زمهرير الاوجاع الفصل الرابع والعشرون 24 - بقلم قدر ال هاشم

زمهرير الاوجاع..
حفصه الهاشم..
صلوا على نبينا بنوتات ولاتنسون النجمه ما اوصيكم بعد هههه

ــــــــــــــــــــــــــــــ

قدر..

ابو فراهد // عمي رأيها مو مهم خلي نزوجهم ونفضها هوه الرجال من زمان رايدها على شنو نطول بالسالفه.
اوس// لا يابه شنو هاالكلام حتى الله ما يرضاها نسأل علياء وناخذ برأيها خوما الزواج غصب

شال ابو تيلفوناته وطلع وهوه يجاوبه // خوش فض السالفه دنرجع خبر للعالم.
ام فراهد// هسه اني احجي وياها واقنعها والله ازاد خوش ازاد شعدها متوافق.؟ كام اوس وهوه يجاوبها// يمه انتي اكعدي اني احجي وياها هيه مو مال تقنعيه تريده هاهيه ما تريده نرجع خبر للعالم ما تريده ونفض السالفه.

طلع اوس وهوه يروح لعلياء.. والله ما اعتقد تقبل اذا هيه تريد تحطله سم بالجي للرجال انوب تزوجه يجوز تذبحه بالعرس وتخلص منه. وطلع مثل ما توقعت علياء رفضته رفض قاطع. واوس هم ما ضغط عليها .. بس فراهد وامها يريدون ينطوها على والله خوش رجال وماعرف شنو هوه صح خوش رجال افتهمنه بس بعد هيه رفضته خوما نجبرها.! رجعوا خبر لخالهمَ انو رفضوا والبنيه ما تريد تزوج وماكو قسمه وخاله اتفهم الموضوع بكل رحابة صدر.

.......

اوس// يلااا قدرر شنوو نمتي وللج راح يأذن تحرركي.
نزلت بسرعه اني شنو ذنبي اذا المطبخ مكلوب رأساً على عقب وعمتي ماخلتني ابدل الا انظف المطبخ.. اليوم جمعه وكالعاده لازم نروح لبيت عمهم هايه عادتهم على مدار سنوات..

قدر// يلا كملت. أشرلي امشي كدامه بالسويج مال سياره كلامه كله امر بأمر اوس// اطلعي كدامي داشوف ..شعندج هيج متأخره .؟ مشيت كدامه واني اجاوبه// اي غير نظفت المطبخ يلا بدلت خوما بأيدي تأخرت..

ركبنه بالسياره وعمتي ام فراهد وعلياء دينتظرونه.. ام فراهد// ها خاتون شعندج هيج تأخرتي اليسمعج يكول رايحين لحفله شجنتي تسوين الله عليج ..جنتي تخلين مكياج مو.؟ قدر// لا والله خاله ما احط مكياج بس على ما بدلت.
علياء// اي صدكنه صدكنه. اوس// يلاا عاد مصار شي سدووا الموضوع.

......

سكتنه بس الوضع بيناتنه متكهرب هنه ماسولي شي بس من الكلام والنظرات هيج احس. وصلنه لبيت عمهم واوس خطيه متأخر على صلاة الجماعه من ورايه هههه يلا عادي خلي شويه يتحملني ..

كالعاده بدينه شغل لازم نصبلهم الغدا من يرجعون من الجامع رأساً واذا تأخرنه تكب العيطه وماشالله هم كولهم ولد يوسف يرفع واخو ساهر يكبس.تساعدنه اني وام يوسف وعمتي على الغدا.. اول ما اجوي صبينالهم علياء متقاعده من العمل .. شكد اني يمهم ماشفتها تشتغل ابد كوله لو امها لو من تروح يم عمهم هبه تشتغل لو سهند.

