طيحة عكال الفصل الثاني والعشرون 22 - بقلم لحن الهدوء

اضغط على النجمه😍

اعتذر النت يمي كلش ضعيف ما جاي ينزل البارت

تنسى وانسى اخطاء نغفرها لبعض لا نتعمد فيها فقط كلامنا هو مبرر لها
اتترك كل شي اهذا ما وعدتني به انت روحي فقط انا

زينب انتقال لبيت جديد رعد جان فرحان حاله حالي ويمكن اكثر انقطاع عن بيت اهله ماكو اربع وعشرين ساعه عايفين البيت ومكابلين اهله

جنت نايمه بليل وهو يمي بطني تكبر كل مالها وبلكوه اتحرك
فزيت من نومي ماكو
حسيت اكو شي بس اخر شي اتصوره هو انو يخوني كمت على كيف ما ادري ليش كلبي كرصني وحسيت اكو شي مشيت للحمام ماكو الباب مفتوح بلمطبخ ماكو
طلعت بره واكف يم شباك المطبخ وكان بيده تلفون ويحجي وراه انه ماشافني سمعته يكلها لا حبي عليج الله ايي ادز ولا يهمج هسه اشتري رصيد وادزه
صرخت بعلو صوتي
ررررعد
التفت متفاجأ
زينب
......... .......
رفل ..
فرشت فراش اله بلكاع وهاي اول مره كل مره احاول بلكي يرجع بس مليت خلص نفذ صبري عليه
لمن اجه ضل واكف متخوصر ويتأفف وضايج
بس من كال حسي بيه شوي كافي
التفتت سويت نفسي ما عاجبني رفعت عيوني هاا
يعني شنوو شنوو تسوين نفسج ما تعرفين شنهي
احمد احجي العدك ما اعرف شنو

رفل يعني بالله عليج هذا تصرف وحده على اساس مثقفه تفرشين الي بلكاع
وخير شبيها الكاع مو انته يوميه تنام هنا
اي انام ست رفل انام بس مو انتي تطردين معناها هاي طرده اذا فرشتي

اي مو كلت ليش اتعبك فرشت الك

باوع بعيني خزرني وراح للتلفزيون شغله ونام يباوع سويت نفسي نايمه بعدين كلت ماكو مجال خل اكوم واله اخلي يتحرمس ملابس ومكياج وراشه العطر كله عليه ريحته حيل قويه

سويت نفسي عطشانه واريد افتح الثلاجه
فتحت الثلاجه اشرب بدولكه حسيت عينه اتجهت اليه سويت نفسي ما اشوف
رجعت للمكاني بضجر نص ساعه هو لا حس ولا خبر ليكول كاتله اله عزيز
شوي وصعد يمي
جنت دايره هلى الجهى الثانيه حسيت بي من صعد حط ايده على خصري دانري عليه سويت نفسي مغمضه
فتحي عيونج كافي جذب
ابتسمت وعيوني مغمضه
تكرهيني رفل
سكتت
كولي جاا انتي متعوده تحجين هلحجي
فتحت عيني
هسه انته جاي علمود هاي الكلمه
ايي ما كدرت انساها
صفنت بعينه
اجيت اكله كلامه سكتت
رد كال احجي وخليني ارتاح تدرين ادور الج اعذار اكول يجوز جيف ضايجه منك وهيج حجت خليها تهده وارد اشوفها
ما اتحملت اسكت بعد
احمد على كلمه طلعت مني بساعه حركت دم هيج كاعد تحاسب وانته ما حاسبت نفسك شكد اذيتني شكد شلعت كلبي مو على كلمه انطك مو تكلي انتقم منج
اهووو بدت بعد شيسكتها
ترى ما اجيت احجي بس انته فتحت الموضوع وانه جلي اقارن نفسي بيك
سدي الموضوع يا جلمه ردي لمجانج
شوف ما تقبل على نفسك تحولت انسانه ثانيه وياك لان احبك وانته شنوو سويت احمد شنو سويت دائمآ تطلعني مو زينه وانته الزين

