رواية طيحة عكال الفصل الرابع عشر 14 - بقلم لحن الهدوء

رفل .. بديت اتعب من الطريق حسيت نعست وصلنه كال انتي الخسرانه اطلعج صفر

مايهم تطلكني غصبآ عنك

نشوف يا رفل نشوف واشوفج وجهي الثاني وطلاك ما اطلك نزلي وهاي الغصب عنك اذا ما خليتج كدام الكل تتعذرين منها

نزلت جسمي يون عليه ابوي فتح الباب بس امي وهو امير ماكو
بس بوسني بجيت
هلا عمي هلا بيكم تفضلوا خيير يابه شبي وجهج

عمي ماكو شي شوي خلاف بسيط .. باوعت عليه خزرته ضل يباوع لابوي متجاهل نظراتي
عمي رفل تجاوزت عليه تكلي شلون تضحك وي امك وانه ما تسولف وتضحك وياي
طبوا بويه تعالوا عيب كدام الناس شارع هذا
طبيت جوه وابوي وراي صاح على امي جاي سلمت وراحت تسوي واجت يمي شبيج يمه شصاير
مابيه حجيت وبجيت يمه موتني شبعي كتل وكل ما احجي شي يسطرني والله مو قصدي اكله شلون تضحك وي امك بس هو اتسودن شلون كتله لو ماخذه هذاك مو اشرف الي
وكام ما اعرف مين جاب هلقوه

وشبي انجلب شماله امه وين عمج

محد كدر اله عمي ما موجود

تعاي خل اشوف شنو يحجي راحت صبت جاي وطبت سلمت وكفت مابيه حيل اريد اروح واطلب ااطلاك
بس خوف من ابوي وكفني
منعت روحي وطبيت
تمددت على الفراش بعد ما فرشت
احس دوخه براسي وتعب الطريق موتني نعست سمعت صوت ابوي فوك راسي كومي رفل شبيج بويه

فتحت عيني بتعب مابيه شي نعسانه
غير تكومين حتى نتفاهم
كعدت والنعسه بعيني

هاا يابه
شبيج وي رجلج هو كال خل ترتاح واجي عليها

ما ارجع لو يموت خوش تطلكوني

انجبي ولج شنو طوله هلسان اشوف طكج اثاري صدك لسانج طويل زين يسوي بيج

يبه مد ايده عليه شبعني كتل شوف .. ضليت اشيل برادني وارويه

عادي مره ورجال تصير يابه تصير ماكو بيت مابي مشاكل والشيطان شاطر بنيتي لا تخربين بيتج

يبه طكني

يطبج مرض .. ضل يصيح عليه وانه منا هذا كتل وطريق طويل وصياح ابوي خبلني من ضل يصيح فقدت

ماتشوووووف اكلك طكني طكني ... احجي وادك على صدري موتني وتريد ارررجع

ابوي ما تحمل صياحي عليه
ادب سززز طايحه حظ بدون تربيه ولج شلون تصيحين عليه اذا وياي هيج وي رجلج شلون ما ينلام بيج وحيل السواه بيج قليل ولوو ماهو هيج مسوي انه جان ربيتج الظاهر ما انطيتج تربيه صيح وغلط وامي تهدي بي ماكو
فقدت انه
طلع وامي رجعت تلوم بيه سكتت بألم

بطني مغصتني حسيت روحي محتاجه للحمام رركضت وامي وراي
تعاي شبيج ولج
بطني بطني انطركت
شوفي هاي صياحج سديت الباب ضلت واكفه وتكلي هااا شبيج اوديج دكتور خاف بيج شي جي طكج خاف طلعي خل اشوفج
روحي مبهوته وراسي احس روحي جاي تطلع اريد اذب من راسي ما اكدر فتحت باب الحمام
مابيه شي يمه ..بتعب
يا مابيج شي باعي وجهج شلون صار اصفر تعاي تعاي مشتني للهول رجعت جابت جرجف لزمتني البارده ضليت ارجف
كعدت يم راسي وتقرا عليه ايدها وحنانها مستحيل يعوضه حب ولا رجل ماكو احد بلدينا يحبني مثل امي احس براحه وهيه تمشي ايدها على راسي شافتني ارجف
يااا ولج شبيج ترجفين

