو هذا عوزها تدعين عليه حتى اشك راسج اودي لابوج يفر بي على الكليات

تجاهلت كلامه كان ازيد حجيه ام الكليات فريتي كدام الولد هم شافوج هم هيج قريتي اليوم كومي اقري هم يالله حتى تفرحين جم ولد بشوفة وجهج

اتمنى احجي اصيح اكب بوجهه صرخ واغلط عليه
بس ما بيدي شي ادري حتى لو اروح انه اختاريت انه امداني اي والله شكد رادوني شكد خطبوني ضليت لازكه بي
اي وين ادري بي هيج يسوي بيه هيج راح حبه وحتى حب بكلبي ماكو اله بس بدلتي رفل تنازل هواي صار منج ابوج واخوج ما تنازلتي عن الدراسه. شكد حاربوني وضليت مصره اكمل واصريت انو اروح جامعه ورحت هسه اتعير على شنوووو على شنووو صرخه بكلبي بروحي تاكل بيه اكل

شرب الدوه ونام عمتي صاحت عليه طلعت الها
هاا عمه
هلا يمه هاي شني منو مسوي شوربه
احمد مريض وكعدت سويت
ياا صخام شبي
والله ما ادري كعد وشفته ما رايح سألته كال راسي

يااع .. طبت للغرفه هو جان. مغمض ما يدري امه مو كتلج اريد انطمر شنهي ما تكولين صخمان مريض

على كيفك وجع انه امك

هاا يمه .. وخر ايده من عيونه بتعب
عذريني يمه صباح الخير

كانت تباوع عليه وردت عليه شنهو شبيك انته ومرتك متزعلين
باوع عليه وكأن يوجه الاتهام الي ويكلي انتي كلتي الها
فبسرعه حجيت حتى اكد اله ماكو شي وما حجيت
كلت الها
لا عمه ما متعاركين بس هو جي مريض

حجت وهيه ترفع حواجبها .. ما مبين
كلها .. لا يمه والله ماكو شي

جاا شبيك مصخن هسه ما اجيت افك طلابيك جي مريض
ما بيه شي والله هاي كدامك .. يحجي وهو يكعد على حيله هااا هسه ارتاحت امي لو بعد تريد تتوكد انو ابنها صاحي

ايي غير اخاف عليك يااا شمالك

سلامتج مابيه شي هاا وهاي بوسه على. راسج

كومم اشرب دوه بلا عياره كوم هاي الملاكه مالتك شبعانه منها

والله شربت
اجيت يم ميز التواليت اعدل بلمكياج اسوي نفسي ما مهتمه
شبيك ياحظي باع وي عمتي شلون كلامه واسلوبه شكد حلوو وهادي شبي. وياي ليش هيج شايل عليه مو كال اريدها وكدام الكل دك صدر
طلعت عمتي من يمنه انتبه هو جنت اباوع عليه نزلت عيني وسويت نفسي امسح بلميز

اكوول مو جنه عينج هواي تكص بيه شبيج ما شايفتني

اردت ان اخرج من صمت اردت ان اتكلم لم اعرف ان لكلامي قيود وحدود لم افهم حتى صفعت بقوه ضربت حتى انهكت وكأنه اراد هذه الكلمه ان تخرج من فمي حتى يخرج وحش كاسر غير عن وحوش رايتها فيه

اي شايفتك بس اباوع عليك شلون هادي وي عمتي وتحجي عدل جاا شبيك وياي

والله بكيفي اسوي الي يخش بهلعقل مو اشوف الادمي كدامي احترمه اشوف الحيوان ادوسه

شنو قصدك انه حيوان تررى عيب مرتك ما جبتني من الشارع

تهي بهي خاب انتي مصدكه روحج ولج ام التفرفر ما ضل واحد ما عاين عليج كولي جذب ما عولتي بس اجاج واحد ركضتي كلللوش عرست مسرعه خطبوج مسرع صارت

