سلام شلونكم اسفه عل تأخير بس أحداث مو كولشي هواي وبلاضافه ماعندي وقت بس احاول اتفرغ
قرائه ممتعه.
....
عسل.مر يوم عادي هدوء ثاني يوم كعدت صبح غسلت وبدلت كعدت قسور قسورر
قسور.اشش
عسل.قسور اكعد باوع
قسور.خير خير
عسل.راح انزل عينك عل جهال بس كعدون صيحني هزيته من جتفه تسمعنييي
قسور.خايبةةة ايي جا اطرش بس عوفيني انام رحمه لجدج
عسل.اوفف عفته ونزلت جانت هوس كاعده بصاله يمهة همس وطن وسند صباح الخير
هوس.صباح النور
عسل.شنو شو وحدج
هوس.راحو لبيت عمو ابو اسر
عسل.هاا تتريكَين
هوس.اي بس جهال متريكَين
عسل.تمام راح اسوي ونكعد بلحديقه
هوس.وين قسور لعد
عسل.فوك نايم ماعنده دوام ليوم كمت اسوي ريوك جهال يباوعون عتلفزيون وهموسه يمهم خليتوهة وطن عينك هل همس
وطن.خوش
عسل.كعدنه بلحديقه هوس
هوس.هاا
عسل.هم تجيج افكار يعني تذكرين اشياء
هوس صفنت.شدراج
عسل.شنو يعني تجيج افكار ذكريات لو شنو
هوس.مدري بس مرات ااتخيل شي عبالك قبل صاير وياي بس ما افتهم
عسل.مثل شنو
هوس.من اجت عبير اجه بالي شخص ما اعرفه اي واني بيت ناس هم اني فصليه وايدي شوي نجرحت هناك هيج شي حت مرات احس اتحلم واني كاعده ههههه
عسل.حلو
هوس.شنو الحلو
عسل.ماكو شي بس اي شي يجي بالج كوليلي
هوس.تمام عسل اكلج شي
عسل.كولي
هوس بجت.مرات اتخيل أسد يعني وكانو بينه شي نطلع ونحجي ونفس الغرفه
عسل.اش ليش تبجين
هوس.حرام هيج افكر بس صدكيني هنه يجن بالي
عسل.عادي هوس انتي ناسيه هواي اشياء
هوس.شنو مفهمت
عسل.اقصد ابقي فكري هيج بس لاضغطين عل نفسج
هوس.ماشي
عسل.كملت ريوك باعي راح غسل مواعين وانتي صعدي نضفي غرفت الشيخ
هوس.شنوو اني ليش
عسل.شبيج تعبت ومبيه حبابه لخاطري
هوس.بس وين هوه
عسل.طالع يكعد من الصبح هوه يله روحي اخذي منا التحتاجي واصعدي نضفي
هوس.بس ما اندل غرفته
عسل.كدام الصاله راحت صعدت سويت الكاله الشيخ اليه كملت يووو نسيت عبير
رسل.صباح الخير
عسل.صباح النور
رسل.ليش مكعدتيني متاخره ليوم
عسل.شعندج كاعده ما عدنه شي ليوم همات يتغدون يم اهلج يعني بس احنه هنا
رسل.هاا وين هوس
عسل.هس تجي خل اصعد اشوف عبير
رسل. عسللل بدون مشاكل
عسل.وجع اي صعدت دكيت لباب
عبير.هله صباح الخير
عسل.صباح النور اجيت اشوفج اذا تردين ريوك نزلي محد اكو
عبير.ها ماشي بس لحضه
عسل.لبست شالهة وطلعت نزلي انتي رسل جوه اني راح اشوف جهال
عبير.براحتج
عسل.رحت للغرفه جهال كاعدين وملاك نازله من سريرهة وفاتحه ثلاجه وقسور نايم اخخ عود كتله عينك عليهم راح انزل ملاك شسوين حتركت عشيرتج
قسور.اييييي عفيه عشيرتهة وشيخهة مووو
عسل.يمه فززتني شبيك
قسور.خوش تحركين عشيرتنه تردين مو
عسل.هاي الكلمه سمعتهة بس من جهال كعدو وملاك لاعبه لعب بلغرفه مسمعت
قسور.شو اسكتي يله
عسل.انته اخ انته اخخخ شبيك
