رواية يوميات عائله شيخ (تكمله) الفصل السادس وأربعون 46 - بقلم am malak

شايف صليل #الليل؟..
                ولعضم مكسور🥀...
هيج انه# كلبي عليك💔
                   يلجمني ويفور☹

(ساعه 4 صبح  توني خلصته مميته نعاس وخايفه قسور يكعدلي ردت اعوفه عل باجر بس وعدتكم)

.....

عسل.جدي حجاله السالفه وختمهة ( الشيخ رائد اطاك الفصليه ) الكل يباوع للشيخ هوه باوع كال

الشيخ بضحك.صدك تحجي شهل شقه الثكيل فصليه شنو تره مما فهمت

ابو أسد.جدك كلك كل السالفه شنو المافهمته ليش

الشيخ.جي عقلي مو براسي رادد من الشغللل وحضي طايح هس انتو صدك تحجون يو تشاقون

الكل سكت

رسل.اني راح اصعد خاف جهال يردوني

عسل.توهة كامت رسل ولشيخ كام صاح رسل رجعت كعدت بسرعه

الشيخ.جديييي انت شتحجيي فصليةةة شنوو زواج شنووو جاا وين عاداتنه وتقاليدنةةة وشنو الشيخ رائد يدللل ويطيهة الي يعني والله شحجيي شكوللل

ام أسد.اغديك فدوه اهدء

الشيخ.يمةةة شهدء انه الدنية دايسه عل راسيي وانتوووو زدتوهة جاا ماكدرتتت تئجل الكعده لبين ما ارد وعساني لا رديتتت لو الله ياخذني هم انه ارتاح وهم انتووو ترتاحوننن

الجد.الحلل شنوو انه لو عدي حللل ما اقبل بهل شيبي

عسل.الشيخ باوع للبنيه تقدم عليهة ابا علهة البنيه ترجف من شافته

الشيخ بعصبيه. انتي بت منو

البنيه.بت ابو جلال

الشيخ.شلون اجيتي هنا وانتي محد عاقد عليج وفوكاهة لا اب ولا اخ وياج

البنيه..مو هوه اخوي كال ابو أسد والشيخ زينين

الشيخ.جااا اخوج العار بس صار زلمه ورفع سلاحه وكتل انسان داز اخته لبيت غريب ومحمد عاقد عليهة ا

ابو أسد.ابوهة سلمهة بيدنه وصارت بأمان يله اجت

الشيخ بصياح.وانةةة ياهيي رجلهةة ماتت شمرتوهة عل أسد ياهووو الطايح حضهة ويردون يستروهة شمرتوهةةة عل اصخام ياهيي زايده عل اهلهةةة حطيتوهة براسييي وبعديننن شسويلكمم اهج من البيت واخلصص

ام أسد.ولك يمه اصخام بوجهة فرفح وليدي

الشيخ.من عساااني متتتت وخلصتت من هل عيشةةةة لحلل هس شنوو انه مرتيي مريضه اخ يا الله شسوييي شلوننن

ابو أسد.مرتك مو بوعيهة

الشيخ.ان جانت بوعيهة يو لا ما اخذذ وحده غيرهةةة ولاتكولوننن مو بوعيهةةة خوششش

الجد.بس أعقد وخل البت بغرفه بحددهة

الشيخ بصياح وعصبيه.ما ازوج انةةة ما اخلييي وحده ثانيه عل ذمتيييي غيرر مرتي وبسسس افهموو انه احجي عرربيييي ترا كومي ارجعهة وشيصير خل يصيرررر

ابو أسد.ولوادم واحد يكتل الثاني تدري اهل محمد ميسكتون

الشيخ بصياح.انعلل والدي ليحجي شنيي مالهم ردادد ولا جبيرررر

الجد.مو وكت هل حجي يسايروك وكلولك مانسوي شي وبرا ضهرك يلعبون لعب وتكبر السالفه

عسل. الشيخ يصيح وخال ايده عل كَلبه طبعا هوه من كد ما يعصب جانت تكول هوس كَلبه يضل يوجعه حت دكتور رايح كاله من العصبيه

