يا خاطفي وين ألقى عزتي في زمان المذلة ! / كاملة الفصل الرابع 4 - بقلم Mohaithan

دانا : هذي تصير زوجة صديق فهد الروح بالروح وفي كمان امهات اصحابه مجتمعين على طاوله وحده لانهم يعرفون بعض من قبل

رغد : اها بس ماتوقعت المعازيم يكونوا كثار كذا

ليان : اللي بالرياض اغلبهم جايين .. غير اصحابه وامهاتهم واخواته ومعارفكم انتم يعني كنت حاسبه يكونون الناس كذا

ريم تهمس لشهد : جدتك جات وخالاتك وزوجات خوالك

شهد : الله يأخذهم لاتجيبين سيرتهم أنا رايحه لشوق

رغد : بروح معك يالله

أما هنادي وعبير بعالم ثاني من الفله والوناسه وطايقنها صحبه مع بنات عم فهد اللي تعرفوا عليهم

ريناد : ماعمرك سافرتي برآ

هنادي : ياحليلك ياليتني اروح مكه وهالمره تبيني اسافر برآ والله انتي تحلمين كثير

غيداء : والله ياشيخه انتي بنت خطيره ماعندك تكبر ومتواضعه تعجبني شخصيتك

هنادي : ايه كثير معجبيني فيني ويقولون متهوره وحقت أكشن

ريناد : ومين هذول

هنادي : اللي يقرون الروايه

غيداء : اي روايه؟!

هنادي : اقصد اللي يعرفوني ماعلينا يالله نطب نبي نهز الكوشه هز

عبير : يالله

هديل بطفش : اخيرا حنيتي علينا وتبين نرقص انسه عربج

هنادي : قمي قدامي ارقصي وانا برقص معك ياكسوله

هديل : اخص يالنشيطه بس غريب عليك اليوم

هنادي : اليوم الطاقه ميه الميه

حنين : اجل بنشوف ابداعاتك

هنادي : يووه بتشوفون اللي ماعمركم شفتوه يالله طبينا

البنات : طبينا <<~ ياحبي للكلمه ذي تحسستني بالحماس

بغرفتها كانت متوتره من دخول ام ليان اللي قالت لها ان فهد بيدخل عشان يجلس شوي وبعدها يبدون التصوير بعد نص ساعه

شهد تفتح الشنطه : أهم شي الروج عشان بالصور يطلع واضح مو باهت

رغد : يالله حطي لها انا بجيب العود ابخرها فيه

شوق : لالا جابته عمتي ام سامر قبل شوي

رغد : اوكي اجل بس باقي العطر من بعيد حتى تصير ريحتك وآآآو

شوق اتنرفزت مره وهي يادوب مستحمله : يالطيف على زنك يارغد خلصيني بسرعه شهد هاتي مويه عطشانه مره

شهد : طيب طيب هدي انتي .. واعطتها كاسة مويه

روقت اعصابها وهي تمثل عليهم الراحهةطلعوآ بعد مافتحوا الباب الخلفي وكانت الغرفه كبيره مره وشوق جالسه على الكرسي باخر الغرفه

شوق كانت تطالع بيدها وتحديدا بالدبله اللي بأصابعها كانت تتأملها وسرحانه فيها وقلبها دقاته كأنها طبل من شده خوفها وتوترها ( اليى متى بعيش كذآ هذي اولها الله يستر من تاليها أكرهك يافهد أكرهك بكل مافيك حتى زواجك مني كان بالغصب غصبتني على أشياء كثيره أخذت مني كل شي بالغصب .. من أي طينه أنت ليش ماتحس فيني وبألمي اللي كلها بسببك والحين بيكون سببها لاني معاك آآه رحمـآك يا الله )

غمضت عيونها بقوه ولفتره أخذت نفس طوويل مره وحست بريحة عطر رجالي قوي أنتشر مع كل جزئ اوكسجين بالغرفه فتحت عيونها وشافته واقف جنبها ماحست بدخوله ولا بحركاته بدأ صدرها يرتفع وينخفض بشكل واضح خوفها بزياده لانها شافته فجاءه تعلقت عيونها فيه ومارمشت أبداً

طالعها بنظره أعجاب وأبتسامه رضا كانت كالملاك بفستانها الأبيض .. طاهره ,نقيه, وصافيه كالثلج أسرت عيونه بسحرها وجمالها الخرافي .. علامات الجمال مرتسمه على وجهها الباسم بأبتسامه أستغربتها وبنبره ما سمعتها من قبل قال :مــبـروك

سكتت ماتبي ترد عليه يبارك لها وهو يدري انها موافقه وبالغصب كمان حتى تحافظ على حلم عمها ضحت بباقي عمرها واختارت انها تعيش معه رغم علمها بأن السعاده لن يكون لها حيزاً ولا متنفساً في حياتهم

وقف قبالها وطبع بوسه هاديه ورقيقه على جبينها التذعت من لمسته الخفيفه لها زاد توترها وأرتباكها وكذلك خوفها منهةمتأكده ان هدوئه يسبق عاصفته القادمه جلست جنبها بثقه وعزة .. هيبته طاغيه على كل شي فيه .. شخصيته القويه مرتسمه على أنحناءات وجهه رجولته متمحوره على هيكله الخارجي

وسامته وجاذبيته الآسره لا ترها لانها مشوهه في نظرها كان بأجمل حالته بثوبه ومشلحه وشماغه

وهو جالس جنبها كان الفرق واضح بين طوله وجسمه الرياضي العضلي وجسمها القريب للقصر ونعومتها ..

شوق ( ويش هالجسم توي انتبه له وربي أني مثل النمله عنده بأصبع يطيرني .. هذا كيف اقاومه ياربي ويش البلوى اللي ابتليت فيها )

قرر يكسر الصمت : ليش سآكته

شوق : مآظن في شي يستآهل أتكلم معك فيه

فهد أبتسم على جنب : الأيام جايه وبنلآقي اللي نسولف يه

شوق تلف عنه : طيب لو سمحت لاتتكلم لان صوتك ينرفزني

فهد : وانتي شوفتك توترني

شوق : احلى بشاره والله

دخلت ندى بعد مادقت الباب

ندى تسلم على فهد وشوق : الف مبروك

فهد : الله يبارك فيك عقبالك

ندى تغمز له : على يدك زوجني

فهد : أبشري عريسك جاهز

شوق تطالعه بنظرآت احتقار ( ياثقل دمك على قلبي اووف منك )

ندى : يالله أتركم الحين عشان ام ليان كلمت المصوره اللي انت قلت لها عليها

فهد يجلس على كرسيه : زين زين أذا وصلت خليها تجي سيدآ هنا

شوق ( أي مصوره ؟ هذا مصدق نفسه" حست بقهر وفضول يقتلها كلامه كله الغاز فضلت السكوت وجلست جنبه )

طلعت ندى وتركتهم لحالهم وكل واحد ناره تأكل صدره من جهه لف عليها وقال بصوت رآيق

فهد : اعطيني كأس مويه من على الطاوله

لفت عليه بعفويه وطيرت عيونها فيه وقال بنبره حاده : أشتغل عندك أنا دور أحد غيري يخدمك ياسي السيد

فهد يضحك : طيب لا تعصبين لازم تكوني ريلاكس قدام أخواتي والمصوره

شوق بكره : لاتتفلسف علي

دخلت أم رياض ومعها المصوره

ام رياض تسلم على فهد وتبارك له ولشوق

فهد : الله يبارك فيك ياخالتي

ام رياض تتفحص شوق : مشاء الله قمر عروستك يافهد

فهد يطالع شوق ويمسك يدها ويستغل حياها من ام رياض : ايه ياخالتي الله يخليها لي

ام رياض تضحك : امين يارب تتهنون مع بعض

شوق تضغط على يده بقوه تحاول تخليه يترك يدها : امين ياخالتي

ام رياض : الله الله بفهد ياشوقه حطيه بعيونك هذا مثل عيالي واغلى بعد

طالع بشوق وهو ينتظر ردها وتحولت ملامحها للون الاحمر الحاد من كلمة ام رياض نزلت راسها وهي ترد عليها بصوت خافت وخجول

شوق : ان شاء الله بعيوني .. وبداخلها تتوعده وتكرهه كره الويل حست بنظرآت انتصاره عليها وشماتته وهو يضحك على شكلها

ام رياض تتوجه للباب : اخليكم تتصورون على رآحتكم

فهد : لا أوصيك ياخالتي تشيكين على كل شي وتشرفين عليه

ام رياض : ابشر وأنا أمك لاتوصي حريص .. وطلعت وقفلت الباب ورآها

فهد يطالعها بنظرات غريبه : بعيونك هاه

شوق : لاتأخذ بنفسك مقلب مجرد مجامله لخالتك

فهد يقلب عيونه : ايه مره صدقتك داري ان نفسك تموتيني

شوق : الحمدلله عارف قدرك عندي .. جات المصوره بعد ما جهزت الخلفيه البيضاء

المصوره : يالله ياعروسه نأخذ لك صوره لوحدك

شهد تطالع رغد بنص عين : مصدقه ان أهله بيجون

رغد بخيبة أمل : والله قالي وارسلت له مسج وقال ايه

شهد توقف : روحي معي أشرب مويه بدل جلستك لحالك

رغد توقف : يالله نروح

وهم ماشين بالممر الزجاجي شافت بنت تأشر لهم

رغد كانت لابسه فستان طويل ناعم وفيه فيونكه تحت صدرها لونه أبيض وسكري وذيل طويل من ورى ومن قدام ماسك وكانت بارزه أنوثتها وجمالها الرباني

شهد كانت لابسه فستان احمر توتي طويل عاري مره وضيق والطاغي عليها جمال ملامحها الحاده

شهد : هلا حبيبتي

البنت : لو سمحتي تعرفين وحده اسمها رغد تقرب للعروس

رغد فتحت عيونها : أنا رغد ياحلوة تامرين بشي

البنت : أنا نوره أخت عبدالله

رغد شخصت عيونها فيها وأبتسمت لها وسلمت عليها وباستها على خدها : هلا حبيبتي كيفك ويش اخبارك

نوره : بخير عساك بخير أنتي كيفك عسى ماتعبتي

رغد تحرك شعرها بدلع : لاتعب ولا شي طمنيني عنك

نوره : الحمدلله بخير سلمي على امي .. وأشرت على امها وسلمت عليها وباست راسها

ام عبدالله : ياحبيبتي ويش اخبارك .. جلست جنبها وهي تبوس يدها

رغد : بخير ياخالتي انتي ويش اخبارك عساكِ بخير

ام عبدالله : بخير يابنيتي .. مبروك ماسويتوا

رغد : الله يبارك فيك عقبال نوره واخوانها

ام عبدالله تمسك يدها : عقبالك يايمه مع وليدي يانك دخلتي قليبي وارتحت لك

رغد حمرت خدودها من كلام خالتها وأبتسمت بحيا : بحياتك ياخالتي الله يخليك لهم ولايحرمهم منك يارب

شهد ميته ضحك على شكل رغد اللي خجول وهي تبوس خالتها ( من الحين الرضا يارغيد والله طلعتي على حقيقتك تبين رضاها عليك هههه وآي على شكلك يضحك )

رغد تغمز لشهد : تعالي سلمي على خالتي .. سلمت شهد على ام عبدالله وجلسوا معها شوي

حط يده البارده ورى ظهرها العاري وقرب شفايفه من خدها الوردي توترت من قربه لها ولمسته اللي قشعرت جسمها انفاسهم مختلطه حس بلفحت أنفاسها الحاره اللي حرقتع بحرارتها حطت عينها بعينه ولقته مركز نظره عليها تلاقت عيونهم كانت نظراته تعبر عن شتاتها وخوفها وعذابها بقربه كآنت نظراته حاده وشرسه وحارقه

المصوره : ولا حركه ..وأخذت لهم لقطة بعدت عنه وهي تأخذ لها نفس طويل بعد توترها منه

رجعت لهم وطلبت منها تطبع بوسه على خده لكنها رفضت وبشده

المصوره : هو جوزك لا تستحي

شوق : عارفه بس لاتطلبين حركات جريئه مني

فهد ضحك : بوسه تسمينها جرائه .. دعست على رجله بكعبها حس بالالم لكنه كبت صرخته وطالعه بنظره صاروخيه لكنها ظربت بعرضها الحائط وطنشته ومشت الي برآسها بعد محاولات أقناعها وطلب المصوره منها التجاوب أخذت كم صوره عاديه جدا لهم مع بعض وتركتهم لحالهم

فهد بنظرات ناريه : ماراح اعدي لك أي شي سويتيه

شوق بعناد حطت عينها بعينه : لا تعديها ترى مابتخوفني بتهديداتك الغبيه

فهد رفع حاجبه وبحده قال لها : لا تستعجلين على رزقك بتأخذين اللي فيه النصيب

شوق تصد عنه وتعطيه ظهرها ونفخت بقوه : أووف

طنشها وشرب من العصير اللي بالكاسه وهي تطالعه بكره وحقد نفسها تميحه عن الوجود كلها غل وبغض لشخصه

بالكوشه

بنت عمة فهد : ويش اسمك انتي

ريم : أنا ريم

..: ايوة ريم اخت العروسه

ريم : يب اختها

دانا : تعالي لمياء معي نسولف على جنب ابيك بسالفه

لمياء : طيب يالله

ريم ( ياسمجها ذي الادميه تجيب المرض بكلامها ونبرتها ووع ) : أقول لينا تعرفيها ذي

لينا تهز راسها وهي تشرب عصير : يس يس اعرفها تصير بنت عمة ندى

سحر : أقولكم .. بروح لشوقه ماشفتها اليوم مره كيف شكلها وهي عروس بسم عليها

ريم : يالله طيب نروح لها صراحة احس اني بفقدها

سحر ودموعها بعينها بس تقاومه : اجلي المناحه بعد الزواج عشان نبكي براحه حتى لو تلخبط الميك آب

ريم تدفها : قومي يالله نروح لها

الساعه 12:22

كآنت لحالها بالغرفه بعد التصوير رجع لقسم الرجال يستقبل المعازيم من كبار الشخصيات اللي يعرفونهم كانت ترآجع نفسها وحساباتها وتخطط لكل خطوه تنوي عملها معاه قطع تفكيرها دخول البنات اللي جلسوا شوي معها يسولفون ويبعدون عنها الربكه والخوف

جااء موعد الزفه الساعه 1:40

مسك يدها وأنفتح باب من غرفتهم الكبيره الى غرفه ابهرتها طاوله ذهبيه كبيره والجاتوه على شكل طبقات وبالاعلى صورتها وصورة فهد يوم الملكه أنصدمت من الفخامه الموجوده وما أنتبهت للي تصور بكاميرة الفيديو وقفوا قبال الطاوله ومسكوآ سكين الكيك الذهبيه وقطعوآ الكيك ببطئ

همس بأذنه : حاسبي على حركاتك ترى في كاميرآ تصور والناس بالقاعه يشوفونا

أول ماسمعت كلامته خافت وأرتجفت بشكل غير طبيعي

شوق : لا تسوي حركه تنحسب عليك

فهد يهمس لها بحده : امشي حتى نروح ونكمل الزفه لا تستفزيني

كملت معه وهي ساكته ولا تقاوم بأي كلمه حتى ما تسوي شي قدآم الناس .. طلعوآ عند الدرج المعزول عن الكل وصوت الزغاريط والموسيقى الكلاسيكه تعج بالقاعه كسى القاعه الظلام عدآ اضاءات الشموع الخافته وروائحه العطريه الساحره اللي أنتشرت مع الاوكسجين تسلط الضوء على المكان اللي يطلعون معه .. وأنفتحت الستاره البيضاء ..

وطلع وهو ماسك يدها بهدوء وقفوآ جنب بعض بدت الأغاني يرتفع صوتها والأضواء مسلطه على أبطال الحفل

شـــــــوق & فـــــهـــــد

طلعت بفستانها الابيض الآمع كان ماسك على صدرها ومن تحت صدرها الى أخر خصرها شفاف ومطرز بكرستالات تعكس الاضاءه عليها وتلمع .. والظهر من ورى كله فاتح بالوسط فيه شريطتين على شكل ورده صغيره والفستان منفوش وذيله ورآها .. كان شعرها لونه بني منفوخ من فوق ومنزله خصل على وجهها طويله على جنب .. وشعرها كله ملفلف ونازل من ورى شوي الى حد رقبتها والطرحه مدخله بطريقه غريبه وهاديه على شكل ورده كبيره من الخلف والشعر حولها بخصل طويله وقصيره عشوائيه ...طويله تسحب وراها وميك أب متداخله الالوان الفوشيه مع الاسود والرمادي ومسكتها على شكل كره كبيره نازل من سلاسل كرستاليه مليانه ورد وعليها صور شبكتها

آمـــا هو كان كاشخ كشخه نجديه بطوله وشموخه وهيبته مسوي دقن أمارتيه ودآمج معها سكسوكه مبينه ملامحه الحاده القتاله... بسماره وبشرته البرونزي .. وآقف جنبها مثل الأمير بطلته ونظراته السهميه لف يدها اليمين على يده وشبك أصابعه بأصابعها مسكت نفسها لا تصرخ عليه .. كآنت يدها باردة زي الثلج وخفت برودتها بعد ماحطها بكفه الدافيه بلعت ريقها وهي تحس بشعور غريب ومشاعر متضاربه .. مشوآ خطوتين بطيئه ووقفوآ عند الدرج اللي مربوط بشريط ابيض وورده بالوسط وجنبه تحفه اسطوآنيه وفوقها صدفها زجاجيه ودآخلها ورد وردي ومقص وولاعه .. لف عليها وقابلها وأشر لها بأصباعه وبدلوآ مكان الدبل .. وقلبها شوي ويوقف بين ضلوعها والكل يرآقب مسرحيتهم الفاخره برومنسيه وحالميه وأمامهم امراء حفلهم .. مسك المقص وشاركته بمسكه وقصوآ الشريط . نزلوا على الممر الشفاف والاضاءه من تحتهم ورحة العود والبخور امتلت بالقاعه .. مشوآ ببطئ الى أن وصلوآ للكوشه وفيها بالوسط دائره وقفوآ عليها وهي تدور فيهم حتى يشوفونهم كل المعازيم بجميع الجهات

ريم ودمعتها على خدها : بسم الله عليها تهبل زي الملاك بالفستان الابيض

ندى : عيني عليها بارده لا اله الالله تجنن

ليآن تهمس لدانا : ماتوقعتها بالجمال هذا صدق ماتعرفين توصفين

دانا : ويش رايك فيها ؟!

ليان : صراحه حطمت توقعاتي الحين تلاقين زوجة رياض طاقه من الغيره

دانا : احس حتى تعرف ان في احلى واجمل منها اشيفه عمرها علينا بجمالها

ليان : اووش خليني اركز .. يابنت خالك خرت علومه خخخ

دانا : والله ما ألومه من الزين اللي جنبه ..

بآلجهه المقابله

جدتها : قطع هالمخطوفه ماخذه له مزيون

هيفاء : ادعي لها يمه حرام عليك البنت ماتستاهل والحمدلله ان ربي عوضها

هند بقهر وحسد : ويش لاقي فيها الخبل .. الله لايبلانا من زينها شوفيها كيف تفجع

هيفاء : حرام عليكم .. اعوذ بالله منكم .. تحسدون بنت اختكم اليتيمه

صفية زوجة ابو سعد : هذي يتيمه حنا اليتامى .. ماخذه لها ولد شباب وغني وكل الزين فيه ويش تبي اكثر من كذا .. ضحكت لها الدنيا بنت الفقر .. ياليته يدري عن حالتها اول بنت الفقر

عند عماتها ومها

هديل تبكي : يمه ماني مصدقه ان شوق بتروح عنا

حنين نزلت عيونها هي وخلود : يمه ويش بيصير ببنات خوالي

ام سامر : خلاص لاتقلبونها مناحه البنت بتروح مع زوجها وبتشوف حياتها الى متى بتعيش مع اخوآتها

مها بحزن وهي ماسكه نفسها : بنفقدها كيف بتكون حياتنا من بعدها ..

جات ستي بعباية رغد وشهد اللي جالسين بجنب مظلم حتى محد يلمحهم

رغد ضامه شهد اللي كابته دموعه : شوي مها رآحت ولآ بكينا

شهد تدفن نفسها بحضن رغد : خايفه عليها أختي واعرفها ضعيفه

رغد : شوفي زوآجها كيف .. أن شاء الله مايقصر عليها ويحطها بعيونها

شهد من قلب : يآرب

جلسوآ على الكرسي وتصوروآ مع بعض وبحركات حلوه لكن شوق ماقدرت تعارض أبداً خصوصا ان بالها بمكان ثاني بعد ماخلصوا من الزفه وجلسوآ على الكوشه جات ندى ودانا وليان وسلموا عليهم ورقصوآ على طلب خاص منهم مع أمهاتهم وام رياض ومريم زوجة رياض ..

جوآ اخوات شوق وعماتها وبنات عماتها متلثمين وسلموآ عليها وعلى فهد

هنادي بقوة عين : فهيدان حط بالك على شوق ترى نبيها

فهد ضحك ومسك يد شوق باسها : شوق بعيوني لاتوصوني عليها

ام خلود : يا يمه يافهد ماتحتاج وصايه بنتنا أمانه عندك

مها : وخلها تزورنا ترى مانستغني عنها

فهد : ابشروا من عيوني .. كل شهر بجيبهها لكم ..

جات شهد ووقفت لها شوق وحطت المسكه على الكرسي وضمت شوق وجلست تبكي على كتفها وطاحت لثمتها وهي تشهق وتبكي ماتبي تبعد عن شوق وضمتها سمر من الجهه الثانيه وجلست تبكي اكثر من شهد

شوق تحاول تهديهم وهي ماسكه نفسها : خلاص حبايبي .. ليش تبكون بدال ماتفرحون لي

شهد تبعد عنها وتمسح خدودها اللي ساح عليها الكحل : بتروحين ياشوق مين يصحينا ويهتم فينا .. بتتركين فرآغ كبير محد بيسده أبدا

شوق : ياعمري ياشهد انتم كبرتم وصرتم بطولي وتعتمدون على انفسكم

سحر تبعد هم وعيونها حمراء : انتي امنا ياشوق ربيتينا كلنا .. بفقد امي مرتين .. مره بموتها ومره بفراقك .. أخذتها شوق بحضنها وجلست تبكي معاهم .. قام فهد ومشى خطوتين ولحقته أخته

ام دانا : وين رايح يافهد

فهد منزل راسه بالارض : بطلع استنى شوق برآ خليها مع اهلها شوي اخواتها منهارآت

ام دانا تمسك يده وتطلع معه حتى تشوف له الطريق الى ماطلع برآ

ام خلود تسحب شوق من بين اخوآتها وبنات عمها : يالله عريسك ينتظرك برآ تأخرتي عليه

تأملت القاعه مابقى فيها غير اهلها واهل فهد .. مشت مع عمتها والبنات ورآها تسمع أصوات بكاهم وشهقاتهم دخلت الغرفه ولبسوها عماتها عبايتها وغطوها

شوق وهي قريبه من الباب : بنات لاتتركوني تعالوآ لي بالفندق

كلهم بصوت : بنجيك

شهد ماسكه مشاري بحضنها ومشت معها للباب : شوق نحبك ياشوق

شوق : وأنا كمان والله احبكم رآح افقدكم .. مهآ روحي معاهم للبيت لاتتركيهم لوحدهم

مها تمسح دموعها : أبشري بروح معهم

رغد : أنتبهي لنفسك ياشوقه .. أي شي تحتاجينه كلمينا

شوق : اهم شي تعالوآ لي لاتتركوني لحالي

عمتها تفتح الباب وهي تطلعها : يالله ياشوق .. عمك اقلقني يقول تأخرتي

شوق تطلع مع الباب وتشوف السياره اللكزس مشرعه من أولها الى اخرها ولونها ابيض وتشريعتها جنان

فتح لها بندر الباب ودخلت بعد محاولات قاسيه لدخول فستانها للدآخل السياره .. تحركت فيهم السياره وهو جالس جنبها وصوت الميوزك الخفيف طاغي على الجو الساكن دآخل السياره

قلبها يرجف داخلها كيانها أمتلى زلازل وبرآكين مابينه وبينها الى فاصل بسيط مسافه لاتقل عن عشرات السانتميترآت .. وصلوآ لآفخم فنادق المدينه ( المدينه هليتون ) اللي يطل على الساحه الرئيسيه للحرم ويطل على بوابه الملك فهد وهي البوابه الرئيسيه للحرم .. نزل سوآقهم وفتح لها الباب وجاء سلطان مدير أعمال فهد وفتح له الباب

فهد : مشكور ياسلطان

سلطان : الف مبروك ياطويل العمر .. أي شي تبيه كلمني على طول

فهد : ان شاء الله لاتنسى اللي وصيتك فيه

سلطان : لاتخاف ياطويل العمر ان شاء الله بالوقت اللي حددته يكون موجود

فهد : مشكور .. توجه للباب اللي كانت تنزل منه شوق وساعدها لان فستانها مضايقها مسك يدها ودخلوآ مع البوابه الكبيره الراقيه وأنتبهوآ لهم كل الزوار والمعتمرين اللي جالسين بصالة الأستقبال وهم يبتسمون على أشكالهم الحلوه وورآها السوآق اللي يشيل لها الذيل الطويل .. دخلوآ بالانصنصير لحالهم وطلعوآ لجناحهم الخاص فيهم .. مسك البطاقه ودخلها في المكان المخصص لها وأنفتح الباب تلقائي .. فتحه لها على كبره ودخلت لدآخل الجناح .. قفل الباب ومشى ورآها .. نزلت عبايتها وطرحتها وجلست على الأريكه الفخمه جلس قبالها وهو يتأمل وجهها الملائكي .. رفعت وجهها وتلاقت عينها بعينه نزلت دموعها بغزاره وماقدرت تكبت شهقاتها أكثر وهي تتذكر خواتها غطت وجهها بكفوفها وأنهارت بالبكاء .. سحب شماغه وحطه على الطاوله جنب الحوض الدائري الصغير اللي موجود فيه ورد وأسماك ومنظرها يجنن ..

فهد ببرود : خــــآيــــفــــه !!

مسحت دموعها وأحتاس وجهها وأنعدم الميك آب .. وقفت ورآحت للغرفه شافت الغرفه اللي مجهزينها للعرسان السرير لونه احمر وعلى اطرافه ورد أبيض وريحة العطور ترد الروح شافت السله الخشبيه اللي مجهزينها رغد وشهد لما رتبوآ ملابسها بالدولاب وفوقها المنشفه ولوشن جسمها والشامبو وباقي اغراضها اللي تحتاجها .. سكرت الباب وهي مقهوره ماله مفتاح يعني ببطاقة الجناح يفتح الباب نزلت فستانها وعلقته على جنب واخذت المنشفه ولفتها على جسمها وأنصدمت لما شافت الروب الفوشي القصير المجهز مع الاغراض وكمان اللي تكره بالذات .. فتحت دولابها وهي تسب وتلعن بالبنات وثقت فيهم وهم متقصدين يحطون كل شي قصير وعاري لها

شوق بعصبيه : غبيآآت .. على بالهم زي أي عروس .. أأأخ بس لو تطيحون بين يدي

حمر وجهها من القهر سحبت سلتها ودخلت الحمام وأنتم بكرآمه حتى تأخذ لها شور طويل

ببيت ابو مها

كلهم يبكون عليها البيت ماله حلى بدونها وبدون حسها

مها تهديهم : كل وحده فيكم هذا مصيرها .. المفروض تفرحون

رغد تبكي وتشرب مويه : بس شوق كيف بنعيش بدونها البيت مثل المقبره بدونها .. فاقد حسها وصوتها

سحر : بنفقد القرآن بصوتها وخشوعها .. وأذكارها كل صباح ومساء

شهد منهاره مره : انت تعبت لا أم ولآ أخت شفت العذآب مرتين

مها تضمها لصدرها : هونيها ياقلبي اهم شي سعادتها مع زوجها أدعو لها

الكل : الله يوفقها

هنادي ماسكه نفسها لاتبكي وتكابر على نفسها : يالله عاد زودناها .. شفتوآ فهد يوم باس يدها بعد مابدلوا الدبل

سحر : يس والله فطست ضحك

تغير جوهم وقاموآ يحكون بعض عن اللي سمعوآ واللي شافوآ

سمر : سمعت وحدها تقول الولد مزيون وهي مزيونه اجل عيالهم ايش يطلعون

شهد تضحك من بين دموعها : يطلعون زيي

هنادي : أعوذ بالله عشان تنتحر شوق .. ويش تبي فيك يطلعون عليك

شهد : تبوس يدها وجه وقفى اذا طلعوا علي صح مهاوي

مها تحط يدها على بطنها : واللي ببطني تتوقعون يطلع على مين

رغد بضحكه رجتهم : يطلع على جلالي خخخ

مها كشرت : تحلمين انتي .. بيطلع قمر زي امه

هنادي تطالعها بنص عين : قمر .. قصدك بقر زي امهم ههههههههآآآآآآي

مها : اقول انا ويش مسويه لكم تكرهوني .. لو أني رايحه لبيتي اكرم لي من تريقتكم فيني

ريم : خليك وآثقه من نفسك يالبطه مو أي شي يهزك

مها : على قولتك اصلا هناديوه عياله بيطلعون مصارعين وقطاعين طرق

هنادي تمد لسانها : مناك بس تحلمين

شهد تبوس مشاري : شوفوا المزيون ذا اروح ملح على عيونه وضحكته

رغد : ترى بزوجه بنتي مو تسحبين علينا ..

شهد تصرفها : طيب طيب نشوف عاد اذا ميشو يبيها بنزوجهم واذا مايبيها بكيفه اهم شي راحته

رغد تكشر : هين ياشهيد انتي وولدك خليه ينفعك

طلعت من الحمام وهي تنشف شعرها الطويل لما طلعت شافته وآقف عند باب الدولاب ويلبس بلوزة البجامه حقته اول ماحس بوجودها ورآه لف عليها

وهو يطالعها من فوق لتحت خافت من نظرته وطنشته وهي تتجه للمرآيا أخذت الفرشه وصارت تمشط شعرها وتحرك للكرسي اللي تحت الشباك وجلس وترك بلوزته مفتوحه وماقفل ازاريره كانت وآقفه قباله والمسافه شاسعه بينهم ركزت على شعرها وهي تمشطه وحست بعيونه تأكلها أكل

خصوصاً ان قميصها قصير لنص الفخذ ولونه لايق عليها ومعطيها انوثه وزايد سحرها

اتوترت بدآخلها سرت حراره بجسمها من نظراته لها بان الارتباك والخوف عليها نظراته الحاره اربكتها وزادت براكين كرهها له انقهرت من خواتها وتفكيرهم الغبي

شوق ( حسبي الله عليكم ياشهد ورغد انا الغلطانه اللي سلمتكم الخيط والمخيط .. وهذا بعد عيونه اربع اربع وجع يوجع بطنه ماينزل عينه الله ياخذه اكررررررررهك يافهد نفسي اذبحك وافقع عيونك هذي )

من كثر توترها صارت تهز رجلها بقوه تركت شعرها سايح على وجهها وحطت طوق فوشي على شعرها ماحست بنفسها الى تحط روج وردي وكحل وبالها مو باللي تسويه بالها مع فهد اللي ملعق عيونه عليها وماينزلها حتى لما يلمحها تميل فمها بتضجر

فهد

لما طلعت من الحمام بخفه ماحسيت فيها ابدا لما شافتني البس وقفت بمكانها وحسيت بحركه وراي لفت وشفتها بأبهى صوره على طبيعتها بدون أي مكملات جماليه

كانت بعيونها نظرات صدمها وهي تشوفني موجود بنفس الغرفه .. كنت ابي اطفشها بالكلام لكن لما طاحت عيني عليها بجمالها الرباني غيرت رائي

خصوصا انها كانت تبكي على خواتها وباين انها خايفه مني ومن نظراتي لها .. مشت للمرآيا وعيوني متعلقه فيها ماني قادر اتحكم بعيوني .. كانها سحرتني بنعومتها وسحرها وعيونهها الواسعه اللي شبكتني جلست على الكرسي وانا اتاملها وهي تسرح شعرها بهدوء وكانها متوتره من وجودي

طنشت وتقصدت اني اطالعها حتى اوترها بزياده اللون الفوشي زايد بياضها وجاذبيتها لكن مانسيت انها طاهره من الخارج فقط .. لكن من الداخل فهي نجسه

كل شي فيها مجرد خدعه للنظر جمالها رقتها كلامها كلها اسلحه تساعدها في حربها معي .. لكن رغم كل شي فيها لازالت ابغضها واكرها .. وبحقق هدفي من زوآجي منها وهو المتعه بس ..

متعه × عذآب × شبه حياه ..

رآح ادفعها ثمن كل جرح بصدري وكل جرح بروحي ..

شكلها طفولي رغم عمرها فيها براءه تحسسني بالذنب انا عديم الاحساس معها احس بالذنب وأحس برغبه الانتقام .. لكن انتقام من نوع ثاني .. انتقام ممتع لي وعذاب بالنسبه لها .. قررت أكلمها واجس نبضها

قلت لها ببرود قاتل : شوق

شوق بمثل بروده : نعم .. ويش تبي مني

فهد بأبتسامة خبث : ترى أذن الفجر

شوق مشت لأتجاهه وهي تطالعه بتفحص ولأول مره تتأمل شكله... بشعره الطويل الي نص رقبته وبشكل عشوائي وعيونه السوادء الجارحه وصدره المفتوحه وعضلاته البرونزيه البارزه تعلقت عيونه فيها يتنظر ردة فعلها .. سحبت السجاده من ورآه لانه مانتبهه انها ورآه وأخذت عبايتها وفرشت سجادتها وبدت تصلي

حط يده على دقنه وهو يطالعها .. وقام ورآح للصاله ينتظر تخلص صلاتها

بعد ربع ساعه رجع للغرفه كانت توها شايله السجاده طبقتها وحطتها على الكرسي وهي تشوف الطاوله اللي عليها شموع .. طفى الأنوار كلها وشغل الابجورآت .. لفت عليه بصدمه وتجمدت بمكانها وطيرت عيونها فيه

مسك يدها وسحبها وهي تطالعه بأستغراب

شوق تسحب يدها : هيه هيه .. ويش تبي

فهد يلف يده على خصرها ويطالعها بعيون شرانيه : هذا سؤال تسئله عروس لعريسها

شوق تدفه عنها : فهد لاتقرب مني ترى وربي مايصير لك شي طيب

دفها على الجدار ولزق فيها : ويش بتسوين يعني بتضربيني

شوق خافت منه ونزلت دموعها وهي تضربه على رجله : قلت لك بعد عني بـــــــعــــ....

فهد يحط يده على فمها : لاتصارخين .. لاني ماراح ارحمك لو تموتين قدامي .. وسحبها بقوووه

شوق تعارضه وتحاول تحرر نفسها منه : اتررركني

فهد بنظرات شرسه : ترحمي على عمرك

وبدأت حرب الأنتقام .. ونار أحرقت قلوب الأبطال ..

حرقه والم وعذاب .. ومسيره من الألم ستبدأ رحلتها من هذه اللحظات

وهـــآهــو [الــقــلـــب الحجري].. مــآذا سيتفنن بتعذيبهــآ ؟!

وهي تلك [ الــمــلآك] ماذا ستعاني معــاه ؟!

رغــد& عبدالله وقصته قُدر لها النجاح ..ماهي بدايــة مطافهم ؟!

الــبــآرت الـــعـــشرون

يا ( مگآنہ |

هو وِع’دني

بِ ( انّہ !

دايم ينتظرني ’

. . . * مثل م’ا أنا وعدتہ [ اني ] برجع لہ وٍ احححححٍ ن ’’

( ليہ ؟

| خ’يّب |

هقوٍتي فيہ , وطعنّي ’

تسّمعٍ ’ إنتْ شششٍ لوٍنْ هآ الطعٍ نہ تئَََََََنْ

صباحية الزوآج

صحوآ البنات كلهم وجلسوآ بالصاله

جلست بتأفف : دآيم شوق تهاوشني عشان أكل

رغد تطالع البنات : مين اللي يسوون فطور اليوم

ريم : بليز انا بثالث فكوني من شغل البيت

شهد تشرب ميشو الحليب : اقول من اليوم بنسوي جدول شوق اللي تكرف وتغسل وتطبخ رآحت ياحلوين

دخلت مها وبيدها ورقه مرتبه الاشغال بين البنات : يالله شوفوا الجدول وينطبق من اليوم بدون اعتراض ســـآمعين

هنادي تهز راسها : ياربي .. من اليوم

مها تعطي رغد الورقه : يالله شوفوه بروح اسوي قهوة لأبوي واجهز فطوره

سحر : والله ضعنا بدون شوق هذا وماصار 24 ساعه على روحتها

سمر تروح للمطبخ : ظلم ليش انا اول يوم

ريم : ارضي يالله مافي اعتراض

شهد تنوم مشاري وتوقف : اللي عندها ملابس تبيني اغسلها تقوم تحطها عند سلة الغسيل ماراح اركض وراكم سامعين

سحر تميل فمها : من الحين الدكتاتوريه

شهد تتخصر : على بالكم انا زي شوق ببالي طويل واترجاكم ترجي انا اغسل الملابس يوميا اللي عندها شي هي تجيبه لكن انا امشي وراكم تحلمون

هنادي : طيب الله يرجك

رغد : وانا علي الطبخ تعرفوني احب الطبخ

ريم : وانا الكنس وتمسيح السيراميك

هنادي: وانا اجازة طول العمر خخخخخ

سحر : تحلمين انتي نطلع لك شغله

رغد تفكر : اممم انا اقولك انتي مسئوله عن نظافه الجدار والتحف والمرايا كل يوم تمسحينها حتى ماتغبر

هنادي : يالطيف هذا شغل يومي لنا كلنا

ريم : ايه ويش على بالك انتي

هنادي شوي وتبكي : وكانت شواقه تسويه ولحالها صدق احنا مفتريات

رغد : زمن الدلع ولى وراح ... دخل ابوهم وهو جاي من المسجد

ابو مها : السلام عليكم

الكل : وعليكم السلام

ابو مها : ويش فيكم اصواتكم لاخر البيت

سحر : والله يايبه اننا نقسم شغل البيت بيننا

ابو مها : وين قهوتي وفطوري .. " سكت شوي بعدها قال ".. يوم شوق في اجي القى الصينيه جاهزة قدامي

هنادي تبتسم : كلنا كنا مدلعين الحين مافي دلع شكلك يايبه من اليوم بتدخل المطبخ خخخخخ

ابو مها : ماهي بعيده والله يابنتي .. بس عندي بنات سنعات صح والا انا غلطان

كلهم صاروا يطالعون ببعض ونفسهم يتشققون من الضحك : ايه صح

ابو مها وهو يحمسهم : طيب يالله ابي فطور يشبع كل شي بالمطبخ حطوه

رغد وشهد يروحون للمطبخ : من عيوننا

ابو مها يطالع بمشاري : يازينه وهو نايم .. من زمان ماشفت اطفال

ريم : يبه انت تحبه زينا يعني

ابو مها : والله انه اغلى منكم عندي .. دخل قلبي الله يسامح امه وابوه اللي تركوه

سحر : اي والله ماعندهم قلب

سمر دخلت : ماكلمتوا شوق

الكل : لا

سمر : يبه نبي نروح لها

ابو مها بحده : لا عيب وانا بوك مايصير نروح لها من اول يوم استنوآ شوي

سحر : بس حنآ مشتآقين لها حيل يبه

ابو مها : تحملوآ .. تحملوآ كلها يومين ونروح لها

سمر تتخصر : طيب مها كلمت بندر وبتروح لها المغرب .. ليش هي ايه وحنآ لا

ابو مها : يايبه مها كبيره وعاقله ومتزوجه بتروح تشوف تحتآج اختكن شي والا تبي شي مايصير نتركها

ريم تهاجمه : آها هذآك قلتها مايصير نتركها تكفى تكفى يابوي ودينا لها

ابو مها بأصرار : لا يعني لا وانتهى الكلام

سحر : ليش الظلم .. مايصير كذآ يبه والله ظلم

سمر تبكي : أنا اشتقت لها يكفي أنها بتعيش بجده ومانشوفها الآ بالقطاره

ابو مها حن عليهم : اممم بكلمها وأشوف اذا فاضيين نروح بعد العشاء .. هجموآ عليه كلهم اللي تبوس يده واللي تبوس رآسه واللي تدعي له

ابو مها يضحك : هههههههه اثاري شوق غاليه عندكم .. اضن اغلى مني

هنادي بسياسه : حشاك يابو مهاوي انت اغلى وآحد بلا منازع بس حنا نمثل عليك ونحزنك حتى نكسب تمشيه حلوه

ريم : يبه يبه ويش رايك نروح نصلي العشاء بالحرم وبعدين نروح لها

ابو مها : الله تشوفونه بس مابي ماخبل ابيكن بنات عاقلات انا وآثق فيكم ومخليكم على رآحتكم .. يابناتي انتم اغلى من كنوز الدنيا عندي .. ابي اشوفكم بأعلى المناصب واهم شي دراستكم

سحر : يبه انا ابي ادرس طب .. تكفى لاتعارض رغبتي

ابو مها فرحان : افا عليك انا ودي وحده فيكم تكون دكتوره .. كيف اوقف بطريقك انتي وخواتك وصية الغالي الله يرحمه

ريم : الله يخليك لنا يبه

دخلت مها وبيدها الصينيه : وهذي احلى قهوه بالعالم لاحلى ابو مها بالدنيا

هنادي تتلفت : الجوال وينه عز الله بيتسمم ابوي من قهوتها

الكل : ههههههههههههههه

مها : اسكتي يالرفله

هنادي : لالا حنا نبي ابوي ماحنا مستغنين عنه

صحت من النوم على صوت أذان العصر كل قطعه بجسمها تألمها ..الم فظيع يسري بجسدها تذكرت اللي صار ضمت الشرشف لصدرها وهي تبكي جسمها كله أثآر جروح وخدوش .. عذآب نفسي وجسدي بآلنسبه لها أمتلت مخدتها دموع دموع حزن × الم × عذآب .. ماتقدر تحرك ظهرها .. بطنها تحس بشي ينهشه بدون رحمه .. لفت برآسها على الجهه الثانيه شافت ملابسها بحال يرثى لها ممزقه وكل قطعه بجهه .. وحشيته مستحيل تنمحى من بالها شافت فيه وحش ينهش لحمها بشرآهيه اغتصبها مره ثانيه ولكن بالحلال .. حاولت قد ماتقدر انها تستند على الكمودينه اخذت ملابسها ولفتها على جسمها وبكل صعوبه وقفت وتحركة للدولاب عيونها مغطيها الدمع ماتشوف طريقها تتمسك بكل زاويه او شي بطريقها ماتقدر تحرك رجولها من الألم اللي تحس فيه .. فتحت دولابها وطلعت لها لبس تلبسه واخذت منشفتها ودخلت الحمام وأنتم بكرآمه جلست بالبانيو وفتحت المويه اختلطت دموعها بقطرآت الماء .. حست برغبه جامحه للأستفرآغ .. وفعلا استفرغت (أكرمكم الله) بكت وبكت لحالها امتلى قلبها كره فوق كرها وحقد زاد اضعاف مضاعفه عليه

حاولت تمحي أثار لمساته ووحشيته اللإنسانيه دعكت جسمها بالجل بقووه لكن هيهات كان متقن رسماته على جسدها الضعيف والناعم .. قوتها ولاتضاهي قوته ولكن هناك من هو اقوى منه وأنتقامه اقوى من أي انتقام .. غطتها قطرآت الماء البارد يمكن أن تطفى نار جوفها وتطهر نجاسة فعلته

طلعت بعد معاناه اتعبتها جلست على السرير وهي لابسه تنوره قصيره شوي وبلوزه كت اضافة نعومه على نعومتها .. لازالت دموعها على خدها الوردي ضلت ربع ساعه على حالتها .. سمعت جوآلها يدق شافته على الطاوله ورآحت له بكل كلافه عليها شافت رقم مها حاولت تتمالك نفسها ولا تبين لها شي

شوق : الـــو

مها بصوت ساخر : الوآآت ياقميل وينك عن الجوال مليون مره دقيت عليك

شوق : كنت نايمه توي صاحيه

مها : حركآآآت توك صاحيه .. المهم ترى بعد العشاء بنجيك اوكي

شوق : حياكم الله

مها ماتطمنت لصوتها : شوق فيك شي .. فهد أذآك بشي

شوق نزلت دموعها لكن بنفس الصوت : لا ابداً مره طيب معي

مها ودخلها الشك : شوقه قولي الصدق فيك شي

شوق : لا والله بس مجرد تعب عادي .. مهاوي تكفين جيبي لي معك مسكن راسي وبطني يؤلموني من أمس

مها على نيتها : اوكي ياقلبي .. بجيب لك انتبهي لنفسك ولاتسوين شي احنا مابنطول عندكم

شوق : طيب

مها : بااي

شوق : مع السلامه .. جلست على الكرسي وحطت رآسها على الطاوله وجلست تبكي

دخل عليها وشافها على وضعيتها هذي كمل طريقه بأتجاهها وحط الكيس اللي بيده على الطاوله جنب رآسها

رفعت رآسها ودموعها على خدها وشعرها مبلول وبنظرات شراريه طالعت فيه ..جلس على الكرسي قبالها وكأنه انسان بريء طالعها ببرود

فهد : هذي ادويه لك استعمليها

رمت الكيس على وجهه باقوى ماتملك وقالت له من بين اسنانها بنبره واضح فيها الكره والحقد : مابي شي منك ياوآطي

ركز عيونه عليها وبنظره ناريه عقد حاجبه : المره هذي بكيفي امشيها لكِ لكن انتبهي على تصرفاتك يامدآم شوق لا أنهيك عن وجه الأرض

شوق وقفت واعطته ظهرها : اللي مثلك قاتل محترف مو غريبه عليك القتل لانك تقتل القتيل وتمشي بجنازة

عصب من كلامها وقف ورآها وبصوت خافت منه : اول من قتلته انتي !! والحين رجعت احييتك عشان اعوض الناقص بحياتي فيك

لفت عليه وبكل قوتها صرخت بوجهه : انا ماني محطة تفريغ تفرغ فيني .. ولاتحسب اني بسكت لك لالا ياشاطر رآجع حسابتك أول

فهد يمسكها مع دقنها بقوه ويقرب وجهه من وجهها : لاتصرخين بوجهي عشان لاتندمين

شوق تبعد يده بقوه عنها : لاعاد تلمسني يا أنجس خلق الله

وتفلت بوجهه وبعيونها حقد طالع فيها بنظره بركانيه وبأقوى مايملك صفعها كف طاحت على الأرض من قوته وهي مصدومه من كفه لها غطى شعرها وجهها نزلت دمعه حاره من عينها احرقت خدها مشى بخطى واثقه منتصره وقف قبل يطلع من الغرفه وبدون لايلتفت لها

فهد بصوت تصدعت من جدار الغرفه : هذآ أبسط شي اسويه لك ياحقيرتي .. وطلع لصالة جناحهم

مر وقت وهي على الارض تبكي بصمت دموعها جرحت خدها مكان صفعته لازآلت علامته وآضح والمه كسى قلبها وانكسر كل شي فيها هذي هي كل محطة في حياتها يمر شخص يشوه معالمها الجميله

آآهـ يا كبر القهر لا صار ما باليد حيله..