قسور شمر المخده.وجع تردين نتعارك من الصبح
عسل.اسكت احسلي هاك خلي بنتك يمك
غسلت لغيث وليث ونوب ملاك يله راح انزلهم جيب ملاك وتعال
قسور.سدي لباب وراج تعاي همه مو نامو
عسل.اي اخليهم بغرفت عمي خاف يكعدون انت مو امان
قسور.يله برا برا
عسل.نزلت خليتهم بلغرفه وطلعت عبير بلمطبخ واكفه وهوس عل طباخ بس صافنه شسوين هوس
هوس.اسوي ريوك
عسل.المن
عبير.تسويلي ريوك
عسل.عوفي اني اسوي
هوس.لا انتي تعبتي عادي اني اسوي ولبنيه بعدهة جديده
عبير.حبيبتي اني انشالله اصير من هل بيت منهم وبيهم
عسل.بله هاي شحاجيهة خلصت هوس واطتهة الصينيه كعدت عل ميز شوي ونزل قسور وملاك
قسور.صباحكم ملاكي عسو احم
عسل.ها قسور
قسور.سويلي ريوك راح اكعد بصاله
عبير. تعال تريك هاذ ريوك عادي تره اني ما استحي هههه اجتماعيه
عسل.يمه باوعت لقسور بس لا يذبله حجايه ئشرلتهة يسكت بس وينن يسكت
قسور.بابا ملاك اكو فرق جبير بين الاجتماعيه وبين قليلت الحياء والخجل يله عسوله راح نكعد بصاله
عسل.اي
عبير.شبي زوج تره جنت اشاقه
هوس.حت هوه يحب يشاقه عادي
عسل.بجه غيث
هوس.روحي اني اسويله
عسل.لا انتي روحي لغيث اني اسوي
هوس.داكلج اني اسوي روحي
عسل.تمام وين رسل
هوس.تنضف الديوان
عسل.اهوو رحت شلت غيث وطلعت للصاله لا يكعد ليث اش ماما
قسور.جا وين ريوك
عسل.هس هوس سويلك صدُك شوي واجت هوس
قسور.عاشت ايدج يابه
هوس.بلعافيه
قسور.صايره عاقله
هوس.شنو
قسور.مو وياج مو وياج
عسل.تريك قسور اني كمت للمطبخ صارت ١٢ ونص صلينه وكملنه محد اكو بس قسور
رسل.تريد هسه غده
قسور.لا يابه مو هسه بعد وكت
رسل.عسل راح اصعد اغير ملابسي واجي عينج عل ناي فدوه
عسل.تمام هوس اخذت همس وفاتت للغرفه مدري شبيهة
سند.اكلج انتي منو
عبير.اني
سند.اي
عبير.فصليه
سند.يعني شنو
أسد.يعني اهلهة مسوين شي غلط ويه واحد واهذوهة يسدون لغلط موو
قسور.ذكي عل عمك حبيبي
عبير.صح
سند.يعني تبقين يمنه هيج
قسور.ابوك يزوجهة شتكول انته
سند.صدك
عبير.اي عادي اصلن اني احبكم
سند.بس احنه منقبل ابد ابوي يحب هوس الحلوه وميزوجج ابد ابد
عبير.لا لازم يزوجني ميصير
سند.شنو بكيفج ميزوجج ابد مو وطن
وطن.اي هاي تحجي بكيفهة معليك
قسور.سبع
عسل.قسور
قسور.انه رايح للستقبال اكعد
عسل.مر اليوم عادي بهدوء بس العصر فزيت عل جهازي الشيخ الو
الشيخ.ها يابه نايمه
عسل.اا لا منايمه تفضل شيخ
الشيخ.انه بلباب هوس صعدت للغرفه اليوم
عسل.ايي مثل مكتلي
الشيخ.عفيه عليج خليهة هس تصعد للغرفه مفهوم
عسل.اي ماشي سمعت صوت بغرفت لشيخ يله شيخ اروح اني سديته وكمت طلعت لكَيت هوس واكفه باب لغرفه مالته وبصفهة عبير شكو
هوس.شبيج
عبير.تفوت لغرفه مو الهة تره عيبب
هوس.بس وكع السوار مالي من جنت انضفهة واجيت اخذه
عبير.لازم تستأذنين من الشيخ نوب تفوتيننن
