رواية ينبض بحبك فؤادي الفصل الأول 1 - بقلم ام البنات

#ينبض_بحبك_فؤادي
بارت1 بقلمي ام البنات
اسمي نور قصتي هيه .....
اني عايشه وي امي وابويه واختي شمس ابويه احنه أب بدنيا بدت قصتي من جنت صغيره جان عمري8سنوات امي كاعده تطبخ على الطباخ واني مجلبه بيها ابجي اريد اطلع العب وهي متقبل تخاف عليه واني مجلبه بهدومها وابجي طك علينه الطباخ وحتركت امي واني احتركت وياها ابويه جان بالغرفه اجه ركض جرني وذب عليه غطه طفاني ورجع يطفي امي بس النار جانت كابه بيها اخذونه للمستشفى
امي وره3ايام ماتت لان الحرك جان درجه اولى اني ايدي احتركت من جهت اليمنه وصدري وجهي وركبتي بقت عمتي اداري بيها وابويه ليله مينام يداري بيه ويبجي على ضيمنه وعلى امي الراحت وهيه بعز شبابها عدي اختي شمس اكبر مني ب4سنوات هم صغيره بعدها بقت عمتي سعادتروح وتجي علينه اكثر وكتها يمنه اخر شي قررت تاخذني يمها هيه ميصير عدها جهال وابويه نفسيته تعبت هو يراد احد يداريه واني بنيه لازم عمتي مترهم ابقه يم ابويه وابويه ضروفه الماديه تعبانه حتى العلاج صعب عليه فعمتي كلتله بس اطيب وارجعها لان يراد واحد يداريها......
بقيت عد عمتي وزوجها هم حباب مثلها اهتمو بيه كولش وعمو حسام هو زوج عمتي حباب وفرحان بيه لان ميصير عده اطفال بقيت عدهم اربع اشهر ما احجيلكم الالم والوجع الي شفته يوميه ياخذوني يبدلولي الشاش روحي اشوغ يصلخون الحرك ويرجعون يخلولي غيره لحد ما اطيب من الوجع البيه نسيت حتى امي وشصار بيها اريد بس تبرد النار اليبيه ليل نهار كابه بيه نار اصعب ايام مرت عليه بقيت عد عمتي اربع اشهر وقرب الدوام خابره حتى ارجع هم دوام وهم شمس بس تبجي عليه اخذتني للسوك اشترتلي هدوم للمدرسه الي ولا اختي ودتني ابويه....شبكني وخلاني بحظنه وبقه يبجي من شاف وجهي نصه اشوه .....مشت الايام وبده الدوام جنت صغيره ممفكره انو شكلي الجديد راح يأثر عليه
شمس...جنت ناجحه للاول متوسط من احتركت نور جانت كولش حلو على ماما طالعين امنه حلوه الله يرحمها وابويه هم حلو بس نوره اشوه وجها واليوم اول يوم دوام احنه نفس المدرسه رغم صغر عمري احس مسؤله عليها رحنه للدوام والكل بقه صافن على نور وهيه متفتهم شنو القصه سوده عليه
نور....سلمت على صديقات خافو مني وحده كلتلي روحي لاتعدينه ونصير محلوين مثلج طكيت بجي اني جانو المعلمات يصيحوني ويتغزلون بجمالي صديقي كرم من الروضه احنه سوه دافعلي وضرب البنات اني ركضت على شمس
شمس...شبيج حبيبي نورايه منو وياج
نور....اني صدك محلوه
شمس ....شنو منو كلج محلوه
نور..صديقاتي
شمس....انتي احله وحده بدنيا
نور....اريد ارجع للبيت
شمس....حبيبي انتي قويه صبري يخلص الدوام.....
