يا خاطفي وين ألقى عزتي في زمان المذلة ! / كاملة الفصل الثالث 3 - بقلم Mohaithan

بالرياض ...

فهد : انا مضطر ارجع جده يبه

ابو رياض : ليش ماتستقر هنا وانا ابوك ..

فهد : يبه كم مره تفتح معي هالموضوع قلت لك ماقدر اجي هنا والحياه متعود عليها هناك

ابو رياض : هناك مثل هنا .. لازم ترجع وتكون مع اهلك وجماعتك هنا

فهد : يرد الله خير ... ان شاء الله مايصير الا اللي يرضيك

رياض : متى طيارتك

فهد : المغرب

ام رياض : الحمدلله يعني بتتغدى معنا

فهد ابتسم : ايه ياخالتي بتغدا معكم

ندى وقفت بتطلع غرفتها ..

ابو رياض : على وين ياندوو ؟؟

ندى : بروح غرفتي يبه .. وعيونها على فهد اللي نظراته له حرقتها من اول الجلسه

امها : اجلسي معنا يايمه .. ليش تحبسين روحك بغرفتك انتي صاير لك كم يوم متغيره

ندى : لا متغيره ولاشي يمه .. بس افكر بالاختبارات ناسيه اني ثالث ثانوي ولازم اشد حيلي

الكل : الله يوفقك ياررب

ندى : امين .. الحين بروح غرفتي .. وراحت بسرعه عالغرفه

اول مادخلت كانت عارفه انه بيلحقها قفلت باب غرفتها .. وجلست على مكتبها .. فتحت لاب توبها الفوشي دخلت على المسن ماشافت ليان ولا دانا اللي كانوا 24 ساعه على المسن

ندى : يارربي وين اختفوا من رجعنا مالهم حس حتى جوالاتهم مقفله ... ويش سوى معهم فهد ... آآآآه حتى الطلعه محاسبني عليها .. تذكرت صورها والمقاطع ..مسكت راسها تحس بدوخه وصداع ..

ندى ويدها على راسها : متى اخلص من المشكله ذي .. فهد احس ولاهامه اللي صار معنا لو يدري ابوي والله غير يذبحني والا هزاع آآآآه بـــــس راح اموت من التفكير حتى نوم ماتهنى فيه ... مشت باتجاه سريرها قبل تجلس اندق باب غرفتها ..

ندى : ميـــن ؟!

امها : افتحي ياندى .

ندى : ياربي اكيد بتسالني كالعاده وتزن فوق راسي لين تعرف لكن مستحيل اقول ..

:::

:::

:::

بالمزرعه ..

هنادي : خلونا نلعب غميمه ..

خلود : موافقه ..

ريم : بس بدون غش خص نص هنووده

هنادي تكشر : ياربي ليش دايم يركزون علي بالغش بالمدرسه وبالبيت وبكل مكان .. اووف

سحر تدقها بقوه : هيه لاتكوني ماتدرين ليش

هنادي : لا ماعرف ليش علميني ؟

سحر : لانك اكبر نصابه على سطح الارض

هنادي : طيب طيب خلونا نبدأ بسررعه ..

خلوود : ريم عليك العد .. يالله ابدي

بجــهـه قريبه ماهي بعيده كثير كانت شهد ورغد مع بعض

شهد : احس مستواي رجع حسن من اول

رغد : ايه ملاحظة .. بعد اللي صار تغيرت فيك اشياء كثيره

شهد ترجع شعرها عن وجهها لان الهواء يلعب فيه : اممم زي ويش تغير فيني

رغد : اخلاقك مرره متحسنه حتى مع شوق وانتي تكرهينها

شهد تغير وجهها : لاتقولي تكرهينها يمكن ماحسيت فيها بس مهما صار هي اختي وبتظل اختي

رغد : مشاء الله والله في تحسن ملحوظ بقناعاتك ..

شهد : رغد بلا تطنز ..

رغد : انا ماتطنز على قولتك .. بس تعالي كوثر علامها علينا

شهد باستغراب : علمي علمك .. ماتطيف مني كلمه على طول تشب فيني

رغد : يالله بالمهفي ويش نبي فيها اللي يبينا نبيه غير كذا الله يسهل عليه

شهد : صدقتي ... الا شخبار عبودك يحلووه

رغد : اخـــبـــ...... قاطعهتها نغمه الرسايل

شهد تشوف الساعه ومستغربه : مين اللي يرسل الحين

رغد كمان باستغراب : مدري بشوف الحين .. اول مافتحتها ارتسمت بسمه عذبه على شفاتها وقرات احرف رسالتها اللي اخذتها لدنيا ثانيه

صبآح آلخير" يـ/ آحلى صبأح بدنَيتيَ ،،

صبآح آلنور" يـ/ نور طلَعوآلقلبً حيأ به .."

هلآ بآلحبً يومَ أنهً تغنى وطلتهً "طله) ،،

هلآ بـ\ آلشوقًَ لأ غردَ منَ محيأك وعذآبه ..]

حضؤركَ بهجَة آلجوريً وزهرًألكآديَ:

وفلة حضّوركً بهآ ! رومأنسيهً "

وموسيقى× حيلَ جذآبه×

شهد : ههههههههههه اكيد عبوود

رغد بانت غمازاتها من ابتسامتها : يس افكورس ماي بيبي

شهد تقلدها : ماي بيبي .. هاتي خلينا نشوف حبيبك ويش كاتب لك .. قرأت الرساله

شهد : وـآآآآـو صراحه مرره حلو المسج

رغد تسحب الجوال وتضمه لصدرها : وه بس فديته .. تكفين ياشهد تقولين الصدق بالله مافيه ملح يذوب الواحد ط

شهد : ملح !!.. الله يخلف على عقلك بس

رغد تغمض عيونها وتتذكر شكله : وي وي فديته والله يجنني بكل مافيه بسماره بغترته بسكسوكته بشعره .. آآآآه اروح ملح معه

شهد : هو ماهوشين بس تبين الحق انتي تخبين عليه هو بس من عيونك راح فيها كيف لو شاف وجهك .. وتمقل بك زين والله غير يستخف

رغد : بس بعيوني احلى من العالم كلها

شهد : وووع والله اللي دايم معه خويه بالشكل احلى منه ولا في وجه مقارنه بينهم

رغد تفكر : قصدك يوسف خويه ؟؟!!

شهد : والله مدري ويش اسمه بس اللي مره تهاوشت معه

رغد : ايه ذاك يقول عبود البنات يغازلونه صح احلى بالشكل بس سامج مايعجبني مرره الولد اذا جاء مزييوون مره وابيض وناعم مايدخل مزاجي احسن شي لما تحسين فيه رجوله بشكله وتعامله زي عبودي فديته

شهد : اقول ويش رايك نروح عند عمتي وشوق ابرك لنا من سوالفك لوعتي كبدي بعبودك ووع عليك وعليه

رغد تمشي قبلها : اقول مناك تحصلين واحد مثله روحي زين ... واتجهت للبيت .. وشهد تضحك وتلحقها

كانت تدور لها لها مكان تخبئ نفسها فيه عن خلود عشان ماتكشفها .. لفت بالمزرعه شافت المستودع قررت انها تتخبئ وراه .. مشت بأتجـــاهه بسررعه .. لما قربت سمعت صوت جاي من داخل المستودع .. شافت الطاقه وراحت لها عشان تشوف مين اللي داخل ..

...: خلاص طيب اعرف انك تحبني كل ماشفتني بتعيد لي نفس الكلام

...: ويش اسوي بقلبي يحبك من كنا صغار .. بس انتي ماتقدرين حبي لك

...: ويش تقول انت !!.. انا احبك زي ماتحبني نسيت رسايلي لك والا تتناسى

...: مانسيتها ومستحيل انساها .. ولسى محتفظ فيها وراح احتفظ فيها لاخر يوم بعمري حتى لو كنتي لغيري

... مسكت يده بحب : ان شاء الله ما اكون لغيرك .. كل يوم ادعي ان ربي يجمعنا مع بعض ومايفرقنا ونخسر حبنا لبعض

...: لو تروحين مني اموووت .. مدري ويش يصير فيني .. انا احب كل مكان يجمعني فيك .. يكفي اني اتنفس نفس الهواء اللي تتنفسيه

...: احـــــبــــكـ .... قرب وطبـــع على خدها بوسه تعبر لها عن حبه وعشقه الابدي لها

لفت بسررعه والدموع مغرقه عيونها .... مشت خطوه وخطوه وخطوه حست الارض تلف

فيها اللي شافته شل جسمها وعقلها وكل حواسه ... كانت بتطيح لكن استندت على الجدار .. خانها قوتها واندثرت دموعها على خدها الناعم .. تلاشت كل احلامها واصبحت مجرد سراب

كانت تلاحقها .. تلاحقه من سنين وماكانت تعرف الخافي ... سر انكشف لها كانت جاهله عنه او بالاصح كان من المستحيلات انه يصير .. جلست على الارض وتبي تصرخ وتنادي اي احد

.. لكن صوتها بذيك اللحظة اختفى .. تحس باحد يخنقها وبدت الدنيا تسود بعينه الى ان غابت

عن الوعي ..

بالبيت اللي بالمزرعه ..

رغد وقفت : انا طالعه اتمشى لحالي ..

شهد ابتسمت لانها فاهمتها زين : انتبهي لطريقك ..

رغد تغمز لها : لا تخافين علي ان شاء الله بدير بالي ..

شوق : مري على الاسطبل شوفي الجموح ..

رغد : اوكي .. من عيوني .. يالله سيوو

طلعت وبعدت عن الكل .. اتصلت على رقمه اللي حافظته عن ظهر قلب

جاء صوت كل وله وشوق لها : يــــآآهــــــــــــــلآ وغــــــــلآ

رغد : هلا فيك .. كيف حالك مع الجو اللي يجنن ؟!

عبدالله : الحمدلله مبسوط

رغد : ماطلعت تتمشى ؟

عبدالله : لا استنى يوسف والشباب يجون بنطلع على طريق القصيم للاخر الليل ونرجع

رغد بفرح : صدق !!.. انا بمزرعتنا الحين وعلى طريق القصيم

عبدالله بصدمه : ياشيخه !!.. شفتي كيف الصدف دايم تجمعنا

رغد : ايه شايفه .. مدري ويش يسمونه ذا

عبدالله : اكيد له علاقه بالحب والقلوب

رغد : واثق بالمره انت ..

عبدالله : ههههههههههه ايه واثق .. بشريني عنك ويش مسويه

رغد : والله الحمدلله مستانسه مع الجو الحلووو

عبدالله : تخيلي لو اننا الحين مع بعض ... اتذكرت كلام هنادي بالسياره ..

رغد : ههههههههههههههههههههههههههههههههههههه

عبدالله : دوم الضحك يارب بس على ويش

رغد : ذكرتني بكلام اختي اليوم بالسياره ههههههه

عبدالله : ليه ويش قالت

رغد تلف بجهة المستودع .: تـــ...ـــقــــ...ــوووول ... شافت سحر على الارض صرخت

ســــــــحـــــــــــــر .. رمت الجوال وركضت لها

رغد ترفع راس سحر : سحر سحر .. ويش فيك .. " تهزهــآ" ..سحررررر ارتبكت ماتدري ويش تسوي .. مسكت يدها تشوف نبضها كان بطئ مره ...

رغد تصارخ : يــــــــــــبــــــــــــه .. الحقوووني .. ســــــحر سحر .. ضربتها على خدها بشويش ..قامت تهذي بكلام

رغد مصدومه ارتسمت لها الصوره ... وقفت ودخلت المستودع وماشافت احد .. طلعت وجلست تصارخ شافت هنادي جايه تركض ومعها ريم

ريم من بعيد : ويش فيك رغد

رغد ودمعتها على خدها : الحقوووني سحر مغمى عليه .. واتجهوا لها

::

::

يـــتـــبــع

:::

:::

يوسف : اهدى يا عبدالله ان شاء الله مافي شي

عبدالله : وشلون مافي شي وانا اسمعها تصارخ وكأنه تبكي ..

يوسف : يمكن شافت شي وانفجعت .. والا يمكن احد عندهم صار ه شي خلاص استهدي بالله

عبدالله : كسرت جوالها ما ترد عليا .. اكيد في شي هي ماترد الا اذا كان في شي

يوسف يحاول يهديه : خلاص ياشيخ نكدت علي .. قلت لك بأذن الله مافي شي ..

عبدالله : ياررررب

::

::

شوق تمسح على شعرها : سحر ويش تحسين فيه ؟

سحر تشرب مويه : الحمدلله احسن الحين .

شهد : ويش صار لك تكلمي ..

سحر تذكرت اللي شافته وسمعته .. حاولت تتمالك نفسها : كنا نلعب ورحت اتخبئ عن خلود جيت ورى الشجره وحسيت بدوخه وماحسيت بنفسي الا وانا بحضن رغد وبعدها ماحسيت بشي الا لما صحيت قبل شوي ..

شوق : يمكن قرصك شي

رغد : لا شيكت عليها اسئلي ريم وهنادي مافي مكان اصابه او شي كذا

سمر تمسح دموعها : خلي السواق يوديك المستشفى

سحر : لا مايحتاج الحين بخيرر واقدر امشي

شوق : لالا خليك مرتاحه

عمتها : بسويلك شي دافي تشربيه اكيد اخذتي برد مع الهواء البارد والمطر

رغد تذكرت جوالها : يؤؤ نسيت جوالي بروح اجيبه .. وطلعت تدوره ..

سمر : وانا بروح مع خلود بالصاله

هنادي : سحر تبين اجيب لك شي

سحر : لا مابي شي

ريم : ممكن تخلونا لحالنا .. ابي اتكلم معها

شوق وشهد وهنادي : طيب .. وطلعوا برى وقفلوا الباب ..

ريم : سحر ويش صار ماكان فيك شي

سحر : سمعتي ويش قلت لهم .. غيره ماصار شي

ريم : حطي عينك بعيني .. انا اعرفك اكثر من نفسي .. فيك شي

سحر : ريم بليززز انا تعبانه حيييل .. خليني ارتاح ولاتشغلي بالك مافيني الا كل خير

ريم بشك : ماني مرتاحه لكلامك احس فيك شي بس راح اخليك على راحتك

طلعت وخلت سحر لحالها .. نزلت دمعه وحيده .

ونْ قلْبي مِن مصًآبـہْ ونّـہْ القلبْ الجَـريحْ

.............. وَنْ مِن فَرقىً حبيبٍ گآنْ لـہْ أغلَى روُحْ

گآنْ بسْمَـہْ،، گآنْ فَرحَـہْ گآنْ لَـہْ الگوُن الفسِيحْ

.............. وِيلْ قَلبيْ صَآر يشْگـي عَلّ مَن ضِيمْـہْ يزُوح

ودّيْ أنسًى ،، ودّيْ أقْسًى ودّيْ أرحَلْ واسْتِريحْ

.............. ودّيْ أرحَـلْ مِنْ حَيـآتِكْ مَـآ بُقى بالجسِمْ روُحْ

گنتْ أحِبّگ ،، گنتْ أودّگ ،، گل مَآ جَآلگ صَحِيحْ

.............. يُومْ گـآنْ الحُبْ شَـآمِخ بينَنآ مِثلْ الصُروحْ

للأسًفْ إنّي عَرفتْ مَعنًى الحُبْ عِندگ شِحيـحْ

..............لإـآ وفِيتْ ولإـآ دَريتْ بإنـہْ [ قِلبيْ بگ ] ينُوحْ

مـَآتْ حبّگ مَـآتْ نَبضگ قَلبْي أصْبحْ بالضَريحْ

.............. وَحْدگ قَتلْتْ نَبضْـي لإـآ تِجيْ تَطلبْ السُموحْ

لإـآ تِحـآوِلْ لْيَّ تِرجعْ،،، لإـآ تَألـفْ أو تَبيحْ

.............. لإـآ تَعتذِرْ مآلگ أمَلْ مَآني بالقَلبْ الصّفُوحْ

رآحْ ذآگ الوَقتْ َلوّل رآح مِنگ يالفَصيـْح

.............. گنتْ طَيّبْ يُومْ أسَـآمِحْ مآ عِدتْ أنْآ ذآگ المزُوحْ

مِنْ حَيـآتِي يلآ أرحَــلْ مَآ بُقى شيٍ مَليحْ

.............. گل گذبكْ ،، گلْ گلامگ اگِتشفْتہْ وبوُضوحْ

صِرتْ اضْحَگ لّبِعآدگ صِرتْ مِنْ قَلبيْ طِريحْ

............ مَآتْ ذآگ الشَخصْ الليْ گآنْ مِنْ أجْلگ يِصيْحْ

دخلت عليها رغد .. مسحت دموعها بسرعه ..

رغد : اذا تعبانه نأجل كلامنا بعدين

سحر : ويش عندك ؟!. قولي

رغد : كنتي تحبينه ياسحر ؟!

سحر طالعتها بصدمه : ويش تقصدين

رغد : انتي تدرين بالزبط ويش اقصد .. يوم شفتك طايحه واخذتك بحضني قمتي تهذين بأسمه .. من متى تحبينه ياسحر ؟!

نزلت دمعتها وجرحت خدها بهدوء .. كيف بتبدأ الكلام كيف بتشرح صدمتها بأغلى انسان بحياتها .. أنسان بنت احلامها الورديه معاه انسان كل عرق فيها يشهد على حبها لها .. كيف بتشرح سهر وتفكيرها فيه سنين طوال .. تلعثمت بكلامها من وين تبدأ ووين تنتهي !!..

سحر تخبي وجهها بيديها وصوت نحيبها يملئ الغرفه .. اخذتها رغد لحضنها تحالو تهديها وتحسسها بالآمــان وانها بتكون ملجأ وقت ماتحتاجها ..

رغد تهديها : ياقلبي اهدي البكاء ماراح يفيدك .. بيزيد تعذيبك ..

سحر تدفن وجهها على صد رغد وتبكي بقووه : صــ..ــدمــنـي !!.. يحـــب اخــ...ــتـ...ــي ..

يـــحــــب أخــــتــــي ..ائـــــهههههـــئ .. ليش ليش يارغد الحب عذاب ؟!

رغد تمسح على ظهرها وشعرها بنعومه وهدوء : هو الـــحـــب كذا ياسحر .. ياما أتعب ناس وياما عذب ناس ..ويـــامـــا قـــتــل قــــلــــوب حبت بأخــــلآص

سحر تبعد عن حضن رغد وتمسك يدها وجهها غرقان بدموعها وصارت تتكلم كلمه وتشهق بعدها الف شهقه : تعرفين ايش معنى يحب اختي .. يحب اللي من دمي ولحمي .. اخر شي توقعته هالشي "غطت وجهها بيدها وقالتها بحرقه ". يارغد قلبي ماات .. والله مات من الكلام اللي سمعته ... سكتت شوي ورجعت بعد ما أخذت نفس طويل وتجددت دموع عينها .

طول السنين ذي يحبها وانا احلم فيه ...كل يوم وكل ساعه مايفارق خيالي .. بنيت كل شي معه هو .. هو بس ..

تأثرت بكلامها ..صدمتها في الانسان اللي تحبه وصدمتها اكبر لما اكتشفت إن أختها هي اللي فازت بقلبه وهي كانت عايشه في وهم وحلم انتهى على واقعها المرير .. مسحت بيدها دموعها .. ورفعت الشعر عن وجهها

رغد ضمت يد سحر بيديها حسستها بالدفئ والحنان : سحر القلب مايختار .. الحب مايترك لك خيار ابدا .. انتي قلبك اختاره وهو قلبه اختار غيرك ... لاتخلي اللي صار لك يأثر عليك وعلى حبك لاختك او يأثر على مستقبلك .. انسي قد ماتقدري او بالآصح تناسي اللي صار لاتوقفي عند العتبه ذي وخليها حافز يحزفك لشي آكبر وآحسن

سحر آرتاحت شوي بعد ماطلعت اللي بقلبها لكنها لا زآلت تتألم وتحس بضياع وشتات ماحسته من قبل .. مسحت دموعها بمنديل ورمته عاللارض

رغد باستها على خدها : اتمنى انك تفكرين كويس .. وتتأخذين القرار الصحيح وماتغلطي مره ثانيه .. اخليك الحين مع نفسك ..

طلعت رغد وسكرت الباب على سحر وتركتها تحاسب نفسها وتفكر باللي صار معها وتتاخذ القرار اللي يناسبها وتكون قادره على إنها تنفذه .. سندت نفسها على الجدار وهي تفكر بكلام سحر لها .. قلبها يألمها على بنت عمها

رغد ( اللي صار لك ياسحر صعب صعب مرره .. راح يترك فيك أثر مستحيل ينمحى بسهوله

.. آآه من الحب وسوايآه محد مرتاح .. الله يكون بعونك ياحبي الله يكوون بعونك )

:::

:::

فتحت جوالهــآ تفــآجأت بالمسج الموجود .. اضطربت نبضات قلبها .. استولى عليها الخوف والرعب .. هوى قلبها من بين اضلاعهــآ .. تغيرت ملآمح وجـــهـهـآ وارتبكت .. راحت للمطبخ بسرعه حتى محد يلاحظها.. ارتفعت درجة حرارة جسمها تحس العرق كساها من آولــهــا الى اخرها .. ... اخذت كاس مــاء بارد يمكن يبرد عليهــآ ..

ستي : مــامــا انتي تعبان ؟؟!!

شوق : لا .. بس عطشانه شوي .. جلست على الكرسي رجولها ماعاد تحملها تفكر بكلام المسج .. خفق قلبها بسرعه .. وقف الوقت في هذي اللحظة بس تمنت انها ماتت وماكملت حياتها الى هذا الحد

شوق ( وابــــــــتــــــدت قــصـــــة عــــــذابــــــي بجــــزئــــهـــآ الـــثــــآنــــــي )

نزلت دمعه يتيمه من عينها .. رفعت اصابعهــآ ومــــســـحــتــــهــآ .. وبــداخــلــهـــآ تتنــمـنــى

يـــحس فــيـــهـــآ .. يمـــســـح دمــعاتــهــآ ... يشيل من همومها وألآمـــهـــآ التي لاتــعــرف الـــنـــهـــآيـــه ..

تمنيت ارحل لعالم عليه الفاتحه تقرا

و رفض موتي يواجهني بوجه القادم المخفي‘

يا ترى شفتوا جسد ميت ورفض يستقبله قبره !

انا هذي معاناتي واظن اللي مضى يكفي ..!

دخلت هديل وشافتها سرحانه ..ملامح وجهها الساحر كلها حزن وسواد الكون مكتسيه .. قربت منها وحطت يدها على كتفها

هديل وكأنه عرفت اللي شاغل بالها : شووقه ليش جالسه لحالك ؟؟

شوق : كنت جايه اشرب مويه .. وبرجع بس سبقتيني

هديل : بس شكلك مرره حزينه وعيونك تلمع ..

شوق : ههههه يتهيئ لك انا بخير مافيني شي لا تشغلي بالك علي

هديل : طيب قومي حطي معي الحلى ونروح بعدها للبيت الشعر الجو جونان

شوق : اوكي يالله طيب

:::

:::

:::

بعد الغداء

الكل : الحمدلله ..

ام رياض : بالعافيه عليكم

الكل : الله يعافيك

فهد : انا طالع توصون شي

ابوه : وين يبه بدري ؟؟.. تونا ماصار موعد طيارتك

فهد يوقف : بروح اسلم على جدتي من زمان عنه ..

ام رياض : دايم تسأل عنك

فهد : والله مقصر معها

ابوه : سلم عليها يبه ..

فهد يمشي بخطى واثقه : اشوفكم على خير

الكل : مع السلامه

ندى (( اووف اخيرا افتكيت منه كاتم على انفاسي .... افراااااااج ))

أمــــا بالمدينه بهذا الوقت .. وتحديدا ببيت ابو سيف

كان ابو سيف عازم اخوانه والعايله كلها على الغداء كالعاده كل اسبوع عند فرد من افراد العايله ..

كوثر تهمس بأذن ساميه : صح قررتوا الملكه تكون بعد الاختبارات

ساميه اتعكر مزاجها : ايه صح .. سيف افندي يبغى كذا

كوثر : انتي شفتيها .. كيف حلووه والا عاديه

ساميه : ووع قرويه وشكلها مرره بآآآد .. صدقيني انك احلى منها مليوون الف مره بس ويش نقول حظ الله لا يبلانا

كوثر تلف على الجهه الثانيه والقهر مالي قلبها : اخوك اعمى انا عيال خوالي متهاوشين عندي ورافضتهم وهالسيف ماني عاجبته .. والله حاله

ساميه ترقع : الله يرزقك اللي احسن منه .. اخوي مافيه خير

كوثر : بس القلب ومايهوى ياسوسو

ساميه : يالله هذي قسمه ونصيب

كوثر (( آآآه يالقهر احس اني بموت من القهر يروح يخطب وحده مانعرفها ويتركني انا ..

أنــــــــــــا يتركني ... ))

ساميه تمسك يدها : كوثر وين وصلتي ؟؟!!

كوثر : معك معك ..

ساميه : لا منــــتــــ.... سمعت صوت سيف ينادي عند الباب

سيف : ســـــــــــــآآآمــــــــيـــــــه !

وقفت بسرعه واتجهت لــه .. وقفت قدامه

ساميه : نعم ويش تبي

سيف : في احد من البنات

ساميه : ايه في كوثر وضحى و جود

سيف : قولي لهم يروحون الصاله الثانيه بسلم على جدتي واجلس اسولف معاها شوي

ساميه : لا فشله اقولهم سيف بيدخل اطلعوا ... دفها مع كتفها ورفع صوته

سيف : لو سمحتم يابنات ابي الم على جدتي مابطول ..

الجده : يالله يابنات روحوا الغرفه الثانيه الولد بيدخل

كوثر تاخذ العبايه بيدها : قايمين ياستو مايحتاج تقولي سمعنا الباش مهندس ايش يبغى

جود تسحب كوثر من يدها لانها عارفه جدتها راح تخاصم كوثر وتهمس لها : ياويلك منها امشي يالله والله بتوريك بعدين عالكلام اللي قلتيه

كوثر تسحب يدها من جود : امشي امشي بس ..

ساميه تلف على اخوها : روح ادخل على جدتك يامطيع ذابحك البر ياعيوني

سيف يصر على اسنانهم ويخفض صوته : بعرف ايش سويت لك حتى تعامليني كذا .. كل هذا عشان خطبت ريم ورفضت اخطب كوثر

ساميه تعطيه ظهرها وتمشي : انت ادرى .. ياخوي ياولد أمي وأبويا

سيف ولع من حركتها وكلامها ويحلف ويتوعد فيها بداخله لكن تمالك نفسه عند اللحظة الاخيره .. ومشى بأتجاه صالة الضيوف .. ودخل عليهم

سيف : الـــــــســـــــلآم عـــــلـــــيـــــكـــــم ...

:::

:::

:::

بــــعــــد يـــومـــيـــن

قربت الاختبارات وبدأ العد التنازلي للطلاب والطالبات ..

كانت تذاكر كيمياء فاتحه الكتاب على سريرها وماسكه القلم والدفتر تسطر اي شي مهم

بالها ماهو يم الدراسه ولا يم المذآكره .. من بعد اللي صار معها وهي تغيرت صارت انسانه ثانيه .. ازداد هدوئها وقل كلامها .. واغلب وقتها بغرفتها لحالها عذرها الوحيد المذآكره

لكن بالواقع هي بوادي والمذاكره بوادي ..

سحر (( مابقى شي كلها ثلاث ايام وتبدأ الاختبارات وانا بالي لسى معاه .. خلاص ياسحر هو مادرى عن حبك ولا سأل فيني ..هو يحب سمر .. ايه يحب اختك .." تكلم صوت ثاني".. بس هي سرقته منك .. سرقت من حبيته طول عمرك ومن ملك قلبك ... " رجع عقلها يتكلم " .. معقوله ياسحر بتحقدي على اختك .. معقوله بتخربي عليها حياتها زي ماخربت حياتك ؟؟.. وهدمت كل الآحلامك وآمالك ؟.. )) حطت يدها على راسها افكار × افكار تدور بتفكيرها

سحر بأصرار : لازم انسى ... لازززززززززززززززززززززم ..

دخلت ريم وهي تشوفها شارده البال ..

ريم : سحووره .. اللي ماخذ عقلك يتهنى فيه

سحر ابتسمت : الله يسلمك افكر بالاختبارات .. قلقانه مرره اخاف ماجيب نسبه

ريم تخبطها على يدها : لا ان شاء الله تفائلي بالخير تجديه .. بعدين انا حاسه اننا بننجح وبتفوق كمان الله مايخيبنا .. احنا تعبنا وذاكرنا .. وان شاء الله نحصل اللي نبغاه

سحر تتنهد تنهيده طويل تطلع كل شي كاتمته بصدرها : يـــــــآآآررررب كون معنا

ريم ترفع يدها : آمـــــــــيــــــــن يـــــآآآرب

دخلت برجتها المعتاده ... انقلب جو الغرفه من هدوء وسكون الى ازعاج وصراخ

ريم وسحر بلآمبالاه لانهم اتعودوا على حالة الهيجان الشبه يوميه لها ..

هنادي : الله يالاخضر يافن طرب ... علم خصومك ويش معنى اللعب ... وقامت تناقز فوق سريرها

ريم تصارخ عليها : بـــــــــــــس صجيتينا ... كل ذا فرح

هنادي : الله يخلف عليك .. ماعندك وطنيه انتي .. السعوديه فازت

سحر : وخير ياطير اذا فازت الله يقويهم بعد

هنادي تحط يدها على خصرها : فازت على إيران ... الله تقولين انتي وياها لاتتعبين نفسك وتتابعين المباراه خسرانين مافيها كلام .. وتمد لسانها لهم

ريم : مبررررررررووووووووك .. بس طسي عنا نبي نذاكر

هنادي : الله يلطف فيكم .. خذوا اجازة اووف منكم .. خلونا نفرح ونشجع ياختي

سحر تمسط الدب الابيض اللي اهدتها لينا وترميه علي هنادي : اقووولــــك آآآآووووووت ..اابي اذاكر حسبي الله على بليسك

هنادي تمشي عنهم وتغني وترقص وتدف اي شي بطريقها مثل المجنونه ..

ريم : بعرف متى تعقل هنادي وتترك سوالف المبارايات والكوره والخرابيط

سحر : افلقيني اذا عقلت ابو طبيع مايجوز عن طبعه

ريم : الله كريم وقادر على انه يغيرها

يــتــبــع

بغرفه ثانيه من غرف البيت

رغد : هههههههههههههههههههه من جدك عبودي

عبدالله : ايه من جدي اتكلم .. ويش بلاك تضحكين

رغد : ماتوقعتك تطلبني هذا الطلب

عبدالله : تحبيني ؟؟

رغد مدت بوزها : ويش السؤال هذا ياعبودي ؟؟

عبدالله : جاوبيني بالاول تحبيني والا لا

رغد : انا ما احبك انا أتــنـــفـــس هـــوآآآك

عبدالله : مقدر على هذا الكلام يارغودتي

رغد حمر وجهها : انت اللي تجبرني اقولك هالكلام عليك اسئله الله يسامحك بس ...

عبدالله : ويش قلتي بطلبي ؟؟

رغد بتفكير : امممممم خلني افكر حبيبي .. وانا ارد لك خبر

عبدالله : اذا ماتبي خلاص ماله داعي اهم شي رضاك ياعمري

رغد : لا مو مسأله ما ابي بس بشوف اوضاعي ناسي اني اختبر

عبدالله تذكر : يووووه نسيت والله ...

رغد : ما الومك لا تدرس ولا شي

عبدالله : نسيتي اني انتساب ياحلوووه بالجامعه

رغد : انتساب مو انتظام وغبي اذا ماتنجح

عبدالله : افا عليك انا دايم انجح بمتياز ..

رغد : يووووه لاتقول يمكن كلها مقبوووول هههههههه

عبدالله يتغلى عليها : مقبووول هين يالمغروره

رغد بدلع : يحق لي مغروره ... لأنك انت السبب

عبدالله : يابنت بتهبلين فيني انتي .. والله العظيم مقدر اتخيل حياتي بدووونك

رغد ويدها على خدها : وتهقى ان حالي احسن منك ... بالعكس انت حستني حوس بحبك

دخلت شهد تصارخ :عـــــــــشـــــــــــاء عشاء عشاء ... "وتصرخ بصوت اعلى عشان تسمعه ".. تعالي تعشى برد العشاء وانتي تكلمين الجوال

رغد تغمز لها وتأشر لكن لاحياة لمن تنادي

عبدالله : والله يارغودتي صدق يوسف يوم سماها متوحشه ..

رغد تردد صوت ضحكها بالغرفه من كلمة عبدالله

عبدالله : روحي تعشي لا تطلع لي مع السماعه وتفرمني

رغد : هههههههههه اوكـــ....ــــي

عبدالله : مع السلامه

رغد بحب وغنج : مع السلامه تؤبر آلبــــي .. قفلت الجوال .. ومسكت شهد يدها وتجرها للصاله جر .

رغد : بشويش علي بشويش انا ناعمه ما اتحمل خشونتك ..

لفت عليها شهد وطالعتها بنظرات استحقار وهي متقصده ..نفسها تعمل بوجهاا خرايط

شهد : لالا امووت على انوثتك ... سوري مادريت انك مثل القطن لازم نداريك

رغد تضحك على شكل شهد اللي عصبت : امززح ياروحي .. تلف يدها على رقبتها .. لاتصيري بايخه وتزعلي مني .. تدرين اني ما استغنى عن خدماتك

شهد : انتي اللي ماتقدريني .. يالله روحي تعشي ... لفت عليها رغد وهي تضحك

رغد : هههههه عجبتيني ..وانتي تقولي عشاء عشاء عشاء ...ههههههه

شهد تروح للغرفه بغرور : احسن رفع ضغطي الباشا بتاعك

رغد : امشي بس نتعشى قسم ميته جوووع .. بمووت

شهد : يالله طيب

جلسوا الكل على السفره وبدوآ يأكلون وكل وحده تهرج من راسها

لفت ريم على شوق : شووقه ليش ماتأكلين معنا ..

شوق : بالعافيه عليكم ياقلبي ... مالي نفس أكل

ريم : ليش طيب ؟؟.. لك كم يوم ماتأكلين كويس

شوق : ماعليش كلوآ انتم بالعافيه .. انا رايحه غرفتي بنام ..

هنادي : بدري الساعه 11

شوق : احس بتعب وخمول .. اذا مانمتم ذاكرووا اوكي

ريم وسحر وسمر : اوكي

هنادي تسايرها : طيب طيب بذاكر

شوق : ايه ذاكري والا قسم بالله بعلم عمي عليك

هنادي تمثل : لا تكفين الا ابوي ... قولي له انا ادبي يعني جالسه بالبيت جالسه

شوق عارفه هنادي وعنادها : طيب سوي اللي تبين انا ليش حارقه نفسي عشانك طز فيك

هنادي تكمل اكلها : اوكي اوكي بذاكر امممم مكتبه عشانك بس

رغد وشهد ماتوا ضحك عليها وعلى تفكيرها بتسكت شوق بأسهل ماده وتذاكرها

شهد : قولي نحو بلاغه .. جغرافيا .. مو مكتبه الله يلطف فيك

هنادي : والله نفسي اذاكر مكتبه يعني بتصفحها تصفح كمان

ريم : اللهم لك الحمد انها ادبي .. هذي لو علمي تدج

هنادي : شفتي اختك كيف تعرف ويش يناسبها ريحت راسها ودخلت ادبي .. الحياه بنعيشها مره وحده خلينا نعيشها زي مانبي

مشت شوق لغرفتها وتركتهم يتكلمون كلمه هنادي كانت بصفاء نيه وتحمل معنى البراءه والطهر لكن عند شوق كان لها معنى ثاني مختلف جدا ..

شوق (( الحياه بنعيشها مره وحده .. صح عليك ياهنوو ... بس ويش تقولين بأنسان عاش حياته مدفون بقبره فيها قبل ما يجيه الموت .. ) اخذت دفترها وكتبت فيها كلماتها

لِعَبتْ بِي " الدنّيا " وِ حَسبّي عليهَا

ما قَصِرِتْ فِي [ِ طعنتِّي ]ِ

. . | لِعنبُوِوِوِها ~

. . | لِعنبُوِوِوِها ~

. . | لِعنبُوِوِوِها ~

في هـ الزِمِنْ حتىا بِقايا عِ‘ـَزِوِتِيّ

خَطوِّا طِعُوِنْ فِي الظَهرِْ وِ نِحتُوِهـا

يا ليتهُمْ قبلْ إن?ِشَافْ الأقِنعَہ دارِوِ محازِنْ {ِ دنيتّي }ِ وِ عِذرُِوِها

لعَبوِّا بـ حِ‘ـَسبة ( دمعِتّي ) وِ ألمآسِي

حتىا مَلامِحْ بـ سْمِتّي ضيعُوِهّا

وِالله لوِلا رِهبتِ?ْ يا إلهّي ~

لـَ أنهِيّ معَالِمْ عِ‘ـَيشتِّي ?ِلْ أبوُِهـا . . !

في اسابيع الامتحانات

بعد مرور اسبوع من احداثنا

بـــآلـــجـــامعـــــه

رغد تترجاها : شهووده بليزز .. بس هالمره

شهد : رغد ماودي تجربين اللي جربته تذكرين ويش كنتي تقولين لي ... الحين انقلبت الآيه

رغد تمسك شنطتها وتضمها لحظنها : احبه ياشهد والله احبه لدرجه الجنون .. اموت لو يبعد عني لحظة عبدالله لقيت فيه الأم اللي فقدتها .. والاب اللي يغيب عنا بالايام ... الاخت اللي تركتنا وراحت لحياتها .. فيه اشياء واشياء تخليني ابوس الأرض اللي يمشي عليها

شهد مسكت يدها : عارفه كل اللي تقولينه .. وحاسه فيك بس ياخوفي مايكون حب يارغد الاعجاب بهذا الزمن يشبه الحب كثير .. لكن في فارق بسيط

رغد بأستغراب : اللي هو ؟؟

شهد : لما تعجب بشخص وتظن انك تحبه لكن تفضل نفسك عليه بالاول .. لكن لما تحب تفضل اللي تحبه على نفسك واهلك ومالك

ومـــضـــــه بــســــيــــطـــه :

من فلسفتي الخاصه ..اذا حبينا شخص فأننا نكون في اتجاهين ..الاتجــاه الآول نخلص له ونكون اوفياء مهما دارت الايام وان كُــتِــبَ علينا الفراق فأن الحب لــذة مرارتـــه الفراق .. ويكون للشخص حيز ومكان واثر في القلب لا يُــنــتســى .. ونتذكر ماقال ومافعل .. آمـــــــآ اذا كان الاتجاه الــثــاني .. فيكون عنده الانانيه في حب ذاته ويقــدم نفسه على اغلى الناس عنده حتى لو كان يحبه ..فليتيقن انه ليس حبــاً وانما محض اعجاب ليس اكثر ..

رغد : حب ياشهد وربي حب ... مستعده اموت لجل يحيا هو ..

شهد : طيب امشي خلينا نطلع خلصنا اختبار وكل شي

رغد تشيل شنطتها وعبايتها : يالله بس اول ترى اليوم كشختي غير

شهد : كنت مستغربه من البيت بس مشيتها بمزاجي

رغد : طيب ويش رايك قلت

شهد : تجننين وربي بيخق يوم يشوفك

مشوا خطوتين والا في صوت وراهم يناديهم ..: بنات بنات

رغد : هلا كوثر

كوثر وين رايحين بدري.. اجلسوا نسولف مع بعض

شهد : والله طالعين مشوار مهم

كوثر بتفحص وعيونها شوي وتطلع : اي مشوار بكشختك انتي ورغد

رغد : رايحين لبيت عمتي اليوم

كوثر : تصدقون لو خواني ماتزوجوا كان خطبتكم لهم .. وربي حرام هالجمال محد يشوفه

شهد ورغد حمرت وجيههم وتلخبطوا

شهد : تسلمين كوثر من ذوقك

رغد بخجل : ماعليش كوثر مضطرين نمشي تأخرنا

كوثر : طيب بكره ذكروني اقولكم سالفه صارت

شهد ورغد يأشرون لها : اوكي باي

بــمــدرســــه البنـــات

عبير : هههههههههه صدق

هنادي : لو شفتي شكله وربي تموتين ضحك عليه لسى ماشاف شي تنسيم كفر سيارته ولاشي عند اللي بسوي

عبير : ياويله وحطيتيه بدماغك ..