عسل.شبيج عبير لاصيحين وتكبرين سالفة بكيفهة تدخل متخدل مو بكيفج
عبير.شحجيتتت تره لغرفه مو الهةة عيبب عليهة تمام نوب شوفييي شسوت بيه خرمش ايدي
هوس.انتي ضربتيني واني دفعتج
عبير.انجبييي
قسور. جبابه جبت الخلفوج شهل صوتتت
عبير.اسفه بس هايي استفزتني
قسور.اول شي عدهة اسم مو هايي ثاني شي من تحجين صوتج نصي انتي ما كاعده بشارع
هوس.اني والله مقصدي شي
عبير.جذابه هيه ا
قسور.لسانج لج انتي شعليجج براحتهة شوكت متفوت تفوت
عبير.اني بس ح
قسور.كافي يله بس روحي لغرفتج يله
عسل.راحت لغرفتهة
قسور.وانتي بطلي فهاوه لادكج دك بلحزام كادره بس عل المسكين
هوس.يا مسكين
قسور.جدج طبي جيبي سوارج طبي
عسل.طبت هوس باوعلي
قسور.ذيج بعير مدري عبير من تطلع من غرفتي لقديمه اريدج ترشين ديتول +مبيد حشرات
عسل.عافني فات للغرفه شال غيث وليث ونزلهم ونزل ضحكت خرب يومك فتت وره هوس لكيتهة واكفه شبيج
هوس.راسي راح ينفجر
عسل.ليش
هوس. اذكر اشياء بهل غرفه بس لصوره مو واضحه
عسل.هوس معليج بعبير اريدج كل يوم تفوتين لهل غرفه
هوس.ليش
عسل.احسن حت نعرف شنو هل افكار الي تجيج تمام
هوس.لا عيب افوت خاف أسد ميقبل
عسل.لا يقبل معليج انتي كل يوم تعاي نضفيهة ماشي
هوس.بس اني يمته ارجع لاهلي
عسل.مو هسه حبابه اني تعبانه من جهال وعدنه خطار خاف يجون اريدج ساعديني اني ورسل
هوس.ماشي
عسل.يله اني راح اطلع ماشي
هوس.اجي وياج
عسل.لج لا لطلعين
هوس.ليش
عسل.شسممه هوه عندي سالفه وياج ابقي هنا اصلن هس اجي لاطلعين حبابه عفتهة وطلعت دزيت رساله للشيخ هوس فوك
قسور.عسللللل
عسل. هاا قسور
قسور.تعاي نزلي وينجج
عسل.هفف ميحجي اله انزلل جيتت اجيتت نزلت بسرعه شكوو
قسور.جيبلي السويج ونزلي يم جهال
عسل.جان كتلي يعني اله تخليني انزل يله تحجي
قسور.ديله وين ددازج انه يله
عسل.ا
الشيخ.السلام عليكم
عليكم السلام
الشيخ.صوتكم عالي
قسور.اعذرنه ازعجناك
الشيخ.😒 عافه وصعد
قسور.وين مستعجلل
عسل.قسورر شعليك
قسور.وانتي صايره مصلحه اجتماعيه
عسل.ها راح اجيبلك السويج
قسور .نهزمي هاا خيرر
سند.صوتك عالي
عسل.عفته وصعدت اخذت لسويج وشمرته اله من فوك ضل يدردم
قسور.نسوان عجوزيه كومو وياي عسللل راح اخذ سند وطن واسد وياييي
عسل.ويننن ما خذهمممم طبعا اني فوك وهوه جوه
قسور.لبيت عمي ابو اسر نزلي يم جهال نايمين و اخذي همس
عسل.اجيتت اله ينزلني وينهةة
قسور.هاا ااخذتهة رسل قبل شوي
عسل.ليش نزلتنيي
قسور.شبيج تعاي سدي لباب براي
عسل.عفته وصعدت خبيث
عبير.لحضه
عسل.نعم
عبير.هوس يم الشيخ
عسل. اي ليش اكو غلط بلموضوع
عبير.لا بس
عسل.اسمعي حبيبتي هوس مرت الشيخ ولغرفه هاي مالتهة يعني لاسوين مشاكل
عبير.شنو مشاكل شنو شمسويه
عسل.ليش تكليله لاتفوتين اله تكولين للشيخ تره صح هيه ناسيه بس احنه مناسين هيه مرته وكِ عفتهة ورحت للغرفه يله ملوكه يله ننزل نزلت هااا سند شو ما رحت