والجروح من( القــرايب) والخطا مني وفيني!!

ان نويت اشفي غليلي ما لقيت اية وسـيلهـ

كيف ابلقى دام جرحــي سبته طعنه يميني؟!

وان نوت تبكي عيوني صارت( الدمعــهـ ) بخيله!!

يآكبرها لامن تجمـــع هم قلبـــي وهم عيــني

ياهمـــوماً بي تعدت حدهـا صارت ثقيلــهـ

اخذي مني كم ســؤال ولو سمــحتي جاوبيني

ليه من بعد (الوفـــاء والطيــب) وفعولاً جليله

من يدين اللي حشمته أول طعـــوني تجيني؟؟

وليه لاضاق الفضــا في عيــن من خانه دخيله

مالقيت الا (المــلامه) انتهيها وتبديني؟

ياهمومي ياجــروحي يا صدى الروح العليله

والله ان الـــظــلم قهره قيّد لسانـــي ويديني!!

يوم قيل ناظر حسودك زاد في قوله وقيله

ما طــرالي غير قولت آآآخ يا دنيــا ارحميني

ان تكلمت وحـــكيت وجبت برهاني ودليله

ما تضــرر كود منهو قد لفانــي منتخيني!!

وان سكــت وقلت هانــت هــم وسنيني تزيله

اكتشفت ان (السنين) تزول والهم محتويني!!

بس لجــل اللي انتخى في جد جــدي والقبيله

والله اني لاشــرب المــر واتحــمل ما يجيني

ودام ما بالكون (صــدراً) ارتمي به واشتكيله

ودام مابــه عين تقـــرى حزني اللي مبتليني!!

ما لي الا بيت شـــعراً اذكــره في كل ليله

لا انتهى جـــدال المعاتــب بين قلبي وبين عيني

وقفت لملمت بقايا شتاتها وانكسارها مسحت دموعها وغسلت وجهها حتى تبعد أثر الدمع عن خدها رجعت للمرآيا مكان صفعته حمراء لونه لون الدم مررت يدها عليها نغزها الالم غمضت عيونها وحاولت تتجاهل الالم ومشطت شعرها واستشورته حتى اخواتها مايشكون بشي وخصوصا عمها ومها اخفت اي معالم بوجهها بالميك آب والكحل .. لكن فتحت بلوزتها اللي بارزه كل صدرها كيف تخفي اي جرح وخدش فيه حاولت وحاولت لكن كلها فاشله جلست على السرير وعيونها متعلقه على الباب تنتظر دخول اهلها مستحيل تطلع وتقابله .. أذن المغرب وهي ماحست بمرور الوقت صلت وكالعادة دعت ربها بعد صلاتها طوت سجادتها بعد ماخلصت وهي تسبح وتستغفر ربها فتحت الدولاب تطلع صندلها ارتجفت من دخوله عليها وهو يطالعها بدون أهتمام متجاهل وجودها

فهد : ترى ابوي واهلي بيجون .. مابيك تبينين أي شي لهم لو تزلين بشي ترى ماراح اتسامح معك ابد سامعتني .. طنشته ولا ردت عليه ومشت وهي تعطيه ظهرها

صرخ عليها بصوت وحشي : سامعتني !!.. بعد طنشته ولا ردت عليه وجلست على الكرسي تشرب مويه طلع من الغرفه وهو معصب منها

شوق ( الله يكسر يدك يافهد الله لايعطيك عافيه ياحيوان ياسافل ) حبست دمعتها بعينها وقررت تتجاهله وتطلع تجلس بالصاله حتى تنرفزه بوجودها

رغد تكلم الجوال : ايه طالعه مع اهلي

عبدالله : لوين ؟!

رغد : بنروح لأختي اذا جينا أكلمك اوكي

عبدالله : اوكي عشان اقولك رائي الوالده فيك

رغد حمر وجهها : صدق اوكي اول ما أرجع بكلمك

عبدالله : اوكي يازوجتي الغاليه .. احرجها بكلمته وولعت خدودها

رغد بصوت مستحي : يالله باي

عبدالله : باي ياحبي

اول ماسكرت غمضت عيونها بحالميه وحب لعبدالله اللي سكن روحها وقلبها وعقلها .. استولى على كل شي بدنياها تفدآه بعمرها كله .. حبته بجنون وملك شي ماقدر اي احد يملكه برغد

شهد تطالعها بعيون غريبه : رغيد فتحي عيونك وكملي كشخه مالي خلق تأخرينا

رغد : انا خلصت بس باقي المسكره والروج على بالك زيك بطيئه

شهد : ما أقول الا الله يرفع عنك .. يالله بس اخلصي علينا

رغد تجلس على كرسي تسريحتها : طيب طيب لا تزعجيني .. خذي عباتك وسفرقي عني ( يعني انقلعي هع )

شهد تأخذ عباتها : هين يارغيد يالعجيز ومدت لسانها وطلعت

رغد فتحت عيونها على الاخير وبيدها الماسكرآ : صدق انا عجوز .. خبله شهد انا اوريها

بالصاله

مها : يالله يابنات ورآنا مشوآر طويل

ريم تلف طرحتها : انا خالصه

سحر : وانا كمان

مها : والبقيه ابوي وجلالي تحت يالله يابنات .. وجوآ كلهم ورآحوا

كانت جالسه مع ام رياض وندى وليان ودانا اللي جايين مع جدتهم وجدهم

ام رياض : ألف مبروك يابنتي

شوق بخجل وحياء : الله يبارك فيك ياعمتي

ندى : تصدقين انتي احلى بدون ميك آب

ليان : لالا بصراحه بميك آب وبدون تجننين

شوق استحت من كلامها : تسلمون .. كلكم ذوق

دانا : وين خالي فهد وجدي

شوق : بالغرفه الثانيه .. قبل تكمل كلامها دخل فهد ومعه أبوه اللي فيه شبه من فهد

ابو رياض : السلام عليكم .. وقفت شوق وهي منزله رآسها من الحياء

الكل : وعليكم السلام

ابو رياض : مبروك يابنتي

شوق وهي منزله رآسها : الله يبارك فيك

ابو رياض : عسى ما أزعجناكم بجيتنا

فهد : افا عليك يبه المكان مكانكم

ابو رياض يجلس بالمكان اللي كانت جالسه فيه شوق .. وجلس فهد جنبه على مسافه بعيده شوي

ابو رياض : اجلسي يابنتي جنب زوجك ليش وآقفه

شوق تطالع عمها اللي واضح فيه الحنان : بأقهويك ياعمي

ابو رياض : ارتاحي يابنتي ندى تقهوينا .. وجلست جنب فهد بس حاولت تبعد عنه لكن الكنبه ضيقه

تحس بالم يطعنها ببطنها وظهرها ماتقدر تتحرك منه كثير لكن تجامل قدآمها وهي تتعذب بدآخلها

ابو رياض : يالله يام رياض بنروح

فهد : بدري يبه اجلسوآ

ابو رياض : بننزل الحين الحرم نصلي مابقى شي على الصلاه وبعد تأخذ رآحتك مع عروستك

فهد : بس باقي وقت على الصلاه

ابو رياض : ماعليه ياولدي بنروح ورآنا سفر بكره .. وقفوآ الكل .. وأتجهوآ لباب الجناح وورآهم شوق وفهد ودعوهم .. رجعت بسرعه وجلست على الكنب وحطت يدها على بطنها وهي تتألم بقوه لما دخل الصاله وشاف لون وجهها الاصفر خاف يصير فيها شي .. قرب منها ووقف جنبها

فهد وهو هادي : ويش فيك ؟!

رفعت رآسها وهي تقول له بألم : يعني ماتعرف .. كله منك أتألم

فهد جلس جنبها وحط رجل على رجل ورجع راسها على ورى ولف يديه ورى رآسها : والله اذا هذآ اللي تاعبك فهو شي عادي لازم تتعودين .. طلت فيه ببرود ونظرة احتقار ونزلت رآسها

فهد : اذا مره تتالمي اوديك المستشفى

شوق : شكرآ مايحتاج مستشفى .. وقفت بتروح الغرفه وتعلقت عيونه عليها وقال لها بصوت هادي

فهد : روحي غيري ملابسك أحسن لك بدل الدم اللي ماليها .. لفت عليه والشرار يطلع من عيونها

صرخت عليه : حـــــــقـــــــــيـــــررر.. طنشته ورآحت للغرفه

ريم : يبه هذآ الفندق اللي فيه شوق وفهد

ابوها : ايه هو ذآ

هنادي : اخص ياشوق حركات بالهليتون

مها : بلا حكي فاضي وهيا على البوابه وبهدوء

شهد شايله ميشو اللي يبكي بحضنها وهي تحاول تسكته : بنات شيلوآ شنطتي

رغد : امشي انا اجيبها معي

سحر اول وحده وصلت عند الانصنصير وهي تضغطها عشان ينفتح لهم : هناديوه شوفي العلامه طالع والا نازل

هنادي تشوف الاسهم الحمراء : شكل هذا الشريط ياسحر حق سوق الاسهم <<~ فايقه تستعبط البنت

سحر انقهرت منها : يالمسوآك فتحي عيونك

هنادي تضربها على رآسها : مسوآك ابرك منك يالدب القطبي

سحر عصبت وحمر وجهها : انا دب قطبي .. وضربها على بطنها بكوعها

هنادي عصبت : هيه على بالك يدك خفيفه والله لاصقع رآسك بالجدار الللي ورآك

سحر تحط يدها على خصرها : فيك خير مدي يدك وشوفي ويش بيصير لك

هنادي تدفها بقوه : هاه وريني ويش بتسوين ياكودليزآ رايس ياتكر انتي

سحر وصل ضغطها مليون ومسكتها من ورى وسحبت طرحتها وهي ناويه تصفقها : والله لا اوريك يامعفنه

هنادي تدفها عنها : يابقره بعدي يدك لا اوريك حركة التكوأندو الجديده

سحر تضربها على ظهرها ودموعها بعيونها : استقوي علي يابويه

هنادي فار الدم بعروقها : انا بويه يــــ... وقبل تكمل كلامها جاء ولد وقال

..: عيب عليكم تتهاوشون

هنادي : وانت ويش خصك اقلب وجهك عنا

الولد : على أي صفحه ههههههه

سحر تضربه بكعبها على رجله : ابعد عنا لا أجمع عليك خلق الله

هنادي تسحب سحر لجوآ الانصنصير وتقفله : خلاص اهجدي عاد

سحر : طيب الله يرجك ... سكتوآ شوي

هنادي : اقول اي دور غرفة شوق

سحر : مدري احسبك تدرين

هنادي : ابوي وينه تركنا ورآح وخواتي

سحر خافت : يمه ما أدري يا هنادي

هنادي : اووف خلينا نرجع تحت الحين .. ورجعوا للدور الاول يدورون ابوهم شافوآ ابوهم يكلم الجوال من بعيد .. واتجهوآ له

سحر : يبه وين رحتوآ ندوركم حنا

ابوهم يقفل الجوال : وانا ادوركم خبري فيكم يوم دخلنا مع البوابه

هنادي : احنا نحسبكم ورآنا

ابو مها : يالله خوأتك يستنونا عند المصاعد ومشوآ بأتجاههم

كآنت بغرفتها بعد مابدلت ملابسها لبست بنطلون برمودآ أسود وبدي لون منقاوي طويل شوي لاخر خصرها ومفتوح على شكل v من عند الصدر وتحته حزآم اسود والظهرعلى شكل دمعه طول الظهر.. كان استر شي في الدولاب رفعت شعرها ذيل حصان ونزلت خصل عند اذنها وخصله على وجهها تعطرت وحطت بلاشر مشمشي وروج وردي لامع وكانت بأروع شكل .. رجع لها الالم بظهرها وبطنها بس على أخف شوي

سمعت صوت الجرس وعرفت انهم اهلها لان مها كلمتها قبل دقائق تحملت على نفسها وطلعت من الغرفه شافته متجهه للباب

شوق : لحظة انا بفتح الباب .. لف عليها وهو مستغرب من كلامها

فهد : يمكن السيرفيس روم

شوق : لا هذول اخواتي وعمي

فهد : بكل الحالات انا بفتح الباب

شوق تعارض : بـــس اخــ...

فهد يلف عنها ويمشي : اخواتك ماراح اكلهم .. ومشى للباب بثوبه وشعره كان عشوائي ومعطيه جاذبيه فتح لهم الباب ودخلت شهد ومعها مشاري وعلى باله شوق اللي فاتحه الباب

شهد بتعب : خذي خذي ميشو تعبت وانا شايلته .. ولما مدت يدها اخذه فهد وهو منزل راسه وتفشلت منه ودخلت بسرعه جوآ .. ودخلوآ بعدها البنات وابوهم

ابو مها : السلام عليكم

فهد : وعليكم السلام ... حياكم الله ياعمي

ابو مها : الله يحيك ياولدي .. كيف حالك وكيف عروستك

فهد : بخير جعلك بخير ياعمي .. ودخلوآ للصاله وشوق تسلم على خواتها اول ماشافت عمها رآحت سلمت على عمها وباست يده وجبينه

مها : مبروك يافهد ....فهد منزل راسه ومشاري على يده

فهد : الله يبارك فيك يارب .. عقبالك .. ضحكوآ كلهم على كلمته

هنادي بلقافه : هذي سبقتكم وتزوجت

فهد : اجل عقبال البقيه

ابو مها : امين يارب .. اعطى مشاري لابو مها .. واخذ شماغه وعقاله

فهد : انا طالع حتى تاخذون راحتكم مع شوق

ابو مها : والله ماتطلع .. البنات يروحون مع اختهم لجوآ

شوق : انا بأخذهم لغرفتي

رغد تهمس لها : طيب الجاتوه والبيتفور وين نحطه

شوق تاخذه منهم : روحوآ الغرفه انا اجي لكم بعد شوي .. ورآحوا وهي اتجهت للزاويه اللي على شكل مطبخ وحطت الجاتوه بصحن دائري ووزعت الباقي .. وأخذت الصينيه ومشت قد ماتقدر وبظهرها يألمها .. حطتها على الطاوله وهي تطالع بفهد اللي اسمه واسمها على الجاتوه

ابو مها : الله يرضى عليك يابنتي ويوفقك يارب

شوق : امين يارب لاتنساني ياعمي من دعواتك

ابو مها : والله يابنتي البيت من دونك مايسوى كلنا فاقدينك

نزلت راسها ووقفت : انا بروح للبنات تامرني بشي عمي

ابو مها : سلامتك ... رآحت للغرفه ولقتهم كلهم جالسي ينتظرونها

مها : ياهلا والله بشوآقه

شوق : هلا فيك

سحر : وحشتينا يابنت هذا يوم واحد بس كانه سنه

شوق : توي ادري اني غاليه

شهد : والله فقدناك مرره

هنادي تتطالعها بتفحص : بنت .. قصدي ياحرمه ويش فك شكلك تعبانه

شوق : لاتعبانه ولاشي بس ماشبعت نوم

رغد عينها على صدرها : شوق ويش الجروح هذي اللي بصدرك تفجع

شوق تضم البلوزة على صدرها : كافي اسئله ياكثر اسئلتكم

مها تضحك : احرجتو عروستنا اهجدوآ شوي

ريم بخوف : يعني لو اتزوج بيصير فيني كذا حتى النوم ما انام

شوق عصبت : لالا ماراح يصير كذا بس اسكتوا ياربي

هنادي : حنا نب نتعلم منكم

شوق : هناديوه اسكتي ابرك

شهد تغمز لهم : خلاص يابنات اسكتوآ

سمر شافت الكيس اللي جابه فهد لشوق وطلعت من علبة دوآ ورفعته : هيــــــــــــه .. كلهم لفوآ عليها

سمر : شوقه ويش ذا الدواء

شوق عصبت وصرخت عليها : اتركيه حق فهد

سمر ترجعه وتحط الكيس على الكمودينه : طيب خلاص اعوذ بالله كاننا ارتكبنا جريمه

مها تهدي شوق : ويش فيك متوتره هدي بالك

شوق تهمس لها : انا تعبانه مره مالي خلق احد وهم ذبحوني بالاسئله ليش وايش اووف

مها تستهبل : طيب ليش

شوق عقدت حواجبها : بموت انا منكم بموت

رغد : يالطيف .. حكينا ويش صار معك هيا تكلمي

شوق : ماصار شي اول ماجيت غيرت ملابسي ونمت وماصحيت الا العصر من التعب لي يومين مانمت زين .. والمغرب جوآ أهل عمي وقبل تجون بشوي رآحوا

مها : وكيف كانوآ

شوق : شكلهم مره طيبين من كلامهم وتعاملهم معي وانا زوجه فهد مو ولد ام رياض

سحر : ايه مبين انهم طيبين حتى زوجك شكله تحطيم يجنن مشاء الله

شوق تطالعها بأستغراب وبداخلها ( عساه يموت ان شاء الله من زينه الله يأخذه ويفكني منه ومن شره )

رغد : ياويلك هذا زوجها ماتسمح لاحد يتكلم عليه

شوق : قفلوآ على السيره .. سمعت صوت فهد يناديه قامت بتأفف وهي يادوب تمشي حتى ماتبين شي لاهلها .. وطلعت له

شوق : ويش تبي ؟!

فهد يعطيها مشاري : خذي هذا مدري ايش يقرب لك

شوق : مو لازم تعرف .. وأخذت مشاري ولمست يده بدون قصد وأرتبكت من لمسته طلعت بعيونه وهو يطالعها بتفحص طنشته ورجعت للغرفه .. خلت ميشو بحضنها تلاعبه

مها تهمس لها : شوق خوفتيني عليك ترى قبل شوي بالعافيه وقفتي .. في شي يألمك

شوق : لا مافي شي

مها تحاول تسحب منها الكلام : قولي ويش سوى لك زوجك الغبي

شوق : ماسوى شي

مها : ماهي علي هذي الحركات .. والاثار اللي بصدرك تقدرين تقولين ويش هي

شوق بتأفف : مهاوي بليز ترى من صدق تعبانه وماني قادره اتكلم لا تزني علي

مها : اوكي برآحتك .. بس حطي شي ببالك اني خايفه عليك واي شي تبينه كلميني على طول

شوق : اوكي اوعدك اذا احتجت شي بقولك

فاتن مستغربه تغير اخوها : وين بتأخذني يافايز

فايز بطيبه : بنروح نتمشى من زمان ما أخذتك بتمشيه

فاتن تطالعه بنص عين ولفت على ابوها : غريبه مالك عاده تأخذني

فايز : يعني الاخ مايصير يغلط ويمشي اخته ويعشيها بالمكان اللي تبيه

فاتن: يصير بس ابوي يمكن يحتاج شي

فايز : توك مخلصه من اغراضه واظن ابوي ماهو معترض

هز ابوهم راسه وهمهم بكلمات فهمتها فاتن وأبتسمت له ووقفت تلبس عبايتها

فايز : يمكن نتأخر يبه .. لاتخاف علينا

دخلت وطرحتها على كتفها : يالله فايز أنتهيت

فايز يوقف : مع السلامه يبه .. وطلعوآ للسياره بعد ماحرك السياره ومشى لمكان بعيد طلع كيس من تحت الكرسي ومده لفاتن

فاتن تطالعه بأستغراب: ويش فيه الكيس

لف عليها بنظرات خبيثه وماكره : شوفي يافاتن تنفذين أي شي اقوله لك بالحرف الوآحد ومابيك تنطقي كلمة لا مفهوم

فاتن بدت تخاف منه : ليش ؟

فايز يركز على الطريق : اقولك ليش .. انا مطفر وجاتني فلوس بارده مبرده 10 الالاف ريال مابي اضيعها وانتي سبب الفلوس هذي

فاتن نزلت دموعها : ويش يعني انا السبب

فايز ضحك ضحكة شيطانيه : هههههه بتفهمين كل شي بالشقه ..

رجعوآ من عند شوق مبسوطين وفرحانين .. دخلت غرفتها وقفلت الباب دقت عليه بلهفه وشوق وحب ملئ قلبها

عبدالله : أهلين

رغد : هلا وغلا .. أخبارك

عبدالله : تمام .. بشري عسى انبسطتي عند اختك

رغد : الحمدلله أنبسطنا كلنا .. بس طلعنا عينها ورجعنا

عبدالله : ماطولتوآ صح ؟!

رغد : يس ماطولنا .. كلها نص ساعه ورجعنا .. المهم طمني عنك انت

عبدالله : من اسمع صوتك اصير بألف خير ياروحي

رغد : من جد عبودي اشتقت لك مره .. طول الوقت افكر فيك نفسي ارجع بسرعه حتى اكلمك

عبدالله : ياعمري عليك يارغودتي .. تصدقين فقدتك الفتره اللي فاتت

رغد ترمي نفسها على سريرها : ومن سمعك انا اكثر كل وقتي افكر فيك .. حتى بكاء بكيت عليك يادب

عبدالله : ههههههه تستاهلين انتي اللي انقلبتي علي

رغد : الحين تصحح الوضع .. على فكره رجعت كلمة أبوي

عبدالله : لا بعدي ماكلمته مره ثانيه . عشان عمي مسافر وبعد يومين يرجع ويكلم ابوك ويحدد معه موعد

رغد بفرح : أنتظر هاليوم بفارغ الصبر يا عبودي

عبدالله : بنكون اسعد زوجين بالدنيا ..

رغد بحياء : أكيد دام نحب بعض بنكون أسعد اثنين بالعالم

عبدالله : ماقلت لك امي واختي ويش قالوآ عنك

رغد تحمست : ويش قالوآ ؟

عبدالله : امي ميته عليك وأختي بعد تقول حبتك انتي وشهد

رغد : والله يشهد علي اني حبيتهم .. وغلاتهم من غلاتك ياقلبي

عبدالله : أنا استأجرت شقه قبل شهر ونقلنا فيها انا وأمي واخوآني .. بدل ماهم بالقريه لحالهم

رغد : صدق .. كويس بس مدارسهم ايش صار عليها

عبدالله : نقلتهم كلهم للمدينه والحمدلله الحي اللي استاجرت فيه مدارس البنات والاولاد قريبه من بيتنا

رغد : الحمدلله .. على فكره عبودي اختك سنه كم

عبدالله : ثاني ثانوي علمي

رغد : مشاء الله شكلها اصغر ..توقعت انها بثالث متوسط

عبدالله : ههههههه ياويلك لو تسمعك يمكن تموت

رغد : بسم الله عليها ..

عبدالله : رغـــودتي

رغد : عيوني !!

عبدالله : أحــــــبــــــكـ

رغد حمرت خدودها وردت عليه : وأنا أمــــــوت فــــيـــكـ

بغرفه ثانيه من بيت أبو مها

ريم : هههههههههه خطيره النكته

سيف : هذي اخر نكته بالسوق

ريم : الله الله .. اكسكلوزف يعني

سيف : تقدرين تقولين كذآ

ريم : ويش اخبار خالتي بعد الزوآج أمس

سيف : الحمدلله ماعليه بس تقول انك كنتي ملاك

ريم بحياء : وي هي قالت كذآ

سيف : أيه والله قالت كذآ .. مايدرون انك بكل حالتك ملآك بعيوني

ريم : تسلم لي عيونك ..

سيف مصدوم : ويش قلتي .. عيديها

ريم بجرآئه : تسلم لي عيونك

سيف : ايوه خليك كذآ جريئه ترى ذبحتيني بالحياء

ريم : الحياء شعبه من الايمان

سيف : وه فديت اللي تعرف تتكلم .. خبطي فيني يابنت محمد

ريم : عقبال مايطير عقلك بالمره

سيف : ههههههه ماهي بعيده والله

دخلت عليه ساميه وشافت يكلم الجوال ويضحك وقفت قباله وهي تتخصر وبصوت عالي متقصدته

ساميه : هذآ اللي فالح فيه طول اليوم تكلم ست الحسن والدلال .. حتى الأكل ماتاكل

سيف يغطي الجوال بيده : ساميوه اتقي شري وانقلعي عن وجهي

ساميه : قوم قوم كلم أمي تبيك بموضوع مهم

سيف : قولي لها ربع ساعه وأجي

ساميه : بالله ماتمل من صوتها كل يوم تكلمها .. من زينها ياربي لك الحمد

سيف بعصبيه : أطلعي من غرفتي وشغلك عندي بعدين

ساميه تلف عنه : صحصح وشوف كيف صاير بنت محمد توديك يمين ويسار على كيفها وهي لسى ماجات بيتك ياحظي ..

سيف صرخ بأعلى صوته : أطـــــــــــلـــعـــي برآ

ورجع للجوآل ونطق بأسمها لكنه كان يسمع صوت بكاها

ريم : يلا باي

سيف : ريم ليش تبكين

ريم : مافيني شي بس طحت على الكرسي

سيف : قولي الصدق ياريم .. سمعتي كلام ساميه أختي

ريم تنرفزت : ابي افهم شي وآحد ياسيف ليش اختك تكرهني .. مو بس اختك أهلك كلهم مايحبوني على بالك ماني حاسه بالشي هذآ .. نظراتهم وتلميحاتهم حتى بنات اعمامك انا ماعمري أذيتهم بشي ليش هم يأذوني خصوصا اختك ساميه

سيف : ماعليك ياحبيبتي أهم شي انا وانتي ماعليك بأحد ولاتهتمي بكلامهم ..

ريم : انا ماني مستعده اجي لبيت ناس كارهيني .. وفهم أختك أني مالي ذنب تكرهني وتحقد علي

سيف : لاتهمك ساميه طبعها كذا شرانيه .. لكن قلبها طيب وبسرعه تتأقلم مع الناس

ريم : ايه باين مرره .. وخصوصا يوم تجلس مع كوثر .. انا مضطره اقفل الحين ابي اكمل شغلي

سيف : انتبهي لنفسك ياعمري

ريم : وأنت بعد .. يلا سيآآ

سيف : سيآآ .. رمى الجوال على سريره وطلع معصب ووجه أحمر ومتنرفز صرخ بالصاله وهو يدور على ساميه .. نزل للصاله التحتيه .. وشافها جالسه عند أمها

سيف مسكها مع شعرها ووقفها : مليون مره قلت لك لا تتدخلين بيني وبين ريم

ساميه تحاول تفك يده عن شعرها : مالت عليك وعليها .. اتركني ياغبي تمد يدك علي عشان هذيك اللي سمعتهم بالأرض .. أعطاها كف قدآم امه وكان ابوه توه دآخل وشافه يوم ضرب أخته

سيف بعصبيه : أحترمي نفسك ياساميه وثمني كلامك قبل تقولينه لا أخليك تندمين على اليوم اللي أنولدتي فيه ســـآآمعــه

ابو سيف : خير ويش صاير

سيف يتنفس بسرعه : يبه شوف ساميه انا ماعدت اتحمل شرها

ابو سيف : ويش مسويه أختك .. جلس سيف وقال لأبوه كل شي قالته ساميه واللي قالته له ريم

ابو سيف بحده : ساميه .. أول وأخر مره اسمعك تتكلمين عن زوجة أخوك كذآ والا انا اللي بتعامل معك بشي ماتتوقعينه

ساميه بقوه : انتم تدرون أني اكرها لاتلوموني

ابوها : الكره بالقلب .. أحترمي شعورها على الأقل

ساميه تصرفهم : يصير خير .. وطلعت لغرفتها

بآلبيت

سحر أتنرفزت من اللي قالته ريم : ماعليك منها لاتسكتين لها أبدآ ترى كذا بتتمادى معك

ريم : تعرفين اني اكره المشاكل ولا أطيقها بس ساميوه ذي عقربه شكلها بتكرهني بعيشتي

هنادي : اقول ماعليك منها دوسيها الغبيه ذيك لو أنا مكانك كان أدبتها

ريم بتأفف : والله اني احب سيف .. طيب ويحبني ومثقف ومتعلم بس اخته الله يأخذها

سحر : أجل طنشيها

شهد : ماعليك طنشيها اللي مثلها ماينفع الذوق معها

سحر : بقوه بعد

بالفندق دخل عليها وبدون نفس قالها

فهد : البسي عباتك

شوق عقدت حواجبها وبنظره ناريه : وليش ؟!

فهد : بنروح نتعشى بمطعم

شوق تكمل قرائه المجله : بس أنا شبعانه مابي أكل

فهد يجلس على الكرسي اللي قبالها : زين والله وفرتي علي 300 ريال

شوق بنظرة احتقار : وبخيل كمان .. مالت عليك بس

فهد : كأنك زودتيها شوي .. ترى ساكت لك بمزآجي والا الكف ما أثر فيك

شوق بحقد دفين : عسى يدك لشلل اذا مديتها علي مره ثانيه .. ومابتردد بدعواتي عليك

فهد : انتي يالنجسه تدعين ههههههه اخر زمن والله

شوق ارتفع ضغطها منه وأنقهرت زياده ولعت من كلامه : ما النجس غيرك انت انا اطهر منك مليون مره

فهد ببرود يرفع رجله وحطها فوق رجله الثانيه : اموت عليك يالطاهره انتي

شوق رمت المجله على الطاوله اللي فاصله بينهم : ايوه اطهر منك غصب عنك ..وقفت وأعطته ظهرها

جاء ورآها وهو يلعب بشعرها وطفشها وهي تبعد عنه

فهد : انا رآيح اطلب عشاء حدي جوعان .. طنشته ورآحت للصاله تقلب بالقنوآت وهي متأففه منه ومن ثقالة دمه وكلامه اللي مثل السم

بعد ماسكر التلفون وطلب عشاء من مطعم الهيلتون جاء وجلس بالصاله وهو يطالع التلفزيون ويشوف البرنامج الديني اللي تتابعه

فهد : لاتكئبينا غيري القناه .. اعطته نظره احتقار

شوق : اذا مو عاجبك اطلع برآ

فهد رفع حواجبه بأستغراب : قلت لك غيري يعني غيري احسن لك ولي

شوق تطنشه : مارآح اغير.. واللي بتسويه سوه

فهد عصب وقف ومشى بأتجاهها تعلقت عيونها فيه وهو جاي بجهتها ..قبل لايلفظ بكلمه وحده دق الباب .. هزتها نظرته الوحشيه وملامحه المخيفه .. ومشى للباب ودخل العربه اللي فيها الأكل جلس على الكنب وجلس يأكل .. تقرفت منه ورآحت للغرفه وهي شايله عليه مره

..: تنفذين كل كلمه يطلبها من الرجال سامعتني

صابها برود وتجمد استحل على مشاعرها ودموعها ما نطقت بكلمه وحده أنصاعت لكلامهم مافي لها أي مفر او مكان تهرب منهم .. دخلت الشقته ووقفت على جنب لوحدها

فايز بأبتسامه عريضه : متى نستلم المبلغ

...: أهم شي تكون على الطلب

صديق فايز : على طلبك والبنت وردة .. بس نبي اللي أتفقنا عليه محتاجين نصرف أمورنا

مد لهم الظرف الموجود داخله الفلوس : وهذآ اللي أتفقنا عليه .. تقدرون تطلعون

فايز : مثل ما أتفقنا الساعه 1 نجي ونأخذ البنت نرجعها لبيت أهلها

..: أوكي الساعه 1 دقوآ على جوالي .. يالله برآ لو سمحتم

قفل الباب وطالع بالبنت اللي قدآمه ولسى لابسه عبايتها

..: نزلي عبايتك " سكت شوي " ..شكلك خايفه وأول مه تدخلين هذآ العالم

فاتن رفعت غطايتها وانصدم يوم شاف دموعها .. خافت من شكله وهو لابس الشورت بس .. وأيقنت ان في هذآ المكان ستفقد هويتها .. جلست على الكنبه ونزلت عبايتها

فاتن : أذا تبي اي شي خذه وخلصني ..

طالعها بأستغراب وجلس جنبها وهو يتودد لها : ويش اسمك طيب

فاتن تمسح دموعها وتتظاهر بالقوه : فاتن ..

..: انا اسمي تركي .. طيب يافتو ليش تبكين خايفه مني يعني

فاتن تهز رآسها بلا ونزلت رآسها ولا طالعته

تركي يطالعها بتفحص شكلها متجهزه بلبسها المثير وشعرها السايح وعطرها لكنه مو مرتاح أبداً

تركي مسك يدها : امم جاهزه الحين .. لفت عليه زي المقروصه ودمعت عيونها وتعلقت عيونها فيه وهي تبكي

تركي استغرب منها : فاتن ويش فيك اذا جايه غصب عنك انا مستحيل أأذيك

فاتن انهارت وهي تبكي : اتركني بحالي .. حرآآم عليكم

تركي صدقت توقعاته وعرف انها مغصوبه : الحقير فايزونوآف هم اللي جابوك صح

هزت رآسها بمعنى ايوه وكملت بكاها .. حاول يهديها لكن ماقدر الا بعد نص ساعه من دوآمة بكاها المستمر

بآلفندق

كآنت متردده تدخل الغرفه لانه نايم على السرير تبي تروح تأخذ لها أغرآض تتونس فيها .. لكن خافت أنه يصحى وينكد عليها هدوئها وجوها الرآيق .. أخذت الريموت كنترول وقلبت بالقنوآت لكن ملت جالسه لوحدهآ لا أنيس ولا ونيس .. الوحيد اللي معها أبغض مخلوق بعينها شافت ملابسها ماغيرتها ماتقدر تنام وهي بذي الحاله ماتأخذ راحتها ابدا مددت رجولها على طول الكنبه وتكت ظهرها ورجعت رآسها على ورى بملل وطفش غمضت عيونها .. دخل وشافها بحالة الاسترخاء تحاول تمحي اشياء واشياء من بالها .. تتذكر اهلها وجلستها معاهم وضحكهم وسوآلفهم أذا طفشوآ أخذت نفس طويل وطلعت زفره بنفس الطول كأنهآ تبعد ثقل جبال على صدرهآ بدأ الألم يعاودهآ وبانت تجاعيد الالم بجبينها مسكت الخداديه بقوه كأنها تستنجد فيهآ

جاء صوته البغيض لها فزت وعدلت جلستها وتحملت الألم حتى ماتحسسه بضعفهآ

فهد بهدوء : قومي بوديك المستشفى

شوق : وليش المستشفى شايفني مريضه قدآمك

فهد بحده : لا تكابرين على روحك قومي يلآ .. ورآنا سفر مو أبتلش فيك هنآك

شوق بكره : مين قال لك أني أبي أسافر معك

فهد صد عنها ورجع للغرفه ويكلمها وهو ماشي بالممر : بلا كثرة حكي وتعالي ألبسي يالله بدون نقاش

وقفت وتحس بألم يقطع بطنها خصوصا منطقه الوشم اللي كأن وآشمه لها بالماضي المه فظيع كأنه نار تحرق جلدها أحرآق مشت للغرفه بهدوء وشافته ينزل ملابسه صدت عنه وهي تسحب عبايتهآ وهو يطالعها بأستغراب سكت عنها وبعد ماخلص طلع من الغرفه .. سكرت باب الغرفه بعده وغيرت ملابسهآ ولبست عبآيتها اللي على الرآس وقفزآتها وطلعت للصاله ولقته يعدل شماغه على المرآيا اول ماشافها بهيئتهآ لف عليهآ بصدمه وصار يطالعها من فوق لتحت كأنها كائن غريب يشوفه

شوق بحده : خير شايف جنيه قدآمك

فهد يبتسم أعجبته بحشمتها وهو يطالع عيونها العسليه الوآسعه السآحره وقآل : بس شكلك غريب أول مره اشوف عبايه زي اللي عليك

شوق : متعود على الصيآعه والعبايات المزخرفه الفاتنه .. ويش بيطلع منك غير كذآ

انقلب السحر على السآحر كان بينرفزها ونرفزته هي .. تتقن فن مجادلته ببرآعه رفع حاجبه تعطر وطلع وطلعت ورآه وسكرت الباب .. وقفوآ عند المصعد يستنوآ يفتح لهم ضغط بقوه على الزر مرتين ورى بعض

أول ما أنفتح دخلوآ وماكان في غيرهم أنتبهت لرقم الدور كان الدور 15 وقف فجأه عند الدور 11 طلعت بفهد وهي خايفه وأنفتح باب المصعد ودخلوآ بنتين متحجبات والوجهه ميك أب أوفر وسلموآ ورد فهد السلام عرفت من لهجتهم أنهم خليجيات وباين من الملامح أنتبهت لعيون البنات اللي نظراتهم كلها أعجاب بفهد وجماله وجاذبيته قرب من شوق ومسك يدها وهي عارفه قصده أول مانزلوآ بعدت عنه ومشت وقفوآ عند البوآبه وهي تنتظره يجي بالسياره .. خمس دقايق ووقفت السياره قدآمها نزل لها القزاز لانه كان مظلل بأسود وماتشوفه أول مالمحته مشت بأتجاهه فتحت الباب وجلست وهي تتألم وماسكه نفسها .. سحب السي دي المفضل له وضغط On وأشتغلت الاغنيه المفضله له اللي بدايتها

" قــــهــــر مـــآكـــنـــت أنـــا أدري تـــعــــيــــش بــقــلـــبـــي كـــذآبـــه"

سكتت وهي تسمع كلمآت الاغنيه الجو حزين وأليم وكئيب .. معانيها تدل على غموض الشخص اللي معها أنتهت الاغنيه وسكرت المسجل طالع فيها بنظره غريبه

شوق : لاعاد تشغل اغاني وأنا معك

فهد : والسبب يا مدآمتي

شوق : ما أحب اسمع اغاني كثير رآع شعوري على الاقل

فهد بدون أهتمام : يالله أنزلي وصلنا العياده .. نزلوآ وهي تشوف المبنى واللوحه فوقه (عيــــآدة النساء والولادة ) أرتجفت أول مره تدخل مكان زي كذآ اعتراها خوف وخجل بعد كيف بتتكلم ويش بتقول والأهم لو دخل فهد معها ويش بيكون موقفها قدآمه .. رآح للرسبشن وسوآ الأجرائات ورجع لها ومعه ورقه بيده وقف قدآمها وطالعها بنظره جامده وقآل بصوت عادي : يالله نروح لغرفة الدكتوره

شوق : استناني برآ

فهد يستهبل : ابشري طال عمرك بس هذآ اللي تبينه .." سكت شوي وقال بصوت حاد ".. مو أنتي اللي تتأمرين علي أمشي بس قدآمي .. أنقهرت منه ومن تدخله تذكرت انه زوجها يعني مسؤل عنها .. أستنوآ دورهم يجي .. وبعد ربع ساعه دخلوآ على الدكتوره .. جلسوآ على الكرسي

شوق وفهد : السلام عليكم

د: وعليكم السلام تفضلوآ .. بعد ماجلسوآ

د: ايش المشكله

فهد : تكلمي ياشوق قولي لها ويش تحسين فيه .. حمر وجهها وزآد القهر بقلبها متقصد يقهرها ويحرجها

شوق بحياء : انــآ .. أحس بألم أسفل بطني

د أبتسمت : متزوجه

فهد : ايوه تونا من أسبوع << طرآآآخ أووف على النصب

د توقف : تفضلي على السرير لو سمحتي .. مشت شوق مع الدكتوره بأنصياع أنسدحت على السرير وهي تشوف جنبها الالات والادوآت خافت مره أنرعبت غمضت عيونها وهي متندمه أنها طاوعته وجات ..

د تضحك : قومي ياحبيبتي .. ان شاء الله كل شي سليم .. ورجعت للمكتب ورجعت معها شوق وجلست قدآمه

فهد ببرود ويمثل الأهتمام : بشري يادكتوره

د: ههههه خف شوي على زوجتك البنت ناعمه ورقيقه .. حمر وجهها مره نفسها تقتل الدكتوره وفهد كمان

فهد : اهم شي سليمه

د: هذآ اهم شي ورآح اكتب لها ادويه وياليت تستعملينها من الليله

شوق : أن شاء الله ..