محد كلك تجي ما وديت عليك

بلعباس ردت اكسر خشمج ما اجيت علمود هيج ردت بس كسران خشم الج واكسر خشم المطي الجاي عليج عبالج ما اعرفن اعرفه هة نفسه الي طحتي كباله وكومج

كتلك ما كوووم ما كووم

لا تصحين ولج اكوم واالله اكوم حتى لو مريض اجنزج
ليش اجيت على الاقل لو مخليني متزوجته مو احسن واشرف الي .. حجيت هيج وهو طفر
اريد احمي نفسي ما كدرت اريد اسطير ما. كدرت

ضليت اناهت
بس اغلط عليه واديه فوك راسي
دخلت عمتي وجيهان يحامن الي ودفره بيه ودفره بيهن
وخرررررري وخررررن اكلج وخري.خاب وعلي اجنزج ما تضلين هنا كوممي كوممي ولج انه تدعين تغلطين عليه

يااا شبيك يمه ولك شبيك عوفها
جيهان تصيح عوفها وتجر بيه.  عمتي تغلط عليه وهو يكلها تكلي شلون هيج تحجي وي امك ولج العار امي راحت للزلم طاحت كبالهم كوموها تاج راسج

العار لمي ملابسج يالله والله اكضيج هسه اذا ما لميتي

بلكوه طلع وانه الم بروحي احس روحي تطشرت وكاعده المها ليش ليش عمتي صاحت شبيج وياه وهيج صار شنهو تكلين اله تحجي وي امك شحاجي وياي
سكتت عنها ضليت الم بملابسي لميتهن كلهن
عمتي تحاول تهدي الوضع تطب وتطلع عفيه يمه عوفي هسه يهده وانه قفلت ابد
واسمعه يكلها عوفيها عوفيها اذا ما ادبتج بس شوفي شراح اسوي بيج
راسي موتني شبعني تكفخ على راسي لميتهن دموعي احسهن يبسن بعيوني ما قبلن ينزلن ولا انه قبلت الهن ينزلن دخلت تحدي وياهن احس نفسي
طلعت والجنط بيدي لكيته كاعد يدخن اول مره يدخن وكبال امه وهيه تصيح عليه كوم مرتك
التفت عليه يمه لعني الشيطان وعوفي هذا ارعن

عمه اريد اروح عفيه ودوني
صاحت وعمج شكله ياااا حميد طركاعه تفلك ولك كوم راضي مرتك

.... ما ادري منو كلهم انو عادي يجي يطك ونفس السرعه يراضي ووارضى هسه احس نفسي كرهته كلش كرهته مو هنوب يجي يراضيني

صحت اريد اهلي اريد اروح اذا ما توديني اخابر

لا تهددين يالله امشي ااامشي

عمتي وراي وانه الم بلجنط واما اكدر احرك رجلي وهيه تحاول تهدي الوضع وتطفي النار بس ما تدري كل حجايه تحجيها تزيد النار
كرهت وجوده مو بس لان ضربني لا لان حجه ويكل لعمتي تكلي شلون تحجي وي امك
كرهت وجوده لان عيرني وانه مو مذبنه علمود جي والله طحتي وارجع اكله مو كومني لا كال الله وهو مصر

صعدت بلسيارة الطريق كله ساكته ما صعدت كدام كعدت وره وهو احسه غلى ساعه يكلب بيه السيارة يمشي سرعه وانه ما مهتمه. اريد بس اوصل
اكو شي بكلبي رغم ضربني واذاني بس مرت ساعتين وكأن كلبي يكلي سامحي خلص يس رفضت وتبعت عقلي
ساكت ما حجه شي بس قبل لا نوصل كلي انتي تتندمين وشوفي اطلعج غلطانه كدام الكل رجعي وياي احسلج

.................................................
زينب
بس صعدنه نزلنه على صوت صياح رعد
طفر وانه وراه هاي شنوو شصاير يا ستار يحجي ويلبس بملابسه وانه وراه
ركضنه بسرعه واسمع اخوو ابو علي
ولك طايح الحظ شلون تصيح على ام علي

