تحميل رواية تزوجتها رافة بعائلتها بقلم اية محمد pdf

الفصل العاشر♡♡♡

قاطعها صوت من بره بيقول: اذيك ي طنط أحلى

نرمين بإستغراب: إنتي مين؟!

وردة بإبتسامة: أنا ا.

نرمين بمقاطعة: استني استنى خليني أخمن إنتي أخت جريح التقيل صح؟!

وردة وهي تهز رأسها بإيجابية: وهو كذلك، واضح إن اخويا كرَّهك فيه من قبل قراية الفاتحة

نرمين بسخط: معاكي حق والله ي بنتي

وردة بسخرية: ولسه إنتي لسه ف البداية

نرمين بضيق: ربنا يطمنك

وردة بضحك: ههههه بس إنتي قمر، عرف ينقى جريح

نرمين بفرحة: روحي ربنا يجبر بخاطرك، الفستان حلو عليا؟!

وردة بإبتسامة: جميل أوي، خليني أربطلك حزام الفستان

ربطت وردة الحزام ل نرمين اللي قالتها بإبتسامة: شكرا ي قمر

وردة بإبتسامة: وردة ي برنسيسة

نرمين بإعجاب: اسمك جميل

وردة بحب: شكرا ي نيرو، كملت بتذكر: يا نهار مامتك دخلت المطبخ وقالتلي هاتي نرمين وتعالي والكلام أخدنا، كملت وهي بتشد إيد نرمين وبتخرج من الاوضة: يلا بسرعة عشان ماما عايزة تشوفك

خرجو سوا وسلمت نرمين على مامت جريح وقالتها ي طنط بعد ساعة تفكير بس؛ الحلو ما بيكملش اتجاهلت جريح وعدت من قدامه من غير م تكلمه، وراحت تسلم على باباه وأخوه (نائل) اللي قعدت جنبه لإن مفيش مكان فاضي، الكل مشغول بكلام أحمد مع والد جريح، وجريح مركز معاهم بغيظ، بدأت بالكلام وهي بتقول.

نرمين بإبتسامة: اذيك

نائل بإبتسامة: أهلا ي مرات أخويا

نرمين بإمتنان: تسلم ي إبني والله، ربنا يجبر بخاطرك

نائل ل جريح بإعجاب: واضح إنك نقيت صح ي جريح

اكتفي جريح بهز رأسه من غير كلام ف.

نرمين بغيظ: أخوك دا بني آدم غتت، الكلام بيطلع منه غصب عنه، حاجة استغفر الله العظيم

نائل بسخرية: إنتي زهقتي وإنتي لسه ف البداية!! لا خلي بالك طويل عشان أخويا وأنا عارفه

نرمين بزهق: هحاول، وكملت بصوت واطي قدر جريح من خلاله يقرأ حركة شفايفها وهي بتقول: بحبه للأسف

بعد شوية خرجو الأهل وفضل جريح مع نرمين اللي منزله رأسها وباصة للأرض عاملة مكسوفة لكن؛ ف الحقيقة هي كانت بتضغط على سنانها من الغيظ بسبب جريح اللي قاعد قدامها ببرود، كل اللي بيعمله إنه بيبصلها بس، فضلو على الحال ده عشر دقايق ف اتكلمت نرمين بعصبية وقالت: طب إيه م تاخد الصورة خلينا نخلص

جريح ببرود: صورة إيه؟!

نرمين بغيظ: م إنت مبحلق فيا بقالك ساعة ف خير؟!

جريح بهدوء: بتأملك

نرمين بخجل: أوه كسفتني، كملت بغضب مفاجئ: تتأمل مين يلا؟! إنت فكرت صدقت ولا إيه؟! لا فوق أنا عارفة إنك مش بتطيقني أصلا 

جريح وهو بيبص ف عينها مباشرة: وإيه كمان؟!

نرمين بتوتر: وبلاش تبقى كداب عشان أنا ممكن أصدق

جريح بغضب مصطنع: بتتكلمي مع نائل ليه؟!

نرمين بتوتر: عادي أخوك

جريح بغيظ: عادي!!

نرمين وهي تهز رأسها بإيجابية: أيوا أخو جوزي يعني أخويا

جريح بتعجب: جوزي!!

نرمين بنفاذ صبر: إنت جاي تستغرب النهاردة ولا إيه؟!

جريح بهدوء: ما تتكلميش معاه تاني

نرمين بطاعة: حاضر

سكت بعدها ف اتكلمت نرمين وقالت بغيظ: إنت ما اتصلتش بيا إمبارح ليه؟!

جريح بصراحة: كنت مصدع ف هكلمك هصدع أكتر ف ليه؟!

نرمين بإحراج: إنت صريح ليه كده؟! راعي شعوري طيب

جريح ببرود: أنا واضح معاكي من البداية

نرمين بغيظ وهمس: ما هو ده اللي غايظني

جريح بإستغراب: قولتي حاجة؟!

نرمين بإبتسامة مصطنعة: قولت نادي عليهم خليهم يجو

جريح بتساؤل: إنتي موافقة على الجوازة؟!

نرمين بسرعة: أنا موافقة والله، أهم حاجة إنت موافق؟!

جريح بهدوء: موافق

نرمين فجأة: لولولولولي

بصلها جريح بصدمة

بره ف الصالون اتفاجئو بزغروطة نرمين ف.

ولاء بإحراج من زغروطة بنتها: أكيد الصوت من بره، مش بنتي لا

وردة بتأكيد: لا دي من جوه الأنتريه ي طنط

ولاء بصوت واطي: ربنا يحرجك ي نرمين ي بنت بطني

ميل أحمد علي ولاء وقال بغيظ: بنتك بتهبب إيه جوه ي ولاء؟!

ولاء بإبتسامة مصطنعة: مش بنتك ي أحمد أكيد، نرمين بنتك تقيلة م تعملش كده أبدا

أحمد بغيظ: ما هي عشان بنتي عارف إن هي اللي زغرطت، خلينا ندخل ل تتصل بالمأذون

دخلو واتفقو على معاد الخطوبة بعد أربع أيام وهتقتصر على العيلتين بس، قرأو الفاتحة وبعد فترة استأذنو عيلة جريح ومشيو

الفترة اللي قبل الخطوبة استنت نرمين اتصال من جريح بس كالعادة مرنش ف تسكت هي.. لا طبعا

نرمين: الو

جريح: الو

نرمين بهدوء: أنا قولت ف نفسي بما إنك عامل تقيل وأنا عاملة تقيلة بقالي تلت أيام ف احنا بالطريقة دي هنتطلق من أول اسبوع ف قولت أحافظ أنا على العلاقة اللي مش باينلها ملامح دي ومش مهم برستيجي، خير ي جريح باشا مش فاضي تكلمني كام دقيقة؟!

جريح بهدوء: حقك عليا بخلص شغلي عشان بكرة الخطوبة ومش هبقي فاضي طول اليوم

فرحت نرمين إنه اعتذرلها وبررلها فقالت: حقك طبعا بس بكرة هيبقى بتاعنا

جريح بتأكيد: أكيد إن شاء الله

نرمين: إن شاء الله وبتردد قالت: اممم مش عايز تقولي حاجة؟!

جريح بعدم فهم: حاجة زي إيه؟! مش فاهم

نرمين بتوتر: عادي أي حاجة

جريح برفض: لا

نرمين بغيظ: لا!!

جريح بتأكيد: أيوا لا

نرمين بعصبية: وأنا مستنياها من مين اقفل اقفل خنقتني وقفلت

نرمين لنفسها بضيق: يارب الصبر، إلا ما يقولها يوما ما، ياريتني ما قولتله إني بحبه عديم الإحساس ده، اتقلي ي نرمين اتقلي.

رأيكم♡♡♡

رأفةً بعائلتها

ل/ آية محمد

يوم الخطوبة

وصل جريح وأهله المنصورة وعدو على بيت نرمين وأخدوهم وراحو يجيبو الشبكة.

ف محل الدهب.

واقفة نرمين بتختار دبلة ومعاها وردة وولاء ويسرا مامت جريح، وجريح واقف مع أحمد وحازم ووالده ونائل بلامبالاة.

خبطه حازم ف كتفه وقاله بصوت واطي: ما تروح تنقي الشبكة مع نرمين.

جريح: هي بتختار مش مستاهلة ومعاها ماما ووردة وطنط.

حازم بإستغراب: مش مستاهلة!! وماما ووردة وطنط!! روح ي عم نصيحة مني عشان هيطلع عليك إنت ف الاخر.

