رواية ينبض بحبك فؤادي الفصل الثاني 2 - بقلم ام البنات

#ينبض_بحبك_فؤادي
بارت2 بقلمي ام البنات
نور...حظرت نفسي لبست نفنوف كصير بس مو كولش للركبه واني بيضه بس ردان لان ايدي ماريدها تبين وشعري نهاية ضهري فتحته ورتبته غطيت وجهي نصه بحيث ميبين وجهي ال اذا تحرك شعري وركبتي ممبينه لان جريت شعري....دخلنه للكليه عرفتني على جماعتها والطلاب الي وياها جان بيومها تنكريه
نور.....شمس وين جماعتج العازمينج
شمس...تعاي نوره اعرفج حسن
نور...اهلاً وسهلاً
حسن....اهلاً بنورايه وخيراً تعرفنه عليج
نور..😒😒شمس شنو فلمه
شمس ...نجبي بعدين مو وكتها....اكولج شنو قصته هذا الولدبس يباوع عليج
نور...شمدريني اني ...شويه وتقرب هذا الولد وياه حسن
حسن...بنات اعرفكم اخويه سرمد
نور...سلمو وبقو واكفين
سرمد...حسن والله نقهرت عليك وحدك كلت امرلك
حسن...اي مو داكول اني معازمك😒
سرمد....همزين مكتلي حتى اجي اشوف هاي الوجوه الحلوه😍
نور...سرمد يحجي ويبصبص شكله كولش حلو ومرتب مرلحه ثالث بس بغير جامعه
سرمد.....عجبتني هاي البنيه الي واكفه وي حسن
اكولك حسن منين هاي البنيه
حسن...من بغداد عوفك منها شوفلي اختها 😍بس كمرت اخ مو تروح لبعيد😉
سرمد...حلوه ومبين عليها خوش بنيه الله يوفقك ويوفقني باختها😃
حسن....عوفك من اختها......مكتله محتركه خطيه ماريد اكسر بيها وقابل شيصير عفته
سرمد....والله مبينه صغيره ومرتبه بس وين اكو هيج وحده تنزل شعرها كله على وجها صفحه وحده مبينه
نور....تقرب عليه سرمد
سرمد....ممكن احجي وياج
نور....اي تفضل
سرمد....تدرين باخويه يحب اختج
نور....حسيت بيهم الله يسعدهم ويكتب الي بي خير
سرمد....حبيتها مادري ليش دمها محبوبه وحلوه مرتبه عجبتني كولش بقيت اسولف وياها
نور...بقه يسولف سرمد ويايه ونعجبت بي كولش خوش ولد ومرتب وحلو نسيت نفسي ونسيت وجهي اخذتني وياه السوالف وعرفة هوه جامعته بغداد وسنكهم هم بغداد بس نازل هذا السبوع علمود اخوه ...
خلصت الحفله ورجعنه تغدينه ونمنه وكعدنه العصريه نسولف
نور...شموسه مراح تحجيلي فلم حسن شنو😉
شمس...لا احجيلج....حسن يحبني ويريد يخطبني بس اني جنت مأجله الموضوع علمود التخرج مالته
نور....شلون اذا رجعنه لبغداد
شمس...هو من بغداد ونفس وضعي كاعد بيت عمه علمود الدراسه راح يرجع بغداد
نور....الله كريم
شمس،....عوفيج مني شنو فلمج انتي شو دك سوالف وي سرمد😉
نور...عادي حباب بقه يسولف ويضحك بس عادي ماكو شي
شمس....ليش حسيته معجب🤔
نور...فدوه يامعجب هو لو يشوفني من اشيل شعري يطفر 😒
شمس....انتي معايزج شي والف واحد يتمناج واذا على شكلج الطب اطور بس اصبريلي
نور....شمس تريد تخصصها تجميل جانت تطمح تساعدني بس اني من كثر الحجي الي سمعته من الي يحبوني صارت عدي ثقه لنفسي عاليه حتى كلت الي يحبني يحب هدا شكلي ما اهتم لا احد ....بس سرمد عجبني اسلوبه وجذبتني اناقته سولفت ال رسل وطارت من الفرح
.......قربت العطله مال اربعين يوم والتهيت بدراسه ونسيت سرمد بس منسيت كرم❤️حضرنه وضعنه حتى نرجع لبغداد بس اخلص امتحانات
يوم من الايام كاعده اقره ودك تلفوني رقم عفته بقه يلح جاوبت منو
سرمد...اني سرمد
نور...منين جبت رقمي
سرمد...الله يسلمج بخير والله اني هم مشتاقلج
نور....تره مضحك
سرمد....شسويلج هي هاي الهلو مالتج
نور...اي مو استغربت منين جبت رقمي
سرمد....جبته هسه انتي شعليج...سولفيلي شدسوين وين وصلتي بلقرايه........