بقينه كاعدين يمهم للعصر والحجيه بيبيتهم صح كلامها يرفع الضغظ هههه بس احس بيها حبابه ماعرف يجوز لان اني احب العجايز..!
نادره// تعالي انتي يالمعصعصه هذا الضعف كله من زومج هذا اعرف بيج عجينة ايدي. علياء// ياا بيبي قابل هسه شمسويتلج بعدين هاي رشاقه مو تعصعص. نادره// خفة لهالبوز لا ترادديني يملعونه جيبي هذا التفون مدري شسمه شوفيلي سهند وينها اريدن احاجيها.

عبد الجبار// حجيه هسه اني اخابرلج عليها. نادره// اككعد اكعد واستجن لا بارك الله بيك ما اريدن مخابرتك تحركي ولج عليوه.. علياء بصوت عالي// بيبي مو سهنند ما موجوده هسسه اربعه وعشرين ساعه لو بالكليه لو بالجااامع..

عدل كعدته وسألها بأستغراب عبد الجبار// ياا جاامع هذا.؟!
علياء// هههه عمو هذا جامع صاير يم بيتها تكولي كل ما اضوج اروح هناك تصلي وتدعي خطيه والله يجوز ما متعوده على فراكنه ههههههه عبد الجبار// جامعهم الي بالفرع الثاني ورا بيتها علياء// اي هوه يجوز هوه والله.

قاطعهم يوسف وهوه يخنزر على علياء// اي عمي شكوو بيها مو احسن ماتكعد لا شغله لا عمله تروح تصلي وتذكر ربها احسن من الحش والنش.

كام عمهم وطلع من الهول وهوه يجاوبه بكلمه وحده// خير انشالله..
علياء //ياشبيك يوسف هيج تباوعلي عبالك ماكله عشاك؟ جاوبها وهوه بعده على نفس الكعده شابك ايديناته بحضنه ومنزل راسع ورافع عيونه عليها بخزره يوسف /// شوكت تبطلين سوالف الزعطه ولج؟ شنو متكبرين انتي عقلج هذا المطي ميعقل؟ !!

فراهد /// هوب هوووب اشو رحت زايد شبيك قابل هسه هيه كفرت شسوت هيج تغلط عليها
يوسف // وانته منو حارك حمامك حجيت وياك شي؟ لا ادخل نفسك بسوالف متخصك
فراهد /// انته اشو حيل رافع خشمك يوسف افندي شويه احترم ابن عمك واكبر منك
يوسف /// هوه انته دحترم نفسك علمود العالم تقتنع تحترمك

اوس///// هيييي اشو سويتوها بلا ملح شكو؟ مو تشوفونه كاعدين انطو حرمه لبيبيتكم. جاوبتهم الحجيه وهيه تهز راسها وعاقجه ملامحها بأنزعاج ///مايستحون ما يستحون. ترباة عبد الجبار بعد.

بقوا طول الكعده علياء وفراهد ويوسف يتناطحون بالنظرات. وعمهم بعد ما اجه كعد يمنه بس الظاهر من شكله عصب. للمغرب ورجعنه للبيت كالعاده صعدت فوك بين ما غيرت ملابسي وغسلت صاحت عليه عمتي ام فراهد نزلت عليها جانت كاعده بالهول واوس نايم بحضنها وهيه تلعب بشعره طفل خوما طفل ههههههه

منظره يضحك شكبره شعرضه نايم بحضنها قدر // نعم عمه صحتيني؟ جاوبتني بدون متباوع عليه اصلا /// اي امشي سويلنه عشه قبل لا يجي عمج
قدر // صار

فتت للمطبخ محتاره شسويلهم قبل يومين گليتلهم بتيته وحطيتلهم لبن وكباب بالطاوه گليته (عروك طاوه ماعرف شسمها) سويتلهم هيج لان هوه العشى اصلا لازم يصير خفيف خوما اكعد اطبخلهم دولمه لو باجه ومن صبيتلهم العشه عمتي استلمتني اكس مربع التنبل الجايفه وماعرف شنو يابه شكو؟ !!

تكولي شلون تخليلنه هيج عشه بلا شسويلهم لعد قوزي! !