د : وانت ساعدها يا أستاذ .. وياليت تقرآ الروشته تبع الادويه اللي كتبتها لكم رآح تفيدكم

فهد يطالع شوق بخبث : ولايهمك يادكتوره .. بسوي اللي قلتي عليه

تركي وقف معصب : الكلب الحقير أخوك ويسوي فيك كذا

فاتن تبكي :تكفى لاتقول لأحد .. أبوي لو يدري بيروح فيها

تركي بحنيه وعطف على حالتها : لاتخافين هذآ سر بيني وبينك .. وعندي فكره رآح تفيدك وياليت تنفذينها معي

فاتن تترجاه : ساعدني تكفى لاتخليني اطيح بهذآ الوحل

تركي : لا تقلقين دامك دخلتي هنا مارآح تطلعين الا رآضيه .. بس اوعديني تطبقين كل اللي اقولك عليه

فاتن : والله بسوي اللي تأمر عليه

تركي : اسمعي بترجعين لاخوك وتمثلين عليه .. وأنا بدوريي رآح ابين له اني رآضي عليك وبقول له ولنوآف اني بأعطيهم اللي يبونه بس يجيبونك لي أنا متى ماطلبتك ولا يودونك لأحد ثاني ويصير اللي مانبيه

فاتن : طيب لو وعدك وأخلف وعده

تركي يضحك : لاتخافين نواف وفايز اهم شي عندهم الفلوس ويعرفون انا ويش رآح اسوي فيهم

فاتن : أنا خايفه من فايز أخوي .. دآيم يهددني

تركي : اسمعي بعطيك ارقامي كلها واذا صار شي على طول كلميني وانا بتصرف اوكي

فاتن : الله يوفقك ويسعدك يارب

تركي : يالله البسي عباتك عشان أدق عليهم وأوصلك لحد سيارة أخوك

فاتن بخوف : بس هو قال بيجي هنا

تركي : ياحليلك شكلك ماعرفتي اخوك زين .. يمكن يقول خلها تستأجر وتروح للبيت انتظريني بروح البس وارجع

جلست تنتظره على بال مايخلص ويرجع

بأستراحـــه غير معروفه

رائد : ماجد ويش فيك لك كم يوم متغير

ماجد : تعبان

رائد : سلامتك يابو أمجاد .. بس ويش تاعبك

ماجد : موضوع خاص .. شاغل بالي

رائد : فلها ياعم مافي شي يستاهل .. خلها على ربك

ماجد : والنعم بالله .. اقول جيب البلاستيشن خلنا نلعب

رائد : ماني فاضي ورآي شغل

ماجد بأستحقار : انقلع عن وجهي طيب

رائد : علامك عصبت علي

ماجد : ماني طايقك يارائد ابعد عني

رائد يمشي للباب : طالع بدون ماتطرد بس بكره بتعرف قيمتي وتركض وراي

ماجد : انت اركض ورآك مسكين مصدق عمرك

رائد اعطاه نظرة استحقار وطلع من الاسترآحه .. دخل معاذ

معاذ : هآآآي

ماجد : وعليكم الهاي

معاذ يضحك : السلام عليكم

ماجد : وعليكم السلام

معاذ : يووه الاخلاق ميح اليوم .. خير ويش صاير

ماجد : ماصار الا كل خير

معاذ : وأنا جاي قابلت رائد وكلمته وطنشني وباين انه معصب .. متهاوشين انتم

ماجد : أبد ماحنا متهاوشين

معاذ بنص عين : علينا يامجود قول الصدق

ماجد : هذآ الصدق وترى ماني رآيق اليوم يامعاذ لا تقلقني

معاذ : يؤؤؤؤؤ الله يستر منك انت ورائد .. ويش رايك تروح معي نفحط احسن من الجلسه ومافي أحد

ماجد : طيب يالله قوم نروح

كانوآ بغرفتهم جالسين يذآكرون

سحر : ريمآ

ريم : هلا سوسو

سحر : بخاطري اقول شي بس خايفه

ريم : شنو ( اخيراً بتتكلمين ياسحر وتقولين اللي فيك )

سحر : انا ماقلت لك عن شي صار لي لما كنا بالمزرعه اخر مره

ريم : ويش صار طيب

سحر سكتت شوي بعدها قالت : سمر وسامر

ريم فتحت عيونها وأذنها وتركت كل شي بيدها : ويش فيهم

سحر : سامر طلع يحب سمر

ريم شهقت وطلعت عيونها قدآمها ماهي مصدقه اللي تقوله سحر : مستحيل

سحر نزلت رآسها وقالت بألم : كرهته ياريم أنا حبيته وهو حب أختي وسمر تحبه وبينهم رسائل عن طريق خلود وأنا قريتها

ريم مدهوشه : ما أصدق اللي قاعده تقولينه

سحر : انا شفته بعيوني وهو يكلمها وأغمى علي انصدمت فيه وبسمر كل الحب اللي بقلبي له رآح بغمضت عين طلع وهم اتوهمه أنا كنت غبيه يوم حبيته .. طلع مجرد أعجاب لا اكثر

ريم : ماني قادره استوعب

سحر : هذآ اللي صار

ريم : والحين اهم شي انتي .. ويش بتسوين

سحر : قلت لك كرهته وبركز على دراستي بلا حب بلا خرابيط بحاول اجيب نسبه وادخل طب الحب ماراح يفيدني دراستي هي اللي بترفعني وتفيدني

ريم : عليك نور هذآ اللي لازم ينقال

اليوم اللي بعده .. صحت من النوم وشافت الساعه كانت 2ونص الظهر رآحت عليها صلاة الفجر والظهر ماعمرها نامت زي هذي النومه ارتاحت فيها التعب والالم كان له دور بتخديرها ونومها الطويل .. تمغطت على السرير وتحسل بشي ثقيل جنبها مضايقه لفت على يسارها وشافته نايم جنبها باين انه منغمس بنومه ومستمتع بأحلامه كشرت وفزت من مكانها بهدوء ورآحت للحمام وأنتم بكرآمه وتوضت وطلعت تصلي الصلوآت اللي فاتتها وتقرأ قرآن لانها ماقرت من ليلة زوآجها وحست أنها فاقده شي بحياته وروتين تعودت عليه .. جلست نص ساعه على سجادتها تقرأ قرآن وتعوض الاحزاب اللي تركتها يومين .. قفلت مصحفها ونزلت شرشف صلاتها وطوت سجادتها ورفعت التلفون وطلبت لها فطور لانها جوعانه مره وما أكلت شي من أمس .. بعد ماوصل طلبها أكلت وشبعت ومشت للغرفه وفتحت الباب بهدوء ودخلت لقته طالع من الحمام ومأخذ له شور ولاف الفوطه على خصره وشعره مبلول مشى للمرآياء ونشف شعرها وحط له جل وصار مجعد

فهد : صباح الخير

شوق بدون نفسك : قصدك مساء الخير

فهد : ليش ماصحيتيني لما صحيتي

شوق تأخذ جوآلها تشوف 6 مكالمات لم يرد عليها رفعت عيونها له وبنظره شر : نوم الظالم عباده

فهد ركز عيونه عليها بالمرآيا وبنبره حاده : سوي لي فطور ياحقيرتي

شوق بأستهزاء : المطعم تحت أطلب منه .. والا اقولك باقي من فطور كول منه

فهد لف عليها ورفع حاجبه وملامحه عصبيه رمى المنشفه اللي نشف فيها شعره على وجهها وقال بحده : مو أنا اللي أكل الباقي انقلعي عن وجهي

شوق : أنت الل أنقلع من الغرفه

فهد صرخ : قلت لك أطلعي

شوق بعناد تجلس على السرير : تعبانه مابي اطلع ..

فهد بعيون كلها شر وحقد : اوكي خليك جالسه بس بتدفعين ثمن عنادك ..وبنبرة تخوف .. أوعدك

شوق بدون مبالاه وأهتمام : ما تقدر .. يــآحمــآر

طار من عيونه الشرآر وترك الفرشه من يده ومشى لها تعلقت عيونه عليها وهي تشوف الشر بعيونه وملامحه الشرسه وقف قدآمها ووقفت حطت عينها بعينه وماهمها عصبيته رفعت حاجبه تقلده فيها

فهد بصوت يخوف : ويش قلتي ؟!

شوق بنبرة أستهزاء وسخريه وهي تطول الكلمه : حـــــــــــمــــــآر

مسكها مع شعرها بقوه وصرخ عليها : أنا اوريك الحمــآر ويش يسوي

ورماها على السرير بكل قوته ألمها ظهرهآ من دفته لها حاولت ترجع تجلس لكنه رجع دفها عرفت اللي يدور برآسه أبتسم بخبث وهو مبسوط بدأ يلمس نقطة ضعفها فتح أزارير بجامتها وبدأت تقاومه وصرخت عليه : اتركني ياحمار

طنش كلمها وزادت رغبته بلمس جسمها .. دفته عنها بأقوى ماتملك وضربته برجلها تفلت بوجهه وقامت عن السرير تألم من ضربتها ولف بنظرآته المخيفه وهو يشوفها تبعد عنه وتعدل بلوزتها اللي ارتفعت من سحبه لها وبهذه اللحظة فقط تفجرت رغبته الرجوليه قام من السرير متناسي الالم اللي يحس فيه .. أول ماشافته يوقف هربت من الغرفه والخوف منه يتملكها .. لحقها لصاله وقفت ورى الطاوله وهو يحاول يوصلها

شوق : لاتقرب مني والله ما اتردد بقتلك

فهد يضحك : تقتليني "وبغمزه" حلالك

شوق خافت من رده وسحبت التحفه اللي على الطاوله ورمت الورد اللي فيها على الارض ورفعتها : صدقني برميها عليك .. بعد عني

فهد يتحرك وهي تتحرك خطوه مماثله لخطوته : كلي حلالك .. لاتقومين احسن لك ولي

شوق تتمسك اكثر بالتحفه : قلت لك بعد عني ماتفهم يامتوحش

فهد : وانا ماراح ابعد عنك .. ابيك بحضني

شوق تصرخ عليه : ياوآطي ياحقير

فهد أبتسم وتحرك بخفه وماحست فيه لانها معصبه وترجف من الخوف : حقير واطي قولي اللي تقوليه أنتي زوجتي وحلالي

شوق تزيد بالصراخ وبصوت باكي : لاتقول زوجتي ياحيوان .. الموت ارحم من انك تلمسني

مسك ذراعها ورمت التحفه لكن بعد راسه بخفه وسرعه عن طريقها وطاحت على الكنب اللي ورآه .. أحكم مسكته لها وهي تحاول تحرر يدها منه وفلتت وبسرعه ركضت وركض ورآها ومسكها مع خصرها بقوه ودفها على الجدآر ومسك اكتافها وهو يثبتها على الجدآر .. تحولت نظرآتها لنظرآت خوف منه بدت تخور قوآها .. ركز عيونه عليها وقرب منها بدت تحس بأنفاسه.. صدرها بدأ يرتفع وينخفض أخذت اصابعه طريقها وبعدت خصل شعرها المتناثره على وجههآ ورجعهآ ورى أذنهــآ أقشعر جسمها من لمسته

قرب منها أكثر وأكثر طبع بوسه على اسفل رقبتها ارتفع شوي شوي ودموعها غطت خدودها

امتزجت شفايفه مع شفايفها .. فجأه بعد عنها وهو يطالع دموعها اللي نزلت على خدودها شاف الالم بعيونها والعذاب اللي تعانيه معاه رآحت للحمام ركض صارت تستفرغ جلس على السرير ونزل راسه لمستوى اكتافه وشبك يديه بشعره بدأ يتذكر الماضي والغزو الفكري مسيطر على تفكيره ذكريات وذكريات تمر بمخيلته موآقف لاينساها .. معاناه كان يعانيها فجأه طلعت صورتها لما كانت بأحضانه طعم شفايفها ذكره بصغرها نفس البرائه نفس العيون .. حتى الشفايف لكن الان بصوره مختلفه أنثى كامله لكن جرحه لها كان كافي بتشويهها .. كانت أول وأخر أمراءه بحياته .. امراءه لمست الجانب المظلم في حياته رماها القدر في طريقه

لكي يفرغ حقده الدفين للنساء وهي من تدفع ذلك الثمن

طلعت من الحمام وشافته جالس على السرير ومنحني .. جلست مقابله لكن بوضع معاكس كل واحد معطي الثاني ظهره .. هو منسجم بتفكيره وهي تبكي وتشهق

دخلت المسن طفشت من المذاكره تبي تغير جو شافت لينا متصله وكلمتها

سحر : هاياتوو

لينا : هياتوو .. اهلين كيفك ياقمر

سحر : تمام وانتي

لينا : بخيرآت بس طفشانه مره

سحر : سيم سيم .. هاتي هرجه

لينا : أقولك .. بروح اجيب شي اشربه واجي

سحر : اوكي انتظرك

خمس دقايق ورجعت لينا

لينا : باكــــوو

سحر : احلى باك .. نورتي

لينا : سحر

سحر : هلا ليونه فيك شي

لينا : أشتقت لك

سحر : ههههههه يانصابه اليوم متقابلين بس تدرين والله حتى انا أشتقت لك

لينا : ثوآني بس

كان معاذ اللي كلمها بغياب لينا .. رآح لغرفته بسرعه وفتح الاب توب اللي اشترآه قبل يومين وفتح مفكره وحفظ ايميلها وقفل الاب توب وهو مبتسم وفرحان يحسب بفرح اكيد تفكر فيه مثل مايفكر فيها صورتها ماتروح من باله

معاذ : آآه لو تكونين من نصيبي ياسحر والله لا أسعدك

لينا : باك

سحر : ياكثر باكاتك .. وين تطسين انتي

لينا : ماقلت لك بروح اجيب شي اشربه

سحر : بس كلمتيني تقولين اشتقتي لي وتخرطين علي

لينا : مدري يمكن اختي دآيم تتلقف يمكن تحسبك بنت خالتي سحر .. يالله حصل خير اهم شي اخبارك أنتي

سحر : على حطت يدك انتي اخبارك مع هزاع

لينا : بخير من المغرب وانا أكلمه عالمسن .. الولد احرجني بكلامه كله غزل ودلع

سحر : ههههههه تتهنين يارب

لينا : احسد نفسي عليه الحمدلله اننا مخطوبين والا كنت رآح اموت بدونه

سحر : بسم الله عليك بعيد الشر عنك .. بس الله الله فيه لاتبينين له انك ميته عليه

لينا : والله اني اتثيقل عليه.. الا وين ريم ماعاد اشوفها على المسن

سحر : مسويه اوف لاين مستغله لاب توب شوقه والله سوت فينا خير شوق

لينا : هههههههه الله يعينكم للحين كل يوم دور وحده عالكمبيوتر

سحر : يس لليوم بس المتسلطه رغد متى ماتبي تقومنا .. يوه ذكرتيني

لينا : بويش

سحر : نسيت اغسل الاوآني اليوم عليا الغسيل .. بروح اغسلها واذا امداني دخلت

لينا : انا بطلع احل واجباتي للحين مافتحت شي

سحر : مو منك والله من هزاعوه اللي مأخذ عقلك

لينا : طسي غسلي مواعينكم ويك ويك ويك

سحر : الله يبلاك لاتتشمتين فينا

لينا : اللهم لا شماته وبارك لنا بسونيا اللي شايله كل شي

سحر : يالله طسي يارمه حلي واجباتك باي

لينا : باايو يا قماشه هووع .. ضحكت سحر على تشبيهات لينا وحبها للأستفزاز

رآحت للمطبخ بتأفف وغسلت المفروض عليها وبعدها جلست على سريرها ومسكت كرآستها وأخذت المرسام وصارت ترسم أي شي ببالها وتفكيرها .. افكارها متشتته رمت الكراسه وتلحفت وهي تحس بالبرد الجو بدأ يشتي ويبرد مره دفت نفسها بالبطانيه ونامت

طلعت للصاله الواسعه بقصرهم شافت امها جالسه وتقرأ قصه بالانجليزي .. حنت لأمها ولحضنها ترددت انها تتجرأ وتجلس معها وهي تعرف ان امها وأبوها يرفضون وجودها بأي مكان معهم أعتزلت كل شي وصار سجنها غرفتها .. تشوف دنياها من منظور اسود رجعت لغرفتها مكانها الوحيد تأملتها نقلت عيونها بين اركانها مكان مرفه .. غرفه ملكيه ملايين البنات يحلمون فيها لكن السعاده وهي المطلب الأساسي لنجاح حياه بني آدم افتقدتها .. بيدها ضيعت نفسها تفكيرها المنحرف اغوآئها ودمرها .. أصعب شعور لما تشوف امك قدآمك ولاتقدر تضمها .. أصعب شي لما تحتاج لحضنها الدآفي ومن الصعب ان تحصل عليه .. والاصعب والأمر ان الوآحد فينا يطيح من عين امه وأبوه وأهله يكون نكره

ليان ( أنا اللي ضيعت نفسي .. أنا اللي سويت كل شي بيدي كنت بضيع خالتي معي لكن ربي حماها من افكاري وشري .. استاهل كل شي يجرى لي استاهل كل اللي يصير فيني الحين شوفي ياليان حالتك حتى اهلك مايبونك .. انا لازم القى لي حل وانهي كل شي حولي )

فتحت الكمبيوتر وبدت تتصفح لهدف براسها تبي توصل له

بعد يومين

كانت جالسه لحالها ملت من كل شي وحده فظيعه تقتلها لاكلام ولا حتى همسآت جاء وقف وتكي يده على الجدار

فهد ببرود : قومي البسي بوديك لأهلك .. فزت من مكانه والفرح بعيونها ماهي مصدقه اللي تسمعه

فهد : بسرعه اخلصي بنروح نسلم عليهم بكره ورآنا سفر لجده وبعدها لاسبانبا وايطاليا .. علقت عيونها عليه مصدومه من كلمته

شوق بصدمه : أيش أسبانيا وايطاليا ؟!

فهد : يس بنروح هناك لايكون ماتبين تروحين لأوربا

شوق : بس انا ماعندي جواز سفر

فهد : لاتخافين كل شي مرتبه بس باقي تتصورين بعد ما نخلص من اهلك اوديك استديو تتصورين

شوق بأعتراض : بس مو لازم السفر

فهد بتريقه : لاتكونين من مشجعي السياحه الداخليه

شوق : ويش فيها بلدنا أمان وحلوه

فهد ضحك على كلامها : ههههههههههههه ما ألومك طول عمرك ماطلعتي من المدينه ويش اتوقع غير هذآ الكلام

شوق كشرت : لا يا أبن بطوطه .. لاتكون لفيت العالم

فهد بغرور : مافي دوله بالعالم هذآ مازرتها ومافي مدينه رحت لها

شوق رفعت حاجبها : والله من الدجه ماخليت مكان الا ورحت له

فهد كشر : روحي البسي لا أغير رائي .. راحت للغرفه وفتحت الدولاب اختارت لها تنوره موف غامق وبلوزه حفر أبيض مموجه بموف وعليها سلسال طويل ابيض وشنطه وصندل ابيض .. رتبت شكلها وتكشخت وحطت البلاشر ودخل عليها ورآح للدولاب طلع له بنطلون جينز وبلوزة حمراء عليها كلام ورسمات بالرمادي ولبس كاب رمادي تعطر وهي مندهشه من ستايله بالنسبه لها كان غريب جداً

فهد : يالله نروح

شوق قررت على نفسها وحصنتها وقالت دعاء الخروج من المنزل ونزلت وركبت السياره معه وهي تحس ان نفسها منشرحه وفرحانه خصوصا انها بتروح لأخواتها

شوق بهدوء : فهد

فهد : هـــلآ

شوق برواقه استغربها : صدق بنسافر والا تكذب علي ؟!

فهد : شوق انتي لسى ماعرفتيني زين انا ما أكذب لو على موتي .. والسفر بنسافر لايطاليا واسبانيا زي ماقلت لك ويمكن نطول هناك شهر او شهر ونص

شوق بصوت باكي : ونرجع للمدينه ؟!

فهد طالع فيها : المدينه !. طبعا لا بنرجع جده

شوق : بــــ..

فهد : لاتناقشين كل شي بوقته ..

سكتت وماردت عليه وصلوآ عند البيت أشتاقت له كثير أشتاقت لايامها فيه نزلت للبيت بلهفه وشوق وتجري مع الدرج فتحت الباب وفهد ورآها وصرخت بالبيت

شوق : بـــــــــنـــــــآآآت ..

سمعوآ صوتهم وركضوآ للصاله وهي كانت تدورهم أول ماشافتها هنادي ضمتها وبعدها جوآ كلهم يسلمون عليها

ريم : اخيرا جيتي

شوق : الحمدلله اني شفتكم والله طفشت من دونكم

رغد : حتى احنا وربي ..

شوق : عمي وينه ابي اسلم عليه

شهد : لسى ماجاء تقريبا على وصول

سحر : غريبه الباشا حقك ماجاء معك .. سمعوآ كلهم نحنحته ..

شوق : لحظة بروح ادخله المجلس وارجع لكم .. طلعت له عند الباب بعد مانزلت عبايتها

فهد : عمك موجود

شوق بدون نفس : لا مو موجود .. بس ادخل المجلس .. وفتحت له باب المجلس ورآحت لخواتها .. طنشها ولا عبرها وجلس ينتظر عمها .. أجتمعوآ كلهم بغرفتها اللي اشتاقت لها وكلهم حولها على السرير حتى ميشو بحضنها

شهد : بشرينا عن أخبارك ويش مسويه

شوق : الحمدلله على كل حال

رغد : ويش فيك متضايقه .. أحد يشوف وجيهنا ويتضايق

شوق تضحك : ههههههه بالعكس فرحانه .. بس متضايقه عشان بكره بنسافر جده

هنادي تدقها : خذينا معك

شوق : لو بيدي أشيل عمارتنا واخذها معي بكل مكان أروح له

سحر : يعني مابترجعين المدينه بعدها

شوق بتكشيره : لا بنسافر أيطاليا

الكل : يـــآآ هــــوووو

وأخذتهم السوآلف والتريقه عليها

دخل ابو مها على فهد بالمجلس وسلم عليه وبعدها رآح لشوق يسلم عليها

شوق : بخير ياعمي الحمدلله .. انت اخبارك ويش مسوي

ابو مها : الحمدلله البنات ماهم مقصرين ابدا معي

شوق : الله يخليك لنا ياعمي .. انا بسلم عليكم قبل نسافر

ابو مها : قال لي فهد توصلون بالسلامه

شوق : الله يسلمك ..

ابو مها : يالله يابنتي زوجك بيأخذ تخلصون مشاويركم قبل تسافرون

سحر تتمسك فيها وسمر بعد : رآح نشتاق لك كلمينا كل يوم

شوق تضمهم : أن شاء الله بكلمكم كل يوم لاتخافون

شهد : أنتبهي لنفسك .. وأصبري بعطيك شي .. ورآحت لغرفتهم

رغد : لا نوصيك بالهدآيآ "غمزت لها وهي متبسمه "

شوق : من عيوني كلي فدآكم

ريم : كلمي مهاوي قبل تسافرين ترى بتزعل

شوق بتحطم : خساره كنت ابي اسلم عليها بس رآحت لقريتها

جت شهد وبيدها كتابين وأعطتها شوق

شوق بأستغراب : أيش هذآ ؟!

شهد : كتاب لغه بيفيدك احفظي لك كم كلمه

شوق تبوسها : الله لايحرمني منكم

هنادي : والله دنيا مافيها امان شوق اللي بس بالبيت تسافر ايطاليا .. خربت الدنيا

ضربها ابوها : اهب عليك قولي مشاء الله

هنادي : تف تف مشاء الله من هذآ وأردى .. عفوآ قصدي ازود

شوق تضحك : ههههههه طيب يالعربجيه دوآك عندي

ريم : شوق ماطلتي مره زوجك يستناك تحت

شوق تلبس عبايتها وتودعهم : انتبهوآ لنفسكم ودرآستكم .. وأهم شي الصلوات لا تتهاونون فيها

هنادي تدفها مع الباب : طيب يالشيخ العريفي حفظنا اسطوانتك مع السلامه

نزلت ومعها عمها .. دخلت السياره وكلم عمها فهد وهي تشوفه يضحك وكأنه بريء ومسالم كرهت تمثيله البارع .. دخل وهو يضحك وأتجه لاستوديو حتى تأخذ صور لجوآز سفرها

اليوم اللي بعده

تحديدآ بجده .. بعد ماوصلوآ للمطار وجاء السوآق وأخذهم للبيت كانت تتأمل الشوارع المباني والسيارآت اعترها الخوف عالم وحيده فيه ابتعد عن مكانها الاساسي منطقه ماعمرها شافتها لكن تحس انها زارتها بالاحلام يومآ .. وصلوآ لقصر جده اللي قرر انه يكون بيت يحتضنهم .. أنفتحت البوابه الحديده تلقائيا ودخلت السياره مشت بطريق مستطيل على يمينه ويساره حديقه خضراء ونوافير دائريه ومظلات شمسيه .. وقفت السياره ونزلت وهي تتأمل البيت الكبير ماحلمت أبداً انها بيوم تعيش في مثله .. طلعت الدرجات الاولى بهدوء .. فتحت الباب الخشبي الكبير مرصع بالذهب .. دخلت وأستقبلها طابور من الخدم دخل بعدها فهد وبيده شنطه صغيره .. وجات مديرة الخدم وأخذتها منه .. مشى لمكتبه الخاص فيه وسط ترددها وخوفها منه

فهد ببرود وبدون مايلتفت : ليزآ

ليز : يس سير

فهد : ودي شوق لجناحها

ليز : اوكي سير .. هاي مدآم

شوق بابتسامه بيضاء : هاي

ليز : ولكم يــو هوم

شوق ضحكت لغتها جدا ضعيفه خصوصا انها ماكملت تعليمها الثانوي : شكرا .. ممكن تدليني على غرفتي

ليز : شور مدآم .. مشت ليزآ ومشت ورآها شوق وهي تتأمل البيت الكبير اللي رآح تكمل حياتها او جزء من حياتها فيه .. مع شخص لايمكن ان تتحمله او تتحمل قسوته وكرهها له

بــآلمدينه .. وتحديد بالسياره

شهد : شوفي رغيد مو ترجيني .. لاتعارضين بأي شي اختاره

رغد : طيب الله يرجك سوي اللي تبين اصلا انتي عنيده واللي برآسك تسوينه

شهد : اممم بروح اول شي لنيو لوك ..

رغد : لالالا اول شي نروح مكس ابي اخذ لي من عنده بدي ذآك اليوم دخل مزاجي بس كنت مطفره

شهد تتخصر : ويش قلت انا توي

رغد : شهد وصمخ ترى كلها محل واحد نخلي جلالي يوقف لنا وبعدين سلطانه طويله عريضه نأخذ راحتنا فيها نتسوق على كيفنا معانا وقت طويل

شهد تفكر : اشوف اساس انا بمر محل ساعات بدور لي ساعه

رغد تنزل من السياره : اوكي انتي روحي اشتري ساعه وانا بشتري البدي اللي قلت لك عليه ونتقابل عند ماكدونالدز تمام

شهد تأخذ شنطتها : تمام وبعدها نروح لنيو لوك

رغد تطالع الساعه : شوفي الحين الساعه 7:20 لما تصير 7:40 نتقابل اوكي

شهد : أوكي سيو .. وكل وحده أتجهت للمحل اللي تبيه

بالنسبه لرغد كان المحل قريب بالمره منها .. دخلت وصارت تنقي اللي يعجبها رفعت بلوزه عجبتها لونها احمر وعجبها سلسال فضي وقفت عن الكاشير تحاسب

رغد : كم الحساب

...: 380

رغد : اوف بلوزه وسلسال بس .. ليش السعر كذآ

..: هذي بضاعتنا يا أنسه

رغد : بس حرآم السعر يكون كذآ

حست بأحد يوقف ورآها بالزبط ويحط يدها على خصرها أقشعر جسمها من اللمسه وببطئ وخوف لفت وقف جنبها

عبدالله : يالله حطه بكيس

رغد بصدمه : عبدالله !!

عبدالله أبتسم لها وغمز : الحساب علي

رغد عقدت حواجبها من تحت لثمتها : ويش الكلام هذا مايصير انا اللي بشتري

عبدالله : أنا وأنتي وآحد مافي بيننا شي ..

رغد : بس .. قاطعها

عبدالله يهمس لها : لا بس ولا شي .. دفع الحساب ومسك يدها ومشوآ لبرى

رغد بزعل : زعلانه منك .. ويش اللي سويته

عبدالله : ياروح عبود انتي ماسويت شي بكره بتكوني زوجتي

علقت عيونها عليه وكانه مافمهت اي شي من اللي يقوله : بكرة ؟!

عبدالله بأبتسامته الجذابه : بكره جايكم بالبيت ونخطبك رسمي انا وعمي وامي

رغد ضغطت على يده وبفرحه تغمض عيونها: أحس اني أحلم

عبدالله : الا حقيقه ياعمري

رغد : عبودي .. والله أحبك وأموت فيك

عبدالله : وانا مستعد ادفع عمري لعيونك .. وهم ماشين أنتبه لمحل مجوهرآت

عبدالله : ويش رايك ندخله ؟!

رغد بأستغراب عقدت حواجبها : وليش ندخله .. سحبها من يدها ودخلها غصب عنها ..

عبدالله : لو سمحت عندك دبل خطوبه

صاحب المحل : ايوه في بس تبغى رجالي او نسائي

عبدالله : الأثنين .. طل لجهت رغد وهي ترآقب كلامه وتصرفاته بهدوء

طلع لهم صندوقين كلها دبل ..

عبدالله مسك يدها بقوه وقال لها : يالله اختاري لك ولي

رغد ضحكت : صدق انت مجنون

عبدالله : يالله بسرعه بشوف ذوقك .. تأملتهم شوي وبعدها أشرت على واحد .. مسكه عبدالله ودخله بأصبعها ..

عبدالله : صراحة ذوق يارغودتي

رغد أستحت منه وقرصته على خفيف : ماتبي أختار لك

عبدالله : يالله أختاري لي .. وأختارت له وأحد عجبه بعد ..

عبدالله : لوسمحت حطهم بعلبه وحده .. أخذ العلبه وطلع معها

رغد : عبدالله صدق انت مجنون .. تشتري دبل الحين

عبدالله : مستعجل يارغد .. ابيك اليوم قبل بكره .. اقولك ويش رايك نطلع قسم العائلات

رغد : لالا مقدر شهد معي بس راحت محل ثاني

عبدالله بترجي : كلها خمس دقايق بقلبي كلام نفسي اقوله لك .. ارجوك يارغد

رغد باصرار : صدقني مقدر .. أجله لبكره لاجيتوآ

عبدالله : ماقدر اتحمل لبكره .. لازم اقوله لك الحين

رغد مسكت يده : خمس دقايق لا اكثر

عبدالله : أوعدك مو أكثر .. ودخلوآ المطعم وأتجهوآ لقسم العائلات بعد ماجلسوآ بالكباين المخصصه

رغد : ويش بتقول ؟!

عبدالله يشبك يديه مع بعض : اممم رغد اكيد بتتردين بالموافقه على زوآجنا

رغد : طبعا لا .. مستحيل اتردد انا انتظرك بفارغ الصبر ياعبدالله

عبدالله : صدقيني وأنا اكثر يارغد .. رغم ان علاقتنا خطاء بخطاء بس حبيتك من قلبي ومستعد أسوي اي شي تطلبينه مني

رغد بخبث : أي شي أي شي ؟!

عبداله يحط يده على كتفها : أيه اي شي

رغد : اممم قولي شعر بس يكون من قلبك ..

قرب كرسيه أكثر منها وقربها أكثر لحضنه وهمس لها بصوت ذوبها وأشعل ثورة مشاعرها بدآخلها

وفجر كل الحب اللي بقلبها له ..

أحبــك]

..ثم..

أحبــك ..

ثم آحبك..!

وعندي لهاذي الكلمه "دلايـل"

عيـون تشفق لشوفـك,,وقربــك..

لها دمعـن على خدي,,همـايل..

عيون ماتبيعـك..ياعيــونـي..

تبيـع,, اليوم لعيـونـكقبـاآآيـل..!!

وأكررهـا,,لـك ياحيــاتـي..

أحبــك..

.. ثم..

أحبــك~

حمرت خدودها ونزلت رآسها بحياء وخجل منه .. تحبه بكل شي فيه بقربه تحس انها مالكه الكون كله وقفت وبعدت عنه وجاء ورآها وضمها

عبدالله : أحبك لأخر عمري يارغد .. لفت عليه وحطت يديها على رقبها وبكل تجرئة وباسته على خده وحطت راسها على كتفها

رغد : وانا اعشق الارض اللي تمشي عليها ياحياتي ما أتخيل دنيتي بدونك .. وضمته بقوه وجلست تبكي

عبدالله يمسح عليها : ويش دخل الدموع الحين

رغد زآد بكاها : أحس بفقدك .. تكفى لاتتركني اعاني في بعآدك

عبدالله : مستحيل يفرق بيني وبينك الآ الموت ياقلبي

رغد زآدت ضمتها له : أذا مت خذني معك .. حياتي مالها دآعي بدونك

عبدالله أبتسم على كلامها : رغد سامحيني على كل شي .. سآمحيني !! بعدت عنه والدموع مغرقه عيونها

رغد : أسامحك

عبدالله : سامحيني اني خليك تخوني اهلك وتجي معي .. انا ندمان بس الحمدلله من بكره بنكون لبعض ..

رمت نفسها بحضنه وهي تردد وتقول له : لا تطلب مني هالشي انا مسامحتك على كل شي .. كيف اسامح روحي اللي بداخلي كيف اسامح قلبي اللي ينبض وعايشه فيه ومستحيل اعيش بدونه

عبدالله : الله يخليك لي يارغد ولايحرمني من صوتك ووجودك معاي .. بعدها عنه ومسح دمعاتها اللي على خدها وباسها على خدها الناعم وأبتسم لها

عبدالله : بلاش دموع وأحزآن

رغد : دموعي غصب عني نزلت .. ضمها لصدره ورجع باسها وهو يضحك

عبدالله : دلوعه انتي .. بس يحق لك صراحه .. دق جوالها وتذكرت شهد بعدت عنه وردت عليها

رغد : اوكي جايه لاتنافخين .. وسكرت الجوال ..عبودي لازم انزل الحين شهد تستناني

عبدالله : اوكي هيا ننزل .. غطت وجها وعدلت طرحتها ومشت معه .. طلعوآ من الباب ووقفوآ على الرصيف قبا تمشي وتتركه

رغد : استناك بكره على نار

عبدالله مسك يدها بقوه : رغد

رغد : ياعيون رغد

عبدالله : ســآمحيني

رغد : عبدالله لاتبكيني كافي فوق مت بكاء

عبدالله : أحبـــــــك

رغد : وأنا بعد .. أما شهد كانت على الرصيف الثاني أول ماشافت عبدالله ولعت من العصبيه تاركتها نص ساعه تستنى عشان عبدالله

رغد : يؤؤ شهد عصبت شوف كيف تطالعني يالله مع السلامه

عبدالله : أنتبهي لنفسك وتأكدي أني أحبك

أبتسمت وهي تشوف وجه اللي أسرها وملك قلبها وكل احساسها .. ماتبي تبعد عنه لحظة وحده

ولا تبي تتركه ثانيه بدون ماتكون معها ويتقاسمون كل لحظاتهم بحلوها ومرها .. نست نفسها وهي تمشي لكن ماصحت الا على صوت شهد اللي تصرخ بأسمها وتعلقت عيونها وأيقنت انه قادم لا محال

وتَّــٍـلَـْـِكُ هٌـِـَـَّـيِ زَحِـَـَّـمُــْـ’ــٍَةْ الأقُـِـًـَـدَّاْرَ

وَدًآعًـٍــْـآ أُيُــْـهَـٍـِـَـآ القًـِـلًـَـِبْ

ومــــــآذا بـــعــــد ؟؟!!

شوق & فهد .. وحربهم بأي نتيجه ستنتهي ؟! وغموض فهد بئر هل من الممكن ان نصل الى اعماقه ؟!

رغد .. هل سنفقدها الى الابد .. أمــآ ستحدث المعجزآت ؟!

شهد وصدمتها هل تكون كفيله بأن تفقدها اغلى أنسانه ؟!

سحر وحلمها الضائع .. وقلب يعشقها متى ستطلق له العنان ؟!

هنادي & ماجد .. ماذا ستكتشف من اسرار وهل ستغفر له امــــآ ...؟!

فاتن .. وظهورها مجدداً وعلاقه تركي ودنائة نفس اخيها

هل هي اسباب كافيه لتدميرها ؟!

تردد يدخل الغرفه أو مايدخل .. لكنه استغرب انها ماطلعت وهو سهرآن ينتظرها تصحى

تركي : غريبه ما صحت خلاص بدخل وأمري لله .. دق الباب مره ومرتين لكنها ماردت عليه فتح الباب ودخل

تركي من بعيد : فاتن .. فــآتــن

تحركت شوي وأرتاح وهو يشوفها حيه قرب أكثر ونادآها : فاتن

فتحت عيونها بكسل : نـــعــم .. صحت على نفسها وتذكرت اللي صار لها من يومين

تركي : لك يومين هنا وأنتي نايمه خفت انك ميته

فاتن : أبوي .. ابوي تركته لحاله واكيد يدورون علي عشان يحكمون علي بالأعدآم

تركي بصوت حاد : ويش تخربطين انتي ؟ ماصار له شي نوآف بس رآح للمستشفى وخاطوآ له الجرح وهو حي كل الناس يموتون الا هو

فاتن : رجعني لأبوي .. رجعني

تركي : يالله بوصلك لأهلك الحين أكيد الناس بمدآرسهم

فاتن تلبس بسرعه : يالله طيب .. وطلعت معه يوصلها لأبوها وناويه على اخوها بالشر

أول ماوصلت .. دخلت تبكي لأبوها شافته على سريره نايم

فاتن باست رآسه : يبه .. انا جيت .. يـــبــه قوم انا جيت يالله بسوي لك الفطور وأنت صلي .. مارد عليها لفت ابوها وشافت وجهه أزرق صرخت بأقوى ماتملك .. يــــبـــــــه .. طلعت ونادت جيرآنهم اللي أتصلوآ على الاسعاف .. بالمستشفى

طلع الدكتور من الغرفه وفاتن تبكي ومنهاره

الدكتور : يأسفني أخبركم أن الوالد له 36 ساعه متوفي بسكته قلبيه

فاتن أنهارت من سمعت كلام الدكتور

كآنوآ جالسين بالمطعم يفطرون كانت تأكل لأن الجوع عامل عمايله فيها .. آما هو أكتفى انه يرآقب حركاتها وأنسجامها مع الجو البارد .. يتابع خطوآت يدها ورمشات عيونها حست بعيونه ترآقبها رفعت عينها له وشافته سرحان فيها ويده تلعب بصحنه

شوق ( ويش ورى عيونك من أسراراشوف فيك بحر عميق ماله قرآر ) قطعت سرحانه : ليش تطالعني كذآ

فهد : مشتاق لك

تعلقت عيونها فيه من صدمة جملته لها أول مره تحس الجو بينهم لطيف حمرت خدودها وبان خجلها ونزلت رآسها وبصوت وآطي : تشتاق لك العافيه

فهد أبتسم على شكلها الخجول : تذكريني بوحده مستحيل أنساها

عقدت حواجبها وتحولت ملامحها الى الملامح الحاده ضغطت على شفايفها كلمته وترتها وفجرت الغيره بقلبها وقالت وهي تحاول ماتبين له شي : ومين هذي الوحده ؟!

شافت بعيونه نظره غريبه اول مره تشوفها بعينه شي غريب حست فيه من صوته اللي تغير رغم انه مايبين لها شي تركت كل شي من يده وهي تنتظره ينطق كلمته

فهد : بــأمــــي

شوق بحزن : الله يرحمها .. لف بعينه وهو يشوف أحمد ومعه زوجته وولده وأنتبه لعيون شوق اللي تطالعه بحقد حاد أكثر من حقدها عليه

شوق : خلنا نطلع انا شبعت

فهد يدفع الفاتوره : أوكي يالله .. وقفوآ ومشوآ وهو يحط عينه بعين أحمد اللي ماشالها عن شوق لكنه طنش كل شي ولا تحرك أي شي فيه وكأن شي لم يكن

أما هي كان بودها تمحيه عن الوجود زي ماحرمها من الفرحه حتى لو كانت بتسبب لها جرح دآمي لايمكن أن يبرى فكرت تقول لفهد على اللي كان لكن خافت من ردة فعله لكن زال كل شي رحوم من قلبها وماتشوف الحياه الا بعين سوداء

شوق : فهد برجع الفندق في موضوع لازم اقولك عليه

فهد يوقف سيارة أجره : يالله أركبي .. وأتجهوآ لفندقهم بعد ماوصلوآ وغيرت ملابسها قررت تطلع له وتفتح له الموضوع رفعت شعرها فتحت باب الغرفه وشافته منسدح على الكنب يقلب بالقنوآت أول ماشافها عدل جلسته وفتح أزارير بلوزته

شوق جلست جنبه وشبكت يدها ببعض وبدت تتوتر وهي تحاول تحبس دموعها

فهد : ويش الموضوع اللي بتقوليه ؟

شوق : فــهــد يمكن هالشي رآح يصدمك أو يمكن مارآح يعني لك شي لكن لي أنا يعني شي اليم وشي كبير جرحني والى هاليوم افكر فيه

فهد بردة فعل ما توقعتها : بتقولين انك كنتِ حامل وأحمد قتل ولدنا

نزلت دموعها من كلامه وبصوت خافت : أكيد قال لك

فهد يرجع على ورى ويرجع يده ورى رآسه : لا ماقال لي أنا سمعته لما كلمك تحت بالحديقه

شوق بصدمه : سمعتنا

فهد يلف عليها : ايه سمعته وسمعت تهديده لك

شوق دفنت وجهها بين كفوفها وهي تبكي : توقعت ردة فعلك غير .. مو تقولها لي بكل برود

فهد عقد حواجبه وصل الى حد مايقدر يتحمل بعده اكثر ماحد يعرف عنه شي او بالاخص هي بالذات كل شي فيه تجهله وقف بعصبيه وقال بصوت يرجف : ويش أرد وأقول اقولك اني ولدي جاء للدنيا منبوذ زي أبوه .. أو اقولك انه لو عاش كان بيعيش كل عمره حزين زي أمه ..قولي ويش ارد عليك يمكن الموت كان رحمه له

شوق تصرخ عليه : هذآ ولدي أنا .. كان جوآتي شهور عشت فيها لوحدي بين جدار مستشفى ما أعرف أنيس غيره هو." وبصوت خافت "على كثر ماكرهتك على كثر ماحبيته كنت احسه هو طوق النجاه لي عانيت كثير يافهد عانيت من شفقه عمي علي وخاينة احمد لي وموت ابوي بحسرته علي يوم شافني حامل

بكت بحسره وقهر قلبه الحجري لايمكن يحس بمدى الالم اللي تعانيه وهي تدري ان ولدها مت مقتول ومن شخص كانت تحمل له الحب

فهد ببرود : تبيني أقتل ولده يعني زي ماقتل ولدنا ؟!

شوق بشر وحقد وبصوره غير صورة الملاك اللي كانت عليها بدت تتحول الى شيطان وقد يكون اشرس من شيطان فهد : أيه تقتله .. أو انا بقتله وأخليه يذوق من الكاس المر اللي أنا ذقته

طالعه بصدمه أسابيع معدوده عاشت معه وكان يشوفها ببروآز وآحد والحين بدت تتغير صورتها وتحطم ذلك البروآز كأن شي دفين بدآخلها بدأ يستيقظ من سبات عميق بدت ترجع شوق القديمه

أبتسم لها بلئم بدت ترضي غروره وشيطانه الغاوي قال لها برضا : سوي اللي تبين مستحيل أوقف بوجهك

دخل لغرفه وتركها تبتدي تحولها وتغيرها

البارِحَہ

?ِلْ شي مُغرِي لـاللقىا

إلا: اللقىا البارِحَہ

نصفِي يبي نصفَہ وِل?ِنْ مالِقَىا إلا

?ثيرِْالأسئلَہ

تثيرِْ بعضْ الأسئلَہ

مدرِي وشْ اللّي بس بقَىا

وِ مدري وشْ اللّي لي بقَىا

غِيرِْ السؤالْ اللّي جوابہ مِنْ مُحَالْ

وِشْآخرةهذا الشقىا. . ؟

وِشْآخرةهذا الشقىا. . ؟

وِشْآخرةهذا الشقىا. . ؟

بــآلمــدرســه

لينا تجلس على الطاوله : عندي لكم خبر

سح ترمي الدفتر بالشنطه : قولي خلينا نسمع شي جديد

لينا : عمي أبوهزآع كلم البارحه أبوي وقال له ان هزاع وآآي فديته يبي يملك علي بأسرع وقت

ريم وسحر بتركيز : مــــــــتــــى ؟!

لينا : أبوي قال له يأجلها الي الخميس مو الجاي ولا اللي بعده اللي بعده

ريم : يعني بعد خميسين

لينا حمرت خدودها : يس افكورس .." تربعت ".. تصدقون امس مانمت شايله هم الملكه بنروح الرياض وهم ناس شبعانين مره خايفه من كل شي

ريم تضربها على يدها : ياخبله خليك وآثقه من نفسك الى متى عدم الثقه هذي

لينا : والله يابنات يوم حطيت رآسي على المخده ياجاتني افكار وافكار وبديت اخاف من شوفته

سحر : هذآ وباقي اسبوعين والثالث تسافرين وتقولي كذآ روقي بالله عليك بدري على الهم

لينا تميل فمها : ساعدوني اسوي حركه غريبه

سحر تغمز : اسئلي المجربه اللي جنبي

لينا بخبث : أول ماشافك ويش قال عشان لا أفتح فمي واروح فيها مع زيزو

ريم بغرور : الف من هزاع مايجون مثل سيف فديته

سحر تصفر : أموت أنا على الحب من أوله

ريم : بيجيك الدور سحور وتجربين

سحر : خليني اكمل درآستي وأدخل اللي ابي بعدها يفتح الله

لينا : سحر انا مستغربه منك احسك تصرفين

سحر بتحطم : ليش أتامل اللي يسمعك يقولي درج بيتنا أنحفر من كثرت الخطاب

لينا وريم : ههههه

سحر كشرت : هذي الحقيقه ولاتضحكون

لينا تلعب بخصلة سحر اللي على جنب : والله الناس ماتعرف تختار أحد يشوف القمر ويبعد عنه صدق قليلين ذوق

سحر تضحك : الله يجبر خاطرك ياشيخه .. خخخخ

لينا تدفها : لازم نرفع المعنويات شوي على قولة ريم خليك وآثقه من نفسك

سحر : أبو الثقه اللي كذآ

دخلت هنادي ومعها عبير

هنادي تصارخ : الـحقـــوآ

البنات بصوت وآحد : ويش في ؟!

هنادي : أبله هدى طاحت من الدرج فاتكم المسلسل الكوميدي

عبير ميته ضحك : وربي يابنات فاتكم نص عمركم .. شي ماينفوت

لينابحسره : خسارره رآحت علي

هنادي : قمة الشماته اليوم شوي وتبكي وبنت أختها تسوي نفسها ناعمه خالتو خالتو ودي مديت رجلي وتلحق خالتها

الكل : هههآآآي

عبير : لو تهورتي وخليتي الحلقه حلقتين

هنادي : الله يلعن بليس اللي ماوزني عليها

سحر ميته ضحك : أستغفر الله

ريم تشيل اغراضها : يالله ننزل عشان الصرفه حدي نعسانه

هنادي : والله من السهره مع خنجرك هذآك الغبي هههههه

ريم ترمي الكتاب عليها : انطمي .. شغلك عندي

هنادي : بطلع ويك ويك ويك برجع مع عبير للبيت بنسوي رياضه

سحر : اقول تبين شهد تذبحنا

عبير : والله بنرجع مشي اليوم انا وهنادي حتى تمر عند امي تأخذ ميشو ناسيه انه عندنا لان شهد تروح الجامعه

ريم : أيوه صح .. يالله أجل أرجعي مع عبير

هنادي : اوكي سيوو يا قرده

لينا فطست ضحك : اختكم ذي اشك ان عدادها فاصل

سحر : لا تشكين تأكدي مليون بالميه

قبل ساعتين

كآنت لوحده تستقبل المعزيات لا أقارب وأخوآت واخوها ماتعرف اي شي عنها لولا الله ثم جارهم اللي تولى العزاء بدل اخوها كان ماتدري أيش صار فيها .. صابها برود قاتل بقت وحيده لا أب ولا أم والأخ ماتستأمنه على شي بعد اللي عمله فيها وأعمامها كلهم بالشرقيه ولا تعرف عنهم أي شي من كان عمرها 15 سنه

تفاجئت بدخولها الغير متوقع .. جت هي وريماس يعزونها

شهد تسلم عليها : أحسن الله عزآك

فاتن بدموع هاديه : جزآك الله خير

ريماس تأثرت من شكل فاتن : مثوآه الجنه ان شاء الله

فاتن : أمين

أستغربوآ البيت فاضي مافيه الا فاتن وثلاث من جارآتهم الوقت مو مناسب للكلام جلسوآ عشر دقائق وأستأذنوآ

ريماس : احس قلبي حن عليها حالتها صعبه مره

شهد : حتى انا والله شفقت عليها مافي أحد حولها

ريماس : شهد خلينا ننسى كل شي ونفتح صفحه جديده

شهد : احنا الحمدلله ماصار فينا شي ربي ستر علينا صح غلطنا بس هي كانت تساعدنا وأحنا برغبتنا كلمنا عيال وطلعنا معهم

ريماس : والله صدقتي هي غلطت انها دلتنا على ذآ الشي وعلى قولتك حنا رحنا برغبتنا

شهد : عن نفسي سامحتها ولا أبي منها شي

ريماس : وانا بعد ..

