رواية ياقدري واحلى قدر الفصل الثامن عشر 18 - بقلم Shody ✨✨

- ماكو الفايدة من الحچي وياك ،، مليت بعدنة مصارلنة شهر متزوجين وطلعتهة لروحي
عفت كل شي وراية حياتي جامعتي صديقاتي ...
- اي ايلاف كملي من شنو بعد انحرمتي !!احجي خاف حرمتج من صديق حبيب
- شفت معتز كل شي وياك تفسرة مثل متريد ،، ياحبيب هذا العفتة ،، ماعرفت الي انت بي
انت تغار ؟؟ لو تشك ؟؟
فهمني مو راح اتخبل ،، انت ليش اتزوجتني ليش الف مرة سئلتك ،، لمن اني مو ادمية ومو خوش انسانة
ليش اجيت علية ،، لك حس بية
مستعدة اتحمل كل شي منك لو بس تنطيني كلمة منك
ياابن الناس رد علية بجواب واحد
انت شتحس ناحيتي ؟؟ الي انت بي شنو
احلفك باالله رد
اخذ سويجة وعافني وطلع ،، ظليت كاعدة وصافنة لابية اطلع ولابية ابقى
اويلي عليك ياگلبي انت الي وگعتني بالي اني بي هسة
شسويت بنفسي
احبة ؟؟اي احبة واموت علي بس !!
بس ماكو امل منة
ميتغيرتعبني ،، لو بس يحسسني يحبني
اتحمل كل شي
رحت لغرفة ملوكة ظليت كاعدة وعلى كعدتي غفيت
حسيت روحي بغابة والدنيا ظلمة واركض منا ومنا كل ميطلعلي ضوة اركضلة ومن اتقربلة يختفي ظليت مثل المخبلة اركض منا ومنا
واسمع صوت امي وابوية
- بابا وينك هاي اني بنتك هنا الزمني
حسيت نفسي انرفعت من الكاع وايدين لزمتني قوي فتحت عيوني وشفت معتز شايلني
- لتخافين حلم
- نزلني
- اشششش ،، لتگعد ميمي سكتي
رحنة للغرفة حطني بالفراش وكعد يمي لزم ايدي
- ايلاف اني سبق وكتلج اني انسان واقعي ماعندي لف ودوران ولا احد يكدر يعصبني بسهولة،، ودائما اموري احلهة بعقلي بس هالمرة گلبي خاني ومدااكر اسيطر علي
الوفة انت الوحيدة وياج اتصرف بدون عقل
بسهولة وياج اتعصب ،، اني غيرتي على اهلي غير وعليج غير
تعصبت منج من اول مرة شفتج بيهة بزواجي الاول
تخبلت من سمعت اصدقائي يكولون من هالگمر
وغيرهم كالو هاي البنت منين
ومااعرف شنو السبب !!
وياج حياتي تغيرت من يوم الي فتي لهذا البيت
ترتيبج ،،هدوئج ،، اكلچ
كل شي احبة بيج
بس اتخبل من تطلعين حلوة كدام العالم
لزمني من شعري
خصوصا هذا ،، هذا الليل مالتي ماريد عين ثانية تشوفة وتنعجب بي
اترجاچ انطيني فرصة واوعدج محتندمين
- ان شاء الله ،، يلا اريد انام راسي ديئذيني
- نامي ،، بس هاي اخر مرة تطلعين من الغرفة وتحاولين تنامين بغير غرفة
مجاوبتة ،، كل الحجي الي حجا بس موفى الي اني اريدة
هي كلمة من اربع حروف مگدرت تنطقهة
هيج صعبة عليك
نمت وفزيت على صوت ملاك
شفت معتز منايم يمي
رحت للغرفة انطيتهة الممة ورحت للمطبخ اشرب مي وانتبهت على معتز نايم على القنفة رحت جبت غطى وغطيتة وطفيت التلفزيون
والله يامعتز تكلي لتنامين بغير غرفة وانت تنام بالهول
رحت لفراشي ونمت وابالي مية فكرة شلون اخلي معتز يحبني
كعدت الصبح ولكيت معتز نفس نومتة
بديت اسوي ريوك واخذتة ورتبته بالحديقة وكعدت ملاك واخذتهة وياية بهالاثناء كعد معتز
- صباح الخير ،، ليش مكعدتيني ارجع لفراشي
- صباح النور شفتك مرتاح بنومتك محبيت اقلقك
- خاف ارتاحيتي مني
باوعتلة بنص عين
- هههههههه اويلي
اكلج اني اليوم اروح للدوام وارجع
عازمكم على عشة برة
- عازمنة ؟؟
- اي انتي وملاك
- ههههه اوكي
- اي ضحكي راويني سنونج كافي عاگدة حواجبچ
وحط اصبعة بين حواجبي
كعدنة نتريك وشغل معتز اغاني فيروز وظل يشاقيني ويلعب وية بنتة وراح بدل وطلع بقيت اني ارتب واعزل
لحد ماخابرني كال بدلي راح اجي عليج
- لبست بنطرون اسود وقميص وردي وسترة ماروني دااجر المجر عندي شال ملون تدرجات الوردي والماروني جنت اشدة على هذا القميص من البسة
حطيتة على راسي ولفيتة لفة حلوة
باوعت على شكلي ،، حلو علية
قررت من هاللحظة انو بعد ماانزعة واليوم اشتري كم واحد وخلص اتحجب مدام هذا الشي يعجبة
رشيت العطر وعدلت مكياجي