فتحت الثلاجه وصفنت على الثلاجه. ثواني واجه للمطبخ هوه قبل ما يجي عطره يسبقه ليش يسبح بالعطر سبح ما اعرف!
ما اهتميت سويت نفسي داشوف شنو بالثلاجه وهوه يطركع بالبوب مال الكاونتر عود شوفيني ترا اجيت . شويه واجه ورايه خله راسه على جتفي اوس//قدري صايره طرشه حبيبي مو!؟ وخرت من يمه بتوتر وسديت الثلاجه /// ههه لا بس مجنت منتبها باوعت عليهِ رافع حاجبه بعدم تصديق هههههه عادي هوه اذا اني ما مصدكه بكذبتي

سحب كرسي وكعد عليهِ طلع باكيت الجكاير واخذ وحده و ورثها وهوه يباوعلي اوس // ايي بشنو مشغوله ليش! بمنو دتفكرين؟
قدر // بالعشه. جاوبني بأستغواب وحواجبه معقوده // منو هذا العشه! ؟
قدر /// ههههه اقصد افكر شنو اسوي للعشه كام اخذ جكايره وهوه يجاوبني // يااابوويه جنج على العشه هسه اجيبلج من برا مو تدلل غدري ..

مشه من يمه وضرب جتفه بجتفي! هذا الرجال صاير حيل مستهتر!
بس الحمدالله خلصني من سالفة العشه بقيت كاعده بالمطبه انتظره همه موجود مطعم قريب عليهم عشر دقايق مشي
شويه وفاتت عمتي ام فراهد // اتصخمتي وينه الزقنبوت! ! قدر // عمه اوس كال راح يج
ام فراهد // يجيب من برااا مووو ؟؟
قدر // اي عمه

ام فراهد /// وعممه اليعميج كولي امين جم مره ادزج اتسوين عشه لو وجبه وتروحين تتمسكنين على ابني ويطلع الولد وهوه تعبان يشتري عشه هاااا؟ ما تستحين انتي كومتي الولد بهالليل علمود يجيبلج عشه من برا ..
قدر // عمه والله هوه كال اني اروح والله ما كتله

جاوبتني بعصبيه وهيه تدفعني برا المطبخ // كلكاله اتهدم رحيج. ولي من وجهي وجه الفكر ولييي ماريد اشوفج
فراهد // خير شصاير
ام فراهد // شصاير يعني لفيناها يمنه وطلع لسانها اطول من لشتها.

عفتها جوه تصيح وتغلط عليه وصعدت فوك بسرعه وحابسه البجيه بالگوه مره من علياء مره من امها مره من اوس وين وصلج القدر يا قدر.
شمرت نفسي على الجربايه ودموعي عبالك. شلال صارن مشتاقه الاهلي لأمي. صايره على اقل موقف يصير ويايه اذكر اهلي واكعد ابجي من صدوك تعبت كل هالفتره لا خبر لا يسألون معقوله؟ !!

نص ساعه تقريبا وصعد اوس غطيت راسي سويت نفسي نايمه مابيه حيل مشاكل وتحقيقيات اوس // قدرري اشو نايمه والعشه المن جايبه ولج بس لا لابويه. ؟!!

ماجاوبته بقيت مغطيه راسي حسيت عليهِ كعد بصفي على طرف الجربايه سحب الغطه عن راسي بس اني رجعت لزمته قوي جاوبته. والخنگه ظاهره على صوتي // ابو رامي عفيه نعسانه واريد انام
ولا كأنو حجيت ويا سحب الغطه من راسي وسحبني من ايدي. علمود اكعد نزلت راسي علمود لا يشوف عيوني ويعرف جنت ابجي لايروح يسوي مشكله وانوب عمتي تكرهني بالزايد

اوس // شوو تعالي احجيلي شبيج. ؟
نزلت راسي ودفعته // مابيه شي والله بس نعسانه شويه