هنادي : خليه يولي وربي لاردها له

عبير : اووص لاحد يسمعك توهقينا .. امشي يالله

هنادي : تعالي لينا جايبه صورهم بماليزيا .. خلينا نروح نتفرج الفرجه ببلاش

عبير : امشي ويش ورانا

جلسوا عند شلة ريم وسحر

ريم : خير ليش قطت الوجه

عبير : بنتفرج !!

لينا تفتح الالبوم : لحقتوا توي بوريهم .. بسم الله

سحر تسحبه منها : هاتي بتفرج انا اول

لينا تغمز لها : يؤؤؤؤؤؤؤؤؤ نسيت انتي عليك توصيه ملكيه في صور خاصه بوريك هي

ريم فهمت لينا وانفجرت ضحك مع لينا وسحر كأنها ماسمعت شي اخذت الالبوم تتفرج فيه

هنادي : مين موصي عليها ليوونه

لينا : امزح انتي الثانيه على طول صدقتي ...

سحر : ليوونه مين اللي لابس احمر هنا .. وتأشر على الصوره

لينا فز قلبها : وه وه وه هذا هزوزي فديته

ريم : هزوزي لايكون هزاع ومدلعته

لينا : ايه هذا هزاع ويش رايك فيه سحووره

سحر تتمقل بصورته : مشاء الله يابنت ماتوقعته يحطم القلب .. وربي صاروخ .. سحبت هنادي الصوره .. وهي وعبير يطالعونها

عبير وهنادي : هذا هزاع يابنت

لينا : والله العظيم ... بالله مو لايق علي

ريم : اكيد وين بيلاقي احلى واجمل منك

لينا : يابعدي ياريومه .. ترفعين معنوياتي

سحر : بس مرره ماتوقعته كذا ليوونه بس يالله طحتي باللي تتمني

لينا : وهذا اهم شي .. غمزت لها... عقبالك مع اللي يبيك وميت عليك

هنادي ترفع يدها للسماء وبرجاء وصوت مترع : امين وانفك من ثنتين بالبيت

الكل : ههههههههههههههه

عبير : ياويلي منك هنادي تبين تفتكين منهم

لينا تهمس لسحر : ترى معي صور لمعاذ ترجاني اوريك هي خخخخخخخخ

سحر : ووع من زينه يخرع

لينا : حرام عليك والله انه حلووو

سحر : طيب حلوو بس مايعجبني

لينا : ههههههههههههه مالومك وربي يقهر ويفقع المراره

رغد : ما راح اتأخر .. بس شوي وجايه

شهد : طيب يالله اخلصي بسرعه

كانوا موقفين جنب محطه مالها حركه كثيره وهالمكان حددته رغد لعبدالله عشان تقابله

عبدالله : يالله طس استنى برا

يوسف : جزاتي تطردني

عبدالله : اذلف يالله خل رغودتي تدخل هنا يالله

يوسف يفتح باب السياره ويطلع : الله يازمن ...والله رحنا وطي .. يصير خير ياعبوود

نزل وراح خلف السياره وركب فوقها وحط رجل على رجل

شهد : هذا خويه نزل يالله اسرعي

رغد : بالله كيف شكلي اهم شي الروج

شهد تدفها : يالله بس لايكثر .. وطلعت رغد واتجهت للسياره ..

قبل تفتح الباب كان قلبها ينبض بسرعه فظيعه .. ترددت لكنها فتحت الباب اول مافتحته جاا هواء المكيف البارد يبرد عليها حرارة الموقف .. دخلت وبهدوء قاتل سكرت الباب ...

رغد بنعومه : السلام عليكم

ارتبك حس انه تهور لما طلبها تمنى انه ماطلبها ولا يرتبك قدامها بذا الشكل وهو الرجال المفروض يكون جريئ

عبدالله والتوتر بصوته : وعليكم السلام ... هلا رغد ..

رغد تحس بتوتر فظيع وزاد توترها من توتر عبدالله : كــ..ـــيـــفــــك

عبدالله : الحمدلله .. كيفك انتي ويش مسويه << بدأ يصير طبيعي الولد خخخخ

رغد : بشوفتك صرت بخير ..

تردد يقدمها لها الحين والا يأجلها شوي .. كيف يتكلم وهو متوتر ومضطرب

رغد هدأت شوي : ايش فيك عبدالله ماتوقعتك بترتبك كثير زي كذا

عبدالله : شوفتك تربكني ماني مصدق انك بجنبي .

رغد تحمد ربها انا عليها الثلمه والا بانت ملامحها الخجلانه اللي صارت بلون الدم من الحياء

(( طيب دامك تستحين من الاول ليش تجين .. بنات اخر زمن .. <<~ كأني دخلت عرض .. شوتـــه لبــــــرآآآ>> ))

مسك يدها وهو يهمس لها :

صباحك صبح ما تصبح به آحدقبلك

صباحك صبح يحفظك ربي الواحد الأحد.

صباحك وردة زرعها من يحبك للأبد.

صباحك شهد من ذاقه ماشبع منه أحد

رغد تضغط على يده : وربـــــي احبــــــكـ ياعبوود

عبدالله : ماهو اكثر مني صدقيني ... لو بيدي اخذت غصب عن الكل واروح بك لابعد مكان مافيه الا انا وانتي ..

نزلت راسها كلامه يفجر بداخلها الاحساس .. وقربها منها يزيد خدودها حمره .. ولمست يده تحسسها بأمان فقدته ... نفسها تخلي الوقت يوقف وتعيش معه لحظه ماتنسها عمرها كله ..

حط يده تحت دقنها ورفع وجهها : لــــيــش خجلانه ؟!!

رغد ماتدري ويش تقول له لكنها اكتفت بالصمت ... نزل اللثمه عن خدها ... وتوقف الوقت عنده وهو يتـــأمل اللي اســـرت قلبه

شهد : خلوني انزل اروح البقاله اشتري لي شي اكله بدل الجوع ويسليني في انتظار رغد

نزلت واتجهت للبقاله .. وهي تشوف مجموعة شباب شوي ويأكلونها بعيونهم وتهامسون عليها طنشتهم ودخلت وهي عارفه انها لافته للنظر بعبايتها المخصره اللي مبينه معالم جسمها الرشيق اللي كأنه مجسم منحوت ... وكمان غطايتها ونص خدها برآ .. طبعا الناس لهم الظاهر حتى لو كان الباطن سليم والنيه لايشوبها أي شائــب

يــتــبــع

اول مادخلت راحت قسم البردات عشان تشتري ايس كريم وببيسي ومويه .. اول ماخلصت حطت اغراضها بالسله معها مشت بتلف عشان تشتري شكولاته وعلك .. اول مالفت صدمت فيه كانت بتطيح لكن يده كانت اسرع وضمها لصدره بحركه لا إيراديه .. دفته عنها بسرعه

شهد صرخت عليه : ماتشوف اعمى

يوسف : ما انتبهت لك انتي اللي طلعتي بوجهي .. على العموم اسف

شهد : باي بنك اصرفها

يوسف : بنك الاعتذار .. ويك ويك ويك

شهد جلست تلم اغراضها ونفسها تموته بين يديها ,, وقفت ودفته ومشت تكمل اغراضها الباقيه

يوسف :ووجــــع حقيرررره ... راح للثلاجه واخذ له بيبسي ومشى ..

عند المحاسب انتظر اللي قبلها يحاسب بكت دخانه وهو متقصد يـتأخر عشانها .. خلص وجات بعده تحاسب ..

شهد : كم الحساب لو سمحت

الهندي : 35 ريال ... فتحت شنطتها البيج وطلع محفظتها اللي طقم الشنطه واعطته الفلوس

يوسف (( يؤؤؤؤؤ مشاء الله ويش ذي البنت جسم وبياض ... اروح ملح عند هاليد اللي كأنها مرايآ ... اخ بس يوم لمستها بغيت اخق معها .. حسبي الله عليك يابنت الاجواد ... بتموت على هالجسم ... ))

اخذت الكيس ولفت شافته وراها اعطته نظره احتقار ومشت للسياره .. وهي تسمع كلام من الشباب اللي يعاكسونها لكنها معطيتهم أشـــــــكـــــل بالعريض

دخلت السياره ونزلت غطايتها وجلست تأكل وتغني على بال ماتجي رغد ..

بـــآلـــســـيـــاره ..

رغد متفاجئه : ليش عذبتك نفسك حبيبي .. وربي شوفتك عندي اكبر هديه

عبدالله : انتي اكبر من هالهديه لو بيدي اجيب الدنيا كلها تحت رجولك ..

رغد مسكت يده وضغطت عليها بحب وركزت عينها في عينه : تأكد ياعبدالله لو تطلب روحي ماتغلى عليك ابــد ابيع كل الدنيا واشتريك ...

عبدالله رفع يدها وباسها : ان شاء الله بوفي لك بوعدي بأقرب وقت يارغــد

رغد : ان شاء الله ياقلبي .. والحين اعذرني تأخرت لازم اطلع .. مسكت اللثمه بتلبسه

عبدالله مسك يدها ونزل اللثمه ... وقرب منها حتى حس ان انفاسها هي انفاسه .. وصارت له اقرب من الحلم البعيد .. لما قرب منها حرارته انفاسه تلفحها وحرارتها بتدت تعلى ..

عبدالله : رغوودتي لو في اكثر واكبر واروع من احـــــبــــك كان قلتها لك ...

انصبغ وجهها باللون الاحمر كلامه يربكها وقربها منها يربكها اكثر واكثر .. حست ان الدم بعروقها اتجمد من حركته وقلبها هوى من بين اضلاعها.. بحركه سريعه منها بعدت عنه

فتحت الشباك ورمت علبه البيبسي .. كان جالس على السياره قبالها لان سياتها وسيارته قريبه من بعض مرره .. طالعها بنظرات بارده وبعد الدخان ونفث الهواء من فمه

شهد تطالعه من فوق لتحت بنظرات استحقار : الحمدلله والشكر

يوسف كأنه سمعها تقول شي : ويش قلتي يا بنت

شهد ترفع حاجبها : واذا خاطبك الجاهلون فقولوا سلامــا

يوسف يحرك يده والدخان فيها : تدرين يامتوحشه انك سخيفه وغبيه

شهد : انت السخيف يا سخيف

يوسف : مابرد عليك لان اللي يكلم بنت ناقص عقل ودين زيها ...

ارتفع ضغطها منه نفسها تخنقه وتؤاده بأرضه .. اسلوبه السخيف وكلامه الأسخف بنظرها .

ماتدرين ليش تكرهه وماتطيقه كل ماتوشفه تعصب من لاشي .. مجرد انها تشوفه قدامها تتجنن .. ماتدري هو كره والا شي ثاني .. قاطعها دخول رغد

شهد ترفع الشباك : اووف اخيرا رحمتيني وجيتي ..

رغد ترتجف : جلالي امش يالله احس انه بيغمى علي

شهد : يؤؤؤؤ من ويش يابنت

رغد تحط الكيس الاحمر جنبها : اسكتي بس اقولك كل شي لاوصلنا البيت وربي ماني مصدقه اللي صار

يُبَه شِفْنِيْ .. عَلَىْ كَفّ الغِيُوْم أَنْقِشْ تَفَاصِيْلِيْ

ـــ حِكَايَات الكِبَرْ .. بِيْت العُمُرْ .. مَعْزُوفَة أَحْلامِيْ

أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ

طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ

تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ

ـــوَأَثَارِيْهـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ

بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ

سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ

أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ

ـــيِطِيْرغبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ

شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ

ـــبِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ

عَلَىْ أَطْرَافِ الشِّفَاة اليُوم .. غَنَّتْنِيْ ..مَوَاوِيْلِيْ

تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ

وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ

عَنْ أَشْوَاكِ القَهَرْ وشْلُوْنْ تنَامَتْ .. تَحْت أَقْدَامِيْ

تِهِبّ الرِّيْح .. وِيِتْرَامَىْحَنِيْنْ .. وَاَلْتَحِفْ وِيْلِيْ

وَأَخَبِّيْنِيْ .. وَرَىْ ذَاكْ الجِدَارْبِسَلَّة .. أَعْوَامِيْ

يُبَهْ قَبْل الشَّهَرْزِرْتَهْ .. طَرِيْقٍ كَانْ يِضْوِيْ لِيْ

قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ

عَدَدهَا كَانْعِشْرِيْنٍتِهَذْرِيْمُوْت .. تِبْكِيْ لِيْ

هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ

هِنَا خَانْ الصِّدقْ كِلِّكْ .. هِنَا كِنْتِي تِنَادِيْلِيْ

هنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ

حَكَىْ لِيْ كَمْ سَنَة مَرَّتْ .. وَأَنَا أَطْلِقْ بِالدُّجَىْ خِيْلِيْ

أَدَوِّرْ مِنْهُوْ يِسْمَعْنِيْ .. وَأَرِدّ بْسَرْجأَثَامِيْ

بَذَرْتْ الحُبّ بِدْرُوبِيْ .. وِقَفْتْ أَنْطِرْ .. مَحَاصِيْلِيْ

نِبَتْ قَمْحِيْ .. سَنَابِلْ طَعْنْ .. وَأَعْلَنْ حَزَّةْ إِعْدَامِيْ

خَشَعْ .. قَلْبْ الحِزِنْ .. فِيْنِيْ بَعْدْ هَمْسَاتْ تَرْتِيْلِيْ

ـــوِكَثَّفْآهَتِيْ عَبْرَة .. وِبَلَّلْ شِيْلَة لِثَامِيْ

يُبَهْ .. شُوْفْ الغِيُوْم الّلِيْعَلَىْ كَفْهَا .. تَفَاصِيْلِيْ

تلاشت .. بَعْدِمَا سِمْعِتْ .. خَبَايَا مُوْجَزْأَحْلامِيْ

تنتظر الخبر هل هو اكيد او مجرد كذبه حتى تعيش بقلق نفسي طول الايام اللي فاتت ... كانت مجهزه ردها من قبل مالها الا هالحل الوحيد ... الخوف ساكن قلبها من اسبوع او اكثر .. وكل يوم تنتظر على شرفة انتظارها أن ينزف لها خبر وفاتها ملت الانتظار ... وملت من كثر ماتصبر نفسها .. تتمنى إن كل شي ينتهي لكنها متيقنه انه لابد من تجرع كأس المرار ... وان عاصفه هوجاء بنتظارها .. قد تعصف بجروحها وآلمهـــآ

ريم : اووف تاخرتوا علينا اليوم ناسين ان بكره عندي احياء لازم انام واصحى اذاكر

هنادي : اقول انطمي بس .. الحين انتي ملكتك بعد الاختبارات ولا سويتي شي .. وكل همك الدراسه

ريم : الدراسه اهم من الملكه ..

شهد : اووص خلاص ترى راسي بينفجر من الصداع

سحر : انا اشوف كل شخص اثنين... ابي انآآآآآآم

رغد : وهذا حنا وصلنا .. يالله انزلوا

هنادي زلت وقفت عند باب العماره : اشتقت لك ياسريري .. وركضت اولهم للبيت

سمر : الله يرفع عنها بس

رغد : امشوا ادخلوا يالله

بهذا الوقت كان عن جدته اللي ساعدته بكل شي ووقفت معه

سيف : ويش رايك جدتي

الجده : توكل على الله وطنش كلام امك واخواتك ..

سيف ينزل راسه ويتذكر اخته اللي تغيرت معاملتها معه : بس ساميه بالمرره يا جدتي كارهتني

الجده : اختك ذي حقوده من صغرها .. لايهمك كلامها ... انت تبي البنيه وانا ساعدتك ياوليدي بكل شي ... لاتخلي تعبنا يروح يايمه

سيف : انا غير ريم ما اتزوج ياجدتي ... بس مابي اجيبها عند اهلي وتكون غريبه بينهم واحس ان خواتي ماراح يخلونها بحالها

الجده تمسك عصاها : ذاك الوقت ياولدي انا اللي بوقف بوجههن كل وحد عايشه حياته ومالهن يتدخل بحياتك وزوجتك

سيف يبوس يد جدته اللي ربته : الله لايحرمني منك يايمه ويخلي لي ياررب

الجده : ويخليك بعد لي انت الغالي محد وصل غلاتك بقلبي ..

كان على مكتبه .. لف الكرسي بعد ماخلص مكالمته

فهد والشر بعيونه .. ووحشه آسره : ههههههههههههههههههههههههه اخيرا بيصير اللي ابيه ... طحت ومحد سمى عليك .. تلعب بمين يافيصل .. تلعبون على بنات الجابر .. ههههههه.. " تكلم صوته المجنون " ... ضربت عصفورين بحجر واحد ...

طلعت من صدره آه طويله : آآآآآآآآآآآآآآآآآآآآآآآآآآآآآآآه ... بنشوف يا أنـــا يـــا

قـــلـــبـــي المــيـــت

وقف ولملم اوراق .. وبقايا شتاته... قانونه الحياتي نظامه دكتاتوري لا يسمح لأستئناف الاحكام بأن تشوبه .. هو قاضي محكمته الظالمه ومُــصــدر قــوانين وضعيه .. محكمه لايوجد بها اي شخص سوآه هــو والذي يقــــاضيـــــه ...

سُحًقٍاً لَكَْ آيـٌــًهـٍـَـْا [ الّـــَــفَــــهُـــدِ ]

أُي قــلـــبـــاً تـمـتلـكـه [ بــداخلــك ]

ومــــن الــغــريـــب القــــآدم الــى محـكمــتــه ؟!

وليــالــي حبــاً بيــن رغــد& عبداللـــه .. الـــى متى حـــبــلــهــا ممــدود ؟!

تــحــطم قلبها على شاطئ مشاعرها .. ماذا سيترك من بقايا خلفه ؟!

ببــرائــتــهــا وجرئـــتـــهــا أي جٌـــرم سترتكبه ؟!

بطهرها ونــقــائــهــا وتــبــدد جـرآحها .. ماذا سيكون الآتــي ؟!

لاتنسوني من صالح دعائكم ..

البارت السادس عشر

آحٍّـِِّـّسٌِّ بٌَِـِِّحٍّـِِّـّزٍُنْ.. مًآتُِِّْتّْخٌِيَـّـِِّل شًِْلوٍنْ//

آحٍّــِّسٌِِّ بٌغًرٌٍبٌِـِِّهٍ مًلعًـوٍنْـِِّهٍَ !

آحٍّـِِّـِِّسٌِِّ آنْ آلشًِْـّـِِّوٍآرٌٍعًٍ .. عًٍقٌٍــّـِِّل ..

وٍآنْ خٌِطُْـــِِّآيَ .. مًـِِّجًِْـِِّــِِّنْوٍنْــّهٍَ

كانت تدور دفترها ما تدري وين حطته .. فتشت ادراجها ودولابها وكل مكان بالغرفه مالقته

سحر : يمكن طايح تحت السرير .. نزلت تدوره .. تحت سريرها مافي شي وكذلك سرير هنادي

اتجهت لسرير سمر اول مانزلت راسها لفت انتباهها صندوق خشبي سحبته وفتحته .. شافت رسايل كثيره سحبت ورقه لونها احمر ومكتوب عليها بالابيض

يـآ " ح’ـيَآتـي? " / ؤآللـہ* آنِ?ْ [ ?ـِلْ شًي? ] بـعُيؤًنـُِي?

---------------------------------ؤآلحَيـُِآهـًِ؛ بَدؤنِ? ~| م’ـآ آبُيًهـِإأـآ|~

/ - - لًيْتُنـِي? م’ـإآ يًؤمّ * . . قَبلِ?ً \\ عِشْتُ ?ُؤنـًِي?

---------------------------م’ـآبي? :: دنيـآ :: . . [ حَبيّبي? ] مَنْت » فَيهـآ

وقفت عند هذي الكلمه ماقدرت تكمل الرساله قلبها نبضاته بدت تقوى وتتسارع ويدها ترتجف .... وقفلت الصندوق ورجعته ..وقفت ببطئ و جلست على سريرها تحاول تبعد اي تفكير عنها ماتبي تفكر فيه لكن قلبها يخونها وبعده ينبض له حاولت تنسى لكن النسيان يأبى الا ان يذيقها مر كأســه .. تعوذت من الشيطان وتوضت وصلت جلست على ركبها ورفعت يدها

همست بهذي الكلمات ..

( اللــهـــم ياكريـــم اسئلك بأسمك الأعظم الذي اذا دُعيت به أجبت .. أجب أمتك الفقيره أليك ..

اللــهم باعد بيني وبينه كما باعدت بين المشرق والمغرب ... اللهم كرهني به وامحه من قلبي الى الأبد .. اللهم اسعدني وعوض حرمـــاني بما يسُر خاطري يارب العالمين )..

بعد ماخلصت دعائها شالت سجادتها وشرشف صلاتها ومسكت كتابها وجلست تذاكر وتحس بأنشراح بصدرها ..

ريم : وين رحتي ؟

سحر: رحت اصلي واجيب كتابي

ريم : طيب ويش حل السؤال الاخير اللي طفشنا

سحر : تذكرت اجابته ...الحين اقولك

كانت بغرفتها .. بين كتابها واوراقها .. شافت جوالها تذكرت ليان

ترددت تدق عليها او ماتدق .. كيف تحن لها بعد اللي سوته لو هي عدوتها ماسوت فيها كذا ...

ويــــش اللي خــلا هــــا تسوي كذا .. مسكت جوالها وقبل تضغط عالسماعه الخضراء .. تركته

ندى : لـــــيـــش ؟؟.. لــــيـــــش لازلت احبها ... معقوله عشانها بنت اختي ... آآآآآه يا ليان ويش اللي خلاك كذا ... طنشت تفكيرها وكملت مذاكره .. وقاطعها الجوال

اول ماشافت الرقم انصدمت ليان تدق عليها ... قررت انها ماتردت عليها لكن قلبها ماطاوعها وردت

ليان بصوت تعبان ومرهق : الــــــــوو

ندى : نعم ويش تبين ؟

ليان تبكي : ندى ارجوك ساعديني محتاجتك

ندى : توك تحتاجيني وتطلبين مساعدتي .. تتوقعي بعد اللي سويتيه اوافق اساعدك

ليان : ندى انا تعبانه والله تعبانه حتى بالسكول ماعدت اشوفك .. ابي اكلمك لكن انتي تختفين

ندى : ايه اختفي لاني مابي اشوفك ولا اشوف وجهك ..

ليان : بكره بعد الاختبار لازم اقابلك .. ابي اتكلم معاك ضروري

ندى تلف خصله من شعرها على اصباعها : اممم افكر اوكي .. يالله بذاكر باي ..

وقفلت بوجهها .. وهي تحس بنشوه وشعور غريب ماحسته من قبل

آمــــــا عــــنــــد الــــقــــلب الــطــاهــر والأنســـانـــه الهــــادئه

تمالكت نفسها وهي تكلم عمها .. قلبها يتفطر على نفسها وحالها .. على عذابها اللي كل يوم يزيد اكثر واكثر ... ماتدري تبكي على نفسها والا على موتها ... غابت دموعها بهذي اللحظات

قسوة تملكتها في هذي الاثناء .. شعور لاتجد له مسوغا أوسببا لكي يقتحمها الأن بـــأكثر اوقاتها حاجه للدموع .. والصراخ والأنين .. خانتها .. وتركتها وحيده تصارع موج بحرها الهائج

وقفت ونزلت راسها شبكت يدها ببعض : عمي اتركني افكر يومين ..

ابو مها : يبه ياشووق فكري زين .. ولاتتأخري بقرارك لأن الولد مستعجل

شوق : ان شاء الله ياعمي ... بس لازم أستخير وأشوف أيش يطلع معي

عمها : خذي وقتك يابنتي ..وفكري على مهلك

شوق : تصبح على خير عمي

عمها : وأنتي من أهل الخير ...

مشت لغرفتها دخلتها أول مره تشوف غرفتها تابوت يحتوي على جثتها

إنسدحت على سريرها ببطئ وتعب هالك جسدها ... قلبها ماعادت تحس بنبضاته .. دمها نشف بعروقها ... إحساسها مات ...دموعها جفت .. ألمها ســكــن .. ومــاذا بعد ؟!..

كانت تتوقع أنه مجرد كلام عابر... مستحيل يكون واقع مر تعيشه وتجاريه الأن..

امـــــهـــــا هي من كانت تمر على مخيلتها في هذه الاوقات ... أمــــهـــــآ ويـــنـــهــا ؟؟

امــــهــــــآ البــعيــــده ... محتاجـــتـــهــــا ومـــحــــتــاجه حــضــنـــهــــآ الـــدآفــــي !!

يآيمه يكفيني من الدنيآ مآجآني

عيآ الجسد يرتآح من كثرالمصآيب

يآيمه دنيآي شفت منهآ مآكفآني

عيا الجفن ينآم من هول الغرآيب

هذا قدر ربي يآيمه وربي بلآني

والمرض هد حيلي يآيمه هد الصلآيب

يكفي كل ٍ عرف فيني يآيمه يعآني

وشعر رآسي شآب ولآ هوبشآيب

يكفي كل خل عرفته يآيمه نسآني

نكر وقفتي معآه يآيمه يوم الطلآيب

يكفي دمعي من عرفته مآجفآني

يكفي ضحكي من تركته دوم غآيب

يكفيني آلم يمه يزود آلم شريآني

يكفيني تعب يمه غيرطعن القرآيب

يوم بغيت الموت يآيمه مآبغآني

ويوم آحتجت للحبيب رآحوآ الحبآيب

يوم خذيت همهم محد يآيمه خذآني

ويوم شكيت لهم عآيروني بالمصآيب

يآمآ عطيت غيري كثير ومآعطآني

ويآمآ طفيت نآره يمه بوسط اللهآيب

يآمآ سقيته من غديري ومآ سقآني

ويآمآ طعني بسكينه بلآ ذنب وسبآيب

نزلت دمعتها على وسادتها وأعقبها سيل من دموعها ... لفت على الجهه اليسرى ومرت ببالها الذكرى

؛؛

تبكي بحرقه وألم .. تبكي ولاحد حاس فيها ... كانت بين أحضان أُم مها اللي تشاركها البكاء

تاره تخفف عنها .. وتاره تعجز عن مساعدتها ...

...: آآآآآه ياخالتي ليش أنــا إنظلمت ليش؟!..

أُم مها تبكي : يايمه ربي مايترك الظالم ... مايتركه لو طال الزمن

شوق تبعد عن حضنها ودمعها جرح خدها وأثار الخدوش بوجهها ورقبتها : أنا ميته ... روحي تسري بجسد ميت ... لازم أموت وأرتاح

أُم مها تضمها لصدرها : آآآآه يايمه الناس ماترحم .. لكن ربك أرحم الرآحمين .. ربي معك وين ماتكونين وبينصرك على ظالمك

شوق تدفن نفسها بحضنها وهي تتذكر اللي صار: أي نصررر ... وأنا ما آعرف عنه شي

أُم مها : الظالم .. يتجبر ويطغى على من حوله ... يهين الكل ويظلم والكل مايقدون يحكون ... لكن في اللي أعدل منا يايمه هو حسبك ونعم الوكيل .. بيأخذ حقك مهما طالت الايام

ضمت مخدتها اللي إمتلت دموع : آآآآه من اللي ظالمني ... كل يوم يعذبني ..من 5 سنين ماشفت السعاده يوم .. ولاضني اشوفها بعد اليوم

بعد ماهدت من نوبة بكائها رفعت بلوزتها وهي تتأمل بطنها والأثر الباقي اللي مامحته الأيام بمرورها .. بصمه ذلك الحدث الأليم لازالت على جسدها الناعم ... ذكــرى لــهــا طــول العــمــر لايــمــكن أن تُــنـــتـــسى .. هنا فقط بدأت النار تتأجأج في جوفها .. والحقد يلمئ قلبها ... والأنتقام أتخذ من لمعة عينيها حيزاً..

بغرفه ثانيه من البيت

شهد تطالع رغد بنظره غريبه : رغد .. ماقلتي لي ويش صار بينك وبين عبدالله ذاك اليوم

رغد رفعت راسها وهي تشوف شهد اللي مركزة بعيونها عليها .. قفلك كتابها وعدلت جلستها

:ويش تبيني اقولك ؟!

شهد ترفع شعرها بشباصه : اللي صار من الأول الى الأخير

رغد بحالميه زايده : وه وه ياشهووده .. ويش اقولك .. اقول عن كلامه والا عن لمساته .. والا والا .. ذاك اليوم كان غير عن كل الأيام .. رحت فيه لدنيا ثانيه

شهد : اممم تذكرين كلامك لي اول .. وين راح يارغد .. انا ماقلت لك شي يمكن تحسين على نفسك وروحك

رغد حست بالذنب وتأنيب الضمير : شهد لا تضني اني مرتاحه ومبسوطه بالعكس ...لكن انا احبه ياشهد افهميني

شهد : عارفه انك تحبينه ماقلنا شي ... بس اهلنا ويش ذنبهم يارغد .. تبين يطلع علينا كلام وسمعتنا تصير بالارض

رغد : اكيد لا .. ومستحيل اسوي شي يسبب لنا مشاكل

شهد :اللي تسوينه اكبر غلط

رغد رميت نفسها على مخدتها وهي تفكر بكلام شهد ... دارت الايام وصارت شهد تنصحها بدل ماكانت هي تنصحها

شهد : انا بروح المطبخ تبين اجيب لك شي

رغد تشيل كتبها وترميها على الارض تحتها : لا مابي شي بنام صحيني الساعه 3

شهد : طيب تصبحين على خير

رغد تغطي نفسها بالبطانيه بعد ما قفلت شهد الضوء وسكرت الباب وراها ... كلمات شهد تتردد بأذنها .. اللي تسويه اكبر غلط .. كيف تتركه بعد ماحبته وتعلقت فيه .. تذكرت ان كل ما بُني على باطل فهو باطل .. نامت بعد تفكير طويل ومتعب لها ولجسدها

هنادي ترمي كتابها بأخر الغرفه : اوووف اخيرا خلصت

شهد لفت عليها وبأبتسامه شفافه : خير ويش فيك كارهه عمرك

هنادي تستند على الكنب وراها : اووف الدراسه تقصر العمر والله ..

شهد : ههههههههههههههههههههههههههههه بدرري على الكلام هذا

هنادي توقف وتمشي بأتجاه المطبخ : بسوي نسكافيه راسي مصدع مررره

شهد تلف عنها وتكلم سمر : ايش فيك انتي الثانيه ... ياساتر البيت اليوم كله متضايق

سمر : والله ياشهد الاختبارات ترهق بقووه .. جسمي احسه مكسر حتى نوم ما اشبع .. وقلقانه

شهد تقفل كتابها : عادي ياقلبي .. هي كلها اسبوع باقي وتخلصون وبعدها تقولون يالله مر بسرعه

سمر : ما اضن .. الله يكون بعون سحر وريم ما اشوفهم الا بالمدرسه يطردوننا برآ الغرفه انا وهنادي

شهد : ما الومهم والله اكبر مزعجات بالبيت انتم

سمر : ماتحسين ان الجو بارد شوي

شهد كانت ملاحظة ان الجو بادي يميل للبروده وينبأ بوصول فصل الشتاء : ايه صاير بارد قرب وقت الشتاء

سمر انسدحت على الارض وغمضت عيونها تحاول تسترخي .. فجأءه جلست زي المقروصه

شهد همست لها بخوف : ايش فيك ؟!

سمر : انتي خلصتي مذاكره ؟

شهد تأخذ الريموت وتقلب بالقنوات : يس يس خلصت من بدري كمان بس كنت اراجع المعلومات

سمر وقفت وقربت من شهد وجلست جنبها : ويش رايك نروح نلف الحين مع جلالي نغير جو .. عشان تنفتح نفسنا للمذاكره

شهد لفت عليها واعطتها نظرات جامده .. وقفت بتروح تشوف هنادي بالمطبخ : إنطقي هنا وتنفتح نفسك للمذاكره ..

سمر تمسك يدها : بليززز شوشو وافقي وافقي .. بس انا وانتي وهنادي .. طبعا الدوافير بيرفضون ورغد نايمه خلينا نروح والله الجو جنان

حست انها محتاجه نفس طويل ونسمات اخر الليل هي اروع الاوقات... تشجعت

شهد : امممم طيب يالله جيبي عبايتك وعباية هنادي بشووويش

سمر توقف وهي طايره من الفرحه وجري للغرفه

بالغرفه

ريم : وين رايحه ؟

سمر : وين بروح يعني .. بغسل عبايتي .. وهنادي طلبتني أغسل عبايتها معي

سحر : اخص .. من متى النظافه يابنت

سمر تطالعها باحتقار : من قبل لا اشوف وجهك .. وطلعت وسكرت الباب .. وهي تضحك

كل هذا تمثيل عشان مايكشفونها .. قابلت شهد بالصاله ومعها الشنطه والعبايه وكوب نسكافيه عملته هنادي مجانا ..

هنادي تلبس عبايتها : كلمتي جلالي

شهد تضحك : ايه كلمته بس اووش لاتفضحينا

هنادي تفكر وتلف الطرحه على راسها : وين نروح طيب

شهد : طريق السلام او جهة طريق الهجره

سمر : اوف الهجره بعيده يابنت .. خلينا نروح السلام اقرب

شهد تلف الطرحه : يالله امشوا نقرر بالطريق .. ونزلوا

...: قلت لك مابي اروح ماتفهم انت

...: ماهو بكيفك بتروحين غصب عليك .. انا محتاج فلووس

... ( سحبت يدها منه بقوه وهي تبكي وتصرخ عليه ) : قلت لك مابي لو تسوي اللي تسوي ما أروح معك ياحيوان

...: أنـــــــا حيوووان .. طيب شغلك عندي قسماً بالله لا أوريك ياحقيره ...

...: انا اشرف منك اصلا انت واطي كيف تسمح لنفسك تدنس شرفك بيدك ..

...: اعطيني فلوس وأتركك بحالك .. انا عارف أنك تدسين الفلوس عني

...: قلت لك ماعندي فلوس روح فتش غرفتي اذا لقيت ريال واحد خذه ما أبيه

...( شدها مع شعرها وهو يضربها بقووه ): هين دواكِ عندي انا اللي راح اوريك واخليك انتي تجيبين لي الفووس

...: حرام عليك .. حررررررراااااااام ليش ناوي تدمرني

...: ناوي ادمرك هه ههه ههههه ههههههه ... انتي تدمرين بلد يأختي المصون .. وانا ما ابي اكون فقير طول عمري سامعتني

...: ربي كاتب اننا نكون فقراء ليش ماترضى بقسمتك ونصيبك

...: كيفي ارضى ما ارضى شي راجع لي انا .. وانصحتك دبري لي كم قرش لا يصير شي ماهو بصالحك ..

...: بتضربني اضرب جلدي تعود على الضرب ماصرت احس ابد ..والا بتقتلني .. ترحمني من عذابي وعيشتي اللي قرفتني فيها

...: هين انتي والشايب هذا ... خليه ينفعك

صحت وهي تصرخ وتبكي ...كابوسها يتكرر للمره الثانيه تحس انها بتستفرغ وانتم بكرامه جريت على الحمام بسررعه .. بعد ربع ساعه رجعت .. منهكها التعب وتحمل الألم .. جلست على سريرها وجسمها الضعيف اتعبه الارق وتحمل عذابها ..والتفكير الذي كاد ان يصل بها الى حد الجـــنــون

ضمت مخدتها وهي تبكي بحرقه وألــم ضمتها وهي تصرخ بداخلها .. كل شي ضدها ..

يـــــتــــعـــــبــــهــــــآ...

يــــألــــــمــــــــهــــــآ ...

...يـــــعـــــذبــــــهــــــآ

شوق : ربـــــــآآآآه رحـــــمـــــآآآآآآكـ .. أنــــي فــــوضــــت أمــــري ألـــــيـــــكـ .

جلست بعد ما آضناها التعب ... وقفت بتكاسل واخذت لها ملابس واتجهت للحمام تأخذ شور يريح اعصابها وتسترخي بعدها وتبعد عنها التفكير المجنون للحظات ..

سمر تجلس على الرصيف : يـــالله الجو يجنن

هنادي تنزل طرحتها : وـآآآآآآـو هدوء وجو هادي يرد الروح

شهد تغمض عيونها وتأخذ نفس طويل : آآآآآآآآه

هنادي تطالعها بتفحص : يالطيف ويش الآه الطويله ذي

شهد تجلس جنب سمر على الرصيف : احس في شي مكبوت فيني

هنادي : عساه شرد

سمر ضحكت من قلب : هههههههههههههههه

شهد تلف عنها : الشرهه علي اللي جبتك معي انتي ميته الاحساس قاسيه

هنادي بلامبالاه : احيان القساوه تفيد .. بالله تخيلي انا اقول آآآآه .. الله لايجيب ذاك اليوم

شهد ترفع يدها : يارب كون بعون اللي بيتزوجها

هنادي تضحك : قصدك اللي انا بتزوجه لاني انا بخطب لنفسي

شهد طلعت عيونها قدامها لفت على سمر : اضنها متجرده من الانوثه

سمر : لا تظني تأكدي ياختي العزيزه

هنادي تلف عنهم وتمد بصرها : مافادتكم الانوثه ههههههههه

شهد تطالعها بعصبيه نفسها تصفقها كف تصحيها من العالم اللي عايشته وماهي قادرته تكسر حواجزه وتتخطاه : هيه انتي ويش تقولين

سمر تغير الموضوع وتحالو تدفي نفسها لانها حست بلسعه برد : ماتحسون ان الجو صار بارد

هنادي : اي والله شوي بارد .. بس خيالي صراحه

شهد : بس لو كان قريب شروق الشمس يكون الجو جنآن

هنادي : بدت بالرومنسيه الاخت ... هيه ترى حنا عايشين بديره كلها صحراء قاحله ماهي انهار وبحوره زرقاء صافيه .. البحر عندنا اخضر

شهد : اقووول انتي اسكتي ابرك لك .. كل شي فيك يحطم .." لفت على سمر اللي سكتت فجاءه ".. وانتي ويش فيك سكتي

سمر تشوف سياره بعيده عنهم : شوفوا السياره البعيده نزلت صندوق على الطريق .. "وقفت بسرعه "..شووفوا نزلت شنطه كمان

هنادي وشهد وقفوا يتأكدون كلام سمر حقيقي ..

سمر : ويش نزلت السياره

هنادي : اممم يمكن احد مقتول ورامينه على الطريق

سمر خافت وتمسكت بشهد : مقتووول !!

هنادي : يمكن او يمكن عصابه مخدرات والحين يجوون ناس يستلمون البضاعه

سمر تلف بعيونها المكان فاضي والمخطط مافيه غيرهم وغير السياره اللي نزلت الصندوق وراحت

سمر بخوف : بس مافي غيرنا

شهد تملكها الرعب : يمكن جــــــن

هنادي ارتجفت :بـــسم الله الرحمن الرحيم .. امشي امشي نرجع ..

ركبوا بسرعه السياره ومشوا .. وكانوا قريبين من الصندوق

شهد :جلالي خفف سرعتك بشوف الصندوق ويش هو ؟؟

قربوا وخفت السرعه .. كانت بالنسبه لها صدمه

شهد شهقت : طـــــــفــــــــــل بـــالـــمــهـــد

سمر وهنادي بصدمه : ويــــــــش ؟!.

شهد ارتبكت : وقف ياجلالي وقف بشوف البيبي ... نزلوا بسرعه كلهم

قربت من المهد اللي كان زي السله لونه سماوي قربوا ثلاثتهم ..

هنادي وسمر متمسكين ببعض وخايفات مرره وكمان شهد لكنها كانت اقوى منهم

شهد : بسم الله الرحمن الرحيم ... وسحبت الشرشف اللي مغطي نص الطفل وحاميه من البرد

كانت مصدومه .. طفل كأنه ملاك .. واضح ان عمره بين الشهر او شهرين

سمر : شهد لاتمسكيه

شهد غطته كويس زي ماكان كان نايم بسلام وطمأنينه .. مايدري عن حالته الأن .. بعدت عن الطريق وحطته على الرصيف وحطت جنبه الشنطه اللي معه ..

