رواية ينبض بحبك فؤادي الفصل الخامس عشر 15 - بقلم ام البنات

بارت15 بقلمي ام البنات
نور...اجه المعالج وبدينه علاج وخلينه كرم بماي حار وسويتله تمار ين
كرم....كمت احس برجلي وبجسمي اكثر كمت تاثر بيه كل لمسه من نور يمكن لان نفسيتي تحسنت او يمكن الحادث جان ماثر عليه
نور.....حبيبي تلبس هذا القاط مال خطوبتنه علمود عرس سرمد
كرم.....اي وعدي قميص ماوي وياه....انتي شراح تلبسين
نور....عدي نفنوف الخطوبه مالتنه البس
كرم....اطيج فلوس روحي اشتري
نور....لا حبي تسلم ممحتاج
كرم.....تره عدي فلوس مو عبالج البارحه امي استلمت التقاعد مالته وتقاعد ابويه اطتنياه
نور.....لا حبي خليهم يفيدونه ورانه علاج كومه ودكاتره وموضروري نفنوفي حلو مشافوني بي عاجبني البسه
كرم....براحتج بس خلي هاي الفلوس بجيبج مصرف ادري مقصر وياج بس اكوم على حيلي ارجع اشتغل
نور.....عمرك مقصرت ويايه .....رحنه لعرس سرمد وكرم بالكرسي المتحرك ابويه ساعدنه وراح ويانه هو وخاله ايمان اني وكرم كعدنه واحد بصف الخ وخاله ايمان وبابا بقو يسولفون سوه ومندمجين اريد اجمعهم بس خايفه من ردت فعل كرم
سرمد.....الوكت كله محتصر اركص واضحك كله تمثيل نوره هي بس الي بكلبي لازم اضغط على نفسي اني اختاريت ساره وارتبطت بيها هيه مالها ذنب....اباوع على نور من بعيد شلون مهتمه بكرم رغم الي هوه بي...
نور....خلصت الحفله وتونسنه كولش....كرم نبه عليه محد يدري بيه كام يحس برجله ويحركها ال من يكدر يوكف عليها والدكاتره كالو مبقه شي ويوكف عليها...وره اسبوعين
نور.....ها كرم ادخلك للبانيو شويه تمارين
كرم.....اوكي .....دخلتني للبانيو وبديت احس باشياء غريبه اتجاه نور اريدها تبقه لازمتني اريدها تقرب عليه مو مثل قبل لا كمت اريدها برغبه وشهوه كمت ما احس بالوجع احس نفسي اذوب وادوخ بيها
نور....شنو حبي مجاي تاذيك
كرم...لا توجعني بس احسن من قبل اخف
نور....الحمد الله .....كرم تحسنت حالته ومكال لا اي احد حتى ابويه وره شهر من التحسن كمنه نعلمه على العكازات....
