رواية ينبض بحبك فؤادي الفصل الثالث 3 - بقلم ام البنات

#ينبض_بحبك_فؤادي
بارت3 بقلمي ام البنات
نور....طلعت النتائج وطلعت معدل عالي ونقبلت طب اسنان جامعة بغدادورسل طلعت صيدله بغداد ويايه معدلها مو كولش عالي وهيه رادت يمي بغداد مرهمت بس صيدله ...بده الدوام وجانت اكو مفاجئه الي طلع سرمد هم جامعة بغداد بس هوه هندسه مدني....ممصدكه اول يوم فرحانه واني هنا علاقتنه كولش قوته وحجه ويايه بموضوع يخطبني ومهتميت لشكلي لان حسيت هو يحبني وتوقعت دره من حسن ومحب يحرجني بقينه نداوم فتره
سرمد....جنت ناوي اخطب نور لان علاقتنه قوت بس كالت على الاقل انت تخلص ميصير ثنينه ممتخرجين وبقينه
سوه
سرمد...ما ادري ليش نور مجلبه بهاي تسريحتها الصفح ولا تغيرها صح شعرها ثخين وحلو كولش بس مغطيه وجها كولش مجنت منتبه الها بس صار شهر ونص نداوم وهيه نفس التسريحه.....اكولج نوره عاجبني اشيلين شعرج ذيل حصان عالي
نور...ها ليش لاعفيه مو لهاي الدرجه ما اكدر
سرمد....شبيج شرايد منج عاجبني
نور....لازم يعجبني اول قبل لايعجبك عفته وكمت بداخلي شنويريد يضحك عليه الطلاب لو يستهزء
سرمد...هاي شبيها زعلت شكتلها قابل😑والله انتن النسوان متنعرفنه
نور....ثاني يوم طلعت الصبح بارده وهوه عالي وصلنه للكليه كلت اصالح سرمد دزيتله ما اتحمل زعلك نلتقي يم الكافتريه رحنه اني ورسل وصلنه للكافتريه طبينه دورت على سرمد ماكو انداريت لكيت ورايه ولازم ورده ابتسمت من شفتها
رسل...اعتقد ماله داعي وجودي انسحب احسن
نور...لا ابقي هسه نروح سوه عدي محاضره
سرمد....لعد امشو نطلع سوه
نور...طلعنه نمشي سرمد كال اوصلكم ماعدي محاضره هسه بس جيت من وكت علمودج دنمشي والهو عالي وصلنه للقسم دنريد نصعد وكفت احجي وي سرمد جان تكب هويه قويه طيرت شعري وبينت ركبتي وجهي نحرجت وغطيتها عادي بس سرمد نصدم ورجع ليوره كلت يمكن ممتوقع الحرك لهاي الدرجه
سرمد...نور بعيني احله بينه بدنيا ....دنسولف والهوه طير شعرها وطلعت ركبتها وجها مشوه فزيت ورجعت ليوره ممتوقع اشوف عيج شي تشوه كولش قوي بعدين عطت بيها.....شنو انتي اضحكين عليه
نور....بقيت مصدومه شبيك سرمد
سرمد....متحملت عفتها وطلعت من الكليه
رسل...متت من القهر على موقف نور متحملت نزلت دموعي
نور...بحياتي مكرهت شكلي بكد هاي الحضه متت قهر وخوف وصدمه وارتباك حسيت نفسي ضايعه نداريت على رسل وعيوني جمدت بيها الدموع حسيت اختنكت
رسل كعديني رجلي متشيلني
رسل....نوره ميدري يمكن نصدم حقه
نور...اي يمكن ميدري ....اني عبالي حسن حاجيله متوقعت ميدري....احجي ودموعي كامت تنزل من وحدها
رسل...احس بنور نصدمت اكثر من سرمد الموقف كولش صعب
نور....لازم احجي وياه لازم افهمه شنو السالفه خلي اخابره،..ادك على سرمد ميجاوبني واخر شي غلقه للتلفون كمت ابجي شسوي رسل كوليلي شلون اصرف
رسل...ما ادري عوفي هو يهده ويخابرج