جريح بعدم فهم: قصدك إيه؟

حازم: بعد الجواز هتسألك ليه ما اختارتش معايا الشبكة هتقولها إيه؟ ماما وطنط نقوها معاكي!!

جريح بتعجب: فيها حاجة أما اقول كده؟

حازم بصدمة: لا لينا قعدة مع بعض أديك من خبرتي إنت معلوماتك صفر، دي فيها حاجات وخناقات ومشاكل اسمع من أخوك وريح نفسك أقف جنبها وخلاص.

جريح بملل: طيب.

راح جريح وقف جنب نرمين اللي قالت بفرحة: كنت زعلانة إنك بعيد، كويس إنك جيت يلا اختار معايا الدبلة.

جريح بلامبالاة: شوفي اللي يعجبك إنتي.

نرمين برفض: لا اختارلي إنت.

جريح بتساؤل: هيعجبك ذوقي؟

نرمين وهي تهز رأسها بإيجابية: أكيد.

جريح وهو بيختار دبلة: طيب ي ستي، اختار واحدة وقال: إيه رأيك في دي؟

نرمين بإعجاب: روعة عجبتني برده أول ما شوفتها، يلا دورك نقي دبلة ليك.

جريح: اختاري معايا.

نرمين بفرحة: أوك.

نقو مع بعض الدبلة وخلصو وقررو يلبسوها في بيت نرمين، رجعو البيت وأول م وصلو اتفاجئو بالباب مفتوح وصوت أغاني من جوه البيت.

دخلو البيت بسرعة ولقو مجموعة من البنات والولاد قاعدين في البيت.

بصو لبعض بإستفهام وقال أحمد بإستغراب: مين دول؟

مكملش جملته ولقى نرمين بتجري على البنات وحازم بيجري علي الولاد وقالو هما الاتنين بفرحة: يلا نخربها.

بدأو يرقصو نرمين مع صحابها وانضمت ليهم وردة، وحازم مع صحابه تحت صدمة من العيلتين.

بعد شوية نرمين قالت لصحابها: تعالو ندخل الاوضة نهيص، بعيد عن الزحمة دي.

بعد دخولهم مسك حازم ازازة غريبة وشرب منها وبدأ يتحرك بعشوائية ويرقص ويغني مع الأغنية بطريقة هبلة تحت صدمة أحمد والبقية.

قرب جريح ونائل منه بسرعة ومسكوه قبل ما يقع وقعدوه على كرسي.

حازم بصوت واطي ل جريح ونائل: امسكوني الله يستركم الميه سكرتني.

جريح بصدمة: ميه!!

غمز حازم ل جريح وقاله: احنا بتوع منكر برده ي برنس.

نائل بصدمة هو الأخر: يخربيتك ابوك هيحصله حاجة.

حازم بضحك: خلينا نتسلى شوية ي عم.

قرب أحمد منهم وقال بصدمة ل حازم: بتشرب ي حازم؟

حازم بتمثيل السكر: إنت تعرف عني كده ي حاج؟

أحمد بعصبية: دي أخرة تربيتي ليك ي حازم، بتحرجني قدام خطيب أختك وأهله.

حازم وهو بيغمض عينه ويفتحها: أنا معملتش حاجة ي بابا.

رفع أحمد إيده يضرب حازم بالقلم لكن جريح مسكها وقاله بضيق: المتخلف ده مش شارب حاجة ي عمي، الإزازة كان فيها ميه.

أحمد بصدمة: ميه!! إزاي بمنظره ده؟

قام حازم وقف وقال بحزن مصطنع: مكنش العشم ي حاج، تشك ف ابنك إنه بيشرب وكمان كنت هتضربني، إنت اتغيرت ي بابا.

أحمد بغضب: وإنت بروح أمك مستنيني أقف أسقفلك وإنت بتطوح يمين وشمال!!

حازم بضيق: ولو ولو حتى لو شوفتني بشرب بجد تكدب عينك ي أحمد، المفروض تكون واثق ف تربيتك ي جدع.

أحمد بصدمة: جدع!! اصبر عليا، البهوات بتوعك بيعملو إيه هنا؟

حازم بلامبالاة: جايين يحيوا الخطوبة.

أحمد بغيظ: وحيات أمك.

حازم: ااه والله.

أحمد بغضب: أنا مش مانع دخول الأشكال دي هنا.

حازم وهو يهز رأسه بإيجاب: ااه.

أحمد بنفاذ صبر: طيب مشيهم.

حازم برفض: مينفعش بعد الغدا.

أحمد بتعجب: غدا!!

حازم: ايوا احنا صحاب واجب برده، الناس جت وجبت وفرحت معانا أقل حاجة نغديهم.

أحمد بسخرية: ومالو غدي صحابك، ادخل اطبخلهم بالمرة.

حازم بلامبالاة: طلبت أكل وعلى وصول.

أحمد بوعيد: ومالو راجعلك ي أخويا.

حازم وهو يهز رأسه بإيجاب: في انتظارك ي أبو حميد.

راح أحمد عند نرمين الاوضة وخبط على الباب.

فتحت نرمين وهي رابطة طرحة على وسطها وقالت بإستغراب: في حاجة ي بابا؟

أحمد بغيظ: بتعملي إيه ي روح أبوكي؟

نرمين: برقص مع صحابي.

أحمد بنفاذ صبر: بترقصي!! ما شاء الله، ابقي خلي صحابك يلبسوكي شبكتك.

نرمين بلامبالاة: طيب ا.. وكملت بتذكر: شبكتي!! أيوا شبكتي أنا نسيت والله ي بابا، يلا يلا بسرعة جريح بره هيقتلني.

وطلعت تجري على الصالون.

مسكها أحمد بسرعة وهو بيقول بعصبية: هتطلعي رابطة وسطك ي آخر صبري؟

نرمين بإحراج مصطنع: لا مؤاخذة ي حاج مخدتش بالي.

فكت الطرحة ونادت لصحابها وخرجو الصالون.

قعدت نرمين وجريح على كرسين وحواليهم صحابها ووراهم حازم وصحابه.

دخلت ولاء ويسرا بينهم وقالت ولاء: خلونا نشوفهم وهما بيلبسو الشبكة احنا زي أهلهم ووقفو جنبهم.

بصت نرمين ل جريح وقالت بصوت واطي: سوري.

بصلها جريح بلامبالاة وقال: جيتي على نفسك وخرجتي ليه؟

نرمين بتوتر: ما يبقاش قلبك اسود ي جريح.

جريح بوعيد: طيب هنشوف الموضوع ده بعدين هاتي ايدك لبسها الدبلة وظغرطت ولاء بفرحة.

نرمين ل جريح: إيدك ولبسته الدبلة وظغرطت يسرا بفرحة.

سقفو العيلتين وصحاب نرمين وحازم وبدأت المباركات.

بعد فترة مشيو صحاب نرمين وحازم بعد م اتغدو طبعا.

قعدو العيلتين ف الصالون بعد الغدا يشربو قهوة.

ولاء ل نرمين: م تاخدي جريح وتقفو ف البلكونة شوية ي نرمين.

نرمين بخوف: لا.

الفصل الثاني عشر♡♡♡

قعدو العيلتين ف الصالون يشربو قهوة

قالت ولاء ل نرمين: م تاخدي جريح وتقفو ف البلكونة شوية ي نرمين

نرمين بخوف: لا

ولاء بإستغراب: لا!!

جريح بسخرية: طب يلا ي لا تعالي نروح البلكونة

نرمين برفض: لا

جريح بغيظ: قومي

نرمين: لا

وردة بإستغراب: ما تقومي ي نيرو خايفة ليه؟!

نرمين بتوتر: مش خايفة

يسرا بإبتسامة: قومي ي حبيبتي م تتكسفيش

بصلها جريح بسخرية وقال: مكسوفة مني ي نرمين؟!

نرمين بخوف: لا

جريح: م أنا عارف يلا تعالي 

قامت نرمين وطلعو البلكونة وقالت بسرعة: على فكرة إنت لو صحابك هما اللي جوم كنت هتسيبني وتروحلهم

جريح بهدوء مصطنع: مش مبرر

نرمين بتعجب: نعم!!

جريح بزعيق: مبحبش حد يتجاهلني، أما أبقى موجود ما تتحركيش من جنبي فاهمة؟!

نرمين بطاعة: فاهمة

جريح بهدوء مفاجئ: مبروك

نرمين بصدمة: إيه؟!