شهد : بكره الصبح ماعندنا الا محاضره وحده ويش رآيك بعد مانخلص نأخذ فطور ونروح لها

ريماس : اوكي بقول لأبوي وأشوف رده علي واديك خبر

شهد : وأنا بعد بقول لعمي عشان ادبر ميشو وأحطه عند جارتنا

ريماس : الا على طاري ميشو .. شخباره معك

شهد بحب : وه بس يهبل ياريماس يجنني بضحكته وحركاته والحين صاير يطلع اصوآت ويلعب

ريماس : وي وي اموت على الاطفال تكفين صوريه فيديو وارسليه لي

شهد : ابشري بس ماترسلي صورته لأحد اخاف عليه موت

ريماس : بدأ شغل الامهات .. خايفه من العين

شهد : لو تشوفينه تنهبلين عنده ابيض يزنن وعيونه وآسعه عسليه اقول له مستقبل بالتشبيك ههههه

ريماس : من بدري حركتات .. الله يسعدك زي ماتسعديه يا شهوده

شهد : امين يارب

بعد ماوصلت ريماس ومرت على جارتهم ام عبير وأخذت ميشو .. طلعت للبيت ودخلت غرفتها ولقت رغد نايمه .. أخذت ملابسها ودخلت غرفة شوق وغيرت فيها رآحت للمطبخ وهي تفكر أيش تطبخ .. حطت مشاري بعربيته وأخذت معها للمطبخ حتى مايبكي .. وبدت تطبخ ..

دخلت عليها سحر بعبايتها

سحر : ياسلام ياشهد وربي جوعانه مره

شهد : يالله بسرعه غيري ابوي الحين يجي من الصلاه واحط الغداء

ريم تغمض عيونها وتشم الريحه : وآآآآو الريحه بس حكايه ثانيه

شهد : ههه الله يستر من الطعم .. والله خبصت على مزآجي

سمر : شكلي بمرض من الخبصه حقتك بس ويش نسوي الجوع ظالم

شهد : بلا كثرة حكي وروحوآ خلصوآ صبر وين العربجيه

ريم : بتجي مع عبير تقول بيسوون رياضه

شهد : خبله ... رآحت للغرفه

كانت جالسه لحالها تفكر بأبوها اللي مات وهي بعيده عنه وتفكر بجية شهد وريماس الغريبه لها .. دق جوالها .. وبكل كسل ردت حتى ماطالعت بالرقم

فاتن بصوت مبحوح : الـــوو

تركي : سلام

فاتن : وعليكم السلام

تركي استغرب صوتها : فاتن علام صوتك مبحوح ؟!

فاتن بصوت باكي : أبوي

تركي : ويش فيه ؟!

فاتن : مات .. ائـهههـئ

تركي : أحسن الله عزآك ِ

فاتن : جزاك الله خير

تركي : وفايز سوآ لك شي

فاتن : فايز مختفي حتى جواله مغلق ولا يدري عن موت ابوي

تركي : أستغفر الله .. فاتن امانه معك أذا احتجتي شي كلميني

فاتن : أخاف ازعجك

تركي : لا ازعاج ولاشي بأي وقت كلميني اوكي

فاتن : أوكي

تركي : مع السلامه

{شوق }

كنت على مخدتي أفكر بشي بعيد مني كثير من المستحيل اوصل له لكن كلام فهد معي الصباح خلني احس اني قطعت مسافه كبيره لهدفي وبنفس الوقت أحس فهد مخبي علي شي أو مايبي يصارحني بسر من أسراره الغامضه تفكيري مشتت بين أحمد وعمايله الوسخه وبين فهد وتغير طريقه تعامله معي حتى كلامه تغير وأحنا بأول مشوارنا .. اللي أعرفه ومتأكده منه أن فهد مو هادي لل ويمكن يكون هدوء ماقبل العاصفه خاصةً تلميحاته لي ونظرآته شكل زي ماغيرت اسلوبي معه عشان أوصل لا أهدافي يمكن هو زي يبي يوصل لشي أنا جاهلته وأنا ويش همني اهم شي اوصل للي ابيه مهما كان الثمن

دخل عليها وشافها نايمه .. ماحب يزعجها وقبل يطلع من الغرفه

شوق : ويش تبي ؟!

فهد : بس كنت بسولف معك

شوق بأستفهام : بخصوص ؟!

فهد بنظرآت قويه : بــخــصـــــــــوص .....

وأنَـِـطًــْلـُـِقًـُــتَ مِـَّـٍسُيـَـِْرةَ الَـِـشَــٍرَ وَشُـِــَيـٌـَآطُـِـيًـٍـْنَ

{ الأنــــتــــقـــآم }

سَـٍــًــًآرَتُ بِـَـرَفًـٍـْقَّــةَ مِـًــٍلاُكِـَــِنًــٍْــآ

{ الــــطــــآهـــــر }

الــبـآرت الــثـآنـي والعشرون

جاآي لك قلبي " متعشم "

وده يعرف عن غلاآه

يعني علمهـ يا حيآتي

وين أرضه وين سماآه

يعني تهتم بـوجوده

و إلا أصلا ما تبيه !

علمه تكفى ( حدوده )

و إرمي كل همك عليه

دخل عليها وشافها نايمه ماحب يزعجها وقبل يطلع من الغرفه

شوق لفت عليه : ويش تبي ؟

فهد : بس كنت بسولف معك

شوق بأستفهام : بخصوص ؟

فهد بنظرآت قويه :بخصوص قعدتك معي ؟!

جلست بأهتمام وفتحت الابجوره : قول اللي عندك

فهد : عندي شروط حتى تبقين معي

شوق تنرفزت من طريقة كلامه وبنظره حاده : ويش شروطك يابعدي

فهد يبتسم على ردها جلس على الكرسي وهو يملي عليها شروطه : اولها أي طلب اطلبك هو تنفذينه بدون أعتراض وحقوقي منك بأخذها كامله

شوق رفعت حاجبها :بس حقوقك تأخذها بالغصب قبل الطيب

فهد أبتسم على جنب : بس من هاليوم مافي شي بالغصب تجيني برضاك

شوق بنفس الابتسامه : موافقه في شي بعد

فهد يفكر : ايه في شي ثاني أي شي يصير بالبيت مايطلع سامعه حتى لو مايناسب مبادئك وقيمك الدينيه

شوق بعدم مبالاه : وبعد؟!

فهد : الى الان خلصت بس يمكن يطري علي شي ناسيه

شوق تبعد الشرشف عنها وتوقف : لا تذكرت قولي .. ومشت للحمام وأنتم بكرآمه وقبل لاتدخل لفت عليه .. وقالت بدلع يذوب : بس انت قلت اسوي اللي أبيه

فهد تعلقت عيونه فيها : وانا ماقلت غير كذآ .. ابتسمت ابتسامه شر ممزوجه بدلع وغنج طبيعي ودخلت الحمام

{ فـهـد }

ولقيت اللي توازيني بكل شي حتى بتفكيرها البعيد وموافقتها على عرضي الي عرضته مو حباً فيها أو عشق وهيام لها على العكس تماماً لاني متاكد مليون في الميه ان بدنيتها مالها غيري تتمسك فيه والدليل موافقتها بدون تفكير وعارف انها تكرهني وأني أبغض الخلق لها لكن تكره دنياها أكثر مني

هذآ هو تفكيرك ياشوق !! رمى نفسه على السرير وغمض عيونه وفجأه بعد سكوت طويل ضحك وكانت طالعه من الحمام طالعته بنظرآت غريبه فتح عينه وهو يشوفها قباله وقف وجاء ورآها وضمها وباسها على خدها بدون أي اعتراض منها

فهد ( وطلع شيطانك ياحقيرتي وأحمد هو السبب ياويلك يا أحمد من الجاي ) وضحك بصوت هادي

لفت عليه وحطت يدها على رقبته وبدلعها الراقي قالت : ويش يضحكك فهودي ؟!

فهد يقرب وجهه منها ومايفصل بينهم ولا شي الا أنفاسهم : فرحه بقدوم شوق الجديده

أخذت جوالها بعد مانومت ميشو ودقت الرقم بهدوء تام جاء صوتها الحزين من بعيد

شهد : السلام عليكم

فاتن بتعب : وعليكم السلام

شهد : كيفك اليوم ؟

فاتن : بخير أنتي اخبارك ويش مسويه

شهد : الحمدلله تمام طمنيني عنك ايش مسويه

فاتن : ولا شي جالسه لحالي

شهد : محتاجه شي ؟

فاتن : لا الحمدلله ماني محتاجه شي

شهد : حلفتك بالله اي شي تحتاجيه كلميني على طول اجيك أو ارسل لك السوآق

فاتن أبتسمت بألم على كلام شهد اللي فاجئها بدل ماترد لها بالمثل صارت أحسن منها وتعلمت من خطاها : ماتقصرين ياشهد الناس تبان وقت الشدايد " وبكت وهي تقول " سامحيني على اللي سويته فيك

شهد : الله يشهد اني مسامحتك دنيا وأخره والله يسامحك يارب

فاتن : امين وياك يارب

شهد : يالله بقفل بس زي ماقلت لك اي شي تحتاجينه كلميني

فاتن : اقولك شهد رغد ايش اخبارها

شهد : ادعي لها والله تعبانه مره ونفسيتها متدهوره

فاتن : الله يشافيها ويعافيها يارب .. سلمي لي عليها

شهد : يوصل مع السلامه

فاتن : الله معك ياقلبي .. وقفلت

وقفت ورآحت لسرير مشاري اللي نقلته من غرفتها هي ورغد الى غرفه شوق حتى ماتزعج رغد هي وميشو

باسته على جبينه ورآحت للمطبخ أخذت كأس مويه وأدويه رغد وأتجهت لغرفتها قبل تفتح الباب سمعت صوتها تبكي وتشاهق فتحت الباب والغرفه كانت ظلام × ظلام وقالت بنبره عاديه

شهد : موعد الدواء

رغد تمسح دموعها وبصوت متقطع : مأبي دواء

شهد : رغد الله يخليك بلا عناد خذي دوآك حتى تطيبي بسرعه

رغد رجعت تبكي : مابي أطيب أبي اموت والحقه وأرتاح

شهد جلست جنبها وحطت الكاس على الكمودينه : ليش تقولي هذآ الكلام لو كل وآحد يموت بموت أغلى أحببه كان متنا لما أمهاتنا ماتوآ

رغد تغطي وجهها بالبطانيه : أتركيني لحالي

شهد : طيب بس خذي الدواء واخليك لحالك

رغد تصرخ عليها بهستريا : روحي عن وجهي مــآآبــــي شــي

شهد طلعت بسرعه وسكرت الباب وجات ريم على صوت صرآخ رغد وأبوها ورآها

ريم بخوف : ويش فيها تصارخ

شهد ودمعتها بعينها : ماتبي تأخذ الدواء بس تبكي اناتعبت معها

أبو مها : الله يكون بعوننا أنا بدخل عليها وأكلمها

شهد : لا يايبه هي تعبانه الحين خلها على رآحتها من نفسها رآح تهدى وتاخد الدواء

ابو مها : والله هالبنت حيرتني مدري ويش اسوي فيها يارب كون بعوننا

ريم سمعت جوالها يدق : عن أذنكم

لحقت على أخر دقه

ريم : الوو

سيف : سلام

ريم : وعليكم السلام ورحمة الله وبركاته

سيف: كيفك حبيبتي ؟

ريم : بخير أنت كيفك

سيف : دآم سمعت صوتك انا بالف خير

ريم بخجل : الله لايحرمني من هالصوت

سيف : امين ياررب ولا منك ياروح سيف

ريم : بشرني عن اخبارك كيف شغلك وأمورك

سيف: الحمدلله عال العال انتي كيف دراستك عساكِ شاده الهمه

ريم : والله تعب مره بس ربك كريم كلها كم شهر ونخلص

سيف : الله يوفقك ويجيبك جنبي

ريم حمرت خدودها وأبتسمت بحياء قاتل وبصوت وآطي : أمين

سيف بيحرجها : ويش قلتي ياعمري

ريم : قلت أمين

سيف بصوت ولهان : مشتاق لك ياريم لازم اكلم ابوك اشوفك ماعاد فيني صبر

ريم : اللي تشوفه

سيف تهبل منها : وه ياريومتي ملكتي قلبي وعقلي وكل شي فيني

ريم : وانت بعد صرت احلم باليوم اللي نجتمع فيه

سيف : لالا حركآت وتطورآت تحلمين فيني ويش صاير بالدنيا اليوم ريومتي تقول هالكلام ما أصدق

ريم بجراءه : مو زوجي حلالي

سيف ذآآب من نبرة صوتها الممزوجه بغنج : بس بس علي يالبنت محمد ترى اخق بسرعه

ريم : اساس انت خاق معي من زمان والا ناسي يوم الملكه

سيف: آآآه بس لاتذكريني بذي الليله كنتِ أميره

ريم : وانت سلطاني

دخلت هنادي برجتها المعتاده وهي تصارخ على ريم

هنادي : ريـــــــم ووجع

ريم أنقهرت منها خربت أحلى أجوائها حمر وجهها من العصبيه وقالت : ثوآني سيف " وطالعت بهنادي بعيون حارقه وصرخت عليها ".. ويش تبين

هنادي تتخصر : ماشاء الله تكلمين روميو الغفله وناسيه غسل الموآعين اللي عليك اليوم .. سكري هالنكبه جوالك وقومي غسلي بعدها بحريقه انتي وروميو مدري اوباما حقك

ريم مسكت الابجوره اللي جنبها ورميتها لكن هنادي شردت وطاحت على الارض وأنكسرت أول مره تحقد على هنادي من دخولها اللي يسبب سكته قلبيه من الخوف والا كلامها اللي ماتحسب له الف حساب أنقهرت موت منها وأخذت اجوال وهي تهز رجلها بتوتر

ريم بصوت مرتبك : ايوه سيف .. كان ميت ضحك على كلام هنادي

سيف : هذي المرجوجه أختك

ريم شوي وتبكي من الاحراج : أيه

سيف : روحي كملي شغلك ولاخلصتي كلميني

ريم : طيب يالله مع السلامه .. رمت الجوال على السرير وركضت للصاله وهي هايجه شافتها تتفرج على التلفزيون ومسكتها مع شعرها بأقوى ماتملك وطاحت فيها ضرب .. وبدوآ حرب طاحنه ياقاتل يامقتول وسحر وسمر يحاولون يفككون بينهم

هنادي متمسكه بشعر ريم الطويل : قلت لك اتركني يابقره يادلخه

ريم شوي وتبكي من الالم : والله ياهناديووه لا اربيك ياخبله كذآ تفشليني هين .. وضربت راسها بالطاوله وأنقضت عليها هنادي ورفستها مع بطنها وهي تسب فيها ودخل ابوهم على صوت صرآخهم

ابو مها بصوت حاد : هـنــآآدي قومي عن أختك عيب عليك

هنادي تعدل شعرها القصير وتمسح وجهها الساخن من كفوف ريم لها : يبه شوف بنتك

ريم جلست تبكي وطالع ابوها فيها : ويش في بينكم

ريم : أسئل البويه ذي .. هنادي تصر على أسنانها بقوه

هنادي : لا يا انجلينا جولي .. أنقلعي بس

ابو مها صرخ على هنادي : يابنت عيب عليك

هنادي : يبه هي اللي ماتسوي شغلها وكل دقيقه تكلم المقرود زوجها مالت عليها وعليه

ابو مها مسك ضحكته وقال بصوت حاد : ويش ماسوت

ريم كملت بكاء : يبه فشلتني مع سيف وصارت تسبه

ابو مها : هنادي عقاب لك تسوين شغلها اليومين ذي والا تحلمون تروحون استراحة ابو سامر يوم الاربعاء

هنادي بقهر ولعت من تحيز ابوها لريم اللي هي اغلى وحده من بناته : طيب بسويه .. بس والله لا اردها لها

ورآآحت للمطبخ تشوف الشغل وهي معصبه وتضرب اي شي بطريقها

ابو مها ضحك على شكلها المعصب : يابوك ياريم خففي مكالمات ترى هنادي معها حق تنقهر من تسيبك بالشغل

ريم : يصير خير يبه

ابو مها يجلس مع بناته : وين مشاري جيبوه مشتاق له

سمر توقف : بروح اجيبه لك يبه ..

قبل تطلع من الغرفه دخلت شهد وهي شايله مشاري بين احضانها : اسمع انكم تبون ميشوو

ابو مها : هاتيه يايبه .. مبطي عنه

شهد تضحك : ياحركه يابو مها . صرت تعرف تشتاق

ابو مها بغرور : بلاكم ماعرفتوني والا ماتلاقون مثلي

سحر تبوس يده : والله ما نلقى مثلك يايبه

ابو مها : أقول ما كأن مها صاير لها فتره ماتجينا

شهد : كلمتها اليوم تقول بتجي بكره عشان تحضر عزومة عمي ابو سامر

سحر : على فكره ليش يايبه مسوي عزومه

ابو مها : عشان اخته وزوجها جوآ استقروآ هنا بالمدينه بدل خيبر

شهد : اها .. زين والله

يوسف : ليش يايمه تكفين وآفقي

ام يوسف : ياولدي الناس مانعرفهم

يوسف : طيب كلمي ام عبدالله أسئليها كانت بتخطب اختها بس صار اللي صار

ام يوسف : يايمه يايوسف .. بنت خالتك ساميه ويش ناقصها جمال ودلال ودلع يكفي سمعت أبوها الزينه

يوسف عصب : يمه ساميه لاتجيبين لي سيرتها تدرين اني ما أدانيها ولا اطيقها من شرها ولا تبيني اتزوجها اعوذ بالله عشان حياتي تصير جحيم

غدير : ايه يمه يوسف صادق ساميه شرانيه شوفيها ويش تسوي بسيف عشان خطيبته مطلعه له روحه بس اللي مسكتها ان سيف واقف بحلقها وجدتي

ام يوسف : الزوج يقدر يغير زوجته ويمشيها على كيفه بس الرخمه هو اللي تمشيه زوجته على هواها

يوسف : ويش تقصدين يمه إني رخمه ؟

ام يوسف : شوف يايوسف أختر بين الثنتين ساميه والا ضحى

يوسف بعناد : لا ساميه ولا ضحى ولا فجر .. ابي البنت اللي قلت لك عليها

غدير : طيب ياشاطر ويش معنى ذي البنت

يوسف : عجبتني يمه شفتها بالصدفه والناس محترمين تكفين يمه اشتري سعادة ولدك

ام يوسف بتسكر السالفه : طيب طيب يصير خير خلني افكر واشاور عقلي

يوسف : يمه فكري زين يا اتزوجها يا اجلس عزوبي طول عمري

امه عصبت من كلامه : تهدد يعني ؟!

يوسف : حشى والله ما أهددك يالغاليه بس النفس ماتبي غيرها .. وباس راس امه ورآح غرفته

غدير تبي تقنع امها : يمه من جدك تبين ساميه والا ضحى عشان يطلعون عيونك .. هذول الشر يمشي بعروقهم مستحيل يتغيرون يبعون اهلهم عشان اللي براسهم

امها : انا بس ابي اجبره يتزوج من اقاربنا ليش نطلع برى .. البنات كثير

غدير : بس السعاده يايمه ماتنلقى بسهوله لما الولد يحب زوجته بيعيش مبسوط معها لكن لو انجبر عليها بيعيش بتعاسه وجحيم حتى لو كانت احسن وحده

امها :الله يرجك تعالي علميني ويش اقول وايش اسوي بعد

غدير ابتسمت : ويش فيك قلبتي علي يمه اروح عند يوسف اسولف معه احسن من انك تعصبين علي وتجبين اخرتي

رآحت لغرفه يوسف ودقت الباب

يوسف : أدخلي

غدير بغمزه : تــحــب ؟

يوسف : حبتك القراده

غدير : لا صدق تحب ؟

يوسف يرمي الجريده : بالله هذا وجه واحد يحب والا يعرف درب الحب

غدير : تف تف بسم الله عليك تهبل تعلمني عن تشبيكاتك والترقيم وشكلك اللي مساعدك ومخقق أمه لا أله الا الله

يوسف : ويش دخل ذا بذا ؟

غدير : شوف يا أخي الغالي انت متمرد من يومك ووسيم والكل يشهد لك مستولي على المرتبه الثانيه في وسامة عيال قبيلتنا وكل البنات يتمنونك بس انت مطنش الكل ولا سأل باحد

يوسف يطالعها وهي تكمل كلامها : ايه ويش بعد ؟

غدير : ويقولون الدنيا يوماً لك ويوماً عليك كنت تلعب بقلوب البنات وجت اللي لعبت بقلبك لعب

يوسف : اقول غدير محاضراتك ذي فكيني منها هذا بس عشان قلت اخطبوا لي خـــلاص مابي اتزوج بصير عزوبي الزواج هم وغثاء

غدير : هيه احمد ربك اني بس انا سمعت كلامك مع امي اما لو سمعتك خوله وشذى والله مايفكونك فأصدقني القول يا أخي ويش اسمها اللي تحبها ؟

يوسف : اقول غدير اقضبي الباب قبل ألطشك ترى اخلاقي اليوم زفت

غدير تضحك على شكله : ياويلي اثاري الحب عذآآب وينك يا جلمود تجي تشوف هالصخره

يوسف بنظره : مين جلمود ؟

غدير : اخوك ماجد خخخ

يوسف : هذآ بس خليه بالتفحيط والكسرات

غدير : الله يستر منه احس ورى سكوته مصايب

يوسف : ماعليك منه هو مايحب احد يكلمه .. الا تعالي بنات أخواني ما اشوفهم عندك

غدير: طلعوا ينامون ورآهم كليات ودراسه

يوسف : وانتي ويش وراك

غدير : ورآي جامعه بس بسحب عليها بكره

يوسف : وليش تسحبين شدي حيلك لا تصيرين فاشله

غدير تتمصلح : سوسو

يوسف يميل فمه : ويش تبين هاتي على بلاطه

غدير : ابي قروش .. فلوس ابي مآآني

يوسف : شفتني بنك متحرك كل يوم قاطه وجهك ابي فلوس

غدير : دبوس وماعندك فلوس

يوسف : دبوسك يخش برجلك قولي أمين .. <<دبوس كلمه تطلق على رجال المباحث

غدير : بليزز ياسوسو ابي فلوس اوعدك اخر مره اطلبك

يوسف : كم تبين ؟

غدير : امم 500

يوسف : ابعرف كل اسبوع 500 ويش تسوين فيها

غدير : سر بيني وبين نفسي

يوسف يطلع من جيبه فلوس : خذي 200 كثيره عليك بعد يالله بنام واذا جاء ماجد قولي يخش بشويش

غدير : من عيوني كم يوسف عندنا

يوسف : مصلحجيات هالبنات .. وحط رآسه على المخده ونام على طول

بتوقيت اخر ويوم جديد

طلعوآ يفطرون بالجو البارد ويتمشون شوي

فهد : ويش تبين فطور

شوق : امم والله مدري بس ويش رايك نروح المطعم الشامي ودي بحمص وفتوش

فهد يضحك : حمص على الفطور طيب يالله

شوق تكشر : كأنك تضحك علي

فهد : أبد أبد .. وليش اضحك

شوق وهي تتقصد كلماتها : أنت ادري يلا قدآمي جوعانه

فهد : حتى انا جوعان امس نمتي وتركتني بدون عشاء

شوق ترفع حاجبه : طول عمرك عزوبي معقوله ماتعرف تدبر نفسك

فهد : كنت عزوبي الحين متزوج وفي فرق بينهم

شوق تسكته مافيها تتكلم : طيب طيب .. سمعت صوت أحد يناديها لفت تدور مصدر الصوت

شوق تلمح بنت جايه بأتجاهها وكأن ملامحها مألوفه لها

..: شوق القايد

شوق : أيوه مين أنتي

ضمتها البنت بقوه : وحشتيني يابنت وينك ووين ايامك ماعاد سألتي علينا

شوق ابتسمت بأحراج : شكلي اعرفك بس ناسيه

..: ماعرفتيني انا جميله

شوق شهقت : جميله ماغيرك

جميله بأبتسامة فرح : بشحمها ولحمها وحشتيني

شوق رجعت ضمتها : وانتي اكثر يالله من زمان عنك وعن اخبارك

جميله : انتي اللي قاطعتينا .. دورت على رقمك بكل مكان وماحصلته

شوق : والله رجعت ايامك يامرجوجه

جميله : عقلنا الحين وصرنا كبار

شوق : ياحركات كل الناس تعقل بس انتي اشك

فهد : انا رايح استناك بالمطعم

شوق : اوكي اجيك انا .. ومشى فهد للمطعم المقابل له

جميله تطالعه بتفحص : مين المزيون هذآ ؟

شوق تدقها : زوجي ياحلووه

جميله : مشاء الله مبروك يادبه وربي مشتاقه لك مووت تعالي تعالي سولفي لي عنك وعن حياتك

شوق تضحك : شفتي وتقولي عقلتي هههههه

جميله : غير جبل ولا تغير طبع

شوق : ماتزوجتي

جميله بنظره حزن : لا .. انتي اكيد فاكره ايش صار لي من بعدها حتى نصيبي وقف

شوق توآسيها : الله كريم ياحيبتي هو الى الحين مستمر معك

جميله : يس لا انا تزوجت ولاهو تزوج

شوق : ياقلبي عليك لاتخافين أن الله مع الصابرين الصبر مابعده الا الفرج

جميله : شوفيني صابره ومؤمنه بالمكتوب وهذي حكمة رب العالمين

شوق : ماقلتي ايش تسوي هنا

جميله : اكمل الماجيستير في الصيدله

شوق بفرح : الحمدلله حققتي حلمك

جميله : اي والله الحمدلله .. ومفكره اكمل الدكتورآه

شوق : الله يوفقك ويكون معاك

بعد ماجلست نص ساعه مع صديقتها من الطفوله اللي فرقتهم الايام وتبادلوآ الارقام رجعت عند فهد .. وشافته من بعيد سرحان ويشرب فنجان قهوه .. جلست قباله وهي تتأمل وجهه ركزت بالشلخ اللي أعلى خده ومر طيف الذكرى ببالها لكنها تجاهلته بسرعه

شوق : ما أفطرت .. وعرفت جوآبه من نظراته لها

شوق تأخذ المنيو وهي تحاول تقرأ وتختار أيش تطلب لهم أخذ المنيو منها وقال : انا بطلب على ذوقي

شوق : اوكي اللي تشوفه

بعد ما أفطروآ وخلصوآ وطالع فيها وهي تمسح شفايفها وتعدل حجابها فكر بحياتهم مع بعض شتات وضياع لكل وآحد فيهم اشياء خلف الاسوآر لايريد كلهما أن يضعها بين يدي الاخر خصوصا هو يبتعد عن ساحات الانظار ولا يريد لها ان تكتشف اي شي يخصه ويبتعد عنها قدر الأمكان

ان رجعنا للتواصيف ..

لله الكمـال !

لا انتـهى ليل المزايين .. جاتك تبتديه

كنها غفلٍ مع البدو ..

طاويها الحـيال !

ما يمـيز وصفـها الاّ نبيهٍ من ../ نبيه

واهني اللي وصلها وذاق ..

امن الزلال !

رشفةٍ مع غفلة الناس .. من فيها لفيه

شوق : خلصت تبي نطلع نمشي

فهد : ياليت نغير جو الهدوء شوي

شوق توقف : متى تحجز لنا

فهد : بكره طيارتنا للأيطاليا

شوق بأستغراب : ايطاليا ؟

فهد : ايه بنروح هناك

شوق : بس انا ابي ارجع السعوديه طفشت مره

فهد يرفع حوآجبه وهم بالطريق يمشون : تطفشين وانتي بالطبيعه الحلوه

شوق : ابي اشوف اهلي وأخواتي اشتقت لهم حتى اتصالات ما أكلمهم زي العالم والناس

فهد : لاحقه عليهم بالليل نجهز شنطنا عشان السفر الصباح

شوق كشرت : انا طفشت منك صراحه وجودك زي عدمه

فهد بنظره استغراب : ويش تقصدين ؟

شوق تطالعه بكره واحتقار : انا اقولك انت بارد بكل أحوالك ساكت منعزل بس لحالك متجاهل وجودي معك وتجامل لأبعد حد اذا ماتبيني قولي ترى ماني فارضه نفسي عليك

فهد يمثل الروآقه : وويش تبين تقولين ثاني

شوق نرفزها بعدم احساسه وتبلده : عديم احساس وبتظل كذآ مستحيل تتغير

فهد يطالعها بحده : اذا عاجبك الوضع حياك

شوق : اضن انا انسانه زي ما أنت انسان ياليتك تفكر شوي بقلبك ومشاعرك وتخلي تفكيرك الشيطاني الثلجي بعيد شوي لو ثوآني

فهد بسخريه : قلبي ومشاعري !! لو فكرت فيها يمكن ادمر اي احد قدآمي وأولهم أنتي

شوق بصدمه : أنــا

فهد : ايه انتي وكل اللي حولي قلبي ميت من زمان من كنت طفل ومشاعري قتلتها حتى ما تأذيني قبل ما تأذي اللي حولي

شوق ردت عليه بنفس حدته :أنت مريض نفسي يافهد يبي لك أعادة تأهيل

فهد بخبث ولائامه : وأنتي علاجي

شوق وقفت وهي تطالعه بنظرة احتقار : أكرهك اكره بشاعتك وتبلدك الغريب

فهد يكمل طريقه : مو لازم تحبيني

شوق : مصدق نفسك انت اني بحبك لو أخر شخص بالدنيا ماحبيتك

فهد حط عينه بعينها : أجل ليش تبين تكملن حياتك معي .. وكمان تبين أولاد

شوق أبتسمت له وشك بتفكيرها : لمصلحتي اولا مو حباً فيك يابعدي

فهد : عذر اقبح من ذنب

شوق قربت منه وقالت بصوت حاقد : مو انت اللي دمرتني مو انت السبب الاول بموت ولدي مو انت اللي خربت كل حياتي وحرمتني من كل شي سعيد فيها جاء الوقت اللي تدفع ثمن كل ذنب ارتكبته

فهد قرب منها أكثر : انتي اللي طلعتي لي بتوقيت غلط ومكان غلط والا انا ماسويت شي

شوق ولعت منه ومن كلامه اللي رفع ضغطها صرخت بحده : ماسويت شي ؟!ياطاهر ياشريف انت

فهد بنفس النبره : لاتحديني اذكرك بكل شي ياشوق ترى انا مطنشك بكيفي

شوق مسكته مع بلوزته : لو اموت بيدي يافهد كان من زمان قتلتك وقتلت برودك وعدم أحساسك

فهد يمشي ويتركها ورآه مقهوره منه ومن اسلوبه معها كأنها جاريه عنده

لينا : يبه والله بدري الاسبوع اللي جاي قولهم اللي بعده

ابوها : بكلم ابو رياض واشوف ويش يقول

لينا : اقنعه يبه لسى باقي لي تجهيزآت كثيره

امها : ايه يابو معاذ في اشياء ماسويناها قول لهم يأجلون

معاذ : يبه ارحمهم وكلم عمي شوف ويش يقول هذآ اخر الحب والكلام والفاضي لبشه وزواج

لينا حمر وجهها من كلامه قهر وحياء لوجود ابوها امها ورمقته بعيونها بنظرآت حاره أبتسم لها وهو يرفع حاجبه بخبث لانه ناوي ينرفزها

ابوه : اهم شي سعادة أختك

لينا : بروح أذاكر عندي اختبار

معاذ يرفع صوته : أختبار والا تفكير بهزآع

امه : معاذ استح على وجهك احرجت أختك

معاذ : هذي تنحرج الا تحرجنا ولا تنحرج وبرد لها بعض من أحرآجها لي

ابوه : ياولدي الاخوآن

معاذ كشر : يبه اقسم لك حفظت محاضرآتك عن ظهر قلب الاخوه والاخوه مت انا الله يكون بعون طلابك

ابوه يضحك : تحسبهم فاشلين زيك

معاذ : حشى متفوقين ولافي زيهم

دخلت غرفتها ودخلت المسن شافته اون لاين لكن ترددت تكلمه أو ماتكلمه .. فجأه دخلت ندى وعلى طول كلمتها

لينا : هلا وغلا بالقاطعه

ندى : هلا بخطيبة اخوي أخبارك ويش مسويه

لينا : تمام بشريني انتي ويش اخباركم

ندى : لا جديد بس نحضر لشبكتك انتي والباشا

لينا : وه بس فديته

ندى : من الحين تتفدينه بدري ياختي مدري ويش عاجبك فيه هالبطه

لينا : بطه تخش بعينك يامصعلكه

ندى : بسم الله أكلتيني ترى ماقلنا شي

لينا : لا تقربي من بعلي أيتها الفتاه

ندى : يؤؤؤ من متى اللغه العربيه الفصحى

لينا : من يوم حبيت المقرود اخوك هبل فيني

ندى : مابي اتشمت اخاف ينقلب كل شي ضدي

بمكان ثاني ودوله ثانيه

جلست جنبه وقبل تتكلم

أحمد : حنان اذا عندك اي كلام أجليه لوقت ثاني

حنان : بس اللي فيني ماعاد اتحمله

احمد : وويش اللي فيك

حنان : البنت اللي ذاك اليوم شفناها مع فهد اللي اسمها شوق . احسك تعرفها

أحمد بحده : حنان لاتجيبين سيرتها على لسانك انا ما أعرفها ولا هي تعرفني

حنان عصبت : شلون ماتعرفها ولا تعرفك انا شفتك وانت تطالعها شوي وتأكلها ما احترمت وجودي معك

أحمد : ماتوقعتها زوجته هذي كل الحكايه

حنان : كذآآب عيونك وانت تشوفها تقول بينكم شي كبير

أحمد عصب وصرخ : انتي ويش يهمك فيه اعرفها والا ما أعرفها كانت مجرد زميلة دراسه ارتحتي الحين

حنان : لا تحسبني بصدق كلامك هذآ وبيوم بعرف كل اللي بينكم

أحمد زآدت عصبيته من زوجته وصرخ عليها : روحي عني مابي اسمعك كلام انتي في غنى عنه

صحت من غفوتها بعد بكاها المتوآصل قامت والكل كان نايم حست بالم ونغزآت ببطنها جهزت المطهر والقطن وحاولت تنظف مكان العمليه نزلت دموعها من الالم الحارق اللي تحس فيه ضغطت على نفسها وتحملت الى ان خلصت من تعقيم الجرح ورمت نفسها بتعب انهك جسمها على السرير ودموعها ماتوقفت عن الانهمار

جاها صوت من دآخلها : الى متى بتبقين كذآ يارغد كل ماتذكرتيه بكيتي .. الموت أخذه وكلام شهد كله صح لازم اكمل حياتي وذكرآه بقلبي وماحد يدري .. أحبك من قلبي ياعبدالله موتك هز فيني أشياء كثيره بس مهما صار بكمل حياتي ... واحط حرتي كلها بدرآستي .. تنهدت وسمعت دق خفيف عالباب

رغد بكسل : ادخلي .. ودخلت سحر

رغد : ليش مانمتي بكره ورآك مدرسه

سحر : مافيني نوم وسمعت خطواتك قلت اجي اسولف معك

رغد : اعطيني هرجه نسولف فيها

سحر تفكر : اممم بتروحين معنا العزومه حقت ابو سامر

رغد : على حسب اذا كنت تعبانه بجلس هنا

سحر : لحالك ؟! .. مايصير تجلسين لحالك

رغد : اقولك غيري السيره ويش اخبار دراستك

سحر : الحمدلله ماشي حالها .. اقول رغد من زمان نفسي اعرف شي عنك بس ماتجرأت وسالتك

رغد بأستغراب : ويش هو ذآ الشي

سحر : من هذآ عبدالله ؟

أرتعشت من اسمه اللي مر على لسانها : ويش تقولين أنتي ؟

سحر بنظرآت قويه : رغد انا ماني هبله الرسايل اللي كانت بجوآلك كلها حب وغرام وهيام .. سؤالي من هو عبدالله هذآ

رغد تطنشها : بليز لا تجبين اسمه على لسانك وانسي السالفه

سحر : ويش معنى .. أبي افهم كل شي منك

رغد : عبدالله مــــــــــــآآآت .. وخلاص ارجوك ياسحر لا تعذبيني أكثر من عذآبي

سحر انصدمت شوي بعدين كملت : مآآآآت .. كيف مات وايش كان بينكم

رغد تصرفها : سحر مو وقته بالمره لو سمحتي شيلي القصه من راسك

سحر : بكيفك .. بس انا حبيت اعرف وتفضفضي لي .. بروح انام تصبحين على خير

رغد : وانتي من أهل الخير

أبو رياض : ويش رايك ياهزآع

هزاع : اللي تشوفونه يبه .. اسبوع مايضر

أبو رياض : اجل خله اسبوع حتى فهد بعد يحضر

ام رياض : غريب اهتمامك يابو رياض بفهد بعد العمر هذا كله

ابو رياض : نسيتي انه تزوج وصار مسؤل عن بيت وزوجه وانا تهمني مصلحته

ام رياض : الحين تهمك مصلحته يوم كان صغير وينك عنه ليش رميته عند جده

ابو رياض بنظرات شرانيه : اقول لاتزيدين النار حطب .. وخليك ماسكه لسانه

ندى تهمس : هزيع ويش بينهم وويش قصة فهد

هزاع : علمي علمك .. بس ياخبر اليوم بلفوس بكره ببلاش

ندى : على قولتك انا ورآهم لين اعرف القصه

هزاع : كلمتني دانا اليوم تروحين معي عازمتني على العشاء

ندى تضحك : قالت لي من قبل .. لابغيت تروح اعطيني رنه

هزاع : على عشره بنروح اوكي

ندى : اوكي بكون عند الباب مسنتره

هزاع : تتاخرين دقيقه اتركك واروح

ندى : لاتخاف ثانيه ما أتأخر

..: ويش تبي فيني ؟!

..: فلوس ياحلوه والا المقاطع بتنتشر

..: مو انت قلت ماعندك شي واخذت اللي تبي منا

..: لا ياقمر على بالك بعطيكم كل شي عشان 50 الف ماضن شرفك يساوي 50 الف

ليان : طيب والمطلوب الحين مني ؟

فيصل : تجين وتجبين معك اي شي تملكينه ويكون عليه القيمه الين توفرين المبلغ اللي ابيه

ليان : بس فهد كلمك

فيصل : هههههه فهد ومن هذا خالك اللي كل بنات جده طالعين معه

ليان : هيه انت ويش تقول

فيصل : والله ياحلوه عايلتكم كلها خربانه من جدك الى اخر واحد فيكم ... وشوفي كلمتي ما اكررها تجين الساعه 1 ومعك اي شي طفرآن ابي فلوس

ليان قفلت الجوال بوجهه وهي مقهوره ماتدري ايش تسوي ماتقدر تقول لأبوها او أمها كافي اللي قاله لهم فهد

تملكتها الحيره .. وصارت شبه ميته .. كل شي من فعل يديها وهذي هي النتيجه.ز نزلت دموع الندم والقهر وقلة الحيله .. طاحت من عين الكل وأولهم امها وابوها اللي ربوها وتعبوآ معها وكذآ تجازيهم

لحد هنا استسلمت لنيرآن القهر بقلبها وضمت وسادتها اللي بللتها دموع الحزن

بآلمدينه بنص الليل

صحت على صوت بكاء مشاري .. شالته من سريره تحاول تسكته لكن حست بأن حرارته مرتفعه وخدوده لونها احمر خافت عليه ... ورآحت لعمها صحته من نومه وهي متوتره وخايفه عليه

شهد : يبه تعبان مره بس يبكي بوديه المستشفى مع جلالي

ابو مها : بنص الليلي مايصير لازم اروح معك

شهد : لا يبه انت انتبه لرغد لو تحتاج شي هي ماتقدر تتحرك الجرح لسى يألمها

ابو مها : بس قلبي مايطاوعني أخليك تروحين لحالك

شهد : معي جلالي وبصحي هنادي تروح معي

أبو مها : أجل صحيها تروح معك أتطمن شوي عليكم .. رآحت صحت هنادي .. ورآحوآ للمستشفى

بالطريق

هنادي : هو ويش فيه ؟

شهد حابسه دموعها من خوفها عليه : حرارته مرتفعه وبس يبكي من امس مدري ويش فيه

هنادي : عادي يابنت الحلال حراره وتروح لا تقلقين عليه

شهد : يارب مايكون فيه شي

وصلوآ للمستشفى ونزلوآ بسرعه ..

شهد : لو سمحت دكتور اطفال

موظف الأستقبال : موجود .. غرفه رقم 3

هنادي : المستشفى فاضي .. يالله بسرعه ندخل قبل صلاة الفجر

شهد : اوكي يالله .. ودخلوآ على الدكتور اللي طمنهم بأنه شي طبيعي يصير لكل طفل ينمو ويكبر وأعطاها أدويه له وتعليمات تتقيد فيها

بعد يومين

رغد : انا بروح للمستشفى أكشف على الجرح عندي موعد

شهد : أيوه عمي بيروح معك

رغد : اعطيني عبايتي وشنطتي .. ولبستها شهد

ريم : ان شاء الله مجرد روتين وتجين

رغد : عادي ومن قال اني خايفه

شهد تبتسم : طيب يالله عمي تحت يستناك

رغد تنزل مع الدرج بشويش : مع السلامه

ريم وشهد : مع السلامه .. دخلوا بعد نزولها .. وجات هنادي

هنادي : ويش العشاء اليوم ؟!

شهد : مكرونه بالباشميل

هنادي : يم يم .. من زمان ماسويناها .. والله ياشهد شاده الهمه

شهد : ويش اسوي رغد وتعبانه وانتم دلوعات ماتبون تسون شي غير ريم اللي يدها بيدي

هنادي : طيب طيب بروح اشوف مباره الهلال ..

ريم : يابنت متى تتركين الكوره

هنادي : لما اموت .. تعالي وين الفصفص اللي اليوم شريته من المدرسه

ريم : ويش يدريني كان بالكيس

هنادي : ياربي اكيد سمر اكلته الغبيه ذي ... ورآحت للغرفه تدور الكيس اللي حطته فيه اول مادخلت ارتبكت سمر وشالت الورقه اللي كانت تكتب فيها

هنادي بشك : ويش تكتبين !

سمر : ولا شي احاول اكتب شعر

هنادي بنظره شك : حركات من متى موهبه الشعر عندك

سمر : من زمان والحين بحاول انميها

هنادي : اعطيني بقرأ الشعر

سمر بأرتباك واضح :لالالالا .. لما اخلص اخليك تقرينها كامله

هنادي : بكيفك .. وأخذت جوالها ومالقت اي اتصال او مسج وخلته بمكانه وطلعت لغرفة التلفزيون

جلست وهي تتابع البرنامج اللي تتابعه سحر وريم

هنادي : الله يخليكم غيروه حطوآ دبي سبورت الحين يجي الأستوديو التحليلي

ريم بمسخره : ياشيخه .. روحي بس نغير جويل ونحط دبي سبورت ليش شايلين عقلنا بيدنا

سحر تضحك : تعلمي منها يمكن تحسين بشي ناقصك

هنادي تتربع على الارض وتصب لها شاي : وآثقه من نفسي ومن جمالي على بالكم مشفوحه زيكم

ريم : يووه يا جوليا روبتس

هنادي : كح كح .. تشبهيني بهذيك العقرب الشهباء

سحر : مناك تصيرين زيها .. شينه وقوآة عينه

هنادي تسحب الريموت : الكلام معكم ضايــع .. وفرت بالقنوآت

ريم بتصرخ عليها لكن سبقتها نغمة جوالها المخصصه لروحها وحبيب قلبها وتحولت تجاعيد العصبيه الى أبتسامه عذبه أرتسمت على شفايفها

سحر توقف : ردي على فارس احلامك بروح على النت

ريم تضحك : وانا بروح المجلس اكلمه على روآقه .. وخلال ثوآني أختفوآ من قدآمها

هنادي تتأمل الغرفه : ايوه كذآ نشوف اللي نبي مو يتحكمون فيني هذولك المفتريات

دخلت عليها سمر قطعت انسجامها مع التحليل للمباره اللي فاتتها ..