نور....بقيت كاعده ساعه اريد استوعب شنو الي صار ردت اخابر حسن واذكرت اليوم شمس تروح عدهم
خلي اخابرها بس ترددت سديته وبقيت كاعده وبيومها مدخلنه محاضرات لا اني ولا رسل لساعه وحده بعد متحملت دكيت على شمس
شمس...ها نورايتي شلونج
نور...زينه انتي وين
شمس .....نوره فدوه لكلبلج تجين ويايه اختار الغرفه احب ذوقج
نور....حسيت بشمس فرحانه مردت اخرب فرحتها على الاقل خلي وحده بينه سعيده...اي تعاي...طبعاً نور سوت نقل لبغداد حسن سواها الها عده معارف وسهلوها لان ابويه تعب من الايجار هناك وحسن راد يخطب شمس واحنه حياتنه هناك عمتي لحت علينه الحمد الله الله سهل مع العلم مو سهل نقل الجامعه
شمس...نوره صوتج تعبان
نور..لاعادي بعدين نسولف مرولي هسه ماعدي محاضرات
رسل...اني راح ادخل اخر محاضره وانتي روحي وافتهمي منهم ارجع وي الخط
نور....اي عمه سعاد عدنه اليوم روحي وخلي اشوف تاليها وي سرمد شنو قصته
اجتي عليه شمس وحسن وافترينه على العرفه حسن اخذنه اكو معارض قريبه على بيتهم فترينه واختاريم غرفه وكال نرجع نتغده بلبيت كوه قبلنه اني تعبانه بس ردت اروح بلكي اشوفه وافتهم منه وطبعاً شمس كول شويه تسألني شبيج وشصاير كتلها مو وكتها بس نرجع احجيلج كولشي دخلنه لبيتهم تلكتنه اخت حسن ميس اصغر مني بسنتي كالت ماما دتسبح فوك هسه تجي بس حسن سرمد اجه وصاير عصبي نار وضل يركع بلغرفه
حسن...كعدو هسه اجي خلي اشوف هذا الخبل
سرمد...جنت كاعد احوص وصاير اعصاب وسمعت صوت حسن يحجي وي ميس طلعت وعيوني بكصتي لزمته من ياخته انت يسمونك اخ انت واحد متستحي
حسن...شبيك شصاير تخبلت
سرمد..... اي تخبلت من سوالفكم وافلامكم تخبلت اني اضحكون عليه
حسن...لك بابا متكلي شبيج احجيلي شصاير وياك
سرمد....شنو شصاير تردون تمشون المشوه براسي تردون تقشمروني بيها حتى انت يخلالك الجو وي شمس مفكرت بيه شلون راح اتحمل شكلها شلون راح اتقبلها مفكرت
حسن... اش اش اش ادخل جوه ونصي صوتك
سرمد...لا ما نصي صوتي ومالك علاقه بيه انت مفكرت بس بنفسك ضمنت الحلوه والكامله الك ورادت تمشي اختها براسي وقشمروك
حسن...كافي محد كلك انت ركضت وراها
سرمد...من شفتني هيج ليش مكتلي ليش منبهتني شمنتضر اخطبها واتورط
نور....سمعت كل الحجي متت من الخجل والمستحه شمس لزمت ايدي حيل
شمس...كومي خلي نروح
نور...لا اوكفي خلي اسمعه بعد شيحجي خلي اكرها حتى يطلع من كلبي
نزلت الام يمه شبيكم ياستار شنو هذا الصياح شصاير
حسن...ماكو شي سوالف ابنج التعبانه
شمس...الموقف حيل اذاني وحيدتي اختي هيه كل ما املك اغله شي عدي بقيت الوم بنفسي ليش جبتها نداريت على نور حلكها ابيض وجها ليمون نور نوره شبيج راساً وكعت حسننننننننن الحكلي
سرمد...فزيت من سمعت شمس بصاله متوقعت موجوده وركضنه على عيطتها نصدمت اكثر من شفت نور وياها
حسن...شلت نور وركضت للمستشفى بقينه يمها وخابرنه ابوها لحد متحسنت ورجعناها