هنادي تسحبها : خلاص خليه ياشهد مالنا شغل .. امشي يالله

شهد وعيونها متعلقه فيه : حرام نخليه ياهنادي

سمر : اذا اهله رميوه نجي احنا نأخذه .. ربنا ارحم فيه منا ومن كل الخلق .. امشي يالله

سحبوها بقووه ورجعوا البيت

كانت طول طريقها تفكر بالطفل اللي خلوه .. تفكر بأهله اللي تخلو عنه .. اكيد كان ضحية غلطه ... لكن اي قلب يترك فلذة كبده

سمر : شهد ايش فيك ؟!

شهد تمسح دمعتها : ولا شي .. يالله وصلنا ..

اول مانزلوا كان صوت الاذان ملئ الاجواء بكل مكان بالمدينه .. دخلوا البيت بسرعه قبل ابوهم يصحى ويشوفهم ... كانت بأستقبالهم شوق اللي كانت قلقانه عليهم

شوق بحده : وين رحتوا ؟

هنادي : اخذنا لفه بالشوارع طفشنا من البيت

شوق تطالع شهد اللي دخلت البيت هاديه واتجهت لغرفتها بدون اي كلمه ..مستغربه هدوئها ولمحت لمعه حزن بعيونها .. وحست انها تداري دموعها

شوق : ليش شهد متضايقه

هنادي وسمر : صارت لنا قصه طويله .. لاجينا من المدرسه نقولك .. وراحوا لغرفتهم يصلون ويبلسون عشان يتجهون لاختباراتهم

راحت لسجادتها تصلي سنة الفجر والفرض .. بعد ماخلصت قرت أذكار الصباح .. وقفت وكان الجو مايل للون الازرق الغامق .. وقفت على شباك غرفتها تشوف الناس يطلعون من المسجد بعد ما أدواء الفرض ..

هواء بارد ... ووحده قاتله .. والم يسري بين حنايا قلبها ..

" يآ شرفة الغ‘ـَيآإأبّ "

?مٍ غآإأيبٍ جآي..؟!

و?مٍ غآيب .. بيظلّ ..

[ ذ?رى ح‘ـَزينـٌہ ..! ]

{ و?مٍ من صبآحَ‘ يمرٍ يطفيّ اش‘ـيآإأئي ..~

و?مٍ شيّ مرٍ الصبح وآطفيْ ح‘ـَـًنينـہٌ .!:::

:::

:::

رغد : يالله شهد تاخرنا مرره

شهد تسحب شنطتها : يالله خلصت انا

رغد : بشوف البنات اكيد خالصين .. اتجهت للصاله وكلهم ينتظرونهم لانهم كالعاده متاخري بسببهم

ريم معصبه : يالله الساعه سبعه الا ربع

رغد: خلاص شوفي شهد جت يالله مشينا

هنادي : يالله باي شووقه

شوق : الله يوفقكم .. لاتنسوا تقولوا الاذكار بالطريق .. وتسمون قبل تبدون بالحل

الكل : ان شاء الله

شوق : انتبهوا لأنفسكم ...

وكانت بداخلها تدعي لهم من كل قلبها .. جهزت فطور لها ولعمها

شوق بعد ماخلصت من الفطور وتعدلت بجلستها : عمي

ابو مها : هــــلا يابوي

شوق تشبك يدها ببعض وتزل راسها وقالت بتردد واضح : عمي انا موافقه

ابو مها : متأكده يابنتي

شوق سكتت شوي ورفع راسها وابتسمت : ايه متأكده بلغه إني موافقه

ابو مها بفرح : الله يوفقك يابنتي ويسعدك ويعوضك خير بدنياك

شوق : بس ياعمي لازم تقول له كل شي

ابو مها : هو عارف كل شي يابنتي لاتشيلي هم ..

شوق : زين .. انا بروح انام تبي اسوي لك شي ياعمي

ابو مها : سلامتك يابنتي انا بروح المكتب عند كم شغله عشان الصفقه الجديده .. ان شاء الله ربي يوفقنا يابنتي .. ويرزقنا بالرزق الحلال

شوق : أمــــــــــيـــــــن .. الله يسهلك ياعمي

ابو مها : يالله مع السلامه ... مشت مع عمها الى ان وصلته للباب وقفلته ورجعت تشيل الفطور وترتب المكان ..

فهد : الله يابرك فيك ياعمي ابو مها .. ان شاء الله اكلمك قريب ونحدد موعد نجيك انا والاهل

ابو مها : تنورون المدينه بجيتكم ...

فهد : تسلم ياعمي .. الله يقدم اللي فيه الخير .. واكون عند حسن ظنك

ابو مها : الله يوفقك ياوليدي .. انتظر اتصالك .. مع السلامه

فهد : مع السلامه .. اول ماقفل جواله ضحك بهستيريا .. وصوت ضحكه مالي مكتبه الكبير

سند نفسه على الكرسي وحط رجل على رجل .. وكله ثقه بنفسه وبقدراته .. اي شي يبيه يجيبه

فهد : وهذا انتي ياشوق .. قرررريب قرررريب بتكوني عندي .. هههههههآآآآآآي

رتب اوراقه بالشنطه وطلع من مكتبه

فهد وقف : سلطان .!!

سلطان : سم طال عمرك

فهد : انتبه للشغل .. انا طالع عندي كم شغله بأخلصها والعصر ارجع

سلطان : ان شاء الله طال عمرك

فهد يطالع سلطان بنظره غريبه : لو يصير اللي براسي ياسلطان لك مني 10 الأف هديه

سلطان ابتسم : خير يا استاذ فهد .. ويش يدور براسك

فهد يبتسم : قريب تعرف قريب .. يالله سلام

سلطان : مع السلامه ..

الــــســـــاعـــه 9 ونــــص

رغد تركب السياره : ويش فيك اليوم ما أنتي طبيعيه ابدا .. ويش صاير لك

شهد : بعدين تعرفين ... جلالي وديني المكان اللي الفجر وديتني له

جلالي : اوكي

رغد تصرخ عليها : لا تمخوليني ... قولي لي ويش الحكايه

شهد تصرخ عليها كمان : قلت لك بعدين تعرفين ..

رغد بعصبيه : اوكي بعدين بعدين ..

بهـــذآ الوقت

ندى : خير ..

ليان : ندوو لازم تسمعيني بعدها سوي اللي تسوي

ندى : قلتي نطلع مطعم طلعنا .. قولي اللي تبين وخلصيني بروح البيت تعبانه

ليان بحزن ماتوقعت بيصير بعلاقتها بندى بهذا الشكل : ادري اللي سويته غلط .. لكن غصب عني يا ندى

ندى : أي غصب عنك .. تطلعين مع العيال غصب عنك ... تصوريني وانا ياغافلين لكم الله غصب عنك ... والله اعلم ويش صار بعد

ليان ودموعها على خدها تبي تبرر لها اللي صار لكن ماتعرف الطريقه .. تبي تشرح لها معاناتها بالبيت ... قسوة ابوها بعد علمه بكل شي .. تبي تشكي لها من غضب امها عليها اللي ماتطق شوفتها ابد .. (( الظلم انقلب على الظالم ))

ندى : وفري دموع التماسيح هذي .. وقولي اللي تبين لان وقتي ضيق ومابي اضيعه

ليان بطريقه مباشره : ندى انا مدمنه وابوي عرف بكل شي .. وفهد ...

ندى وقفت وقاطعتها بصدمه : مدمنه !!.. انتي ياليان مدمنه ؟؟!

ليان تبكي : أيه مدمنه .. والقصه طويله لكن ابي اقولك اني بعت كل شي عندي حتى اشتري حبه وحده ..

ندى : وفـــــــــــهـــــــــــد يدري ؟!

ليان تمسح دموعها وتشرب مويه : ايه هو اللي وداني المستشفى وكشف علي

ندى : وابوك وامك مين قالهم ؟

ليان بغصه : فــــ....ـــــهـــ......ـــــد

ندى : ط...طــيــ..ــيــب .. ويش كمان

ليان : ابي اقولك شي بس مابي احد يدري فيه محد يعرفه غيرك انتي وبس

ندى : قولي ..

دخلت البيت هي ورغد .. وصوت بكاه انتشر بأركان البيت

جت تجري على أثر الصوت ..صدمـــه × دهـــشــه ..

شوق بخوف : ويش ذا ؟!

رغد : اختك أنجنت ياشووق

شوق : شهد مين هذا اللي بيدك

شهد : هذا طفل شفته مرمي بالشارع .. مدت لها ورقه قرتها شوق وزادت دهشتها

نزلت عبايتها .. وطلعت الطفل من مهده .. وضمته لصدرها

شهد : شوق سوي له حليب تكفين

شوق تجلس قبالها مصدومه مو قادره تستوعب اللي تشوفه قدامها : انتي ويش تقولين ؟!.

شهد بأصرار : شوق خلي الكلام لوقته البيبي حرام جوعان

رغد تجلس بتأفف : بس احنا ماسبق وربينا احد مانعرف نتصرف معه

شهد بصوت حاد : نتعلم .. هذا بذمتنا الحين

تأثرت شوي شعورها غريب عطفت على الطفل وحزنت عليه فكرت اذا كبر كيف بتكون حياته كيف بيعيش لحاله في غابه الكل أول اهتماماته نفسه

شوق : أنا بروح اسوي له حليب .. طلت فيه بنظره حزن .. وأتجهت للمطبخ

رغد مستغربه من شهد وتغيرها المفاجئ : شهد ويش فيك تطالعي الطفل كذا

شهد بنظره تساؤل : متأثره فيه .. كيف امه تخليه شفتها بعيوني تنزله ومعها رجال يساعدها

رغد : ماسئلتي نفسك ليش رمت طفلها اللي حملته بداخلها شهور

شهد فهمت كلام رغد الغير مباشر وقفت وهي تطالعها بنظرات حاده قويه وراحت للغرفه عشان ترتاح من كلامها ..

شوق دخلت الغرفه ومالقت شهد : وين راحت شهد

رغد ترمي عبايتها على الكنب وبتأفف : بالغرفه تهرب من الواقع .. هذا ولد لقيط

شوق بحده : رغــــــد .. حرام عليك هذا طفل ويش ذنبه يموت لازم نهتم فيه وربي يقدرنا اننا نربيه

رغد فتحت عيونها : يعني انتي عاجبك اللي سوته شهد .. ناسيه ان ابوي مستحيل يوافق على هذا الكلام

شوق : عمي انا اكلمه .. اقل شي نبلغ عنه .. المهم تعالي نروح نرضعه

رغد سكتت شوي ومشت مع شوق باهتمام مخفي صح انها معارضه انهم يهتمون فيه لكن بداخلها تحرك شعور الامومه .. جلست جنب شهد وهي تتأمل ملامح الطفوله البريئه وجماله الرباني ..

شوق نزلت دمعتها رحمة له : حرام مثله يعيش مجهول النسب

شهد تبوسه : انا بربيه .. حتى لو اترك كل شي واتفرغ له .. شفت اهله يوم يرمونه بدون أي اهتمام .. يرمونه للدنيا غلطوا ومافكروا به ليش يدفع ذنب ما أرتكبه

رغد نأثرت شوي بكلام شهد : الله لا يسامحهم يعني اذا تخلصوا منه خلاص لكن وين بيرحون من الله وين بيلاقون التوفيق ضميرهم ما يأنبهم

شوق : قلوبهم صخر .. اذا خايفين من الفضيحه ربي ستار العيوب .. بس ليش يسوون كذا

شهد تحطه على سريرها وتحلفه بالبطانيه : امشوا برى عشان ما نزعجه

طلعوا برى .. يسولفون ويقررون .. واهم شي كيف يقنعون عمهم

رغد : من جد امه وقحه كاتبه كمان ولدي بذمتك .. ناس ما ترحم

شوق تسند نفسها على الكنب وتفكيرها يرمها على شواطئ مدن غريبه لم تزرها ابدا .. غمضت عينها بتعب ... مـــلــــكـــة ريـــــم & خــــطـــــبــــتـــها & الــــطـــفــــل... اللي طلع لهم فجأه .. من وين تلاقيها من زحمة هذي الظروف ..

شهد : شوق ويش فيك من امس وجهك اسود وحزينه وباين الهم فيك ..

شوق بهدوء وبرود : أنا أنخطبت

صدمه لرغد وشهد كلمتها كانت مثل الصاعقه عليهم ..

شهد بفرح : صدق !!.. طيب ليش زعلانه .. المفروض تفرحين

شوق تبتسم بسمة مجامله : اكيد فرحانه .. لكن اللي مثلي ومثل ظروفي ماتفرح يمتلكها الخوف ..

رغد : ليش ويش فيك انتي ... ماناقصك شي ابدا اجمل وحده فينا .. واخلاقك اروع اخلاق .. وييكفي ألتزامك بدينك ومحافظتك عليه

شوق توقف كأنها تتهرب من مواجهتهم : انا تعبانه بروح ارتاح بغرفتي

تركتهم لوحدهم يحاولون يفسرون ردة فعلها الأنعكاسيه ..

عبير : خبله انتي .. لالا انا اخاف مره وطلعنا سليمات .. هالمره ما نظمن

هنادي ترمي علبه العصير طول يدها : ياخبله غامري ولو مره .. شوفي انا بسويها .. وربي ماراح اتركه بحاله

عبير : ويش بتسوين فيه ؟؟..

هنادي : اجل انا يضربني كف ... آآآه يالقهر والله لا اجننه .. مره نسمت كفراته ومره خليت جلالي يخرب الفرامل بس عمره طويل هذا ما يموت اوووف

عبير وعيونها طلعت : خبله انتي .. بتموتين الولد حرام عليك

هنادي : صبرك علي والله لا اخليه يلف حول نفسه مثل عقارب الساعه

عبير : هنادي بلاش جنان ..

هنادي : شوفي ماتبي تساعديني بكيفك .. ما اغصبك

عبير : تدرين اني معك بكل شي ..

هنادي : اجل خليني افكر بخطه جديده نسويها وما تفشل مثل سابقاتها

عبير تضحك : من متى العربي

هنادي : احم احم من الان وصاعدا ً

عبير : هههههههههههه تأثير الأنقلش اليوم

هنادي تكشر : والله مافهمت شي من الاوراق الاربعه اعد حقره بقره قالي عمي عدي العشره واختار

عبير : مثلي بس اللي حليتها الماتش والوورد ستدي

هنادي : اقول تكفين لاتذكرين .. امشي نروح نتمشى مليت من الجلسه

عبير تطالع بالساعه : خلاص ربع ساعه ونطلع .. ترى اليوم بروح معكم

هنادي : اوكي اوكي نو بروبلم

عبير تحط يدها على راس هنادي : بقرأ عليك اليوم مخبطه انتي

هنادي وعبير : هههههههههههههههههه

هنادي : اقول قومي يالله

عند سلم الطوارئ كانت ريم وسحر وشلتهم جالسين يسولفون

لينا : طيب والفستان ياريم

ريم : شوق راحت هي ورغد الاسبوع اللي فات واشتروه لكن عدلوا عليه بالمقاس والطول

سحر : بس مرره حلوو ناعم وخطير صوروه بالجوال عشان نشوفه

تهاني : ماحددوا يوم الملكه

ريم : قال بالاجازة .. بس ماحددوا اليوم

سحر : اهم شي خلصنا من الملابس

لينا : احم ان شاء الله اول الحاضرين

تهاني : اكيد حتى انا ..

ريم : حياكم الله ..

لينا تمسك يد ريم : عاد الله الله سوي نفسك خجوله وتستحين واصحك ترفعين راسك عشان تقزينه .. بعدين يحسبك بنت مش ولابد

الكل : هههههههههههههه

تهاني : الله الله ويش هالنصايح الخربانه

لينا تغمز لسحر : عشان تتفاجئ بشكله يوم الزواج وتقول ياليت اللي جرى ماكان

سحر تهمس للينا : الله واكبر عليك انتي .. تعدين الايام والساعات عشان تصيرين ببيته

لينا : تبين الصدق ميته موووت عشان نصير انا وياه زوجين

سحر : هدي هدي لاحقه على الشقى وسوي غداء وحطي عشاء .. ابي شاهي مشتهي حلى ويش فيك اليوم ماطبختي .. اللي يشوفني يقول عزابي ووو ... الـــــخ << فديتني اسطوانتي الدائمه للمقبلات على الزواج هع هع

لينا ترفع عيونها للسماء : وه وه متي يقولي هالكلام والله لا اشعل له اصابعي شموع ... بس نجتمع انا وياه .. غمضت عيونها بدلع وضمت شنطتها لحضنها

البنات : هههههههههههههههههآآآآي

ريم : يالطيف يالطيف ... ودوها ميسره طاهر البنت نفسيتها دمار

تهاني : لا وتطالع فوق مافوقها غير الزنك المصدي

سحر : ههههههه تحطمي فيها مافاد مشفوحه على الزواج

لينا ترفع يدها للسماء وتدي : ياررب شمتني فيهم كلهم ريم عما قريب وهالعوانس وراها بالترتيب ..

تهاني : من بؤك لباب السماء

ريم : الله يرحمنا برحمته

سحر : انا نفسي طابت من كل شي مابي لا زواج ولاحب ولا خرابيط

لينا تطالعها بنص عين لانها فاهمتها : ماتبين .. والا في شي غير تفكيرك

سحر : ذيك ولا هذيك .. بالله قفلوا السيره حسستوني اننا عجايز

هنادي تدخل وتوقف وسط الدائره : هيـــــــــــه انتي وهي يالله جلالي برى

سحر وريم يوقفون : طيب لا تنفخين

هنادي : انا بذلت مجهود جبار اليوم بالاختبار فكرت كثير وعقلي مغلق للصيانه .. مافيني افكر ويش ارد عليكم .. انا بسبقكم وبقول لسمر ...

مشت قبلهم وهي تصرخ بحوش المدرسه تنادي سمر

هنادي ترفع صوتها : الى من تعرف سمر القايد تخبرها بأننا سوف نذهب ونتركها .. والحاضر يعلم الغايب ... مافيني ادورها ..

والكل يضحكون على هسترتها ودمها الخفيف .. لانها محبوبه من الكل

بـــآلـــبـــيـــت

شوق تلاعبه : آســـــوو .. " تضحك عليه " .. بسم الله عليه يهبل

شهد تطالعه وتبتسم : وي وي بسم الله عليه مشاء الله يجنن .. اللي يشوفه يعطيه ست شهور

رغد تنعس مرره : انا بروح انام .. دخل ابوها

ابو مها : الـــــســـ...... وسكت وعيونه متعلقه على الطفل اللي بحضن شوق

ابو مها : مين هذا ؟؟

سكتوا البنات وصاروا يطالعون بعض .. انعقدت السنتهم عن الكلام .. كيف بيبررون لابوهم علامة استفهام انرسمت على وجيههم

شوق بعقل وهدوء : عمي الموضوع طويل وارجوك تفهم كلامنا ... الطفل صار بذمتنا

ابو مها جلس جلسة انسان هادي وراكز : خير يابنتي .. ويش القصه

شهد نزلت راسها وقالت بخوف : يبه انا جبت الطفل هنا

عمها عقد حواجبه باستغراب ودب الخوف في قلبه .. لكنه سكت حتى يسمع كلامها لأخر شي

شهد : بالليل طلعنا انا وسمر وهنادي نتمشى نغير جو .. بعدين شفنا سياره ترمي الطفل على الشارع وجنبه اغراض له .. المهم احنا رجعنا بعد الاختبار خليت جلالي يرجعني المكان ولقيته موجود والشمس تحرقه وصوت بكاه مالي المكان .. ماقدرت اتركه قلبي يعورني عليه مرره يبه طول الوت افكر فيه من شفته بالليل الله يخليك يبه خليه عندنا .. احنا نحب الاطفال وماعندنا اطفال خلنا نربيه ونكسب اجره

ابو مها كبرت شهد بعينه : امممممم .. شوفي يايبه انا ببلغ عنه واعطي كل شي عنه وبنخليه عندنا الين اهله يجون ويأخذونه

شهد : يبه انا شفت الحرمه ترميه ومعها رجال حتى اسئل سمر وهنادي

ابو مها : مهما كان يمكن اهله يرجعون له ويحنون ... هذا ظناهم يايبه بكره تتزوجين وتجيبين اطفال وتعرفين قيمة الظناء

رغد بتردد : يعني انت يبه عرفت قيمة مها وهي بعيده عنا

ابو مها ارتكب كلام رغد هزه من الاعماق شوقه لبنته فظيع لكن سواتها ماتنغفر ابد .. بس لو يعرف سبب زواجها يمكن يقدر يسامحها ويحن عليها مره ثانيه

شوق : عمي الله يخليك صار لها كم شهر معقوله ما تغير فيك شي .. ما اذكرك قاسي علي .. كيف بتقسى على بنتك اللي من لحمك ودمك

ابو مها : يصير خير ..

شهد : يعني نخليه عندنا

ابو مها : ايه وانتم لاتقصرون عليه وكل شي يحتاجه قولوا لي اجيبه له .. الحين انا بروح ابلغ عنه اعطيني كل المعلومات عنه

دخلوا البنات تعبانات مرره .. ونعسانين دخلوا الغرفه .. وكلهم تفاجئوا وساد عليهم الصمت ..

فـــــهـــــد

احس اني حققت نجاح بكل شي حولي بهذا الشهر .. ليان وانهيت موضوعها .. وندى ماتدري عن اي شي سويته عشانها ... والأهــــــــم .. شوق .. "شــوقــــتـــي " .. لما زف لي عمها خبر موافقتها امتلكتني نشوة الانتصار شعور غريب ماقد حسيت فيه من قبل ليش كل هذا ؟! الاهتمام دايم اسئل نفسي ويش سر اهتمامي فيها ياترى؟ ... ويكون هو الجواب .. جواب مافي غيره .. لكن ما راح استبق الامور كل شي بوقته حلوو ياشوق ...اول خطوه عديتها بنجاح .. وبتكون ملكي لوحدي .. هذي اول الامور تمت على خير وسلآم باقي لي مرآحل صعبه .. لازم أسافر الرياض عشان أقول لأبوي وأخواني وأعمامي .. حتى يكونون على علم ومايزعل علي زي دآيم ..

مسك فرشته وبدأ يرسم وبدأت حالته اليوميه .. كأنه غايب عن الوعي ولايرجع لواقعه الى لما يخلص من لوحته تذكر ابيات دآيم يكررها وتناسب وضعه الدآيم اللي كل ماهرب منه يبقى هو حقيقته المره اللي يحاول يخبيها عن الكل والأدهى والأمر انه يحاول يخبيها حتى عن نفسه

أنآدي للأمل لگنْ ، يردّ الصوتْ ليّ مبتورْ ! !

أردْ أصرخّ بع'ـَآلي الصُوتْ ؛

. . . . . . . . . . و تبقىآ حسرتيْ ملجآيّ . . !

وأنآبآقيّ ع'ـَلىآ ع'ـَهديّ ، أترْجم وحدتيّ بـ سطورْ . .

وحَـَيدْ ولآ ع'ـَلىآ بآلَـَـَيْ ،

. . . . . . . . . . سوىآ شآرعْ . . ومَـلّ إخطآيّ ! !

بــآلـلــيـــل

دق عليها .. ترددت ترد او ماترد قرارها ينتظر التنفيذ وقلبها يتمرد عليه ويخونها .. حبه تملك كل مافيها .. قلبها روحها عقلها .. ما بقى شي بعد فيها ..

رغد بصوت متردد : الوووو

عبدالله بخوف : رغد .. وينك ادق ولا تردين خفت عليك

رغد : انا ما أبي ارد عليك

عبدالله سكت شوي بعدها قال : والسبب ؟!

رغد : عبدالله اذا صدق تحبني .. تعرف بيتنا تعال واخطبني وتصير علاقتنا شرعيه .. ماهي حرام وبالخفاء .. انا فكرت بحالتي وياك لنا شهرين .. وانت تقول تحبني .. اثبت لي هالشي واخطبني

عبدالله تفاجئ من طريقة كلامها : تحسبيني اكذب عليك يارغد

رغد : انا ماقلت تكذب ... قلت اذا صدق تحبني اثبت لي .. ولا تنسى انه حرام اللي نسويه

عبدالله : كلامك على عيني وعلى راسي .. وانا اسف اذا ازعجتك .. وقفل الجوال بوجهها

رغد شوي وتبكي : اوووف ويش هببت انا .. اكيد زعل

دخلت على كلمتها وبحضنها الطفل .. : زعل مايرضى .. يوم قلتي له الحق زعل الله لا يرده

رغد ودمعتها بعينها : بس انا احبه يا شهد

شهد : اقول ويش رايك ايش اسميه .. ياناسووو عليه هبلني

رغد عصبت : احر ماعندي ابرد ماعندك

شهد وقفت : انثبري انخمدي .. انا رايحه للبنات بشوف يمكن يساعدوني الاقي له اسم

وطلعت متجهه لغرفة البنات

ريم تركت كتابها ونقزت من سريرها وهنادي تسبقها لشهد

هنادي : تكفين شهوده ابشيله .. ميته عندي خققني هالطفل المزيون

شهد تضمه لصدرها : اذكري الله ..لايصير فيه شي

هنادي : تف تف مشاء الله

ريم تسحب شهد وتجلسها على السرير : ياناس ياناس يجنن .. وربي اهله مايعرفون قيمته وتبوسه على خده بقووه

سمر تنسدح على السرير وتفكر : اقول ويش بنسميه

شهد : انا جايه نتفق ايش نسميه

بدوأ كلهم يفكرون بأسم

سحر : ويش رايكم بأسم خالد ..

شهد تفكر : اممم مدرري طيب غيره

هنادي : زيد زيدان هههههههه

سمر : وربي تلاقونها تفكر باسماء الاعبين وتطلع منهم

هنادي تضحك : يمه منك تقرين الأفكار

شهد : خلاص لقيت الاسم

الكل : شـــــنــــو ؟!

شهد : مشاري .. وندلعه ميشوو

ريم : حلوو

سحر تاخذه بحضنها : ميشو ياروح سحوره انت .. ازحك تؤبرني ازحك .. فديته

هنادي تقلدها وتحط اصباعه على فمه : ازحك تؤبرني ازحك كه كه كه .. غبيه انتي

سحر تدفها عشان تبعد عنها : اقول طسي وخليني الاعبه

شهد تاخذه بالقوه منهم : ذاكروا بكره عندكم اختبار .. هذا ماي بيبي

سمر : وين بتنومينه ؟!

شهد : اكيد جنبي .. بكره بنزل السوق اشتري له سرير وملابس عمي اعطاني فلوس

هنادي : يرحم امك خذيني معك

شهد : لاتحاولين يالله بنام بكره ماوراي شي ..

سمر : اهبووووا .. يوم عندهم وعشره لا

شهد : تصدقين مابقى لي الا مادة يوم الأحد الجاي

شـــــوق

الألم والهم والخوف الدفين...

والشقى والضيم وآهات العنا...

والأسى والظلم ((والدمع الحزين))

كلها × اسماء × والمعنى .. .. ~ ( اًنا ) ~ ...!!

كلها × اسماء × والمعنى .. .. ~ ( اًنا ) ~ ...!!

كلها × اسماء × والمعنى .. .. ~ ( اًنا ) ~ ..

أول ما خلصت من كتابة هذي السطور اللي حسيتها طلعت من قلبي سكرت دفتري .. وصورته ببالي .. ماتخيلته بيوم يكون زوج لي .. كلي كره وحقد له .. انتقامي منه ماخلص لسى وهذي اول خطوات الأنتقام .. وافقت لغايه بنفسي ووافقت عشان عمي

واهلي يرتاحون من همي شوي .. اتخيله بكل ركن في زوايا غرفتي .. خوفي مالك قلبي .. احلامي احترقت ومابقى منها الا الرماد .. وقصور امالي انهدمت وهو من كان سبب الانهيار .. الانهيار اللي شل روحي

وعانيت منه كثير ولا زلت أعاني .. كيف بتكون بدايتي معه ؟!.

آآآآه ياربي ليش تهورت ووافقت .. لو تريثت وفكرت اكثر واكثر .. لكن حقدي الدفين وكرهي الاليم ثار وخلاني اجازف في ما بقى من حياتي .. هذي انا طول عمر واقفه بمحطة الانتظار .. ولا ادري متى بيأذن لي واسافر بعيد .. بـــــــعــــــــيـــــــد !!

بـــعـــــــد اسبوع

خلصت الامتحانات .. وطلعت النتايج وكل مبسوط وفرحان .. اللي حقق جزء من نجاحاته

واللي رضى بالمقسوم ..

بقى يوم على ملكة ريم وسيف .. وكلتا العائلتين يتجهزون بأحلى التجهيزات

سيف : الحمدلله الأسترآحه جاهزة من كل شي حتى الكوشه خليتهم يركبونها

ساميه بقهر : حتى الكوشه !.. اللي اعرفه ان الكوشه البنت تسويها

سيف : انتي مالك خص .. ليش اللقافه

ساميه انقهرت زياده منه : قلعتك .. متحمل حتى الخساير

امها : هذي بتصير زوجته .. ويش فيك عليه

ساميه توقف بعصبيه : بروح اشوف فستاني يحتاج بخار والا لا

سيف شافها الى ماوصت الدرج وطلعت لغرفتها : يمه ساميه ويش فيها علي .. ماسويت لها شي أنا

امه : ماعليك يمه .. مصيرها ترضى بالامر الواقع

سيف من قلبه : يارب يعدي كل شي على خير

امه : امين يايمه نبي نفرح فيك

في بيت ابو مها

سحر: طيب المسكه متى بنجيبها

شهد : بوح المغرب اجيبها أنا ورغد

شوق : طيب بالليل بنسوي بروفه ونشغل الشريط اللي زبطه بالاب توب .. ونشوف كيف

سمر : ويش رايكم حتى احنا نلبس ملابسنا عشان نسوي بروفه كامله

رغد جالسه تزبط سلة الورد لانها تحب التصميم وتتقنه .. رفعت راسها : اقول اعطوني غراء ابي الصق اللؤلؤ ..

سحر توقف : صبر بروح الغرفه اجيب لك الغراء عندي بالدرج

هنادي تذكرت اختها وبحزن : شوق ومهــــا ..

شوق ابتسمت لها .. مشت بأتجاهها وجلست بجنبها ولفت يدها على كتفها : لاتخافين امس كلمتني وبتجي هي وزوجها

البنات بفرحه : الحمدلله

رغد بفرح : فرحتيني ياشووقه

شوق : والله صدق هي قالت لي وتقول حتى اشترت فستان وردي بتلبسه .. وعلى حد قولها بتتفاجئين باللوك الجديد

هنادي بضحك : الله يستر لا تكون فاجعه ماهي مفاجئه

الكل : ههههههههههـــآآآآي

شهد تتخيل شكل مها : اتوقع سمرت او سمن بالعربي بتصير جيكره

كانت شوق متصله على مها وتسمعها الكلام وهم مايدرون ..

شوق تمسك جوالها وتكلم : ههههههههههههههه سمعتي المحشات الطازه

مها : سبيييييييكرررر بسرعه ... وحطت سبيكر

هنادي : مين ؟!

مها : فاجعه هاه .. والثانيه جيكره .. هين انتي وهي يا ريا وسكينه

شهد : خلاص لا تِحّترين بنشوف اللوك الجديد

مها : والله بندووورتي يوم شافني خق بقووه

ريم : بندوره والا خيار

الكل : هههههههههههههههههههه

هنادي : لا سلطة ومالحه كمان

سمر : وووع بندر كيف تدلعينه احس تجوعين يوم تقولين بندورتي ههههههه

مها انقهرت : بس فالحات بالتريقه على قلة سنع ووووع عليكم يالله باي

الكل : طــــــســــــي

واخــــيــــراً

شوق & فهد .. واخر التطورات والتوقعات ؟!

رغد & عبدالله وعلاقتهم الى اين ستنتهي ؟!

هنـــادي وتخطيطاتها وماهو الجديد ؟!

شهد & مشاري .. لا تعليق اترك التعليق لكم ؟!

والأهم والأهم والأهم .. ريم ويوم ملكتها ايش بيصير فيه ..؟!

الـــيـــوم اللي بـــعـــده

المغرب

الكل متجهزين .. يستنون وصول فهد وأهله

ريم : مشا الله تهبلين ياشوقه عمري ماشفتك بالشكل هذا ..

شوق واقفه قدام المرايا : احس اني علبه الوان ..

مها : اسمعوا الغبيه ايش تقول .. وقسم تجنني .. وبعدين الفستان الاحمر طالع توحفه عليك

شهد تدخل مع الباب تزغرط : كلووووووووش الف الصلاة والسلام عليك ياحبيب الله محمد

جت هنادي وبيدها صينيه تدق فيها : قولو اسم الله على غزال الظبي قولوا اسم .. يازين شوقه ام العيون السود يازين شوقه .. وهلا باللي زهى بلبس الحرير مورد الخدين حلوه الشفه .. تعالي تعالي حياك الله ياشوقه تعالي ...

سحر وريم ومها يرقصون بخبال .. وشهد ترفع ميشو وترقص فيه

سمر : عليهم عليهم ... عــــآآآآآشـــــوآآ

شوق تبتسم : الله يرجك ياهنوو ضحكتيني

هنادي تجيب الكرسي وتجلس عليه وتدق بالصينيه : سبحانوه وقدروا عليهم .... وسكتت لانها نست التكمله

الكل : ههههههههههههه هديل تدخل : كلووووش كلوووش دقووا يالله برقص ..

حنين : اووويـــــهـآ

وكلهم اتجمعوا عند شوق يضحكون ويرقصون حولها

مها : الاستريوا جهزته بالغرفه اللي راح يدخلها فهيدان

شوق بان الارتباك عليها : خلوني لحالي باقرا قرآن

طلعوا كلهم ولبوا رغبتها .. وبعد نص ساعه وصل فهد ومعه ابوه وخالته واخواته وخالد صديقه

ام هديل : ياهلا وغلا .. نورتوا المدينه بجيتكم

ام رياض : النور نوركم ..

مها : حياكم الله .. زارتنا البركه والله

ام ليان : هلا فيك ... كيفكم يابنات

الكل : الحمدلله بخير ..

ام دانا : مشا الله تبارك الله .. هذول اخواتك يامها

مها : خواتي وخوات شوق ..

ندى تهمس : دانا .. والله كلهم قدنا وناسه

دانا بفرح : ايه صح ..راح نستانس الليله احس

سحر : يالله يابنات نروح بالصاله

وقفوا كلهم .. عدآ ندى ودانا

ام رياض : روحي ياندى انتي ودانا معاهم

حنين : تفضلوا معانا .. واتجهوا كلهم للصاله

دانا تهمس : بيتهم متواضع مره

ندى : باين انهم ناس طيبين ...

دانا : والله حرام فهد يتزوج منهم يصلح له وحده تكسر راسه

ندى تضحك : يمكن البنت تجننه ماندري ..

دانا : ما اضن اخوك اللي هو خالي متوحش

ندى : اووش لاحد يسمعنا

هنادي بلقافه : انتي شقيقه فهد ياندى

ندى : لا والله هو اخوي من ابوي

خلود : وام دانا طيب اخته من ابوه كمان

ندى : ايوه كلنا اخوانه من ابوه هو وحيد امه الله يرحمها

الكل : الله يرحمها

شهد جات بالعصير : حيا الله ندو ودنو ... تفضلوا

دانا : ثانكس

شهد : يو آر ولكم

ندى : والله حبيتكم من اول نظره

سحر : حتى انا الله يشهد علي

رغد : ويش رايكم اجيب الاستريوا هنا عشان نرقص بعد الصلاة

خلود : ياليت والله

رغد توقف : امشي ياهنادي خلينا نجيبه

هنادي : اوكي اوكي

بالغرفه عندها

مها : يالله تجهزي الساعه 9 ونص

شوق ( آآه ياخوفي منه ... يارب كون معي .. خايفه منك يافهد خايفه )

مها تاشر لشوق : شوقه ايش فيك سرحتي

شوق : لا معاك حبيبتي

مها : طيب لفي على جنب .. بشوف التسريحه ثابته

شوق تلف وتشوف شكلها بالمرايا : متى توصل المصوره

مها : بعد شوي ... دخلت شهد وهي شايله الدفتر بين يديها

شهد : وقعي يا شوقه يقول عمي ... مدت الدفتر لها و القلم

شوق وهي متردده توقع او ترفض .. مرت خمس دقايق وهي محتاره

شهد بأستغراب : شوق ليش متردده

شوق توقع حتى تخلص من اسئلتهم : خلاص خذي رجعيه لعمي .. مامرت هالحركه على مها لكنها سكتت وراعة توترها

سحر وعبير : ياهووووووووووووو

دانا تجلس : تعبت انا من الرقص بأستريح

سمر : والله طلعتي رقاصه

ندى تضحك : ومو اي رقاصه ..

رغد تزغرط : كلووووووش وتمت المكله الحمد لله

الكل : كلوووووووش

بالمجلس

ابو مها : الف مبروك ياولدي

فهد : الله يبارك فيك

ابو رياض : مبروك ياولدي

فهد : الله يبارك فيك يا يبه

ابو مها : لا اوصيك عليها يافهد هذي امانتي عندك البنت ملتزمه ومحافظة على صلاتها .. حطها بعيونك تراها يتيمه

فهد يبتسم لعمه : ان شا الله ياعمي .. بحطها بعيوني

ابو رياض يهمس لولده رياض : عز الله بيخلفها فهد عن دينها ..

رياض يضحك بصوت واطي : هههه الله يهديه يبه ... بس الرجال طيب

ابو رياض : اي والله ناس طيبي وينشد بهم الظهر

ابو مها : يالله ياولدي ماتبي تشوف البنت

فهد يوقف : اكيد ياعمي

خالد يهمس له : انتبه يافهد لا تسوي شي لها

فهد يبتسم : لا توصيني

عندها

شوق وقفت بسرعه : ويش تقولين .؟!

سحر : ابوي يقولك تعالي بالمجلس .. الولد بيشوفك يالله

شوق مشت وهي تكلم مها : كيف شكلي

مها : قسم تجنني .. يالله روحي عشان بعدين ندخل احنا عندك مع اهله

مشت معها وطلعت بالصاله .. وشافوها ندى ودانا

ندى تأخذ دانا على : جنب .. مشا الله تهبل ..

دانا : خالي مزيون وهي مزيونه ايش بيجيبون

ندى : اسكتي بس

مها تمسكها قبل لاتدخل : سمي بالله قبل تدخلين .

شوق : طيب ...مشكت كالون الباب حست ان الدقايق تمضي ثقيله عليها

إنت يا / وجهي الآخر ~

يا اشتعال الدم فـ [ عروقي ] .. !

ليہ يحرقني برود? .. ؟

و

ليہ آحس? في خفوقي , { .. آلف طعنہ

................................, { .. آلف جرح

................................, { .. آلف نزف

................................, { .. آلف هـم

فتحت الباب بهدوء ودخلت وهي منزله راسها للأرض وما رفعته

كانت لابسه فستان احمر ساتان .. ناعم وفيه تطريز بسيط من عند الصدر بارز بياضها وخصرها وقوامها الرشيق ..

ام رياض : ادخلي ياحبيبتي .. مافي احد الا زوجك ..

ارتجفت من كلمتها اللي هزتها من الاعماق .. زوجها ترددت الكلمه على أذنها ..

زوجــــــك ..

زوجـــــــــــــك ..

زوجـــــــــــــــــــــــك ..

{... زوجـــــــــــــــــــــــــــــــــــــــــك ... }

ام رياض مسكتها مع يدها : ويش ياقلبي مستحيه ... تعالي اجلسي جنب زوجك

شوق ( آآآه ياهالكلمه .. تعذبني وما أحد يدري ..)

مشت معها وقلبها تزيد دقاتها .. لمحت ظله وهو يوقف قبالها ..

ام ليان : ايش فيك يافهد سلم عليها ..

فهد بهدوء تام : الســــــلام عليكم

ردت عليها بصوت خافت جدا .. وصوته يقتلها : وعليكم السلام ..