مابيه شي احجي بلكوه يمه غطيني بارررده
يااا ربي منين اتكله المصايب ليكول ما ادري شمسويه وهيج الدنيا تسوي وياي تغطيني وتحجي نامي نامي ارتاحي هذا حظي جبتها تعب بتعب بالله مو دك رجل وما خلاج تمشين لغيره عبالي يدللج هذا نهى عليج كلت بس هو وبس تالي ما تالي طاح حظنه وياه عباله المره بلضرب

يمه طلكوني ما اريده

ارتاحي وربج يحلها ما يترك حمل مطروح حشه

يمه اكلج ما اررريده

ولج ما جنج مريضه الصفرا باعي وجهج انكلب ليمونه خل اكوم اسوي الج شي تشربينه خاف هبوط وهيج صار وجهج

باع انه شحجي وهيه شتحجي

خايبه ام رجفه تجرين بلكلمه جر خل اكوم وداعتج هسه تنسين بعدج جي حمة الصواب

كامت شوي وطب امير
سويت نفسي نايمه شفته من دخل ما بيه اكوم واسمع اسطوانه ثانيه غير اسطوانه ابوي شي اكيد ما ينطي بابن عمه ومن اجه من وكت عرفت ابوي راح كله حتى ما يستمع الي ومن طرف واحد فنقل وجهة نظر احمد اله وانحلت المشكله بنظر بابا علمود امير ما يحقد بس حقدي منو يزيله مو جذب صرت احقد اكره اتنمى يرجع ويموت ويجيبون جثته واكعد اعاتبه على الي سواه بيه اريده يموت حتى اخلص كرهته وكرهت كلشي متعلق بي
صار الليل امي سوت عشه جابت الي صينيه بحدي اكلي يمه ما بيج حيل سندي نفسج

ما اشتهي يمه
مايصير هيج يمه ما يصير ما دخل شي بطنج
كمت عليك ياعلي بلكوه يالله دخلت جم لكمه لعبت روحي ركض للحمام ذبيت من راسي
امي وراي وابوي وامير
شبيج كلها تصيح ... ما اكدر احجي اجر الكلمه كوه
طلعت بطني تأذيني ودايخه لازمه راسي وبطني بايدي الثانيه ابوي كل لامي حط عبايه على راسها خل ناخذها
اخذوني للمستشفى بليل للطورائ
امي بس حجت للدكتور عدها دوخه ولعبان نفس كال متزوجه
ايي دكتور
هاي الورقه روحي سوي تحليل
ابوي بره وامير وياي يمشي كبالنه طبينه سويت تحليل دم وادار شوي وصاحوا اسمي رجعنه للدكتور كال حامل هاي اعراض طبيعيه بس راح اكتب الج حبوب عن لعبان النفس
صفنت ليش هيج ليش فوك ضيمي جملوني
ردت اطلك واخلص اجه من يزيد همي
رجعنه للبيت وسط فرحه ثلاثيه من امير وابوي وامي اله انه ما شملني الفرح احس سجين ونغزت كلبي نغز وجعه بكلبي هسه مو بطني
الطفل ما اريد اصلآ قبل ساعه كاعده وافكر
اخلي يطلك غصب عنه اسبه واغلط عليه واشوف شلون ما يطلك

هسه اجه طفل ابوي يغني داخل حسن للرجعه يريد بس يرجعني هذا الفهمته من كلامه واحنه بلسيارة راجعين للبيت دار عليه انه وامي شوفي بويه مو كتلج الي بي يسوي ربج هذا الطفل يصلح حالج انتي ورجلج هسه تشوفين لو سمع بيج حبلى يجي يركض
ساكته ما رديت عليه شنو ارد لو شما احجي يصفون ضدي خل اسكت احسن

وصلنه وامير تبعني للغرفه
رفل حتى ما لحكت اسلم واسألج شنو الصار بينكم
ابوي كلي انتي وياه مشكله وطكج
اي صح مثل ما كال ابوي
خويه عيب المره تطول لسانها على الرجال ترى احمد خوش رجال وابن عمنه ومنا وبينا لا تخلينه نخسره وتخرب علاقتنه بيت عمج اذا اجه عليج رجعي فكري بيتج وبأبنج الي بطنج
عرفت الموضوع اصلآ ما فاهمه وحتى لو احجي مترسخه باله فكره انو انه غلطانه
طلع وهو يكلي انه ما اريد خراب بيتج وصدكي وثقي بالله لو ما اعزج ما اكلج هلحجي لا جريتج وديتج اله لان اعرفه شكد رادج والدليل وكف بوجه عشيره حتى ياخذج لا تصعبين الامور