ام أسد.يمه بس اكعد واهدء راح تموتتتت

الشيخ..إنشالله واخلصص

عسل.توني نتبهت عل هوس يممه وجهة اصفر وتبجي وتفرك برااسهة هوس شبيج

هوس بجي.راسي راح اموت مدري شبيه

عسل.كامت هوس رادت تطلع وكعت لشيخ جان واكف يصيح شافهة اجه بسرعه نزل للكاع يمهة

الشيخ.ول بويه شبيجج هوس حبيبتي ماي بسرعه

الجده.سوده بوجهي يجده

عسل.قسور جاب المي رشيت عل وجهة شوي وكعدت

الشيخ.شبيج ابنيتي

عسل.ضلت تبجي ولازمه ايدي وراسهة بحضن الشيخ شالهة

الشيخ.تعاي عسل

عسل.طببهة بغرفت جده فتت وسديت لباب خلاهة عل سرير وكعد يمهة

هوس.عسل تعاي يمي

عسل.اجيت كعدت يمهة بقينه ساكتين رجعت تبجي والشيخ يريد يفهم شكو صدمتنه من طلبت منه

هوس.عادي احضنك

عسل.الشيخ نصدم نوب بتسم وفتح ايده وهيه حضنته وضلت تبجي

الشيخ.اش اش عمري لاتبجين

هوس.راسي يوجعني

الشيخ يفرك براسهة.هس يصير زين بس لاتبجين

عسل.ردت اكومم اطلع عيب بس هيه لازمت ايدي والشيخ ئشرلي ابقه

هوس.اكول اسد

الشيخ تنهد وبتسم.كولي يابه

هوس.راح تزوج

الشيخ وخر راسهة راسهة من صدره وباوع لعيونهة.ترديني ازوج

هوس.ما ادري انت بككيفك

الشيخ.لا شغلين بالج انه عل وعد

هوس .بس اريدك تتزوج كول ليش

الشيخ.ها ليش

هوس.ليئن عجبني فستان شوفته اليه شمس هواي حلوو اريد اشتري والبسه

الشيخ.شرايجج ازوجج وتلبسي

هوس.يااا ما اريد اصير عروس شبيك

الشيخ تنهد.عود انه اشتريلج ايا

عسل.دقايق ونامت باس خده وخلاهة عل فراش وكام باوعلي

الشيخ.عسل ديري بالج عليهة تره من الضغط اليصير والصياح ويمكن هس جاي تجيهة ذكريات وبسبب المشاكل الجاي صير متركز

عسل.انشالله بعيوني باوعلهة وطلع اوفف شوكت ترتاحون بتسمت اشوفهة لازمه ايدي بقوه فتحت ايدهة عل كيف وكمت سديت ضوه وطلعت وينهم

رسل.فاتو للستقبال الشيخ كلهم

عسل.اي احسن هوس نامت

رسل.شلون صارت

عسل.اوف عل الله

رسل.خل اروح انوم هموسه

عسل.طب قسور انت وين طفرت

قسور.ها ولج قامة القيامه لو لا

عسل. اي عرف وصارت هوسه

قسور.رحنه برجلين يحضي

عسل.راح طب يمهم كمت عاد فتت يمهم وكعدت يحجون بهدوء

الشيخ.يعني شلون هس انه شسوي

الجد.اعقد عل البنيه

الشيخ.يعني ماكووو غيريي

الجد.المننن اطيهةة ماتريدهةة منو ياخذهةةة احجوو

قسور.انت اخذهة

شاهين.قسورر

الشيخ.خوش

ابو أسد.شنو خوش تعقد يو لا

الشيخ.انتو مو تردوني أعقد ماشي أعقد وافضهة

عسل.كام الشيخ وصعد فوك 

الجد.كوم قسور جيب السيد

قسور.خاف يشاقه وياكم

ابو أسد.شبيك شقه شنو

قسور.والله انتو مدري شحجي وياكم كايم يا سيد اجيب

الجد.سيد....

عسل.طلع قسور واني صافنه هاي صدك عود يعني صارت صدك كمت وعفتهم احس صرت نارر من العصبيه

رسل.شكو

عسل.لج راح قسور يجيب السيد الشيخ قبل

رسل.عزاا بعيني صدك تحجين لو تشاقين

عسل.ولج شقه شنو وين البنيه

رسل.صعدتهة بغرفت قسور القديمه

عسل.راح اصعد اشوفهة واخذ غيث وياي ليث نايم من يكعد صيحيني

رسل.ماشي

عسل.جاي اصعد اجه احمد وأمير وجاسر سلمت وصعدت صدك صادق وين طفر شو مشفته دكيت لباب

تفضل

عسل.هلو

هلو

عسل.كعدت يمهة معرفت اسمج

عبير

عسل.ها عاشت الاسامي

عبير.وانتي مرت منو

عسل .اني عسل مرت قسور اصغرهم

عبير.موجود جوه

عسل.لا طالع هس اجه

عبير.اكلج اني منو راح يعقد عليه

عسل.اوفف

عبير.شبيج

عسل.مابيه شي بس يمكن الشيخ

عبير.منو منهم الي ضل يصيح مو

عسل.اي

عبير .باعي اكلج شي بس لاتاخذيهة بغير نضره

عسل.اي كولي

عبير.الشيخ بس سامعه عنه ومن كلولي فصليه بلبدايه ضليت ابجي بس من عرفت هوه هدئت نوب اخوي الصغير كال اصلن هنيالج اذا اخذتي صاك ويخبل