جريح بإبتسامة: مبروك على الخطوبة

نرمين بفرحة: الله يبارك فيك، مبروك ليك

جريح بأسف: م تزعليش مني إني زعقتلك

نرمين وهي تهز رأسها برفض: م زعلتش

جريح بإبتسامة: مش باين

نرمين بإبتسامة: مزعلتش والله، أنا غلطت فعلا لما دخلت الاوضة مع صحابي وسيبتك، أنا لو مكانك كنت هزعل برده

جريح بإستغراب: من امتى العقل ده؟!

نرمين بضحك: بقيت مخطوبة، كبرت بقا

ضحك جريح وضحكت معاه ودخلو الصالون وبعد شوية مشي جريح وأهله

قعد حازم ونرمين يتكلمو مع بعض وقدامهم أحمد وولاء

أحمد ل ولاء بصوت واطي: هاتيلي الحزام من جوه، قامت ولاء بطاعة وجابت الحزام، خده منها ولفه على إيده كام مرة وقام وقف، خدت نرمين بالها من باباها اللي بيقرب منهم ومعاه حزام، قالت وهي بتبلع ريقها بتوتر: خير ي حاج؟! الجَلَّبِية بتقع ف جايبلها حزام يمسكها صح؟!

أحمد بوعيد: لا مش الجَلَّبِية اللي بتقع، صحتي هي اللي بتقع وبتتدهور بسببك إنتي والزفت اللي جنبك

حازم بتوتر: وأنا عملت إيه ي أبي؟!

أحمد بإعجاب مصطنع: ي سلام على التربية، مش كنت ي جدع من ساعة واحدة بس؟!

حازم برفض: لا طبعا ي بابا مين قال كده؟!

أحمد بهدوء مصطنع: احنا اتفقنا إن الخطوبة هتبقى للعيلتين بس صح؟!

حازم ونرمين: صح

أحمد بعصبية: دعيتو صحابكم ليه؟!

حازم بإبتسامة متوترة: بذمتك ي حاج مش عملو جو لليوم اللي كان ممل؟!

أحمد بغيظ: أبو جريح حرجني وقالي دعيت ناس ليه واحنا متفقين مندعيش حد، لو إنتو مكاني ف الموقف ده كنتو هتقولو إيه؟!

نرمين بعد تفكير: هقول هما اللي جوم لوحدهم

أحمد بسخرية: ي سلام وبالنسبة للبيت اللي مفتوح، مين فتحه لهم؟!

حازم بثقة: ساعتها هقول بيتنا بيت كرم ومتاح لكل الناس كل يوم وكل وقت، سهلة وبسيطة ي حاج معقد الدنيا ليه؟!

أحمد بإبتسامة خبيثة قرب منهم وقال: ااه بيت كرم 

لزقت نرمين ف حازم اللي قالها بصوت واطي: الجيش قالك ايه؟!

نرمين بإستغراب: إيه؟!

حازم: غبية قال اتصرف

نرمين: صح وعلى رأي المثل الجري نص إيه؟!

حازم بإستغراب: إيه؟!

نرمين: غبي الجدعنة

حازم: صح عارفة طريق أوضتك؟!

نرمين بتأكيد: إن شاء الله

حازم بتشجيع: ربنا يوفقك ١ ٢ ٣

ف ثانية كانت نرمين ف أوضتها وقافلة الباب وحازم زيها

أحمد بعصبية: هتروحو مني فين؟! أنا قاعدلكم النهاردة

تاني يوم اتصل جريح ب نرمين اللي بصت للموبايل بصدمة ومردتش بعد مرة والتانية، في تالت مرة.

نرمين بهدوء: الو

جريح بتساؤل: مبترديش ليه؟!

نرمين بإستغراب: مين؟!

جريح بتعجب: مين إيه!! نرمين معايا؟!

نرمين: أيوا نرمين

جريح بتساؤل: فيكي حاجة؟!

نرمين بصدمة: إنت بترن بجد؟!

جريح بتهديد: أقفل يعني؟!

نرمين بسرعة: استنى ي عم لقد هرمنا أقسم بالله

جريح بمرح: اشكريني عادي ي نيرو

نرمين بصدمة: جريح معايا؟!

جريح بتعجب: في إيه ي بنتي؟!

نرمين بتعجب هي الأخرى: في إيه إنت؟! إنت كويس؟!

جريح: زي الفل الحمدلله

نرمين بتفاجئ: جريح قلبي الصغير لا يتحمل قسما بالله، يعني تتصل عليا وتهزر معايا وتقولي ي نيرو في نفس اليوم!! إنت اتغيرت بعد الخطوبة وكده كتير والله

جريح برفض: مش كتير ولا حاجة ي حبيبتي

تيت تيت تيت

جريح بإستغراب: الو الو نرمين قفلت!!

رن عليها تاني وقال بإستغراب: قفلتي ليه؟!

نرمين بتساؤل: انت في حد جنبك؟!

جريح: لا أنا ف المكتب لوحدي

نرمين بصدمة: لا أكيد لا

جريح بإستغراب: لا إيه؟!

نرمين بتساؤل: إنت قولت حبيبتي ولا أنا سمعت غلط؟!

جريح بتأكيد: لا قولت

تيت تيت تيت

جريح بنفاذ صبر: استغفر الله العظيم، يارب صبرني عليها

عند نرمين

بتلف في الأوضة وبتكلم نفسها وبتقول بذهول: أكيد مش أنا مستحيل، دا م بيحسش معقولة؟! لا لا أنا هنام وجريت نامت.

رأيكم♡♡♡

رأفةً بعائلتها

ل/ آية محمد

الفصل الثالث عشر♡♡♡

تاني يوم نرمين قاعدة ف الصالون مع أحمد وولاء وحازم وبتفكر ف.

حازم: مالك ي نيرو بتفكري ف إيه؟!

نرمين: نفسي أعرف أنا بفكر ف إيه والله بس مش عارفة

حازم: إنتي هبلة؟!

نرمين: والله بتكلم بجد، حاسة إني ناسية حاجة تعرفو إي هي؟!

أحمد بغيظ: أقولك أنا ي روح أبوكي؟!

ولاء بعدم فهم: وإنت هتعرف إزاي ي أحمد هي ناسية إيه؟!

أحمد بضيق: بنتي وحافظها ي ولاء، هااا ي نيرو؟!

نرمين بإستغراب: هااا إيه؟!

أحمد بغيظ: جاهزة ل امتحاناتك اللي بعد اسبوع دي؟!

قامت نطت من على الكرسي وقالت بصدمة: ي نهار مش باينلو ملامح، الكلية!! الكلية والله نسيت ي بابا

أحمد بسخرية: صادقة ي روح أبوكي وبتهديد: هي كلمة لو م نجحتيش السنادي هلغي جوازك من جريح

حازم بصدمة: إنت بتقول إيه ي بابا؟!

أحمد: بس ي فاشل إنت كمان

حازم بإحراج: حاضر ي حاج

أحمد ل نرمين: سمعتي ي نرمين؟!

نرمين بحزن: حاضر ي بابا ودخلت أوضتها

ولاء بضيق: ليه كده ي أحمد؟! نرمين بتحبه

أحمد بإبتسامة: م أنا عارف؛ عشان كده حطيته هدف لها عشان دي آخر سنة ليها، وواثق إنها هتذاكر م تقلقيش

بعد شهر في القاهرة

قاعد جريح على مكتبه ف الشركة بيشتغل على اللاب، سمع صوت عالي بره، خرج يشوف في إيه

عند السكرتيرة هدى

هدى بضيق: ي أستاذ مينفعش تدخل من غير ميعاد، أغنيها؟!

حازم بإصرار: والله ولو رقصتي ي غالية ل هدخل، ووسعي عشان دمك تقيل وأنا كرهتك

هدى بغضب: وأنا طلبت منك تحبني ي بني آدم إنت؟!

حازم بغرور: وإنتي تطولي ي بت، دا أنا حازم ي بت حازم

هدى بعدم فهم: على عيني انبهر ي حازم بس صدقني مقدرتش، أيوا مين حازم يعني؟!

حازم بفخر: مدير الشركة

هدى بسخرية: لا والنبي؟!

حازم بعصبية مصطنعة: هتهزري معايا ولا إيه؟! ناديلي جريح بدال م اقفلكو المخروبة دي

هدى بعصبية: إنت ازاي تتكلم كده؟!

جريح بمقاطعة: في إيه بيحصل هنا؟! حازم؟!

حازم بإبتسامة: اذيك ي جريح

سلم عليه جريح وحضنه وقال: وأنا بقول الشركة نورت ليه

بص حازم ل هدى اللي واقفة متغاظة منه، طلعلها لسانه وهو بيغمز لها وبيقول ل جريح: أنا قولت أعدي عليك، أنا صاحب الشركة برده ولا إيه؟!