مسك يدها وجلسها جنبه وبداخلها نفسها تقتله وترتاح وجودها جنبه يقرفها .. فكرت بأيامها الجايه معها كيف بتتحمل .. تأكدت انها تهورت بأتخاذها للقرار ماقدرت ترفع عينها حتى تشوفه وتشوف لمعه الانتصار بعيونه .. خوفها مسيطر عليها .. والخوف من مستقبلها هو الطاغي اكثر واكثر .. لكن هو وينه ووين مشاعره واحاسيسه بالنسبه لها مبهمه وغامضه ماتدري ويش اللي يدور براسه .. ولايكمن أن تعرفها .. فهد هو اكثر شي مظلم في حياتها

مين فهد .. وكيف شخصيه فهد ... والمهم لها ويش غرضه من زواجه منها .. وأي انتصار حققه ..

ام دانا : يالله نخليكم لحالكم قبل توصل المصوره

طلعوا ومابقى احد غيرهم .. بدأ الجو يتكهرب من نظرته المتفحصه لها اللي حست فيها وحست بقربها منها أكثر وأكثر بدت تتوتر .. ارتعش جسمها لكن حافظت على هدئها القاتل

لف عليها وبصوت واثق : وأخيرا صار اللي براسي ياشوق ..

الــــى هـــنــــآ تبدأ رحلتها لعالم اخر .. ياترى ماذا سيواجهها ؟!

وهو الغامض ماذا سيفعل .. لكي تنجلي سحابه الغموض عنه ؟!

زواج الثانئي الرائع متى وكيف وماذا سيحدث به ؟!

فراق قد يكون وقد لا يكون ... ولكن من المقصود بهذا ؟!

حب على عتبات الانتظار .. ينتظر الأذن والسماح ولكن مـــن ؟!

غموض اشخاص لم نعرفهم لهم حياتهم المختلفه وقصتهم المختلفه ايضاً من هم ؟

رغــــد وتخوفاتها هل ستصدق ام ستكذب ؟!

ريم وحياتها الجديده ... هل ستكلل بالنجاح ؟!

شهد ... وكثير من المفاجئات ستكون بأنتظارها ؟!

هنـــادي .. كلمه قد تكون هي الحقيقه متهوره وماذا ستحصد نتيجه تهورها ؟!

البارت السابع عشر

وين الصبــر؟؟

حتى الصبر

في ساعة ( الحاجه ) يخون!!

يوم المـــلـــكــه

شهد تغمض عينها : شوق حطي لي لون احمر واسود

شوق : اوكي بس لاتتحركين عشان مايتلخبط الشغل .. شوق هي اللي تعمل لهم المكياج لانها اخذت دوره تجميل ونجحت فيها

سمر ماسكه المشط وتكلم شوق : متى تسوين لي شعري

شوق وهي مركزة على شهد : افتحي شعرك من اللفات واتركيه اخلص من شهد وازبطه لك

سحر تدخل وتأخذ لفه : ويش رايكم فيني .. انا سويت شعري

شوق ابتسمت لها : لك مستقبل بالشعر .. بالله شوفي هنادي تلاقينها حايسه زبطيها حطيت لها آي شدو وبتروح تمسحه تقول على طبيعتي احلى

سحر : بروح اشوفها اخبره تسب ومعصبه

سمر : بروح معك اكيد بتحتاجين مساعده مع المفترسه

بعد ساعتين .. وصلت ريم وجهزوها وبعد صلاة العشاء اتجهوا مع عمهم وجلالي للاستراحه حقت ابو سيف اللي مخصصه للمناسبات والأعياد .. بعد ماوصلوا دخلوا الغرفه المخصصه لريم ..من الباب الخلفي

رغد تعبانه جلست على الكرسي : اوف تكسر ظهري بالمشغل وانا واقفه .. برتاح شوي

ريم متوتره : شوق شوق بالله اعطيني المانيكير ابي أمكر اظافيري

سحر برواقه : هدي روحك ياقلبي من الحين ترتجفين .. اقراء المعوذات وأيه الكرسي وانا بزبط اظافيرك حتى رجولك بحط لها

ريم تأخذ نفس طويل وتذكرت : اووف شهدوه بالله كلمي المصوره أكدي عليها

شهد وبحضنها مشاري تلعبه : لاتخافين كلمتها واحنا بالبيت وتقول .."تقلدها ".. حاضر حاضر دي العوسه ريم ان شاء الله من بدري حكون عندها

شوق طلعت صندوق خشبي لامع ونازل منه لولو ابيض وموف غامق وداخله ورد طبيعي وردي وابيض وموف ..وحطته على الطاوله الزجاجيه الفخمه .. ورتبت الطاوله وحطت المبخره الفضيه اللي اشترتها هديه لريم وجنبها طقم الصينيه وكاسة عصير متوسطه الحجم نفس المبخره ومصاص شفاف عليه فيونكه موف وحطت الصندوق جنبه

رغد : خليه ياشوق انا اكمل الطاوله لازم احط تحتها ورد وريش وخرابيط من تأليف سحر .. هيه انتي اتركي اللي بيدك وتعالي ساعديني

هنادي : ترى بخرب كل شي انا بطلع اشوف الامور واتطمن على كل شي واجي

سمر : خوذيني معاك

هنادي تشيك على شعرها وشكلها : تكفون حلو شكلي والا باين اني بويه

ريم طالعتها بتفحص : اخص حاطه ميك آب .. حركآآت توي أنتبهت

هنادي متحطمه مره : شكلي جيكره

ريم : اقسم لك تهبلين اول مره احسك بنت تهبلين

سمر تسحب هنادي من يدها بقوه : يالله يالله نطلع نشوف أهل سيف أفندي

سحر بتهديد : بدون مشاكل سامعات .. اعرفكم تعشقون المشاكل

هنادي تقرص سمر وبصوت واحد : أبد بنمشي جنب الحيط .. وطلعوا برى وخلوهم يكملون

اشغالهم وتجهيزاتهم ..

مشوا بالممر وكان فاضي مره .. لكن عاجبهم تصميم الاستراحه فخامه وستايل كلاسيكي يجنن

مشوا بالممر تبع غرفة ريم وشافوا مرايه وأطرافها زخرفه بالذهبي وجنبها جره ذهبيه كأنها نافوره بسيطه .. وطاوله زجاجيه عليها باقة ورد طبيعي .. كملوا طريقهم وطلعوا على صالة الاستقبال .. وكانت كبيره شوي وفيها كراسي على جنب .. ودرج جانبي وعليه ستاره وباب بالوسط قبله ثلاث درجات وهي الصاله الاساسيه

سمر بلقافه : خلينا نروح نشوف

هنادي تحمست : يالله .. وهم ماشين سمعوا صوت وراهم

...: مين أنــتـــم ؟!.

سمر وهنادي لفوا بسرعه .. وهم يشوفون بنت لابسه تنوره قصيره لنص الفخذ رمادي فيها كاروهات احمر وأبيض وحزام احمر وبدي حبل احمر وفيه خطوط خفيفه بالرمادي وسلسال طويل وجنب رقبتها ورده رمادي .. وشعرها قصير ناعم وشكله عشوائي بس لايق عليها وكانت في قمة الأناقه والنعومه

هنادي : احنا اخوات ريم

ساميه : أهـــا اخواتها .. ياهلا والله

سمر : هلا فيك .. بس انتي مين

ساميه بغرور : انا ساميه اخت سيف وأصغر العنقود

هنادي تدق سمر على جنبها وابتسمت بمجامله : ياهلا وغلا تشرفنا .. انا هنادي وهذي سمر

ساميه تقزهم من فوق لتحت وهي تشوف ملابسهم ( وي هذول اخواتها .. مبين عليهم بنات فقر حتى لبسهم مايعرفون ينسقون الالوان .. قرويات )

ساميه بنظرات استحقار : عن أذنكم .. ولفت

هنادي تمد لسانه وانقهرت منها : تفضلي .. وسحبت سمر واخذتها للمرايا

هنادي تشوف شكلها بالمرايا وتلف على الجنبين : بالله فينا شي غلط .. والا ماعجبنا الست ساميه

سمر : ماعليك فيها غيرانه هذي شفتي عيونها كيف شوي تأكلنا

هنادي كانت لابسه فستان ليموني قصير ناعم مره فيه تكسير بسيط وتحت الصدر شريطه ساتان ليموني .. وكانت مستشوره شعرها القصير ومسويه له نفخه بسيطه من فوق ومنزله خصله وحده على وجهها وحاطه شباصه على شكل فراشه ناعمه على جنب فوق اذنها

أمـــا سمر كانت لابسه بنطول برمودا جينز سماوي وفيه على الفخذ تطريز باللولو وبدي بدون حبال فيه فتحه بالظهر على شكل دمعه وكلها تطريز باللولو الابيض ..

هنادي : ماعندها سالفه امشي نكمل الجوله التفقديه

سمر : غريبه تاخروا عماتي

هنادي : على وصول .. تدرين هذي ساميه مادخلت قلبي نهائيا ولا أهل سيف كلهم ماني مرتاحه لهم .. الله يعين ريوومه شكلها بتعاني خصوصا من الحيه الرماديه << تقصد ساميه

سمر : ماعلينا منهم امشي نرجع

:::

:::

بالرياض

ابو رياض وقف وعلامة الصدمه على وجهه وبدت ملامحه تميل للعصبيه : ويش تقول انت .. انهبلت ؟!

فهد ببرود قاتل : يبه ماقلت شي يستاهل الهبال

رياض بعصبيه فظيعه : انت مستوعب اللي تقوله .. تخطب لحالك ماعليه لكن البنت ... وسكت

فهد اعطاه نظره حاده سكتت رياض وقف بثقه : أنــا ماجيت أشاوركم .. أنا جاي ابلغكم الخبر عشان تجون ديكور عند اهل البنت .. مهما كان افهم بالعادات والتقاليد ومابي اخالفها

ابوه جن جنونه وصرخ بأعلى صوته اللي هز اركان قصره الكبير : فــــــهـــــــــد ... اطلع برى .. جت ندى وامها على صوت صراخ ابو رياض

فهد مشى خطوتين .. بعدها لف على ابوه : أنا جيت وقلت اللي عندي .. تبون تجيون حياكم الله .. ماتبون تجون زواجي بيتم فيكم وبلاكم

ابو رياض جلس على الكنبه بتعب فهد يطلعه من طوره : حسبي الله عليك من ولد .. جننتني بسواياك ... وصلت فيكم تخطب وانا اخر من يعلم وجاي تعزمني على الملكه بعد وياليتها بنت وبعد مخطوفه ويش بنقول للناس .. طيحت راسي

فهد : كلام الناس ماعلي منه عمرك ماكان لك تواجد بحياتي .. لو جدي الله يرحمه حي كان ماشفتني هنا قدامك واقولك تجي تحضر ملكتي .. انا عايش بوجودك وبدونه

رياض نفسه يقتل اخوه كيف يفكر ويخطط.. وكيف ينفذ ولا يهتم بابوه اللي كل اعمامه واهله يخافون منه الا فهد اللي مايهتم فيه ولا يستشيره بشي ... رياض تزوج بنت عمه لانه يحبها ولان ابوه اختارها له .. وزوج خواته عيال عمهم غصب عنهم .. لكن فهد ماله سلطه عليه ابداً

وبالعكس فهد يجبر ابوه على اشياء مستحيله لكن اذا كان فهد هو مصدرها فهي تتنفذ بالغصب قبل الطيب ..

ابوه يأشر على الباب : اطلع برآآ .. اطــلــع

فهد : طالع .. واللي عندي قلته .. أتجه للباب وطلع وسكره وراه

ام رياض : ويش السالفه يابو رياض

ابو رياض : آآه من هالولد بيموتني ناقص عمر .. هذا مو ولد هذا ابليس

ندى : يبه بيتزوج صدق ؟

ابو رياض وقف وبسكوت راح لمكتبه بدون اي كلمه ينطق فيها

:::

:::

بعد ماوصول المعازيم وامتلت صالة الاستقبال .. وبدأت حفلة الخطوبه واشتغل الدي جي

شهد : ريم انتبهي لميشو ترى نايم

ريم : اوكي بأنتبه له

شوق : انا بجلس شوي عند ريم .. انتي ورغد روحوا استقبلو مع مها وعماتي

رغد : ايه تأخرنا بالطالعه يالله شهد نروح

شهد : يالله .. لفت على ريم بتعيد وصيتها

شوق تقاطعها : قلت لك انا باجلس راح انتبه له روحي خلاص

شهد بنظرة شك : ويش تبين تقولين لها

شوق : سر بيني وبينها ممكن

رغد تسحب شهد وتبتسم : اوكي خذوا راحتكم . وطلعوا لبرى

شوق تلف على ريم وجلست جنبها على الكرسي ضمت يد ريم بين يديها : ريومه بقولك شي

ريم : ويش ؟!

شوق : بعد التصوير انا راح اطلع لاني بكون معك .. وبتجلسين مع سيف لحالكم .. لاتخلينه يقرب منك .. حتى بوسات حاولي ماتعطيه مجال اكيد فاهمتني انتي ؟!

ريم حمرت خدودها : أيه فاهمتك بس انا خايفه ياشوق بموت من الرعب

شوق : لا تخافين صح هو زوجك بس الحرص واجب ياقلبي

ريم : لا تتركوني وصحابتي اذا جوا دخليهم اوكي

شوق ابتسمت ووقفت بتروح : ان شاء الله .. انتبهي لميشوو لاتقتلنا شهد

ريم : خلي سيرنا تجي عندي عشان لو احتاج شي

شوق : بقول لعمتي تخليها تجي عندك . واي شي تبينه كلميني على جوالي

ريم ابتسمت وبداخلها ميته خوف من التجربه الجديده عليها ما مرت فيها قبل بس تحاول تتمالك نفسها وتتحكم بأعصابها : اوكي

شهد ورغد شهقوا : كوثر !!

كوثر بمثل صدمتهم : ايش جايبكم هنا

رغد : انتي ويش جايبك هنا

كوثر بقهر : هذي خطوبة ولد عمي سيف

شهد تغيرت ملامحها : اللي كنتي تحبينه ؟!

كوثر بتحطم : ايه اللي كنت .. رفعت راسها .. وانتم ويش جايبكم

رغد رفعت حاجبها : والله سيف خاطب ريم اختي ..

كوثر انصدمت وانشلت عن الكلام ما نطقت بحرف ومعالم الصدمه باينه عليها

رغد بقوه : مافي مبروك على الاقل

كوثر بدون نفس : مبروك الله يوفقهم

شهد تبي تقهرها : امين يارب .. ويكفيهم شر العواذل

كوثر : استاذن بشوف بنت عمي .. وراحت

رغد : هههههه عجبتيني يابنت

شهد : ولو انها تحزن وكانت تحبه بس كل شي قسمه ونصيب ... امشي ندخل

هديل تقلب عيونها في شلة بنات على الطاوله اللي قبالها : بالله شوفوا هذولك قاهراتني يأشرون علينا ويضحكون

حنين : وقحات لما رحت لوحدي على المرايا اسمعهم يقولون اذا هم كذا اجل العروس تفجع

سحر بقهر : بالله مايشوفون اشكالهم الله لا يبلانا كأنهم من الحبشه استغفر الله

هنادي تضرب يديها ببعض : آآخ بس لو أمسك وحده على جنب واعطيها كم كف ابرد حرتي فيهم

لينا : ماعليكم طنشوهم هذي الاشكال الغيره شابه بقلوبهم .. شايفين كل وحده تقول الزين عندي .. ومقهورات

تهاني : صدقتي اقسم بالله ... لفت تهاني بتشوف امها وين بتروح لها .. ولمحت مها

تهاني بشهقه : مــهــا

هنادي ابتسمت : هذيك اختي الكبيره .. بس كيف تعرفينها

تهاني عقدت حواجبها : مها تصير اختك

سحر : ايه .. ليش ؟

تهاني : لانها زوجة اخوي بندر

انصدموا البنات ... عادآ لينا اللي تجهل القصه

حنين : الحين بندر اخوك متزوج مها بنت خالي

هنادي توقف وتركض لمها : هيه يا مس مها

مها : نعم ياقليله التهذيب .. وت هبنت ؟!

هنادي : بندر زوجك اخته تهاني

مها تضحك : يس افكورس ماي هازبنت توتو ستتروه

هنادي : ابوكِ ياللغه عربي على عنقليزي .. بس تدرين ان تهاني صديقتنا المصون

مها فتحت عيونها على الاخير : صدق توي ادري

هنادي : والله من دلاختك يا مس مهاوي .. اقول اقول لفي بشوف .. قسم انك صاير بطه

مها ترجع شعرها على ورى : بس ويش رايك فيني

هنادي تصفر : لالا كسرتي توقعاتي بس لو خليتي الشقار لباريس هليتون وطقتها ..

مها كشرت : يعني الاشقر ماهو لايق علي

هنادي تبتسم بخبث : شوفي تبين الصدق اول ماشفتك داخله مع الباب

مها ابتسمت وتحمست : ايه ويش كان انطباعك عني ؟!

هنادي : تذكرين فاطمه اللي كانت تشتغل عندنا اول ذكرتيني فيها

مها وجهها صار احمر من العصبيه : انقلعي ياحماره .. الشرهه علي اخذ رايك اصلا انتي ويش عرفك بالموضه حدك السعوديه سبوورت وانتي تطورتي ابو ظبي ودبي سبورت

هنادي عرفت انها قهرت مها وجلست تضحك وراحت للبنات .. وهي ميته ضحك

مها كانت لابسه فستان طويل ناعم وردي فاتح جدا .. وصابغه شعرها اشقر وطالعه كيوت مره

شهد تطالع المعازيم واشكالهم جديده عليهم : رغد احس اني تايهه مره

رغد تمسك يد شهد ويمشون بالممر متجهين لطاولة البنات

جود تصفر : ياهوووو من هذولا البنات كأنهم من كوكب ثاني

ساميه بتفحص : ما اعرفهم .. غريبات عني

كوثر بدون نفس : شهد ورغد خوات ريم يصيرون صديقاتي بالجامعه

جود فتحت عيونها على الاخير : جد ..بس مايشبهون للي على الطاوله بتاتا

كوثر : لالا شهد تشبه لاختها هذيك اللي لابسه منجاوي( تقصد سحر )

ساميه تدقق : ايه صح فيهم شبه كبير

ضحى : بس شوفوا اجسامهم كأنهم عارضات ازياء مو حنا يا حظي

خلود : شهد تعالي اجلسي اشتقت لك يادوبه

شهد تبتسم : حتى انا الاختبارات ماخلت لنا مجال

هديل : كيف ريم وينها

البنات : بالغرفه

هنادي توقف : ايش رايكم نروح لها الحين نسولف تلاقونها طفشانه

لينا وتهاني : ايه يالله ..

واتجهوا كلهم عند ريم عدآ شهد ورغد اللي جلسوا يسولفون مع بعض ويعلقون

بالغرفه

شوق : حياكم تفضلوا

لينا وتهاني وسحر : الف الصلاة والسلام عليك ياحبيب الله محمد .. كلووووووش

هنادي ترقص بخبال : ومباركين عرس الاثنين ليله ربيع عين وقمره .. ياسيف اذبح دجاجتين

الكل : هههههههه

شوق : استغفر الله دجاج .. الله يخلف عليك

ريم تكشر وتلف على الجهه الثانيه : تتريقين علي بيجيك يوم

لينا تبوس ريم وتبارك لها : ماعليك هذي دفشه .. وتغمز لهنادي

تهاني : مبروك يا ريومه الف مبروك

ريم بحياء نزلت راسها : الله يبارك فيك .. عقبالكم

هديل : امين يارب

شوق : انا طالعه خذوا راحتكم مع ريم ...

سحر : اوكي دربك خضر ..

وجلسوا كلهم حولها اللي على الطاوله واللي على الارض يسولفون ويضحكون على شكلها الخايف ويعطونها نصايح ..

شوق وقفت قبال المرايا وتشوف شعرها ولبسها .. سمت بالله بعد ماقالت الاذكار ومشت لجهة الصاله الكبيره

ام سامر : هلا شوق .. خلصتي من ريم

شوق : ايه خلاص كل شي تمام

مها : شوق ويش رايك نروح نرقص

شوق تبعد عن مها لانها عارفه بتسحبها غصب عنها : لالا مابي ارقص استحي

مها : اقول امشي حتى رغد وشهد بيرقصون .. يالله تكفين خلينا نروح نرقص

شوق باصرار : لالا روحي ارقصي وانا اصفق لك .. ماكملت كلمتها الا شلة البنات وراها

حنين : شوق بلا دلع يالله خلينا نروح نرقص

هديل وهنادي : يالله شوق

شوق : لا يعني لا

سحر : ماهو بكيفك يالله غصب عنك .. سحبوها للكوشه وطلبت المشرفه على الدي جي تشغل اغنيه ياغداره ..

شوق : يالله انتم ارقصوا وانا الحين ارقص بس اكلم شهد .. راحت وهي تشوف البنات يرقصون ويضحكون حتى اهل سيف .. والكل يشجع ومبسوط وفرحان

رغد تجرها : تعالي يابكاشه غصب بترقصين على مين الحركات ذي ... وخلتها ترقص معها

شوق وجهها احمر : لحد هنا وبس ما اقدر ارقص اكثر استحي ..

جلست بالكوشه تصفق جنب هنادي اللي تصفر وتشجع بحماس لاخواتها وبنات عمها وتشاركها تهاني وهديل وخلود

حنين تلعب بشعرها وترقص بجهتهم : ويش رايكم

كلهم بصوت واحد : عــلـــيـــهـــــم .. عـــــآشوآ

شوق تضحك من قلب على خواتها اللي متحمسين مره وهي تشوف االسعاده والابتسامه على وجيههم همست لهنادي : عسى دوم الفرحه .. وربي احس بموت من الفرح

هنادي تضحك : امين يارب .. بس شوفي كيف يطالعون الحونشيات ذولك

شوق كشرت : بنت عيب استحي

هنادي تتصنع الخوف : خلاص سكتنا بس احسهم يكرهوننا

شوق : واذا يكرهونا احنا همنا الوحيد ريم وسعادتها صح

هنادي باقتناع : والله صدقتي اهم شي ريم

شوق توقف : بروح اشوف عمتي اشوفها تأشر لي

مشت والعيون كلها تعلقت فيها جمالها ساحر وملامحها حاده وتأسر الكل

كانت لابسه فستان طويل لونه نيلي وفيه بروش فضي على شكل فيونكه بالوسط تحت الصدر والظهر مفتوح للنص وشعرها ناعم على طوله ومنزله خصل على وجهها .. سمعت همسات

..: مـــيـــن تــكون هذي . بســم الله عليــه تهبل

..: حرام عليك كل هالزين وماتشوفينه .. محد يعجبك ابداً

..: شوفي الجسم والا الشعر .. والا بياضها ويديها .. اللي كأنها قطنه

..: عيونها تجنن والا ضحكتها .. كلها نعومه ..مشاء الله تبارك الخالق

..: والله حرام كل الجمال هذا ومخطوفه وكمان مغتصبه .. صدق الزين مايكمل

بعد هذي الكلمه وقف قلبها .. وارتجفت كل خليه بجسمها الكلمه هزتها من الأعماق .. ليش كل ماتروح مكان يلاحقها الماضي الاسود .. ليش ما يتركها تشوف حياتها وتعيشها بدون منغصات ليش هي تدفع ثمن ماكان الخيار بأردتها كان ظلم وتجبر على ضعفها وهوانها .. كل ماتبي تضحك للحياه تقفل أبوآبها بوجهها .. كل يوم تكره من كان السبب باللي صار

كل يوم يزيد حقدها وبغضها له .. صارت الدنيا بعينها سوداويه مستحيل تكون بيضاء نقيه

تشوهت صورة الحياه بعينها .. جروحها تــألمــها والى هذي اللحظة ما ألتأمت ..

ألم . بيني وبين نفسي .!!

يقول لي .. عطــــــني آمــالک وخـــذ يـآسـي

وســـــوي من بقايا الحزن في ليـلـک

قصايد / تصبح وتمسي ..!!

وودعهم بعدــه الناس .. تراهم / ما يحبونک .!!

ترى / ماعاد يبـونــک

لأنــــک .. تختـــلف عــــنهـم

وتلبس ثوبــک الأسود ..!!

مطرَّز بــ الحزن .. والخوف

لأنك تنظر لــ أبعد .. من حدود الـــنظر .. والشـــــوف

وأقـــــــول أحسـن ..!!

أودِّع ناس }

وتبــــکِ نــآس

لأن عيون .. بعـــض الناس

ماتبــــکِ ..!

حست بمعنى هذي الابيات .. لازم ترحل لعالم ثاني حتى ترتاح من ملاحقة الماضي الأليم لها

بجهه ثانيه من الصاله ..

قرت المسج والحزن بدأ يكتسيها .. هدوء طغى عليها رحلت البسمه وحل مكانها الضيق

شهد انتبهت لتغيرها المفاجئ وسكوتها الغريب : رغد .. علام وجهك كذا

رغد : مافي شي ..

شهد بنظرة تفحص حست ان فيها شي وباين التوتر عليها من طريقة مسكتها لجوالها اللي تلعب فيها وتهز رجلها بأرتباك : كيف مافيكِ شي .. قولي الصدق

رغد حطت عينها اللي لمعة الدمع واضحه فيها بعين شهد .. وعقدت حواجبها

شهد همست لها : عبدالله السبب ؟!

هزت راسها بالأيجاب بعد سكوت ثواني : راسل رساله .. ونزلت راسها حتى تداري دمعتها اللي تحاربها عشان ما تنزل زاد ضغطها على جوالها حتى تتمالك نفسها

شهد : انسي شوي لاتخربي فرحتنا .. أجلي كل شي للبيت .. تعالي نرقص ونغير جو

رغد توقف : امشي يالله ..وقفوا يرقصون وكانوا اهل سيف يرقصون

ساميه تأشر بعينها عليهم : جود شوفي المغرورات جوا يرقصون

ضحى بضحكه شيطانيه : شوفي ويش بسوي .. وصارت ترقص مع ساميه وتتكلم وبحركه مقصوده دفت شهد اللي كانت بتطيح لو ما مسكتها هنادي زين

هنادي بنظرات شر .. طالعتها من فوق لتحت وقالت بصوت يخوف : انتبهي المره الثانيه لا اطلع عيونك من راسك

ضحى بلا مبالاه : اسفه ما شفتها

خلود تحاول تهدي الوضع : اوكي حصل خير .. هنوو شهوده تعالوا اجلسوا

شهد ترجع شعرها اللي مجعدته مثل ميريام فارس وبنظره ناريه : غبيه .. مسكت هنادي وجلسوا

لينا مقهوره : أخ بس قسم بالله يرفعن الضغط

بعد ساعه

شوق تشيك على ريم وتعطي مشاري لسيرنا عشان تطلع فيه برآ وتزبط كل شي قبل دخول سيف للتصوير

ريم بخوف أسر كيانها : شوق خايفه مره .. مرتبكه

المصوره تخفف عنها : ماتخفيش ياحبيبتي .. كل البنات كذا بس حتكون تجربه حلوه في حياته ماتضيعي احلى لحظات عمرك بالخوف والرعب .. دآ جوزك

شوق تضحك : مايحتاج اقول اكثر من اللي قالته .. لاتتوتري واذكر الله .. والخوف ماله داعي

ريم : ان شاء الله بحاول

المصوره : يالله ريومه بأخذ لك كم صوره لوحدك ... واخذت لها كم لقطه لو حده وبحركات حلوه وكلاسيكيه

ريم بحياء : لو سمحتي بقولك طلبي

المصوره : تفضلي ياحبة عيني اؤؤلي

ريم : لا تحرجيني بحركه جريئه خليها حركات عاديه اوكي

المصوره وشوق يضحكون عليها وعلى تفكيرها البريء..

المصوره : ماتشيلي هم يا حبيبتي ..

دق جوال شوق وكان عمها بيقول لها ان سيف بيدخل بعد عشر دقائق

شوق : يالله تجهزي بيدخل سيف ..

ريم بانت عليها علامات الخوف والرعب : ياويلي ... ويش اسوي ...

وقفت ومشت للجهه الثانيه بعدها رجعت وجلستها شوق على الكرسي .. لبست شوق عبايتها وتغطت زين ووقفت على جنب وأندق الباب .. وفتحت شوق كانت اخت سيف الكبيره ام محمد

سيف كان ورى الباب : احم احم .. ياولد

ام محمد تبتسم لشوق : اقوله يدخل

شوق : ايه ايه خليه يتفضل .. انا تغطيت

ام محمد : تفضل ياسيف .. مافي احد الا عروستك بسم الله عليها .. وطالعت ريم بنظرات أعجاب وحب وهي تتفحصها وميته عليها وعلى نعومتها وجماله الرباني

سيف اول ما دخل كان مستحي ومنزل راسه للأرض : السلام عليكم

الكل : وعليكم السلام

ام محمد : تفضل تفضل ياخوي سلم على زوجتك ...

رفع راسه وهو يشوف ملكه جالسه على الكرسي اللي لازق بكرسيه .. وقف بمكانه وهو يتأمل خجلها وراسها اللي مارفعته من أول مادخل .. كلهم استغربوا وقوفه المفاجئ

المصوره : ياباشا لو سمحت سلم على العروسه والا حتفضل كدآ وقت طويل

سيف صحى من سرحانه اللي قاطعه صوت المصوره .. وده يكفخها ويشوتها بعيد خربت عليه احلى لحظة لحظة طاحت عيونه على وجهها الملائكي ..

سيف كشر وبصوت عالي : طيب لا تنفخين ..

قرب من ريم اللي نبضاتها تزداد بكل خطوه يخطيها تقرب بينهم المسافه .. قلبها شوي ويطلع من صدرها من الخوف والحياء اللي مقطعها ..

سيف مد يده : السلام عليكم .. وقفت بسرعه وردت السلام وهي تفكر تمد يدها والا لا .. سحب يدها بقوه وباسها على راسها وارتبكوا الاثنين

ام محمد وشوق :ههههههههههه

ام محمد بشويش على البنيه ما بتطير

سيف جلس على الكرسي من الارتباك مايدري ويش يقول .. وجلست ريم على كرسيها ونفسها تضحك او تبكي من الاحراج .. وخدودها اعلنت حاله الانفجار وتحولت للون الاحمر

المصوره : نبدا التصوير دلوقتي حت تاخذوا راحتكم

ريم تطالعها شوي وتبكي ( يرحم اهلك لا تقولينها اجلسوا على قلوبنا )

سيف ابتسم هو يفكر كيف يبدأ معها الكلام هو غريب عنها وهي غريبه عنه ( بسرعه خلصينا ياغثك ياختي .. وبعد تشاورنا .. اووف بس الله يصبرني عليها شكلها بتطلع روحي ) << الأخلاق صفر

بالصاله

البنات : هههههههههههه

هديل بصوت عالي : تعيشين وتأكلين غيرها

هنادي ميته ضحك ماهي قادره تتكلم .. ولينا وسحر يتريقون على ساميه اللي كانت تطالعهم بأحتقار وما أنتبهت للدرج وطاحت .. قدام الكل ..

رغد تضحك : الغرور يسوي اكثر من كذا اللهم لا شماته

شهد تضحك وبحضنها مشاري : احسن تستاهل

سحر ميته ضحك : الله لا يبلانا اصحاب العقول براحه ويش سوينا لها عشان تسوي كذا

الكل : الله اعلم

رغد تهمش لشهد : شهوده عبدالله رسل مسج ثاني

شهد ركزت على رغد وعيونها : هاتي بقرأ المسجين

رغد تمد الجوال لها : خوذي بس لاحد يشوف المسجات اوكي

شهد : لاتخافين .. محد بيشوف بس خذي ميشو بحضنك

حنين : تكفين شهد هاتي ميشو بنلاعبه ياناس يهبل

لينا تهمس لسحر : هذا اللي قلتي لي قصته

سحر : ايوه هذا اللي جابته شهد

لينا تاخذه من هنادي : وي بسم الله مشاء الله خدوده تزنن ... وجلسوا يلاعبونه وبعضهم يرقصون

عند ريم وسيف .. بعد التصوير والعصير

ام محمد : نخليكم على راحتكم

شوق : الف مبروك ... عقبال الزواج يارب

سيف : امين يارب

ريم ولع وجهها .. زاد عليها لمست سيف ليدها .. طلعوا ام محمد وشوق وخلوهم لحالهم

سيف لف على ريم .. ومسك يدها وباسها : الف مبروك ياريم .. مبروك علينا الأثنين

ريم بصوت خافت ومتقطع : الله يبارك فيك

سيف يبي يحرجها : أيش فيك مستحيه .. ارفعي راسك

ريم بدى قلبها تزيد نبضاته (ناوي يموتني ذا .. ياربي ليش تركونا لحالنا .. اووف بس )

سيف حط يده تحت دقنها ورفع وجهها وعيونها تعلقت بعيونه متفاجئه من حركته اللي قطعت تفكيرها وتذمرها من وحدتهم

سيف: ليش تخبين عني هذا الوجه ..

ريم متقطعه من الحيا : ماخبيته ..

سيف : اجل سولفي علامك ساكته ..

ريم : ماعندي شي اقوله .. وسكتت .. طول سكوتهم الى ربع ساعه

سيف ( خلوني اخربها .. انا انتظر هاليوم بفارغ الصبر حتى اقولها لها )

سيف : ريم ... أحــــــــبـــــــــــكـ

:::

:::

:::

شاف الباب مفتوح ويده الحبل مفتوح عنها .. كانت لحظة مناسبه له .. مناسبه لهروبه بعيدا عنها .. وبعيد عن ذكرى الماضي اللي تجدد مع دخولها لحياته .. ذكرى مرتبطه بألف ذكري عنده .. .. حرر نفسه من الحبال بسرعه ما تخيلها ابداً .. وطلع من البيت كله وكأنه جبل وانزاح عن صدره ... صحى من سرحانه على صوت القزاز

فهد : كم الحساب ..

..: 20 ريال ... اعطاه الحساب .. ومشى بسيارته ..

شغل سي دي كان عنده من زمان ما عمره سمعه ... دخله بمكانه .. وظغط على ok وبدأ السي دي يشتغل .. جاء صوته الهادي

دارت الدنيا وتبيني [ أعذرك ] !

نامت عيوني وعينك > ساهره

إنت لي ماضي ومابي أذكرك

و الغلط وياك ماني مكرره

قلت لك إحذر غروركيكسرك

ومن يحبّك واجب إنت تقَدّره

قبل لا تفكّر تهاجر بأهجرك

وعدّني غيمة حنان مهاجره

مثل ماجَمّعتك أقدر أنثر ك

يعني راسك لو رفعته أكسره

كنت لك مثل المواني ~ أنطرك

لين طاحت من عيوني الباخره

لا تظن أبكي عليكوأخسرك

إللي مثلك ( لازم ) إني أخسره

يا القليل الباقي طاحوا أكثرك !

في بحر - دمع العيون - الطاهره

أبقى أكبرشخص مر ب ناظرك

وتبقى أصغر <~ من نويت أكبّره

في فراقك ماحزنت آآبشرك :

وكانت الفرحه معاك مسافره !

كيف ألوّح لك وأجبُر خاطرك

وإنت إحساسي مكسّر خاطره

أشكر أعدائي كثير ~ و أشكرك

من سبايبكم .. فقدت الذاكره

دارت الدنيا وتبيني [ أذكرك ] !

شفت منّك خير لأجل أتذكره؟

إكتب الشطر الأخير بـ دفترك ،

القلوب البيض .. جداًنادره !

[ لأحـــمـــد الــصانــع ]

مشى بسرعه جنونيه بشوارع الرياض المزحومه جدا ... كانت بحالة الا وعي .. قفل السي دي وبدت الافكار تتلاطم في عقله كالامواج وقت هيجانها

:::

:::

:::

الــــف الصــــلاة والــســـلام علـيـك ياحبــيـــب الله محمد

كــــــــللللــــوووش

تسلط الضوء على الباب .. وسمت بالله ودخلت وهي مرتبكه من انظار الحضور اللي تعلقت فيها .. كانت لابسه فستان ماسك على صدرها لونه موفي وابيض لؤلؤي من عند البطن شفاف وظهرها كلها مفتوح .. وفيه تطريز على شكل فراشات وورد ناعم .. كانت مسويه شعرها كله ملفلف وفيه نفخه من قدام هاديه وعليها تاج فضي .. كانت بقمه النعومه والاناقه وبارزه ملامحها وجمالها الطفولي

بدأ الشعر يرتفع صوته ويعلي

ياريمً سـحرها غازل خجلها

واجتمع مع حسنها زينالخصايل

اشـغلتني والـزعل عـني شغلها

مـاوصل مـن عنده رد الرسايل

الـعيونالـهايمه للشوق ولـها

وانـتثر لـيل السهر فوق المثايل

تـغري الـقلب المولع فيغزلها

و الزعل من شيمة نفوس الأصايل

بـالغلا لـك منزله ما احد وصلها

منغرامك شفت با الحب الهوايل

مـا تصدق فيك روحي من عذلها

ومـا نـدور فيك يا شوقالبدايل

صـدقيني يـامنى روحي وأملها

خـاطرك كانه على شايل

وصوت الزغاريط والصراخ امتلي بالصاله .. مشت بخطوات بطيئه متجهه للكوشه .. بعد ماجلست وبدوا البنات يرقصون قدامها .. وهنادي وس ولينا وتهاني وعبير يستعبطون عليها

رغد وشهد يبوسون ريم كل وحده من جهه ويمسكون يدها ويقرصونها

ريم بصوت خافت : هيه انتم اهجدوا عورتوني

رغد : ياعيني بالله سؤال كم مره حطيتي روج لان لما جينا من المشغل كان لونه بيج والحين وردي

ريم ولعت خدودها : هين يا رغيد .. شغلك عندي بس بالبيت

شهد ميته ضحك على وجهها اللي انصبغ باللون الأحمر : ياحليلها تستحي يابنت عادي زوجك بس بالبيت تهلين لنا السوالف من الالف الى الياء

ريم تغمض عيونها بقهر وهي تبتسم حتى ما تبين شي : انقلعوا ارقصوا يانبيله عبيد وفيفي عبدو

رغد وشهد يوقفون لانهم استفزوها وماسكين نفسهم لا يضحكون : حـآضر .. وراحوا يرقصون

هنادي وعبير كانوا بعيدين عن الكل ويرقصون بالممر قالت بصوت واطي : بشري ويش سويتي

هنادي : لي مستعجله اصبري انا انشغلت بملكة ريم وبالاختبارات .. أمـــا الحين فضيت وعدادي 300

عبير ترفع حواجبها بفرح : ياخطير بس تكفين لا تسوين شي الا بشوري

هنادي : تدرين انهم يجتمعون بحوش عزابيه

عبير طلعت عيونها قدام : ايه .. بس وين ؟

هنادي : والله مدري بس بحاره بعيده مررره .اتوقع بالعزيزيه

عبير : اوف بعيد مره عنا

هنادي تبتسم بخبث : السياره تقرب البعيد ياحلووه .. ولا بعد يشيش الاخ ماجد

عبير تضحك : الحين مقهوره انه يشيش وانتي لا

هنادي تمد فمها وتضغط على شفتها السفليه : والله ابو طربوش فاتح بابه .. اروح اعسل واجي عادي .. بس المكله اني ما اطيقه .. بس انا اوريك فيهم والله لا اجيب له جراك هديه

على كيف كيفك

عبير بنظره تفحص : براسك شي ماهو هين

هنادي تسحبها للكوشه وتجلسها بعد ماخلصت الاغنيه .. وكلهم يسلمون على ريم

ام هديل : الف مبروك ياقلبي ..

ريم بحيا : الله يبارك فيك ياعمتي

جت ام سيف ومعها جدته اللي من اول ماشافتها وهي تذكر الله

الجده : مبروك يابنتي الف مبروك ..

ريم تبوس راسها : الله يبارك فيك ياجدتي

الجده : مشاء الله مشاء الله .. عرف سيف يختار ... الله يوفقكم يايمه ويسعدكم

الكل : امين

ام سيف اتجهه للمسؤله عن الدي جي وطلبت اغنيه خاصه اهداء منها للريم وسيف .. ودخلت ساميه واخواتها بعربيه ملكيه .. تحتوي على هدايا منها طقم ذهب وعطورات وملابس وهدايا ثانيه ..