ما صيحت خويه شصاير غير افتهم
تدخل عمي بويه انته مصيح على ام علي
وكايل الها مالج شغله بينه
يبه مو هيج ما حجيت هيج

ابو علي.. تجذبني ولك شغله نسوان ..دار على ابوه بويه رادت تشوف شنو جايبه مرته داير يكلها مالج شغله بينه

يبه بلعباس مو هيج ..خويه افتهم كبل ما تحجي

انته اسكت شنهو قصدك افتهم ام تتبلى عليك كالت روح حلفه اذا جذب وخلي حتى مرته تحلف

يابه ما تحجي على شنو احلف من كالت شدعوه راح نحسدك
كلت الها لزمي روحج شعليج بيه بس ما صيحت

ولللك هااا باع يابه ويكول ما غلطت باع يكلها لزمي روحج مو عيب عليك بالله تكل لمرتك هيج

بويه ماتحجي
عمي تدخل من ابو علي غلط كله الزم روحك لا ادفنك هنا مو عدالك كبرت ما اكدر الك

اسف بويه ... اسمع ولك انته طول عمرك تمشي وره مرتك تضل ليمتى .. كان عمي يحجي بصياح حتى يسمعها
كله باع هسه اسامحك  الولد رعيد ما حاجي شي وانته كل لمرتك  لا تدخل بلناس
دار على رعد ..انته. رعيد مو عبالك سامحتك خلي
بالك ادفنك لو اسمع متجاوز على نسوان اخوك فهمت صار بويه صار

يالله فارج انته وهو اربع وعشرين ساعه ليكول نسوان تمشون وره كلامهن ترى  المره الي تحش براس الرجل على اخوه مو مره حوك ووولووو ولدي صاروا بيد نسوانهم
جان يحجي بعلو صوته برغم احنه كاعدين نصعد الدرج وهو مستمر بلكلام ابو علي ربد باب الغرفه واحنه صعدنه

المشاكل ما بطلت وخصوصآ بعد ما سمعت بيه حامل وكأن تتقصد تأذيني حتى اشكي لرعد  بس كنت اغلبها بخطوات. ما اشكي ولا احجي وادنى شي تسوي وياي اجاملها بكلمه لو من اكعد وي عمتي احجي وياها اكلها عمه الي يأذيج عوفي هو والله سوي مثلي واكثر من مره سمعتني وحاولت تسوي عركه بس عمتي ردتها شنو البت جابت اسمج كالت انتي تكول الي يأذيني اخلي الله عليه اي واحد يكول هيج

وهيه تكلها اي هيه قصدها انه
عمتي ردتها ليش شنهو انتي مأذيتها
صفنت وما ردت وراحت تدردم وتحجي
البيت ما صفه منها ولا احد سلم والطبيعي كلها تعرفها نسوان حموايني
رعد بعد ما عرف بيه حامل ما يقبل انزل كل هاي بس انه من اشوفه ما هو انزل حتى ما اخلي عليه حجه
وبيوم تخربطت كلش ضليت انزف كلت هذا هو راح يروح مثل اخو
الدكتوره تلاحكت للطفل وكالوا نسوي ربط الطفل حتى ما يوكع وصدك سويت عمليه ربط
هناك وخابرت اهلي تفاجأت من سمعت برفل والي صار بيها
رغم عروس والله لو غيرها مدللله
بس شنسوي هذا حظنه
نايمه يم رعد بليل اسمعه يحجي بلحلم
انه انه اوكف انته لا تروح
فزيت واسمع كلامه
رعد شبيك
مابيه شي اعوذبالله من الشيطان الرجيم
انطيته ماي شرب ونام
....................

في البارتات القادمه
يمممه عفيه كولي موهو
انته بعدك عدل اشك انصدمت بعدها وما حجيت ابد

يتبع منى الطيف
.