عسل.بس تره هوه مزوج وعل حب همات وعده تلاث اطفال ويعشق مرته إلى درجه

عبير.اي اعرف بس والله شكله ورغم عصبيته صح تخوف بس الواحد غصب عنه ينجذب اله

عسل من يمي كَلبي حتركك.الله لايوفقك جليل

عبير.شنو

عسل.ماكو شي

عبير.اكلج هوه وافق

عسل .اي 🔪

عبير.اخر سؤال مرته الوكعت مو

عسل.امم

عبير.حلوه بس ناعمه يعني فرق جبير بيهم

عسل.وهوه الاحله يله اني انزل

عبير. ليش ابقي

عسل.لا بس غيوث جاع كمت طلعت جاي أسد لباب اشوفهة صافنه ومبتسمه عفتهة ونزلت اخخ اخ شسوي هس تف عليك جلال الله يصخم عيشتك كون الخايس

ريم.عسيلةةة

عسل.خليت ايدي عل كَلبي وجع كون وكفتي كَلبي هاا

ريم.وجع الوجعج تعاي ولج  صالي ساعه ادور عليج وين جنتي

عسل.انتي شجابج

ريم.تونه اجينه اكلج شفتي البنيه

عسل.ايي ريم لزمتني وطببتني بغرفت البنات جانت موجوده اسيل وملك هلو ولكم

اسيل.هله بيج وين جنتي

عسل.يم البنيه

ريم.مو كتلجن المحقق كونان راح يستفسر

عسل ضربتهة. انجبي غبيه

ملك.شلونهة البنيه حبابه لو لا

عسل.مدري ما اريد احكم من هيه

اسيل.شسمهة

عسل.عبير

ريم.امممم ا

اسيل.انجبي انتي لاتاخذين غيبتهة وبعدج متعرفيهة

ريم. وسم شحجيت امداج

عسل.كافي بس خرب موتني اكوم انزل احسلي نوب مو نايمين جهالجن هنا وانتن تصيحن

اسيل.هاي لعرمه ريم

ريم.انجبي

عسل.شلت غيث ونهزمت من مشاكلهن نزلت خليت غيث يم عمه وفتت للمطبخ اجت دلال هله عمري شلونج

دلال.هله بيج حبيبتي شلونج

عسل.عل الله بقينه نحجي

دلال.شلون سالفه ولا يرتاح الشيخ خطيه

عسل.الله ييريحهم اجه قسور ويا السيد صعد للشيخ شوي ونزل الشيخ وكف بصاله البنات نزلن رسل صعدت جيب عبير

الشيخ.خير جدي

ابو أسد.السيد بلستقبال حت تعقد

الشيخ.ها هيج صارت

الجد.شني شصارت شبيك

الشيخ.والله يجدي جنك نسيت شغله

الجد.شني

الشيخ.زيارة الاربعينيه توها خلصت شلون تريدني ازوج واحنهه حزينين

الجد.بس عقد

الشيخ.افاا جدده مو تكولين بشهر صفر فال موزين موزين واحد يعرس

الجده.اي والله

الشيخ.هنوب بعد كم يوم وفاة الرسول ((ص)) شني جا احنه مسلمين يو لا

جاسر.هوه الصح عاش لسانك شيخ

عسل.جدي سكت محجه شي

احمد.جا هس شنسوي

الشيخ.خل يخلص شهر صفر

ابو أسد.والبت اخذناهة من اهلهة

الشيخ.اهلهة لو يخافون عليهة جا ماطوهة بدون عقد لاتخاف ميسئلون

نزلت رسل وعبير الشيخ كلهة بدون ميباوع عليهة حت بس احسه عصب

الشيخ.ردي لغرفتج

عبير.ليش لعد منعقد

عسل.يمه صدمةةةة من يمي فد خجلت وفشلت تحجي عادي وتباوعله

الشيخ.انه الاقرر رسل خل البت تصعد وها لحضه انتي حاليا خطار عد الشيخ أبو محمد وئشر عل جدي لتزمي يله انه اترخص عدي شغله