وقفت ام سيف ووقفت ريم ولبستها عقد الذهب .. وباستها .. ورقصتها هي وبناتها

سحر : شوفوا مسوين فرحانين

رغد : امه وخواته فرحانات عدا الحيه ذي ساميووه

شهد : امشوا نرقص مو بس هم يرقصون .. حرام عشان ريم ... ودخلوا كلهم للكوشه اللي انزحمت والكل يرقص ومبسوط وسعيد

..: ائـــــهههههـــئ قلت لك مابي ماتفهم انت

..: هاتي طيب فلوس .. دبررررررررري لي سامـــعـــــه

..: روح قول لابوي .. انا ماعندي

..: وابوي من وين له فلوس .. هاتي انتي من مكافئتك

..: انت الرجال المفروض انت تصرف علينا مو احنا نصرف عليك

.. اعطاها كف وشد شعرها : انتي ماتفهمين .. قلت لك ابي فلووس

..: ائههئ .. يبــــــــــه شوف ولدك ذبحني ..

..: ههههه ابوي يجي يفكك مني .. مايقدر نسيتي انه مشلول

..: حررام عليك حرام .. ربي ينتقم لنا منك ياواطي انت ما انت اخ انت عدو

:::

:::

:::

بــعد الملكه .. وبالبيت

مها تبوس يد ابوها وهي بحضنه وتبكي : الله لايحرمنا منك يبه .. سامحني انا غلطت وابي السموحه منك

ابو مها : مسامحك يايبه انتي بنتي والظفر عمره مايطلع من اللحم .. وقلبي مايقسى على بنتي وظناي

مها تبعد عن حضن ابوها وتمسح دموعها : الله يخليك لنا يبه حنا بدونك نضيع

شوق تمسح دموعها : الحمدلله ان عمي رضا عليك .. ورجعتي لنا

هنادي تلطف الجو : خساره لو في كاميرا وصورنا عز الله بناخذ جائزة الاوسكار على هالمسلسل

الكل : ههههههه

رغد : حسبي الله عليك بعز حزننا تخربين علينا

ابو مها : هههههه والله زين انها تخرب علينا

هنادي : احم احم عشان تعرفون قيمتي

ابو مها يضحك : على فكره يا شوق لك عندي خبر

الكل : ويــــــش ؟!

شهد : الله لا يبلانا قال شوق مو كلكم لقافه

شوق : ويش الخبر ياعمي

ابو مها : اللي خطبك.. دق علي اليوم وقال انه بيجي هو واهله ويملك عليك اخر الاسبوع

ارتجفت وبانت عليها معالم الرعب والخوف .. وقفت بسرعه وأتجهت لغرفتها بدون اي كلمه

مها : ههههههه مستحيه

هنادي تفكر (لايكون شوق ماتبيه ابوي غاصبها .. لالا ما اتوقع اكيد فيها شي )

سحر : بس يبه ما كأنه بدري ومستعجل

ابو مها : الولد كبير .. عمره 30 ويبي يلح على عمره مابقى بعمره كثر ماراح

شهد : عقبال الكل يارب

ابو مها : امين يابنتي اشوفكم متهنين وسعيدات مع ازواجكم

شهد تدق رغد وتهمس لها : مع عبودك يابطه

رغد تغمض عيونها وبقلبها ( امين يارب اجمعني فيه بالدنيا وبالاخره انت القادر على كل شي )

شهد تطالعها وتضحك وتهمس لها بصوت واطي : على طول تدعين .. الله لا يذوقنا اللي تذوقينه

رغد : يارب اشوفك ميته ومتعذبه بالحب

شهد : يرحم امك لا لا تدعين .. مابي حب ولا خرابيط

رغد بتقهرها : بدعي حتى وانا ساجده امشي نروح الغرفه .. وشالت شهد مشاري .. واتجهت للغرفه

:::

:::

:::

يارب

لما فكرت بكتمان حزني ..

أرعبني قولك ( وابيضّت عيناه من الحزن فهو كظيم ) ..

وكلما فكرت بالبوح بصوت مرتفع ..

تذكرت قولك ( وبشر الصابرين ) ..

فيرعبني ان يُضَّيـَّع بوحي أجري وبشارتي ..!!

يـارب ..

أنت عالم وقادر

اللهم إني أسألك صـبراً لا نسـيان فيه

اللهم إن كان لي عـوض عـلى صـبري

فاجعل اللهم عـوضي فيه

بعد ما خلصت صلاتها ودعاها طوت سجادتها وجلست على سريرها ودمعها على خدها .. ولكن قوت اكثر بعد ألتجائها الى الله .. ودعائها اللي زادها أيمان وقوه ..

طلت بمرايتها .. وهي تشوف وجهها شاحب حزين .. تبدل فرحها الى حزن والآلم ..

دخلت عليها هنادي وهي تلمحها بسرعه تمسح دموعها .. قفلت الباب وراها

هنادي : شوقه ليش زعلانه ماتبين تتزوجين ؟!

شوق حطت عينها بعين هنادي : انتي تدرين مين اللي خطبني

هنادي : لا بس اللي اعرفه انه غني .. وشاب

شوق : احب اقولك انه فهد يا هنادي فهد الجابر

هنادي انصدمت طلعت عيونها قدام : هذاك اللي ... وسكتت

شوق نزلت دمعه حاره على خدها : ايه ايه هو اللي ..وجلست تشهق وتبكي بصوت عالي

هنادي تحط يدها على كتفها : يمكن بيعوضك ويكفر عن غلطه

شوق تضحك بألم : يكفر !! هذا شيطان ماتعرفينه كثري ..

هنادي تواسيها : ما اتوقع ياشوق اكيد حاسس بالذنب وحن قلبه عليك وعلى حالتك

شوق عقدت حواجبها : مابيه يحن علي ابي اشوفه يتعذب قدامي يذوق عذاب السنين اللي ذقتها وانا اعاني لحالي ... مستحيل يكون ندمان ولا تدافعين عنه الحقير

هنادي بأستغراب : طيب ليش وافقتي عليه اذا ماتبينه

شوق لفت عليها وبعونها شر : لسبب خاص فيني .. ممكن تتركيني لحالي

هنادي وقفت وأتجهت للباب : بخليك .. بس ليش انتي متناقضه فكري زين ياشوق قبل تندمين

شوق تصخ عليها : اطــــــلـــعي

طلعت وسكت الباب وهي مستغربه من شوق وتفكيرها وتناقضه الملحوظ

:::

:::

:::

عبدالله يرمي جواله بعصبيه : ليش تقول لي كذا .. انا بويش أذيتها

يوسف يهديه : اهدى ياعبدالله يمكن البنت حست بالذنب

عبدالله يطالعه بنظره بارده : والحل يا يوسف احلف بالله اني احبها واموت فيها .. ما أتخيل حياتي بدونها .. غد هي حياتي اللي ما عرفت قيمتها الا بوجودها

يوسف يجلس قباله ويصب له كأس مويه : والله فاهمك يا عبود .. انت ماتدري عن ظروف البنت هي اكيد بتخاف على سمعتها .. ومابتثق بعلاقة جوال ومكالمات .. وناسي انها بنت وعواطفها تتحكم فيها .. لو ماتحبك ماكان قالت لك تعال اخطبني

عبدالله : انا ماني زعلان علشان السبب التافه هذا .. بالعكس انا اللي مزعلني مسجاتي اللي ماترد عليها

يوسف : يمكن انشغلت مع اختها .. خلاص يا عبدالله اهدئ شوي .. مايصير اللي تسويه

عبدالله : صدق الايام اللي عشتها بدونها عرفتني قيمتها .. انا بكلم اهلي بسافر لهم

يوسف يضحك : لاتستعجل على رزقك .. كل شي يجي بوقته لحاله اذا كانت من نصيبك بتأخذها

عبدالله يبتسم : ان شا الله ما أحد بيتزوجها غيري .. وانا اللي حبيتها وانا اللي لازم اتزوجها

يوسف : بدعي لكم .. بصلاتي

عبدالله : لا ياخي فكنا من دعواتكم يمكن تدعي علينا بالغلط ههههههههه

يوسف : هههههههه ايه اضحك خلك انسان فري

:::

:::

:::

كانت تقرأ مسجه

( الــف مبروك لأختك وعقبالنا .. بس ما ظنتي اذا انتي تتهربين مني .. )

فتحت المسج الثاني

( رغد ليش تغيرتي فجأه .. لا مسجاتي تردين عليها ولا اتصالاتي .. ليش الهروب ؟! )

قفلت جوالها وحطت على الكمودينه جنبها .. ونامت على جنبها الثاني .. وهي تتذكر كلامه لها وحبه وأحساسه الصادق .. نزلت دموعها .. وحن قلبها عليه ترددت تكلمه او لا

رغد : لا لازم يعرف اني عند كلمتي ..يايخطبني يا ننهي كل شي .. انا ماني لعبه عنده

صحى مشاري من نومه وبدأ يصيح بأعلى صوته

قامت رغد وشافت الساعه كانت الاعه 3 ونص الفجر .. شالته من سريره وطلت فيها للصاله .. تلاعبه وتأكله ..

رغد : ياحليوووه .. اسووو أغــآ .. وه فديتك ياميشو المزيون انا خطبتك لبنتي ان شاء الله وين بنلاقي احلى منك .. بكره تفلق قلوب العذارء ... ابتسم وهو يشوف حركاتها

رغد : يابو عين طويل من الحين تضحك على كلامي .. أكيد تفهمني صدق العيال مالهم أمان

دخلت عليها مها اللي ماجاها نوم من فرحة رضا ابوها عليها : رغوده انا ما سألتكم مين هذا

رغد لفت عليها : معقوله وكالة ال بي بي سي ماقالوا لك

مها تضحك : قصدك هنادي وسمر

رغد : احد غيرهم يعني

مها : لا ماقالوا لي .. بس ايش أسمه اول شي

رغد تبوسه بقووه : ميشووو .. مشاري يؤبرني أبر

مها : طيب حكيني القصه يالله ..

:::

:::

:::

خالد : الــوو وينك ياعم ...

فهد : انا بالرياض الحين

خالد متفاجئ : بالرياض ويش تسوي هناك

فهد : سالفه طويله انا جاي لجده اليوم طيارتي الساعه 8 الصباح

خالد : توصل بالسلامه .. بس لازم تكلمني عشان لنا جلسه طويله

فهد : اوكي بالليل نتقابل بالشاليه .. واقول لك كل شي

خالد : والله يافهد احس وراك مصيبه ماهي هينه وناوي على شي

فهد يضحك : محد يفهمني غيرك يا خالد ..

خالد : آآه منك .. يصير خير لما نتقابل ونشوف ويش وراك

فهد : اوكي سيووو ابو ميسا

خالد يضحك : ميسا هيه لاتجيب اسم زوجتي على لسانك

فهد : اقل اهجد بس .. قول لها تسوي لي حلى بيتي ابي اذوق طبخها

خالد : شحاذ ويتشرط .. بقول لها يارب ترفض

فهد : والله لو تسويه لها عندي هديه معتبره

خالد : لا بالله تعال طق حنك معها

فهد : اقول يالله باخذ لي غفوه قبل اروح المطار .. باي

خالد : باي

:::

:::

:::

وقفت مصدومه : ويش تقولين!! اهله تركوه

رغد : ايه تركوه ياعيني عليه .. وشهد جابته ما قدرت تخليه قلبها يألمها عليه

مها تأخذه بحضنها : لاحول ولا قوة الا بالله .من اي طينه اهله كيف يتركونه

رغد : ما ادري عنه بس احنا مابنقصر عليه

مها : ان شاء الله .. انا رايحه انام

رغد : طيب وانا بنوم ميشو وانام ..

جلست لحالها تفكر بينها وبين نفسها وبحلمها اللي شافته البارحه تعوذت من الشيطان وشالت مشاري على اكتافها وأتجهت لغرفتها ونامت

بــــعــد أربع أيــام

ريم ماسكه جوالها وتضحك : وي فديت عيونه أنا ...

دخلت هنادي وهي تقزها : ويش فيك تتفدينه .. يابخته ميته عليه

ريم : مرسل لي صورته .. مصور نفسه عشاني

هنادي وسمر بلقافه : جد .. نبي نشوفه تكفين

ريم تضم الجوال على صدرها : اول شي اذكرو الله

هنادي وسمر : مشا الله .. اللهم لا حسد .. ومدت لهم الجوال

هنادي شهقت : وووووووووووع

سمر تغمض عيونها : يمه الحقيني .. هذا رجال والا غوريلا

ريم بزعل تسحب الجوال : غوريلا تجي فوق راسك وتكسره .. والله انه مزيون غصب عن الكل

هنادي ميته ضحك : صدق المثل اللي قال القرد بعين امه غزال

سمر بزعل : والله ماتستاهلينه اقسم بالله انتي احلى منه مليون مره ظلمتي نفسك صراحه بكره عيالك شلون يجون خليطي

هنادي ماهي قادره تعلق على الصوره لانها توقعت سيف ابيض ووسيم لكنه خيب أمالها اسمراني بس مملوح وماتت ضحك على كلام سمر اللي يحطم

شهد دخلت وهي تضحك على ميشو اللي يلعب : دوم الضحك بس ويش السبب

سمر : شوفي سيف افندي وتعرفين السبب

شهد تطالعها بنظره حاده : وعلامه سيف رجال ومافيه شي

سمر : شكله يجيب الهم صراحه اكيد ميت عند ريومه شايفها قشطه وتجنن مو مثله ومثل اهله

ريم وقفت وصرخت على سمر : هيه ما اسمح لك تتكلمين عليهم وربي انهم يسوونك

هنادي : سمر ماقالت شي بالله شفتي اخواته واهله يلوعون الكبد .. اللهم جدته اللي حلوه ملامحها .. اما هو صراحه غسلت يدي منه

ريم بقهر : بالنسبه لي والله انه احلى من توم كروز

انفجروا البنات بالضحك على كلامها وطريقتها اللي قالتها بقهر وتحطم

شهد تضحك : لالا عاد ويش جاب توم كروز عنده ظلمتي توم ياريم سيف مملوح بس مو احلى من توم ..

ريم نزلت دمعتها لان كلامهم جرحها وراحت لسحر بالغرفه

سمر : يؤؤؤ ماتوقعت تبكي .. ماهي للدرجه هذي

هنادي : ماعليكم منها ماخذه مقلب بسيف خلوها تصحى صجت راسي فيه بالاخير وربي احسبه دراغولا خرعني

شهد بحده : انتي وهي شفتوا لو تسبونه قدامها ياويلكم مهما كان هذا زوجها وماترضى عليه احد يتكلم ويسبه .. على بالكم زيكم متبلدات الاحساس

سمر : طيب طيب انتي . المهم خلاص بكره بيجي اللي خطب شوق

شهد : يس ومها حايسه بالمطبخ وشوق تنظف .. قوموا ساعدوهم

هنادي توقف وتبتسم .: اكيد يبون اغراض من السوبر ماركت .. امشي سمر نروح نعرض خدماتنا

سمر توقف معها ويتجهون للمطبخ ..

شهد : ياربي من هالبنتين قسم بالله انهم سوسات

بالمطبخ

هنادي : شو عم بتعملووا

مها : اقول روحي ارتاحي انتي وهي

سمر تدق شوق : فرحانه هاه

شوق ومزاجها متعكر مره : اقول وربي لو ماتروحوا عن وجهي ماصير خير لكم

هنادي : افرحي ياختي بكره ملكتك المفروض ترتاحي واحنا نشتغل بدالك

شوق ترمي المكنسه من يدها وبحده استغربوها : طيب يالله اشتغلي انتي وهي

وطلعت لغرفتها ورمت نفسها على سريرها وهي تفكر بنفسها وكيف متوتره وقلقانه

شوق : آآآه ويش سويت فيني يافهد كرهت الدنيا كلها .. وبكره كيف بيكون .. يارب كون بعوني مالي ملجأ الا لك

دخلت مها ورغد عليها ..

رغد : قومي يالله سوي بخار

شوق : ما أبغى ..

مها بتتجنن من عنادها : ياشوق خلي الجنان عنك .. يالله انا زبطت كل شي ومجهزة الاغراض بكره الولد بيشوفك ماتبين تكوني حلوه بعيونه

شوق تجلس : يكفي اني حله بعيني .. وماعلي برائي الناس حولي

رغد شهقت : مجنونه ... مسكت يدها وسحبتها .. يالله بس عن الكلام الزايد جهزنا لك كل شي راح نخليك ورده .. ونطلعك قمر

شوق كشرت : اوف منكم بسوي وامري لله ..

مها : ترى جحزت الكوافيره بتجي العصر بكره .. وفستانك اخذه جلالي يسوي له كوي بالبخار

ويش كمان ايه بندر تكفل يجيب لك مسكتك على ذوقه

شوق استحت : ليش كلفتي عليه مو لازم

رغد تشد شعرها : هيه انتي ويش صاير لك تستهبلين ... الناس جايين من سفر وماتبين تكوني احلى من القمر ... ياربي على تفكيرك الغبي

شوق : احس ماله داعي كل اللي سويتوه

مها تجلس وتحط رجل على رجل : لا ياشيخه اجل لو اقولك اني حجزت المصوره هديه مني لك

شوق تفاجئت ما حسبت حساب التصوير : ليش .. لــــيـــــش سويتي كذا ؟!

مها : ياربي منك ... قومي قومي .. خلينا نبدأ بالشغل .. سحبت رغد من يدها

مها شهقت : يؤؤؤ لا يكون تبيني اسوي لك بخار وانتي لابسه هالبجامه الطويله

شوق بنص عين : أجل شلووون ...

رغد : هههههههه طلعي لك شي قصير ياعبيطه

شوق وجهها حمر : لالالا وجع استحي

مها تفتح الدولاب تدور شي قصير : على بالها فهد .. اقول اسكتي ولا تعارضين .. رغد سوي اللازم وانا بلحقك

رغد تضحك : من عيوني .. الحين اسوي كل شي .. واخذت شوق بيدها

ريم : مقهوره منهم ياسحر .. ائههههئ

سحر : ماعليك منهم اهم شي انتي وقلبك اللي يحبها .. ولا يهزك شي هم ينكتون عليك

ريم : بس ليش يقولون غوريلا .. معقوله شكله مو حلو

سحر :هههههه والله بينرفزونك .. اما سيف وربي حلو والولد مايعيبه شي اهم شي انتي بعيونه ملاك

ريم اقتنعت : ايه صح ... وربي ياسحوره يقولي كلام ماعمر سمعته الا منه

سحر زاد اهتمامها : ويش يقوول

ريم تزبط جلستها وتقلده : احبك ياريومتي .. ماتتصوري فرحتي اننا صرنا زوجين ... كيف بتحمل بعدك عني

سحر : ياهووو.. والله في تطورات مادرينا عنها .. ايوه كملي

:::

:::

الـــيـــوم اللي بـــعـــده

المغرب

الكل متجهزين .. يستنون وصول فهد وأهله

ريم : مشا الله تهبلين ياشوقه عمري ماشفتك بالشكل هذا ..

شوق واقفه قدام المرايا : احس اني علبه الوان ..

مها : اسمعوا الغبيه ايش تقول .. وقسم تجنني .. وبعدين الفستان الاحمر طالع توحفه عليك

شهد تدخل مع الباب تزغرط : كلووووووووش الف الصلاة والسلام عليك ياحبيب الله محمد

جت هنادي وبيدها صينيه تدق فيها : قولو اسم الله على غزال الظبي قولوا اسم .. يازين شوقه ام العيون السود يازين شوقه .. وهلا باللي زهى بلبس الحرير مورد الخدين حلوه الشفه .. تعالي تعالي حياك الله ياشوقه تعالي ...

سحر وريم ومها يرقصون بخبال .. وشهد ترفع ميشو وترقص فيه

سمر : عليهم عليهم ... عــــآآآآآشـــــوآآ

شوق تبتسم : الله يرجك ياهنوو ضحكتيني

هنادي تجيب الكرسي وتجلس عليه وتدق بالصينيه : سبحانوه وقدروا عليهم .... وسكتت لانها نست التكمله

الكل : ههههههههههههه هديل تدخل : كلووووش كلوووش دقووا يالله برقص ..

حنين : اووويـــــهـآ

وكلهم اتجمعوا عند شوق يضحكون ويرقصون حولها

مها : الاستريوا جهزته بالغرفه اللي راح يدخلها فهيدان

شوق بان الارتباك عليها : خلوني لحالي باقرا قرآن

طلعوا كلهم ولبوا رغبتها .. وبعد نص ساعه وصل فهد ومعه ابوه وخالته واخواته وخالد صديقه

ام هديل : ياهلا وغلا .. نورتوا المدينه بجيتكم

ام رياض : النور نوركم ..

مها : حياكم الله .. زارتنا البركه والله

ام ليان : هلا فيك ... كيفكم يابنات

الكل : الحمدلله بخير ..

ام دانا : مشا الله تبارك الله .. هذول اخواتك يامها

مها : خواتي وخوات شوق ..

ندى تهمس : دانا .. والله كلهم قدنا وناسه

دانا بفرح : ايه صح ..راح نستانس الليله احس

سحر : يالله يابنات نروح بالصاله

وقفوا كلهم .. عدآ ندى ودانا

ام رياض : روحي ياندى انتي ودانا معاهم

حنين : تفضلوا معانا .. واتجهوا كلهم للصاله

دانا تهمس : بيتهم متواضع مره

ندى : باين انهم ناس طيبين ...

دانا : والله حرام فهد يتزوج منهم يصلح له وحده تكسر راسه

ندى تضحك : يمكن البنت تجننه ماندري ..

دانا : ما اضن اخوك اللي هو خالي متوحش

ندى : اووش لاحد يسمعنا

هنادي بلقافه : انتي شقيقه فهد ياندى

ندى : لا والله هو اخوي من ابوي

خلود : وام دانا طيب اخته من ابوه كمان

ندى : ايوه كلنا اخوانه من ابوه هو وحيد امه الله يرحمها

الكل : الله يرحمها

شهد جات بالعصير : حيا الله ندو ودنو ... تفضلوا

دانا : ثانكس

شهد : يو آر ولكم

ندى : والله حبيتكم من اول نظره

سحر : حتى انا الله يشهد علي

رغد : ويش رايكم اجيب الاستريوا هنا عشان نرقص بعد الصلاة

خلود : ياليت والله

رغد توقف : امشي ياهنادي خلينا نجيبه

هنادي : اوكي اوكي

بالغرفه عندها

مها : يالله تجهزي الساعه 9 ونص

شوق ( آآه ياخوفي منه ... يارب كون معي .. خايفه منك يافهد خايفه )

مها تاشر لشوق : شوقه ايش فيك سرحتي

شوق : لا معاك حبيبتي

مها : طيب لفي على جنب .. بشوف التسريحه ثابته

شوق تلف وتشوف شكلها بالمرايا : متى توصل المصوره

مها : بعد شوي ... دخلت شهد وهي شايله الدفتر بين يديها

شهد : وقعي يا شوقه يقول عمي ... مدت الدفتر لها و القلم

شوق وهي متردده توقع او ترفض .. مرت خمس دقايق وهي محتاره

شهد بأستغراب : شوق ليش متردده

شوق توقع حتى تخلص من اسئلتهم : خلاص خذي رجعيه لعمي .. مامرت هالحركه على مها لكنها سكتت وراعة توترها

سحر وعبير : ياهووووووووووووو

دانا تجلس : تعبت انا من الرقص بأستريح

سمر : والله طلعتي رقاصه

ندى تضحك : ومو اي رقاصه ..

رغد تزغرط : كلووووووش وتمت المكله الحمد لله

الكل : كلوووووووش

بالمجلس

ابو مها : الف مبروك ياولدي

فهد : الله يبارك فيك

ابو رياض : مبروك ياولدي

فهد : الله يبارك فيك يا يبه

ابو مها : لا اوصيك عليها يافهد هذي امانتي عندك البنت ملتزمه ومحافظة على صلاتها .. حطها بعيونك تراها يتيمه

فهد يبتسم لعمه : ان شا الله ياعمي .. بحطها بعيوني

ابو رياض يهمس لولده رياض : عز الله بيخلفها فهد عن دينها ..

رياض يضحك بصوت واطي : هههه الله يهديه يبه ... بس الرجال طيب

ابو رياض : اي والله ناس طيبي وينشد بهم الظهر

ابو مها : يالله ياولدي ماتبي تشوف البنت

فهد يوقف : اكيد ياعمي

خالد يهمس له : انتبه يافهد لا تسوي شي لها

فهد يبتسم : لا توصيني

عندها

شوق وقفت بسرعه : ويش تقولين .؟!

سحر : ابوي يقولك تعالي بالمجلس .. الولد بيشوفك يالله

شوق مشت وهي تكلم مها : كيف شكلي

مها : قسم تجنني .. يالله روحي عشان بعدين ندخل احنا عندك مع اهله

مشت معها وطلعت بالصاله .. وشافوها ندى ودانا

ندى تأخذ دانا على : جنب .. مشا الله تهبل ..

دانا : خالي مزيون وهي مزيونه ايش بيجيبون

ندى : اسكتي بس

مها تمسكها قبل لاتدخل : سمي بالله قبل تدخلين .

شوق : طيب ...مشكت كالون الباب حست ان الدقايق تمضي ثقيله عليها

إنت يا / وجهي الآخر ~

يا اشتعال الدم فـ [ عروقي ] .. !

ليہ يحرقني برود? .. ؟

و

ليہ آحس? في خفوقي , { .. آلف طعنہ

................................, { .. آلف جرح

................................, { .. آلف نزف

................................, { .. آلف هـم

فتحت الباب بهدوء ودخلت وهي منزله راسها للأرض وما رفعته

كانت لابسه فستان احمر ساتان .. ناعم وفيه تطريز بسيط من عند الصدر بارز بياضها وخصرها وقوامها الرشيق ..

ام رياض : ادخلي ياحبيبتي .. مافي احد الا زوجك ..

ارتجفت من كلمتها اللي هزتها من الاعماق .. زوجها ترددت الكلمه على أذنها ..

زوجــــــك ..

زوجـــــــــــــك ..

زوجـــــــــــــــــــــــك ..

{... زوجـــــــــــــــــــــــــــــــــــــــــك ... }

ام رياض مسكتها مع يدها : ويش ياقلبي مستحيه ... تعالي اجلسي جنب زوجك

شوق ( آآآه ياهالكلمه .. تعذبني وما أحد يدري ..)

مشت معها وقلبها تزيد دقاتها .. لمحت ظله وهو يوقف قبالها ..

ام ليان : ايش فيك يافهد سلم عليها ..

فهد بهدوء تام : الســــــلام عليكم

ردت عليها بصوت خافت جدا .. وصوته يقتلها : وعليكم السلام ..

مسك يدها وجلسها جنبه وبداخلها نفسها تقتله وترتاح وجودها جنبه يقرفها .. فكرت بأيامها الجايه معها كيف بتتحمل .. تأكدت انها تهورت بأتخاذها للقرار ماقدرت ترفع عينها حتى تشوفه وتشوف لمعه الانتصار بعيونه .. خوفها مسيطر عليها .. والخوف من مستقبلها هو الطاغي اكثر واكثر .. لكن هو وينه ووين مشاعره واحاسيسه بالنسبه لها مبهمه وغامضه ماتدري ويش اللي يدور براسه .. ولايكمن أن تعرفها .. فهد هو اكثر شي مظلم في حياتها

مين فهد .. وكيف شخصيه فهد ... والمهم لها ويش غرضه من زواجه منها .. وأي انتصار حققه ..

ام دانا : يالله نخليكم لحالكم قبل توصل المصوره

طلعوا ومابقى احد غيرهم .. بدأ الجو يتكهرب من نظرته المتفحصه لها اللي حست فيها وحست بقربها منها أكثر وأكثر بدت تتوتر .. ارتعش جسمها لكن حافظت على هدئها القاتل

لف عليها وبصوت واثق : وأخيرا صار اللي براسي ياشوق ..

؛؛؛

؛؛

؛

الــــى هـــنــــآ تبدأ رحلتها لعالم اخر .. ياترى ماذا سيواجهها ؟!

وهو الغامض ماذا سيفعل .. لكي تنجلي سحابه الغموض عنه ؟!

زواج الثانئي الرائع متى وكيف وماذا سيحدث به ؟!

فراق قد يكون وقد لا يكون ... ولكن من المقصود بهذا ؟!

حب على عتبات الانتظار .. ينتظر الأذن والسماح ولكن مـــن ؟!

غموض اشخاص لم نعرفهم .. لهم حياتهم المختلفه وقصتهم المختلفه ايضاً من هم ؟!

رغــــد وتخوفاتها هل ستصدق ام ستكذب ؟!

ريم وحياتها الجديده ... هل ستكلل بالنجاح ؟!

شهد ... وكثير من المفاجئات ستكون بأنتظارها ؟!

هنـــادي .. كلمه قد تكون هي الحقيقه متهوره وماذا ستحصد نتيجه تهورها ؟!

الــبـــآرت الــثـــآمــن عشـــر

؛؛

؛

تدرٍي حب? : بعثرٍ آلدنيآب‘ـَعيني . . !

وٍآنته ق‘ـَلب? نآرٍ " شوٍقه ت‘ـَحتوٍيني ~*

وٍآنآ ق‘ـَرٍب? ~ آرٍتب? وٍآنسى { س‘ـَـَنيني

. . !آي وٍرٍب? { آنت صآيرٍ~

نبض فيني. . !

:::

:::

لف عليها وبصوت واثق : وأخيراصار اللي براسي ياشوق ..

شوق رفعت راسها وحطت عينها بعينه ورفعت حاجبه وميلت فمها على جنب : صدق .. مبروك والله

فهد ابتسم ابتسامه بارده : الله يبارك فيك ياحقيرتي ..

فتحت عيونها على الاخر كلمته صدمتها ماتوقعتها لهذه الدرجه سافل : حقيره .. طيب بعد عني ياكلب يانجس .. لازم اغسل يدي من بعد لمستك سبع مرات

فهد قهرته بكلامه مسك يدها بقوه وهي تحاول تسحبها منه لكن قوته اكبر من قوتها : انــا نجــس ؟!.. انتي ويش تكوني بالله عليك .. ناسيه انك صايعه و.... اكملها والا انتي عارفتها

شوق وعيونها تطلق الشرار سحبت يدها بقووه فظيعه وتفلت بوجهه : لانك انت اصيع مني ياواطي

فهد تحولت ملامحه للعصبيه وعقد حواجبه ومسكها من اعلى كتفها بقوه وألمها وهو يمسح وجهه : اسمعي ياشوق .. هالمره بفوتها لك بمزاجي .. ونصيحه لاتحطين راسك براسي لاني راح ادوسك

شوق ترفع حاجبه وتبعده عنها وهي تضحك : ولاتستهين فيني لانك ماعرفتني زين .. وتدري يامتخلف انك بغبائك وزواجك مني جبت لي هديه احلم فيها طول عمري على طبق من ذهب .. احياناً الغباء يفيد .. وابتسمت بخبث ومكر

سكت وهو مستغرب كلامها وتلميحاتها .. معقوله طلع قدامها غبي وماعرف يفكر ويتخذ القرار الصحيح

شوق طلت فيها وحطت عينها بعينه : شفت انك غبي !!.. هههههههههه

فهد قربها منه بقوه وصار وجهه قبال وجهها اللي تغيرت ملامحه من قربه لها وشعورها بأنفاسه اللي تحرقها : اهم شي صرتي زوجتي .. وما لأحد كلام علي وباللي بتشوفينه يازوجتي الحقيره

شوق جلست جنبه وهي تلف على الجهه الثانيه بلا مبالاه : اوكي زوجه بالاسم بس ..

فهد عقد حواجبه : هههه بالاسم بس .. ياحياتي عليك ... انتي بكل شي فيك ملكي انا لوحدي واقدر اسوي اللي ابيه برضاك وبدونه .. " قرب منها اكثر وملامحها جامده من كلماته ".. زي ايام زمان ياحلووتي

زاد تنفسها تذكرت الماضي ... وذاك اليوم كرهته اكثر واكثر .. بعدت عنه بسرعه ولمعت الدمعه بعيونها

فهد حط رجل على رجل وبعد شوي عنها : ليش سكتي .. تكلمي ياشواقتي

شوق بحقد ونبره حاده : لاتقول شواقتي تلوع كبدي بكلامك

فهد يبتسم على جنب : تلوع كبدك .. مشكله والله .. اجل لاتزوجنا ويش بتسوين

شوق تطالعه بنص عين وفضلت السكوت على انها ترد عليه وتتكلم معه .. نزلت راسها وهي تلعب بأصابعها وتفكر بأنسجام وراحت لعالمها الثاني .. عالمها اللي كانت فيه وحيده ومسجونه سنين وأشهر وأيام

[ ضـآقت عـلي? ] و مـآلقيـت آلآ آنـآ..

تقـول وش رآي? فـي [محـبوبـيــےآلجـديد ]

تبغــے [ تعنينيـے ] و آنـآ نـآقــصعنآ،،

آمـوت و آعرف بـس آنـآ [ وش تستفيـد]

فهد يطالعها بتفحص ( اووف عليها جمال بس يالله بالاخير انا المستفيد ههههههههه ): وين وصلتي لاتكونين مصدقه عمرك انك عروس

شوق بنظره هزته وقويه : ههههه لا ياشيخ ... تعرف لازم نجامل الاهل والله انت كفوك وحده من جنوب ... وسكتت

فهد ضحك ومسك يدها : انتي كفوي والله .. "سحبت يدها لكنه سبقها ومسكها بقوه" .. خليني اعيش الجو شوي اني مع بنت حلوه والكل معجب فيها وبجمالها

شوق استغربت كلامه وطالعته بأحتقار وهي مطنشته : اووف منك صدق بزر .. أترك يدي بليز

فهد : لالا خليها بيدي مبسوط كذا ..

شوق بنظره حاده : احسن لك فكها ..

فهد يترك يدها وبداخله فرحان بأنه نرفزها : من زينك .. ميت عليك انا اصلا الف وحده تتمناني

شوق تقلب عيونها : اجل ليش جيتني انا بالذات من هالألف يا استاذ فهد

فهد يضحك بشر : ليش مستعجله على رزقك .. كل شي بوقته حلووو ..

شوق قرصها قلبها وتتمنى ان اللي ببالها مايكون صح .. ضل السكوت هو سيد الموقف بينهم لمده ربع ساعه

بـــآلــصالــه ..

هنادي ترقص : بالله ما اطير ظبنات العقل

دانا تضحك : مشاء الله حولك وحواليك تجننين

رغد تصفق : عاشت هنو عاشت ..

شهد : كأن المصوره تأخرت ..

رغد تطالع الساعه 10 ونص : مدري يمكن صار لها ظرف بعدين بدري ترى

شهد : اممم طيب .. بروح اشرب شي عطشانه من الرقص

هديل : وين اللياقه ياحلوه .. والا جسمك بس شكل ومافي مضمون

شهد تضحك : قلتيها مافي مضمون .. لايغرك الشكل اهم شي من الداخل

رغد : تيسري يالبطه للمطبخ وجيبي معك عصير فراوله ابل ريقي

شهد تلف وتمشي للمطبخ : افكر يا صعلوكه ..

رغد تسمع نغمة جوالها اللي جابته سحر وبعيونها نظره حاده هزتها قال وهي تمد لها الجوال بصوت واطي غاضب : روحي كلمي بالغرفه احسن ..

هديل : مين اللي يتصل ؟!

سحر : صديقتها ريماس .. تعالي معي نروح عند ندى ودانا

هديل توقف : اوكي يالله .. اما رغد ضغطت احمر على طول .. وراحت لغرفتها وقفلت الباب عليها ورجعت دقت

رغد بعصبيه : شلون تدق علي الحين هاه فهمني .. مو قلت لك لا تكلمني ابدا اذا تحبني ومتمسك فيني تعال كلم ابوي

عبدالله : ويش شبيتي علي

رغد تجلس على السرير وتهز رجلها بقهر : ليش ؟!.. مالك خص ... بليز عبدالله لاعاد تدق علي اوكي الكلام اللي عندي قلته لك غير كذا ماعندي .. باي

عبدالله : رغد لحظة كلميني ..

رغد بتأفف : نعم ويش تبي .. لو سمحت بسرعه واختصر قدر الامكان

عبدالله عصب : كلميني زين لا تنفخين علي

رغد تتمالك اعصابها لاتنفجر فيه لانها مقهوره من سحر ومن عبدالله : بتتكلم والا اقفل الخط ؟!

عبدالله : ماتوقعتك كذا اتوقعت مشتاقه لي لكن " سكت شوي " .. طحتي من قلبي وعيني . وقفل بوجهها

رغد طلت بالجوال وهي مقهوره اخر كلمه عذبتها .. وترددت عليها

.. طحتي من قلبي وعيني

.. طحتي من قلبي وعيني

.. طحتي من قلبي وعيني

حطت يدها على راسها وغمضت عيونها تتأمل ان يكون كل اللي سمعته وهم وسراب والحقيقه غير ومختلف

لكنها متأكده انه هذا الواقع .. تمالك دموعها حتى ماتخرب فرحتها وفرحت اخواتها وبنات عمها .. قفلت الجوال ورمته بدرج الكمودينه بغل وقهر .. ومشت للمرايا من بعدها أتجهت للصاله

حنين كانت واقفه تكلم امها اللي طلبتها تقهوي اهل فهد ..

شهد تضحك : الله على سوالف ياندو تضحك

ندى : اقول شهد انتي مخطوبه ؟!

شهد تحولت خدودها للون الوردي : لا والله ماجاء النصيب لسى

دانا : من صدقك ؟!.. ماعندهم نظ احد يشوفك ومايخطبك

شهد : هذي ارزاق من رب العالمين

ندى : صدقتي والله ارزاق واللي يتحكم بها رب العالمين

مها تدخل المصوره : تفضلي تفضلي

المصوره : بسرعه الله يخليك عندي فرح لازم الحق على العروسه ..

مها : اويك ادخلي هذي الغرفه .. العرسان جوا

المصوره : اوكي مابي احد يدخل حتى يأخذوا راحتهم بالتصوير

مها : من عيوني .. تفضلي

أمـــا بــالمجلس

كانت ساكته وهو كمان .. لكنه كان يطالعها بتفحص ... وماشال عيونه عنها دقيقه وحده ..

شوق رفعت راسها وقالت له ببرود : معجب الأخ

فهد ابتسم على جنب : اممم لا .. بس جالس اتذكر ملامحك قبل 5 سنين كيف كانت والحين كيف صارت

شوق بنظره جديه حطت يدها على خدها ورمشت بعيونها : وحصلت جواب ؟!

فهد يرجع ظهره على الكنب : يس حصلت جواب ..

شوق : اللي هو ..

فهد : ماني مجبر اقوله .. لكن تاكدي ياشوق ان زواجي منك مو هدفه اني اكفر عن اللي سويته .. لالا ياحلوه .. من اهدافي اني ادفعك ثمن كل شي سويتيه فيني فوق ..

شوق تضحك بسخريه : ماتقدر يافهد .. وأتحداك

فهد يرفع حاجب وينزل حاجب ويحط يده على راسه يعدل شماغه : امممم نشوف ..

دخلت المصوره : بسرعه يالله لو سمحتم

دخلت ام ليان : يالله بسرعه الحرمه مستعجله

فهد : اوكي ممكن تتركوننا شوي .. بأخذ راحتي

ام ليان تضحك : اكيد بنخليكم .. انتبه لعروستك . طلعت وسكرت الباب

المصوره تزبط الديكور وراهم .. وبسرعه رفعت الكاميرا ..: يالله لو سمحتم .. تعال ياعريس ورى عروستك

شوق بنظرات حاده له وقفت بدون ماتتحرك .. ( الله يكون بعوني علييك يا نجس .. أكرهك يافهد كره العمى )

جاء وراها ولف يده على خصرها ...

المصوره : لفي وقابليه ياحبيبتي ..

شوق : كذا احسن .. مسكها بقوه ولفها عليه وهي تطالعه بعيون ناريه .. وكره

فهد بصوت واطي : لاتعاندين اوكي ..

شوق تضربه على رجله بقوه : انطم ولا تتكلم حدي قرفانه منك ..

المصوره : بدون حركه .. بأخذ لقطه ..