سحبني عليهِ ورفع راسي من يم حنجي وهوه يحجي ولا كأنو اني حجيت ويا // شو شبيها عيونج؟ ليش حمر جنتي تبجين! ؟
قدر // لا هاي لانو نعسانه؟

باوع عليه ورفع حاجبه بأستهزاء // لان نعسانه مو؟ ولج حقيره هاي العيون حفظتهن حفظ من ينعسهن شلون يصيرن ومن يفرحن ومن يضوجن جايه هسه تفرين عقلي بكلامج هذا؟ ليش جنتي تبجين

باوعت عليهِ وسكتت شوكت لحك يحفظني اشو اني لهسه اتيه ملابسه وين عاد مو احفظه
مسح ابهامه على خدي وهوع يحجي بهدوء // كوليلي باباتي منو وياج ليش هالبجي؟

هوه كال هيجي لو عبالك كالي تعالي ابجي بالزايد .. من غير وعي مني دفعت ايده وشمرت نفسي بحضنه وكعدت ابجي يجوز طلعت حركة گلبي كلها بالبجي من كالي هيج تذكرت ابويه وهيبته صح هيبه ويجوز تكولون عليهِ ظالم بس هذا ابويه سندي شوفو حالتي هسه بلا اب ولا اخ لا سند يحمي ظهري ولاهم يحزنون

هوه من شافني هيج ما كال لا هم حضني وكام يمشي ايده على ظهري ويحجي ويايه // يا ياابه هاي هيج ظالمج اني علمود تبجين بهالحركه هاي ..؟ بس كوليلي منو وياج قدري الا اشعل والديه جاوبته وصوتي ميفهم من البجي // محد. .. محد. وي ويايه.

اوس // هاي محد وياج وهيج .. علياء ضوجتج بشي لو امي لاتخافين احجيلي لازملج ساطور هسه اني؟
وخرت من حضنه بسرعه واني امسح دموعي // لالا والله ما الهم دخل بس اني شويه ضايجه والله.

انطاني كلينس وهوه يحجي ويايه عود ديضحكني // هاج هاج امسحي خنينتج ولو مسحتيها بيه بعد بس شنسوي ..

فتحت عيوني عليهِ بفشله // لا والله ماكو ش
اوس // اي اي ماكو شي اروح اسبح احسلي من ورا خنيناتج حتى القميص اتبلل من اصيح تعاي ليفيلي عود

كال هيج وغمز بنهاية كلامه وطلع ..
بقيت صافنه على الباب ؟ اليفله شنو؟ !! هوه اني اخويه الصغير ما فايته مسبحته انوب اليف لاوس؟ !!

غلست على الموضوع وهوه شويع وصاحني واني سويت نفسي ما اسمع وخطيه هوه يجيب ويصيح. قدر وما قدر. من طلع سويت نفسي نايمه وهوه صدك نمت لان راسي سطرني من ورا البجي.

...................

ثاني يوم هم كعدت الصبح وهوه طالع من. وقت شكد مرات انبه نفسي علمود اكعد ويه كعدته بس تاخذني النومه وهوه عبالك منبه حتى يكوم قبل ما يدك المنبه . كالعاده نزلت جوه وبين الشغل والتنظيف يخلص الوقت ماعندي شي انجاز بروتيني الانجاز الديصير ويايه هوه بس كره عمتي الديزيد شويه شويه عليه.

رحت دانظف الجوه الدرج وغرفة علياء صايره مقابيلها .. جبت المكناسه وبديت اكنس بي صاير عباره عن تراب .. جان باب الغرفه مال علياء شبه مسدود يعني ما مسدود كوله. واني دا اشتغل سمعت صوتها بالصدفه دتحجي بالتيلفون بنرفزه علياء // يعنني شسووي هاا شسووي كم مره خاابرته كممم مررره وينطيني رفض رففض ..