سمر تمد ورقه : اقريها وأعطيني رائيــك فيها ؟

هنادي : هذي اللي كنتِ تكتبينها ؟

سمر بحياء : ايوه هذي اللي أكتبها بس قولي الصدق

فتحت الورقه الطويله شوي وهي تضحك متحمسه تشوف أبدآع سمر بالكتابه وأنصدمت من أول كلمه قرتها وركزت بالأسطر اللي بعدها بكل حوآسها وجوآرحها

أحُبكَ

حُباً عَميقاً يـِسَكُنْ القَلبَ قَبلَ العَقلْ

عَشقتُكَ وأهَديتُكَ قَلبي ورُوحي وجَسدي ..!!

فــَ هُما مُلككَ الأنْ .. فــَ \ لا أحَدْ يَستحقْ قَلبي سِواكَ

أنتَ الرجُلْ الوحَيدْ .. الذي كُنتُ أبَحثُ عنهُ ..

بـِ \ كُلْ الزوايا ..

فـَ صَهيلُ حُبكَ سَرجَ حُبي .. حَتى امِتلأ الأُفقَ

فَـ دَعنّا نُمطر حُبنا وَ نَنثُر عِشقُنا المَجَنُونْ ..

ولـِ نَشربْ نَبيذ غَرامِنّا .. فـ َ \ في ذلكَ اليَومْ

والسَهره كُنا كـَ أمِيرينْ .. وعَروسَينْ ..

فـَ لذةُ الحُبْ أصَبحتْ تَغِمرُنّا بــِ خُيوطٍ منَ الوردِ

بـ هَذهِ الليلة بدأنا نَسمعُ أذانَ الحُبْ ..

يدعُو الجَميعَ للاحتفالِ بـِ حُبنا .. الأبَدي ..!

فـَ سكرةُ حُبكَ أسَقتنّي جُرعةٌ منَ الهَواءِ

فـَ \ لـتزدِ الجُرعةِ لـِ يَفوحَ نبضُ حُبكَ .. فــَما عُدتُ أحَتملْ

بُعادكَ عنّي .. فالثَوانّي كأنّها شُهور ..!

في هَذا اليَومْ أقَسَمْتُ بـِ \ أنّي أحُبُكَ

وأقَسمنّا أنْ نَحملْ حُبنا كـَ أسُطورة تُعانقُنا أينّمَا كُنا

فـَ حُبكَ هُو كَلَّ الجُنونْ .. قُـلتها ولمْ تَعلمْ بأنّ رُوحي مُتعلقةٌ بكَ

فـَ \ مَكاني لمْ يُصبحْ مَكَاني .. وَ حَياتي لمْ تُصبحْ حَياتي

كُلْ ما أعَرفهُ وما أريدُ أنْ أصِلهُ لكَ بأنّي أحُبكَ أنتَ لا أحَدَ سِواكَ

فـَقدْ أصَبحتُ مُلككَ وقَلبي مُتجَسدْ بــِ قَلبكَ

حَبيبي

يداكَ حينما عَانقتْ يدايا

جَعلتني أنَسى منْ أكُونْ أو منْ أنا ..

قـَلبي أصَبحَ لكَ وليمةَ عِشقْ وجُنونْ ..

أهَواكَ \ أعَشقُكَ \ أتَنفسكَ \ وأُقُسِمْ بــِ \ ربي أنّي أحُبكَ

أعُلنّها أمَامكَ وأمَامَ المَلأَ أحُـــبكَ وأُقُسمْ بذلكَ

والله خَيرُ الشَاهدينْ ..!

عَهدٌ عليَّ بأنّي أكُونَ لكَ بــِ كُلِ زَمانْ

وَ مَـكانْ .. وسـَ أخُلصْ لكَ .. إلى أنْ أمُوتْ ..!

هنادي وعلى وجهها صدمه ودهشه وأعجاب شديد باللي قرأته رفعت عيونها وهي تطالعها وعيونها شوي وتطلع من مكانها : ياخطيره .. كل هـــذآآ عندك ولا تتكلمين

سمر توردت خدودها وابتسمت على جنب : ويش رأئيك

هنادي : جنآآن عجبتني حيل .. أقولك بأحتفظ فيها عندي مره دخلت مزآجي "طلت فيها بنظره جامده " .. ولمين كاتبه أحبك وأميري وأعشقك

سمر بأرتباك : مو لأحد معين بس قلت أعيش جو اني أحب عشان أطلع اللي بدآخلي

هنادي : رقعي رقعي .. على بالك غافله عن قصة حبك أنتي وسامر ولد عمتي .. ورسايل الغرآم .. ووسيط الحب بينكم خلود

سمر الآف علامة استفهام طلعت فوق راسها : ويش درآك

هنادي بابتسامه : دريت ومن زمان واستناك تتكلمين لكن عزيمتك قويه ماقلتي لأحد

سمر بدت تتكلم مع هنادي وتفضفض لها : خفت اقول لخوآتي يشرشحوني .. تعرفينهم زين

هنادي : وتحبينه ؟

سمر بحالميه وحب صادق : أمووت فيه .. بس تكفين لاتقولين لأحد

هنادي : سرك ببير لا تخافي

دخلت شهد ومعها مشاري بحضنها ترضعه

شهد : ليش سكتوآ كملوآ سوالفكم

سمر : انتي دخلتي وأحنا مخلصين سوالف

شهد بنظرة شك : ويش كنتم تسولفون فيه

هنادي : عن المدرسه وويش صار اليوم

بمــكآآن ثـآنـي

كان جالس على الاب توب الخاص فيه يدرس بعض المشاريع ويجهز كم شغله خاصه بعد ماجاء لرومــآ انشغل بأشياء كثيره وكلها خاصه بقروب الشركآت حقته .. أتصل على سلطان وكلمه يسأله عن الصفقات اللي تمت بغيابه بعز أنسجآمه وتركيزه بشغله طرت على باله فجأه له كم يوم ماكلمها أبداً ولا سأل بوجودها ترك كل شي من يده وأتجه للبلكونه اللي كانت جالسه فيها تشرب كابتشينو وتتفرج بمجله على الطاوله .. حست بوجوده ورآها لكنه مالفت له ولا عارت وجوده أي اهتمام .. جلس جنبها وهو يطالع المكان اللي عيونها مركزه عليه

فهد : ويش رائيك نروح الفاتيكان

شوق بدون اهتمام : روح لحالك

فهد لف عليها وطالعها بنظره حارقه : جهزي نفسك الحين بنروح لنافورة تريفي ..

أنقهرت منه يأمرها أمر ولا ينتظر ردها أو رأيها رآحت للغرفه وسكرت الباب بقوه وهي مقهوره منه ومن تطنيشه لها وأنشغاله من الحين بشغله وشركاته وعمله لبست وخلصت وطلعت له وحاطة شنطتها على كتفها

شوق بدون نفس : خلصت

فهد يقفل الاب توب ودخل الغرفه بعدها ولبس له بنطلون جينز وتيشرت أحمر ورجع شعره على ورى بشكل عشوآئي ولبس نظرآته وطلعوآ

شوق : ويش هذي تريفي

فهد يمشي ويطالع اللي قدآمه ولا سأل فيها : نافوره .. بتشوفينها بعد شوي

بعد ما أستأجر تاكسي ووصلهم للمكان المطلوب أخذها ولف فيها المكان كله اللي أعجبها مره وأنبسطت فيه

شوق وهي تتأمل المكان بكبره : مره حلو .. ضربها على راسها بخفه

فهد : اكيدي حلوو .. أنجلط لو تقولين ماهو حلو

شوق بتكشيره ودقته على جنبه : ايوه ماهو حلوو عندك شي

فهد باسها عل خدها وبعد بسرعه عنها وهو يطالع شكلها اللى أنصبغ بكل الالوآن وأرتبكت وغيرت أتجاهها

فهد: وين الشرسه اللي كانت توها مكشره

شوق مشت له بسرعه بتضربه وهو يتحركش فيها بكلامه : أسكت أحسن لي ولك

فهد :ويش بتسوين يعني بتقتليني

شوق تمسكه مع يده بقوه : وأقطعك كمان

فهد حط عينه بعينها : وأهون عليك تقطعيني أنا فهد مو حي الله

شوق رفعت حاجبه وهمست له : ولأنك فهد بقطعك

أبتسم على كلمتها لانه فاهم مقصدها للحين تكره لو يعيش العمر كله معها بتظل تكره وماتنسى اللي صار لها حتى لو هو تغير او حاول انه يتغير معها .. بيظل شي دآخله يبغضها ولا يودها

رد عليها بنفس الهمسه : وهذآ أنا قدآمك سوي فيني اللي تبين وقدآم الكل

ماردت عليها ومشت بطريقها وعيونه متعلقه فيها مشى ورآها وبقلبه يضحك عليها وعلى ضعفها قدآمها مهما حاولت تبـين له العكس لكن عيونها تكشف كل أورآقها لما تلتقي بعيونه

{شــوق}

قهرني بتصرفه معي يتحكم فيني كأني دميه أليه يحركني على رغبته .. أخاف منه ومن نظرآته الثاقبه أخاف يتوحد فيني زيه زي البحر ماله امان وغدار .. عجزت اجبر نفسي عليه حتى لو بالغصب أحساس البغض والتقزز منه ممتلكني حتى لو أضطريت أني العب معه لعبه المسرحيه وأنا وهو أبطالها شعور الحقـد والكره لازآل يبيع ويشتري بدآخلي

لكن في شي غريب ما أفهمه ومستحيل افهمه أرضخ له بكيفه يسيرني على أهوآئـه بدون أي اعتراض مني مو مثل أيامنا الاولى مع بعض تغيرت فيني أشياء لكنها لآزآلت مبهمه لي ..

{أحـــبــه }

أبـــداً وهــــذآ من أخر وسابع المستحيلآت انه يصير .. لكن شعوري ما أفمهمه

صرت مثل المتاهه أضيع في دآخلي ولا ألقى نفسي .. نطقتها من صميم قلبها

( آآآآآه ويش سويت فيني يا فــهــد .. وويش بتسوي بعد شي جديد لــي )

لحقها ومسك يدها ومشوآ بطريقهم وكل وآحد يتفادى ان عينه تلاقي عين الثاني كانت مثل الطفله لقت الامان بقربه مكان ماتعرفه وناس أول مره تشوفهم وهو ملآذهــآ الوحيد من بينهم كانت تسير معه وماتدري لو ين بيأخذها مروآ على أماكن عجبتها وأول مره تشوفها على الوآقع

فهد يركز عينه لمكآن بعيد : طالعي قدآمــك

بتلقائيه طاحت عينها على المكان اللي فهد يطالعه تاريخ قديم ومعالم من معالم الحضاره الرومانيه منذ الآزل يحكي وقت كانت فيه الأمبرطوريه الرومانيه في ذلك الوقت ..مدت نظرها لطوله الشاهق وجماله باله معه وهي تحس بسرحانه وأسترجاعه لذكريات أسكنت حركاته

" الكـولـوسيـــو"

جمع له بالماضي البعيد أوقات بساحاته ودآخله وبين منحنياته ذكريات مع أمه وجده كان صغير ماتجاوز 10 اعوآم طفل ولكن ادرك مالم يدركه من هم بسنه طفوله ضاعت وذهبت ادرآج الرياح وألم من صغره سكن عالمه البريء معاناه وحرمان وأسى رآفقه طول تلك الليالي .. غرقت سفينته قبل ان تشرع بالأبحار في بحور الحياه جسمته الظروف وأسقامه الداخليه كوحش كاسر لا يرحم من يمر طيفه امامه تعزف اوتاره على لحن اللإراديه لايستطيع ان يجعل من نفسه رحيم وأليف لأن ظروف بيئته المحيط به تجعل من مناخه عاصف أنتبش قبر الذكرى وبدأت اروآح الماضي بالأنتشار ... تردد صدى كلمات لازالت رآسخه بباله

..: ويــش تــســوي هـنـآ أطــلــع بــرآ بـــــرآ

..: لــيـــش جــالــس هـنــآ يالله روح غرفتك مابي أشوفك هــنـــآ

..: شــاطر جبت شهاده تعال خذ هديتك .. وهو كآن وآقف بشهادته وعيونه متعلقه بأبوه ينتظر أي كلمه لكن خابت أماله لما ابوه تجاوزه مع رياض وهزآع يلحقه والتفت للجهه الثانيه وشاف نظرآت الشفقه في عيون أم رياض

تذكر ذآك اليوم اللي من بعده كره الرياض وأهله ومارجع لهم الا بعد ماصار الكل يحسب له ألف حساب وغير موآزين كثيره لكن في ذآكرته أشخاص لا يستطيع الزمان محيهم أو ان يسمح لقلبه بالغفران لهم

حس بلمست يدها اللي زآدت على يده كأنها تدعمه بذكريات الأليمه الذكرى الاولى ليست هي وليس ماكان بينهم الذكرى الاولى هو ( ولــــــــده ) .. منها لأول مره يهتز أحساسه بدآخله وعينه على طفل يمر من قدآمه ..حس بدموعه تتجمع بعينه جاته رغبه جامحه بالأبوه مر طيف أحمد ومروآن بباله وكيف هو أحرم ولده الحياه زي ماكانوآ رآح يحرمونه من حقه بالحياه .. جمعهم أحساس وآحد { لــذة الحرمآآن }

برآكينه الخامده من سنين أجتاحها زلزآل منذ دخولها حياته لتبدأ ثورتها ولكن لا أحد يعلم متى وقت الأنفجآر .. لكنه متيقن أن أنفجاره سيدمر الكل عــدآها لانها ببساطه زوجته وأول وأخر شخص يشاركه بكل مافيه جسده , أحاسيسه , والاهم نقطة تلاقيهم وهو الأنتقام

قربت منه وهي تحس بمعاناته وحربه الداخليه وهمست بهدوء : أنسى الماضي وفكر بيومك ولما نرجع كل وآحد يرتب أوراقه

فهد بخبث : افكر بيومي معك ؟!

شوق بدلع أنثوي : مو بس يومك الا أيامك كلها .. مو أنا زوجتك وقلبك وحياتك

فهد حط يده على ظهرها وأبتسامه : بدون شك

شوق بغنج يسحر وصوت يذوب : حسبت غير كذآ تجرأت وحطمت كل مقاييسها وأمتزجت شفايفها بشفايفه

نسوآ العيون اللي تطالعهم بعدت عنه بعد ما أستثارت مشاعرهم الخامده مشاعر أنوثتها وعاطفتها ومشاعر غريزته الرجوليه

فهد يضحك : لا تخليني أتهور ونرجع الفندق .. مسكت يده وسحبته وهي تدلع عليه

شوق : لاحقين على الفندق .. وأطلق ضحكه رنانه بعد كلمتها هذي وأستسلم لها ومشى بدربها

{شوق }

لاتظنون أني أحبه ..لا بس قررت أني اعيش باقي حياتي معاه وهو الوحيد اللي يحسسني بأنوثتي ومشاعري المسفوكه انا مراءه وبطبيعتي احس بالثقه وتزيد قوتي كل ماحسيت بهذآ الشعور رغم جفاه لكن لما ادلعه واتدلع عليه يستجيب بسرعه جنونيه وبدون اي حواجز بيننا رآح أملكه بذي النقطه وأحقق اللي ببالي .. هههههههه وبكل الحالات انا المستفيده

بعد ما أتمشوآ وأتعشوآ بالمطعم رجعوآ للفندق فتح لها باب السويت الخاص فيهم جذبتها ريحة الورد .. ودخلت والمكان ظلام وكل ماقربت من الغرفه تزدآد لها الرؤيه دخلت الغرفه وهي مصدومه من اللي تشوفه .. شموع وورد منثور وجو الرومنسيه يطغى حتى على أنفاسها قرب منها وضمها وهو يهمس لها

: مو أفكر بيومي معك .. ضحكت بشويش ولفت عليه وقبل تنطق بأي كلمه ضغط على الريموت بيده وصدح صوت كاظم الساهر فقط

أكـــرهـــهــا

أكرهها وأشتهي وصلهاوإنني أحب كرهي لهاأحب هذا اللؤم في عينها

وزروها أنت زورت قولها

عينٌ .. كعين الذئب محتالة

طافت أكاذيب الهوى حولها

قد سكن الجنون أحداقها

وأطفأت ثورتها عقلها

أشك في شكي إذا أقبلت

باكية .. شارحة ذلها

فإن ترفــقــت بــهــا أستكبرت

وجررت ضاحــكة ذيلها

أن عانقتني كسرت أضلعي

وأفرغت على فمي غــلــّها

يحبها حقدي ويا طالماوددت إذ طــوقــتـها .. قــتــلـهــا

ركزت بكلمات الأغنيه وأبتسمت على معانيها لفت يدها على رقبته رفعت عيونها له والبسمه لا زآلت على وجهها قرب وجهه أكثر منها وهمست : الشعور وآحد بيننا

فهم قصدهاوأبتسم وشالها بين أحضانه

صحت من نومها على أثر الحلم اللي كانت مرتاحه فيه ضحكت وهي تتذكر أحدآث الحلم

شهد : ويش جابه على بالي .. قامت من نومها ولمست جبين مشاري وكانت حرارته منخفضه أرتاحت

شافت الساعه بجوالها3:15 صباحا طلعت للصاله البيت هادي ومظلم فتحت الباب بشويش على رغد وشافت الأبجوره مفتوحه وهي نايمه وكأنها نست نفسها ودفترها ضامته على صدرها مشت بشويش حتى ماتصحيها وسحبت الدفتر من يدها وطفت الضوء وطلعت وبيدها الدفتر شافت اخر صفحه كتبتها مذيله بالوقت وتاريخ هذه الليليه .. نزلت دموعها وهي تقرأ ما خطته يد تؤآئم روحها

لا والذي سوى عيونك .. وسواك

.. ماقلت أبيك ألا وأنا فعلا أبيك ..

الحب مايوخذ سوالف . خذ . و . هاك

الحب يقطع عرق عينك ويعميك

يدكني في تالي الليل دكاك

وإذا سألني عنك قلبي ؛ أزكيك

أموووت بك .. أعشق ترابك .. وماطاك

ومالاح صبح إلا وأنا أنوح وأبكيك

كني ملكت الكون إذا تضحك شفاك

تفداك روح اللي على النفس يغليك

أهواك .. تدري ويش تعني لي أهواك ..

أهواك معناها أنا .. ميتٍ فيك ..

لو ربع ماجاني من الشوق قد جاك

وربي الكريم ان ماتشيلك مواطيك ..

أن قاله الله والهوى الشين وراك

والله إن تبرد فبرد عشقي وأدفيك

تدري أمل عمري أني آصل رضاك

خذ كل ماتبغي .. على شرط يرضيك ..

سبحان من كب البهاء فيك وأعطاك

هسى عيونٍ شافت الزين تخطيك

ياحلو هم العشق . . ويازين بلواك

وماصابني من غم عساه يخطيك

قويت كل الناس وعجزت لأقواك

ياكثر ضعفك . . بس ياقوةٍ فيك

شهد : لازم تنسينه يا رغد وتكملين حياتك اللي تسوينه ما يصير بس وين القى الحل

جاء ببالها يوسف هي صح تحترمه بس يقهرها بتصرفاته وثقته بنفسه ونظرة الغرور بعيونه بس فيه جاذبيه تجذبها له ممكن شكله,طريقة كلامه, أو غروره اللي يجذبها له أكثر وأكثر ضحكت على تفكيرها

شهد : بدينا بالحب والخرابيط الولد شكلوآ مو شايلني من ارضي وأنا من حلم أفكر فيه

نفضت الأفكار من راسها ورجعت لفراشها ونامت او بالأصح تحاول تنام

بغرفه ثانيه وعلى سرير منفرد كانت تتقلب تفكيرها فيه مسيطرعليها المنظر اللي شافته فيه قززها لكنها ماتستحمل تشوف الغلط وتسكت صح اللي تسويه أكبر غلط في حق نفسها وحق أهلها لكن مايساوي شي عند اللي شافته بعينها منه وهو رآسه والف سيف يرد لها الصاع صاعين .. من وصلتها رسالته حوآلي نص الليل جافها النوم قرت المسج اكثر من مره لكن شعور وآحد رآودها شعور الخوف من الجاي

رجعت قرت حروف مسجه ( وأنتي اللي حطيتي رآسك برآسي ياهاني .. قصدي ياهنادي بس تأكدي مليون بالميه أني بترك بحياتك بصمه ماتنسيها طول عمرك )

هنادي ( يمه يعني بيسوي زي فهد ماسوى بشوق .. لالالا اناغبيه وحماره استاهل اللي يصير لي الحين دآم اني مو قد هالشي ليش اعاند .. "جاء صوت مناقض" .. أنتي قدها وقدود مو هنادي اللي تستسلم بسهوله وماجد مو هو اللي بيترك لك بصمه أنتي اللي رآح تتركين له بصمه في حياته)

دفنت رآسها بمخدتها تحاول تبعد أي تفكير عن بالها تبي تنام وتنهي مرحلة التفكير المزمن

آمــا في بيت يوسف

كان جالس يتفرج على فلم بعد ماخلص طفى التلفزيون ورجع لفراشه

يوسف : ماجد

ماجد بدون نفس : نعم

يوسف : الله ينعم عليك .. ويش دعوه هالنفس الخايسه ذي

ماجد بصوت عصبي : اذا ماتبي شي خلني انام

يوسف عصب منه : انا اكلمك كلمني زين

ماجد لف عليه : نعم ويش تبي

يوسف : ويش فيك هاليومين منت على بعضك

ماجد : مافيني شي .. أزقح

يوسف : محتاج شي .. تبي فلوس

ماجد : الحمدلله ماني محتاج شي

يوسف يحاول يتقرب منه : انت متغير مره ويش اللي مغيرك .. قول اللي بخاطرك أنا أخوك سندك وعونك

ماجد : صدقني مافيني شي بس مزآجي متقلب اليوم لو فيني شي بقولك على طول

يوسف مامشت عليه تصريفته لكنه كان يبي يحسس أخوه انه هو سنده بعد الله .. متى ما أحتاج شي أول من يوقف معه هو .. سكت عنه وحط رآسه على مخدته ونام بسلام

ماجد ( ويش اقولك يايوسف اقولك أن بنت لعبت بحسبتي بنت تهددني بشي لو تدري عني بطيح من عينك .. بشي ماسويته من الأصل هي فهمت الموضوع غلط ولاتركت لي مجال افهمها .. آآخ من هالبنت تحسبها ضعيفه وهي فيها قوه الف رجال عجزت القى حل معها .. لكني مابتركها تروح بسلام أنا اللي بربيها على يدي)

اليوم اللي بعده

صحى من النوم وهي نايمه على صدره وشعرها يغطيه ماقدر يحركها ويبعدها عنه ففضل انه يسكت الى ان تصحى من نفسها .. تأمل شكلها الناعم ورمشها الكثيف صفاء بشرتها ونعومتها كأنها طفله بين أحضانه

مشاعر متضاربه وأحاسيس مختلفه .. غمض عيونه وهو يحاول ينسى ويتناسى أي شي يخرب عليهم الهدوء والأنسجام بينهم

فتحت عيونها ببطئ وتكاسل حركت شعرها بكسل فتح عيونه بعد ماحس بحركتها أبتسمت بعد مارفعت عينها بعينه وهمس لها وهو يبعد شعرها عن صدره : صبآح الخير

شوق وأكتست خدودها بالحمره وبعدت عنه : صباح النور .. لف فوطته على خصره .. ووقف واتجه للحمام وأنتو بكرآمه .. وقبل يدخل

فهد : جوعآن أبي فطور ..كلمي الرسبشين وأطلبي

دخل وطلعت تكلم الرسبيشن .. جلست على السرير تنتظر خروجه .. دقايق وطلع يفطر ..

بعد ساعه ..

شوق : فهد خلنا نرجع السعوديه .. مره مليت هنا

فهد : بنرجع بعد يومين رحلتنا

شوق رفعت حاجبها : يعني حجزت ؟

فهد : حجزت للرياض بنزور أهلي واليوم بنروح نتسوق

شوق : اممم وليش نتسوق ؟

فهد : نشتري هدآيا لاهلك وأهلي .. والا ماتبين تهدينهم شي

شوق : أكيد

فهد : أجل جهزي نفسك الساعه 2 الظهر ننزل نتسوق .. بشوف شغلي شوي

شوق تشيل الصحون : أوكي سوكيزاتما << كلمه رومانيه تعني عن أذنك

فهد يبتسم : حركآآت صرنا نتكلم رومااني

شوق تضحك : نتعلم ليش لا .. ورآحت للغرفه تبدل ملابسها وتكلم أهلها

جلس قبال أمه وأخوآنه مجتمعين وبنآت أخوآنه وخوآتــه .. تشجع يفتح الموضوع للمره الثانيه مع امه وبوجود الجميع .. مايقدر يكبت نفسه أكثر من كذآ من وفاة صديقه اصبح وحيد لا انيس ولا ونيس وأعجابه فيها مسيطر على تفكيره .. هل هو حب أو مجرد أعجاب مؤقت ويرحل بعدها .. من اول مره شافها تعلق فيها رغم كل الجفاء منها وتحطيمها له كل ماشافته وبغضها له لكنه يجهل السبب

يوسف رفع صوته : يمه .. برجع افتح الموضوع وقدآم الكل

أمه : أي موضوع يايوسف

يوسف : الخطبه .. البنت اللي كلمتك عنها ... وحل الصمت على الكل

امه عقدت حواجبها لانها شالت الفكره من بالها نهائيا ولا فكرت فيها ثانيه توقعته كلام عابر لكن شافت نظرة الاصرار بعين ولدها وصدقه بهذآ الموضوع بالتحديد .. سكتت ماتعرف ويش ترد عليه

أخوه الكبير أبو محمد : ويش السالفه يمه .. لايكون يوسف بيخطب وحنا ماندري

يوسف : انا كلمت امي قبل يومين وقلت اني أبي أخطب وحده وهي ماردت علي .. عشان كذآ قلت أشاوركم بعد حتى ماتتشرهون علي

اخته مريم : مين هذي البنت نعرفها

يوسف : لا ماتعرفونها

ابو محمد : اجل من وين عرفتها انت .. لاتكون تكلمها وحب وخرابيط

يوسف : لا والله حشى لله أني ماكلمتها .. هي تصير أخت خطيبة عبدالله الله يرحمه وخاطري أخطبها من زمان بس كنت مأجل الموضوع وتوفى عبدالله وشلت الزوآج من رآسي

امه : شوف يايوسف .. انت ولدي وانا ادور الشي اللي يسعدك ويهنيك شوف لك وحده من بنات اعمامك او اخولك ومن بكره اخطبها لك .. لكن ويش تبي بناس مو من عائلتنا ولا من معارفنا وقبيلتهم غير عنا

يوسف : انتم بس تفكرون بالقبيله .. بنات اعمامي واخوالي ماعليهم زود والف وآحد يتمناهم بس انا مابي غيرها أفهميني يمه الله يرضى عليك

امه عصبت : الله يرضى عليك انت شيل البنت من رآسك وانا عند كلمتي دور لك من قرايبنا كل وحده تقول الزود عندي

بدأ يحمر وجهه من العصبيه كلام امه ما أقتنع فيه أبداً ويعرف امه وعنادها لكنه تمالك نفسه وكان بيتكلم لكن قاطعه اخوه

ابو محمد بتودد : يايمه ليش رآفضه انتي الحين ترى يوسف ماهو صغير بيصك 27 وانتي لسى تفرضين شورك عليه

امه بحده : انا امه ووآجب عليه طاعتي

ابو محمد : ما أختلفنا بس نفسه ببنت معينه لاتغصبينه على وحده ماهو باغيها وبالأخير تندمين يمكن يطلقها أو يعيشها بتعاسه .. بيظلم بنت مالها ذنب

امه : ولو يدور له من بنات خالاته والا خواله ماله دآعي نروح للبعيد ونترك القريب

مريم : يايمه الحين في أشياء ورآثيه يمكن ما يتطابقون ويتحطمون او يخلفون عيال مشوهين

امها : هذآ أنا تزوجت ابوكم وهو ولد عمي وماجبت الحمدلله مشوهين .. خلو عنكم الكلام الفاضي

يوسف بعناد ووقف معصب : أجل لاتقولون لي تزوج .. يأخذها والا ما أخذ غيرها واقعد طول العمر عندك

امه : ابرك لي تقوم فيني وتحطني على رآسك ..

توتر وطلع معصب من البيت نزل الدرج ركض .. ودخل سيارته تايه يفكر بأمه وكلامها بتغصبه على شي مايوده ولا يبيه

يوسف يضرب الدركسون : الله يسامحك يمه الله يسامحك .. لو تروح مني شهد والله غير أموت .. وشخط بالسياره .. وصوت الفرآمل وصل للغرفه اللي كآنوآ جالسين فيها

غدير : زين يمه طلعتيه زعلان لو يصير فيه شي الحين

ابو محمد : خلوني مع امي شوي أنا ومريم .. وطلعوآ الكل عدآهم

أنا ماخسرته ,‘, هوبـ نفسه خسرني

أنا ماجبرته ,‘, هو بـ قسوته ظلمني

قلبي حنون وماأزعل ,‘, والكل يتمنىآ يعرفني

قرب مني وهمس بـ أذني " عاشقه الناس معك تحسدني "

كتبت فيه الغلا ,‘, ولاحتىآ قدرنـي

مثل الطفل ..! ,‘, كللحظه يزعلنــي

حتىآ الطفل ,‘, أعطيه لعبه يرحمنـي

كبير أنا بـ/ قلبي , كبير بـ/ عقلي , كبير بـ/ طيبة قلبي

خسارى أنت ..! أحطك من ضمن همي .؟!

أنا مايهز قلبي أمثالك ,‘, وأنت أكثر شخص عارفني

أحب الحب , وأهلالحب , وأنت للحين تجهلني ..!

وكل من حولك ..! ,‘, يتمنىآ لو مره يكلمني

أبرحل ..! ,‘, يمكن تلين وتحس بـ قدري

هذا أنا معروفه ,‘, كذا أنامن صغري

حظي عنيد ,‘, وفجأه ينقلب ضدي

قلبي حنون ..! ,‘, ولا شخص بـالدنيا فاهمني

ترىآ والله ماخسرته ,‘, هو بـ نفسه خسرني

قرت كلماتها مره ومرتين .. حستها تتكلم عن شخصها وقلبها الضعيف .. كررت البيت الأخير

ترىآ والله ماخسرته ,‘, هو بـ نفسه خسرني

ترىآ والله ماخسرته ,‘, هو بـ نفسه خسرني

ترىآ والله ماخسرته ,‘, هو بـ نفسه خسرني

حست بمعانيها فعلا هو خسرها خسر حبها له .. صدمتها فيه أكبر من أي شي .. حاولت تنساه وبدت تنجح بنسيانه . رمت كل شي ورآها ورآحت للصاله .. تفأجئت وهي تشوف رغد جالسه تسولف مع ريم وشهد ومعها مشاري تلاعبه

سحر : ياسلام بدأ يرجع وجهك زي أول

رغد : الحمدلله على كل حال

ريم : ايوه ارجعي رغد الفرفوشه الاوليه شوفي دروسك ومحاضراتك مو تبين تحولين للطب

رغد تشرب النسكافيه اللي بيدهآ : ان شاء الله ربنا كريم

شهد : من بكره تدآومين

رغد ابتسمت : بكره الخميس ياحلووه .. من السبت قصدك

شهد : اللي هو .. اهم شي تدآومين

رغد : ان شاء الله وقت الدلع خلاص رآح .. وكل شي مع مرور الايام يبرى

سحر ترمي نفسها على الكنب : تــــعــــب اليوم

ريم : على فكره بكره مو بنروح استراحة زوج عمتي

شهد : يس افكورس .. بنروح

ريم تحط سدها على رآسها : ماجهزنا شي يوووه

دخلت سمر وهنادي وقالوآ بصوت وآحد : احنا جهزنا اغراضنا باقي أغراضكم

سحر : أنانيات ليش ماتجهزون لنا معكم

هنادي : والله ماندري حضرتكم ويش بتلبسون قوموآ جهزوآ اغراضكم بنفسكم

رغد : معهم حق كل وحده مسئوله عن نفسها

شهد تأخذ ميشو من رغد : وهذآ القميل شو بدنآ نلبسوآ

سحر : الشورت الجينز يجنن عليه

شهد : صح كيف رآح عن بالي .. بلبسه الشورت

رغد بكسل : مالي خلق بكره اروح

سمر : عشان خلود تزعل مشتاقين لك مره

رغد : اممم عشانهم بروح

هنادي : والله وحشتني الدب شوق لما كلمتني شوي وأبكي

ريم : أنتي تبكين

هنادي تتخصر : ليش ما أبكي ماني بنت زيكم

ريم بتكشيره : أشك في أنوثتك

هنادي طلعت عيونها قدآمها : ويش قلتي

ريم بلامبالاه : اللي سمعتيه .. عندك اعتراض

هنادي : مسويه نفسك بنت ترآك بقره كبييييييييييييييره

ريم : أهم شي مو غوريلا زيك

هنادي وقفت وعصبت وعيونه مره على رغد اللي حابسه ضحكتها وعلى شهد اللي ابتسمت على كلام ريم : صح انا كذا

رغد : وعندك شك بعد

هنادي رمت علبه المنديل بأقوى ماتملك لابعد مكان : مالت عليكم من خوات .. ورآحت لغرفتها

سمر بحزن : حرآم عليكم تحطمونها المفروض ترفعون معنوياتها

شهد بجفاف : خليها يمكن تحس على نفسها وتغير لوكها وتصرفات البويه حقتها .. الى متى تشمر وترجع اكتافها على ورى

رغد : شهد صادقه احنا نضغط عليها حتى تتغير جذريا

سمر : بس مو بالطريقه هذي كثرة الضغط يولد الانفجار

سحر : بالله هناديوه تنفجر اسكتي بس يالمحلله النفسيه

سمر : نفسي أعرف ليش تعشقون التحطيم

رغد : مو تحطيم بس نبي نوصل لهدف معين

سمر : فهميني

رغد :مافيني اتكلم بليززز شت يور مآآوث

سمر تمد لها لسانه وتسحب الريموت من يدها تبي تتابع مسلسل على افضل قناة عندها "دبــي "

سمعت صوت الجرس قامت بتكاسل وخوف خصوصا ان الوقت تأخر ... وقفت ورى الباب

فاتن : مين ؟!

تركي : أنا تركي يافاتن

فاتن بخوف : ويش تبي ؟

تركي : جايب لك أغراض .. وأشوف أذا ناقصك شي

فاتن : الحمدلله ماناقصني شي .. ماتقصر

تركي : على العموم الأغراض عند الباب انا رآيح دخليها .. وتأكدي من الباب انه مقفول زين واي شي يصير كلميني

فاتن أستحت منه وقالت بأمتنان : مشكور ياتركي اخوي اللي هو أخوي ما أدري عنه ولا سأل فيني

تركي : يالله انا رآيحه .. مع السلامه .. سمعت خطوآته تبتعد وفتحت باب شقتهم وشغلت الاضاءه لان المدخل مظلم نزلت دموعها على حالها لا أهل يسألون فيها ولا أخ يعزها شالت الأغراض بهدوء وقفلت الباب ورآها

كآن وآقف على جنب يرآقب تصرفاتها حزن عليها وبعد ما تأكد انها قفلت الباب ركب سيارته ومشى وباله وتفكيره معها

بسيـآره ثانيه

مها متنرفزه : يعني ويش تبي أقول لك ؟

بندر : لا ترفعين صوتك علي يامها

مها بزعل : انت ما ترآعي حالتي وعارف اني حامل ومتجاهل هالشي

بندر : لا متجاهل ولا شي بس الظاهر بدت تخاريف الحمل تجيب مفعولها

مها زآدت عصبيتها : تخاريف هاه .. أصلا انا الهبله اللي تزوجت قبل أتزوج مرتاحه ومريحه رآسي من الشقاء والتعب

بندر بطولة بال وعصبيه قامعها : تقصدين أني غثاء هــآه ؟

مها تلف على جهتها : الحمدلله انك عارف نفسك

بندر : مابرد عليك هذآ انتم يالحريم ناقصات عقل ودين

مها والدموع بعيونها : لا أموت يامطوع بريده

بندر كبت ضحكته على كلمتها اللي طلعت من قهرها : على الآقل مو سخيفين حتى بمشاكلنا زيكم

مها تشهق : يعني أنا سخيفه ؟

بندر بنفس نبرتها : الحمدلله انك عارفه نفسك

مها ولعت منه وماردت عليه بكلمه وأكتفت ببكاها .. كانوآ رآجعين من القريه وعلى طريق السفر .. وقف على جنب بعد ماحس أن مافي أمل تسكت وتنهي دوآمه بكاها

بندر : وبعدين يعني مارآح تسكتين

مها : لا مارآح اسكت ووصلني عند أهلي بسرعه

بندر رفع حاجبه : ياسلام مو متفقين نروح عند أمي

مها بعناد : روحه معك مافي .. بروح عند أهلي وبعدين أحس ماني طايقتك ياخي أعتقدني من شوفتك

بندر بقهر : طيب روحي عند أهلك ولا ترجعين اوكي

مها انقهرت أكثر منه : اوكي ..

{مــهآ}

أوووف أحس ماني طايقته نفسي كل ماتكلم اضربه صاير يغثني بقوه .. الله يعني على مابلاني كنت احبه وللحين احبه بس شعوري مضطرب أكيد بسبب الحمل والتعب والهم .. وكمان هو مايرآعيني ويشوف وضعي ياكرهي للرجال ليتهم يعانون زي مانعاني كان حسوآ فيني ولا يقدرون حتى يزعلون بكلمه وحده أناني مره انا ويآك والزمن طويل

لفت بتكلمه ونطقوآ كلهم بوقت وآحد :.. مــهــآ .. بــنـــدر

طالعها بنظره : ويش تبين

مها بتغلي : انت ويش تبي ؟

بندر : لالا انتي ويش تبين انتي قلتي أسمي أول

مها : كنت ابيك توقف عند محطه أبي ايسكريم

بندر : ايسكريم بعز البرد

مها : ايه مشتهيه أيسكريم بالشكوكلاته

بندر : أبشري من عيوني الحين تقابلنا محطه أوقف وأجيب ويش تبين بعد

مها : بس هذآ ياعمري ..

بندر يغمز لها : يعني رآضيه علينا الحين

مها بغنج : أيه رآضيه .. بس لآتحاول اروح معك بروح عند أهلي

بندر : أهم شي صافيه لبن

مها : حليب يا إئشطه

بندر : أجل خلاص من عيوني أوديك عند أهلك

مها بفرح : الله يخليك لي ولا يحرمني منك ياغلاتي

بندر : ولا منك

بعد ساعه من مشوآر الطريق وصلوآ للمدينه وودهآ عند أهلها

رغد : يآهلآ وغلآ بمهاوي .. شخبارك ويش اخر علومك

مها ترمي شنطنها وأغراضها بتعب : الحمدلله تمام .. أنتم أخباركم

هنادي : بخير .. وه ويش هآلكرش مهاوي

مها : شايفه كيف صايره زي الدب

هنادي بتقهرها : من زمان زي الدب خخخخخ

مها تكشر : ماتعرفين تجاملين أنتي

شهد : ماعليك منها طمنينا عنك ويش أخبارك

مها : تماااموو .. أقول ترى حدي جوعانه أبي أكل

ريم : سندويش بنسوي غير كذآ مافي

مها بصوت حزين وعقدت حوآجبه : تكفوووون وحده تسوي لي أكل عشان البيبي مو عشاني

سحر : بسوي لك وآمري لله ..

مها تلف على رغد : كيفك انتي الحين أن شاء الله أحسن

رغد : الحمدلله احسن بكثير

مها : كويس .. وأنتي شهد كيف الجامعه معك

شهد بتملل : ماشي حالها .. بس قرفت خلاص منها

مها : شدي حيلك بلا كلام فاضي .. وانتي ريم ركزي بدروسك ترى سمعت انك بس بالجوال

ريم : شكلي بكسر الشريحه حتى ترتاحون مني

هنادي : يكون أفضل .. ترى اذا نزلت نسبتكِ أنتي الخسرآنه

ريم كأنها خافت : لا أن شاء الله بشد حيلي

مها بخبث : خلي الرجال ينطق أهم شي مستقبلك ترى مابقى شي وأنتم على نهاية الترم

ريم توترت : لا تذكروني تكفون اسكتوآ أحس بتأنيب الضمير

رغد أبتسمت : يالله نبي نشوفك دكتوره

ريم : لا أبي حاسب

مها : أهم شي تحققين اللي ببالك وتكوني في غنى عن الغير

ريم : والله معكِ حق بكل اللي قلتيه

هنادي تتربع على الأرض وتصب قهوه لمها ولها : أيوه مهاوي كيف بندورتك معك

مها: زين ياعساني أفدآه

دخلت سحر وبيدها صينيه أكل لمها

مها : الله يوفقك ويزوجك باللي يسعدك ..

سحر حمرت خدودها من دعوآتها : بدري على الزوآج

مها : يارب أزفكم كلكم

الكل : آآمــيــن

مها كشرت : ماتستحون على طول أمين ههههههه

شهد : اجل تبين نقول لا مانبي نتزوج عن نفسي انتظر عريسي يجيني على بنورآما بيضاء

هنادي : أنتي هايلكس ويخب عليك بعد

الكل : ههههههههههآآآآي

شهد بغرور : وليش ويش ناقصني مايجيني على بنورآما .. أصلا انتي تحمدين ربك أذا جاك على حمار جحا

رغد ضحكت من قلب عليها : خلاص خلاص بيجيك بطياره بعد لاتزعلين علينا

شهد ترفع ميشو : قولهم أني أستاهل ملك .. قام يضحك ميشو على حركاتها ويطلع أصوآت

شهد : شفتوآ حتى ميشو يأكد كلامي

مها بتحطيم : مايبي يكسر خاطر أمه

شهد تأثرت من كلمتها : أكيد أنا أمه وأبوه وكل ناسه .. وباسته على خدوده الورديه

سمر : اممم لو تجي أمه وتأخذه أيش بتسوين

شهد تعلقت عيونها بسمر وعلامات الصدمه على وجهها وقالت بحده : لو تموت ماتأخذ مني ..

مها : خلاص خلاص قفلوآ السيره .. ماكلمتكم شوق

شهد : الا كلمتنا وتقول قريب بيرجعون

هنادي : والله أشتقت لها هي اللي تنصفني مو أنتم

شهد : المهم بكره بتروحين معانا

مها : يس يس .. أكيد

رغد : انا بروح أنام تعبانه

ريم وسحر : بدرري اليوم أربعاء

رغد بتعب : أحس بتعبت بروح أنام وارتاح بكره ورآنا مشوآر طويل

شهد : أوكي بس خُذي دوآك مو تطنشينه

رغد توقف وتمشي بأتجاه الباب : طيب بأخذه مو نآسيه

ورآحت لغرفتها وأخذت دوآها تحلفت بالبطانيه وهي تحس الجو بارد مرره وتحاول تدفي نفسها ..حطت رآسها على مخدتها وغمضت عينهآ لكن دق جوآلها أخذته بكل تكاسل وشافت الرقم 0555..... أستغربت ماتعرف الرقم طنشت ورجعته على الكمودينه

سمعت صوت مسج بعد ثوآني معدوده فتحته بأهتمام وهي تحس قلبها بدأ ينغزها

( رغد ردي علي أنــا .....)

الى هنا أستوقف الأحدآث .. لكن ستتغير كثير من الموآزين في حياة أبطالنا

شوق& فهد .. الى أين المرسى ؟ وماذا سيحدث بينهم ؟

هنــآدي .. هل من الممكن أن نشهد تغير جذري بشخصيتها ولكن بعد ضغط من ؟!

يوسف .. هل سينجح باقناع والدته أما يرضخ لرغبتها ؟

مها & بندر .. وأي اسرار سنتكتشفها معهم ؟!

رغد .. وسر المسج اللي وصلها .. تتوقعون يكون عبدالله أو ستخيب كل التأملات ؟

مــآجد .. وكتمانه لموضوع هنادي تتوقعون يفضحها أو ينتقم منها بطريقه أخرى ؟

والأهم ماذا يكون بأنتظارنا بملكة لينا وهزآع

وأي المفاجأت ستحدث

الــبــآرت الثـآلــث والعشرون

وتترك لي [ عَبَثْ طيفك ] ..!

يشاغب عيني اللي ..

من رحلْت .. وحالتي "حالة " ..!!