فهد وعيونه مركزه عليها ( شكلك ما أنتي سهله ياشوق ... وانا بعد لاتظني اني سهل .. صدقيني بتندمين أشد الندم )

شوق ( ياربي احس اني بستفرغ .. آآه بس ياربي اتحمل شوي بس .. )

بعد ربع ساعه من التصوير .. وبعد ماطلعة المصوره .. حست الارض تدور فيها ماهي قادره توقف اكثر من كذا تحملت كثير اكثر من الحد اللي تخيلته فآض بها صبرها .. جلست على الكنبه ودفنت راسها بين يديها ... سكت وهو يطالعها بأستغراب ..

شوق بصوت باكي ونبره حاده : أطلع برآ!!. ماني قادره أستحمل وجودك .. يا نـــجـــس

فهد ( علامها ذي .. تحسبني ميت على جلستي عندها مادرت اني ولا جبت خبرها ) بسكوت أتجهه للباب .. وفتحه .. وقبل لا يطلع بصوت عالي : يــــــــاولــــــــــد

جت ندى تجري له : هلا فهد .. بتطلع

فهد بملامحه هاديه : ايه بطلع شوفي لي الطريق

ندى : ثواني بس اشيك على الممر اشوف في احد او لا .. بعد ثانتين رجعت

ندى : الطريق أمان .. بس بدري بتطلع

فهد ابتسم لها : ماهو بدري بس شكلك ماحسيتي بالوقت ..

ندى تهمس له : وربي البنت ملاك ... من وين طحت عليها

فهد ضحك على سؤال اخته : اسكتي بس .. يالله اشوفك بالفندق .. بروح للمجلس

بعد ما شافت ندى جت وسألتها عن فهد .. راحت للغرفه ودقت الباب : شوق

شوق مسحت دموعها : ادخلي هنادي مافي احد .. دخلت وقفلت الباب وراها

هنادي جت بسرعه وخوف: سوآ لك شي الحقير ..

شوق تهز راسها بلا .. بعد دقيقه طالعت بهنادي : هنادي ابي اروح الحمام .. احس بستفرغ .. ماسكه نفسي من ساعه .. حسبي الله عليه لوع كبدي .. الله يأخذه وارتاح منه

هنادي : اوكي بفتح لك الحمام اللي قبال المجلس محد راح ينتبه ..

شوق : طيب .. بسرعه ..

:::

:::

:::

ام رياض : مشاء الله على شوق .. بنت ولا كل البنات

ام هديل : تسلمين يام رياض

ام ليان : كم عمرها يام هديل

ام هديل : اضن 22 سنه

ام دانا : العمر كله يارب .. والله احسبها اصغر ..

ام رياض : الله يجمع بينهم على خير

الكل : أمين

عند الرجال ..

فهد : ياعمي انا مستعجل ابي الزواج بعد شهر ..

كل العيون تعلقت فيه .. مصدومين من كلمته او بالأصح مستغربين من استعجاله بالزواج .. بعد ماكان رافض فكرة الزوج نهائيا .. بين يوم وليله يقرر يتزوج وبسرعه البرق

ابو مها بسماحه : شهر ؟!!.. ياولدي البنت مايمديها تجهز نفسها

فهد : انا ابيها بهدومها اللي عليها ..

ابو رياض : ياولدي بدري على الزواج لازم نجهز الزواج ونعزم اهلنا واقاربنا .. فكر شوي وخل العجله

فهد : والله يايبه انا مستعجل مليت من الوحده .. أبي استقر بحياتي ويكون لي حياه خاصه

ابوه : الرأي عند ابو مها

ابو مها : انا ماعندي مانع الوقت اللي يناسبكم نتمم الزواج به .. والبنت ان شاء الله ما تعترض

فهد ابتسم : اجل ان شاء الله بالكثير شهرين .. ونتمم الزواج

ابو مها يضحك على استعجاله : بس عندي شرط

ابو رياض : شروطك كلها قابلين بها

ابو مها : الزواج هنا بالمدينه ..

ابو رياض : اللي تأمر فيه يابو مها الزواج بيصير هنا ان شاء الله

ابو مها : تسلم والله يابو رياض

خالد يهمس لفهد : الله اكبر عليك .. على طول تبي تتزوج شهر ياظالم

فهد : اووش انت

خالد : الله يستر منك .. بعقلك في مصيبه ناوي عليها

فهد يبتسم له : الله يخليك ماني ناقصك ..

خالد : بعد ما تخلص كل شي عازمك على كوفي بأخذ علومك

فهد : اوكي

بـــعــــد يومين

شوق توقف مصدومه : شــــهــر ؟!

عمها : الولد مستعجل انتي كبرتي والولد كبير شوفوا حياتكم مه بعض

شوق : مقدر ياعمي .. والله ما أقدرشهر صعب علي اجهز نفسي

عمها : اليوم كلمني فهد وبيحول لك المهر على حسابي بالبنك

شوق : عمي القصه ماهي قصة مهرالقصه ان الفتره قصيره مره

عمها : ماعليه يابنتي الولد حجز القاعه ورتب اموره وانتي شدي حيلك وجهزي اللي تقدرين عليه والباقي بعد الزواج تكمليه

شوق سكتت ماتقدر ترفض او تعترض فأستسلمت للامر الواقع : اوكي بأحاول والله ييسير كل شي

عمها يبتسم لها بحب : الله يرضى عليك يابنتي

شوق : امين ياعمي .. أمــــيـــن

بغرفه ثانيه

ريم بحيا : لا ياسيف ابوي مايرضى

سيف : بس انتي زوجتي .. عادي لو اجي ازورك

ريم : انا ما اقول حرام لا .. بس بعدين بتصير علاقتنا بارده

سيف اقتنع بكلامها : على راحتك ياريومتي ما اقدر اغصبك

دخلت هنادي : هيه انتي بس جالسه على هالجوال .. تعالي يالله بالصاله معنا

ريم تبعد الجوال عنها : انطمي .. شغلك بعدين

هنادي بتنرفزها : ياسيف افندي ترى جننتها ماتنام الليل تفكر فيك ... يابختك ياعم

ريم تنرفزت : هين اوريك يامفضوحه

سيف يضحك : ههههههههه ريومتي مين هذي ؟!

ريم متفشله : هنادي اختي

سيف : كلامها صحيح والا تكذب عليك .. سكتت ماقدرت ترد عليه بكلمه .. تأكد ن كلام هنادي صحيح

سيف : الله لايحرمني منك ياريومتي

بالصاله

شهد تغير لمشاري ملابسه : حمام الهنا يارب .. هاه كيف منتعش الحين ميشوو

سحر تلاعبه : شوفي كيف ريحته تهبل .. ويضحك كمان .. الولد مزاجه عال العال

هنادي : ياربي وربي البيت صاير كئيب ابي اطلع اشم هواء .. مكتومه

سمر: ويش كاتمك ..

هنادي ترمي نفسها وتلعب بالخداديه وترفعها فوق : طفش قسم بالله .. شوق بس حابسه نفسها بغرفتها .. وشهد ميشو مأخذ عقلها ..وسحر بس عالمسن والنت .. وربي كرهت عمري والاخت ريم 24 ساعه بالجوال

شهد بعد ماخلصت من ميشو : ويش نسوي فيك طيب نطير فيك للمريخ

هنادي : اممم فكره مش بطاله ..

رغد طفشت منهم وراحت لغرفتها ... كل ايامها سرحانه تفكر بعبدالله مافكر يدق او حتى يرسل مسج .. بس هي اللي اختارت الوضع بأرادتها ..

رغد ( معقوله يكذب علي ومايحبني .. هو قال بيخطبني بس متى .. آآآه ياعبدالله وينك ) .. اخذت دفترها وكتبت فيه

كيْف تقسْىَيآ .. - حَ نوْنَ - ..

وْ .........كيْف ترْضىْ ليْ .. " الأذَىآ " ؟

عْآرفْك مهمْآ .. | يكْونَ | .. ..

... مآتعذْبنيْ / كذَآ ~ ....

شوْف حآليْ كيْف صآرْ ... }

قبْل.. .. - تقْسىَ - .. آو < تروْحَ >

حآليَ بعْدكَ ب .. " أختْصآرْ "

.. كلهآ .. - هْمَ وْ جرْوحَ - ... ؟

دخلت شهد وهي تطالع رغد اللي لها كم يوم متغيره على الكل

شهد : اقول رغوده صراحه كلنا متضايقين ايش رايك نطلع نتمشى

رغد : اممم وين نروح ؟!

شهد : مطعم .. حديقه .. أي شي

رغد : اوكي يالله قولي لهم وكلمي قبل ابوي

شهد : تيب

:::

:::

:::

فايز : ماتفهمين انتي

فاتن تجري ورى ابوها : فايز اتركني بحالي حرام عليك تبي تدمرني وتدمر حياتي

فايز : عندك حلين يا فاتن ياتدبرين الفلوس والا بيصير اللي ماترضينه انتي وابوي

فاتن تطالع ابوها وتبكي : شفت يبه .. شفت اخوي ويش يقول

ابوها يهمهم بكلمات غير مفهومه لكنها هي وحدها تفهمها

فاتن تعلقت عيونها بأخوها ودموعها تنسكب بأنسياب على خدها : خلاص يافايز بكره تكون الفلوس عندك

فايز يضحك عليها وعلى ضعفها اللي يسيطر عليه : خليك دايم كذا

فاتن ( حسبي الله عليك من اخ الله لا يسامحك اشوف فيك يوم )

بعد ماطلع همهم ابوها لها بكلمات

فاتن تمسح دموعها وابتسمت رغم عذابها اللي تعايشه في البيت : لا تخاف علي يبه انا مخبيه عنه الفلوس عشان المصروف مابقى منه شي .. بس بعطيه 500 حتى يفكنا من شره

كانوا يتمشون بمكان بحديقه مخصصه للعوائل جنب جبل أُحَدَ جبل من جبال المدينه

هنادي : انا بطلع فوق للجبل شوفي كل الناس طالعين والبنات بعد

شوق : لا اجلسي معنا هنا في اولاد

سحر بترجي : شوقه قسم الشباب بالجهه الثاني شوفي الناس مليانين بالحديقه وبعدين الطريق مزفلت يعني بنطلع ونرجع مرتاحين من الحجر والبلاوي

شهد : اوف منكم بس تعالوا قبل ابي ايسكريم بالشوكولا ...

سمر : طسي انتي جيبي احنا بنطلع ونشوف المدينه من فوق

شهد توقف : رغد شوق انتبهوا لميشو .. تبون شي

شوق : جيبي لي مويه وذره حلوه

رغد : انا سفن أب

شهد : اوكي

هنادي توقف وبسرعه : يالله يابنات الى القمه .. وأتجهوا كلهم للجبل

شوق : عليهم عنادياساتر بس منهم .. لفت على رغد وشافتها ماسكه جوالها وسرحانه وبعالم ثاني

شوق ابتسمت : رغوده وين وصلتي . " ماردت عليه " سكتت ماتبي تخرب عليها جوها

رغد ( عبدالله .. عبدالله .. عبدالله .. ذبحتني بالتفكير ويش سويت فيني حرام اللي يصير فيني .. كل تفكيري فيك خايفه تروح مني وانا واقفه محلي .. خايفه تكون لغيري ياعبدالله خايفه افقدك مثل مافقدت امي

انــــا أحبــــك .. لاتخليني ياعبودي .. لاتخليني اندم على حبي لك يارب طمني عليه .. يارب )

دق جوالها .. استغربت من اللي يدق بمثل هذا الوقت بالعاده ما أحد يكلمها الا قليل .. فتحت شنطتها وطلعت جوالها .. أنتفضت أول ماشافت الاسم .. حست كهرباء سرت في جسمها .. بدأ قلبها يخفق بقوه وقوه فظيعه تهيأ لها ان كل الناس حولها يحسوا بنبضات قلبها .. أخذت جوالها ومشت بعيد عن رغد اللي صحت من سرحانها وتفكيرها بعبدالله على صوت جوالها .. وأستغربت من تغير ملامح وجهها وأرتبكها وعلامات القلق الواضحه

شوق بصوت واطي : نعم

فهد بصوت واثق جدا : الله ينعم عليك

شوق : ويش تبي داق علي

فهد يحاول يطول مكالمته حتى يصل الى غرضه منها : امممم تقدرين تقولين اتطمن على زوجتي الحقيره

شوق : مالحقير غيرك ياسافل .. ورجاء لا تدق علي

فهد : لاتكونين نسيتي انك زوجتي واقدر اجي الحين واخذك لبيتي .. والا تدرين كلها شهر وانتي برجولك تجيني

شوق تحاول تهدي نفسها .. لانه رفع ضغطها ووصله مليون : انت قلتها شهر .. ليش مستعجل

فهد : والله ماني مستعجل ولا شي

شوق : طيب اذا منت مستعجل لا تدق .. وقبل تقفل

فهد بصوت حاد ارجفها : لا تقفلين الخط بوجهي

شوق بقوه : ومين حضرتك ما اقفل الخط بوجهه ...

فهد : ياشواقتي .. لاتنسين ان الرهان اللي بيني وبينك لسى ما انتهى .. وراح ينتهي يوم نكون تحت سقف واحد حتى اتأكد انك ماتعلبين معي

شوق : لعبتك القذره هذي مصيرك بتدفع ثمنها ..

فهد بصوت ماكر وخبيث : ادفع كل ما املك حتى تكونين بين يديني

شوق : مع السلامه .. وقفلت جوالها نهائيا ..

رجعت وبالها ماهو معها ابدا .. تفكر بكلامه كلامه اللي يعذبها ويجننها اللي يألمها حاولت تتمالك نفسها وماتبين لأحد

رغد : مين اللي اتصل

شوق : فهد

رغد ضحكت بهدوء : ياحركات ياشوق .. مكالمات من ورانا

شوق : ههههههه ويش اسوي عاد هو يبي كذا ( ماتدرين ويش المستور يا رغد )

رغد : الله يسعدك ويهنيك يارب .. كأن شهد تأخرت

شوق : يمكن زحمه .. تجي الحين

شهد تطلع الفلوس : بسرعه لو سمحت ..

الهندي : لحزه ماما .. انتزر شوي

شهد : ياليل لودريت انه عند قسم الشباب كان ماجيت

الهندي : تفزلي ماما ..

شهد : ثانكس .. اخيرا ... اخذت اغراضها بالكيس .. وعلبه الايسكريم الدائريه ..

شهد : يم يم شكلها يشهي

لفت وهي مركزه على الاغراض اللي بيدها .. مشت خطوتين .. وصرخت وهي تشوف عبايتها معدومه من الايس كريم وهي طايحه على الارض وطرحتها نزلت عن وجهها وجنبها جواله ..

...: اسف اسف .. ان شاء الله مافيك شي

شهد رفعت راسها ماهي مستوعبه ولاحست بطرحتها اللي طاحت : غبي .. غـــــبـــــــي

يوسف رمى الطرحه على وجهها : انا أسف ..

وقفت وتركت الأغراض طايحه وبسرعه أتجهت لسيارتهم البعيده وهو يلاحقها يبي يعتذر منها ويعوضها بدل الأغراض ..

يوسف : يابنت الناس استني .. اصبري

شهد مسحت دموعها اول ما شافت فرشتهم اللي جالسين عليها رغد وشوق وبالوسط مشاري ...

شهد تجري لهم وتصرخ وتبكي : رغد .. شوق ...الحقوني .. ائــههههـــئ .

رغد وقفت اول ماشافتها تجري وتسمع صراخها .. وشوق خافت على اختها وعلى منظرها

رغد تجري لها .. اول ما قربت منها رمت نفسها عليها وهي تبكي وضمتها بقوه وحاولت تهديها

رغد : بسم الله عليك شهد .. شنو صار لك

شوق تقرا عليها : تعوذي من الشيطان

شهد تدفن نفسها بحضن رغد : يلاحقني يارغد يلاحقني .

شوق : مين ياشهد مين ؟!

شهد :مدري بس اعرفه

وصل وهو يشوفها بحضن رغد نزل راسه بحيا : أنــــا أسف على اللي صار

رغد ( يــــــــوســـــف)!

شوق : ماتخاف من الله وانت تلاحقها

يوسف : انا كنت بعتذر منها وابدل الاغراض اللي طاحت وانكسرت لما صدمتها

شهد تمسح دموعها وتغطي وجهها زين : انت خوفتني لما لاحقتني

يوسف : انا اسف واقولها للمره الالف .. ومد خمسين ريال

شوق تطالع الفلوس ماهي فاهمه شي : ليش الفلوس

يوسف : تعويض

رغد : خذ فلوسك مابيننا شي

يوسف أبتسم لها لانه عرفها : براحتكم ... جا جلالي شايل بيده علبه مويه

جلالي : ماما رغد ..

رغد : نعم

جلالي .. هزا في .. وشاف يوسف وسكت

يوسف : انا استأذن .. مع السلامه

وتركهم بمكانهم ..

شهد تهمس لرغد : يوسف صح

رغد : ايه يوسف اسكتي .. جلالي روح نادي بنات نبي نرجع البيت

شوق تجلس شهد : ارتاحي خوفتينا عليك يادوبه

شهد تضحك : لو كنتي بموقفي والله لاتموتين من الرعب وخصوصا يركض وراك يمــــــــــه رعب

شوق تضحك : بس كذا .. بسيطه ياحلوتي

رغد تهمس لها : ماشفتيه ؟!!

شهد بنص عين : لا ماشفته بس اكيد مع صديقه

رغد ميلة فمها على جنب : اشتقت له ياشهد احس قلبي بيطلع من ضلوعي ويروح له مايفارقني حتى بمنامي

شهد سكتت ماتدري ويش ترد عليها .. : بعدين اقوله لك شنو تسوين

شوق شكت بالموضوع : ويش تتكلمون فيه

شهد : ابد سلامتك .. بشري ويش بتسوين بتجهيزات الزواج

شوق سكتت شوي وبعدها بهدوء قالت : امممم بجهز نفسي من بكره مابقى وقت

رغد تغمز لها : واذا نقص عليك شي ترى في متزوجه بيننا تيتشر مهاوي اسلئيها

شوق حمر وجهها : وجع بعينك استحي يابنت

رغد بحالميه : آآه متى اتزوج واستقر

شهد تدقها : بدري على الزواج ياحلووه .. مو بتحولين طب حطي براسك ماحد بيتزوجك لانك بتصيري دكتوره

رغد تفكر بكلام شهد : ماهي مشكله الحمدلله معدلي كامل وان شاء الله الترم الثاني نفسه

شوق من قلبها : الله يوفقك يارغد وتحققي كل اللي ببالك

رغد ترفع يدها : امين يارب

:::

:::

:::

كان يفكر فيها .. قلبها يحسها قريبه منه .. لكن عقله مستبعد حضورها

" ملل والله "

" ملل والله "

أَبَد .. من يوم ماغابَتْ :

وهذا حال : عبدالله . !

عطشان

مدري ليش . !

محتاج !

مدري لـأيش . !

أمسي على همّ وأَلَمْ

واصبح على : تشويش . !

واصبح على : تشويش . !

واصبح على : تشويش . !

كان سرحان .. منسدح على الفرشه يفكر كيف يثبت لها حبه كيف يجبرها ترجع له .. انتبه ليوسف اللي يطالعه بنظرت غريبه

يوسف : اممم بشاره

عبدالله بدون اهتمام : وشي هي

يوسف : اول شي هي تخص رغد .. فز من مكانه وجلس

عبدالله : لك اللي تبي بس ويش عندك ؟!

يوسف : توي شفتها هي والمتوحشه .. يووه قصدي القمر اللي معها دايم

عبدالله : وين شفتها .. تكلم بسرعه .. لاتكذب علي يوسف

يوسف : والله اني شفتهم .. والله ياعبيد ياللي معها قمر ماهي بنت قمر يمشي على الارض

عبدالله عقد حواجبها : شهد تقصد ؟!

يوسف ينطق اسمها ويمغطه ويغمض عيونه : شــــــهــــــــد يامحلها.. فديت عيونها .. وجهها خشمها .. شفايفها .. وجسمها .. ياويلاه عليها بس

عبدالله ارتفع ضغطه : قولي وينها رغد

يوسف : اسمع القصه من البدايه لاترجني

هنادي بصراخ : ياسلام والله بكمل لعب ... حلوه هذي نرجع الحين

شوق بحده : هنادي ماشبعتي لنا ساعتين الساعه الحين 12 ونص

ريم بعتراض : بدري والله بدري حرام عليكم ويش التنكيد هذا

سحر بتعب : قرروا وخلصوني .. وطلت بشهد ورغد اللي مندمجين بالسوالف ( اموت واعرف ويش بينهم ومين عبدالله هذا اللي بجوال رغد .. معقوله يكون متعرف عليها .. بس رغد ماتسويها ويش الحيره هذي لازم اتحرى عن الموضوع بطريقتي الخاصه )

شوق بأصرار : نرجع البيت يالله شيلوا من الاغراض

سمر : من جد نكد .. الله يعين فهد عليك نكديه وتحبين النكد

شوق : اقول قدامي يالله .. شالوا كل اغراضهم ورتبوها بالسياره وركبوا نصهم زعلان ومتضايق ونصهم مبسوط

شهد ترفع ميشو وهو يبتسم ابتسامه براءه : افردوها يقولكم ميشو

هنادي بعصبيه : رايقه مره انتي

شهد : انبسطي المدرسه بعد يومين هذا اللي يبسطك انتي

هنادي : على الاقل انبسط مع الشله مو معكم يالطيف كئيبين

سكتوا شوي وماحسوا الا بصدمه بالسياره .. وصرخوا كلهم لان الطريق مظلم شوي مافي سيارات ابدا الا سيارتهم وسيارة اللي صدمهم

شوق بخوف : بسم الله ايش هذا

جلالي : يووه ماما .. هذا واحد يصدم احنا من ورى

رغد : وقف على جنب بسرعه

شهد : يارب سترك

وقفوا ووقف اللي صدمهم ..

شوق : لحظة لاتنزل ياجلالي يمكن هو ينزل يجي

شهد : انا انزل اتفاهم انتم خوافات

رغد : نسيتي قبل شوي كنتي بتموتين وانتي تبكين

شهد : خوذي ميشو .. نزل جلالي ونزلت معه

الولد يصفر : ياهوو اسفين ياقمر ماشفنا السياره

شهد بقهر : لا ياشيخ جيب ايش طوله وايش عرضه ماشفته وين عيونك

الولد الثاني : ياحلو الصدف ويش اسمك ياكيكه انتي

شهد : احترم نفسك وانقلع مانبي شي .. لفت بتروح .. مسك يدها دفته بقوه واعطته كف

شهد : ياقليل الادب ياحيوان .. نزلت هنادي

هنادي تشمر : هيه انت وهو خير خير .. نزلوا ثلاثه من السياره وخافت شهد لانهم بنات ومعهم سواق وهم شباب

الولد: والله حسبنا ان اللي بالسياره رجال وبنتفاهم معه ونعتذر طلعوا وردات اللي بالسياره

هنادي بصوت حاده : ورده بعينك تشبك بشوكها وماتطلع قول امين

1: مقبوله منك ياقميل

شهد تمسك هنادي : خلاص روحوا بسبيلكم .. سيارتنا احنا نصلحها ... قرب منها الولد

2: لالا.. لازم نوصلكم لحد بيتكم .. نزلت شوق لانها خافت عليهم

شوق : شهد هنادي ادخلوا خلاص .. بنروح

4: مشاء الله شله بالسياره .. مسك يدها وسحبها بأتجاهه

شهد تحاول تحرر يدها : اتركني يامعفن وجع بعينك

هنادي تحاول تحرر يد شهد : اتركها ياقليل النخوه والرجوله

3: اقول خلوها تروح معنا بالطيب والا بناخذها بالغصب

شوق ارتجفت من كلمته وصرخت عليه: حرام عليك .. انتم الغلطانين .. اترك اختي

شهد تبكي : قلت لك اتركني .. اتررركني

4: مو بكيفك الغلط عليكم انتم

جلالي : خلاص .. كل واحد في روح طريق

مسكه واحد منه وبكسه

رغد خافت وهي تشوفهم وجلست تبكي وريم وسحر

شوق : اتركنا بحالنا ماعندك اخوات تخاف عليهم

2: مابقى الا عوانس يتكلمون روحي بس ياشيخه ..

شافت هنادي سياره واشرت لهم ... وبسرعه وقفوا وارتبكوا الاولاد وبعدوا شوي عن البنات وشهد تمسكت بشوق وهي خايفه منهم

عبدالله معصب : ويش في خير يالاخوان ويش صاير بينكم

شهد تبكي بحضن شوق : كانوا بيأخذونا معهم

يوسف جن جنونه وطير عيونه فيهم : تتمرجلون على بنات .. مسك اول واحد قباله وخنقه .. وريني رجولتك يالله

1: احنا صدمناهم واعتذرنا

هنادي : عمى بعينك ياكذاب

عبدالله يبعد يوسف : خلاص كل واحد يروح بطريقه .. أتجهوا الاولاد لسيارتهم وراحوا

هنادي بعصبيه : ليش خليتهم يروحون المفروض تجي الشرطه تسحبهم

يوسف : عسى ما أأذوكم

شوق : لا الحمدلله انتم ربي ارسلكم لناجزاكم الله خير ... نزلت رغد حتى تشوف عبدالله اللي شبة عليه

رغد : شهد انتي بخير

شهد : أيوه .. الحمدلله

يوسف : يالله خواتي اركبوا السياره واحنا بنمشي وراكم يمكن السياره توقف بعد الصدمه او شي

عبدالله عيونه تعلقت برغد وقال : احنا وراكم .. وراح للسياره ولحقه يوسف .. وركبوا البنات سيارتهم ووصلوا للبيت

شوق : وربي انهم عيال فيهم الخير مو مثل هذولك

سمر : بقول لعمي عنهم

شهد صرخت عليها : حسك عينك تقولين والله ماعاد نطلع مع الباب

ريم تهدد سمر : شهد معاها حق لا تقولين له شي سامعه هذا بيننا مانبي احد يعرفه

الكل : اوكي

راحت لغرفتها اخذت لها شور بعد التعب اللي تعبنها والتفكير المزمن فيه صورته ماتفارق خيالها نظرته لها وتفحصه كأنه يشوفها لاخر مره تنهدت تنهيده طويله طلعت من قلبها .. اصرت على رأيها وتمسكها بقرارها رغم المعاناة والألك اللي تحسه ينهش قلبها خانتها دمعتها اشتاقت له .. تحس انها تودع الدنيا ببطئ في غيابه وصدوده عنها توقعت انه بيركض وراها ويترجاها لكن خابت ظنونها وتوقعاتها .. حبت تغير تفكيرها وتشغل نفسها أتجهت للكمبيوتر وفتحت المسن حقها .. لمحت اسمه ( عـــآشــــقــهــــآ )

حركت الماوس له وفتحت محادثه ترددت تكلمه او لا صعف وحزن وأنكسار أكتساها فجأه سجل خروجه قطعت تفكيرها فيه وتصفحت بهدوء وروقان

:::

:::

:::

بعد مرور اسبوعين

بالمدرسه

هنادي تضحك : هههههه والله جلالي قالي كذا

عبير عصبت : حرام عليك يابنت ويش بتسوين فيه

هنادي : خليه يستاهل هذا وازود بعد

عبير : مسكين ماجد .. خليه يروح بحاله الولد توظف

هنادي تعقد حواجبها : توظف؟! وأذا .. والله مايروح قبل لاأنتقم منه

عبير : هنو خلاص ياعمري سبيه بحاله

هنادي بحقد : اتركه ... واخلي الكف يمر بسلام لالا ياروحي لا

عبير : بكيفك ياحلووه ... بس انا خلاص مابي اشاركك بشي احس بتأنيب الضمير

هنادي : براحتك شي راجعلك

عبير تكشر : زعلتي يادوبه

هنادي : وي انا ازعل .. ومن مين منك ... اقدر انا

عبير : ياروحي انتي .. وباستها على خدها

عبير تسحبها مع يدها : تعالي نلعب

هنادي شقت الابتسامه وجهها : يالله ..

بجانب ثاني

لينا جلست بتعب : وربي تكسر ظهري من الوقفه حسبي الله عليها بس عشان ماجاوبت توقفني كذا

سحر : احد قالك اسرحي.. ولا بحصه رياضيات .. عينك قويه

لينا : والله مانمت جايه مواصله تعبانه حدي

سحر تمسح عيونها : حتى انا بصراحه سيف طول اللي يسولف معي

ريم : انتي الخبله معطيته وجه قفلي جوالك

ريم تفكر : يبي لي اقفله بالليل

لينا تتذكر هزاع : وه بس ياليت هزاع يكلمني والله لا اطنش المدرسه وام المدرسه كلها

ريم : والله بتندمين على كل كلمه قلتيها وربي طفش وغير كذا غثاء

سحر ترفع يدها : الحمدلله الذي عفاني مما ابتلى به كثير من الناس

لينا ترفع حاجب وتنزل حاجب بشكل يضحك .. ومبتسمه وغمازاتها باينه :بكره نتزوج قبلك ونتدلع ونتغنج وانتي وتطالعينا وتحسدينا

سحر فتحت عيونها على الاخر : احسدكم .. وعلى زواج .. اعوذ بالله اصلا انا اكره شي اسمه عيال تجون تقولون لي زواج

ريم : وسامر ولد عمتي كمان تكرهينه

سحر تغيرت ملامحها وبردت من كلمه ريم لها : سامر !!. كان مجرد اعجاب وصحيت على نفسي كنت اتوهم أني احبه .. كلها فترة مراهقه وعدت علي

لينا تسند راسها على الجدار : ممكن أعجاب .. بس احنا كنا عارفين كل شي عنك وعنه انتي كنتي تموتين ... قاطعتها

سحر بحده وصرامه : كنت .. وكان فعل ماضي بليز قفلوا على السيره

ريم مستغربه تغيرها وحدة كلامها : تيب نغيرها .. بس لاتعصبي علينا

لينا لفت على ريم وهي تبتسم وتدقها بالكلام : والله في ناس ميتين عند ناس ويتمنون رضاهم وهم ولا دروا فيهم

ريم فهمت قصد لينا وضحكت : قولي لهم الخط مشغول يتصلون مره ثانيه يمكن يحالفهم الحظ

سحر بعصبيه : ترى فاهمتكم زين .. ومعاذ اخوك يا لينا قولي له اني مرتبطه او مخطوبه خلي الامل اللي عده يموت

لينا بتكشيره واضحه : بس حرام كسر الخواطر .. خصوصا انه شاريك سحوره

سحر بعناد : انا موضوع الحب والزواج اخر همي .. مأجلته الين اخلص الجامعه

لينا بتحطم : الله يوفقك ويرزقك

ريم تأمن على دعوة لينا بقلبها ..( ويش وراك ياسحر .. مخبيه عني شي هو اللي مكدرك والسبب سامر )

بـالجامعه

كانت شهد ماشيه بطريقها تدور ريماس تبي تكلمها وتجلس معها مشتاقه لسوالفها وأخبارها

سمعت أحد يناديها بأسمها من بعيد ..كأنها عرفت صاحبة الصوت البغيضه ..كملت طريقها بدون ماتلف لمصدر الصوت ومطنشه ولا عبرتها ..

..: شـــــــهــــــــــد !!... مسكتها مع يدها ولفتها عليها

شهد لفت عليها وحطت عين بنظره قويه حاده وبصوت حاد : نـــــعــــم .. أي خدمه

فاتن ولمعه الحزن البراقه بعينها : أبي اتكلم معك

شهد تسحب يدها من يد فاتن قالت بصوت حاد جدا : الكلام اللي بيننا انتهى .. ولاتتعبين نفسك وتجيني مره ثانيه لاني بكل بساطه ماعدت اشوفك ...

وطلت فيها من فوق لتحت ولفت عنها وكملت طريقها لانها ماهي طايقتها ولا طايقه تشوف وجهها للي يذكرها بالايام الماضيه .. ويذكرها بمدى تفكيرها المحدود ..

شافت ساره تاشر لها من بعيد ومشت بأتجاهها

شهد بأبتسامه : ويش فيك تناديني

ساره : اخيرا لقيت احد عبرني ويسولف معي تعالي عازمتك على عصير طازه

شهد تضحك : كلي فادك ياحلووه .. ويش عندك

ساره : طفشاااااااااااانه مووووت سولفي وقرقري وبربري على راسي

شهد : من عيوني .. شفتي اخر شي صار لي شنو

ساره بحماس : شنو

شهد : هذي سلمك الله فاتنووه ...

:::

:::

:::

فهد وقف وصرخ بصوته اللي تردد صداا بقاعه الأجتماع : تـــــــــســـــــيب ... وقالبين لي المكاتب كوفي .. وبهرجه لاخر شي ... واخر شهر راتب تستلمونه بارد مبرد على قلوبكم ...

سلطان يحط الملف عند يد فهد اللي معصب ولا يشوف طريقه اللي قدامه : سلطان

سلطان : هلا طال عمرك ..

فهد يطالع ويتأمل وجيه الموظفين : كل واحد مخصوم من راتبه ... وعقوبات تنفذ فيهم كلهم من اصغر واحد الى اعلى واحد .. واضافة لساعات الدوام ... " بصوت حاد " .. مو بشركتي يصير الأهمال ... كل واحد على مكتبه يالله ..ومابي أي اعتراض

بعد ماطلعوا كل الموظفين قفل سلطان باب مكتبه الكبير وبقى لوحده مشى ببطئ وهو يتامل مكتبه الواسع .. سكر باب غرفة الاجتماعات شاف كرسيه خلف المكتب .. جلس عليه وكله تعب وأرهاق .. تذكر كلمه رنت بأذنه ..

{.. أنـــا أسف اســتاذ فهد .. أنـــت مريـــض بـــ... }

غمض عيونه بألم .. تمنى جده يكون عايش يشكي له همه وضيقه وتعبه .. وينه ووين الحياه كل ملذاتها تحت طوعه وأمره .. ولكن فقد أهم عامل ترتكز عليه الحياه وهو { من كان مع الله في الرخاء .. كان الله معه بالشده } .. وين صلاته ؟! وين استغفاره ؟!. وين صدقاته ؟!. مسلم بالاسم فقط .. فكر بنفسه وحاله كل يوم يزداد سوء .. تفكيره شيطاني بحت .. مقتصر على شهواته .. أراداته .. أمنياته اللي يحققها حتى لو كانت تكلفه انه يلوث نفسه بالوحل .. تذكر لــــيــــان .. تذكر مصيبتها الكبيره اللي ماله يومين داري فيها وبالصدفه عرف هذا الشي .. تذكر ندى البريئه ذات الضعف والأنكسار ... وشخصيتها الأنهزاميه .. تــــذكر الــتــي أرقت نومه وأسهرت ليله .. تذكرت من كلماتها كالرصاص تتردد في مسمعيه ...

{..شـــــــــــــوق..}

بدأ العد التنازلي مالا يقل عن 12 يوم باقي عن زواجه منها

نسى كل شي حوله وركز نظراته على هدفه المهم بحياته .. حطم حياته في يوما من الايام .. وبقى ان يدفن جثمانها حتى يريحها من ألــــم الحياه

سحب جواله من على مكتبه وضغط على رقمها اللي يحمل اسم ( حقيرتي ) .. دق مره ومرتين ولاجاه رد منها

كــانت بالمطبخ

سمعت صوت مشاري يبكي .. اخذت رضاعته وراحت له بغرفتها وشالته من سريره وغيرت له ملابسه ونظفته ورضعته .. دق جوالها وكان بعيد على الكمودينه .. شالت ميشو وجلست على سريرها أول ماشافت أتصاله جن جنونها .. كل اوقاته تكون غير مناسبه .. تركته وماردت عليه

شوق

جيت من المطبخ على صوت مشاري اللي صحى من نومه وكان يبكي مرره .. توقعته جوعان وسويت له حليب حتى يرضعه .. وشلته من سريره وكان عيونه منتفخه من النوم ضحكت على شكله الملائكي الساحر اخذته ودخلنا الحمام وبدلت له ملابسه ونظفته حتى يصحصح وينتعش .. بعد ما طلعت وانا الاعبه مع باطن رجوله واحرك اصابعي حتى اشوف بسمته الله تنسيني الدنيا ومافيها .. "الأم "شعور الام اروع شعور بالدنيا تمنيت اني أكون أم واحد ينادي بكلمة ماما .. ذاك الوقت يمكن انسى كل عذاب السنين وتمنحى اسوء ذكريات الزمان المريب .. فكرت فيه فكرت بأنتقامي منه أربكني تفكيري المجنون .. لو حملت منه وصار أب اولادي ويش بيكون مصيري معاه .. هو أخر من افكر واتمنى انه يكون شريك حياتي أو يشاركني بحق خاص فيني

سمعت صوت ميشو وهو يلعب ويحرك يده بعشوائيه وكان شعري منسدل على وجهي وهو بحركه لا أراديه منه بعده عن وجهي .. بسته على خده .. وابتسمت واخذت رضاعته ورضعته ... قاطع أنسجامي مع أنيس وحدتي ميشو صوت جوالي كنت على طرف السرير والجوال عالكمودينه بالطرف الثاني .. وقفت ومشيت له بكسل وخمول جلست جنب الكمودينه وأخذت الجوال وأنا متأففه من وقت الاتصال الغلط .. أول ماشفت اسمه ارتجفت .. حست الآه تخنقني .. وصوت بحاته المخيفه تتردد على مسمعي .. خفت ارد عليه ويجرحني كالمعتاد بكلامه القاسي .. احاول اتمنع عن مواجهتي معه حتى لو بالكلام لان كل واحد فينا يحاول ينبش جروح الثاني .. أنا بالنسبه له ورقه مكشوفه وخسرانه ولا يهمه اقتنائها .. لكن هو اكبر علامات الاستفهام تلتف حوله .. غموضه غريبه هدوء غريب ...ونظراته اغرب .. لما يطالعني احسه يطالع لشي بعيد المدى . وراه عالم مختفي بوسامته القاتله وجاذبيته الآسره وغناه المغري .. واحساسي انه عالم كل قذورات وذنوب وقرف عالم الله وحده يدري ويش فيه من خلل ..

أنقهر منها هذي المره الثالثه اللي يدق فيها وماترد

فهد وأعصابه فايره مره : هين ياشوق شغلك عندي .. تطنشيني والله لا أخليك تندمين

دق عليها للمره الرابعه ويتمنى ماترد حتى يسوي اللي براسه .. كان معميه الحقد والعصبيه والكره .. جاه صوتها الهادئ البعيد والناعم : الــــــــــــو

فهد ببحته المعهوده : تطنشين ؟!.. سمع صوت طفل يبكي

شوق ببرود : كنت حاطته سايلنت والحين شفت ضوه ورديت

فهد بحده : لاتكذبين علي

شوق بقهر : وانت ويش خصك اطنشك والا ما أطنشك .. لهذي الدرجه مقهور اني حقرتك ياسخيف

فهد يضحك بشر : مقهور ومنك .. قلوا الناس اللي أنقهر منهم

شوق بقوه عين : اتصور كم مره قلت لك لا تدق عليا .. بعدين مستعجل على ويش كلها اسبوعين وتشوفني قدامك .. والا ماتقدر على فرقاي

فهد يتكي على كرسيه ويحط رجل على رجل ويلف على الشباك الزجاجي وراه وهو يتأمل البحر قدامه : فرقاكِ يوم عيدي ياحقيرتي .. تصدقين انتي متخيله اني ميت عليك

شوق بقرف : بالله عليك قلت شي جديد والله

فهد : اقول جهزتي نفسك للزواج ؟!..

شوق مقهوره منه ومن حبه للسيطره : مالك خص

فهد ابتسم على كلامها اللي حس منه انها أنقهرت : لاتنسين انك تجهزين نفسك لي أنا مو لأحد ثاني

شوق تسكت مشاري اللي يبكي في حضنها : انا مو فاضيه لسخافاتك وغبائك .. مع السلامه

فهد رفع حاجبه : تسكرين قبل انا لا اسكر .. تبيني اكسر لك راسك

شوق : يمه خفت منك ومن كلامك .. أعلى مابخيلك اركبه ..

فهد يضحك بشر : بركبه وادوسك صدقيني ..

