رواية ينبض بحبك فؤادي الفصل الرابع 4 - بقلم ام البنات

بارت4 بقلمي ام البنات
نور...بعد الي صار بقيت اسبوع بالبيت كاعده بس رسل وشمس فوك راسي مخلوني اصفن وحدي واصرو ارجع للدوام....بس جنت رافضه......بيوم كعدت رسل تبدل كتلها انتضري اني هم راح اداوم كمت اغسل واحجي وي نفسي منو هوه حتى يخليني اشك بنفسي منو سمحله يقلل من جمالي منو سمحله يقلل من انوثتي منو هو وابنو منو حتى يقلل من ثقتي بنفسي لا اداوم واعيش حياتي وابقه قويه مثل ما علمني بابا وطبعاً بابا افتهم السالفه كلها ومصدكوني اذا اكولكم اثرت بي اكثر مني ...نزلت الصبح وبست ابويه
الاب....راح اداومين عاشت ايدج سباعيه
نور....اني قويه مثل ما انت علمتني ونضرتهم الي لان متميزه عنهم
الاب....الله يسعد كلبج ويوفقج
نورر....طلعت ورتبت نفسي وخليت شالت على ركبتي لفيته حتى خاف يصير هوه متبين شما اكون واثقه من نفسي الموقف الي صار هزني ....دخلت للكليه وحلفت ما ابجي ولا انزل اي دمعه حتى لو اشوفه وداومت عادي مجنت اطلع ابقه بلقسم ورسل ويايه بس تخلص محاضراتها تجي يمي حتى اذا احتاج شي هيه تطلع اجيبه وتجي مردت اشوفه....ونهاية الدوام طلعنه وشفته واكف يم البوابه يحجي وي صديقه صارت عيني بعينه عفته ومشيت
سرمد..اني احب نور كلبي يريدها بس عيوني متتحمل منضرها ما اكدر اتقبل فكرت مرتي او حبيبتي مشوها لازم اضغط على نفس وابتعد صار اسبوع اداوم وهيه ماكو بس رسل ورسل من تشوفني تغير طريقها بنهاية السبوع جاي اطلع وكفت احجي وي ولد يم البوابه مال جامعه شفت نور كلبي كام يدك بسرعه وارتبكت عافتني ومشت ولا جنها اني موجود رغم اني ردت ابتعد بس نقهرت من هذا موقفها
نور...من اجاهلت سرمد حسيت نفسي قويه بكلبي اي اكدر انساه ميهمني بعد اطلعه من كلبي ......
شمس....الي صار قهرني حيل وتعاركنه اني وحسن بس رجعنه لان احنه مالنه ذنب بس بقت نور تتجنب اي تجمع عائلي بي اهل حسن حتى من صار النيشان تاكدت بس بنات يالله قبلت تحضر
نور...صح مشتاقه لسوالفه وحجيه وتعلمت عليه وحبيته بس جرحه جان اكبر واقوه من حبي اله كمت اكره
سرمد...صار شهر محاجي وي نور مشتاقلها بس ما اكدر اتقبل شكلها لان التشوه كولش قوي متخيلت هذا السبب الي مخليها تغطي وجها ...سويت علاقه وي بنيه ويانه كمت احاول ما التقي بيها حتى بجامعه ابقه يم القسم مالتي بعيد عليها واعرف وكت طلعتها لو قبلها اطلع لو وراها ...التهيت وي صديقتي الجديده حلوه ومرتبه ونازكه بس محبيتها بكد نور كلبي كله يمها حاولت انساها وحسيت نفسي نسيتها لحد يوم عرس شمس وحسن
نور...جنت بداوم ما اطلع للمكانات الي يتواجد بيها سرمد اكثر شي اروح لرسل شفت شاب واكف وياها
نور...امورج عدله😉منو هذا
رسل....لج ولي والله زميل مو اكثر تعاي اشوفج منو الماخذ عقلي😢شوفي هذا
نور...بس الي جنتي واكفه وياه احله ومرتب حتى شكله احسه مألوف
رسل...لا هذا مجرد زميل ما احس اتجاه غير شي مؤدب وخوش ولد بنات الشعبه موتات نفسهم عليه بس هوه مو يمه
نور....دمشي ورانه تحضيرات هواي وقرايه هواي منا الامتحانات نص السنه ومنا عرس شمس
التهين بين دراسه وبين تحضيرات عرس شمس الحمد الله كملنه امتحانات وهذا السبوع عرس شمس حضرنه نفسه اشتريت نفنوف نيلي مفصل على الجسم وردان كيبور ممبينه ايدي كولش وسويت شعري بصالون صفحه رتبته وفتحت منه شويه حتى نغطي التشوه وطلعت كولش حلوه
سرمد....جنت موتقع كدرت انسه نور بس من شفتها وكلبي كام يدك وتخربط وضعي عرفة اني منسيتها ولا راح اكدر انساها مكدرت اشيل عيني عن نور بكلبي شيصير لو هيه كامله لو مابيها شي حتى لو ردتها امي مراح تتقبلها ولا المجتمع ....علاقتي بحسن توتر من هذاك اليوم وهسه شويه تصلح الوضع...
