رواية ياقدري واحلى قدر الفصل السابع عشر 17 - بقلم Shody ✨✨

رحنة لبيت اهل رسل وفات هو جاب ملاك واجة فدوة حبيبتي كأنما صار شهر مشايفتهة
ظليت ابوس بيهة واشمهة ،، وهي فرحانة
- ماماتي حبيبتي اشتاقيتلچ ياعمري،، اوي فدوة لريحتج
اشوف معتز يباع علية ،،ومبتسم
- مصارلها كم ساعة بس مفارگتج
- والله عبالك سنين
شغل السيارة ومشينة رجعنة للبيت ملوكة نامت بالسيارة خليتهة بفراشهة بدلت ملابسي وهو طلع بشغلة رحت للغرفة رتبتهة
ورحت للمطبخ سويت اكل خفيف ورتبت الميز
كملت دزيتلة مسج
(( حبيبي شوكت تجي )) رجعت مسحتهة وكتبت (( عزو شوكت تجي ))
جاوبني
(( ربع ساعة واني يمج حبي ))
صفنت على روحي اني ليش لحد هسة مااكدر انطق كلمة حبيبي او اي كلمة حب ثانية ،، ليش رحت للغرفة فتحت الكنتور باوعت على سيت النوم مال زواجنة والي لبستة اول يوم ويمكن اصلا منتبه علي
طوخت مكياجي وفتحت شعري وعطرت نفسي ورحت كعدت بالهول فتحت التلفزيون وظليت اباع وبدون مااحس على روحي غفيت
مر الوقت وسمعت مفتاح الباب وبين النايمة والگاعدة فتحت عيوني شفت معتز صافن علية كال
- الله عليج لتكومين
- ليش
- اش لتحجين ،، اريد احتفظ بهاي الصورة بمخيلتي ،، انتي حقيقة لو خيال
ايلاف ،، انتي المعنى الكامل لكلمة جميلة
انت اية من الجمال ،، الله مصورج بأحسن تكوين
اتقرب مني ولزم شعري
- هذا وحدة يسوى الف مرة شعرج اموت علي
وهالجسم الناعم والعيون الي بمجرد مااباع عليهم ادوخ اروح بغير عالم
- معتز اني
- انتي شنو ،، انتي روحي ايلاف خلي نروح لغرفتنة
- معتز العشة
- ياروح معتز بعدين نتعشى ،، اني جوعان بيج هسة مااريد اكل ،، انتي تكفيني
فتنة لغرفتنة وعيشني ليلة اصعب من انو اوصفهة
- مااشبع منچ لو ابقى العمر كلة
- معتز اسئلك سؤال؟؟
-اويلي على الاسئلة ،، اخاف من اسئلتج
- لا الله عليك والله سؤال عادي
- تفضلي
- اني شنو بالن .........
بچت ملاك وخربت علينة الحجي ،، تعرف تختاراوقاتهة ملوكة
- ايلاف باجر معزومين اني وياج عرس ابن مديري بالدوام واكدو علية نروح اني وياج يريدون يتعرفون عليج
- اي اوكي ماعندي مانع ،، وملوكة
- ملوكة وعدت خالتهة باجر تاخذهة وبالليل نروح نجيبهة
- اوكي
مر باقي اليوم ونمت بحضن معتز للصبح راح للدوام
- الو الوفة شلونج ،، حبي اني اليوم اتأخر انتي ب٥ هيئي نفسج حتى اجي بس ابدل ونروح
- اوكي
مر الوقت وبديت احضر نفسي چان عندي فستان طويل مخصر من فوگ وينزل من جوة بي شوية عرض لونة تركواز ردنة شيفون عريض وتصير ضيقة بالاخير وبديت احط مكياج وشوية طوخت بالحمرة واني جنت لافة شعري من الصبح فتحت اللف ونزل شعري متموج
سمعت صوت السيارة وعرفت حبيبي اجة كلت اسويلة مفاجئة وختلت ورة الباب
دخل صاح الوف وينج
- بخ هههههههه
ظل صافن گال
- ايلاف صدك هيج تروحين
- ليش معجبوك !!