قفلت بوجهه ولا أهتمت بكلامه لانه يكرره ولا شافت شي منه عرفت انها يحاول يحاصرها ويكرها فيه بزياده حتى يربكها اكثر واكثر .. شالت مشاري وراحت بالصاله وقفلت جوالها نهائيا حتى مايزعجها

رغد تعبانه : احس بدوخه فظيعه

شهد بخوف : انتي لك يومين مانمتي حتى ماتنسدحي على فراشك

رغد نزلت دموعها وجلست تبكي : ويش اسي ياشهد ماهو بيدي والله كل ماحطيت راسي على المخده اتذكر عبدالله وكلامه لي

شهد تطبطب عليها : صدقيني بيوم بتحمدين ربك على القرار هذا اللي اتخذتيه

مسحت دموعها وذكرت ربها عسى ان تفرج ضيقتها .. وصلوا البيت ورمت نفسها على السرير وماحست بنفسها الا هي بسابع نومه .. دخلت وراها شهد

شهد : رغد .. رغد نمتي طيب قومي كولي شي .. محصلت منها جواب عرفت انها نامت من تعبها وأرهاقها طلعت برى حتى ماتزعجها .. وجلست بالصاله ومعها ميشو وجلست تقلب بالقنوات

شوق جلست ومعاها كاسة كابتشينو لانها متعوده كل صباح تشربه : بدري جايين اليوم

شهد : خلصنا المحاضرات بدري .. ورجعنا ورغد تعبانه مانامت طول الليل

شوق بأستفسار ونظره تفحص : رغد فيها شي ماهو طبيعي من الاجازة وهي متغيره

شهد ترقع : لالا يتهيئ لك .. بس هي امس مانامت زين

شوق ماعجبها الكلام بس عدته بمزاجها : تيب تيب .. بروح اشوف الغدا مابقى شي على جيت البنات

شهد تبتسم : والله ياشوقه من غيرك ماندري ويش نسوي .. راح نحوس

شوق أحتدت ملامحها كلام شهد ذكرها بأشياء ماحسب حسابها .. مشت بهدوئها للمطبخ وكملت طبخ وراحت لغرفتها الين يستوي .. جلست تفكر بأخواتها وبنات عمها .. مين بيأكلهم ؟!.. مين يدير باله عليهم ؟!.. مين يشوف طلباتهم ؟!.. يساعدهم اذا احتاجوه ؟!.. والأهم مين بيوجههم أذا احتاجوا المشوره

شوق ( يعني خلاص بتركهم .. ماراح اشوفهم كل صباح ومساء ..ولا اجهز لهم اللي يبونه .. حسبي الله عليك

يافهد ويش سويت فيني ) طاحت عيونها على الأغراض اللي اشترتها من السوق حتى تكمل اغراضها بسرعه

فتحت الكيس وشافت القميص اللي اختارته شهد .. ومعاه البجامه اللي اختارتها رغد .. طلت فيهم وضحكت

شوق : يحسبوني مثل أي عروس .. ورمت القميص طول يدها

جلست على سريرها تستنى وصول اخواتها ..

بـــهـــذآ الـــوقــــت ..

يوسف : ايش بلاك انت .. خليتني أكتئب معك ..

عبدالله : والله مدري ويش بلاني .. تصدق بأخ اجازة وبسافر لامي وأخواني

يوسف : تغير جو وتريح نفسك

عبدالله : أنا زهقت لي كم شهر مارحت لهم .. ويش رايك تروح معي

يوسف : لالا يرحم اهلك مافيني أنا مارحت لأهلي بالرياض وامي كل يوم تكلمني عشان المشوار طويل هالحين اروح معك .. لالا تعرففني سوداني كسول وما أشيل علبة سجايري اذا دخت

عبدالله : ههههههه والله صدقت بوصف نفسك ..

يوسف : اقول عبيد

عبدالله انسدح ومسك ريموت التلفزيون : قول ويش عندك

يوسف : هذيك المتوحشه .. يأخي عاجبتني

عبدالله اعطاه نظره استهزاء : انت تعجبك وحده .. بالله كم وحده تكلمها وترسل صورها ..جوال ومسن ومقابلات .. ومليون وحده شبكت وماعجبوك الحين تقولي شهد تعجبك

يوسف : صح اخلاقها زفت وكل ماتشوفني سبحان الله قلوبنا تكره بعض اموت واطفشها وهي لازم تسبني .. بس ذاك اليوم شفت وجهها يوم صدمتها .. اقسم لك بالله فيها جمال يوسفي .. على اسمي وه

عبدالله يلمس جبينه : مسخن انت والا فيك شي .. منت صاحي

يوسف يرفع حواجبه : مرقمها مرقهما ,لو أني بتكسر ذاك اليوم بس يالله الزين مايجي مره

عبدالله يحط يده ورى راسه ويقول بصوت هادئ ومقهور : لو كانت رغد لسى تكلمني كان زبطتك

يوسف يفتح بكت دخانه ويطلع سجاره ويحطها بفمه ويتكلم : ياررب ترجعون حتى انا استفيد بالاول والاخير

عبدالله يضحك وبنفس الوقت ضاقت ملامحه : ما أظن والله

يوسف يفكر وهو يدخن : ويش رايك تسحب عليها وأنا اجيب لك وحده تسواها وتسوى عشره من أمثالها

عبدالله عصب من كلامه : هيه هيه انت .. ويش تسواها يخسون بنات الدنيا كلهم يجوون مثل رغد بعيني وموفر السحبات لك يابو السحبات

يوسف : اقول احمد ربك اني الحين مستقر على ثنتين وبس

عبدالله : بالله أسكت بنام

يوسف يخبث : نوم الظالم عباده

تعبت أشتآإأق له { يآش‘ـَـَتآت . . !

وٍلآ آدرٍي هوٍ : يحس ..| فيني ~أوٍ آني " ذ?رٍى " في دن‘ـَـَيآآأهـَ ..*

تعبت أشتآإأق..............

تعبت أشتآإأق

تعبت ‘‘ أتذ?رٍ ‘‘ وٍجوٍده معي ~

في

[ أصعب آللحظآأإت ]

تعبت "آتخيله" يمي . . !

يلحفني بدفآ { صوٍته*

يقوٍيني على ..| آلدنيآ ..~[بصبرٍه وٍقوٍة ع‘ـَـَزٍوٍمه

]يمآأإزٍحني : عشآن آض‘ـَـَح?

............................... وٍآنسىآلهم. . !

وٍغيرٍه ~ يخنق آلضح?ه

فـَ هذآ آلف‘ـَـَم . .!

قفلت دفترها بعد ما كتبت هذي الكلمات .. سمعت صوت المؤذن يعلن وقت دخول صلاة العصر

شوق : لا اله الا الله محمد رسول الله ..

قامت اتوضت وصلت وقرأت قرآن وشغلت وقتها فيه بدل ماتضيعه وهي ماتستفيد منه شي ..

دعت ربها انه يسنده ويأجرها بمصيبتها

صحت هنادي وطلعت بالصاله وهي تمغط عيونها بالطول والعرض

هنادي تدور شوق : غريبه مختفيه ؟!.. شـــــــوق

شوق وراها : نعم نعم ويش تبين

هنادي : بتروحين اليوم السوق تقظين

شوق اخذت نفس طويل وبدون نفس : أيه بروح وشهد ورغد ناشبات لي بيروحون معي

هنادي تضحك : ايه عشان يدخلونك المحلات هذيك اللي بس يروحون لها المتزوجات والعرايس معرف اسمها

شوق تضحك : اي والله ذبحووني

هنادي : اليوم اطرديهم وانا بروح معك عاد ابلشك بمحلات الالعاب

شوق ميته ضحك : الله عليك ياعربجيه ماتتركين سوالفك

هنادي : بشتري لك الطائره الاسلكيه عشان تلغمينها متفجرات وتطلقينها على فهيدان

شوق تفكر بكلام هنادي دخل مزاجها : تصدقين فكرتك خطيره

هنادي بصوت عالي : هههههههههههههههه صدقتي !!. هههههه

شوق تميل فمها بغرور : اقول طسي الشرهه علي معطيتك وجه

هنادي : بطس ياقلب فهودك

شوق عصبت وبنظره ناريه : هناديووه

هنادي ببرود ينرفز : انا صادقه ماهو زوجك .. خلاص بيصير قلبك وبتحبينه مافي محبه الا من بعد محبه

شوق تنرفزت من كلامها وفار دمها بعروقها من كلماتها الاخيره : انتي اللي تدرين عن قصتي معه .. وتقولين كذا صدق انك غبيه ياغبيه .. أنقلعي عن وجهي

هنادي ترفع حواجبه : بنقلع يابقره .. فكري زين لاتخربين حياتك بيدك احمدي ربك انك تزوجتي وحطيتي اصبعك بعين كل من يتكلم عليك

شوق انخرست بعد كلامها الاخير .. بأي شي راح ترد عليها اذا هنادي تتكلم كذا كيف الناس .. الناس ماترحم وكلامها سم تتجرعه من عمر .. طنشتها وطنشت كلامها وراحت لغرفتها تكمل شغلها بالكروشيه

هنادي

لما راحت شوق ومبين على وجهها الزعل والضيق عارفه اني كلامي زعلها وضايقها بس انا أبي لها الخير واللي تسويه بنفسها يقهرني اكثر وأكثر ماتبي تحسس نفسها انها عروس .. وتقهر فهد وتبين له انها ماهمه شي .. بالعكس باسلوبها وحركاتها هذي تبين له ضعفها وشخصيتها الأنهزاميه والكسيره .. رحت على سريري بعد ماصليت العصر لسى البنات نايمين .. جلست افكر بماجد وكيف انتقم منه انتقام شرس وقوي .ز كيف ادفعه ثمن الكف اللي ضربني هو يبي يبين ويثبت رجولته وعلي أنا .. ويش يخصه فيني لاهو اخوي ولا ابوي .. عمى بعينه .. شفت سمر توقف وتتجه للحمام وأنتم بكرامه عشان تتوضى وتصلي

قمت ورحت للغرفه ولقيت شهد وميشو وشوق ..شفت بشهد الأم الحنون على مشار والحضن الدافي له مدلعته ومهتمه فيه لدرجه غريبه أتوقع لو كان مع امه ماشاف الدلع والاهتمام هذا .. أستغربت أكثر وأحترت بسبب تغير شهد المفاجئ كانت انسانه شرسه ومحبه للمشاكل مغروره والاهم أنها أنانيه لدرجه غير معقوله بيوم واحد تغيرت صارت إنسانه مختلفه جدا

شهد تطالعها متفاجئه من سكوتها : يقولون السكوت داهيه .. علامك ساكته

هنادي بكسل وخمول : كسلانه مافيني اتكلم يأختي

شوق : اي والله اسكتي احسن .. لان كلامك اليومين هذي يغث مره

شهد تضحك : يغث ؟!.. غريبه دايم مرجوجه حتى بكلامها

هنادي : بالله اسكتوا ترى اخلاقي اليوم بنزينها فاضي

شهد : ياساتر .. بنسكت أووف

كانوا بغرفته حقت النوم يشرفون على العمال بتركيب الغرفه الجديده .. وأثاثها المستورد من خارج المملكه

خالد : صراحه الغرفه تحطيم .. ياهيك الديكور والا فلا

فهد يبتسم : عجبك بالله

خالد : جنان .. من فين استوردته

فهد يجلس على الكنبه ويمد رجوله : من ايطاليا .. في محل هناك متخصص بالأثاث وعالمي ارسلت لهم ايميل وردوا علي

وليد : بس الالوان رايقه وتساعد على الأسترخاء والهدوء

فهد يضحك : بقووه تساعد

ريان يغمز له وهو عند السرير اللي نصه مركب : عقبال ماتعجب العروس

فهد يغرور : افا . ماتعجبها وهي من ذوقي الفريد

خالد يكتف يديه وبتكشيره مصطنعه : بدينا من الحين بالغرور

فهد يضحك : الله يعينكم علي

ريان : من جد الله يعيننا عليك .. لبشه انت

فهد يرمي عليه الخداديه : أنا لبشه يانشبه

خالد يرد على الجوال : هلا ميوستي .. أبشري من عيوني .. باي قلبي

وليد : لاحياء ولا شي قلبي ميوستي .. ياخي استح شوي والا وجهك مغسول بمرق

خالد : امشوا نروح الاستراحه اليوم عندي أجازة بجلس للفجر معكم

الشباب بصوت واحد : لـــــيـش ؟؟

خالد يكشر : يووه ماتبغوني معكم .. والا متأذين مني

الكل : ههههههههههههههه

ريان : والله بالعاده تركض ركض اذا اتصلت ميسا .. وبعد 10 باليل مانشوف وجهك والجوال مقفل .. وماتبينا نستغرب

خالد يجلس ويحط رجل على رجل ويقلب عيونه : لاني شايف الدلع والغنج والنعومه وتبوني اقابل وجيهكم اللي تعجل بموت الواحد ..

فهد يشهق : الحين .. حنا اللي مطيحين البنات وجيهنا تقرب الموت ..

ريان يمشي له ويصارخ : برآآآ ..بعد جاينا يوم زوجته اعطته الاشاره الخضراء

خالد يتمسك بفهد : تكفى .. توبه .. ماعيدها انتم تهبلون وتخققون امزززح والله امززح

وليد : حرام ياريان اتركوه ... يحزن بعدين يجلس لحاله او تلاقيه يغسل الاواني بالمطبخ

فهد انفجر ضحك : ههههههههههههههههههه .. لا يلبس مريله الطبخ ويمسح البلاط

ريان ميت ضحك : خلاص سماح المره هذي المره الجايه ارميك من البلكونه

خالد : كثر الله خيرك ياكريم

صحت العشاء ومالقت احد غير ريم وسمر وسحر ... جلست بطفش وتملل ومسكت الريموت تقلب بالقنوات

ريم : خير خير ليش معصبه

رغد : مالي خلق شي .. متى يجي كلام نواعم

سمر بسرعه : 9 ونص بتوقيت K.s.A

رغد تطالع ساعتها : باقي نص ساعه .. تيب انا رايحه غرفتي

سحر شحطت عيونها : ليش مستعجله .. اجلسي البرنامج مابقى له شي ويجي

رغد : بشيك عالمسن واجي

ريم بترد عليها ودق جوالها بنغمه مخصصه له

سمر : وبدأ القلق .. تكفين ريم روحي الغرفه كلمي سيف

ريم تمد لها لسانه : رايحه بدون ماتقولين حتى أخذ راحتي معه

سحر بقهر : نفسي اعرف الساعات اللي تكلمون بعض ويش تقولون غير كلام فاضي

ريم تمشي ووصلت عند باب الغرفه : شي مايخصك .. هههههههه

رغد ابتسمت على خفيف وهي تشوف سمر وبحضنها ميشو : انتبهي له بروح الغرفه وأجي

رغد

اول ماجلست على جهازي تمنين اشوفه على المسن .. كنت ناويه اكلمه لو حصلته .. لكن خابت ضنوني يوم مالقيته متصل .. كلمتني ريماس وهي تحكيني ويش صار معاها اليوم هي وفاتن .. ما اهتميت بالموضوع لأن بالي مشغول مره فيه .. ارتجفت من نغمه تسجيل الدخول وشفته متصل . اول مافتحت المحادثه ..

رغد : عبدالله .. ماجاها رده

رغد : عبدالله .. رد علي

عبدالله : نعم ويش تبين ؟!

رغد سكتت شوي بعدها كتبت : شنو ويش ابي .. ابي اكلمك

عبدالله : ادري تبين تكلميني .. بس ويش بغيتي مني

رغد حست انه حاصرها : ولا شي بس كنت بسلم عليك .ز ماعاد ذكرتنا حتى لما تشوفني مسن ماتغلط وتلكمني

عبدالله : انتي اللي ماتبين أكلمك .. مو قلتي لي لا تكلمني..

رغد : اوكي انا أسفه باي

عبدالله : باي .. وطلع وطلعت بعده

رغد نزلت دموعها من القهر .. نفسها تصارخ وتكسر كل شي حولها .. فتحت درجها وقفلته بأقوى ماتملك من قوه فتحت دفترها وجلست تتصفحه حتى تنسى كلام عبدالله .. قرت قصيده كانت كاتبتها باللون الرمادي على صفحه ورديه وملصقه عليها قلوب ريش رمادي ووردي .. لان من طبيعتها اي صفحه تكتبها لازم تضيف من لمساتها عليها

احبك كثر ماقد صار احبك رغم ما قد ماصار

احبك كثر مادنيا الزعــــل والصــــــــــد مهجوره

احبك كثر ماتمطر بصــــدري من غلاك امطار

احبك كثر ماصارت اراضــي العشــق ممطوره

احبك كثر ماتفتـــح شبابيك الربيـــــــع أزهار

احبك كثر ماغنت عشـــان الصبـــــح عصفـــوره

احبك كثر ماتاقف على جنب الطريق أشجار

احبك كثر مايقسى الشتـــــاء وتهاجـــــر طيوره

احبك كثر مافي الارض بنت تلفت الأنظـــــار

احبك كثر مايرتاح عطـــــر بصـــــــــــــــدر مغروره

احبك كثر ماجاب المساء في معطفه زوار

احبك كثر ماجانا الصبــــــــــــح يشبهـــــك نوره

احبك كثر ماتهدي كفوف الوصل من تذكار

احبك كثر ماشـــــالت يدين العاشــــــق زهوره

احبك كثر مانقراء عن الفارس عن المغوار

احبك كثر مانسمــــــع ولا شفنا ولا أسطــــوره

احبك كثر ماتلعب بدنيـــا العاشقين أقدار

احبك كثر ما .. ذا الحــــــظ يلعـــــــــــــن قصوره

احبك كثر ماعاثت رياح بحسبة البحــــار

احبك كثر ماالبحــــــار يعشق نسمــــــة بحوره

احبك كثر مايتحلف اللي منشغل باعذار

احبك كثر مافي الناس نــــــاس بجـــــد معذوره

احبك كثر ما ملت قصايدنا من التكرار

احبك كثر ما الشاعــــر تمنى حـــــــب جمهوره

احبك كثر ماشفنا على وجه الزمن آثار

احبك كثر ماقلنــــــا عن الاحــــــــــوال مستوره

احبك كثر مادارت بذهن الحالمين أفكار

احبك كثر مافي الخير نـــــــاس بالخيــر مذكوره

احبك كثر مانرمى حكايات الحطب للنار

احبك كثر مانسمـــع حكايـــــات حب مشهوره

احبك كثر ماضاق السجين بلعنة الاسوار

احبك كثر ماهــــــــــاج البحـــــر واجتاحته ثوره

احبك كثر ماننسى و احبك كثر مانحتار

احبك كثر مايسهــــــــر محب وفي يـــده صوره

احبك كثر ماتقطع شفاتك في العسل مشوار

احبك كثر ماخـــدك يخلــــــي الشمس مبهوره

احبك كثر ماروج عليك الحسن من أخبـــــار

احبك كثر ماصدرك يـــــــدوخ الورد بــ عطـــــوره

احبك كثر مافي عينك من السحر والأغوار

احبك كثر مافيك الغـــــــــــــــــلا ماوقت سطوره

احبك والزمن ساكن واحبك لو زماني دار

احبك يامدينة حب وســـــــــط الصـــــدر معموره

احبك والتفت شاعر لعينك وانطرت أشعار

حلف مايمسى الليلة قبــــــل ما يكتب شعوره

ورتبتك بصدري وأنت تستاهل وراعي دار

تفضل قلب اوراق الغلا وايديك مشكـــــــــــــوره

وذكرتك وانت لو مثلك ذكرته هلت الانوار

وقمت أجمع من أشواقي قصايد عشق منثوره

تلبست الجمال وقلت ابهديك القصيد ازرار

غلاك وصدق حبك ماترك لي نفــــس مكسوره

انا عاشق جمال وما خفاني في الجمال أسرار

انا لامن كتبت اعطيك واعطي العشق بك دوره

كتبتك في القصيد ابيات من حسنك عليك تغار

حروف العشق طفلة في ثياب العيــــد مسروره

لقيتك والدلع والثقل شلــــــــــــه والحسن ثرثار

يقول أشيـــــــــــــاء كثيره للعيون ويثبت حضوره

كفاية لو تطل ويفــــــــــــــــــــرح بطلتك دار وجار

كفاية لو تشوف النـــــــــاس في نظرتك مأسوره

غرامك يغري حروف سقاها الصدق منك امطار

كتاباتي بتشهـــــــــــــــــد للغرام وتحفظ عصوره

احبك مهما ابتعد عنــــــــــــــــــي بسبة الاقدار

احبك و احبــــــــــــــــك لو حبي توصله لك طيوره

احبك رغم ماقد صار .. احبك حيل مهما صــــار

احبك دام انا طيب .. واراضي العشـــق ممطوره

قفلت دفترها وهي تتنهد بصعوبه نفسها ترجع كل شي زي ماكان بس أقتناعه باللي تسويه يمنعها عن كسر القانون .. إنسدحت جنب دفترها وهي تلعب بشعرها وتفكر فيه أسر عقلها وأحساسها وكل مافيها .. طبت عليها هنادي وهي فرحانه شلت تفكيرها من فجعتها وقلبها ينبض بسرعه

هنادي : تفكرين هاه .. قومي شوفي فستان شوق حق الزواج

رغد عصبت : ياغبيه وقفتي قلبي على بالي صاير شي .. أوووووت كوكلي

هنادي : لا تسبين بالانجليزي .. اذا بتجين تعالي ياكمخه .. والا خليك باللي تفكرين فيه احسن لنا ولك

وقفت وهي مقهوره منها .. كانت ناويه تمسكها وتكفخها لكن هنادي شردت للصاله وهي تضحك على شكلها

شهد : ويش فيك تركضين

هنادي : جت الخبله رغد .. احسها ناويه علي بالشر

ريم : ويش مسويه لها أنتي

هنادي : ولا شي بس نافخت عليها

رغد جت مسرعه : لا تهربين لاني بلحقك لو تروحين للمريخ

هنادي تحاول تنقذ نفسها : توبه .. السماح يا اخت العرب

مسكتها رغد وهي تشد شعرها وتلفها يمين ويسار مع كل كلمه تنطق فيها : لو عمرك تدخلين مثل القدر المستعجل بتنكفخين اوكي " هزت راسها بمعتى أيوه " .. ولو عمرك ترفعين صوتك والله لا اتوطى ببطنك اوكي " هزت راسها بمعنى أيوه " .. ولو عمرك تتريقين كمان بسوي فيك الويل وبتشوفين مني سواد الليل

هنادي : خلاص خلاص .. طيب ماعاد بعترض طريقك

رغد تفكها أخيرا وتجلس قبال شوق وتقلب فستانها : والله حلوو يابنت ايش هالذوق

شوق ابتسمت : عجبني مره وشريته

شهد تميل فمها وبطفش : قلت لها فصلي بس هي رافضه وعجبها هذا وأخذناه

سحر : صراحه ذوق لا يعلى عليه بالمره .. والموديل جنان ولمعتها قويه مره

شوق : ايه انا اخذته بس عشان اللمعه

ريم بمكر وخبث : ويش رايك اخذه انا

شوق تتخصر : ياسلام نصب عيني عينك .. هجدينا بس

هنادي ترفعه وتحطه على جسمها وتدور وتغني : طلي بالأبيض طلي يازهرة نيسان .. طلي يا حلوه وهلي

رغد : تكفين لاتغنين .. ترى يعتزلون الفنانين من صوتك البشع

هنادي : اقول انطمي شوقه يالله قومي قيسيه وافردي شعرك بنشوف كيف عليك

شوق بدون نفس وكسل : اممم اجلوها شوي

الكل وبصوت واحد فجعها : لا

شوق : طيب طيب .. بقوم اقيسه اعوذ بالله منكم .. على فكره ياشهد انتي وسحر وسمر ..

شهد : ويش ؟!

شوق : بكره بشتري هدايا لجدتي وخالاتي وخوالي .. بنروح لهم لنا سنين ماشفناهم .. وبعزمها على زواجي هذي جدتنا عيب نتركها

سحر بزعل وتكشيره : روحه معك ماني رايحه .. تبين خوالك يهينون كرامتنا زي أخر مره

شوق : عيب عليك ياسحر .. هم اهلنا مالنا غيرهم

سحر : لو تنطبق السماء على الارض ما اروح مستحيل انسى ايش سوو فينا بعد موت امي .. وكلهم كوم وكلامهم علينا وعلى بنات عمي كوم ثاني .. انا اكرهك كره الويل ولا اطيقهم ونفسي اقتلهم واحد واحد واولهم عجوز النار جدتك

شهد تحط رجل على رجل وبلامبالاه : بتروحين لوحدك روحي انا مابي كرامتي تنداس ومن مين من ناس حثاله امثال خوالك الدشير

شوق عصبت : عيب عليكم .. ماعندكم ذرة احترام .. الكافر اللي هو الكافر نتعامل معه بأحترام وهذول اهلنا ونتكلم عليهم كذا .. اعوذ بالله استغفرك ربي

رغد بحقد وكره دفين : حنيتي لهم ياشوق .. حنيتي للي سبووا لعمي جلطه ومات بسببهم ..

شوق توقف وبزعل : ماحنيت عليهم بس لازم نروح ونسوي الاصول والواجب ونعزمهم

شهد : انتي حره استأذني من عمي وروحي لوحدك ..

سحر : زي ماقالت شهد روحي لوحدك .. احنا بنجلس

شوق بقهر : بروح لوحدي .. وراحت لغرفتها وهي مقهوره من اخواتها ومن كلامهم

اول ماعلقت فستانها بالدولاب اللي اخذ مساحه كبيره ودخلت الحمام وأنتم بكرامه تأخذ لها دش سريع بعد مشوار السوق اللي اتعبها .. طلعت تنشف شعرها قدام المرايا وتحط لوشن لوجهها وجسمها .. جلست على سريرها وفتحت لاب توبها قبل تشتغل عليه دق جوالها .. اخذت جوالها أول ماشافت رقمه تاففت وترددت او ماترد .. أستقرت انها ترد عليه وتشوف اخرتها معاه

شوق : الـــو

فهد : الســـلآم عليكم

شوق : وعليكم السلآم ... نعم ويش تبي

فهد بطفش وتملل : مابي شي بس متصل كذا أبي انكد علييك من بدري

شوق ولعت منه : تحسبني فاضيه مثلك

فهد : لا ياسيدة الاعمال .. اللي يسمعك يقول ماتفضين من الشغل .. ويش بيكون شغلك غير الجلسه والسوالف

شوق : تراني ماني فاضيه لسخافتك وغبائك المعتاد .. وميه مره قلت لك لاتكلمني بس انت ماتفهم وصعب القى لغه اكلمك فيها

فهد : والله اضن اني افهم عربي وانجليزي وفرنسي كمان

شوق : اشك لانك ما تفهم الا بلغه الحمير .. وقفلت بوجهه الجوال وحدها متنرفزه منه ومنقهره رمت جوالها بقوه على الارض لكن عمره طويل ماصار له شي .. عصبت اكثر وقامت تصارخ

..: حتى الجوال ماهو راضي يفكني منه .. حــــــــقــــــيــــرررر

ماذا سيحدث من تصادم بينهم ..وهل زواجهم بيعدي كأي زواج ؟

هل ستطاوع عقلها ام قلبها.. وماهي صدمتها القادمه ؟

وتلك التي تريد الانتقام لكرامتها ماذا فعلت بانتقامها ؟

يعشقها ويودها وهي أين قلبها ؟

ذلك العبدالله ماهو ذنبه الوحيد الذي سيدفع ثمنه ؟

البـآرت الــتــآســـع عـــشـــر

ابسكت دام صوتي مايردّك لو سمعت الصوت

.وابرحل بعد ما الملم بقايا آخرآلامي

تعبت اجمع حضوري في غيابك واحتفي بالتوت

تعبت أرسم ملامح غربتي وآجدد أحلامي . !

ريم تضحك : هههههههه ويش فيك ياشوق متوتره

سحر : يحق لها .. زواجها بعد خمس ايام

شوق معصبه ووجها احمر مرره وقفت بسرعه وبدون أي كلمه راحت للغرفه وجلست على كرسيها وهي تهز رجلها بتوتر وخوف العد العكسي بدأ بالنسبه لها .. كل شي جاهز ملابسها .. فستانها .. وباقي الكماليات .. دخلت عليها شهد ورغد

رغد تغمز لها وبأبتسمامة مكر : ويش رايك نرتب ملابسك بالشنطه ياعروس ..

شوق تعلق عيونه وتجمدت برغد وهي تطالعها بنظره ماعرفوا تفسيرها نزلت راسها وتاشر لهم بيدها ( عروس .. أي عروس وأنا انتظر موتي وحكايه عذابي ) : سووا اللي تبون

شهد تجلس على السرير وهي تبعد شعرها بنفخة هواء منها : طيب تدرين ويش ابوي قال لنا

شوق لفت عليها بسرعه وبأهتمام : ويش ؟!

رغد تتكي على التسريحه ويدها ورى ظهرها : يقول زوجك الحبيب .. بيرسل لنا طياره تأخذ ملابسك لجده والخدم يرتبونها لك يعني لاتخافين .. وكمان قال انه حجز فندق هنا لمدة اسبوع عشان تأخذين احتياطاتك

شوق بأرتباك وبداخلها براكين بتتفجر من تصرفاته الغريبه : والمطلوب ؟؟!!

شهد بحده وعيونها مفتوحه على الاخر : يعني مافهمتي شي ... راح نحط لك شنطتين وحده نوديها للفندق ووحده بتسافر

رغد تضحك : الله على الزمن شنطة شوق غير يرسلونها بطياره وخاصه كمان .. واحنا ماعمرنا حلمنا نسافر حتى بالسياره

شهد بحالميه : ربي يعوضنا ونأخذ اللي يلفون فينا العالم

رغد : احلمي ياحبيبتي .. الحلم ببلاش

شوق ببرود : بترتبون الأغراض والا لا

شهد توقف وتروح للدولاب : اكيد يالله يارغد

رغد بحماس تجيب الشنطه الكبيره : يالله انتي اكوي وانا ارتب بالشنطه

شهد تتامل الدولاب والأغراض: والله يبي لها شناط مو وحده

شوق : عن البربره الزايده ورتبي انتي وهي

.. بعد ثلاث ساعات من التعب والترتيب .. دخلت عليهم هنادي تطلب شوق تسوي عشاء

رغد : أشوى انك صرفتيها ازعجتنا .. لاتحطون ذا وحطوا شي ساتر .. اول مره اشوف عروس تلبس كم طويل

شهد تضحك : الاخت هذي حتى على زوجها مطوعه ههههههههههه

هنادي : أهم شي الشنطه اللي بتاخذها للفندق نبي نرتب لها الاغراض ونخبيها عنها والله غير تأخذ بجامتها الهريانه

رغد تقفل باب الغرفه بالمفتاح : اي والله نبهتيني .. امشوا والله لاحط لها كل شي فاصخ خخخخخخخ

هنادي : خلونا نسوي فيها مقلب .. حتى ماتلاقي شي تلبسه هههههههههههههههههههههه

شهد بحنيه : والله حرام .. قسم غير تسفل فينا

رغد تغمز لها : ماعليك والله ماراح تفضى لنا فهد بيشغلها عنا هههههههههههههآآآي

هنادي تآخذ قميص فوشي : هذا اول ماينحط بالشنطه لاني مره شفتها رمته فوق الدولاب وسمعتها تتكلم وتقول الخبل اللي يخلي شهد ورغد يقظون معه

رغد وشهد انفجروا ضحك : ههههههههههههههههههه

رغد وهي ترتب بالاغراض وترصها بالشنطه وتساعدها شهد وهنادي : والله صدق طفشناها ننشب بحلقها غصب تأخذ اللي حنا نبيه حرام ماخلينا لها شي تشتريه على ذوقها حتى البناطيل على ذوقنا خخخخخخخخ

هنادي : من جد مفتريات ..

شهد بثقه : بس كلها ذوق مره صح

هنادي : معك حق .. بس اخلصوا بسرعه حتى ماتحس بشي

رغد ترتب العطور والكريمات على جنب : خلاص مابقى شي .. خلصنا

شهد بتعب ترمي نفسها على السرير : الحمدلله اخيرا مابغينا

رغد تقفل الشنطه وتحطها على جنب : اي والله تعب .. الحين بروح اريح بأخذ لي غفوه

هنادي : انا بطلع للمكتبه ناقصتني اغراض

رغد : ابيك تجيبين لي دفتره حلو وسبيشل مو عليه سيارات ودبابات

هنادي تبتسم : طيب بجيب على زوئي

شهد : اقول رغد ترى بتخسرك فلوس على الفاضي

رغد : بعطيها فرصه عشان نشوف ذوقها

هنادي تطلع مع الباب وهي تضحك عليهم : لا جبته قيمووني اوكي

رغد : أوكي

بــجده

خالد : كيف التجهيز النفسي والمعنوي

فهد وهو يداري نفسه مايبين شي لأحد كعادته المعتاده : زي ماتشوف

خالد يجلس قباله على طاولة الكافي : طيب يافهد اذا ماتبيها ليش خطبتها من الاساس .. مو أنت اللي ماتأخذ شي الا بقناعه تامه منك

فهد : وأنا مقتنع فيها

خالد يحط عينه بعين فهد ونظره قويه : انا افهمك اكثر من اي شخص .. فيك شي أكيد تحبها

فهد طالعه بنظره جامده بعدها ضحك بسخريه .. مسك كاس الكوفي وأخذ منه رشفه طويله وصمت دام بضع دقائق : من جدك تتكلم أنت ؟!. أنا احب ومين شوق .. قلوا بنات الدنيا

خالد أنجن من كلامه مافهم منه ولا شي وشعلل القهر بعيونه : أجل أيش فيك كذا .. طول الفتره اللي فاتت وانت سرحان وملامحك باهته وباين عليك التعب .. ماكنت كذا الا من بعد ماخطبتها

فهد ببرود قاتل : مالي خلق أي شي

خالد : على الاقل افردها وأضحك ياخي .. وانت معبس ومكشر

فهد : يعني اتقطع ضحك

خالد : شايف حتى اخلاقك صايره مرره ضيقه ..

فهد : والمطلوب ياخالد ادوشتني والله

خالد يرجع على ورى ويتكي على الكرسي : خلاص انسى .. سو اللي تبيه انا تعبت معك

فهد سكت ومارد عليه .. لانه عارف قصد خالد .. ولكن كان يداري نفسه ويخبي اي شي يخصه بينه وبين نفسه

خالد

هالانسان اللي قدامي احس احيان ان قلبه ميت ومايحس بأحد حتى نفسه .. وأحيان احسه يخبي عنا اسرار واسرار محد يعرفها غيره هو .. غامض وغريب وعالمه كاسيه الظلام .. أنا اقرب شخص له ما اقدر افهمه وافهم طريقة تفكيره المجنونه ... رغم كل اللي يسويه ما يعترف بشي اسمه ندم الندم منزوع من قاموس حياته

جلست قباله أتأمله .. شارد الذهن .. ملامحه جامده .. عيونه ثابته على مكان واحد وهو رجوله .. حسيت ان رجله فيها شي .. ترددت اسئله أول ما أسئله لكني كسرت الصمت اللي سرى بالمكان

خالد : فهد .. رجلك تعورك ؟!

فهد فاق من سرحانه : هاه .. لالا مافيني شي

خالد : ايش بك سرحان وبالك مشغول في شي شاغلك

فهد : ابدا مافيني الا العافيه .. بس افكر بيوم الزواج

خالد يحط يده على يد فهد : لاتخاف صح بتتوتر بس طبيعي خلك هادي .. اخبرك صاحب مواقف

فهد يضحك : الله كريم .. يالله نروح للشاليه اكيد القروب هناك

خالد : اوكي .. نروح ماورانا شي

فهد يطالعه بنص عين : الساعه 11 وربع .. مابترجع بيتك

خالد يضحك ويفخم صوته : انا رجال البيت ارجع متى ما أبي .. واسهر برى بكيفي

فهد بأبتسامه خبيثه : قول زوجتك طاردتك ومطلقتك بالثلاث اليومين هذي

رد عليه وهو يمشون متجهيين للسياره : تبي الصدق المدام حامل وتعبانه .. وبعدت عني تقول تبي ترتاح شوي عند مامتها

فهد انفجر ضحك : هههههههههههههههه قول كذا من الاول .. الف مبروك اذا ولد غصب عنك تسميه فهد

خالد يغمز له : هو يجي بالأول وبعدين نختار الاسم واللي يعجبك بعد

فهد يركب السياره هو وخالد .. وقبل يحركها : والله شاد همتك ياخويلد ..

خالد يلف وجهها على الجهه الثانيه : ويش على بالك متزوج العب .. امش بس امش

فهد يحرك السياره وبدأ يسرع : متخيل شكلك بعد سنه وانت شايل حليب ورضاعه وتدف عربية البيبي خخخخخ شكلك يضحك

خالد يرفع حواجبه وبضحكه : عقبال عندك .. والام شوق

فهد يكشر ويميل فمه على جنب : اي وحده بالعالم عادي تكون ام عيالي لكن هي لا ومستحيل اخليها تحمل مني

خالد فتح عينه على كبرها : أجل تحمل من الشارع يامجنون

فهد : الاولاد بخليها تشيلهم من راسها ... مستحيل اربط نفسي معها باطفال .. يالله مستحملها انا .. كيف لو تصير امهم .. أنجلط

خالد سكت وهو مصدوم من كلامه : بكيفك حياتك وانت حر فيها بس تأكد ان عمرك يركض مابقى كثر اللي راح ..

فهد : توني صغير وبعز الشباب والرجال مايعيبه الا جيبه

خالد : فهيدان ترى عمرك الحين خلاص بــ 30 .. عارف يعني ويش بالثلاثين .. يعني مابقى لك شي محد ضامن حياته ..

فهد يغير الموضوع : المهم دق على وليد شوف فينهم

سكت خالد وطنشه وهو يتأمل الطريق بعيونه

هنادي تسحب يدها : اتركني يادلخ

ماجد وعيون تطلق شرار وصلتها معه لحد مايقدر ابد انه يستحمله : هيه انتي على بالك الدنيا سايبه .. ترى ماعرفتيني .. والله ياهنادي لا ادوسك برجلي سامعتني

سحبت يدها بقوه وهي تدفه بكل قوتها على الجدار اللي وراه وهو منصدم من قوتها الفظيعه .. قربت منه وسحبت حديده كانت طايحه على الارض حطتها على وجهه وضغطت على خفيف حتى يحس بالالم

هنادي : تلعب معي مين ياشاطر .. ترى الكف مامحيته من بالي وراح ارجع حقي منك ياحثاله

ماجد يطالعها بنظرات احتقار دفها بعيد عنه : مستواي ماهو مستوى بنات حثاله مثلك .. على بالك ماعرفت مين خرب فراملي ويبيني اموت .. والا اللي ينسم كفر سيارتي كل جمعه اصحي وفوقي من حياتك القذره اللي انتي عايشتها .. ناسيه ( لعن الله المتشبهين من الرجال بالنساء .. والمتشبهات من النساء بالرجال )

هنادي ولعت من القهر بأقوى قوه ملكتها اعطته كف : وناسي كلام الرسول [ من وجدتموه يعمل عمل قوم لوط ، فاقتلوا الفاعل والمفعول به ]

ماجد ارتجف من كلامها شخصت عيونه وتعلقت فيها .. سكت ماقدر يرد عليها .. طالعت بنظره اربكته ومشت وتركته لحاله .. اول مادخلت السياره صارت تتنفس بسرعه فظيعه .. كأنه بذلت مجهود كبير ماقدرت عليه ابد .. طلبت السواق يتوجه للمكتبه حتى تجيب الاغراض اللي تبيها واللي طلبتها رغد

أول مادخلت البيت رمت الاغرآض بالصآله .. ورآحت لغرفتها ورمت نفسها على السرير .. ثوآني وسمعت صوت المؤذن .. راحت للحمام وأنتم بكرامه وتوضت وصلت .. وجلست على سجادتها تسبح دخلت ريم وشافتها أنصدمت من شكلها

ريم : هنادي .. علامك ؟!

هنادي تلف عليها وتطوي سجادتها : ولآشي ياريومه .. أسمعي انا بنآم تعبانه مره اليوم الظهر مانمت ..

ريم : أوكي .. نآمي .. طلعت وتركتها لحالها ترآجع حساباتهآ

بآلصآلــه

شوق بأستغراب : الله الهادي .. يمكن متأثره بشي

سحر : ما أظن .. المهم شوفي فستاني خيطيه لي حتى يثبت علي يوم الزوآج

شوق : هاتيه يالله خليني اخلص منكم ..