نور...سرمد بقه فاك حلكه وكل ما اباوع عليه الكي صافن عليه اجاهلته وحسيت بنفسي شكد قويه لان محبيته بكد ما كرهته انسان سطحي تهمه المضاهر محبني حب شكلي همزين عرفته على حقيقته خلص العرس ونضرات سرمد مخلصت رجعنه للبيت وكمت ابجي على فراك شمس بقيت ادعي الله يسعدها ويهنيها ابويه ليله كله منامه كاعد بصاله ويشرب جكاير حجيت وياه كام يبجي
الاب....اول مره من ماتت امج لليوم افارك شمس انتو اغله شي عدي اتمنه ماقصرت وياكم ادري ضرفي المادي مو شي بس هذا الي اكدر عليه
نور....تدري انت احسن اب بدنيا حت بيوم الحساب احس رب العالمين يدخلك للجنه بدون حساب انت مو بس اب صرت ام النه وداريتنه وحرمت نفسك من الزواج ومعشت شبابك وجنت تقصر على نفسك ومتقصر علينه والاهم من هذا كله مفد يوم خفن منك بكل وكت انت النه صديق وام واب واخ الكل يحسدنه عليك
الاب...كبرتي وكمتي تحجين بثقه مثل شمس
نور....انت الي زرعة الثقه بي وخليتني اوكف بوجه كلشي يصادفني ........عدي حظ رغم امي ماتت بس الحمد الله عدي هيج اب حنون
شمس....بعد الي صار بين نور وسرمد ضجت منه بس هو كعد ويايه واعتذر مني
سرمد....انتي مرت اخويه وعزيزه عليه وهذاك اليوم حجيت حجي ماكو عاقل يحجي يمكن من الصدمه اتمنه تنسين هذاك اليوم والي صار بي اذا مو الخاطري الخاطر حسن ادري جرحتج وجرحت نور
شمس...صدكني انت جرحتني حيل بس نور اقو من انو يهزها هيج موقف بعدك متعرفها قويه حيل اكثر متتصور
سرمد...حطي نفسج بمكان كم شهر علاقه وجنه ناوين نزوج واني ما ادري بيها انصدمت مو بيدي
شمس...الي فات مات وانت اخويه هسه بس الي اريده منك تعوف نور بحالها كافي الي جره من وراك
سرمد...صار بس اريد اعرف شنو السبب بلي هيه بي
شمس....نور من جانت صغيره متعلقه بامي كولش جانت صف ثاني ابتدائي تريد تطلع بشارع تبجي وهيه حلوه امي تخاف عليها تكول دنيا كولشي بيها بقت تبجي يم امي وامي تشتغل على الطباخ طك الطباخ عليهم امي احتركت وماتت وره3ايام ونور احترك نص جسمها من جهت اليمنه من بطنها وايدها وركبتها وجها شافت الموت الوجع ميجرعه الجبير شحال الصغير
سرمد...متستاهل الي صار ولا تستاهل الي شافته مني
شمس...سرمد تتوقع الي هي وطفله تحملت وجع الحرك وشلون يصلخونها يوميه مراح تكدر تتحمل وجع كلب وهيه جبيره واعيه....صدكني نور اقوه من هذا الشي اختي واعرفها لاتهتم انسه الي صار
سرمد....الحجي وي شمس اذاني اكثر وحسيت بنفسي شكد اني سخيف وتفكيري متخلف
نور...خلصت العطله ورجعنه نداوم كمت مرات اشوف سرمد وياه بنيه ما اديرله بال.....
كل ما اروح لرسل اشوف هذا الولد الحلو اسمر طويل مربي شوارب وسكسوكه جسمه مرتب بس شكله ما ادري وين شايفته....
رسل...اكولج نور....هذا بس يباوع عليج
نور....منو
رسل....شبيج هذا كرم الحلو الي بشعبتي
نور...لخاطر الله متعوفيني عايزه صدمه لخ بعدني مواكفه على حيلي لا هم ينصدم وينهزم
كرم...من داومت كليه واني اشوف بنيه من طب اسنان تجي للصيدله على بنيه ويانه اسمها رسل ما ادري ليش تعجبني هاي البنيه اكو شي يجذبني الها احس شايفها قبل اعرفها ما ادري مشبه عليها بس مجاي اذكر

(((رجع الضلع )))😂😂😂هله هله بضلع💃🏻