بالله هذا شكله اكله اخذني حتى يرواني المر على اصوله ولوو هذي الوريكه من هاي الشجيره على كولة بيبي كبل

نمت بعد تعب يوم كامل بدون دقيقه راحه

كعدت الصبح وافكر هسه شنو شراح يصير وياي ما عندي شجاعه بقت اوجه ابوي ويضل يغلط لو اكله طلاك وهسه يكلي حامل ونفس حجي امير هو مو حامل ولعب جوله هنوب وياي طفل

ردت اتصل بزينب الساعه عشره حتى ابلغها وامي لكيتها تحجي وي اختي ام عون
والله يمه شسوي يعني خطيه كاتلها مكطعها وابوج يكلها رجعي

ايي ايي هو حتى امس حجه وياي يكلي اعقليها عدها طفل بطنها

تخربطت فد نوب ايي يالله يالله الله وياج انشالله يوصل مع السلامه يمه
درات لكتني واكفه فوك راسها
اسم الله شبيج خرعتيني

يمه اريد الموبايل اتصل بزينب
هاج
اخذته منها واتصلت بزنوبه بلغتها على حملي
هيه تصلي يارب يكون واسطه خير بينج وبينه وتحلون مشكلكم يارب

بس ما اريده ولا اريد طفل يربطني بي اريد اتطلك وابوي يكلي ترجعين وامير امس يحجي بللغاز وشكله يهددني حتى ارجع

عوفيهم اكلج رجعي والله تدرين هسه يتعلق بيج
تدرين رعد شسوه بيه مو راح ابني بسببه علمود كلمه تافه انطيته فرصه وشوفي شلون تغير انتي هم انطي فرصه وشوفي واذا ما انعدل تطلكي
ما اكدر اكلج ما اكدر لعبت روحي منه

كيفج انتي ادره بروحج بعد التشوفينه صح سوي ولوو اشك ابوي وامير يوافقون

هو هذا الي مربط اديه والله جان رحت هسه قدمت عليه دعوه وخلصت

لا رفل لا توصلين الامور لهيج ترى كلها توكف ضدج

يالله يالله الله وياج

مر اسبوع يتصل على نقال امي وتجيبه وما ارد بيوم نمت من وكت ثاني يوم كعدت الصبح سمعت صوت
هذا منو جني سامعه هلصوت مشيت للمطبخ لكيته هو وامي يسولفون
جسمي صابته رجفه ضليت بس ارجف
رفع راسه باوعلي هاا شلونج رفل تعاي تريكي
التفت امي
تعاي يمه تعاي
ما ااااريد

ليش اجيت .. امي خزرتني كالت تعاي كعدي انه كايمه اشوف شغلي رجلج امس وصل شافج نايمه ما قبل يكعدج

راحت ضليت واكفه صاح تعاي كعدي ترى ما نكرص
ررروح منا لا تروايني وجهك
خلص ما تشوفينه بس خل نتفاهم على شغله
شغلة شنوو هااا انه ما اريدك بيمن تريد احلفك اكرهك وما اشتهي اشوف وجهك

هههههه ادري بيج .. ضل يضحك ويستفزني
لا تضحك هيج وجهك يخرع
اي اشوف وجهج ورد من شافني
احمد.طلكني
لاااا مو هسه بلاول خل ارويج شراح اسوي وهنوب اطلك
شراح تسوي بالله
تريدن الصدك بعدني ما منتقم منج على كلمه كلمه تندمين شنو حجيتي عليه شلون وافقتي يشوفج غيري وانه جنت اخاف من الله اخونج بنظره وي غيرج

انته مو صوجك صوجي انه الوافقت واخذت واحد مثلك
وشبي المثلي وين يتحصل عوفج من هلحجي الماصخ عمي خابرني كال رفل حامل
عساه لا اجه ما اريد منك شي طلكني احمد طلكني

وليش انتي طولتي لسانج .. اي طولت ومنا ورايح راح تشوف رفل غير
هاا افتهم انتي ترجعين وياي ياالله كومي هم يالله نوصل من وكت
ترى ما كلت ا رجع ... اي بس كلتي رفل غير واريد اشوف هاي رفل وينها اشوو تحجي وجاي ترجف واديها شي عاصره شي

نزلت عيوني صدك اديه ترجف ولوو جسمي كله يرجف مو بس اديه........
امشي يالله ولا تطولينها كافي
مديت ايدك عليه بكل شي تغلط وتطك
تستاهلين من اشوفج اتذكر كلشي
محد جبرك ترى ولا كلت الك تعال