- انتي شمسوية بروحج ،، لج شحجي هسة حتى مبقالنة وكت نبدل كومي ست الحسن كومي
لبست كوت فوگ الفستان وطلعنة طبعا متت قهر والطريق كلة ساكتة اخذ مني ملاك ونطاهة لخالتهة وصعد
وصلنة للقاعة وهوحواجبة معگودة وگوة يحجي طبگ السيارة وصعدنة للقاعة هو لزم ايدي ودخلنة
استقبلونة واخذ الكوت مني ،، طبعا عرس فخم بمعنى الكلمة بقى يعرفني عليهم لحد موصلت لمدير معتز
- ياهلا فيچ بنيتي ،، تبارك الرحمن شهالحلا
من وين لك هالعروس يامعتز ،، من وين حصلتها
- هههههه تصير بنت عمي ورابية وية اخوتي
- والله يامعتز انك  راجل بألف وتستاهل كل الخير
- تسلم استاذ
رحنة گعدنة بالمكان المخصص واني عيوني مبهورة من العز والجمال العدهم
واتذكرت عرس معتز وشلون چان حالي وهسة حالي واني يمة مرتة لكن شالع گلبي وبين لحظة ولحظة يتغير
- معتز حروح للمغاسل ،، ماشي
- يحتاج اجي وياج
- لا ماكو داعي ،، جان مشغول وكل سا يجي احد يسلم علي
فتت للحمامات عدلت مكياجي ووخرت عني التوتر وطلعت
الحمامات جان حاطين كدامهة بوابه تعزلهه عن القاعة هسة دااعبر البوابة ومحسيت الة انضربت بشخص
- الله الله ، اسف يااختي ليكون اذيتك
- لا مصار شي
- عراقية ؟؟
- اي نعم
- والنعم والله بالجمال العراقي انا من العراق بس مقيم هني
بس اهلي كلهم بالعراق
- الله يخليهم
- تفضلي اضيفج شي
- لا شكرا من رخصتك
- لحظة انت وي منو جاية للحفلة
- وياية اني ،، معرفتك زوجتي ايلاف
اصفر الولد وكام يمتمت
- اه معتز ،، اتشرفنة مدام
- شكرا
- يلله ايلاف دااعرفج على ناس
مشينة واحس لزمة ايدة ضاغطة على ايدي قوي
- معتز ايدي
- مااسمعلج كلمة عشر دقايق ونطلع من الحفلة
سكتت محجيت ورحنة باركنالهم وطلعنة الطريق كلة يمشي سريع حسيت حندعم بأي لحظة
- معتز عفية علكيفك
- لج يامعتز يا عزة
لابسة هاللبس وكوة متحملج هالدور الكاج واكفة تقصقصين المن كليلي
طرطور اني كاعد ومرتي واكفة تسولف وية اسقط واحد بالشركة ،، شنو كلچ كوووولي ويضرب حيل على المقود مال سيارة
شحجة وياج ،، خلي نجيب البنية ونوصل للبيت واني اعلمج
اخذنة ملاك ورجعنة للبيت حطيتهة بفراشهة
وهو كاعد عالميز بالمطبخ واصابعة تضرب حيل
عفتة ورحت بدلت ملابسي وبقيت بالغرفة اجة دخل شمر السويج عالميز تواليت
- حضرتج ليش مجيتيني للمطبخ
- عفتك تهدأ ،، عمر الامور متنحل بالعصبية
- باعي لج لتتفلسفين براسي احجيلي شكلج
- والله دااطلع من الحمامات وانضرب بية وسئلني انتي عراقية والباقي انت تعرفة
- يعني بقيتي ساعة كاملة وبس هالكلمتين
- معتز ساعتيش هي كلهة مصارت ربع ساعة والموقف الشفتة مطول دقيقتين بعد ليش تعظم الامور وتكبرهة
تقرب مني ولزمني من زندي
- لج اني الاحدد اكبرهة لو اصغرهة افتهمتي ،، لا وفوگاهة ترادد ولسانهة طويل
- معتز هد ايدي دتوجعني
- يطبج مرض
- معتز كاااافي هدني ترى والله هسة اطلع من البيت
- وين ترحين بلله !! اخاف واعدج بشي احجي كولي
- يووووو شجاك علية ياابن الناس ،، اني بنت عمك وعرضك وترباة ابوك وامك متطلع مني العيبة كافي استحي من الي دتسوي وياية ترى تعبت منك ومن تقلباتك
تقدم وراد يضربني
- تريد تضربني بلله على شنو غير اعرف شسويت ويا ذنب
كافي بعد مااتحمل رجعني لاهلي وظليت الطم وضرب على خدي
بهالحظة اني انهاريت مااعرف شنو كمت اسوي بروحي
- كافي ياابن الناس كل شي اتحمل الة الشك ،، اني ماابقى دقيقة
عفتة ورحت للجنطة انزلهة واشيل واحط بملابسي كتلةً طلعلي جوازي ومستمسكاتي
- اذا خطيتي خطوة برة البيت متلومين الة نفسج
- اعلى مابخيلك اركبة ،، بعد كافي تعبت منك تعبت كلتهة بعياط
هو عافني وطلع من الغرفة ،، اني لملمت الملابس ورتبت الجنطة وحطيتهة صفح رجع دخل واني واكفة بنص الغرفة
- ايلاف مطلعين
- اطلع
- لا مطلعين مو بكيفج
- شنو اليمنعني احجي
- اني امنعج ،، ملاك تمنعج
اني من كال ملاك خارت قوتي
راحت من بالي بس بقيت اكابر
- وديهة لخالتهة لو روح اتزوج وحدة ثانية
- ايلاف ،،، اني اسف
ارجوچ لطلعين
- انت ليش هيج تسوي بية
- مو بيدي يابنت الناس اغار عليج من الهوى لو لامس شعرج
اي اغار ،،
ومااتحمل احد يباوعلج ،، لو يحجي وياج ،، انتي ملكي انتي الي وحدي
مااكدر والله صعبة
- بس الغيرة تختلف عن الشك
- حبيبتي اني عمري ماشكيت بيج ،، بس هذا طبعي من اعصب بعد مااعرف شحجي
اترجاج لتعوفينة واحنة بأمس الحاجة الج
ايلاف شگلتي ؟؟؟؟؟؟؟؟؟؟؟