جريح بتأكيد: حد يقدر يقول غير كده ي برنس

حازم بإمتنان: حبيبي ي صاحبي، علِّى صوتك بقا وسمع سكرتيرتك لإنها مرضيتش تدخلني

جريح بإستغراب: ليه ي هدى؟!

هدى بأسف: سوري ي فندم معرفش إنه تبع حضرتك

جريح بتفهم: حصل خير

حازم بغرور: ياريت تتعاملي مع البهوات أحسن من كده ي هدي

هدى بغيظ: حاضر ي فندم

جريح وهو بيفتح مكتبه: يلا ي حازم ندخل المكتب

حازم مشي وراه وقال: يلا وكمل بإعجاب: شاطرة هدى ما شاء الله وجميلة

جريح وهو بيضربه ف كتفه: اتلم دي مش سندس

حازم بضحك: خلاص ي عم توبنا الي الله

جريح بعدم تصديق: مش مصدق

حازم: لا صدق دا أنا حتى جاي وطالب القرب منك

جريح بإستغراب: ف مين؟! كفالله الشر

حازم بإبتسامة: الآنسة وردة

جريح بصدمة: أختي؟!

حازم بتأكيد: أيوا

جريح: إنت اهبل؟!

حازم بحزن مصطنع: ليه بس ي جريح؟!

جريح بإستغراب: عايز تتجوز أختي ي حازم؟!

حازم بغرور: وهي هتلاقي زيي فين بس؟!

جريح بغيظ: لا دا وراثة بقا

حازم بإلحاح: جوزني أختك ي جريح بالله عليك

جريح بضيق: بكرة، امشي من هنا

حازم بسرعة: هشيلها ف عيني، والله بحبها

جريح بعدم تصديق: ي بني آدم إنت م شوفتش وردة أربع مرات على بعض حبيتها إمتى؟!

حازم بتساؤل: م سمعتش عن الحب من أول نظرة؟!

جريح بغيظ: أنا م سمعتش عنه غير منك

حازم بضيق: أمال في إيه بقا؟! زوق معايا الجوازة إلا م تحتاجني ف يوم

جريح برفض: مستغنيين ي عم

حازم بإبتسامة: مش من قلبك لا

بصله جريح بإبتسامة مصطنعة وقال: أهو من قلبي أهو أبين أكتر من كده؟!

حازم بحزن: يعني مش هتجوزني أختك؟!

جريح بهدوء: بص ي حازم

حازم بسرعة: بصيت

جريح: إنت شاب كويس

حازم بفرحة: الله يسترك

جريح: وجميل

حازم بإمتنان: الله يكرم أصلك

جريح: بس إنت بتاع بنات

حازم بتأكيد: صح

جريح: ومش شغال

حازم وهو يهز رأسه بإيجابية: صح

جريح: ومش عندك شقة

حازم بموافقة: صح

جريح: كام مرة ذكرت كلمة (مش)؟!

حازم بتفكير: اتنين

جريح بغيظ: لا مركز ما شاء الله، ترضى واحد زيك بنفس مواصفاتك يتجوز أختك؟!

حازم بموافقة: لو بيحب أختي زي م أنا بحب وردة يبقى سو وات ليه لا؟!

جريح بضيق: وإنت هتعيشها على حبك إزاي ان شاء الله، هتاكلو حب مثلا؟!

حازم بهدوء: الحاجات دي مقدور عليها

جريح بغيظ: مش هتبقى إنت وأختك عليا، كمل وهو بيلم حاجته من ع المكتب: وسع بقا عشان أنا رايح أفسح أختك، زمانها خلصت امتحانها من بدري وهتنكد عليا

قام حازم وقال: هاجي معاك

جريح برفض: لا

حازم بغضب: لا إيه؟! هاجي معاكو مِحرم

جريح: وردة جاية

حازم بإصرار: رجلي على رجلك

جريح بضيق: رخم زي أختك وخرجو من الشركة.

رأيكم♡♡♡

رأفةً بعائلتها

ل/ آية محمد

الفصل الرابع عشر♡♡♡

في الكليه كانت نرمين قاعدة ف الكافتيريا مع وردة اللي راحتلها الكلية وبيتكلمو

نرمين بوعيد: أخوكي اتأخر ويومه مش معدي

وردة بغيظ: أنا مش عارفة إنتي اللي صعبانة عليا ولا أخويا بالظبط، إنتو مطلعين عين بعض

نرمين بضيق: أخوكي مبيجيش غير بكده اسكتي أهو جه أهو ومعاه حازم

قربو منهم وقعدو معاهم

نرمين ل جريح بغيظ: ما لسه بدري ي أستاذ

جريح بهدوء: حقك عليا

نرمين بغضب: ودي أصرفها فين دي؟!

جريح بغيظ: أخوكي اللي أخرني على فكرة

نرمين بإستغراب: إنت جيت إمتى ي حازم؟!

حازم وهو بيبص على وردة بحب: الصبح وروحت ل جريح الشركة

نرمين بهدوء: طيب، مش هعديهالك ي جريح خد بالك

جريح بلامبالاة: اعملي اللي تعمليه

وردة بهدوء: طيب ي جماعة مش كفاية خناقات ونقوم عشان ناخد اليوم من أوله؟!

حازم بإعجاب: شايفين العقل، ربنا يكملك بعقلك ي آنسة وردة

وردة بكسوف: شكرا ي أستاذ حازم

جريح بعصبية: عصير لمون للأساتذة، م تتلم ي حازم وإنتي ي آنسة وردة أخوكي قاعد مش كرسي أنا

وردة بتوتر: م قولتش حاجة

جريح بغضب: خلونا نتنيل نقوم، اليوم باين من أوله

حازم بضيق: إنت هتقفل اليوم ليه ي جدع؟!

جريح بغيظ: أختك السبب

نرمين بضيق: أيوا هات الغلط عليا هات

جريح بعصبية وتهديد: ي بت همد إيدي عليكي

نرمين بغضب: أهو دا اللي ناقص، م تتكلم ي حازم

حازم بهدوء: بصراحة ي نرمين إنتي مستفزة، ودا م يمنعش إنك غلطان ي جريح، يعني إيه تمد إيدك عليها وأنا قاعد؟!

نرمين وهي بتضيق عينها وبتقول بغيظ: يعني من وراك عادي ي حازم؟!

حازم وهو يهز رأسه برفض: لا طبعا ي روحي، وكمل بهمس ل جريح: إنت عامل إيه وحش ف حياتك ي ابني؟!

جريح بغيظ: ذنوب وبتخلص أنا عارف

نرمين بملل: مش خلاص؟!

جريح بضيق: قومي ي اختي

نرمين وهي بتقوم: م تزوقش طاااه

جريح ل نرمين بتساؤل: عايزة تروحي فين؟!

نرمين بسرعة من غير تفكير: الملاهي

جريح بسخرية: يلا ي صغيرة عشان تلكبي المولجيحة

نرمين بلامبالاة: اتريق اتريق هنروح برضو

ركبو كلهم في عربية جريح وجنبه حازم والبنات ورا

ف الملاهي

نرمين بفرحة وهي بتشد وردة من إيدها: يلا ي وردة نركب السلاسل

كانو ماشيين مسك جريح نرمين من إيدها وقال بغيظ: طب اسألي البني آدم اللي واقف جنبك، عرفيه إنك راحة تركبي، مش هتتجوزي وردة حضرتك

نرمين بغضب: إيدك ي كابتن بعد اذنك، شدت إيدها وكملت: إنت مين ي أستاذ عشان أستأذنك؟! ها مين؟! مين؟! 

جريح بعصبية: إنتي عايزة تنكدي وخلاص صح؟!

نرمين بضيق: سيبني ي أستاذ وامشي، أنا ماسكة فيك ولا حاجة؟!

جريح بتهديد: همشي

نرمين: م تمشي

جريح: طيب ابقى خديها مشي للمنصورة بقا

نرمين بلامبالاة: ولا يهمني هاخد تاكسي

جريح: همشي

نرمين: طريق السلامة

جريح: يلا ي حازم إنت ووردة

نرمين برفض: دول معايا أنا، بالسلامة إنت

جريح وهو يهز رأسه بإيجاب: طيب براحتكو ومشي

نرمين بفرحة: يلا ي عيال ننبسط، سيبوكو من الكائن ده

ركبو التلاتة السلاسل، كانت نرمين ووردة بيصوتو وحازم بيضحك عليهم

حازم بسخرية: اللي يشوفك دلوقتي م يشوفكيش من دقيقة ي حبيبة أخوكي

نرمين بخوف: دمك تقيل ي حازم ا. كملت بصدمة: نهارك شبه وشك ي جريح، وقفو البتاع ده وقف ياااا عم، إنت ياااااا عم وقف اللعبة دي

وردة بصدمة: بتعملي إيه ي بنت المجنونة؟!

