رواية ينبض بحبك فؤادي الفصل الرابع عشر 14 - بقلم ام البنات

بارت14بقلمي ام البنات
نور.....رجعت وي سرمد وكرم ممتوقع راح ارجع كيف وبيومها للصبح منمنه وسرمد بقه يمنه لعبو شطرنج وسويتلهم حلويات وخابرنه شمس وحسن جوي يمنه تعشينه سوه وتونسنه
كرم....نورايتي وين امي
نور...كاعده بلمطبخ
كرم....ليش متجي يمنه
نور...تدري بيهم الكبار ميحبون هوسه جنها بابا يحبون هدوء
كرم....اي هي متحب هوسه خليها براحتها
سرمد...العب اليوم احرك الملك حرك مو عبالك حركت القلعه هاي هيه سيطرت
كرم....تتراهن من طلعه
نور....تريد نطلع ضايج
كرم....اي عاجبني اغير جو بس اضوج اطلع هيج
نور....نطلع وميهمك اي شي نطلع كلنه سوه شتكولون شمس حسن
حسن...اي نروح
نور....سرمد انت هم جيب خطيبتك
سرمد.....اي والله هي هسه وكتها ضايجين نطلع كلنه سوه
كرم.....يالله لعد نروح
نور.....بقينه سهرانين وسرمد ساعد كرم فوته للحمام وراحو بالوحده بليل واني لملمت المطبخ ورحت انام يم كرم فرشت بلكاع
كرم....تعاي يمي نامي
نور....لا حبي هيج مرتاحه
كرم.....بداعتي تعاي لاتخافين مابيه خير صاير ما اخوف
نور....حبيبي كلك خير وبركه بس انت مترتاح
كرم....بس اشم عطرج تعاي
نور....صعدت يمه وحطيت راسي على صدره
كرم....راح يجي يوم واتعبين
نور.....تعبك راحه
كرم....راح تملين
نور....عمرك سمعت واحد مل من نفسه
كرم......راح تنظلمين
نور.....فراكك هو الظلم الي
كرم....راح يقل حبج الي
نور....راح يزيد ......صدكني اني محتاجه وجودك اكثر من ما انت محتاجني اذا الي خاطر عدك تساعدني وتساعد نفسك وامك تشد حيلك تحمل لخاطرنه ماعدنه غير
باسني من راسي وكلي نامي حبي ورانه تعب باجر .....
محسيت ال ساعه عشره تكعد ينه خاله
ايمان....نور كرم كعدو ماما المعالج واكف بالباب
نور....اي خاله
كرم....اووووف يمه مدشوفين شلون نومه حلوه والحب بحظني هذا احسن علاج لو يوصفه الي اطيب......صبح الصبح ونور نايمه بحظني فرحان بيها واحس عدي طاقه وامل اريد اطيب علمودها واوكف علمودها ..
نور....حبيبي تريك حتى نبدي ...
كرم......اباوع على المعالج ولد شاب شلون اني اخلص من واحد يطلعلي هاذا 😡
نور.....حبيبي تحب اشيل شعري😂
كرم......😒متضحك👊🏻
نور.....داكل خلي نكوم.....رجعنه للعلاج ورجعنه للقهر والبجي والضغط بس هاي المره كلنه امل ....كمت ما ابجي من يتاذه اضغط على نفسي وعليه
كرم....اااااخ كافي كافي
نور.....مبقه شي تحمل الخاطري......بقينه شهر والمعالج علمني على تمارين اسويها اله قبل النوم كمت ماروح للبيت لان اجه بابا كم مره وشاف حالنه وشلون ملتهين بي اقتنع وتقبل الموضوع بس من يضوج يجي يمنه يكعد يتونس وين خاله ايمان😉❤️
نور...اشرب هذا الدوه بين ما اجيب الدهن حتى نبدي تمارين
كرم.....اوووف اطيني راحه بس اليوم
نور.....ابد ماكو راحه تحمل الدكتور والمعالج يكلون اكو تحسن وعن قريب تكوم تحس وتحرك رجلك بس شويه صبر....رحت جبت الكريم وبديت اسوي التمارين واحرك رجله طبعاً ماخذه راحتي لان ادري بي ميحس برجله فاحركها
كرم....حمت احس فد شي برجلي كمت احسها مثل الخدرانه وبده يفك الخدر احس احد لازمني او فد شي على رجلي
كرم....نور لج دا احس بيدج دا احس بيها
نور....عليك الله صدك تحجي يعني دتحس بيه
كرم....والله دا احس مثل الخدرانه كولش بس دا احس قبل ابد مجان عدي هيج شعور
نور....حاول تحرك رجلك
كرم....اي هسه شوفيها
نور....لا ماكو شي حرك بعد .....بعد حاول لاتتعب ابقه حاول......اي اي تحركت والله تحركت كمت ابجي وكرم يبجي ركضت على خاله الحكي كرم بده يحرك رجله اجت وكامت تبجي وفرحانين....صارلي واهس اكثر كمت الح بتمارين وياه بيومها
كرم....كافي حبي بعد حيل مابيه تعاي بحضني خلي نام نور....اي حبي جيت ....حطيت راسي على صدري وغفينه ثنينه ......
كرم....فزيت الصبح نوره بحظني كمت ابوس براسها حيل واشم بيها احس صار عدي احساس مجنت احسه هاي الفتره كلها
نور.....نايمه بحظن كرم الصبح حسيت بي يحوص ويبوس بيه شويه شويه كامت تقوه الحضنه مالته.....صباح الخير حبي
كرم.....بدون ما اجاوبها او اكلهاصباح الخير لزمت وجها وبستها من شفافها برقه
نور.....متوقعته راح يبوسني ذبت بوسته وحضنته ....شويه وانتبهت على نفسي وخرت كوم حبي لا يجي المعالج خلي انغسل ونبدل ورانه دكتور اليوم لان كال بس تحسون بتحسن تجوني
كرم....نور احس مجاي اشبع منج عوفي المعالج اريد بعد بوسه
نور....لا حبي بداعتي كوم
كرم....افتهمت لاتلحين كايم امر ال الله....
سرمد.....يوميه اروح يم كرم وزادت روحاتي حتى اشوف نور وارتاحيت وحسيت برضه عن نفسي من احسها ممنونه مني لمساعدتي لكرم وتفرح من اشوفني اساعده لو اطلعه اني مستعد كلشي اسوي علمودها بس المهم اشوفها مرتاحه بس المشكله بيه دا احس بغيره من كرم واحاول اسيطر على نفسي ولهذا السبب قررت اعجل بزواجي بلكي التهي ......
هاي بطاقه مال العرس مو متجون
كرم....الف مبررروك حبيبي تستاهل الله يوفقك بس اعذرني تدري بوضعي
نور....ليش شبي وضعك نروح ونغير جو ونتونس شنو بس بالبيت ....تغيير الجو مطلوب مو بس الك الي هم
كرم.... تعتقد بعد ما صدر قرار من نورايتي اكدر اغيره
سرمد😂😂😂لعد اني قشمر من حجيت كدامها