حطت رآسها على مخدتها وغمضت عينهآ لكن دق جوآلها أخذته بكل تكاسل وشافت الرقم 0555..... أستغربت ماتعرف الرقم طنشت ورجعته على الكمودينهسمعت صوت مسج بعد ثوآني معدوده فتحته بأهتمام وهي تحس قلبها بدأ ينغزها

) رغد ردي علي أنــا نوره ) .. سبقتها يدها للأبجورة وفتحت الضوء قرت الرساله مره ثانيه .. وقطع عليها قرآءتها اتصال منها

رغد : هلا وغلا

نوره : السلام عليكم

رغد : وعليكم السلام

نوره : كيفك رغد شخبارك ؟

رغد : الحمدلله بخير .. كيفك أنتي وكيف خالتي ان شاء الله طيبين

نوره : الحمدلله بخير .. طمنيني عنك سمعت أنك مريضه

رغد تمالكت نفسها : ايه كنت مريضه الحمدلله على كل حال

نوره : والحين كيفك ؟

رغد أبتسمت ابتسامه مؤلمه : بخير .. ايوه خبريني عنك وعن أحوالكم

نوره بحزن : كلنا بخير عدآ الوالده

رغد : الله يكون بعونها

نوره ارتبكت : اقولك رغد شكل امي تناديني اكلمك وقت ثاني .. مع السلامه

رغد : مع السلامه

قفلت منها وتفكيرها كله فيهم

رغد ( لايكونوآ عرفوآ ان عبدالله انقذني .. آآه ياربي ويش اللي قاعد يصير لو أمه تدري أكيد بتكرهني وبتدعي علي لاززم اتبعد عن الكل لاززم اعيش لحالي )

في بيت اهل يوسف

توه رجع من طلع قبل العشاء طالع ساعته وكانت 3 تماماً تنهد وهو يفتح الباب بشويش حتى محد يحس بجيته .. نزل شماغه ورمآه على المرآيا اللي عند الباب فتح أزارير ثوبه ومشى بشويش قبل يفتح باب غرفته سمع صوت من ورآه

..: لو نمت برآ كآن أحسن

لف على أمه اللي مبين انها تنتظره ومانامت وقال بتعب : يمه أنا أسف وحقك علي .. بنام ورآي دوآم

امه بحده : ورآك دوآم ليش مارجعت بدري هآآه ؟.. والا هالبنت أخذت عقلت وصرت تفضلها على أمك ومستعد تعصيني عشانها

يوسف بتملل : يمه أذا ماودك اتزوجها خلاص ببطل الزوآج كله وعلى قولتك اجلس وأخدمك أنتي أمي أولى فيني

امه تغيرت ملامح وجهها وقالت بأرتباك : ومن قال مابيك تتزوج منى عيني اشوفك عريس ومتهني مع زوجتك

يوسف بأصرار : أجل أخطبي لي شهد .. هي اللي أحس اني سعادتي معها .. وأخاف البنت تروح مني يايمه لا تنكدين علي لين يطيح الفاس بالرآس

امه جلست على الأرض : شوف يايوسف دآمك تبيها ورآضي فيها بخطبها لك .. بس لاطلعت شرآنيه وخربت حياتك وعيشتك بتعاسه لاتجي تقولي الحقيني يمه

يوسف جلس قبالها وعلى وجهه علامات الأستبشار : ذيك الساعه سوي فيني اللي تسوين .. انتي أسئلي عن البنت وأهلها ناس طيبين وأخلاق .. وبعد زوريهم اذا تبين

امه بشك : ويش معنى هالبنت .. احسك تعرفها ؟

يوسف : والله والله والله اني ما أعرفها يايمه وزي ماقلت قبل هي أخت اللي كان بيخطبها عبدالله الله يرحمه

امه بأقتناع : طيب طيب أشوف خوآتك وأشاورهم بالأول

يوسف : بس يمه لا تطولون البنت ماتحتريني والزين مايجلس

امه بنظره شك : زين ؟!!.. ياولد أنت شايفها من قبل

يوسف أبتسم : صدفه .. طاحت عيني عليها يوووه يايمه ماعمري ماشفت بجمالها متأكد انها بتعجبك انتي وخوآتي

امه بتصرفه : طيب طيب خلاص مو توصفها لكل من هب ودب

يوسف كشر : على بالك ماعرف الأصول والحرآم يمه اول مره اقول هالشي و قدآمك

امه : ياولدي انت مزيون ماودي نخطب لك وحده اي كلام .. ابي وحده بمستوى جمالك وزينك وتليق بملازم وتسعدك وتهنيك

يوسف : وهذي كلها أن شاء الله فيها

امه بضحكه : والله شكل البنت مأخذه عقلك .. بنشوف ذوقك واذا عجبتني طاح نص الحطب

يوسف : عقبال مايطيح كله "باس راس امه " انا رايح انام تعبآآآن حيل

امه : تصبح على خير يايمه

يوسف : وانتي من أهل الخير يالغاليه .. ودخل غرفته وهو فرحآن ويحلم بأيامه مع اللي أستوحذت على تفكيره الفتره الأخيره

بهذآ الوقت

كانت تحاول تنام لكن النوم مجافيها تقلبت على السرير وهو جنبها تأفف منها لف على يساره وهو يغطي وجهه بالشرشف

فهد : شوق اذا مافيك نوم روحي برآ تعبآن بنام بكره ورآي مليون شغله وغير السفر

شوق بتملل : ويش اسوي النوم مجافيني .. بعدت الشرشف عنها ووقفت لفت الروب وطلعت عشان يأخذ رآحته بالنوم جلست تتامل السويت بعدها قامت توضت وصلت الوتر وقراءة جزء من القرآن حست بعدها برآحه وأتجهت لسريرها بعد ما قالت الأذكار ونامت بسلام

اليوم اللي بعده بعد الظهر

كانوآ يجهزون نفسهم للأستراحة زوج عمتهم .. وللعزيمه لانهم بيروحون العصر يساعدون عمتهم

ريم : يالله يابنات أخلصوآ بدري عشان نلحق نروح المشوآر طويل

مها : طيب لا ترجينا قريب نخلص

شهد تلبس مشاري : ريوم الله يخليك شوفي سمر وهنادي اسمع صرآخهم

ريم تضحك : تدرون أن هنادي بتلبس السلسال الأبيض وسمر هي تبغاه وتضاربوآ

مها بأستغراب : ويش الطاري هنادي تلبس سلسال بدون جماجم وعظام ؟!

ريم بخيبه امل : يس يس لكن سمر تحزن اليوم متكشخه وخربت هنادي عليها

شهد : كملي لبس ميشو بشوفهم هالثنتين .. ورآحت الغرفه

هنادي بعناد : انا بلبسه يعني بلبسه لاتحاولين

سمر تبكي : يعني جت عل اليوم ياهنادي .. البسي وآحد ثاني عندك صندوقي كامل خذي اللي يعجبك

هنادي تتخصر : وهذآ اللي عاجبني

شهد بحده : خير خير .. خلاص ياهنادي جات على اليوم أعطيه سمر

هنادي : وليش أن شاء الله خليها تضحي مره عشاني

شهد فتحت عيونها على الأخر : اذا أنتي ماضحيتي عشان نفسك تستني الغير يضحي عشانك

هنادي حست بخنجر طعن قلبها :ويش تقصدين آنسه شهد

شهد تتخصر : اللي فهمتيه ياقلبي .. رمت السلسال على الأرض وقالت بصوت عالي

هنادي : خذوه اشبعوآ فيه .. وطلعت للمجلس أول مره تنزل دموعها حتى لما تبي تغير نفسها ماحد فاهمه وساعدها على العكس تماماً الكل ضدها ومايحسون فيها هذآ شي هزها من الأعماق لكنها قمعت نفسها ومسحت دموعها حتى ماتبين لهم ضعفها وتأثرها ورآحت غيرت لبسها وأستشورت شعرها وحطت روج لأول مره بدون اصرار من اللي حولها كشخت بنعومه وطلعت لهم

مها تصفر بأعجاب : حركات ياهنوده ... ويش الكشخه ذي

هنادي بشراسه : مالك خص ولا أحد يكلمني

رغد انقهرت من اسلوبها : طسي من زينك

بعد ما تجهزوآ وخلصوآ أتجهوآ للأسترآحه .. بعد ماوصلوآ لها وخلصوآ ترتيبات مع عمتهم .. وبأنتظار الضيوف

سمر تهمس لخلود : كيفه سامر ؟

خلود بضحكة : بخير موصي عليك كثيررر

سمر حمرت خدودها : وه فديته امووت عليه

خلود ميته ضحك : نفس كلامه

سمر : تصدقين كتبت فيه خاطره من قلبي

خلود بصدمه : ياهووه ويش ذآ التطور خاطرة مره وحده

سمر : الحب عذآب يختي

خلود : اللهم عافنا ولا تبتلينا

بركن ثاني كانت وآقفه على الدرج تمد نظرها في العشب الأخضر والجلسه العربيه اللي قدآمها والهواء البارد يلعب بخصلات شعرها ضمت الجآكيت أكثر لجسمها كأنها تطلبه الدفاء أكثر وأكثر ... غمضت عينها بألم ومشت بخطوآت متثاقله كل شي صعب عليها أخذت Amp4 وشغلت الملفات اللي حافظتها فيه سحر وبتلقائيه سمعت صوت سآحر ينطق بهذي الكلمآت

تعال شوف حالي كيف صار من فراقك..

تعال يكفي وربي عذبني غيابك..

تعال وربي ما قدرت أنساك..

تعال و أرحم قلب حبك و صانك..

تعال بطلب منك آخــــر طلب وبعدها بشرني برحيلك..

أبيك تضمني بس سبع ضمات بعدها صدقني أنا اللي برحل..

أبي بالضمة الأولى تحس كيف صار جسمي صار مثل العود و أنت بغيابك تعذبني..

و بالضمة الثانية تحس بدقات قلبي كيف بكل دقة تنطق أسمك..

وبالضمة الثالثة أسمع همسي كيف يهمس بأحلى أسم تنطقه شفاتي..

وبالضمة الرابعة حس بالرعشة اللي تصير في جسمي يوم أحس أنك بقربي..

وبالضمة الخامسة أبيك تكسر كل ضلع من أضلاعي يوم تضمني بأقوى ضماتك..

وبالضمة السادسة أسمع آخر همساتي لك لأني خلاص برحل..

بالضمة السابعة ضمني يوم تلفني بالكفن لأنها آخر ضماتك

وهذا اللي أطلبه منك السبع ضمات وبعدها وربي أنا اللي برحل..

وابيك بيدك تدفني..

سندت نفسها بمكان بعيد عن الأنظار وبكت بألم كان بعد 24 ساعه يكونون مخطوبين والحياه تنتظرهم لكن الموت مايعرف الرحمه أمر محتم لامفر منه

جلست على الترآب وضمت رجولها لصدرها حست قلبها ينبض بسرعه كل مافكرت فيه تذكرت موته قدآمها وبسببهآ لو ما حاول ينقذها كآن أرحم لها وماصار اللي صار لكن هذآ كله مقدر ومكتوب من رب العباد

نرجع عند شلة البنات

{ سحر ، ريم ، سمر ، خلود ، هديل ، حنين ، هنادي }

الكل يضحك ومبسوط .. يلعبون ويحشون ببعض أصوآتهم صدآها يتردد عليها أبتعدت عنهم لأول مره ماتشاركهم بأي شي يسوونه على غير عادتها ودآئما تترأس قائمتهم ... تحرك شي غريب دآخلها شي ماحست فيه من قبل .. حياتها فرآغ × فرآغ .. لا هدف تسعى له ولا مستقبل تهتم فيه وما أحد يحس فيها

وأكبر دليل على هذآ الشي موقفها معهم اليوم وقفتهم كلهم مع سمر ضدها .. ماتدري هل هو عدم أهتمام فيها أم أستهوآن لها .. الوحيده اللي كانت تحس فيها وتساندها حتى لو ماشكت لها وتفهمها من نظرتها هي شوق لكنها رآحت بحياتها وهي لابد ترسم خط تمشي عليه بحياته وتثبت وجودها بين أهلها وصحباتها والأهم تصحح أي خطاء طايش ارتكبته ...

لو شلت في "قلبي"

مثل مآيشيلون !

مآ?آنت " آلطيبہ "

من آبرز صفآتي !

نفضت الأفكار من رآسها ورسمت ابتسامه خفيفه على وجهها وأخذت نفس طويل ورجعت لهم وهي مقرره دآخلها قرآرآت بالقادم سنتعرف عليها

سحر : الخبله جات

هنادي تقلب عيونها وسكتت ماردت عليها .. ضمتها هديل وباستها اللي شخصيتها مماثله لهنادي

هديل : وأحلى خبله بالكون

هنادي تغير الموضوع : ويش بتلعبون ؟

حنين : اكيد نلعب غميمه

ريم : لالا ياقديمه خلونا نسوي شي جديد

هديل تفكر : طيب اخترعوآ شي نلعبه

سحر : خلونا نجلس نسولف بدل المجهود اللي ماله دآعي

خلود : انا مع سحر خلونا نروح بمكان ونجلس

حنين : اجل الحين نساعدهم بعدين بعد المغرب نحط الحطب ونشعل النار ونجلس نسولف

ريم : احلى شي .. يالله خشينا جوآ

ام هديل : تعالوآ ساعدونا يالله سووآ الشاهي

هديل : ياليل من الحين ..

حطت لها أكل الجوع نهش لحمها جلست على السفره لحالها لا أنيس ولا ونيس قبل تحط اللقمه بفمها أنسدت نفسها

فاتن : ياربي كل يوم على هذآ الحال .. فزعت من دق الباب بقوه تعوذت من الشيطان

فاتن : عساه خير يارب .. "قربت من الباب وهمست" .. مــــيـــن ؟!

جاها صوت خافت يادوب سمعته : فاتن أفتحي بسرعه

فاتن بخوف ورعب : مين أنت ؟!

فايز : انا فايز أفتحي لي بسرعه بسررررعه

فاتن فتحت الباب بسرعه وبكل لهفه والدمع متجمع بعينها : فايزز وينك وين أختفيت ؟

فايز يسكر الباب ويقفله : انا بخير بس جاي أخذ كم غرض وماعاد بتشوفين وجهي بحياتك

فاتن غصت بكلمتها وقالت بألم : تدري ان ابوي مات .. أنصدم وتجمد كل شي بجسمه وبانت معالم الفجعه على وجهه

فايز : كيف ومتى وليش مآآت ؟

فاتن : ابوي من مده ميت وأنت لآ حس ولا خبر .. صرت لحالي بهذآ البيت انام وأنا خايفه على نفسي لولا الله ثم جيرآننا كان انتهيت مع وفاة أبوي

فايز أول مره يتحرك فيه شي : ليش ماكلمتيني

فاتن : كل ارقامك مغلقه .. بكت وهي تردد على أذنه .. انا ما أستأمن نفسي معك بعد موت ابوي كل الأمان رآح معه

سمعوآ اصوآت بمدخل العماره القديمه اللي ساكنينها وصوت دق أفزعهم على الباب

فاتن بخوف : مين جايينا ؟!

فايز أرتبك : اسمعي لا شفتيني ولا شفتك سآآمعه .. تعالي قفلي طاقة المطبخ بعد ما أطلع .. سمعوآ صوت كسر الباب .. وقبل يتحرك خطوه أصبح البيت كله محاصر من رجال الأمن

الضابط : وين بتروح منا يافايز .. هذآك طحت بيدنا

فايز يضحك بخبث : لسى ما وصلنا للنهايه .. ولف بيمشي لكن كآن ورآه رجال من رجال الأمن وكتفه حتى مايهرب .. وفاتن ركضت للغرفه تلبس عبايتها وهي تبكي على الموقف اللي يمرون فيه أنرعبت وخآفت من كل شي والجو هذآ يزيد خوفها أكثر وأكثر

فايز وبيده الحديد : لحظة لا تدف بكلم أختي

يوسف يأشر للشرطي اللي ماسك فايز : طيب لاتنافخ ومعك خمس دقايق تكلم فيها أختك لأن من بكره بتروح للمحكمه ورآك حكم واذا ماكان قصاص على البلاوي اللي سويتها

فايز : طيب سكتنا ياخي لاتسمعك اختي

يوسف : أموت يالخايف على اختك .. امش كلمها وخلصنا

رآح لأخته بغرفتها وكانت تبكي

فاتن : قولي ليش جايين الشرطه

فايز : بتعرفين قريب يافاتن .. أنتبهي لنفسك انا خلاص ضعت

فاتن : ويش السالفه تكفى قولي لا تتركني كذآ

فايز : يالله مع السلامه .. وسامحيني على كل شي يأختي

فاتن : مسموح يافايز بس خلك معي انا أخاف بروحي

فايز ينزل راسه : انا رايح مع السلامه .. طلع وترك أخته تغرق ببحر احزآنها أكثر مهما كآن هو أخوها وسيظل أخوها وشعور الأخوه لا يعرف التبلد .. والقلب يحن مهما حصل

أخيرآ وصلوآ للفندق بعد عناء مشوآر طويل من السفر .. رمت نفسها بتعب على الأريكه رمت طرحتها جنبها وأخذت لها نفس طويل .. دخل لسويتهم وبيده شنطتها حقت الملابس حطها على جنب وجلس قبالها وتنهد

فهد يوقف : جهزي لي ملابس ابي أدخل أخذ شور تعبان

شوق تغمض عيونها : أوك .. قام غير ملابسه ودخل للحمام وأنتم بكرآمه فتحت الشنطه وأخذت لها روب وردي قطني قصير كت فردت شعرها وحطت كريمها كالمعتاد .. أستنت خروجه حتى تتوضى وتصلي قبل تنام جلست على طرف السرير وهي تلعب برجلها وتشوف الشبشب الوردي

شوق رآح بالها عند خوآتها : والله يارغوده أنتي وشهد يجي منكم الشبشب مريح مره .. سمعت صوت قفل الباب وقفت وشالت بجامته بين يديها مدتها له وعلى وجهها ابتسامه هاديه.. وأتجهت للحمام تتوضى .. بعد ماخلصت من صلاتها وقفت قبال المرايا وهي تلاعب خصلات شعرها بنعومه ورقه وفي بالها تعذبه بحركاتها وتثير مشاعره فهو برغم تعدد الأحوال رجل وأمامه أنثى بكل ماتملك .. مشت بدلع وغنج رآقي وجلست جنبه على السرير وسحبت الشرشف لجهتها وحطت رآسها على كتفه وهمست بصوت يكآد يسمع : تعبنا اليوم مره

فهد : متعود على التعب ويش الجديد .. هو كذآ السفر

حوطت يدها على صدره ونزلت رآسها اكثر لجهة قلبه : فهـــد مآتحس بشي نآقصنا أحنا الأثنين ؟

أستغرب من كلمتها وركز نظره عليها : ويش تقصدين ؟

شوق رفعت نظرها له وأكتفت بنظره منها تعرفه قصدهآ .. غمضت عيونها بتعب وكسل هآجمها اغرب شعور مر عليهآ بحياتها بقربه نست الماضي والحاضر .. طعم الحزن والأنكسار لاتكآد تشعر بوجوده بين حنايا روحها .. كل الألــم الذي عانته رحل لفتره لاتعلم كم ستطول .. بقربه تشعر بالأمان ، بالثقه ، ولذة الحياه بعد العناء وجروح الزمان .. لاتدرك ماهوية هذآ الشعور تكرر مرتين ولكنه لازآل مجهول لها وثقتها بالله ثم فيه بحمايتها حتى لو كان من نفسه

حست بيده تتسلل لخدها فتحت عيونها وأبتسمت وبآنت الغمزآت بخدها .. لأول مره ينتبه لغمزآتها وجاذبية ابتسامتها الأسِـره

فهد يرفع حوآجبه وضحك : توي أنتبه لغمازآتك

شوق بدلع : وياما بتكتشف اشياء فيني تجهلها .. طالعها بنص عين ولف يده على ظهرها وقرب من خدها ببطئ وطبع بوسه طويله على مكان غمازآتها اللي حمرت خدودها من قربه الشديد منها وهمس لها بنبره ألجمتها من الصدمه والدهشه وحركت فيها مشاعرها الخامده وأشعلت لهيب نار تتوقد بجوفها من خجلها وأحساسها اللذي تحاربه قدآم عيونه ..

لا واللذي سوى عيونك .. وسواك

..ماقلتأبيك ألا وأنا فعلا أبيك ..

الحب مايوخذ سوالف . خذ . و . هاك

الحب يقطع عرقعينك ويعميك

يدكني في تالي الليل دكاك

وإذا سألني عنك قلبي ؛ أزكيك

أموووتبك .. أعشق ترابك .. وماطاك

ومالاح صبح إلا وأنا أنوح وأبكيك

كني ملكت الكونإذا تضحك شفاك

تفداك روح اللي على النفس يغليك

أهواك .. تدري ويش تعني ليأهواك ..

أهواك معناها أنا .. ميتٍ فيك ..

لو ربع ماجاني من الشوق قدجاك

وربي الكريمان ماتشيلك مواطيك ..

أن قاله الله والهوى الشينوراك

والله إن تبرد فبرد عشقي وأدفيك

تدري أمل عمري أني آصل رضاك

خذ كلماتبغي .. على شرط يرضيك ..

سبحان من كب البهاء فيك وأعطاك

هسى عيونٍ شافتالزين تخطيك

ياحلو هم العشق . . ويازين بلواك

وماصابني من غم عساهيخطيك

قويت كل الناس وعجزت لأقواك

ياكثر ضعفك . . بس ياقوةٍ فيك

لأول مره تسمع فهد يقول شعر .. أول مره تكتشف فيه جانب كان خافي لها والأعظم من كل هذآ أنه يقوله لها مو لأحد غيرها كلمات وسطور ماتحكي الآ عن عاشق متيم في دنيا الحب والعشق ..

زحمـــة افكار & وهيجآن مشاعر & ونبض قلب يخفق من صدمته

{شوق}

صدمني شعره .. والصدمه الكبيره انه يقوله لي أنا .. يقوله لشوق اللي خطفها وعذبها بحياتها بقصد وبدون قصد .. شوق اللي ساومها على مستقبل عمها والا حياتها معه .. شوق اللي غصبها تنام بحضنه واللي خلاها ترضخ لطلباته بدون أي نقاش .. شوق اللي تغيرت من دخولها لعالمه الغامض .. أنا فهد يقول لي كذآ

يــــآآآآآه من زمــــــآآآن مـــا حسيت بهذآ الشعور .. شعور الغزل وكلمات تعذب القلب أكثر وأكثر ..

تغيرت الأحوال وتقلبت الموآزين .. لا أنا صرت شوق .. ولاهو صار فهد ... وين فهد الوحش الكاسر .. فهد اللي اكرهه بكل أحواله .. فهد اللي نظرته ترعب كل من حوله .. آآه يافهد انت بير ماله قرآر !!

بعد شعرها الطويل عن وجهها وأتناثر على صدره وقال لها : ليش ساكته

شوق نزلت عيونها : ماعندي شي أقوله

فهد بنظرة خبث : بس أنا عندي شي بسويه ......

رمت جوالها على السرير وهي خايفه ينفذ تهديده مليون فكره برآسها والأم كيف تنقذ نفسها منه .. مالها الا فهد اللي ساعدها بأول مره ومؤكد بيساعدها هذي المره بعد هي بنت اخته وعرضه وشرفه والدليل القاطع على كلامها افعاله لما أكتشف كل شي .. خايفه تقول لأمها أو ابوها وتخيب كل أملهم فيها نزلت دموعها على قلة حيلتها مابيدها شي تسويه وتنقذ نفسها من هذي المصيبه اللي رآح تدمر العائله بكامله خصوصا وهم عائله من طبقه مخمليه لها أسم رنان في البلد والكل يعرفهم .. جلست على كرسيها الوردي رفعت شعرها

ردت على نفسها وقالت ( انتي اللي دهورتي نفسك ياليان محد غصبك على شي .. سوتي كل شي برضاك ومايتساوون المغصوب والرآضي بأي شي خطأك ماينغفر وهذآ انتي تدفعين الثمن يكفي تفكيرك وخوفك من الجاي وهوآجسك اللي ترعبك .. غير عن التعب النفسي اللي تعانينه .. حاولي تتجاوزي هذي العتبه )

بكت بحرقه وألم : وشلون أتجاوزها أنا ضعيفه أي شي يكسرني .. حسبي الله ونعم الوكيل انا تبت والله تبت ليش يلاحقني هالوآطي .. أنا لازم اتخلص منه بأي طريقه لاآآآآآآآآآآآزم

وجلست بينها وبين نفسها تفكر بحل لمشكلتها

كآنوآ بالاستراحه

فله + وناسه + سوآلف مبسوطين على الأخر وكل وحده فيهم ترمي أي شي ببالها حتى تعيش هذي اللحظات بفرحه جلسوآ ميشو بوسط دائرتهم .. وكل وحده تسوي له حركآت حتى يضحك جاء زياد اخو هديل عمره 5 سنوات

زياد : انتو بث تحبون ميثو وأنا لا ( أنتم بس تحبون ميشو وانا لا )

رغد تأخذه لحضنها : ومين قالك هذآ الكلام ؟

زياد بزعل : ماتحبوني ذي أول ( ماتحبوني زي اول )

حنين : لا حبيبي كلنا نحبك بس ميشو عشان يبكي نلعبه

زياد يحط يده على خصره و يقلد حركات هديل دآئما : كدآآبــه .. أنا سوفتكم تقولو سهد هاتي ميثو نبيه حنا نحبه ( كذآبه انا شوفتكم تقولوا لشهد هاتي ميشو نبيه حنا نحبه )

شهد تضحك : وكمان نحبك زيزو .. تعالي عندي بعطيك حلاوه

زياد ضحك : حلاوه !.. وطلعت من شنطتها الحلاوه ومدتها له وجاء ركض لها وقبل يأخذها

شهد : اعطيني بوسه واعطيك حلاوه .. وباسها واعطته الحلاوه

سحر تهبلت من زياد لانها تموت فيه : ياناس اموت عليه هالزيوود نفسي اكله اكل

هديل : بالله خلوه يروح مافيني يجي يلزق عندي طفشني حتى لما أنام لازق فيني

هنادي : وصار احد يحبك احمدي ربك

هديل بتضجر : انا أكره الأطفال وزياد كرهني فيهم زود

رغد : حرآم عليك الأطفال زينة الدنيا بكره لما تتزوجي تتمني طفل يملي عليك حياتك

هديل تمد رجولها وترجع يدها ورى ظهرها : أتزوج ؟! اذا حجت البقره على قرونه

الكل : هههههههههههه

سمر : خلي عندك أمل

خلود : شوفي الدنيا بعين تفاؤل ليش اليأس

هديل : يالله من بيطالعني لاجسم ولا شكل ولا نعومه يعني فاقده جميع مقومات الجمال

ريم :هيه ويش مقومات بسم الله عليك تجنني لاأسمعك تتكلمي عن نفسك كذآ خليك واثقه بنفسك

هديل : اي ثقه ياعم خليها تولي لا أنصدم بوآقعي المر

حنين عارفه اختها وعدم مبالاتها : خلوها ذي دائم يأسه مدري كيف بتعيش

رغد توقف : بدخل مت برد

شهد توقف وتشيل ميشو : أستني بدخل معك أخاف يأخذ برد

رغد تضحك على شكل شهد وهي شايله ميشو وأغراضه بيدها : الله يعينك كل يوم على هالحال

شهد بكل ماتحمل من حب لميشو : أموت فيه ياناس ماتخيل حياتي بدونه وضمته أكثر لصدرها

سحبته رغد من حضنها وشالته حست بألأم بمكان عمليتها لكنها تجاهلته ودخلوآ جوآ الأستراحه

بالصاله

مها وبيدها كاسة حليب دآفي : تعالوآ تدفوآ الجو مره بارد

شهد طلعت عيونها وهي تشوف مها تدفي نفسها : مو برد لدرجه انك كاتمه نفسك بالبطانيه وبعد ملابسك صوف

مها ترجف : بردآنه مووت .. سمعت صوت جوالها وطلعته من الشنطه

مها : هلا حبيبي

بندر : كيفك اليوم ؟

مها : تمام انت عند ابوي بالمجلس

بندر : أيه هنا جنبك .. أقول متى ناويه ترجعين معي للبيت ترى اشتقت لك

مها أبتسمت ويش رايك تجي نتمشى برآ بالجو البارد

بندر بدون تردد : أوكي ثوآني وانا عندك .. وقفل

ام سامر : ماتعلبين يامهاوي على طول تعال نتمشى

رغد تغمز لعمتها : تسمع بالرومنسيه هي وجهها

مها توقف ببطئ وتمسك بطنها : ويش عرفكم أنتم هذآ بندر حبيب قلبي ونظر عيوني مقدر على بُعده

ام هديل : كثري من ياقلبي وياحبي وياعمري ترى بعدين بتنسينها

طالعت بعمتها وهي تضحك : نصيحه ياعمتي

شهد : اقول روحي لزوجك وأنتبهي لطريقك انتي وبطنك اللي قدآمك

مها تزبط شعرها على المرايا وتحط روج وتتعطر : كيف كذآ حلو

رغد : تهبلين بس روحي

مها : أعوذ بالله يبون الفكه مني .. لبست صندلها ولفت شالها الصوف على رقبتها وطلعت له سمعت صوته جاي من الخلف .. مشت له وهي كاتمه شوقها وهيامها وحبها له من 5 سنين .. أقبل ظلها قبل جسمها واللهفه والشوق أبادت عروقه أرتفعت حرارته وهو يعد أجزاء الثوآني للقياها .. أقتربت منه وشعاع الحب يلمع كالبرق بين ناظريها .. مسك يدها بكل احساس وحب .. وهمس بأذنها : أشتقت لك ياغناتي

مها قربت منه أكثر ولفت يدها على خصره : وأنا موت أشتقتلك

بندر : يهون عليك يوم كامل حتى مسج ماترسلين

ميلت فمها بدلع وملامح بريئه : بشوف شوقك لي متى يبان

قرب وجهه من وجهها ومسك خصله من شعرها وشدها حتى تتوجع : وعندك شك بحبي لك مهاوي

مها : طبعا لا متاكده مليون بالميه بس أبي اتغلى واتدلع عليك

بندر يرفع راسها للسماء وبصوت عالي شوي : ياربي بتخبل فيني هذي

مها تحط يدها على فمه : أوووش لا أحد يسمعك بتفضحنا أنت .. باس باطن يدها ورفعت يدها لخده وحطت عينها بعينه وهي تبي تقهره

مها : الليله برجع مع خوآتي

بندر طلعت عيونه قدآم وقال بصوت كأنه طفل يتوعد : والله ماتروحين رجلي على رجلك

مها ضحكت على شكله وضمته : وووه بـــس أمووت عليك يابندورتي

سمعت صوت هنادي من بعيد ميته ضحك عليهم

هنادي : الله يرجكم ياكناري الحب قلة الأماكن

مها : هناديوه ووجع خربتي جوي

ردت حنين : والله حركآت يامهاووي صرنا نحب

بندر ميت ضحك على كلامهم وقال بصوت عالي : عيب عليكم تتجسسون علينا ..

هنادي : والله انتم اللي عيب عليكم عارفين ان اغلب اللي هنا عزآبيه ذنبنا برقبتكم

مها وبندر انطلقت ضحكاتهم : ههههههآآآي

بندر : خلاص بزوجكم كلكم حتى تحلون عنا .. خربتوآ جونا

حنين : خساره لو في كاميرآت صار فلم هندي

هنادي تسحب حنين : يالله كملوآ جوكم وحنا بندخل جوآ

مها : لا تطالعون اعرفكم ملاقيف

حنين : اقول عيشي رومنسيتك مع زوجك وحنا لنا الله بس

بندر مو قادر يتحمل من الضحك : تحفه هذول

مها : ماعليك خلنا نمشي

بندر : اوكي ياقلبي .. ومشوآ ويده بيدها يسولفون

جوآ الأستراحه .. بعد ما اعطهم ملخص اللي شافوه

سحر تضحك : يا مصيبه أنتي وهي كيف طبيتوآ عليهم

حنين بغمزه : خبرك حنا الاف بي آي

ريم تغمض عيونها وتتكي على كتف هديل : متى أكون مع سيف وربي لا اعيشه بحلم مايصحى منه طول عمره

الكل : هووووووووه

خلود : بس بس طاحت علينا السماء الحياه مو كلها سعاده

ريم : انا اللي يهمني وجوده معي ويسمعني أشعار بالصباح وقبل النوم ويغرقني بالكلام المعسول

سحر أبتسمت على كلام ريم : يارب يحقق لك أحلامك والله اني خايفه عليك من شخصيتك الحالمه

سمر : احلى شخصيه الحالمه ..

هديل : اقول فكونا يابنات .. تدرون شفت لكم حلم بشهد رهيب

كلهم تحمسوآ : ويش هو .. بالصدفه دخلت شهد تدور جوآلها معهم

حنين : تعالي شهوده هديل شافت فيك حلم تقول رهيب

شهد فرحت وجلست جنب هديل : ويش الحلم هدوله

هديل تربعت وأخذت لها رشفه من النسكافيه : اسمعي ياطويلة العمر شفتك جالسه بكوفي انتي ورغد وكأنكم بطاوله على الرصيف وكاشفات وجيهكم وأشوف بأصبع رغد خاتم كأنه دبله نزلته وقالتلك خذيه وأنتي باين عليك أنك فرحتي مره وخدودك صارت حمراء المهم وانا أشوف لك سياره تمر من قدآمكم وفيها ولدين وآحد كذآ اسمراني ما أنتبهت لشكله مره بس انتبهت للي بجهتي أبيضاني مزيون بشكل مو طبيعي وأشوفه يطالعك ويضحك وأنتي لما شفتيه نزلتي رآسك وأسمع وآحد يقولي هذآ زوج شهد أسمه يوسف

شهد جمدت بمكانها وتعلقت عيونها بهديل اللي ضحكت لما شافتها كأنها مصدومه

هديل : ويش فيك سكتي ماتبين أكمل

شهد وقفت بأرتباك : لالا تكملين مابي أسمع حلمك هذآ كله كذب

هديل : والله ما أكذب .. ترى مجرد حلم

شهد : عارفه بس ما أتوقع يتحقق .. بروح عند رغد تستناني .. وقبل تمشي تذكرت اللي جايه عشانه ولفت عليهم

شهد : نستوني ليش جايه مين شافت جوالي

سمر : بالمطبخ شفته على الطاوله .. طلعت وعقلها مشلول من صدمتها الحلم بالنسبه لها عادي جدآ لكن اللي استغربته ان يوسف موجود فيه وهديل ماتعرفه أبدآ ..

شهد ( يمكن مو يوسف صديق عبدالله أحتمال وآحد ثاني .. بعدين ايش قصة الخاتم .. لالالا كلها خرآفات انا ما أصدق بالاحلام وأنها تتحقق .. الله يصلحك ياهديل شليتي عقلي عن التفكير ) نفضت كل شي من بالها محاوله منها للتجاهل .. جلست عند عماتها ورغد وفكرها بعيد عنهم فتحت جوالها ولقت مكالمه من فاتن لكنها قررت تكلمها الصباح لان الوقت متاخر والمكالمه من ساعتين ..

رغد همست لها : ويش فيك شهد باينه مو على بعضك

شهد : مافيني شي بس نعست مدري متى نرجع

رغد : الساعه بعدها 1 اتوقع على 3 نرجع

شهد : اوك بروح اتمشى لحالي

رغد : طيب

:::

:::

اليوم اللي بعده

العصر الساعه 5 .. جهزت نفسها وكشخت لأنها بتزور أهله لبست بنطلون سكيني جينز وبدي أحمر ماسك على صدرها فيه تكسير ناعم تحت صدرها ولابسه جاكيت دانتيل أسود كت جعدت شعرها ورفعته على فوق وحطت ورده حمراء اسفله وخصلات شعرها الغجري متناثره وزايده جمالها كحلت عينها بكحل أسود وحطت روج توتي لامع وبلاشر بلون الخوخ على خدودها تعطرت ولبست ساعتها السوداء الفخمه اللي شرتها من روما جهزت شنطتها وصندلها لبست عبايتها اللي على الراس وتغطت زين وحصنت نفسها قبل تطلع ونزلت مع فهد اللي كاشخ بالثوب والشماغ

أتجهوآ لقصر ابوه بأرقى احياء الرياض متوتره من لقائها معاهم أول مره تقابلهم من بعد زوآجهم ماشافتهم الآ مره وحده بس وصلوآ عند البوآبه اللي فتحها الحارس لهم .. تعلقت عينها بفخامة القصر وذوق مبدع في تصميمه كأنه قبه أثريه .. نزلت من السياره وهي تشوف اطفال يلعبون بالمراجيح الكبيره والمسبح البيضاوي جنبهم طلعت الدرج وأنفتح الباب

فهد : أدخلي .. سمت بالله ودخلت جمال البيت من الداخل اروع من الخارج كل شي فيه يدل على ذوق رفيع ودقه في الأنتقاء وفخامه تأسر الأنظار ذكرت ربها لكنها بدآخله قارنت بين قصر ابورياض وقصر فهد الأجمل منه بشكل لايوصف .. نزلت غطاها وعبايتها وأخذتها الشغاله منها القت على نفسها نظره أخيره وتعطرت وأخذت نفس طويل .. سمعت صوت ورآها

...: ياهلآ وغلا بفهد وشوق تو مانورت الرياض

سلم عليها فهد وباس رآسها ويرد عليها : هلا فيك ياخالتي والله لك وحشه

ام رياض : يعني أخذت الزين كله ولا سألت فينا .. ضحك ورد عليها

فهد : افا ياخالتي انتي بالقلب .. سلمت علي شوق بحراره وحست بحب صادق من قلبها حطت شوق أكياس الهدآيا اللي شرتها مع فهد على الطاوله الزجاجيه الدائريه

ام رياض : ليش مكلفين على عمركم يابنتي

شوق : تستاهلين أكثر ياخالتي

فهد : هذآ مو من قدرك يا خالتي لو بيدي اجيب الدنيا تحت رجلك

ام رياض حبت شوق من أول مره وحست بطيبتها ردت على فهد : الله لايحرمني منك ياولدي

ام رياض : حياكم تفضلوآ البنات بصالة الأستقبال ينتظرونكم

فهد : في غير خوآتي

ام رياض : لا مافي احد زوجة رياض بعدها ماجات

فهد : اجل بسلم عليهم .. دخل وبجنبه شوق اللي رحبوآ فيها كثير وأرتاحت معهم مبدئيا

ندى : هلا بمعاريسنا .. كيف اسبانيا وايطاليا فهيدآن

فهد : يسلمون عليك كثير السلام

ام ليان : ان شاء الله انبسطوآ هناك

فهد يطالع بشوق اللي ردت بحياء متملكها : الحمدلله انبسطنا

ام دآنا أبتسمت على شكل شوق : ايش بلاك مستحيه ياشوق

فهد : هي كذآ طبعها خجوله

ندى ضحكت بصوت عالي : ياعيني .. فهد يقول كذآ صرآحه ياشوق غيرتيه مره

ام ليان : ندى اسكتي

شوق : عادي ماقالت شي ..

فهد : خالتي وين رآحت ما أشوفها

ام دآنا : أكيد بالمطبخ تشرف عليهم تعرفها تعشق المطبخ

فهد : الله يخليها لنا

الكل : أمين

فهد : وين دآنا وليان ما أشوفهم

ام دآنا : فوق يلبسون شوي ونازلين

ندى : من بدري قلت لهم بس هم عنيدآت .. دخلت ام رياض وهي تهلي وترحب فيهم وورآها الشغاله تدف عربيه ذهبيه كلها كرستالات فخمه ..

ام رياض : حيا الله من جانا تو ماتبارك المكان

شوق : تسلمي ياخالتي النور نورك

بعد القهوه والحلى جوآ دآنا وليان وسلموآ على شوق وفهد

فهد : هذي دآنا ياشوق واللي شعرها قصير ليان

شوق : مشاء الله يشبهون بعض مره

دآنا تطالع بليان وتتمقل فيها : نشبه بعض ؟!

شوق : ايه مرره في شبه بينكم

ليان ضحكت : أول احد يقول الكلام هذآ

شوق : بس مبين انكم تقربون لبعض

ندى : وانا اكيد شاذه صح

شوق : لا والله بالعكس أنتي تشبيهن لفهد

أم دآنا : معك حق ندى فيها من فهد خصوصا عيونها

ندى بثقه : أجمل ملكه جمال دآمني اشبهه فهودي

فهد : بنتحر اذا تشبهين لي

شوق : منآك انها تشبهك .. كلهم ضحكوآ على رد شوق له

ندى : قوويــــــه ياشوق "وبدلع" أموت اذا اشبهك صرآحه بعنس عند أهلي

فهد : بوسي يدك وجه وقفى أذا احد شبهك فيني

ليان وقفت : عن أذنكم

أمها : وين رايحه ؟

ليان : بشوف أخوآني بالحديقه ريمان ماتنتبه لهم زين

امها : طيب كلميها تنتبه لهم عن المسبح

ليان : طيب ابشري .. وطلعت للحديقه وهي تتأمل أخوآنها وأولاد خالتها يلعبون ببراءه .. تذكرت ايام طفولتها كانت مدلعه وكل شي تبيه عندها وعايشه كالأميرآت خادمه خاصه لها وأحلى لبس تلبسه وغرفتها أروع من غرفة أمها كل شي مافادها وهي دمرت نفسها بنفسها حست بأحد ورآها لفت لقت خالها وآقف يطالع المكان اللي تطالعه

فهد : فاكره يوم كنتِ تلعبين مع دآنا وندى بالمرجيحه هذي

ليان بابتسامة مجامله : أيه أذكر

فهد مشى وقرب منها : فاكره يوم أبوك مدلعك وأنتي أغلى من عيونه

ليان : خالي ويش تبي توصل له

فهد أبتسم : طول عمرك ذكيه ياليان بس ماتعرفين تسغلي ذكائك بشي يفيدك

ليان : كل وآحد يغلط ويستفيد من خطاه

فهد لف يده على كتفها : ويش اللي مخبيته ؟عيونك تقول انك تعانين

ليان : مافيني شي

فهد ضغط على كتفها أكثر : فيصل صح ؟ ماردت عليه وبدأ قلبها ينبض بسرعه خايفه تقوله اللي صار ويعصب او ياذيها تخاف منه خوف مو طبيعي أكثر من فيصل

فهد : ويش سوآ لك قولي حتى اعرف اتصرف معه

ليان بتردد : عنده مقاطع محتفظ فيهآ خالي انا غلطت وغلطي كبير بس لو أنتشرت المقاطع الموت أهون علي من أني أكون بصمه عار لأهلي

فهد رفع حاجبه : ويش المقاطع اللي عنده غير اللي أخذتها

ليان بخوف شبكت يدها : هذيك كانت مع شلته لكن هذي معه هو

فهد مسك نفسه : ويش نفسك يصير فيه

ليان انصدمت من كلمته لفت عليه وعيونها متعلقه فيه بدون ما ترد بكلمه وحده على جملته

فهد بنظره جديه : قلت ويش نفسك يصير فيه ؟

ليان : يعني اللي ابيه

فهد : ان شاء الله اللي تبينه يصير ماعرفتي خالك لسى

ضمت خالها ونزلت دموعها ماتدري هي فرحه او ضعف أو أنكسار مسح على شعرها وهو يحاول يهديها

كآنوآ جالسين بالغرفه على قهوتهم كالعاده اللي تحل وآجباتها واللي تذآكر لأختبارها كل وحده فيهم لآهيه بأهتماماتها

شهد : هاه بشري بتدآومين السبت صوح

رغد ابتسمت : يس افكورس يكفي الأجازه اللي أخذتها اسبوعين وأكثر ضاعت علي المحاضرآت

شهد : يالله ان شاء الله نعوضينها

ريم ترمي الكتاب على جنب : عيوني انحولت من الانجليزي كل يوم اذكر واحفظ كلمات خارجيه ولا كأني اسوي شي

سحر : بالعكس ريومه اشطر بنت بالفصل بالماده انتي عندك بنك كلمات مشاء الله

ريم : حتى انتي ماشيه فيه بس يبي لنا نزيد اهتمامنا فيه حتى نتقنه

هنادي : تصدقين ريومه اول مره اشوف وحده غاويه نكد زيك تحبين الشقاء

ريم : الحين اللي يجتهد حتى تصير عنده لغه يكون غاوي نكد!