نرمين بعصبية: شوفي أخوكي ي اختي، بُصي تحت واللهي م هرحمه

وردة بقلق: ربنا يصبرنا عليكم ويسترها

وقفت اللعبة ونزلت نرمين بسرعة وجريت ل.

حازم ل وردة: تفتكري إيه اللي هيحصل؟!

وردة بخوف: ي قاتل ي مقتول

حازم بقلق: ربنا يستر

راحت نرمين ل جريح اللي واقف مع.

نرمين بإبتسامة مصطنعة: بتعمل إيه ي حبيبي؟!

جريح وهو بيعمل نفسه متفاجئ من وجودها: أها نرمين، دا أنا بتكلم مع نانسي

نرمين بتفاجئ مصطنع هي الأخرى: والله بجد نانسي، م تعرفنا ب ست نانسي

جريح بهدوء: نانسي كانت زميلتي ف الكلية وصديقة مقربة

نرمين بغيظ: وحيات أمك

نانسي بإستغراب: مين دي ي جريح؟!

جريح: دي نرمين ي نانسي

نرمين بغيظ: والله نرمين بس!! مفيش كلمة حابب تزودها حضرتك؟! دا لو مش هتعب حضرتك يعني

جريح وهو يهز رأسه بإيجاب: دي نرمين أحمد ي نانسي

نرمين بعصبية مكتومة وتهديد: قد إيه ارتحت بعد م قولت اسم بابا، لا بجد كمية راحة كافية تخليني أقتل حد وقتي

جريح بسرعة: نرمين أحمد خطيبتي ي نانسي

نرمين بإبتسامة: شاطر ي حبيبي، أنا خطيبته ي نانوسة عين أبوها

نانسي بصدمة: إيه اللي حصل ل ذوقك ي جريح؟! من امتى وإنت كده؟! دا في الكلية مكنتش بتقعد غير مع أجمل البنات، م اتوقعتش أبدا اختيارك يكون كده

نرمين ببرود: معلشي ي حبيبتي، أصل جريح بعد الكلية ذوقه عمل حادثة ف انحدر وأثر علي اختياراته، حقك عليا أنا

جريح بإحراج: نرمين ا.

نرمين وهي بتضغط على سنانها بغضب: مش يلا نمشي ولا إيه؟!

جريح بموافقة: ااه طبعا نمشي، باي ي نانسي

ردت نرمين عليه وقالت بغضب: باي ي أخويا وزقته ناحية حازم ووردة، وبصت ل نانسي وقالت بتهديد وهي بتبهدلها شعرها بقرف: ألمح خيالك جنب جريح، خيالك بس، عارفة هعمل فيكي إيه؟! خليها مفاجأة أحسن اللهم بلغت، وسابتها وراحت وقفت جنبهم

جريح بعصبية: إيه الطريقة الهمجية دي ي بني آدمة؟!

نرمين ببرود: حازم خدو من هنا وامشو.

رأيكم♡♡♡

رأفةً بعائلتها

ل/ آية محمد

الفصل الخامس عشر♡♡♡

جريح بعصبية: إيه الطريقة الهمجية دي ي بني آدمة؟!

نرمين ببرود: حازم خدو من هنا وامشو

جريح بصوت عالي: امشي إيه؟! إزاي تتعاملي كده معايا ومع نانسي؟!

نرمين بهدوء: وإنت إيه اللي فارق معاك بالظبط معاملتي ليك ولا ل نانوسة عين أبوها؟!

جريح بغضب: عايزاها تقول إيه عليا بعد الموقف اللي إنتي عملتيه معايا؟! دي مجرد زميلة ليا عادي أقف معاها

نرمين ببرود: اممم يعني نانسي، طب بص ي جريح بنات ف حياتك غيري نو أوك؟! اللي كان بيحصل زمان راحت عليه خلاص بح، وكانت ماشية

راح ناحيتها جريح شدها من دراعها وقال بعصبية: خدي هنا إنتي إزاي تتكلمي معايا كده؟! إنتي مين إنتي؟! احترمي نفسك واعرفي إنتي بتتكلمي مع مين فاهمة ولا لا؟!

اتدخل حازم لما شاف الموضوع قلب ل جد وقال بسرعة: في إيه ي جماعة صلو على النبي حصل إيه لكل ده؟!

جريح بنفاذ صبر: كلم أختك ي حازم عشان أنا خلاص فاض بيا من تصرفاتها وزهقت

زقته نرمين وقالت بدموع: وإنت إيه اللي جابرك عليا؟! هااا لسه معايا ليه؟!

جريح بعصبية: صح أنا إيه اللي جابرني فعلا، قلع الدبلة وقال: خدي ي نرمين، ربنا يوفقك مع حد يتحملك ومشي

جريت وردة ورا أخوها وقالت بصدمة: جريح إيه اللي إنت عملته ده؟! إرجع وصلح اللي إنت هببته

جريح بغضب: مش عايز اسمع صوتك، ركبو العربية ومشيو

عند نرمين واقفة بتعيط وبتبص للدبلة بصدمة

حازم بغضب: عاجبك اللي حصل ي نرمين؟! مبسوطة دلوقتي؟!

نرمين بصوت عالي: وإنت عايزني اتصرف إزاي وأنا شيفاه واقف بيضحك مع واحدة غيري؟!

حازم بضيق: بالعقل اتصرفي بالعقل لكن غبية م بتفكريش

نرمين بلامبالاة مصطنعة: أحسن خليه يروحلها

حازم بغيظ: يلا ي نرمين نرجع، مش عارف هنقول إيه ل بابا وماما، خرجو من الملاهي وراحو السكن، خدت نرمين حاجاتها وطلعو على المنصورة

عند جريح وصل قدام البيت و.

جريح بهدوء: انزلي ي وردة

وردة بإستغراب: وإنت؟!

جريح بهدوء: هروح الشركة

وردة برجاء: صالح نرمين ي جريح

جريح بغضب: مش عايز كلام كتير انزلي

نزلت وردة بحزن وطلع جريح بالعربية على الشركة بعصبية، دخلت وردة البيت وعرفت أهلها اللي حصل وقرروا يتكلمو مع جريح لما يرجع من الشركة

رجعت نرمين وحازم المنصورة، جريت نرمين على أوضتها من غير م تكلم حد، وعرف حازم أهله اللي حصل وإن جريح ودى ل نرمين الدبلة، اتصدمو أهلها وقررو يسيبو بنتهم لوحدها شوية وبعدين يتكلمو معاها

بعد شهرين من محاولة الأهل إنهم يرجعوهم لبعض يئسو بسبب رفض جريح ونرمين، ف رجَّعو أهل نرمين الدبل والهدايا ل عيلة جريح

في يوم كانت قاعدة نرمين اللي اتغيرت ملامحها نسبيا بسبب الحزن في البلكونة وماسكة موبايلها بتقرأ رواية بعد م خلصت كليتها ونجحت، جاتلها ماسيدج من رقم غريب بتقول.

- اذيك ي نرمين

نرمين بإستغراب: الحمدلله مين؟!

- أنا واحد عايز يقابلك دلوقتي

نرمين: إنت عبيط ي كابتن؟!

- بطلي طولة لسان وانزلي قابليني على أول الشارع بتاعكو

شافت الماسيدج وعملت بلوك من غير م ترد وقالت بسخرية: قال قابليني قال

الباب خبط قامت فتحت و.

- ينفع تعمليلي بلوك؟!

نرمين بصدمة: إنت بتعمل إيه هنا؟!

جريح بإستغراب: دي اتفضل بتاعتك؟!

نرمين بغضب: مفيش اتفضل، خلصت خلاص مع السلامة

جريح بهدوء: مفيش حاجة خلصت

نرمين بعصبية: بقولك إيه ي كابتن إنت عارف الطريق يلا بالسلامة وهتقفل الباب حط رجله وقال: باباكي علمك تقفلي الباب في وش الضيوف برده؟!

نرمين بضيق: ضيف مش مرحب بيه

جريح بلامبالاة: مش مهم منك، وكمل بصوت عالي: ياااا حاااازم، عمي أحمد، طنط ولاء، بنتكو بتطردني

نرمين بصدمة: إنت بتعمل إيه؟!