شن قصدج هاا هسه ياهو البده هم كولي انته تعيل

ما حجيت شي
هسه شلون راح نضل نتعاتب ما بيها مجال منا منا
ضحكت
احبج
صفنت على كلمته بابتسامه
ما رديتي
شكول
هاا شنهي تكولين مثل ما كتلج كولي
لا تغشم روحك انته تدري بيه شكد احبك
وشكد سويت حتى اثبت الك بس انته جنت اناني ضليت تدور الزله حتى بيوم طحت
ردت اكمل خزرني
كافي سدي الموضوع عوفج من هلسيرة الكشره ما اريد اذكرها كل ما اذكرها نار تشب بضلوعي
حظني وتقرب الي نفسي ونفسه واحد لاول مره يطبع بوسه برقه على شفتي حسيت وكأن انولدت من جديد
وهاي صفيت حسابي وياج هااا هم كولي ضالمني
هههه
انسي كلشي لخاطر ابني وابنج انه غلطت وانتي غلطتي
بس انه ما غلطت
هسه شلون يحجي ويخزر بده ينفجر عليه
سويته بضحكه خلص شمالك هاي شبيك جاي اشاقه خلص والله من اليوم اوعدك رفل ثانيه تنولد
انتي حياتي رفل حياتي تعرفين شكد تأذيت منج من سمعت منج وانتي تسولفين وي جيهان عن طيحتج
الموضوع هذا ينسي رفل ينمحي من بالج انه ما اتحمل اشوف واحد يصد بنظره مو هنوب تكومين جدامه
بس انته تدري شكد جنت احبك مو جنت ما انام اذا ما اسمع صوتك
اي بس غيرتي اذتني وانه افكر هسه صد الها وعجبته واتأكدت اكثر من اجه خطبج كلت اخلي يكمل وذيج الساعه افشله كدام الكل

تدري بيومها بس العالم بيه شكد تأذيت وانه انتظر واتوسل برب العالمين يرجعك اليه تجي

باوع الي بنظره ما عاجبته
جاا ليش وافقتي
ما وافقت امي كالت ابن عمج ما يريدج وهاي كدامج ابوج كلهم وكله ما اوفق بعد شمنتظره وانته مو كلت تزوجي ما اريدج

كلت بس مو معنى حجي صحيح تاخذين بحجي وتسوين صدك

هسه انته مو كلت خل ننسى شعدك فاتح السيره خلي من اليوم واحد ينطي للثاني فرصه ونبدي من جديد وكأن تونه مزوجين
خوش نومني على ايده لاول مره بعد زواجنه ارتاح لان خلصت من هم عاتبت صح طال العتاب وياه بس حسيت هم وانزاح عن كلبي وهو قبل لا ينام باسني براسي وكلي وعد يارفل اوعدج وعد ما امد ايدي عليج واذا انمدت اكسرها
ثاني يوم كعدت ماهو رايح كعدت بحماس حتى عمتي انتبهت عليه
مم شافتني اضحك وي جيهان بصوت عالي
كالت هاي شنوو اول مره اشوفج تضحكين من كل كلبج
يا عمه تحاسبين على الضحكه
حاشه يمه حاشه على شنهو احاسب بس اكول صالي شكد ما سامعه ضحكتك الله يديمها عليج شريد منج حتى احاسبج

مشكورة عمه
ضحكت جيهان دارت عليه وعلى عمتي تغمز لعمتي
كالت .. اكلج يمه ترى مبينه الضحكه وراها احمد موو رفل

ههههه
عمتي ردت عليها .. علاوة يمه شنريد منهم علاوة نسمع صوت ضحكهم مو احسن ضحك ولا بجي ضحكت وياهن للظهر واجه عمي واحمد فتحوا الباب وطبوا
عمي الله يساعدكم
رديت عليهم الله يساعدك عمو احمد واكف وراه مبتسم غمز الي بعينه وعضه شفته ابتسمت كتله الله يساعدك عمي كال وين عمتج جيهان مالهم صوت

راحوا يصلون
هاا متأخرين صاله ساعه من اذن
ايي مو جانن يطبخن
هاا خووش يالله يبه جهزي الاكل
اجت جيهان احمد طب للغرفه صاح عليه انطيت الاماعين لجيهان تكمل شطف قبل لا نصب
رحت
هاا
حظري ملابسي خل اسبح وجهزي نفسج اليوم نطلع

وين
شنو وين اخذج مفاجأه تخبل

لا عفيه هسه خلي نروح لزنوبه حطوا بيت جديد خابرتني خل نروح نتبارك الهم
خووش جاا الله كريم

حظرت ملابسه باسني على خدي ردت اروح تعاي هييي وين
التفت متفاجأه شنو
شنهو شنو اشو بس انه ابوس وين بوستي
هاا ضحكت اجيت يمه دنك خده هو بسته
ضحك باعي شكد فطيره اله انه احجي مابيج كل فايده

يتبع
منى الطيف

.....