كرم....احمد الله واشكره كمت اكدر احرك نفسي على العكازات واطلع للحديقه وافتر وي نور بالبيت
نور....ها حبي تعبت ندخل تتمدد
كرم...اي حبي .....دخلنه وكعدتني على الجربايه ...نوره جيبيلي غير تيشرت ....ردت ابدل تيشرتي لان احسها اضيع واتيه نفسها من انزع كدامها شكلها يعجبني من اضيع نفسها ويايه نزعتني التيشرت وهيه تحاول متباوع عليه رأساً لزمتها من ايدها وجريتها بحضني كعدت
نور....بدلت التيشرت الكرم واني احاول ما اباوع على صدره احس نفسي مخبوصه ودايخه ما اعرف انثول بعدني مملبسته تيشرتها جرني وخلاني بحضنه كلبي كام يدك بسرعه والحراره صعدت عدي وعيني بعينه بقيت اباوع عليه
كرم....ليش هيج مرتبكه....وخليت ايدي على خدها والثانيه حاضنها بيها
نور...هااا لا مابيه وكلبي زادت دكاته.....دفعته على كيف حتى اكوقوه لزمته الي
كرم....وين رايحه
نور....اشوف خاله خاف محتاجه شي
كرم....عوفي خاله اني محتاجج ولزمتها وبستها من شفافها بوسه طويله حسيتها ذابت بيدي ورخت حيل ذبت ثكلها كله عليه
نور....لزمني وباسني من شفافي وطول هواي بالبوسه حسيت بنفسي رخت اعصابي وحيل بعد مابيه حظني وبقه يبوس بيه واني بغير عالم
كرم....تاذيت حيل وهيه بحضني اريدها بس بعدني ثكيل بالحركه وهمزين عدي ثكل واله جان فقدت
نور....حسيت بكرم تعب حيل نفسه كام يرجف وحتى ايده ترجف كام يتلمس بجسمي خفت منه وكمت كوه جريت نفسي كعدت بصفه على الجربايه مد ايده لزم ايدي ونفسه بعده مخربط وعيونه ذبلانه....شبيك حبيبي
كرم.....اتنفس سريع كتلها مابيه بس دخت بيج جريت ايدها وبستها كومي منانه اتعب اكثر هيج خليني وحدي
نور....كمت بدون ما احجي وياه ورحت للحمام اباوع على نفسي وجهي احمر وحلكي احمر خدودي مطكعه غسلت وطلعت واني بعدني دايخه راحت تمددت شويه وارتاح....
كرم كرم كوم حبي سويت جاي وخابه مسويه كيك تاكل ويانه
كرم....اي بس ساعديني اروح للمطبخ .....رحنه للمطبخ ونور تضحك وتسولف وي امي اباوع عليها واذكرت الي صار جريت حسره
نور....كرم ميوخر عينه مني حسيت بي متغير مجان هيج هذيج الفتره يمكن الحادث جان مأثر عليه ....فاتت فتره وكرم كام يكدر يتحرك وحده على العكازات وضعه تحسن واني رجعت لبيتنه لان ابويه دره بتحسن كرم ومقبل ابقه وكمنه يوم همه يجون يمنه ويوم احنه نجي يمهم ..
نور.....بابا شنو رإيك لو تزوج
الاب...ازوج؟!انتي تكولين هيج
نور.....اي واني مو صغيره حتى تقشمرني مبين عليك الحب عيني بعدين انت من حقك تعيش كافي ضيعت عمرك علينه ومن ازوج راح تبقه وحدك
الاب....لازم عدج عروسه الي
نور....انت عدك عروسه هيه نفسها الي بالك
الاب....بس ما اعتقد كرم يقبل
نور.....نحاول مخسرانين شي.....اجوي كرم وخاله ايمان لزمتها على صفحه وحجيت وياها هيه هم موافقه بعد عدي كرم
فتحت الموضوع وياه وامك راح تبقه وحدها وضحت بنفسها علمودك وكافي الي شافته هو تخبل وكلب الدنيا وكام يصيح وصاح امه اخذها وطلعو هوه يمشي على العكازات توسلت بي بس اسمعني ماكو شي بينهم وهمه مو صغار هو ابد ولا يسمع كلبها للدنيا وراح كلت خلي كم يوم يرتاح ويهده بلكي يقتنع واروحله...مر 3ايام وهو حتى ميجاوبني وخاله ايمان تكول حتى اني ميحجي ويايه رحتله
نور،...متكلي شبيك هاي انت الواعي والفاهم
كرم...نور هذا الموضوع ينسد