سكتت شويه ورجعت حجت بضوجه // عفييه هذاا اخووج شكدد حقير وراسه يااابس اجيبه للدرب يعني اجيببه هسه تشوفيين.
داطلع من جوه الدرج جان توكع المزهريه الخاليها على الدرج هيه وكعت لو انقبلت الامه العربيه.

طلعت علياء من الغرفه وجها اصفر وتباوعلي بصدمه علياء // شدتسوين هناا؟ !! دنكت دالم بالكزاز وجاوبتها // دانظف غير .. علياء // تنظفييين لو تتنسطييين عليه ?؟

قدر // استغفرر الله ليش داتنسط عليج علياء شمسويه قابل ..؟ راحت على المطبخ وهيه تصيح عليه // اصبرري اصبرري هسه اكول لامي قدر الثوله كسرت المزهريه .

وصدوك شويه واجتي عمتي تصيح خربتي البيت وخربتي البيت .. هم اخذتلها جوله بالرزايل والصياح لميت الكزاز وصعدت فوك ماعرف شغيرها هيج عليه شكد جانت حبابه معقوله البشر تتغير بنص ثانيه.

ماعندي شي كعدت اعزل بأغراض اوس واني داعزل بأغراضه لفتت انتباهي صوره امبين عليها قديمه شلتها باوعت عليها.
صوره بنيه..

بس كولش حلوه ماشاء الله عيونها نفس عيوني عيناً هههه هم عسليات
بس عيونها اغمق اني افتح

وملامحها الباقيه كولش نازكه وهادئه

قلبت الصوره جان مكتوب عليها
نور ومالكِ سرقتِ أنوار فؤادي بحسنكِ .....

ــــــــــــــــــــــــــــــــــــــ

سهند

جاوبته بتوتر ونبضات قلبي احسها راح تطلع من مكانها وتفضحني

//هههه بابا ياجامع هذا

عبد الجبار//الجامع التروحين تصلين بي

//اي اروح اصلي بي صلاة الفجر مرات ليش تسأل ..؟

جاوبني ببرود// ممنوع تروحين بعد لهذا الجامع وما اريد اي نقاش بهالموضوع..

سكتت شويه ماعرف شجاوبه..شجاب سيرة الجامع هسه بلا.؟

سهند//بابا مو اصل..

قاطعني بحده//مممنووع تروحين للجاممه كلمه وحده متصير ثنين

سهند//انشاء الله

سد التيلفون بوجهي...!

شجابه على الجامع هسه..

بقه الخوف ياكلني اكثر من التفكير اذا منعني من روحة الجامع يعني اكيد اكو شي اباله لو شاك بيه داحجي ويه سيف؟ !!
عزا عزا غير يذبحني اذا عرف بيه داحجي ويا ..

مرت ايام وصدوك الجامع بطلت كمت ما اروحله الحمدالله شوفة سيف بالكليه شويه تكفيني شويه مو هوايه اتذكر من خابرته وكتله على قرار بابا بقه يحجي عليهِ ومعصب وعاد اني وما احب انرفزه جنت اكوله يلا شنسوي هذا بعد ابويه ما اكدر اكسرله كلمه مو الا نتشاوف وهوه خطيه يجاوبني بحرگة گلب // سهننند انتتي مدحكه روحج شجاي تخربطين يولوو انه هينه وار ور وانتي تلعبين بعصابي مو هيينه هيينه يولي. يجي يوم اطلعهن كلهن من عيونج الحلوات هذني ..

سكتت ماجاوبته وهوه بس يجر حسره وره حسره صح انرفزه اني بس هم ضايجه اتعودت اشوفه كل يوم بالجامع شويه ورجع صدمني بسؤاله // يولو ابيج شوكت ينطي امانته لربه ماصار جثير شايلها ماتعب منها؟ !!