سند.عافوني
عسل.ليش
سند.مو كتله ما اروح جنت اباوع عتلفزيون وطفت هسه كهرباء
عسل.هس شلون
سند.مدري اروح وحدي تره اندل
عسل.انجب هس اخابر قسور
سند.مو خاف ميقبل
عسل.ها قسور
قسور.ها
عسل.تعال اخذ سند الله عليك طفت لكهرباء
وضاج
قسور.اي مو انه اشتغل عدكم كتله تعال ما قبل
عسل.شبيك خطيه
قسور.كلهة خطيه بس انه لاا ابو هنا خل يجيبه
عسل.الشيخ ميطلع يله ارجع اخذه
قسور.روحي هسه شوي واجي
عسل.وكِ
سند.هاا
عسل.هس يجي ليث كعد
سند.تؤ نايم باعي راح اطلع بلباب اوكف
عسل.لاتروح بعيد
سند.اي خوش
رسل.هوس وين لعد
عسل.خرب فززتيني
رسل.ههههه وين هوس
عسل.فوك والشيخ اجه
رسل.اممم فتهمت لزمي همس حبابه خل اغسل ل ايمن
عسل.جيبيهة
هوس.عسل
عسل.هاا شوكت نزلتي
هوس.هسه
عسل.شبيج
هوس.ها مابيه شي
عسل.ممم
هوس.اطيني همس بعد تبقه يمي
عسل.ليش
هوس بضحكه.راح اصير امهة بعد
عسل.شنو مفهمت
هوس.باعي هوه أسد كالي اهل وطن وسند وهمس مو هنا امهم مريضه هواي وناسيتهم يعني يمكن فاقده ذاكره قترح عليه انو اني اصير امهم ليئن امهم تشبهني شوفي هوه كال مو تشبهني بشكل لا تصرفات وهيج وهمس تحبني فتهمتي
عسل.اي وبعد
هوس.وكال انو أهلهم قصتهم حلوه كتله احجيلي كلي كل يوم احجيلج عنهم ليئن اني صار عندي فضول اعرفهم
عسل.اي احسن
هوس.حت كال هوه أسد راح يعنبرهم اطفاله لج يصحوله يابه
عسل.منو يصيحله
هوس.سمعت وطن كاله يابه
عسل.اي متعودين عل الشيخ يمكن
هوس.اي خطيه وبليل سند وطن ينامون فوك يمه وهمس جوه يمي
عسل.عفيه عليج
هوس.اي ليئن كال رسل عدهة جهال وعسل همات خطيه ميلحكن فأنتي ابقي يمهم
عسل.يي وهموس تحبج يمته يحجيلج قصت أهلهم
هوس.وره العشه وباجر
عسل.زين فتحت تلفزيون لملاك وطلعت وره سند هاذ ميكعد فتحت لباب اباوع وينه هاذ عزاا بعينك سنيد فتت للستقبال باوعت بلكامرات ماكو وينه
رسل.ابنج كعدد
عسل.ايي اوكفي وينه هاذ
رسل.منو
عسل.سند كال راح اكعد بلباب بس ماكو
رسل.عزا بعيني لج هاذ ميكعد
عسل.طلعي شوفي حبابه خل اشوف ليث يله لا ينزل الشيخ
رسل.اخ منج عسل اخ
عسل.رحت شلت ليث فضحنه وطلعت وره رسل واكفه ليش مدي راسج
رسل.لج خاف يجي واحد من الولد يطيحون حضنه
عسل.لج بس شوفي هااا
رسل.ماكوو شلونن
عسل.ش
قسور.شسون هنا
رسل.خرب فززتني عبالي شاهين
قسور.شسون بلباب
عسل.سند طلع قسور روح شوفه فدوه
قسور.وين طلع انه اجبت ما شفته برا
رسل.دطلع حباب شوفه
قسور.لاطلعن انتن هس اجي
عسل.اي
قسور.دفوتنننن
عسل.تعاي رسل
رسل.شبي هاذ معصب
عسل.شدراني شوي وطب قسور هاا
قسور.انعل يومكم شلون تخلو يطلع وحده مو تدرن بيي مايكعدد ماكوو دورت عليه ماكو حت عل شارع ماكوو
هوس.شكو
قسور.سلامتج خيه رجعي لغرفتج وله اكلج امشي صيحي رجلج
هوس.شنو
قسور.اوفف ربي صيحي الشيخ بسرعه