نور مشت الايام وخطوبة شمس وحسن تاجلت ال نرجع بغداد اهله هناك واحنه هم اهلنه وعمامنه بغداد بقت بس اخلص ....امتحنه وخلصت المتحانات ولمينه اغراضنه ورجعنه لبغداد بس كلبي كله يم رسل بجت بجي ورمت عيونه من البجي اعز صديقه عدي وين الكي مثلها
نور...حاولي بلكي تطلعلج بغداد وتجين يمنه
رسل....وابويه شيقنعه ميقبل اقسام داخليه
نور....احنه نقنعه تبقين يمنه شمس تزوج واني ابقه وحدي😞
رسل....خلي تطلع النتائج ونشوف معدلاتنه والله يسهل
توادعنه واحنه دموعنه على خدنه....
نور.....وصلنه بغداد وتلكتنه عمتي بس بلعطله جنه نشاوف خطيه منضفه البيت وطابخه الاكل مثل عوايدها حنونه....
شمس...بابا حسن يكول الجمعه يجون راح يخابرونك ويتفقون
نور....ابويه من ماتت امي صار صديق النه وحاول يعوضنه عن حنان امي حتى شمس جان يعرف بيها تحب حسن
الاب....بناتي من ماتت امهم حاولت اعوضهم ولو الام محد ياخذ مكانها حرمت نفسي من كلشي بس عدي المهم سعادتهم شمس تحملت مسؤليه ورغم هذا مقصرت بدراستها زرعت بينه الثقه وجنت لازم اسمعهم حتى لو غلط حتى تقوه علاقتنه وميغلطون اكدر انصحهم....من جانت مرحله اخيره حجتلي على حسن ضجت بس حسبتها هي جبيره وتفتهم واني ربيتها على الثقه والاخلاق واثق من تربيتي بنتي متسوي العيبه بس جنت خايف على بنتي لا ينكسر خاطرها بس الحمد الله الولد طلع ابن اوادم وتقدم الها
نور....كل هاي الفتره اني وسرمد تلفونات نسولف ونضحك وكل فكري يدري بيه وبحركي كلت اكيد حسن حاجيله واني مفتحت هذا الموضوع لان تعايشت وياه واعتبرته موضوع عادي...اجت خطوبة شمس وحسن وهم سويت شعري صفح ورتبته مببين شي مني جوي الناس وفرحو بشموسه هم دكتوره وهم حلو الحمد الله تمت الخطوبه شويه وطب سرمد عينه ادور عليه
شمس...رغم الهوسه انتبهت لسرمد شلون يباوع على نور ونور عيونها تلمع وفرحانه....دغيت حسن اكولك شبي سرمد بس يباوع على نور
حسن...ما ادري....بس بداخلي مبين عليه معجب...هذا يدور حلوات اذا دره بيها محتركه يعوفها خلي اكله لتيصير بينهم شي...رجعنه للبيت...اكلك سرمد تعال عدي حجايه وياك
سرمد...خير شكو
حسن...شعدك وي نور
سرمد...تريد الصدك لو ابن عمه
حسن...من حجه هيج خفت منه...كتله كول الصدك طبعاً
سرمد،...عدي علاقه بيها واحبها واريدها
حسن....اكولك انت شتعرف عنها حتى حبيتها
سرمد...ليش انت شجنت تعرف عن شمس وحبيتها....اني رايد البنيه مو جاي العب بس خلي فتره
حسن...اعرف بنور فقيره وحبابه وتستاهل احسن واحد وافتهمت من حجي سرمد هو ميعرف بتشوه الي عدها سكتت مكتله على الي بيها ما ادري ليش يمكن مردت هذا الحب ينتهي ....
يتبع