طيحة عكال الفصل الثالث والعشرون 23 - بقلم لحن الهدوء

كل ما شاء الله به ١ش٨ وانت تتركتني بحاجه اليك والا يجوز لي الفرح ام هناك لعنة حدثت لي فجعلت وبددت كل شي بلحظه

زينب صدمه ما بعدها صدمه صرخت بوجها من ارتبكه ما عرف شيسوي سد النقال ايده على وضعها
شبيج
ابتسمت بسخريه
رعد ههه جج عود صدك

رفع عينه انتي فاهمخ غلط

شنو الي فهمته غلط بالله

بكفيج تصدكين ما تصدكيين مشكلتج

خله وراح تبعته واعصابي نارر بدي اكطعه
يريد يتغطي
كووم احجي وياك

شبيج انتي غير تحجين

تخووني رررعد تخووني تحجي وي بنات

لا تسوينها سالفه ماكو بنات ولا شي

سمعتك ترى

وشنهو سمعتي بالله ... سكتت ما حجيت
ما تحجين خاب شنهي تسوينها سالفه ما تسوه
ما تسوه هيج عندك سمعتك تهمس وياها شنو جنت تحجي
احجي واعصابي محتركه حرك وهو ولا يمه اريد انام وراي شغل
عافني وانخمد ما كدرت افك حلكي واحجي شي شحجي وشكول كلت الصبح اطلع واعوفه اروح لاهلي ما اضل يمه
اليل كله بس ابجي شنو لكه يمها منو هاي منين عرفها الف سؤال وسؤال يتردد بعقلي

صبحت الصبح ما لكيته لميت ملابسي وحلفت انو ما اضل وياه
بس اجه الظهر كتله وديني
بالله رجال جاي تعبان ومنعول سلفه سلفاه وانتي جايه تكولين وديني

طلكني رعد طلكني

ههههه انتي شبيج خاب مخبله وعلي مو صاحيه

اصحى منك خووش
حدج ترى وصلت عندي لهنا اشر على ركبته
تطلك وكلمن بطريق
انتي حلبى لو نسيتي

ما نسيت ولا اريد منك شي عوفني روح لهاي الي تخابرها

ههههه شبيج خاب والله ما عندي شي وياها

ما عندك صدك كلش امشي وديني

كافي ترى ما عندي شي اجه يريد يحظني دفعته وديني اكلك
ما اودي ما عندي شي كتلج

توديني حتى لو ما عندك شي سمعتك تحجي وي البنات ليش بشنو قصرت وياك
جرني من ايدي وانه ادفع بي عوفني دخلني للغرفه سد الباب كعدني بقوه على الجربايه نزلت دموعي
كافي وعلي ما عندي شي وياها
ليش بس كلي ليش
هيج نزوه وصارت صاحبي انطاني الرقم

صاحبك .. رفعت حاجبي بخزره
ههه عيونج يخوفن غير تخليني احجي هسه باوعي
هيه لزكت اله اريد احجي وياه هو كلي واخذته

وما عرفت تحجي وياه وتكله عيب هذا عرض

نصه راسه ماكو شي بيني وبينها هيه لحت ورادت تحجي وياي كالت ودي رصيد وهذا اول اتصال مستعد اسبح واحلف الج
وانه ما فكرت بيه ليش هيج سويت
ما تنعاد زينب اذا تردين خلي النقال يمج
حجيت حجايه ندمي عليها لحد الان مو قصدي اكول اله بس ردت ابين اله انوا لو انه
كتله لو انه مخابره من وراك تقبلها عليه
سطرني على وجهي بت الك...... عيديها اله اشك حلكج
ايدي على خدي واباوع اله
شوف مجرد كلمه شصار بيك جااا ما فكرت بنار الي بكلبي هسه اشرت على روحي
لا تقارنيين نفسج بيه الرجال يختلف عن المره

سكتت بس عيوني رفضت السكوت دموعي شكد ذلتني بوكتها من نزلت كباله

اخذ ملابسه وطلع من الغرفه
كال كافي بجي وكومي تحظري بيت اختج جايين بعد شويه
رفعت راسي باوعت بحقد دار وجه وراح

......
رفل.. بس خلصت غده وكملت خلصنه شغلنه انه وجيهان
كلت الها راح نروح لزينب تجين
فرحت كالت اكل لامي وابدل
بعدين عمي كال كلنه نروح الها هم كدام رجلها وناخذ هديه زينه طلعنه من البيت للسوك نزل احمد جاب مبرده وعمي اخذ الها ثريات
وصلنه كان بيت بنيانه حديث وحلوو وبنفس الةقت مرتب وزغير مو كلش جبير بس حديقته كدام البيت كلش حلوه
مخلين نصها للزرع مبين لان التراب منثور