جريح ببرود: ملكيش دعوة

طلعو واتفاجئو بجريح واقف علي الباب ونرمين بتقفل الباب

حازم بصدمة: إنت جيت ليه؟!

جريح بسخرية: إنت أخو مين، ربنا يصبرني عليك إنت وأختك، م تتكلم ي عمي

أحمد بهدوء: وسعي ي نرمين ل جريح

نرمين برفض: لا ي بابا

أحمد بتكرار: قولت وسعي ي نرمين

بعدت نرمين عن الباب بغيظ ودخل جريح سلم على أحمد وولاء وقرب من حازم وقال بغيظ: م تبقاش زي أختك عشان أحبك

حازم بلامبالاة: جاي ليه؟!

جريح بتهديد: ومين هيجوزك أختى؟!

حازم: مش عايز

جريح: كداب وبعدين خد هنا شهرين بحالهم م تكلمنيش، طب أنا خاصمت أختك تخاصمني إنت ليه؟!

أحمد ل جريح: اقعد ي جريح

حازم بضيق: أنا رايح الشغل ي بابا

جريح بإستغراب: شغل كمان!! أنا فاتني كتير بقا، عموما ربنا يوفقك

مشي حازم من غير م يرد عليه وخرج من البيت

جريح بسخرية: هتفضلي واقفة على الباب كده؟!

نرمين بغيظ: إنت مالك؟!

جريح بإهتمام: إنتي خسيتي ليه كده؟!

نرمين بضيق: إنت مالك؟!

جريح بقلق: ليه في هالات سودة تحت عينك؟! م بتناميش كويس ولا إيه؟!

نرمين: إنت مالك؟!

جريح ل أحمد: تسمحلي ي عم؟!

أحمد وهو يهز رأسه بإيجاب: اتكل على الله

قام جريح ووقف قدامها وقال بغضب مصطنع: يعني إيه وإنت مالك؟! لما تتكلمي مع خطيبك تتكلمي بأدب ي محترمة.

رأيكم♡♡♡

رأفةً بعائلتها

ل/آية محمد

الفصل السادس عشر♡♡♡

قام جريح ووقف قدامها وقال بغضب مصطنع: يعني إيه وإنت مالك؟! لما تتكلمي مع خطيبك تتكلمي بأدب ي محترمة

نرمين بسخرية: خطيب مين ي أستاذ إنت!! واتكلم براحتي ملكش دعوة

خرج الدبلة من جيبه وقال بغيظ: لمى لسانك ي نرمين وهاتي إيدك

نرمين برفض: دا بعينك

جريح بتكرار: هاتي إيدك قولت

نرمين وهي بتحط ايدها ورا ضهرها: وأنا قولت لا

شد إيدها بالغصب ولبسها الدبلة ومسك إيدها وخلاها تلبسه الدبلة بالعافية وزغرطت ولاء بفرحة

نرمين وهي بتشد إيدها من إيده وبتقلع الدبلة بغضب: مش موافقة مش موافقة

مسك إيدها بسرعة وقال بتهديد: لو فكرتي تقلعيها م تلوميش غير نفسك

نرمين بشجاعة: هتعمل إيه يعني؟! هتعمل إيه؟!

جريح بإبتسامة: هعمل كتير بس بعد م يحصل كده، فتح الباب ودخل حازم ومعاه والد جريح ومامته ونائل ووردة والمأذون

قرب أحمد بفرحة وقال: أهلا وسهلا اتفضلو، اتفضل ي أبو جريح، اتفضل ي شيخنا

نرمين بقلق: إي ي حاج؟! إنت هتتجوز ولا إيه؟!

أحمد بإبتسامة: لا ي حبيبتي دا كتب كتابك

نرمين بصدمة: ليه ي حاج؟! زهقت مني بسرعة كده؟!

أحمد وهو يهز رأسه بإيجاب: والله ي حبيبة أبوكي بصراحة ااه

نرمين برجاء: م تعملش فيا كده ي بابا

أحمد بإستغراب: هو أنا هبيعك!! أنا هجوزك للراجل اللي بتحبيه

نرمين بسرعة: م بحبوش

جريح بمقاطعة: نشوف الحوار ده بعدين ي عمي، اكتب ي شيخنا

نرمين ل المأذون برجاء: لا ي عمو م تكتبش حاجة بعد إذنك، أنا مجبوره

المأذون بإستغراب: إيه الكلام ده ي جماعة؟!

جريح بسرعة: العروسة بتحب تهزر ي شيخ، وكمل ل نرمين بغيظ: بطاقتك ي حبيبتي

نرمين برفض: لا

جريح بنفاذ صبر: هاتلى بطاقتها ي حازم

مسكت حازم وقالتله برجاء: لا ي حازم إنت شوفت اللي عمله فيا

حازم وهو بيبعدها عنه: على عيني أساعدك ي نيرو بس؛ غصب عني ووسعي بقا عشان أخوكي عريس النهاردة

جريح بغيظ: أنا موافقتش على فكرة

حازم بلامبالاة: مش مهم باباك ونائل ومامتك ووردة وافقو

جريح بإستغراب: الكلام ده بجد ي بابا؟!

والد جريح: حازم كويس ومحترم ونسب يشرف الحقيقة ورأيك مهم طبعا

جريح بموافقة: رأيي من رأيك طبعا ي بابا، حازم شخصية كويسة وبقا أحسن كمان

حازم بغرور: طب كفاية شُكر فيا عشان شوية وهشوف نفسي

جاب حازم البطاقة واتكتب كتاب نرمين وجريح وبعدهم وردة وحازم، اشتغلت الاغاني والزغرطة في البيت بعد حزن دام ل أكتر من شهرين

قعد حازم مع وردة في البلكونة و.

حازم بفرحة: مبروك ي وردة

وردة بكسوف: الله يبارك فيك

حازم: طيب من غير مقدمات كده أنا بحبك

وردة: طيب من غير مقدمات أنا كمان بحبك

حازم بسخرية: إنتي تقيلة ليه كده؟!

وردة بضحك: مفيش وقت حضرتك

حازم بتساؤل: من امتى حضرتك؟!

وردة بحب: من أول يوم شوفتك فيه

حازم بغرور: أنا أصلا أصلا أتحب من أول ثانية مش أول يوم

وردة بسخرية: اوعى التواضع بيقع منك

ضحك حازم وضحكت وردة معاه وفضلو يتكلمو

عند جريح ونرمين

قاعدين مع بعض وجريح بيصالح فيها وهي رافضة

جريح بغيظ: طيب أعمل إيه أكتر من كده؟! اعتذار واعتذرت، دماغ وبوستها، إيد وبوستها، أعمل إيه تاني طيب؟!

نرمين بعصبية: لِم نفسك مش هتصالح برده

جريح وهو يهز رأسة بإيجاب: عادي مش مهم أنا أصلا بحبك

نرمين بلامبالاة: إيه يعني؟! ا. وكملت بصدمة: إيه؟! قولت إيه؟!

جريح ببرود: عادي

نرمين: لا اللي بعدها

جريح برخامة: مش مهم

نرمين بغيظ: اللي بعدها ي رخم

جريح بإبتسامة: أنا أصلا

نرمين بنفاذ صبر: والله ل قايمة ي بارد وقامت وقفت وكانت ماشية وقفها صوته وهو بيقول: ااه إنتي قصدك بحبك يعني؟!

نرمين بضيق: ي رخم، ورجعت قعدت وكملت: بتحبني أنا؟!

جريح بأسف: للأسف

نرمين بتهديد: همشي

جريح بسرعة: خدي ي هبلة هنا، مسكها من إيدها قعدها وكمل بسخرية: إنتي شايفة حد غيرك قاعد معانا عشان تسألي سؤال زي ده؟!

نرمين بضيق: امم من امتى الكلام ده؟! بعد م زعلتني ولا قبلها؟!

جريح بغيظ: إنتي قلبك اسود ليه ي نرمين؟!

نرمين بتساؤل: هو أنا المفروض مكنتش أغير عليك؟!

جريح بهدوء: حقك ي نرمين بس؛ إنتي اتصرفتي بطريقة مش صح، وكمل بسرعة: وعشان م تتعصبيش أنا م تفرقش معايا نانسي من غيرها، اللي فارق فعلا الطريقة اللي اتكلمتي بها معايا، زقتك ليا بطريقة وحشة قدام الناس، دا اللي فرق معايا، أنا فاهم إنك غيرتي عليا وده كان قصدي أصلا أخليكي تغيري وتيجي تتحايلي عليا أرجع تاني الملاهي، أنا كنت خارج من الملاهي قابلتها صدفة ووقفت معاها وكان الكلام اذيك والكلام ده لكن مكنتش أعرف إنك غبية كده

نرمين بغيظ: هتغلط؟!