دگلي معتز شلت ملاك وطلعتلة
باوعلي مستغرب بس محجة شي
طل يفتر بينة بالسيارة لحد موصلنة لمطعم كلش فخم وحلو
نزلنة وشال ملاك وفتنة كعدنة وكعد ملاك بكرسي الاطفال
- شيعجبج تاكلين
- انت اختار بكيفك
اشر للنادل ورة شوية دگت موسيقى عيد الميلاد واجتي كيكة حطوهة على ميزنة
- كل عام وانتي بالف خير حبيبتي
- شكرا معتز وانت بالف خير ،، شكرا على المفاجئة
- جيت اسويلج مفاجئة ،، لكنچ سبقتيني بمفاجئة احلى
ايلاف الله عليج مقتنعة من لبستي الحجاب
- اي مقتنعة اكيد
- والله تخبل عليج
- شكرا
احتفلنة وتعشينة وكعدنة نسولف
- يلا نرجع ملاك نامت
- اوكي يلا
- معتز عفية دگ على تلفوني مااعرف وين خليتة
دك على تلفوني ولگا يمة ونطانيا بس صفن على الاسم وانطانيا
بس شفتة گلب وجهة صعدنة بالسيارة ورجعنة للبيت خليت ملاك بفراشهة واجيت للغرفة فتت للحمام سبحت ولبست ملابس نوم بس جريئة شوية لونهم احمر وعدلت شعري وتعطرت وطلعت لگيتة نايم على الفراش
باوع علية بتك عين ومن شافني فتح عيونة ثنينهم
رحت للميز وظليت احط كريم لوجهي واعدل بشعري
گام وگف واجة يمي
يلعب بالمكياجات مالتي
- هاي شنو ؟
- هاي اوزع بيهة احمر خدود
- وهاي
- هذا مرطب للبشرة
راح شرب مي ورجع لكاني متمددة على الفراش تمدد بصفي وگال
- ايلاف اريد اسئلج سؤال
عندج صديقة متزوجة
- اي عندي ليش
- من يدگ عليهة رجلهة شكاتبة علي بالتلفون
-مااعرف يمكن اسمة
- وغيرهة ماكو ،، زين سمر شكاتبة على خطيبهة
- حبيبي
- زين وانتي رجلچ شكاتبة من يدگ علية
يعني انتي دوم تعتبين علية وتحجي
لكن اني مايوم عاتبتج
ايلاف اني مااستاهل اكون حبيبج
مااستاهل ينكتب اسمي بتلفونج كلمة من كلمات الحب بدل ميطلع اسمي حاف كأنما وحدة من صديقاتج
- لا معتز بس
- شفتي معتز معتز
ماكو حبيبي ماكو حبي عمري حياتي
وحتى حقي الشرعي تنطينيا بس بدون اي كلمة حب ودائما اني الابادر
ساعات احس بيج باردة
وساعات احس بيج نار بس مدتعرفين شلون تطلعين هالنار
وساعات احس انو انتي بغير عالم ومدري وين سارحة بغير مكان .
خجلت من نفسي هواية وحسيت صدك بتقصيري ويا من هاي الناحية
حط ايدة على راسة وغمض عيونة
ظليت الوب مااعرف شسوي
- معتز ،، صدگني اني بعدني استحي اكولك هيج لتنسى احنة حتى فترة خطوبة ماكو
يعني اصبرعلية شوية شوية ولتتوقع اني ازعل من تگلي وتحسسني بشنو اني مقصرة
بالعكس اني اكيف اصحح اخطائي وياك
- ماشي
- حبيبي
باوعلي بتك عين
- تفضلي ؟؟
غمزتلة
- حتنام!!!!!
ظل يضحك وحضني وچانت ليلة حلوة بشكل
- حبي روحي بجيب السترة مالتي اكو علبة جيبيهة
رحت جبتهة فتحتحة وطلع سوار كلش راقي
- شكرا حبيبي
تستاهلين
مرك ٣ اشهر واني احلى عيشة عايشة وية معتز تصير بيناتنة مشاكل
لكن نحلهة بسرعة
تعودت على خبالاتة
وكمت اعرف شلون امنص غضبة
بديت شوية شوية اغير بلبسي
ومرات ازاغل مو بيدي احب الملابس
علمني اسوق وكمت احط ملاك بكرسيهة ونفتر اني وياهة بالسيارة
امن هواية من تحجبت وبدت شوية تخف الغيرة مالتة
فد يوم كاعدين نشرب چاي العصر وخابرت سمر وكالت
- لازم تجون عفية ترى ابوية صحتة موزينة ودخل المستشفى
معتز انجن واني انهاريت
ركض ركض رتب غراضة وحجز تكت للعراق
اني كمت اريد ارتب غراضي
مقبل اروح ويا
وراح بسرعة بدون نقاش
بقيت گلبي عاصرني چان المفروض ب ١٠ بالليل يوصل
بقيت الوب صارت بالعشرة ومعتز ماكو
صارت ب١٢ وماكو خبر
تخبلت يخابروني واخابر لحد مراحو اخوانة للمطار عرفو انو معتز طالع من المطار ب10 ونص
وبعدهة ميعرفون وينة
ردت اموت واني افكر وين
يارب لتخلي مصير هالبنية مثلي تصير يتيمة الابوين
ياربي اذا مو لخاطري
لخاطر هاليتيمة
بقينة نبحث ونخابر لحد مصارت الساعة ب ٦ الفجر
دگ تلفوني
- الو ها سلام بشر
- ايلاف شبشر
معتز .... معتز انخطف !!!!!!!!!