عسل.عافنه وطلع واحد يباوع بوجه الثاني

الجد.قسور ودي السيد بيته

قسور..قسور ودي قسور جيب والله ادري مراح يعقد بس جبته حرامات خسرت بانزين

عسل.طلعو الولد كلهم كعدنه بصاله عمه ام أسد وأم اسر فاتن للغرفه اخذن جده تعبت

هوس.بنات

رسل.شوكت كعدتي

هوس.هسه وين هموسه ها ملك ريم هنا

ريم.وي ولج مشتاقتلج

هوس.اني هم شخبارج ولج

ملك.تمام انتي شلونج

هوس.تمام

رسل .همس نايمه بغرفت عمي وعمتي

هوس.ها زين

عسل.كعدت يمنه صارت بصف عبير

عبير.مرحبا اني عبير فصليه الشيخ اسد

هوس.هلو حبيبتي تشرفنه

عبير.اليه الشرف

رسل.يي عرفينه عل نفسج

عبير.اني عمري ٢٩ سنه

ريم.اصغر من الشيخ ب ٤ سنوات

عبير.يي احنه تلاث خوات وأربع ولد حلمي جان انو ازوج ويصير ويحبني واوو شكد خليت افكار ومخططات لشررك حياتي بس اجن فيتت الشيخ يعني جميل ههههه

ريم بهمس.بده تحترك اعصابي

عسل.ريم

ريم.وجع تحجي بوقاحه عاد اول يوم الهة خل تخجل تستحي حت لو تتصنع

رسل.الله كريم

عبير.انتي مرت اسر

ملك.اي

عبير.اعرفه مره اجه عدنه بشغله وشفته تدرين اول مشفته نصدمت

ملك.ليش

عبير.يشبه يمان

ملك.شنو

عبير.يمان بطل مسلسل تركي وداعت ابوي عبالي هوه حت مرت اخوي شافته ونوب شوفتهة صورت الممثل كال اي والله صدك بس رجلج عيونه اكبر

ريم.مفصلته تفصال

عبير.هههه لا بس اني قويه الملاحض

رسل كرصت ريم.اش عوفيهة

دلال.ريم

عبير.صدك اكول هوه الشيخ شعجب مزوج وحده

ملك.ليش لعد شكد يزوج

عبير.هههه احنه ولد عمي كلهم مزوجين ثنين تلاثه وعود شكلهم طبيعي بس الشيخ شكل ومال وجاه يعني ستغربت شعجب

ريم.احنه بعلكس عدنه رجال يحب مرته ويحترمهة ويكتفي بوحده هوه مو طمع يعني لعنده فلوس يزوج اكثر تخلف هاذ حبي زلمنه ميحبون التعدداد بزوجات

عبير.ليش عصبتي

ريم.لا عيوني ما عصبت بس اني هيج هاي مجرد نقاش

عبير.شلون الشيخ راح يزوج الثاني إذا عدكم رجال يزوج بس وحده

عسل.اكلج تره تره رفض وعصب كدامج وحت راد يرجعج لاهلج لاهلج جدي سكت حت اخوانج الزلم مايموتون

عبير.تره مو قصدي احسجن ضجتن مني بس اني طبيعتي احجي صراحه

هوس.فرق جبير جبير صراحه والوقاحه عيب هل حجي وبعدين الشيخ ممزوج

عبير.ههههه ول انتي اصلن شتفهميني كلشي ماكو ما احجي وياج احسن

ريم.احترمي نفسج والله تره اكوملج

اسيل.لاتتجاوزين عبير

عبير.شبيكم اشاقه

رسل.شقاج ثكيل

دلال.كافي بنات بنات لموضوع

عسل.كعدت ملاك كمت وعفتهن غسلتلهة وين صادق

ملاك.احح

أسد.عمه صادق بلباب

عسل.فدوه اخذهة يمه

أسد.خوش تعاي

عسل .وطن اخوك وين

وطن.بلباب كاعد

عسل.اكعدو يم صادق لاترحون لاترحون

وطن.اي بس اشرب ماي

عسل.يله حباب لليل صبينه عشه لبنات راحن 

ام أسد.يمه رسل صعدي صيحي البنيه خل تججي  تتعشه

الشيخ.خويه صعديلهة العشه فوك

الجده.اسد لا عصبيتك تضلم

الشيخ.ضلميش بس البت غريبه واحنه هنا زلم شلون تكعد يمنه