جريح وهو يهز رأسه برفض: لا ي ستي، خلاص عفوتي عني؟!

نرمين وهي بتمثل التفكير: هفكر

جريح بغيظ: طب يلا قوليلي بحبك

نرمين برفض: لا

جريح بلامبالاة: مش مهم أنا كده كده عارف إنك بتحبينى

نرمين بتساؤل: جريح هو إنت فعلا بتحبني؟! ولا بتعمل كده عشان أنا طلبت منك تتجوزني زمان؟!

جريح بتساؤل: إنتي مقتنعة إني وافقت على الجواز منك عشان محدش يتكلم علينا لإني ببات عندكم من غير صلة قرابة؟!

نرمين بإستغراب: أومال؟!

جريح بسخط: غبية هو ده سبب أصلا، أنا وافقت عشان أنا حابب ده، حابب أقرب منك أكتر، حبيت كلامك وتفاهتك، وحبيت عيلتك والدفا اللي بينكم

نرمين بفرحة: طب تعرف إني عرضت عليك الجواز لإني حبيتك فعلا من أول يوم وكنت بتلكك وخلاص؟!

جريح بإبتسامة: عارف

نرمين بإبتسامة: رخم أوي

جريح بحب: مبروك ي أستاذة نرمين

نرمين بفرحة: الله يبارك فيك ي أستاذ جريح، هتزعلني تاني؟!

جريح برفض: لا

نرمين: وعد؟!

جريح بإبتسامة: وعد.

رأيكم♡♡♡

رأفةً بعائلتها

ل/ آية محمد

الفصل السابع عشر♡♡♡

خدت بالي انكو مستعجلين على نهاية الرواية على فكرة 🙂😂😂😂😂😂

بعد ساعتين جريح وأهله مشيو وقامت نرمين طالعة ف البلكونة ومزغرطة

أحمد بسخرية: أومال عاملة رافضة للجواز ليه ي تقيلة؟!

نرمين بفرحة: كان لازم أعمل كده ي حاج، مبروك ي زوما

حازم بإبتسامة: حبيبتي ي نيرو، مبروك ليكي ي قمر

نرمين بإبتسامة: يسترك ربنا

أحمد ل ولاء بقلق: إي ي لولو ساكتة ليه؟!

انفجرت ولاء من العياط وقالت: العيال هيتجوزو ويسيبونا ي أحمد

نرمين بثقة: أراهنك ي حازم إن الدموع دي كلها عشانك إنت

حازم بضحك: م أنا عارف

أحمد بإبتسامة وهو بيطبطب على كتفها: إي ي ولاء؟! ما دي سنة الحياة، لازم يستقرو بقا ي حبيبتي

ولاء بحزن: هتسيب أمك ي حازم؟! هيجيلك قلب ي ابني؟!

حازم بإبتسامة: هجيلك تلت مرات ف الأسبوع ي ماما

ولاء بلوم: هتربي عيالك بعيد عني ي حازم؟!

حازم برفض: م اقدرش طبعا ي ماما، عيالي هيبقو عندك كل يوم إن شاء الله

ولاء بحزن: ليه تسيب بيت أهلك ي حازم؟!

حازم: حقك عليا ي أمي

نرمين بإبتسامة: طب إيه ي لولو؟! ابنك حبيبك هيسكن هنا ف المنصورة خطوتين وهتوصليله، مفيش حاجة ل بنتك حبيبة قلبك اللي راحة القاهرة دي؟!

ولاء وهي بتمسح دموعها: توصلي بالسلامة ي حبيبتي

نرمين بإحراج: أنا ف الأوضة ي حاج

تاني يوم

على الواتس لغت نرمين البلوك ل جريح وكتبتله ا.

نرمين بحب: جريح أنا بحبك أوي بس خايفة، بقولك إيه يلا نسيب بعض

جريح بغيظ: ي بنتي ارحميني

نرمين بضيق: اتصل بيا صالحني يلا

جريح بإستغراب: على إيه؟! أنا معملتش حاجة، م احنا اتصالحنا خلاص

نرمين بغضب: لسه زعلانة يلا اتصرف واتصل بيا

جريح بنفاذ صبر: ي بنتي ردي دي خامس مرة أتزفت واتصل

نرمين بإستغراب: م أنا بحط ميكاب، مش فاضية أرد

جريح بعصبية: حسبي الله ونعم الوكيل

نرمين بضحك: باي وعملته بلوك واتس وفون

ابتسمت بشر وقالت: والله وحصل اللي استنيته من زمان، استحمل بقا عشان تحرم تزعلني تاني بعد كده

اتصل عليها جريح فون واتفاجئ إنها عاملاله بلوك فون كمان، اتصل ب أحمد وقاله من غير مقدمات: عمي أنا صالحت بنتك وهي دلوقتى عملالي بلوك ف كل مكان، خليها تلغيه بعد إذنك

أحمد برفض: بنتي تعمل اللي هي عايزاه عشان م تزعلهاش تاني بعد كده

جريح بسرعة: غلطة وندمان عليها والله

أحمد: مش هتدخل بينكم إنتو متجوزين دلوقتي مليش دعوة

جريح بغيظ: ي عمي.

أحمد: مع السلامة ي جريح

نرمين بفرحة وهي بتحضن أحمد: شاطر ي بابا، هو يستاهل

أحمد بإبتسامة وهو بيحضنها: مش عشان وقفت معاكي مرة تبقى صح على طول، احنا نربيه شوية صغيرين عشان م يغلطش معاكي تاني

نرمين بإمتنان: تسلم ي حاج والله

جريح كلم حازم ورفض برضو يخلي نرمين تلغي البلوك بعد م طلبت نرمين منه كده

تاني يوم كان جريح بيخبط عندهم على الباب جامد وبيقول بصوت عالي: افتحي ي نرمين، افتحي أنا جاي مخصوص عشان أكسر دماغك، افتحي ي بت

فتح أحمد الباب وقال بغضب مصطنع: إيه الطريقة دي ي جريح؟!

جريح بإحراج: آسف ي عمي بس حضرتك إنت وعيالك خرجتوني عن شعوري

أحمد وهو بيبعد عن الباب: طب ادخل

دخل جريح وهو بيدور عليها بغيظ

أحمد: مش هنا

جريح بإستغراب: أومال راحت فين؟!

أحمد: خرجت مع صحابها

جريح بغضب: نعم!! يعني إيه تخرج من غير م تعرفني؟! هو أنا مش جوزها برضو ي عمي؟!

أحمد بلامبالاة: أنا قولتلك إنتو حرين مع بعض

جريح بوعيد: أما تيجي وأكسر دماغها م تزعلش ي عمي

أحمد بزهق: إعمل اللي تعمله

بعد ساعتين رجعت نرمين وقالت ببرود: اذيك ي جريح

جريح بعصبية: وحيات أمك، قال بسرعة ل ولاء: آسف والله ي طنط، كمل ل نرمين بغضب: إنتي استأذنتيني عشان تخرجي مع صحابك؟!

نرمين برفض: لا

جريح بغيظ: ليه حضرتك؟!

نرمين بلامبالاة: الكلام ده لما أبقى ف بيتك إنما أنا دلوقتي ف بيت بابا، ف استأذن منه هو مش منك

جريح ل أحمد: تسمحلي ي عمي؟!

أحمد وهو يهز رأسه بإيجاب: ربنا معاك

قرب من نرمين شدها من إيدها وقال وهو بيضغط على سنانه بغيظ: قدامي ي قدري قدامي

نرمين بضحك: م تزوقش طاااه

وقفو في البلكونة

جريح بغضب: عملالي بلوك ليه؟!

نرمين بصدمة مصطنعة: ربنا يسامحك إنت فاكر إني أنا نرمين أعمل ل جوزي بلوك؟! أعوذ بالله، مش أنا طبعا

جريح بغيظ: لا والنبي؟!

نرمين وهي بتكتم ضحكتها: م أنا هقولك إيدي جت بالغلط على البلوك

جريح بسخرية: جت بالغلط واتس وفون صح؟!

نرمين وهي تهز رأسها بإيجاب: طبعا

جريح بضيق: بلاش دي، خرجتي ليه من غير إذني؟!

نرمين بهدوء: م أنا قولتلك اللي فيها، أنا استأذنت من بابا

جريح بغيظ: طيب بعد إذنك م تخرجيش من غير إذني تاني، ماشي؟!