هنادي تشرب قهوه وتطنشها : الله يزيدك من علمه

رغد : ههههههه والله انتي ياهنادي بتكون أفشل وحده بيننا ماعندك هدف

هنادي تتمغط : اي هدف الله يسلمك مادخلت علمي حتى افكر بمستقبلي وبتقولين تخصصي انقلش اقولك اكرهه ولا اطيقه وماني فالحه فيه .. يعني برائيك ياحلوه ويش هدفي مافي شي يناسبني

شهد : انتي شايله من راسك انك تتعلمين تبين تلعبين وتفلينها وتذاكرين ليلة الاختبار يعني تناسبك جلسة البيت

هنادي : هذآكِ قلتيها تناسبني جلسة البيت اكل ونوم ونت شــــي صرآحه افلها بقوه

سمر : بعدين بتندمين

هنادي : شوفوآ شوق ماكملت اولى ثانوي وجلسة بالبيت وتزوجت وعايشه حياتها ماراح نختلف عنها ابداً

سحر بحده : شوق وضعها يختلف عنا ولاتقارني ابداً ظروفها غير عن ظروفنا ولاتتمني تكوني بمكانها

هنادي : ماقلت ليتني مكانها .. لاتفسرين على كيفك سحير

سحر تقفل دفترها : مافسرت على كيفي وصرآحة هنوده انتي تفكيرك غريب مره احيان احسك بوي واحيان احسك بنت فيك تناقض وآضح بشخصيتك وماتعرفين ايش تختارين

رغد : خلاص اسكتوآ ماله دآعي الكلام هذآ

هنادي توقف : على فكره المغرب بروح الصيدليه أجيب لي علاج

شهد : علاج ويش

هنادي : علاج عن الحبوب اللي طالعه بوجهي ماتشوفونها

رغد : اكيد التهاب بس خليه يعطيك شي يهديها

هنادي : اوكي بس اذا تبون شي قولوآ من الحين

شهد : ابي حبوب بنادول خلصت امس وابي دوآء خافض للحراره للاطفال عشان ميشو

هنادي : اوك هاتي فلوسك انا مطفره

ريم : ضحي بفلوسك لو يوم واحد

هنادي : الفلوس اغلى من امك وابوك

تركتهم لحالهم بالغرفه ورآحت لغرفتها ها فتره ما أختلت بنفسها فتحت جهاز الاب توب حقها تشيك على ايميلها لها فتره طويله ما دخلته فتحت بريدها تتصفح رسايلها لفت نظرها رساله بعنوآن ( من كم عام )

من كمّعَامو صآحبك

يغزل بـ صدره أسئلة

و يعآتبْ .. الـ أحلآم

من كمّعَامو صآحبك

ينسج لك أحلاك .. بـ كلام

من كمّعَامو( خيبتي ) تكبر معك

أنثر خطاياك بـ حضن قلبي

و يرجع يجمعك

تعبتْ حتَى من * الحزن *

تعبتْ حتَى من * البكا *

تعبتْ حتَى من * الملام *

و ألحين مافيني حكيّ

و المُوت .. كل المُوت

مقدر أحرّك لكيديّ

وأرد أبادلكّ " السَلآم "!؟

استغربت حيل ودمعتها اوشكت على الأنذراف رساله من بريد عبدالله شافت وقت الارسال قبل ثلاث ايام .. قفلت جهازها وهي تفكر كيف انرسل لها المسج من بريده ممكن شخص يدخل ويرسل لها أو برنامج يرسل لها كل فتره هو محددها قبل يموت .. بدون اي شعور أخذت جوآلها ودقت على رقمه لكن ماحصلت رد .. ودقت على رقم أقرب صديق له ..

يوسف : هلا والله

رغد : السلام عليكم

يوسف : وعليكم السلام ورحمة الله وبركاته

رغد : يوسف

يوسف : انتي رغد ؟

رغد : ايه انا رغد .. كيفك

يوسف : بخير عساك بخير .. انتي كيف حالك الحين ان شاء الله طيبه

رغد : الحمدلله انا بخير .. اقول يوسف بغيت اسئلك سؤال

يوسف : تفضلي

رغد : لقيت مسج من بريد عبدالله أستغربت كيف وصلني

يوسف : والله علمي علمك يارغد

رغد : احس أنه حي يا يوسف

يوسف : الله يرحمه بس أنتي كثير تفكيرين وما أنتي قادره تستوعبين موته .. هذآ كله مقدر ومكتوب ولازم نرضى فيه

رغد : والمسج ويش قصته ؟

يوسف : اكيد أرسله من قبل أو له حكايه ورآح تنكشف مع الأيام

رغد : اقلقتك معي

يوسف : افا عليك انا حاضر باللي تبين

رغد : يالله مع السلامه

يوسف : مع السلامه

قفلت منه وقلبها تتسارع دقاته ويدها ترجف دخلت عليها شهد وعلى طول قالت لها اللي صار

شهد : وليش دقيتي عليه الولد مات يا رغد وقدام عيونك ويش صاير لك انهبلتي

رغد : عندي أمل 1% انه حي

شهد : مآآت يارغد فوقي وحسي باللي تسوينه شكلك انجنيتي ويوسف لا عاد تكلمينه سامعه

رغد : تغارين عليه هاه

شهد عصبت : ويش اغار عليه خير .. من هو عشان اغير عليه

رغد : خلاص خلاص سحبت كلامي

شهد ترمي اغراض ميشو على السرير ومعصبه من رغد وتلميحاتها فتحت دولابها واخذت ملابسها تبي تتروش

رغد : بشويش على الدولاب ماله ذنب

شهد تصرخ عليها : انتي اسكتي وربي يارغد قهرتيني بكلامك الغبي هذآ .. وطلعت من الغرفه

رغد تضحك : هههههههه عصبت ويش اسوي لها يعني اقص يدي اذا ماتحبه هالمجنونه

دخلت ريم على كلمتها : مين اللي تحب ؟!

رغد : ويش خصك انتي خليك بزوجك ابرك لك

ريم : كلكم صايرين تزعلون من اي كلمه ترى ماقلت شي بسم الله

رغد : طيب ليش جايه ويش تبين ؟

ريم : أبي لاب توبك شوي محتاجته ضروري

رغد : طيب خذيه انا بنام

ريم : بدري الحين المغرب

رغد : باخذ لي غفوه أحس بتعب

ريم تشيل اللآب توب وتسكر باب الغرفه ورآها وجت معها سحر وهم ناوين يتصفحون شي قالت لهم لينا عليه

بالرياض

أم رياض : وين يا فهد بدري اليوم عشاكم عندنا

فهد : كثر الله خيركم بس مضطرين نمشي ياخالتي

ام رياض تحلف : والله ماتروحون عشاكم عندنا أول مره تجونا

شوق : مانبي نكلف عليكم

ام دآنا : البيت بيتكم ومايصير تطلعون من عندنا بدون عشاء

ام ليان : لآ تخلون أمي تحلف ان غداكم وعشاكم هنا كل يوم الين ترجعون جده

ام رياض : أي والله يا فهد تعال عندنا كل يوم

فهد يضحك : عاد كل يوم ياخالتي مايصير .. الله يعين بأجل شغلي الى ماتخلص شبكة هزآع

ندى : الشغل مايخلص طول عمرك مشغول اجلس هنا أسبوع مايضر

فهد : يصير خير .. أجل انا طالع بروح لجدتي أسلم عليها عشان تأخذون رآحتكم مع شوق

أم رياض : مو تنسى تجي على وقت العشاء

فهد : ابشري من عيوني

حاولت تفهم تصرفات فهد مع خالته زوجة ابوه يحترمها ويحبها وبمقام أمه .. وبنفس الوقت تحس انه يعاني من أهله كثير ومايقدر يتأقلم معاهم .. بالنسبه لها اذا اتضح لها شي تكتشف شي غامض يستحيل عليها فهمه .. شخصيته وأفعاله غريبه والأغرب تعامله معها يوم قاسي ويوم حنون .. عرفت فيه جوآنب كثيره غآمضه

ماتقدر توصف الآ بمتآهــه مستحيل أحد يفهمها وينجو منــهــآ

شوق ( أمرك عجيب يافهد وين جبروتك وظلمك وسلطتك .. ماعرفت لك !)

طلع وتركها مع خوآته وأم رياض وجلسوآ يسولفون مع بعض

حالتها بكاء حاد .. مكانها قبر يلم بقايا شتاتها .. جوها حزن وألم وعذآب

جت عندها جارتها ام صالح تشفق عليها يتيمه وحيده لا اب ولا أخ ولآ أهل يسئلون فيهآ واعمامها من سنين ما تعرف شي عنهم

فاتن تبكي بحرقه : والسوآت يا عمتي

أم صالح : ربك كريم يابنتي أكيد يومين ويطلع

فاتن : ماجاء ابو صالح من القسم أبي اسئله ويش صار معه

ام صالح : أن شاء الله بيجي ومعه الاخبار الزينه

فاتن : أمين ياررب .. انا خايفه ياعمتي خايفه مالي أحد من بعد أبوي مالي غير الله ثم انتم

ام صالح : أن شاء الهل مانخليك تحتاجين شي يا فاتن بس انتي اهدي الحين اكيد ابو صالح على وصول

سمعت صوته ينادي .. ورآحت له وفاتن ورآها

فاتن : بشرني ياعم ويش قالوآ لك

أبو صالح بحزن : ويش أقولك يابنتي أخوك ماله أمل يطلع من السجن

فاتن : ولـــــيــــش ؟!

أبو صالح : فايز عليه بدل القضيه عشر وكلها بأدله ثابته

فاتن بصدمه شلتها عن التفكير : قضايا ويش ؟

ابو صالح بحياء وحزن على حالة فاتن : سرقه وأغتصاب وترويج مخدرآت غير بيع الخمور والعياذ بالله

طاحت على الارض ماهي مصدقه اللي تسمعه صح اخوها كان يرميها بالنار لكن ماتوقعته يسوي اشياء تخالف الشرع كيف لا وهو باع شرف اخته عشان مبلغ مالي .. نزلت دمعة حاره على خدها وين العزوه والسند لها ..الكل أختفى بغمضة عين وبقت وحيده ابوها مات واخوها الله وحده العالم بحاله وحالها مين بيهتم فيها ويرآعيها ويشوف طلباتها بكت بصمت وأخذت الدموع مجرآها بين تجاعيد وجهها الشاحب

ام صالح تحاول تسندها : قومي حبيبتي ربي يكتب اللي فيه الخير

فاتن : خير !!.. ماظنتي يجي من ورى فايز خير ياعمتي .. أنا تعبت ياليتني مت ولا صار اللي صار فيني

أم صالح : ويش تقولين يافاتن انتي مؤمنه بقضاء الله وقدره أستغفري ربك يابنتي

فاتن تحاول توقف بمساعدة أم صالح : اللهم أني استغفرك فتُب علي يا أرحم الرآحمين

ابو صالح : الله يصبرك يابنتي وتأكدي ان كل هذآ اختبار من رب العالمين والله اذا أحب عبداً ابتلاه

فاتن نزلت دموعها بغزاره : يامصبر أيوب صبرنا .. اللهم أجرني في مصيبتي وأخلف لي خيراً منها

ام صالح : ما رآح نتركك يا فاتن .. وأي شي تحتاجينه بس قولي لأبو صالح عليه وهو مايقصر

فاتن تضمها : لولاكم ياخالتي ضعت .. أنتم الأهل والعزوه اللي فقدتها

أم صالح : أنتي بنتنا وبعيوننا ..

جلست بالصاله وجابت لها ام صالح كاس مويه تشربها

طلعت مع جلالي للصيدليه كآنت تتأمل الطريق اللي ماشين فيه فجأه وبطريق جانبي وقف جلالي فجأه وضرب رآسها بالكرسي اللي قدآمها ..

صرخت : ويش في ؟.. أنفتح الباب فجأه وسحبها بقوه وهي تصارخ والطريق فاضي

هنادي تضربه : اتركني ياهوو .. بعد عني والله لأوريك

جلالي ينزل وهو خايف : هنآآدي وين رآيح أنتي

هنادي تصارخ : جلاآآلـــي أتصل على الشرطه

ولدين متلثمين وسياره مظلله بالكامل .. دخلوها بالغصب ومشوآ بأسرع مايمكن وبعد أجزآء من الثوآني أختفت سيارتهم عن الانظار ..

بآلسياره

حاولت تحرر نفسها منه وهو ماسكها بقوه والثاني يسوق السياره بسرعه

هنادي : رجعوني والله لأ اخليكم تندمون .. وقآمت تصارخ وتضربه بأقوى ماتملك لكنه يرجع يكتفها حتى يتحكم بحركاتها .. بعد دقائق وقفت السياره وسحبها لدآخل بيت مهجور أول مره تشوفه

هنادي : ياحقير ويش بتسوي فيني .. دفها دآخل غرفه فاضيه وحالتها مزريه للغايه ومكان زآد الخوف فيها أكثر

نزل اللثام عن وجهه وبآنت ملامحه بالظلام

هنادي تفاجئت : أنـــــــت

ماجد : ليه توقعتي أحد ثاني

هنادي عصبت وصرخت عليه : ياوآطي كذآ تجرني من سيارتنا

ماجد : وانتي على كيفك تصورين اللي تبين وتطنشين اللي تبين

ماقدرت تفكر الموقف بحاله شلها عن التفكير نست كل شي خوفها منه يرعبها تمنت أنها الأرض تنشق وتبلعها ولا تمر بهذ الموقف .. ماتعرف بأيش ترد عليه أو تبرر له او بالأصح نست أيش سوت وخلته ثاير جنونه ومايفكر باللي يسويه كل همه يعلمها الحق ويأدبها

ماجد بصوت حاد ارعبها : ليش ماتردين والا مافي كلام تقولينه

هنادي حاولت تبين له انها قويه ومافي شي يهزها : كيفي مأبي ارد على واحد مثلك وآطي وحقير

ماجد عصب من كلامها وقرب منها اكثر ودفها على الجدآر بقوه : أنا وآطي يالسافله

ردت عليه بنفس نبرته : أنا أحسن منك مليون مره لا تغلط

ماجد مسكها مع دقنها وضغط عليها بقوه وعيونها متعلقه فيه وقال لها بهمس حآر : أسمعي ياهنادي بعدي عن طريقي وأتركيني بحالي لآ تخليني أحطك برآسي من جد وذيك الساعه بتدمين أشد الندم

هنادي ردت عليه : أصحى من القذآره اللي أنت فيها ولآ تلمسني يانجس .. ماقدر يستحمل أكثر من كذآ عصب منها ومن طريقة رميها للكلمات بدون حساب .. وصل لحد مايقدر تحمله بتصرفاتها وكلامها تجنن جنونه.. صرخ عليها

..: أنا مو زي ماتفكيرين ياغبيه .. انتي وحده تشوف اللي تبي واللي ماتبي ترميه ورآها أنا حذرتك بس أنتي ماينفع معك .. لكن صدقيني اذا ماربيتك صبرك علي

هنادي : طز فيك وأعلى مابخيلك اركبه .. وحسك تسوي حركه من حركاتك الغبيه لأني وقتها بروح الهيئه وأعطيهم عنوآنك والمقطع ويالله وريني ذيك الساعه ويش بتسوي ..

شاف قزآز طايح على الأرض ومتكسر أخذ قطعه ومشى لها بأندفاع والشر بعيونه وحطها على رقبتها وقال لها بنبره تخوف : اذا فيك خير سويها عشان أشوه لك جسمك

غصت بريقها وهي تشوف الشرار يطلع من عيونه دفته عنها وركضت لخارج البيت وهي ماتدل الطريق .. أخيرا وصلت للشارع نزلت دموعها خوف منه ومن تهديده حست انها تسرعت بكلامها لكنه استفزها وغصب عنها قالت اللي قالته حتى تبين له انها قويه وبدآخلها متأكده انها مستحيل تتصرف مثل هذآ التصرف .. شافت سيارتهم ورى السياره اللي دخلها ماجد فيها .. وركضت لها ودخلت

هنادي تبكي : جلالي امشي بسرعه

جلالي : أنت في صير شي

هنادي : ما صار شي بس امش انت يالله .. وتحركت السياره لبيتهم

بــعـــد أسبوع

مر هادي على أبطالنا وأجوآئه كآن عاصفه قليلا بالهموم والأحزآن

دق تلفون البيت

شهد : ردي ياسحر مآني فاضيه

سحر تسكر دفترها : طيب برد ياربي ورفعت سمآعة التلفون

سحر : الو

أم يوسف : السلآم عليكم

سحر : وعليكم السلام ورحمة الله وبركآته

أم يوسف : هذآ بيت محمد القايد

سحر : ايوه هذآ بيته مين معي ؟

ام نايف <أسم ولدها ابو محمد : أنا ام نايف

سحر : يآهلآ والله .. أمريني ياخالتي بغيتي شي

أم نايف : اي والله بغيت أكلم الوآلده يابنتي

سحر : الوآلده متوفيه ياخالتي بس تقدرين تكلمين أختي الكبيره

أم نايف : طيب ناديها بكلمها

سحر : هي ببيتها الحين أعطيك رقم جوآلها تكلمينها

أم نايف : طيب أبوكِ موجود

سحر : أيوه موجود تبين أناديه لك

أم نايف : اذا ماعليك أمر ورآحت لعمها بالصاله وجاء معها مستغرب أن في حرمة تطلب تكلمه

أبو مها : السلآم عليكم

أم نايف : وعليكم السلام ورحمه الله وبركآته. كيف الحال يابو مها

أبو مها : الحمدلله بخير هلآ ياختي قالت لي البنت أنك تبيني

أم نايف : أي والله ياخوي أنا ابيك بموضوع

أبو مها : ويش هو الموضوع

بعد ربع ساعه من المكالمه سكر وجلس يشرب قهوته كالعاده

سحر : يبه ويش تبي الحرمه منك اول مره حرمه تكلمك

ابو مها : وين شهد قولي لها تجيني بغرفتي

سحر : طيب الحين اقول لها ورآحت لها بالمطبخ وشافتها مع رغد تسولف

سحر بسرعه : شهد شهد

شهد : نعم ويش تبين

سحر : الحقي في حرمه كلمة ابوي بالتلفون والحين ابوي يبيك بغرفته

شهد بخوف : ماتدرين ويش يبي فيني

سحر: للأسف الشديد ما ادري

رغد تدفها : روحي شوفي ويش في وتعالي قولي يالله

شهد تمشي : طيب بروح مشت لغرفة عمها ودقت الباب عليه

ابو مها : ادخلي ياشهد

شهد : هلا يبه قآلت سحر تبيني

ابو مها يضحك : ليش خايفه مافي شي تعالي اجلسي بكلمك

شهد : خير يايبه ويش فيه ؟

ابو مها أبتسم : مابي اقول مقدمآت يابنتي كلمتني اليوم حرمه خطبتك و بيجون يوم الأحد يشوفونك

شهد بحياء كساها : ومين هم يبه

ابو مها : والله ما أعرفهم بس بسئل من بكره عن الولد أسمه يوسف

رفعت عينها لعمها بجمود تردد صوت عمها بأذنها .. ماتخليت بيوم أنه يخطبها صدمه ومفاجئه بنفس الوقت

شهد : بـــس يــ

ابو مها : يابنتي انتي مو مره والا مرتين تنخطبين وكلهم ترفضينهم خليني اسئل عن الولد واخلاقه وايش يشتغل وبعدها يصير خير وانتي بعد استخييري وقرري

شهد : يبه انا بكمل دراستي

ابو مها : عادي تكملينها ببيت زوجك يابنتي الزوآج سنه من سنن الحياه هذي مها وشوق تزوجوآ وريم أنخطبت وزوآجها قريب انا ابي اشوفكم مستورين مع ازوآجكم قبل لآ أموت

شهد : لك طولة العمر يايبه .. الله يخليك لنا

ابو مها : ويخليكم لي .. وانتي وخوآت أمانه عندي يابوك أبي استركم وأزوجكم باللي ترضون فيه وتأكدي أني ما أغصبك على شي القرآر بالأول والأخير لكِ

شهد توقف : خليني افكر واستخير يايبه وانت أسئل عنه والله يكتب الله فيه الخير

أبو مها : الله يسعدك ويوفقك يابنتي

طلعت من عند عمها لغرفتها طوآلي ولقت رغد تلعب ميشو

رغد : هاه بشري ايش يبي بابي

شهد جلست على السرير : ماراح تتوقعين ويش قال

رغد تحمست : ويش قولي هيا

ريم : يالله مو متخيله بكره شبكة لينا

سحر : الله يوفقها مع هزآع وربي تستاهل كل خير كآن نفسي يسونها هنا بالمدينه عشان نحضر

ريم : توها ارسلت لي مسج وصلوآ الرياض

سحر تغمض عيونها : كيف تتخيلين شكلها بالفستان الفوشي

ريم تلعب بشعرها : أتوقع بتصير زي سندريلا

هنادي تقفل الكمبيوتر : أووف سندريلآ مره وحده كنت احسبها باربي

ريم : هه هه بآيخه مره هنوده

هنادي تحرك شعرها : ويش رايكم أصبغ شعري بُني

سحر بنص عين : تصبغين ليش ؟

هنادي : تغيير .. بسوي لوك جديد بغير هنادي هذي بتاتاً

ريم : أجليها للأجازه مابقى الآ شهر عليها

سحر بتأفف : يووه كل ماتذكرت انو باقي شهر ويتحدد مصيرنا اموت رعب

هنادي : خلاص بتخلصون وبتدخلوآ ان شاء الله الجامعه

ريم ترفع يدها : الله يسمع منك

سمر تلف على الجهه الثانيه : بليز اسكتوآ ابي انام الساعه 1

هنادي : بكره خميس ليش مستعجله على النوم

سمر : نعسانه مره ابي انام

ريم : طيب بنطلع نتفرج على التلفزيون اكيد في فلم

طلعوآ كلهم لغرفة التلفزيون وجلسوآ عند رغد اللي مطنشتهم وجالسه تكتب بدفتر اشعارها تركته على الكنب ورآحت للمطبخ تسوي لها نسكآفيه .. تلقفت سحر وفتحته وقرت اللي كتبته رغد بصوت عالي شوي

هذا وإنتَ إسمك : { حبيبي } إبتعدت !!

كيف لو إنّك " عدو " وإلا " غريب " ؟

لما في جرحي على قلبيإجتهدت

شي أكيدالجرحلك منّه " نصيب "

قلت لكبنسى المحبه " ما وعدت "

!وإنْ تراجعت بـ كلامي ماهوعيب

كنت أحزن لك ، وأفرحلو سعدت

طول عمريكنت من عينك قريب

وحدك إللي فيوسط قلبي : قعدت

صرت تجرحني وعلى إيدكأطيب

يسألوني الناس عنّك - منبعدت؟

عطني { حلٍ } يقنع العالم ، وأغيب

ريم : حركآت رغد كاتبه كذآ

سمر : حسيت انها تعاني

هنادي : تكفين هووس بس قال تعاني هجدينا

سحر سكتت وهي عارفه باللي تعانيه رغد لكنها ماتتجرأ تقول لها شي حتى ما تجدد جروحها اللي ماجفت

سمعت صوتك النغمه المخصصه له وفزت من مكانها

سمر : ياساتر كل هذآ عشان سيف

ريم : مشتاقه له من اسبوع ماكلمني عشان الأختبارآت وردت عليه

ريم : هلا بروحي

سيف : هلا فيك ياروح روح روحي كيفك

ريم : بخير دآم سمعت صوتك انت ويش اخبارك

سيف : الحمدلله بخير يالغاليه طمنيني كيف اختباراتك

ريم : زينه سهله

سيف : شدي حيلك لا أوصيك

ريم تروح للغرفه حتى تأخذ رآحتها معه بالكلام بعدين عن ازعاج خوآتها

سحر : اقول رغد ايش كان يبي ابوي بشهد

رغد : شهد انخطبت طلوآ كلهم ببعض

سمر : بذمتك انخطبت مين وكيف ومتى ؟!

رغد : اسئلوها هي ورآحت سحر وسمر وهنادي على طول لغرفة شهد

بيوم ملكة لينا وهزآع

اشترت لها فستان وكشخت حتى تروح بدري لأهل فهد ببيتهم لأنها وعدت ندى تجي بدري .. دخل عليها حتى يغير ثوبه وغترته وهو يتأمل شكلها الناعم وملامحها الساحره .. هي زبطت نفسها بنفسها لأنها أخذت دورة تجميل من قبل وماهره بالميك آب والشعر مستشوره شعرها وملففه اطرآفه ومن الآمام بف خفيف ومنزله خصلات من شعرها على وجهها وميك آب هادي بارز عيونها العسليه الوآسعه مكحلته بكحل أسود وآي شدو وردي وأسود وكآنت بقمه النعومه والجمال وفستانها الوردي والليموني زآيد انوثتها .. بعد ما لبس وخلص قال لها

فهد : يالله مشينا

شوق : طيب أنا نازله ورآك

لبست عبايتها ونزلت ورآه بعد ماحصنت نفسها وقالت الأذكار وركبت السياره ومشوآ للبيت أبو رياض بعد ماوصلوآ

نزلت ودخلت للقصر وهو أتجه الى قسم مجلس الرجال

ندى : مشاء الله تبارك الله ويش هالزين ياشوق صرآحه اليوم بتحطمين الكل

شوق بحياء : ويش رايك بالفستان جابه لي فهد بدون ما ادري

دآنا : حركآت خالي فهد رآح جابه

شوق : ايه مادريت الا وهو جايبه لي

ام دآنا : بس صرآحه روعه الفستان موديله نآآعم بس عاري شوي

شوق : مايمديني اعدله امس جابه

ام رياض : ماعليك يابنتي اهم شي يجنن وانتي اللي محليته

شوق حمرت خدودها : تسلمي ياخالتي من ذوقك

دآنا : متى تجي خالتي وليان ؟

ندى : لسى ماخلصوآ كلمتهم قبل شوي

ام دآنا : متى يوصل الورد تأخر

ام رياض : هزآع يقول على وصول

شوق : مره حلو الديكور اللي مسوينه والكوشه مكانها روعه

ندى بغرور : كله ذوقي أنا ولسى ماوصل الورد عشان تشوفينه يهبل

شوق : صرآحه ذوق مره ندو

وصلت مريم زوجة رياض وأمها وخوآتها دخلوآ وسلموآ على ام رياض والبقيه

اخت مريم تهمس : هذي مين اللي لابسه وردي

مريم بصوت وآطي : زوجة فهد

اخت مريم : ماتوقعتها مزيونه كذآ طلعت احلى من تصوري

مريم بغيره : مافيها زين

اختها : حرآم عليك كل هذآ مافيها زين

مريم : خلاص قفلي السالفه

بعد ما أجتمعوآ المعازيم وأشتغل الدي جي وبدوآ البنات يرقصون

ندى تسحب شوق : يالله قومي ارقصي

شوق : لا ما أبي استحي

ندى : بتقومين غصب عنك يالله بس وسحبتها وقبل يرقصون سلمت على بنات اعمامها

ندى : أعرفكم على زوجه فهد شوق

شوق تسلم عليهم : كيفكم ؟

لمياء بابتسامه حلوه : بخير انتي شخبارك

شوق : الحمدلله

ندى : هذي لمياء وهذي رزآن واروى وبيان

شوق : اهلا وسهلا

رزآن بغرور لفت عنها : انا رايحه اجلس

اروى : انا برقص امشي ليان معي ارقصي

ليان : اوكي يالله

شوق أستغربت حركة رزآن : اقول ندى شكلها كبيره

ندى : ايه عمرها 23 ودرست برآ علم ورآثه ببريطانيا

شوق : مشاء الله وخلصت دراسه

ندى : ايوه هذي السنه .. يالله بتلفين عشان ماترقصين

شوق تضحك : لا والله مو قصدي

ندى تمسك يدها : يالله بس قدآآمي

بعد ما رقصوآ وجلست مع ندى وليان اللي تسولف معهم وصلت لينا وامها وأخذتها ند ىتسلم عليهم لانها تعرف لينا وامها نادتها ام رياض

شوق : هلا خالتي

ام رياض : الله يسعدك ياشوق شوفي فهد برآ عند البوفيه بالحديقه أتصل يبي ندى تأخذ منه اغراض روحي انتي

شوق : ابشري الحين اروح له

ومشت لجهة الحديقه وطلعت من غرفه زجاجيه تطل على الحديقه أنصدمت وهي تشوفه يكلمها وهي كاشفه عنده بدون عبايه او طرحه وبكامل أناقتها من ميك اب ولبسها القصير سمعت كلامها له

رزآن : متغير بعد الزوآج مره يافهد

فهد : كيف دراستك ؟

رزآن : خلك من درآستي انت قولي ويش اخر اخبارك اخر مره شفتك فيها قبل سنه ببريطانيا

فهد : الحمدلله انا بخير وعايش بحياتي

رزآن : والله اشتقت لك ولذكرياتنا بالريجنت ستريت

فهد : ايام ورآحت وبقت ذكريات

رزآن : على فكره زوجتك تعرفها من قبل

فهد : طبعا لا

رزآن بدلع : تحبها انت

فهد بتضجر : رزآن ادخلي جوآ وخذي الأغراض معك انا مشغول مو فاضي لسوالفك

رزآن تكشر : الحين ماتبي تكلمني واول كنت تموت وتكلمني

فهد طنشها ولف وهو يشوف شوق وآقفه عند باب الغرفه الزجاجي شاف عيونها ونظرآت الأستحقار فيها لفت ومشت بترجع ادرآجها لحقها وهو يناديها طنشته ولا ردت عليه وصل عندها قبل تطلع من الغرفه ولفها عليه بقوه

فهد بحده : لا تطنشيني

شوق : أرجع لذكرياتكم القديمه .. وتركته ورآحت للصاله

ويش بتسوي شوق بعد اللي شافته ؟

معقوله فهد يكون يحب رزآن من قبل يتزوج شوق ؟

ورزآن الشخصيه الجديده في روآيتنا بيكون لها توآجد يحطم كل التوقعات او ماذا ؟

رغد وأحساسها هل بيصدق أم يكذب .. ونوره وسر اتصالها ؟

شهد وخطبة يوسف لها بتوآفق أو ترفض لأسبابها الخاصه ؟

هنادي & وماجد .. الى اين النهايه ؟

البارت الرابع والعشرون

جٍ'ـَآإ يطيّب خآطريّ بـ/كلمتيَـَـنٌٍ~*

يحسٍ'ـَبّ آنٍ رضآيّ [مض'ـَمونّ وسهل]-

عذرٍهـٍ آلليّ رٍج'ـَعه"شوٍق"وحٍ'ـَنين..!

يحسٍ'ـَبّ أإنّ رٍضآيّ بـ /شويّة غٍ'ـَزل..‘

مآدرىّ أإنيّ "حآلف "وٍ حآلف يمينّ.. !

مآ أرٍدّ بـ ’كلمتيّ‘ مهمَـآ عمل. . .}-

مآيليَـَـنٌ آلـ"قلبٌ"وٍآلله مآ يليَـنٍ‘

أإنّ زعلّ . . يزعلّ ]- ويعنيّ لوٍ زعٍ'ـَل . . !

فهد بحده : لآتطنشيني

شوق : ارجع لذكرياتكم القديمه .. وتركته ورجعت للصاله وبدآخلها نار تتوقد بقلبها من اللي شافته رآحت للصاله وجلست والصمت مخيم عليها شكل رزآن مستحيل تنساه وهي وآقفه قدآمه بكل ثقه بلبسها العاري القصير .. كتمت الحرقه بصدرها وهي مستغربه كيف مبادئها تسمح لها تظهر بهذآ الشكل قدآمه تذكرت انها دارسه برآ وعاشت فتره من حياتها هناك ..

شوق ( ايه ايش عليها ماعندها مشكله لوتكون عاريه قدآمه الحياء رآح اللهم ياكافي .. بس أنا بربيها قليلة الحياء هذي وبكل وقاحه واقفه قدآمه وتتلزق فيه وهو فانح فمه معها ) .. غمض عيونها ووقفت رآحت للمرآيا حتى تشوف شكلها واذا علامآت التوتر باينه عليها .. زآدت روجها وهي تضغط بقوه على القلوس كأنها تطلع كل حرتها فيه .. ورجعت عند ندى وليان وتضحك وتسولف معهم .. دخلت رزآن ونظرات وطالعت شوق بأستحقار جلست قبالها وحطت رجل على رجل وماشالت عيونها ثانيه عنها

شوق ( صدق وقحه هالادميه ماعندها دم وتستحي على وجها وتنزل عيونها .. لكن برد لها الصاع صاعين على بالها بأسكت لها ولأشكالها ) .. وطالعت فيها ونظرآتها شرسه وناريه ومانزلت عينها عنها الا لما بدت رزآن تغير نظراتها

رزآن ( ويش لاقي فيها فهد .. لا جمال ولا تعليم ماتضاهيه بجماله ويش عاجبه فيها )

بدأت زفه لينا .. ودخل معها هزآع وكآنت مرتبكه كثير لأنها بتجرب شي جديد عليها وبتدخل حياه يشاركها هزآع في كل تفاصيلها .. مرتبكه من قربه منها ومن العيون المتسلطه عليها

ندى : ويش رايك فيها شوق

شوق : مشاء الله تبارك الله تهبل ليونه هي صديقة سحر وريم

ندى : ايوه افتكرهم بزوآجك قالوآ لي

شوق : تعالي نشوف خالتي محتاجه شي الحين عشان بعد الزفه وكذآ يتعشون الناس

ندى : اوكي يالله نروح

بعد ماخلصت شبكة هزآع ولينا .. اخذ هزاع لينا لمطعم يتعشون فيه حاجزه لهم مخصوص وبعد ما بق بالقصر الا اهل فهد

ام رياض : تعبانك معنا ياشوق انتي مريم

شوق : تعبكم راحه ياخالتي يشهد الله علي انكم زي اهلي

مريم : افا ياخالتي هزاع غلاته من غلا رياض

ام رياض : الله يسعدكم ويوفقكم

شوق : أمين ... دق جوآلها وردت

فهد : في احد دآخل انا أبوي بندخل

شوق : ايوه مريم موجوده ..

مريم تاشر لها : انا بروح الحين خليهم يدخلون ... وقالت له يدخلون بالصاله الجانبيه .. ورآحت لبست عبايتها حتى ماتقابل عمها بفستانها .. سلمت على عمها وطلعت بعده للسياره وبعد مادخلت كآن الجو هادي وباين عليه انه معصب ماناقشته ابدا بأي كلمه والى الأن كل شي هادي بينهم

فهد : ويش اللي سويته الليله

شوق بدون أهتمام : تقصد اللي سويته انت

عقد حوآجبه وأحتدت ملامحه : أنا ماتزوجتك حتى تحاسبيني

شوق لفت عليه وبنظره قاسيه : وأنا ماحسبتك خليتك معاها "قالتها بمده " على رآحتك

طالعها بنظره مافهمتها لكنه لفت على جهة الطريق تشوف السيارات والطريق المزحوم وهي تنتظر يكمل كلام لكنه سكت وبدآخله نآوي يكمل كلامه معها بالبيت ويفهمها اللي تجهله

بعد ماصلت الأستخاره جلست على سجادتها وتفكيرها بالموضوع اللي فاتحها عمها فيه . بس هي موقفه حياتها على حياه مشاري ماتبي تتركه بعد ماعاهدت نفسها انها تربيه وتحسن تربيته طاحت عيونها تلقائيا على سريره وركزت بملامحه البريئه وهو نايم بسلام تفطر قلبها على حاله كيف تتركه وتتزوج وتخليه وحيد يعاني قسوة الايام خاصةً انه منبوذ من مجتمعه .. متأكده اذا عرف يوسف بحكايته احتمال كبير يتراجع بزواجه منها فكرت وأطالت التفكير وهي تدعي ربها ييسر لها أمرها ويدلها على الطريق الصحيح

دخلت عليها رغد وشافتها تصفط سجادتها وباين الهم بعيونها .. بعد ماجلست على السرير قالت لها

رغد : فكرتي بخطبتك ؟

شهد والخوف مسيطر عليها : ماني قادره اقرر يارغد احس أني ابيه وبنفس الوقت ما أبيه مرتاحه وماني مرتاحه له .. كل همي مشاري مابي أتخلى عنه تعرفين أني متعلقه فيه بكل ما أحد يتخيله اتوقع لو أجيب اولاد مايوصلوآ لغلاة ميشو بقلبي

رغد مسكت يدها بحنيه : شهد فكري بعقلك لاتفكري بعواطفك الحين انتي انخطبتي واذا خايفه على ميشو أحنا خمس بنات بنقوم بوآجبه واكثر كلنا نحبه بجنون .. لاتضيعي الفرصه من يدك انتي الخطاب كثير يتقدمون لك أخاف بيوم تتمني احد يدق الباب وماتلاقي هالشي

شهد نزلت رآسها بحيره : بس انا خايفه من يوسف هو يدخن وغير كذآ يعرف اني ما أحبه وأكرهه ينرفزني بكل شي فيه احسه مغرور

رغد أبتسمت على جنب وغمزت لها وهي تقول بنبرة شك : تكرهينه والا ماتبين له انك ميته عليه

شهد بنظره قويه : ويش أموت عليه يخسي مابقى غيره قلوآ رجال الدنيا

رغد تضحك : شهوده لو تحلفين لي ما أصدقك انتي تخبين حتى على نفسك خليك صريحه مع نفسك أولا وبعدين معنا

شهد توقف بتوتر : رغد بليز كافي اللي فيني

رغد ترفع صوتها : تحبينه يامجنونه لايضيع منك ترى يوسف البنات يركضون ورآه ركض

شهد تطلع مع الباب : الله يهنيه

رغد : ترى مسلسلك هذآ بيجي على راسك

شهد : بروح اكلم ابوي يقوله عن مشاري

رغد وقفت : هيه انتي .. من جدك صدق هبله مشاري بعيوننا فكري بنفسك .. وبعدين صلي مره واثنين والف الين يطلع معك شي

شهد رجعت وسكرت الباب وهمست : شوفي برسل له مسج اقوله عن ميشو بجس نبضه يعني بيعترض او ايش

رغد : بكيفك .. سوي اللي يريحك

شهد بخوف : بس اخاف عمي يكون

رغد تقاطعها : ابوي ما يجبرك على شي سوي اللي تشوفيه مناسب

أخذت جوالها وأرسلت له مسج تنهدت حست انه هم وانزآح عن صدرها ولكن بقى الشي الأصعب وهو رده على المسج اللي تنتظره بفارغ الصبر

قطعت تفكيرها كلمات رغد اللي قالتها بتردد

رغد : شهد بكره بروح بيت أهل عبدالله

شهد بصدمه طالعتها متفاجئه من كلامها : ويش قلتي ؟ وين بتروحين

رغد حطت عينها بعين شهد : قلت بروح بيت اهل عبدالله سمعتي

شهد : ليه بتروحين أنهبلت أنتي ويش تبين امه وأخته تقول عنك

رغد قالت والغصه بكلماتها والدمع متجمع بعينها :أنتي ما تدرين عن النار اللي بدآخلي " مسكت السلسال اللي حاطته على صدرها ودبلة عبدالله ودبلتها فيها" .. بتأكد عبدالله حي أو ميت دآيم يجيني بأحلامي احساسي يقول أنه حي وينتظرني... " نزلت دموعها " ..أحبه يا شهد ماني قادره انساها ومتأكده انه موجود بكره بتشوفين

شهد تجننت من كلامها : صدق انجنيتي .. الولد مات وأحنا متأكدين ويوسف حضر دفنه ويش تبين أكثر من كذآ تأكيد على كلامي وانتي كلمتي يوسف وقال لك الكلام الصحيح بس شكل فيوزك ضربت

رغد قالت بألم : تخيلي يوسف يموت اليوم ويش بيصير فيك

شهد بتاقائيه وخوف : بسم الله على قلبي في اللي يكرهونه يارب

رغد ابتسمت من بين دموعها : شفتي تحبينه .. كيف أنا ياشهد.. "بدت تبكي بصوت وآضح " .. حسي فيني لو يوم أن شاء الله ماتجربي النار اللي تحرق قلبي

شهد ضمتها لحضنها : الله يعينك ياحبيبتي بس أنتى لاتزيدين على نفسك هذآ مقدر ومكتوب من رب العالمين مانقدر نغيره

رغد وهي تبكي على صدرها : بس بكره رآيحه يعني رآيحه وكمان بفاجئهم

شهد حست ان براسها شي بس سكتت لانها تعرف عناد رغد واذا صممت على شي تسويه

بغرفه ثانيه من غرف البيت

كآنت جالسه على المسن وجاتها أضافه من أيميل غريب قبلت الأضافه وعلى طول فتح معها محادثه

ولفت نظرها نكه { حلوه أحبك من شفاتك }

حلوه أحبك من شفاتك : السلام عليكم

سحر : وعليكم السلام

حلوه أحبك من شفاتك: كيفك ؟

سحر : الحمدلله .. مين أنت ؟

حلوه أحبك من شفاتك : أنا اسمي أهتداء ويدلعوني هدو

سحر : عاشت الاسامي ياهدو .. بس من وين جبتي ايميلي

حلوه أحبك من شفاتك : من ايميل رسلته وحده من صديقاتي لي وأضفتك لاني احب اتعرف

سحر : ايووه

حلوه أحبك من شفاتك: ويش اسمك انتي ؟

سحر : اسمي سحر

حلوه أحبك من شفاتك: عاشت الاسامي سحوره

سحر : تسلمين ياقلبي .. انتي من وين

حلوه أحبك من شفاتك: الرياض

سحر : أنا من المدينه

حلوه أحبك من شفاتك: ماتوقعت اتعرف على احد من هناك اول مره اضيف احد من المدينه

سحر : هههههه عادي هدو اهل المدينه طيبين وكريمين

حلوه أحبك من شفاتك : بدينا بالمدح

سحر : هذا شي متعارف عليه ياحلوتي

حلوه أحبك من شفاتك : ماقلت شي

سحر : سوري يمكن انفعلت شي حبتين

حلوه أحبك من شفاتك : لا عادي

سحر : كم عمرك هدو

اهتداء : 25 وانتي

سحر : العمر كله انا 19

اهتداء :عادي نكون اصدقاء

سحر : يس يس عادي

دخلت هنادي عليها وصرخت : ابي الكمبيوتر

سحر : لو تطقين ماراح تجلسين انا اليوم مخلصه اختبارات وباشبع منه

هنادي بترجي : والله ظروري يابنت مو لعب

سحر : بكرره خذي راحتك عليه

هنادي بتضجر : ياويل احد يقول بكره مو انا

سحر بعصبيه : وبعدين معك انتي ماتتركين حركات الاولاد ذي .. روحي عني طفشتيني

هنادي عصبت : ويش قلتي حضرة جنابك .. ماسمعتي

سحر : طرش ان شاء الله .. انقلعي عني يابويه

هنادي بدون شعور اعطتها كف جامد الجمها عن الكلام ... بدت تتحول لشرسه ومسكتها مع كتفها بقوه : لو تقولي بويه مره ثانيه " وشدت شعرها " راح اسيح دمك هنا .. سآآآآمعه

سحر مصدومه من ردة فعل هنادي ودموعها بوشك الانهيار .. بعد مادفتها انتبهت لشخص ثالث كان شاهد على كل شي صار بينهم وهي ريم اللي صدمتها ماتقل عن سحر ماقدرت تنطق بحرف وآحد .. مرت من جنبها هنادي بعد مارمت عليها نظرات ناريه خلتها تبعد بخوف من عن الباب .. بعد ماطلعت وتركتهم جريت ريم على سحر ..