رغد نعسانه : شكلي بشخطها نومه أحس بتعب فظيع

سمر : نامي احد ماسكك

شوق : اصبري أتعشي بعدها نامي ..

رغد : على قولتك بأستنى العشاء جوعانه حدي

سحر : وين شهد مختفيه

ريم : مع ميشو بالحمام الله يكرمك

سحر تضحك : والله عشنا وشفنا شهد مهتمه بطفل الله أكبر

شوق بنص ضحكه : بكره نشوف ويش تسوين بعيالك

سحر : اكيد بهتم فيهم

رغد : وميشو ولدنا لازم نهتم فيه

سحر بصوت حاد : هو أنا قلت غير كذآ

شوق : ابد ماقلتي شي ...

دق التلفون.. وتسابقت ريم وسمر مين ترد أول ..

ريم ماسكه السماعه : هاتي .. أنا أكبر منك

سمر : بس انا مسكتها أول

ريم بعيون شرانيه : أحترميني على الأقل

رغد : ردي انتي او هي .. بسرعه

سمر تطالعها باستهزاء : خذي يا مجنونه .. وجلست على الكنب اللي جنبها

ريم : الــو .. ايوه هذآ بيت محمد القايد ... مين أنت طيب ؟.. استنى ... " لفت على شوق " .. شوق كلمي فهد

شوق طاح الفستان من يدها وأنشلت عن الحركه ثوآني وحست بنفسها وحتى ماتلفت انتباههم رفعت شعرها ورجعته ورى أذنها ضغطت على يدها بقوه ووقفت وحآولت ماتبين لهم شي مشت بخطوآت متثآقله للتلفون وقلبهآ يرجف بدآخلها .. مسكت السماعه حست أن الثوآني بطيئه بمرورها .. أول ماحطت السمآعه على أذنها

شوق بصوت خافت جدآ : الـــو .. هــلآ .. طيب ثوآني اروح افتحه .. مــع السلآمه ..

رآحت لغرفتها بدون أي كلمه تنطق فيها قابلتها شهد اللي سألت وين رآيحه ومآردت عليهآ.. لما دخلت الغرفه قفلت الباب زين شافت الجوال وركزت عيونها عليه .. فزعها صوت النغمه اللي أربكتها بسرعه أخذته وردت عليه

شوق بخوف من نبرته اللي كلمها فيها : هـــلا

فهد بصوت حآد مره ومعصب : كم مره دقيت ولا رديتي .. "ماجاء منها رد صرخ عليها" .. جــــــآوبــــي !!

شوق بارتباك لخبط كيانها : ماكنت بغرفتي والجوال بغرفتي

فهد بصوت صاعق فجر أذنها : عذر اقبح من ذنب

شوق بخوف ساري بعروقها وألم : والله العظيم كنت بالصاله ماكنت بالغرفه

فهد : اسمعي كلامي زين ... بكره بيجون خدم يأخذون اغراضك ويجيبونها هنا سامعتني .. جهزي الأغراض لانهم بيجون ساعه وحده بس ماراح يطولون

شوق : كل شي جاهز ..

فهد ضحك أنقلب حاله خلال اجزاء من الثواني : يعجبني انقيادك للأوامر .. وتنفيذك لها حرفيا

شوق أنقهرت منه وصرخت عليه : ماني بزر تنفخ علي سامع ..

فهد عقد حواجبه : مسرع تغيرتي توك تهبلين .. والا تحبين تكسير الراس

شوق : أنـــتــ... . قاطعها بصوت حاد وكلمه متنهيه القرار

فهد : انتهى كلامي .. وصوتك يزعجني .. وسكر بوجهها

طالعت بالجوال وشافت مدة المكالمه 8 دقايق مازادت ابدا حطت جوالها على الكمودينه ونامت على وسآدتها ودموعها سبقتها لوسادتها ملاذها الوحيد والأمن

شوق ( ليه ياربي يصير فيني كذا ويش سويت بحياتي من ذنب تكون هذي عواقبه .. آآآه ياربي هذي البدايه أجل ويش بتكون النهايه .. أكيد موتي على يده .. يارب اكفني شره وابعده عني كمآ بعادت بين المشرق والمغرب )

قبل تحط رآسها على مخدتها .. سمعت نغمة رسايل جوالها .. فتحت عينها بتعب والنوم غالبها .. قرت المسج اللي واصلها من اللي كانت تنتظره ايام وأيام ..

يآ برود?ْ، يوم للفرقآ نُويت . .

ج'ـَيتنيّ بـ ?لمة موآدعْ .. والسلآم !

والله إنّي من قسآهآ مآ قويتْ !!

?آنتْ بـ ع'ـَينيّ تسآويْ ألفْ ع'آم !

يآخ'ـَيْ إرح'ـَمْ من تولّـعْ .. مآ دريت ؛

إن هج'ـَـَر المسلمّ لـ المسلمّ ح'ـَرآآم !!

لآ شعوريا ردت عليه بمسج وحطت جوالها على كمودينتها وغمضت عيونها ... وهي تتخيل طيفه قدآمه يضمها لحضنه ويتأسف منها .. ويكونوا مع بعض مدى الحياه تتخيل تلاميحه الوسيمه وجهه ,طوله, كلامه ونبرة صوته .. سمعت صوته يهمس بأذنها : رغـــــد .. رغـــــــــــــــد

فتحت عيونها تدور مصدر الصوت كان وهم وهي صدقته .. تمنت انه جنبها الحين تشوف وجهه تكلمه ويرد عليها .. أنتبهت لجوالها اللي يدق .. بتعب وتكآسل سحبته وشافت رقمه فز قلبها من مكانه ارتسمت البسمه على شفاتها أول ماشافت رقمه حست الدنيا تضحك لها وفاتحه لها أحضانها لكن بداخلها شي مخالف وضد المشاعر اللي حست فيها .. ترددت ترد عليه او ماترد لكن قلبها كان هو المؤثر الوحيد عليها .. خارت قواها ردت عليها وهي تكبت شوقها ولهفتها وجنونها لسماع صوته

رغد بنعومه : الـــــوو

عبدالله : سلآم

رغد : وعليكم السلآم .. اهلين

عبدالله : هلا فيك .. كيف حالك

رغد : عايشه .. ماشي حالي وأنت ؟!!

عبدالله : بخير الحمدلله ..

رغد : عساه دوم

عبدالله سكت شوي لما ماحصل منها رد قال : ويش المسج اللي رآسلتيه

رغد : أنت ويش المسج اللي رآسله

عبدالله أستغرب من كلامها : يعني دقه بدقه

رغد : أممممم لا .. بس تقدر تقول رد على رسآلتك

عبدالله سألها سؤال وماتوقعته يسأله أبداً : ويش تبين مني الحين ؟!

صدمها سؤاله ردت عليه بتلقائيه : أنت ويش تبي مني ؟!

عبدالله احتد صوته وبدأ يعصب منها .. لكنه يحاول جاهداً أنه يتمالك نفسه : لاتردين على السؤال بسؤال ..

رغد عصبت : وليش تسالني سؤال بايخ زيك ..

عبدالله : أبي اعرف طلباتك وابشري باللي ينفذها لك

رغد بزعل : أنا ما أغصبك على شي .. كلامي واضح معك اذا تحبني تدل بيتنا تعال وأخطبني وأذا على بالك بصير مثل أي وحده واركض وراك فأنت غلطان ..

عبدالله : اخطبك ؟...هذا اللي تبينه !!

رغد بصوت متنرفز من كلمته : بينت على حقيقتك ياكذاب أنكشف المستور انت زيك زي غيرك " قامت تبكي بحده " .. كل كلمه قلتها لي تكذب فيها ياحقير .. انا الغبيه اللي صدقتك وحبيتك وفتحت لك قلبي والا انت ماتستاهل وماتعرف تحب ياخاين " صارت تشهق وتبكي بشكل هستيري وماتركت له مجال يرد عليها بالكلام "

عبدالله صرخ عليها : مجنونه أنتي .. اسمعيني على الأقل خلي لي فرصه

رغد تبكي : ويش تبي تقول ياكذاب .. على بالك بصدقك ياحمار

عبدالله تنرفز وضغطه وصل مليون : ياغبيه .. أفهميني خليني اقولك اللي بقوله

رغد بعصبيه وهي تمسح عيونه بعشوائيه زي الأطفال : ويش بتقول يا أفندي ؟!

عبدالله :أنا كلمة أبوك .. وامي موافقه .. بس ابوك أجل الموضوع شوي عشان زوآج بنت عمك .. وأمي وأختي بيحضرون حتى يشوفنك ... فهمتي الحين

رغد سكتت كلامه صدمها نزل عليها زي الصاعقه ماتدري ويش تقوله ... لكن اللغه اللي عبرت فيها بهذي اللحظه هي لغه الدموع نزلت دموعها بكثره ملت وجهها الصغير الناعم جرحت خدودها برفق ونعومه.. صوت بكاها يتردد صداه بغرفتها وعقلها ما صدق كلامها او بالأصح ما أستوعبه

عبدالله بصوت حاني : رغد ليش تبكين ؟

رغد بصوت متقطع من البكاء : أحــ.ـلــ.ـف ..أنــ..ك..صــ.آدق

عبدالله : والله العظيم .. وأسئلي ابوك بعد اذا منتي مصدقه

رغد : فرحانه ماني مصدقه اللي تقوله .. ائــهههههـئ

عبدالله يضحك : طيب لا تبكين .. زغرطي أرقصي أفرحي مو تبكين وتعكرين علينا

رغد : والله لو اشوفك غير أضمك من الفرحه

عبدالله بصوت فرحان وسعيد : صدق .. والله اجيك الحين

رغد تمسح دموعها ولعبت بشعرها لان عادتها اذا استحت تلعب بشعرها : صدقت .. أكذب عليك

عبدالله : ايوه ارجعي رغد حبيبتي وقلبي وعمري وكل دنيتي .. رغد اللي حبيتها وحبيت روحها وبرأتها .. وجمالها وأنوثتها ورقتها

رغد أستحت .. وهي تشوف وجهها بالمرآيا منتفخ وعيونها وخشمها حمراء حاولت تغير الموضوع : قفل الحين لاني تعبانه وأنت زدت علي بكلامك اللي احرجني

عبدالله : افااا .. اسف ياروحي .. والله أسف

رغد : ههههههه خلاص قبلت أسفك

عبدالله : ياقلبي عليك .. روحي غسلي وجهك بتايد خخخخ

رغد بتكشيرة دلع : طس بس .. بااي

عبدالله : كوابيس سعيده .. قصدي احلام تعيسه

رغد فطست ضحك عليه : يالله عاد عطيتك وجه .. من اليوم بصير ثقيله .. باي

عبدالله وهو يضحك عليها وعلى فرحتها : باي حبيبتي

جلست بالغرفه ماهي مصدقه الخبر اللي قاله لها .. ضحكت بصوت عالي زي المجنونه .. كانت توهآ داخله شافتها تضحك .. شكت ان عقلها جرى له شي

شهد بخوف وصوت باكي : رغد ويش فيك .. ليش تضحكين

رغد تضمها وتدور فيها وتناقز : خطبني خطبني

شهد تبعدها وعيونها مفتوحه على الاخير : من اللي خطبك ؟!

رغد : عبدالله .. خطبني وكلم ابوي .. بوست شهد على خدودها .. فرحانه بطير من الفرح راح أنجن ماني مصدقه

شهد فرحت لفرح رغد ضمتها : مبرووك الف مبرروك ..

رغد نزلت دموعها من الفرحه ومسكت يد شهد ونظرتها حزينه كسيره : نفسي امي كانت معي وتفرح لي ياشهد .. ورمت نفسها بحضن شهد اللي ضمتها بقوه ونزلت دموعها بعد وتأثرت بكلام رغد لان ام رغد ربتهم كلهم من أولهم الى أخرهم

شهد : الله يرحمها يارغد ادعي لها اكيد هي فرحانه لك

رغد وهي بحضن شهد : أحس بتعب فظيع ياشهد .. تعبانه مره ..

شهد تطبطب عليها : أهدي ياقلبي .. ضمتها الي أن هدت ونامت بحضنها لانها تعبانه مره .. بعدت عنها ولحفتها .. وطلعت للصاله تشوف مشاري اللي لقته نايم بحضن ريم بعد ما لعبته

:::

:::

:::

اليوم اللي بعده كانت شوق مجهزة نفسها تبي تروح لجدتها في بيت خالها

شهد : تبين تروحين خلاص

شوق وهي كاشخه واخر اناقه ومجهزة الهدايا اللي مشتريتها لجدتها : ايه بروح ..

سحر : ذنبك على جنبك

شوق : انا بعزمها على زواجي ومأخذه معي بطاقات دعوه خاصه لهم من اللي سواها لي فهد

سمر جت من غرفتها : انا جاهزة يالله نمشي

شوق : يالله شيلي معي من الاكياس

شهد : والله حرام تشترين لها ساعه وبكم بذيك القيمه وكمان سلسال ذهب ماتستاهل جدتك .. ولا خالاتك اللي ماتزوجوا وباقين عندها

شوق : انا بسوي اللي علي

رغد : يارب يكفيك شر مرة عمك العقربه صفيه الدب ذيك

شوق : الله كريم .. ربنا معي

ريم : حصني نفسك أخاف يعينونك

شوق : كل شي مقدر ومكتوب من رب العالمين .. يالله مع السلامه انا تأخرت قلت لهم بعد صلاة المغرب وتاخرنا

سمر: هيا .. باي بنات

شهد خايفه عليهم : أنتبهوا لنفسكم

راحوا لبيت خالهم ابو سعد بالعزيزيه .. اللي جدتها ساكنه بعمارته بالدور الاول .. ومأجره بيتها وعمارتها حتى تستفيد من الأيجار .. أول ماوصلوا سموا بالله وضغطوا على المايكروفون .. وانفتح الباب اوتماتيكي

دخلوا وكان مدخل العماره مظلم شوي والضوء خافت

سمر تمسكت بشوق : يمه .. كأنه مكان مشعوذين بسم الله حتى عمارتهم تحسينها مهجوره وساكنيها جن

شوق : عيب عليك اسكتي لا أحد يسمعنا

وقفت قبال الباب وقبل تدقه فتحته خالتها هيفاء

شوق تنزل غطايتها والطرحه : السلام عليكم

هيفاء : وعليكم السلام .. حياك الله ياشوق تفضلي

شوق : زاد فضلك ياخالتي .. نزلت عبايتها وعلقتها

هيفاء تطالع بسمر : مين هذي اي وحده من خواتك

شوق : هذي سمر اصغر وحده

هيفاء : ايوه .. بسم الله عليها كبرت اذكرها وعمرها 5 سنين وبعدها ماعاد شفتها الا قبل خمس سنين

سمر ( يالله خمس سنين ماشفناهم ولا شافونا اعوذ بالله ويش القطاعه هذي لاحول ولاقوة الا بالله )

شوق : وين جدتي وبقية خالاتي

هيفاء بأبتسامه : بالمجلس يستنونك

شوق تمد الاكياس : تفضلي ياخالتي .. الهدايا ماهي من قدركم ..

هيفاء : ليش تعبتي نفسك .. وكلفتي على عمرك مالها داعي

شوق بأبتسامه عذبه : لا عادي

هيافء : تفضلي للمجلس

<<~ هيفاء اخر العنقود من خالات شوق .. وانسانه متواضعه وطيبه لكن مشكلتها اهلها اللي يتحكمون فيها ويسيرونها على اهوائهم ..

دخلوا للمجلس .. شافت خالاتها وخوالها مجتمعين .. بعضهم عرفتهم وبعضهم لا لانهم متغيرين وهي من زمان ماشافتهم

شوق وسمر : السلام عليكم

الكل : وعليكم السلام .. أتجهوا لجدتهم اللي جالسه بهدوء وسلموا عليها وباسوا راسها .. وسلموا على الكل والبعض تنفر روحهم منهم لان اشكالهم ماتطمن .. ونظراتهم تخوف وترعب

خالها نواف : والله كبرتي ياشوق وتغيرتي

شوق : اي والله ماحد يبقى على حالته ..

جدتها : مين اللي معك

سمر بثقه وغرور : أنا سمر

نايف : سمر !!.. كبرتي وانا اذكرك تلعبين بحوشنا

سمر : بس انا مذكر .. دقتها شوق بخفه

جدتها : كيف حالك ياشوق وكيف حال عمك وبناته وخواتك

شوق : الحمدلله كل شي بخير

جمال : ويش سر الزياره الغريبه هذي

شوق : والله جايه اسلم عليكم وعلى جدتي وأعزمكم

هند : تعزمينا على شنو

شوق : على زواجي يوم الخميس

تغيرت وجيه الكل .. وانصبغت بالالوان حتى جدتها .. انصدموا بكلامها

عماد : انتي بتتزوجين ؟!

سمر بقوه : ليش ويش ناقصه ماتتزوج ..

جدتها : والله يابنتي البنات العذارء ماتزوجوا واختك تتزوج ...غريبه

سمر حطت عينها بعين جدتها وشوي تأكلها : واختي احسن من مليون وحده وربي رزقها وربي كله عوض

هيفاء : ماقلنا شي الله كله عوض

جمال يطالع شوق اللي ملتزمه الصمت : ومين خطبك ياشوق اكيد واحد شايب كبير بعمره .. ومحد خطبك غيره

شوق أنقهرت منه ومن كلامه اللي فاهمه مقصده : خطبني فهد الجابر .. حست بشعور غريب وهي تنطق اسمه على لسانها اول مره تحس بأنه كان لها نعمه حتى تغيظ فيها اعدائها رغم كرهها له

نواف : لاتقولين من عايلة صالح الجابر التاجر المعروف

سمر تميل فمها بغرور وتطالع بعيونها للسقف : الا هو .. وازيدك بعد صالح الجابر ابوه

طالعوا ببعض منصدمين .. وعلامات الصدمه باينه عليهم

جدتها : والله وقام حظك يا شوق

شوق : الحمدلله

هند : ما اصدق اكيد تكذبون

سمر : تعالي الزواج وبتتاكدين بنفسك ..

جمال : وداري انك مو بنت والا كاذبين عليه

سمر عصبت عليه : تحسبنا زيكم حقيرين .. الحمدلله ربنا عوضنا ورزقنا من واسع رحمته

نايف : احترمي نفسك يابنت ولا تنفخين علينا

سمر : اصلا انتم ما تستحقون الاحترام .. والا في عيال يحجرون على ابوهم قبل يموت حتى يورثونه وهو حي وبعد يطلعون كلام على بنت اختهم اللي شرفها من شرفهم شوف الحين خواتك كلهم عوانس واعمارهم فوق 35 وانتم رافضين تزوجونهم عشان رواتبهم ووظايفهم .. بالله عليكم أنتم رجال

شوق بحده : سمر اسكتي

جدتها : وبعد لسانك طويل .. أظن شريفه ماعرفت تربيك

شوق : ماله داعي الغلط على عمتي الله يرحمها ياجدتي ..وسمر ماقلت شي كذب كل اللي قالته صدق

هيفاء : خلاص هدوا نفسكم ياناس

نواف يوقف : انا طالع مكان به بنات القايد ما اجلس فيه

سمر توقف : بالمهفى الله لا يحفظك .. امشي شوق .. اصلا شهد وسحر معهم حق يوم ماجوا لانهم عارفين طبع الكلاب اللي هنا .. جاء جمال وكله حقد عليها وعلى كلامها ولسانه السم مد يده اللي قربت من خدها .. لكن مسكته شوق بقوه

شوق : ما اسمح لك تمد يدك على اختي .. وتركتها بقوه .. وانا حاولت مره ثانيه بقطعها لك

سمر تسحب شوق : امشي .. مايستاهلون اننا نجيهم

جدتها : الله لا يردكن انقلعوا

شوق تضحك بسخريه : الله يلطف فيك ياجدتي ..قلبك اسود وعمرك على وشك ينتهي ولسى الخبث ماليه بعرف ويش القلب اللي داخلك .. ما اعتبرتي بطلاق جميله وموت ابو سعد .. الله يسامحك ..

واخذت اختها وطلعوا برى لان السواق يستناهم .. رجعوا للبيت

سحر شافت وجه شوق والضيق باين عليه : اكيد سمعوكم كلام

سمر تجلس : الله ياخذهم هذيك العايله وربي عمارتهم كأنهم بيت مشعوذين

شهد: ههههه الله على تشبيهاتك

شوق: حصل خير اهم شي سوينا الواجب وهم احرار وماعاد بروح لهم لاخر يوم بعمري

رغد : زين انك اقتنعتي الحين ..

بعد أربع أيام .. يوم زوآج شوق وفهد

بعد المغرب كل البنات كآنوا بالقاعه عدآ هنادي وشوق اللي كانوا بالبيت حتى الكوافير تزبط شوق

كانوا البنات جالسين بالغرفه يلبسون ويكملون كشختهم ويجهزون فستان شوق ومسكتها وأغراضها

مها تحاول تسكر فستانها : تعالوا ساعدوني

ريم تسمك السحاب : انحفي ويتسكر .. كل اسبوع تسمنين اكثر انتبهي لنفسك

مها مستعجله : اقول سكريه وانتي ساكته

سحر : والله بطنك راجعه ياخت العرب لاتكونين حامل

مها تضحك : بسم الله عليك .. كشفتي الموضوع

رغد تترك الكحل من يدها وتلف وهي فاتحه فمها : من جد حامل

مها : يس حامل لي شهرين .. وبس شوقه اللي تدري

شهد تسوي نفسها زعلانه : مالت عليكم .. مسويات كبار علينا

مها : ويش عرفكم بسوالف الكبار انتم .. انطموا بس ولاتقولون لاحد

سمر ميته ضحك : لاتقولين خايفه من العين

مها بغرور وهي تلبس صندلها الواطي : ايه خايفه على عمري .. بندر حبيبي مو مقصر علي ويحبني وميت فيني ..

ريم : قصدك شايبك هههههههههه .. غصب يحبك

مها كشرت : اسكتي لا اسب زوجك سيف مدري خنجر

البنات : ههههههههههه

سحر : والله لقيتيها

رغد تبوسها على خفيف حتى مايروح روجها وتخرب مكياج مها : الله يتمم لك ياقلبي .. ونشوف واحد يقول ياخالتوو

مها تشيل ميشو : عندنا مين يقول ياخالتوو

رغد تلف عنها وتكمل كشختها : فديته ياناس يزنن

شهد : اتركوا ولدي يالله حطوه بفرشته لاتنكدون عليه وينفجع من اشكالهم اللي كأنها كدمات

ريم تطالع بنفسها بالمرايا : بالله ويش رايكم قمه النعومه والجمال فيني .. مو زيكم ياساتر

شهد : انطمي اقول وهاتي الكريم بحط

مها : يالله أخلصوا حتى نجهز كل شي لشوقه لما تجي

رغد : كلنا لبسنا وخلصنا انا بطلع برى

سحر : حتى انا أكيد ندى ودانا وصلوا

رغد توقف وتزبط فستانها : يالله نمشي

بآلبيت

هنادي تتأمل شوق اللي جالسه على كرسي تسريحتها والكوافيره وراها تركب الطرحه على شعرها بحركه نآعمه .. نبض قلبها بسرعه أخر لحظات توآجد شوق معهم.. بتروح لحياه مستقله عنهم حياه خاصه فيها لحالها بتعيشها لوحدهآ بعيداً عنهم .. برقت دمعه بعيونهآ منعتها من الخروج وتمآلكت نفسهآ

شوق : هنوو .. بالله اعطيني كأسة مويه ريقي ناشف

هنادي بابتسامه صافيه : من عيوني بدلعك اليوم بس عشانك عروس

شوق بغصه : ههههه تيب دلعيني بس الليله

هنادي تكلم الكوافيره : كم باقي وتخلص ؟

الكوافيره : خلاص بس اسوي الخطوات الأخيره

شوق : يعني اكلم السواق يجي لان القاعه بعيده شوي

الكوافيره : كلميه مايوصل الا وانتي مخلصه

هنادي تشوف الساعه : أشوى على بدري خلصنا .. حتى يمدينا نروح هناك

شوق : كلمي جلالي وهاتي المويه بسرعه

هنادي : من عيوني .. ورآحت

بالقـآعــه

ندى تسلم على البنات : ياهلآ وغلآ تو مانور القصر

سحر : بوجودكم فيه نورتوا المدينه بجيتكم

دانا : أخباركم ويش مسوين بدراستكم ؟

شهد تجلس على الكنب : الحمدلله انتم أخباركم

دانا : بخير كيف حماسكم للزواج

رغد : بالنسبه لي متحمسه حدي .. جلسوا كلهم على الكنب يسولفون

ندى : وأخيرا فهد بيتزوج ويفكنا ..

البنات : ههههههه

سمر : ليش هو رافض من أول

دانا : يقول مالقى بنت دخلت مزاجه بس أختك غيرت كلامه

ندى : ما الومه صراحه شوق تجنن

شهد تضحك : الله الله على الكلام الخطير هذا

جآت ليان بفستانها الفوشي وهي تطالع بالبنات وبداخله شاكه انهم من أهل العروسه : ندو كلمي جدتي تبغاك

ندى : تيب اللحين بروح لها . بنات هذي بنت أختي ليان

رغد توقف تسلم عليها وبعدها شهد وريم وسحر وسمر : هذي ليان اللي نسمع فيها وماشفناها

ليان تبتسم : شفتي كيف ؟!.. بس يالله أخيرا تقابلنا تحمست اشوفكم من كلام دانا وندو عنكم

سمر : انتي قدهم

ليان : أيه قدهم .. وجلسوآ يسولفون مع بعض

[أمـــآ عند قلبها الجريح ]

كانت تنتظر خبر وفاتها خبر رحيلها عن الحياه تتمنى الزمن يوقف ولا تعدي لحظاتها بسرعه .. بعد ساعات قليله بتكون معه ولحالهم يجمعهم مكان واحد لها يومين ماذآقت طعم النوم ولا تهنت فيه كل احلامها كوآبيس

وهو بطلها .. والأن وآقع مر وحقيقه صعبه ومذاقها حاذق تأملت الطريق وبعيونها دمعه حبيسه

شوق ( معقوله بترك المدينه اللي عشت فيها كل عمري بتركها واعيش بمكان ثاني ما أعرفه ولا أعرف اصحابه بروح لدنيا ثانيه ناس وعائله غريبه عني ماجمعتني بهم الايام قبل هذا اليوم .. فــهـــد !! هو بس اللي بيكون معي بكل حالاتي .. آآآه يارب صبرني وأكتب اللي فيه الخير لي )

هنادي : شوق وين سرحتي

شوق : ماسرحت .. اتأمل الشوارع

هنادي : ترى قربنا وكلمة مها وانتي ما دريتي وتقولين ماسرحت

شوق : ويش قالت لك طيب

هنادي : جهزت لك كل شي حتى الفستان فاردته على الكنبه حتى ما يتكرمش .. أول ماتوصلين تلبسك هو

شوق : وويش قالت ثاني

هنادي : وتقول فهد أرسل واحد للمحل حق الورد اللي أنتي حاجزه من عندهم وجاب اغراضك من هناك

شوق كشرت وأنقهرت منه لأنه يتدخل بكل شي يخصها كأنه ملكيه خاصه فيه : عمى بعينه

هنادي : شوق ويش تقولين انتي .. الولد شكله يبيك ومتعب نفسه عشانك

شوق : كرهته من قال بينزف ويبيني انزف معه بالغصب .. أنتي عارفه أني رافضه الزفه

هنادي تضحك : افرحي ياختي انه بيحسسك أنك عروس

شوق تلف على الجهه الثانيه وتشوف القاعه الكبيره اللي دخلوا مع بوابتها الكبيره : هيا وصلني كلمي مها تفتح لي الباب الخلفي ..

دخلت غرفتها ونزلوا عنها العبايه وشيلتها .. وعلقوها جنب المرايا

شهد : يالله نلبسك الحين

شوق : لالا أنا البس من حالي

رغد : اليوم شيلي فكره الاعتراض من راسك أحنا بنلبسك الفستان ثقيل ولازم احد يساعدك

شوق حمر وجهها ونزلت راسها : بس بتشوفون جسمي .. أستحي

شهد بغمزه وضحكه لئيمه : ويش بنشوف ياحظي .. امووت عليك ياباريس هلتون

مها أول مادخلت مع الباب : والله انها أطلق من مليون باريس وطقتها .. الـــــف الصلاه والسلام عليك ياحبيب الله محمد .. " كلهم بصوت واحد " .. كـــــــللللــــــوش ..

شوق حمرت خدودها بزياده ولمعة الدموع بعيونها ونزلت راسها

رغد : بس بس الحين تخربين كل شي .. امسكي نفسك

شوق تضحك حتى تبعد الدموع عن عيونها وتتصنع البسمه قدآمهم : يالله طيب تحمست افصخ قدامكم

شهد توقف وتصفر : وهــذآ المطلووب .. وشالت الفستان .. على بالها خفيف ..

شهد : أعوذ بالله مو فستان مدرعه أسرائليه من ثقله

رغد تساعدها : اقول لاتغير راسها .ز خلينا نخلص عشان نطلع برآ الساعه 10 والناس بدوآ يجون

مها تجلس على كرسي فردي : شدوا همتكم وانا بغمض عيوني .. ولا تصير عيونكم طويله .. غضوآ ابصاركم

رغد وشهد يطالعون بوجه شوق وهي فاهمه قصد مها وميلت فمها على جنب .. وهي تنزل بلوزتها : يالله دخلوه من فوق وبعدين أنزل البنطلون من تحت

رغد انفجرت ضحك : ياقديمه أنتي .. ذكرتيني بحركاتي انا وشهد لما كنا بالثانوي خخخخخخخ

شهد تضحك وهي تتذكر : تذكرين لما نعطي ظهرنا بعض واللي تخلص بالاول تلف وعاد حظها اذا لقطت شي

رغد : ايه اذكر ارتبش وبسرررعه البس اخاف تطالعيني ههههههه

شهد : حافظتك انتي .. لو تضيعين بعلمهم بوصفك خخخخخ

رغد كشرت : أنطمي .. والله لا اكسرك

شهد بتقهرها : بقول فيها وحمه على شكل فراوله شكل عمتي الله يرحمها كانت متوحمه عالفراوله

مها ضحكت : جد فيك وحمه فراوله رغد

رغد بضحك : ايه بأخر ظهري .. موقعها غبي مره

شوق تطالعهم وهم طاقينها حنك : الى متى وانا متفصخه يالله بسرعه عاد طولتوها وانا حدي مستحيه

شهد تمسك رغد الفستان وحطوه على الارض حتى تلبسه بالعكس .. وجلست على ركبها شهد وسحبت بنطلون شوق .. ورغد رفعت الفستان بسرعه ووصلته لنص خصرها

شوق عصبت وحمر وجهها مرره لدرجه ان ملامحها تغيرت وعقدت حواجبها : هين يا شهد .. اوريك

رغد : ماشفنا شي .. ويالله عاد عن الحياء ... وهمست لشوق بأذنها وأنصرعت ضحك .. وشهد تسكر الفستان لها من ورى

شهد بنص عين : اقول رغيد .. ويش رايك تنقلعين برآ والله أبرك .. اربكتي أختي بكلامك الأباحي

رغد تمد لسانها وتجلس على الطاوله وتحط رجل على رجل : والله اختي وانا حره اقول لها اللي ابي مابيننا شي

شوق تجلس على الكرسي : اسحبي من تحت احسه طاير بحلقي والحديد اللي فيه يعورني

شهد تتخصر : طيب اوقفي لسى ما ربطت لك الشرايط اللي بظهرك

شوق توها تتذكر : اشوف لما جلست حسيت ظهري ماهو مغطى بشي

رغد : أصلا هو مغطى بشي كلها شريطتين ساتان ونربطها من ورى موديل لا أكثر

شوق : طيب برآآ يالله بكلم مها بشي خاص

شهد تغمز : وصايا الأخت لاختها ليله زفافها

مها تسحبهم لبرآ : برافوا عليك .. قو أووت نآآو .. وقفلت الباب بالمفتاح جت وجلست على الكرسي اللي جنب شوق وهي تبتسم لها بحب وحنان

مها : أمريني ياقلبي ويش تبين

شوق بتردد وخوف اجتاح كيانها لازم تقول لمها كل شي من الأول للأخير لكن كيف بتشرح لها بالوقت الضيق هذآ أو تفهمها ويش تفكر فيه.. كيف تفصح لها عن مخاوفها وألآمها .. ويش بتبرر لها أشياء كثيره تبي تقولها لكن تخونها قوتها ويعجز لسانها عن الكلام

مها بنظرة شك وأستغراب : شوقه ويش بتقولين .. قولي ياقلبي

شوق وهي منزله راسها قالت : بقولك شي محد يعرفه .. فــــهــ...

كانوا واقفين بمكان الأستقبال وقبالهم اهل فهد

( أم رياض ؛ أم ليان ؛ ام دانا ؛ وزوجة رياض مريم ؛ وأختها ليلى )

سمر : مين اللي لابسه سماوي وتخينه ( سمينه) شوي

ندى : هذي زوجة أخوي رياض اسمها هند واللي جنبها أختها ليلى

ليان : ترى أخوات جده جايين بالطريق

دانا : وعماتي وجدتي كمان بالطريق

ندى توقف : شوفي جدتي وصلت تعالي نروح نسلم عليها .. عن أذنكم بنات

سحر لمحت عبير وامها وخالتها : تفضلي .. جت عبير يابنات

هنادي أول مالقطتها : أنا رايحه لهم ..

عبير ماعرفت هنادي وهي مشبهه عليها : مين

هنادي بدفاشه : ماعرفتيني

عبير ميته ضحك : هنو .. ياحركه من متى الميك آب والحركات الحلوه

هنادي تأشر لها بيدها وتسلم على امها وخالتها : بالله ياخالتي ماني قمر

ام عبير ميته ضحك على خبال هنادي : تهبلين وأنا خالتك ..

هنادي تطالع بعبير : بالله تعلمي من أمك ياكمخه

ام عبير : وين مها وعماتك

هنادي : عماتي بالأستقبال ومها عند شوق .. تخبرين مسويه عنندها خبره وتدرسها

ام عبير تضربها على ظهرها بشويش : أستحي يابنت لاحد يسمعك بس

بالغرفه

مها توقف مصدومه : شوق متأكده من اللي تقولينه

شوق ماسكه نفسها عن البكاء : ايه متأكده .. خايفه يامها قلبي خايف منه

مها تمسك يدها : راح الوقت علينا ياقلبي وانتي غلطتي وتسرعتي بقرارك بس مقدر اقولك الا الله يكون بعونك

شوق : قولي ويش اسوي الحين انا مرتاحه شوي انكم حولي بس خلاص كم ساعه وبروح الفندق اخاف يسوي فيني شي أو يقتلني

مها طلعت عيونها قدامها : يقتلك ؟.. وين عايشين حنا .. لاتخافين هو انسان واكيد مابيأذيك بس انتي لانك تكرهينه وماتتصورينه ماراح تتقبلينه

شوق : مها دليني ساعديني .. قولي أي شي

مها : انتي لاتعاندينه سوي اللي يبي منك .. ولاتنسين ان الملائكه تغضب عليك لو نام وهو زعلان عليك مايحتاج اعلمك

شوق تجلس : بس ما أتقبله يامها .. كل ما اشوفه اتذكر يوم خطفي انا يادوب اتحمل صوته كيف بتحمل وجوده جنبي وبغرفه وحده بعد .. ماقدر ماقدر وحطت يدها على راسها .. جلست مها وصارت بمستواها

مها : انتي ذكيه واكيد بتفكين نفسك منه .. بس الايام الاولى بالتاكيد بتكرهينه بزياده لكن بعدين بتتعودين عليه

شوق: انا اكرهه يامها .. اشوفه بصورة شيطان أول ما أشوفه كبدي تلوع علي ..

مها تبوس يدها : الله ما يتركك ياعمري .. أنتي توكلي عليه وهو بيكون سندك وعونك

شوق تتنهد : امين يارب .. اقلقتك معي روحي الحين انتي وخليني لحالي

مها توقف : انا واثقه بعقلك ياشوق .. راح ارجع لك بعد شوي

شوق : تيب سكري الباب وراك ….طلعت وسكرت الباب وراها وجلست وحيده .. ينهش الخوف والالم والرعب قلبها .. بكل صوت تسمعه يرجف قلبها خوفها وهمها الوحيد يكون صوته

:

ابي اعرف وش أخطائي واللي أجبرك تجتاح؟؟

وتتمادى في تجريحي وب القسوه تجازيني !!

تجرعني العذاب ألوان وكفي ل عينيصار مراح !!

رويت الكف من عيني وكف جاني يهددني !!

اجر الصوت ب أعماقي أداريوالدمع فضاح !!

وإذا قالوا :

علامك ؟؟

قلت :

شي وطاح في عيني !!!!

بـآلقاعه

بدأ الدق والرقص والبنات واهل العريس وقرايبه بالكوشه يرقصون

سحر تدق ريم : شوفي ام سيف وبناتها كلهم

ريم تلمحهم : ايه اللي على الطاوله الورديه ..شفتهم بروح اسلم عليهم تعالي معي مابي اروح لحالي

سحر توقف وتمسك يد ريم : يالله مشينا نكسب معرفه

أتجهوا لأهل سيف

ريم كانت لابسه فستان وردي قصير ومنفوش كله تطريز بالصدر وطبقات خفيفه كان شكلها انيقه وناعمه وشعرها كله ناعم ومنسدل على أكتافها وبحركه بسيطه من قدامه بارزه ملامح وجهها الدائريه الناعمه

سحر كانت لابسه فوشي صارخ زايد بياضها بياض .. طويل والظهر كله مفتوح الى الاخير ومفتوح من فوق الركبه الى الاخير وداخل فيه اللون التفاحي

ام سيف : ياهلا بزوجة ولدي .. مشاء الله تبارك الله كل يوم تحلوي اكثر

ريم بحياء قاتل : عيونك الحلوه ياعمتي كيفك وايش اخبارك

ام سيف : من شفت وجهك الحلو صرت بخير ياعمري .. كيفك ياسحر وكيف اخواتك

سحر : الحمدلله كلنا بخير

ام سيف : مبروك زواج شوق

سحر وريم : الله يبارك فيك

ام محمد : عقبال القماري .. سكتوا بحياء

سحر : نستأذنكم الحين ياعمتي

ام سيف : تفضلوا ياحبايبي .. وساميه ترمي عليهم نظرات اشكال الوان وريم مطنشتها وسحر ترد لها النظره بعشره

ريم تدقها : شوفي مين قدامنا

سحر تتلفت : وين .. أول ماطاحت عينها عليها شهقت .. جدتي ويش جابها

ريم : اكيد تبي تشوف شوق وزواجها

سحر : الله ياخذها وكمان جايبه العايله كلها البنات وزوجة خالي وبناتها الطاوله انزحمت منهم

ريم : ويش عليك .. شوفي القاعه كيف فخمه والا الكوشه خرافيه صراحه والتصوير والسينما اللي بتنعرض خليهم يتحسرون على أنفسهم زين

سحر : انا خايفه على شوق مرة

ريم : ربك معاها لاتشيلي هم .. جاء صوت من وراهم

..: بناات .. لفوا وشافوا لينا

ريم : قلتي عندكم زواج ماراح تجين

لينا تتخصر : لاتقولون هذا زواج شوق

سحر : الا زواجها ليش تسالين

لينا تضحك وتضمهم : لان فهد يصير اخو هزاع من ابوه

ريم بصدمه : لا ." سكتت شوي.. تمزحين

لينا : والله وربي يشهد علي

سحر تبتسم : يعني انتي تصيري سلفتها

لينا تتنحنح : شفتي الدنيا دواره

ريم : والله معك حق امشي نروح نرقص ونطلع كل اللي براسنا

لينا تحمست : يالله والله فيني رقص غير طبيعي

بالكوشه دانا شافت لينا جايه مع سحر وريم

دانا : لينا تعرفينهم

لينا والبسمه ماليه وجهها : يس هذولا صديقاتي العزيزات ..

ندى : احيان الصدف حلوه

شهد : أقولك ندى البنت الحامل هذيك اللي لابسه سكري واحمر مين ؟!

دانا : قصدك اللي جالسه على اول طاوله

شهد : أيوة لافته نظري شقراء وعيونها زرقاء تهبل مرره مشاء الله