نرمين ببرود: ربنا يسهل

جريح بضيق: إن شاء الله بس قولي حاضر

نرمين: إن شاء الله

جريح بنفاذ صبر وعصبية: قولي حاضر ي نرمين

نرمين بخوف: حاضر

جريح بإبتسامة: شاطرة، البلوك يتفك مش كل شوية هنطلكو هنا، اتقي الله المشوار طويل

نرمين بوعيد: حاضر.

رأيكم♡♡♡

رأفةً بعائلتها

ل/ آية محمد

الفصل الثامن عشر والأخير♡♡♡

بعد مرور سنة كان جريح وحازم جهزو الشقق اللي هيتجوزو فيها وحددو ميعاد الفرح بعد شهر، وقررو يعملو الفرح مشترك في قاعة ف اسكندرية، بدأت الحجوزات وجه اليوم اللي هيشترو فيه الفساتين و.

نرمين وهي بتشاور على فستان: هاخد ده

جريح وهو يهز رأسه بإيجاب: إن شاء الله

نرمين على فستان آخر: عايزة ده

جريح بلامبالاة: بكرة

نرمين على فستان تالت: ده عجبني

جريح: عند الست الوالدة

نرمين على فستان رابع: جميل صح؟!

جريح بموافقة: ااه

نرمين بفرحة: طب يلا ندخل عشان أقيسه

جريح وهو يهز رأسه برفض: هو جميل بس مش ليكي للأسف

نرمين بغيظ: ليه إن شاء الله؟!

جريح: مفتوح

نرمين بضيق: يووه أختار إيه طيب؟!

جريح مسك فستان وقال: شوفي ده كده؟!

نرمين وهي بتقلده: لا مش حساه

جريح بغيظ: معلشي حسيه

نرمين برفض: مش قادرة لا

جريح بإصرار: طب ده عجبني

نرمين بتصميم هي الأخرى: مش عايزة الفستان ده الله

جريح بعصبية: وطي صوتك أختي عشان عاقلة خلصت اختيار فستانها من سنة وإنتي عشان غبية محتاجة سنة تانية

نرمين وهي بتربع إيدها بغيظ: والله مش عاجب حضرتك اهرب من دلوقتي

جريح بضيق: بعد إيه بقا؟! اتحسبت جوازة للأسف

نرمين: إنت اللي غلطان، كنت اختار صح من الأول

جريح وهو يهز رأسه بإيجاب: معاكي حق

نرمين بصدمة: ي نهارك أبيض معايا حق!! دا بدال م تقولي إنتي أعظم اختياراتي وإن مفيش صح من بعدي!! 

جريح بملل: سلميلي على النكد

سكتت نرمين بغيظ وكملو لف لحد م اختارو فستان نرمين حسته زي م قالت ل جريح

في يوم نزل جريح يحجز الأكل والمشروبات اللي هتتقدم في الفرح، كلم نرمين واتس ياخد رأيها لكن لقاها بعتاله رسايل بتقول فيها: أنا مش مرتاحة وحاسة إني اتسرعت، ف معلش خليني أخد وقتي، أنا مش عايزة أكمل، والفرح ممكن يتلغي عادي، ربنا يوفقك، مع السلامة

جريح كتب بلامبالاة: طيب ماشي ردي بس دلوقتي عشان واقف مع الراجل، أخلي الأكل رز مع كفتة ولا فراخ؟!

مردتش ف كتبلها ا.

جريح بنفاذ صبر: ي حبيبتي انجزي ردي وهلغي الفرح حاضر

نرمين بلامبالاة مصطنعة: كفتة، أنا مش قادرة أثق فيك بصراحة، تعرف كام بنت غيري ي جريح؟! حلوين كلهم ولا فيهم حد مش حلو؟! سنهم بيبدأ من كام طيب؟!

شاف الماسيدج وعملها بلوك من غير م يرد

يوم الفرح

راحت نرمين البيوتي سنتر ومعاها وردة وسندس، بعد كام ساعة وصل عندهم جريح وحازم وأول م دخلو.

نرمين بزعيق: أنا نفسي أعرف مواعيدك مش مظبوطة ليه؟!

جريح بأسف: أنا غلطان حقك عليا، ممكن تمسكي نفسك النهاردة.. النهاردة بس والله وبلاش تنكدي عليا؟!

نرمين بغيظ: م تقول إنك مخنوق مني وخلاص ي أستاذ

شد حازم وردة سلم عليها وخروجو على طول بعيد عنهم

جريح بإستغراب: وهتخنق منك ليه بس ي حبيبتي؟!

نرمين بضيق: اسأل نفسك

جريح بنفاذ صبر: أنا آسف

نرمين بصوت عالي: بتاخدني على قد عقلي كمان!! والله عال ي أستاذ، أنا قولت نلغي الفرح م سمعتش الكلام

اتدخلت سندس وقالت بغيظ: م تكني بقا ي بت الله، إيه اللي حصل لكل ده؟! هما ربع ساعة تأخير، عاملة دوشة ليه؟!

نرمين بغيظ: حتى إنتي ي سندس؟!

قعد جريح على كرسي وقال بلامبالاة: خلينا قاعدين احنا ورانا إيه؟! أصلا زمان حازم وصل القاعة

نرمين بصدمة: والله؟! طب يلا بسرعة قاعد ليه؟! بس استنى شكلي حلو؟!

جريح بحب: زي القمر ي روحي

نرمين بفرحة: روح ربنا يجبر بخاطرك

وصلو الفرح وطبعا نرمين وحازم مبطلوش رقص

بعد الفرح ودعت نرمين أهلها بدموع مع دموع مامتها (مهما كان بنتها برضو ي جماعة)

ولاء بدموع: خلي بالك منها ي جريح

جريح وهو يهز رأسه بإيجاب: ف عيني ي طنط والله

أحمد ل جريح: مش هوصيك على نرمين ي جريح

جريح بإبتسامة: طبعا ي عمي من غير م تقول

حازم ل جريح: مبروك ي برنس

جريح بإبتسامة: الله يبارك فيك ي صاحبي، مبروك ي عم

حازم بتوصية: نرمين ي جريح

جريح بغيظ: بالله ي حازم أنا اللي محتاج توصوا نرمين عليا مش العكس

حازم بتشجيع: ربنا معاك ي عم ويصبرك عليها

تاني يوم عند جريح ف القاهرة اتصل على ولاء و.

جريح من غير مقدمات: أنا عايز أطلق بنتك ي حماتي وأخد حاجتي

ولاء بصدمة: ليه ي ابني دا تاني يوم جواز؟!

جريح بغيظ: ورقة وقلم ي حجة وسجلي عندك، أول م دخلنا القاعة قالتلي هنعمل إيه هنا، واحنا بنقطع التورتة بتقولي هما هيودهاني وأنا مروحة، والجاتوه بيتوزع على المعازيم كانت عايزانا نقعد جنبهم عشان ناخد، واحنا مروحين لقيتها جايبة دبدوب ف العربية وملبساه بدلة وبتقوله ي حبيبي، وبعد م روحنا لقيتها بتعيط فجأة سألتها عن السبب قالتلي أهلي مشيو ونسيوني.. بعدها بخمس دقايق لقيتها بتضحك وبتقولي أهلك نسيوك إنت كمان، و.

ولاء بمقاطعة: باااااس بس ي ابني، الله يكون ف عونك

جريح برجاء: خدي بنتك ي حماتي وهاتي فلوسي

ولاء برفض: البضاعة لا ترد ولا تستبدل، ربنا يعوض عليك، احنا م صدقنا خلصنا منها، محدش كان طايقها ف البيت أساسا وقفلت

جريح بيأس: عليه العوض

نرمين كانت واقفة ورا باب الأوضة بتسمعه، بعد م خلص قفلت الباب بالراحة وجابت ورقة وقلم وقعدت على السرير وبدأت تكتب (بسم الله الرحمن الرحيم،، أُعاهدكم أنا نرمين أحمد زوجة المهندس جريح،، أنني سوف أبذل قصارى جهدي ل خروج زوجي المصون عن شعوره وجنونه يوميا بتصرفاتي المجنونة والخارجة عن السيطرة،، لكن مع شوية عقل صغيرين لإنه جوزي اللي بحبه ف الآخر برضو ي جماعة وأبو عيالي بإذن الله،، هو بيصعب عليا الصراحة،، ااه وإن شاء الله أحاول أقلل النكد بس موعدكوش،، والله الموفق).

تمت♡♡♡

دعوة جماعية إن ربنا يصبر ويعين جريح على نرمين 😂😂😂😂😂♡

رأفةً بعائلتها

ل/ آية محمد