شافتنه ست ايمان نبجي ثنينه صاحتني للاداره وسألتني على شنو صاير ويانه وليش هيج صاير بنور تخبلت من درت بلي صار الها
ست ايمان....اني اسمي ايمان مرشده تربويه عدي ودد واخد اسمه كرم زوجي توفه بحادث بوكتها عمر كرم ست اشهر ونور صديقة كرم من الروضه ......من سمعت بلي صاير بنور وامه نقهرت حيل طفله مثل الكمر وامها دره مال الله
شمس ماما نوره شاطره ولازم منخلي هذا الشي ياثر عليها اريد اشوف ابوج واحجي وياها والطلاب اني احجي وياهم
شمس....رجعنه للبيت وحجيت ال بابا كل الي صار وجانت بيومها عمتي جايه تشوفنه
الاب...نوره حبيبي تعاي ليش هاي الدموع منو وياج باباتي
نور....محد يحبني
سعاد....لعد اني شو احبج وبابا وشمس والمعلمات ليش تكولين هيج
نور...صديقات ميحبوني ويخافون مني ومن بعيد يباوعون عليه حتى كرم كتلهم بس كرم يحبني
الاب.....تدرين ليش يباوعون عليج.....لان انتي متميزه عنهم هسه همه محد يعرفهم بس انتي المشهوره مال المدرسه كلها راح تعرفج وكلهم يباوعون عليج لان انتي تبقين تختلفين عنهم انتي احسن منهم وهاي العلامات زادت جمالج
نور....حسيت صرت قويه من حجه بابا طفله اي كلمت تشجيع تاثر عليه ورحت ثاني يوم للدوم بعد ما قررت ما اداوم بس اشجعت وشمس ويايه
ست ايمان....بقيت اداري نور مثل بتي احبها من هيه وصغيره فقيره واختها هم امهم الله يرحمها جانت انسان مثابره ومثقفه وخلوقه بشكل ....بقيت امر عليها وصيت المعلمات يعاملون طبيعي بعد محجيت وي ابوها واني هذا شغلي بس ما اعرف احس اتجاها مسؤليه حتى ابني كرم وياها بصف وصيته عليها
نور....من اول يوم ضحكو عليه البنات جان كرم يدافع عليه وميخلي احد يحجي عليه بقينه اني وياه اصدقاء كولش
كرم...شبيج نورايتي
نور....كرم اني معدتي كامت تبجي من الجوع شتريلي
كرم.....ابقي هنا هسه اجيبلج جبس وعصير برتقال
وبقت علاقتنه لحد ما كبرنه وصرنه صف سادس ابتدائي هو نقل لمدرسه مال ولد واني بقيت بمدرستي بس جان يجي بنهايت الدوام لست ايمان ويجبلي جبس وعصير برتقال ويا نكعد ناكلهم بين متطلع ست ايمان مجان احد يكدر يضوجني او يأذيني مدام كرم ويايه ثقتي بنفسي قويه لان هو ويايه وست ايمان صارت الي ام ثاني وره سنتين صرت صف سنتين نجحت للثالث متوسط شمس راحت اول كليه طلعت معدل عالي دخلها طب بس بغيرمحافضه وابويه ميقبل تروح وحدها وهم ماعده يدخلها كليه اهليه كال ابويه نروح وياها سوالي نقل للمدرسه ورحنه وبقه كرم وست ايمان دمع مسكت عليهم نفسيتي حيل تعبت
شمس...جنت مصره ادخل طب اريد الكي حل لا اختي ابويه مقصر ويانه هو وعمتي صار هو الاب وهوه الام واني الي اكدر عليه ونوره هم كبرت كامت تتحمل مسؤليه من اشوفني اقره هي تنضف وتساعدني هيه وبابا..دخلت كليه عالم جديد ودراسه صعبه عمتي مقصرت ويايه جهزتني من كلشي تكلي هدية تخرجج وماكو احد احسن منج رغم الظروف ونجحتي بتفوق.....
نور.....بده الدوام وحسيت بوحشه لا ست ايمان لا كرم ولا شمس دخلت للمدرسه والكل يباوع عليه بقيت امشي بثقه واحجي بداخلي حجايت ابويه اني مميزه وهاي نضرات اعجاب بكل موقف اتخيل كرم واكف ويايه ويعيني ....صارت عدي صديقه اسمها رسل هونت عليه الايام....كبرنه وصرنه صف سادس علمي....ذبيت نفسي على الدراسه ورسل صديقتي بكلشي تعيني رسل تاخذ محاضرات خصوصي اني ما اكدر ابويه ماعده كامت تجيبلي المحاضرات مالتها وتقريني الي مفاهمته صارت الي صدك اخت
شمس جانت امرحله رابع طب وجانت اكو حفله مال تخرج بجامعهتم عزمتني وياها
شمس....نوره ترحين ويايه علمود حفلت التخرج
نور....ها ما ادري بابا خاف ميقبل
شمس لا يقبل بس شراح تلبسين
نور....عمه سعاد جابتلي نفنوف بعدني ملابسته ....بس شمس احسها صعبه بهذا شكلي
شمس...هم رجعنه لهذا الموضوع لج بابا شلون راح اداومين سنه الجايه لازم تتقوين هاي كليه وكلشي بيها بعدين تكدرين ترتبين شعرج جانبي ميبين شي
يتبع