طبينه الهم رجلها استقلبنه وهيه وراه سلموا دخلنه كانت مبينه من عيونها ضايجه
كعدنه بلهول
بس جيهان دخلت بغرفتها استحت من رجلها شوي وتبعتها للمطبخ عيون احمد عليه يكلي كعدي

تجاهلت نظرة ردت اشوفها شبيها وهم اسألها
بس شافتني وراها نزلت دموعها
شبيج ليش تبجين عوفي الصينيه انه احظر
لا روحي كعدي ما عندي شي
اوكفي اوكفي شبيج ليش منو وياج ررعد

هسه مو وكت حجي خل اصب وامشي بغرفتي

صبينه وانه اخذت صينه العصير وهيه اخذت صينيه الكرازت ودينه ورحت كعدت شوي وطفرت لغرفتها اجت وراي ضلوا بلهول عمتي وعمي واحمد ورعد يسولفون

لكيت جيهان تباوع على روحها بلمرايه
هاي شجاي تسوين
خاب شني شمالج هو هيج اليفتح الباب عبالي رجلها

هههه ورجلها يطب عليج ما يدري بيج انتي هنا

كلشي يصير
طبت ورانه زينب
جيهان حظنتها ولج خايبه والله اشتاقيت الج تدرين شكد متانيه شوفتج

حتى انه والله شكد مشتاقه الج ايي اشوفج اجيتي
وين اجي وين الحك

هنه يحجن كلت لزنوبه الحمدلله كعدتي وخلصتي من هاي السلعوه الجربوعه ليكول غوريلا شكبرها
اه اه
شبيج زنوبه حجينا سوه انه وجيهان

كالت ما اعرف شحجي كالت هيج وبجت
شبي رعد
تحجي وتبجي رعد لكيته يخابر بنات
يااا حطيت ايدي على راسها وهيه مدنكه
شمالج تبجين صدك جذب علمود مخابر
رفعت راسها تباوع الي بحقد
يااا شبيج تردين تاكليني ما حجيت شي بس اكول يعني شفتي يخابر لو غير شي
شنو قصدج غير لا تزيدين ناري هو شفته يخابر يحلف يكول هاي اول مره وصاحبه منطته الرقم

نطت جيهان يعني صاحبته وصاحبته صاحبه حلوو

رفل.. انتي سكتي شنو رعد مو هيج ما اضن بي هيج سمعي رفل كولي شنو الصار شلون شفتي

شلون شفته هو كمت بليل ما لكيته يمي فريت البيت كله ما لكيته طلعت بره لكيته جاي يخابر ويكلها على رصيد بس شافني ارتبك واليوم كعد يحلف ويكلي اسبح واحلف هاي اول مره

رفل..ترى رعد مو هيج مدام كال هاي اول مره يعني صدكي يجوز حب يشوفها شنوو هيه

شنو حب يشوفها وانه نار البكلبي محد يعرف شبيه
اكلكم مخابر على بنيه تكولين واذا يجرب شنو هو ما عده احساس بيه وفوك هذا يكلي اول مره يا اول مره

جيهان .. بس اشوو اشوفه خووش ولد والله

رفل .. جاا شبي هو مال خوش ناس ولدهم دره شفتي شلون حطوج على راسهم ترى ماكو وحده مثلج تذكرين شلون جنت معارضه والله على زواجج بس والله صدك لو وعسى ان تكرهوا شيآ وهو خير لكم

جيهان .. خير لكم شنو هاي معوده تكلج يخابر يخابر ما كالت وداني رحله لباريس

.. شعدها ام الرحل عود انتي روحي لباريس فرت نفسها على زينب
كالت .. زنوبه خاب هاي اختج العوجه عوفيها مالج شغله بيها سمعي خل اكلج شغله شعلي كلبه يولي شنهو يخابر ويصاحب جاا المن متزوج

.. عوفج منها وسمعي اكلج كعدي انتي وياه وتفاهمو

يا اتفاهم اكلج كتله طلكني ما اريده بعد

هههههه كبلج كلتها تره محد يطلكج والله العظيم ترحين منا يرجعوج منا ياهو يطلكج امير لو ابوي
والشغله ما مستاهله تسوين هيج وتطلكين وهاي غلط وكلج اول مره هسه زعلي عليه وشوفي اذا اجه اعنذر وصالحج انطي فرصه اعتبريها فرصه وبعدين لا تنسين انتي حامل ياهو يقبل يطلكج اعتبريها نزوه ومشيها بمزاجج بس هاا مو بسرعه زعلي وبيني زعلج ثكيل..حجيت وياها هيج بس كلبي شاب نار وانه افكر ولووو مجرد تفكير اذا احمد هيج سوه مستحيل اضل وياه ولوو ادري مدام عندي اهل هيج ما راح يوكفون وياها وما ردت اخرب بيتها والله شاهد رعد احترمه كأخ سلامه وثكله صدك ولد شيوخ بس الشيطان شاطر وغلطه الشاطر بالف هو مو النوع الجذاب حجي زينب عنه ودلاله الها بكل لحظه وكل ثانيه نذكره ...