آمــآ هي .. اختارت مكان بعيد عن الجو اللي يزيد كئابتها ويجرحها وجودها معهم بودن مايحسون ذنبها الوحيد انها ماكانت تزعل من اي انتقاد لاذع لها لكن هالشي تغير فيها من مده حست على نفسها وفكرت بنفسها وحزنت كثير على حالها حتى اهلها مايقدرونها ولا يحسون بمشاعرها المسفوكه الوحيده اللي كانت تداريها ولا تجرحها ورقيقه في التعامل معها هي شوق بعد مابعدت وتركت البيت الفرآغ أكتسى حياتها ماتلاقي اللي تشكي له همومها ويواسيها على صغر سنها الا ان شوق كانت تقول لها على أسرارها وهمومها ومعاناتها وهي كذلك تبادلها نفس الشي ترتمي بحضنها لما تحس بالخوف تحضنها لما تحن لشعور لأم والبنت كآنت هي أمها وأختها ومرسآها .. قفلت باب الملحق عليها بدون شعور منها دقت على رقمها اللي حافظتها عن ظهر قلب مشتاقه لصوتها وحنيتها .. ردت عليها بصوت مشتاق لها

شوق بحب : هلآ هنوده وحـــــشـــتيني

جاها صوت هنادي الباكي لأول مره تسمع هنادي تبكي دآئم كانت تواسيها وتشد على يدها وتقويها لكن هالمره مختلفه هي محتاجه من يقويها ويساندها محتاجه لأحد ترتمي بحضنه تشكي له عن اللي بقلبها : شـ..ـو..ق

شوق وقف قلبها خافت على أهلها : هنادي تكلمي ويش فيك أحد فيه شي قولي طيحتي قلبي

هنادي بأنهيار : محتاجتك جنبي ياشوق ابيك

شوق حست بالحرج لان صوت سمآعه الجوآل عالي شوي وفهد متعلقه عيونه عليها: ويش فيك هنوده تكلمي

هنادي : الكل مايحس فيني كلهم يجرحوني حتى ابوي حنون مع الكل الا معي ويش سويت انا حتى يصيرون كلهم قاسين معي

شوق بحزن : ليش تقولين كذآ ياهنادي كلنا نحبك ونعزك

هنادي تشهق : اللي يحب مايجرح ياشوق مايجرح يحسبون قلبي صخر مايحس بكلامهم غير انهم يوآسون بعض ويحسون ببعض الا أنا ماحد يسألني ويش فيني ويش مضايقني كلهم يبون ينبسطون معاي بس وقت ضيقتي ما الآقي احد

شوق تأثرت وبدت تنزل دموعها : ياقلبي عليك ياليتني جنبك ياهنوده

هنادي بترجي وبكاء حاد : خلي فهد يجيبك عندنا انا أشتقت لك ابيك بليز

شوق بتأثر: خلاص لاتبكين قلبي مايتحمل يسمع صوتك وأنتي تبكين

هنادي : انا بقفل الحين بروح انام بس كلمي العله زوجك ذآ وخليه يجيبك لا أرفع عليه قضية خلع عشان تجلسين عندنا

شوق بدت تضحك : يخرب بيتك شيطانك حتى وانتي زعلانه تنكتين روحي بس نامي ابرك لك

هنادي تمثل البكي : شفتي حتى انتي تجرحيني

شوق بسرعه : والله والله ماكان قصدي انتي تعرفين غلاتك عندي

هنادي انطلقت ضحكاتها : على بالي شي ثاني

شوق : وقفتي قلبي ماعندك سالفه روحي نامي بكره ورآك مدرسه

هنادي : طرده محترمه شكلي قطعت عليكم جوكم

شوق حمر خدها وبحده : وجع ماتستحين أنتي نآآمي نوم الظآلم عباده

فهد بصوت عالي شوي : اي والله قطعتي جونا

هنادي ارتبكت وبأحراج وحياء : وجع هذا العله عندك على بالي طاس له بمحل بعيد

فهد يضحك : ما العله الا انتي أحد يدق على عرسان بذآ الوقت قفلي يالله

هنادي : شوق اسمحي لي زوجك قليل حياء أعطيه كف بالنيابه عني

شوق تستهبل : وه انا اضرب فهودي

هنادي تصرخ : أوخص ياحركآت في تطورآت على الساحه الزوجيه والعاطفيه

شوق تقطع كلامها : كأني اعطيتك وجه زياده

هنادي : بقفل وأفكك مانتي كفو أشكي لك .. بآآآي

شوق تضحك : بآيوو

بعد ماقفلت طلت بفهد بنظره ضحك منها وقال بأستفسار : هذي اختك اللي كانت تجيب لي الاكل بالخلسه يوم كنت بالملحق تحت تعذيبك ياهانم

شوق : ايوه هي بس مو أختي تصير بنت عمي

فهد : احس ماتفرقون بين بعض كلكم وآحد

شوق : أكيد مانفرق وعمي كان ابونا كلنا ماعمره فرق بين احد فينا

فهد ابتسم : حلوه علاقتكم مع بعض يالله طفي النور بنام

شوق رفعت حاجبها تبي تستفزه : نام ويش اسوي لك

فهد ضحك : ويش تسوين " ضحك بشر " تعالي اعلمك ويش تسوين .. وقامت عن السرير وحطت يدها على خصرها

شوق : ياسلام كأنك الملاك الطاهر ماسويت شي الليله

فهد تأفف : أنتي ماتنسين شي

شوق بحده : طبعا ما أنسى اجل اشوفها قدآمك بدون حياء صدق اننها ماتستحي ودمها بارد تحمد ربها طلعت سليمه ما شوهت وجهها اللي ماخذه فيه مقلب

فهد يكتم ضحكته : قلتيها ماتستحي بس بنت عمي حلوه ماعليها كلام

شوق طلعت عيونها واعطته ظهرها : طول عمرك نسونجي وماتترك حركاتك الغبيه وعينك الطويله هذي يبي لها فقع

فهد وقف وبعد الشرشف عنه جاء ورآها وحوط يده على خصرها وصورتهم معكوسه على المرايا وهي تتابع حركاته وهمس لها : تبين الصدق أنتي أول وحده من جنس حوآء أهتم فيها لا رزآن ولا مليون مثلها يسوونك

شوق ضحكت والبسمه على وجهها رغم تحس ببعض الصدق بكلامه وقالت له : والله انك نصاب لو وحده غيري صدقت كلامك المعسول

فهد ابتسم وباسها على رقبتها : المصيبه انك عارفتني

اليوم اللي بعده

كآنوآ بالجامعه بعد ماخلصوآ محاضراتهم شآفوا فاتن جالسه على طاوله لحالها وأتجهوآ لها قبل يخرجون من الجامعه

شهد بأبتسامه : ايش فيه القمر زعلان

فاتن رفعت راسها وتضحك : أكمل المحاضرآت اللي فاتتني بسبب الغياب

رغد تسحب الكرسي وتجلس : ماخلصتي محاضرات

فاتن : باقي لي وحده بعد نص ساعه انتم شكلكم طالعين

شهد : ايه خلصنا وبنروح بدري دآم عندك محاضره

فاتن : ويش رايكم تجون عندي الليله بالبيت ماعندي أحد صايره وحدآنيه

رغد : سآمحينا الليله مافي مجال ان شاء الله يوم ثاني

شهد تذكرت : الا على فكره فتونه ويش صار على أخوك مو قالوآ بيحولونه المحكمه

فاتن ولمعة الحزن بعينها : لسى الحكم يوم الخميس بس ابو صالح يقول مافي أمل يطلع

شهد ورغد : الله كريم

شهد : لا تيأسين رحمة ربي وآسعه

فاتن : مدري ايش اقول لو ينسجن بكمل حياتي لحالي وربي اني اخاف انام بالبيت لحالي اخاف يدخل علي حرآمي

رغد حزنت على حالة فاتن اللي عايشه لوحدها : لاتخافين جيرآنكم مايقصرون على حد كلامك

فاتن : اي والله مايقصرون وقفوآ معي واعمامي كلهم قفلوآ جوآلاتهم من سمعوآ بالخبر

شهد : اسمحي لي اعمامك حقيرين

فاتن : صدقتي والله

رغد توقف : يالله نستأذن ورآنا مشوآر

فاتن : الله معكم

وطلعوآ وهم قاصدين مكآن وآحد لغايه بنفس رغد

بآلسياره

شهد : رغد مايرآودك أحساس الخوف

رغد بأصرار : أبدا لو تحسين باللي احس فيه الحين يمكن ماتصدقين لو أقول لك أن احساسي انه حي متأكده منه 100%

شهد : كلها دقايق ونشوف وين بيوصلنا أحساسك

رغد : عندي أمل اشوفه اليوم حتى لو كآن طيف

شهد بحنيه : أرحمي نفسك يارغد انتي تعذبين نفسك بنفسك

رغد تلف على القزآز : وهالتعذيب رآضيه فيه

بعد ربع ساعه وصلوآ للمكآن المقصود نزلوآ ودخلوآ عماره عاديه جدآ وطلعوآ للشقه أهل عبدالله

كآنت ترجف بقوه وخفقآن قلبها يزدآد بشكل مضطرب خايفه تشوفه وبذيك اللحظة ماتقدر تحدد كيف بتكون ردة فعلها .. او تتأكد من مفارقته للحياه وتفارقها روحها وتلحق روحه بس لك

طـــــــن طـــــن .. بكل هدوء وبطئ أنفتح الباب وقلبها وقف عن النبض وتجمد الدم بعروقها حت أن الوقت وقف عن السير وأنتهت الحياه فيهآ

بالمدرسه

كآنت تمشي مع عبير وتحكيها عن أخر مره شافت فيها ماجد

عبير : تصدقين بديت اخاف من ماجد والله ماهو سهل ياهنادي لاتستهينين فيه هذي المره وقف سيارتك المره الجايه ويش بيسوي

هنادي : والله رآح اربيه لك بس اصبري علي .. في شي براسي بسويه بخليه يندم على كل شي سوآه

عبير : هنوده لاتلعبين بالنار بعدين تحرقك كلامه مايروح من بالي وبعدين أحس احنا فاهمين غلط

هنادي عقدت حوآجبها : كيف فاهمين غلط قصدك فاهمين صح

عبير بترجي : هنوده بعدي عن طريقه لو يدري رآئد والله غير يصير شي ماهو بالحسبان

هنادي : انتي طول عمرك ضعيفه وخوافه هذول مايقدرون يسوون شي لنا معنا دليل يوديهم بستين دآهيه انتي ماتعرفين قيمة هالمقطع

عبير بنظره خوف : عارفه ان المقطع فضيحه بحاله يكفي الكلام الوآطي اللي فيه فمابالك بالصوره ..هم وآطين ليش ننزل لمستوآهم ؟

هنادي : هذآ ماجد قلت بربيه يعني بربيه واللي براسي بيصير لاتتعبين نفسك

عبير جلست على الأرض وجلست هنادي قبالها : طيب ويش برآسك

هنادي بخبث : رآح أفهمه أني ما أهتم له ولا لعشره أمثاله وبكره المقاطع باليوتوب

عبير شهقت : ويش .. يوتوب حرآم عليك بتفضحينه

هنادي ضحكت : انا مو وآطيه مثله لكن بأعطيه الدرس الثاني الأول كان تصوير المقطع والثاني بالطريق وياما في بعده دروس

عبير : لالا هنادي ويش ذآ من تتبع عورآت الناس تتبع الله عورته ناسيه هالشي ؟

هنادي تقشعر جسمها : لا مانسيت بس هالشي ماينسكت عليه وبعدين بتعرفين اني خايفه عليه هالغبي ذآ

عبير بخبث : خآآيفه ياعيني

هنادي بصدق : والله العالم هذآ وسخ ياعبوره بصراحه أحسه طيب بس انه غبي وحمار لما يروح لشي خارج عن فطرة الأنسان

عبير تفكر : أنتي متأكده أنــه ... وسكتت

هنادي : قولي من صاحبت اقول لك من أنت والمقطع دليل قاطع ويش تبين أكثر من أولاد مع بعض وربي شي يقرف بالصدفه شفته معهم واكيد كان ينتظر دوره لو مع بنات أرحم مليون مره من هالشي

عبير شوي وتبكي : يمه كيف تطاوعهم نفسهم يسوون كذآ سبحآن الله كأنهم حيوآنات

هنادي تتذكر اللي شافته وبتقرف : يرحم وآلديك سكري السالفه أحس بغثيان الله ياخذهم

عبير : اللهم عافنا ولا تبتلينا

هنادي تتنهد : آمـيـن

مرت من جنبها سحر وريم ولينا .. وطنشتهم ولا طالعتهم وعيون ريم عليها ماتفارقها

لينا تضحك : والله هزآع كل شوي يكلمني .. غثني

سحر : من البدآيه غثك

لينا بحب : وربي على قلبي زي العسل ماتصدقون اني اخق عليه واموت بدربه

ريم :لسى بدري عليك انتي ماشفتي شي

لينا : ايه نسيت انتي مجربه

سحر : اقول لينا ويش كآن شعورك

لينا بتتكلم بس لحقت على نفسها وقالت بغرور : ما أحرف بزآرين أنا

سحر كشرت : بزر بعينك .. بكره بتقولين كل شي زي السلام عليكم

ريم تضحك : بعدين نكسب ذنبك أذا أنخطبتي بنقول لك كل شي

سحر بخبث : أنا اعلمكم مو انتم تعلموني

لينا : شوفي ياسحوره لو بتوآفقين من بكره بتنخطبين

سحر عقدت حوآجبه وهي تفكر بكلام لينا بعد ثوآني فهمت مقصد لينا وقالت : مابقى ألا اخوك أعوذ بالله

لينا : ماقلت لك أنه أخوي الا اذا مانسيتي موقفكم الحميمي

سحر عصبت وحمر وجهها وسكتت ماردت على كلام لينا اللي استفزها

لينا ضحكت بخفه حتى ماتحط سحر حرتها فيها وقطعت السكوت : الا ويش فيها هنوده ماجات تستهبل زي عادتها والله فقدتها وفقدت ضحكتها

سكتوآ ريم وسحر وطالعوآ ببعض .. وخيم الصت عليهم

بعد مافتح لهم عبدالرحمن أخوعبدالله اللي كأنه تؤآئمه بكل شي نادى نوره أخته اللي كآنت غايبه ودخلتهم للمجلس بعد ماسلموآ عليا وعلى أمها اللي دخلت للمطبخ تسوي لهم قهوه

شهد بحياء : سوري جيناكم بدون موعد

نوره بأبتسامه وحب : بالعكس أحلى مفاجئه ماتوقعت أشوفكم أبداً خصوصا رغد "وركزت بنظرآتها على رغد اللي منزله رآسها وباين الحزن بعيونها "

نوره توقف : ثوآني اروح اشوف أمي ونرجع لكم

شهد : تفضلي خذي رآحتك .. بعد ماطلعت ورآحت للمطبخ عند امها

ام عبدالله : مدري ويش جابها

نوره : اتوقع عشان عبدالله الله يرحمه نسيتي يمه انكم كنتوآ بتروحون تخطبونها ترى مو سهل اللي مرت فيه

وبالذآت انه كآن يحبها

أمها بأستغراب : يحبها ؟!. نوره تجمعت الدموع بعيونها

نوره : ايه كآن يحبها مسكينه يمه رغد امها ميته وابوها كل ذريته بنات وبنا عمها عايشين عندهم حالهم يكسر الخاطر

امها شوي وتبكي لكن تمالكت نفسها : الله يعلم يابنتي اني حبيتها وزآد غلاها بقلبي لانها من ريحته الله يرحمه بس ويش نسوي هذي قدرة رب العالمين

نوره : طيب خلينا نرجع لهم تأخرنا

بآلمجلس

شهد تهمس : رغد أمسكي نفسك على الأقل الين نطلع من هنا

رغد رفعت عيونها اللي نزلت منها دموع حاره : ما اقدر ياشهد كل شي يذكرني فيه

شهد بتضجر : قلت لك من الأول ماحنا جايين بس العناد الله لا يبلانا

رغد بدأ الدمع ينزل من عينها بغزاره : لاتزيدين أوجاعي .. أسكتي !

دخلت أم عبدالله ونوره بيدها صينيه القهوه .. بسرعه مسحت دموعها لكن عيونها حمراء ومتورمه .. جلست جنبها أم عبدالله

ام عبدالله : كيف حالكم يابناتي

شهد : الحمدلله بخير ياخاله انتي كيفك وكيف الأولاد

ام عبدالله : الحمدلله على كل حال " طالعت برغد اللي ملتزمه الصمت " وانتي يمه ويش اخبارك

رفعت عيونها والدمع ماليها : ماشي حالي

ام عبدالله : ويش لها دآعي الدموع

رغد زآد دموعها وبدون ماتحس طلعت شهقتها وخبت وجهها بين كفوفها ضمتها أم عبدالله لحضنها وهي تمسح عليها .. ورغد تدفن وجهها على صدرها تذكرت كلماته لها وهمساته وحتى لمساته

همت لها أم عبدالله : يايمه ادعي له بالرحمه

زآد بكاها وزآدت ضمت أم عبدالله لها وهي متماسكه وقوتها تستمدها من أيمانها .. أما شهد ونوره متأثرين مره من الموقف

رغد تبعد عن حضنها : سآمحيني ياخالتي زدت أوجاعك .. بس ماقدرت اتحمل لأنك أمه

ام عبدالله : والله يابنتي غلاتك بقلبي الله العالم فيها

رغد توقف : نستأذن الحين ياخالتي تأخرنا على البيت

نوره : بس ماشربتوآ القهوه

شهد توقف : يوم ثاني ان شاء الله

رغد تمسح دموعها وتلبس طرحتها : يالله مع السلامه ... وباست رآس ام عبدالله وطلعت

بالسياره

بعد ماحركوآ من عند بيت أهل عبدالله دخلت في دوآمة البكاء وكان جلالي مشغل الرآديوآ على fm

وجات أغنيه لمست الوتر الحساس عندها

زعلان يادنيا عليك . . مخاصمك لا ما أبيك

من يوم ما خذتي العزيز.. ماعاد تسوى شي فيك

ميت أنا مدري حي.. واللي جرالي مو شوي

اللي يضيع شي زعل .. وأنا ضيعت كل شي

مشتاق له فاقد هواه ..محتاجه له روحي فداه

هو اللي الشي الوحيد .. طلعت فيه من الحياه

تعلقت عيون شهد فيهآ وهي تسمع كلمآت الأغنيه وكآنت منزله رآسها وتشوف يدهآ ترجف وبدأ يعلى صوت شهقاتها

شهد مسكت يدها بحنان : خلاص يارغد مايصير كذآ

رغد تحط يدهآ على راسها : مآآني قادره أتخيل انه خلاص مآت ماأقدر ماأقدر

شهد : لا تتسخطين يابنت حرآم اللي تسويه أستغفري ربك

ببيت أهل يوسف

كآن جاي من العمل تعبان وهلكآن دخل الصاله وشآف امه تتقهوى مع أخوه الكبير

يوسف : السلام عليكم

امه وأخوه : وعليكم السلام

يوسف يجلس بتعب : كيف حالكم

ابو محمد : الحمدلله وينك مانشوفك يالعريس

يوسف : العمل مشدديين علينا "لف على أمه ".. أقول يمه ماردوآ عليكم

امه ضحكت : بدري يايمه يردون علينا خلهم يأخذون وقتهم

يوسف من بعد ماقراء مسج شهد له أنقبض قلبه ..مايدري كيف يقول لأمه كيف بيفتح المموضوع معهم شآف أن الوقت مناسب أنه يتكلم معهم وقال : يمه انا بقولك شي أمس دريت فيه

امه بأهتمام وعيون اخوه مركزه عليه : خير ويش في ؟

يوسق يفرك يديه ببعض : شوفي يايمه شهد لقت بزر عمره تقريبا الحين 6شهور وهم يربونه وهي متعلقه فيه

ابو محمد : يعني ماهو ولدهم ؟

يوسف : لا ماهو ولدهم لقت بالشارع هو لقيط

امه واخوه عقدوآ حوآجبهم لأنهم مافهموآ قصده

امه : فهمني زين ويش تقصد ؟

يوسف : يمه شهد أذا وآفقت ماتبي تترك هالبزر لأنها عاهدت نفسها انها تربيه طول العمر

امه بعصبيه : هذآ اللي ناقص تجلس تربي كل من هب ودب اصلا هالبنت من أول أنا مابي اخطبها لك

يوسف يحول يهدي امه : يايمه صلي على محمد .. البنت مسويه خير

امه : قول له يابو محمد رآيك

ابو محمد : شف يايوسف خطبنا لك اللي تبيها بس ماتوصل لهدرجه ويش بيقولون الناس عنها فكر بنفسك ترى كلام الناس مايرحم

يوسف : بس انا متمسك فيها ومابي غيرها

امه : تبيها لحالها ياهلا .. أما معها عيال خلق الله طبعآ لالالا

يوسق يوقف يبي يتهرب من أمه وكلامها القاسي : طيب طيب انا بستخير.. ورآح لغرفته غير ملابسه ورمى نفسه على السرير يفكر بمسج شهد .. هو ماهو رآضي بهالشي لكنه متأكد مليون بالميه انه يبيها زوجه له مهما كان الثمن .. ويش هو شعور لك ياشهد ؟!..حب – اهتمام – أو أعجاب .. ليش يوم افكر فيك تضطرب دقات قلبي .. ليش لما أتخيل انك جنبي أتمنى من قلبي ان اللحظة ذي تتحقق بلمح البصر

حـــــــب & وخطوآت للجنون

أحبك .. ولا أبي الآ قربك .. ياليتك تحبيني زي ما أحبك بس المهم الحين بتوآفقين والا بتهدمين كل شي حلمت فيه

صحى مفجوع على صوت ماجد اللي فتح الباب بقوه ورمى عقاله وشماغه بطفش

يوسف : هيه انت ماتعرف تفتح الباب بشويش

ماجد بسخريه : بسم الله على قلبك يارقيق .. ترآك رجال يارخمه تخاف من فتحت باب

يوسف يرمي عليه علبه المناديل :الرخمه مثلك وشروآك .. بعدين ا ضن من ادب الدخول طرق الباب

ماجد : من متى تعطينا دروس بالأدآب لا تعلمتها نتعلمها ..

يوسف : شوف لو مايجيك نوم وتنكد علي قسم بالله لا أخلي العقال يعلم على ظهرك تقوم بشويش وعلى اطراف اصابيعك وتسكر الباب

ماجد ينسدح على فراشه ويشغل التلفزيون على الجزيره سبورت يتابع مباراه : لا وتخطب وتتزوج كيف بكره لا صار احد ينام جنبك على طول بتصحى من اخف حركه

يوسف : بالله انت ووجهك تقارن نفسك ببنت تنام جنبي .. شين وقوي عين

ماجد : بكره بتشتاق لنومتك هنا يالحبيب وتتمنى ترجع للعزوبيه

يوسف بضحكه ساخره : اشتاق للعزوبيه أعوذ بالله والله ولا افكر فيها ..

ماجد : نام نام .. ماورآك الا الدمار

كآنت جالسه بالغرفه قلبها مقبوض ماتعرف ليه .. فهد تأخر برجعته طلع من الصبح ولا رجع .. شافت الساعه تشير الى 3:30 قريب أذآن العصر .. قلقت كثير تدق على جوآله مايرد أول مره تطبخ غداء من زوآجها أشتاقت للمطبخ ولهوآيتها الطبخ ... برد الأكل وهو مارجع مقابله الطاوله اللي مجهزتها من بدري لكن للأسف كل ثانيه تمني نفسها انه أحتمال بعد ثوآني يدخل مع الباب .. أول مره تحس بالشوق له لكن لعبة مشاعرها بدت مع بدآية صحو احاسيسها .. مانست منظر رزآن معه ومياعتها بالكلام .. بدأ يتجدد كرهها له وقفت وأتجهت للطاقه وبعدت الستاره وهي تتأمل شوآرع الرياض الكبيره المزدحمه بكل وقت

شوق : من جدي أنتظره أنا ... نسيت اللي سوآه معي وغير انه مايرآعي شعوري وأناني ..

سمعت صوته ورآها يرد عليهآ : أنا مارآعي شعورك ومعك شي فريد الكل يتمنونه

لفت عليه وهي رآفعه حوآجبها ماأنصدمت من كلامه : ياشين الوآثق " أبتسمت بخبث وطالعت فيه بنظرآت مافهمها او بالأحرى تجاهلها " .. اليوم طابخه لك غداء

فهد ابتسم : شكلك رآضيه علينا

شوق ت سحب الكرسي وتجلس: الأكل برد أجلس تغدآ

نزل شماغه وعقاله وحطها على الكنبه .. وسمى بالله وقال : ويش يضمني اني ما أتسمم

شوق ضحكت: لو أبي اسمم أحد كآن سممت رزآن .. وبدوآ يأكلون ومن جوعه أكل صحنه كآمل

شوق : أحط لك زياده

فهد : ياليت لاني جوعان بالمره .. وزآدت له صحنه

فهد : أول مره أكل طبخ بيت

شوق بأستغراب : ليش أمك ماكانت تطبخ الله يرحمها ..

وقف الأكل ببلعومه

حس تنفسه وقف والدم تجمد بعروقه ... سيرتها تجدد الجروح والآلآلم بقلبه

تحمل كثير ولآزآل يتحمل كثير .. يعآني من غربة الوطن .. وغربة الروح

جسده ميت وروحه أنعدم أحساسها من هذآك اليوم .. ظلم نفسه وظلم ناس كثير معه

والسبب الأول والأخير {أمـــــــه }+{ أبــــوه }

عانى في طفولته من قسوة الابوه .. عانى حرمآنه من حضن الأمومه

طالع فيها بجمود ونظرآت ميته .. لأول مره نفسها تحضنه وتحتويه باللي فيه لمعة لألم اللي حافظتها وذآقته مرآرتها شافتها لأول مره بعينه برق الحزن نظرآته .. تعلقت عيونها فيه تنتظر ردة فعله ترك الملعقه ووقف ورآح يغسل يده

غمضت عيونها بألم قلبها يحس فيه يحس بمعاناته الخفيه عنها فضولها يدفعها أنها تعرف سره الغامض .. فهد بالنسبه لها أكبر علامة أستفاهام بحياته .. لغز صعب حله .. أمبرطور تصعب هزيمته

هيبه & قوته &شموخه & ذكآئه & فطنته & وتحقيقه لأهدآفه بدقه متناهيه

كلهآ عوآمل تحفزها أنها تمشي بطريقه المظلم حتى تكشف لو جزء بسيط من غموضه .. شالت الأكل عن الطاوله وألتهت بالمطبخ تغسل الأوآني ماتقدر توآجهه بعد كلمتها اللي شافت أثرها الفادح عليه .. بعد ماخلصت مسحت يدها ونزلت المريله عنها

طلعت وشافته وآقف بنفس مكانها قبل يجي ومثبت يده على الجدار ويطالع مع الطاقه سرحآن لدنيا ثانيه سرحآن بماضيه الأسطوري خلد ورآها ذكريات حارقه وعذآب يومي يصارعه لمدى الحياه شكله يوحي للعيون انه مرتاح وعايش حياته وما أحد يدري انه يعاني ويعاني بصمت وسكون وكل شي بقلبه

قربت منه أكثر صارت ورآه شعور مغناطيسي يجذبها له يقودها ونفسها تطاوعه ولا تقاومه او تتمرد عليه

وقفت جنبه وشبكت يدها بيده ووعيونها على وجهه اللي مالف تجاهه وظل يطالع المكان اللي يطالعه

لفت يدها على ظهره وضمته وهي تهمس له : تكفى لا أشوف هذي النظره بعيونك أنا قوتي من قوتك

تفاجئ من كلمتها اعترآف زلزل كيانه الخامد

قوتها من قوتي ؟!

وين شوق القديمه ... "نزل وجهه وشاف رآسها على كتفه وعيونها ألتقت بعيونه "

شآف بعيونها شي جديد شوق جديده تكونت بفعل الزمن وأفعاله

{فهد }

أنا اكيد أحلم باللي أشوفه هذي مو الأنسانه اللي قررت أرتبط فيها عشان أحقق فيها أهدآفي أنا كونتها كونت الوحش بدآخلها بدون ما أحس "صرخ بأعمآقه " لآ تـــكــفـــين لآتــصيـريــن نسخة من فـهــد

اللي قطعت سرحآنه بعيونها العسليه اللي تيهته فيهآ وهمست بصوتها الأنثويه السآحر : أوعدني ماأشوف هذي النظره بعيونك ..

{ومــآ لبــث أن يــســتيــقــظ ضــميره حــتـى أســتيــقــظــت مـعـه شيــآطــيــنــه }

أبتسم بخبث وضمها أكثر حس أنها نصفه الثاني المكمل لمملكته الشيطانيه ووقال : جهزي نفسك بنروح جده الليله

شوق : الليله ؟!

فهد يبعد ويتجه للغرفه : أيه خلاص مليت من هالرياض ضاق صدري فيهآ .. بنرجع جده

شوق : بس بشوف أهلي أشتقت لهم

فهد أبتسم : لآ تشيلين هم بنروح للمدينه هذآ الأسبوع بس اول شي نروح جده في كم شغله أخلصها وبعدين ننزل للمدينه

شوق جت لجهته وباسته على خده : الله لا يحرمني منك ..

هذي أول كلمه تتلفظ فيهآ له .. قالتها من قلب

أكيد لأنها بتشوف أهلها .. وأشتاقت لهم ..

تأكد بهذي اللحظه انها صارت لعبه من ممتلكاته يشكلها على الشكل اللي يريده ..

فرح بالنتيجه هذي اللي تنحسب لصالحه وضمها بقوه لصدره وأخذ نفس طويل وريحة عبير شعرها تأسره

ماعمر كآن بحياته جزء انثوي الا لغرض معين وروتين مُمل لكن من دخلت محيطه غيرت أشياء كثيره فيه زي ماغير أشياء فيهآ .. وكآنت هذي الضريبه

{فهد }

تغيرت كل حساباتي حياتي معها اخذت مجرى ثاني ماتوقعته ماتوقعت انها تسلمني كل أسوآرهآ بكل سهوله والعب فيهآ زي ما ابي كنت مفكر انها بتعاندني وتخليني اخذ كل شي منها بالغصب لكنها حسبتها صح هالمره أنا وهي متأكدين اني حبل النجاه لها بس بغض النظر عن كل هذي الأشياء غيرت أشياء فيني طفيفه

هذآ مو حب هذآ شعور تملك أنا متأكد منه ..

طعمها الأنثوي مختلف عن كل نساء الدنيا لها رونق خاص فيهآ أجمل شي لما تكون بين يدي وتذوب بأحضاني وتفجر فيني مشاعري الرجوليه شي خاص لي لحالي ما أحد يشاركني فيهآ تسوي اللي أبيه بدون ما أطلبهآ حلالي أنا وبس شي مختلف عن كل اللي جربته ومريت فيه وانا بالنسبه لها شط الأمان تهرب من الكل وأكون لها الأمان والمرسى وتستقر بأحضاني تشعرني بنشوة التملك

اعترفت بدآخلها بصرآحه (هذآ هو خياري الأستسلآم لفهد لأنه ماينفع معه العناد لآني لو عاندته رآح يدمرني)

أستحت وأكتست الحمره خدودها من بعد بوسته على شفايفها الورديه بعدت ودخلت الغرفه وهي تحاول تشغل نفسهآ بأي شي عنه أما هو مبتسم على خجلها تزيد رغبته فيهآ مشى ورآها ووقف قبال الدولاب

فهد : ليش تستحين أنا زوجك

شوق بحياء : أنا خجوله بطبعي

فهد قرب ولف يده على خصرها : ويش يجنني غير خجلك

شوق سكتت وارتبكت من كلامه وهمسآته اللي تحس بحرآرته انفاسه لما يلفظها نزلت رآسها ما تقدر تحط عينها بعينه مثل هذي اللحظآت توترها وخصوصا قربه منها ضم يديه على وجهها ورفع وجهها بحيث أنها تشوفه وعيونه تلمع وكآنت متقطعه من الحياء تتهرب بنظرآتها حتى ماتلتقي عيونهم

فهد : حطي عينك بعيني لا تتهربين

حطت عينها بعينه شفايفها ترتعش من التوتر ماقدر يقآوم جاذبيتها السآحره وملامحها القاتله وشكلها الطفولي بالبجآمه الورديه اللي تبين تفاصيل جسمها وبارزه نحرهآ وبياضهآ الصافي حط يده خلف رقبتها وبدأت تقل المسافه بينه وبينها

يحس بلهفه متعطشه للقاء شفايفها نزل يده لظهرها ولمس أخر خصرها قرب منها الى أن اصبح جسمهم كتله وحده قبلهآ بعمق والنار تشتعل بدآخله نسى كل شي حوله من لذة شفايفهآ شالهآ بين أحضآنه وأختل توآزنها

صرخت : أنتبه بطيح

فهد ضحك : تطيحين ؟!.. هيهآآآت بـــس .. نزلها على الأرض قطع جوهم نغمة الجوال طلت فيها وهي كآتمه ضحكتها لآنه عقد جوآحبه بتضجر ورد على الجوال وجلس قبالها على طرف السرير

خالد : سلاآآآم بالقاطع

فهد : الله لا يسلم فيك ولا عظمه

خالد يضحك : آفآآآ ماتقول كذآ الا اذا خرب عليك شي

فهد : خربت انت كل شي وبعد تضحك آخ لو أشوفك الحين بس كآن أتوطى فيك

على الطرف الثاني كآن ميت ضحك على فهد هو يتكلم بغيض وقهر حست وجهها ولع من كلام فهد وتحركت بتمشى للصاله الى ان يخلص مكالمته لكنه مسك يدهآ

خالد : نسيت ما مضى لما تضحكون علي أول انت أنقطعت مره وحده شهر وزياده ماشفناك على الأقل انا كنتوآ تشوفوني شبه يومي

فهد : اترك القمر وأطالع وجهك انت .. تبي كبدي تلوع

خالد : لالالا ويش ذآ فهيدآن انت رايح وطي

فهد : طيب ويش تبي متصل

خالد : بس بسلم عليك مو ناسينا

فهد : الله يسلمك ويالله مع السلامه

خالد : على مهلك شوي شوي

فهد : خلصني ياخي

خالد : اقول طس لزوجتك .. مع السلامه

وقفل الجوال بوجهه فهد اللي ضحك عليه وسحب شوق وجلسها بحضنه

رجعوآ من المدرسه كل وحده ساكته وماتحاكي الثانيه

جلسوآ على سفرة الغداء وتغدوآ مع ابوهم الا رغد اللي تعذرت بأنها تعبانه وبتنام

ابو مها : شهد رغد ماصارت تروح مراجعاتها اليوم كلمني الدكتور

شهد : ترفض تروح تقول ماتحس بشي وتحسنت كثير

ابوه بحده : من اليوم ورايح انا بروح اوديها موآعيده هي صارت تتساهل بكل شي

ريم : يبه هي نفسيتها دمآآر

ابوها : بلا نفسيه بلا خرابيط بتضيع عمرها على سكوتها حتى نسألها ويش تحس فيه ماتجاوب

ريم : لاتضغط عليها يبه خلها براحتها

ابو مها : انا ماحب الدلع اذا زآد قلنا يمكن تعبانه بس الحين مالها عذر لازم تروح مرآجعاتها والحين بروح اكلمها

وقف ورآح غسل يده وبعدها توجه لغرفتها وفتح الباب شافها تقرأ قرآن .من شافته دآخل عليها الغرفه قفلت المصحف وجات لأبوها

رغد : هلا يبه بغيت شي .. انتبه لعيونها المتوره وعلامات البكاء وآضحه عليها

ابوها : اسمعي يارغد بكره عندك مرآجعه بالمستشفى بتروحي معي لها خلاص

رغد : بس يبه انا طيبه مافيني الا العافيه

ابوها : اذا قال الدكتور مافي مراجعات ذيك الساعه خلاص ماعاد بغصبك على شي بس مايصير يايبه تهملينا هذي صحتك يابنتي الصحه ماتنعوض بأي ثمن

رغد : عارفه يايبه

ابوها : اجل اسمعي كلامي الله يرضى عليك

رغد بأنصياع : ابشر اللي تأمر فيه بسويه بكره بروح معك للمستشفى

ابو مها : الله يعافيك يابنتي هذا كله من خوفي عليك

وطلع من عندها مرتاح ومبسوط ورآح لغرفته وأخذ قيلوله يريح فيها جسمه من كد وتعب النهار حتى يكمل باقي شغله المساء

دخلت سحر لغرفتها ونامت هي وريم وسمر اما هنادي نقلت اغراضها لغرفة شوق بعيد عنهم حتى تأخذ راحتها اكثر تحسسهم بفقدآنها وكآنت بنفس الوقت محتاجه تكون لحالها لفتره بسيطه حتى ترآجع حسابتها وتغيرت بعض قراراتها وتغير بنفسها اشياء ماتحبها وتطرو نفسها للأحسن

شهد بعد ماغيرت لمشاري نومته جنبها على السرير بعد تعب من المحاضرات والغداء وقبل لا تنام فكرت باللي أسر عقلها وتفكيرها تبيه ونفس الوقت خآيفه تتسرع بقرآرها .. بعد أستخارتها أرتاحت له .. ومن فتره كتمت مشاعرهآ بقلبها وماسمحت لهآ بالخروج عنه .. نفضت الأفكار وهي تحاول تنام بعد ماطبعت بوسه على خد مشاري اللي أعتبرته ولدها اللي ماولدته

بعد العصر

كل وحده خلصت أشغالها من تنظيف وترتيب وغسل ملابس .. وكآنت ريم تتكشخ بالغرفه لأن سيف كلمها وبيجي بعد المغرب يشوفهآ لأول مره من بعد ملكتهم

ريم : والله محتاره ويش البس الجينز والا تنوره قصيره

سمر كآنت فاتحه مجله بيدها وقالت : لا ريومه البسي بنطلون أستر واحلى ويبين تفاصيل جسمك

ريم بنص عين : والله انك دآهيه دآمك انتي قلتي رائيك تعالي نقي لي بنطلون

سمر رمت المجله بفرح وقالت : من عيوني كم ريومه عندي .. وفتحت الدولاب تختار لها بنطلون بعنايه

آما ريم كانت جآلسه على كرسي تسريحتهم وسحر ورآها تجعد لها شعرها بالجل حتى يعطي شعرها حيويه ومنظر طبيعي أكثر

سحر : ماسويته مره أوفر خليته نآآعم شوي

ريم تلف شعرها يمين ويسار : تسلم يدك سحورتي الله خليكم لي كل وحده ماسكه عني شي

سمر بعد لفه طويله لقت البنطلون المنشود وطلعت معه بلوزه فوشيه وبتعب : هاه ويش رايك

ريم ابتسمت : ايه ايه موآفقه مرره حلو تعرفين الفوشي أموت عليه

سحر تسحب سمر : طيب البسي عشان نكمل لك الباقي

ريم : خليكم ورى الباب الحين البس بسرعه

بعد ماطلعوآ عشان تلبس نادتهم رغد

سمر : هلآ

رغد شايله ميشو بحضنها : تكفون خذوه جنني يبكي ويلعب ماعرفت له

سحر تضحك وأخذته من رغد : هآآتي المزيون ذآ ابو خدود ورديه .. وباسته

رغد : ترآني حاجزته لبنتي لاتحطون عيونكم عليه

سمر ميته ضحك : تزوجي أول بعدين أحجزي برآحتك

رغد تمد لسانها : مالي شغل لو بعد مية سنه مشاري لبنتي ههههه

سحر : ههههههه طيب لايطق فيك عرق

رغد : بروح المطبخ أجهز القهوه ابلشنا هالسيف

سمر : ياويلك لو تسمعك ريم تزعل

رغد ترفع صوتها : أمزح أمزح العين أوسع له من المكان

ريم تفتح الباب بعد ماسمعتهم : رقعي يختي رقعي اقول سحر تعالي شوفي البنطلون

دخلوآ ثلاثتهم وهم يصفرون

ريم بتكشيره : احسه ضيق مره

رغد تطالعها من فوق لتحت : أشوف لفي طيب .. وأخذت لها لفه

سحر : هو ضيق بس ماهو مره

سمر تغمز لها : ياخبله هذآ زوجك الحين استغلي الفرصه

ماحست الا بيد رغد تضربها على راسها

رغد بحده : بلازوج بلا خرآبيط انتبهي تسوين شي سآمعه

ريم حمر وجهها : اكيد غبيه أنا المهم ويش رآيكم

كآنت لابسه بنطلون سكيني جينز فآتح وفيه رسومآت بالوردي على الفخذ والفخذ الثانيه فيهآ زي الفتحآت وآضحه منها الرجل وبلوزه تول فوشي مكسره من تحت الصدر وفيهآ كرستآله قريبه من لون الجينز وكمها كم الفرآشه بكشكشه بسيطه ونآعم مسويه شعرها تجعيد هآدي ولبست طوق وردي ونزلت خصلآت مايله من شعرها على وجهها وحطت روج فوشي وكحلت عيونها وكآنت طبيعيه لأبعد حد ونآعمه بشكل يأسر العيون

سحر : والله كذآ حلو

رغد : توكلي على ربك أخرتيني ماسويت القهوه ..ورآحت للمطبخ

دخلت هنادي تبي تأخذ لها دفتر نسته بدرجها وتفاجئت بريم متكشخه لكنها سكتت وماسألتهم وهي ميته وتعرف ليش متكشخه بعد ما أخذت الدفتر رآحت بسرعه للمطبخ لقت فيه شهد ورغد

هنادي : اقول ليش ريم متكشخه كذآ

شهد ضحكت : بيجي سيف يقابلها أتصل على ابوي الظهر وابوي وآفق

هنادي : حركآت وأنتم ويش تسوون هنا

رغد : حلى وقهوه

هنادي تدور صينية الحلى : ما أشوفها وينها

رغد تتخصر : تبين تذوقين .. مآآفي

هنادي : بشوف شكلها بس

شهد ميته ضحك : لاتشوفين ولاشي روحي ذآكري

هنادي تحط الدفتر على طاولة المطبخ : يرحم وآلديكم ابي اذوقها بعدين اعرف ما ألقي لي تذويقه

رغد : شوفيهآ بالفريزر وقطعه وحده بس سآمعتني

هنادي : أبشري كم رغوده عندي .. أول مافتحت الفريزر شافت صينتين

هنادي تشهق : صينيتين حلى وآآآو اللهم زد وبارك

شهد : ذوقي اللي على شكل مكعبات ترى أنا سويته

هنادي تطلع لها صحن وتأخذ قطعه صغيره رغم ان نفسها بوحده كبيره لكنها خايفه من رغد : ابشري الحين اذوقها وأعطيك رأئي .. بس مين اللي سوت بالشكوكولاته

رغد : أنا وشهد سوت بالكرآميل

هنادي : الله يعطيكم العافيه طبآخات أنتم بالله علموني بس الحلى

شهد : ذوقي ذوقي بس وخلصينا .. وقبل لتحط القطعه بفمها

دخلت سمر وشهقت : يآسلام من قبل شوي اطلبكم بالأخير تخلوني هنادي تذوق .. وطاحت القطعه على الأرض

هنادي شوي وتبكي : أهب ياعينك تف تف بسم الله علي اللهم سكنهم في مسآكنهم

سمر تكشر : بسيطه ياشهيد بردها لك

شهد ميته ضحك عليهم تحس الطفوله زآيده عندهم : بالافراح يارب

رغد تغمز لها : قريب تردها لك يارب

هنادي بنظرة شك : ويش الأفراح في أن بالموضوع لاتكون وآفقت على اللي خطبها

حمر وجه شهد لأول مره وأستغلت هنادي الوقت

هنادي : لا اله الله شهد الجنيه مستحيه تكتب في تآريخ الممكله العربيه السعوديه

شهد وعيونها شوي وتطلع من محلها : ليش يعني قبل ماكنت استحي

هنادي تنقز وتجلس فوق المطبخ : صرآحتن في مامضى كآن الخجل في ديرتون وأنتي في ديرتون أخرى ولم تجتمعوآ قط بس الله أعلم انه اليوم غازي حمانا

رغد تضحك : يقلع شرك ياهنادي ماتتركي حركآتك

سمر ودموعها على خدها من الضحك : أنا مع هنوده باللي قالته

شهد كشرت وبحزن : آفا يعني ماكنت أستحي مالت عليكم المفروض ترفعون معنويآتي مو تحطموني

هنادي : انتي محطوطه لوحة فوق رآسك مكتوب فيها منطقه خطر وجنبها دينجر دينجر خخخ

شهد تنزلها عن المطبخ : روحي ذآكري ياشيخه فكيني

هنادي تضحك : بروح غرفتي عندي بكره اختبار

بآلغرفه

كآنت متوتره شوي وخآيفه صحيح انها متعوده عليه وتكلمه لكن صوت بس مو تشوفه قدآمها

بدأ قلبها يدق بسرعه وبان على ملامحها الخوف أنتبهت لها سحر

سحر : ياساتر ويش فيك خآيفه

ريم تفرك يدها ببعض : متوتره اعرف نفسي ماني جريئه

سحر : مو تكلمينه أنتي خلاص اكيد متعوده

ريم : بس الحين بشوفه وجها لوجه والله استحي منه

سحر تضربها : شوفي لينا خربتها يوم ملكتها كآنت عادي ماهي خايفه مره كيف لو تقابله والله لاتجيب العيد سوي زيها

ريم : قصدك أجيب العيد

سحر ضحكت بصوت عالي : هذآ اللي جاء ببالك .. طبعا لا اقصد كوني جريئه وسولفي معه عادي يعني قولي له أشتقت لك من زمان عنك وكذآ

ريم وعيونها كانها مفجوعه : اشتقت لك ليه وين عايشين

سحر تتخصر : ياشيخه مو بالجوال ذبحتوآ بعض بكلام الغزل

ريم : قلتيها بالجوال مو بالمجلس

سحر تقرب من ريم : ياخبله ترى ايام الخطوبه ماتنعوض عيشي كل لحظة فيها

ريم تفكر : ولو استحي

سحر عصبت : جاتك نيله روحي طيب ياخجولة زمانك

ريم ضحكت عليها : طيب خلاص بحاول اسولف واجيب هرجة

نزل من غرفة وهو كآشخ كأنه بيتزوج الليله لابس ثوب مفصله خصيصآ عشان يقابلها فيه ولبس شماغه الأحمر وريحة عطره ماليه المكآن .. شافته امه نآزل مع الدرج جاء للصاله اللي مجتمعين فيهآ وباس رآس أمه وجدته

الجده : بتروح لهآ ياوليدي

سيف : ايوه ياجدتي بس بمر محل وبعد صلاة المغرب اروح لهم

أمه ابتسمت له : الله يسعدك ويهنيك يايمه بس حاول ترجع بدري وتلحقنا بأستراحة عمك

سيف : ابشري يايمه من عيوني

الجده : سلم عليها ياولدي ريم مافي زيهآ بالاخلاق

سيف أبتسم : يوصل ان شاء الله

ساميه تميل فهمها : وع من زينها مدري ويش عاجبكم فيهآ اصلا سيف يخب عليها

الجده عصبت : اضن انك غيرآنه منها ياساميه

ساميه رفعت حاجبه : مابقى الا القرويه ذيك اغار منها

أمها تغمز لها عشان جدتها : ماله دآعي الكلام ذآ

سيف عقد حوآجبه وبنفسه يفهم ليش ساميه تكره ريم وماتدآنيها كل هذآ عشان رفض يتزوج كوثر والا في سبب يجهله طنش اختها ونفسها الشريره ووقف : أستأذن الحين مع السلامه

الكل : مع السلامه .. وقبل يطلع من باب فلتهم سمع صوتها

ساميه : انتبه لا يسحرونك هذول الناس مالهم أمان

طلعت وصفق الباب بقوه ورآه وبدآخله يغلي غلي من كلام اخته السام

الجده : ماتستحين انتي ما أخبر البنات يطولون لسانهم مثلك الظاهر التربيه مالها درب عليك

ساميه : والله ياجدتي حفيدك ذآ هو اللي رآح واخذ لنا من ناس سمعتهم مدري كيف

امها : هذول الناس مافي زيهم بس انتي مدري ايش فيك عليهم ماشفنا منهم الا كل خير

ساميه بحده : خير اي خير الله يسلمك يمه يكفي يوم خطب سيف بنتهم الناس قاموآ يقولون ابو سيف خطب لولده بنت اختها مخطوفه والثانيه تزوجت بدون علمهم

الجده عصبت منها : يابنت قومي روحي غرفتك قبل ماتسمعين كلام مايسرك

وقفت وهي تتضجر منهم ومن عنادهم لكن مستحيل تأيس مستحيل تخلي هذآ الزوآج يتم بأي طريق ممكن تسويها

المغرب