.....................................
احبك اتتركني اتعذب لماذا تفعل ذالك

زينب خوله ما بطلت كلام يوميه عركه ومشكله وياي عمي افتهم مغزاها تريد بس تعزل وهذا سبب مشاكلها ويانه فقرر ينطي حل خلاها تنصدم وتزيد نار وقهر وحقد وغل فوك ما هيه مسودنه
جنه كاعدين على العشه كل احنه هيه جانت كبالي يم رجلها انه بصف رعد باوع عمي على رعد ورد على ابو علي بكلبه حجي بس اعرفه لعمي ينتظر يوم يطك بي القنبله واجه اليوم كعدت العصر مسويه شغلي كله بس هم انزل اسوي شغل خاف اكو شي ماعون ذابي ماكلين بي نزلت
جانت تعجن باوعت عليه بحقد ورجعت نصت لكيت صينيه اكل موكله جهالها حطيت بسرعه وغسلتهن دارت عليه. اكلج كلي لعمتي منا ورايح انه اعجن وانتي تخبزين
مالي شغل انه روحي انتي كولي الها
شنو يعني ما يصير اطبخ واعجن واخبز
ترى عليه البيت كله من فوك ليجوه اكنس وامسح واغسل هدوم انه اماعين مطبخ اربعه وعشرين ساعه ايدي بي

هاي يا هدوم وشنو مسويه انتي على مسحع البيت خاف اشتغلتي اكلج هدومنه احنه جاي نغسلها انتي هدوم رجلج بس وهدومج

ايي وملابس عمتي وعمي انتي ما فد يوم شفتج مديتي ايدج على شي غير بس طبخ. وعجن وخبز

يااااا تعيرين عمي وعمتي بغسل ملابسهم
لا تكلبين الحجي ما حجيت هيج

اشو هاي انجلبت شالت المعجنه وهدكتها بلكاع وركضت لعمتي تعاي تعاي هاي جنتج الي تدفعين عنها شوفيها تكول والله اسوي البيت كله وملابس عمي وعمتي جاي اغسلها

اجيت اركض وراها عمه والله موهيج هيه تكلي على الشغل كلت الها كلشي عليه ومن كالت انتي ما جاي تغلسين بس ملابسج وملابس رجلج كلت الها وملابس عمي وعمتي ترى ما بيها شي حجايتي بس هيه مدري شمالها اشو تريد بس تعارك

عمتي كانت ماخذه دور المستمع بس تباوع علينه هاي تصد وهاي ترد
رجعت هيه صاحت عليه صخام الصخمج قبل لا تجين انه لايفه البيت لوف اغسل واكنس وامسح ملابس عمي وعمتي بدون محد يدري يغسلن وانتي جايه تعيرين على هاي الهدمات

الله ياخذ حقي منج انتي وحده ما تخافين الله روحي مسلمتج بيد ربج

شافتني حجيت هيج وضلت تخرمش بروحها وكعدت تدك على نفسها وتصيح وعمتي تهدي بيهاا
وتسكت وهيه قفلت هذا حالها كل ما صارت مشكله وتلم الناس هده الوضع صعدت فوك وانه فايره منها ربي ياخذ حقي منج ما تفوت الج

بس خايفه تفر السالفه عليه شكلك باعي تعير على الملابس يارب شلون راح تخلص

بطني ضلت توجعني لزمتها حسيت روحي راح اطرح من كثر الالم
يارب فوتها على خير
والله نص ساعه وصعد رعد
هاي شمسويه ما تستحين انتي وتالي وياج

شنوو رعد بسرعه اجيت غير تفهم السالفه بالاول
لا انتي هواي انطيتج مجال استخطيج واكول خطيه بس عيب عيب عليج تعيرني بامي وابوي على جم هدم

ترى والله مو هيج ومستعده احلف حلفوني والله.رعد هيه بدت وتكلي انتي ما غاسله شي وكلت الها هيج
سمعنه صوت عمي صاح تعالوا كلي نزلي وراي بطني انطركت بدلت بسرعه لان من صعدت لبست تراك حتى ارتاح
كال تعالوا كعدوا
احسن حل المشاكل ما راح تخلص
ابو علي .. اي بويه احسن شي نشوف حل

اييي هو خلني اكمل شفت حل انه شفت واحسن حل نبني لرعد ويعزل هو حجه هيج لو طلعت عيون خوله وكأن متقصد يعزلني
يتبع منى الطيف