زينب .. ما ادري كلبي ماكؤل منه شابه نار هسه كل شوي واكول منين عرفها خاف متزوجها ويجذب عليه ما اريده خل اطلك بس اجيب اطلك

.. لا زنوبه لا تكولين هيج ما يصير ترى جان بين عندج لا تخلين شماتج يضحكون عليج ولج اولهم مرت حماج والله تركص الها بجفيه على ابو باوعوا مو هاي العزلتها بيت وحدها شوف شلون عافتك صبري وواختبري وشوفي هنوب ااذا صدك ضل وشفتي عليه شي اتخذي قرار وانه اول وحده وياج

اخخخ اخخ .. حجت وبجت
كافي ياعيني كافي الشغله ما مستاهله كل هاي الدموع

اندك الباب
دخلت عمتي هااا ولجن شجاي تسون
جيهان ردت يمه تعاي شلون فاتج فلم
كرصتها بيدها سكتت
كالت شنوو من فلم

ابتسمت الها هاي جيهان هيه فلم اليشوفها يكعد يضحك عليها

يااا وشبيه

ما بيج شي اسم الله
هسه عوفنه منجن كافي مناكر
كولي يمه شلونج صحتج مرتاحه انشالله

الحمدلله عمه مشكوره على جيتج تعبانج والله ليش كلفتوا روحكم بلهديه جيتكم كدام رعد كلش كافي

يااااع شلون ما نجي والله عمج ما يدري واختج هاي كدامها حتى رجلها وهيه ما حجوا بس كلت لجيهان امشي وتالي دريت انتم حاطين وكتله لعمج كال شلون يصير كلنه نروح

تسلمين عمه مشكوره
شلون الحمل وياج خوو ما متعبج
لا الحمدلله شوي احسن
الحمدلله ديري بالج على نفسج وعلى رجلج ترى دره مال الله والله عمج توه يوصي بيج
كله بعيوني شعدي غيرها خوش زلمه الله يخلي الج

مشكورة تسلمين عمه
................... ...
زنوبه... شوي وصاحوا عليهم حلفتهم يضلون على العشه ما قبلوا ورعد عزمهم الجمعه كلهم مسوي غده هنا جيبوا الاهل وتعالوا راحوا بعد ما ودعتهم
رعد ما احجي وياه وهو يريد شغله يكلي بيها سوده عليه
زعلت عنه اسبوع انه وياه ما نحجي وي بعض كام جاب النقال جنت توني شايله صينه الاكل وديتها بلمطبخ صاح هاج هذا النقال خلي يمج خاف تكولين جاي تخابر
شسوي بي
انتي ليش ما تصدكين هاي ما عندي شي وياها عمج بلقرآن والعباس ابو فاضل هاي اول مره وحظي الفكر الزفت جابج وراي ما تكليلي شكعدج .. ابتسم

كعدني حظي حتى اعرفك على حقيقتك
هسه تعاي خل ارويج حظي وياج شلونه
اجاني صار وراي حظني وخر
ياالله خاب شمالج الغمه احبج
ضل يعتذر ساعه كامله اروح منا يجي وراي اجيت منا اجه طبيت للغرفه اجه
هسه انته ماتنام شعدك لازك الي

غيرر احبج جاا ليش اجي وراج لو ما احبج اعوفج زعلان الاسمر ما يكلي مرحبآ يغني ويركص
هو الزعل شيفيد غير انه احبج يالله كولي مرحبا

لا مرحبا بيك
ههه يالله هم امشيها لخاطرج كافي عاد فصيها
سامتحه بعد ما طلع روحي وهو محتار خاف الزمج منا ويتأذه الطفل ...المهم حياتي انكلبت رأسآ على عقب بعد ما فرحت بي وب جهالي
.........
يتبع بقلم منى الطيف

حبايب عذروني كتبت واجيت انشر ماكو نت رجعت طلعت وره ربع ساعه اجيت لكيت ٧٠٠ كلمه ضاله حظي فكر شسوي الوتباد جوعان يجي بس من اكتب اني يكرط ويروح. باجر انشاالله انزل النهايه تحياتي لكم منى الطيف