يله هوس تحركييي
هوس.اي اي
عسل.دقايق ونزل الشيخ
الشيخ.خير شكوو
قسور.تعال شوف بله شو سند ماكو علساس يكعد بلباب ويمكن مشه
الشيخ عقد حواجبه.وين مشه صدك تحجي
عسل.طلعو الشيخ وقسور
هوس.عزاا وين راح ليش خليتو يطلع
عسل.شدراني كتله اكعد بلباب لاتروح بعيد
هوس.هس شلون لعد وطن وين
عسل.اخذه قسور ويا لبيت عمو ابو اسر هوه واسد ابن شاهين
رسل.هس بلكي يلكَو وين يروح قابل
عسل.هفف تأخرو هواي ساعتين وماكو
هوس.اطلع اشوفهم وين
رسل.كعدي عفيه لايصير شي كعدي
هوس.عفيه هاذ امانه يمنه ما اروح بعيد من الباب
عسل.طلعت هوس طلعت وياهة فتحت لباب باوعت
هوس.محد اكو
عسل.طبكت سياره ونزل منهة
هوس.رمماحح
عسل.باوعت عزا اي هوه رجعت صرت وره لباب بس لحضه هوس ذكرته شلونن
رماح.سلام عليكم
هوس.وعليكم السلام ه هاذ ا انته
رماح.اجيت بوقت غلط
هوس.صفنت
عسل حجيت.لا اخي هله بيك
رماح.هله بيج خيتي الشيخ هنا شلونج ام وطن
هوس.شنو
عسل.كرصت هوس وغمزتلهة
هوس.اه تمام تمام الشيخ طلع توه
رماح.هاا عشق سلم عليج
هوس.الله يس
الشيخ.خير يابه ها هله والله
رماح.هله بيك ابو وطن شلونكك مشتاقين
الشيخ .عل الله احنه الأكثر طبي
عسل.جريت هوس الصافنه تعاي ولج
هوس.هاذ رماح
عسل.وين تعرفي
هوس.اذكرت
عسل.شنو
هوس.الشيخ حجالي من صعدت فوك عل اهل الجهال كلي راحت امهم فصليه وهيج نوب ذكرت كولشي اني لرحت فصليه اي بس بس ليش جنت ناسيه مجاي افهم واذا اني فصليه شلون رجعت
عسل .اش اش راسج راح يضل يوجعج
هوس.احب أسد قبل لا اروح فصليه اذكر كولشي جان بيناتنه علاقه واحد يحب ثاني اذكر اذكر
عسل.اش شوفي راسج ضل يوجعج هس يطب الشيخ ويفهمجج بس اهدي تعاي
رسل.هاا لكو شبيج هوس
هوس.اريدد انامم
عسل.تعاي بغرفت عمو عافتنه وفاتت رجعت اخذت همس وراحت للغرفه
رسل.شكو
عسل.رماح بره
رسل.يا رماح
عسل.الي اخذ هوس فصليه قبل
رسل.شجابه وهوس شبيهة
عسل.لج اذكرته
ادم.سلام عليكم
وعليكم السلام
رسل.سندد
ادم.لكيته بنهايت الشارع وانه بسياره شفته
عسل.عزا بعينك سند الشيخ طلع يدور عليه بلباب جان شفته
ادم.لا ماكو احد بلباب هس اخابره وانت بعد لاتطلع بحدك مفهوم
سند.رحت الزم البزونه بس شردت
رسل.عزا بعينك وعين البزونه
عسل.شوي وطبو الشيخ وقسور
الشيخ .هله ابو قائد
ادم .هله بيك شيخنه
قسور.نعلاا اهلك تكسرت وانه ادور عليك شكد عله انت
الشيخ.طالع عليك وانت انه شكم مره منبهك لاتطلع وتمشي بحدك
سند.نسيت
الشيخ.رحم الله والديك
ادم .والديك يابه شسالفه يله صارت هل مره انتبهو شنو عمتي وين
الشيخ .بيت عمي ابو اسر
ادم .ها خوش تروحون هناك
الشيخ.قسور راح يروح
ادم.زين جا انه رايح هناك ويا في امان الله
الشيخ.الله وياك
قسور.امشي الارعن
سند.اروح
الشيخ.روح هوس وين
رسل.بغرفت عمي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!