نور...لا مينسد مثل ما انت عايش حياتك همه هم يعيشون حياتهم مكافي ضحو بعمرهم علمودنه
كرم.....باعي اني هذا الحجي ميمشي عدي افتهمتي لو لا امي متزوج واذا تردين ازوجين ابوج روحي شوفيله مره
نور...امك موافقه على ابويه يعني تحبه وتريده حرام عليك هيح اسوي .....شو هذا كام يصيح ويركع جر العكازه وكف
كرم....لج باعي والله الدنيا احركها امي متزوج ابوج لو تركعين راسج ميت حايط
نور....متوقعتك هيج متخلف وهمجي
كرم....اني اكبر همجي ومتخلف بعد عدج شي
نور.....اي عدي اني ما ارتبط بواحد همجي ومتخلف مثلك خليت الحلقه على الكومدي وطلعت
كرم....كعدت بعد مكدرت اوكف ضليت اركع بالعكازات واي شي الوحه اركعه كمت افور كرهت حتى امي
ايمان....ليش هيج سويتي شعليج بينه بتي
نور.....لا خاله السالفه مو يمكم السالفه ابنج متخلف ما اكدر اعيش وياه هذا ديخالف حتى الشرع .....مفروض يفتهم ويقدر انتي بعدج صغيره كافي عمرج الضاع وانتي تربين بي هو او تالي يزوج وانتي تصفين وحدج يا عدل هذا
ايمان.....ابني كام ميحجي ويايه ولا يقبل ياكل ونور اطته حلقته وطلعت من البيت وفات على هاي الهوسه اسبوعين
كرم.....متت كلبي نار على نوره تعلمت عليها احبه وروحي يمها لازم اقنعها الي بالها غلط دكيت عليها مجاوبني طلعت رحت لبيتهم طلعلي ابوها ضجت من شفته حجيت وياه من ور خشمي....نور موجوده
الاب....لا نور مسافره
كرم....شلون اسافر ومتكلي
الاب....انتو فصختو تره يعني مملزومه تكلك
كرم.....وين راحت
الاب.....هيه وشمس وحسن لا ايران.....
نور.....الفتره الي عفت بيها كرم نفسيتي حيل تعبت اجتني شمس حاولت اطلع مقتنعت
شمس....نور اني سويت بحث هواي علمود عمليتج احسن مكان ايران هم رخيصه وهم زينه نروح بلكي يصيرلج تجميله لان هنانه اكو اجهزه مموجوده هناك احسن
نور....لا ماريد
حسن.....مو بكيفج ترحين اختج تعبت ودرست علمودج هذا ابسط شي ترديلها تعبها ترحين وياها
نور....كتلهم اروح شخصرانه ورحنه وشافوني الدكاتره وقررو يسولي تجميل ايدي اصيرلها تجميله وحركها بسيط وصدري صح احترك بس من كبرت وتغير جسمي ضاعت متبين كالو ميحتاج تجميل بس وجهي وركبتي يرادلها تجميل قررو موعد العمليه وخابرت بابا اكوله
نور....بابا باجر راح ادخل عمليه ادعيلي
الاب....الله يسهلج ويشفيج .....نور بابا كرم اجه وراد رقمج راح اطي اله
نور.....لا بابا اطي رقم حسن اذا تريد
الاب....براحتج احجيلي شنو معنوياتج
نور....خايفه بس فرحانه
الاب....الله كريم
نور....دخلت للعمليات وطلعوني وكالو العمليه ناجحه الحمد الله بس الركبه بيها مكان يبقه مشوه لان ميصيرله حل اثر خفيف بقيت بلمستشفى كم يوم وايران بقينه شهر لان اكثر من عمليه سوولي وحسن اجازه بدون راتب علمودي وشمس اصلاً عطله
كرم...صار شهر ونص مشايف نور تخبلت كمت يوميه اروح لبيتهم واسأل ابوها وماكو خبر اخابر على حسن ميطينيها يكوله عوفها تعبانه
نور....شكد فرحانه بشكلي الجديد بس احس غصه بكلبي وكل ما اصفن ابجي احبه ما اكدر اشيله من بالي سرمد شكد جرحني بس محسيت نفسي متعلقه بيه بسهوله نسيته بس كرم يختلف كرم اعز من روحي تعبت حيل بفراكه وليلي كله بجي ....قررنه نرجع واطوني علاجات الدكاتره وكريمات ابقه عليهم فتره ورجعت ابويه اول مشافني كام يبجي