جاوبته بفزع /// يااا سييف هااي ليش تحجي هذا بابا ترا ما اقبل عليهِ جاوبني وهوه ينزك صوته عود ديقلدني // هذذا بابا ما. اقبل عليهِ تررا .... جب جبب ولا كلمه عجل انه المسموط ابيي وين اولي من ورا ابوج ابو العگل اليابس

سهند // اي عادي بس خوما تدعي عليهِ يموت اسم الله عليهِ
سيف // يوليي لا تذبيلي تهايم وين دعيت عليهِ انه .. كلت يمته يسلم امانته اخاف تعب وهوه شايلها هاي. خايف على ابيج يولي

سهند // اي اي صدكتك
ضحك هوه بخباثه // ههههههه يولي اخاف من يودع ابوج احنه نعرس جاوبته
بعصبيه // سييف لا تحجي هييج. تررا ازعل عليك والله

سيف // ياابويه من تزهگ جنها مهره والخيال الارعن ناسيها .. بويه اعتذر غير هذا عمي انشالله بالمستقبل ... انشالله طولت العمر اله لاتكولين امين لخاطري يولي

............

وهاي كل ما اخابره على اساس اني اضوجه يكوم هوه يضوج بيه وطبعاً هوه علاقته ويه يوسف مطوره ماشالله مرات اغار من يوسف عليهِ هواي يحجون سويه مرات من اخابره يطلعلي مشغوله اكوله ويه منو جنت تحجي يكولي يوسف. يوسف. يوسف اكوله روح اتزوج يوسف احسلك يكولي اي عاد ابو يرضه لا هههههه

مرت فترة الدراسه بسرعه لو يجوز لان اني مرتاحه بيها مشت بسرعه وطول هاي الفتره اني وسيف ابد ما انقطع تواصلنه كل يوم لازم يخابر حطيته من ضمن جدولي اليومي ...

..............

جنت كاعده بالصاله اباوع على فلم اجنبي بلشت عطلتنه علمود ندرس لامتحانات نهاية السنه واني گاضيتها كلها مسلسلات بين ما يجي يوسف ياخذني .. سمعت التيلفون يدك طفرت طفره يجوز جون سينا ما طافرها اخذت التيلفون وكمت اعدل بكفشتي بلكي يطلع سيف باوع على المتصل ورجعت خربطت كفشتي حرامات مو هوه. هوه خابرني البارحه يكول مسير لبغداد !!

سهند // الو ابو الصوف شلونك ??
يوسف // هلاو سوسه .. شدتسوين ؟

ماشالله اسأله سؤال يجاوبني بسؤال خطيه معذور هذا هم حال الضيم حاله ابويه ومرته العينتين مطلعين روحه علمود هبه يجيب ويركض وراهم وهمه رافعين الخشم خاصةً هاي ميقات. الحيات .. سهند /// مداسوي داشوف فلم شلونك انته. ؟ جاوبني // خوش. هذا الارعن سيف على كولته كم مره كناله انطي مجال ونرجع نحجي ويه عمي ليش ما يسمع كلام

عدلت كعدتي وجاوبته // ليش شبي سيف؟ ليش تغلط عليهِ

يوسف /// جاي على ابوج للمحل وراجع طالب ايدج. منه

جاوبته بسرعه واني احط جبس بحلكي // الله عليك. ... وشكل... وشكال ابويه ؟
جاوبني بضوجه // شمعرفني اني اجيت للمحل لكيت العيطه كابه. وهوه ركب سيارته وراح اخابر عليهِ ماكو ما خابرج

سهند // لا هسه اخابره دقيق.. واني داحجي ويا جان يخابرني سيف سديت التيلفون بسرعه حتى بدون ما اكول ليوسف باي

اول ما فتحت التيلفون صيح عليع بصوته الجهوري سيف /// سهننننددد يااا ساااقط من ويلاااد عمج نااهي عللليج ..

_____________________________________

بنوتات الي تريد تنشر. توقعاتها او رأيها على الفيس انشروا بكروب نورا ناصر. اسمه ورود وفراشات. اني هم انشر بي ♥

توقعاتكم للبارت الجاي واحبنكم جثير. يبعد الجثير واهله

حفصه الهاشم ♥♪